تسجيل الدخول

مشاهدة النسخة كاملة : قناة النفاج المسلسل اليومي حصرياُ


صلاح ودالطاهر
23-06-2009, 09:37 PM
اليوم بداية المسلسل اليومي بتاع علويه شمارات بتاعت المشكلات والاخبارات وهو مسلسل في حلقات وهو حصريا علي قناة النفاج الدراماتيكيه وهي قناة تم افتتاحها اليوم حيث تكون هذه القناه نواه (حلوه كلمة نواه هذه) ارجع نواه لعددت قنوات للري بمشروع الجزيره اها معليش قصدي عدة قنوات انفتاحية في دول العالم الثالث وتبابعونا خلال اليوم لبث الحلقه الاولي من مسلسل علويه شمارات وهي من انتاج شركة شماركو للانتاج والتوزيع الفني بولاية النفاج
اليوم الحلقه الاولي من مسلسل علويه شمارات

مرحبا بكم في قناة النفاج الدراماتيكيه
حسام التنين
23-06-2009, 09:46 PM
ياسلام عليك ياود الطاهر

بس انشاء الله المقر اكون ودمدني عشان كل الشمارات الفي مدني تجينا

المسلسل الساعة كم ياريت اكون 3ظ عشان الشغل اكون خفة ونلحق البث المباشر

ربنا اوفقك
ميادة
23-06-2009, 10:11 PM
اها انا جيت عشان اتابع
صلاح ودالطاهر
23-06-2009, 10:22 PM
ياسلام عليك ياود الطاهر

بس انشاء الله المقر اكون ودمدني عشان كل الشمارات الفي مدني تجينا

المسلسل الساعة كم ياريت اكون 3ظ عشان الشغل اكون خفة ونلحق البث المباشر

ربنا اوفقك

المقر كدي نتفق مع الاداره هسع محتاجين للمزيعات ربط يلبسن المكشن بلا بصل
صلاح ودالطاهر
23-06-2009, 10:29 PM
اها انا جيت عشان اتابع




كدي هسع خليك مع هذه حتي وكت المسلسل

اضغط هنا (http://www.happydent.in/protex/viral/index.html)
الطويل
23-06-2009, 10:35 PM
غايتو ياود الطاهر يااخوى لو طلع الكلام الفى رويسي ده صح

وووووب عليكم مني

كدى الحلقه الاولى دي جنسها شنو وعلى منو

نعلو حقت المسيكين الشالت جوالو المره هاهاهاهاها
هيثم ادروب
23-06-2009, 10:36 PM
والله ياود الطاهر
دعايتكم كتيرة (دعاية العلكة مبااااااااالغة)
شكلو المسلسل بتاعكم دا
حصري علي قناة النفاج بس
يلا ورينا الحلقة الاولي
ياجميل يامدلل
الطويل
23-06-2009, 10:39 PM
هاهاهاهاهاهاهاها

الحمد الله الطلعت الحلقه الاولى عن سمير خان وفلهمه فرتقان
حسام التنين
23-06-2009, 11:08 PM
لا لا لا لا لا انت تدعو للإرهاب في المنتدي انا بدعو لاعتقالك وتحويل البوستر ده الي شرطة المنتدي
العاقب مصباح
23-06-2009, 11:52 PM
عندى شهادة خبرة فى التمثيل من زمن المدرسة

ممكن تدونى دور البطل

اللى حيتزوج البطلة فى اخر المسلسل
ميادة
24-06-2009, 01:01 AM
كدي هسع خليك مع هذه حتي وكت المسلسل

اضغط هنا (http://www.happydent.in/protex/viral/index.html)




ضغطت هنا


وما جاني اي شي :eek:
حسام التنين
24-06-2009, 02:05 AM
عندى شهادة خبرة فى التمثيل من زمن المدرسة

ممكن تدونى دور البطل

اللى حيتزوج البطلة فى اخر المسلسل





تخريمة (انت داير دور البطل ولا تعرس البطلة زاتها )
سودانية وافتخر
24-06-2009, 06:18 AM
انا سمعت انو هنا في وظائف شاغرة صحي؟
العاقب مصباح
24-06-2009, 06:21 AM
تخريمة (انت داير دور البطل ولا تعرس البطلة زاتها )




والله كلك مفهومية يا تنين اخوى

ابقى لى واسطة ياخ
حسام التنين
24-06-2009, 06:24 AM
والله كلك مفهومية يا تنين اخوى

ابقى لى واسطة ياخ

شايف سوانيه وافتخر دي جايه رايحه شكلها كده
كايسه لي شغل كدي دردقها واعرض عليها دور البطه اقصد البطلة
صلاح ودالطاهر
24-06-2009, 06:29 AM
ضغطت هنا





