تزوج مصرية وريح نفسك لأنها أكثر وفاءاً من السودانية

[أبوحراز]

هل قابلتكم إمراة تبكي على زوجها لمدة عام كامل بعد أن مات
أي وفاء هذا ؟؟
سكبت كل دموعها الساخنة
وبللت بها جسمها
كانت تبكي ليلاً ونهاراً على فراقه الأليم
وتحدث معها كل الأهل والأقارب بان ترضى بقضاء الله وقدره
وأن تحاول أن تنساه
فرفضت كل ذلك واصبح البكاء الصادق ملازماً لها في كل الأوقات
كانت تقول لهم لقد كان يحبني بصدق
وكان يتألم لألمي أكثر مني
كان مثالاً للرجل الوفي الشهم الشجاع الصادق
وأتتها صديقتها بعد عام كامل من الوفاة لتعزيها
وفي البداية بدأت تصب جام غضبها على صديقتها
الا أنها تراجعت حينما قالت لها صديقتها إنني كنت محبوسة نسبة لوفاة زوجي
فقالت لها وهل أنتي تزوجتي ؟
فردت عليها 00 نعم لقد كنت متزوجة من زوجك المتوفي ولي منه ابن وبنت
فلم تصدق 00 ولكن أثبتت لها ذلك بالدليل القاطع
ومن ثم توجهت الزوجة المكلومة الى المقابر
واستاجرت بعض الشباب وأخرجت جثة زوجها
وصبت عليها بنزين وأحرقتها
وأدخلته نجيضاً ومستوياً الى القبر
قال وفية قال !!!!!

[nehroo]

المصرية أكثر وفاءً ؟؟
صدقاً أم تمثيل ..
في الواقع حالياً لدي أمثلة
لزيجات سودانيين من مصريات
لم تكن ناجحة ..

[أبوحراز]

المصرية أكثر وفاءً ؟؟
صدقاً أم تمثيل ..
في الواقع حالياً لدي أمثلة
لزيجات سودانيين من مصريات
لم تكن ناجحة ..


هي كان وفية حرقت المرحوم ؟؟؟

[nehroo]

هي كان وفية حرقت المرحوم ؟؟؟

الحرقت المرحوم دي يمكن هندية ؟

[أبوحراز]

الحرقت المرحوم دي يمكن هندية ؟


ظريفة هندية دي
قبل مدة بالسودان واحدة صبت له موية سخنة كانت تغلي بالحلة
كشحت كل هذا الماء الساخن في وش الزوج المسكين
الغريبة قعدت تبكي بحرارة بعد أن تم أخذ الزوج المحروق للمستشفى
بل ومارضته ولم تفارقه نهائيا
ياخي نسواننا طيبات جدا

[بت أم درمان]

المرا دي ما عندها مخ

اها وبعد حرقته شنو كان احساسها يا ربي

وكان بي مخها تحزن عليهو سنة كااااملة ؟

[حسام التنين]

يأخواتنا لو كنتوا في مكان المراء دي احساسكم بكون شنو
بعد عام كامل من العزاب



وللأعضاء الكبار في السن

ردة الفعل بكل صراحة بعد قراءة الموضوع؟

وللأعضاء المقبلين ع الزواج والمتزوجين جديد لنج:-

هل ممكن تعمل عملية زي دي مع زوجة وفية؟

[عبدالرحمن مدثر]

وبالجانب الاخر السودانى اكثر وفاءا من المصرى

لانه حتى لو خرج الحب من الباب الكبير لكنه (زول حساب)

بصون العشرة .. وبعاين للاهل والشجرة الكبيرة...

اما المصرى فماذكرته يوضح الحقيقة ...!!

يااخ نحن ناس طيبين شديد

مابنشبه زول فى صفاتنا

[أبوحراز]

المرا دي ما عندها مخ

اها وبعد حرقته شنو كان احساسها يا ربي

وكان بي مخها تحزن عليهو سنة كااااملة ؟

بت أم درمان
الزولة مصدومة
يعني هي تبكي ياجماعة وفاءا لزوجها لمدة عام كامل
والمرحوم متزوج عليها
صراحة يستاهل

[حسام التنين]

المرا دي ما عندها مخ

اها وبعد حرقته شنو كان احساسها يا ربي

وكان بي مخها تحزن عليهو سنة كااااملة ؟

مغصة بس لو انت كان عملتي شنو ؟ماقصدي حاجة لكن الراجل حركتوا بايخة جدا جداجدا

[أبوحراز]

مغصة بس لو انت كان عملتي شنو ؟

tinin ana

شكراً على المشاركة والكلمة عند بنت أم درمان
ولكن أذكر أن جدي قرر أن يتزوج بدون أن تعرفه حبوبتنا
فهي صعبة جدا
المهم يوم وقع الجزلان وهي وجدت الجزلان
طوالي شالت القروش ورمت الجزلان في جزر الواق واق
زولك يدخل ويمرق وماقادر يقول جزلان العرس وقع
لأنو عارف انها حاتشمت عليهو
اها بقت كل يوم تزيد في الأكل
يعني يجيب كيلو لحمة
تقوم هي تمشي السوق تجيب كيلو زيادة
وعمك ماشاء الله مبسوط
واتكيف منها شديد واعتذر ليها
وفي لحظة حميمية ذكر لها موضوع الجزلان
فقالت ليهو : اها والأكل الكل يوم بتاكل فيهو دا من وين
دا ماجزلان العرس ؟؟

ولكن للأسف جدنا لم ينس هذه الغبينة
فتزوج بقروش فراش حبوبتنا
اي بعد ما ماتت بأسبوع واحد
وكانت والدتي وخالاتي زعلانات جدا
فقلت للوالدة حارقة اعصابك في شنو
هي أمك دي نانسي عجرم وللا نانسي عجرم !!!

