مشكلة العرس شنو .....؟

[هيثم ادروب]

عزوف الشباب عن الزواج الاسباب والدوافع
يا جماعه الحاصل شنو وليه الناس خلو العرس
نود منافشة الموضوع بتروى
نسمع راى الطرفين
بنات حوا ء شباب متهرب من المسئولية منزوى خلف شماعة الامكانيات والحالة الاقتصادية وما داير يتعب
اولاد ادم بنات دايرات الجاهز عربية ورصيد فى البنك وعيشة ترف وغير واقعيات ولا يتحملنا حياة الكفاح
جيل فضائيات
وما دور الاسرة هل التعجيز ام التسهيل غالبنا التعجيز لمن يفوت الفوات
وهل مقولت ابنى عشك يا قمارى قشة قشة دخلت المتحف
ام انا الزواج العرفى وزواج المسار وزواج المتعة اصبح هو الحل لعدم المسئولية الفيهو
افيقو يا اولاد ادم ويا بنات حواء فظاهرة العنوسة اصبحت اخطر من النووى

[هيثم ادروب]

فنحن مراسم الزواج عندنا تقع في منتصف الطريق، ولكنها مع ذلك تحوي الكثير من التفاصيل، التي معظمها يدفع تكاليفها العريس، سأذكر بعضها بلا ترتيب، منها: حفل تعارف، حفل خطوبة، مصاريف غير منظورة أثناء فترة الخطوبة، قولة خير، سد المال، الشبكة، الشيلة ذاتا، فطور العريس، القيدومة/ حفل حنة العريس، حفل حنة العروس، العزومة، تأجير النادي، مصاريف الكوفير، الحفلة والفنان، تصوير الحفلة بكاميرات الفيديو، رقيص العروس وقطع الرحط، الصبحية، شهر العسل.!

ومصاريف أخرى بوبارية المنشأ ولا محل لها في إعراب الزواج، وتعقيدات منشأها الأساسي الوجاهات المجتمعية والتطاول في الأعراس.!

[هيثم ادروب]

حواجز ومعوقات الزواج التي تجابه الشباب لا تحصى ولا تعد، على الرغم من أن منشأها العطالة، إلاّ أنها يتفرع منها كثير. مع العلم الفقر ليس من معوقات الزواج الرئيسية، فـ كثير الفقراء تزوجوا بفقرهم، وأنجبوا وربّوا بفقرهم، وعلّموا أبنائهم بفقرهم، فـ الفقر ليس أُسّ المشكلة ولا أساسها، بل المشكلة من جذورها هي عدم القناعة والبوبار، والتمسك بـ تقاليد عفا عليها الزمن، وأننا في أمر الزواج لا ننظر إلى من هم أقل منا حظاً في الحياة الدنيا، ونتطلع دوماً إلى الأعالي بما يتخطى مستوى الطموح، ويدخل في مرحلة تمديد أرجل الزواج على أكبر لحاف إمكانيات العريس

[هيثم ادروب]

إذا استثنينا عقبة السكن، مع العلم أن هذه المشكلة تنشأ من العاصمة وتقل تدريجياً كلما اتجهت شمالاً أو جنوباً، ففي الكثير من مدن السودان السكن لا يمثل العقبة الرئيسية أمام راغبي الزواج، إذا تخطينا هذه النقطة، فمن الممكن أن نستغني عن بعض التفاصيل الكثيرة من متطلبات الزواج، أبونا الشيخ البرعي أسقط عنا الشبْكة، والشيلة المسببة شِبكة، ويمكن مع ذلك اسقاط الكثير من المتطلبات غير الضرورية، فكل شيء يقع بين (سد المال) و(الصبحية) يعتبر غير ضروري، ولكن قبل ذلك نقترح على أولاة الأمر، والذين بيدهم الحل والربط، أن يؤسسوا منظمة شعارها (معاً لمحاربة البوبار الضار)، وأقترح أن يكون اسمها (منظمة إقناع أم العروس بإنو الشغلانة دي ممكن تتم بأقل التكاليف)! وهذا المشروع ينبغي أن يسبقه عمل جاد، وتغطية إعلامية ضخمة، وأن يصبح فرض عين على كل بيت به فتاة على مشارف الزواج، أما في هذه الأيام، وبهذه الحالة، إذا أتيت إلى أهل الفتاة، ودخلت حتى مرحلة اجتياز معاينة النسيبة، وقلت لـ أم العروس: (نحنا اسقطنا الشيلة والشبكة)، احتمال كبير تسقّط حجرك .. وتسقّط منك العروس ذاتا.!

[أبوريلان]

هوووووووووي يا أدروب نحنا ما معاكم
شوف ناس محمد نور وعصمت والعاقب
وبلوا رأسكم ، ونصيحة ليكم إستعجلوا .

