وداعاً اهل النفاج فقد حان موعد الرحيل

[fero511]

اليوم دعوني أعتزر دعوني أغادر ،،، لقد سببت مواضيعي كثيراً من الزعل بيني وبين بعض الاخوات ،،، عليه فإن موعد الرحيل قد حان ،،،، صدقوني لقد درست هذه الخطوة مئات المرات ،،،، ولم أجد غير الانسحاب ،،،، لي (3) أيام وانا أحاول ان أكتب في منتداي بعض المشاركات لكن تأبي يداي ان تسطر حرفاً ،،، فشكراً جزيلا علي وجودي معكم ،،، وشكراً حزيناً لرحيلي منكم ،،،، متمنياً من الجميع العفو والعافية ....



مع محبتي وودي
فخرالدين أحمد النور - أبو رهـــف

[عبدالرحمن مدثر]

فيرو ياعمنا

والله العظيم بالغت

وتهون عليك العشرة والايام الحلوة




خربشة ...

ياااااااخ انا عازمك كورة بعد سيد البلد مايجى

ماتنسى ياااخ

[esmat]

فيرو كدي انتظرني انا بجيك بي رواقة
عندي شغلة اقضيها بس

[غريب الدار]

انتو منتداكم دا فيه تصفيات والا شنو
شغالين استقالات ورحلات دا نظام اذا حضرت الشياطين خرجت الملايكة والا شنو ؟
حيرتونا والله معكم

[esmat]

يلا ياحبيبنا تعال لي من الآآآآخر كدا
انت قاصد مشكلتك في البوست مع
ملكة القلوب ولا انا داخل غلط خليك
معاي صريح عشان اوضح ليك ....

[fero511]

يلا ياحبيبنا تعال لي من الآآآآخر كدا
انت قاصد مشكلتك في البوست مع
ملكة القلوب ولا انا داخل غلط خليك
معاي صريح عشان اوضح ليك ....

هي وغيرها !!!!!!!!!!!! جد حسيت اني سببت ألم بعض الناس هنا مع اني والله العظيم بدخل هنا عشان ارتاح ما عشان اسبب غم لي غيري

[ميادة]

يا فيرو ياخ روق المنقة شوية


اي شي بيتحلا

[غريب الدار]

هي وغيرها !!!!!!!!!!!! جد حسيت اني سببت ألم بعض الناس هنا مع اني والله العظيم بدخل هنا عشان ارتاح ما عشان اسبب غم لي غيري
ان شاء الله ما اكون خشيت غلط لكن ابصم ليك باعشرة انها مابتقصد تزعلك ولاتزعل زول
دي ياخي بين يدي الرحمن كل البتتمنه انها تمشي والناس تدعي ليها
ولو مابيضايقك امسحه لي في وشي عشان هي ماتزعل لما انت ترحل

[esmat]

هي وغيرها !!!!!!!!!!!! جد حسيت اني سببت ألم بعض الناس هنا مع اني والله العظيم بدخل هنا عشان ارتاح ما عشان اسبب غم لي غيري


شوف يافيرو مع احترامي ليك انت ما بتعرف اي واحد في النفاج دا
ولا في المنتدي لما تهرب وتحس انو الناس ما عايزة ياخ حاول وضح
للناس وجهة نظرك اول بعدين اهرب

بعدين ياخ ملكة دي والله انت ما اظين عرفت عنها غير الاسم فقط
ولو حكيت ليك عنها لي يوم السبت الماجاي داك لأني اكون متة ما
بكون وفيت انسانة بمعنى الكلمة ياخ وما قاعدة تشيل في راسها
حاجة مجرد ما طلعت من النفاج نست الفيهو مهما ما كان

بعدين لو الناس بتزعل في النفاج دا انا كان اكتر واحد مكروه فيهو
ما قاعد اخلي زول في حالوا في النفاج دا
بعدين ياخ هو اسمو النفاج يعني عايزهم اقول ليك بنحبك ولا شنو
لو عايز ليك سبب تهرب كلمني لكن دا ما سبب ياخ

بعدين الناس قاعدة تحترم كتاباتك والدليل على كدا شوف عدد الداخلين
في بوستاتك ونقاشات وماخدين راحتهم كيف

وكون انك ما فهمت شخص معين لي سبب معين في راسك ولا راسو
دا ما معناها تقول انا ماشي وبعتذر وشنو ما عارف ياخ كان كدا خوتك دي
وعلاقتنا معاك زي علاقتنا مع "سخلك" واسمك وزكراك زاتو نغسلها ستة
مرات وسابعها بالتراب لانك بتكون ما الشخص النحنا ختيناهو اخو