[بت أم درمان]

بت أم درمان
الزولة مصدومة
يعني هي تبكي ياجماعة وفاءا لزوجها لمدة عام كامل
والمرحوم متزوج عليها
صراحة يستاهل

ههههههههه

والله ضحكتني بي يستاهل دي

عارف ؟ هو يستاهل الحرق فعلا اذا كان حي

كان حرقته وشوشوته وسمعت كواريكه بي اضانه

بس بعد مات وفات شنو الفائدة

كان تحرق المرا والاولاد طيب

مش هي كانت صديقتها

وتمشي وتجيها؟

[بت أم درمان]

مغصة بس لو انت كان عملتي شنو ؟

ياخ ما تقول لي لو انتي ياخ

بزعل منك والله

ربنا يخليهو لي ويطول عمره

ويكون يومي قبل يومه

بس عموما كدا بقول حسبي الله ونعم الوكيل

[حسام التنين]

ياخ ما تقول لي لو انتي ياخ

بزعل منك والله

ربنا يخليهو لي ويطول عمره (امين يارب ماقايل كده )

ويكون يومي قبل يومه (بعد الشر عليكم ان شاء الله)

بس عموما كدا بقول حسبي الله ونعم الوكيل



ماتفهميني غلط انا بسأل عن الاحساس بس وربنا اخليكم لي بعض

[حسام التنين]

tinin ana

ولكن للأسف جدنا لم ينس هذه الغبينة
فتزوج بقروش فراش حبوبتنا
اي بعد ما ماتت بأسبوع واحد
وكانت والدتي وخالاتي زعلانات جدا
فقلت للوالدة حارقة اعصابك في شنو
هي أمك دي نانسي عجرم وللا نانسي عجرم !!!



عليك الله مادوك دقعة واتفشوا المغصة دي (ولا الكلام ده تحت تحت)

[أبوحراز]

ههههههههه

والله ضحكتني بي يستاهل دي

عارف ؟ هو يستاهل الحرق فعلا اذا كان حي

كان حرقته وشوشوته وسمعت كواريكه بي اضانه

بس بعد مات وفات شنو الفائدة

كان تحرق المرا والاولاد طيب

مش هي كانت صديقتها

وتمشي وتجيها؟

الغريبة يا بت أم درمان الزوجة الجديدة ناقشة كل شيء
وعارفة الموضوع
لكن ياحسرتي على الزوجة { الأصلية } { اليابانية }
ماجايبة خبر للدنيا

على قول واحدة قريبتنا لسانها ماشاء الله قدر سكك حديد السودان
وعاملة ليك الراجل زي { الدبدوب } بس لعبة في يدها
كل ماتمشي ليها بكاء او عرس
والله انا راجلي قلت ليهو وقلت ليهو
وبسمع كلامي
ومابيطلع نهائي
من البيت للنادي
ومن النادي للبيت
اها واحدة قالت ليها عليك الله ماتكوركي فينا
أنا النادي !!!!!!!

[أبوحراز]

عليك الله مادوك دقعة واتفشوا المغصة دي (ولا الكلام ده تحت تحت)

ياخي واحدة من الخالات حتى اليوم زعلانة من كلامي
وبتكره ليك نانسي عجرم زي ما أنا بكره ملاح القرع

لكن عاوز الصراحة وللا غيرها
هن وفيات اكثر

يعني الواحدة بتكون في حالة حزن مدة طويلة بعد وفاة زوجها
ولكن الجماعة مابيرحموها الا تتزوج تاني

[الخواض محمداحمد خواض]

فى نهاية الامر تزوج مسلمه وانت ترتاح واكيد إذا اخبرتها بانك سوف تتزوج (كما امر الشارع ) فاكيد لن تحرق شى وسوف ترضى بقضاء الله.
ايه رايك يا ابو حراز

[المسافر]

بصراحة كده غلطان المرحوم


وموضوع الوفاء ده أعتقد حاجة نسبية
بختلف على حسب الفهم له ، ولكن
للأسف مستحيل أن يكتسب !!!!!!

[حاتم مرزوق]

عليك الله مادوك دقعة واتفشوا المغصة دي (ولا الكلام ده تحت تحت)

تعرف يا عم tininana في الزمن ده الناس بقو صعبين خلاص لكن زمنكم الناس طيبين كان زمن خير والنسوان ديل عزيزات مكرمات هسة شوف الفرق بين حبوبات الزمن دة والحبوبات المشلخات في زمنكم -فرق شاسع.

الله يديم المعروف

[أبوحراز]

فى نهاية الامر تزوج مسلمه وانت ترتاح واكيد إذا اخبرتها بانك سوف تتزوج (كما امر الشارع ) فاكيد لن تحرق شى وسوف ترضى بقضاء الله.
ايه رايك يا ابو حراز

الخواض
قال ترضى قال !!!
بنت أختي حافظة القرءان من الفاتحة حتى الناس
ومتفقهة جداً في الدين
وتقوم بتدريس مجموعة كبيرة من النساء
وكل يوم مواعظ
لاخلت لينا رمضان
ولاصلاة
ولاجهاد
يوم قلت ليها يابتي ليه ماتقنعي النسوان عن التعدد وفوائده
فقالت لي { إلا دي }
النسوان ديل لسه ماعارفات يتوضن كيف
تقوم تقول لينا تعدد !!!