[محب]

اخي هيثم لك كل الود والتحي لفتح باب جاد فى مشكلة الشباب فى الزواج وفى اعتقادي ان المشكلة تكمن فى بعد الشباب من العادات والتقاليد السودانية
ارتفاااااااع نسبه الاغتراب للشباب
واكبر مشكلة هي العولمة وما اتت به من مشاكل اولها
خروج المراءة الى المجتمع تنطوى تحت شعار حقوق المراة
للمعلومه تعرف من اول دوله اطلقت هذا الاسم ولاي من الاسباب
هي الدولة الصهيونية هي اول من نادت بحقوق المراة والمساواة بين الرجل والمراة
نتفق ان الاسلام يحث على معاملة المراة معاملة حسنة واهداف سامية لكن الدولة الصهيونية اخذت هذا الاسم والقيم الاسلامية وحولتها الي مساواة بين الرجل والمراة فى كل الجوانب
ومن اهداف الدولة الصهيونية الاساسية هي بعد الشباب الاسلامي عن الزواااااااااااج
وهذا ما نحن فية اليوم
الزوااااج العرفى او زواج متعة وكميات من الاسامي التي تطلق على هذا ؟؟؟؟


دمت لنا فخرا

[هيثم ادروب]

اخي هيثم لك كل الود والتحي لفتح باب جاد فى مشكلة الشباب فى الزواج وفى اعتقادي ان المشكلة تكمن فى بعد الشباب من العادات والتقاليد السودانية
ارتفاااااااع نسبه الاغتراب للشباب
واكبر مشكلة هي العولمة وما اتت به من مشاكل اولها
خروج المراءة الى المجتمع تنطوى تحت شعار حقوق المراة
للمعلومه تعرف من اول دوله اطلقت هذا الاسم ولاي من الاسباب
هي الدولة الصهيونية هي اول من نادت بحقوق المراة والمساواة بين الرجل والمراة
نتفق ان الاسلام يحث على معاملة المراة معاملة حسنة واهداف سامية لكن الدولة الصهيونية اخذت هذا الاسم والقيم الاسلامية وحولتها الي مساواة بين الرجل والمراة فى كل الجوانب
ومن اهداف الدولة الصهيونية الاساسية هي بعد الشباب الاسلامي عن الزواااااااااااج
وهذا ما نحن فية اليوم
الزوااااج العرفى او زواج متعة وكميات من الاسامي التي تطلق على هذا ؟؟؟؟


دمت لنا فخرا

الاخ محب
لك التحية والتقدير علي المرور
أنا بقول أن السبب الرئيس في هذه المشكلة العامل الإقتصادي ومن ثم حزمة العادات والتقاليد العجيبة! فتحة خشم، وقولة خير، وحق أم العروس، وقطر العريس، وحق الحنانة، وحق الكوفير، وحق الزفاف، وحق النزول، وحق صاحبات العروس، وحق الشيلة، ووو إلي مالانهاية من الطلبات، بالله شوف!!

[هيثم ادروب]

هوووووووووي يا أدروب نحنا ما معاكم
شوف ناس محمد نور وعصمت والعاقب
وبلوا رأسكم ، ونصيحة ليكم إستعجلوا .

والله يا ياسر دا المجننا زاتو
لك التحية

[:@ارجوان:@]

كدا ممكن اجيب كرسي واوراقي واقلامي واجيك راجعه ابريك لمن تبقا سنت قلم

[أسمريكا]

اخي هيثم اولاً لك التحية و كل الاخوان و خصوصاً فتح الله
موضوع الزواج دا اتكلمنا فيو كتيييييييييييير لحدي ما حفظنا التعابير و حقيقة انا لا اري داعي للنقاش بل اريد منكم و دعوتكم لتبني مشروع لدعم الشباب للزواج و يكون مكون من لجنه من ابناء ودمدني في البداية ثم التعميم لكل السودان هذا بخصوص الحل العملي و ليس مجرد مشاركة في بوست في المنتدي و انا اول من يمد لك يد التعاون في هذا المشروع .
اود ايضاً ان ازف لك البشري ان غالبية الشباب و الشبات قد تعلموا و اصبحو علي دراية ان هذه الشكليات اصبحت مكلفة و معجزه و ان البنات اصبحوا يبحثون عن الشاب الجادي المجتهد و ليس
و الوارث او رجل الاعمال
اما بانسبة للاسر السودانية اصبحت اكثر حرصاً علي سترت بنتها لانها تعلم ان في هذا الذمن الزواج هو الحل الوحيد للحفاظ علي عروضها بالاضافة الي كثرة العرض و قلت الطلب علي الزواج( يعني لو ما عندك بتموا ليك)
اما بانسبة للشباب و انا منهم فأقول لهم
الزواج قرار فهل انتا رجل تستطيع اتخاذ هذا القرار ؟

[هيثم ادروب]

كدا ممكن اجيب كرسي واوراقي واقلامي واجيك راجعه ابريك لمن تبقا سنت قلم

تعالي صادة
انا منتظرك
وجاهز للبري

[esmat]

