***عنقريب هباب فى ضُل نيمة مرشوشة *** [الأرشيف] - الصفحة 3

هيثم ادروب

30-06-2009, 04:15 AM

وللحديث بقيه

ارح يازول انا منتظر البقية دي
والله لاكن قصة
قلت لي القلم وقع منك ..؟
واحكي لي
رايك شنو في تعدد الحبيبات علي
وبصراحة كدا انا ماشي ازقي الشجرة
وزهور العاقب عشان موصيني عليهم
وبجيك تاني

حسام التنين

30-06-2009, 04:34 AM

طيب يادروب ..

اليوم الاول بعد نزولي الجامعه مضي سلام وونسه مع الشباب

حاولت تتصل بي بس مابرد (ماهروب لكن زي ماقلت علي وعلي اعدائي)

قررت اني انسي الموضوع ده وانا اساسا جيت هنا للعلم ركزت ع دراستي

فكان ذلك السمستر هو الاعلي في التحصيل العلمي ولمع اسمي في برج الجزيرة

وانتشر اسم التنين حتي في المؤسسات الحكومية

كانت هناك محاولات كثيره من الزملاء والزميلات لكن بائت بالفشل

حقيقة التجربة دي اضافة لي الكثير

خلتني افصل تماما بين قلبي وعقلي

خلتني استمتع بالعلم

قدرت اعرف انو الحياة مابتقيف

ممكن انجرح لكن مابموت يعني ممكن اقيف من جديد

ممكن اتهمش لكن مابتنسي ممكن اسمي المع تاني

رغم صغر سني ، لكن لدي تجارب كثيره

تعرف يادروب انا من الساهل جدا اتعامل مع ناس اكبر مني بمراحل

لكن من الصعب جدا جدا اتعامل مع الشباب الفي عمري او بيناتنا سنه سنتين

ومن ديك وعيك..

اها رايكم شنو في الكلام ده .

حسام التنين

30-06-2009, 04:39 AM

قلت لي القلم وقع منك ..؟:mad::mad:
واحكي لي
رايك شنو في تعدد الحبيبات

لالالالالا من المعارضين بشده في تعدد الزوجات اقصد الحبيبات

لانو بي صراحة ما برضاه لي نفسي وما ممكن اعيشها لي انسانه اتعلقت بي

littlestar

30-06-2009, 04:58 AM

ما شاء الله عينى باااااااارده
لقيت البوست ده جراى جرى جراى جرى
وحلفت ما أعلق ولا أكتب فيهو إلآ لما أكملو
عشان كده
كدى يا التنين أدينى نفس أقدر أشارك
وأزرزك فيهو كمان
بس ما يجى زول حريف كده
ويقول لى الشرك قبض

حسام التنين

30-06-2009, 05:02 AM

زرزروني لكن خلو لي طريقة ازوغ بيها

العاقب مصباح

30-06-2009, 05:06 AM

ما شاء الله عينى باااااااارده
لقيت البوست ده جراى جرى جراى جرى
وحلفت ما أعلق ولا أكتب فيهو إلآ لما أكملو
عشان كده
كدى يا التنين أدينى نفس أقدر أشارك
وأزرزك فيهو كمان
بس ما يجى زول حريف كده
ويقول لى الشرك قبض

هسع انا قلت حاجة :d:d:d:d:d:d:d

littlestar

30-06-2009, 05:07 AM

التنين من خلال تجربتك
إنت بتتخيل إنو الحب
ممكن يتسامى (ما قصدى يعلا طبعن)
قصدى من السيولة والجريان وهو بيمدنا بإكسير الحياة فجأة يتبخر كده؟؟؟
ويبقى معدوم إحساسو جوانا؟؟؟

العاقب مصباح

30-06-2009, 05:07 AM

والله تبارك الله يا التنين

الجماعة طلعو من راسك بلاوى

والله انا حردان عشان مشغول

يظهر انى حأزرزرك تانى

littlestar

30-06-2009, 05:09 AM

هسع انا قلت حاجة :d:d:d:d:d:d:d

هوووووووووووووووى يا عاقب
ما تحدر لى كده
إبعد إنت بعيييييييييييد منها بث

العاقب مصباح

30-06-2009, 05:10 AM

عوض الله محجوب

لن اوفيك حقك اخى الرائع

شاكرا ود مدثر وهيثم ادروب والتنين على كلماتهم

مرحبا بك فى عنقريبك

العاقب مصباح

30-06-2009, 05:12 AM

عصمت الزول السمح

وصاحب المداخلات الطاعمة شديد

شرفتنا بدخولك البوست

لك خالص محبتى وستكون مستضافا

لأنى عارفك مجنون رموش

عبدالرحمن مدثر

30-06-2009, 05:14 AM

اجمل حاجة انو شدرة النيمة دى مابتمل

من الونسة ... والونسة مابتمل منها

النجمة اسقى معاك الشدرة بدون ايصالات طبعا

حبابك ...

ياصبحى انا عيان ... الدكتور كتب لى راحة اسبوع

عليك الله زرزر البنوتة الصغنوتة دى

بدلى بعدين لمن يجى الدوووووووووور

انا بعاين عن كثب سااااااااى

الليلة

يارااااااااااااااااااااااااااجل

الشدراااااااااااااااااااااااات

هووووووووووووووووووى

اقعدوا بعافية

ماااااااااشى على كدا

وكدا كدا يالترلة .... وقاطرها قندرانى:p:p:p

littlestar

30-06-2009, 05:21 AM

اجمل حاجة انو شدرة النيمة دى مابتمل

من الونسة ... والونسة مابتمل منها

النجمة اسقى معاك الشدرة بدون ايصالات طبعا

حبابك ...

ياصبحى انا عيان ... الدكتور كتب لى راحة اسبوع

عليك الله زرزر البنوتة الصغنوتة دى

بدلى بعدين لمن يجى الدوووووووووور

انا بعاين عن كثب سااااااااى

الليلة

يارااااااااااااااااااااااااااجل

الشدراااااااااااااااااااااااات

هووووووووووووووووووى

اقعدوا بعافية

ماااااااااشى على كدا

وكدا كدا يالترلة .... وقاطرها قندرانى:p:p:p

ليه بث يا أبومزن
أنا عملت ليك شنو حثى :eek::eek::eek:؟؟
هو الحطب ناقص توليع
قلت أجىب المويه أسقى شدرتكم دى
ثــــــــــــــــمح
كان ما طفيت ليكم ناركم ومنقدكم ده بمويتى دى
بس إنتظروووووووووووا
(عين زول محمر حمير شدييييييييييييد)

العاقب مصباح

30-06-2009, 05:42 AM

اجمل حاجة انو شدرة النيمة دى مابتمل
من الونسة ... والونسة مابتمل منها
النجمة اسقى معاك الشدرة بدون ايصالات طبعا
حبابك ...
ياصبحى انا عيان ... الدكتور كتب لى راحة اسبوع
عليك الله زرزر البنوتة الصغنوتة دى
بدلى بعدين لمن يجى الدوووووووووور
انا بعاين عن كثب سااااااااى
الليلة
يارااااااااااااااااااااااااااجل
الشدراااااااااااااااااااااااات
هووووووووووووووووووى
اقعدوا بعافية
ماااااااااشى على كدا
وكدا كدا يالترلة .... وقاطرها قندرانى:p:p:p

ماشى وين يا زول

اوعى تكون جادى بس

والله بزعل منك عديل

ياخى انت الفروع كلها

وانت الاصول ياخ

كان مشيت ما بنرضى منك

يا جماعة وقفوا الزول دا

وليك على النجمة اطير جنها

بس ما تغيب

العاقب مصباح

30-06-2009, 05:45 AM

طائر النورس

اعذرنا على التأخير فى الترحيب

وانت سيد بيت والله

اقعد وتعال لينا تانى

وما تفارقنا

اعصر لينا الجماعة ديل

العاقب مصباح

30-06-2009, 05:46 AM

بت مارنجان

ما برحب بيك

انتى ما محتاجة ترحيب اكيد

العاقب مصباح

30-06-2009, 05:48 AM

المميز

مميز انت اكيد

بحضورك

ليك بصمة جد والله

منور شديد

العاقب مصباح

30-06-2009, 05:50 AM

سيد البلد

وصاحب البلد

وسيد العنقريب كمان

طليت علينا ورحت

منتظرين تعاود الاطلالة

اتمنى ان اراك هنا

جالسا وتحتك مخدة

العاقب مصباح

30-06-2009, 05:57 AM

بكره موعدنا

مع زول والله كلنا بنحبه

بنحبك يا فلان

بنقولها ليك حتى لو غاروا عليك

بنريدك فى الله ساى

يا زول تعال لينا بكره بدرى

هيثم ادروب ناوى عليك

وميادة حلفت عليك

والتنين انت عارفه ما بقصر معاك

موعدنا مع زول كلنا بنتمنى نعصره ونطلع زيته

الزول الشليق

خليكم معانا عشان تعرفو دا منو

يا مايسة ما تقصرى

ويا مريم اتحكرى فى البوست

ويا النجمة جبناهو لحدى عندك

عرفتوهو ولا اقولوا ليكم

معانا بكره :-

انزل تحت

قلنا انزل ياخ

اها قربتوا

نرحب بيك يا هناى

حبابك الف

مرحب بالرائع

عبد الرحمن مدثر
ابومزن

ضيفنا من صباح الغد

العاقب مصباح

30-06-2009, 05:59 AM

بت امدرمان

جيت بالسرقة

يعنى بعد هرشناك وقلنا فى ناس بتتاوق وبترجع

منوره دايما وابدا

حبابك الف

ميادة

30-06-2009, 06:35 AM

يا سلااااااا م

حباب ابو مذن

منور العنقريب

ومنور المكان

اها انا طبعا اول زول عرف واول زول هيجيك بكره

بث يا خوي ارجى الراجيك

همسة : العاقب وينك ياخ شنو بقيت ما بتظهر كتير كده سحروك ولا شنو :eek:

درويش

30-06-2009, 07:04 AM

سلام آآآآآآآناس
العاقب تايتك عامرة
دائما يارب
قول آمين
كيفكم ياخوانا
لينا زمن من لمة زي دي
والله انشاء دائمة
وفي خير ...
قولوا آآآآآآآآآآآآآآآآآمين
اها انا جيت متاخر في لينا حاجة
ولا القوا

العاقب مصباح

30-06-2009, 07:09 AM

همسة : العاقب وينك ياخ شنو بقيت ما بتظهر كتير كده سحروك ولا شنو :eek:

دا منو الفاضى يسحرنى يا ميادة ياخ

والله مشغوليات غصبا عننا

ربنا يقدرنا ونكون معاكم على طول يا رب

تسلمى يا عثل

العاقب مصباح

30-06-2009, 07:31 AM

سلام آآآآآآآناس
العاقب تايتك عامرة
دائما يارب
قول آمين
كيفكم ياخوانا
لينا زمن من لمة زي دي
والله انشاء دائمة
وفي خير ...
قولوا آآآآآآآآآآآآآآآآآمين
اها انا جيت متاخر في لينا حاجة
ولا القوا

يا زول قوا شنو
على الهناى تستاهل الضبيحة
وخروف مدوعل
واهم شئ المرارة
والشطة الخضراء
والليمونة ديك
وبصلة بيضاااااااااء تسر الناظرين
حبابك يا درويش
منور النيمة
ويا زول عليك ربك تانى ما تغيب

محمد الواثق

30-06-2009, 09:38 AM

الرائع صاحب القلم الذهبي والكلمات الأنيقة والخواطر الجذابة
دمــــــــــــــــــت لنــــــــــــــــــــا ونفتخر بوجودنا بين احــضان قلمك وفي صفوف مدرستكم ال. لن اقول لي عودة فلابد من العودة

ميادة

30-06-2009, 12:55 PM

وبما انو اليوم الموافق 1 _7 _2009

واخونا الرائع عبدو ( ابو مذن) ح يجلس ع العنقريب الساخن :eek:

فلازم ياخ نكرمك كده في الاول ونجيب ليك حاجة تشربا :D

وجبت ليك شراب ليمون لزوم الرواقة وكده ;)
http://www.9m.com/upfiles/cMU98865.jpg (http://www.7be.com/vb/)

خالد 000 ابقرجة

30-06-2009, 08:06 PM

تنينو 000

دخلتا النيمة من الآخر 000
وزعلتا أنك نفدت مني لمن لقيت باقي نيرانك في الكراب 000
بس حا اتفق مع سيد النيمة 000 نعمل لينا ملحق 000
( أنا وعقبة بس ) 000 طبعا صاحبك عجوز الـ (ث) ما بتطلع معاهو 000

لكن عارف القصة إياها أكتر حاجة عجبتيي المدخل بتاع القلم 000
وحا أهديك ليهو مقطع قديــــــم 000من مراسلات الصبي 000

إذا غصت القاعة بالخارجين منها في تزاحم 000
وأنت بالوسط 000 وقد سقط يراعك 000
فتأكد بأنني كنت هناك 000 وأنت تحاول التقاطه 000

والحاجة التانية 000 الخاتمة بتاعة ( سلمتا علي الحرس 000 ودقيتا طناش ) 000
ما سادية مني لكن عجبني التعبير بس 000 تعبير تنيني النيران طالعة منو 000

لكن يا حبيب 000 حصل خير 000

وخلينا مع صاحبك الوقع ده 000
العميل الكان عاوز يلخبط علينا الإنقلاب 000
ويفشل البيانات الضلالية 000

أبو مزن 000 حبيب الكل 000
موية النيمة الرامية الضل 000
الشايل هم اطفالنا الشفع 000
ينثر بينم ورد وفل 000
وشايل هم الصحبة العامرة 000
القاعد تالو 000 لا نام لا مل 000

أبو مزن 000

بعد البطاقة 000

الهدي 000 طفولة 000 وعنفوان 000

وما تخاف 000 فضيت ليك يا صاحبي 000
بس انتا تعال 000

حسام التنين

30-06-2009, 10:10 PM

مرحب مرحب اخونا عبدو
اتفضل اتفضل والله وقعت وقعة

اشرب عصير ميادة وكدي تعال

واشرب الزير كلو

وجبنة ادروب ولا اقول ليك جبنة كسلا كلها

والله ... احيييي ... الليلا بعمل بعمل فيك عمايل

اول حاجة ظهر انك متصل

تاني حاجه احكي لي عن عبد الرحمن مدثر

واستناني

حسام التنين

30-06-2009, 10:12 PM

ميادة انت و ادروب و .... تشيوا وتدوني الاسئلة وانا اكتب في المقالات

وعبدو ده بس جه كده تجيبو ليه العصير

ليكي علي اخلصوا منه

وعقبالكم

الكلام بالاحمر

حسام التنين

30-06-2009, 10:19 PM

ابو قرجة ليك الف وحشة

وين انت ياراجل الشوق الف

(جدعت ليك جدعه في لكرسي بي هناك)

اها لقيتني كيف رسمت ليك ليهم سيناريو وعيشتهم ليك في القصة لمدة 48 ساعه

عليك الله مابستاهل لقب التنين

عبدالرحمن مدثر

30-06-2009, 10:22 PM

باسمك اللهم نبدأ

ياجماعة انا مريت على البوست دا من الاول

لقيتو لوحة جميلة

وونسة طااااااعمة

وكلمات منسااابة لاتعرقلها الحواجز

ولاتحدها الحدود

مشكور اخونا صبحى صاحب المبادرات الجميلة

والافكار الجميلة

والابتكارت الراقية

وطلب خاص

لعمدة النفاااااااااج

ابونا ودالطاهر

انا عندى المسااااامير

دايرين نعلق اللوحة دى

فى حيطة نفاااااااااجنا

وجااااااااااييكم

انا لو مافتيتوا هنا

افتوااااااااااااااااااااااااا

وين

هيثم ادروب

30-06-2009, 10:32 PM

حبيبنا ود مدثر ...
دا اليوم الدايرونو ليك ياود مدثر مبروك عليك
حقيقي المتعة جاية ...
والشجرة نورة بيك..
اها عندي اسئلة كدي انشاء الله تكون خفيفة عليك
وانا عايز اسخن بيك لحدي ما يجي عقبة اخوي
لانو كلامو سمح خلاص ...
تها تعال لا جوة ..

1- هل ودمدثر بيبكي ولا قلبو قاسي ؟

2-شئ تتمناه يحصل في اللحظه دي ؟

3- دمعه لاتحب ان تراها في عين شخص عزيز عليك وتمنيت ان تفديه بأغلى ماتملك ..

من هذا الشخص؟ دون والدتك او اي زول من اسرتك الكريمة ..؟

4-سؤال مابتحب يسألوك ليه ..؟ ولماذا..؟

5-مسمار في اضانك واصبعك في النار تطلع ياتو اول ... ؟

6- ماهي نقطة ضعف ابو مزن.. ؟

7- ((كل بني ادم خطاء)) ما الخطأ الذي ارتكبه عبدالرحمن مدثر في حياته ... ؟

8- متى تغضب... ؟

9- باقة شوك لمن تهديها ... ؟

10- ماهو اعظم جرح دفنته ... ؟

11- متى دق قلبك لأول مره .. ؟

12-ماذا يعني لك كل من ..

أ- الخيانه ..

ب - المرأه..

ج - الغرور..

وماهو اجمل بيت شعر اعجبت به ..؟

النفتح الموية في الشجرة وبجيك تاني ...

عبدالرحمن مدثر

30-06-2009, 10:32 PM

وبما انو اليوم الموافق 1 _7 _2009

واخونا الرائع عبدو ( ابو مذن) ح يجلس ع العنقريب الساخن :eek:

فلازم ياخ نكرمك كده في الاول ونجيب ليك حاجة تشربا :d

وجبت ليك شراب ليمون لزوم الرواقة وكده ;)
http://www.9m.com/upfiles/cmu98865.jpg (http://www.7be.com/vb/)

ياسلااام عليك ياميادة كلك زوق

وانا بحب الليمون شديد

فى السوق العربى فى بتااااع ليمون مباالغة

الكباية ب300 قرش (300 جنيه بالقديم )

ياسلام على الليمون الكااارب والرخيص

خلاص بالكبااااية دى روقنا (المنقة )

داير اسعلكم سعال

انتو ليه نحن بنقول روقوا المنقة

عشان الاليااااف

والا عشان حاجة تانية

المنقة بنروقها

والليمون بنروق بيهو

والزول لو داير يبقى مروق رووووقة الحبان يعمل شنو

حسام التنين

30-06-2009, 10:44 PM

دا اليوم الدايرونو ليك ياود مدثر مبروك عليك

ادروب يا وين انت امبارح

والله انا كنت خايف من القعاد في العنقريب لكن ربك لطف

عبدو : اسئلة ادروب دي تجاوب عليها سؤال سؤال

وعليك الله ظهر انك متصل(يابتاع الليمون (ماقاعد تمشي ملك العرديب))

اها انا داير استورد ليك اسئلة من قوقل بمشي وبجيك

ادروب الزول ده مايخلي ليك ولا سؤال امشي قوقل واجيه

عبدالرحمن مدثر

30-06-2009, 10:58 PM

أبو مزن 000

بعد البطاقة 000

الهدي 000 طفولة 000 وعنفوان 000

بين الهدى والخرطوم جوطة احساس كبيرة بين البساطة والعفوية وبين زحمة الاشياء .. بين ياناس البيت طيبيبن

هوووى سلام عليكم .. لاابواب مغلقة ولاحتى نوافذ الصباحات الندية تغشاك من الترعة للترعة وترطب دواخلك بطيب

المعشر ... وبين الشقق المغلقة والقلوب المغلقة والشوارع التى لاتجد فيها غير النفايات .. تجبرك الحياة على ان
تعانى

وسط بلدك واحزانك ....!!!!

اجمل ايام طفولتى عشتها فى (الهدى ) .. والهدى للذين لايعرفونها منطقة للانصار (مقفولة ) كانت تعيش على اسس

مدينة الرسول (صلى الله عليه وسلم ) من تكافل ... وبيت مال المسلمين .. حيث يجمع كل المحصول فى مخازن

كبيرة .. ويوزع على السكان ... اجمل حاجة انو الهدى طااااهرة ... يعنى لو لقوا عندك (كيس صعوط ) بصلبوك فى

الميدان الكبير حتى تكون عبرة للجميع ....

بين نار القرآن التى لاتخبو ابدا ... وعلى بركات (الراتب ) كانت بدايات تشكيل الوعى

اتذكر من شقاوة الطفولة ... فى خلوة المسجد العتيق .. وانا ابدا خطواتى الاولى نحو (الشلاقة )

ان شيخ الخلوة بدا يسرد فى اسماء الطلبة .. واى واحد يسمع اسمو يقول نعم

جاء الدور على .....

