المساعد الشخصي الرقمي

مشاهدة النسخة كاملة : أخيراً نجحت


ابراهيم
28-06-2009, 04:27 PM
بالصدفة كنت بفتش لي في لحمة "حلال" من ناحية الذبح يعني
المهم لقيت دكان مكتوب عليو "Halal" واصحابو صوماليين يعني مسلمين
لكن للأسف ما لقيت عندهم لحمة
لكن لقيت عندهم شعيرية ..
وانا لي تقريباً ستة سنين ما أكلت شعيرية
المهم اخدت خمسة أكياس شعيرية
وقبل ما ابداء في عملية الطبيخ فكرت
يا ربي اتصل على الحاجة - لكن الزمن ما مناسب الناس بكون نايمين
فرق الزمن مسبب لي مشاكل كمية
قلت ياخ اجازف معاها ..
الكيس الاول راح شمار في مرقة
يشهد الله الشعيرية بقت زي الكستر ومافي زول يسألني كيف
المرة التانية غيرت خطة طبيخ الشعيرية
برضو ما نفع!
وضاع الكيس التاني
ومن بعده الكيس الرابع!
ابراهيم
28-06-2009, 04:52 PM
اها لمن وصلت للكيس الخامس
وبعد ما بذلت عصارة تجارب
أخيراً
زبطت الشعريرية
ابوخالد
28-06-2009, 05:34 PM
أخى / إبراهيم

ياخوى صباحاتو بُيض ... ياخوى إنت وين قاعد

تاشر ساعة بفتش فى ال Google Earth

الله يكون فى عونك ....... شكلك كدة ود عز البياكلو الوز

كان تعمل ليك حلة القطر قام ... ياحليل أيام القرآيه ......


ولك ودى
أزاهير
28-06-2009, 10:05 PM
الأخ ابراهيم ما دايره اقول ليك الشعيريه بقت كيف لكن بسئل ظبططت كيف :) اصلوا عندي مشكلة ضبط شعيريه :(ولك جريل شكري علي المساعده يالله ورينا يا مان مش برضو في الهند;)
عبدالرحمن مدثر
28-06-2009, 10:22 PM
برهوتة

عندنا الشعيرية دى ملازمة للفشل الذريع

فى دنيا الغرااام ... والريدة

يعنى ناس الحبيبة كان مادايرنك

بظبطوا لييييك شعيرية

وياتى السؤال الحتمى بعد القعدة من جمهرة الشمشرة

اها عملوا لييييييك شنو

عزمونى شعيرية

وتاتى الضحكااااات

وووووووى .... اكلوا شعيرية

لكن الموقف يختلف معك هنا

تعال ادينا نتيجة التفاصيل بتاعت النجاااااح ماتخمنا ساااااى
أبوبكرحامد
28-06-2009, 10:31 PM
اها لمن وصلت للكيس الخامس
وبعد ما بذلت عصارة تجارب
أخيراً
زبطت الشعريرية

كان بقت شعريرية معناها لسة مازبطت :p:p ، شوف ياتلش الشعيرية ممكن تغلى ليها موية وبعد داك ترميها فيها لمدة تتراوح بين 10-15 دقيقة وتصفيها بالمصفى ، وممكن برضو تغلى شوية زبدة وتشوح فيها الشعيرية لغاية مالونها يميل للون الذهبى وبعد داك تديها شوية موية وبرضو تخليها بين 10-15 دقيقة ، عليك الله لقيتنى كيف هانم فضل بس (مقدمة فقرة الطبخ فى برنامج الأسرة فى الزمن الندى بتلفزيون السودان).
نقترح على مدنية والفضليات عضوات المنتدى عمل بوست(مطبخ المنتدى) عله يفيد البرالمة والبرلومات.

إهداء:
فى طريق الليل ضاع الحادث الثانى
وضاعت زهرة الصبَّار
(الرحمة والمغفرة لمظفر النوَّاب بقدر الزخم الإبداعى الذى حوته نصوصه الشعرية)
ود النمير
28-06-2009, 11:17 PM
بسم الله الرحمن الرحيم
ياود شعيريه شنو الغلبتك!!
يعني لو عاوز تعمل ليك تقليه الا يأجيزولك!!هههههههههههه
المره الجايه كان غلبتك قرقشه ساي!!
تحياتي واحترامي
بت أم درمان
28-06-2009, 11:27 PM
في ناس ليهم سنين

نفسهم يظبطوها وللأن ما ظبطط ليهم

جاي انت من اول خمسة اكياس دايرها تظبط ليك

بس الشي المحيرني ومتحير

لي الشعيرية بالذات المابقدر الزول يظبطها ؟

ولي بقولو اهم شي في الشيلة الشعيرية ؟
مهدي إبراهيم
28-06-2009, 11:43 PM
تعرف يا إبراهيم ... أول مره أجرب فيها الطبخ بدأت بالشعيرية بس ما علي طرقتك بتاعت التجارب
أذكر وقتها كنت في الخرطوم لعمل إجراءات السفر للسعودية .. كنت في منزل إبنة عمتي و التي
كانت في زيارة لودمدني (حوش العائلة) .. لازمني في هذا المنزل مجموعة من طلاب الجامعات
من أبناء ودمدني (مايو 40) كانوا أصدقاء لإبن عمتي ... دخلت البيت بعد رحلة عناء مع السفارة
و وجدت منظر غريب !!!!! صحن كبير أشبه بالصينية و فيهو عجينه !!!! عجينه لي شنو دي ؟؟؟
قالوا لي دي شعيريه !!!!!!!!!
يازول دي مالها معجونه كدي !!! قالوا لي جعنا و أقرب حاجه ممكن نقدر نعملها الشعيرية !!!
أنا زاتي زي زيهم !!!! لكن قلت ليهم حلاوة الشعيرية لما تكون مفرده شعره شعره !!! قالوا لي
خلاص هدييييييك باقي الأكياس أعمل لينا منها ؟؟؟؟
والله والله أنا ما حصل عملتها لكن شفت بت خالتي بتعملها كيف !!!!
يا زول عملت ليك بي طريقة التشويه بتاعت أبوبكر حامد و مسكت ليك قطعه قماش كبيره !!
أظنها باقي ملايه !! مسكت طرفين الحله .. و كل 10 أو 20 ثانيه أقلب و أخت في النار !! أقلب
و أخت في النار !!! لحدي ما بقى لوناها دايك يا الدهب !! و بعدين كبيت ليك المويه لمن غطيت
الحله !! و بي طرف أصابعي كبيت ليك شويو ملح و أديتها ليك صواته !! الله يكفينا شر الصواته !!
و قمت ضقت ليك الحله و كان الزيت مطفح من فوق لي المويه !!!
بعداك إنتظرت لمن غلت المويه و قررررررررربت تنتهي !! قمت جبت ليك صينيه كبيره و معاها الكمشه
الكبيره !! عشان أصفي باقي المويه و أنشف الشعيريه في الصينيه !!!!
عملت كل شئ زي ما شفت من بت خالتي وده كلو كان من الذاكره !!!!
لكن والله طلعت ليك جنس شعيريه !! ياخ لكن ما شعيريه !!!
الجماعه إنبسطوا ليك بسطه !!! لكن الجبانين سموني مهدي شعيريه و منهم يقول لي يا محمود (بتاع الفول في مايو 40 ) !!!
و إنطلقت من الزمن داك و نفعتني الحكايه في الغربه نفع شديد ...
وزي ما قال أبو آمنه حامد !! أقصد أبوبكر حامد .. ناس مدنيه مفروض يخصصوا لينا صفحة للطبيخ !! عشان
الواحد لما يضطر يطبخ يقوم يفتح المنتدى و يخت اللاب توب في المطبخ و يعمل حاجه حاجه ...!!
حاتم مرزوق
28-06-2009, 11:54 PM
عبدالرحمن مدثر