هيثم ادروب
اولاً لك التحية لطرق هذا الباب "واظنه من المهام والجاد"
لذا كنت اتمنى ان يتم طرحه في العام . ولا يهمنا هنا او
هناك طالما نصل فما ان نسمع عن الزواج او ما يندرج تحته
إلا ترانا فيه اليوم او غداً
اعجبني طرحك وتحديد المشكلة الاقتصادية في هذا الموضوع
من كثرة طلبات وتكاليف رغم الحالة التي يعيش عليها الشباب
كثرة الطلبات التي تصاحب الزواج تجعل الشاب يهرب منه إلى غيره
واقصد هنا عرفي و....أو إلى معصية. حسابات الزواج تقف الحاجز بين
الشاب والشابة فلو اتيحت الفرصة للشاب والشابة فقط لتزوجوا الان
وقدمت التضحيات من اجل حبهم ولكن دخول اطراف وعادات باتت مكلفة
هي التي تصد الشباب حتى يتأكد بأنه قادر على سد كل فجوة تظهر في
ذلك الوقت وبين انتظار التأكد يعادلها تأخير في الزواج وعنوسة في الجانب
الاخر وعند الفشل تنتج اكتكاف عن الزواج


يامرلين
ياخ انا كانوا بختوني في النهاية اسي ختيتني في النص
يعني العاقب ده بكورك من الصباح ما عاجبك
وبعدين المستعجلين ليها شنو ما كفاية الجرى دا

[هيثم ادروب]

هيثم ادروب
اولاً لك التحية لطرق هذا الباب "واظنه من المهام والجاد"
لذا كنت اتمنى ان يتم طرحه في العام . ولا يهمنا هنا او
هناك طالما نصل فما ان نسمع عن الزواج او ما يندرج تحته
إلا ترانا فيه اليوم او غداً
اعجبني طرحك وتحديد المشكلة الاقتصادية في هذا الموضوع
من كثرة طلبات وتكاليف رغم الحالة التي يعيش عليها الشباب
كثرة الطلبات التي تصاحب الزواج تجعل الشاب يهرب منه إلى غيره
واقصد هنا عرفي و....أو إلى معصية. حسابات الزواج تقف الحاجز بين
الشاب والشابة فلو اتيحت الفرصة للشاب والشابة فقط لتزوجوا الان
وقدمت التضحيات من اجل حبهم ولكن دخول اطراف وعادات باتت مكلفة
هي التي تصد الشباب حتى يتأكد بأنه قادر على سد كل فجوة تظهر في
ذلك الوقت وبين انتظار التأكد يعادلها تأخير في الزواج وعنوسة في الجانب
الاخر وعند الفشل تنتج اكتكاف عن الزواج


حبيبنا عصمت
لك التحية
الزواج في الماضي وحتى الماضي القريب كان يعتمد على مبدأ (نحن بنشتري راجل ) يعني ما (شيلة ودهب وبيت وعدة والخ )
ولكن الان للاسف اصبح الرجل يقيم بما يجود به من اموال ومتاع زائف
نعم اصبحت حياتنا تجارية بحتة الفتاة ان احبت فتى وجاء من هو على سيارة مرسيدس لان مسألة الحصان الابيض اصبحت من الاساطير ( تدي اخونا المسكين شاكوس ( او بالاصح مرزبة ) ) وبذلك تكثر العقد النفسية ومن الممكن ان تتحول العقدة الى كره لكل جنس حواء وتبدأ مرحلة الانتقام
وتحدث مأساة اطفال المايقوما
الحديث في هذا الموضوع يطول ويطول
ولكن هناك دائما بصيص امل انه مازال هناك اباء وامهات بقدر كافي من الوعي لضروروة مؤسسة الزواج
والعايز يعرس ( بالفاتحة بس )

ماتخاف شكلو العاقب خلاص
حيعرس والقائمة حتقل

[هيثم ادروب]

( يعني لو ما عندك بتموا ليك)


لك التحية اخي اسمريكا
اولا ناس (ماعندك بتموا ليك) ديل وين ورينا ليهم
ثم حتي لو تموا ليك والله تاني يبشعو بيك
يعني النسوان يقولو انحنا سوينا ليك وعملنا ليك
وانت مابتستاهل وغايتو القائمة حتطول تصبح النعمة نقمة
وغالباً ما ينفصل الكثيرون بسبب هذه المهاترات


تخريمة
فتح الله بسلم عليك

[سيد البلد]

هوووووووووي يا أدروب نحنا ما معاكم

شوف ناس محمد نور وعصمت والعاقب


وبلوا رأسكم ، ونصيحة ليكم إستعجلوا .