اها أكيد سمعت بالمغتربة الكان راجلها عاوز يتزوج عليها
والنسوان مغيوظات منها وكل يوم يجيبن ليها في سيرة تهديد الراجل
اها قامت قالت ليهن
لو عاوز يعرس ما يعرس
نحن بنينا الأولاد
وطهرنا البيت !!!!

[أبوحراز]

تعرف يا عم tininana في الزمن ده الناس بقو صعبين خلاص لكن زمنكم الناس طيبين كان زمن خير والنسوان ديل عزيزات مكرمات هسة شوف الفرق بين حبوبات الزمن دة والحبوبات المشلخات في زمنكم -فرق شاسع.

الله يديم المعروف

أخوي حاتم
والله حبوبات بكل معنى الكلمة
حبوبات اليوم تلقاهن { مطقمات }
حتى الموبايل لازم يكون زي لون الشنطة

لدينا قريبة متزوجة منذ 40 سنة وهي حبوية وأم لأحفاد كثيرين جدا
صدقني لاتنام نهائياً الا بعد أن تطمئن على دخول زوجها الى البيت
يعني مرات عمك يلفح العمة ويمشي بكاء
زولتك تكون مساهرة حتى الصباح

هسي عليك امان الله تتونس معاها
كان تلقاها شخرت
والمشكلة مرات تصحى نص الليل
وتقول ليك { قوم ياراجل جيب لي موية }

[باسطه]

تعرف يا عم tininana في الزمن ده الناس بقو صعبين خلاص لكن زمنكم الناس طيبين كان زمن خير والنسوان ديل عزيزات مكرمات هسة شوف الفرق بين حبوبات الزمن دة والحبوبات المشلخات في زمنكم -فرق شاسع.

الله يديم المعروف


عم tininana :eek:

الكلام ده كده ماكتير يا اخونا حاتم الزول ده دفعتي ( صغير وجاهل )

بعدين تبع حبوبات الزمن ده ماحبوبات زمن التشلخ

حسام الدين طلعته جدو وأحنا ماعارفين هههههههههههههههههههههه

والله بضحك لي ساعه ماقادر أتخيل شكلك ياعمو حسام :p

[حاتم مرزوق]

عم tininana :eek:

الكلام ده كده ماكتير يا اخونا حاتم الزول ده دفعتي ( صغير وجاهل )

بعدين تبع حبوبات الزمن ده ماحبوبات زمن التشلخ

حسام الدين طلعته جدو وأحنا ماعارفين هههههههههههههههههههههه

والله بضحك لي ساعه ماقادر أتخيل شكلك ياعمو حسام :p

عارفو يا باسطة لكن بجضم ليك فيهو شوية :confused::confused:

عمله لي قبل كدا ;):cool:

[أبوحراز]

بصراحة كده غلطان المرحوم


وموضوع الوفاء ده أعتقد حاجة نسبية
بختلف على حسب الفهم له ، ولكن
للأسف مستحيل أن يكتسب !!!!!!

أخي المسافر
كان الوفاء سابقاً يمشي على قدمين
والله من الطرفين
لكن اليوم اصبح له راياً آخر
ياليت لو نكون جميعاً اوفياء !!!!

[حسام التنين]

عارفو يا باسطة لكن بجضم ليك فيهو شوية :confused::confused:

عمله لي قبل كدا;):cool:


عليك الله ماشايف البرائة الفي البروفايل بتاعي

لكن طلعت حاقد حقود

كدي تعال في النفاج شوف بسوي فيك شنو؟؟

[حاتم مرزوق]

عليك الله ماشايف البرائة الفي البروفايل بتاعي

لكن طلعت حاقد حقود

كدي تعال في النفاج شوف بسوي فيك شنو؟؟

لذيذ ما شاء الله

لا تعال انت في ود مدنيات ;):confused:

[الخواض محمداحمد خواض]

نحن بنينا الاولاد

وطهرنا البييييت

ولله لقد اضحكتنى

فهن ناقصات عقل و

[أبوحراز]

شنو ياجماعة ليه المشاركات النسائية قليلة
نحن هنا ندافع عن المرأة السودانية بطريقة غير مباشرة

[بنت النيل]

هي ما وفيه هي غبيه غباء محكم
هل يفيد الشاه سلخها بعد ذبحها؟
وبرضو السودانيه اوفى من المصريه

[أبوحراز]

هي ما وفيه هي غبيه غباء محكم
هل يفيد الشاه سلخها بعد ذبحها؟
وبرضو السودانيه اوفى من المصريه

المهم يابنت النيل الزولة انتقمت لأنوثتها
لكرامتها
لوفائها بعد وفاته
بكت لمدة عام كامل وهي لاتدري أن ابن اللذين آمنوا متزوج

لن أختلف معك على وفاء المراة السودانية
فهي إما تحبك حتى تستغيث
وإما أن تكلاهك حتى تستغيث

شاهدت موقفاً قبل فترة ألمني جدا
فقد اختلف سوداني وزوجته معنا هنا بالسعودية
والله المراة طيبة جداً ولكن زوجها قاسي
تحملت كل شيء
ولكن اصر على أن يطلقها
المهم فصلناهم لفترة مؤقته ريثما ترجع المياه الى طبيعتها
وتشاء الظروف أن الزوج تقرر له إجراء عملية عاجلة لبتر ساقه
وحينما احضرناه من مستشفى في مدينة أخرى
وراته هذه الزوجة نست كل شيء
وبكت بحرارة وضمته اليها
ورجعت اليه في نفس اليوم من أجل أن تمارضه
وحينما شفي وعادت له صحته طلبت الطلاق مرة اخرى 00 سبحان الله

[عوض الكريم الخواض]

أجمل الأخلاص أخى أبو حراز ...
أن نخلص للمولى عز وجل ...
فهو الذى خلقنا ويعلم ما ينفعنا وما يضرنا ...
والمرأة فى قضية التعدد تكون أقرب للكفر من الأيمان .