وما جاني اي شي :eek:


اجي يا بت امي دحين انت مشتركه في قناة النفاج ما قونا حصير علينا اها دحين كدي اعملي تثبيت لعنصر التحكم عندك وكت يجيك الشريط المنبثق فوق اللوحه بتجيك رساله هل تريدي تثبيت عنصر التحكم قولي نعم بيفتح معك
صلاح ودالطاهر
24-06-2009, 06:31 AM
الحلقه الاولي

علويه عمرها 45 سنه تقريبا غير متزوجه الا انها متزوجه المناسبات يعني علويه طول ليله ونهاره هي في بيت مناسبه وتتحشر في البخصها والما بخصها امممممممممممممم شكلكم كده ماصدقتوني نخش نشوف علويه دي بتعمل في شنو

علويه تطرق باب منزل صديقتها نوال ونوال دي برضو جنها مناسبات لكن هي متزوجه وبرضو بتحب تتحشر في الما ليها فيهو

علويه
نوا ل هوي يانوال
(وهي تطرق الباب بعنف )
نوال
ايوه ايوه جيت الباب ده انشاء الله يقع عشان نرتاح
تفتح نوال الباب لتجد امامها علويه نصف النائمه (الدنيا لسه صباح )
علويه
الليله ووووووووووب علي يا اختي وووووب وووووب ووووب
نوال
سجم خشمي ياعلويه المات منو ؟

علويه
مافي زول مات لكن الراجل المجنون ده طلق التومه
نوال
الراجل منو سعيد ؟
علويه
ياهو قشير الله لاكسبه قوماكي ارحكي قالو التومه فارشه عديييييييييل

نوال
الله لا كسبك ياسعيد كر علي يالتومه
علويه
نوال يا نوال
نوال
اها ياعلويه
علويه
الليله عرس ناس مستتوره نمشي ليهم بعد نغشي التومه
نوال
خلاص خير
(نوال شخصيتها معدومه تماما اما م علويه)
علويه
والله ناس مستوره ديل مادايره امشي ليهم وسخانين ومعولقين لكن بس عشان ما تلومنا تقول نحن ماجينا
نوال
يلا ياعلويه انا جاهزه ارحكي
علويه ارح يا اختي الي اللقاء في الحلقه القادمه
صلاح ودالطاهر
24-06-2009, 06:32 AM
شايف سوانيه وافتخر دي جايه رايحه شكلها كده
كايسه لي شغل كدي دردقها واعرض عليها دور البطه اقصد البطلة

هووووووووووووووووووووووووووووووي يا اتنين كدي انت ارجاني في المطار انا جاي اجازه
حسام التنين
24-06-2009, 06:45 AM
هووووووووووووووووووووووووووووووي يا اتنين كدي انت ارجاني في المطار انا جاي اجازه

ياعمنا انا واسطة خور اقصد خير مالك داير تطفش رزق الراجل


ولا شنو ياسودانية

ثم ثانيا انا تنين ما اتنين(هووووووي انت )
حسام التنين
24-06-2009, 06:48 AM
دي ياها الفتحت ليها البوستر وخليت الناس طايرين وما منقشطين كرسيني وبنبرك العنقريب اتكسر والله بهدلتهم بهدله احسن اسحب الكلام ده قبال اجوك (شرطة المنتدي ماتلمك)
صلاح ودالطاهر
24-06-2009, 07:28 AM
دي ياها الفتحت ليها البوستر وخليت الناس طايرين وما منقشطين كرسيني وبنبرك العنقريب اتكسر والله بهدلتهم بهدله احسن اسحب الكلام ده قبال اجوك (شرطة المنتدي ماتلمك)

انتظر يا الاخو دي بداية المسلسل
صلاح ودالطاهر
24-06-2009, 07:30 AM
الحلقه الثانية


