مصطفي سيد احمد (رحمه الله) [الأرشيف]

مشاهدة النسخة كاملة : مصطفي سيد احمد (رحمه الله)

حسام التنين

20-06-2009, 11:18 AM

البداية بالسيرة الزاتية للراحل ثم الاغاني
في الحقيقة عندي اغاني للاستاذ كثيرة جدا حابداء بانزالها ع المنتدي الغالي
وحأعمل روابط في مواقع رفع مجانية للحفلات وبالتسجيل القديم
(لو في طريقة تترفع ع المنتدي ياريت اعرف الطريقة )
حابداء بالسيرة الزاتية ثم بعض الاغاني المكتوبة وياريت لو في طلب لي أغنية محددة
(واكيد المشاركة مفتوحة لي كل الاعضاء)

بسم الله

مصطفى سيد أحمد المقبول مختار عمر الأمين سلفاب.
من قرية ود سلفاب ـ الجزيرة ـ عام 1953 م.
قدم جده الأمين سلفاب من شمال السودان ، منطقة الشايقية وأستقر جنوب غرب الحصاحيصا على بعد 7 كيلومتر منها ، وغرب أربجى بحوالي 13 كيلومتر " أربجى القديمة " والتي تقع آثارها على النيل مباشرة ، ثم تأسست أربجى الحديثة بحيث تكون القديمة بينها وبين النيل ، وكان قدوم الأمين ود سلفاب للمنطقة حوالي عام 1700 م.
وأستقر في مكان قرية ود سلفاب الحالية والتي كانت أصلاً قرية للدينكا ، أبادهم وباء الجدرى وما زالت هياكلهم العظمية ترقد تحت تراب القرية ، إلاّ إذا أخرجها حفر المطامير أو أساسات المبانى العميقة المعاصرة فتخرج مع حفنات من السكسك والخرز .
عمل سكان ود سلفاب بالزراعة المطرية لبعدهم عن النيل ولوفرة الأمطار وكان ذلك قبل مشروع الجزيرة ، وبعد قيام المشروع توفر الرى الصناعى والموروث من المعرفة بالزراعة القادمة معهم من شمال السودان لذلك كان والده فلاحاً بالفطرة ، إحتقنت دماؤه بعاطفة الأرض والزراعة فكان محصلة لها بمصطلحاتها النوبية القديمة فيعتقد فى إرتباط الحياة فى الأرض بالنجوم وحركاتها وبالرغم من أنه كان يتمرد كثيراً على التعاليم الرسمية والجدولة الزمنية التى كان مفتشو الغيط يطلبون تطبيقها ، إلاّ أنه كان دائماً وقت الحصاد يكون من أوفر الناس إنتاجاً .. ولكن كان إعتقاده دائماً أن ذلك يتم فى إطار قاموس الطبيعة .. وتكملة لهذا القاموس وإلتزاماً به كليةً كان ينفق فائض الإنتاج على المحتاجين حتى لا يتبقى منه ما يقابل إنتاج العام الجديد .. لم يتخرج فى كلية غردون التذكارية بل كان أمياً ولكنه علمنا ما ما لا نجده فى دور العلم .
ويقول مصطفى : بل أحمل فى داخلى منه الزاد الذى لا ينفذ فى كل مراحل عمرى ..
ويقول : لدى سبع شقيقات وأخ شقيق واحد توفى فى عام 1970 م ، وكان عمره سبعة وعشرين عاماً وكان يكتب الشعر ويغنى وتنبأ منذ وقت مبكر بأنى سأكتب الشعر أيضاً وأغنى أفضل مما كان يغنى .. وكان صوته جميلاً ..
وفى حوالى عام 1965 وفى مناسبة زواج أحد أبناء القرية من فتاة فى قرية " العيكورة " وفى الحفل الذى أقيم فى هذا الزواج سمعت مغنياً من القرية شارك فى الحفل يشدو بأغنية شعبية ميزت منها فى ذلك الوقت " الفريق أصبح خلا .. جانى الخبر جانى البلا .." وملامح اللحن كانت مشحونة بالعاطفة .. وفى لحظة صفا ذكرت لشقيقى المقبول ملامح اللحن والمعانى التى تدور حولها القصيدة وأخبرته أن هناك إحساساً قوياً يهزنى فى هذا اللحن وهذه المعانى وقد وافق ذلك فيه ظرفاً نفسياً خاصاً فكتب نص أغنية " السمحة قالو مرحّلة ".
أثبت هذه المعلومة إحقاقاً للحق وتوضيحاً للغموض الذى قد يحسه من لهم صلة بالأغنية القديمة عندما فاجأتهم الأغنية الجديدة .. كانت أول كتاباتى بعد أن توفى شقيقى " المقبول " وأول قصيدة مكتملة كانت فى رثائه .
درس الأولية والمتوسطة " المدارس الصناعية " وكان مبرزاً حيث جاء ثانى السودان على مستوى الشهادة الفنية ... لم يواصل فى المدارس الفنية حيث إلتحق بمدرسة " بورتسودان الثانوية " ومنها لمعهد إعداد المعلمين بأم درمان ، حيث تخرج فيه وأصبح مدرساً بالمدارس الثانوية العامة .
إلى جانب ما أشتهر عنه من ممارسته لهواية الغناء ، أيام دراسته بمدينة بورتسودان ، كان موهوباً فى مجال الرسم وفنون التشكيل ...عندما لم يسمح له أثناء عمله بالتدريس بالإلتحاق بمعهد الموسيقى والمسرح قدم إستقالته وعمل فترة مصمماً للأقمشة بمصنع النسيج ببحرى .
إلتحق بمعهد الموسيقى والمسرح وأكمل خمس سنوات بقسم الموسيقى " قسم الصوت " إلاّ أنه لم ينتظر حتى ينال شهادته الأكاديمية .
متزوج وله طفلان " سامر وسيد أحمد " له من الأخوات سبع وشقيق توفى عام 1970 م " المقبول " وهو شاعر غنى له مصطفى .
عانى من المرض كثيراً فقد لازمه الفشل الكلوى مدة طويلة " 15 عاماً" أجرى خلالها عملية زراعة كلى بروسيا أواخر الثمانينات إلاّ أنه تعرض لإنتكاسة جديدة بداية عام 1993 بالقاهرة وإنتقل منها للعلاج بالدوحة حيث ظل هناك يباشر عملية الغسيل الكلوى ثلاث مرات فى الإسبوع إلى أن توفاه الله مساء الأربعاء 17 يناير 1996م.

