الانكسر بتصلح ولا لا (رائك بصراحة)

[مايسة]

حابين يا شباب و شابات ننداح شوية كده
ونقول لينا حاجة ونقعد نشرع ونثبت ونجرب فيها

اها

رائكم شنو في المقولة
الانكسر عمرو ما بتصلح

احكي لينا تجارب ومواقف
تثبت النظرية دي او تعكسها او نص نص

[مدنيّة]

ميسو منورة المنتدي بطلتك الحلوة


تعرفي مافي حاجة ما بتتصلح
بشرط واحد
انه الناس يكونوا عايزنها تتصلح

[ميادة]

ميسو منورة المنتدي بطلتك الحلوة


تعرفي مافي حاجة ما بتتصلح
بشرط واحد
انه الناس يكونوا عايزنها تتصلح


كفيتي واوفيتي يا عثل

[esmat]

الانكسر عمروا ما اتصلح
حتى لو عايزنو اتصلح
وخاصة لو كانت كلمة
كسرت مشاعر انسان

[ولاء الدين]

الانكسر عمرو ما بتصلح ........................ والله مرة مرة
يعني في كسرة بتتصلح وفي كسرة ما بفضل فيها حاجة تشاف منها حتي ذي ( جرح الكرامة والمشاعر و الخ ) وفي حاجة بتتصلح

[المسافر]

حابين يا شباب و شابات ننداح شوية كده
ونقول لينا حاجة ونقعد نشرع ونثبت ونجرب فيها
اها

رائكم شنو في المقولة
الانكسر عمرو ما بتصلح

احكي لينا تجارب ومواقف
تثبت النظرية دي او تعكسها او نص نص




ما كل شيء ممكن يتصلح فمثلاً
الغدر والخيانة مستحيل يكون عندها
معالجة وكذلك كلما يتعلق بالمشاعر
الإنسانية ، وحتى لا نغلق الباب
ونبقى محبطين بإستمرار ممكن
نستعمل عبارة :
( الإنكسر يمكن تجاوزه )
ولكن يبقى المكسور مكسور
والفي الخواطر في الخواطر

ولكِ الود

[عبدالرحمن مدثر]

ما كل شيء ممكن يتصلح فمثلاً
الغدر والخيانة مستحيل يكون عندها
معالجة وكذلك كلما يتعلق بالمشاعر
الإنسانية ، وحتى لا نغلق الباب
ونبقى محبطين بإستمرار ممكن
نستعمل عبارة :
( الإنكسر يمكن تجاوزه )
ولكن يبقى المكسور مكسور
والفي الخواطر في الخواطر

ولكِ الود




انا مع المسافر فى الفكرة والمضمون

[صديق بلال]

في الحقيقة يتوقف ذلك على شخصية الإنسان، فهناك المتسامح والمحب والذي يتقاضى عن أخطاء الغير بغية في الإصلاح والدعوة إلى الله وهو أمر مطلوب في تقويم الأنفس وبالتالي المجتمع..

[علي النعيم محمد نور]

طالما أنه كان (قابل للكسر) . . . قطعا" سينصلح . . .لان روح (الإنكسر) والإنكسار روح إنهزاميه تخلو من الجماليات والتسامح . . .
وفي رائي ــ الفقير ــ كل الأشياء قابلها للكسر و ( الصليح ) . . . ولا تغلقوا الأبوب . . . وخلوا الهواء ينساب . . .
مع عظيم تقديري .

[moh_alnour]

جُرح اللسان أشد من جُرح السنان ( الرماح )
و هذا كناية عن أن الكلمة عندما تخرج من اللسان فأنها تسبب جُرح من الصعب إندماله
و ما أنكسر لا يعود كما كان مهما برعت الأيادي و كلمات الإعتذار في إعادة ترميمه

[ابراهيم]

الإنكسر بتصلح .. لكن بكون قابل للكسر تاني ..!!
أو ما بكون زي الأصل
يعني زي الزجاج .. ممكن يتلصق بصباع امير او اي نوع
لكن ما حيكون زي ما كان شكلاً
والثقة فيو بتكون مهزوزة بعض الشيء حتى ولو كان اقوى مما كان
ومن ناحية تانية
الست قالت:
وعايزنا نرجع زي زمان
قول للزمان ارجع يا زمان

[ابوخالد]

الاخت مايسه لك التحيه

انا بقول الكسير ده ذاتو خشم بيوت

فى كسير ذى شوكة الحوت لا بتبلع لا بتفوت

ذى كسر الخواطر الأرق من خيط العنكبوت

ولك التحية

[نعناعة]

في حاجات ممكن تتصلح وفي حاجات ماممكن تتصلح علي حسب الموقف أو الموضوع ..

بس انا شايفه من راي انو لابده في الحياة ان تتكسر الاشياء وان نقوم بتصليحها حتي لايكون كل شي جاهز فلابده من المعاناه من اجل الحصول علي اي شئ .

[أزاهير]

طبعا لا مستحييييييييل أنو اتصلح وبالذات اللي اتكسر بكلمه لا بتنسي ولا بتمحي

[حسام التنين]

طبعا لا مستحييييييييل أنو اتصلح وبالذات اللي اتكسر بكلمه لا بتنسي ولا بتمحي


والله ياودمدثر والمسافر وازاهير كسر الخاطر ممكن اتنسي اتمحي بلحظات حلوه لكن بجي يوم وارجع تاني لكن القابل للكسر بنكسر والقابل للتصليح بتصلح

عموما الخواطر عامله زي اناء الزجاج لو اتكسر واجتهدت في اعادة تجميعوا ممكن اكون ماظاهر


عشان كده الاتكسر عمروا مابتصلح

[بت مارنجان]

شوفي يابت ياميوسة ..
انا حعمل ليك حركات ود النور " فلسفة " شديدة ....

انا حاخد تشبيه بسيط .. لو عندك كباية قزاز او اي شي قابل للكسر قامت وقت منك اتكسرت او اتخدشت .. انتي
ممكن تصليحها وتجمعيها .. وحتي ممكن تتدخلي فيها تعديلات تغطي علي الكسر او
الشرخ الحصل .. بس عمر الكباية مابترجع زي ماكانت حتي لو كانت التعديلات جميلة
وغيرت منظرها .. بيفضل الكسر او الشرخ القديم موجود مع انو ماظاهر ولا بيتشاف ....

وقعت ليك ياميوشة انو الاتكسر اصلا مابيتصلح لانو اتكسر .....

[:@ارجوان:@]

الاتكسر بتصلح وكل شي بتصلح بشرط الناس تدي نفسها فرصة



وعلى فكرة ااااااااااي شي بيتصلح


واتصلح كمان


وبتلات زوايا ;)

[:@ارجوان:@]

طالما أنه كان (قابل للكسر) . . . قطعا" سينصلح . . .لان روح (الإنكسر) والإنكسار روح إنهزاميه تخلو من الجماليات والتسامح . . .
وفي رائي ــ الفقير ــ كل الأشياء قابلها للكسر و ( الصليح ) . . . ولا تغلقوا الأبوب . . . وخلوا الهواء ينساب . . .
مع عظيم تقديري .



الله يديك العافية

[أم وعد]

مايسه سلام ...
الكسر خشم بيوت ...
لكن اصعب كسر يصعب اصلاحة هو كسر الثقة ...
وكمان الكسر فوق الكسر ... دا حتى الدكاتره بقولوا صعب يجبر ...
وأقعدي عافية ..

[مايسة]

ميسو منورة المنتدي بطلتك الحلوة (ياخي انتي المنورة والله بتعليقك ده)

تعرفي مافي حاجة ما بتتصلح
بشرط واحد
انه الناس يكونوا عايزنها تتصلح

كلامك فيهو جزء من الصحة - يعني يا مدون لو هسه قلته ليكي انتي شينة واناا بكرهك -(بمزح طبعا - ضرب مثل بث) كده انا كسرته فيكي حاجة - راح تنسيها لي بسهوله ؟؟
الانكسر عمروا ما اتصلح
حتى لو عايزنو اتصلح
وخاصة لو كانت كلمة
كسرت مشاعر انسان


اخي عصمت - اليس الزمن كفيل بأن يضمد الجراح - واقصد بالزمن انو الفترة الزمنية فكل ما طالت المدة فان الجرح يلتئم .