يلا ياعلويه انا جاهزه ارحكي
علويه ارح يا اختي
الله يازاهو اصلو ما راجل يمشي لي قدام
هكذا ابتدرت علويه مواساتها لي التومه بعد ان طلقها زوجها سعيد كما ذكرنا في الحلقه السابقه
التومه
احيييييييييييييييييييييييي يابنات امي الراجل عرسني لحم وطلقني عضم
نوال
اصلهم الرجال ديل كده وزي ماقال المثل البضمن الرجال يضمن المويه في الغربال
علويه
انتي التومه بس هو كان سببو شنو طلقك الراجل الزي قلم الحواجب ده (هههههههههه ابدعت علويه في وصف سعيد فهو قصير جدا )
التومه
بري ياختي السبب ما مني السبب من الكريهه مرتو العرسه فيني دي قالت لي مابقبل بيك الا تطلق مرتك الاولي
علويه
انتي قايله انا ما عرست لي هسي مالي ماعشان جنس العمايل دي
انتي كان لقيتي وابيتي ياعلويه
اتي صوت سعيد مجلجلا حتي ان كبايه العصير سقطت من يد نوال التي ارتجفت كانما يقف امامها حافظ حبيبها السابق
علويه
انت جيت يالقبيح يالسنيح يالمابتشبه الرجال
سعيد انت مجنونه ياوليه ولا شنو ؟
مجنونه انا ياراجل يامتصابي ماشي تعرس بت قدر بناتك ومطلق المسكينه دي
سعيد
وانتي يخصك شنو ؟
علويه
يخصني ونص وخمسه ياراجل ياغبيان يا مودر انت دفعتك هسي قربو لي تسعين سنه وانت لي هسي مصبغ شعرك وجاري ورا النسوان
سعيد
احترمي نفسك ولا
علويه
ولا شنو داير تدقني كمان
سعيد
ادقك وادق عشره زيك
والتحم في قتال حار مع علويه والسكاليب دورت وناس الحله اتلمو وساقوهم هي ونوال وسعيد ومرتو لي قسم الشرطه والدماء تنزف من وجه سعيد ومن انفه

اسمك وسنك وعنوانك
علويه بت ارباب ود العطا ساكنه في فريق طمطمان
عمري ياحضره الضابط 23 سنه
كذابه انت عمرك يكون 46 قاسمه علي اتنين يالمابتخافي الله (صوت سعيد )
علويه
يقسموك زي المراره ياراجل ياسمبن يابخسه (البخسه اناء كبير يحفظ فيه اللبن لينتج منه السمن ودي للحناكيش )
الضابط سكوت
ماذا حدث بالضبط يا علويه
علويه قاعدين في امانه الله انا ونوال عند صاحبتي التومه جا الراجل اب كلو (كنايه عن السمنه)
واتضارب معاي
الضابط
انت اسمك وسنك وعنوانك
سعيدمحمود سعيد من فريق طيور الجنه
عمري 48 سنه
علويه بسخريه لا بالله اها يا كاظم الساهر
الضابط انتي لو اتكلمتي بدون اذني حا اختك في الحبس
(علويه في سرها يتحبس دمك شاحده ربي عليك )حاضر ياجنابو
الضابط
هل انت اتعرضت لي المدعوه علويه
علويه ايوه والله اتعرض لي يتعارض لي عضم السليقه في حلقو
حسام التنين
24-06-2009, 09:26 PM
والله ياود الطاهر ... احسن نواصل وماف داعي للمقاطعه
هيثم ادروب
24-06-2009, 09:40 PM
ود الطاهر
لك كل التحية علي هذا التصوير البديع
وهذا ليس بغريب عنك ايه الهمام


يلا انا منتظر الحلقة الثالثة
تقبل فائق ودي
صلاح ودالطاهر
24-06-2009, 09:57 PM
الحلقه الثالثة


علويه ايوه والله اتعرض لي يتعارض لي عضم السليقه في حلقو


الضابط قلنا اسكتي لامن اطلب منك تتكلمي اتكلمي
علويه حاضر ياجنابو
سعيد ياجنابو هسي شوف الرضوض الفي جسمي دي والجروح الفي راسي دي
هسي عليك الله الضحيه فينا منو انا ولا الوليه العامله زي الكومر دي
علويه
يكوموك يايابا في الزرائب
عليكم الله يا اخواتي شوفو زي عواره الراجل ده
هنا وصل ضغط الضابط لاعلي مدي وصرخ ياعسكري سوقهم كلهم وديهم الحراسه دخلهم دخله ما يجو طالعين منها

بعد ثلاثه ايام خرجت علويه من السجن واتجهت مباشره الي حيث منزل مستوره كما ذكرنا في الحلقه الاولي فان مستوره كان عندها عرس بتها والذي مضي عليه ثلاثه ايام وعلويه لم تذهب لتهنئتها لان علويه كانت محبوسه
طرقت علويه الباب واتاها صوت من الداخل منو ؟
انا علويه
فتح الباب احد الصبيه ودخلت علويه لتجد مستوره مستلقيه علي ظهرها في السرير علويه
مستوره يا اخيتي ربنا يعمره الف مبروك
مستوره بكل البرود الفي الدنيا
اهلا
علويه تستشيط غضبا
هوووي يا مستوره مالك بتسلمي علي بلا نفس وبي طرف اصابعينك انا كنت جاياك يوم العرس الا لكن التومه راجلها طلقها وعرس فيها وانا اتشاكلت معاهو وحبسونا تلاته يوم هسي دي طلعتي نوال ماقالت ليك
مستوره
بري هي نوال انا شفتها الناس ماكانو كتاااااااااااار
علويه في سرها (ها والله انتي يالغبيانه تلقي لي هسي تحسبي في الجا والماجا )
مستوره
ماقلتي لي ياعلويه الراجل المجنون ده عرس في التومه مالو وطلقها كمان
علويه
اسكتي خلي حكايتو يا مستوره الراجل ده نيتو اوسخ من حوش بيتك ده
مستوره
علويه انعدلي انا حوش بيتي وسخان يا مره يامودره ياخرفانه
علويه
خرفانه انا ياوسخانه ياعدمانه يالمابتشبهي الحريم
مستوره
علويه هووي اقفلي خشمك ده ولا هسي ارجعك محل كنتي الحراسه يابتاعه الحراسات
علويه
تدخليني الحراسه انتي ياوليه يامبشتنه يامبهدله يالراسك زي التبشه
حسام التنين
24-06-2009, 10:03 PM
ود الطاهر ... كان اكون اسم المسلسل من والي الحراسة


