عاجل الرسائل الخاصة [الأرشيف]

مشاهدة النسخة كاملة : عاجل الرسائل الخاصة

عزيز عيسى

29-06-2009, 06:59 AM

عاجل:
ألحقوا يا مشرفين في حاجة غريبة بتحدث في المنتدى
أرجو أنها بتحصل لي أنا لوحدي.. ربما فيروس جديد
ويا أبوبكر أعمل حسابك للباكب.
قبل شوية جاتني رسالة من صلاح ود الطاهر وكل
ما أحول أفتحها تتخيلوا يفتح معاي الملف الشخصي
لصلاح ود الطاهر ورسائله كلها بتظهر لي أمامي
وأقسم بالله العظيم يا صلاح يا أخوي ما فتحت ولا
واحدة فيهم وعلى طول بخرج..
عملت خروج نهائي من المنتدى عدة مرات ورجعت
تاني لقيت المشكلة مازالت قائمة أيضا يفتح معاي
الملف الشخصي للأخ صلاح ود الطاهر..
أرجو التحرك بسرعة لمعالجة المسألة هذه!!

moh_alnour

29-06-2009, 07:13 AM

ورسائله كلها بتظهر لي أمامي

يا خواجة عزيز يا لذيذ كيفك عساك طيب
أنت قاصد رسائل الزوار و لا الرسائل الخاصة ؟ فالرسائل الخاصة لا تظهر للأعضاء
فهناك خلط من بعض الأعضاء بين ( الرسائل الخاصة ) و ( رسائل الزوار ) و هي التي تظهر للجميع
هذا إن كُنت قد فمهت ما تقصده في هذا البوست ؟

مدنيّة

29-06-2009, 07:28 AM

ياود الجاك
الخواجة شكله فقد المنطق :cool:

عزيز عيسى

29-06-2009, 08:57 AM

يا خواجة عزيز يا لذيذ كيفك عساك طيب
أنت قاصد رسائل الزوار و لا الرسائل الخاصة ؟ فالرسائل الخاصة لا تظهر للأعضاء
فهناك خلط من بعض الأعضاء بين ( الرسائل الخاصة ) و ( رسائل الزوار ) و هي التي تظهر للجميع
هذا إن كُنت قد فمهت ما تقصده في هذا البوست ؟ [/color]

يا ود الجاك رسائل زوار إيه أنا (بأولكم) بتكلم مصري مش علي كيفي؟
الملف الشخصي يعني الرسائل الخاصة.. كلما أفتح الرسائل الخاصة
يظهر لي الملف الشخصي تبع ود الطاهر ولحدي هذه اللحظة..
اللهم إجعله خير!
كدي عاين تحت ولاحظ الكلام المكتوب في صفحة الرسائل الخاصة..
هل هذا شيء مألوف.. ما ظهرت كلمة رسائل خاصة ولا يحزنون..
أروح ضاغظ على (التنبيهات) يظهر لي الملف الشخصي تبع
ود الطاهر كله (بضبانته).. أنا خايف بعد شوية يجي ود الطاهر
ذاتو ناطي ويظهر لي (شخصانيا) في الشاشة أرجعو ليكم
تاني كيف؟!!!

http://www2.0zz0.com/2009/06/29/17/443460845.jpg (http://www.0zz0.com)

عزيز عيسى

29-06-2009, 09:02 AM

ياود الجاك
الخواجة شكله فقد المنطق :cool:
إنت يا مدنية بس أقعدي حرشي لي ود الجاك دا..
إنتي عارفه اليومين ديل الواحد فينا بقي متشولق
وهسع أنا فقدت المنطق وفقدت جزلاني وحتى
الحلوف ذاتو..
كيفنك يا أم جمال وكيف أبوجمال وأخواته..
لعلكم كلكم طيبين..
وبقول ليك: الله يسلمك.. الله يبارك فيك..
الله يسلمك.. الله يبارك فيك..
دي بتاعة الود المسنوح داك الإسمو
محمد حسين (المميز)..

علي النعيم محمد نور

29-06-2009, 09:38 AM

محمد حسين (المميز)

29-06-2009, 09:41 AM

دي بتاعة الود المسنوح داك الإسمو
محمد حسين (المميز)..

:eek: :eek: :eek:

المسنــوح دي كنت بسمعها عن حبوبتي

زمااااااااااااااان

تقول يابت تعالي هنا اسنحي السجم الشايلاهو ده

يعني ارمي

هسه يا خواجه سنحتك دي ياتها حقت حبوباتنا

ولاّ وحده جديده؟؟ :p :p

محمد حسين (المميز)

29-06-2009, 09:46 AM

عاجل:
تتخيلوا يفتح معاي الملف الشخصي
لصلاح ود الطاهر ورسائله كلها بتظهر لي أمامي
!!

:eek: :eek: :eek:

ياخواجه في ناس جرت تمسح

البلاوي الفي الخاس :D :D

مدنيّة

29-06-2009, 09:46 AM

أنا خايف بعد شوية يجي ود الطاهر
ذاتو ناطي ويظهر لي (شخصانيا) في الشاشة أرجعو ليكم
تاني كيف؟!!!

http://www2.0zz0.com/2009/06/29/17/443460845.jpg (http://www.0zz0.com)

ياخواجة هو هسي كاتب ليك اهلا وسهلا بيكم عزيز عيسي
الجاب ود التاهر ليك شنووووووووو :cool::cool:

مدنيّة

29-06-2009, 09:48 AM

:eek: :eek: :eek:

ياخواجه في ناس جرت تمسح

البلاوي الفي الخاس :D :D

وانا اقول انت مالك جريت علي الرسائل الخاصة تبعك :cool:

مدنيّة

29-06-2009, 09:50 AM

إنت يا مدنية بس أقعدي حرشي لي ود الجاك دا..
إنتي عارفه اليومين ديل الواحد فينا بقي متشولق
وهسع أنا فقدت المنطق وفقدت جزلاني وحتى
الحلوف ذاتو..
كيفنك يا أم جمال وكيف أبوجمال وأخواته..
لعلكم كلكم طيبين..
وبقول ليك: الله يسلمك.. الله يبارك فيك..
الله يسلمك.. الله يبارك فيك..
دي بتاعة الود المسنوح داك الإسمو
محمد حسين (المميز)..

وحاة الله ما حريش ياخ
علا انت فقدت المنطق بالجد :p
هو زاتووو التراب وينه

تسلم من كل بلاء ياشاشوق
وكيف الوليدات (شكلها قلبت رسائل خاسة :cool: )

ابوالنور

29-06-2009, 10:02 AM

وحاة الله
:p

عاين يا عزيز الكلمة الفقو دي شايفا الكلمة البعديها توااالي مشتاااقين
والبركة في الخلعة من الرعشة والارتعاش وكشة الجسم ما الخلعة بتاعت بتاعت اشرف عبد الباقي
اشرف عبد الباقي ده منو يا اخوانا
اها نسيت اقول ليك مدت اللسان الفي الوش الضايفاهو مدنية دي الليتا هي

Jamal Elmahi

29-06-2009, 10:13 AM

وهسع أنا فقدت المنطق وفقدت جزلاني وحتى
الحلوف ذاتو.