[أبوحراز]

أجمل الأخلاص أخى أبو حراز ...
أن نخلص للمولى عز وجل ...
فهو الذى خلقنا ويعلم ما ينفعنا وما يضرنا ...
والمرأة فى قضية التعدد تكون أقرب للكفر من الأيمان .

أخي الخواض
حينما نخلص لله سبحانه وتعالى نذهب وننام ونحن مطمئنون
والاخلاص لله هو بوابة الدخول للتصالح مع النفس
ومن ثم مع الآخرين
قليلات يا أخي من ترضى بالتعدد
وهن حالات نادرة جداً
أحياناً حينما تناقشها في هذا الموضوع تتحداك بعضهن وتقول لك سأخطب ليك
ولكن حينما يأخذ الموضوع طابعاً جدياً تنزل الطامة الكبرى
بل ويتحول البيت الى جحيم
وخاصة جيل اليوم يتصدى بكل عنف للتعدد

[عزيز عيسى]

الزول الحكاي الظريف ود الشيوخ أبوحراز
ياخي سعيد جدا بوجودك معنا هنا..
وأخوك من المعجبين والمتابعين لكتاباتك
وحكاويك الهادفة.

بالنسبة لأهلنا السودانيين قالوا الواحد
لو عندو (جزلان) كبير بيعرس مثنى وثلاث
ورباع ويخلف فريق كرة قدم مكون من 11
لاعب بالإضافة الى الإحتياط والباقين مشجعين.
تفتكر حيلقى وفاء من الزوجة رقم كم؟

[أبوحراز]

الزول الحكاي الظريف ود الشيوخ أبوحراز
ياخي سعيد جدا بوجودك معنا هنا..
وأخوك من المعجبين والمتابعين لكتاباتك
وحكاويك الهادفة.

بالنسبة لأهلنا السودانيين قالوا الواحد
لو عندو (جزلان) كبير بيعرس مثنى وثلاث
ورباع ويخلف فريق كرة قدم مكون من 11
لاعب بالإضافة الى الإحتياط والباقين مشجعين.
تفتكر حيلقى وفاء من الزوجة رقم كم؟


شكرا ياعزيز عيسى على الإعجاب
وهكذا حظنا السيء لاندري كيف نعيده الى سكته
فكل المعجبين بكتاباتي رجاااااااااااااااااااااااااااااااااااااااااااااااا اال
وهذا شيء يحز في النفس ويصيب الإنسان بالإحباط

مرة في السعودية أحد اصدقائي الأطباء كنا في حفل وداع لأحد الأخوة
وكل الحفل رجال
فطلب مني أن أواصل التصوير من بعده بكاميرا الفيديو
فقلت له لايمكن أن اصور حفلاً كل حضوره رجال
قرأت كلية الزراعة كانت كل الكلية مذكر وتوجد بها بنت واحدة في المعامل
وحبوها 63 واحد من ناس الكلية
قرأت كلية الإعلام بجامعة أم درمان الاسلامية
وبالطبع ليس هناك داع لأكلمك عنها
فلا تستطيع أن تدخلها الا وأنت متوضيء
مرات مرات يصيبها رذاذ الأنوثة يوم الأحد والثلاثاء على ما اعتقد
حيث تأتي بنات اعلام الى السجانة للمكتبة
ساعود لحكي لك عن القروش والجزلان والزواج

[صديق بلال]

فى نهاية الامر تزوج مسلمه وانت ترتاح واكيد إذا اخبرتها بانك سوف تتزوج (كما امر الشارع ) فاكيد لن تحرق شى وسوف ترضى بقضاء الله.
ايه رايك يا ابو حراز


أنا أؤيد كلامك بقوة.. لأن الأصل في الزواج هو التعدد.. أليس كذلك؟والواجب على المؤمن أن يتعامل مع الأمور والأزمات من منظور الشريعة الإسلامية " إن أصابته سراء شكر، وإن أصابته ضراء صبر"

[أبوحراز]

أنا أؤيد كلامك بقوة.. لأن الأصل في الزواج هو التعدد.. أليس كذلك؟والواجب على المؤمن أن يتعامل مع الأمور والأزمات من منظور الشريعة الإسلامية " إن أصابته سراء شكر، وإن أصابته ضراء صبر"

شكراً اخي صديق على المشاركة
لكن يبدو لي أن الله لم يترك التعدد على عواهنه بل قيده بشروط
أيام والدي ووالدك كانت كل الأمور ميسرة
ولم تكن هناك اي صعاب في مسألة التعدد
وأنا الذي أمامك أتيت بالزواج الثاني
ولكن الظروف الحالية صعبة جداً من نواحي كثيرة جداً
فلو قدر الواحد على زوجة واحدة وقام بدوره على أكمل ما يكون حينها تكون نعمة والله
الاحظ تشتت الكثير من الأسر بسبب الضائقة المالية
وإن كنت اؤمن بأن رزق الثانية ليس له علاقة بالأولى
ولكن اعرف الكثير من الأطفال الذين تشردوا بسبب عدم مسئولية الوالد عنهم
كما أنه نتج الكثير من الممارسات الاجتماعية الغير سوية
بسبب اهمال بعض الاباء لأسرهم
حمانا الله واياكم
والله بيني وبينك الواحد لو ما بيستحي بس يقعد ساي بدون عرس
قال يعرس التانية قال !!!!