في انتظار الشمار الجديد اقصد ابداعك الجديد
عبدالرحمن مدثر
24-06-2009, 10:06 PM
ههههههههههههه

متعة ياعمدة

تفاصيل تمشى على قدمين

واحلى مافى الولية الزى الكومر (الدعوات السرية )



عندى اعلان مدفوع القيمة

ممكن يكون فى نص الحلقات

عن (المقشاشة ) السحرية التى تحول بيت مستورة

الى جنة وتنستر قدام الناس المودرة
صلاح ودالطاهر
24-06-2009, 11:08 PM
ههههههههههههه



متعة ياعمدة


تفاصيل تمشى على قدمين


واحلى مافى الولية الزى الكومر (الدعوات السرية )




عندى اعلان مدفوع القيمة


ممكن يكون فى نص الحلقات


عن (المقشاشة ) السحرية التى تحول بيت مستورة



الى جنة وتنستر قدام الناس المودرة


اخي عبد الرحمن ودمدثر اولا احسن الله عزاكم في المغفور عمكم لم اتحصل علي رقم جوالك حتي اتصل عليك

مشاققه
سوي الاعلان بين الحلقات
صلاح ودالطاهر
24-06-2009, 11:09 PM
ود الطاهر ... كان اكون اسم المسلسل من والي الحراسة



في انتظار الشمار الجديد اقصد ابداعك الجديد

اتنين اشكرك علي رسالتك الجميله اها رسل لي جوالك عشان انسق معك وانتظر كثير من مفجاءت علويه حرسات
صلاح ودالطاهر
24-06-2009, 11:11 PM
ود الطاهر
لك كل التحية علي هذا التصوير البديع
وهذا ليس بغريب عنك ايه الهمام


يلا انا منتظر الحلقة الثالثة
تقبل فائق ودي

هيثومه وين يا لذيذ انتو في الرياض مدسوسين وين
صلاح ودالطاهر
24-06-2009, 11:13 PM
غايتو ياود الطاهر يااخوى لو طلع الكلام الفى رويسي ده صح

وووووب عليكم مني

كدى الحلقه الاولى دي جنسها شنو وعلى منو

نعلو حقت المسيكين الشالت جوالو المره هاهاهاهاها

انت اسكت ساي علويه حراسات وكت تمشي للاهل المره الشالو جوال نسيبهم وخلوهو حائم ساي يمسكل للناس وياكل في الترمس
هيثم ادروب
24-06-2009, 11:34 PM
هيثومه وين يا لذيذ انتو في الرياض مدسوسين وين

حبيبنا ود الطاهر
لك التحية
انا موجود بالرياض
وساكنين انا وهشام سلس بالبطحاء
ودا تلفوني 0559234670
امس لاقيت سيد البلد وسألت عنك
هيثم ادروب
24-06-2009, 11:35 PM
http://www.christianwatercooler.com/media/HandsClap.JPG
صلاح ودالطاهر
25-06-2009, 12:45 AM
http://www.christianwatercooler.com/media/handsclap.jpg (http://www.christianwatercooler.com/media/handsclap.jpg)

اها دي دعاية صفيق
صلاح ودالطاهر
25-06-2009, 12:53 AM
الحلقه الرابعة

تدخليني الحراسه انتي ياوليه يامبشتنه يامبهدله يالراسك زي التبشه
واشتبكتا الا ان مستوره كانت عفيه فضربت علويه علقه شديده لامن اختنا علويه رقدت مستشفي وهسي انا ماشي عليها والتفاصيل بعد شويه

