متلقي حجج [الأرشيف] - منتديات ودمدني

مشاهدة النسخة كاملة : متلقي حجج

طلال الصول

22-06-2009, 02:14 AM

قالو كان فى نمر مجنن ليك القرد جنس جن كل ما يلقاهو
يضربو _الحكاية ازعجت ليك القرد قال احسن اشتكي لي الاسد
ملك الغابة وعارفين انو الاسد صاحب النمر .
القرد للاسد: النمر دة يا سعادة الملك بضربني ليك بدون اي سبب كل ما يلقاني يضربني ويقول لي اديني طاقيتي وانا ما شلت ليهو اي طاقية
الاسد: خلاص امشي وانا بحلها ليك
الاسد قام نادى النمر وقال ليهو انت بتضرب القرد دة ليه
النمر:خلقتو دي ما بريدها
الاسد: طيب شوف ليك طريقة كويسة ما تحرجني قدام الحيوانات
النمر :طيب اعمل شنو
الاسدقال لي النمر قوم قول للقرد جيب لي تفاحة لو جابا يك حمرا قولي ليو انا دايرا خضرا وادي كف ولو جابا ليك خضراء قولليو انا دايرا حمراء واديو كف قام النمر مبسوط جى للقرد قال لي اسمع جيب لي تفاحة قام القرد قال ليه حمراء والا خضراء النمر اداهو كف طاخ وقال ليهو :اديني طاقيتي

ميادة

22-06-2009, 02:28 AM

ههههههههههههههههههههههه

حلوة

ده داير ليهو سبب بث

بت أم درمان

22-06-2009, 02:38 AM

هههههههههه

حلوة والله

صحي متلقي حجج

مهيد ود السفاح

22-06-2009, 05:28 AM

دي حقاره سااااي يا اخوي

الطويل

22-06-2009, 05:32 AM

ود الصول جيب لى تفاحه

ابو لوزة

22-06-2009, 05:32 AM

والله زهجان ساي من القرد
وحقار جسن حقارة

طلال الصول

22-06-2009, 10:33 AM

ههههههههههههههههههههههه

حلوة

ده داير ليهو سبب بث

دا علشان تعملو حسابك الزمن دا الدايرين ليهو بث فضائي كميات

طلال الصول

22-06-2009, 10:36 AM

هههههههههه

حلوة والله

صحي متلقي حجج

ما كدا عليك الله الله لي القرد :p

طلال الصول

22-06-2009, 10:38 AM

دي حقاره سااااي يا اخوي

حقارة شديدة يكون مبيت لي تار

اخبارك ياود السفاح اخبار حي ناصر وناس علي كيف والله منورنا نور شديد

(ود الصقري)

طلال الصول

22-06-2009, 10:40 AM

ود الصول جيب لى تفاحه

حمراء والا خضراء يا عريس

تعال هنا ما قلنا ليك اتصل شنو الجفا دا

طلال الصول

22-06-2009, 10:41 AM

والله زهجان ساي من القرد
وحقار جسن حقارة

قالوا الكاره لي زول يحدر لي في الضلمة والا ماكدا

طلال الصول

22-06-2009, 10:52 AM

بخيل قالو ليه دايرين تبرع عشان نبني حيطة للمقابر ...
قال ليه قبل كده سمعتو بميت شرد منها؟

طلال الصول

22-06-2009, 11:11 AM

بتاع مرور وقف بتاع حافلة سالوه من الرخصة لقاها تمام
والتامئين لقاهوه تمام واى حاجة تمام قام عاين كدة
قال ليهو: عندك ابريق
السواق: لا
بتاع المرور: عندك مصلاية
السواق : لا
بتاع المرور قطعو ايصال مكتوب فيهو عدم ايمان

مسطول !! ابو صاحبو مات و ما عرفوا يغسلو الجنازة قال لصحابو ارح البحر في ناس هناك بيغسلو العربيات نجيب واحد يغسلو لينا و خلاص