اول مرة اعرف الشعيرية ملازمة للفشل.

اتاري كلو ما امشي اخطب يجيبو لي شعيرية :cool:!!

الحكاية دي جايه من اسكتش لجمال حسن سعيد وكان وا قف قون واسمو شعيرية مافي كورة ما خشت فيهو!! يعني الموضوع مجلي.:cool::confused:
عمرالفضل
29-06-2009, 12:31 AM
وانا كمان ياخوي عندي جن اسمو ارز بلبن من السودان مهووس بيهو
ويوم قلت للعزابة بعمل ليكم تحلية ارز بلبن
وجيت من الشغل بدري وجبت معاي ارز بسمتي من بقالة تحت المكتب ودخلت المطبخ وسخنت الموية لمن غلت وفاتت درجة الغليان 2000فهرنهايت ومافوق
وبعد داك قمت كبيت الارز المبلول
وطبعا اتمقلبت كنت مامقدر الكمية كويس وكبيت ليك الكيس كلو فيه كيلو كامل
وتعال بعد داك ياخوي شوف الحلة كل 5 ثواني ماشة زايدة واشيل وانقص في الارز وازيد في الموية ومليت ليك عدة المطبخ كلها رز
والله كان يوم لا انساه
وطبعا نسيت اضيف الحليب واكتفيت بيهو كدى ولكن اتصرفت قدمتو ليهم كبسة مع الدجاج
ولكن بعد كدى اتدربت وتعلمت شيء وصفات وشيء اتصالات على السودان وماشابه
بورتبيل
29-06-2009, 12:39 AM
جمال حسن سعيد ( حارس المرمى الشهير بشعيرية) حارس مجلي يعني

عشان كدا الشعيرية ملازمة الفشل ذي ما قال ولدنا عبد الرحمن

الا انت يا ابراهومة ( وحلات الشعيرية وسط البرد العندكم دا)
عبدالرحمن مدثر
29-06-2009, 12:44 AM
عبدالرحمن مدثر

اول مرة اعرف الشعيرية ملازمة للفشل.

اتاري كلو ما امشي اخطب يجيبو لي شعيرية :cool:!!

الحكاية دي جايه من اسكتش لجمال حسن سعيد وكان وا قف قون واسمو شعيرية مافي كورة ما خشت فيهو!! يعني الموضوع مجلي.:cool::confused:



عندنا ياحبيبنا حاتم الشعيرية هى مصطلح مرادف للشاكوش

ومصطلح اصبح متعارف عليه (شبابيا ) ..

ومجتمعنا بتاع الجزيرة لسه محافظ على حاجات حلوة

ومنها رمزية الشعيرية .. لانها عند تقديمها تكفيك من الاعتذارات المتكررة

والخوف من رد الفعل (شعيرية والسلام )

لكننى لااعرف لماذا ارتبطت الشعيرية عند الشباب بالفشل

من لديه معلومة عن متى كانت اول وجبة شعيرية قدمت وكانت لها دلائل

بالفشل العاطفى .... فليتقدم
مازن الجمّال
29-06-2009, 12:48 AM
هسة يا ابراهيم لو كنت قرشتها ناشفة ساي موش كان اخير ليك
سيد البلد
29-06-2009, 12:54 AM
الف الف مبروك

عجبنا ليك وسر بالنا والله

عقبال الدكتوراه ان شاء الله ياخي

عارف ؟ طبعن ما حتكون عارف
ذكرتني واحد " شيف " درجه مافي

كان عايز يسلق بيض , قام بكل جرأة كده سأل الجماعه المعاهو في السكن
انتو ياخوانا البيض ده نكب ليهو مويه قدر شنو ؟

وطبعن ما نجح زيك كده
moh_alnour
29-06-2009, 02:54 AM
اها لمن وصلت للكيس الخامس وبعد ما بذلت عصارة تجاربي

يا حليلك ويا سواد ليلك و يا شماتة آبلة ظاظة أقصد عشوشة فيك يا جار
أحمد ربك أنها الأيام دي مافي و الله كان كشفت حالك في الخيران و و سط الشماشة
بي راندوك يدوب التلج الأبيض الفي كندا و شمارو يصل لحدي الخواجة عزيز اللذيذ و ود الماحي في أمريكا
معقولة يا جار عُصارة تجربتك و سنين غربتك الطويلة مابين الشرق و الغرب ترميها في حلة شعيرية :(
ياخي كُب ليك شوية زيت و كُب ليك شوية موية و جيب الشعيرية و كسرا واحدة واحدة و خليها لمدة ربع ساعة
و بالهنا و الشفاء ، لقيتني كيف يا جار ؟ ود السرور يايمة بخت البتقع فوقي ;) ما شعيرية عزابي أنت كمان عايزا زي شعيرية الصُبحية ديك :eek:



أخيراً زبطت الشعريرية

الحمد لله ، و بالهنا و الشفا يا جار ، لكن ظبطت دي بالزين و لا الظاء ظرف ، و الشعيرية
دي غايتو إملائيا ً بقت كستر و في رواية أخرى عصيدة أو مديدة ;)
عزيز عيسى
29-06-2009, 05:17 AM
يا حليلك ويا سواد ليلك و يا شماتة آبلة ظاظة أقصد عشوشة فيك يا جار
أحمد ربك أنها الأيام دي مافي و الله كان كشفت حالك في الخيران و و سط الشماشة
بي راندوك يدوب التلج الأبيض الفي كندا و شمارو يصل لحدي الخواجة عزيز اللذيذ و ود الماحي في أمريكا
معقولة يا جار عُصارة تجربتك و سنين غربتك الطويلة مابين الشرق و الغرب ترميها في حلة شعيرية :(
ياخي كُب ليك شوية زيت و كُب ليك شوية موية و جيب الشعيرية و كسرا واحدة واحدة و خليها لمدة ربع ساعة
و بالهنا و الشفاء ، لقيتني كيف يا جار ؟ ود السرور يايمة بخت البتقع فوقي ;) ما شعيرية عزابي أنت كمان عايزا زي شعيرية الصُبحية ديك :eek:

الحمد لله ، و بالهنا و الشفا يا جار ، لكن ظبطت دي بالزين و لا الظاء ظرف ، و الشعيرية
دي غايتو إملائيا ً بقت كستر و في رواية أخرى عصيدة أو مديدة ;)

مخير الله يا برهوته هسع كدا كويس تفضح نفسك مع ود الجاك؟
عارف يا ود الجاك عشوشة لو سمعت الكلام دا حتقول الزول دا
طلع كيشة لا بيعرف راندوق ولا طريقة عواسة الشعيرية؟
شايف ود المأذون أداهو الوصفة الكاملة لطريقة الطبخ لكن
ما حدد ليه الكميات.. أها زولك دا لو جاب الخمسة أكياس
وكباهن كلهن مع بعض في كباية موية واحدة غايتو شعيريته
دي إلا يأكلها بملاح (أم تكشو)..
عزيز عيسى
29-06-2009, 05:34 AM
يا برهوته يا كيشة.. ياخي والله العظيم أمبارح إتصلت عليك
بالهاتف وتركت ليك رسالة صوتية.. يعني لو كان صادفتك كان
شرحت ليك طريقة عمل الشعيرية والسكسكانية ذاتها
لو صادفتك المرة الجاية..
ويا للصدفة الغريبة قبل أربعة أيام أخوك عمل شعيرية
بالذبدة ذي ما بقولوا أهلك أولاد بمبة تاكل صوابع وراها..
والجماعة في البيت ما شاء الله وقعوا ليك فيها (قرضوها)
كلها وطلبوا مني أعمل ليهم منها تاني..
قلت ليهم (صحتين)..
وعلى فكرة لو مشيت المحلات الكبيرة لبيع الأطعمة
الغذائية مثل Walmart حتجدها موضوعة مع المعكرونة
وإسمها بالإنجليزي Angel Hair قال شعر ملائكة قال.
أما بالنسبة للحمة الحلال.. ياخي خلال زيارتي الأخيرة لكندا
قبل ثلاثة أشهر وفي أثناء مروري بمنطقة (مساساكا)
بمدينة تورنتو لفت إنتباهي كثرة محلات اللحمة الحلال
والمطاعم العربية يمين إفتكرت نفسي في الشرق الأوسط..
على العموم لو إتصلت بي سأعطيك الطريقة السرية
لعمل الشعرية وما تشيل هم.. ولو إتبعت طريقة ود المأذون
غايتو شعريتك دي إلا تشربها شوربة.
ابراهيم
29-06-2009, 05:37 AM
أخى / إبراهيم



ياخوى صباحاتو بُيض ... ياخوى إنت وين قاعد


تاشر ساعة بفتش فى ال google earth


الله يكون فى عونك ....... شكلك كدة ود عز البياكلو الوز


كان تعمل ليك حلة القطر قام ... ياحليل أيام القرآيه ......




ولك ودى


ابو خالد قطر قام شنو .. هي شعيرية ما لحمة
قلت لي ود عز البياكلو الوز:d
دي ود الجاك ما يشوفها!
ابراهيم
29-06-2009, 05:47 AM
الأخ ابراهيم ما دايره اقول ليك الشعيريه بقت كيف لكن بسئل ظبططت كيف :) اصلوا عندي مشكلة ضبط شعيريه :(ولك جريل شكري علي المساعده يالله ورينا يا مان مش برضو في الهند;)


المثل قال "من كد وجد"
وانا كديت مع الاربعة اكياس جنس كد
لغاية ما وجدت في الكيس الخامس
وظبطت الشعيرية
اول حاجة كبيت زيت في الحلة
خليت الزيت غلي شوية
وبي فن وحرص شديدين
بقيت ارمي الشعيرية في الحلة واصوت
ارمي الشعيرية في الحلة واصوت
الشعيرية لونها بقى بين بني وما بني
ومن ثم كشجت فيها الموية
واقول سر يا ازاهر مشكلة ظبط الشعيرية في الموية

في الهند الحُمُر:d
ابراهيم
29-06-2009, 05:56 AM
برهوتة



عندنا الشعيرية دى ملازمة للفشل الذريع


فى دنيا الغرااام ... والريدة


يعنى ناس الحبيبة كان مادايرنك


بظبطوا لييييك شعيرية


وياتى السؤال الحتمى بعد القعدة من جمهرة الشمشرة


اها عملوا لييييييك شنو


عزمونى شعيرية


وتاتى الضحكااااات


وووووووى .... اكلوا شعيرية


لكن الموقف يختلف معك هنا



تعال ادينا نتيجة التفاصيل بتاعت النجاااااح ماتخمنا ساااااى



ابو عبدة
والله حكاية شاكوش الشعيرية دي أول مرة اسمع بيه
ومن يوم الليلة لو عزموني شعيرية ما باكل
التفاصيل مرة تانية:
المثل قال "من كد وجد"
وانا كديت مع الاربعة اكياس جنس كد
لغاية ما وجدت في الكيس الخامس
وظبطت الشعيرية
اول حاجة كبيت زيت في الحلة
خليت الزيت غلي شوية
وبي فن وحرص شديدين
بقيت ارمي الشعيرية في الحلة واصوت
ارمي الشعيرية في الحلة واصوت
الشعيرية لونها بقى بين بني وما بني
ومن ثم كشجت فيها الموية
والشعيرية بدت تمتص الموية شوية شوية
اديتها ليك حبة ملح وقدر مناسب من السكر
ايوا وقبل كدة سمنة
والنار تكون خفيفة