حباب الخواخه حبابو ...

غايتو يا خواجه الله يكضّب الشينه ما يكون لمّا فيك حلوف أمريكي عمل ليك إنفلونزا الحلاليف وورّم الشلاليف وخلاّك تتكلم برا من راسك ...بجيب لي عطرون وحرجل وبجي عليك وكان ما نفعوا إلاّ نكويك في راسك الكبير دا ...
أرجاني ....

ود الماحي

نزار حسن محمد

29-06-2009, 08:10 PM

حباب الخواخه حبابو ...

غايتو يا خواجه الله يكضّب الشينه ما يكون لمّا فيك حلوف أمريكي عمل ليك إنفلونزا الحلاليف وورّم الشلاليف وخلاّك تتكلم برا من راسك ...بجيب لي عطرون وحرجل وبجي عليك وكان ما نفعوا إلاّ نكويك في راسك الكبير دا ...
أرجاني ....

ود الماحي

بركاتك ياشيخ شاشوق
الليله ما يوم الفرح والمنى
العمده ود الماحى شخصياً
جانا هنا
هوووى يامدنيه تعالى اجرى
جيب معاك براد شاى باللبن المقانن
حباب العمده ..
الرسول فيك وتعارض ليك
تانى كان تغيب جنس الغيبه دى
فاقدنك بشده

عزيز عيسى

30-06-2009, 06:15 AM

الأوبامي أبوعيسي . . .
شنو ياناس أمريكا ده تصنت عدييييييل بي (خشم ) الباب. . . علي أي حال أنا رسائلي ( خاتي ) ليها فردين مسلحين ومصفحين لا بعرفوا ليك أمريكي ولا تقول لي عندي جواز أمريكي . . .

10 دقيقه صفا : ـــ
عليك الله الله يا أبوعيسي كان لقيت ليك (شمارات ) عند (ود التاهر )ماتنسانا وعنواني معاك . . .

هههههه يا جنابو إنت نسيت عندنا السي أي آيه وعندنا الإف بي آيه؟
وأجهزتنا منتشرة في كل مكان.. اعملوا حسابكم.. أي (كاني ماني)
أو (سيك ميك) أو (شنكبة عنكبة) حقكم بيروح.. عييييييك ناسك
المسلحين ديل شايلين بنادق من زمن العساكر (أبو ردا)..
ما يحتاج يا جنابو ودالطاهر شماراتو حننشرها في السوق ببلاش
كيتاً عليه ننتقم منه مش كان (بجلد) الطلبة في المدارس..
ومحمد السر أحد ضحاياه.

عزيز عيسى

30-06-2009, 06:23 AM

:eek: :eek: :eek:

المسنــوح دي كنت بسمعها عن حبوبتي

زمااااااااااااااان

حبوبتك دي الظاهر كانت تفتيحة ومثقفة شديد. :d

تقول يابت تعالي هنا اسنحي السجم الشايلاهو ده

يعني ارمي

هو الكلمة دي كان حبوبتك بتقولها ليك إنت
لكن عايز تخمنا وترميها في البت المسكينة..

هسه يا خواجه سنحتك دي ياتها حقت حبوباتنا

ولاّ وحده جديده؟؟

لو سألت حبوبتك حتشرح ليك.. :d
:p :p

غايتو يا محمد حسين إنت زول ما قاعد في الواطة!!

عزيز عيسى

30-06-2009, 06:24 AM

:eek: :eek: :eek:

ياخواجه في ناس جرت تمسح

البلاوي الفي الخاس :d :d

ههههههه... وأنت أولهم..

عزيز عيسى

30-06-2009, 06:31 AM

ياخواجة هو هسي كاتب ليك اهلا وسهلا بيكم عزيز عيسي
الجاب ود التاهر ليك شنووووووووو :cool::cool:

المحيرني أكثر يا مدنية إنو الجاب لي ملفه الشخصي
شنو بكل محتوياته من رسائل بريدية صادر ووارد وحتى
صور الأصدقاء؟ أزيدك ولا أقيف..
أقوم أفتو؟ هسع يجي ود الطاهر يقعد يولول..

نجي للجد:
لكن يعلم الله لا ولن أقم بأي حال من الأحوال
بفتح أي ملفاته.

عزيز عيسى

30-06-2009, 06:37 AM

وحاة الله ما حريش ياخ
علا انت فقدت المنطق بالجد :p
هو زاتووو التراب وينه :cool: )

غايتو يا مدنية بعد دا إلا أجيب ود الماحي يبقى
الشاهد بتاعي.. لكن الزول دا ما مضمون
خايف يقوم يتغاتت علي. :p

عزيز عيسى

30-06-2009, 06:49 AM

عاين يا عزيز الكلمة الفقو دي شايفا الكلمة البعديها توااالي مشتاااقين
والبركة في الخلعة من الرعشة والارتعاش وكشة الجسم ما الخلعة بتاعت بتاعت اشرف عبد الباقي
اشرف عبد الباقي ده منو يا اخوانا
اها نسيت اقول ليك مدت اللسان الفي الوش الضايفاهو مدنية دي الليتا هي

يا أبو النور مدنية دي (بكاشة) خلاس..
مدت لسان ومشتاقين!! :p
آي مدت اللسان دي الليلتا
لكن معارفت مشتاقين دي الليلت منو؟
إنت قصدك أشرف عبدالغفور..
هو أشرف عبدالغفور دا منو ذاتو؟!!!
:)

أبوبكرحامد

30-06-2009, 07:04 AM

إنت ياخواجة أول أمس فى التلفون قلت لى ود الطاهر رسالتوا فيها شنو ؟ معليش التلفون قطع :p:p

الجا قبل شوية ده ود الماحى ولازول تانى دخل ملفو الشخصى؟

عزيز عيسى

30-06-2009, 07:07 AM

حباب الخواخه حبابو ...

غايتو يا خواجه الله يكضّب الشينه ما يكون لمّا فيك حلوف أمريكي عمل ليك إنفلونزا الحلاليف وورّم الشلاليف وخلاّك تتكلم برا من راسك ...بجيب لي عطرون وحرجل وبجي عليك وكان ما نفعوا إلاّ نكويك في راسك الكبير دا ...
أرجاني ....

ود الماحي
ود الماحي حبابك الممسوخ دا إنت جيت؟
الجزلان ضاع والحلوف ضاع بدل تطيب على أخوك
تجي تضحك علي وكما شايل معاك مكوة؟
لا إنت لا العاقب المصباح ساعدتوني ودليتوني
على حلوفي الضائع ولا حتى طفش وين؟
باكر (الككو) حق عموري بيروح وبتجي
تفتش عليه!! وحنحلق ليك (جبنة) ونعمل ليك
قبور في راسك المكعوج داا!!