قلت نعم .......... وبعد داااك (حبيت ليك نعم )

اى زول بعدى اقول انا بالنيابة عنه ... (نعم ) ... نعم ... نعم ... (عجبتنى الفكرة )

لحدى مالقيت ليك سووط عنج كارب فى ضهرى ... وماحسيت بنفسى الاوانا جوه بيتنا

اول علقة ساااخنة ... عدت بعدها للمواصلة ... من دون نعم متكررة :p:p

البطاقة

عبدالرحمن عبدالقادر مدثر

6-5- 1978

جامعة النيلين اقتصاد وعلوم سياسية

التخصص ... علوم سياسية

مشروع تحت التجميد ... جامعة جوبا ماجستير فى الترجمة

السوق ماادانا فرقة

لميت الشهادة وخشيت السوق ... كانت لهجرة الوالد رحمة الله عليه والاخوان الى الخرطوم

والعمل فى السجانة دور فى ان اجد السوق يفتح لى ذراعيه بعد التخرج مباشرة 2002

واهو عايشين

لدى صغيرة امورة (مزن ) سنتين ونص

وفرق شاسع ياخالد بين طفولتنا وطفولتهم

فهى بالامس تطالبنى بموبايل (على شرط )

يكون فيه 3 اغانى

بلة يابلة

قتبلة

ورا ... ورا .. ورا

عليك الله شفت الطفولة كيف

اذا كانت الحفلات زى الهواء كل يوم وتجوووط احساسنا

واحساس اطفالنا

عبدالرحمن مدثر

30-06-2009, 11:08 PM

مرحب مرحب اخونا عبدو
اتفضل اتفضل والله وقعت وقعة

اشرب عصير ميادة وكدي تعال

واشرب الزير كلو

وجبنة ادروب ولا اقول ليك جبنة كسلا كلها

والله ... احيييي ... الليلا بعمل بعمل فيك عمايل

اول حاجة ظهر انك متصل

تاني حاجه احكي لي عن عبد الرحمن مدثر

واستناني

حسام الزول الخش طوااالى

يلزول جيب كباية قهوة تااانى

ادروب دا ماظبط القهوة

لانو ناااوى على نية

احكى ليك عن عبدالرحمن

انا زول ساااااى ... عايش حياتى طول عرض ... اجمل حاجة فينى انى بضحك حتى لو جوااى

جيل هموم واحزااان ... بحب الفوضى لدرجة بعيدة ... ومابتقيد بنظاام ودى مشكلة ... لكن انا مرتاح كدا

وفى حاجة كعبة انو انا لو زعلت بكتم الحاجات ... نفسى انفجر .. لكن بلقى حاجة بتمنعنى

ودا سبب لى جوطة كبيرة داخلية التهاب مصران وكمونية وحاجات تانية :p:p

عبدالرحمن مدثر

30-06-2009, 11:29 PM

ادروب الزول الراااقى الحبوب

حبة .. حبة .. على المحبة

1- هل ودمدثر بيبكي ولا قلبو قاسي ؟

ياخ والله بكااى جنس بكا (ماتوديها بعيد ) .. الدموع دى اقرب الناس لى .. ببكى لطفلة وسط اللمة منسية

ببكى لموقف قاسى ... ببكى لمشهد مؤثر .. بكااااااى ياعمنا انا

2-شئ تتمناه يحصل في اللحظه دي ؟

بتمنى افطر بملاح رووووب كااارب وعليهو سمنة وانا ادخل يدى جووووه (والغف ) حاجة جميلة بشكل :p:p

3- دمعه لاتحب ان تراها في عين شخص عزيز عليك وتمنيت ان تفديه بأغلى ماتملك ..

دمعة اقرب الناس الى (جلال) ابن عمى وهو يفتقد والده ... لكنها الحياة

من هذا الشخص؟ دون والدتك او اي زول من اسرتك الكريمة ..؟

صديقى كرومر

4-سؤال مابتحب يسألوك ليه ..؟ ولماذا..؟

لا انا هنا بالذات كتاب مفتوح لانو القعدة حميمية

5-مسمار في اضانك واصبعك في النار تطلع ياتو اول ... ؟

حااارة ياااخ دا السؤال المابحبوا بس :p:p

6- ماهي نقطة ضعف ابو مزن.. ؟

حسااااس زيادة عن اللزوم

7- ((كل بني ادم خطاء)) ما الخطأ الذي ارتكبه عبدالرحمن مدثر في حياته ... ؟

مافى خطا بعينه بس ساعات بحس انى مقصر فى صلواتى وعباداتى وصلة الرحم

نسال الله العفو والعافية والمعافاة الدائمة فى الدين والدنيا والاخرة

8- متى تغضب... ؟

مابرضى الحقارة ... فى اللحظة دى بغضب

9- باقة شوك لمن تهديها ... ؟

احتفظ بها لنفسى

10- ماهو اعظم جرح دفنته ... ؟

هو حزن كبير .. بعد وفاة الوالد احسست بالضياع لانى اقرب الناس اليه

11- متى دق قلبك لأول مره .. ؟

فى سنة تانية جامعة ... لكن احلى حاجة انى قفلت (قلبى) بطبلة وخليت المفتاح فى البيت:p:p

12-ماذا يعني لك كل من ..

أ- الخيانه ..

كلمة قاسية فى حروفها والتفاصيل

ب - المرأه..

احلى حاجة فى الوجود الام الاخت الحبية الزوجة والبنت الشقية

ج - الغرور..

بالونة كبيرة وفااااااضية

وماهو اجمل بيت شعر اعجبت به ..؟

سلام على الدنيا ان لم يكن فيها

صديق صدوق صادق الوعد منصفا

ليك يوم ياابوكرافتة :p:p:p:p

هيثم ادروب

30-06-2009, 11:44 PM

التفكير في الحياه مقسم الي طائفتين .. تفكير عقلي و تفكير شعوري .. ايهما تفضل و تستعمل في حياتك .... و لماذا ... ؟
انت يا كل المحاور و الدوائر يا مساحات الصبا .. من وجهه نظرك الخاصه (اشرح) ... ؟
متي اكتشفت ذاتك ..؟ و هل كان السبب شخص ام موقف ...؟
رايك فيما يلي
الحب
الطيبة
والأخلاص
والوفاء

الشجرة قربت تتملي هسة بجيك

حسام التنين

30-06-2009, 11:45 PM

11- متى دق قلبك لأول مره .. ؟

فى سنة تانية جامعة ... لكن احلى حاجة انى قفلت (قلبى) بطبلة وخليت المفتاح فى البيت

لالاالالا كدي ورينا الحاصل شنو بالتفصييل الممل (وقعت القلم ودنقيرتك لي شيلتو و..)

انتو القلوب دي بتدق في سنة تانية لي ...

حسام التنين

30-06-2009, 11:53 PM

والله يادروب مبسوووووط منك ..

الشجرة وزهور العاقب الله اديه العافية وزهوره وكريب العنقريب

ورش الواطه و اي حاجة دايرنها ... جري بس بسويها

عليك الله اسئله من النوع ال ... اه

شيل اللحم والشحم وخلي العضم ولا اقول ليك العظم سوي بيه رشوشة

حسام التنين

30-06-2009, 11:59 PM

ود مدثر اسئله سريعه صريحه بس ما محرجة ولا شخصية:

- باقة ورد لمن تهديها؟

- شخص لا ترفض له طلبا؟
- من يطربك ؟
- ما هي التجربة التي تتمنى تكرارها؟
- من هو توأم روحك؟
- ماهو أكثر شيء تخشاه؟
- ما الشيء الذي يشعرك بأكبرقدر من الإحراج؟
- نزار شاعر المرأة.. أنت شاعر من؟
- حمام زاجل استقر على نافذتك يحمل رسالة من مجهول ممن تتمنى أن تكون؟
- جريمة تتمنى أرتكابها؟
- قطعة فحم وجدار نظيف ماذا سترسم عليه،وماذا ستكتب تحت الصورة؟
- كلمة أخيرة بعد أن أصابك الملل؟
- شخص وعدك بشي مهم جدا ثم اخلف ماذا تقول له ؟

اصل قوقل واجيك

بت مارنجان

01-07-2009, 12:00 AM

[color="blue"][size="5"]11- متى دق قلبك لأول مره .. ؟

فى سنة تانية جامعة ...
انتو القلوب دي بتدق في سنة تانية لي ...

سؤالك وجيه وجاهة اصلو ماحصلت ...
وبالمناسبة ليييييييييييه

خالد 000 ابقرجة

01-07-2009, 12:08 AM

أدروب 000
عفيت منك 00
تنينو 000 بالله خليك كدة طوالي 000
أي مرتدة في القون 000
ميدو 000
تاني مافي عصاير 000 بعد 48 ساعة 000

الخرباش 000
من وحي خميرتك النفاجية 000

في حاجات كدة 000 الحاجة ما بتكون حاجة 000
بتكون خميرة حاجة 000 حتة منها بس 000
وتبقي كل الحاجات 000

في بنوت كدة 000
الواحدة منهن ما بتكون حلوة 000
بتكون خميرة حلا 000
لو دخلت مدرست بنات 000
كل الخريجات بياخدوا درجة الجمال 000
ولو مرت جنب كوشة 000
تلقي كل النفايات بقت شتلات ورود 000

ولو مرت بي مدينة سااااي 000
تبقي حبيبة عركي 000
البتتبادل الهدايا مع الحمائم 000

أبو مزن 000

أتخمر لينا 000
قصدي اتدفق عشوائي 000
مع خميرة الجمال 000
وأعجن بدون تفاصيل تجارب 000
عشان ما نفتح ليك نيران مع مزن 000

تنينو 000 ياخي ما تحكها 000
خلاس ياخي خليها مع مزن 000

حسام التنين

01-07-2009, 12:15 AM

تنينو 000 ياخي ما تحكها 000
خلاس ياخي خليها مع مزن 000

ياخوي احنا بنسأل اسئله طويلة المدي
ولا اقول ليك برسل ليك في الخاص عشان مايفهم

خالد 000 ابقرجة

01-07-2009, 12:17 AM

- قطعة فحم وجدار نظيف ماذا سترسم عليه،وماذا ستكتب تحت الصورة؟

اصل قوقل واجيك

تنينو 000
ممكن شق تاني للسؤال ده تمررو لينا معاك ؟

نجمة حلوة 000 بجدار لم يلمسه أحد 000 وأزميل في يدك 000
خربش 000 وأهدي 000

ممكن أهدي 000

خرباش في النجوم 000
يا صاحبي ياحليلك 000
سيب النجوم 000
العنقريب هيلك 000

عبدالرحمن مدثر

01-07-2009, 12:18 AM

التفكير في الحياه مقسم الي طائفتين .. تفكير عقلي و تفكير شعوري .. ايهما تفضل و تستعمل في حياتك .... و لماذا ..

كل واحد عندو حتة لازم يكون فيها .. انا عن نفسى اتعامل باحساسى فى كل حاجة لازم اجيب ميزان

الاحساس واقيسها ... احلى حاجة لو كل الناس عاشت الدنيا باحساسها الجميل .. لكن لابد للعقل ان يكون

الحكم .. حتى لانفتقد اللعبة الحلوة :p:p

انت يا كل المحاور و الدوائر يا مساحات الصبا .. من وجهه نظرك الخاصه (اشرح) ... ؟

انت = الاحساس الجميل , النبض الدفاف .. انت وانا من حقنا ........
مساحات الصبا = عنفوان النبض وحلاوة الشباب

وبين (انت ) و (مساحات الصباح ) تظل الاولى كل الابعاد الجميلة واللوحة التى تزين الاطار

(كدا كييف ) :p:p:p

متي اكتشفت ذاتك ..؟ و هل كان السبب شخص ام موقف ...؟

انا لمن القى ذااتى بكون ماسعيد ... احلى حاجة متعة البحث عنها

حتى لووجدتها تبدا تفتش تااانى :p:p

واجمل حاجة تفتش ذااتك فى ذااات زول بفتش لسه فى ذاااتو :p:p:p

فتش ياخ ... فتش :p:p:p

رايك فيما يلي

الحب

ووووووووووووووووب علينا (على قول واحد صاحبنا )

الطيبة
زاد لحياة جميلة (بس تكون عند كل الناس )

والأخلاص

ياااااااااااااااااااااااااه ... انسى بس

والوفاء

سلعة نادرة سعرها غاااالى ... وماموجودة حتى فى السوق الاسود

ميادة

01-07-2009, 12:23 AM

والله يا جماعة انا عبدو ده كنت ناوية ليهو :eek:

لكن لمن جيت وشفت الحاصل لمن حنيت عليهو :confused:

ياخ يا ابو كرفته وتنين بالغتو بليغ :D

ادو الراجل نفس شوية

لكن برضو ح سألك :

اها اكتر حاجة بتغضبك شنو :eek: ؟؟؟

واسي بجي

عبدالرحمن مدثر

01-07-2009, 12:30 AM

11- متى دق قلبك لأول مره .. ؟

فى سنة تانية جامعة ... لكن احلى حاجة انى قفلت (قلبى) بطبلة وخليت المفتاح فى البيت

لالاالالا كدي ورينا الحاصل شنو بالتفصييل الممل (وقعت القلم ودنقيرتك لي شيلتو و..)

انتو القلوب دي بتدق في سنة تانية لي ...

طيب ياجماااعة نبدا فى الفتة وكدا (بس الحكومة ماتسجل مرور بجاااى ):p:p:p

شوف ياحسام يابنى ... انا خشيت الجامعة بفهم انك لو حبيت بتتعب .. انا مابعرف احب سااى

يعنى خاتى انو بعد الحب يكون الارتباااط وكدا .. والظروف وقتها مانت مابتسمح بتفكيرك دا

عشان كدا ياود ياعبدوش ياحساااس .. عشان ماتتعب .. انت من الصباح فى كل يوم تشيل دفاترك

وتقفل قلبك بطبلة وتخلى المفتاح فى البيت (دى اهم حاجة ) لانو لو شلت المفتاح قلبك بيدق

وتبدا الجرسة وتخش فى حالة من اللاوعى وتنقش تفتش للمفتاح ...

فلسفة حلوة ............... وعاجبااانى

يازول اليوم داااك ....

شفت ليك جلنااااااار .... جلناااااار النااااااار

انا عندى مواصفااات لاحساسى زاااتو

(1) بفتش للنخلة

(2) اهم شىء العيون العندها بعد تالت ماعيون والسلام

(3) الدواخل الحلوة

تلاتة حاجات لقيتن ليك فى جلنااار

ياااااخ انا ادشدشت جنس دشدشة

بس احلى حاجة انو اكلت الكلام كلو فى حنانى

يعنى مااتشالقت ... لانو عااارف بت الناس كان عرفتها بتجرسنى بعدين

بس قلبى دق ... :p:p

لجلنار التى تعشق ودالامين وتكتب معنا وتخربش على جدران الجامعة مع النوارس التى تعشق الترحال

هيثم ادروب

01-07-2009, 12:35 AM

كدي ياود عمي ..
اول حاجة انا عايزك تجاوب علي الاسئلة دي بتجرد وصراحة
بتحب تساعد زوجتك في البيت .. ؟
بتعرف تتبخ ..؟
وبتحب شنو في الاكل .. ماتقول لي ملاح روب ..؟
وهل مررت بموقف محرج مع اطفالك ..؟
العجبك في اسم مزن شنو ..؟
اكثر الاقسام تميزا في المنتدي ولماذا...؟
عضو تتابع جميع مواضيعه....؟
برايك ما الشيئ الذي ينقص منتديات ودمدني...؟
مشرف معجب به .. ماتقول لي جلالة ..؟
السلبيات الموجودة بمنتدى ودمدني من وجهة نظرك .....؟
شخصية رياضية اعجبت بها .. ؟
ماذا تمثل السياسة لك وما دورك تجاه الوطن ..؟
انتخبت رئيسا لجمهورية السودان ما هي اول قرارات ستصدرها ولماذا .. ؟
هل يتسع قلب الرجل لاكثر من مرأة ...؟
اصعب موقف مره على الخرباش .. ؟
امنية تحققت...؟
ايهما اقسى الظلم ام الخيانة...؟
عدو عدوك هو صديقك ما رايك في هذه المقولة..؟
هل انت راض عن نفسك؟؟؟

كوراك ..
التنين اقفل الخرطوش الشجرة اتملت ...:p

خالد 000 ابقرجة

01-07-2009, 12:38 AM

ناس النيمة 000
صاحبي ده شفقتا عليهو 000
لكن طبعا مابخاف عليهو 000
لأنو حريف 000 دايما بعزلوهو أول واحد 000
لكن علي طريقة مدربين الطائرة والسلة 000
راحة اليد الشمال 000 فوق أمشاط اليمين 000
الترجمة (Time out )

وعودة لمقترحات تنينو 000
ولوحات العميل (007) 000
ودبابيس الخرباش الداعية لتثبيت البوست 000
ما نقعد كلنا كدة 000 بعد عنقريب الخرباش 00
نيمتنا بقت ظليلة 000
فعلا نجهبذ الضيافة بتاعتنا 000
نملا الزير 000 نرش الضل 000
أدروب عليهو القهوة 000
ميادة العصير 000
ود مدثر الخربشة 000
مريومة للنمة 000
بت مارنجان 000 ومايسة ضيافة عامة 000
وسيد النيمة طبعا حا يكون الـ Admin بتاع الضل 000
وصاحبكم مع تنينو خلونا للإنقلابات والبيانات الضلالة 000 ( حاشية 000 ضل النيمة )
ونبدأ انفتاح خارجي 000
ودعوات فرح 000 لي ضل النيمة 000
والتكية في عنقريبا 000 الهبابي 000

الخرباش 000
الحتة دي اختيارية 000
يعني أقراها 000
وجاوب البعدها 000
وحليها لي بعد بكرة 000

بت أم درمان

01-07-2009, 12:41 AM

والله العظيم من جوة جووووه قلبي بقول ليكم ربنا يبسطكم كمان وكمان
يا ناس النيمة

بس انتو الاسئلة دي كابنها في قيزان

وبتغرفو حبة حبة ؟

والله ابو مزن الليلة اتجهجه يا حليلو

عبدالرحمن مدثر

01-07-2009, 12:46 AM

ياتنين ماسمعت اغنية محمد منير

حبة حبة على المحبة :p:p:p

- باقة ورد لمن تهديها؟
لامى مع الامنيات بدوام الصحة والعافية

- شخص لا ترفض له طلبا؟
امى ومزن
- من يطربك ؟
كوكتيل انتقى منه عقد الجلاد وكابلى وعركى والجامعة ونانسى

- ما هي التجربة التي تتمنى تكرارها؟
داير ارجع للجامعة تاااانى:p:p

- من هو توأم روحك؟
اكرم صديقى

- ماهو أكثر شيء تخشاه؟
لحظة الخوف من مجهول
- ما الشيء الذي يشعرك بأكبرقدر من الإحراج؟
انو افهم زول غلط
- نزار شاعر المرأة.. أنت شاعر من؟
انا احب الطفولة

- حمام زاجل استقر على نافذتك يحمل رسالة من مجهول ممن تتمنى أن تكون؟

من زول بعييييييييييد طول مننا

- جريمة تتمنى أرتكابها؟

ان اقتل الاشوااق التى تدفعنى اليكم (لانهالا كتيرة وفايتة الحد )

- قطعة فحم وجدار نظيف ماذا سترسم عليه،وماذا ستكتب تحت الصورة؟

حضرنا ولم نجدكم ... اكتشفنا اننا نبحث عنكم بره وانتو جووووه

- كلمة أخيرة بعد أن أصابك الملل؟
باحساسى واحساسك واحساس الناس الحلوة برحل كل الملل

- شخص وعدك بشي مهم جدا ثم اخلف ماذا تقول له ؟

بسلم عليهو وبعذرو

عبدالرحمن مدثر

01-07-2009, 12:50 AM

سؤالك وجيه وجاهة اصلو ماحصلت ...
وبالمناسبة ليييييييييييه

لانو الواحد بركز فيها شديد وبكون تفتيحة

سنة اولى دى جوطة ناس وبرلمة ساااااى:p:p

خالد 000 ابقرجة

01-07-2009, 12:52 AM

أسئلة في الرياضة 000
هدفين في مباراة واحدة 000 بسؤالين 000
المباراة 000 الأرجنتين ضد انجلترا كأس 96 000
الهدف الأول 000
من كرة عكسية 000 بيد مارادونا داخل مرمي انكلترا 000

الهدف الثاني 000
مارادونا 000 وهدف أسطوري 000 مهارات 000 ومجهود 000

سؤال الهدف الأول 000
الغاية تبرر الوسيلة 000
أصبحت مقولة 000 تنسب جرافاً لميكافيلي 000
والجميع يرددها عملاً 000 الا من رحم 000

سؤال الهدف الثاني 000

هل متعة هذا الهدف 000 ومهاراته 000
يمكن أن يجبر الناس علي تناسي الغش الأول ؟؟؟ 000

و الله يا صاحبي 000
الكورة ساهلة 000
الوجع في الحاجات التانية 000 الحامياني 000

خالد 000 ابقرجة

01-07-2009, 01:02 AM

والله العظيم من جوة جووووه قلبي بقول ليكم ربنا يبسطكم كمان وكمان
يا ناس النيمة

بس انتو الاسئلة دي كابنها في قيزان

وبتغرفو حبة حبة ؟

والله ابو مزن الليلة اتجهجه يا حليلو

بتنا 000 بت ام در 000

لو ما عارف عينك باردة 000
كان شلتا لي حطبة مولعة من تحت الخرباش 000
وولعتا بيها بخور في ضلنا ده 000

بس يبسطكم دي بتذكر ناس الضل الباسطة 000

ود مدثر 000
باسطة 000 سكرا بنقط 000 ( اريتا في خشم الفي بالي ) 000

بتقدر تاكل منها كم قطعة 000

وباسطة قدام صينية العشا 000

بتصبر لمن تتعشي 000
ولا بتبدا بالتحلية 000

باسط كفي لي حبك 000
وشايل حسي من نبضك 000
شاحد ربي فد منية 000
يشيل الآهة من دربك 000

مااااااااااااااااااااا بصبر علي الباسطة 000

عبدالرحمن مدثر

01-07-2009, 01:02 AM

أبو مزن 000

أتخمر لينا 000
قصدي اتدفق عشوائي 000
مع خميرة الجمال 000
وأعجن بدون تفاصيل تجارب 000
عشان ما نفتح ليك نيران مع مزن 000

انا مثلك ياصديقى اعشق الجمال واغنى له .. لكن تركيز اللحن يجب

ان ينصب فى جمال الروح .. احب الطبيعة .. واكره صناعة الاشياء عندما تتعلق بهدب الجمال

انا شفاف مابعرف ادس ... يعنى (ام مزن لديها معرفة بتفاصيل صغيرة ) لاشياء هى كانت جميلة

بجمال الروح الداخلى ...

من اين لينا بخميرة جمال بين الشدو والتظليل

الجمال رحل مع رحيل القيم الجميلة

والانوثة تحولت الى دمية تزداد بياضا مع الايام ومع الجلطات

حسام التنين

01-07-2009, 01:04 AM

ياتنين ماسمعت اغنية محمد منير

حبة حبة على المحبة :p:p:p

- باقة ورد لمن تهديها؟
لامى مع الامنيات بدوام الصحة والعافية
اللهم امين لكن ده ماالقاصدو انا

- شخص لا ترفض له طلبا؟
امى ومزن ... وجاي وجاي
- من يطربك ؟
كوكتيل انتقى منه عقد الجلاد وكابلى وعركى والجامعة ونانسى

انت عامل فيها شاب

- ما هي التجربة التي تتمنى تكرارها؟
داير ارجع للجامعة تاااانى
اوع تقول لي سنة تانية بس:p:p

- من هو توأمة روحك؟
اكرم صديقى ...انت ماشايف تاء التأنيث الملفوفه

- نزار شاعر المرأة.. أنت شاعر من؟
انا احب الطفولة
الله ع البراءه حسي انت وا مزن

- حمام زاجل استقر على نافذتك يحمل رسالة من مجهول ممن تتمنى أن تكون؟

من زول بعييييييييييد طول مننا... زوله ولا شنو

- جريمة تتمنى أرتكابها؟

ان اقتل الاشوااق التى تدفعنى اليكم (لانهالا كتيرة وفايتة الحد )

يا راااااجل نحن ولا ...