والله طلعت شعيرية يمين ما فاضية لبتاعة الصبحية
ابراهيم
29-06-2009, 06:15 AM
كان بقت شعريرية معناها لسة مازبطت :p:p ، شوف ياتلش الشعيرية ممكن تغلى ليها موية وبعد داك ترميها فيها لمدة تتراوح بين 10-15 دقيقة وتصفيها بالمصفى ، وممكن برضو تغلى شوية زبدة وتشوح فيها الشعيرية لغاية مالونها يميل للون الذهبى وبعد داك تديها شوية موية وبرضو تخليها بين 10-15 دقيقة ، عليك الله لقيتنى كيف هانم فضل بس (مقدمة فقرة الطبخ فى برنامج الأسرة فى الزمن الندى بتلفزيون السودان).
نقترح على مدنية والفضليات عضوات المنتدى عمل بوست(مطبخ المنتدى) عله يفيد البرالمة والبرلومات.


ود الماذون يا شفت .. والله هي مفروض تكون شعيرية ما شعريرية
لكن انا اساساً ما عندي فكرة "الراء" الزايدة جات من وين!
لكن صدقني الطريقة الأولى جربتها مرة وتوجست منها المرة التانية
لكن الطريقة التانية دي طريقة النجاح
واهم حاجة حتة اللون يبقي ذهبي دي
واجمل احساس لمن الشعيرية تكون فردة فردة
لأنو في التجارب الأربعة الفاشلة كان بجوني مجموعات مجموعات:d
ود الماذون والله هانم فضل دي ما حضرناها



إهداء:
فى طريق الليل ضاع الحادث الثانى
وضاعت زهرة الصبَّار
(الرحمة والمغفرة لمظفر النوَّاب بقدر الزخم الإبداعى الذى حوته نصوصه الشعرية)


شكراً ود الماذون لما اصحيت من ذكرى
ففي زحمة الاشياء تتوه الاشياء
وسمحة الصدف
ابراهيم
29-06-2009, 06:19 AM
بسم الله الرحمن الرحيم
ياود شعيريه شنو الغلبتك!!
يعني لو عاوز تعمل ليك تقليه الا يأجيزولك!!هههههههههههه
المره الجايه كان غلبتك قرقشه ساي!!
تحياتي واحترامي


صدقني يا ود النمير
اصعب من عمل الشعيرية مافي
ياخ انا الكمونية عملتها خليك من التقلية
لكن الشعيرية دي عاملة عقدة من زمن بعيد
ودخلتني في مواقف عويرة خلاص
لكن حددتها معاها
ابراهيم
29-06-2009, 06:29 AM
في ناس ليهم سنين

نفسهم يظبطوها وللأن ما ظبطط ليهم

جاي انت من اول خمسة اكياس دايرها تظبط ليك

بس الشي المحيرني ومتحير

لي الشعيرية بالذات المابقدر الزول يظبطها ؟

ولي بقولو اهم شي في الشيلة الشعيرية ؟


لا لا لا انا تجربتي معاها من زمان
يجي زي اكتر من عشرة سنين
لكن ناس السايكولوجي قالو: كلما الزول فترة العزوبية تطول بيو
كل ما بقى حريف زيادة في الكتشن:D
بالنسبة للشعيرية ما يظبطها الا زول فنان وحريف زينا كدة:cool:
اما مسألة الشيلة دي ما ادونا ليها
او احتمال عشان يشربو بيها شاي اللبن في الصبحية
لكن برضو ليه الشعيرية بصفة خاسة؟
ابراهيم
29-06-2009, 06:32 AM
مهدي والباقين بجيكم راجع
moh_alnour
29-06-2009, 08:15 AM
دي ود الجاك ما يشوفها !
كنتا عايز أعمل رايح لكن قلتا أشوف ( عِز ) دي بالعاء علم ولا شاء شعيرية ;)
محمد حسين (المميز)
29-06-2009, 08:45 AM
واللــه يا برهوته

حلاتك وانت مع الشعيراراراارااايه

لكن اخوك لاحقــك

في المطبـــخ صفــر
ابراهيم
29-06-2009, 09:24 PM
تعرف يا إبراهيم ... أول مره أجرب فيها الطبخ بدأت بالشعيرية بس ما علي طرقتك بتاعت التجارب
والله قلبك قوي وبتاع مغامرات
انا بديت بالبيض المسلوق وبعد دة كنت بجلي فيو

أذكر وقتها كنت في الخرطوم لعمل إجراءات السفر للسعودية .. كنت في منزل إبنة عمتي و التي
كانت في زيارة لودمدني (حوش العائلة) .. لازمني في هذا المنزل مجموعة من طلاب الجامعات
من أبناء ودمدني (مايو 40) كانوا أصدقاء لإبن عمتي ... دخلت البيت بعد رحلة عناء مع السفارة
و وجدت منظر غريب !!!!! صحن كبير أشبه بالصينية و فيهو عجينه !!!! عجينه لي شنو دي ؟؟؟
قالوا لي دي شعيريه !!!!!!!!!

العجينة دي بتحصل طبيعي في المراحل الوسطى من تعليم الشعيرية
يعني مرحلة متقدمة شوية

يازول دي مالها معجونه كدي !!! قالوا لي جعنا و أقرب حاجه ممكن نقدر نعملها الشعيرية !!!