العاقب مصباح

30-06-2009, 07:16 AM

عزيز عيسى

30-06-2009, 07:18 AM

إنت ياخواجة أول أمس فى التلفون قلت لى ود الطاهر رسالتوا فيها شنو ؟ معليش التلفون قطع :p:p

الجا قبل شوية ده ود الماحى ولازول تانى دخل ملفو الشخصى؟
كدي يا ود المأذون خليني أول أضرب تلفون لود أبوشوارب وياسر عبدالرحمن
في الرياض أكلمهم ولخالد الصول علشان يكلم خالد هاشم ولبابكر الصول
علشان يكلم ناس ينبع كلهم وحأرسل ليهم صورة من رسالته..
أحفظ السر لحدي ما نكلم الصعايدة كلهم..
غايتو ود الطاهر وقعته سودا..
ملف ود الماحي حأنزلو بعد ما ننتهي من ملف ود الطاهر..
دا خليهو فيلم تاني..

عزيز عيسى

30-06-2009, 07:27 AM

عزيز عيسى الجاتك فى رسائل ود الطاهر سامحتك

وما دام شفتها كان تاخد ليك فيها جمة ساى

وتبرد حشا الشمار

عشان نجيب الحلوف لحدى عندك

همسة :- اكتب لى عنوان البوست بتاع الحلوف كامل وليك على اجيبه بى انفلونزته

ها العاقب أخوي إنت جيت؟
والله تراني بفتش عليك من بدري وعايز فزعتك..

البوست بعنوان: الجماعة أكلوا الخنزير

لو لميتني في حلوفي.. أقصد في بوستيني بتاع الحلوف
حأديك جايزة كبيرة حأرسل ليك صورة من رسائل ود الطاهر
وتأخذ ليك فيهن جمة ذي جمتي..
هو الزول دا غاطس وين.. ما عايز يجي يدافع عن نفسه
ولا (يحنس) ويزرف الدمع قبل ما نقوم بالواجب..
حأحسب لغاية ثلاثة لو ما جاء يكون ظلم نفسه.

معتز الريح

30-06-2009, 07:38 AM

العاقب مصباح

30-06-2009, 07:39 AM

ها العاقب أخوي إنت جيت؟
والله تراني بفتش عليك من بدري وعايز فزعتك..

البوست بعنوان: الجماعة أكلوا الخنزير

لو لميتني في حلوفي.. أقصد في بوستيني بتاع الحلوف
حأديك جايزة كبيرة حأرسل ليك صورة من رسائل ود الطاهر
وتأخذ ليك فيهن جمة ذي جمتي..
هو الزول دا غاطس وين.. ما عايز يجي يدافع عن نفسه
ولا (يحنس) ويزرف الدمع قبل ما نقوم بالواجب..
حأحسب لغاية ثلاثة لو ما جاء يكون ظلم نفسه.

اتفضل يا غالى

الصفحة الاولى

http://209.85.229.132/search?q=cache:UR-e-VdRhhQJ:www.wadmadani.com/vb/showthread.php%3Fp%3D485082+site:wadmadani.com+%D8 %A7%D9%84%D8%AC%D9%85%D8%A7%D8%B9%D8%A9+%D8%A3%D9% 83%D9%84%D9%88%D8%A7+%D8%A7%D9%84%D8%AE%D9%86%D8%B 2%D9%8A%D8%B1+%D8%B9%D8%B2%D9%8A%D8%B2+%D8%B9%D9%8 A%D8%B3%D9%89&cd=5&hl=ar&ct=clnk&gl=qa&client=firefox-a

الصفحة التانية :-

http://209.85.229.132/search?q=cache:ci431xKPAz0J:www.wadmadani.com/vb/showthread.php%3Fp%3D485344+site:wadmadani.com+%D8 %A7%D9%84%D8%AC%D9%85%D8%A7%D8%B9%D8%A9+%D8%A3%D9% 83%D9%84%D9%88%D8%A7+%D8%A7%D9%84%D8%AE%D9%86%D8%B 2%D9%8A%D8%B1+%D8%B9%D8%B2%D9%8A%D8%B2+%D8%B9%D9%8 A%D8%B3%D9%89&cd=3&hl=ar&ct=clnk&gl=qa&client=firefox-a

الصفحة الثالثة :-

http://209.85.229.132/search?q=cache:jt5LGkuSD34J:www.wadmadani.com/vb/showthread.php%3Fp%3D485684+site:wadmadani.com+%D8 %A7%D9%84%D8%AC%D9%85%D8%A7%D8%B9%D8%A9+%D8%A3%D9% 83%D9%84%D9%88%D8%A7+%D8%A7%D9%84%D8%AE%D9%86%D8%B 2%D9%8A%D8%B1+%D8%B9%D8%B2%D9%8A%D8%B2+%D8%B9%D9%8 A%D8%B3%D9%89&cd=1&hl=ar&ct=clnk&gl=qa&client=firefox-a

الصفحة الرابعة :-

http://209.85.229.132/search?q=cache:E58jxYPZixIJ:www.wadmadani.com/vb/showthread.php%3Fp%3D487529+site:wadmadani.com+%D8 %A7%D9%84%D8%AC%D9%85%D8%A7%D8%B9%D8%A9+%D8%A3%D9% 83%D9%84%D9%88%D8%A7+%D8%A7%D9%84%D8%AE%D9%86%D8%B 2%D9%8A%D8%B1+%D8%B9%D8%B2%D9%8A%D8%B2+%D8%B9%D9%8 A%D8%B3%D9%89&cd=4&hl=ar&ct=clnk&gl=qa&client=firefox-a

ابوالنور

30-06-2009, 09:53 AM

يا أبو النور مدنية دي (بكاشة) خلاس..
مدت لسان ومشتاقين!! :p
آي مدت اللسان دي الليلتا
لكن معارفت مشتاقين دي الليلت منو؟
إنت قصدك أشرف عبدالغفور..
هو أشرف عبدالغفور دا منو ذاتو؟!!!
:)
واله يا خواجة ليك وحشة ولي ردودك الحلوة برضو وحشة وحشة دي منو يا ربي

عزيز عيسى

30-06-2009, 11:36 AM

بركاتك ياشيخ شاشوق
الليله ما يوم الفرح والمنى
العمده ود الماحى شخصياً
جانا هنا
هوووى يامدنيه تعالى اجرى
جيب معاك براد شاى باللبن المقانن
حباب العمده ..
الرسول فيك وتعارض ليك
تانى كان تغيب جنس الغيبه دى
فاقدنك بشده
أبوسفروق إنت متين رجعت من السودان؟
أها المرة دي بنيت ليك كم مسجد؟
ياخي ما تحنوا علينا تعالوا أبنوا لينا
إن شاء الله راكوبة نصلي فيها.
ما قلت لي الجكس بتاع بركات فلاته
كيف؟ وهناية بت الفلاتة (حلاتها) عاملة كيف؟
إن شاء الله ما تكون تركت
أخوك المجكساتي رضا بوند هناك؟
غايتو لو شربوه محاية ولبسوه عرق
المحبة إلا تمشي الدباغة تشوف
ليهو فكي كارب يمرقو ليكم
ذي ما مرقت ليكم ود الماحي!!
ياخي واحشنا ومشتاقين كثير..