وهشام سلس ,,,

[امينو]

والله يا ادروب احنا سامعين انو الناس بتشتكي والعرس صعب ومافي امكانيات لكن يا اخوي النصيحة الناس دي ما وقفت من العرس احنا كلو خميس راسنا بطرشق من التييييييت تيييييت بتاعت السيرة ناهيك عن كروت الدعوة البتجي خلال الاسبوع ، يا ولدي الناس اصلها ما وقفت رغم الظروف القاسية بتعرس انشالله بالبسيط ودي ميزة اهلنا لكن الكلام بعد العرس وبعد تتقل المسؤولية بحصل شنو ..

[هيثم ادروب]

وهشام سلس ,,, [/center]

هووي يا سيدا بطل مشاكل
انت اول العازبين
ما سلس صحبي بس

[هيثم ادروب]

والله يا ادروب احنا سامعين انو الناس بتشتكي والعرس صعب ومافي امكانيات لكن يا اخوي النصيحة الناس دي ما وقفت من العرس احنا كلو خميس راسنا بطرشق من التييييييت تيييييت بتاعت السيرة ناهيك عن كروت الدعوة البتجي خلال الاسبوع ، يا ولدي الناس اصلها ما وقفت رغم الظروف القاسية بتعرس انشالله بالبسيط ودي ميزة اهلنا لكن الكلام بعد العرس وبعد تتقل المسؤولية بحصل شنو ..

عمنا امينو
شكراً علي التعقيب
نحنا قضيتنا ما عامة ياعمنا
لاكن اغلب الناس بيشتكي من الظروف الاقتصادية
وافتكر الصعب العرس
وليس البعد العرس
لانو ماسمعنا لينا واحد قالو كتلو الجوع
وانا مستعد لو لقيت لي عروس هديه ورضية
والله اعيشا ملكة زمانا
واكيد الكتير من اخوانا عندهم نفس المشكلة
تقبل فائق احترامي

[العاقب مصباح]

الرائع حبيب القلب هيثم ادروب...
ياخى تعال لى الحرقة واعرس ليك واحدة تملا عينك وزيادة
فى الحرقة عندنا نظام للزواج يمكن تنخلع منه
بسيط لأبعد الحدود...
مليون بس يعرس ليك ويوديك الفندق كمان...
بالقديم طبعا...
عندنا الشنطة اتنين اتنين بس اكتر من كدا ممنوع ...دا لحدى ما تدخل عليها...بعد الدخلة ان شاء الله تجيب ليها من ازياء كريستيان ديور مافى زول بيسألك...
الشيلة غير موجودة نهائيا وكان جبتها ناس البلد حيقاطعوك وما حيجو لى عرسك...
الحفلة زاتها ممنوعة الا كان تقوى راسك ساى والناس حتشيل حالك لو عملتها ويتكلموا بيك فى المساجد...
ومافى غداء وضلع وكلام من دا فقط قزازة بيبسى لأهل القرية ومسموح تعمل للضيوف ما لذ وطاب...
يعنى عشرين صندوق بيبسى بيكفن وزيادة كمان...
توريد المال :- تورد المال لجنة مختارة من اهل الفريق ويجب ان لا يتجاوز الخمسين الف جنيه قديم...
وفى السيرة يجب ان لا يتجاوز الحضور اكثر من 10 اشخاص تخفيفا لأهل العروس...
نتجت هذه القوانين بعد عزوف كبير جدا عن الزواج ...
وفى هذا تخفيفا للشباب وطلبا للعفة...
يعنى حكاية ما عندى قروش ما سبب ... لو حسبتها مليون بس حيعرس ليك...
لكن البيقنع الديك منو يا اخوى....

[هيثم ادروب]

معقولة ياعقبة اخو ي ؟
في كلام زي دا
والله لو البتقول فيه دا حاصل
كان انت عرست
ليك 4نسوان ومعاهن اخواتن اسبيرات

[هيثم ادروب]

طبعاً ياعقبة اخوي وصاحبي
انحنا الادروبات اول حاجة الدهب وقيتين
يعني حوالي 7000 ريال سعودي دي دهب بس
وتعال تاني للشيلة و سد المال وشيلة الاكل
وحق الخالة وحق العمة والحبوبات
وبعد داك لو داير تعمل حفلة دا شي راجع ليك
والله الكلام البقول ليك فيه دا حقيقي
وطبعاً لو الواحد فكر يتزوج من برا اهلو ممنوع نهائياً
يعني لو داير تعرس اقل حاجة يكون في جيبك حوالي
30.000الف ريال سعودي
وبالسوداني حوالي 15 مليون بالقديم
ونمشي ونجي نقول 90% من المشكلة إقتصادياً
تقبل اشواقي

[العاقب مصباح]

معقولة ياعقبة اخو ي ؟
في كلام زي دا
والله لو البتقول فيه دا حاصل
كان انت عرست
ليك 4نسوان ومعاهن اخواتن اسبيرات




والله يا هيثم الكلام دا حقيقى
المشكلة ما اقتصادية
المشكلة هى مشكلة اختيار
بعدنا يسبب عائق كبير جدا
اتمنى نعرس الاربعة يا هيثم اخوى
ان استطعنا
ان استطعنا دى ركز عليها شديد