حسام التنين

20-06-2009, 11:23 AM

أحمد نصر
رحل النهار بضوضائه .. وجاء المساء يرفـل فى عباءة هدوئه ونسماته الرقـيقة .. كنا أنا ومصطفى لوحدنا .. أدركت أن شهيته كانت مفـتوحة إلى آخرها للبوح .. كان يتحدث عن الحب .. لم أقاطعه .. تركته .. حتى يقـف عند نقطة مناسبة ... وقلت له:
الحب ماذا يعـنى لديك ؟
* ولازلت أذكـر نـبـرات صوته وهى ترن فى أذنى قائلاً: الحب يـقـترن فى داخلى باللون البنفسج .. فيه هدوء الأزرق وسخونة الأحمر... وبتعادلهما يصير دافـئاً.
وحتى لا يفـلت مناخ اللحظة منى قلت له : (غدّار دموعك )؟
إمـتـدت لحـظة مـن الصمت .. ســـرح فيها طويلاً .. حتى خـلته يتجاهل الإجابة على سؤالى .. وهى عادته فى مواجهة بعض الأسئلة ... إلاّ أن صوته إنتشــلنى من خيالى وهو يقول :
غـــــدّار كانت نـتـــاج تجربة واقعية ... عندما كانت العواطف يافعة .. فى زمان غير الزمان .. ومــكــان غــيـــر المكان .. إشـتعل الإحساس البكر مغالطاً لترتيب الواقع والمجتمع .. وخبأ ونحن نستوحـش السير بدونه ...
- قلت له : هــــذه إجابــة جميلة .. أنا أسأل عن تفاصيل تـفـسـير .. دون الخوض فى تفاصيل دقـيقـة؟
* أجابنى : تفاصيل ليسـت للنشـر .. غير ذلك لا ..
- قلت له فـليكن .. وحكى لى مصطفى التفاصيل ... وإختتمها قائلاً: أنا أحـترم أمانتك المهنية ... فأجبته : وأنـــا أحترم ثـقـتــك فىّ..... إذن حـدّثـنى عن ( ضياع العشم ) و ( الغصّة ) الذان وردا فى غدّار دموعك.
* أجـاب : ضـيـاع العـشــم هو إنطفاء شمعة المـستوحـش ... والغصّة لغةً .. هى ما يعـترض الحـلــق عــنــد الـفجـيــعة .. وإحساساً هى المفازة التى يمتد خـلفها الطريق المعبّد !
طفولة
- فى طفولتك .. هل كنت شقياً؟
* ويعود مصطفى بخياله إلى زمن البراءة ... والشـقـاوة ، ويقول ضاحكاً : نعم كنت شـقـياً .. بل حاد الطباع ، كثير الإنفعال .. وألتقـط كل ما يدور حـولى من معلومات من الكبار .. وأتمرد عليها عندما يحدث التناقـض .
- وفى دراستك .. هل كنت ذكياً؟
* لم أكــن أحـب الإسـتـذكار الكثـيـر .. بل لم أكن أحب المقررات المدرسية ، وكنت أهرب كثيراً منها للإطّلاع الخاص .
- نـقـطة ضعف .. ما هى ؟
* المجامـلة .. والإحساس بالزمن .. حيث يكون تافهاً عند البعض.
- ومصدر نفـورك ؟
* النفاق .. ونقـص القادرين على التمام .
- ومصدر خوفـك ؟
سـباق الزمن .. حيث أن الحـياة قـصيرة .
- متى فرح قلبك ؟
* حلمت البارحة بالجـدب إخضراراً .. وبالخواء إمتلاءاً... والإنكسار شـموخاً ... والفرح والصدق يلوّنان هذا المهرجان .
- هذه أفـراح الحـلم .. فأين أفــراح الواقع ؟
* يا صديقى .. تـتـداخـل أحـلامى مع واقـعى لأبـقى ..
- هل تشـعـر بالسـعادة .. ومـتى ؟
* السـعادة هى الرضاء .. والرضاء لا يـتوفـر فى الأزمـنة العجـفـاء .. بـل فى تـلك التى تمـتلىْ مشاركةً .. وتوافـقاً .. وإنسجاماً ..