- قطعة فحم وجدار نظيف ماذا سترسم عليه،وماذا ستكتب تحت الصورة؟

حضرنا ولم نجدكم ... اكتشفنا اننا نبحث عنكم بره وانتو جووووه
(انتو بتبحثوا ولا حتحتلوا قدام الباب)
- كلمة أخيرة بعد أن أصابك الملل؟
باحساسى واحساسك واحساس الناس الحلوة برحل كل الملل
ياربي دي لو كتبوها بالكي بورت الالجن بتكون كيف
- شخص وعدك بشي مهم جدا ثم اخلف ماذا تقول له ؟

بسلم عليهو وبعذرو

فيك الخير ... والله الشاف الشكلة من السوق العربي لي ش 15 ماكضب

اها رايك شنو تشرب موية ولا نديك الكوم التاني

الليلا بنكمل حبر المنتدي كلوا ... والله لاكين

مايسة

01-07-2009, 01:10 AM

حليك يا عبد الرحمن

كملوك الجماعة ديل ;):D

شعورك اتجاه من احببت زمان الآن

عارفة سؤال صعب ادييييييييييييييييييييييييييييييييل من نسوي شنو ;):D

عاد ده عنقريب ;):p

عبدالرحمن مدثر

01-07-2009, 01:10 AM

تنينو 000
ممكن شق تاني للسؤال ده تمررو لينا معاك ؟

نجمة حلوة 000 بجدار لم يلمسه أحد 000 وأزميل في يدك 000
خربش 000 وأهدي 000

ممكن أهدي 000

خرباش في النجوم 000
يا صاحبي ياحليلك 000
سيب النجوم 000
العنقريب هيلك 000

ممكن اهدى ليك وللناس الحلوة القاعدة فى

ضل النيمة

و بذات مــسـاء و بــلا مـيـعاد كــان الـمـيلاد

و تـلاقينا مـا طـاب لـنا مـن عرض الأرض تساقينا

و تـعـارفنا … و تـدانـينا … و تـآلفنا … و تـاخينا

لـــعــيــون الــــنـــاس تــراءيــنــا

لا يُـعرف مـن يـدنو جـفنا مـنا و مـن يـعلو عـينا

و تـــشــاركــنــا … و تــشــابــكـنـا

كـخـطوط الـطـول إذا الـتـفت بـخـطوط الـعرض

كـوضـوء سـنـته انـدسـت فــي جـوف الـفرض

عبدالرحمن مدثر

01-07-2009, 01:16 AM

والله يا جماعة انا عبدو ده كنت ناوية ليهو :eek:

لكن لمن جيت وشفت الحاصل لمن حنيت عليهو :confused:

ياخ يا ابو كرفته وتنين بالغتو بليغ :D

ادو الراجل نفس شوية

لكن برضو ح سألك :

اها اكتر حاجة بتغضبك شنو :eek: ؟؟؟

واسي بجي

ا
لبركة فى كباية عصيرك يامياادة

اخوك معصووووووووووووور

ماتلحقينى بوااحدة تانية

انا مسكيييين ياجماااااعة :p:p

احلى حاجة انو انا بالى سلبة مابغضب سريع

واكتر حاجة انا بغضب منها زى ماقلت

الحقااااااارة

حسام التنين

01-07-2009, 01:28 AM

نحن اهل الفرحة جينا ...لا المدامع وقفتنا ولا الحكايات الحزينة

احساسك وانت بتقراء البيت ده شنو؟

احساسك وادروب وابو قرجة و التنين شغالين فيك شغل الجن ؟

احساسك والنفاجين مستنين الاسئلة الحاره والايجابات الغريبة؟

ولو قمت من العنقريب ولاقيتني جدجد بتعمل فيني شنو؟

هيثم ادروب

01-07-2009, 01:29 AM

ودعمي ابو مزن المخربشاتي ..

مع انك بتشجع الهلال هل فكرت يوم تشجع المريخ ...؟

ولو كنت فنان لمن سوف تغني ..؟

في احد الاسئلة جاوبت بانك حساس جداً وبكاي

من يدفع ابومزن للبكاء الموقف ام صاحب الموقف .. ؟

هل يتنازل الخرباش عن حق من حقوقه لاجل شخص غالي عليه على حساب نفسه ؟

الزكرى جميله وتبقى خالده بزاكرتنا مهما بلغنا من العمر الكبر ..ماهي اجمل زكريات الخرباش ... ؟

اين يكمن جنون ابومزن وفيما .. ؟

في وسط فوضى الحياة والبحث عن لقمة العيش .. ما الذي يرسم لك ..ابتسامه ؟

اكثر شئ اثر بحياتك سلبا .. ؟

ما هو الطابع الذي يغلب على حياتك ..الصدق ..الفكاهة ... ؟

ماهو رايك في الكذب .. وهل له الوان في رايك .. ابيض واسود ..؟

متى يلجأ ابومزن الى التحايل او الكذب ؟

اسرار الخرباش عند من يتركها ويذهب لينام خال البال ... ؟

متى يحس ود مدثر بأنه تعرض للظلم ؟

الامل ...والالم ..حروف متشابهه ولكن ما اوجه الشبه الاخرى بينهم ... ؟

ود مدثر و لمن تستمع من الفنانين الشباب ..؟

عايز منك طلب ..

انداح لينا شوية مع الدوبيت ...؟

انا ماشي اجيب حاجات الجبنة وبجيك ..

خالد 000 ابقرجة

01-07-2009, 01:29 AM

السباعي 000
محفوظ 000
درويش 000
نزار 000
بشري الفاضل 000
الفيتوري 000 وكثير وكثير 000

قرايات قديمة ما عادت متاحة 000

ومكتبات ملأت الأرفف بأوراق اللصق 000
وعلب الدبابيس 000

ممكن ده يكون بفعل فاعل 000
ليهو علاقة بي عصر السرعة 000

آخر مرة قريت كتاب من الغلاف للغلاف في تكية واحدة 000

خالد 000 ابقرجة

01-07-2009, 01:35 AM

انا ماشي اجيب حاجات الجبنة وبجيك ..

أدروب تعال ياخي 000
حاجات الجبنة جابتا ميادة قبيل 000

الزول ده ما بنقدرو بدونك 000

عبدالرحمن مدثر

01-07-2009, 01:36 AM

ادروب ياخ براحة

انت قاعد تسقى فى الشجرة

والله شرقتنى بجااااااااااى:p:p

اول حاجة انا عايزك تجاوب علي الاسئلة دي بتجرد وصراحة

حاااااااضر
بتحب تساعد زوجتك في البيت .. ؟
الصراحة لا انا بتاع كورة وجرائد ومنتدى:p:p

بتعرف تتبخ ..؟
زمان كنت بعرف اعمل القطر قام وهسع نسيت اى حاجة

وبتحب شنو في الاكل .. ماتقول لي ملاح روب ..؟

بحب قراااصة بدمعة بموت فيها

وهل مررت بموقف محرج مع اطفالك ..؟
لا مابتذكر بعدين هى بنوتة واحدة وصغيرة ... ماتكبرنى ياااااخ:p

العجبك في اسم مزن شنو ..؟

كنا شلة الجامعة نلتقى فى مزن بيتش .. وتانى اسم جميل ومذكور فى القران

اكثر الاقسام تميزا في المنتدي ولماذا...؟
النفاج لانو الناس واحد وبتاخد راحتها

عضو تتابع جميع مواضيعه....؟
استاذ النور محمد يوسف و 114 من دون تعليق طبعا
برايك ما الشيئ الذي ينقص منتديات ودمدني...؟
فى حنية كدا مفقودة
مشرف معجب به .. ماتقول لي جلالة ..؟
ابومازن
السلبيات الموجودة بمنتدى ودمدني من وجهة نظرك .....؟
غياب الدور الاشرافى لمعظم المشرفين
تعامل الاعضاء بنظام الشلة يحرم الاعضاء الجدد من التواصل
شخصية رياضية اعجبت بها .. ؟
الرشيد المهدية .......... زول فاااهم ياااخ
ماذا تمثل السياسة لك وما دورك تجاه الوطن ..؟

انا دارس لعلوم سياسية وبين السياسة كعلم وكممارسة فرق شاااااسع

انا مشاهد فقط لابجدع ولابجيب الحجاااار

انتخبت رئيسا لجمهورية السودان ما هي اول قرارات ستصدرها ولماذا .. ؟
الاارااضى الماليها حد بشوف طريقة لاستثمارها
وعودة مشروع الجزيرة الحلم الذى كاان

هل يتسع قلب الرجل لاكثر من مرأة ...؟

نعم
اصعب موقف مره على الخرباش .. ؟

حادث حركة فى شارع الخرطوم مدنى الحمدلله سلامة

امنية تحققت...؟
ان التقى بشريكة حياتى وتاتى مزن لتملا حياتى
ايهما اقسى الظلم ام الخيانة...؟
الخيانة طبعا لانها مدمرة .. يمكن ان تعفو عمن ظلمك
عدو عدوك هو صديقك ما رايك في هذه المقولة..؟
غير صحيحة
هل انت راض عن نفسك؟؟؟

الى حد ما نعم

هيثم ادروب

01-07-2009, 02:12 AM

اريتو عنقريب الهنا ...
انا حاسي اني احتليت العنقريب علي حسابي ..
حأدي الناس فرصة يزرزروك ..
لاني ما ند ولن اكون نداً لك
سعدت بهذه اللحظات واستمتعت
بجوانب حياتك الما معروفة لدي الناس في المنتدي
ودا هدف النيمة و العنقريب ..
حقيقي الواحد بيفتخر بي معرفتك
لاكن عشان الناس ما يزعلوا..
حأقعد استمتع بي ردودك ..
ونتعلم من ابو مزن الخرباش
تحياتي واحترامي
وربنا يخلي ليك مزن ويحفظها كمان

تخريمة ..
ياخ سوق براحة في طريق مدني الخرطوم
وربنا يحفظنا جميعاً

حسام التنين

01-07-2009, 02:22 AM

ادروب اقعد في الصف القدام لانو الزول ده بدء يصر لي

ابو قرجة خليك قريب

ميادة

01-07-2009, 02:59 AM

يا جماعة والله صعبتوها

ياخ بعد شوية الزول ده هيطفش من المنتدى كلو بي سببنا

اها جبت ليك جك بتاع عصير لزوم الاسئلة وكده
غايتو الله يعينك :eek:

http://up4.m5zn.com/9bjndthcm6y53q1w0kvpz47xgs82rf/2009/7/1/04/dst7q59nr.jpg (http://www.m5zn.com)

خالد 000 ابقرجة

01-07-2009, 03:10 AM

ادروب اقعد في الصف القدام لانو الزول ده بدء يصر لي

ابو قرجة خليك قريب

تنينو 000
جنبك 000
ماتخاف 000
الزول ده ما بعضي 000
بخربش بس 000
خاصة انك من (نجوم) النيمة 000

;):p:p;)

أبو مزن 000
أصرف شيكك 000 وارجع طوالي 000

أرجع للنيمة 000
ارجع للمة 000
ارجع للدوبيت 000
ارجع للنمة 000
واتدفق 000
ما تترقرق 000
اشرب من زير العاقب 000
وقهوة أدروب بتزيل الغمة 000
وعصاير ميدو الباردة ترطب 000
نيران تنين 000 حاسداهو الهمة 000
بت ام در 000ومايسة وعصمت 000
ودرر مريومة البت الكلمة 000
وعميلنا السابع 000 راسم لوحة 000
علي ساق النيمة زي داندرما 000
أبقرجة حليلك 000
شن بتدور 000
غير ضلا وارف 000
تغشاهو النسمة 000
وشن تتمني 000
و أريتو مناك 000
لمة حبيبة 000 جامعاها البسمة

خالد 000 ابقرجة

01-07-2009, 03:20 AM

ميدو 000
تاني مافي عصاير 000 الا بعد 48 ساعة 000

ميادة 000 خالفتي قرارات الثورة الضلالية ( بنؤكد بالنسبة لضل النيمة )
وكدة بتعرضي نفسك لنيران التنين 000 حامي الثورة 000

اها جبت ليك جك بتاع عصير لزوم الاسئلة وكده

غايتو الله يعينك :eek:

http://up4.m5zn.com/9bjndthcm6y53q1w0kvpz47xgs82rf/2009/7/1/04/dst7q59nr.jpg (http://www.m5zn.com/)

قرار ضلالي 000
يتم مصادرة المعروضات 000

رسالة في الخاص 000

تنينو جيب كبايتك وتعال 000
المعروضات حلال علينا 000
موش نحنا الثورة ؟؟؟

عبدالرحمن مدثر

01-07-2009, 03:33 AM

والله العظيم من جوة جووووه قلبي بقول ليكم ربنا يبسطكم كمان وكمان
يا ناس النيمة

بس انتو الاسئلة دي كابنها في قيزان

وبتغرفو حبة حبة ؟

والله ابو مزن الليلة اتجهجه يا حليلو

بت امدر الحنينة زى البقعة

الجماعة ديل لقوا فينى يوم

وجابوا كثافتى

عليك الله اغرفى لى من الزير دااك كباية موية

مايكون جواها سؤاااال بس:p:p

عبدالرحمن مدثر

01-07-2009, 03:39 AM

أسئلة في الرياضة 000
هدفين في مباراة واحدة 000 بسؤالين 000
المباراة 000 الأرجنتين ضد انجلترا كأس 96 000
الهدف الأول 000
من كرة عكسية 000 بيد مارادونا داخل مرمي انكلترا 000

الهدف الثاني 000
مارادونا 000 وهدف أسطوري 000 مهارات 000 ومجهود 000

سؤال الهدف الأول 000
الغاية تبرر الوسيلة 000
أصبحت مقولة 000 تنسب جرافاً لميكافيلي 000
والجميع يرددها عملاً 000 الا من رحم 000

سؤال الهدف الثاني 000

هل متعة هذا الهدف 000 ومهاراته 000
يمكن أن يجبر الناس علي تناسي الغش الأول ؟؟؟ 000

و الله يا صاحبي 000
الكورة ساهلة 000
الوجع في الحاجات التانية 000 الحامياني 000

ا
نا بكره الانجليز عشان كدا الاجابة حاتكون مامحايدة :p

الغاية تبرر الوسيلة مقولة مثبطة للهمم بعيدا عن الواقع هى مربوطة

بفقه المنفعة للحظة معينة

وفكرة الهدف ولحظة التفكير فى كيفية استثمار الفرصة ولو بالغش فى حد ذاتها روعة

هى ماكورة وحلاوتها فى الحركات الجنونية .. ودى حركة فايتة حد الجنون انا شخصيا بستمتع بيها

الحاجات التانية الحامية دى وصف لى شارعها بس

اخوك بقى يشوف طشااااااش:p:p

حسام التنين

01-07-2009, 03:44 AM

ميادة 000 خالفتي قرارات الثورة الضلالية ( بنؤكد بالنسبة لضل النيمة )
وكدة بتعرضي نفسك لنيران التنين 000 حامي الثورة 000

قرار ضلالي 000
يتم مصادرة المعروضات 000

رسالة في الخاص 000

تنينو جيب كبايتك وتعال 000
المعروضات حلال علينا 000
موش نحنا الثورة ؟؟؟

الله اكبر 0000

زي مابندي الثورة من دمنا لازم تدينا من (عصيرا و

ابو قرجة خلي القوس فاتح احتمال تجي حاجات جديد ،،،

حسام التنين

01-07-2009, 03:47 AM

نحن اهل الفرحة جينا ...لا المدامع وقفتنا ولا الحكايات الحزينة

احساسك وانت بتقراء البيت ده شنو؟

احساسك وادروب وابو قرجة و التنين شغالين فيك شغل الجن ؟

احساسك والنفاجين مستنين الاسئلة الحاره والايجابات الغريبة؟

ولو قمت من العنقريب ولاقيتني جدجد بتعمل فيني شنو؟

عبدالرحمن مدثر

01-07-2009, 03:47 AM

حليك يا عبد الرحمن

كملوك الجماعة ديل ;):D

شعورك اتجاه من احببت زمان الآن

عارفة سؤال صعب ادييييييييييييييييييييييييييييييييل من نسوي شنو ;):D

عاد ده عنقريب ;):p

مايسة

انا لااسميه حب لانه لم يكتب له شهادة ميلاد (او حتى تسنين ):p:p

جاء فى زمن غلط .. ولقينا المكاتب لشرعية الاحساس مقفلة

هو انبهاااار (نور طويل ) بلغة السيارات

لكن احلى مافى الجامعة حين تقابل انوثة تعلمك معنى العطاء

وتاخد من دواخلك مكااانة

تتعدى درجة الاحترام

لتصل لدرجة القدسية فى التعامل والاحساس

انتى دفعتى وعارفانى شايت وين :p:p

وبنفس احساس الحب

بهدى ليك وليها اغنية بتهزنى شديد

للطيب مدثر وسعدالدين ابراهيم

العزيزة

العزيزة الما بتسأل عن ظروفنا

الوحيدة الطال عشان جيتك وقوفنا

العزيزة الما بتسأل عن ظروفنا

الوحيدة الما بتحاول يوم تشوفنا

المواعيد لسة حزنانة بتنادي

والأماسي بتبكي في أسى ما إعتيادي

ما كنتي بهجتا براوئع قوس قزح

والله ما طلانا من بعدك فرح

سلميلنا على ضفايرك موجة موجة وكلميها

قولي ليها حرام تتوه فيها المواسم ونحنا بالجد نشتهيها،

سلميلنا على عيونك يوم تسهي تغروديها

ويبقو تفاحتين خدودك بس خدودك وين شبيها،

سلميلنا علي يدينك وشملة الريد أنسجيها

سلميلنا علي خطاكي عزة العاملة ومشيها

والله أحضانك بلد يا حلوة ما تنسينا فيها

تغريد

01-07-2009, 03:53 AM

والله يا عبد الرحمن يا اخوي كنت جاية وناوية عليك بس لامن شفتك متوهط العنقريب وعرقك ينقط حننتني شدييييييييييييييييييييييد :(:(:oباقي اختك محاسيسها حساسها شوية :rolleyes::rolleyes:قلت ادخل ادخل ارحب بيك وأسلم وميادة ما قصرت بردت ليك بالعصير واها يا اخوي وارجع تاني تكون المحاسيس خفت شويه شوية كدا

ياخ والله حالتك تحنن الزول دا طيب ياخ

عبدالرحمن مدثر

01-07-2009, 03:59 AM

ود مدثر 000
باسطة 000 سكرا بنقط 000 ( اريتا في خشم الفي بالي ) 000

بتقدر تاكل منها كم قطعة 000

وباسطة قدام صينية العشا 000

بتصبر لمن تتعشي 000
ولا بتبدا بالتحلية 000

باسط كفي لي حبك 000
وشايل حسي من نبضك 000
شاحد ربي فد منية 000
يشيل الآهة من دربك 000

مااااااااااااااااااااا بصبر علي الباسطة 000

اول حاجة ياكابتن كابو انا مزااجى غريب

مابحب السكر الشديد ... ومابحب الحموضة الشديدة

دائما بلقى نفسى فى النص :p:p

انا بتقهمنى الباسطة قطعة واحدة تكفى :p:p

ولو كانت رموووووووووش ممكن اخد منها خمسة لانها فيها وزنة كدا غريبة :p

اول حاجة الفى بالك بكون سكرو اكتر من سكر الباسطة

وسكرنا وكملتو :p:p

نجى للعشاء ودا يتوقف على حسب الوفد المرافق

يعنى لو كان جنبك باااااسطة بتصبر وتنسى الباسطة والعشاء ذااتو

لو كان جنبك واحد زى صبحى داااا اكيييد بتنط للتحلية

لانو الظروف مامعروفة :p:p:p

أهتنا بتفوت وبترحل

لمن طيفك يجى ويتحكر

لمن حسك يكون الانضر

يازول ياسكر

خالد 000 ابقرجة

01-07-2009, 04:02 AM

والله يا عبد الرحمن يا اخوي كنت جاية وناوية عليك بس لامن شفتك متوهط العنقريب وعرقك ينقط حننتني

تغريد 000 نورتي النيمة 000

لكن الحنة دي بتكون ختتا ليك ميادة 000

ميدو 000 كباية عصير لتغريد بالله 000
جبنة ادروب دي قالت ما بتستناها 000

أنتا يا تنينو 000
أدروب ده مشي يجيب عدة الجبنة دي من سوق النسوان ولا شنو ماجا لي هسي

عبدالرحمن مدثر

01-07-2009, 04:07 AM

نحن اهل الفرحة جينا ...لا المدامع وقفتنا ولا الحكايات الحزينة

احساسك وانت بتقراء البيت ده شنو؟

احساسك وادروب وابو قرجة و التنين شغالين فيك شغل الجن ؟

احساسك والنفاجين مستنين الاسئلة الحاره والايجابات الغريبة؟

ولو قمت من العنقريب ولاقيتني جدجد بتعمل فيني شنو؟

-الاغنية دى بكون عندها طعم لمن تمشى منتزه عبود

ووتفرجخ فى الواطه .. وعينك للعقد الجلادبية وهو يرحل بخيالك للبعييييد

احساسى رجعنى للايام الخوالى

لمن نكون مع عقد الجلاد وين ماتكون

عذاااابة كنا واحرااااااار

ياسلااااااااام

-عصرتكم حااااارة لكن من جوه فى متعة انو لسه فى الدنيا فى ناااس

حلوين زيكم (ماتصدقوا طوالى :p)