[هيثم ادروب]

ان استطعنا
ان استطعنا دى ركز عليها شديد


والله ياحبيبنا عقبة
الاستطاععة تعني قروش
وانا شايف غير القروش مافي مشكلة تاني
لانو الواحد لو لقي مليون دولار
اول حاجة بيفكر فيها انو يتزوج
ودا لانو الزواج هو اهم الاولويات
وبعدين نشوف العروس
والتوافق الفكري والاسري
يبقي بنتفق انو المشكلة مازالت اقتصادية
تقبل فائق ودي

[العاقب مصباح]

طبعاً ياعقبة اخوي وصاحبي
انحنا الادروبات اول حاجة الدهب وقيتين
يعني حوالي 7000 ريال سعودي دي دهب بس
وتعال تاني للشيلة و سد المال وشيلة الاكل
وحق الخالة وحق العمة والحبوبات
وبعد داك لو داير تعمل حفلة دا شي راجع ليك
والله الكلام البقول ليك فيه دا حقيقي
وطبعاً لو الواحد فكر يتزوج من برا اهلو ممنوع نهائياً
يعني لو داير تعرس اقل حاجة يكون في جيبك حوالي
30.000الف ريال سعودي
وبالسوداني حوالي 15 مليون بالقديم
ونمشي ونجي نقول 90% من المشكلة إقتصادياً
تقبل اشواقي



يا هيثم اخوى
بالطريقة دى يانى العرست وخليتك
انا كان لقيت لى 30 الف ريال بشترى لى سيارة وامشى اقشر بيها فى البلد..
ونطلع من السنة فواتح ساى ومجاملات....
هو قرار..
زى كل قراراتنا السيادية...
يعنى العرس بقى لينا زى مطالب اوكامبو
قريبا جدا يا هيثم اخوى
ولا خطبت ولا عقدت ولا عرست وتنقد الرهيفة
من كل القبائل مافى مشكلة..
من الشمال
او الجنوب
او الشرق
او الغرب
المهم تلقى ليك واحدة تحفظك فى حضورك وفى غيابك
مرة هنية ورضية
بت حلاااااااااااااااااااااااااااااال
وجارى البحث عن الشبكة

[عبدالرحمن مدثر]

بفهم بسيط عن الزواج والمشكلة الكبيرة

التى تواجه الشباب

ياجماعة الواحد لو قعد يحسبها ... مابتزوج عمرو كلو

اهم حاجة تلقى ليك بت حلال تسعدك

وماتكون بتاعت نقة

وطلبات كتيرة

وبعد داك

الحاجات بتجى حبة حبة

وحبة

حبة

بالمحبة

[هيثم ادروب]

المهم تلقى ليك واحدة تحفظك فى حضورك وفى غيابك
مرة هنية ورضية
بت حلاااااااااااااااااااااااااااااال
وجارى البحث عن الشبكة

والله انا خاطب
لاكن بتبقي المشكلة كيف نتم العرس
وانت عارف وانا عارف انا الموضوع اثناء الخطوبة
عامل زي اتفاقية كامب ديفد
يعني اتفاقية علي فشوش
وبنود الاتفاقية هي
العرس متين
وكيف
و وين
يبقي السؤال متي سوف نتم الموضوع
ودا عشان الناس ماتفهم غلط
دي مشكلة كتير من الشباب
وانا طبعاً عادي نفسي شاب لاكن
بعد شوية
القطر حيفرتق ونقول ياحليل زمان
عشان كدا الواحد داير يلحق نفسو




تفحيطة
انت العربية 2008 بعتها ولا شنو

[:@ارجوان:@]

ازيك انا جيت ممكن تدوني كرسي عشان اقعد ؟


طيب يا سيدي المشكله انو احنا ما بقينا جادين والمشكله انو الشباب بقو يرمو اي شي على الظروف والماديات
يعني تلاقي الواحد شغال وعندو راتب ويقول ليك انا اجيب من وين العرس مصاريف طيب انت نويت ؟ يعني ختيت النيه انو عايز تعرس ؟ ربنا بيقول اسعى يا عبد وانا اسعا معاك الشاباب سعي ما عايزين يسعو واخرها يا اما اتزوجو وحده كبيره في السن عشان عندها فلوس او مطلقه لانو طبعا مصاريفها اقلا من البت او انهم وصلو عمر كدا بعدها اخدو ليهم شافعه حتى لو عمرها 20 سنه مقارنه بي عمرهم في الفتره ديك شافعه
طبعا ليه الكلام دا كلو عشان واحد ربنا فاتحها عليهو وقام لمن عمل عرس عمل السبعه وزمتها ففي بالو انو يا يعمل كدا يا اما مافي وحده حترضه بيهو خاصه لو كان وضعها مرتاح