ياخ اقول ليك حاجة ما عايز اعتذر ليك زاتو لو كلامي دا زعلك
عارف لي عشان اصلاً مافي اعتذار بينا لأني انا بفتكر الكل اخوان
ما تجي تقول انا زعلان ماش - انسى ياخ
ويار اريت تعرف الناس
والملكة بالذات اقرا ليها (قصدي كتاباتها ما تحبها)

[بت أم درمان]

هي عرفناها ( ..... )
اما غيرها دي انا شاااااااكة تكون زولة بعرفها
او اذا ما بقيت انا

شوف يا زول
كل الحصل مني واي كلام كنت بقوله كان مزاح ما اكثر
لان كل مواضيعك بتكون حول فكرة واحدة
يعني محور واحد
وانت قايل ان حصل حقد او شي ؟
بالعكس تماما ولا حقد ولا هم يحزنون
وكنا فاكرينك بتاخد الامور برحابة صدر
اقول ليك شي
انا ام عموري خلاص قطعت علاقتي بيها
من يوم ما عملت العزومة وما كلمتني
وام رهف ما دايرين نتعرف عليها

ومواضيعك تاني ما بنعلق ليك عليها
بس ما تقول ماشي وراحل عشان زول معين
لانك ما جيت عشان زول
وحسي تقوم ترحل عشان زول

الزول الداير يرحل
برحل من سكاااااااات والناس بتنساهو تلقائيا

[بت أم درمان]

ان شاء الله ما اكون خشيت غلط لكن ابصم ليك باعشرة انها مابتقصد تزعلك ولاتزعل زول
دي ياخي بين يدي الرحمن كل البتتمنه انها تمشي والناس تدعي ليها
ولو مابيضايقك امسحه لي في وشي عشان هي ماتزعل لما انت ترحل


وانا ابصم بالعشرين اصابع ايدين واصابع رجلين واذا في زيادة ختها

[عبدالرحمن مدثر]

هي وغيرها !!!!!!!!!!!! جد حسيت اني سببت ألم بعض الناس هنا مع اني والله العظيم بدخل هنا عشان ارتاح ما عشان اسبب غم لي غيري


القال ليم منو سببت الم

ياااخ انت ملك الفرفشة

وكلنا بنخش عشان نتشايل مع بعض همومنا

ونصنع فرحة

[المسافر]

اليوم دعوني أعتزر دعوني أغادر ،،، لقد سببت مواضيعي كثيراً من الزعل بيني وبين بعض الاخوات ،،، عليه فإن موعد الرحيل قد حان ،،،، صدقوني لقد درست هذه الخطوة مئات المرات ،،،، ولم أجد غير الانسحاب ،،،، لي (3) أيام وانا أحاول ان أكتب في منتداي بعض المشاركات لكن تأبي يداي ان تسطر حرفاً ،،، فشكراً جزيلا علي وجودي معكم ،،، وشكراً حزيناً لرحيلي منكم ،،،، متمنياً من الجميع العفو والعافية ....


مع محبتي وودي
فخرالدين أحمد النور - أبو رهـــف




أخوي العزيز فخر الدين

بدل من كل واحد فيكم يعرض عن التاني
ويهرب . . . الأفضل أن تتواجهوا وتتعاتبوا
وتتسامحوا ، فمهما كان الأمر فهو لا يتعدى
( سوء الفهم ) فمن المجحف أن تترك
إناس أحبوك لمجرد سوء فهم لا معنى له .

تخريمة
أنا متبرع بأن أقوم ( بالجودية ) حسب
إجراءات المنتدى المتبعة هههههههه

[littlestar]

الآخ فخر الدين
شايفاك متواجد
وبتجس نبض بوستيك
وريدة الناس ليك
وده ماحال زول نوى الرحيل

صدقنى كل واحد
ف المنتدى ده ليهو بصمة بتميزو عن التانى
بصمه عرفناهو بيها
وخاويناهو ف الله بيها
كتيرين منا لا بيتشاوفو لا بيتعارفو
لكن عرفنا شكل خطهم وعاشرناهم
كده أو كده
إنطباعنا عنك
إنك زول فرفشه وكاوااااااااى
حسه مالو غلبك
ولآ الحكايه قلبت عليك
خليك دايمن زى ما عرفناك
بروحك الرياضيات
المهم بغض النظر عن مين ال زعلك
ده إذا كان فى زعل من أساسو

راجع بوستاتك من تانى
وشوف تفاعل الناس دى معاك كيف
بعدين إعلن إنساحبك
ثم إنت معلنو ليه أساساً
عشان نقوم نقابضك
ونمسكك من جلابيتك الكبيره دى
ونحلف عليك ما تخلى المنتدى
ده كلام ده؟؟؟

وأكرر كلنا أخوان ف الله
بندخل هنا عشان نفرق
مهما خنقتنا الدنيا
والمشاكل والمشاغل
ومافى حد شايل غبينه من حد

إرجع فيرو ال عرفناك
ووسع ال g (الجمجمه)
وكبر ال d (الدماغ) ;);)
ولآ ما كدى يا أبورهف :)؟؟؟!