- انا زماان كنت زول ثقافى ساااى النفاج دا ماقاعد اعتب عليهو

لكن وبصدق ياسلام اجمل مكان واجمل احساس

وكلوا يهون عشان نفاجنا

عشاان لمتنا

عشان نيمتنا :p:p

- اول حاجة انا بقابلك قريب وخليها مفاجاة بعد ماتنلاقى :p:p

بت أم درمان

01-07-2009, 04:15 AM

بت امدر الحنينة زى البقعة

الجماعة ديل لقوا فينى يوم

وجابوا كثافتى

عليك الله اغرفى لى من الزير دااك كباية موية

مايكون جواها سؤاااال بس:p:p

كر عليك يا مزن ابوك نشف وبقا يشحت في المويةلمن شفقتنا عليك والشدرة دي مالا ناشفة كده حسي اجي العاقب اشيل حالكم طيب هاك كوز الموية ده بس قبال تشرب عاين جواهو س سؤال برء جدا : رأيك في النسيبة بالنسبة للطرفين بس رأيك دا لازم اكون مفصل تفصيل بالله

تغريد

01-07-2009, 04:15 AM

تغريد 000 نورتي النيمة 000

لكن الحنة دي بتكون ختتا ليك ميادة 000

ميدو 000 كباية عصير لتغريد بالله 000
جبنة ادروب دي قالت ما بتستناها 000

أنتا يا تنينو 000
أدروب ده مشي يجيب عدة الجبنة دي من سوق النسوان ولا شنو ماجا لي هسي

تسلم يا خالد الطيب ياخ والجبنة بشربها وقاااااااااااااااااعدة معاكم
بس تصدق الحنة ما شالت اصلي مستعجلة عشان اجي هنا لي ود مدثر

خالد 000 ابقرجة

01-07-2009, 04:16 AM

حكاية بتقهمني دي كنتا خايف اقولا ليك اقولو ( لييدنق كويسشن ) 000
لكن رموش حقتك دي بتجيب ليها كسير تلج في توقيع 000 مع الاعتذار لود المزاد
وبعدين صبحي صاحبك فاري 000

شكلو بخمر في حاجة 000
وخميرتو صعبة 000
عارف صبحي ده من الحاجات الخميرة القلتها ليك 000
يعني نقطة من قلمو 000 خميرة لابداع كبييييييييير 000

ونيمة من حديقتو 000
خميرة لي غابات كتييييييييييييييرة 0000

والغابة الحلوة
الساكنة جفونك 000
الحاضنة النظرة 000
الساحرة عيونك 000
شن تسوي الدنيا 000
يا شافعة بدونك 000

وبرضو تقول لي غابة الأبنوس عيونك ؟؟؟

الغابة 000
الحقيقة 000
والغابة المصطلح التي أصبحت تشير لواقع يسوده منطق الأقوي 000

خربش بين الإتنين

حسام التنين

01-07-2009, 04:28 AM

اها ياود مدثر بعد السخينة دي دايرنك تدينا حاجة كده من بيت الكلاوي

بي مزااااج عليك الله

عشان نتأكد انك سخنت وندخلك الملعب

خالد 000 ابقرجة

01-07-2009, 04:51 AM

اها ياود مدثر بعد السخينة دي دايرنك تدينا حاجة كده من بيت الكلاوي

بي مزااااج عليك الله

عشان نتأكد انك سخنت وندخلك الملعب

تنينو 000
أسمح لي يا صاحبي 000

طلعت قلبك أسود 000

أبو مزن 000
الأسود بجيب سؤال خفيف 000

سلطةأسود لذيذة 000
سندوتش ولا في صحن 000

وحصل فكرت قبل كدة في سندوتش خدرة مفروكة ؟؟؟؟

الخدرة المفروكة 000
باللوبة ولا باللحمة 000

واللوبة بتجيب اللالوبة 000
لالوب بلدنا ولا تمر الناس 000

والناس العملو قروش 000
قروش بتعبر أحسن ولا ( كروش ) 000

كروش 000 بعجبك أكتر ولا رونالدينيو 000

ورونالدينو قفل لي الضمنة 000

أخليك توزع تاني 000 مع الحاجات الخفيفة دي 000
تجر نفسك شوية معاها قبال ما يجيك أدروب 000

ويكون في علمك 000
عقبة ماسك وردية اللليل 000 شيل شيلتك 000

وبالمناسبة دي 000 حصل مسكتا موية فجرية في الشتا ؟؟؟
بالله ترجم معاك للحناكيش 000

أنا هسي جبتا سيرة شهادة نصف عربية ؟؟؟؟ :rolleyes::p

ميادة

01-07-2009, 04:55 AM

ميادة 000 خالفتي قرارات الثورة الضلالية ( بنؤكد بالنسبة لضل النيمة )
وكدة بتعرضي نفسك لنيران التنين 000 حامي الثورة 000

سجمنا :eek:

قرار ضلالي 000
يتم مصادرة المعروضات 000

هي هي دقيقة :eek:

رسالة في الخاص 000

تنينو جيب كبايتك وتعال 000
المعروضات حلال علينا 000
موش نحنا الثورة ؟؟؟

بث انتو قولو عايزين جك زي ده وخلاث :d

عبدالرحمن مدثر

01-07-2009, 05:12 AM

ادروب الحبوب

مامشى ياجماااعة

لستة اسئلتوا لسه قاااااعدة :p:p

مع انك بتشجع الهلال هل فكرت يوم تشجع المريخ ...؟

انا اول حاجة مامتعصب زول معتدل المزاج وامبارح كنت جوة القلعة الحمراء من سبعة لحداشر

بستمتع بعظمة الاحمر وجمال التنظيم وجمال الوالى والالعاب النارية وبشجع فى العجب والباشا وسفارى

انا بحب المريخ شديد ... وبشجعوا فى المباريات الخارجية ... مابكرهوا الا لمن يلعب مع الهلال

ولو كنت فنان لمن سوف تغني ..؟

بغنى للقدال ... واسماعيل الاعيسر

في احد الاسئلة جاوبت بانك حساس جداً وبكاي

من يدفع ابومزن للبكاء الموقف ام صاحب الموقف .. ؟

الموقف هو الذى يدفعنى للبكاء اولا وتاثير الموقف على سيد الموقف

لمن يكون مؤثر ومؤلم

هل يتنازل الخرباش عن حق من حقوقه لاجل شخص غالي عليه على حساب نفسه ؟

وبتكيف للحاجة دى شديد لانها قمة الايثار والانسانية

الزكرى جميله وتبقى خالده بزاكرتنا مهما بلغنا من العمر الكبر ..ماهي اجمل زكريات الخرباش ... ؟

اجمل ذكرياتى تكون مربوطة دوما بالطفولة وايام الجامعة لانها من الفترات العالقة بالذاكرة

ولاتنسى ابدا اختلط فيها الحب والبراءة والاخوة الحقة بجمال اللمة وصدق الاحساس

عشان كدا بتكون ذكريات راسخة لاتنسى (مع انو انا نساى )

اين يكمن جنون ابومزن وفيما .. ؟

جنونى يزداد عند البحر ... وسط المطر .. بين الاحبة والاطفال

في وسط فوضى الحياة والبحث عن لقمة العيش .. ما الذي يرسم لك ..ابتسامه ؟

شاااافع صغير ببيع مناديل فى شوارع الزلط .. واحد صاحبى حن عليهو اشترى منو خمسة صناديق

منديل .. واداهو قروش الخمسة .. وقال ليهو ادينى صندوق واحد

رفض الصبى وقال بقوة : انا ماشحااااااااد

دفعت حق خمسة تشيل الخمسة

اكثر شئ اثر بحياتك سلبا .. ؟

قياس كل الامور باحساس رهيف (مشكلة دى )

ما هو الطابع الذي يغلب على حياتك ..الصدق ..الفكاهة ... ؟

حياتى عنوانها التسامح اولا .. عشان تستمر وتدوم الابتسامة لابد من التسامح عنوان للحياة

مااجمل الصدق المعدوم فى تعاملنا

انا اساسا من حزب البهجة وعندى شعار (عيش وابتهج وانسى )

ماهو رايك في الكذب .. وهل له الوان في رايك .. ابيض واسود ..؟

الكذب واحد لايتغير ولا يتلون انه تزييف للحقيقة ومحاولة طمسها

متى يلجأ ابومزن الى التحايل او الكذب ؟

ماقاعد اخش فى دوامة زى دى ... لكن مرات البيت بحتاج لحاجات كدا خفيفة

مابسميها تحايل ... بس تاتى من باب عدم الانشغال الزائد ... وعشان الناس ماتشفق عليك

اسرار الخرباش عند من يتركها ويذهب لينام خال البال ... ؟

اصعب شى انى زول كتامى ومنعزل اسراريا

مابحب افضفض حاجاتى بلمها واتونس معاها

بتعمل لى ارق وبتعب فى النوم لكن كدا احسن :p:p

متى يحس ود مدثر بأنه تعرض للظلم ؟

عندما يحكم على تصرفى من دون الرجوع الى لمعرفة الدوافع

الامل ...والالم ..حروف متشابهه ولكن ما اوجه الشبه الاخرى بينهم ... ؟

الامل ماكان امل الا بعد نخش فى دوامة الالم

وكف الالم الحارق يمكنه ان يبدل حروفه الى امل جميل فى نهاية المطاف

لاامل بدون الم .............. ولاالم بدون امل معادلة صعبة لكن لابد منها لكى نعيش

ود مدثر و لمن تستمع من الفنانين الشباب ..؟

الشبااب بتكيف شديد لشكرالله وعندو صوت مبالغة

وبعجبنى نادر خضر

عايز منك طلب ..

انداح لينا شوية مع الدوبيت ...؟

جدا بديك حاجة جميلة لشاعر البطانة بشرى يعالج فيها حكاية عيد ميلاد حنكوشة صاحبتو

بطريقة جميلة .. ويعتز فيها بتراثه وجلابيتو وسروالو الطويل

وانا من زمنا خدو مشلخ

وهى من ازمانا خدها ساده

اتعجبت سماحا وافر

طبقات عالية وكلها ساده

وكانت بينا فوارق شاسعة

اتعارفنا

وكانت جاده

وقالت عيد ميلادى الشهر الجاى

ولازم تحضروا

قتلها خير

قتلها خيييييييييييييييييييييييييييير

ودخل فى اضافرى

تقصدى ايه بى عيد ميلادك

ايا ربى اتولدت يا دابا

يبقى الاعياد سوها زيادة

امكن ولدت وانا ما عارف

يمكن ميلاد عيسى واجدادها

يا ربى بدقوا الدلوكة

وبعزموا الحلال كالعاده

بس قتلها خير وانا جاييكم

وعديلة وزين

والشهر الجاى

مرق مركوبى من السحارة

داقاهو المطرة قبل شهرين

ونكت طاقيتى من العضاضة

سليتلى ثماد رقعتها زين

سديريتى ابوى مسويها لبد

فرتقت اللبده مرقتها طين

عراقى مغزوز فى الكوكار

كان سوهو وقاية وكت فازعين

سروال مدفون فى رهل العيش

ملفوف محشور بين شوالين

لميتن واديتن شطفة

شريتن فووووق فى حوش الزين

والزين بقراتو مكوفرات تب

مدغن طاقيتى هرنها زييييييييييييييييييييييييييييين

شافتن السرة بت الهراف

طردتن وجابتلى النتاف

وغضبت غضب

وعزمت اقوم

جفن ما جفن

اقوم فى الحين

مرقت ووشى مطوطو تب

وصتنى الحلة رجال وعوين

وصتنى النوفل لى كركار

كان تلقى ودك جيب لى رطلين

وقروشى حلف صرة وبى خيت

وصتنى حليمة بت العجبين

سروال لى امحمد ورطلين بن

بنبيعلنا شي ونديك بعدين

وصانى الهابر لى مركوب

مخلوفة وسرج وكرباجين

عنقريب وموسر بى حبال قد

تيبار ومسلة وابريق طين

والناس بتوصى وغبيانة

والناس غبيانة وبتوصى

وانا ظرفى مكدر زى الطين

وبتوصى وزى بايعلى بعير

وانا بايع تيسى وعيش كيلتين

والتيس اعور ما جابلو سعر

والعيش بتاب ومسوس وشييييييييييييييييين

تتسود ختوة هالسفرة

انا ماشى لواجب اقوم بالدين؟؟؟؟

تتسود خطوة ها السفرة

انا ماشي لواجب اقوم بالليل

وركبت الباص مخلاتي دفس

كدوسي وحقتي وعود سكين

وانا راكب في الباص بتأمل

ياربي بجيبو الحكامات

بتسو دلوكة بيجوا الحلال

ضابحين تيران ام خرفان صر

مدققين كمين شوالات عيش

وانا مالي ومال عيد ميلادن

ان نقروا الدلوكة اولادن

انا بنزل حربي ومتعكز

وادلاق اصقر في الدارات

وانا اصلي خراب حفلا ت

وامسك صوتي المدهون قطران واندق

شان السمحات ما يقولن ضيفنا كريت ينساق

ووصف وسعال لامن جيتن

وهداك البيت يرقش لوحات

وصل ولقيت البيت مزرود لاحدو بنات سمحات

شايلات هديات

وحدات وردات

وحدات زهرات

شايلات رسمات في شكل ارنوب

واسودونمور سبحان الله زي الميتات

يضاحكو قر حايشين صينية تبق شمعات

ماف زول قالي انت منو مابعرفو الضيف زي الخوجات

ختيت عكازي وقفت طرف

ملص نعلاتي اتفرجختا

لي تفه خلالي مضنقلو تب سكيني منزلي بالجمبات

تبماكي وحُقتي مزرودا ولعتا كدوسي واخد جبدات

وان بتأمل هذا العالم ياتو البنوت وياتو الجنيات

وبحرت عيني لامن برقن

كل البنوت زيها سمحات

والبقر اشابه لي ضمة

ما عرفت الراحن والفايتات

لي حسن الحظ هي النقرتني

ما شالت شك من شافتني

ساقتني وقامت بالواجب هي اصيلة وراسية وست حوبات

نادت صاحباتا بنتعارف

نانسي ونانسي وشيماء ولمياء ْ وحوراء وكفا

من وين! من لندن جينا امس راجعين باكر زي ها الحظات

من الطايف والمنشية ومدينة النيل وبنوت راقيات

طيبات طيبة وكل كليمة معاها ضحيكة

ونضاااف ورهااااف زي اللعبات

واحدتاٌ فيهن سمحة سماح لكن مي طاعمة

وانا زول مستغرب في حاجات

ان زول اسراني سماحتاً كاسيا

بنت البلد الهاديه وراسية وضميرا الحي التب مامات

وقالت لي
عرف نفسك بي عبارات

عرف نفسك بي عبارات

قلت : انا الاسد الحرس غابتو الضريا

وانا الساعة الكتال بختف حديا

وانا الدايرني مابجيب لي هديا

وسارح مدرج الخمجة التخيه

مراتع اللبل الضان السعيه

وادرج عاصفة اللقدة السخيه

وادرج عاصفة اللقدة السخيه

خالد 000 ابقرجة

01-07-2009, 05:19 AM

بث انتو قولو عايزين جك زي ده وخلاث :d

قصدك زي الشربناهو أنا والتنين صاح 000
وانتي جاية علي النيمة بيجاي ما لا قتك السيرة المشت قبال شوية ؟؟؟

العريس جو زوروهو النيمة بتاعتنا 000 ( عادات وتقاليد بقت ) 000
لكن غنو حلاة غنية 000 قالوا اسمها ضل النيمة 000

فرح فرح يا النيامة 000
عيشو حب ومرح يا النيامة 000

البنات حلوات 000 يا النيامة 000
بالعصير جايات 000 يا النيامة 000
الظاهر حنينات 000 يا النيامة 000
الا شمتانات 0000 يا النيامة 0000

فرح فرح يا النيامة 000
عيشو حب ومرح يا النيامة 000

الولاد حلوين 000 يا النيامة 000
علا سعالين 000 يا النيامة 000
شوية بس خاطبين 000 يا النيامة 000
والباقي متشوكشين 000 يا النيامة 000
مافي متزوجين 000 يا النيامة 000
قالوا الا اتنين 000 يا النيامة 0000

طبعا الا اتنين دي 000 حسام حا اقراها ( تنين ) 000

عبدالرحمن مدثر

01-07-2009, 05:24 AM

السباعي 000
محفوظ 000
درويش 000
نزار 000
بشري الفاضل 000
الفيتوري 000 وكثير وكثير 000

قرايات قديمة ما عادت متاحة 000

ومكتبات ملأت الأرفف بأوراق اللصق 000
وعلب الدبابيس 000

ممكن ده يكون بفعل فاعل 000
ليهو علاقة بي عصر السرعة 000

آخر مرة قريت كتاب من الغلاف للغلاف في تكية واحدة 000

ا
قول ليك حاجة انا قبل يومين مشيت عفراء

فى دار نشر مصرية عامل معرض بتاع كتب

لقي ليك المجموعة الكاملة لاحمد مطر اشتريتو

ولحدى هسه ماقريت فيهو عشرة صفحات

اين نحن من دوامة الشغل وجوطتو

ناس البيت وحقك عليهم

مزونة وطلباتها

اليوم بنتهى

بجى اليوم التانى زى الاول

ياحليل زمااان

بالامس شدنى مقال جميل فى مجلة الدوحة القطرية

عن رحلة كفاح الفيتورى بين النفى من البلد وبين ليبيا وبين نميرى

وبين افريقيا الملامح وبين العروبة اللسان

صدقنى كلوا مانكبر بتكبر همومنا وجوطتنا

ماحصل كملت كتاب انا بتاع مقالات صغار والسلام

السبب من عصر السرعة والزمن الاصبح مااافى

والمعايش جبارة ياصديقى

العاقب مصباح

01-07-2009, 05:29 AM

ماش شاء الله تبارك الله

عينى باردة عديل كدا

والله يا ود مدثر زنقة كلب فى زقاق ضيق

وانا متكيف عشان زنقتك دى

وكلنا حتنزنق الزنقة دى زى ما قال عادل امام

تعجبنى ردودك شديد

بتشبه النفاج

انت ما زول ثقافى ولا شئ

السهلة دى حلوه شديد

لما تنبهل حروفك بيكون ليها وقع خاص

عجبونى الشباب وما قصروا

ود ابقرجة دا انا نيتى ما يمشى منك

يعصرك لمن تقول الروب مش القراصة ولا الرموش

وادروب عايز يخلص منك قديم وجديد وكمان عايز يكون طالبك....

والتنين دا يا زول ما داير اى وصية

مايسة عندها اسئلة كتيرة انا عارفها لكن عاملة حسابها ....

ميادة ما قصرت معاك حنينة عليك....

بت مارنجان مشغولة بى الفيستو الجديدة... ما تجى تقعدى هنا يا بت....

بت امدرمان كلماتك نابعة من الدواخل وجد حلوه جدا..

وجميع من حضر

ومن لم يحضر

تحياتى لهم بالجملة والشوق بالحاويات......

ود مدثر الخرباش.... عايزك تخربش لينا هنا بإحساس اللحظة والزنقة.....

العاقب مصباح

01-07-2009, 05:32 AM

نرحب ترحيب حاااااااااااااااار شديد

بالبت تغريد

ونقول ليها اصبرى لينا بس

ليك يوم

نورتى النيمة

وبردتيها كمان

خالد 000 ابقرجة

01-07-2009, 05:32 AM

ويكون في علمك 000
عقبة ماسك وردية اللليل 000 شيل شيلتك 000

اليييييييييييييييييييييييلة 000
عقبة جاااااااااااااك كان الله اداك 000

ود مصباح 000
اتاخرتا علي ياخي 000
عندي مشوار ومستنيك من قبيل تمسك ورديتك 000
أها زولك أمسكو 000

ليك اللحم 000 ولينا العضم 000
دي طبعا معناها ليك النثر 000
ولينا الشعر 000
فصديقك 000 لحمه نثر 000
عضمه شعر 000 ( دي زي عضمو مر ) ;):p

فتك بالعافية 000
الوداعة عند صاحب الوداعة 000

والنيمة عند سيد النيمة 00

العاقب مصباح

01-07-2009, 05:35 AM

يا جماعة نحب نبشركم انه السهرة صباحى

وود مدثر ما حيقوم من العنقريب بالساهل

ويمكن الحفل يستمر كم يوم

وغالبا حيستمر لحدى يوم السبت الجاى

رايكم شنو

هل من مثنى

خالد 000 ابقرجة

01-07-2009, 05:38 AM

يا جماعة نحب نبشركم انه السهرة صباحى

وود مدثر ما حيقوم من العنقريب بالساهل

ويمكن الحفل يستمر كم يوم

وغالبا حيستمر لحدى يوم السبت الجاى

رايكم شنو

هل من مثنى

مثني وثلاث ورباع 000

ولا آآآآآآآآآآآ انا كنتا قايلو العرس 000

سيد النيمة 000
انتا تأمر وعلينا التنفيذ 000

وصاحبي ماشاء الله 000 عيني باردة عليهو 000
زي ما بقولو المصرييين 000
أدها و أدود 000

حسام التنين

01-07-2009, 05:38 AM

يا جماعة نحب نبشركم انه السهرة صباحى

وود مدثر ما حيقوم من العنقريب بالساهل

ويمكن الحفل يستمر كم يوم

وغالبا حيستمر لحدى يوم السبت الجاى

رايكم شنو

هل من مثنى

انا موافق

حسام التنين

01-07-2009, 05:40 AM

مرحب بيك ياعقبه والله الشوق الف اها رايك شنو في العصر بالتضامن مع ابوقرجة
وادروب

حسام التنين

01-07-2009, 05:41 AM

يايها النفاجون لقد اصبحت عضو مميز

4 نجوم وكده

خالد 000 ابقرجة

01-07-2009, 05:42 AM

انا موافق
بس خلاس 000
سيد النيمة 000
وناس الثورة 000

تم يا صبحي 000
لحدي السبت 0000

خالد 000 ابقرجة

01-07-2009, 05:44 AM

يايها النفاجون لقد اصبحت عضو مميز
يا ود يا ( محمد حسين انتا ) 000

وبالمناسبة دي عاوزين نجيب الول ده العنقريب 000

ميادة

01-07-2009, 05:45 AM

يا جماعة نحب نبشركم انه السهرة صباحى

وود مدثر ما حيقوم من العنقريب بالساهل

ويمكن الحفل يستمر كم يوم

وغالبا حيستمر لحدى يوم السبت الجاى

رايكم شنو

هل من مثنى

ههههههههههههههههههههههه

والله يا عبدو وقعت وما سميت

وانا اؤيد الجماااااااعة

اوافق :d

حسام التنين

01-07-2009, 05:45 AM

يا ود يا ( محمد حسين انتا ) 000

وبالمناسبة دي عاوزين نجيب الول ده العنقريب 000

طوالي انت تامر امر

لكن ابو مزن وين

ميادة

01-07-2009, 05:46 AM

طوالي انت تامر امر

لكن ابو مزن وين

ياخ ابو مذن طفشتو طفشه وحده

وشكلو تاني ما جاااااي :eek:

بيكون مشى يجيب رموش لي ............... :eek:

عبدالرحمن مدثر

01-07-2009, 05:54 AM

تنينو 000
جنبك 000
ماتخاف 000
الزول ده ما بعضي 000
بخربش بس 000
خاصة انك من (نجوم) النيمة 000

;):p:p;)

أبو مزن 000
أصرف شيكك 000 وارجع طوالي 000

أرجع للنيمة 000
ارجع للمة 000
ارجع للدوبيت 000
ارجع للنمة 000
واتدفق 000
ما تترقرق 000
اشرب من زير العاقب 000
وقهوة أدروب بتزيل الغمة 000
وعصاير ميدو الباردة ترطب 000
نيران تنين 000 حاسداهو الهمة 000
بت ام در 000ومايسة وعصمت 000
ودرر مريومة البت الكلمة 000
وعميلنا السابع 000 راسم لوحة 000
علي ساق النيمة زي داندرما 000
أبقرجة حليلك 000
شن بتدور 000
غير ضلا وارف 000
تغشاهو النسمة 000
وشن تتمني 000
و أريتو مناك 000
لمة حبيبة 000 جامعاها البسمة

ياكابت كابو ماااشى وين

ياخ انا اتلخبط ذاااتى

امسك البوست دا من وين ماعااااااارف

جاطت الشغلة على وعيونى بقو صغاااااااااااااار

تعال اندفق سااااااى وماتسال

داير اهدى ليك دفقة قااااسم ممكن

ولناس النيمة الحلوين

ياجماااعة انا من الصباااح مسجون فى البوست دا

دا كلام شنو ياجمااااعة

باركوها

صلوا على النبى

ادفقوا

ماتبقوا

رقراااااق

ابقوا ياضل ياشموس

غطوا الساحات بالوضوح

انهضوا الشوق البدوح

وهجك شوارع ذاتي في ليل اليباب

ما تشفقوا العطش الرحيل

النيل ركيزة ودمعة الاحباب سحاب

ما تخافوا من دم الغروب

لو رتش اللوحة الضباب

ما دام ضمير الفينا حي

ما دام عريق العشق حي

ملحوقة يامدن السراب

نديانة بفرح التساب

ادفقوا فيضان عمار وفجوا الوجع

دمع الالم ما يهددك ما خاب غناك

فارسك رجع ..