الانكسر عمرو ما بتصلح ........................ والله مرة مرة
يعني في كسرة بتتصلح وفي كسرة ما بفضل فيها حاجة تشاف منها حتي ذي ( جرح الكرامة والمشاعر و الخ ) وفي حاجة بتتصلح


جرح الكرامة والمشاعر - الا تتفق (ي) بأن الاعتذار يكون بمثابة المسكن لهم وبعدها يأتي الزمن فيقوم بالباقي . كدي اضرب لي مثل بالحاجات البتتصلح دي

[مايسة]

ما كل شيء ممكن يتصلح فمثلاً
الغدر والخيانة مستحيل يكون عندها
معالجة وكذلك كلما يتعلق بالمشاعر
الإنسانية ، وحتى لا نغلق الباب
ونبقى محبطين بإستمرار ممكن
نستعمل عبارة :
( الإنكسر يمكن تجاوزه )
ولكن يبقى المكسور مكسور
والفي الخواطر في الخواطر




ولكِ الود

معاك بث تعال نحسبها - قلت بان الغدر والخيانة مستحيل - نضرب مثل بخيانة الزوج لزوجته (طبعا الامثلة كثيرة جدا) - ماذا تفعل الزوجة - يجب عليها ان تتاقلم مع الوضع وتخلق الاعذار - خصوصا اذا كان في ثمرة من هذا الزواج (والحديث يطول) - دمت ومشكور على المرور

انا مع المسافر فى الفكرة والمضمون


شنو يا عبد الرحمن - (وين المقوله البحب دائما مسامح والمسامح هو الكريم)



في الحقيقة يتوقف ذلك على شخصية الإنسان، فهناك المتسامح والمحب والذي يتقاضى عن أخطاء الغير بغية في الإصلاح والدعوة إلى الله وهو أمر مطلوب في تقويم الأنفس وبالتالي المجتمع..


كلام حلو جدا - هسه انت بتسامح بسهولة ولا لا - ولا بتحرن وخلاص الموضوع انتهي

[مايسة]

طالما أنه كان (قابل للكسر) . . . قطعا" سينصلح . . .لان روح (الإنكسر) والإنكسار روح إنهزاميه تخلو من الجماليات والتسامح . . .
وفي رائي ــ الفقير ــ كل الأشياء قابلها للكسر و ( الصليح ) . . . ولا تغلقوا الأبوب . . . وخلوا الهواء ينساب . . .
مع عظيم تقديري .


ال Boss شخصيا :eek:- نورتنا والله - اتقصد بأن الانسان مرن - ويتشكل ويتاقلم على حسب الظرف الذي هو فيه - وان الانكسار لا يمثل الا جزء بسيط من كينونة البني آدم - وهو (الانسان) الذي يقوم بالتحكم في هذا .

[مايسة]

جُرح اللسان أشد من جُرح السنان ( الرماح )
و هذا كناية عن أن الكلمة عندما تخرج من اللسان فأنها تسبب جُرح من الصعب إندماله
و ما أنكسر لا يعود كما كان مهما برعت الأيادي و كلمات الإعتذار في إعادة ترميمه

من الصعب اندماله لكن يمكن ان يندمل بمرور الزمن - وبعض من الادوية والعقاقير التي تتمثل في الاعتزار وعدم تكرار السبب المسبب للجرح - واكيد الانسان بطبعه ينسى
(انت بتنسي ولا لا) ؟



الإنكسر بتصلح .. لكن بكون قابل للكسر تاني ..!!
أو ما بكون زي الأصل
يعني زي الزجاج .. ممكن يتلصق بصباع امير او اي نوع
لكن ما حيكون زي ما كان شكلاً
والثقة فيو بتكون مهزوزة بعض الشيء حتى ولو كان اقوى مما كان
ومن ناحية تانية
الست قالت:
وعايزنا نرجع زي زمان
قول للزمان ارجع يا زمان


ياخي كلامك مؤثر جدا جدا

بث وين التسامح والسماح من ده كلو

[مايسة]

الاخت مايسه لك التحيه

انا بقول الكسير ده ذاتو خشم بيوت

فى كسير ذى شوكة الحوت لا بتبلع لا بتفوت

ذى كسر الخواطر الأرق من خيط العنكبوت

ولك التحية


لك التحية - فعلا الخواطر والمشاعر والاحاسيس جميعها تمثل شعرة - ولكن هل اذا انقطعت هذه الشعرة - الا يمكن ان تحل محلها شعرة اخري ؟

قال تعالي {قُل يا عباديَ الذينَ أَسرَفوا على أَنفُسِهم لا تَقنَطوا

مِن رَحمةِ الله إنَّ الله يَغفرُ الذُّنوبَ جَميعاً إنَّه هوَ الغَفورُ الرَّحيم} [الزمر: 53].

[بت أم درمان]

والله يا مايسة انا كنت منتظرة اقرأ ردك على الناس ديل
وبالجد فاجاتيني لان ردك ما كنت متوقعاهو
جد اسعدتيني كتير بي ردودك

وانا بالنسبة لي
مافي شي ما بتصلح
بس الناس تدي بعض فرصة
وتنوي تسامح
وبعد كدا كل جرح بيندمل
والاية الذكرتيها خير دليل وبرهان
يعني رب العالمين بغفر الذنوب
وكل ما اذنبت بغفر ليك وبسامحك
بس المهم تكون في نية التوبة
فما بالك البشر الذين لا يساوون شي
امام رحمة رب العباد

[مايسة]

في حاجات ممكن تتصلح وفي حاجات ماممكن تتصلح علي حسب الموقف أو الموضوع ..

بس انا شايفه من راي انو لابده في الحياة ان تتكسر الاشياء وان نقوم بتصليحها حتي لايكون كل شي جاهز فلابده من المعاناه من اجل الحصول علي اي شئ .


اختلف معك عذرا - فاذا كان في جزء مما حولنا يمكن تصليحه فان من باب اولي جميع الاشياء يمكن اصلاحها -
بث كلامك الاخير حلو - ويا ريت الناس تفهمو كويس وتمشي بيهو


طبعا لا مستحييييييييل أنو اتصلح وبالذات اللي اتكسر بكلمه لا بتنسي ولا بتمحي


عزيزتي ازاهير - اتفق معك - ولكن الله سبحانه وتعالي حبانا بنعمة اسمها النسيان - فلماذا لا نعتبر حياتنا ككراسه - فاذا تعرضت اي صفحة للتمزق - لماذا نقف عندها - اذا كان بإمكاننا ان نقلب الصفحة ونمضي قدما بنفس الكراسة .



والله ياودمدثر والمسافر وازاهير كسر الخاطر ممكن اتنسي اتمحي بلحظات حلوه لكن بجي يوم وارجع تاني لكن القابل للكسر بنكسر والقابل للتصليح بتصلح

عموما الخواطر عامله زي اناء الزجاج لو اتكسر واجتهدت في اعادة تجميعوا ممكن اكون ماظاهر


عشان كده الاتكسر عمروا مابتصلح


شنو يا التنين ;)- خلي بالك طويل ونفسك اطول - وقلبك زي القشطة او الحليب -
فغاندي يقول : (نحن لا نُعادي الأشخاص بل أخطاءَهم)

[عوض الكريم الخواض]

الأنكسر بتصلّح ...
اذا وجد مصداقية واخلاص فى عملية ( التصليح ) ...
كذلك لا بد من صنايعى ماهر لعملية الصيانة ...
كذلك بذل مجهود مقدر للاصلاح ...
يعنى كلو بتصلح ...
بس نصلح النيات .

[مايسة]

شوفي يابت ياميوسة ..
انا حعمل ليك حركات ود النور " فلسفة " شديدة ....

انا حاخد تشبيه بسيط .. لو عندك كباية قزاز او اي شي قابل للكسر قامت وقت منك اتكسرت او اتخدشت .. انتي
ممكن تصليحها وتجمعيها .. وحتي ممكن تتدخلي فيها تعديلات تغطي علي الكسر او
الشرخ الحصل .. بس عمر الكباية مابترجع زي ماكانت حتي لو كانت التعديلات جميلة
وغيرت منظرها .. بيفضل الكسر او الشرخ القديم موجود مع انو ماظاهر ولا بيتشاف ....