عزيز عيسى

30-06-2009, 11:50 AM

الحبيب عزيز ..
طالما أب شوك بقيتها شاشوق ..
فرسائل الزوار ممكن تكون رسائل خاصة ..

لكن دي لو حصلت معاي أنا ودخلت على رسايل ود الطاهر (الخاصة) ..
وحاتك شي أحفظو .. وشي أقراهو .. وشي أودي للدكتورة ..
ود الطاهر ده تاعبنا تعب المدايح ..
لكن الله بحبو ..

حبيبنا ود الريح كيفنك يا لذيذ يا رايق..
عرفنا الولد وزعتو.. أها البزة وديتها وين؟!
عارف يا ود الريح طالما ود الطاهر دا تاعبكم
تعب المدائح حأرسل ليك نسخة من الرسائل
وإنت عليك توزعها على ناس الرياض كلهم
وتمشي على الملجة في مدني وزنك الخضار
وتمر على سوق الحرامية وتديهم منها نسخة
وتضرب الجرس وتقول ليهم الحاضر يكلم
الغائب أي واحد عايز نسخة إضافية يدينا
خبر.. الزول دا لازم تنتقم منه.
وهاك الصورة دي مني عربون لغاية
ما تصلك نسخة من الملف الشخصي.

حلاتو.. عليك الله شوف الزول دا قيافة كيف؟
مش بشبه التجار الكبار؟

http://www4.0zz0.com/2009/06/30/20/175005637.jpg (http://www.0zz0.com)

عزيز عيسى

30-06-2009, 11:54 AM

اتفضل يا غالى

العاقب يا أخوي الروابط كلها حلفت ستين يمين ما تفتح معاي..
على العموم يكون كتر خيرك لو فتحتها ونسختها لينا هون.

عزيز عيسى

30-06-2009, 12:00 PM

واله يا خواجة ليك وحشة ولي ردودك الحلوة برضو وحشة وحشة دي منو يا ربي
غايتو يا ودالنور جهجهت أخوك جنس جهجهة؟
يا ربي جهجهة دا أخو وحشة ولا واحد تاني؟:D :eek:

Jamal Elmahi

30-06-2009, 05:03 PM

بركاتك ياشيخ شاشوق
الليله ما يوم الفرح والمنى
العمده ود الماحى شخصياً
جانا هنا
هوووى يامدنيه تعالى اجرى
جيب معاك براد شاى باللبن المقانن
حباب العمده ..
الرسول فيك وتعارض ليك
تانى كان تغيب جنس الغيبه دى
فاقدنك بشده

الحبيب والنسيب حبابو ....القلبو زي الحليب حبابو ...
الشوق ماسوره إتناشر بوصه حالجه ...أخوك كان طاشّي شبكه والمرا كاتباني في جناح سمبريّه ...برك بالليل بس فوق الحرازه مع أم بليل ...

مشاققه ...
أها عروستنا كبرت نجيب قولة خير ...ولاّ احسن تقدموا السبت وتلحقونا بموية رمضان ..قصيّر خلاس هلّه ....ويحلنا الحلّه بلّه ...

Jamal Elmahi

30-06-2009, 05:11 PM

إنت ياخواجة أول أمس فى التلفون قلت لى ود الطاهر رسالتوا فيها شنو ؟ معليش التلفون قطع :p:p

الجا قبل شوية ده ود الماحى ولازول تانى دخل ملفو الشخصى؟

ود المأذون حبابك ...حباب الدهب المجمّر مخزون ...
شوف الزمن آآآود المأذون ساقني بعيد خلاس ..وإتدردرته ..وإتجهجهته ...وبقيت أتشابا بالحيطه وأطلع فوق رأس البيت ...وحاة أبكبس برا سلّم ...شعبطه ساي ...

مشاققه ...
ليك وحشه يا غالي ...أها الويست لسه مدوّر ...والفحل لسّه متفوحل عليكم ...
تحياتي للاسره الكريمه ...

نزار حسن محمد

30-06-2009, 08:46 PM

أبوسفروق إنت متين رجعت من السودان؟
أها المرة دي بنيت ليك كم مسجد؟
ياخي ما تحنوا علينا تعالوا أبنوا لينا
إن شاء الله راكوبة نصلي فيها.
ما قلت لي الجكس بتاع بركات فلاته
كيف؟ وهناية بت الفلاتة (حلاتها) عاملة كيف؟
إن شاء الله ما تكون تركت
أخوك المجكساتي رضا بوند هناك؟
غايتو لو شربوه محاية ولبسوه عرق
المحبة إلا تمشي الدباغة تشوف
ليهو فكي كارب يمرقو ليكم
ذي ما مرقت ليكم ود الماحي!!
ياخي واحشنا ومشتاقين كثير..

الخواجه الفايت الناس مسافه.. عاد كفن ما بتفوت الناس مسافه ...مرنجان تسع للغات والعاشره ابتسامه:p:p
والله ياخواجه تالمت كثيراً لوفاة الشيخ الجليل عبد القيوم والذى كان معانا عند بداية حفر اساس مسجد بركات وكيف كان هذا العارف بالله يبكى دموع الفرح وهو يقول لى.. له الحمد والشكر ان يكون هذا المسجد مقابل قطعة ارضه كما قال لى يكون الانسان فرحاً عندما يبنى بيته ولكن اشهد الله بانى اشد فرحاً لبناء هذا المسجد وكانت دموعه غزيره من شدة البكاء..له الرحمه والمغفره.

لكن الفكى ما عندك ياشاشوق الرسول فيك رسل عنوان الفكى ده بسراع
اصلى بدور اشوف الخيره ... فى شان قالوا رضا بدور جكس زانداويه;)

نزار حسن محمد

30-06-2009, 09:19 PM

الحبيب والنسيب حبابو ....القلبو زي الحليب حبابو ...
الشوق ماسوره إتناشر بوصه حالجه ...أخوك كان طاشّي شبكه والمرا كاتباني في جناح سمبريّه ...برك بالليل بس فوق الحرازه مع أم بليل ...

مشاققه ...
أها عروستنا كبرت نجيب قولة خير ...ولاّ احسن تقدموا السبت وتلحقونا بموية رمضان ..قصيّر خلاس هلّه ....ويحلنا الحلّه بلّه ...

...
يشهد الله يالعمده الان اصبح للمنتدى طعم ولون وسميره سعيد..