اتوهجو انت الشمس اتلهجو

نوركم سطع نور بوادينا الكساح

رقصت مزامير الصباح

مبكية قرية وقنبلة

مسقية دمعة وسنبلة

الليلة في ايدنا السلاح

ريشة ..وكدنكة .. ومطرقة ..

نبنيك احسن يا ظروف ..

مخضرة دانية القطوف ..

نطوي المسافات نسبقا

ادفقو بلدك فداك .. اتوهطو

وروا البنيات العزيز

محمية بعرق الترابلة ونغمتك

مسقية بالريد العتيق ..

انغام ربباتك تشيل معزوفة الليل والرفيق

ما تصغرو تكبر اماني السنبلة هيا اكبرو

تصغر معاني القنبلة

ما ترجعو الصد للمدائن والقرى

شيليو الشحوب والاصفرار

ادوا البويتات مظرا

ادفقو في كل شارع وكل بيت

في روابينا المحنة في ضمائرنا السهول

ادفقو في كل حتة وكل زول

وابقو شان تحي الفصول

عبدالرحمن مدثر

01-07-2009, 06:01 AM

البوست دا ممطووووووووووووووووووووووووط

والشبكة كعبة

وانا مبشتن بشتنة

وييييييييييييييييين

الرموووووووووش

عبدالرحمن مدثر

01-07-2009, 06:03 AM

يا جماعة والله صعبتوها

ياخ بعد شوية الزول ده هيطفش من المنتدى كلو بي سببنا

اها جبت ليك جك بتاع عصير لزوم الاسئلة وكده
غايتو الله يعينك :eek:

http://up4.m5zn.com/9bjndthcm6y53q1w0kvpz47xgs82rf/2009/7/1/04/dst7q59nr.jpg (http://www.m5zn.com)

ماتجيبى العصير وتزوووغى

وصى الشباب الحلوين ديل معااااااك

بدل تقولى انا

مواااافقة

وتضيعينا

خالد 000 ابقرجة

01-07-2009, 06:06 AM

ياخ ابو مذن طفشتو طفشه وحده

وشكلو تاني ما جاااااي :eek:

بيكون مشى يجيب رموش لي ............... :eek:

ما تخافي انتي والتنين 000
ابو مزن مشي يجيب خميرة 000

العنقريب خمر ليهو يدوووب 000
والخرباش زي صاحبو صبحي 000
لمن يخمر بتدفق 000
كان اتدفق 000

شيلو الشلة 000
زي الناس الجاتم سيلة 000
زي البحر البطلع دافر 000
لونو سواد 000
زي ليلا قاهر 000
شان الطمي المالي قليبو 000
ببقي الأسود لونو الساحر 000

الخرباش 000
اتدفق 000
من غير استفهام 000
و اترقرق من غير علا مات ترقيم 000
ومعاك للصباح 000

بس امشي اوقع حضور 000
وارجع لاجمل حضور

عبدالرحمن مدثر

01-07-2009, 06:07 AM

والله يا عبد الرحمن يا اخوي كنت جاية وناوية عليك بس لامن شفتك متوهط العنقريب وعرقك ينقط حننتني شدييييييييييييييييييييييد :(:(:oباقي اختك محاسيسها حساسها شوية :rolleyes::rolleyes:قلت ادخل ادخل ارحب بيك وأسلم وميادة ما قصرت بردت ليك بالعصير واها يا اخوي وارجع تاني تكون المحاسيس خفت شويه شوية كدا

ياخ والله حالتك تحنن الزول دا طيب ياخ

وردتنا البنفسجية

ياخ انا ماساحبك

وبيناتنا عيش وملح وبوستات فى الثقافى بهناك

تجى تحننينى بس ... اطبقيها بحاجة حلوة

وزعى الجماعة ديل

ماتمشى بعيد

ميادة زاتها بقت

مع الخياااانة:p:p

عبدالرحمن مدثر

01-07-2009, 06:15 AM

كر عليك يا مزن ابوك نشف وبقا يشحت في المويةلمن شفقتنا عليك والشدرة دي مالا ناشفة كده حسي اجي العاقب اشيل حالكم طيب هاك كوز الموية ده بس قبال تشرب عاين جواهو س سؤال برء جدا : رأيك في النسيبة بالنسبة للطرفين بس رأيك دا لازم اكون مفصل تفصيل بالله

يابت ادرمان وين بالله ام عمورى ماااظاهرة

ياخ مشتاقين ليها

ومشتاقين لشوقكم داااااااك:p:p

اها النسيبة دى قصة عجيبة .. وبتختلف من بيت لاخر

حسب العادات والتقاليد

فى النسيبة اللبيبة بالاشارة تفهم خجولة وبتختشى من نسيبها

وماسكها لسانها وحركتها زااتها فى وجودوا بحدود

ياخ دى طاعمة بشكل

دى نسيبتى انا :p:p:p

ومااشكرها ليك

وفى النسيبة الدبيبة دى انا ماشفتها لكن بسمع بيها سمع سااااى

عقرب .. تهبش المابنهبش عندها راى فيك وفى ناس بيتك وفى اولادك

عندها راى فى عمر البشير زاتو

دى البتخلى العيشة مسيخة

ماداير ازيد اكتر من كدا

لانو البوست دا كلو عذاااااابة :p:p

خالد 000 ابقرجة

01-07-2009, 06:21 AM

لانو البوست دا كلو عذاااااابة :p:p

أفرز يا ديجانقو 000 :p;););):p

ديجانقو 000
الكاوبوي 000
دهري ماندرا الهندي 000
والواد سيد الشغال المصري 000

صفوف السينما والمسرح 000
ذكريات شباب 000 وينك منها

الجماعة الفوق ديل 000
كابتن كابو 000 والزين السودانيين 000
وين منهم 000

عبدالرحمن مدثر

01-07-2009, 06:23 AM

الغابة 000
الحقيقة 000
والغابة المصطلح التي أصبحت تشير لواقع يسوده منطق الأقوي 000

خربش بين الإتنين

انا مازلت ياصديقى احن الى غابات البان والخضرة

والماء والوجه الحسن ..

اصبحت كلما امر على غابة البان بالهدى اتذكر لعباتك الحلوة

وطفولتك والقعونجة التى تتدحرج للخلف

وحتى لااتعب كثيرا اناى بنفسى عن قانون الغاب

لانه اصبح القانون السائد

برضاك

غصبا عنك هو السائد

اكره القوة التى تاتى من ضعف الاخرين

اكره الذين يستمتعون بآهات غيرهم

من اجل ان يعيشون حياتهم كما يريدون

اكره الضعف الذى ياتى بالاكراه

لانتك لاتقوى على فعل شىء بالتالى لابد

ان تدوسك الاقدام ... وتسحقك الرغبااااات

بت أم درمان

01-07-2009, 06:46 AM

يا جماعة الدوام الرسمي ثمانية ساعات

والليلة ابو مزن شغال اعمال شااااقة بس

والله تحنن يا انت

ما داير ليك حاجة تشربا

حسام التنين

01-07-2009, 06:49 AM

يا جماعة الدوام الرسمي ثمانية ساعات

والليلة ابو مزن شغال اعمال شااااقة بس

والله تحنن يا انت

ما داير ليك حاجة تشربا

ليك على الليلا ابو مازن البحر مايرويه ولا شنو ياصحبي

بت مارنجان

01-07-2009, 10:59 AM

ايواااااااااااااااااااااااااا....
عشان انا الايام دي ظروفي خاسة شوية مابقدر اطل عليكم عاملين العنقريب
قهوة .. والناس بقت متكلة من الصباح فيه ..

هووووووووووووووووووووووووووووووووووووووووووووووووو ووووي

الليلة يوم واحد في شهر ارح ادونا حق الايجار :mad:

خالد 000 ابقرجة

01-07-2009, 11:25 AM

ايواااااااااااااااااااااااااا....
عشان انا الايام دي ظروفي خاسة شوية مابقدر اطل عليكم عاملين العنقريب
قهوة .. والناس بقت متكلة من الصباح فيه ..

هووووووووووووووووووووووووووووووووووووووووووووووووو ووووي

الليلة يوم واحد في شهر ارح ادونا حق الايجار :mad:

ليك يووووووووووووم يا ست الأودتين 000
العنقريب حا تمشي منو ويييييييييييييين 000
كل ما تجاوبي حاجة 000
ننط ليك بي ألف سين 000
وبالقليل لو ما سؤال 00
شرارة طايرة من خشم تنين 000 :D:p:p:D

أها برضو دايرة الإيجار 000
ولا لله يا محسنين 000

ميادة

01-07-2009, 11:34 AM

يا جماعة عبدو وينو

اكلو الدودو :eek:

عبدو سؤال كدي بليل مع الجو الرايق ده

ماهي حكمتك في الحياة ؟؟؟

ياخ يا جماعة ما براحة ;) :p

خالد 000 ابقرجة

01-07-2009, 11:51 AM

فرح فرح يا النيامة 000
عيشو حب ومرح يا النيامة 000

البنات حلوات 000 يا النيامة 000
بالعصير جايات 000 يا النيامة 000
الظاهر حنينات 000 يا النيامة 000
الا شمتانات 0000 يا النيامة 0000

يا جماعة عبدو وينو

اكلو الدودو :eek:

عبدو سؤال كدي بليل مع الجو الرايق ده

ماهي حكمتك في الحياة ؟؟؟

ياخ يا جماعة ما براحة ;) :p

أها جاك كلامي 000 يا مية من تحت تبن 000 علي قول المصريين
هي مية دي قربت تبقي ميادة 000

لكن عليك الله النيمة دي بالليل مالا كئيييبة كدي 000
أنا بكرة حا اجيب لي رتينة معاي 000

أوعك تقولي لي الرتينة دي شنو 000
انا عندي احساس أنو الناس الما بقدرو يجيبو السين (الثين) ديل كلهم ما بعرفو الرتينة 000

بالمناسبة ود مدثر بكرة ماشي الهدا 000
عشان كدة أخد اذن بالليل 000
ربنا يوصلو بالسلامة 000
ويعوض لينا السبت 000

بسسسسسسسسسم الله 000 البت دي مشت وين خلتني أهضرب براي زي المجــنون 000

ميادة

01-07-2009, 11:57 AM

أها جاك كلامي 000 يا مية من تحت تبن 000 علي قول المصريين
هي مية دي قربت تبقي ميادة 000

لكن عليك الله النيمة دي بالليل مالا كئيييبة كدي 000
أنا بكرة حا اجيب لي رتينة معاي 000

أوعك تقولي لي الرتينة دي شنو 000
انا عندي احساس أنو الناس الما بقدرو يجيبو السين (الثين) ديل كلهم ما بعرفو الرتينة 000

بالمناسبة ود مدثر بكرة ماشي الهدا 000
عشان كدة أخد اذن بالليل 000
ربنا يوصلو بالسلامة 000
ويعوض لينا السبت 000

بسسسسسسسسسم الله 000 البت دي مشت وين خلتني أهضرب براي زي المجــنون 000

هههههههههههههههههههههههههههههههههههههههههههههههههه هههه

ههههههههههههههههههههههههههههه

الله يجازيك ضحكتني بليل ده والله

ربنا يوصلو بالسلامه والله

بث يوم السبت يرجى الراجيهو

ياخ انا كنت بهناك :d

خالد 000 ابقرجة

01-07-2009, 12:05 PM

ياخ انا كنت بهناك :d

بالله انا كنتا قايلك بيجاي 000
مع اني لا شايف بيجاي ولا بيجاي 000

عارفة برضو نطلع لينا بي اوفر تايم 000
لانو غفر الليل ساعتم بي ساعتين 000

يعني هسي لو العاقب ده داسي شيلتو ولا أي واحدة من شيناتو تحت العنقريب ده 000
بدون حراسة مش ممكن مستقبلو اضيع 000

بالمناسبة 000
بدل ما نحرس سااااكت 000
كدي النسعلك سعا سعالين كدي 000
باقي أنا عنقريبك فاتني 000 ( ملحق وكدا ) 000

كح كح 000 كح كح 000

أها ديل أول سعالين 000
جاوبي بي سرعة 000

:D:p:p:p:p:p:D

ميادة

01-07-2009, 12:12 PM

بالله انا كنتا قايلك بيجاي 000
مع اني لا شايف بيجاي ولا بيجاي 000

كدي ركز شوية بتشوف :p
عارفة برضو نطلع لينا بي اوفر تايم 000
لانو غفر الليل ساعتم بي ساعتين 000

هههههههههههههه اي والله صدقتا
يعني هسي لو العاقب ده داسي شيلتو ولا أي واحدة من شيناتو تحت العنقريب ده 000
بدون حراسة مش ممكن مستقبلو اضيع 000

والله ده هيضيع بي مزيكا كمان

بالمناسبة 000
بدل ما نحرس سااااكت 000
كدي النسعلك سعا سعالين كدي 000
باقي أنا عنقريبك فاتني 000 ( ملحق وكدا ) 000

كح كح 000 كح كح 000

أها ديل أول سعالين 000
جاوبي بي سرعة 000

:D:p:p:p:p:p:D

لالالا ياخ الفاتك فوتو ما سمعت بالمثل ده ولا شنو :D

ياخ كدي مافي اي خيارات :eek:

خالد 000 ابقرجة

01-07-2009, 12:23 PM

لالالا ياخ الفاتك فوتو ما سمعت بالمثل ده ولا شنو :D

ياخ كدي مافي اي خيارات :eek:

مش قلتي الفاتك فوتو 000
خلاس 000
فوتيهو السعال داكا 000

سؤال تاني 000 ( المرة دي سؤال ) 000
السين الحمراء الفوق دي 000 طلعت معاك كيف المرة دي 000
حاجة غريبة لاااكين 000 (ث)اااااااح ;)

عاوزة خيارات 000
أمكن تكون السين بتجي بالليل 000
ولا امكن بتجي بالليل 000
ولا بتجي بالليل 000
:D:p:p:p:D

خالد 000 ابقرجة

01-07-2009, 12:26 PM

سؤال بالجد بالجد 000

الليل 000
في نيمة زي دي 000
ميادة وحيدة 000
متكية في عنقريب بدون لحاف 000
والنجوم فوق ليها ترقش زي توب مترتر 000

اتدفقي زي ود مدثر 000 وبدون اختصار 000

يا جماعة ده عنقريب في غير أوقات الذروة 000
شركة اتصالات النيمة وكدة

ميادة

01-07-2009, 12:28 PM

مش قلتي الفاتك فوتو 000
خلاس 000
فوتيهو السعال داكا 000

سؤال تاني 000 ( المرة دي سؤال ) 000
السين الحمراء الفوق دي 000 طلعت معاك كيف المرة دي 000
حاجة غريبة لاااكين 000 (ث)اااااااح ;)

ههههههههههههههههههههههههههههههههههههههههههه

ياخ انت تنفع بتاع مباحث اديل كده

عاوزة خيارات 000
أمكن تكون السين بتجي بالليل 000
ولا امكن بتجي بالليل 000
ولا بتجي بالليل 000
:D:p:p:p:D

ايوووووووووووون بتجي بليل بث

اها الاجبابه صحيحة :eek:

خالد 000 ابقرجة

01-07-2009, 12:33 PM

ايوووووووووووون بتجي بليل بث

اها الاجبابه صحيحة :eek:

ياخي بث دي مش قالو ليك بتاعة التلفزيون 000ليها علاقة بالمباريات الحية 000
دايما جايبة لينا الكلام مع ماسة 000

مايسة دي قررررررررربت تطلع بالـ (ث) 000
كان التنين شال حالي 000

ميادة

01-07-2009, 12:52 PM

ياخي بث دي مش قالو ليك بتاعة التلفزيون 000ليها علاقة بالمباريات الحية 000
دايما جايبة لينا الكلام مع ماسة 000

مايسة دي قررررررررربت تطلع بالـ (ث) 000
كان التنين شال حالي 000

اخ ياخ ثوري والله نثيت تصدق :eek:

خالد 000 ابقرجة

01-07-2009, 01:15 PM

المشاركة رقم ( 620) 000
شايفك عملتي رايحة منها 000
مستنيك 000
وزول بجيب ليك عصير مافي 000

موية الزير بس (ث) 000

ميادة

01-07-2009, 01:19 PM

المشاركة رقم ( 620) 000
شايفك عملتي رايحة منها 000
مستنيك 000
وزول بجيب ليك عصير مافي 000

موية الزير بس (ث) 000

ما شفت شي والله

كدي جيبا لي هنا

التشوفا :eek:

والله موية الزير دي زاااااتا انا مشتاقة ليها شوق مبالغة بث :o :(

خالد 000 ابقرجة

01-07-2009, 01:40 PM

ها بت هه 000 علي قول العاقب سيد النيمة 000
والله دي زي ازرق طيبة 000
والله يا ود العاقب بركة أديييييييييييييييييل كدة 000
كدي تاني بالله 000
العاقب سيد النيمة 0000 كدي 000
وبعد شوية تتحرف 000

العاقب راجل النيمة 000

وبعد داك النسوان اتبركوا 000

يا ود مصباح 000
من بورة الملاح 000

ما ملاح الكسرة 000 ياخي الملاح ( بالكسر ) ديل الحسناوات 000

وبرضو 000 تبريكات تانية 000

يا سيد النيمة 000
من روحة البهيمة 000

و انتي تاني التنين لو زنقك في سؤال 000اندهي العاقب 000

يا العاقب الخزين 000 من نيران التنين 000 السؤال طوااالي انزل عليك بارد 000

والخزين ده طبعن راجل ست الجيل 000 بتاعة بكا مايكل جاكسون 000

إكون ود مصباح ده 0000000000000000
من ورانا ؟؟؟؟ يا ربي 0000
وست الجيل ؟؟؟؟؟؟؟؟؟؟؟؟؟ بااااااااااااااالغتا يا عقبة 000

ياخي نسيتيني الكلام زاتو 000
كنتا داير اقول ليك يا بت ها 000 علي قول العاقب سيد النيمة 0000

تاااااااااااااااااااااااااااااااااااااني 0000

أها آخر مرة 000
يا بت هه 000 علي قول العاقب ( بدون سيد النيمة ) 0000
ساهرتي بي 000
باقي عمك ما بحمل السهر 000
فتك بي عافية 000 أخيييييرن 000

وابقي عشرة علي الحاجات التحت العنقريب ديكا 000
حقات العاقب 000 سيد النيمة 000 زي ازرق طيبة 00000
وعيييييييييييييييييك السهر قام بي 0000

ممكن أهدي قبال ما أمشي ؟؟؟؟

قام بي دبي 000
قام بي دبي 000

بكرة حا أجي من الصباح حا اجي اشوف رد السؤال ( 620 ) 000 (ما أجي يا بنات أمي خلي الثقالة ) 000

وأوعك تقولي لي جيبو لي هنا 000

مربوط هناك في وتد 000 :D:p:p:p:D

ميادة

01-07-2009, 01:46 PM

ههههههههه

ياخ الثهر ده ما ثيد الاسم

شنو ما بدري

عايز تخليني براي احرث الشينات دي

ياخ اسي كان سرقوهم تجو تقولو دي انا

ووالله دي ما انا :eek: :mad:

وتد شنو ياخ بجي بساعدك وبناي الشباب يجو يفكو معانا

عشان نجيبو هنا :eek:

العاقب مصباح

01-07-2009, 08:27 PM

ها ناس ها

انتوا ما بتنوموا ولا شنو

هسع الواحد يشك فيكم ويقول بتحبوا

ياخى انا زاتى بحب

حبوا بس

الدنيا دى فيها شنو غير الحب

والله الشوق بحر

لعنقريب فيهو انتوا

كدى كبوا لينا جبنة خفيفة النعدل راسنا دا

اصلا كان واقع قبل شويه

يا جماعة اكواد التنسيق ما اشتغلت معاى

معليش ياخ

هيثم ادروب

01-07-2009, 09:55 PM

http://cache.virtualtourist.com/3412224-wedding_breakfast-Sudan.jpg

العاقب تعال نفطر ..
الكسرة دي جابوها لينا هسة
وبعدين بت مرنجان دي كرهتنا..
تشتكي فينا ما خلت قسم
قالت عايزة حق الايجار
ياخ تعال نطلع من بيتها دا
ونشوف لينا اي بيت تاني
بس تكون فيه نيمة زي حقتنا دي
وانا كلمت خالد والتنين عشان يفتشو لينا معاهم
جيب معاك موية من الزير وتعال قبل الاكل مايبرد ..