- ما الذى يشعرك بالإضطّهاد ؟
* عندما أحس بأننى قادر ... وأشعر أن الآخرين يقـفون حائلاً بينى وبين إستطاعتى .
- هل صحيح أن الوعود ..أرخص هدية تـقـدّم فى الأزمات ؟
* أنا شخصياً لا أحب الربت على الكتف.
- قلت له : المرأة .. هل ملهمة عاطفة أم شريك وعقل ؟
* العاطفة والعقل هـما الإلهام الذى يفجره الإنسان .. رجلاً كان أم إمرأة ..
- المرأة أم الرجل .. أيهما أصدق فى الحب وأوفى ؟
* كلاهـما صادق إذا تـوفـر التوافـق والإنسـجام .
- وفى الكراهـية؟
* كلاهـما أيضاً أصـدق فى الكراهية .. حيث أنـهـما دائماً واتـر .. ومـوتـور ..
- هل توافـق عـلى أن وراء كـل رجـل عـظـيـم .. إمرأة تـعـذبـه ؟
* هـذا إذا كـان مـعـدن الرجل لا يـجـديـه الـطـرق الا ..وهو سـاخـن .
- سلاح المرأة مع الرجـل من وجهة نـظرك ؟
* هو الخيار الوحيد الذى تركه الرجل فى يدها ..
- وما هـو ؟
* السلاح الذى تستعمله !!
حـــــرمـــــــــان
- المرأة تـذبـل إذا فـقـدت الرجل .. الرجـل ماذا يحـدث له إذا حـرم من المرأة ؟
* يـجـف فيه نـبـض الإنسـانـيـة .. ويـصـيـبـه القحط العاطفى .. وخواء المشاعر .. ويتعاطى الحياة كما لو كان يسف نشارة الخـشـب .
- هل سبق أن شعرت بملل .. وأنت تـتـحـدث مع إمـرأة جـمـيـلـة ؟
* عـنـدما تـعـطـيـنى الإحسـاس بأننى أتحدث إلى دمـيـة فى إحـدى فـتريـنـات شـارع الجمهورية !!
- المـرأة المـثـقـفـة .. فى بـيـت الـزوجـيـة .. ماذا تـعـنى ؟
* تـعـنى إمـكانيـات إنـسجام عـالية إذا أقـر الطرفـان مبـدأ التوافـق .. وليس التطاول .. حيث يستحيل الأخير .
- متى تطلع الشعيرات البيضاء .. فلى قلبك ؟
* عنـدما يـتـضاءل إحساسى بالحب .. والحياة.
ـــــــــــــــــــــــــــــــــــــــــــ
وقبل أن تغادر شهيته المفتوحة للبوح - على آخرها - أدرت دفة الحوار إلى منحى آخر .. وقلت : من هم مماليك هذا العصر كما تعتقد ؟
* هم اؤلئك الذين حولوا مقدرة العطاء إلى الأخذ فقط .. وإمكانية المشاركة للإستغلال .. وأفرغوا مفردات اللغة من مضامينها ومحتواها .
- البطل .. الديمقراطى .. الفدائى ... كيف تراهم من وجهة نظرك ؟
* البطل هو أكثر الناس عطاءاً للناس ... الديمقراطى هو الذى إستطاع أن يعالج نفسه ويصححها من عيب وخطأ تربوى وتاريخى ... أما الفدائى فهو الذى ينكر ذاته حقيقةً.
- قلت له حدثنى عن معان تنبع فى دواخلك تجاه الجمال .. الغيرة .. الحقد .. الخيانة .. الأخلاق .
* الجمال فى شىء قليل عنه كتب هـيـغـل كتاباً ... الغيرة أشواك لثمرة طيبة .. الحقد إتساخ للداخل .. الخيانة ماقلته عن الحقد بإضافة حسابات مختلفة ... الأخلاق نداء يصيح فى دواخلنا ( تماسكى هذه الأشياء.... ما حان زمان التساقط ) !!
- الخطأ الذى لا يغتـفر فى وجهة نظر مصطفى .. ما هو ؟
* ما لا أستطيع أن أجد له موقعاً فى دائرة تسامحى ....