[ابوخالد]

أحبائى لكم التحية والود
فى رأى إنو كمية الوفاء وجنسيته وعمقه

مرهون بكميةالورثه ونوعيتها ... يعنى المرحوم خلى شنو وراه

[أبوحراز]

أحبائى لكم التحية والود
فى رأى إنو كمية الوفاء وجنسيته وعمقه

مرهون بكميةالورثه ونوعيتها ... يعنى المرحوم خلى شنو وراه

كيف يا ابوخالد
لك التحية
اليوم أرجعتني الى ظاهرة غريبة جداً في اسرة والدتي
فلدينا الكثير من الأقارب اللائي مات أزواجهن
صدقني كثيرون منهم لم يتركوا عمارت بالمنشية
أو دكاكين بالسوق العربي
أومحلات بالقرب من عفراء مووووووووووول
كل ماتركوه من ورثة مجرد سبح ومصالي وأباريق
وكمان شنو معاها شوية ديون
المشكلة التي تحيرني ومازالت تحيرني حتى اللحظة
بل لم اجد لها اي تفسير
أن كل واحد من هؤلاء حينما يموت تتصلح أحوال الأسرة بعد الوفاة مباشرة
يعني قبل الوفاة تدخل البيت عليك أمان الله فاااااااااااار مافيه
لكن بعد الوفاة شيء سراير ماليزية
وثلاجات تدخل لأول مرة
وسراميك كمان
يعني بعد المرحوم الحياة تفتح كل ابوابها على ناس البيت
دائماً أتحسر واقعد مع زوجتي وأحكي لها انني رغم اجتهادي
وعملي ليلاً ونهارا
والشطارة الفايتة الحد
والعمل مدير مكتب بوزارة مهمة
الا أنه رغم ذلك فظروفنا لم تتحسن
فتقول لي انت عارف براك { السبر } حقكم
ما حاتتصلح الظروف الا بعد نقرا عليك الفااااااااااااااااااااااااتحة !!!! ياساتر
قال سراير ماليزية قال !!!

[ابوخالد]

فتقول لي انت عارف براك { السبر } حقكم
ما حاتتصلح الظروف الا بعد نقرا عليك الفااااااااااااااااااااااااتحة !!!! ياساتر
قال سراير ماليزية قال !!!
ـــــــــــــــــــــــــــــــــــــــ


والله ياأبوحراز ضحكتنى وأنا فى عز الحر قاعد

فى مكتب الموقع .. 10 دقائق وأنا بضحك .. واحد سورى

قاعد قدامى مفتكر أسلاكى ضربت .....

لك منى كل الود

[محمد النويري-الفقراء]

ازيك يا ابو حراز انا شخصيا لا اؤمن بغير السودانية فهي طيبة ومسكينة وكثير منهن بحترمن اهل راجلن لكن المصرية ما دايرة غير راجلها وبس !!!!!!!!!!!!!!!!
البعض من السودانيات ممكن تتهور لو عرفت راجلها داير اعرس فيها ودي انا اعتبرها غيرة والاسلام كلمنا عن غيرة المرأة وما فيها حاجة

[أبوحراز]

فتقول لي انت عارف براك { السبر } حقكم
ما حاتتصلح الظروف الا بعد نقرا عليك الفااااااااااااااااااااااااتحة !!!! ياساتر
قال سراير ماليزية قال !!!
ـــــــــــــــــــــــــــــــــــــــ


والله ياأبوحراز ضحكتنى وأنا فى عز الحر قاعد

فى مكتب الموقع .. 10 دقائق وأنا بضحك .. واحد سورى

قاعد قدامى مفتكر أسلاكى ضربت .....

لك منى كل الود


أبو خالد 00 ما اصعبها وأغلاها الابتسامة في هذا العصر
دائماً تجدني سعيداً حينما أمنح الآخرين ولو نصف ابتسامة

صدقني مات كل هؤلاء ولم يتركوا لنا غير هذه المصالي والأباريق
وأنا شخصياً كلما أنظر اليها أصاب بإكتئاب حاد وآلام مبرحة في الجهاز العصبي
ومعهما تهتك بالقولون
ياخي ناسنا بس ناس { دين وصلاة }
لاينظر نهائياً بأن هناك أجيال ستأتي من بعدهم
جدي لوالدتي أنصاري على السكين
وكان لايترك لنا في البيت لادقيق ولاكسرة حينما يأتي مجموعة من الأنصار
والله يومها نكاد نموت بالجوع
بل أحياناً يحضرهم لعمل ليالي دينية
وأذكر حينما كنا صغاراً كانت الوالدة تجمعنا من المغرب وتقول لنا تعالوا اتعشوا
فنقول لها لسه بدري
فتقول جدكم الليلة عازم الأنصار
وما حا يخلي في البيت لا أخضر ولا يابس
وفعلاً حينما ياتي هؤلاء القوم يكنس البيت كنس ويخليه نظيف
حتى الغنمايات يمصهن مص ولايترك لنا قطرة لبن واحدة
فنشرب شاي الصباح ساااااااااااااااااااادة
هذا ان ساعدتنا الظروف وكانت هناك حفنة سكر منسية!!!
ساحكي لك عن وفاته وعن ورثته الضخمة