مشو لقو واحد قاليهم انا بغسلو ليكم بس تدفعوا 100 الف

المسطول قاليهو ليييييييييييه مرسيدس

الطويل

22-06-2009, 10:29 PM

حمراء والا خضراء يا عريس

تعال هنا ما قلنا ليك اتصل شنو الجفا دا

طااااااااااااااااااااااااااااااااااااااخ

اديني قروشي هاهاهاها

ود الصول رسل لى الرقم على الخاص

وحاتك اخوك ماشايل جوال ماشي ساااااى

الطويل

22-06-2009, 10:31 PM

مهيد ود السفاح

23-06-2009, 12:51 AM

حقارة شديدة يكون مبيت لي تار

اخبارك ياود السفاح اخبار حي ناصر وناس علي كيف والله منورنا نور شديد

(ود الصقري)

ود الصقري
انا بخير بس كتلتني عديل بي سؤالك ده
انا لي 6 سنوات من حي ناصر

وعساك بالف خير

حسام التنين

23-06-2009, 01:45 AM

مسطول !! ابو صاحبو مات و ما عرفوا يغسلو الجنازة قال لصحابو ارح البحر في ناس هناك بيغسلو العربيات نجيب واحد يغسلو لينا و خلاص

مشو لقو واحد قاليهم انا بغسلو ليكم بس تدفعوا 100 الف

المسطول قاليهو ليييييييييييه مرسيدس

:D: eek: :eek: :D :eek: :D ه ه هههههه ه ههه ااهاههاهاههاهااا اا:p

مبالغة

طلال الصول

23-06-2009, 12:40 PM

:D: eek: :eek: :D :eek: :D ه ه هههههه ه ههه ااهاههاهاههاهااا اا:p

مبالغة

وكت بسطتك هاك دي

في يوم والناسفي صلاة العشاء في المسجد على اقامة الصلاه وطبعا كالعاده يلتفت الامام قبل الصلاه يمين ويسار ويقول استقيمو اعتدلو تراصو قام التفت لسوداني متقدم من الصف الأمامي شوي قام الامام أشر له بيده أنه يتأخر شوي مع مساواة الصف تأخر صاحبنا شوي, التفت له الامام مره ثانيه وأشر له بيده أنه يتقدم شوي وعينك ماتشوف الا النور بعدها عصب صاحبنا الزول

وقال للأمام " ياأخي أنت داير تصلي فينا والا داير تشووت فاول

قال ليك في اتنين سعوديين عندهم هنود شغالين معاهم قاموا اختلفو البليد هندي منو فيهم قاوا يتشارطو الأول ادا هنديو ريال واحد وقال ليو امشي الوكالة اشتري لي سيارة
الهندي قال ليو حاضر وفات قام التاني نادى الهندي وقال ليو امشي البيت شوفني في والا مافي الهندي قال حاضر وفات . ياللا الهنود اتلاقو برا وقعدو يقرقرو الأول شوف هذا بابابا مافي كويس هو يرسل انا يشتري سيارة مافي معلوم اليوم جمعة

التاني كمان بابا انا يرسل بيت كلام شوف انا موجود ليش جوال مافي .

البنت لي خطيبها حبيبي لمن نتزوج انا حا اشاركك كل همومك ومشاكلك

الولد لكن انا ما عندي مشاكل

البنت ايوة لأنو لسه ما اتزوجنا

اتنين مساطيل بحضرو في كورة
المزيع شغال دربكة في الدفاع دربكة في خط الوسط دربكة في الوهجوم

قووووووووووووون المسطول لي صاحبو شكلو دربكة دا لعاب شديد

اتنين مسطليييييين سطلة فلكية و قاعدين على الرصيف يتفرجو في الماشي والجاي .. شوية كدة و وقفت قدامهم
عربية فيها واحـد أجنبي .. نزل الشباك وسألهم:
Hello guys! Do you speak English
! قالوليه: شنو!!!!
رجع سألهم:
Est-ce que vous parlez fran ç ais
قالوله: ااااّّ؟؟!!!!
رجع سألهم:
Habla Espa ň ol
قالوله: انت مالك يا زول؟؟؟!!!!
رجع سألهم:
Parla Italiano
قالوله: شنو؟!!!!
الراجل زهج وشغل السيارة ومشى.
قام قال واحـد منهم للثاني: والله عيب علينا! ما شايف إننا لازم نتعلم لغة أجنبية؟
رد الثاني: ليه بس نتعلم ؟؟؟ماشايف الأهبل القبل شوية دة بتكلم أربع لغات !! استفاد شنو ؟؟؟؟؟

