المساعد الشخصي الرقمي

مشاهدة النسخة كاملة : @سر علاقة الجو والمطرة والاقاشي شنو ..؟؟@


Osama Alrasheed
27-06-2009, 07:03 AM
السلام عليكم

اليوم السبت 27/6 جو خريفي بديع وبعدو رشة مطرة ثبتت التراب والغبار واصبح الجو في غاية الروعة مع النسمة الخريفية وريحة الدعاش .... وجاك زول ياشريحة زين وبدت التلفونات تطااااااااااااااقش ... يا ابو الشباب انت وووين ؟ في المكتب ؟ ياخ بتبااااالغ يا ود الرشيد الله اسألك دا جو شغل ؟ ياخ اقفل الاجهزة وقوم لم شنطتك وجهز حالك جاين ناخد معانا للغداء ؟ غداء شنو يا اخوااااانا ؟ ياسيد الشلة اتفقوا الغداء اقاااااااااااااااااااشي عند الشايقي ؟ ابقي ماااااااااااارق !!!! طيب غداء ممكن ، نقوم نبدل الاقاشي بسمك مش احسن ؟ ياخ دا مـــــــــــــــاجو سمك ؟؟!!! ابقي مارق الغداء اقاشي بس اقاشي بس ؟؟


ومن زماااااااااااااان : داير اعرف علاقة الجو ورشة المطرة بالاقاشي شنو ؟؟؟
بنت النيل
27-06-2009, 10:12 AM
عشان المطره بتبرد الشطه
عوض الكريم الخواض
27-06-2009, 10:26 AM
يا سلام عليك يا ود الرشيد ...فعلاً اليوم فى رشة مطيرة لذيذة لذة الأقاشى المسخن من جمرو ... ;);)
والجو البديع غالباً ما يشعر المرء بالجوع ...
فللبرودة أثرها فى تحريك متطلبات المعدة الخاوية ...
كذلك للجو المنعش أثره فى خلق البرامج واجتماع الشلليات ...
لكن أخوك مع الأجواء اللذيذة دى .. أفضل تناول وجبتى المفضلة مسآءً ...
وهي ...
فتة فول كاااااااااربة بى ( ذيت سمسم + جبنة ) ...
ياااااااخ جوعتنا عديل كدا ياااااااااخ ...
لكن أهم حاجة فى الفتة ( الصُحبة ) ...
فهي التى تذيد النفس انفتاحاً لللهط الما خمج .
يا حليل الشباب الكلهم هاجروا وأغتربوا .
ميادة
27-06-2009, 11:50 AM
عشان المطره بتبرد الشطه




هههههههههههههههههههههههههههه

هاهاهاهاهاهاهاهاهاهاهاهاهاهاها


ياخ ضحكتيني

والله بث ياها زااااتا
ودالعمدة
27-06-2009, 01:50 PM
قلت شنو يا اسامة
العلاقة بين التلاتة ديل
ياخى مافى أى علاقة بيناتم
عمرسنهوري
27-06-2009, 08:49 PM
المطر مربوط باكل السخن و اللحم
يعني اقاشي حار بكون لم الاتنين
والعصيده بالتقليه عندها علاقه بالمطر
و تدخين الشيشه عندها علاقة بالمطر
حتى الشجن ليهو علاقه بالمطر
________________________
اخاف ان تمطر الدنيا ولست معي
فمنذ رحتي وعندي عقدة المطر
باسطه
27-06-2009, 10:03 PM
من الآخر كده جوعتونـــــــــــــــــــــا


علاقة المطر بالأقاشي زي علاقة القراصة بالتقلية فطور الجمعة
طائر النورس
27-06-2009, 11:00 PM
ياهندسة