حمدلله على السلامه يابوى من الكتابه
علا كان تكلم الخواجه عنده فكى حجباته
مكتوب فيها راجل المره ده حلو خلاه
خلى افك ساجورك وماتنسى اخوك معاك

بالرقراق...
العروس جاهزه وابو العروس بدور شربوت
وقولة الخير لناس الساس والراس بالفاتحه
علا دهب المره ..مسعولية ابو العريس...
والسيره يابوى كدارى نمشى كدى ونقدل
فى كبرى رفاعه نجيب لكم العروس
وبعد العقد نتلاقى فى الكمبو
حيث ام فتفت والمراره والنمه والدوبيت
تحت رعاية ود المطامير طيب الذكر

صالح ابوشوارب

30-06-2009, 11:00 PM

يا ناس المنتدى يا مشرفين الحقونا
انا ذاتي (البخرة وصلتني )
لكن بتفتح لى رسايل الخواجه
ونسخت ليكم منها واحدة
والباقي تم نقله (للورد)

أ
ياخي ما تحنوا علينا

ما قلت لي الجكس بتاع بركات فلاته
كيف؟ وهناية بت الفلاتة (حلاتها) عاملة كيف؟

!.

صالح ابوشوارب

30-06-2009, 11:08 PM

الحبايب

عزيز
وجيمي

والله مشتاقين
لينا زمن نفتش ليكم
والبركة في بخرة ود الشيخ
الجابتكم

العاقب مصباح

01-07-2009, 05:27 AM

في يوم من صباحات الخريف الممطرة..
مازالت السماء تتلبد بالغيوم خلف السحب الداكنة
التي تسير بسرعة منتظمة من ناحية الجنوب في إتجاه الشمال
لتحجب أشعة الشمس وتمنعها من الظهور عند الشروق..
الصمت والسكون يعم أرجاء المنطقة..
ماعدا صوت حفيف الأشجار وهي تداعب الهواء الطلق
مصحوبة بزخات من المطر الخفيف بدأت تتساقط من السماء..
الهمبريب المشبع بعبق الدعاش تكاد تشم رائحته في كل مكان..

* * * * *
توقف المطر فجأة..
وظهرت الشمس في الأفق البعيد ترسل أشعتها
الذهبية في إنسياب سحري بديع مخترقة الغيوم ..
وخرجت العصافير من أمثال (ود أبرق وعشوشة)
تطير فرحة وهي تغرد بكل نشوة وحبور حينما رأت النور..
صباح هاديء وجميل ويبشر بقدوم يوم جديد كله حيوية ونشاط..

* * * * *
من جانب آخر بدأت حركة الناس تدب في الشوارع رويدا رويدا..
العمال والموظفين يتسارعون الى مكان عملهم
بعد سماعهم صافرة الورشة إذاناً بدخولهم وبدء العمل..
حركة دؤوبة للمركبات في الشوارع..
سيارات صغيرة لاندروفر وموريس وباصات ودراجات..
تسير في إتجاهات مختلفة..
تتوقف في محطات معينة لتنقل العمال والموظفين الى مكان عملهم..
أفواج من طلاب المدارس أولاد وبنات تجمعت في الطرقات
وبدأت تسير على أرجلها في إتجاه مدارسهم..

أم العوض بائعة السندوتشات حضرت منذ الصباح الباكر الى
مقر مدرسة الأولاد وإنتبذت مكانها المألوف عند طرف أحدى الحيطان
لتتخذه موقعا لتجارة بيع السندوتشات..
وضعت قطع من الفحم على (الكانون) المنقد ..
وقامت بإشعال النار في الفحم ..
ثم وضعت قدرة الفول فوق (المنقد)..
وجهزت (الكمشة) وجلست على (بنبرها)
المعهود واضعة كف يدها اليمنى على خدها
وهي في حالة تأمل تنتظر بفروغ صبر
وصول أحد التلاميذ لتستفتح به يوم الرزق..

* * * *

تجلس بالقرب من أم العوض بائعة الزلابية اللذيدة (الفن)
وهي الاخرى مشغولة بتغطية الزلابية على (طشت) كبير
بقطعة قماش بيضاء نظيفة لتحافظ على سخونتها ولتبدو طازجة
حتى لا يصلها الغبار الصادر من الناس والسيارات المارة في الطريق..

في ذلك الصباح الجميل إلتف التلاميذ حول أم العوض بائعة السندوتشات
والكل يتدافع أمامها ويصيح بأعلى صوته يريد لفت نظرها ناحيته:
(أم العوض.. أم العوض.. هنا يا أم العوض)
لعله يحظي بشراء سندوتش الفول المدنكل الطازج
المخلوط بالطعمية والسلطات والجبنة وسلطة الروب
ليستمتعوا بمذاقها الطيب قبل دخولهم الفصول..
وآخرون ينادون على أم العوض بعد أن فرغوا من أكل
سندوتشاتهم لكي يدفعوا ثمن الساندوتش ويسددوا ما عليهم من
(جرورة) ديون متأخرة.
أم العوض تنادي على التلميذ عبدالجليل
بأن يأتي ويسدد ما عليه من ديون سندوتشات
إشتراها في وقت سابق..
هوي يا ولد هوي.. هوي يا عبدالجليل..
تعال جاي.. وبطل المضاراة.. شايفاك بعيوني اللتينين ديل..
إنت فاكرني غبيانة وما بشوف..
أحسن ليك تعال سدد العليك قبل ما أشتكيك للمدرس..
التلميذ عبدالجليل يحاول التهرب والتغاضي عنها عمدا..
والتحايل عليها معتقدا بأن أم العوض قد تنسى..
ولكن أم العوض كانت أحرص منه في تسجيل
الديون وتواصل: (يا ولد هوي تعال هنا أحسن ليك
وسدد القروش العليك وبطل الإستهبال والزوغان..
إنت قايلني بنسى.. الحمد لله مشخطة كل ديونك
في النوتة بتاعتي دي.. وطريقة ليك مافي
تغشني.. إنت فاكرني مخرفة؟)..
أنا بعقلي دا أوزن بلد.. أوعك تتحايل علي..
لم يجد التلميذ عبدالجليل حيلة يتحايل بها على أم العوض
ولكنه وجد نفسه مرغما بأن يدفع لها ما عليه من ديون
تفاديا لشكوة المدرس..
أدخل التلميذ عبدالجليل يده في جيبه وأخرج مبلغ
(قرشين) وفي لحظة غضب رماها في يد أم العوض
وقال ليها (دا كل العندي إنتظري لغاية ما أجيب ليك الباقي..
وبالله يا أم العوض أوعك تضايقيني قدام الأولاد)..
أم العوض.. هوي يا ولد بطل المسخرة بتاعتك دي
حأسجل الدفعتو في النوتة والباقي لازم تدفعه المرة الجاية)..