عبدالرحمن مدثر

01-07-2009, 10:02 PM

سلاااااااااااااااااااااااااااااام

آ ... ناااااااااااااااااااااااس

سلااااااااااااااااااااااااااااااااام

عواااااااااااااااافى

هيثم ادروب

01-07-2009, 10:09 PM

المخربشاتي ...
قالوا لينا ماشي علي الهدا ..
ربنا يوصلك بالسلامة ..
كدا تعال افطر معانا ..
عشان نخربش بي مزاج ...

محمد الواثق

01-07-2009, 10:09 PM

صبـــــــــــــــــاح الخيـــــــــــــــــر
يا جماعة والله عطشان زيركم بارد

هيثم ادروب

01-07-2009, 10:12 PM

صبـــــــــــــــــاح الخيـــــــــــــــــر
يا جماعة والله عطشان زيركم بارد

تعال ياحمادة افطر معانا ...
المية جمبك ..
والزير بارد ...
جيب البنبر معاك جنب الزير وتعال ..

حسام التنين

01-07-2009, 10:19 PM

صباح الخير ياناس الهدي اقصد العنقريب

اصبحتوا كيف

ادروب المبدع دائما (كان الصينية دي قاعد فيها جد جد ان شااااء الله تنفعك)

ماف داعي اكون حاسد صاح

اها حسب التقارير امبارح كان في ونسة ليلية مخيفة ااااه حميمة

في عنقريبنا ده اها رايكم شنو

عبدالرحمن مدثر

01-07-2009, 10:25 PM

عقبال عندكم

ماشين نبتهج ونفرح بعريس قريب الى قلوبنا

وزميل دراااااسة

عقبال لكل العذااااااااااابة

ابو آية بره اللعبة

هيثم ادروب

01-07-2009, 10:27 PM

اها حسب التقارير امبارح كان في ونسة ليلية مخيفة ااااه حميمة

في عنقريبنا ده اها رايكم شنو

التنين صباح النور ..
هوووووووووووي انحن ناس الصباح ..
ورديت الليل دي بتجهز شغل الصباح ..
كدي تعال مد ايدك معانا ..
عشان اظبط ليك قهوة كسلاوية ..
لامن تتكيف ..

عبدالرحمن مدثر

01-07-2009, 10:36 PM

اها ياود مدثر بعد السخينة دي دايرنك تدينا حاجة كده من بيت الكلاوي

بي مزااااج عليك الله

عشان نتأكد انك سخنت وندخلك الملعب

ياتنين دى تسخينة عليك الله

يازول اقول ليك حااااااااجة

بعد الاقيييييييييييك بس:p:p:p

عبدالرحمن مدثر

01-07-2009, 10:47 PM

وبالمناسبة دي 000 حصل مسكتا موية فجرية في الشتا ؟؟؟
بالله ترجم معاك للحناكيش 000

أنا هسي جبتا سيرة شهادة نصف عربية ؟؟؟؟

ابو آية

انا تربية (بنااادر ) ماحصل مسكتا موية قمح والسقط يحيط بك من كل اتجاه

والموية ذااتها بتعمل فييييييييك عمايل ... لكن لقط القطن مع شفع المدارس

واكلنا عيش بطحنية فى نص الحواشاااااااات ... ياسلاام على العيش بالطحنية فى الزمن داااك

وقلعت (تبساات ) الفول وحرقتها ... ومشيت الضحوة والضهرية ..

عبدالرحمن مدثر

01-07-2009, 10:56 PM

ود مدثر الخرباش.... عايزك تخربش لينا هنا بإحساس اللحظة والزنقة.....

تعرف ياصبحى

احلى حاجة انو تلقى نفسك فى لحظة صدق كدا مابتتلقى بالساهل

وبين اللحظة والزنقة ... بين الدهشة والشهقة .. مساحات للتلاقى كان عنوانها

العفوية فى التعامل كل شىء .. وتفاصيلها الحنية التى نفتقدها ونحتاجها

وجدناها بكامل اناقتها وسط من نحب ونعشق ...

فى زمن ما ابتعدنا عن القراءة والاطلاع ... وحاربنا الكتابة .. وفقدنا الاحساس

الرائع بالاشياء ...... ايييييييييك زمن

هسه لمن تراجع حاجاتك ... ولمن ترجع للمة النيمة بتلقى انو على قدر اهل

الاحاسيس تاتى الاندياحات فى البراحات

يعنى لحظة تجلى كدا

من يدك لكيبوردك للناس الحلوة بهناااااااااااك

متعة مابعدها متعة

تكتشف اشياء جديدة فى حياتك انت كانت خافية عليك

وهذا كله من اللحظة والزنقة

والنفوس الطيبة

وحميمية العنقريب كانتماء ووطن

يازول

خلينى

ساااااااااااااى

هيثم ادروب

01-07-2009, 11:28 PM

ود مدثر الخرباش ....
كدي تعال نسخن بيك من الصباح ...
اخر شخص تتزكره قبل ان تنام .... ؟
حمامه زاجل تحمل رساله لك ..من من تتمنى ان تكون ...؟
شخص لطالما حلمت به... ؟
شئ اوعمل لاتستطيع المسامحه عليه مهما كان... ؟
كلمه تود سماعها كل يوم .. ؟
القمر , الشمس , النجوم اي واحد منهم تفضل ولماذا ....؟
مـــــا رأي ودمدثر في ودمدثر .. ؟
مـا هي اكثر العواطف الجياشة اللتي يملكها الخرباش ....؟
لو كان لك الحـــــــــــق في إعطاء ثلاث قرارت تغير على مستوى :

العــــــــــــــالم

السودان

المنتدى

فما ستكون قرارتك في كل حالة .....؟

النفتح الموية في الزير وبجيك ....:p

ميادة

01-07-2009, 11:32 PM

السلام عليكم يا الجـــــــــــــــــــوه :d

بت أم درمان

01-07-2009, 11:36 PM

السلام عليكم يا الجـــــــــــــــــــوه :d

وعليكم السلام يا البـــــــــــــــــــــره
بس من غير وش

هيثم ادروب

01-07-2009, 11:37 PM

ما هي سلبيات المنتدى برايك في رايك الخاص ...؟

وكيف يمكن تجاوزها... ؟

المشرفين ....

من برايك لا يستحق تلك الكلمه من مشرفين منتدانا .... لماذا..؟

لمن تعطي لقب نجم المنتدي .. ولماذا ..؟

من هو المشترك او المشتركة الذي افتقدته بعد السيل ...؟

من هو المشترك او المشتركة الذي تتمني لقاءه ..؟

ساعطيك ورقه وقلم مع القليل من الالوان الخافته واريد منك ان ترسم لوحه معبره عن

حال العالم العربي .... ماذا ستفعل...؟

ما الشيء الذي استفدته من المرحلة الابتدائية في شخصيتك وحياتك ..؟

ما الشيء الذي استفدته من المرحلة الثانوية في شخصيتك وحياتك ..؟

ما الشيء الذي استفدته من المرحلة الجامعية في شخصيتك وحياتك ..؟

لو عاد بك الزمن الى الوراء ، ما الشيء الذي كنت ستفعله ( تشعر أنه راح عليك )

ماهي حدود ثقتك بإبداع المرأة .....؟

هل من كلمة توجيه وتمرير توجهها لأخوانك وأخواتك في المنتدى ....؟

التنين اقلب الخرطوش في الزير التاني ....:p

بت أم درمان

01-07-2009, 11:37 PM

ود مدثر الخرباش ....
كدي تعال نسخن بيك من الصباح ...
اخر شخص تتزكره قبل ان تنام .... ؟
حمامه زاجل تحمل رساله لك ..من من تتمنى ان تكون ...؟
شخص لطالما حلمت به... ؟
شئ اوعمل لاتستطيع المسامحه عليه مهما كان... ؟
كلمه تود سماعها كل يوم .. ؟
القمر , الشمس , النجوم اي واحد منهم تفضل ولماذا ....؟
مـــــا رأي ودمدثر في ودمدثر .. ؟
مـا هي اكثر العواطف الجياشة اللتي يملكها الخرباش ....؟
لو كان لك الحـــــــــــق في إعطاء ثلاث قرارت تغير على مستوى :

العــــــــــــــالم

السودان

المنتدى

فما ستكون قرارتك في كل حالة .....؟

النفتح الموية في الزير وبجيك ....:p

ياخ كان وريتني الكتاب البتجيب منو الاسئلة دا كنت مشيت جبت لي منو كم سؤال كدا ولا اقول ليك رسل ليهو كم سؤال كدا بي اسمي

ميادة

01-07-2009, 11:38 PM

وعليكم السلام يا البـــــــــــــــــــــره
بس من غير وش

ههههههههههههههههههههههههههه

ليه الوشوش كمان حظروها ليك ولا شنو :eek:

هيثم ادروب

01-07-2009, 11:40 PM

ياخ كان وريتني الكتاب البتجيب منو الاسئلة دا كنت مشيت جبت لي منو كم سؤال كدا ولا اقول ليك رسل ليهو كم سؤال كدا بي اسمي

الزول دا جننا ياخ ..

هيثم ادروب

01-07-2009, 11:41 PM

ياخ كان وريتني الكتاب البتجيب منو الاسئلة دا كنت مشيت جبت لي منو كم سؤال كدا ولا اقول ليك رسل ليهو كم سؤال كدا بي اسمي

بت امدر ..
الزول انا طالبو كتير ..
بس تعالي اقعدي معانا واشربي ليك فنجان قهوة ..
الزول صعب ما بتزنق ..
وانا متعبني من امس ..
دايرك تساعديني ..

بت أم درمان

01-07-2009, 11:47 PM

بت امدر ..
الزول انا طالبو كتير ..
بس تعالي اقعدي معانا واشربي ليك فنجان قهوة ..
الزول صعب ما بتزنق ..
وانا متعبني من امس ..
دايرك تساعديني ..

منو دا المتعبك شوف عيني وسمع اضانيي قال الرووووب والشهادة والعبادة وكأنه مبتلي بي علة ماااا
بري انا ولا بزرزر ولا بزرزر ولا بحب قعاد العناقريب ههههههه

بت أم درمان

01-07-2009, 11:48 PM

ههههههههههههههههههههههههههه

ليه الوشوش كمان حظروها ليك ولا شنو :eek:

كووول شي محظور يا بت كان ما بكيت ليهم اخلو لي المنتدى دا ما كان فتحوهو لي وش باكي لمن متشحتف
اهئ اهئ

بت أم درمان

01-07-2009, 11:51 PM

ابو مزن متى بدأت استخدام الانترنت؟؟؟ وكيف كانت بدايتك ؟؟؟ ووين ؟؟؟ اكيد عندك مواقف مع البداية دي

ونعتذر على عدم تنسيق الخط لظروف الحظر المفروضة على جهازنا

عبدالرحمن مدثر

01-07-2009, 11:53 PM

أفرز يا ديجانقو 000 :p;););):p

ديجانقو 000
الكاوبوي 000
دهري ماندرا الهندي 000
والواد سيد الشغال المصري 000

صفوف السينما والمسرح 000
ذكريات شباب 000 وينك منها

الجماعة الفوق ديل 000
كابتن كابو 000 والزين السودانيين 000
وين منهم 000

ي

اخ زكرتنى زمن كنا مابنفرز فيهو حاجة

زمن (ابوطويلة ابوكلب ) واخيرا اكتشفنا انه اميتاب باتشان

انا من عشاق السينما والسهر الطويل

واموت فى ود لذيذ كدا اسمو (شاروخان ) ياخ دا مبالغة

وذكرياتى مع قاعة الصداقة بعد الترطيبة وعفراء كذلك

اما ايام المعاناة والمصروف المابكفى فكنا نذهب لسينما النلين بالقرب من ابوحمامة

وسط الشماشة نستمتع بالكاسورى الى ان تحين لحظة كاسورى اخرى داخل السينما

تخرب مزااجك ... وتنوى بذلك عدم العودة الى هذا المكان

ولكن بوست واحد جميل لنجم محبوب

يجعلك تعاود الكرة

مسرحنا السودانى مل من التكرار واحتكار الاصدقاء لشباك التذاكر

بمسرحيات مكررة لاجديد ... وكابو وثنائى المرح الفاضل سعيد وعبدالحكيم الطاهر

ياحليل زماااااان

عبدالرحمن مدثر

01-07-2009, 11:56 PM

[QUOTE=ميادة;322263]
يا جماعة عبدو وينو

اكلو الدودو :eek:

عبدو سؤال كدي بليل مع الجو الرايق ده

ماهي حكمتك في الحياة ؟؟؟

[COLOR="Indigo"][SIZE="4"][CENTER]عندى حكمة واحدة ياميادة

باخد راحتى وسط حروفها وبتعامل بيها

لاتجادل الاحمق .. فقد يخطىء الناس فى التمييز بينكما

عبدالرحمن مدثر

01-07-2009, 11:59 PM

المخربشاتي ...
قالوا لينا ماشي علي الهدا ..
ربنا يوصلك بالسلامة ..
كدا تعال افطر معانا ..
عشان نخربش بي مزاج ...

فطورك بحصلوا

الا الفيك

عرفتها:p:p:p:p

حسام التنين

02-07-2009, 12:12 AM

صباحك سكر:

انا بدخل واسطة وبختار ليك اسئلة من اسئلة ادروب :-

ما هي سلبيات المنتدى برايك في رايك الخاص ...؟

وكيف يمكن تجاوزها... ؟

المشرفين ....

من برايك لا يستحق تلك الكلمه من مشرفين منتدانا .... لماذا..؟

لمن تعطي لقب نجم المنتدي .. ولماذا ..؟

من هو المشترك او المشتركة الذي افتقدته بعد السيل ...؟

من هو المشترك او المشتركة الذي تتمني لقاءه ..؟

يلا مستنين الردود الصريحة

ادروب هب النار دي اكتر

عبدالرحمن مدثر

02-07-2009, 12:16 AM

ادروب لكن ماعملتها وااااااااااااضحة

عشان انا هلالابى وسيد بلد تعطشنى كدا :p:p:p

اخر شخص تتزكره قبل ان تنام .... ؟

والله مابتذكر عموما انى بنوم هلكاااان مابين سهر وكورة ونت

بنوم ساى بدون تذكر :p

حمامه زاجل تحمل رساله لك ..من من تتمنى ان تكون ...؟

من ابن عمى وليد لانو اخبارو مقطوعة وماعارفين ليهو حتة ذاتو بين فرنسا ولبنان وسوريا طفش

شخص لطالما حلمت به... ؟

العصفورة :p

شئ اوعمل لاتستطيع المسامحه عليه مهما كان... ؟

الغدر والخيانة

كلمه تود سماعها كل يوم .. ؟

عافية منك ورضيانة عليك

القمر , الشمس , النجوم اي واحد منهم تفضل ولماذا ....؟

بحب القمر لانو بتشكل حبة حبة .. الشمس دائرة ملتهبة فقط

مـــــا رأي ودمدثر في ودمدثر .. ؟

سؤال صعب .. لكنو بتعامل بالقناعة كنز لايفنى

مـا هي اكثر العواطف الجياشة اللتي يملكها الخرباش ....؟

الحزن

لو كان لك الحـــــــــــق في إعطاء ثلاث قرارت تغير على مستوى :

العــــــــــــــالم

- اشيل كلمة سلاح من القاموس حروف ومعانى

- الغى الحواجز والحدود بين الامة الاسلامية

- اخلى الديمقراطية الحقيقية عنوان للحكم فى كل العالم بلا ملكية بلا كمونية :p

السودان

اشترى وطنية وانتماء واوزعوا زى الهواء على الجميع

استفيد من النيل الطويل القاعد نشوفوا ونعاين ليهو ساى

الغى حاجة اسمها رياضة ونقعد ساى نلعب سيجة :p

المنتدى

انادى بعودة كل الغائبين ومعرفة اسباب الغياب وحلها

اشوف مشكلة المشرف (شيكو ) بقعدة حميمية على الهواء

محاولة حل مشكلة السيل دى جذريا حتى لانتخوف من مستقبل يمكن يكون مجهول

فما ستكون قرارتك في كل حالة .....؟

ميادة

02-07-2009, 12:22 AM

عندى حكمة واحدة ياميادة

باخد راحتى وسط حروفها وبتعامل بيها

لاتجادل الاحمق .. فقد يخطىء الناس فى التمييز بينكما
[/COLOR]

يا سلام ع الحكم

لكن عندي سؤال محيرني جدا جدا :confused:

تنين وهيثم ديل

مالم معاك ؟؟؟؟ :eek:

عبدالرحمن مدثر

02-07-2009, 12:29 AM

صبحى

انا حدى معاكم عقاب الليلة

تعال يازول اسقى النيمة

وجر النمة

وشوف مشهادك

وشوووف اللستة:p:p

ميادة

02-07-2009, 12:32 AM

صبحى

انا حدى معاكم عقاب الليلة

تعال يازول اسقى النيمة

وجر النمة

وشوف مشهادك

وشوووف اللستة:p:p

هههههههههههههههههههههههههههههههههههههههههه

يا زول قول بسم الله

لسه ياخ بدري عليك :D

حلك لي يوم السبت لسه عليك يومين :eek:

عبدالرحمن مدثر

02-07-2009, 12:38 AM

هههههههههههههههههههههههههههههههههههههههههه

يا زول قول بسم الله

لسه ياخ بدري عليك :D

حلك لي يوم السبت لسه عليك يومين :eek:

يااااااااخ مابصبر ياااااااااااااااااخ

فكى قميصى دا

انا متخاااااااااااارج:p:p

ميادة

02-07-2009, 12:40 AM

يااااااااخ مابصبر ياااااااااااااااااخ

فكى قميصى دا

انا متخاااااااااااارج:p:p

لالالالا

هي هي هي الحقو يا جماعة عبدو عايز يزوغ

ياخ ما بفكو ياخ

الا يجي العاقب :eek:

حسام التنين

02-07-2009, 12:47 AM

يا سلام ع الحكم

لكن عندي سؤال محيرني جدا جدا :confused:

تنين وهيثم ديل

مالم معاك ؟؟؟؟ :eek:

بنحبوا مووووووووت

صاح يادروب

ميادة

02-07-2009, 12:50 AM

بنحبوا مووووووووت

صاح يادروب

ياخ لكن ما عزبتوهو

كفاهو الزول ده

اسي كان عايز يطفش كان ما انا كنت قاعده :mad:

مايسة

02-07-2009, 12:54 AM

النفاجين

نهاركم سعيد

يا جماعة عبد الرحمن ده طلعتو زيتو بره - ما فاضل الا يكورك :D;)

عاد لكن يا ادروب وتنين ثور ووقع بث :D:p;)

حسام التنين

02-07-2009, 01:01 AM

ياخ لكن ما عزبتوهو

كفاهو الزول ده

اسي كان عايز يطفش كان ما انا كنت قاعده :mad:

ميدو انا وادروب بنخلي عبدو لكن :

لازم توازري اختك وتجي تقعدي في العنقريب

عليك الله طلب خاااص

يايها النفاجون
نطالب بجلوس الاخت ميادة في العنقريب لمدة 480 ساعة
اها رايكم شنو

ابو قرجة ... ادروب ... عقبه... عبدو ... موافقين

عبدالرحمن مدثر

02-07-2009, 01:02 AM

موافقييييييييييييين

ميادة

02-07-2009, 01:03 AM

ميدو انا وادروب بنخلي عبدو لكن :

لازم توازري اختك وتجي تقعدي في العنقريب

عليك الله طلب خاااص

يايها النفاجون
نطالب بجلوس الاخت ميادة في العنقريب لمدة 480 ساعة
اها رايكم شنو

ابو قرجة ... ادروب ... عقبه... عبدو ... موافقين

انا ارفض وبشده كمان :eek:

وش متغايظ منك :mad:

ميادة

02-07-2009, 01:04 AM

موافقييييييييييييين

ايوااااا

استاهل انا

يعني انا شغالة احنث من قبيل

عشان يخلوك :eek:

اخر الجزا ازا :mad:

بت أم درمان

02-07-2009, 01:04 AM

انا ارفض وبشده كمان :eek:

وش متغايظ منك :mad:

والليلة سجمك يا ميدووو بتقدري على الناس دي انتي يا بتي اذا ود مدثر جاهو انهيار وكره اليوم العرف فيهو الكتابة والكيبوورد

ميادة

02-07-2009, 01:05 AM

انت يا تنين

ما تمشي بهناك العام

اهو مايسة قعدت ليك في الكرسي الصحي صحي

وخد حقك مني ومنها

بث طبعا انا بره البرنامج :d

ميادة

02-07-2009, 01:06 AM

والليلة سجمك يا ميدووو بتقدري على الناس دي انتي يا بتي اذا ود مدثر جاهو انهيار وكره اليوم العرف فيهو الكتابة والكيبوورد

والله غايتو شكلي هجيبك انتي بدل فاقد رايك شنو :d

بت أم درمان

02-07-2009, 01:08 AM

والله غايتو شكلي هجيبك انتي بدل فاقد رايك شنو :d

لا ما ينفع بدل الفاقد دايرين الاصل

عبدالرحمن مدثر

02-07-2009, 01:09 AM

والله غايتو شكلي هجيبك انتي بدل فاقد رايك شنو :d

والله فكرة جميلة

اعمليها

وانا بساعدك

حسام التنين

02-07-2009, 01:09 AM

والله غايتو شكلي هجيبك انتي بدل فاقد رايك شنو :d

اها صدقناها ليك

اقعدوا الاتنين مع بعض

حسام التنين

02-07-2009, 01:12 AM

لالالاللا يا ود مدثر الاتنين معا

اخونا ابو قرجة في الحرم المكي ويقرعكم السلام

وليكم خالص الدعوات

بت أم درمان

02-07-2009, 01:15 AM

المطبات الاصطناعية دي صعبة خلاص تخلي الزول احس بي ارتجاج جوه مخو

يلا يا جماعة اشوفكم يوم السبت اذا ربنا مد في الاجال

حسام التنين

02-07-2009, 01:16 AM

دايرين ميادة وبت امدرمان

دايرين ميادة وبت امدرمان

دايرين ميادة وبت امدرمان

دايرين ميادة وبت امدرمان

دايرين ميادة وبت امدرمان

دايرين ميادة وبت امدرمان

دايرين ميادة وبت امدرمان

دايرين ميادة وبت امدرمان
+

نحن ندين ونشجب رفض ميادة وبت امدر لطلب النفاجين

الها الليلا الخميس حفله ورقيص

عندي ليكم اي تاني

رايكم شنو لو ادروب وعبد الرحمن مدثر وانا و مياده وبت ام در وابو قرجة و عقبة

كلنا اكون يوم مفتوح ونواصل من السبت

ميادة

02-07-2009, 01:17 AM

لا ما ينفع بدل الفاقد دايرين الاصل

ياخ انتي كدي قولي خير ;)

والله فكرة جميلة

اعمليها

وانا بساعدك

اخيرا وقفت معاي :d

حسام التنين

02-07-2009, 01:19 AM

هوووووووووووي بت ام در زاغت وقامت جاريه

معقولا بس

ميادة

02-07-2009, 01:19 AM

المطبات الاصطناعية دي صعبة خلاص تخلي الزول احس بي ارتجاج جوه مخو

يلا يا جماعة اشوفكم يوم السبت اذا ربنا مد في الاجال

هي هي هي الحقو

البت دي عايزة تزوغ :eek:

بت أم درمان

02-07-2009, 01:20 AM

دايرين ميادة وبت امدرمان

دايرين ميادة وبت امدرمان

دايرين ميادة وبت امدرمان

دايرين ميادة وبت امدرمان

دايرين ميادة وبت امدرمان

دايرين ميادة وبت امدرمان

دايرين ميادة وبت امدرمان

دايرين ميادة وبت امدرمان
+

نحن ندين ونشجب رفض ميادة وبت امدر لطلب النفاجين

الها الليلا الخميس حفله ورقيص

عندي ليكم اي تاني

رايكم شنو لو ادروب وعبد الرحمن مدثر وانا و مياده وبت ام در وابو قرجة و عقبة

كلنا اكون يوم مفتوح ونواصل من السبت

اصبر علي بس اصل البيت عشان ارد ليك

حسام التنين

02-07-2009, 01:21 AM

مياده ...