وقعت ليك ياميوشة انو الاتكسر اصلا مابيتصلح لانو اتكسر .....


وقعت لي تب يا نونو بث شوفي ده كمان


اذا عندك شجرة في البيت مثمرة وحلوة وجميلة - وجيتي وكسرتي منها غصن او شلتي جزء كبير منها - البيحصل شنو - مش ممكن يقوم محل الفرع الشلتيهو ده فرع احسن وانضر ويديك ازهار احلي كمان - ;)

[مايسة]

الاتكسر بتصلح وكل شي بتصلح بشرط الناس تدي نفسها فرصة



وعلى فكرة ااااااااااي شي بيتصلح


واتصلح كمان


وبتلات زوايا ;)



ههههههههههه

صح كلامك - بث الناس توسع قلبها شوية


مايسه سلام ...
الكسر خشم بيوت ...
لكن اصعب كسر يصعب اصلاحة هو كسر الثقة ...
وكمان الكسر فوق الكسر ... دا حتى الدكاتره بقولوا صعب يجبر ...
وأقعدي عافية ..



كلام لذيذ بث
قال تعالي :
{وَلْيَعفوا ولْيَصفَحوا ألا تحبُّونَ أن يَغفرَ الله لكُم} [النور: 22].

[تيسير]

مايسة سلامات يا غالية غايتو فى عبارة بتقول ان الآلام جرح الكلمات لا يمكن أن تندمل ابدا صراحة هناك جروح خاصة لو كانت من أعزاء صعب جدا نحتملها ولو حاولنا بيبقى فى الم فى الروح بيتجدد خاصة لوحاولنا الضغط على الجرح وقالوا ان الزجاجة كسرها لايشعب ...........فى النهاية الموضوع بيرجع لمدى تحمل الفرد ودرجة السماحة الجواه على كل التسامح مطلوب بس ياريت البتسامحو ده يقدر شعورك ويبطل يجرحك دمتى كما الامنيات الخضراء

[مايسة]

الأنكسر بتصلّح ...
اذا وجد مصداقية واخلاص فى عملية ( التصليح ) ...
كذلك لا بد من صنايعى ماهر لعملية الصيانة ...
كذلك بذل مجهود مقدر للاصلاح ...
يعنى كلو بتصلح ...
بس نصلح النيات .


سلمت اخي الخواض - لطالما كانت نية الشخص المبرئة له امام الله سبحانه وتعالي

قال تعالي : (والكاظمين الغيظ والعافين عن الناس والله يحب المحسنين )

روى أبو هريرة رضي الله عنه، عن النبي صلى الله عليه وسلم، قال: (ما نقصت صدقة من مال، وما زاد الله عبدا بعفو إلا عزاً، وما تواضع أحد لله إلا رفعه الله) [مسلم (4/2001) والترمذي (4/376)].

[سامية عباس]

شوفي ياست البنات

ماهو الانسان ياهو الانسان يعني ما ملاك
وكونك إنسان دي مرت بتخليك تتمسك بالجواك
وخصوصا لو كان الوجع من زول جاي من هذا الجواك
صدقيني احيانا بشوفا الزول صعبة شويه حكاية الانكسر يصلح دي

انا معاك التسامح مطلوب

بس عشان المعادلة تكتمل مراعاة شعور الآخرين برضو مطلوب

وسماحة القول واجبة

والكلمة الطيبة تؤلف القلوب يعني جواز سفر وكمان صدقة
تفتح ابواب الخير ...... واليه يصعد الكلم الطيب
قال الله صلى الله عليه وسلم: (لا يستقيمُ إيمان عبد حتى يستقيمَ قلبه، ولا يستقيم قلبه حتى يستقيم لسانه

ربنا يجعلنا واياكم من اهل الخير والكلم الطيب ومن اهل التسامح

[littlestar]

ميووووووووس يا عثـــــــــــل
والله الكسر ياستى صعب جدن
وخصوصاً لما يكون من شخص بتكنى ليهو حاجه جواك
والأقرب ليك
والأقدر على إمتصاصك
وبنفس المكانه والمعزه ال بتكنيها دى
ممكن تصفحى وتسامحى وتتناسى كمان
بس عشان الشخص ده بعنيلك كتير


لكن عموماً الإختلافات والزعل
ساعات بتقوى الأواصر أكتر
لما كل واحد يقدر يفهم ميول التانى ودوافعو
ويراعيها ليهو ف الجاى
يبقى الجاى أكيد أحلى

بس لما تكسر... تجرح... تغلط فى حق حد
يبقى ضرورى الأعتذار
ال ممكن يمسح حاجات ورواسب كتيره
بس للأسف الإعتذار بحد ذاتو فن
ما بيتقنوهو الكتير من الناس
وده بيكون أساس الكسر والشرخ ال ما بيتداوى... ولا بتعالج... ولابتصلح

[مازن الجمّال]

...............................................

[صديق بلال]

[


كلام حلو جدا - هسه انت بتسامح بسهولة ولا لا - ولا بتحرن وخلاص الموضوع انتهي [/quote]

سبحان الله.. بصراحة فيني طبع صعب أن أتخلي عنه.. فيتلخص في التالي:-
حينما أغضب أو أزعل من أحد ما.. فبسرعة أرجع وأتسامح مع الطرف الآخر.. لأني ولله الحمد.. حينما أزعل من شخص ما.. يأتيني بسرعة شئ من تأنيب الضمير.. حتى لو كان الطرف الثاني مخطئ.. لأنني منذ نشأتي لا أحب أن أجد شخصا يكن بشئ في نفسه تجاهي..
وأسرد لك هذه القصة الحقيقية التي حصلت لي حينما كنت في المرحلة الإعدادية حيث حصل مشادة كلامية مع أحد الزملاء.. ولكن حينما تسامحنا وتصالحنا أصبحنا مثل الأخوين أي علاقتنا أصبحت أقوى من ذي قبل..

[ابوالنور]

قايتو ما عارف لكن كلام اهلنا العرب ده ما بقع وطة تصدقي يا مياسة

[ابوالنور]

ميووووووووس يا عثـــــــــــل
والله الكسر ياستى صعب جدن
وخصوصاً لما يكون من شخص بتكنى ليهو حاجه جواك
والأقرب ليك
والأقدر على إمتصاصك
وبنفس المكانه والمعزه ال بتكنيها دى
ممكن تصفحى وتسامحى وتتناسى كمان
بس عشان الشخص ده بعنيلك كتير



لكن عموماً الإختلافات والزعل
ساعات بتقوى الأواصر أكتر
لما كل واحد يقدر يفهم ميول التانى ودوافعو
ويراعيها ليهو ف الجاى
يبقى الجاى أكيد أحلى


بس لما تكسر... تجرح... تغلط فى حق حد
يبقى ضرورى الأعتذار
ال ممكن يمسح حاجات ورواسب كتيره
بس للأسف الإعتذار بحد ذاتو فن
ما بيتقنوهو الكتير من الناس

وده بيكون أساس الكسر والشرخ ال ما بيتداوى... ولا بتعالج... ولابتصلح


شنو يا بتنا الكلام الواااااضح ده لكن اقول ليك سر كلامك حلو بلحييييل

[محمد الجزولى]

نعم ... الانكسر بصلح ... ربما تظل هنالك كدمات وتشوهات تبقى مع الزمن تظل تنبهنا دائما الى اسباب الكسر ولكن هذا قد يعطينا الاراده الكافيه لمعالجة اثار هذا الكسر واعادته باحسن مما كان .... وتكون لنا زادا وتجارب فى مقتبل حياتنا للابتعاد عن كل الاسباب التى ادت لهذا الكسر ... ونكون اكثر حرصا على تماسكه ... واكثر تفاؤلا بالغد ... واكثر تسامحا مع الاخر ....
تقبلى مرورى اختى مايسه

[مايسة]

