ابوخالد
24-06-2009, 09:52 PM
أحبائى الأفاضل ابناء الجزيرة الزاخرة دومآ وابدآ بإبداعاتكم
إلى رفقائى أعضاء منتدى مدينتنا الفاضلة مدنى المتطلعه دومآ وأبدآ إلى إسهاماتكم لإعادة المجد القديم لها ولمن حولها من المدن والقرى ... فمعآ لنحترق لتضىء ... ولننزف لتبرأ جراحها ...... ولننمحى عن الوجود لتظل شعلة تنير الدروب .. ومنارة كل الشعوب .
ندمائى الأجلاء
إليكم أهدى ماخطه قلمى .. ونبض به قلبى .. بضعة أحرف تجسد العلاقة الأبدية بين النهر الخالد ومدن وقرى الجزيرة ومن بينها حبيبتنا الفاضلة مدنى .. فلها ولكم منى كل العشق والمودة ................................. ودمتم[CENTER]البدعة إنك لما تزعل
بتحرد عديل وتشاكلن
متعودعلى الدلع الكتير منهن
عارف كمان ريدتن ليك بتوردن
حتى باعوضنا داك بيغيف معاك وبيسهرن
والحمىء أم بردآ شديد بتجهجهن
ده كلو فى ريدتن ليك بيسعدن
**************
وغتين تنحسر بتقيف بعيد بتخاصمن
بتخلى بس خورآ صغير بيزكرن
إنك إنت برضو موجود بينهن
بيمرغن يجارن دغيش يدافرن
إلا الفاضلة ديك بالحيل بتعرف تسبغن
عارفاك وغتين بتزعل مين تكون متكاملن
******
تمشى تترصد خطاك فاغده إحساس الفتر
تصل ( الحوش ) عديل بتبارى بى درب الغطر
تشب ووتتاوغ بالحيط غالت تنتظر
كاتماهو ريدا فى الحشأ غايلاهو سر
شويتين كمان تقيف تعاين بالحيط راجياك تمر
ومن بعيد ظهرن حبيبات غساك شمآ خبر
جات أم سنط وجات بت طه ديك سايغا الكمر
جات بت هجو غايدا التفاتيش فى العصر
وبغية الدر الفريد ظهرن فجر
والفاضلة ديك تبكى وتنوح غايلاك بتدور تنتحر
وجن غيلن فى ( الحوش ) عديل حتى الفجر
مر يوم يومين تلاتة ... عديل تمن شهر
*********
(حاج عبدالله ) ذاتو لمن عرف جا بيدور يضربن
لغى حالتن تب مابتسر غال يتركن
هايمات عديل عاشغات وتايه فكرهن
(سنار ) كمان خزانا داك جا يكهربن
إلا إنكسر لمن عرف إنو الغرام هو الجارفن
حلف يمين يمين طلاق يحبس عديل الجنن
شويتين كدا سمعو صوت بوابات السجن
جاهن هدير غوى وشديد .... راح كسرن
*********
إ تاوغن عرفو الحبيب هو الدشدشن
وغفن حداهو حلفن يمين مايزحزحن
كان هو ( الخالد الدفاغ ) خلى اليهرسن
وغتين وصل نيلنا داك وتب واجهن
فرمل عديل ... لملم هديرو وطبطبن
ساغهم عديل فى سكته وهو الماسكن
رجع حنينو ألكان زمان ليهن كلهن
وبغى ذى ذمان من خيرو الكتير بيلحغن
شربن كتير ورون كتير لى حدهن
والفاضلة ديك راح غالدا حتى الدميعات مسحن
يمشى ويميل تميل معاه .. شمال شمال ويمين يمين
وقفت بعيد بتودعه غاللتو ( ياالخالدالدفاغ ) أوعا تفارغن
ديلا إياهن حبيبات غساك ... لاتخزلن
ولما إلتفت غاليها يامدنى حاشاى تب أتجاهلن
طول الزمن .... ياهن رفيقات المحن
عانن كتير .. شافن كتير وبرضو الله مصبرن
منأى الله الكريم يفرج عليهن كربتن
يفرج عليهن كربتن .... يفرج عليهن كربتن
************
*********
*****
***
*[/[/COLOR]center]
إلى رفقائى أعضاء منتدى مدينتنا الفاضلة مدنى المتطلعه دومآ وأبدآ إلى إسهاماتكم لإعادة المجد القديم لها ولمن حولها من المدن والقرى ... فمعآ لنحترق لتضىء ... ولننزف لتبرأ جراحها ...... ولننمحى عن الوجود لتظل شعلة تنير الدروب .. ومنارة كل الشعوب .