مات جدي عليه رحمة الله وكان يلبس كالعادة تلكم الجلابية ذات الستة جيوب
ووجدنا أحد جيوبه منفوخاً لدرجة غير طبيعية
فكان هذا هو الجزلان وكان مليئاً الى حلقه
ولكن إمام المسجد طلب عدم فتح الجزلان الا بعد نهاية العزاء
وأن تكون كل الأسرة موجود
حتى لايظلم أحدنا الآخر
ووالدتي مسكينة جدا
وهي تتنازل عن كل شيء
ووجدت فرصة بصعوبة بالغة
وقلت لها : هووووووووووووووووي ماتسيبي حقك في الورثة
فقالت لي ياولدي انت في شنو والناس في شنو
المهم كنا على أحر من الجمر بان ينتهي هذا العزاء
وفعلاً اجتمعنا بعد نهاية الفراش
وفتحنا الجزلان المحترم المعتبر
اول ورقة قابلتنا فيه أن حاج ابكر الفلاتي يطلب جدنا 20 الف جنيه
والباقي وجدناه { راتب الإمام المهدي }
والغريبة من جزئين وليس جزء واحد
ومجودة ومربوطة بطريقة عجيبة جدا
فأصبنا لحظتها باحباط شديد
بل طلب مني المساهمة بمبلغ 5 آلاف لتسديد ديون حاج ابكر
قال ورثة قال !!!!
بالمناسبة كتاب الأدعية هذا والذي وجدناه في جيب المرحوم
مازال معلقاً بالجدار حتى اليوم
ودائماً مايغيظني خالي حينما أذهب اليهم فيقوم بانزاله
ويقول لي أقرا ليك حاجة تنفعك في آخرتك
تقول نحن الدنيا شفنا ليها شيء وللا شفنا ليها شيء
قال آخرتك قال !!!!

[صديق بلال]

شكراً اخي صديق على المشاركة
لكن يبدو لي أن الله لم يترك التعدد على عواهنه بل قيده بشروط
أيام والدي ووالدك كانت كل الأمور ميسرة
ولم تكن هناك اي صعاب في مسألة التعدد
وأنا الذي أمامك أتيت بالزواج الثاني
ولكن الظروف الحالية صعبة جداً من نواحي كثيرة جداً
فلو قدر الواحد على زوجة واحدة وقام بدوره على أكمل ما يكون حينها تكون نعمة والله
الاحظ تشتت الكثير من الأسر بسبب الضائقة المالية
وإن كنت اؤمن بأن رزق الثانية ليس له علاقة بالأولى
ولكن اعرف الكثير من الأطفال الذين تشردوا بسبب عدم مسئولية الوالد عنهم
كما أنه نتج الكثير من الممارسات الاجتماعية الغير سوية
بسبب اهمال بعض الاباء لأسرهم
حمانا الله واياكم
والله بيني وبينك الواحد لو ما بيستحي بس يقعد ساي بدون عرس
قال يعرس التانية قال !!!!


لو توكل المسلم على الله حق التوكل لتيسرت وأنفرجت علينا الأمور.. وهناك الكثير من القصص التي تدل على ذلك..

[tigani18]

ياخ ما تقول لي لو انتي ياخ

بزعل منك والله

ربنا يخليهو لي ويطول عمره

ويكون يومي قبل يومه

بس عموما كدا بقول حسبي الله ونعم الوكيل

زي ماقلتا يا ابوحراز

ياخي نسواننا طيبات جدا

[أبوحراز]

ود الفقراء
صديق بلال
18
لكم التحية على دعم البوست ووقوفكم مع الوفاء
واتمنى ان يكون ذلك مطبق في الحياة الواقعية
تجدوني سعيد بمداخلاتكم
سأرد عليها ان شاء الله لأنني في سفر
وحينما أعود لو ربنا هون ساعزف معكم على أوتار الوفاء
علنا نخرج بسمفونية رائعة

[صديق بلال]

[quote=أبوحراز;322353]ود الفقراء
صديق بلال
18
لكم التحية على دعم البوست ووقوفكم مع الوفاء
واتمنى ان يكون ذلك مطبق في الحياة الواقعية
تجدوني سعيد بمداخلاتكم
سأرد عليها ان شاء الله لأنني في سفر
وحينما أعود لو ربنا هون ساعزف معكم على أوتار الوفاء
علنا نخرج بسمفونية رائعة[/quote



تروح وترجع بالسلامة... شكلك رايح تعرس تاني وتقول مسافر يا أبوحراز..هههههههههه

[بت الشبارقه]

ومن ثم توجهت الزوجة المكلومة الى المقابر
واستاجرت بعض الشباب وأخرجت جثة زوجها
وصبت عليها بنزين وأحرقتها
وأدخلته نجيضاً ومستوياً الى القبر
قال وفية قال !!!!!

دا الوفاء والا بلاش:p

[عمران حسن]

هل قابلتكم إمراة تبكي على زوجها لمدة عام كامل بعد أن مات
أي وفاء هذا ؟؟
سكبت كل دموعها الساخنة
وبللت بها جسمها
كانت تبكي ليلاً ونهاراً على فراقه الأليم
وتحدث معها كل الأهل والأقارب بان ترضى بقضاء الله وقدره
وأن تحاول أن تنساه
فرفضت كل ذلك واصبح البكاء الصادق ملازماً لها في كل الأوقات
كانت تقول لهم لقد كان يحبني بصدق
وكان يتألم لألمي أكثر مني
كان مثالاً للرجل الوفي الشهم الشجاع الصادق
وأتتها صديقتها بعد عام كامل من الوفاة لتعزيها
وفي البداية بدأت تصب جام غضبها على صديقتها
الا أنها تراجعت حينما قالت لها صديقتها إنني كنت محبوسة نسبة لوفاة زوجي
فقالت لها وهل أنتي تزوجتي ؟
فردت عليها 00 نعم لقد كنت متزوجة من زوجك المتوفي ولي منه ابن وبنت
فلم تصدق 00 ولكن أثبتت لها ذلك بالدليل القاطع
ومن ثم توجهت الزوجة المكلومة الى المقابر
واستاجرت بعض الشباب وأخرجت جثة زوجها
وصبت عليها بنزين وأحرقتها
وأدخلته نجيضاً ومستوياً الى القبر
قال وفية قال !!!!!