اللحوم في البطن عاوز تكيل لزوم الهضم


والتكيل عاوز جو بارد


والجو البارد عاوز مطرة


اها قصرت معاك ؟
Osama Alrasheed
27-06-2009, 11:05 PM
عشان المطره بتبرد الشطه


هههههههههه والاقاشي بدون شطة شن طعمو ؟
Osama Alrasheed
27-06-2009, 11:07 PM
يا سلام عليك يا ود الرشيد ...فعلاً اليوم فى رشة مطيرة لذيذة لذة الأقاشى المسخن من جمرو ... ;);)
والجو البديع غالباً ما يشعر المرء بالجوع ...
فللبرودة أثرها فى تحريك متطلبات المعدة الخاوية ...
كذلك للجو المنعش أثره فى خلق البرامج واجتماع الشلليات ...
لكن أخوك مع الأجواء اللذيذة دى .. أفضل تناول وجبتى المفضلة مسآءً ...
وهي ...
فتة فول كاااااااااربة بى ( ذيت سمسم + جبنة ) ...
ياااااااخ جوعتنا عديل كدا ياااااااااخ ...
لكن أهم حاجة فى الفتة ( الصُحبة ) ...
فهي التى تذيد النفس انفتاحاً لللهط الما خمج .
يا حليل الشباب الكلهم هاجروا وأغتربوا .


اخي الحبيب عوض الكريم الخواض معقولة دا جو فته ...
اي معاك في لقمة بي تقلية .. لكن فتة دي مامعاك.
Osama Alrasheed
27-06-2009, 11:09 PM
قلت شنو يا اسامة
العلاقة بين التلاتة ديل
ياخى مافى أى علاقة بيناتم

معقولة ياهندسة
الجو المطرة الاقاشي ... وياحليل ايام زمان
Osama Alrasheed
27-06-2009, 11:11 PM
المطر مربوط باكل السخن و اللحم
يعني اقاشي حار بكون لم الاتنين
والعصيده بالتقليه عندها علاقه بالمطر
و تدخين الشيشه عندها علاقة بالمطر
حتى الشجن ليهو علاقه بالمطر
________________________
اخاف ان تمطر الدنيا ولست معي
فمنذ رحتي وعندي عقدة المطر




ههههههههههههههههههه شيشة مع المطرة يعني نظام نهضم الاقاشي مع ببسي
حسام التنين
27-06-2009, 11:11 PM
ياباشا وانت بتاكل الاقاشي كنت حاسس بي شنو؟


وبعد ماكلت (بالهناء) احساسك كان شنو؟
Osama Alrasheed
27-06-2009, 11:13 PM
من الآخر كده جوعتونـــــــــــــــــــــا


علاقة المطر بالأقاشي زي علاقة القراصة بالتقلية فطور الجمعة



خلاص عازمك فطووور جمعة كااااااااااارب قراصة تلاتة بوصة ومعاها ملاح تقلية مدنكل ...
Osama Alrasheed
27-06-2009, 11:15 PM
ياهندسة


اللحوم في البطن عاوز تكيل لزوم الهضم


والتكيل عاوز جو بارد


والجو البارد عاوز مطرة


اها قصرت معاك ؟

الرااائع طائر النورس والله تب ماقصرت معاي.
Osama Alrasheed
27-06-2009, 11:17 PM
ياباشا وانت بتاكل الاقاشي كنت حاسس بي شنو؟


وبعد ماكلت (بالهناء) احساسك كان شنو؟
.
الحبيب حسام وانا باكل في الاقاشي من الشطة والدخان كنت برة الشبكة..
وبعد ما اكلت والحمدلله كنت محتاج مكيف ولا مروحة لي لساني..
حسام التنين
27-06-2009, 11:39 PM
.
الحبيب حسام وانا باكل في الاقاشي من الشطة والدخان كنت برة الشبكة..
وبعد ما اكلت والحمدلله كنت محتاج مكيف ولا مروحة لي لساني..

عرفت العلاقة بعد ده؟؟؟

ولو قلت لالا قدم استقالتك
ههههههه

ولو عرفتها وريني
نزار الغرقان
28-06-2009, 01:07 AM
و الله يا اسامه بصراحه انا اللحوم دي نقطة ضعفي وبالذات (اللغاويس) ناس أقاشي وكوارع ام فتفت والكلاوي و ما سلق(جايه من سليقه) كان اطعم ....جوعتونا ساي مع الفول البدون طماطم ده.....
العاقب مصباح
28-06-2009, 07:17 AM
ياخى بطل الجبانة بتاعتك دى واعزمنا معاك

عشان نوضح ليك العلاقة نوعها شنو بعد كدا
حسام التنين
28-06-2009, 07:21 AM
ياخى بطل الجبانة بتاعتك دى واعزمنا معاك

عشان نوضح ليك العلاقة نوعها شنو بعد كدا


معقولا بس تختها واااضحة الراجل بندردق فيه والله خربت اي شي

المطره الجايه الاقاشي عليك ولا شنو ياسامة