ههههه قال اقرب حاجة قال
والله دي أغرب حاجة هم ما عارفين سااي

أنا زاتي زي زيهم !!!! لكن قلت ليهم حلاوة الشعيرية لما تكون مفرده شعره شعره !!! قالوا لي
خلاص هدييييييك باقي الأكياس أعمل لينا منها ؟؟؟؟
والله والله أنا ما حصل عملتها لكن شفت بت خالتي بتعملها كيف !!!!
يا زول ما تحلف المؤمن صديق

يا زول عملت ليك بي طريقة التشويه بتاعت أبوبكر حامد و مسكت ليك قطعه قماش كبيره !!
أظنها باقي ملايه !! مسكت طرفين الحله .. و كل 10 أو 20 ثانيه أقلب و أخت في النار !! أقلب
و أخت في النار !!!
يعني كيف دي اشرحها يا مهدي عشان ما تخمنا ساي على قول عبد الرحمن
انت قلت شعيرية ولا شية:confused:
لحدي ما بقى لوناها دايك يا الدهب !! و بعدين كبيت ليك المويه لمن غطيت
الحله !! و بي طرف أصابعي كبيت ليك شويو ملح و أديتها ليك صواته !! الله يكفينا شر الصواته !!
و قمت ضقت ليك الحله و كان الزيت مطفح من فوق لي المويه !!!
بعداك إنتظرت لمن غلت المويه و قررررررررربت تنتهي !! قمت جبت ليك صينيه كبيره و معاها الكمشه
الكبيره !! عشان أصفي باقي المويه و أنشف الشعيريه في الصينيه !!!!
الشي كانت كم كيس؟
عملت كل شئ زي ما شفت من بت خالتي وده كلو كان من الذاكره !!!!
تعرف مرات الصدفة بتلعب دور كبير في الشعيرية
ودي صدفت معاك .. وما تقنعني انك نجحت في عمل الشعيرية من غير تجارب فاشلة ومواقف محرجة .. وانشاءالله لو الله وداني السعودية جهز اكياس الشعيرية ونعمل مسابقة
ونشوف شعيرية منو المظبوطة:cool:
لكن والله طلعت ليك جنس شعيريه !! ياخ لكن ما شعيريه !!!
الجماعه إنبسطوا ليك بسطه !!! لكن الجبانين سموني مهدي شعيريه و منهم يقول لي يا محمود (بتاع الفول في مايو 40 ) !!!
و إنطلقت من الزمن داك و نفعتني الحكايه في الغربه نفع شديد ...
والله بيني وبينك بتنفع شديد في الغربة وعلى قول المثل
"من طالت غربته ظبطت شعيريته" مثل سينغابوري
وزي ما قال أبو آمنه حامد !! أقصد أبوبكر حامد .. ناس مدنيه مفروض يخصصوا لينا صفحة للطبيخ !! عشان

الواحد لما يضطر يطبخ يقوم يفتح المنتدى و يخت اللاب توب في المطبخ و يعمل حاجه حاجه ...!!



والله يا مهدي لو عارفك بالخبرة دي كنت اتصلت عليك زمان
يعني انت وود الماذون وهانم فضل طلعتو خبراء الشعيرية انشاءالله تشعروا بالسعادة دايماً
وانا متأكد البوست بكون استفادوا كتير من المغتربين المصطكين مع الشعيرية
ابراهيم
29-06-2009, 09:28 PM
عبدالرحمن مدثر

اول مرة اعرف الشعيرية ملازمة للفشل.

اتاري كلو ما امشي اخطب يجيبو لي شعيرية :cool:!!

الحكاية دي جايه من اسكتش لجمال حسن سعيد وكان وا قف قون واسمو شعيرية مافي كورة ما خشت فيهو!! يعني الموضوع مجلي.:cool::confused:


انا ذاتي زيك يا حاتم اول مرة اعرف الشعيرية لها علاقة بالفشل العاطفي
ورب صدفة خير من الف ميعاد
غايتو الواحد لو ماشي يخطب يشيل معاو شعيريتو في جيبو:d
ابراهيم
29-06-2009, 09:36 PM
وانا كمان ياخوي عندي جن اسمو ارز بلبن من السودان مهووس بيهو
دة انا عندي معاو حساسية alergic هو حساب المثلثات ناس جتا وظتا
ويوم قلت للعزابة بعمل ليكم تحلية ارز بلبن
وجيت من الشغل بدري وجبت معاي ارز بسمتي:) من بقالة تحت المكتب ودخلت المطبخ وسخنت الموية لمن غلت وفاتت درجة الغليان 2000فهرنهايت ومافوق
وبعد داك قمت كبيت الارز المبلول
وطبعا اتمقلبت كنت مامقدر الكمية كويس وكبيت ليك الكيس كلو فيه كيلو كامل
وتعال بعد داك ياخوي شوف الحلة كل 5 ثواني ماشة زايدة
متخيل معاك والله الرز مرات اخير منو الشعيرية:d
واشيل وانقص في الارز وازيد في الموية ومليت ليك عدة المطبخ كلها رز
ههههههههههههه والله شكلو رز "بسمتي" ابتسم الابتسامة الياها:d
والله كان يوم لا انساه
وطبعا نسيت اضيف الحليب واكتفيت بيهو كدى ولكن اتصرفت قدمتو ليهم كبسة مع الدجاج
ولكن بعد كدى اتدربت وتعلمت شيء وصفات وشيء اتصالات على السودان وماشابه


والله قصتك حزينة عمر ياما حصلت لينا مواقف مع المطابخ والسبب حاجتين انت عارف وانا عارف وكل العزابة عارفين
ابراهيم
29-06-2009, 09:40 PM
جمال حسن سعيد ( حارس المرمى الشهير بشعيرية) حارس مجلي يعني

عشان كدا الشعيرية ملازمة الفشل ذي ما قال ولدنا عبد الرحمن

الا انت يا ابراهومة ( وحلات الشعيرية وسط البرد العندكم دا)


بورتبيل مشتاقين والله ... جماعتك ناس كمبو حليمة بقو يسرقو في الاولاد واحد واحد
شعيرية وفشل عاطفي
شعيرية وجمال حسن سعيد
وشعيرية تلش التي لا يشق لها غبار
تعرف يا بورتبيل قيمة الشيء البتتعب فيهو سنين وتعصر فيهو ثمالة مهارتك لم تنجزو ببقي الفرح كيف؟
يمين كلو دقيقتين امشي اعاين ليها في التلاجة واقول سبحان الله
ابراهيم
29-06-2009, 09:42 PM
عندنا ياحبيبنا حاتم الشعيرية هى مصطلح مرادف للشاكوش



ومصطلح اصبح متعارف عليه (شبابيا ) ..