النساء كالفاكهه خذلك من كل نوع واحده و
لاتزعل نفسك

[moh_alnour]

أبو حراز يا أخوي
بنحب من بلدنا ما برا البلد سودانية تهوى عاشق ود بلد في عيونا المفاتن شيء ما ليهو حد
مين في الدنيا ديا أجمل من بناتنا الليهن قلوبنا و الفيهن صفاتنا الكاملات في روحنا و العايشات في ذاتنا


اها قامت قالت ليهن لو عاوز يعرس ما يعرس نحن بنينا الأولاد وطهرنا البيت !!!!

وفي رواية أخرى كان داير يعرس ما يعرس بس اللطهر لي المطبخ و يعرش لي الأولاد
و واحدة تانية قالت ليهم كان عرس ما يعرس أحمد الله أولادي في الزريبة و غنمي في المدرسة
و واحدة تالتة قاعدة في صاج العواسة قالوا ليها راجلك عرس ، عايزا تشيل ( المُعراكة )
عشان تمسح الصاج شالت الكديسة ، الكديسة قالت ناو قالت ليها موش كان قلتي ناو ياكي المُعراكة

[بت الشبارقه]

واحد حكي لينا قال عمتو حاجه كبيره بيجو يشربو عندها القهوه كل يوم اليوم داك قالو يشتغلوها
قلت البن( حمصت البن)ودايره تسحنو قام قال ليها ياعمتي ماسمعتي راجلك قالو داير يعرس عامله فيها ما منتبهه ليهم شديد قالت ليهو مايعرس والله انا زاتي بدورو يعرس يجيب واحده تونسني وتساعدني في البيت
وبتعاين ليهم رافعه راسا ختت الفناجين في الفندك وقعدت تدق لمن هرستن
كلهن

[أبوحراز]

الأعزاء جميعا
سأعود باذن الله للرد عليكم
شكراً كثير للمشاركات القيمة

[محمد النويري-الفقراء]

[quote=أبوحراز;322353]ود الفقراء
صديق بلال
18
لكم التحية على دعم البوست ووقوفكم مع الوفاء
واتمنى ان يكون ذلك مطبق في الحياة الواقعية
تجدوني سعيد بمداخلاتكم
سأرد عليها ان شاء الله لأنني في سفر
وحينما أعود لو ربنا هون ساعزف معكم على أوتار الوفاء
علنا نخرج بسمفونية رائعة[/quote



تروح وترجع بالسلامة... شكلك رايح تعرس تاني وتقول مسافر يا أبوحراز..هههههههههه

انا زاتي مسافر يالزيز ههههههههه

[أبوحراز]

ازيك يا ابو حراز انا شخصيا لا اؤمن بغير السودانية فهي طيبة ومسكينة وكثير منهن بحترمن اهل راجلن لكن المصرية ما دايرة غير راجلها وبس !!!!!!!!!!!!!!!!
البعض من السودانيات ممكن تتهور لو عرفت راجلها داير اعرس فيها ودي انا اعتبرها غيرة والاسلام كلمنا عن غيرة المرأة وما فيها حاجة


كيف يا أخي محمد الفقراء
مالك بتتراجف زي الزول الوقع ليهو في جبل ثلج
الظاهر عليك ماشي تتزوج يادوبك
عشان كده رافع الراية من الآن
يازول ماتنفزر
لازم العروس تديها العين الحمراء من أول يوم
وكان الحكاية فكت منك فإن وريق { الخدرة } وغسيل العدة سيكون لهم رأي آخر

ذكرتني صاحبك الكان متزوج معلمة ناشفة نشاف عدوووووووووك
وكرهت ليك الزول دا الصباح تمشي المدرسة
والعصر تصحيح تقول ليهو لازم تصحح الكراسات
وبعد المغرب غسيل العدة
وفي الليل نقة عن مواقفها مع الطالبات والمدرسات
المهم عمك زعل شديد عشان يوم المدام صحت ولقت العدة غير مغسلة
هرشتو ليك وقالت ليهو دي آخر مرة

زولك اتنفخ وقال الليلة { الولية } دي لازم يشتكيها للمدير
مشى خجلان
وقعد مع المدير بعد المدرسين والمدرسات طلعوا
وجاء اشتكى مرتو للمدير
قام المدير قال ليهو { ياخي عيب عليك في راجل يخلي العدة تبيت للصباح }؟؟
بلغ تحياتي للأهل في الفقراء

[أبوحراز]

[QUOTE=tigani18;322182]زي ماقلتا يا ابوحراز[/QUOTE

طيبة لدرجة العوارة مرات مع الإعتذار
لكن مرات عندهن حردة غريبة جداً لاتجد لها اي تفسير
فجأة تصر وشها وتمد بوزها بلا مقدمات
ولكن في النهاية تنتصر الطيبة على كل شي

قبل يومين كنا بالمستشفى لزيارة أحد الأصدقاء
وفجأة جاء الاسعاف
وكان صوته مزعجاً
المهم غلبنا الفضول لنرى المريض
وماهي الا دقائق حتى نزل سعودي والدماء تسيل من وجهه
وكان العامل البنغالي ومندوب الهلال الهلال الأحمر قريبين مني
فسألت العامل عن أسباب الحادث وهل هناك متوفيين
فقال لي مافي حادث { ماما طق بابا } يعني المدام جلدت الراجل !!
يعني شيء مؤسف والله توقعت أن الرجل دهسته سيارة ولم تدهسه إمراة
السودانية من النادر أن تلكم لكمة بهذا المستوى
فكثيرات منهن لديهن { فوبيا } من الدم