ااااااااااخ ووووووووووب كر علي الله يازاك يالتومه بركه الجمعه الجامعه والدعوه السامعه يامستوره يابت منينه المجنونه تتكسر عضامك زي ما كسرتي عضامي الله يكسر عضامك
ستنا ابنه اخت علويه
سلامتك ياخالتي المجنونه الاسمها مستوره دي ماله معاك
علويه
تقولي شنو ؟ احي ياستنا مستوره الزي البرميل دي ياستنا يابتي اديني كوز مويه
ستنا
حاضر ياخالتي
تدخل نوال الي غرفه علويه بالمستشفي وهي تصيح
الليله ياحبيبه قساي والليله ياعلويه الزينه الليله وووووب علي
علويه
ياوليه انتي جنيتي دايره تموتيني يموت حيلك
نوال
يموت حيلي انا ياعلويه
علويه
ايييي يموت حيلك انتي
نوال
هسي كان انتظرتيني مشينا سوا لي مستوره ده كلو ماكان حصل هسي عايني انتي مرضرضه كيفن
علويه
اها يامحمد علي كلاي نووال اسكتي نادي لي البوليس المره دي عملت لي عاهه مستديمه متيمنه مابخليها
نوا ل
اهدي يا اختي العنبر ده ملان ناس يقولو عليك جنيتي
علويه
هوووووووووووي يانوال انتي جايه تشوفيني ولا جايه تفرسيني نادو لي الدكتور
الدكتور ياتي مسرعا خير ياحاجه
علويه
تحج بلاقرعه هسي انا حاجه ياعميان ياغبيان
الدكتور
طيب دايره شنو يمه
علويه
النجماه التقدد عيونك ديل هسي انا قدر امك
الدكتور وقد بدت عليه اثار الضيق
عايزه شنو ياا نسه
علويه
ايوه كده انا عايزه اشتكي مستوره بت الرضي دي وبعدين يادكتور خليني من مستوره دي اصلو غير لون المطر ده مالقيت ليك لون لي قميصك الواحد ده
أبوريلان
25-06-2009, 01:10 AM
والله يا ود الطاهر بقيت منتج وكاتب قصصي
سبعة صنايع والبخت ضايع
يعني ياحبة ما عندك مشكلة لما ترجع بالسلامة
واصل نحنا بالجوار .
خالد 000 ابقرجة
25-06-2009, 03:22 AM
ود الطاهر 000
ياخي ما تعمل زي عبد الكريم 000
لمن فتح تلفزيون حلفا الجديدة 000
كان بث تجريبي 000 وعبد الكريم كان المسئول الوحيد 000
كان بجيب شرايط المسلسلات 000
ويجر ليك المسلسل في يوم واحد 000

ياخي اعتبرا بث تجريبي لقناة النفاج 000
ورص لينا الحلقات كلها ورا بعض 000



سقالاات المشاهدين 000

واحد كان قاعد جنبي بحضر في المسلسل معاي 000
قال لي عارف سعيد ده حا اطلع عرس بت مستورة 000

سقيل 000 قمتا من جنبو طوالي 000


مستين يا عمدتنا يا روعة
حسام التنين
25-06-2009, 03:32 AM
تخريمة ولفة لوري فيه فضا في الدركسون _(شكلك تربية حبوبات)
سودانية وافتخر
26-06-2009, 10:39 PM
شايف سوانيه وافتخر دي جايه رايحه شكلها كده
كايسه لي شغل كدي دردقها واعرض عليها دور البطه اقصد البطلة

:eek::eek::eek::eek: استغلاااااااال واضح انا ححولكم لي شرطة النفاج
















لكن بيني وبينك حمثثل دور البطلة بي كم:D:D:rolleyes:
سودانية وافتخر
26-06-2009, 10:40 PM
هووووووووووووووووووووووووووووووي يا اتنين كدي انت ارجاني في المطار انا جاي اجازه


:d:d:d:d:d
سودانية وافتخر
26-06-2009, 10:41 PM
[QUOTE=tininana;317601]ياعمنا انا واسطة خور اقصد خير مالك داير تطفش رزق الراجل


ولا شنو ياسودانية

ثم ثانيا انا تنين ما اتنين(هووووووي انت )[/QUOTE


واسطة خيير:eek::eek: انت واسطة شـــــــــــــــــر:o
صلاح ودالطاهر
27-06-2009, 12:47 AM
الحلقه الخامسه القبل الاخيره من الجزء الاول
يادكتور خليني من مستوره دي اصلو غير لون المطر ده مالقيت ليك لون لي قميصك الواحد ده



انا من خشيت المستشفي قميصك ده ماغيرتو
الدكتور
هسي انت دايره تشتكي من مستوره ولا من قميصي
علويه
لا دايره اشتكي من تلصق البت الماعندها ادب عليك دي (تقصد الممرضه )
هسي البت دي مابتخجل مباراياك كده زي الشافع البطيني البت لا ادب لا اختشاء
بعدين دي شنو الوساخه دي المستشفي وسخان والكدايس اكتر من الناس وهسي نوال اختي موي بارده ما جبتوها ليها
حاول الدكتور ان يرد الا ان علويه استمرت في الثرثره فيما لايعنيها من امور مما استدعي ان يعجل الدكتور بتخريجها للمنزل