ندمائى الأجلاء
إليكم أهدى ماخطه قلمى .. ونبض به قلبى .. بضعة أحرف تجسد العلاقة الأبدية بين النهر الخالد ومدن وقرى الجزيرة ومن بينها حبيبتنا الفاضلة مدنى .. فلها ولكم منى كل العشق والمودة ................................. ودمتم[CENTER]البدعة إنك لما تزعل
بتحرد عديل وتشاكلن
متعودعلى الدلع الكتير منهن
عارف كمان ريدتن ليك بتوردن
حتى باعوضنا داك بيغيف معاك وبيسهرن
والحمىء أم بردآ شديد بتجهجهن
ده كلو فى ريدتن ليك بيسعدن
**************
وغتين تنحسر بتقيف بعيد بتخاصمن
بتخلى بس خورآ صغير بيزكرن
إنك إنت برضو موجود بينهن
بيمرغن يجارن دغيش يدافرن
إلا الفاضلة ديك بالحيل بتعرف تسبغن
عارفاك وغتين بتزعل مين تكون متكاملن
******
تمشى تترصد خطاك فاغده إحساس الفتر
تصل ( الحوش ) عديل بتبارى بى درب الغطر
تشب ووتتاوغ بالحيط غالت تنتظر
كاتماهو ريدا فى الحشأ غايلاهو سر
شويتين كمان تقيف تعاين بالحيط راجياك تمر
ومن بعيد ظهرن حبيبات غساك شمآ خبر
جات أم سنط وجات بت طه ديك سايغا الكمر
جات بت هجو غايدا التفاتيش فى العصر
وبغية الدر الفريد ظهرن فجر
والفاضلة ديك تبكى وتنوح غايلاك بتدور تنتحر
وجن غيلن فى ( الحوش ) عديل حتى الفجر
مر يوم يومين تلاتة ... عديل تمن شهر
*********
(حاج عبدالله ) ذاتو لمن عرف جا بيدور يضربن
لغى حالتن تب مابتسر غال يتركن
هايمات عديل عاشغات وتايه فكرهن
(سنار ) كمان خزانا داك جا يكهربن
إلا إنكسر لمن عرف إنو الغرام هو الجارفن
حلف يمين يمين طلاق يحبس عديل الجنن
شويتين كدا سمعو صوت بوابات السجن
جاهن هدير غوى وشديد .... راح كسرن
*********
إ تاوغن عرفو الحبيب هو الدشدشن
وغفن حداهو حلفن يمين مايزحزحن
كان هو ( الخالد الدفاغ ) خلى اليهرسن
وغتين وصل نيلنا داك وتب واجهن
فرمل عديل ... لملم هديرو وطبطبن
ساغهم عديل فى سكته وهو الماسكن
رجع حنينو ألكان زمان ليهن كلهن
وبغى ذى ذمان من خيرو الكتير بيلحغن
شربن كتير ورون كتير لى حدهن
والفاضلة ديك راح غالدا حتى الدميعات مسحن
يمشى ويميل تميل معاه .. شمال شمال ويمين يمين
وقفت بعيد بتودعه غاللتو ( ياالخالدالدفاغ ) أوعا تفارغن
ديلا إياهن حبيبات غساك ... لاتخزلن
ولما إلتفت غاليها يامدنى حاشاى تب أتجاهلن
طول الزمن .... ياهن رفيقات المحن
عانن كتير .. شافن كتير وبرضو الله مصبرن
منأى الله الكريم يفرج عليهن كربتن
يفرج عليهن كربتن .... يفرج عليهن كربتن
************
*********
*****
***
*[/[/COLOR]center]