مهيد ود السفاح

20-06-2009, 08:08 PM

الصمت في حرم الجمال جمال

مهيد ود السفاح

20-06-2009, 08:19 PM

الرائع TININANA وهنا ايضاً قمة سامقه
http://www.wadmadani.com/html/try/nash083.htm

http://www.wadmadani.com/up/pic/MUSIC.jpg

وبيني وبينك سكت وغلبني السكات
مشكور كتير ونحن في انتظار المزيد

أحمد عمر ( MOODY )

20-06-2009, 08:34 PM

في إنتظارك .. يا حسام
للتوثيق لمصطفى ود سيد أحمد المقبول

حسام التنين

20-06-2009, 08:39 PM

الصمت في حرم الجمال جمال

والله ياود السفاح الجمال من مدني ولي مدني واهلها الكرام
مشكور اخي..

حسام التنين

20-06-2009, 08:42 PM

مشكوووور moody لكن التوثيق مامقتصر علي انا بس ياريت القي اضافات

حسام التنين

21-06-2009, 12:16 AM

هردت لهاتى

محمد الحسن سالم حميد
سني على النضال .. أيدي
سوكي بالهتاف فمي
شوارعك لي دويها على ..
إذا ما آخر العلاج الكي
مراويدك حمر يا أمي ..
هردت لهاتى بالغنوات
وقت يبرد حشاك يا أمي ..
من التعب البلا صالح
تفوقى تروقي تنجمي
تسوى مكانسك المطره
تضوي البيت وتنجمي ..
تمرقي صبوحة للجيران
قدح فوق ايد وفى ايد المى
يلاقوك شفع الكتاب نضاف وظراف بلا النسمى
يغنولك غناوى الساب
وفى بيوضة مافى سراب .. جبال كجبى وفيافى الكاب
تفيض بالخضرة منقسمه .. فيافي الصى وبيوضة ..
البراسيم فيها مطلوقة..
خضارها يرارى شوف عينى
على الأبواب طواريها .. وحواريها .. وقماريها..
بقت روضة ..
بقت تشرب من الحامداب ..
تشوفوا رهاب بعد نجمي ..
اشوفو قريب .. قرب نضمى
واشوف العالم التحتاني ..
هيلا هوب وقف ناهض وهد عمايد الفوقاني ..
جوه الجب رمى العارض
وفى السابو الدمار افراد ..
عريق الحب نبض قابض
متل قبض الحروف اسمى .. غناوينا القبيل رقراق
علينا تصب برد قارص .. وادوبى لهاتى بالغنوات
عقب يبرد حشاك يا امى ..
وطنى ولا ملى بطنى
سكاتى ولا الكلام الني .. بليلتي ولاضبايح صي
قليلتي ولا كتر سمي .. سلام يا امي سلام يا امي
سلام لا هكمي لا دكمي .. سلام يا امي سلام يا امي