هي ماله مابتجيني الغبيانه انا مافي عرس ولدها مشيت ليها تمشي بطنها
علويه تلوم في ست النساء جارتها لي نوال
نوال
والله ياعلويه ياختي الزمن ده الماجاك ريحك
تقاطعها علويه
راحه ابديه شاحده ربي عليها
هنا تدخل زينب الوداعيه وقد عرفت بنقل الشمارات وحبك الفتن والمشاكل
وقواله شديد كما تقول عنها علويه
زينب وووووووووووووووووووووووب علي ياعلويه ياختي مابتستاهلي
علويه
والله يازينب مستوره بت الرضي دي متيمنه مابخليها
زينب
خليني من مستوره سمعتي بي محمد ود السره
علويه
مالو
زينب
ماعرس في بلد الخواجات
نوال
دحين هو ماكان خاطب بنيه ام الحسين
صلاح ودالطاهر
27-06-2009, 01:17 AM
فاصل ونواصل اضغط (http://sudaniyat.net/up/uploading/shofa.mp3)
صلاح ودالطاهر
27-06-2009, 10:33 PM
فاصل ونواصل اضغط (http://sudaniyat.net/up/uploading/shofa.mp3)

نتابع بعد الفاصل
عبدالرحمن مدثر
27-06-2009, 10:39 PM
فاصل ونواصل اضغط (http://sudaniyat.net/up/uploading/shofa.mp3)



فاااااااااااااصل جميل

يبل الشووووق

ويمشى مع وووووووووووووووووووووووب

زينب ورضا

متابعين

ياعمدة
صلاح ودالطاهر
27-06-2009, 10:59 PM
الحلقه السادس والاخيره من الجزء الاول
ماعرس في بلد الخواجات
نوال
دحين هو ماكان خاطب بنيه ام الحسين

ماعرس في بلد الخواجات
نوال
دحين هو ماكان خاطب بنيه ام الحسين
علويه
انتي مجنونه يانوال يعرس ليها شنو دي عيونها واحده تعوس والتانيه تفرك (كنايه عن الحول )
زينب
ههههههههههه صدقتي يا اختي
لكن قولي لي خبر التومه شنو راجلها ما رجعها
اهتاجت علويه فقد احست بالسخريه في كلام زينب
زيينب هووووووووووووي ارعي بي قيدك ولا هسي يدي دي تاباكي نوال
زينب عليك الله ماتفتحي موضوع التومه ده ارجوك
زينب
اها ياجماعه ما التومه دي خليته انتو اخر اخبار ممدوح وسهام شنو ؟
هنا ابتسمت علويه وتمطت فقد وجدت ميدانا يمكنها من ابراز مواهبها المتعدده فقالت مخاطبه نوال وزينب
سهام قالو غاشه علي ممدوح وبتاكل قريشاتو ساي سهام عويره تعرس ممدوح اخوانو فريق قومي ناقص فنايل
ضحكت زينب وقالت
امانه العازه ام ممدوح دي ماولاده
نوال
ههههههههههههه من شده اولاده ماكتار واحدين لامن سمتهم بي ممدوح ومسنوح ههههههههههههههههههههههه
علويه
هم زاتهم ناس العازه ديل ما سودانيين حرين ديل لاجئين ملخبتين ساي
زينب
ودعتكم الله انا ماشه ابو وليداتي قرب يجي والملاح ماسويتو اها اعفو مني
خرجت زينب متجهه الي العازه لتسرد لها مادار بينها وبين علويه ونوال فهاجت وماجت وحشدت اولادها الكتار ديك وعلي بيت علويه عدل
ولكم ان تتوقعو النهايه براكم
نزار حسن محمد
28-06-2009, 01:10 AM
غايتو اجازى محنك ياود الطاهر
الرسول فيك سوى المسلسل مكسيكى
وهدى قعده ...
كدى نادى لينا علويه دى تسوى لنا قهوه..
صلاح ودالطاهر
28-06-2009, 05:03 AM
غايتو اجازى محنك ياود الطاهر
الرسول فيك سوى المسلسل مكسيكى
وهدى قعده ...
كدى نادى لينا علويه دى تسوى لنا قهوه..