ياتجيبها وتجوا الاتنين ونعملوا يوم مفتوح

ياكمان يوم السبت يومك اها رايك شنو

عبدو وييين ادروب

ميادة

02-07-2009, 01:23 AM

مياده ...

ياتجيبها وتجوا الاتنين ونعملوا يوم مفتوح

ياكمان يوم السبت يومك اها رايك شنو

عبدو وييين ادروب

لالالا ياخ دي اسي اجيبا ليكم من وين

دي زاغت وخلاث

خلاث اوك يوم السبت

عبدو ما خلاث ضمن وفرتق :mad:

تغريد

02-07-2009, 01:27 AM

مياده ...

ياتجيبها وتجوا الاتنين ونعملوا يوم مفتوح

ياكمان يوم السبت يومك اها رايك شنو

عبدو وييين ادروب

غايتو جنس غايتو شافع 88 دا بتاع مشاكل خلاص ويحب زرزرة الناس زي عيونو
هوووووووووووووي يا تنين انت البنات ديل ما قدرك :mad::mad::mad:

ميادة

02-07-2009, 01:29 AM

غايتو جنس غايتو شافع 88 دا بتاع مشاكل خلاص ويحب زرزرة الناس زي عيونو
هوووووووووووووي يا تنين انت البنات ديل ما قدرك :mad::mad::mad:

ههههههههههههههههههههههههههههههه

انتي جيتي :p

حمدلله ع السلامة ياخ ;)

والبركة البتاع فتح معاك

الحمدلله يعني حصل خير :D

حسام التنين

02-07-2009, 01:30 AM

ههههههههههههههههههههااااااااااااايي

يأيها النفاجون ترقبوا الحدث المبدع

مايسة في الكرسي الساخن وميادة في العنقريب

السبت الموافق 4/07/2009
من الصباح حتي مساء الاحد
48 ساعه متواصلة فقط كونوا معنا

انا حاجيب بت ورق وعلبة اقلام وابداء اكتب الاسئلة من الليلا حتي السبت

ميادة

02-07-2009, 01:31 AM

ههههههههههههههههههههااااااااااااايي

يأيها النفاجون ترقبوا الحدث المبدع

مايسة في الكرسي الساخن وميادة في العنقريب

السبت الموافق 4/07/2009
من الصباح حتي مساء الاحد
48 ساعه متواصلة فقط كونوا معنا

انا حاجيب بت ورق وعلبة اقلام وابداء اكتب الاسئلة من الليلا حتي السبت

انت بث الله يخليك لي جنس ده

وش عايز يخنقك :mad:

تغريد

02-07-2009, 01:32 AM

ههههههههههههههههههههههههههههههه

انتي جيتي :p

حمدلله ع السلامة ياخ ;)

والبركة البتاع فتح معاك

الحمدلله يعني حصل خير :d

والله يا ميدو اتهجمت جنس هجمة امس وقربت تجيني جلطة بس الله ستر

حسام التنين

02-07-2009, 01:33 AM

غايتو جنس غايتو شافع 88 دا بتاع مشاكل خلاص ويحب زرزرة الناس زي عيونو
هوووووووووووووي يا تنين انت البنات ديل ما قدرك :mad::mad::mad:

هوووووي انت انا 85 ومادام انهم ماقدري تعالي اقدي انت

ميادة

02-07-2009, 01:34 AM

والله يا ميدو اتهجمت جنس هجمة امس وقربت تجيني جلطة بس الله ستر

بعد الشر عليك ياخ

هههههههههههههههههههههههههههه

اتخيلت منظرك طبعا

وش شمتان فيك شديد ;)

حسام التنين

02-07-2009, 01:34 AM

رايك شنو يامياده

ميادة

02-07-2009, 01:36 AM

رايك شنو يامياده

تمام يا هندوس باشا :rolleyes:

تغريد

02-07-2009, 01:38 AM

هوووووي انت انا 85 ومادام انهم ماقدري تعالي اقدي انت

لا خللاااااااااااااااااااااااااااااااص كبير والله :eek::eek:

نحنا نطالب بعودة هذا التنين الشرس الي العنقريب مرة اخري ويا ريت لو اتربط فيهو ويكون الاسئلة كلها ليهو الي ما شاء الله

شنو ليك يا تنين انت:p:p:p

تغريد

02-07-2009, 01:40 AM

بعد الشر عليك ياخ

هههههههههههههههههههههههههههه

اتخيلت منظرك طبعا

وش شمتان فيك شديد ;)

المشكلة في واحدة كدا نضااااااااااااااااااامة :p:pكانت شاغلاني وما خلتني اشوف الحاصل شنو فيهو ;););)وافول ليك حاجة انا شااااااااااااااكة فيك تكوني رسلتي لي فيروس بالمسنجر:mad::mad::mad:

حسام التنين

02-07-2009, 01:42 AM

لا خللاااااااااااااااااااااااااااااااص كبير والله :eek::eek:

اول حاجة انا عضو مميز ماتنسي وانت من مواليد كم؟

نحنا(انتو منو) نطالب بعودة هذا التنين الشرس الي العنقريب مرة اخري ويا ريت لو اتربط فيهو ويكون الاسئلة كلها ليهو الي ما شاء الله

شنو ليك يا تنين انت:p:p:p

لو بتقعدي معاي موافق

ميادة

02-07-2009, 01:42 AM

سؤال بالجد بالجد 000

الليل 000
في نيمة زي دي 000
ميادة وحيدة 000
متكية في عنقريب بدون لحاف 000
والنجوم فوق ليها ترقش زي توب مترتر 000

اتدفقي زي ود مدثر 000 وبدون اختصار 000

يا جماعة ده عنقريب في غير أوقات الذروة 000
شركة اتصالات النيمة وكدة

يا سلام والله طبعا

ما هقدر اوصف شعوري خالص

في اللحظة ديك

اول شي طبعا همسكو القلم والورقة

لانو اكيد الحاجات اللي هتجيني في الوقت داك تستحق

التدوين

ياخ ده زاتو سؤال صعب خلاث

ومحتاج انياح شديد

تفحيطة : والله اسي شفت المشاركة دي :eek:

تغريد

02-07-2009, 01:42 AM

تمام يا هندوس باشا :rolleyes:

هههههههههههههههه

هندوس يعني هندي ؟؟؟؟ ظاااااااااااااهر عليهو بيدقس شديد:p:p:p

خالد 000 ابقرجة

02-07-2009, 01:43 AM

يا اخوانا دقيقة بس 000
أول حاجة نحنا عازمين ضيوف امكن يجونا في اي وقت 000
والمفرض بنجهز لي حفلة عيد ميلاد 000
يعني الضيوف ديل كان جو لقوكم جايطين كدة يقولوا علينا شنو 000
يعني اقولو ناس النيمة ما منظمين 000

كدي روقو المنقة 000
أنا عندي ليكم اقتراح كويس 000
وبرضيكم كلكم 000
بس ما حا اقولو 000
الا كلكم تقعدو في الواطة دي 000 ( في انا قلتا في الواطة لكن الداير العنقريب علي كيفو ) ;)
تقعدو تبطلو الجوطة 000
وكل واحد يرد يقول لي 000

أها 000 اقتراحك شنو 000

بالله شفتو النيمة راقت كيف 0000 ( والله صحي الما عندو عجوز يفتش ليهو عجوز ) :d:d

ميادة

02-07-2009, 01:43 AM

المشكلة في واحدة كدا نضااااااااااااااااااامة :p:pكانت شاغلاني وما خلتني اشوف الحاصل شنو فيهو ;););)وافول ليك حاجة انا شااااااااااااااكة فيك تكوني رسلتي لي فيروس بالمسنجر:mad::mad::mad:

:mad: :mad: :mad:

تغريد

02-07-2009, 01:46 AM

لو بتقعدي معاي موافق

شنووووووووووووووو ؟؟:eek::eek::eek: لا لا لا كمان اقعد في عنقريب ومعاي تنين ياهو الفضل

هووووووي ما تنتحل شخصيات الناس مميز شنو المميز دا عضو تاني

ميادة

02-07-2009, 01:46 AM

هههههههههههههههه

هندوس يعني هندي ؟؟؟؟ ظاااااااااااااهر عليهو بيدقس شديد:p:p:p

لالالا

ياخ انتي اتلخبط عليك الاختساس ولا شنو

ولات طاشة شبكة

الزول مهندس ياخ

شنو هندي

وش مزمهل :eek:

حسام التنين

02-07-2009, 01:46 AM

اها ياعجوز اقتراحك شنو

تغريد ... كان ماجه ابوقرجة كاان .. اصبري بس وفي مقولة اخري بث

تغريد

02-07-2009, 01:47 AM

:mad: :mad: :mad:

:p:p:p:p:p:p
:p:p:p:p:p
:p:p:p:p
:p:p:p
:p:p
:p

حسام التنين

02-07-2009, 01:48 AM

شنووووووووووووووو ؟؟:eek::eek::eek: لا لا لا كمان اقعد في عنقريب ومعاي تنين ياهو الفضل

هووووووي ما تنتحل شخصيات الناس مميز شنو المميز دا عضو تاني

هوووي انا قلت مميز وليس المميز ياكبيره

ههههههههههههه

خالد 000 ابقرجة

02-07-2009, 01:50 AM

اها ياعجوز اقتراحك شنو

تغريد ... كان ماجه ابوقرجة كاان .. اصبري بس وفي مقولة اخري بث

طالما انتا قلتا أها 000
خلاس حا اقول 000
لأنو البنات بياخدوهم بالسكوت علامة الرضا 000

مالكم يا اخوانا 00 ما قلنا عجوز

تغريد

02-07-2009, 01:51 AM

يا اخوانا دقيقة بس 000
أول حاجة نحنا عازمين ضيوف امكن يجونا في اي وقت 000
والمفرض بنجهز لي حفلة عيد ميلاد 000
يعني الضيوف ديل كان جو لقوكم جايطين كدة يقولوا علينا شنو 000
يعني اقولو ناس النيمة ما منظمين 000

كدي روقو المنقة 000
أنا عندي ليكم اقتراح كويس 000
وبرضيكم كلكم 000
بس ما حا اقولو 000
الا كلكم تقعدو في الواطة دي 000 ( في انا قلتا في الواطة لكن الداير العنقريب علي كيفو ) ;)
تقعدو تبطلو الجوطة 000
وكل واحد يرد يقول لي 000

أها 000 اقتراحك شنو 000

بالله شفتو النيمة راقت كيف 0000 ( والله صحي الما عندو عجوز يفتش ليهو عجوز ) :d:d

انا غايتو ماشة اسوي الغدا عشان الضيوف بس سمعتوا بس الضيوف :mad: وافتراحي بعد اتفنت في الواطة يا خالد انو النقط دي يشيلوها نوهائي من المنتدي كرهتنا ياخ هسة الضيوف يجو يلقوا الكمن كلو بينقط يقولوا علينا شنو

حسام التنين

02-07-2009, 01:57 AM

انا غايتو ماشة اسوي الغدا عشان الضيوف بس سمعتوا بس الضيوف :mad: وافتراحي بعد اتفنت في الواطة يا خالد انو النقط دي يشيلوها نوهائي من المنتدي كرهتنا ياخ هسة الضيوف يجو يلقوا الكمن كلو بينقط يقولوا علينا شنو

بلاي بعد الفصاحه دي كلها مابتعرفي تكتبي

حسي الكلام البي الاحمر ده معناه شنو ؟؟؟:confused:

خالد 000 ابقرجة

02-07-2009, 01:59 AM

اقتراحي
طالما نحنا في الويك اند 000 ( حلوة صاح 000 قالا العاجب الخميس الفات وعجبتني ) 000

خلونا نحل الموضوع 000
يعني نعتبر عنقريب الويك اند 000 عنقريب استثنائي 000

ونسميهو العنقريب الناعم 000

ونقعد فيهو البنات ديل كلهم 000
ميادة 000 بت ام در 000 تغريد 000

ملاحظة 000
الترتيب حسب أولوية الدخول 000 وما ليهو أي علاقة بالسن 000 ولا الضرس :D:p;)

وطالما انو حا نسميهو الناعم 000
فمعناهو اسئلتو حا تكون ساهلة 000

;););) دقيقة يا تنين انا ما قاعد اغمز ليك ده ما لزوم التطينة ياخ

وبرضو عندكم الحق 000 أي واحدة تجي داخلة في الويك اند 000
تقعدوها معاكم 000
النفوس لو اتطايبت 000 عنقريب العاقب بشيل مية 000
يعني مريومة 000 بت مارنجان 000
حتي ست الكرسي الساخن زاااتة كان جات تبرد بي جاي تبقا دقست 000

والأسئلة حا تكون أسئلة الرد عليها فردي 000
وفي اسئلة الرد عليها جماعي 000
آآآآآآيواااا 000 بس 000 رد كورالي يعني 000 ( علي طريقة 1 2 3 لن ننسي اياما مضت 000 ) ;):p
أها مستعدين 000
يلا

السؤال الأول 000
احساسكم بالنيمة في اللحظة دي 000

دقيقة 000 ده كورالي 000

1
2
3

أوعة واحدة سقسلة تقول لي ( لن ننسي أياما مضت ) كان غيرك اشطر الحركات دي عارفنها :D:p;)

خالد 000 ابقرجة

02-07-2009, 02:01 AM

انا غايتو ماشة اسوي الغدا عشان الضيوف بس سمعتوا بس الضيوف :mad: وافتراحي بعد اتفنت في الواطة يا خالد انو النقط دي يشيلوها نوهائي من المنتدي كرهتنا ياخ هسة الضيوف يجو يلقوا الكمن كلو بينقط يقولوا علينا شنو

يقولوا أكيد عندنا موية ( نقاع ) حلوة :p

والله هسي أكلم ليك عمر

تغريد

02-07-2009, 02:03 AM

بلاي بعد الفصاحه دي كلها مابتعرفي تكتبي

حسي الكلام البي الاحمر ده معناه شنو ؟؟؟:confused:

ههههههههههههههههههه
قاااااااااااااصدة وبالمناسبة انت ما تتكلم عن عدم الاسبلين
جنك تغلط

عبدالرحمن مدثر

02-07-2009, 02:03 AM

فى سؤالين سحبتهم ممكن اجاوبهم ليك فى الخاص ياادروب

لمن تعطي لقب نجم المنتدي .. ولماذا ..؟

العاقب مصباح ... لانو مصباح وبس

من هو المشترك او المشتركة الذي افتقدته بعد السيل ...؟

تيسير

من هو المشترك او المشتركة الذي تتمني لقاءه ..؟

ابوآية

ساعطيك ورقه وقلم مع القليل من الالوان الخافته واريد منك ان ترسم لوحه معبره عن

حال العالم العربي .... ماذا ستفعل...؟

بقطع الورقة لاجزاء صغيرة دلالة على الفرقة والشتات

ما الشيء الذي استفدته من المرحلة الابتدائية في شخصيتك وحياتك ..؟

بداية تشكيل الوعى .. جعلت خطواتى واثقة نحو هدف كبير

ما الشيء الذي استفدته من المرحلة الثانوية في شخصيتك وحياتك ..؟

مرحلة النضج والاحساس بالمسؤلية والخيال الجامح

ما الشيء الذي استفدته من المرحلة الجامعية في شخصيتك وحياتك ..؟

فى الجامعة كفرت بالرومانسية بعد ان وجدت واقع الحال مؤسف

لو عاد بك الزمن الى الوراء ، ما الشيء الذي كنت ستفعله ( تشعر أنه راح عليك )

اخش اداب الخرطوم

ماهي حدود ثقتك بإبداع المرأة .....؟

لاتحده حدود المراة مبدعة بطبعها حتى لو اقتصر الابداع على تربية الصغار فقط

هل من كلمة توجيه وتمرير توجهها لأخوانك وأخواتك في المنتدى ....؟

اجعلوا من التسامح والنية السليمة عنوان للتعامل... لن تختلفوا ابدا

خالد 000 ابقرجة

02-07-2009, 02:04 AM

بلاي بعد الفصاحه دي كلها مابتعرفي تكتبي

حسي الكلام البي الاحمر ده معناه شنو ؟؟؟:confused:
التنين 000
والله لقيتك صعب 000

بس تصدق اللون الأحر المريخي ده صحي خطير 000

امبارح ما قبضتا ليك بيهو ( سـ ) طلعت ساااكت كدي بون ( ثأثأة ) :D;):p

تغريد

02-07-2009, 02:07 AM

يقولوا أكيد عندنا موية ( نقاع ) حلوة :p

والله هسي أكلم ليك عمر

عمر الظريف والله عمر دا ألذ زول في الدنيا واوعك تكلم المدام :p:p

لكن النقاع دا ما بزلق والا اقول ليك خليهو يزلق التنين دا يريحنا منو

عبدالرحمن مدثر

02-07-2009, 02:11 AM

انا مع فكرة العنقريب الناعم

ياكابتن كابو

وخصوصا البت تغريد

عشااان

تغرد خارج السرب:p:p

حسام التنين

02-07-2009, 02:11 AM

التنين 000
والله لقيتك صعب 000

بس تصدق اللون الأحر المريخي ده صحي خطير 000

امبارح ما قبضتا ليك بيهو ( سـ ) طلعت ساااكت كدي بون ( ثأثأة ) :d;):p

ههااهاهاهاهاهاهااهاااهههههههاهاهاااها السؤال 620 جاوبوا ليك عليه

لكن النقاع دا ما بزلق والا اقول ليك خليهو يزلق التنين دا يريحنا منو

انا زاتي في الواطه مابمشي طيران بس (بث) ولا شنو

حسام التنين

02-07-2009, 02:13 AM

ههههههههههههههههههههااااااااااااايي

يأيها النفاجون ترقبوا الحدث المبدع

مايسة في الكرسي الساخن وميادة في العنقريب

السبت الموافق 4/07/2009
من الصباح حتي مساء الاحد
48 ساعه متواصلة فقط كونوا معنا

انا حاجيب بت ورق وعلبة اقلام وابداء اكتب الاسئلة من الليلا حتي السبت

ابو قرجة وود مدثر الاعلان ده ماديتونا فيه رايكم

حسام التنين

02-07-2009, 02:14 AM

انا مع فكرة العنقريب الناعم

ياكابتن كابو

وخصوصا البت تغريد

عشااان

تغرد خارج السرب:p:p

انت متاكد من الكلمة دي

خالد 000 ابقرجة

02-07-2009, 02:16 AM

عمر الظريف والله عمر دا ألذ زول في الدنيا واوعك تكلم المدام :p:p

لكن النقاع دا ما بزلق والا اقول ليك خليهو يزلق التنين دا يريحنا منو

شكرا بالإنابة 000 قالو طالع لأخوهو الكبير 000 :D;):p

يا اخوانا ما قلنا عنقريب النواعم يبدا 000
التنين أنا قعدهم ليك وماشي 000
امسك خدمة لحدي المغرب 000
أدروب حا اشرب قهوة العصرية واجيك 000
وبعد العشاء ان شاء الله معاكم 000
بمسك ليكم الليل زي امبارح 000

أبو مزن 000 ياخي والله عافيين ليك 000
بس بشرط 000
لمن ترجع 000 الأسئلة الما رديت عليها كلها تجاوب عليها 000
يعني بلغة كابتن كابو ( ون تو )
تجاوب سؤال قديم 000
وبعدين تسأل الفي العنقريب 000