حسام التنين

22-06-2009, 08:20 AM

حسام التنين

22-06-2009, 08:23 AM

عشم باكر

فى عينيك عشم باكر
وزغرودة بتزف لى الناس
خبر زمناً جديد مولود
لقيت غيرك .. بضيع إسمى
وبقيت أنا حى .. وزى مفقود
*******
لاقينى يا عشقى الخرافى
لاقينى قبال الزوال
لاقينى فى كل المرافى
زخات ربيع .. وفرح قوافى
وإنشرى فى حزن السنابل
غيمة يا كل المشاعل
وأمشى قبّال الصباح
وزعى الطل للأزهار
وأبقى يا شوقى الخرافى
خبر .. وضمى شقا الفيافى
*********
لاقينى يا شوقى الخرافى
لاقينى قبال الزوال
غنوة من أزمان بعيدة
طالعة من صخب الدميرة
تلقينى راجيك فى الأماسى
وفى المراسى
.. وفى الملفات الخطيرة

حسام التنين

22-06-2009, 08:26 AM

علمى عيونى السفر

علمى عيونى السفر
ما البسافر فى عيونك
سكتو بتبقى السلامة
ينسى أحزانو .
ويعرف الدنيا جنبك إبتسامة
ظللى الناس بى حنانك
أبقى ليهم ضل غمامة
*********
الشقا اللاّزمنى .. مدة
يوم بفوت .. والفرحة تبدا
ما بقول .. فارقنى عدّى
عشان بخاف ترحل عيونك
وتنهزم فينى الأمانى
وبى شقاهو .. وبى أساهو
تانى يتوشـّح زمانى
أصلو غير عينيك .. وحاتك
مافى للأفراح .. معانى
********
جينا ليك شوق فى عيونـّا
وفى عيونك شوق يناغِم
الشجون باكر بترحل
والزمن يصفا .. ويسالم
والحلم يصبح حقيقة
وتنسجم فى الحب ظروفو
والحنين تزهر غصونو
والعشم .. دانيات قطوفو
شوفى كيف يوم بكرة .. عامِر
هاتى إيدك .. شان نطوفو