ومجتمعنا بتاع الجزيرة لسه محافظ على حاجات حلوة


ومنها رمزية الشعيرية .. لانها عند تقديمها تكفيك من الاعتذارات المتكررة


والخوف من رد الفعل (شعيرية والسلام )


لكننى لااعرف لماذا ارتبطت الشعيرية عند الشباب بالفشل


من لديه معلومة عن متى كانت اول وجبة شعيرية قدمت وكانت لها دلائل



بالفشل العاطفى .... فليتقدم



يعني يا ابو عبدة فكرك يجي زول يقول ليك ادوني الشعيرية
يكون بيلو ...؟
انا تاني الشعيرية في بيتنا إلا اسويها انا ذاتي
ابراهيم
29-06-2009, 09:47 PM
هسة يا ابراهيم لو كنت قرشتها ناشفة ساي موش كان اخير ليك


الحبيب مازن مشتاقين والله
ناس ما تظهر إلا مع الشعيرية ..:d
يا انا قرمشت لمن فترت .. وقلنا نجربها بالتريقة الأسلية
ياخ اقرش خمسة اكياس شعيرية
دي اخير منها انفلونزا الخنازير
ابراهيم
29-06-2009, 09:55 PM
الف الف مبروك
الله يبارك فيك يا حبيب اول زول يبارك لي نجاحي



عجبنا ليك وسر بالنا والله


عقبال الدكتوراه ان شاء الله ياخي
آمين ياخ دعوة سمحة كيف ...
اساساً بعد الإبداع دة مفروض
وبدون فخر يعني
يدونا جايزة نوبل في الشعيرية


عارف ؟ طبعن ما حتكون عارف
ذكرتني واحد " شيف " درجه مافي


كان عايز يسلق بيض , قام بكل جرأة كده سأل الجماعه المعاهو في السكن
انتو ياخوانا البيض ده نكب ليهو مويه قدر شنو ؟
والله فعلاً دة شيف درجة مافي
وانت عرفت كيف ياخي انت ذكي بشكل


وطبعن ما نجح زيك كده



تعرف يا سيد البلد دة ما كان شرك والله
كان إبداع يستحق أن ينشر .. يا ريتني اصورها واجيبها
شعيرية زي لساتك القروش
والشيف دة شفيف:d
ابراهيم
29-06-2009, 10:09 PM
يا حليلك ويا سواد ليلك و يا شماتة آبلة ظاظة أقصد عشوشة فيك يا جار
أحمد ربك أنها الأيام دي مافي و الله كان كشفت حالك في الخيران و و سط الشماشة
بي راندوك يدوب التلج الأبيض الفي كندا و شمارو يصل لحدي الخواجة عزيز اللذيذ و ود الماحي في أمريكا
معقولة يا جار عُصارة تجربتك و سنين غربتك الطويلة مابين الشرق و الغرب ترميها في حلة شعيرية :(
الحمد لله والله يا جار نعمل شنو لكن
ما عزابة ومغتربين .. وبعدين بعد الابداع الحصل انشاءالله تشوف الشعيرية حتلقى انتشار واسع في كل الامريكات - انت قايل الشعيرية هينة ولا هينة.
ياخي كُب ليك شوية زيت و كُب ليك شوية موية و جيب الشعيرية و كسرا واحدة واحدة و خليها لمدة ربع ساعة
و بالهنا و الشفاء ، لقيتني كيف يا جار ؟
ما تستبسطهاش يا عم ... والله هي كان كدة كان الشيف صاحب سيد البلد عملها

ود السرور يايمة بخت البتقع فوقي ;) ما شعيرية عزابي أنت كمان عايزا زي شعيرية الصُبحية ديك :eek:

والله بختها يا ود الجاك ولو غلبتك حاجة اخوك قااااعد وخبرتنا بقت واسعة في المجال
ما تبقى واثق شديد كدة لأنو موضوع الشعيرية دة موضوع حساس شديد فقبل العرس وريها مستوى خبرتك في الشعيرية واوع يجيبوها ليك يوم الخطوبة:d



الحمد لله ، و بالهنا و الشفا يا جار ، لكن ظبطت دي بالزين و لا الظاء ظرف ، و الشعيرية

كلو عند العرب صابون اصلو يا جار بعض الحروف بقت تمشي بدل فاقد:d


دي غايتو إملائيا ً بقت كستر و في رواية أخرى عصيدة أو مديدة ;)



والله يا جار ما وقفت معاي في نجاحي
طلعتها لي كلها شماتة ابلة ظاظا وعشوشة
وأخطاء إملائية ..
لكن معاك حق ما ضقت الشعيرية ..
انا متأكد حتغير رايك وتعتبرو ابداع يستحق الوقوف بجانبه
ابراهيم
29-06-2009, 10:18 PM
مخير الله يا برهوته هسع كدا كويس تفضح نفسك مع ود الجاك؟
يا عزيز ود الجاك انا عارف موضوعو غيرة ساااي عشان ما بقدر يظبط الشعيرية بالطريقة الفنية دي
عارف يا ود الجاك عشوشة لو سمعت الكلام دا حتقول الزول دا
طلع كيشة لا بيعرف راندوق ولا طريقة عواسة الشعيرية؟

اول حاجة عشوشة اتعلمت مني الرندوق لا قرش ولا تعريفة وشن عرفها بالشعيرية .. جبنة بس:d

شايف ود المأذون أداهو الوصفة الكاملة لطريقة الطبخ لكن
ما حدد ليه الكميات.. أها زولك دا لو جاب الخمسة أكياس
وكباهن كلهن مع بعض في كباية موية واحدة غايتو شعيريته
دي إلا يأكلها بملاح (أم تكشو)..


والذ حاجة يا عزيز ود الماذون قال الوصفة دي من هانم فضل كان بجيبوها زمان في التلفزيون
غايتو انت وود الماذون يمكن تكونو دفعة واحدة .. وحسب اعتقادي دي الطريقة التقليدية لعمل الشعيرية ... وحقوق الطبع محقوظة لي هانم فضل:d
قال امتكشو قال .. الكلام دة يا عزيز قولو لي زول ما إندو هديدة:d
بورتبيل
29-06-2009, 10:21 PM
ابو عبدة
والله حكاية شاكوش الشعيرية دي أول مرة اسمع بيه
ومن يوم الليلة لو عزموني شعيرية ما باكل
التفاصيل مرة تانية:

وانا كديت مع الاربعة اكياس جنس كد
لغاية ما وجدت في الكيس الخامس
وظبطت الشعيرية
اول حاجة كبيت زيت في الحلة
خليت الزيت غلي شوية
وبي فن وحرص شديدين
بقيت ارمي الشعيرية في الحلة واصوت
ارمي الشعيرية في الحلة واصوت
الشعيرية لونها بقى بين بني وما بني
ومن ثم كشجت فيها الموية
والشعيرية بدت تمتص الموية شوية شوية
اديتها ليك حبة ملح وقدر مناسب من السكر
ايوا وقبل كدة سمنة
والنار تكون خفيفة

والله طلعت شعيرية يمين ما فاضية لبتاعة الصبحية

يا ابراهومة انت متأكد انك جبت من الصوماليين ديل (شعيرية )

ولا حاجة تانية ..؟؟؟

اصلو التحديد باللون الاحمر فيه ايحاءات اخرى

** بمناسبة ناس كمبو حليمة ( قالو سجلو رتشارد - بس ما عارف حا يقعدو سفاري في الكنبة ولا الباشا ولا منو ..)

** اسمع سدومبا دا لا بعرف ريتشارد ولا بعرف سفاري ( كشح شديد ذي كشح الموية في الشعيرية)
الجندي المجهول
29-06-2009, 11:24 PM
والله يا ابراهومة ما كنت في يوم من الايام خاتيك في الحتة دي وبصراحة كنت خاتي ليك صورة تانية عديل كدا ...
كنت مفتكرك النوع الممكن من الفسيخ يعمل شربات وانت من ناس حلة القطر قام وبتجازف تتعشى بي اي حاجة المهم حاجة وراها موية ....
تخرمية .......
في الايمل بتاعك ان شاء الله بتصلك وصفت الكريم شانتي يا برهوتة
شعيرية يا ابراهيم (اسال الله ان يمتعك بالصحة والعافية )
ابراهيم
02-07-2009, 02:23 PM
يا برهوته يا كيشة.. ياخي والله العظيم أمبارح إتصلت عليك
بالهاتف وتركت ليك رسالة صوتية.. يعني لو كان صادفتك كان
شرحت ليك طريقة عمل الشعيرية والسكسكانية ذاتها
لو صادفتك المرة الجاية..
والله يا عزيز وقت اتصلت داك انا كنت متوهط مع الجماعة وما بتفاهم إلا مع bills machine
والوقت اساساً موضوع الشعيرية أنا انجزتو لكن ما مشكلة نعوضها في السكسكانية

ويا للصدفة الغريبة قبل أربعة أيام أخوك عمل شعيرية
بالذبدة ذي ما بقولوا أهلك أولاد بمبة تاكل صوابع وراها..
والجماعة في البيت ما شاء الله وقعوا ليك فيها (قرضوها)
كلها وطلبوا مني أعمل ليهم منها تاني..
قلت ليهم (صحتين)..
هههههه عزيز عليك الله ما تسرح بينا ساي هو قال ليك ساهل كدة تعمل شعيرية ..
بيان بالعمل يا صاحبي ... شايف ود الماذون جاب الـريسيبي ومعاها الاوراق الثبوتية ومهدي غايتو كيف كيف خمانا برضو وانا شاكي في قصتو الهلامية دي.

وعلى فكرة لو مشيت المحلات الكبيرة لبيع الأطعمة
الغذائية مثل walmart حتجدها موضوعة مع المعكرونة
وإسمها بالإنجليزي angel hair قال شعر ملائكة قال.
هههههه بمناسبة الاسامي دي يا عزيز واحد اخونا مشى السوبر ستور وقال ليهم داير aids
قصدو عدس الكاشير قرب يعمل 911. طبعاً اكتر شي متوفر هنا يا عزيز دكاكين العرب اللبنانيين والصوماليين وبرضو المطاعم العربية والافريقية الحمد لله لكن المشكلة مافي زمن للطبيخ رغم الخبرة:d

أما بالنسبة للحمة الحلال.. ياخي خلال زيارتي الأخيرة لكندا
قبل ثلاثة أشهر وفي أثناء مروري بمنطقة (مساساكا)
بمدينة تورنتو لفت إنتباهي كثرة محلات اللحمة الحلال
والمطاعم العربية يمين إفتكرت نفسي في الشرق الأوسط..
على العموم لو إتصلت بي سأعطيك الطريقة السرية
لعمل الشعرية وما تشيل هم.. ولو إتبعت طريقة ود المأذون
غايتو شعريتك دي إلا تشربها شوربة.



انا غايتو مقتنع انو طريقتي دي هي الطريقة الصح لعمل الشعيرية وبهدي البوست للعزابة الفاشلين في عمل الشعيرية الطريقة مضمونة مية مية والعايز يجرب طريقة ود الماذون يجربها لكن انا ما مسئول وود الماذون ذاتو ما مسئول لأنو شيخة الطريقة هانم فضل.
ابراهيم
02-07-2009, 02:26 PM
كنتا عايز أعمل رايح لكن قلتا أشوف ( عِز ) دي بالعاء علم ولا شاء شعيرية ;) [/color][/size]



والله غايتو بالغ جنس بوليغ
نحن ناس فريق المحس أو فريق الحفرة من ناحية تانية
مكان يهابه الحناكيش وما شابه ...
ويطلق عليهم اسم الخناشير ما ناحية تانية برضو
ودة عنوان الجواب
ابراهيم
02-07-2009, 02:27 PM
واللــه يا برهوته



حلاتك وانت مع الشعيراراراارااايه


لكن اخوك لاحقــك



في المطبـــخ صفــر



لاحقني دي تعال فسرها لي يا محمد
انت لو قاصد كيشة مسلن فانا ما كيشة
ولو قاصد معلم تكون اوفيت وكفيت
لكن حركات انا واخوي الكاشف دي ما تعملها لي:d
ابراهيم
02-07-2009, 02:33 PM
يا ابراهومة انت متأكد انك جبت من الصوماليين ديل (شعيرية )

ولا حاجة تانية ..؟؟؟

اصلو التحديد باللون الاحمر فيه ايحاءات اخرى

** بمناسبة ناس كمبو حليمة ( قالو سجلو رتشارد - بس ما عارف حا يقعدو سفاري في الكنبة ولا الباشا ولا منو ..)

** اسمع سدومبا دا لا بعرف ريتشارد ولا بعرف سفاري ( كشح شديد ذي كشح الموية في الشعيرية)


والله شعيري يا بورتبيل لونها اصفاااااااااااار ومايل للذهبي
ملفلفة زي الكنافة النابلسية او لساتك القروش في رواية اخري
اها شوف الوصف دة كويس ولا ايحاءات ولا حاجة.