نجي لي نقطه تانيه البت مجرد ما تصل عمر معين ما بتفكر بعد كدا عايزا وعايزا وعايزا بتكون عايزا تطلع من اطار العنوسه وبسسسسسس يعني لو جاها شحات بتوافق
الا من رحم ربك طبعا البيكونو بيعاينو بي نظره تانيه

النقطه التالته والاخيره والاهما
كل شاب معلق ليهو بيت وماملها ورابطها معاهو بي اسم الحب اقدملك حياتي واغاني واغاني طيب انت ما عندك رابط بت الناس ليه ؟ اختك دي ما خايف واحد يعلقا ليك ما عندك اخت في يوم بتعرس وبتجيك بت حيحصل فيها كما تدين تدان وطبعا ما بطلع ليك البت بريئه نهائي لانها بتكون مصدقه ومراية الحب عمياء يعني بي بساطه كدا يمين يمين شمال شمال وترفض الفالحه النجحه العرسان في انتظار سبع البرمبه وسبع البرمبه دا لو كان عندو ما كان اصلا استناكي تستنيهو فرابطك معاهو ليه
ياخي صحي الرجال ماتو في كرري وتايتنك
انا ما بقول انو مافي حب ومافي تضحياة وانتظار بس كمان بقول انو ما كل زول يستاهل انو البنات يصدقوهو وما كل بت يستاهل الولد انو يمسك الجمر عشانها

ويا بهيه وشباب الزمن ديل قضيه وعرس مااااااااااااااااااااافي

ياخي تعبتا وانا بكتب لي عوده ان شاء الله كدا اديني حق الركشه خليني ارجع القسم العام

[بت مارنجان]

مافيه اي مشكلة ...
نحنا البنعمل المشاكل بايدنا ياهيثم .. البتسويه بي ايدك يغلب اجاويدك " اظن المثل دة كدة صح :rolleyes: "

[هيثم ادروب]

طيب يا سيدي المشكله انو احنا ما بقينا جادين والمشكله انو الشباب بقو يرمو اي شي على الظروف والماديات

ما تربطي المسألة دي بعدم الجدية
لانو اي بنت بتعرف
انو الشخص المتقدم ليها جادي ولا لا




نجي لي نقطه تانيه البت مجرد ما تصل عمر معين ما بتفكر بعد كدا عايزا وعايزا وعايزا بتكون عايزا تطلع من اطار العنوسه وبسسسسسس يعني لو جاها شحات بتوافق
الا من رحم ربك طبعا البيكونو بيعاينو بي نظره تانيه

تفتكري الواحد لمن يجي يعرس حيشوف ليه واحدة عانس ...؟
اكيد انتي غلطانة





النقطه التالته والاخيره والاهما
كل شاب معلق ليهو بيت وماملها ورابطها معاهو بي اسم الحب اقدملك حياتي واغاني واغاني طيب انت ما عندك رابط بت الناس ليه ؟ اختك دي ما خايف واحد يعلقا ليك ما عندك اخت في يوم بتعرس وبتجيك بت حيحصل فيها كما تدين تدان وطبعا ما بطلع ليك البت بريئه نهائي لانها بتكون مصدقه ومراية الحب عمياء يعني بي بساطه كدا يمين يمين شمال شمال وترفض الفالحه النجحه العرسان في انتظار سبع البرمبه وسبع البرمبه دا لو كان عندو ما كان اصلا استناكي تستنيهو فرابطك معاهو ليه
ياخي صحي الرجال ماتو في كرري وتايتنك

ممكن اسألك سؤال ..؟
اذا كان دا فهمك للحب
تبقي مشكلة
لانو اصلاً البت لو ما مقتنعة بالزول المرتبطة بيه
يبقي دا ما اسمو حب
لانو الحب فيه التضحية والوفاء
والاحلام المشتركة يعني عيال وبيت و اسرة سعيدة
بغض النظر عن المادة سوا ان كانت موجودة او لا





انا ما بقول انو مافي حب ومافي تضحياة وانتظار بس كمان بقول انو ما كل زول يستاهل انو البنات يصدقوهو وما كل بت يستاهل الولد انو يمسك الجمر عشانها

تناقض عجيب !!!!!!

[هيثم ادروب]

مافيه اي مشكلة ...
نحنا البنعمل المشاكل بايدنا ياهيثم .. البتسويه بي ايدك يغلب اجاويدك " اظن المثل دة كدة صح :rolleyes: "

بت مرنجان
بت امـــــــــــــــــي

والله يابت مرنجان اذا كنتي متزوجة اكيد زوجك ما قصر
بس انا شايف انو متطلبات كتيرة شوية
وقاصمة للظهر احياناً
اما لو ما متزوجة حتعرفي احساس الشباب
وهم مقبلين علي الزواج تقف في جههم ابجديات العرس المعروفة
من شيلة و دهب ووووووووووو

ولو طبقنا تكاليف العرس ذي ما جاء في الدين
كان الشباب كلهم اتزوجو كان اولاد ولا كان بنات