في تلك اللحظات وفي أثناء إنشغال التلاميذ بالكلام والونسة
وزنقة التلميذ عبدالجليل من أم العوض التي تشبه - الله يكرمكم -
(زنقة الكلب في الطاحونة) وإصرارها له على تسديد
ما عليه من ديون..
وبعد الفراغ من أكل سندوتشات الفطور..
فجأة دق جرس المدرسة منذرا ببدء اليوم الدراسي..
تحرك التلاميذ مسرعين ناحية ساحة كبيرة في فناء المدرسة ..
وتجمعوا في صفوف منتظمة ليبدأ يوم السبت بداية الأسبوع ..
وهو يوم يقابل يوم النظافة..
أو يوم الحساب كما يسميه ودالماحي ..
إبتداء الطابور بنشيد تحية العلم ثم كشف الحضور والغياب ..
ثم عملية صفاه وإنتباه التي تشبه حركات العساكر..
وبعدها عملية تفتيش النظافة التي تجرى مرة في الأسبوع ..
ولا يطيقها معظم التلاميذ لأنها تفضح أمر العديد منهم ..
خاصة عندما يصرخ الأستاذ في التلاميذ: أرفعوا الجلالبيب..
لتفتيش الملابس ذات البنية التحتية..
وهي لحظات حرجة تشمت التلاميذ (اللابسين نظيف)
على التلاميذ الآخرين (الما لبسين نظيف) عليهم ..
ولو لاحظ الأستاذ أي نوع من الإتساخ على الملابس
سيلاقي التلميذ عقوبة الجلد..
ياما في ناس إنجلدت جلد صاح..

إنتهزنا أنا وصديقي متوكل لحظة توتر التلاميذ..
وإنشغال الأساتذة بتهدأت الوضع..
ومحاولتهم لإعادة التلاميذ الى المدرسة..
ووجدناها فرصة ثمينة للهروب من المدرسة..
وخرجنا خلسة من الباب الخلفي للمدرسة..
وإختفينا في إحدى الأزقة ليس خوفا من الحلوف..
ولكن حب الإستطلاع والفضول لدينا زاد من تشوقنا..
ودفع الحماس في قلوبنا لرؤية هذا الحيوان الغريب علي المنطقة..
لم نكن نعلم عما إذا كان هذا الحيوان مفترس أم مسالم..
ولكن جعلنا الإحتياط واجب..
وسرنا في الشوارع بحذر شديد نتلفت تارة على اليمين وتارة على الشمال..
حتى لا يداهمنا الحلوف فجأة ويؤذينا حسب إعتقادنا..
سألني متوكل في تردد وتوتر شديدين..
سؤال عفوي يسأله معظم الأطفال في عمرنا بقصد التأكيد:
قبل كده شفت الحلوف؟
قلت له: السنة المضت الوالد أخذنا وسافرنا على الخرطوم..
ومشينا زرنا جنينة الحيوانات (حديقة الحيوان)..
شفنا حيوانات كثيرة.. شفنا الفيل والأسد والنمر والزرافة
والحمار الوحش والقرنتية القاعدين يحكوا بيها حبوباتنا..
والتمساح والدبيب (الثعبان)..
وشفنا حيوان في داخل القفص قالوا إسمه الحلوف..
متوكل: عليك الله شفت الحلوف؟ وصحي عنده سنون كبااااااار قدر الكتلة؟
أي شفتو.. هو عندو قرون لكن مش كباااااار خالص وشكله يخوف..
(طبعا كنت أقصد له أنياب بارزة..)
لكن ما عندي فكرة هل بيعضي ولا بينطح..

في تلك اللحظة العابرة ظهر عم عثمان
مكفكفا ذراع قميصه ويحمل في يده عكاز (مضبب)..
ويتطاير من عينيه الشرر دون عادته وكأنه على موعد
لمقاتلة أشرس الحيوانات المفترسة..
تصحبه أمونه بت أحمد تتوارى خلفه حافية القدمين..
ممسكة بيدها اليسرى (بشبشبها) من نوع (السفنجة)..
وتحمل في يدها اليمني قناية قصيرة لزوم الحماية..
وقابضة بأسنانها على طرف ثوبها (الزراق)..
الذي تدلي جزء منه حتى خصرها..
كانت تتبعه بخطوات قريبة منه..
حيث إرتسمت على وجهها علامة الخوف هي الأخرى..
و إتسعت حدقتا عينيها من شدة الفزع..
ويكاد يقتلها القلق على إبنها الذي لا تعرف مكانه..
كانا يمشيان في الشارع أيضا بحذر شديد
وكلما أتيا الى إحدى تقاطعات الشوارع يتوقف عم عثمان
كأنه يقود سيارة عند لوحة (قف)
و(يتاوق) يميناً ويساراً لعله يحظي بمصادفة
الحلوف وينهال عليه ضربا ويرديه قتيلا
ليظهر شجاعته ويخلص الناس من شره..

* * * * *

عندما رأنا عم عثمان سألنا بلكنة أهلنا الشماليين:
يا وليدات إنتو طالعين من المدرسي هسع في شنو؟
ولي شنو في وقت متل دا إنتو مو نصيحين؟ ماشين لاوين؟
كذبنا على عم عثمان قلنا له: يا عم عثمان أنحنا جايين من الشفخانة..
وماشين على المدرسة.. قالوا في حلوف هايج في البلد..
وأنحنا هسع خايفين يلاقينا الحلوف يعضينا..
عم عثمان: جايين من الشفخاني..
مين فيكم العيان؟ إن شاء الله ما فيها وردي؟ يقصد (حمى)
لا ياعم عثمان الحمد لله بسيطة.. متوكل عندو كحة والحكيم صرف
ليهو حبوب وهسع هو كويس..
عم عثمان: طيب ما شفتوا علي ود خليل؟
متوكل: يا عم عثمان علي لو في المدرسة
بيكون خرج مع التلاميذ وجرى على البيت..
عم عثمان: أموني خلاص أرح نرجع البيت الولد الليلك
إن شاء الله يكون هناك وربنا يجيب العواقب سليمي.
صاحت أمونه (وا شريري.. ويا حليلك يا علي يا وليدي
الليلي يلاقيك المصيبة دي وما يفضل فيك الحتي.. الليلي ووب عليك..
ووب على أمك.. سجمي.. سجمي)..

حضر عم هارون يخطو في الشارع كالفارس المغوار..
يحمل في يده سيف مسلول من نصله سنين يلمع..
وكأنه على موعد لمبارزة أحد الفرسان..
يبدو أنه قضى وقتا طويلا في تلميعه لإظهاره بمظهر حسن..
كان يتنفس بصعوبة بالغة وعيونه (منططه) ويحملق فينا كالثور الهائج ..
ويبدو أنه هو الآخر كان يركض في أماكن مختلفة بحثا عن الحلوف..
الكل في حالة إستعداد والهجوم المباغت للإنقضاض
على الحيوان المفترس الذي داهم المنطقة..
وعندما شاهده عم عثمان صاح فيه قائلا:
يا هارون الحكايي شنو؟..
ها زول إنت برضك مو نصيح؟..
إنت يازول ماشي تحارب؟
يا جماعة الخير الناس دي فقدت عقلها شان شنو؟
لا حول ولا قوة إلا بالله..
كدي يا أخوي قول بسم الله وهديء نفسك شوية..
عم هارون لم يرد على سؤال عم عثمان لأنه كان في عجلة من أمره..
حيث كان يضع جل همه وإهتمامه في البحث عن الحلوف..
عم هارون: كدي خلونا في المهم..
شفتوا الحلوف دخل وين يا أولاد؟..
قالوا في ناس شافوه جاري وحايم في الحتة دي..؟
لقد زاد قلقنا أنا وصاحبي متوكل حينما سمعنا عم هارون يقول
بأن الحلوف حايم في تلك المنطقة التي وصلناها..
وعلى الرغم من شعورنا بالخطر يدب في تلك المنطقة
إلا أن حب الإستطلاع إزداد فينا لمشاهدة الحلوف..
شعرنا بأننا في المنطقة التي ينطلق فيها ذلك المخلوق العجيب..
وأننا بمقربة وعلى بعد خطوات منه..
ثبتنا في مكاننا كالتماثيل دون حراك خوفا أن يلاقينا الحلوف بغتة
ولابد من أن نحتمي خلف أي حائط كنوع من الإحتياط ..
لأننا كنا في حالة شكك بأن الحلوف قد يكون حجمه كبير..
وأن عكاز عم عثمان المضبب ربما لن يجعله يتمكن من الحلوف ويقضي عليه..

