فلنكات فوق سكون التتنح

[مازن الجمّال]

صحت حليمة من النوم مخلوعة على صوت طقطقة خفيفة في باب الغرفة الموديا للصالون ..
ما كانت عاوزة تصحي عمر الجا تعبان من الشغل قبل شوية وخصوصا انهم كانوا شغالين اليومين دي ساعات اضافية بسبب البلبلة الحاصلة في البلد .
انتظرت شوية واخدت تحنك نفسها بأنها مجرد تخيلات .. او احتمال تكون كديسة ..
رجعت للنوم مرة تانية .. ولكن المرة دي سمعت الصوت أقوى .. خربشة ضفور في قزاز الباب نفسه ..
قامت من السرير براحة وإدبّت براااااحة لحدي ما وصلت جمب الباب وتكلت اضانها في الباب علها تسمع ما بالداخل ..

انتبهت بوجود صوت خفيف أشبه بصوت الذئاب ..!!
وفي هذه اللحظة عرفت بأنه الفي الصالون دا حاجة ما طبيعية ..
سحبت نفسها بشوييييش وبدأت في برنامج .. يا عمر .. عمر .. همس.
بعد شوية اتحول لـ يا عمر .. عمر .. بصوت أعلى ..
ولما عمر ما اتحرك ساكن .. اخدت تكلكل .. اقصد تلكز فيه بقوة ..
ولكن دون فائدة ..
وفجاءة احست بحركة من خلفها .. ولما التفتت ..!!

ذئب ضخم وبدأ الشرار ينتفض من عيونه .. ولعابه جاري بالواطة ..
كان يذمجر ( عووووووووووييييووووييي )

حاولت الهرب .. ولكن دون فائدة ..

قفز الذئب من فوقها .. وكنكش في يدها وقعد يجرجر فيها عاوز يقطعها ..

حليمة .. حليمة ..

انتو امكم دي الليلة مالها نايمة لحدي هسع!!؟!






بس
:cool:

[aborawan]

ابو دي حلمة ياخي هههههههههههههههههههههههههه
لكن جدعه والله وحلوة منك شديد

[schizo]

كاتب الرسالة الأصلية aborawan
ابو دي حلمة ياخي هههههههههههههههههههههههههه
لكن جدعه والله وحلوة منك شديد

[مازن الجمّال]

ابوروان

تشزو

انشاالله عجبتكم :cool:

[ruby]

والله انت زول عسل بس

[مازن الجمّال]

روبي

وانتي أعسل

تابعي :cool:

[مازن الجمّال]

عمك خلف الله مكنيكي كحياااان وزيتو طالع .. ساكن جيرانا .
صحى الصباح وجا يفتح الدكان .. دخل يدو في الجيب يطلع المفتاح لقاه مافي .. يدو هبشت رجلو .. نكت الجيب لي برة لقاه مشروط.. المفتاح اكيد وقع .. قعد يتذكر ..

انا طلعت من البيت .. لاقيت حسن بتاع الدكان سلمته عليه .. عزمني قزازة حليب ومعاها بسكويت .. امكن اكون ختيتو في راس التلاجة وما جبت خبر !!

رجع الدكان وسأل حسن .. حسن قال ليو ما شفتو .!

طيب يا الله يكون مشى وين .. بابكر بتاع الخدار نادى عمك خلف الله .. الليلة حاتم جاب ليه بنابير ضان مبالغة .. حرم إلا تاكل معانا ..

الساعة بقت اتناشر .. عمك خلف الله راسو سخن .. اليوم ضاع .. المفتاح دا طار وين ..!!؟؟
امكن يكون وقع مني في المحطة وانا بركب الدفار ..

عمك خلف قلب المحطة قلب .. فيصل الترزي نادهو من بعيد .. يا راجل مالك .. بتفتش كدا مالك !!؟؟ البشوفك يقول بتفتش لي مليون جنيه ..
هو فيصل دا اصلو زول حشري وما عندو موضوع غير الشمشرة ومشاغلة النسوان وهم ماشين الجزارة .. اصلهم لما يتلموا الاتنين هو وحاتم غير القطيعة وفلان داك وما عارف شنو ما عندهم حاجة ..

بفتش لي مفتاح الدكان .. ماعارفه مشى وين ..!!
انت أصلك راجل بركة يا عم خلف .. قبيل صفا بت عم محمد الغفير جابت لي مفتاح هنا قالت لقتو واقع في المحطة .. كدي ادخل الضل النوريه ليك ..
عمك خلف حمد ربه وقال كدي النلحق باقي النهار .. أشوف الفضل منو شنو.
دا ما مفتاحي يا فيصل ..
رد كان محبط جدا لعمنا خلف ..
انا اصلو اليومين دي النحس بقى راكبني راكبني .. استغفرتك يا مالك روحي ..!!

عمك خلف عرف انه اليوم دا فقر من بدايته .. رجع الحلة وفي الطريق عدا بي بابكر شال منو كم طماطماية ولقى الخدرة جديدة ومفرهدة .. شال ربطتين وكورك لي حاتم : ظبط لي ربع كدا على زوقك بس ابعدني من العضام عليك الله ..

عمك خلف دفر الباب ودخل ..
انت يا راجل اليومين دي عقلك دا بقى وين .. انت اظنك بتفكر في شوفة تاني مش!!؟؟
يا ولية كدي استهدي بالله .. انا لاقي أأكلكم انتو عشان أفتش لي بلوة جديدة.!!؟؟

كدي مالك .. في شنو مستقبالني كدا!!؟؟

انت يا راجل مخلي المفتاح دا في الطربيزة وماشي تشتغل بي شنو!!



تتبع :cool:

[aborawan]

والله في محلو بموت من القهر ههههههههههههههههههههههههههههههه اللف ده كلو ووجع الراس اجي القى المفتاح فى البيت


مشكور حبيبي والله انتا فاكهة المنتدى:):)

[امير عبدالباقي]

راستا انت السجاره بتشتريها من منو ود السلموني ولاعمك محمد علي ؛
بفتش في واحده تصقع وتفرفش المزاج يامان

[مازن الجمّال]

ابوروان

مالاقي لي كلمة أكبر من شكرا :cool:

[مازن الجمّال]

امير يا امير


بشتريها من بت الشول اليومين دي عندها قطع حلوة :cool:

[زيكو منيب]

كاتب الرسالة الأصلية aborawan
والله في محلو بموت من القهر ههههههههههههههههههههههههههههههه اللف ده كلو ووجع الراس اجي القى المفتاح فى البيت


مشكور حبيبي والله انتا فاكهة المنتدى:):)

[ruby]

مش قلت ليك انت عسل

[مازن الجمّال]

انا بقول دايما زيكو

يا زيكو