فرامل

مع الرخصة دي
والله العريس الا يجيب ليك جياد في الشيلة
هاهاهاهاهاهاهاهاها

[:@ارجوان:@]

عدنـــــــــــــــــــا


ما تربطي المسألة دي بعدم الجدية
لانو اي بنت بتعرف
انو الشخص المتقدم ليها جادي ولا لا


طيب يا سيدي ازا ما عارف اعرف حاليا في شباب بيتقدمو للبت بي غرض الطلوع والدخول والونسه عشان يسكتوها يعني والبت مجرد ما وصل الشخص العايزاهو للباب تاني تفكر ليه في جديدتو من عدماها ما خلاص كون انو جا دا اكبر دليل على انو جادي وبعد كدا عاااااادي يا عشه ما حصل نصيب اهلك ضيقو علي

تفتكري الواحد لمن يجي يعرس حيشوف ليه واحدة عانس ...؟
اكيد انتي غلطانة

هههههههههههههههههههههههههههههههههههه ياخي ضحكتني هو شرط يعني يعرس عانس في بنات تلاقيهم في 22 وحست انها عانس لانو الزن على الودان امر من السحر احساس انها عانس بيخيلها ممكن تقبل بي اي شي انا بتكلم عن كلمة العنوسه بي وعن الاحاسس العام للامهات والبنات والمجتمع وبعدين انت ما عارف معلومة انو في جميلات كتاااار جدا قاعدين في بيوتهم ووصلو لي التلتين اها دي عنست ليه عشان هي شينه ولا عشان فهم انها سمحه اكيد طلباتها كتيره ؟



ممكن اسألك سؤال ..؟
اذا كان دا فهمك للحب
تبقي مشكلة
لانو اصلاً البت لو ما مقتنعة بالزول المرتبطة بيه
يبقي دا ما اسمو حب
لانو الحب فيه التضحية والوفاء
والاحلام المشتركة يعني عيال وبيت و اسرة سعيدة
بغض النظر عن المادة سوا ان كانت موجودة او لا


كدا انت خلي فهمي عن الحب انا بتكلم بي منطلق عام لو حتكلم عن فهمي الشخصي للحب حطالب انو مافي ولا وحده تتزوج الا انسان بتحبو لو تستناهو مليون سنه لو حتى يزورها عزرائيل وهي بتستنا بس ما تتزوج لي من اجل الزواج ما تخلط الكيمان انا بتكلم بي نظره عامه في عالم بتلعب بي المشاعر وكاتر جدا وبنات كتر بيتغشو ولا ما غلط ؟

تناقض عجيب !!!!!!

يلا كلامي الاخير ممكن تقول بي نظره شخصيه بسيطه ما بي منطلق عام عشان كدا شفتا تناقد
ياخي انا متحمسه كيف عجبني الموضوع شديد شكرا ليك ياخ اصلا انا عايزا ابرى لي زول وشكلك كدا حتطلع سنة قلم

[هيثم ادروب]

عدنـــــــــــــــــــا



يلا كلامي الاخير ممكن تقول بي نظره شخصيه بسيطه ما بي منطلق عام عشان كدا شفتا تناقد
ياخي انا متحمسه كيف عجبني الموضوع شديد شكرا ليك ياخ اصلا انا عايزا ابرى لي زول وشكلك كدا حتطلع سنة قلم

والله انا سعيد
انو الموضع عجب الناس
وانا متحمس اكتر منك وجاهز للبري

[بت مارنجان]

بت مرنجان
بت امـــــــــــــــــي

ياود امي اختك مازالت علي قيد الحياة .. لسسسسة " بايرة " هي قصدي مازوجت:p

فرامل

مع الرخصة دي
والله العريس الا يجيب ليك جياد في الشيلة
هاهاهاهاهاهاهاهاها

اريتها كان عربيتي ياهيثومة .. وحاتك غير اشدها اقضي بيها مشواري وخلاص .. ومشاوير ناس البيت ....
دي ورثة ياولد :mad:

[بت أم درمان]

لا حول ولا قوة الا بالله
( حسي تجي وحدة تقول لي المات منو )
دي حوللة على الواقع الحاصل يا بت امي
معليش يا هيثم على البداية دي


المهم
الموضوع دا حصل فيهو نقاش كتير ومستفيض ومفصل
بس ما كان بالاسلوب دا
والمرة دي بما ان النقاش مختلف
انا قلت اشوف اراء الشباب الحايتداخلو وبعد كدا نجي نقول رأينا

اها كلام العرس دا في السودان مرتبط بالمظاهر عموما
اول ما البت قالو خطبوها طواااالي بدأت تفكر من يوم قولة خير لاااااامن جا يوم العقد واخر يوم الحفلة دايرة تعمل شنو و كله طبعا تقليد زيد عليها الاضافات الممكن تعملها العروس دي عشان تكون اختلفت شوية من الشافته في زواج فلانة وعشان تكون عملت احسن منها وعشان يكون عرسها مميز اكتر والناس تحكي وتتحاكا وكلو يا العريس ادفع