[أبوحراز]

[quote=أبوحراز;322353]ود الفقراء
صديق بلال
18
لكم التحية على دعم البوست ووقوفكم مع الوفاء
واتمنى ان يكون ذلك مطبق في الحياة الواقعية
تجدوني سعيد بمداخلاتكم
سأرد عليها ان شاء الله لأنني في سفر
وحينما أعود لو ربنا هون ساعزف معكم على أوتار الوفاء
علنا نخرج بسمفونية رائعة[/quote



تروح وترجع بالسلامة... شكلك رايح تعرس تاني وتقول مسافر يا أبوحراز..هههههههههه

عرس شنو يافردة
نحن خلاص مدة صلاحيتنا انتهت
المدام قبل فترة اشترت لينا { سبحة } كبيرة جدا يمكن طولها خمسة أمتار
قالت عشان الصلاة والجامع
يعني عمك تاني من البيت للجامع ومن الجامع للبيت
بقت علينا نكتة الراجل بتاعت { الليلة وووووووووووووووووووووووووووووووووووووب }!!

[أبوحراز]

دا الوفاء والا بلاش:p

بت الشبارقة
أوعا تكوني ناوية تعمليها لو بعلكم عملها

كفاية نجاضنا مع الأسعار وفواتير الكهرباء والتلفون والموية
الرجل السوداني يعاني كثيرا والجماعة منجضنو حتى الإستواء
عشان كده بالله وفروا لينا راحة نفسية في البيت
الرجل السوداني رضي جدا ومطيع
بس عاوز واحدة تفهمو

[أبوحراز]

النساء كالفاكهه خذلك من كل نوع واحده و
لاتزعل نفسك

ياخي والله انت زول ظريف جداً
حليت المشكلة واللغز في سطر واحد
يعني تاخذ ليك شوية تفاح مع رمان ومانجو وتطعم الخلطة الجميلة دي بالفراولة
يعني يطلع ليك عصير مشكل حاجة تمام
لكن في الحالة دي اما جيبك يكون كبير
واما راسك يكون كبير

[أبوحراز]

أبو حراز يا أخوي
بنحب من بلدنا ما برا البلد سودانية تهوى عاشق ود بلد في عيونا المفاتن شيء ما ليهو حد
مين في الدنيا ديا أجمل من بناتنا الليهن قلوبنا و الفيهن صفاتنا الكاملات في روحنا و العايشات في ذاتنا



وفي رواية أخرى كان داير يعرس ما يعرس بس اللطهر لي المطبخ و يعرش لي الأولاد
و واحدة تانية قالت ليهم كان عرس ما يعرس أحمد الله أولادي في الزريبة و غنمي في المدرسة
و واحدة تالتة قاعدة في صاج العواسة قالوا ليها راجلك عرس ، عايزا تشيل ( المُعراكة )
عشان تمسح الصاج شالت الكديسة ، الكديسة قالت ناو قالت ليها موش كان قلتي ناو ياكي المُعراكة


أحييك أخي الكريم
وتحايا خاصة لكل أهل جزيرة الفيل
كان معنا رجل خلوق توفى لرحمة مولاه قبل فترة يسمى الهادي شقدي
كان مثالاً للخلق والأخلاق
افتقدناه كثيرا
وشعرت بان جزءاً غالياً من هذه الجزيرة قد تم قطافه
لكنها سنة الحياة

أعجبتني مداخلتك الجميلة المليئة بالسخرية الطريفة
وهكذا هن النساء ياسيدي
حزمة من التناقضات
تريدك ان تتزوج وتتحداك
ولكن سرعان ما ينقلب الموضوع الى عراك شديد حينما تريد تنفيذ القرار

طيبات لدرجة
وأحياناً شرسات
وأجمل مافيهن غموضهن الذي ينتهي بمفاجأة

حينما يسافر ابنائي تجدني اتضرع يميناً وشمالاً وتنقلب كل الموازين
فعند وجودهم الخروج والدخول بمواعيد
وياويلك لو تأخرت مع العزابة
سيتم قطع الموية والنور لمدة اسبوع
وأحياناً لاتجد طريقة حتى للوضوء والتيمم الليلي إن جاز التعبير
صديقي طبيب قبل فترة أخذته الونسة الظريفة وتاخر معي
وحينما رجع البيت وجد زوجته الطبيبة تبكي بحرقة شديدة لأنه تأخر عليها
وبالطبع واستها ابنتها الصغيرة ذات الثلاث سنوات فبدأت تشارك امها البكاء
وحينما دخل توقع ان هناك مصيبة اليمة قد حلت بالأسرة
وقال لي بالموبايل
وجدت زوجتي تبكي
وابنتها الصغيرة تبكي
وأنا محتار الان فماذا تنصحني هل أقوم باسكات الكبيرة أم الصغيرة
فقلت له جرب أمها وحينها ستجد الصغيرة كفت عن البكاء
ياخي مرات عجيبات جدا
والدكتورة دي نفسها لو راجعتها في العيادة ونهرتك تقول الزول دي كان مات ابوها ماحاتبكي

[أبوحراز]

[quote=صديق بلال;322358]

انا زاتي مسافر يالزيز ههههههههه

اذا اردت أن تسافر للفقراء
فمرحبا بك
مر على بيتنا
نحن في طريقك
عربات الفقراء تأتي بجوار بيتنا
وهي تحمل معها طمي الجزيرة
وغبار الترع
والدهشة
وكل الأشياء الجميلة
بماء فيها رائحة الطين
وبساطة الناس الجميلين