بعد لحظات حضر سرحان العربي بائع اللبن (الحليب)
يمتطي حماره المكادي طويل القامة ذو اللونين الأبيض والرمادي
الذي يسر الناظرين وهو في عجلة من أمره أيضا..
يبدو إن سرحان العربي خلص لتوه من بيع اللبن وأراد أن يعود
الى منزله بسرعة حينما سمع بأن البلد فيها حلوف هارب
وأن هذا الحلوف إنطلق من جهة الحي الذي يسكنه..
سرحان العربي أحد الظرفاء وشخصية محبوبة في المنطقة
والكل يعرفه بطيبة قلبه.. يحب الهظار مع الجميع
ولايعرف الخجل ولا يتواني في توجيه الشتائم والكلمات البذيئة بغرض المزاح..
الكل يعرف أن الكلام الذي يقوله لا يجرحهم لأنه
لا يخرج من قلبه وإنما من طرف لسانه.
سرحان العربي إنسان نشيط جدا كان يطوف على الأحياء
كل يوم ليقوم بتوزيع وبيع اللبن في الصباح كمصدر للرزق..
وبعد أن يخلص من بيع اللبن يذهب للعمل في أحدى
مؤسسات مشروع الجزيرة وفي المساء يلعب معنا كورة القدم..
لاعب سريع وحريف يحب رفع الكورة من الكورنة
وأحيانا يغير مشيته دلالة على حرفنته عندما (تصدق) رفعة الكورة وتصل
الى قدم أحد المهاجمين من فريقه ويتم تسديدها في المرمى.
ألقى علينا سرحان العربي التحية وقال:
يا أولاد إنتو ما تمشوا تتلموا على أهلهم..
على بالطلاق الحلوف دا لو لم فيكم إلا........ أم حلتكم..
عند سماعنا لكلمات سرحان العربي ضحكنا ونسينا الحلوف
بعد أن كان يعم علينا الإرتباك والتوتر.

وفي أثناء سيرنا إلتقينا بعمك (فتريته) بائع الطعمية اللذيذة طيبة المذاق ..
كان يدفع أمامه عربته (الطبلية) المتحركة..
التي تفوح منها رائحة الطعمية الزكية
في كل مكان وهو يصيح:
أنا بهنا ربك يهونا.. جميل لذيذ.. أيوه نعم.. حار وكبار..
حار من نارو تقيل ميزانو.. جميل لذيذ.. أيوه بهنا ربك يهونا..
وهكذا كان يصيح بأعلى صوته طلبا للرزق..
غير مبالي لما يجري في المدينة من أحداث الحلوف التي عمت البلد..
وشغلت عامة الناس في المنطقةا..
عمك فتريته كان لا يهتم كثيرا بالمادة..
وإنما بجودة الطعمية والمحافظة على مذاقها الطيب..
كان معظم زبائنه من عمال الورش وموظفي المكاتب والأطفال في الأحياء..
وكان كثيرا ما يمد للزبائن قطع من الطعمية لتذوقها قبل شراءها..
لأنه يفاخر بجودتها..
ولا يتضايق أبدا إذا لم يكن مع الزبون المال ليدفع له ثمن الطعمية..
ويقول: أمشي على بركة الله.. لما تلقى القروش أدفع لي..
ولو ما عندك مش مهم.. ربك يهونا..
هذا هو شعاره الذي كان يحفذه على المضيء قدما
في طلب الرزق.

عدم مبالاة عمك فتريته وطريقة صياحه لبيع الطعمية..
أغاظت العم عثمان وجعلته يشير بأصبع السبابة ناحيته ويصيح فيه قائلا:
يا فتريته يازول هوي..
إنت يا زول عامل مصهين وماك جايب خبر البلد فيها حلوف؟..
يازول بصوتك العالي الـليك ذي صوت المؤذن دا
على بالطلاق الحلوف لو سمعك يقوم يجيك ويهجم عليك
ويبهدلك وبعدين خايفك تقوم تطفشوا من الناس وما يقدروا يلموا فيه يقتلوه..
كدي عليك الله أسكت.. هسع دا وقتا يبيعوا فيه طعمي؟
وفي سخرية واصل صياحه: إن شاء الله الحلوف دا يا فتريته
يلاقيك يقد لك الطبلية الليلتك
ويشتت لك طعميتك اللذيذة دي ويريحنا منها..
والعجلات ما يوقفن إلا في سنار.

ضحك عمك فتريته ورد قائلا:
عليك الله يا عثمان يا أخوي سمعت ليك يوم حلوف عض ليهو زول..
ولا كتل ليهو واحد..
يا جماعة إنتو الظاهر عليكم ما بتعرفوا الحلوف!!
يا خي الحلوف دا ذيه وذي أي بهيمة حايمة في الفريق..
عاملين للحيوان دا أهمية زيادة من اللزوم..
البلد كلها قايمة وقاعدة تقول الحلوف دا أسد ولا نمر..
يا ناس ما تعقلوا شوية؟.. لا حولتن بالله العلي العظيم..
أدارعمك فتريته وجهه وعاد يدفع عربة الطعمية المتحركة في الطريق
ليواصل كفاحهه اليومي من أجل الرزق وبدأ يصيح بأعلى صوته من جديد:
أنا بهنا ربك يهونا.. جميل لذيذ.. حار وكبار.. أيوه نعم..

في ذلك اليوم ظهرت كمية وأنواع من الأسلحة البيضاء..
من حراب وكوكاب وسكاكين وسواطير وفرارات وسيوف..
ونشابات وعكاكيز مضببة وأسلحة بأشكال مختلفة..
مسمياتها غير معروفة تكفي لتسليح كتيبة حربية كاملة أو لعمل إنقلاب..
ولو تدري عنها الحكومة لصادرتها من أصحابها في الحال..
لم نتوقع أبدا بأن المنطقة بها هذا العدد والحجم الهائل من الأسلحة.