اصلو جماعتك يا صاحبي بتاعين بواقي وانشاءالله يجيب ليهم كاس الابطال
هو ذاتو ريتشارد كان ما شعيرية كان مشي هناك:d
ابراهيم
02-07-2009, 02:38 PM
والله يا ابراهومة ما كنت في يوم من الايام خاتيك في الحتة دي وبصراحة كنت خاتي ليك صورة تانية عديل كدا ...
كنت مفتكرك النوع الممكن من الفسيخ يعمل شربات وانت من ناس حلة القطر قام وبتجازف تتعشى بي اي حاجة المهم حاجة وراها موية ....
تخرمية .......
في الايمل بتاعك ان شاء الله بتصلك وصفت الكريم شانتي يا برهوتة
شعيرية يا ابراهيم (اسال الله ان يمتعك بالصحة والعافية )


ههههههههه صورة كيف يا كرمبو ..!!
والله اخوك خنشور درجة اولى وما طالبني حليفة واتمني الظروف تجمعنا يوم يا كرمبو
خليك من القطر قام .. بتعرف الكوجا يا الجندي .. اها اخوك كان رائد الكوجا في زمان ومكان ما
اما بالنسبة الشعيرية فحالف من سنين اظبطها
وأخيراً نجحت
ويا ريت لو في امكانية عزومة في المنتدي
والله كان تآمنو بالشعيرية ذاتو

اها رجع الصورة القديمة يا صاحبي
ابراهيم
02-07-2009, 02:43 PM
http://i259.photobucket.com/albums/hh304/white-cat/58uw1.jpg


دي صورة اقرب لي الشعيرية المنجزة
مع اختلاف الصحن
عمران حسن
03-07-2009, 10:40 AM
بالصدفة كنت بفتش لي في لحمة "حلال" من ناحية الذبح يعني
المهم لقيت دكان مكتوب عليو "halal" واصحابو صوماليين يعني مسلمين
لكن للأسف ما لقيت عندهم لحمة
لكن لقيت عندهم شعيرية ..
وانا لي تقريباً ستة سنين ما أكلت شعيرية
المهم اخدت خمسة أكياس شعيرية
وقبل ما ابداء في عملية الطبيخ فكرت
يا ربي اتصل على الحاجة - لكن الزمن ما مناسب الناس بكون نايمين
فرق الزمن مسبب لي مشاكل كمية
قلت ياخ اجازف معاها ..
الكيس الاول راح شمار في مرقة
يشهد الله الشعيرية بقت زي الكستر ومافي زول يسألني كيف
المرة التانية غيرت خطة طبيخ الشعيرية
برضو ما نفع!
وضاع الكيس التاني
ومن بعده الكيس الرابع!


لو جتيني كنت عملتها ليك عصيده

موفق
بورتبيل
06-07-2009, 11:42 PM
يا ابراهيم

معليش جيناك راجعين تاني

يا الحبيب وريني كيف اصل ليك - اصلي ولله مغروض فيك جنس غرض

لا رسالة خاصة بتلحقك ولا ايميل عندنا ليك .. ولا رقم تلفون

عليك دينك ورينا نصل ليك كيف بسرعة جدا
بورتبيل
06-07-2009, 11:59 PM
راجع بريدك على الـ Yahoo.com
ابراهيم
07-07-2009, 04:02 PM
يا ابراهيم

معليش جيناك راجعين تاني

يا الحبيب وريني كيف اصل ليك - اصلي ولله مغروض فيك جنس غرض

لا رسالة خاصة بتلحقك ولا ايميل عندنا ليك .. ولا رقم تلفون

عليك دينك ورينا نصل ليك كيف بسرعة جدا



يا بورتبيل خلى حركاتك لي قالو ليك انا عايش في برج البرلس ولا ايه؟
نتفاهم بهناك يا خوي عشان البوست تبع الشعيرية وكدا
chocolat00
07-07-2009, 04:48 PM
:) she3iria fe3lan ma sahla ya khoy ...... Bs 3aiza a3ref akhiran nj7ta f shno ????? Mosh da3o l akyas kolaha
ابراهيم
07-07-2009, 04:59 PM
:) she3iria fe3lan ma sahla ya khoy ...... Bs 3aiza a3ref akhiran nj7ta f shno ????? Mosh da3o l akyas kolaha



مش عليك الله ... في ناس هنا عاملين فيها معلمين يقولو ليك كب موية وزيت وشنو ما بعرفو
"الفي البر عوام" مثل بوليفي
لا لا يا شوكلاتة ... الكيس الخامس ما ضاع
ولا زلت محتفظ باالفاضي
محمد النويري-الفقراء
07-07-2009, 09:50 PM
كان تتصل بي يا ابراهيم وفي اي وقت لاني قاعد منظراتي كبير وعندي وصفة لكل شي كنت حاوريك كيف تعمل الشعيرية لكن انا ما مسؤول عن النتيجة .. هههه وماحصل سويت الشعيرية بعرف آكلها بس
ابراهيم
08-07-2009, 08:22 PM
كان تتصل بي يا ابراهيم وفي اي وقت لاني قاعد منظراتي كبير وعندي وصفة لكل شي كنت حاوريك كيف تعمل الشعيرية لكن انا ما مسؤول عن النتيجة .. هههه وماحصل سويت الشعيرية بعرف آكلها بس



ود النويري
البركة البتعرف تاكلها ..
في ناس اكل الشعيرية مجهجهم لأنو بصراحة بتتلايق
يعني تشيل واحدة تلقى الصحن كلو بي قفاها ..
انا ما عارف الاكتشف الشعيرية دة منو
chocolat00
11-07-2009, 11:49 AM
مش عليك الله ... في ناس هنا عاملين فيها معلمين يقولو ليك كب موية وزيت وشنو ما بعرفو
"الفي البر عوام" مثل بوليفي
لا لا يا شوكلاتة ... الكيس الخامس ما ضاع
ولا زلت محتفظ باالفاضي

aha ...hhhhhhhhh kwaies mo7tafed b l fadi kaman ya ibrahimo
ابراهيم
12-07-2009, 07:09 PM
aha ...hhhhhhhhh kwaies mo7tafed b l fadi kaman ya ibrahimo


كيف ياخ دي حاجة تاريخية
التوثيق أهم حاجة يا شوكالاتة