وسايق عليك الرسول أكان ما صورتا لي صينية الصبحية 0000
لا الصبحية ما عشان صبحي 000
لكن لأنو بموت في اصناف 000
العصيدة بي ملحاتا الملونة 000 كل الألوان 000
والتحلية 000 السكسكانية 000 الشعيرية 000 والفطير داااااااااكا 000
ياخي الفطير ده عجيب خلاس 000
بس تصدق 000 أنا من يوم ما قامت لي دقنة 000 ما استمتعتا بيهو 000
كلو ما تجي تقرمش حتة 000 دقنك اتملي سكر نااااااااااعم 000
زمان ما كنا بناكل 000 نمسح خشمنا بس 0000

حليل زمااااااااااااااااان 000

ممكن أهدي 000

حليل زمن بنادي 000
للخديدو نادي 000

عبدالرحمن مدثر

02-07-2009, 02:20 AM

يابنااااااااااااااااااااااااااااااااات

سكووووووووووووووت ولا كلمة

احترمن (الشيبة ) حقتنا دى (تنين مامعانا ):p

قلنا نوااااااااااااعم

عشان كدا خليكن رايقاااااااااااات

وانا جبت خبيز نااااااعم

وجييييييييت

تغريد

02-07-2009, 02:21 AM

انا مع فكرة العنقريب الناعم

ياكابتن كابو

وخصوصا البت تغريد

عشااان

تغرد خارج السرب:p:p

أبو مزن خليك محضر خير ياخي

خالد 000 ابقرجة

02-07-2009, 02:23 AM

ابو قرجة وود مدثر الاعلان ده ماديتونا فيه رايكم

ياخي التنين في زول براجع اعلانو 000
انا أفتيت ليك في الويك اند ( تاااني حلوة ) 00
لأنو عندي تفويض من عقبة 000
لكن هو قال السبت بدري عاصر النيمة 000

راي نرجع لي لستة العاقب 000

ديمقراطية وكدة 000

رايك شنو في ديمقراطية الثورة بتاعتنا بعد التمكين دي ؟؟؟ :D:p;)

تنين 000

ياخي معقول لكن 000

حا تعديها لينا طيران ساااااكت كدة 000
ياخي ما تضوق كرعينك رملة النيمة القشتا ميادة امبارح دي 000

والله الرملة المرشوشة مع مشي الحفا 000 احساس مبالغة 000

ابو مزن 000 سايق عليك الرسول كان ما طلعتا من بروتوكولات ترتيب الردود 000
وأديت السطر الفوق ده أولوية تدفق هسسسيييييي دي 000
قبال لا تسافر 0000

عبدالرحمن مدثر

02-07-2009, 02:24 AM

ابو قرجة وود مدثر الاعلان ده ماديتونا فيه رايكم

بت امدرمان طفشت

ميادة وتغريد

عليك بالحبل الطويل والتربيط

نشوف لينا طريقى اسئلة ناعمة

ونجيك

اى حركة

خلى تنينك يقوم باللازم :p:p:p

لهب

ودهب

ممكن اهدى

صافى يادهب الخزااااااانة

خالد 000 ابقرجة

02-07-2009, 02:30 AM

يابنااااااااااااااااااااااااااااااااات

سكووووووووووووووت ولا كلمة

احترمن (الشيبة ) حقتنا دى (تنين مامعانا ):p

قلنا نوااااااااااااعم

عشان كدا خليكن رايقاااااااااااات

وانا جبت خبيز نااااااعم

وجييييييييت

دي ما شيبة يا خربشة ياخ 000
ده سكر الفطير بس 000
ولا امكن سكر الناااااااااااااعم 000

اهدي صاح ؟؟
يا ناعم العود يا سيد الملاح 000
يا ناعس الطرف أرحم بحالتي 000

لكن بالسوداني 000 ما بالخليجي 000

حسام التنين

02-07-2009, 02:30 AM

يابنااااااااااااااااااااااااااااااااات

سكووووووووووووووت ولا كلمة

احترمن (الشيبة ) حقتنا دى (تنين مامعانا ):p (:eek:)
معقولا بعدالادب والاحترام ده كلو
تطلعوني بره التشكيله

قلنا نوااااااااااااعم

عشان كدا خليكن رايقاااااااااااات

وانا جبت خبيز نااااااعم

وجييييييييت

جدا يا كبييير

حسام التنين

02-07-2009, 02:32 AM

ياخرباش الحبل واللهب والكلام ده يوم السبت مالليلا

ثم ثانيا الدهب ده كان سمعوا بتلقاهم ..... ولا شنو هههه

عبدالرحمن مدثر

02-07-2009, 02:32 AM

والله الرملة المرشوشة مع مشي الحفا 000 احساس مبالغة 000

الله الله

شفت حتة عاطف خيرى المعجونة ومخمرة دييييييك

انا ليه تجينى الموية حفياانة

والبسا فى شبط اخدر

وزولى الاخدر

ان شفتو باخدر

زولى هووووووووووووى

يييييييياخ انا بتكيف للزول القيااافة داااااك البخش جوه وتوووووووووش

كدا من غير مايدق اى حاجة

يخش حفيااااااان

يخش بنعلاتو

المهم يخش والسلااااااااااااااااااام

وانبليتا

اختى الرملة ماتقع البكااان الهش

دى الممطورة مابتبالى من الرش :p:p:p

رملة وبحر وناس حفياانة

درويش فى حضرة

ورحلة احساس

ودندنة بصوت جميل وندياااااااااااااان

ياعمنا

ما تخلينا نندفق

ومانلقى الماعووووووووون

وماعون الابداع لمن يكون معطون جوة دواخل

تتمط .. وتمطك عيييييييييك

وانا ماجايييييييييك

شايل افراااح

تملا الدنيا

واجمل منية

انو تكونوا تامين

ولامين

وتندفقوا

حسام التنين

02-07-2009, 02:33 AM

اين انت يأدروب

خالد 000 ابقرجة

02-07-2009, 02:36 AM

السؤال الأول 000
احساسكم بالنيمة في اللحظة دي 000

دقيقة 000 ده كورالي 000

1
2
3

أوعة واحدة سقيلة تقول لي ( لن ننسي أياما مضت ) كان غيرك اشطر الحركات دي عارفنها :d:p;)

شايف النواعم طنشو السؤال الأول 000

ابو مزن 000
سؤال الميلاد خليهو في الآخر 000

نبدا بالأسئلة الحنينة 000

فنانك المفضل 000

لونك المفضل 000

بتحبي الكعب العالي 000 ولا السد العالي 000

بتاكلي العصيدة بالملعقة 000 ولا بالشوكة 0000 ( لا لا مافي خيار تاني ) 000 ما تبالغوا ياخ اليد ما ريستيدج 000

تنين بصفتك كمبيوتر مان وكدة الـ ( ج ) دي بعطشوها بالكيبورد كيفن

حسام التنين

02-07-2009, 02:36 AM

والله الرملة المرشوشة مع مشي الحفا 000 احساس مبالغة 000

الله الله

شفت حتة عاطف خيرى المعجونة ومخمرة دييييييك

انا ليه تجينى الموية حفياانة

والبسا فى شبط اخدر

وزولى الاخدر

ان شفتو باخدر

زولى هووووووووووووى

يييييييياخ انا بتكيف للزول القيااافة داااااك البخش جوه وتوووووووووش

كدا من غير مايدق اى حاجة

يخش حفيااااااان

يخش بنعلاتو

المهم يخش والسلااااااااااااااااااام

وانبليتا

اختى الرملة ماتقع البكااان الهش

دى الممطورة مابتبالى من الرش :p:p:p

رملة وبحر وناس حفياانة

درويش فى حضرة

ورحلة احساس

ودندنة بصوت جميل وندياااااااااااااان

ياعمنا

ما تخلينا نندفق

ومانلقى الماعووووووووون

وماعون الابداع لمن يكون معطون جوة دواخل

تتمط .. وتمطك عيييييييييك

وانا ماجايييييييييك

شايل افراااح

تملا الدنيا

واجمل منية

انو تكونوا تامين

ولامين

وتندفقوا

يازول انت الليلا فاطر بي شنو

ده مشروع شاعر .... قلت لي داير تقراء اداب

حسام التنين

02-07-2009, 02:38 AM

ال ج دي ننفخ ليك فيها لهبات

بتعطش طوالي

خالد 000 ابقرجة

02-07-2009, 02:42 AM

يازول انت الليلا فاطر بي شنو

ده مشروع شاعر .... قلت لي داير تقراء اداب

ياخي الخرباش لمن اتدفق ما مبالغة 000
انتا بس تهبشو 000
وتعرف وترو 000
وتخت ليهو طرف نجمة 000
وازميل ما بتقدرو 000
لا ماعونا بشيل دفاقو 000
لا في السكات بتعرف قدرو 000

بس بالله بين الخربشة 000
النواعم عاوزين ردود 000

لا لالا لالا يا تنين 000 أوعك تغلط غلطة زي دي 000

النواعم ديل أي حاجة عندهم ناعمة 000

الا الخربشة 0000

أسأل الناس الخبرة 000

أبو مزن مالك مسكتتا خدك الشمال :D:D:p:p

خالد 000 ابقرجة

02-07-2009, 02:45 AM

ال ج دي ننفخ ليك فيها لهبات

بتعطش طوالي

هههههههها :D:p:p:p:p:p:p:D ضحكتني لكن 000

كدي النجرب 000

بريستيدج

كدي أنفخ النشوف

عبدالرحمن مدثر

02-07-2009, 02:47 AM

بعد ماعطشتوناااااااااااااااااااا

بقيتو تفتشوا

لتعطيش الجيم

جيم سرى ياخد عدوينكم (معاها تعطيشة برضو)

خالد 000 ابقرجة

02-07-2009, 02:48 AM

البنات ديل شكلهن دقسننا 000
قلبوهو خشن تاني وقرتقوا 000

تنين 000 خليك ماسك خدمة 000
انا ماشي 000
وادروب قلنا ليك بشرب قهوة العصرية وجاييك طوالي 000

أبو مزن 000

سؤال أخير 000

بمناسبة السفر 000

شارع مدني الخرطوم 000

بتسوق فيهو بي سرعة كم 000

ودعناك صاحب الوداعة 000

عبدالرحمن مدثر

02-07-2009, 02:56 AM

أبو مزن 000

سؤال أخير 000

بمناسبة السفر 000

شارع مدني الخرطوم 000

بتسوق فيهو بي سرعة كم 000

ودعناك صاحب الوداعة 000

اجاوب على كابتن كابو واغير الزيت وافحط

انا زول بتاع وزنات يعنى حسب الشارع

لكن عادة 120 معقولة

بس مرات بتهور لمن تلقى واحد ارعن يعكنن عليك الرحلة

بطفش بحصل 160 وبجى راجع سريع

جميلة هذه اللمة التى تقول فيها مابدواخلك من غير تزييف

او تزيد عليها مساحيق للتجميل

ان شاء الله دائما تامين ولامين

ومبسوطين

ونتلاقى يوم السبت

كان الله مد فى العمر

وابقوا عشرة على النيمة

وابقوا عشرة على النوااااااعم

وردات القعدة اليانعااااااااااااات

سامية عباس

02-07-2009, 02:59 AM

معقولة بس :eek::eek:
ابوووودي في العنقريب وزووول يقول لي مااافي ؟:eek:

لا لا انا جد زعلانة
وحردااانة النيمة دي عدييييييل كدا :mad::mad::mad:

لا لا ما تحنسوني زحو انا ماشة :(

عبدالرحمن مدثر

02-07-2009, 03:02 AM

معقولة بس :eek::eek:
ابوووودي في العنقريب وزووول يقول لي مااافي ؟:eek:

لا لا انا جد زعلانة
وحردااانة النيمة دي عدييييييل كدا :mad::mad::mad:

لا لا ما تحنسوني زحو انا ماشة :(

ممكن اهدى

قلنا مامكن تساااااااااافر

نحن حااااااالفين بالمشااااااااعر:p:p

خالد 000 ابقرجة

02-07-2009, 03:23 AM

معقولة بس :eek::eek:

ابوووودي في العنقريب وزووول يقول لي مااافي ؟:eek:

لا لا انا جد زعلانة
وحردااانة النيمة دي عدييييييل كدا :mad::mad::mad:

لا لا ما تحنسوني زحو انا ماشة :(

بس أمانة ما وقع 000 دقيقة ياخ راجل شنو 000 معلش المخ اتجاه واد 000
قصدي أمانة ما وقع ناعم 000

مريومة شوفي الكلام التحت ده 000 واقعدي جنب اخواتك 000
وابدي معاهم بالإجابة الكورالية 000

لكن أبودي حا نعمل ليك ليهو ملحق 0000

اقتراحي

طالما نحنا في الويك اند 000 ( حلوة صاح 000 قالا العاجب الخميس الفات وعجبتني ) 000

خلونا نحل الموضوع 000
يعني نعتبر عنقريب الويك اند 000 عنقريب استثنائي 000

ونسميهو العنقريب الناعم 000

ونقعد فيهو البنات ديل كلهم 000
ميادة 000 بت ام در 000 تغريد 000

ملاحظة 000
الترتيب حسب أولوية الدخول 000 وما ليهو أي علاقة بالسن 000 ولا الضرس :d:p;)

وطالما انو حا نسميهو الناعم 000
فمعناهو اسئلتو حا تكون ساهلة 000

;););) دقيقة يا تنين انا ما قاعد اغمز ليك ده ما لزوم التطينة ياخ

وبرضو عندكم الحق 000 أي واحدة تجي داخلة في الويك اند 000
تقعدوها معاكم 000
النفوس لو اتطايبت 000 عنقريب العاقب بشيل مية 000
يعني مريومة 000 بت مارنجان 000
حتي ست الكرسي الساخن زاااتة كان جات تبرد بي جاي تبقا دقست 000

والأسئلة حا تكون أسئلة الرد عليها فردي 000
وفي اسئلة الرد عليها جماعي 000
آآآآآآيواااا 000 بس 000 رد كورالي يعني 000 ( علي طريقة 1 2 3 لن ننسي اياما مضت 000 ) ;):p
أها مستعدين 000
يلا

السؤال الأول 000
احساسكم بالنيمة في اللحظة دي 000

دقيقة 000 ده كورالي 000

1
2
3

أوعة واحدة سقسلة تقول لي ( لن ننسي أياما مضت ) كان غيرك اشطر الحركات دي عارفنها :d:p;)

تصدقي أبودي دي قاعدة تقولا آية لعبد الرحمن ود يس صاحبي 000 والله جد

سامية عباس

02-07-2009, 03:25 AM

ممكن اهدى

قلنا مامكن تساااااااااافر

نحن حااااااالفين بالمشااااااااعر:p:p

لا لا ما ينفع
زعلانة

وحرداااااااانة

وخوة فرتق عديل كدا
:mad::mad::mad::mad::mad::mad::mad:

حسام التنين

02-07-2009, 03:43 AM

معقولا يامريم التانية اقصد الاخري

انت فوق العين والراس
نرجع ليك البوستر ده من البداية ونحذف المشاركات كلها والناس تكتب من جديد

بس كدي اقعدي وبنتفاهم

سامية عباس

02-07-2009, 04:03 AM

بس أمانة ما وقع 000 دقيقة ياخ راجل شنو 000 معلش المخ اتجاه واد 000
قصدي أمانة ما وقع ناعم 000

مريومة شوفي الكلام التحت ده 000 واقعدي جنب اخواتك 000
وابدي معاهم بالإجابة الكورالية 000

لكن أبودي حا نعمل ليك ليهو ملحق 0000

لا اخير تقول :p
اشوووف؟ وهي اصفارك الكتيره دي بتخلي الزول يشوف :d
ابيييييت ما قاعده .....وبعدين انت براك قلتها ويك اند والاند بند
عشان كدا نو واي لانو الجمعة والسبت نت نهي
وهسا نحن في آخر اليوم عشان كدا انا بخلي ليكم باقي النواعم يكملو معاكم الكورال اقصد المشوار وبجيكم الاحد
أن كان في العمر بقية
خالد اوعى تاكلني في سؤالي .... وتعمل رايح ... راجياك :d

تصدقي أبودي دي قاعدة تقولا آية لعبد الرحمن ود يس صاحبي 000 والله جد

ربنا يخليها ليك يارب ويخليك ليها

سامية عباس

02-07-2009, 04:19 AM

معقولا يامريم التانية اقصد الاخري

انت فوق العين والراس
نرجع ليك البوستر ده من البداية ونحذف المشاركات كلها والناس تكتب من جديد

بس كدي اقعدي وبنتفاهم

لا لا ماعايزة اي تفاهم خلاص الفيكم اتعرفت
يعني الزول يغيب منكم يومين بس تنسوه :eek:
غاااااااايتو :mad:

تنينو ما تقيف قدامي انا طالعة زح ياخ :o

عبدالرحمن مدثر

02-07-2009, 04:24 AM

نمة لسمسمة

فى انتظار الرفيق (كابو معاى على الخط ):p:p

انا بندهك لمن خيال خيولك يستريح

بجنبنا

وانا بزرعك زهرة تواااصل للجاى خايف

يفوت والسكة تبعد مننا

وانا بعزفك احساس مسطر بالحنين

ودندنة

وانا بكتبك احرف تعاين للسما وتاخد

من القمرة زاد

كل الغنا

خلاس كدا صوحيب :p:p:p

العاقب مصباح

02-07-2009, 04:48 AM

عايز اكتب لى شعر فى اللحظة دى

عشان ود مدثر

وكلامه الطاعم

والزنقة فى نص النيمة

لكن ما عارف

ياخى زولا ماهو منكم انتوا ندمان فى حياته ندم

سامية عباس

02-07-2009, 05:25 AM

نمة لسمسمة

فى انتظار الرفيق (كابو معاى على الخط ):p:p

انا بندهك لمن خيال خيولك يستريح

بجنبنا

وانا بزرعك زهرة تواااصل للجاى خايف

يفوت والسكة تبعد مننا

وانا بعزفك احساس مسطر بالحنين

ودندنة

وانا بكتبك احرف تعاين للسما وتاخد

من القمرة زاد

كل الغنا

خلاس كدا صوحيب :p:p:p

وانا كنت بنده للحروف شان تزيد فوق قولا قول

تطيب القعدة وتنادي المطره في ساعة الهطول

عشان تخلي الهم يزول
وحقيقة هاكم مني قول

خيال شعري كم وكم برتاح هنا

وبنساه جد كل العنا

وبكل حواسي الممكنة
بكتب حروف تهديكم الود والحنين
وكل الغنا

طريق السلامة

العاقب مصباح

02-07-2009, 05:43 AM

وانا كنت بنده للحروف شان تزيد فوق قولا قول

تطيب القعدة وتنادي المطره في ساعة الهطول

عشان تخلي الهم يزول
وحقيقة هاكم مني قول

خيال شعري كم وكم برتاح هنا

وبنساه جد كل العنا

وبكل حواسي الممكنة
بكتب حروف تهديكم الود والحنين
وكل الغنا

طريق السلامة

بكتب حروف تهديكم الحب والامانى الممكنة

وبنور ضياكم الونها

ما انتوا نور الدنيا كله

يوم الشموس ما تطلنا

ما انتوا ضحكات من قلوب

عمرانة يا رب بالهناء

يسعد مساكم وصبحكم

فى الدنيا يوم ما نشوف عناء

ما انتوا نوارة الفرح

لما الفرح يجى من هنا

اصدق مشاعرنا بتكون

لمن تكونوا اليوم وبكره وامسنا

مايسة

02-07-2009, 06:24 AM

:pيعني يا العاقب عبد الرحمن واتهرد هريدة المسكين
:p;)

عايزين تبهدلو البنات المساكين الحلوات ديل

ابو قرجة بطل شوية وارخي الحبل :);)

مريومة - الناس ديل ما يخموك ساي - (اوع تخشي ويكون ما معاك جكس تاني ) ;)

عبد الرحمن : تعال بسرعة قبل النيمة ما تجف

بت ام درمان : وين طفشتي :D

التنين - انت احمر ولا ازرق

ادروب : اسعلتك التعسفية دي من وين بتجيبه :D

ميدو : ما تسمعي كلام الجماعة ديل وتقعدي تاني - عايزين فيك يوم

تغريد : اقعدي ثـــــــــــــــــــــــــــاي (قصدي في العنقريب)

محمد الواثق

02-07-2009, 07:28 AM

:pيعني يا العاقب عبد الرحمن واتهرد هريدة المسكين
:p;)

عايزين تبهدلو البنات المساكين الحلوات ديل

ابو قرجة بطل شوية وارخي الحبل :);)

مريومة - الناس ديل ما يخموك ساي - (اوع تخشي ويكون ما معاك جكس تاني ) ;)

عبد الرحمن : تعال بسرعة قبل النيمة ما تجف

بت ام درمان : وين طفشتي :d

التنين - انت احمر ولا ازرق

ادروب : اسعلتك التعسفية دي من وين بتجيبه :d

ميدو : ما تسمعي كلام الجماعة ديل وتقعدي تاني - عايزين فيك يوم

تغريد : اقعدي ثـــــــــــــــــــــــــــاي (قصدي في العنقريب)

مايسة وانا وانا

خالد 000 ابقرجة

02-07-2009, 07:58 AM

مايسة وانا وانا

الواثق
ياخ عليك الله تعال
كل مرة تتاوق لينا
وتحندكنا بي الحاجة العاوز تاكلا وما عاوز تاكلا دي
تعال ياخي مرة اتوهط معانا هنا
ولا اتكي في العنقريب

تغريد

02-07-2009, 08:58 AM

الحمد لله النيمة دي فااااااااااااااااضية ومرشوشة كدي اخد لي قعدة صغيرة كدي وامشي قبل الجماعة ديل ما يجو بس اكيد ما في العنقريب حاقعد في الواطة تحت الشجرة البعيدة ديك وزول بجيب خبري مافي

أها اهي دي تكية

حسام التنين

02-07-2009, 09:40 AM

الحمد لله النيمة دي فااااااااااااااااضية ومرشوشة كدي اخد لي قعدة صغيرة كدي وامشي قبل الجماعة ديل ما يجو بس اكيد ما في العنقريب حاقعد في الواطة تحت الشجرة البعيدة ديك وزول بجيب خبري مافي

أها اهي دي تكية

تكيه بلاي وحامي الحمي قاعد اعاين ،،،، كدي بالمناسبة دي النتعرف عليك اكتر