مايسة سلامات يا غالية غايتو فى عبارة بتقول ان الآلام جرح الكلمات لا يمكن أن تندمل ابدا صراحة هناك جروح خاصة لو كانت من أعزاء صعب جدا نحتملها ولو حاولنا بيبقى فى الم فى الروح بيتجدد خاصة لوحاولنا الضغط على الجرح وقالوا ان الزجاجة كسرها لايشعب ...........فى النهاية الموضوع بيرجع لمدى تحمل الفرد ودرجة السماحة الجواه على كل التسامح مطلوب بس ياريت البتسامحو ده يقدر شعورك ويبطل يجرحك دمتى كما الامنيات الخضراء


غاليتي العزيزة - اكيد الجرح بيوجع بالذات اذا كان من اقرب الاقربين - ولكن - الا يمكن ان تلعب الذكريات شفيع او مرهم نمسح به على جروحنا فتطيب - الا تشفع الليالي الحلوة والابتسامات والضحكات -
يستطيع الانسان ان ينسي ولكن فقط اذا هو اراد ذلك . دمت

[مايسة]

شوفي ياست البنات

ماهو الانسان ياهو الانسان يعني ما ملاك
وكونك إنسان دي مرت بتخليك تتمسك بالجواك
وخصوصا لو كان الوجع من زول جاي من هذا الجواك
صدقيني احيانا بشوفا الزول صعبة شويه حكاية الانكسر يصلح دي

انا معاك التسامح مطلوب

بس عشان المعادلة تكتمل مراعاة شعور الآخرين برضو مطلوب

وسماحة القول واجبة

والكلمة الطيبة تؤلف القلوب يعني جواز سفر وكمان صدقة
تفتح ابواب الخير ...... واليه يصعد الكلم الطيب
قال الله صلى الله عليه وسلم: (لا يستقيمُ إيمان عبد حتى يستقيمَ قلبه، ولا يستقيم قلبه حتى يستقيم لسانه

ربنا يجعلنا واياكم من اهل الخير والكلم الطيب ومن اهل التسامح



آآآآآآآآآآآآآآآمين يا رب

وكلامك في محلو - بث الواحد كمان ما ينفعل او يكتم جواهو او او او ........... فالحياة حلوة وجميلة - ايوة ازعل يو يومين - خد وقتك بالكامل ولكن في الآخر ارفع روحك ورقيها لمكانة اعلي واسمى
(مسامحك ما عشان عينيك - عشان تتعلم الغفران وتصفح لو الزمن جار بيك ) .

وقال تعالى: "وإن تعفو أقرب للتقوى"

[مايسة]

[


سبحان الله.. بصراحة فيني طبع صعب أن أتخلي عنه.. فيتلخص في التالي:-
حينما أغضب أو أزعل من أحد ما.. فبسرعة أرجع وأتسامح مع الطرف الآخر.. لأني ولله الحمد.. حينما أزعل من شخص ما.. تأتيني بسرعة شئ من تأنيب الضمير.. حتى لو كان الطرف الثاني مخطئ.. لأنني منذ نشأتي لا أحب أن أجد شخصا يكن بشئ في نفسه تجاهي..
وأسرد لك هذه القصة الحقيقية التي حصلت لي حينما كنت في المرحلة الإعدادية حيث حصل مشادة كلامية مع أحد الزملاء.. ولكن حينما تسامحنا وتصالحنا أصبحنا مثل الأخوين أي علاقتنا أصبحت أقوى من ذي قبل..



يا سلام عليك ياخ

الشافعي قال
سامح صديقك إن زلت به قدمُ

فليس يسلمُ إنسـان من الزللِ

[مايسة]

قايتو ما عارف لكن كلام اهلنا العرب ده ما بقع وطة تصدقي يا مياسة


(يا ربي انا وين)

تصدق مرات بيقع في الواطه ;):d

- ليه احنا نستسلم لكلام - لا نعرف له اساس من الصحة - :(

ياخي وبعدين الكباية لو اتكسرت ما اختها احتفظ بيها - واجيب واحدة تانية بث - مش حل برضو

[مايسة]

نعم ... الانكسر بصلح ... ربما تظل هنالك كدمات وتشوهات تبقى مع الزمن تظل تنبهنا دائما الى اسباب الكسر ولكن هذا قد يعطينا الاراده الكافيه لمعالجة اثار هذا الكسر واعادته باحسن مما كان .... وتكون لنا زادا وتجارب فى مقتبل حياتنا للابتعاد عن كل الاسباب التى ادت لهذا الكسر ... ونكون اكثر حرصا على تماسكه ... واكثر تفاؤلا بالغد ... واكثر تسامحا مع الاخر ....
تقبلى مرورى اختى مايسه

ياخي انا اتبلتو واتقبلتو بكلامك الحلو ده

ايوة كده التسامح زيو مافي


اذا كان رب العباد خالق الكون متسامح ويغفر الذنوب
ما ظهر منها وما بطن
فعلي العباد والمخلوقات ان تتحلي بهذه الصفة ايضا

لما عفوت ولم أحقد على أحد .. أرحت نفسي من هم العداوات
إني أحيي عدوي عند رؤيته .. لأدفع الشر عـــني بالتحيـات
وأُظهر البـِشر للإنسان أبْغضه .. كما إن قد حشى قلبي محـبات
ولست أسلم من خل يخالطني .. فكيف أسلم من أهل العـداوات
الناس داءٌ ودواءُ الناس قربهم .. وفي اعتزالهم قـطع المودات

[حسام التنين]

ده كلام صاح

[مايسة]

ميووووووووس يا عثـــــــــــل (انتي العثل)
والله الكسر ياستى صعب جدن
وخصوصاً لما يكون من شخص بتكنى ليهو حاجه جواك
والأقرب ليك
والأقدر على إمتصاصك
وبنفس المكانه والمعزه ال بتكنيها دى
ممكن تصفحى وتسامحى وتتناسى كمان
بس عشان الشخص ده بعنيلك كتير


(ده المطلوب زاتو)
لكن عموماً الإختلافات والزعل
ساعات بتقوى الأواصر أكتر
لما كل واحد يقدر يفهم ميول التانى ودوافعو
ويراعيها ليهو ف الجاى
يبقى الجاى أكيد أحلى


(احييك على التفاؤل ده) بس لما تكسر... تجرح... تغلط فى حق حد
يبقى ضرورى الأعتذار


سامحني غلطان بعتزر بعتزر

بعتزر انا بعتزر
ال ممكن يمسح حاجات ورواسب كتيره
بس للأسف الإعتذار بحد ذاتو فن
ما بيتقنوهو الكتير من الناس
وده بيكون أساس الكسر والشرخ ال ما بيتداوى... ولا بتعالج... ولابتصلح


مرات كتيرة بكون الصمت ابلغ من الكلام يا عزيزتي - دمت

[سمرقند]

الانكسر ممكن يتصلح في بعض الحالات لكن كسر الخاطر وجرح الانسان والاشياء البتتحس لايمكن ان تتصلح او صعب جدا الا بعد مده اما كسر الكبابي والجكاكه دا موضوع منتهي لكن البركه في الطرابيز والكراسي والسراير صليحن ساهل

[مايسة]

الانكسر ممكن يتصلح في بعض الحالات لكن كسر الخاطر وجرح الانسان والاشياء البتتحس لايمكن ان تتصلح او صعب جدا الا بعد مده اما كسر الكبابي والجكاكه دا موضوع منتهي لكن البركه في الطرابيز والكراسي والسراير صليحن ساهل


ههههههههههههههههههههههه

ضحكتيني والله

[esmat]

اغلب المتداخلين بقولوا البتكسر ممكن اتصلح
ياخ عليك الله قوليهم ما بتصلح وما بتصلح خالص

تعرفي الواحد لما اكون عندو موقف قدامو بعرف
معني انو ممكن اتصلح ولا لا وانا بقول ليك لا

وخاصة من شخص كنت تعتبره كصديق صعب ياخ

[مايسة]

اغلب المتداخلين بقولوا البتكسر ممكن اتصلح
ياخ عليك الله قوليهم ما بتصلح وما بتصلح خالص

تعرفي الواحد لما اكون عندو موقف قدامو بعرف
معني انو ممكن اتصلح ولا لا وانا بقول ليك لا

وخاصة من شخص كنت تعتبره كصديق صعب ياخ


عصمت مالك يا خوي :eek:
كدي قول بسم الله الرحمن الرحيم - وخت الرحمن في قلبك

- تذكر فقط مواقف الرسول (صلي الله عليه وسلم) - وصبره على اهل قريش
ومسامحتهم بعد كل الذي فعلوه به -

- تذكر قصة سيدنا يوسف وعفوه لاخوانه

والكثير من الامثال

لا تنفعل اياك والانفعال

يقول تعالى: {ادفع بالتي هي أحسن فإذا الذي بينك وبينه عداوة كأنه ولي حميم} [فصلت: 34]. ويقول النبي صلى الله عليه وسلم: (ما نَقصت صدقة من مال، وما زاد الله عبدًا بعفو إلا عزَّا، وما تواضع أحد لله إلا رفعه الله) [مسلم].