العاقب مصباح

23-06-2009, 08:07 PM

والله مصيبته مصيبة

يعنى سيك سيك معلق فيك

احتراماتى يا رائع

هيثم ادروب

23-06-2009, 09:16 PM

هاهاهاهاهاهاهاهاهاهاهاها

شكيتك علي الله ياود الصول
كدي النتم ضحكتي دي واجيك
اصلو الواحد طول ما ضحك كدا

هاهاهاهاهاهاهاها

الطويل

23-06-2009, 10:51 PM

البنت لي خطيبها حبيبي لمن نتزوج انا حا اشاركك كل همومك ومشاكلك

الولد لكن انا ما عندي مشاكل

البنت ايوة لأنو لسه ما اتزوجنا

هاهاهاهاهاها

ياخ دة المجننا نحن ذاااااتنا

طلال الصول

24-06-2009, 01:49 PM

مسطول طلبو منو نكتة عن المتزوجين قال كديسة اتزوجت كلب

جابوا كديسة بنت كلب !!

طلال الصول

24-06-2009, 01:50 PM

مسطول يكلم مرتو : حاضر يا حياتي .. ماشي يا عمري ... آمري يا قلبي ..

سأله صاحبو غريبة قاعد تدلع مرتك .. ما

من عوايدك ؟!!

قال : بيني وبينك ناسي اسمها !!

طلال الصول

24-06-2009, 01:52 PM

مسطول مشى لدكتور مسطول اكتر منو

المسطول : يا دكتور لما اخت يدي على عيني ما بشوف اي حاجة ؟!!

الدكتور عمليهو عملية وخرم ليهو يدو !!

طلال الصول

24-06-2009, 01:56 PM

مسطول قالوا ليه تحب مرتك تموت قال لأ

قالوا لي ليه قال خايف اموت من الفرحة

طلال الصول

24-06-2009, 02:01 PM

واحد قال لمسطول : انا بردان من المكيف
المسطول : انا محمد انور من الدباغة

مسطول سادي خدمة في القصر الجمهوري قالوليه لو جا الرئيس أضرب 21 طلقه
قال و اكان جبتو من أول طلقه

مسطول عربيتو وحلت جاهو واحد عشان يساعدو قال ليو معاك حبل؟

قاليه :- عاشت الأسامي

طلال الصول

24-06-2009, 02:05 PM

مسطول مشوكش ...سالوه عن اجمل يت شعر شنو ؟؟
قال : كل ما نربي كتكوت ..... يكبر يفوت....

مسطول سالوه عن الفرق بين الشهد والشهيد ؟
قال الاتنين بتلحسو......

مسطول وقع في حفره..... حاول يطلع ثلاثه مرات بلا فايده ...
قال : دي اخر مره كان ما طلعت حا امشي !!!!

طلال الصول

24-06-2009, 02:05 PM

واحده دنقلاويه سالوها الدهشة معناها شنو ؟؟؟؟
قالت بسم الله دا ما ياهو ود الهمار ....

طلال الصول

25-06-2009, 06:34 AM

حلفاوى على فراش الموت

وصى مرتو قال ليها لما اموت لازم تتزوجى جارنا محمد صالح
سالته ليه محمد صالح بالذات

قال ليها لانه زمان غشانى وباع لى راديو بايظ عاوز اغشه

قالوا مسطول سودانى قاعد مع مسطول مصرى قام قال

".. ليه:" تعرف .. الدنيا دى كلها مآسـى

المسطول المصرى قال ليه: " ليه .. هو مقاسك أد ايه؟

شـايـقى واقـــف في بص شـاف بنت قـاعـــدة قـام عاين ليها .
عــاينت ليه أبتـــسم ليها أبتســمت ليه غمـــز ليها . غمــزت ليه.
أشـــــر ليها علي المحطة نزلت . . . قعـد محلــــــــــــــها

حلفاوى قال لى صاحبو ماسمعت محمد صالح ماجاهو اللوترى صاحبو قال ليهو اوعه يكون عوقو