حسام التنين

22-06-2009, 08:26 AM

رجعلك قليبى

رجعلك قليبى المهضلم
يراجع صنوف الغناوى .. العصيـّة
يراجع معاك الكلام القبيل إستباكْ
الكلام المبهرج وفاضى
الكلام المزيف
وما فيهو غير إحتلام وإنفصام
تموت الحروف .. يوم تقوم القصائد
مقام الطبول والبخور
**********
بشوفك جرايد شواكر حوامِد
ولا هامِّى فيها
عليها المصايب .. تمام التمام
مغايص بتفرم حشاها
وغباين بتنفُخ بطون البسفـّوا التراب
وحايح لهيب البتنفح .. تلهْـلِبْ .. وتشوى الجلود
أتف القصايد
إذا ما القصايد دايرة ليكى البكا
البصاحب رِضا السرِّدار
وأتف القصايد
إذا ما القصايد بتنزل مريدة
وتسبِّح بحمد الذى إبتلاكى
.. وهدانى الودار
********
طريتك وأنا الكنت قايل
خيالك معشعش جوايا
سكنتك .. وما لاقى فِجـّة
أخيرلِكْ أقول البحرِّق حشايا
أخيرلِكْ أفضفِضْ جراب الخبايا
أقول الكلام البفكك سوارك
يوقـِّف جدارك .. ويرفع عضايا
تضيع الرموز التغطى الكلام
أقول السكاكر .. أبتنى ورمتنى .. وكفانا
أقول العساكر .. تبارِى الكبارى
تفتش قلوب الجُهال الشلوخهُمْ .. هويّة
وأغنى الزيود .. والكنانة
كِضِبْ
أقول البنات البفتْحَـنْ صِدورْهِن
يقالدن رشاشك .. ويخلّنْ حبيبهِنْ
كِضِبْ
************
مُراحك .. يعشِّى .. ويفشِّى
خدارك .. يرطـِّب .. يندِّى الضَهَارِى
تُرابَك يبوسِبْ .. يقوِّم دُخُن .. لو زرعتوا الحجارة
وِلادكْ .. بِلادك .. كروها السَّحالى
تسفِّر سعيتك
تقنِّب تبارى الجداد العُقالى
تجوع يا البشدِّر خريفك سفافى البطانة
ويمطِّر رزازك .. عزازاً حصاية
وقموحك سنابل مُشاط كردفانى
***************
وِلادك قُصادك .. شُعاع التحايا
يضووا الشقوق التَّلِم الدوابى
ويورّوا الدروب لى القلوبهم عمايا
عرقهم حُبالك .. وصوتهم مشانق
تلم الدقون الكبيرة
وتحدِّر فِقَرْ .. سمنتها اليالى الضليمة
بتهدر حرايق .. وتحمى البياكلوا المطايب
وتسجن بطون الجياع .. العرايا
وشوشهُم سُمُر .. حَر أباطك
صفوفهُم مقامك .. وحِلمك حِلِمهُم
رغيفة وكرامة .. وسلامة
مصانع بتحرق قبُل تبدا فيها
مزارع بتيبس
ونيلك ممدَّد جنازة
وعقيدك .. وسِيدك .. بيكتب ويمحى
وتبقّ المحاية

حسام التنين

22-06-2009, 08:27 AM

سطوة محاسنك

كان نفسى أقولك من زمان
بى الكاتمو فى سرى .. ومكتـّم فى حشاى
مدسوس سنين
بى الشايلو فى عيني معزّة
وفى القلب
ريداً يخاف الغربة والشوق .. والحنين
زاملنى زى خاطر الفرح
وكتين يقاسم الهم .. عزا
وكتين مدامعى تكون جِـزا
وتفتح مباهج الليل .. ظنون
**************
كان نفسى أقولِّـك من زمان
سطوة محاسنك عندى ما كسرة ..جفون
وكت العيون تعبرنى زى خاطر المسا
سطوة محاسنك ما الرخام .. الفى الحرير
وكت الثغير يفجعنى
بى حرفاً .. قِـسـا
سطوة محاسنك عندى وكتين كبريائك ينهزم ..
لى طيبتى .. بى لفظة حنان
وكتين مشاعرك .. تنسجم فى عمرى
تنفح قلبى بى رعشة أمان
سطوة محاسنك عندى
وكتين شوقى يصبح فى هواك
ليل عزّة
ما بتعرف هوان
***************
كان نفسى أقولك من زمان
عينيك وحاتك غربتى .. وأهلى
وبلادى الفيها ضايع لى زمن
عينيك وحاتك شوقى لى زولاً ولوف
من بعدو ساب عينى .. سهن
وانا كنت داير من زمان
أشرح حكايتى معاك ألف
أحكيك .. وأزيد القول .. إلِفْ
وأتمنى لو قلبك عرف
كان من زمان
من قبل ما فى قلبى يتحكـّر
زمان الغربة فى جرح الأسى
من قبل ما حرف الحقيقة الحلوة
.. يتبدل عسى
ويصبح أمانى كسيرة
.. فى خاطر الحنان

مـجــيد

22-06-2009, 04:45 PM

رحل النهار بضوضائه .. وجاء المساء يرفـل فى عباءة هدوئه ونسماته الرقـيقة .. كنا أنا ومصطفى لوحدنا .. أدركت أن شهيته كانت مفـتوحة إلى آخرها للبوح .. كان يتحدث عن الحب .. لم أقاطعه .. تركته .. حتى يقـف عند نقطة مناسبة ... وقلت له:
الحب ماذا يعـنى لديك ؟
علي لسان قاسم ابوزيد
مصطفي سيد أحمد كائن مستقبلي ضل طريقه الي الحاضر
شكرا كتير للمساهمة الثرة
تحياتي للجميع

أحمد عمر ( MOODY )