[بت أم درمان]

عصمت مالك يا خوي :eek:



كدي قول بسم الله الرحمن الرحيم - وخت الرحمن في قلبك


- تذكر فقط مواقف الرسول (صلي الله عليه وسلم) - وصبره على اهل قريش
ومسامحتهم بعد كل الذي فعلوه به -


- تذكر قصة سيدنا يوسف وعفوه لاخوانه


والكثير من الامثال


لا تنفعل اياك والانفعال


يقول تعالى: {ادفع بالتي هي أحسن فإذا الذي بينك وبينه عداوة كأنه ولي حميم} [فصلت: 34]. ويقول النبي صلى الله عليه وسلم: (ما نَقصت صدقة من مال، وما زاد الله عبدًا بعفو إلا عزَّا، وما تواضع أحد لله إلا رفعه الله) [مسلم].


والله كلامك زي العسل واحلا عارفة الانكسر ما بتصلح زي ما قالت وحدة كدا صحبتي وخاصة من نوعية العناقريب والسراير اما الخواطر دي جد ممكن تتصلح الجرح بندمل والنفس بتهدأ والحقد يزول بس بعد فترة ممكن تكون طويلة وومكن تكون قصيرة على حسب نفسية الزول اما الذكرى بتفضل ما حيينا

[esmat]

ونعم بالله
يامايسة انا مابتكلم عن العفو دا موضوع ممكن الناس تتخطاهو
لكن طبيعة التعامل مع الشخص دا بينك وبين نفس كدا بكون فيها
نوع من عدم الراحة النفسية وبالعكس تتمنى ليهو الخير وكل الاشياء
الجميلة لكن التعامل بكون ليهو اثر كبير في النفس دا لاانا قاصدو

[الملكة اسماء ( ام محمد )]

يااااااااااااااه والله موضوعك يامايسة روعة

والاروع انو في وقت عجيب جدا

وقت فيه نقف جميعا موقف المتسائل

هل ممكن فهلا الاتكسر يتصلح مع العلم انو الكسور انواع ؟


تعرفي جاياك بمزااج قريبا

وجد موضوعك مميز

تقبلي مروري واسمحي لي بعودة قريبة

[مايسة]

ونعم بالله
يامايسة انا مابتكلم عن العفو دا موضوع ممكن الناس تتخطاهو
لكن طبيعة التعامل مع الشخص دا بينك وبين نفس كدا بكون فيها
نوع من عدم الراحة النفسية وبالعكس تتمنى ليهو الخير وكل الاشياء
الجميلة لكن التعامل بكون ليهو اثر كبير في النفس دا لاانا قاصدو

فاهمة قصدك يا عصمت والله
بس انا بقول ليك انو الواحد يسمو بروحو شوية لعالم الروحانية -

- اكيد طبعا انت حاتتأثر بالمواقف وراح يحز في نفسك الموقف - واحتمال ما تقدر تتعامل مع الشخص بنفس التعامل القديم - ولكن عايزاك تتذكر فقط بأن هذه الدنيا فانية - واللحظة التي تمر لا تعود ثانية - فلماذا لا نكسب ثقة من حولنا - بالتعامل الحسن والتعامل بالظاهر فقط -
- ابعد من ذلك الشخص لفترة ولكن اثناء بعدك هذا فكر في حياتك - وفكر في مكانة هذا الشخص بالنسبة لك ومدي فقدك له - وهل الموضوع بيستاهل ده كلو واحكم بعد ذلك .
دمت

[مايسة]

يااااااااااااااه والله موضوعك يامايسة روعة

والاروع انو في وقت عجيب جدا

وقت فيه نقف جميعا موقف المتسائل

هل ممكن فهلا الاتكسر يتصلح مع العلم انو الكسور انواع ؟


تعرفي جاياك بمزااج قريبا

وجد موضوعك مميز

تقبلي مروري واسمحي لي بعودة قريبة


تسلمي ويديك العافية يا رب

وحمد لله على السلامة

منتظراك

[الملكة اسماء ( ام محمد )]

تسلمي ويديك العافية يا رب
الله يعافيك يا راقية



وحمد لله على السلامة
الله يسلمك من كل مكروه



منتظراك

واديني جيتك وعذرا على التاخير




طبعا اصعب حاجة في الدنيا كسر الخواطر
والكلمة بترقد .. بس المابغلط فينا كذاب ومافينا زول كامل

تجي الحاجة المهمة جدا وهي انك بعد تكسر خاطر زول هل انت قادر تجبر الكسر والا انت زول فنان تكسير خواطر واول المتوارين عن ساحة الواقع بعد كسر خاطر شخص ما ؟!!

انا عن نفسي عندي طبع غريب جدا وماعارفة هل هو صح والا غلط , ومابقدر اغيره ..دائما لو تسببت في كسر لشخص بكون مصابة بحالة حزن غريبة جدا لاني غالبا لما اتسبب في الكسر الحصل بكون ماواعية لخطورة الموضوع الا بعد ما يحصل الكسر

وبسعى لعمل كل الاسعافات الاولية الممكنة لعل وعسى اخفف شي من النزف الممكن يحصل
ورغم اني اكيدة ان الفي الخاطر من القصة ممكن يعلق في الذاكرة سنوات ,وبسعى بكل السبل لازالة الصورة والمشهد المؤسف من ذاكرة الشخص المكسور والشايل في قلبه الم بسببي

وساعات بكون الشخص عايزيجبر كسر نفسه براه و دي نادرة الا في حالات منها ان يكون شخص واعي جدا ومتفهم للظروف النفسية الدعت الشخص الاخر لكسر خاطره (يعني تلتمس العذر لزولك لانك عارف انه مجبور على الحصل)

لكن عموما ياغالية مافي شي مستحيل , والاهم من الكلام النظري المحاولات العملية
على الاقل الشخص الحاسي انك كسرت خاطره لو انت حاولت تصحح غلطك حتى لو هو ما استوعب الفكرة في البداية وما اتقبل محاولاتك بعد فترة وبزوال الاشياء والشوائب النفسية ببتدي يقيم محاولاتك على انها ( نبل اخلاق) لان ما كل الناس بتعمل كدا وغالبا المختص في كسر الخواطر بكون شخص مجرد من الاحساس وما بهمه الاثر النفسي لانك في الاخر (غير مهم) بدليل كسره لخاطرك وعدم محاولته لمداوة جرحك منه .

ونقول في الاخر انها دنيا فاااااانية
وكله اخره كوم تراب
يعني نحسن النية ونعمل العلينا والباقي على الله وهو الكامل وكلنا بشر وما معصومين من غلط

[نبض السكون]

أي شيء ينكسر ممكن يتصلح بس كيف يكون في صدق وعزيمة ورغبة في التصليح

[بت مارنجان]

وقعت لي تب يا نونو بث شوفي ده كمان


اذا عندك شجرة في البيت مثمرة وحلوة وجميلة - وجيتي وكسرتي منها غصن او شلتي جزء كبير منها - البيحصل شنو - مش ممكن يقوم محل الفرع الشلتيهو ده فرع احسن وانضر ويديك ازهار احلي كمان - ;)

يقوم غيرو ياميوسة ,, لكن القديم صعب يقوم تاني هو نفسو بكل تفاصيلو وعدد اوراقو
وشكل زهرو ....

ممكن يجي فرع جديد انضر واخضر ومليان زهور ورود اكتر من القديم .. لكن عمرو ماحيكون زي القديم حتي الارتباط النفسي ماحيكون زيو ...