رباطابي ولدو بتعلم في المشي بمسك في السرير ويمشي من الاول لاخر السرير ويرجع ابوه شافو قال ليهو ياولد بفتش لاذاعة لندن

رباطاب بحفرو في قبر مرّ بيهم واحد جنوبي قال ليهم
البكاء ده هنا ولاخبر من البلد قالو ليه خبر الا جينا ندفن التلغراف

حلفاوى عصروهو عصرة شديييييييييييييدة عشان يمشى
صلاة الجمعة قام زولك مشى بدررررررى لقى ليك
ناس الدعوة شارين ملابسهم فى حوش الجامع وحلتهم
تقجقج جنب المزيرة بتاعة الجامع رجع ليك لجماعتو
قال ليهم أها الحمدلله الجامع زاتو أجروهو عذابة

بنت النيل

26-06-2009, 06:19 AM

خلااااااااااااااااااااص
كفا انا قلبي وجعني من الضحك
ومشكورييييين يا شباب

طلال الصول

27-06-2009, 02:22 AM

خلااااااااااااااااااااص
كفا انا قلبي وجعني من الضحك
ومشكورييييين يا شباب

سلامت قلبك من الوجع
هاك يالله علشن يفك

واحد كسلان شديد مرتو اتاوبت قال ليها وقت فاتحه خشمك نادي الأولاد

مسطول وعيد الأضحى بكرة مشي لجزار قال ليه تجى تضبح لي الصباح قال أوكى إتفقنا راح البيت جاب الخروف حنن ليه أضنينه وجرتقه وكحله جاء الجزار الصباح شاف الخروف طهرهـ ومشى

واحد شايقي سألوه قالو ليه نفسك ابوك يموت وتورثوا قال ليهم :
لا نفسي تضربوا عربية واخد الديه والورثه

بني ................. على خمس..
تاكل ما تشبع
تلبس مرقع
تمشي الجنوب ما ترجع
عندك ما عندك تدفع
تفتخ خشمك صليبك يطلع

قال ليك واحد من الجعليين راكب حماره وماشي في الخلاء وقام دخل في كومة من القش فجأة طارت (فرة) وهي طيره تحدث صوت مريع عند بداية طيرانها عمك الجعلي انخلع من الصوت وقع من علي الحماره وتلفت يمين ويسار فما لقا احد قام وقال والله لو دا شايقي لكان مات من الخوف !!!!!!!!!!!!

جعلي وشايقي تايهين في الخلا .. فجأة طلع للشايقي جني .. شبيك لبيك وأنا بين أيديك .. لكن عليك أن تعرف أن أي حاجه تطلبها حا أدي الوراك (الجعلي) قدرها مرتين ..
قام الشايقي صنقع ودنقر .. وقال للجني .. بالله قد لي عيني دي .

فار عرس أم أربعة وأربعين
طلقها عشان قروش الحنانة

في عرب بتعلموا على ربط الكرفته اربعه منهم توفو وسته في حاله خطره

في اثنين شايقية رسلوهم الى الأنتفاضه لقوهم بعد شهرين يبيعو ثلاث حجار بدولار

جعلي مشى عيد ميلاد صاحبه لما انتهت الحفلة قال ليه : عيد ميلادك عندي بكره

مريض مشي للدكتور يشتكي من صداع فسأله الدكتور انت لما تنام يكون الشباك مفتوح او مقفول قال المريض مقفول قال الدكتور سيبه مفتوح ونام تاني يوم جاء المريض فساله الدكتور راح الصداع قال له الصداع راح والمكيف راح والثلاجة راحت

جعلي ضرسه وجعه ... ومشى الدكتور
الدكتور قال للجعلي :- ياخي كمان انتو الجعليين وجع الضرس الهين دا بتشكوا منّو ؟؟ قام شالته الهاشمية ورد عليه ....!!!!!
لا أنا عايزك تقلع السالمين كلهم وتخلي ود الكلب دا.... براه

شفع إحدي القرى على طريق مدني - الخرطوم
اخترعوا يلعبوا في الشارع لعبة البتطقة عربية مرتين يطلع برة

سئلو أدروب
أدروب رمضان جا صائم
قام ادروب قال والله نحن رمضان بنصوم لكن بنجهجه بالسفر