عاد علويه لوسوت ليك القهوه الرماد كال حماد
سودانية وافتخر
28-06-2009, 10:51 AM
هناية حتموت وفلانة حتنجلط رايكم شنو في النهاية:D:D:D


لكن مسلسل حلو يا عمدة:o
صلاح ودالطاهر
28-06-2009, 08:47 PM
هناية حتموت وفلانة حتنجلط رايكم شنو في النهاية:d:d:d


لكن مسلسل حلو يا عمدة:o

لي ما هنايه تزوج راجل فلانه

شكرا ليك ربنا يحلي ايامك جدك العمده
حاتم مرزوق
28-06-2009, 10:37 PM
عرفنا الفلم الهندي طويل ... الدعاية الهندية برضها طويلة
براييييييين الهندوس ديل

بديكم حلقة مجانا:-



http://www.youtube.com/watch?v=LU8DDYz68kM
خالد أحمد الصول
28-06-2009, 10:39 PM
غافلا أنا و غبيان فإنني لا أزور النفاج إلا لماما
غافلا أنا و غبيان الما قاعد أحضر الشمارات الحلوه
غافلا أنا و غبيان الما جبت بمبري من بدري و إتحكرت
ملح ساكت
والله يا ود الطاهر حكاية
قالوا المعاناه تولد الابداع
وزنقة الكديسة تجيب ليك الأبداع مرصوص رص
يا زول وإنت بترمي في الطعمية و تحشي السندوتشات للوليدات و تلبسهم للمدارس و تغير المحارم ما تنسانا من ادق الدعاء
قالوا الدعاء في الاوقات دي مستجاب
طلال الصول
28-06-2009, 11:45 PM
لكن يا ود الطاهر ما مسلسل حرم احسن من الحاج متولي

الإنتاج الجديد متين ما تقول لينا في رمضان الانتظار بكتلنا

وتسلم على الحس الراقي ;)
صلاح ودالطاهر
29-06-2009, 06:45 AM
عرفنا الفلم الهندي طويل ... الدعاية الهندية برضها طويلة
براييييييين الهندوس ديل

بديكم حلقة مجانا:-



http://www.youtube.com/watch?v=lu8ddyz68km


شفته الام كيف تشكر يا حاتم علي هذه العظه
صلاح ودالطاهر
29-06-2009, 06:46 AM
غافلا أنا و غبيان فإنني لا أزور النفاج إلا لماما
غافلا أنا و غبيان الما قاعد أحضر الشمارات الحلوه
غافلا أنا و غبيان الما جبت بمبري من بدري و إتحكرت
ملح ساكت
والله يا ود الطاهر حكاية
قالوا المعاناه تولد الابداع
وزنقة الكديسة تجيب ليك الأبداع مرصوص رص
يا زول وإنت بترمي في الطعمية و تحشي السندوتشات للوليدات و تلبسهم للمدارس و تغير المحارم ما تنسانا من ادق الدعاء
قالوا الدعاء في الاوقات دي مستجاب

اها الطعميه ورميها اتعلمتو منك وكت الكديسه ماسك ليك المطرق
مشاققه
هي المعاناه بقت دايه بتين كان كده امشي اكلم علويه شمارات
صلاح ودالطاهر
29-06-2009, 06:47 AM
لكن يا ود الطاهر ما مسلسل حرم احسن من الحاج متولي

الإنتاج الجديد متين ما تقول لينا في رمضان الانتظار بكتلنا

وتسلم على الحس الراقي ;)

ودالصول عاد انت وعمك كان كدي سا علويه جاك بله
هيثم ادروب
29-06-2009, 11:24 PM
http://www.aleppos.net/forum/attachment.php?attachmentid=1446005&d=1241646577

المسلسل بعد قليل
هيثم ادروب
29-06-2009, 11:33 PM
http://up.9ll9.com/uploads/images/9LL9-b612eaad06.jpg
هيثم ادروب
29-06-2009, 11:36 PM
http://www.yabdoo.com/users/476/gallery/670_p25857.jpg
صلاح ودالطاهر
30-06-2009, 01:35 AM
http://www.aleppos.net/forum/attachment.php?attachmentid=1446005&d=1241646577 (http://www.aleppos.net/forum/attachment.php?attachmentid=1446005&d=1241646577)

المسلسل بعد قليل

شكيت محنك ادروب دي تكويه جد
صلاح ودالطاهر
06-07-2009, 09:42 PM
سوف يتم مواصلة الجزء الثاني من مسلسل علويه شمارات

http://kremet.com/upload//uploads/images/domain-a435b9c0b8.gif (http://kremet.com/upload//uploads/images/domain-a435b9c0b8.gif)
طلال الصول
06-07-2009, 09:52 PM
والله ياود الطاهر بقيت لينا زي جريز انتومي الجزء اتأخر علينا

ما يكون في عجز في الانتاج اهم حاجة

اكان الممثلين اعمل ليك شوية تجارب اداء للشباب

وتسلم ........
صلاح ودالطاهر
06-07-2009, 10:01 PM
والله ياود الطاهر بقيت لينا زي جريز انتومي الجزء اتأخر علينا

ما يكون في عجز في الانتاج اهم حاجة

اكان الممثلين اعمل ليك شوية تجارب اداء للشباب

وتسلم ........