[عمرسنهوري]

الاخ فيرو

اعضاء المنتدى كلنا اخوان واسره واحده
المنتدى بمثل البيت الكبير .
ولو في زول من ناس البيت زعل ما بمشي يخلي البيت
لكن بتناقش مع اخوه .
و ممكن في اشد حالات النقاش الواحد ممكن يصر وشو يوم ولا اتنين
لكن في النهاية المشكله بتنتهي لانها سوء تفاهم .
وما في اخو بكون قاصد اخوه او بكرهه الا يكون زول ما كويس
وما اظن في زول هنا كدا
والاخوان في البيت الكبير دا بتشاكلو عادي
ومع اول محاولة اصلاح بتلقاهم رجعو زي الاول .
ارجع للارشيف شوف في كم زول اتشاكلو و رجعو تاني
اهم شي في المنتدى هنا انو الناس كلهم اخوان
والاخوان بتشاكلو وبرجعو ولو في اي زول ما عندو الاحساس دا
مفروض طوالي يقدم استقالتو .
فيرو
لو عندك احساس انو المنتدى البيت الكبير ونحن كلنا اخوان اسحب استقالتك
لو احساساك غير كدا ربنا يوفقك .




فيرو ارجو ان تتراجع عن قرارك نحن راجيين منك كتير .
الهروب عمرو ماكان حل .
يوم 18 قررررررررررررررب ارجى الراجيك

[العاقب مصباح]

فيرو قول بسم الله والعن الشيطان يا زول


النفاج دا ما فيهو اى زول بيغيب من هنا

انت قايل دخول النفاج زى خروجه

بطل كلام من دا

[ام عمورى]

الغريبة لي كم يوم بفتش في بوستاتك الجديدة واستغربتة لعدم مشاركتك...واستغربتة اكتر حسة لانو اصلو ماحسيت بي زعل او مضايقات في البوستات الفاتت واخر مرة كنتة كويس وماعندك مشكلة ...جد غريبة...وما اظن انا من البتقصدهم.....لكن مع كلامك الغريب دة كل شي وارد...اذا صادف اني منهم فانا جد متاسفة...وبطلتة عزومات ودعوات....

مشاققة:والله يابت امدر انا انشدهتة في روحي وكنسلتة المشاريع القديمة كلها بما فيهم العزومة ....وبركة الما عملتها:o

[طائر النورس]

اخي الصغير فيرو

والله لو لا معرفتي بالمنتدي ما كنت عرفتك مع العلم انا بعرف اخوك الاكبر الطيب احمد النور


الذي كان زميل دراسة منذ الابتدائية وانا عرفتك من الشبه وفرحت جداً بهذا اللقاء ، وكنت

افرح لكتابتك الخفيفة الظل التي تروح عن النفس ، ودي محمدة تضاف لمنتدى ود مدني

الذى جمع شملنا هناك من هم داخل الوطن وهناك من هم خارجه في شتى بقاع الارض .

اتمنى ان تنظر للموقف من الجانب الاخر ، مع العلم لا اجد في هذا المنتدى ما يدعو الى

الزعل سواء ان كان في طرح المواضيع اول المشاركات .

[سودانية وافتخر]

خير خير يا فيرو دا كلام شنو ترحل وين على قولة العاقب انت فاكر دخول النفاج زي خروجه بعدين يا اخي ما تضايق نحنا قاعدين في النفاج يعني ما عندنا مكان لزعل والضيق والرحيل اقعد وخت الرحمن في قلبك

[fero511]

http://forums.fatakat.com/image.php?u=78069&type=sigpic&dateline=1234061358


ماعندي غير الكلمات دي أبقي انا الغلطان الاجب اني اعتزر

[عبدالرحمن مدثر]

http://forums.fatakat.com/image.php?u=78069&type=sigpic&dateline=1234061358


ماعندي غير الكلمات دي أبقي انا الغلطان الاجب اني اعتزر





يهوووووووووووووووووووووووووووووووووووووووووى

[عبدالرحمن مدثر]

فيرو يالذيذ

(عن اذنك )

انا محتاج للبوست دا

وبعد كمية الحب الكبيرة دى المدفوقة لييييك هنا


























انا داير ارحل واستقيل

الحقونى

ياجماعة

[ميادة]

فيرو يالذيذ

(عن اذنك )