- تذكر فقط مواقف الرسول (صلي الله عليه وسلم) - وصبره على اهل قريش
ومسامحتهم بعد كل الذي فعلوه به -

- تذكر قصة سيدنا يوسف وعفوه لاخوانه
يقول تعالى: {ادفع بالتي هي أحسن فإذا الذي بينك وبينه عداوة كأنه ولي حميم} [فصلت: 34]. ويقول النبي صلى الله عليه وسلم: (ما نَقصت صدقة من مال، وما زاد الله عبدًا بعفو إلا عزَّا، وما تواضع أحد لله إلا رفعه الله) [مسلم].

ياميوسة ماقصة عفو .. انت ممكن تعفو عن شخص اساء ليك ,, حتي تعفو وتسامح انسان جرحك وحتي غشاك او خدعك ,,
بس عمرك مابتنسي الشئ الحصل دة وبتكون متزكرو بكل تفاصيلو .. عشان كدة الشرخ
او الجرح او خاطرك البنكسر جواك عمرو مابيتصلح ,, وحتي مشاعرك الحلوة البتكون
حافظها للشخص دة بتكون اتجرحت ومابتتقدر تصلحها علي مر السنين ,,,
وكل جرح علي حسب مقدار وعمق العلاقة بين الشخصين ,,,,
مهما عفيت وسامحت بتفضل " الغصة " والانكسارة جواك من الشخص دة ,,,

[مايسة]

طبعا اصعب حاجة في الدنيا كسر الخواطر
والكلمة بترقد .. بس المابغلط فينا كذاب ومافينا زول كامل


ونعم بالله - الكمال لله

تجي الحاجة المهمة جدا وهي انك بعد تكسر خاطر زول هل انت قادر تجبر الكسر والا انت زول فنان تكسير خواطر واول المتوارين عن ساحة الواقع بعد كسر خاطر شخص ما ؟!!

انا عن نفسي عندي طبع غريب جدا وماعارفة هل هو صح والا غلط , ومابقدر اغيره ..دائما لو تسببت في كسر لشخص بكون مصابة بحالة حزن غريبة جدا لاني غالبا لما اتسبب في الكسر الحصل بكون ماواعية لخطورة الموضوع الا بعد ما يحصل الكسر

وبسعى لعمل كل الاسعافات الاولية الممكنة لعل وعسى اخفف شي من النزف الممكن يحصل
ورغم اني اكيدة ان الفي الخاطر من القصة ممكن يعلق في الذاكرة سنوات ,وبسعى بكل السبل لازالة الصورة والمشهد المؤسف من ذاكرة الشخص المكسور والشايل في قلبه الم بسببي

ده نبل اخلاق منك - ويا ريت الناس تفكر كده - لذلك وجب علينا قبل ان نخطو اي خطوة وقبل ان نقول اي كلام - لازم نأخذ في الاعتبار كل الاحداث التي يمكن ان تترتب على هذا الفعل او القول -

وساعات بكون الشخص عايزيجبر كسر نفسه براه و دي نادرة الا في حالات منها ان يكون شخص واعي جدا ومتفهم للظروف النفسية الدعت الشخص الاخر لكسر خاطره (يعني تلتمس العذر لزولك لانك عارف انه مجبور على الحصل)

لكن عموما ياغالية مافي شي مستحيل , والاهم من الكلام النظري المحاولات العملية
على الاقل الشخص الحاسي انك كسرت خاطره لو انت حاولت تصحح غلطك حتى لو هو ما استوعب الفكرة في البداية وما اتقبل محاولاتك بعد فترة وبزوال الاشياء والشوائب النفسية ببتدي يقيم محاولاتك على انها ( نبل اخلاق) لان ما كل الناس بتعمل كدا وغالبا المختص في كسر الخواطر بكون شخص مجرد من الاحساس وما بهمه الاثر النفسي لانك في الاخر (غير مهم) بدليل كسره لخاطرك وعدم محاولته لمداوة جرحك منه .

ونقول في الاخر انها دنيا فاااااانية
وكله اخره كوم تراب
يعني نحسن النية ونعمل العلينا والباقي على الله وهو الكامل وكلنا بشر وما معصومين من غلط



صدقتي - كل هذه امثلة معنوية - ولكن اذا نظرنا اليها وجربناها كشئ حسي وامثلة حية - نجد ان الانكسر يمكن ان يتصلح - خاصة اذا اذا كان الشخص المتسبب في الكسر معترف بخطأه ونادم اشد الندم - ومقر بأنه لن يكرر ما فعله مره ثانية - فلماذا لا نصلح ما انكسر وننساه ونواصل حياتنا الفانية هذه . - دمت
وآسفة على التاخير في الرد والتعقيب

[مايسة]

يقوم غيرو ياميوسة ,, لكن القديم صعب يقوم تاني هو نفسو بكل تفاصيلو وعدد اوراقو
وشكل زهرو ....

ممكن يجي فرع جديد انضر واخضر ومليان زهور ورود اكتر من القديم .. لكن عمرو ماحيكون زي القديم حتي الارتباط النفسي ماحيكون زيو ...

المهم انو الفرع الجديد ده من نفس الشجرة الاساسية - يعني من نفس الشخص الذي فعل وقال - وطالما هو مستعد انو يصلح الكسره - ما الضير انو نعطيهو فرصة ثانية وبالذات اذا كان هذا الشخص يمثل لنا قيمة وجدانية لنا (شاب او فتاة) . ياميوسة ماقصة عفو .. انت ممكن تعفو عن شخص اساء ليك ,, حتي تعفو وتسامح انسان جرحك وحتي غشاك او خدعك ,,
بس عمرك مابتنسي الشئ الحصل دة وبتكون متزكرو بكل تفاصيلو .. عشان كدة الشرخ
او الجرح او خاطرك البنكسر جواك عمرو مابيتصلح ,, وحتي مشاعرك الحلوة البتكون
حافظها للشخص دة بتكون اتجرحت ومابتتقدر تصلحها علي مر السنين ,,,
وكل جرح علي حسب مقدار وعمق العلاقة بين الشخصين ,,,,
مهما عفيت وسامحت بتفضل " الغصة " والانكسارة جواك من الشخص دة ,,,

معاكي انا - بس احنا ليه حاصرين نفسنا في دائرة انو ما بتصلح ما بتصلح - ليه ما نقول انو بتصلح ونحاول ونحاول - واكيد مجري الماء راح يجف لكن سرعان ما يمتلئ مرة ثانية بمشاعرنا وحبنا لهذا الشخص - وهذا في حد ذاته كفيل بأن يصلح كل ما انكسر -

المشكلة بث انو احنا نقتنع انو راح يتصلح وتكون عزيمتنا اقوي - دمت - واسفة على تاخير الرد

[مايسة]

أي شيء ينكسر ممكن يتصلح بس كيف يكون في صدق وعزيمة ورغبة في التصليح


ده الكلام الصاح - تسلمي يا رب

[نبض المشاعر رووونة]

الانكسر ما بتصلح
خصوصا لو جا الانكسار من زول بتعزو شديد
وما كنت تتوقع منو الحاجة دي
فجاة يجي هو ويفاجئك بكلمة تجرحك وتكسر كل اللي كان جواك

ولا ريكم شنو يا جماعة

[مايسة]

الانكسر ما بتصلح
خصوصا لو جا الانكسار من زول بتعزو شديد
وما كنت تتوقع منو الحاجة دي
فجاة يجي هو ويفاجئك بكلمة تجرحك وتكسر كل اللي كان جواك

ولا ريكم شنو يا جماعة


كدي فكري فيها برااااااحة

بتخيل بالعكس اذا الزول بيمثل ليك حاجة بتحاولي تصلحي الانكسر ده - لانو نادر ما تجدي الشخص ده تاني بسهولة

[بت أم درمان]

ميسووو
انا رفعت ليك الموضوع دا تااني
مع ان ما رديتي لي زمان
بس جيت اقول ليك
ان الانكسر عمره ما بتصلح
ابدا
ابدا
ابدا
مهما الزول حاول يلتق
ويلصق
ويرمم
ما بتصلح
ياخ ما بتصلح
بالرغم من كل القلتيهو
وكل الادلة والشواهد
وانا كنت معاك في كل القلتيهو
بس جيت اغيررأي
و بقول ليك لا ما بتصلح