ود الصول علويه قالت ما بتمثل الا تغني ليها المقدمه التايه بت عجرم اها التايه بت عجرم قالت عائزه اجر خرافي عائزه ليها حلتين ويكاب وجرد قدو قدو وهاج ابكر رافض يدينا القدوقدو الا يجيبو ليهو شوال قورو اها شوال القورو عند ناس سميه عضلات وناس سميه عضلات قالواعائزين شنو ده بتشوفو في المسلسل تابع يا حبيب
محمد السر
07-07-2009, 07:05 AM
يا ود الطاهر لقيت كل الحلقات في النت بالرابط دا


http://wadmadani.com/vb/newreply.php?do=postreply&t=25114


ههههههههييييييييي
صلاح ودالطاهر
09-07-2009, 04:45 AM
يا ود الطاهر لقيت كل الحلقات في النت بالرابط دا


http://wadmadani.com/vb/newreply.php?do=postreply&t=25114


ههههههههييييييييي

لقيتك فكي كارب وينك يا حبيبنا وين اراضيك
صلاح ودالطاهر
01-10-2009, 03:12 AM
بناء علي رغبة الجمهور نواصل المسلسل
سلطان العشاق
01-10-2009, 07:25 AM
بناء علي رغبة الجمهور نواصل المسلسل


والله يا ودالطاهر... ابدااااااااااااااااااااااااااااااع....

امتعتنا...

وراجين بااااقي المسلسل...

بس ما طول علينااا....
عمر المامون
01-10-2009, 08:28 AM
هوووووووووي

وينا باقي المسلسل قطعتونا تزاكر ساااااااااي
alanssary
01-10-2009, 08:32 AM
يااخوانا ماترجعو لي الشريط ...
صلاح ودالطاهر
03-10-2009, 10:56 PM
والله يا ودالطاهر... ابدااااااااااااااااااااااااااااااع....

امتعتنا...

وراجين بااااقي المسلسل...

بس ما طول علينااا....


ترقب في الايام القادمات
صلاح ودالطاهر
04-10-2009, 12:44 AM
يا تغريد يا بنيتي ناوليني كوز موية باااااااااااردة ان نكرضعا ونبرد بيها جوفي كرعي يبسو عديل من حوامة السوق من امس جاني مرسال من خالتك التومه في شان نمشي السوق نجيب حاجات رمضان من دكان ود المرضي باقي رخيييص علي قدرنا علا لكن السوق بندخل؟ ولا الدكان بنوصل ؟ من كترة مخالق الله
الشايل القمح ماشي بيهو الطاحونة وساوي الشكلة في السعر والشايلة الكبكبي وواقفة في الفرامات دايرة تفرومو وواقفة تقشر في التوم والبصل في نص السوق تفرمو مع الكبكبي للطعمية اصلو براها الاكل في رمضان ما ببقى ودييييك بت جبر الدار اشترت الفول ادتو للفلاتية تنضفو ليها بتدور تسحنو للدكوة وامنة مرة الشبعان واقفة عن دكان الاحمر تشتري في الكركدي وتناغم لي السرة هي تعالي بي جاي الاحمر كركديهو سمح علا غالي شوية وامونة الغناية واقفة عند سيد اللحمة بتدور لها لحمة صااااافية للشرموط لزوم ملاح التقلية للعصيدة اها نسوان الحلة جت عليهن بي جاي ما في زول مفضل بي هناك والله الليلة كان دخل حرامي في الحلة يقشطة قشيط ما يخلي فيها قشة
انا جبت البهارات اديني العلب ان نفضيها ونجهزا لي رمضان انتو ما شفتو الظريفة لاقتني ام التومات قالت لي تعالو لي بكرة نشرب الجبنة في راكوبتنا ونحمر البصلة وندقها لي رمضان وهي بتكلم فيني جات تووووووووووووووش وقفت علوية بوبار من غير احم ولا دستور قالت ليها هويي يا ام التومات انا النسوان ديل حاجزاهن بكرة عشان يجن يلفن لي السمبوسة ويجهزن لي البفتيك عشان اختو في الفريزر ومن امس حجزت ليهم الباسطة والكنافة من ود الباشا وسموية بتنضف في صالون النسوان من امبارح نفضتو وتممت علي المكيف
المسيكينة طيرت عويناتا وقاتلها هيي بصل شنو ان شاءالله ما اتحمر انا زاتي جاية معاهن