انا محتاج للبوست دا

وبعد كمية الحب الكبيرة دى المدفوقة لييييك هنا

انا داير ارحل واستقيل

الحقونى

ياجماعة





هههههههههههههههههههههههههههههههه



ابقى مااااااااارق ثاااااااااااي :D :p

[سودانية وافتخر]

فيرو يالذيذ

(عن اذنك )

انا محتاج للبوست دا

وبعد كمية الحب الكبيرة دى المدفوقة لييييك هنا


























انا داير ارحل واستقيل

الحقونى

ياجماعة


يا جماعة الايام دي الارتحال والاستقالة هيا الموضة الدارجة ولا شنو؟؟؟
يا مدثر انت ماش وين والزعلك منو؟؟

[عبدالرحمن مدثر]

يا جماعة الايام دي الارتحال والاستقالة هيا الموضة الدارجة ولا شنو؟؟؟
يا مدثر انت ماش وين والزعلك منو؟؟



انا زعلان من البت الاسمها سودانية وحاجة كدا

عشان عندها توقيع كدا ماواااااقع لى :D:D

تعرف احد يعرف احد يعرف احد يعرفني؟؟؟ :p:p

وداير استقيل

وانا راااااااااحل ياجماعة

[سودانية وافتخر]

انا زعلان من البت الاسمها سودانية وحاجة كدا

عشان عندها توقيع كدا ماواااااقع لى :D:D

تعرف احد يعرف احد يعرف احد يعرفني؟؟؟ :p:p

وداير استقيل

وانا راااااااااحل ياجماعة


افاااا زعلان مني انا :eek:
تيب جاوب على توقيعي كدي:D:D
انت مصر على الاستقالة دي طيب خلاص اقعد وكلم عمدة النفاج امكن يزيد ليك المرتب شويه:D:D:D

[عبدالرحمن مدثر]

افاااا زعلان مني انا :eek:
تيب جاوب على توقيعي كدي:D:D
انت مصر على الاستقالة دي طيب خلاص اقعد وكلم عمدة النفاج امكن يزيد ليك المرتب شويه:D:D:D



ياااااااااااخ انا زعلااااااااان وماشايف حااااااجة

موووش توقيعك دا قريتو من اليمين للشمال والعكس

بس مافى نتيجة (عدم معرفة ساااااااااااااااى ) :p:p:p





انا داير عربية دبل كبينة

[حسام التنين]

انا داير عربية دبل كبينة
ا
ستقيل سااااااي:d

[عبدالرحمن مدثر]

ا
ستقيل سااااااي:d


يااااخ احسبها معااى واحدة واحدة بعدين طلع قرارك

ابومزن وابورهف ورهف زاتها ومعاها مزن

واحتمال امها وامها

موووش الحسبة بتستاهل دبل كبينة

ونحن ماشين نشوف السياج والمقبرة:p:p:p

[نزار الغرقان]

يا فيرو يا اخوي نحن قاعدين في المنتدي ده بالمحنه والمحبه (نقطه فوق ونقطه تحت)... وما اظن في زول بكرهك لانو تحت البوست بتاعك ده نزلت 22بوست يعني عندك 22عضو ما ممكن تمشي بي خاطرهم ..!! اما سوء التفاهم ده راااقد ممكن يحصل ليك في اي حته الا كان تخلي فصيله البشر دي و تتاقلم مع نوع تاني من الكائنات..انا القدامك ده 6شهور بخش النفاج ده كزائر، يومي السجلتا بالله نط لي الاسمو (تنين انا) كرهني العيشه يعني كان ممكن تكون قفله بالنسبه لي لكن بحسن النيه كل شي بيعدي وهسه سمنه علي عسل ولا كيف يا تنييييين....

[بت أم درمان]

يا فيرو يا اخوي نحن قاعدين في المنتدي ده بالمحنه والمحبه (نقطه فوق ونقطه تحت)... وما اظن في زول بكرهك لانو تحت البوست بتاعك ده نزلت 22بوست يعني عندك 22عضو ما ممكن تمشي بي خاطرهم ..!! اما سوء التفاهم ده راااقد ممكن يحصل ليك في اي حته الا كان تخلي فصيله البشر دي و تتاقلم مع نوع تاني من الكائنات..انا القدامك ده 6شهور بخش النفاج ده كزائر، يومي السجلتا بالله نط لي الاسمو (تنين انا) كرهني العيشه يعني كان ممكن تكون قفله بالنسبه لي لكن بحسن النيه كل شي بيعدي وهسه سمنه علي عسل ولا كيف يا تنييييين....

لاحولااااا دا كلو حصل ونحن ما عارفين غايتو التنين دا دايما كدا ترحيبه بي لهبه والله كلامك جميل جدا ويا ريت كل الناس يكونو بنفس الكيفية
منور يا نزار الغرقان