رمضان كريم
وتصومي وتفطري على خير

[عوض الكريم الخواض]

والله يا مايسة انا كنت منتظرة اقرأ ردك على الناس ديل
وبالجد فاجاتيني لان ردك ما كنت متوقعاهو
جد اسعدتيني كتير بي ردودك

وانا بالنسبة لي
مافي شي ما بتصلح بس الناس تدي بعض فرصة
وتنوي تسامح
وبعد كدا كل جرح بيندمل
والاية الذكرتيها خير دليل وبرهان
يعني رب العالمين بغفر الذنوب
وكل ما اذنبت بغفر ليك وبسامحك
بس المهم تكون في نية التوبة
فما بالك البشر الذين لا يساوون شي
امام رحمة رب العباد




ميسووو
انا رفعت ليك الموضوع دا تااني
مع ان ما رديتي لي زمان
بس جيت اقول ليك
ان الانكسر عمره ما بتصلح
ابدا
ابدا
ابدامهما الزول حاول يلتق
ويلصق
ويرمم
ما بتصلح
ياخ ما بتصلح
بالرغم من كل القلتيهو
وكل الادلة والشواهد
وانا كنت معاك في كل القلتيهو
بس جيت اغيررأي
و بقول ليك لا ما بتصلح

رمضان كريم
وتصومي وتفطري على خير




والله كلامك زي العسل واحلا عارفة الانكسر ما بتصلح زي ما قالت وحدة كدا صحبتي وخاصة من نوعية العناقريب والسراير اما الخواطر دي جد ممكن تتصلح الجرح بندمل والنفس بتهدأ والحقد يزول بس بعد فترة ممكن تكون طويلة وومكن تكون قصيرة على حسب نفسية الزول اما الذكرى بتفضل ما حيينا

برة النص :يا أخوانا البنية دى الزعلا منو ... :mad::mad:
وخلاها تغير رأيها ...

شوفو هنا ... :cool::cool:
أنا لو عرفتو ما بخليهو ... :mad:
وسوطى جاااااااهز ( سبجك ... سبجك ) والسفروق بشيلو من صاحبنا داااااك بتاع الانقلاب ... :cool::cool:

جوة النص :-يا بت أمدر ...
مافى شئ ما بتصلح ...
بس أي كسر داير ليهو زمن كافى عشان يتجبر ...
وما تتعاملى بى ردود الفعل ...
ولحظة الغضب الدنيا بتبقى سوداء ... لكن حبة حبة الغضب يتفشى والواطة تفتح لامن تشرق وتبقى الدنيا زهور وورود ...
أنا غايتو مع رأيك الأول .
وآخر جملة فى الاقتباس جميلة وفيها الدواء الشافى بأذن الله .

[العاقب مصباح]

سبحان الله
آراء تخليك تشيل صنحك وتصلحه وتخت كسرتك (( من الكسرة الرهيفة))... وتملحها بى مزاااااااج
وآراء تانية تقول ليك ارمى الصحن
وما بينهما تتضح إختلافات الناس ونظرتها للحياة...
ربما نرى المتفائلون هم من يصنعون لنا يوم باكر جميل
ونرى من إكتووا بنار الإنكسار هم من يُحذروننا من القادم المجهول..
((الايده فى الموية ما زى الايده فى النار ))....
اشياء كثيرة جدا يمكن أن نصلحها عن الانكسار ..لأننا نحتاجها ... وتصعب الحياة بدونها لذلك نقوم بعملية لصق وترميم علها تُفيدنا ...
ولكن توجد أشياء أخرى إصلاحها يؤدى إلى إفساد جوهرها وتشويه المنظر العام لها ...
عموماً فى رأيى الشخصى أن مدى قدرتنا على العيش بدون من كسر شيئاً فينا هى ما تُحدد طريقة وخط سير حياتنا ...
ولكن إن كانت لنا القدرة على الإستغناء عن ذلك الشئ حينها تُصبح عملية الترميم عملية مُرهقة نُفضل الإتيان بشئ يُعوض ذلك الفقد ....
بشرط أن لا يظل الكسر داخلنا .... وإلا فما الفائدة من ذلك ....
مع احتراماتى لكى مايسة ....

همسه :- بت امدر رمضان كريم وبمناسبة رمضان دى خليك متفائلة شويه وخليها على الله

[esmat]

فاهمة قصدك يا عصمت والله
بس انا بقول ليك انو الواحد يسمو بروحو شوية لعالم الروحانية -

- اكيد طبعا انت حاتتأثر بالمواقف وراح يحز في نفسك الموقف - واحتمال ما تقدر تتعامل مع الشخص بنفس التعامل القديم - ولكن عايزاك تتذكر فقط بأن هذه الدنيا فانية - واللحظة التي تمر لا تعود ثانية - فلماذا لا نكسب ثقة من حولنا - بالتعامل الحسن والتعامل بالظاهر فقط -
- ابعد من ذلك الشخص لفترة ولكن اثناء بعدك هذا فكر في حياتك - وفكر في مكانة هذا الشخص بالنسبة لك ومدي فقدك له - وهل الموضوع بيستاهل ده كلو واحكم بعد ذلك .
دمت


فلماذا لا نكسب ثقة من حولنا - بالتعامل الحسن والتعامل بالظاهر فقط -
معقولة لكن يامايسة الواحد اكون بي وجهين
يعني الواحد يا اما اسامح تسامح كامل واصلح الانكسر من قلبوا جووووا او ابعد
زي ما قلتي لكن اتعامل معاه بدون نفس ياخ دي صعبة شوية

[بت أم درمان]

جوة النص :-يا بت أمدر ...
مافى شئ ما بتصلح ...
بس أي كسر داير ليهو زمن كافى عشان يتجبر ...
وما تتعاملى بى ردود الفعل ...
ولحظة الغضب الدنيا بتبقى سوداء ... لكن حبة حبة الغضب يتفشى والواطة تفتح لامن تشرق وتبقى الدنيا زهور وورود ...
أنا غايتو مع رأيك الأول .
وآخر جملة فى الاقتباس جميلة وفيها الدواء الشافى بأذن الله .


طيب ردود الفعل دي مش على اساسها بتم التعامل مهما كانت ؟
ولحظة الغضب هي البتخلي الزول يقول ويعمل زي كأنه مافي وعيه ؟
وبعد كده نجي نفتش في اللتيق والتصليح
بس الجووووووه النية دي مش الاعمال بالنيات ؟
وزي ما قلت لحظة الغضب بتسود الواطة
ولمن الزول يصحى ويحاول يصلح
بتكون البلد خرباااانة

[بت أم درمان]

همسه :- بت امدر رمضان كريم وبمناسبة رمضان دى خليك متفائلة شويه وخليها على الله



الله اكرم يا العاقب
ومخلياها على الله

[الملكة اسماء ( ام محمد )]

معقولة لكن يامايسة الواحد اكون بي وجهين
يعني الواحد يا اما اسامح تسامح كامل واصلح الانكسر من قلبوا جووووا او ابعد

زي ما قلتي لكن اتعامل معاه بدون نفس ياخ دي صعبة شوية



ودي اصعب جزئية لان صاحبها غالبا بكون بيدعي ( القوة والتسامح )
ولان جواه في انسان غير متسامح وصعب يغفر فبتلاقيه رغم محاولاته ( مفضوح )

[جراح82]

والله ياشبابنا اى شى بتصلح

طول ما الواحد قلبى طيب

اقدر اصلح اى شى واتقبل الاعزار

الدنيا ما بتقيف فى نطقه واحده مدوره

ولو ماقدرنا نصلح حنقيف

[أشرف صلاح السعيد]

لايوجد شئ مابتصلح لو الإنسان تفكر فى:
ويسألونك ماذا ينفقون قل العفو..
والكاظمين الغيظ والعافين عن الناس وبشر الصابرين..