صرصار شالو بالاسعاف للمستشفى و رقدو فى الانعاش،قام الصرصار ال في النقاله الي جمبو قاليهو خير ياالاخو بيف باف ولا ريد قاليهو لا الله سفنجه

قال ليك طالب غبي شديد الاستاذ سالو قال لي يا ولد النبي الكان بعرف لغة الحيوانات هو منو

الولد ماوكلي عليه وسلم

واحد غتيت يصلي بالناس امام سمع صوت واحد يجري داير يحصل الركعه سلم وهو واقف

غتيت حرامي دخل ليهو بيت فتش ما لقي حاجة يا خدها اتصل عالمي وخلي الخط مفتوح

هبط رواد الفضاء الى المريخ لقو واحد بنجالي بدق في الزجاج ويقول:غسل صاروخ صديق

مسطول شاف اعور بيرمي في طعمية بره الصاج!؟
وقف جنبو يقول تششششش

طلال الصول

28-06-2009, 10:55 AM

قال ليك واحد مسطول ماشي ويكلم في روحو ارنب في الطشت لالا غنماية في الجردل لالا كلب في الصحن لالا قام اتصل على الدكتور رد علي ياخ دي عاشر مرة تتصل علي عندك سرطان في الحووووووووووووض ;)

طلال الصول

28-06-2009, 11:16 AM

واحد مسطول قال عاوز يعمل تجربةعلمية جاب ليو ضقدع قطع رجلو وقال ليو نط قام نط سجل في سجل التجربة انو الضفدع بينط بعد قطع جلو قام قطعليو رجولو كلها وقال ليو نط قام مانط

سجل ثبت بالتجربة ان الضفدع بعد قطع رجولة يفقد حاسة لسمع

قال ليك واحد مسطول
ابوه اتوفي

الجماعة شايلين ابوه ماشين ع المقاابر
واحد سال اخونا المسطول قال ليو
ابوك دا مالو تقيل كدا ؟

قال ليو يكون مات معشق

الشايقي اشترى لوري كتب عليه السنجك

الجعلي لما القدامو والوراهو مشى اشترى ليه دفار

ومشى للخطاط قال ليه اكتب لي بخط عرييييض

هيييييييع

الشايقي عندو لوري شاحنو نبق وهو في الطريق قابلوهو رباطة

فتشوهو ما لقو معاهو ولا قرش

الرئيس قال ليهم

فلقوهو بي نبقو ده نبقة نبقة

مع كل نبقة الشايقي يموت من الضحك

قالو ليه ليه بتضحك ونحن بنفلق فيك

قال ليهم اتذكرت الجعلي الجايي وراي شاحن دوم

طلال الصول

28-06-2009, 12:11 PM

واحد بيحكي لرباطابي عن أنواع الثعابين، قال ليهو

في نوع مع عضّتو للزول بيخلّي أسنانو جوّه جسم الزول

الرباطابي: أها وكان لاقاهو زول تاني في نفس اللحظة؟

قال ليهو

ربّنا بيقوّم لو سنون جُداد وتااااني بيغرسن في جسم الزول التاني

الرباطابي قال ليه

هو اصلو دبيب وللا دبّاسة؟

طلال الصول

28-06-2009, 12:12 PM

حاجة كبيرة في محو الأمية

سألتها المدرسة

أعطينا جملة فيها إدغام بغنة ؟

قالت ليها

عمن يعميك

طلال الصول

28-06-2009, 12:16 PM

مسطول بيسـأل صاحبه

أهـا أخبار ابوك شنو؟

وفجـأة !! تذكـر أن أبـو صاحبـه مـتوفي

"فكمـل الموضوع طوالي وقال " لسه برضو فى نفـس القبر

في مسطول عندو ذقن كبيرة

دخل مسجد بالغلط لقاهو واحد قايلو شيخ قال ليهو : يا شيخنا فاتتني ركعتين أعمل شنو ؟

قال ليهو : في زول شافك

قال ليهو : مافي

قال ليهو : أعمل

نــــــــــــايم

صاحبة السمو

28-06-2009, 01:32 PM

تسلم والله ضحكتنا يديك العافيه ويسكنك الصافيه
تقبل مروري.......