23-06-2009, 09:02 AM

مشكوووور moody لكن التوثيق مامقتصر علي انا بس ياريت القي اضافات

تعرف يا حسام البوست ده سبقتني بيهو بيوم ليس إلا
لأنو من فترة طويلة كنت بحاول أشارك محبي مصطفى سيد أحمد
بعرض أشعاره .. وأغانيه
فقط إحترت في كيفية العرض لأنو عندي الحاجات دي مكتوبة بخط اليد
ولو ربنا سهّل إن شاء الله بستعرضها معاكم
وهسه إن شاء الله ما بقصّر معاك بالكتابة

أحمد عمر ( MOODY )

23-06-2009, 09:28 AM

الشوق من حاطف لا قاطفْ

الشوق من حاطفْ .. لا .. قاطفْ
إتلمَّ يهز ليك .. يا نوراى
يادرقة وسيف
يا حضناً .. كيف
من شر الصيف والشتا .. ضاراى
يا شعلة عِـز .. بقـّت جوّاى
عدّت بى ضلام بحراً عاصف
...................
يا بت العرب النوبية
يا بت النوبة العربية
بى فردة نخوة .. بجاوية
أو شدر الصحوة .. الزنجية
دسينى من الزمن الفارغ
من ريح المتعة .. الوقتية
من شر الساحق والماحق
بين دبشْ المدن .. المدعيـّة
والليل إتحكـّر بيناتا
كحـّل بى دبشو عويناتا
يا شمس الناس .. المنسية

الجوع .. العطش الفدّ واحد
الفقر الضارب زي سوسة
الخوف .. و الحالة المنحوسة
يا بحر الحاصل لاك ناشف
لا قلمي الفي إيدي .. عصا موسى
الناس عوجات .. تحرس ترجي
ترجعبو سلاح .. و أنوار زينة
بنبان تواليت .. دافات ويسكي
للناس الدّمنّا .. بنزينا
فقرا .. تسترزق مِن دينا
يا بت الناس الصالحين
الزمم المشرية .. الصالحة
شتّان ما بين دينك وبين دينا
يا نورة شليلك ما فات بي عدلو
شليلك جاييك بتزّود من غلبك
القمر الطيب يفضحني
تنبحني .. سجونك وآهاتا
كجّنّا سجونك .. لولاك
منعول الزمن الخلّاك
سلّمت الوطن .. الهمباتة
على كيفك بتحلم
يا سوس دقنك ما بتعلم
بي حال البيتألم و ساكت
يا حال الساكت وبيتألم
بتفتق جرحك .. يوم تبرا .. تتلمّ
وقيدك يتحطم
وين عادك هارب من بكرة
و خطو التاريخ البتقدم
رغماً عن عنت الأيام
و الزمن جهجاه الفاجع
بي النفس النّازل .. و طالع
و لا واحد من شعبي .. مضارع
سمّيت و مشيت .. وما متراجع
ترتالا .. تكوسا في الجيّة

أحمد عمر ( MOODY )

23-06-2009, 09:55 AM

رجعلك قليبى

رجعلك قليبى المهضلم
يراجع صنوف الغناوى .. العصيـّة
يراجع معاك الكلام القبيل إستباكْ
الكلام المبهرج وفاضى
الكلام المزيف
وما فيهو غير إحتلام وإنفصام
تموت الحروف .. يوم تقوم القصائد
مقام الطبول والبخور
**********
بشوفك جرايد شواكر حوامِد
ولا هامِّى فيها
عليها المصايب .. تمام التمام
مغايص بتفرم حشاها
وغباين بتنفُخ بطون البسفـّوا التراب
وحايح لهيب البتنفح .. تلهْـلِبْ .. وتشوى الجلود
أتف القصايد
إذا ما القصايد دايرة ليكى البكا
البصاحب رِضا السرِّدار
وأتف القصايد
إذا ما القصايد بتنزل مريدة
وتسبِّح بحمد الذى إبتلاكى
.. وهدانى الودار
********
طريتك وأنا الكنت قايل
خيالك معشعش جوايا
سكنتك .. وما لاقى فِجـّة
أخيرلِكْ أقول البحرِّق حشايا
أخيرلِكْ أفضفِضْ جراب الخبايا
أقول الكلام البفكك سوارك
يوقـِّف جدارك .. ويرفع عضايا
تضيع الرموز التغطى الكلام
أقول السكاكر .. أبتنى ورمتنى .. وكفانا
أقول العساكر .. تبارِى الكبارى
تفتش قلوب الجُهال الشلوخهُمْ .. هويّة
وأغنى الزيود .. والكنانة
كِضِبْ
أقول البنات البفتْحَـنْ صِدورْهِن
يقالدن رشاشك .. ويخلّنْ حبيبهِنْ
كِضِبْ