ليست مثاليات ولا حاجة وربنا ماممكن يدعونا لشى اصلا مابنقدر عليو..
البعض حيقول لى العفو مغنمة ولكن لا يصلح البتكسر..
حأقول ليهو أساسا مافى شى مادى اتكسر وانما احساس او شعور انجرح..والعفو بنية خالصة بيبرئ الجروح ولو بعد زمن..
وممكن برضو يبقى شئ من اثار الجرح مدة طويلة وان خلصت النيةفحينها تكون المسألة خارجة عما نملك (اللهم لاتؤاخذنى فيما تملك ولا املك)..
بس الخلاصة التسامح اكبر من كل الجرائم الانسانية..اذا كان هناك شخص يستطيع ان يعفو عن الدم فمؤكد يمكننا تجاوز مادون ذلك..ولاشنو الراى؟

[مايسة]

ميسووو
انا رفعت ليك الموضوع دا تااني
مع ان ما رديتي لي زمان
بس جيت اقول ليك
ان الانكسر عمره ما بتصلح
ابدا
ابدا
ابدا
مهما الزول حاول يلتق
ويلصق
ويرمم
ما بتصلح
ياخ ما بتصلح
بالرغم من كل القلتيهو
وكل الادلة والشواهد
وانا كنت معاك في كل القلتيهو
بس جيت اغيررأي
و بقول ليك لا ما بتصلح

رمضان كريم
وتصومي وتفطري على خير


يااااااااااااااااه

بت امدرمان - وينك يا بت امي - والله مشتاقة ليك

اها بعد شهر رمضان والعيد التعيس اقصد السعيد فات

جيت وعايزة ارد عليك -

واقول ليك

ليه كدا :confused::(
- اتمني تكوني بخير

[مايسة]

برة النص :يا أخوانا البنية دى الزعلا منو ... :mad::mad:
وخلاها تغير رأيها ...

شوفو هنا ... :cool::cool:
أنا لو عرفتو ما بخليهو ... :mad:
وسوطى جاااااااهز ( سبجك ... سبجك ) والسفروق بشيلو من صاحبنا داااااك بتاع الانقلاب ... :cool::cool:

جوة النص :-يا بت أمدر ...
مافى شئ ما بتصلح ...
بس أي كسر داير ليهو زمن كافى عشان يتجبر ...
وما تتعاملى بى ردود الفعل ...
ولحظة الغضب الدنيا بتبقى سوداء ... لكن حبة حبة الغضب يتفشى والواطة تفتح لامن تشرق وتبقى الدنيا زهور وورود ...
أنا غايتو مع رأيك الأول .
وآخر جملة فى الاقتباس جميلة وفيها الدواء الشافى بأذن الله .



الاخ المتميز جدا الخواض

سلمت - من كل شر - ودا الكلام الصح

كل شئ قابل للتصليح -

ان الله رؤوف رحيم

[مايسة]

سبحان الله
آراء تخليك تشيل صنحك وتصلحه وتخت كسرتك (( من الكسرة الرهيفة))... وتملحها بى مزاااااااج
وآراء تانية تقول ليك ارمى الصحن
وما بينهما تتضح إختلافات الناس ونظرتها للحياة...
ربما نرى المتفائلون هم من يصنعون لنا يوم باكر جميل
ونرى من إكتووا بنار الإنكسار هم من يُحذروننا من القادم المجهول..
((الايده فى الموية ما زى الايده فى النار ))....
اشياء كثيرة جدا يمكن أن نصلحها عن الانكسار ..لأننا نحتاجها ... وتصعب الحياة بدونها لذلك نقوم بعملية لصق وترميم علها تُفيدنا ...
ولكن توجد أشياء أخرى إصلاحها يؤدى إلى إفساد جوهرها وتشويه المنظر العام لها ...
عموماً فى رأيى الشخصى أن مدى قدرتنا على العيش بدون من كسر شيئاً فينا هى ما تُحدد طريقة وخط سير حياتنا ...
ولكن إن كانت لنا القدرة على الإستغناء عن ذلك الشئ حينها تُصبح عملية الترميم عملية مُرهقة نُفضل الإتيان بشئ يُعوض ذلك الفقد ....
بشرط أن لا يظل الكسر داخلنا .... وإلا فما الفائدة من ذلك ....
مع احتراماتى لكى مايسة ....

همسه :- بت امدر رمضان كريم وبمناسبة رمضان دى خليك متفائلة شويه وخليها على الله



اتفق معك - نوعا ما

من البداية - اصلا كيف تتم عملية الترميم اذا اطلقنا عليها هذا المصطلح

تبدأ بقياس اهمية المتسبب في الانكسار - بالنسبة لنا -

اذا كان لدينا القدرة على العيش بدونه اذا تم فقده فهذا بدون اي جدل لا يهم ان نقوم بالتصليح ولا الترميم ايضا

ولكن تاتي الاهمية بضرورة تصليح الانكسر عندما يكون هذا الشخص يمثل بالنسبة لنا مكانة داخلنا ويتربع في هذه المكانة - ويحتل حيزا كبيرا - وبفقده تختل الاوزان -

في هذه الحالة بتخيل - يجب مراعاة الانكسر ومحاولة مداواته بالرغم من كل شئ .

[ام قبس]

ميسو يابت امي
ازيك
موضوعك طول طول لكن يااااااااااااااااااااااااااااداااااااااااااااااااا اااااااااب شفته والله
ومريت علي كل المتداخلين
ولقيت روحي مع راي اسمت بالانجليزي العريس النفض الكيس الله يطراه بالخير
ومع راي ملكتنا العزيزة شويه كمان
عندي بيت شعر بحبه جدا رغم اني ماحفظاه كويس
لكن اعتقد هو كدا
حافظوا علي صون القلوب من الاذاء فرجوعها بعد التنافر يعسر
ان القلوب اذا تنافر ودها مثل الزجاجه كسرها لا يجبر
اما راي الشخصي فالمتداخلين في خلط بين السماح وتصليح الانكسر
ورجوعها ذي ما كان
ممكن اسامح ممكن اغفر ممكن امشي الحال
بس الجرح يبقي في القلب اكيد
ومستحيل ارجع ذي الاول (( طبعا دا بالنسبه للجرح الغائر))
وماممكن انافق
اضرب مثل ووووووووووووواضح في بعض الاخوان مثلا في المنتدي هنا اختلف معاهم في وجهات النظر في الردود ازعل من كلامهم
بس برجع ليهم سريع اول لقاء بيهم
في نوعيه من خلال اشياء معينه مست جوايه شيء لاينفع فيه جبر ولا جبيره ولا جبص
ديل لا استطيع مع قلبي شيء تجاههم
وقال الرسول ( صلى الله عليه و سلم ) الهم لا تلمني في ماتملك ولا املك
فالبكسر وبصر علي الرضرضه ماعندوة عندي مكان ولامحاوله للتصليح والترميم
وراجعة ليك تتتتتتتتتتتتتتتتتتتتتاني

[الاميره]

ام قبس.

اضرب مثل ووووووووووووواضح في بعض الاخوان مثلا في المنتدي هنا اختلف معاهم في وجهات النظر في الردود ازعل من كلامهم
بس برجع ليهم سريع اول لقاء بيهم


الرجوع السريع برجع للطيبه والبساطه التى تحمليها فى دواخلك...واتمنى ان تكونى طيوبه كده على طول..
في نوعيه من خلال اشياء معينه مست جوايه شيء لاينفع فيه جبر ولا جبيره ولا جبص
ديل لا استطيع مع قلبي شيء تجاههم

ما تبقى قاسيه كده.. ربنا الخلق الناس..بدى العبد فرص للرجوع والتوبه فما بالك يإنسان ..قصدى يا ام قبس..
وقال الرسول ( صلى الله عليه و سلم ) الهم لا تلمني في ماتملك ولا املك
فالبكسر وبصر علي الرضرضه ماعندوة عندي مكان ولامحاوله للتصليح والترميم
وراجعة ليك تتتتتتتتتتتتتتتتتتتتتاني
البصر على الرضرضه اصلا ما بنفع معاه اى نوع كلام..
ودمتى اخيتى بالف خير ..اوعى تقولى مساهره وكده بس حب استتطلاع رجعت وفتحت البوست ..من قبيل شايفاه..

[وجدى محمد خميس]

اختى مايسه على حسب الكسر مركب عادى شق