قرات مداخلة ان عشان الزول يرتاح من الطلبات والمصاريف الكتيرة ان الشاب يشوف ليهو عروس ( ش - ع ) يوم واحد في الصالة وانتهى الموضوع
طيب صح معاك حق ان السودانيين المقيمين برا دا اسلوب زواجهم يومين بالكتير ومصاريف العرس كلها بتكون مقتصرة على يوم العقد وغدا الرجال الصالة والعشا دا من بعد الشيلة والمهر يعني جد ما بكون مكلف كتير يعني بالكتير 30.000 الا اذا كانو الناس ديل دايرين يتبوبرو ويبدعو


مرة كدا جارتنا مصرية قالت لي كلام لمن استغربت منه
قالت في خاطبة سودانية عايشة في مصر المرا دي عندها علاقات واتصالات من بلدان كتيرة ومختلفة
المهم المرا دي كل ( زبائنها ) من خارج مصر وبالفعل تمت على يدها زواجات كتير جدا
ودا دليل على ان الشباب بقوا يشيلو هم الزواج من داخل السودان

يا جماعة جد ربنا يهون ليكم
لان جد مافي حل
الموضوع بقا ونسة سااااي
وفشة خلق ( باللبناني )

[هيثم ادروب]

اها كلام العرس دا في السودان مرتبط بالمظاهر عموما
اول ما البت قالو خطبوها طواااالي بدأت تفكر من يوم قولة خير لاااااامن جا يوم العقد واخر يوم الحفلة دايرة تعمل شنو و كله طبعا تقليد زيد عليها الاضافات الممكن تعملها العروس دي عشان تكون اختلفت شوية من الشافته في زواج فلانة وعشان تكون عملت احسن منها وعشان يكون عرسها مميز اكتر والناس تحكي وتتحاكا وكلو يا العريس ادفع




بت امدرمان
شكراً علي رايك الصريح دا
ودي حقيقة كل البنات عارفنها
لاكن قليل من البنات البيقرو بالكلام دا
وهي انو الناس بقت تجري ورا شوفوني
لامن الواحد بقي يشيل هم
تقبلي فائق احترامي

[عادل السني]

هلا والله بي هل المواضيع الشيقه هيد الموضيع ولا بلاش

[هيثم ادروب]

السلام عليكم متل هل مواضيع تحتاج الا كثر من سرد ارائ داخل هل موقع ولا رايكم شنو

متل مــا بدك

[esmat]

طبعاً مربط الفرس "ولا اقول ليك دا الفرس زااتو" انو
التوعية من المفترض تكون داخل الاسرة يعني بين البت
وامها واخواتها وكدا فإذا البنت قدمت تنازلاتها للشاب اكيد
بتقدر تقنع اهلها بي تنازلاتها عشان الزواج اتم في حدود
مقدرة الشاب "الجيبية" ولكن البنت لا تقدم تضحيات بل
تريد كما قلت "ارهاق الشاب ومعادلة انا عملوا لي وجابوا لي"
ودا ما بنجني منو إلا تأخير الزواج -

[هيثم ادروب]

طبعاً مربط الفرس "ولا اقول ليك دا الفرس زااتو" انو
التوعية من المفترض تكون داخل الاسرة يعني بين البت
وامها واخواتها وكدا فإذا البنت قدمت تنازلاتها للشاب اكيد
بتقدر تقنع اهلها بي تنازلاتها عشان الزواج اتم في حدود
مقدرة الشاب "الجيبية" ولكن البنت لا تقدم تضحيات بل
تريد كما قلت "ارهاق الشاب ومعادلة انا عملوا لي وجابوا لي"
ودا ما بنجني منو إلا تأخير الزواج -

والله كلامك صاح ياعصمت اخوي
زيد علي دا تقول البنت دي احسن مني بي شنو
وانا عرسي مدني كلها حتتكلم بيه
وذلك من ناحية البوبار
يعني الزفاف كيف
والكوشة كيف
والحفلة كيف
ودخلو لينا عادة ماحقتنا جديدة لنج
موضوع الشوباينج
يعني مصاريف زيادة اولا بيها هي لو بتفهم
تعرف مرة في واحدة عريسها مقتدر
قال حيجيب ليها خيمة من الهلتون الخرطوم
وطلع ايجار الخيمة حوالي 20مليون( والله الكلام دا صاح)
انت عارف العروس قاتليه شنو
اخير نشتري واطة ولا اعمل خيمة
بي 20 مليون الواطة نستفيد منها لي قدام
لاكن الخيمة يوم واحد وخلاص
بلاه الزمن دا بيكون في واحدة بتفكر كدا....؟

تقبل تحياتي ياعصمت ياعسل
شكلك ممغوس كدا زي حلاتي