عريب الجزيرة الببيعو الزيوت
ما شروك .. و فروك .. و ختوك التراب
عقال الجزيرة .. المدلدل لغودهم
قِرب ود ربيعة .. المودك بطونهم .. مراتب قطن
نواعم جلودهم .. بنات مونت كارلو
الجواهل جوالك .. ضنب عمو سام

************
مُراحك .. يعشِّى .. ويفشِّى
خدارك .. يرطـِّب .. يندِّى الضَهَارِى
تُرابَك يبوسِبْ .. يقوِّم دُخُن .. لو زرعتوا الحجارة
وِلادكْ .. بِلادك .. كروها السَّحالى
تسفِّر سعيتك
تقنِّب تبارى الجداد العُقالى
تجوع يا البشدِّر خريفك سفافى البطانة
ويمطِّر رزازك .. عزازاً حصاية
وقموحك سنابل مُشاط كردفانى
***************
وِلادك قُصادك .. شُعاع التحايا
يضووا الشقوق التَّلِم الدوابى
ويورّوا الدروب لى القلوبهم عمايا
عرقهم حُبالك .. وصوتهم مشانق
تلم الدقون الكبيرة
وتحدِّر فِقَرْ .. سمنتها اليالى الضليمة
بتهدر حرايق .. وتحمى البياكلوا المطايب
وتسجن بطون الجياع .. العرايا
وشوشهُم سُمُر .. حَر أباطك
صفوفهُم مقامك .. وحِلمك حِلِمهُم
رغيفة وكرامة .. وسلامة
مصانع بتحرق قبُل تبدا فيها
مزارع بتيبس
ونيلك ممدَّد جنازة
وعقيدك .. وسِيدك .. بيكتب ويمحى
وتبقّ المحاية

أخي الرائع حسام إسمح لي بإضافة المقطع الناقص

أحمد عمر ( MOODY )

23-06-2009, 10:11 AM

حسام التنين

24-06-2009, 03:19 AM

تعرف يا حسام البوست ده سبقتني بيهو بيوم ليس إلا
لأنو من فترة طويلة كنت بحاول أشارك محبي مصطفى سيد أحمد
بعرض أشعاره .. وأغانيه
فقط إحترت في كيفية العرض لأنو عندي الحاجات دي مكتوبة بخط اليد
ولو ربنا سهّل إن شاء الله بستعرضها معاكم
وهسه إن شاء الله ما بقصّر معاك بالكتابة

ياخوي البوست ده بتكلم عن انسان واحد لكن الملكية للجميع

مرحب بيك وبي ارائك

ده مامعناه انو كلامي ده كلو بكون صاااح ربما يوجد اخطاء

حسام التنين

24-06-2009, 03:22 AM

و للمصادفة وجدت بوست آخر للأخت الرائعة بت مارنجان في المنتدى الثقافي وإليك الرابط
http://wadmadani.com/vb/showthread.php?t=24517
ويا ريت لو تتوحد جهودنا مع الجميع للتوثيق للأستاذ مصطفى سيد أحمد

ايوه فعلا بس انا لمن فتحت البوست وجدت بوست الاخت بت مارنجان

وفعلا لزم تتوحد الجهود ونستادن الاخت بت مارنجان ونطلب من الاداره دمج البوسترين

ويكون الكاتب بت مارنجان ...

أحمد عمر ( MOODY )

24-06-2009, 05:00 AM

ايوه فعلا بس انا لمن فتحت البوست وجدت بوست الاخت بت مارنجان

وفعلا لزم تتوحد الجهود ونستادن الاخت بت مارنجان ونطلب من الاداره دمج البوسترين

ويكون الكاتب بت مارنجان ...

تسلم يا تنين .. و حا أشاركّم بمرثيات عن الراحل المقيم لشعراء تغنّى لهم
مصطفى سيد أحمد