المساعد الشخصي الرقمي

مشاهدة النسخة كاملة : عضو جديد هل من مرحب


نزار الغرقان
24-06-2009, 02:36 AM
شباب ذي الورد
سلاام عليكم

طبعا كنت حايم بي بره ،والجو سخانه و غبار شديد واليومين ديل انا في اجازه سنويه فقلت الواحد يخش جوه يمكن في رطوبه شويه والواحد ينجم لانو شايف ود النور مرطب ما شا الله(ما تقولو عضو جديد وعينو حاره كمان) وخشم خشمين مع بت مارنجان و بت ام درمان و تنينا و......وكلكم بعرفكم بس ننجم شويه ونلصق صورتنا في البوست ونجيكم راجعيين
عبدالرحمن مدثر
24-06-2009, 04:04 AM
يامرااااااحب

بالغرقاااان

ودايرين نغرق فى بحورك

وكلامك المطر

خش لجوه

ورطب

واندااااااح

حبابك
ميادة
24-06-2009, 04:13 AM
يا هلا ومرحب بيك


والله نورت النفاج

وابقى داخل لي جوة البيت بيتك

واخد نفس ونجيب ليك كباية موية وعصير :d
نزار الغرقان
24-06-2009, 05:00 AM
تسلم يا عبد الرحمن اخوي وان شا الله نكون علي قدر روعة المنتدي وبشاشه ناسو.....

مياده عزومتك عزومه رجال والله... كتر خيرك وبارك الله فيك...
العاقب مصباح
24-06-2009, 05:34 AM
كدى النجيب لى شبكة واجى اطلعك

القال ليك انزل البحر منو ياخ

ما قلنا ليك مية مرة لو ما بتعرف تعوم ما تنزل ياخ

حبابك غرق قصدى الف
سودانية وافتخر
24-06-2009, 05:50 AM
يا مراااااااحب حبابك عشرة بلا كشرة يا الغرقان شرفتنا ونورتنا وحياك في النفاج
حسام التنين
24-06-2009, 05:59 AM
انت غرقان بالتحديد وين





مرحب بيك وبي مشاركاتك لكن :

) عندنا سجلات المواليد امشي عليها .

) تغشي شرطة المنتدي تخت بصمتك وحمضك النووي
(النووي خلاص ده خليه بجيب هواء)

)تمشي تعبر عن احساسك وشعورك

)وتمشي تكتب للشخص الفي بالك (بس ماتنداح)

)وتمشي تجاوب ع السؤال البقول هل يمكن تعرس وحده شينة

)وتمشي تجاوب ع سؤال انور6 وتخت سؤال للبعدك

)وتمشي لي ملكة القلوب تكتب ليها رسالة

بعداك تجي نشوف حنعمل فيك شنو؟:confused:

الولد برلوم ولازم نمروحوا شوية ولا رايكم شنو ؟؟؟:D
نزار الغرقان
24-06-2009, 11:46 PM
تنينا شكلك ناوي لي بالشينه والشينه منكوره والكوره مدوره والخواف ربي عيالو والخوف بفك الجباره والصابرات روابح وكتر الكلام خلو واتكلو علي الله...عموما شروطك الفوق دي نشيلها نمشي بيها شرطة المنتدي قسم النجاره نشوفك ناجرها من وين ...؟ وجيب معاك بينه كمان
انوريكا
24-06-2009, 11:49 PM
مرحب بيك يا نزار بين حبايبك .
حسام التنين
24-06-2009, 11:56 PM
تنينا شكلك ناوي لي بالشينه
الفينا مشهودا عارفانا المكارم ونحنا بنخوضا
والشينه منكوره والكوره مدوره والخواف ربي عيالو والخوف بفك الجباره والصابرات روابح وكتر الكلام خلو واتكلو علي الله

شكلك تربية حبوبات
...عموما شروطك الفوق دي نشيلها نمشي بيها شرطة المنتدي قسم النجاره نشوفك ناجرها من وين ...؟ وجيب معاك بينه كمان

هوووووي انا هواء في شرطة المنتدي

ثم ثانيا النجر القلتو ليك ده (زي ماسميتو) دي بوسترات لكبارات الدوله النفاجية

وقلنا ليك امشي عليهم عشان تتعرف عليهم ياوهم (برلووم وداير تتفلسف)


ارنب استعد
نزار الغرقان
25-06-2009, 02:48 AM
يا اخوي نفسك مالو حااار كدا

(ثم ثانيا النجر القلتو ليك ده (زي ماسميتو) دي بوسترات لكبارات الدوله النفاجية)

النجر ما مقصود بيهو المواضيع ذاتا بل ضروره قرايه المواضيع يمكن ما عايز أقراها ،شايف هسه دخلتني في سوء فهم مع الشباب ديل..

(وقلنا ليك امشي عليهم عشان تتعرف عليهم ياوهم)

دي كمان اساءه عديييييل ربك يستر
(برلووم وداير تتفلسف)

يا اخي انا وانت فرقنا اسبوعين البرلمه في شنو؟؟والفلسفه ما دايرا ليها قرايه امهاتنا السودانيات ديل غير الفلاسفه قاعدين يلدوا شنو؟؟ لاحول ولا قوة الا بالله
(ارنب استعد)

ذكرتني عزه السودان 2 والفول والعدس ونوم الواطه والبرجم والحصبه ...كان مافي داعي للكلام ده كلو...


اخيرا :
البوست ده شكلو حيمشي لي طريق مسدود عشان كدا احسن نفوتو ونتقابل في بوست احلي من دا ولا كيف؟؟؟
نزار الغرقان
25-06-2009, 02:51 AM
تسلم لي يا ابو نورا وشكرا علي ترحيبك
حسام التنين
25-06-2009, 02:52 AM
يانجم ماتزعل والله نفسنا ماحار لكن لازم نبرلمك اخوك دخل المنتدي سنير

مرحب بيك بيناتنا والشوق بحر

ماتنسي دايرين نرسم الابتسامة بس