المساعد الشخصي الرقمي

مشاهدة النسخة كاملة : ريتشارد في المريخ



عمرسنهوري
21-06-2009, 07:30 PM
قام فريق المريخ بالاتفاق مع ريتشارد جاستن
ومن المفترض ان يكون غادر بالامس مع الدوليين الى الاسماعيليه .




المصدر - الصدى

عمرسنهوري
21-06-2009, 07:33 PM
اعتقد ان تسجيل ريتشارد هي كيديه وليس فنيه
لأن الهلال شطب المدافع عمار مرق وسجل مكانه ايفوسا
ومن خلال التصريحات و الصحف الهلاليه كان متوقع تسجيل ريتشاردفي الهلال .
الا ان المريخ قام بتسجيل اللاعب.
تسجيل ريتشارد في المريخ اضر بالهلال اكثر مما افاد المريخ .
لذلك هي كيديه في وجود سفاري ودامر والباشا وديالو

azam ali
21-06-2009, 07:49 PM
اول حاجه كونو المريخ اسجل ريتشارد دي حاجه طبيعيه لأنو المريخاب
متعودين اسجلو مشااااطيب الهلال وانتو عااارفين و اللسته طوووويله
بس الحقيقه انو المريخ مستحيل اسجل ريتشارد لأنو القوانين
بتمنع تسجل لاعب مشطووب من فريق اقل ترتيب
لي اخر اعلي ترتيب لكن الجماعه كانو مفتكريين انو توقيع ريتشارد
مع نادي مسقط يمكن اسمح ليهوو بي التسجيل في المريخ
بس طبعا شداد عندو راي تااااني في الموضوع وقال انو لا يمكن تسجل
ريتشارد في المريخ الا بعد فوز الهلال ببطوله الممتاز هذا العام

عمرسنهوري
21-06-2009, 07:58 PM
نعم ترتيب الهلال ادني من المريخ
و قانون قراقوش يقول لا يسمح بانتقال لاعب من فريق ادنى الى فريق اعلى في الدوري الممتاز .
واتمنى ان لايسمح شداد بتسجيل ريتشارد . وان لا تكون هناك ثغره قانونيه ينفذ المريخ
من خلالها

عمرسنهوري
21-06-2009, 09:18 PM
الثغره القانونية الوحيده هي ان ريتشارد لم يذهب الى
الخليج معارا .
وريتشارد لا يعد من لاعبي الهلال بعد شطبه ولعبه لفريق اخر .
يعني مسقط لعب دور زي دور المحلل (في الزواج ).
اي ان انتقال ريتشارد يتم من مسقط وليس العرضه شمال .
رغم ذلك اتمنى ان لا يتم تسجيله

مهيد ود السفاح
21-06-2009, 10:54 PM
اذا تم تسجيل ريتشارد للمريخ فانه اضافه للمريخ ويمكن ان يفيد الفريق في دوري المجموعات, صحيح ان عامل السن قد اثر كثيراً على ريتشارد , ولكن اللاعب لديه من الخبره والحنكه ما يمكنه من تجاوز النقص في عامل السن .
لذا اعتبر ان ريتشارد اضافه حقيقيه لاي دفاع ينتمي اليه .

اخي سنهوري هذا مجرد رأي ليس الا

خالد عبدالماجد
21-06-2009, 11:24 PM
يامهيد ريتشارد ده تاني في الدفاع أنسى بس ممكن تقول لاعب محور مفيد لكن مدافع لاأعتقد أنه سيكون قادراً على مجاراة سرعة الأفارقة ..

مهيد ود السفاح
22-06-2009, 12:39 AM
يامهيد ريتشارد ده تاني في الدفاع أنسى بس ممكن تقول لاعب محور مفيد لكن مدافع لاأعتقد أنه سيكون قادراً على مجاراة سرعة الأفارقة ..

غايتو يا خالد الا تخزلوا اللياقه , لكن ممكن الاستعانه به في لحظات المحافظه على النتيجه , ولاننسى دور ريتشارد في توجيه المدافعين للتمركز السليم , وزي ما بقولوا ( الدهن في العتاقي )

روبش
22-06-2009, 12:40 AM
حقيقة تقال في حق اللاعب ريتشارد فهو صاحب امكانيات كبيرة ويمكن الاستفادة منه لعامل خبرته ودرايته ، ولقد فقدناه في المنتخب، إن كان للمريخ نصيب فيه ، يعتبر اضافة حقيقية لدفاع المريخ وسوف يفيد المريخ في مشواره الافريقي

عمرسنهوري
22-06-2009, 12:48 AM
يبدو ان اهلة المنتدى
ما زالو يثقون في لاعبهم القديم
اتمنى ان يصدق حدثكم
مع العلم اني من المعرضين لتسجيله

مهيد ود السفاح
22-06-2009, 12:54 AM
يبدو ان اهلة المنتدى
ما زالو يثقون في لاعبهم القديم
اتمنى ان يصدق حدثكم
مع العلم اني من المعرضين لتسجيله

مستوى ريتشارد وخبرته وقوته وحماسه هى من يعطيه الثقه وليس الاهله فقط , هذا في ظل عدم وجود مدافعين بنفس تلك المؤهلات .
ولك ودي سنهوري

نزار السر
23-06-2009, 06:19 AM
اخ سنهورى توجد قوانين للكرة فى السودان ولوائح ومواد

عمرسنهوري
24-06-2009, 01:49 AM
اخ سنهورى توجد قوانين للكرة فى السودان ولوائح ومواد



نعم
وتنتهك في رابعة النهار