* * * * *

مازلت أصوات الناس والضوضاء تنطلق في كل أرجاء المنطقة..
والكل يركض في إتجاهات مختلفة بحثا عن الحلوف أو الكدروك..
لم تمر لحظات حتى سمعنا أصوات ناس آخرين يصيحون لقينا الحلوف..
أهو الحلوف لقيناهو..
قامت مجموعة من الناس المطاردين للحلوف بمحاصرة الحلوف
وتضييق الخناق عليه في منطقة الجمالونات لا تبعد كثيرا
عن سكن العم كودي الذي صال وجال المنطقة كلها بحثا عن الكدروك..
ولو أنه كان يدري بأن الكدروك سيأتي الى منطقته
لبقي في مكانه وأخذ نصيبه من القسمة.
هجمت المجموعة بكل ما تحملونه من أسلحة (ثقيلة) على الحلوف..
وإنهالوا عليه ضربا مبرحا بالعكاكيز..
وطعنا بالحراب والسيوف والسكاكين والسواطير..
ورمي بالحجارة الى أن طاح الحلوف المسكين على الأرض
وهو يأن من شدة الألم والطعنات..
لم تعد لحظات حتى فارق الحلوف الحياة وإنقضوا عليه يقطعون لحمه
إربا إربا حيث لم يلق الجميع الوقت المتسع لسلخ جلده..
والكل يقطع قطعة من جسده ويجري بها في إتجاه بيته..

* * * * *

عم حسن بائع القش والبرسيم كان أوفر حظا..
إستطاع أن يحصل على قطعة فخذ كاملة من رجل الحلوف..
لفها بقطعة (خيشة) وشمر جلبابه ثم حملها على كتفه..
وراح يخطو بها مسرعا في إتجاه منزله..
وبعض قطرات من الدماء تلطخ ملابسه دون أن يعيرها أي إهتمام..

حضر عم كودي الى المكان يتنهد بشدة..
ويتصبب من وجهه العرق..
يبدو أنه ضل الطريق..
حيث كان يجري ويبحث عن الكدروك في الإتجاه الخاطيء..
ولكنه وصل متأخرا بعد فوات الأوان وإختفاء الكدروك من الوجود..
وخرج من المولد بدون حمص بعد تقسيم الغنيمة ولم يحصل على شيء..
كل ما وجده أثار بقع دماء على الأرض وبضع شعيرات من الصوف..
الأمر الذي جعله يغضب ويثور ويسب ويلعن سوء حظه..
وهو يهمهم بكلمات غير مفهومة..

* * * * *

بعد أن هدأ حال العم كودي قليلا..
أدرك أنه لن يتمكن من العثور على الكدروك..
وأن مجهوده ذهب هباءاً مع الريح..
أخيرا إقتنع بالأمر الواقع..
ونطق غاضبا موجها كلامه للجميع وقال:
إن شاء الله لحم كدروك دي ما تنفع نسوان حقتم..
ثم أدار وجهه وعاد مطأطا راسه ومجرجرا سفروقه على الأرض
ناحية منزله وهو في خيبة أمل وغاية من الحسرة والندم على حظه العاثر..
لأنه لن يجد الفرصة أبدا مرة أخرى ليتذوق طعم لحم الحلوف وينعم بلذته.

* * * *
لم تمر لحظات حتى خرجت جموع من الناس..
وأحتشدت في الطريق معلنة الإنتصار..
تهتف بمقتل الحلوف وكأنها أسقطت الحكومة..
حضر أفراد من قوة الشرطة لتفريغ الناس وجمع الأقوال
للتحقيق في الحادث الذي شاعت أخباره في البلد..
بدأ أفراد الشرطة بالبحث عن معلومات..
أو آثار للوصول الى جثة الحيوان المفترس الذي روع أهل
المنطقة وغاب عن الأنظار في بضع لحظات من الزمن..
أخيرا توصل الضابط المسؤول عن التحقيق بأن الحلوف كان
لصاحب مزرعة شرق النيل ويبدو إنه كان يربي الخنازير
للإستفادة من لحومها وبيعها للأخوة المسيحيين..
إلا أن الخنزير إنتهز فرصة عدم تواجد الحارس المسؤول
وخرج من خلال سور المزرعة وقفز الى النهر..
ثم عبر الى الجهة الغربية سباحة وفر يبعث الخوف والهلع بين المواطنين..
وقد كان جزاءه القتل والتقطيع وتحضير وجبة شهية..
ثم الإنتهاء بالهضم داخل البطون.

أكل الناس لحم الحلوف أو الكدروك على أساس أنه حيوان بري متوحش..
يصلح لحمه لمعالجة المرأة العاقر ويجعلها تلد وهم لا يعلمون بأنهم أكلوا الخنزير..
الحلوف أو الكدروك هو نوع من الخنازير المتوحشة ..
وهي أيضا محرم أكلها على المسلمين..

عماد الصادق

01-07-2009, 07:41 AM

ود الماحي حبابك الممسوخ دا إنت جيت؟
الجزلان ضاع والحلوف ضاع بدل تطيب على أخوك
تجي تضحك علي وكما شايل معاك مكوة؟
لا إنت لا العاقب المصباح ساعدتوني ودليتوني
على حلوفي الضائع ولا حتى طفش وين؟
باكر (الككو) حق عموري بيروح وبتجي
تفتش عليه!! وحنحلق ليك (جبنة) ونعمل ليك
قبور في راسك المكعوج داا!!

راس كبير وراس مكعوج.. وحلوف ضايع..
قبل شويه كتبت لي يجي عشره سطور في حلوف عزيزنا ولكن ضاعت وما مشت..
حاج عجيبه.. والله مشتااااقيين كتير بعد هذه الغيبه الطويله..
تحياتي وتحياتي وتحياتي

عزيز عيسى

01-07-2009, 08:39 AM

راس كبير وراس مكعوج.. وحلوف ضايع..
قبل شويه كتبت لي يجي عشره سطور في حلوف عزيزنا ولكن ضاعت وما مشت..
حاج عجيبه.. والله مشتااااقيين كتير بعد هذه الغيبه الطويله..
تحياتي وتحياتي وتحياتي

لاحول ولا قوة الله بالله.. عماد الصادق بشحمه ولحمه
والله ما بصدق أبدا..

ياجماعة بعد إذنكم أرد على الزول دا لأنه والله ما مصدق
عيوني لما شفت توقيع عماد الصادق.

يازول كدي تعال أول حاجة خلينا نسلم عليك ونقالدك
ليك وحشة عظيمة وقبل يومين كنت بتحدث مع ودالماحي
وجبنا سيرتك وكنت ببحث عن رقم تلفونك علشان إتصل بيك
ياخي ما معقولة وين الغيبة الطويلة دي؟
يا سلام عليك يا عماد إن شاء الله عودتك تجيب الباقين..
سعيد جدا بطلتك غير المتوقعة.. وإن شاء الله تكون
دي آخر الغيابات وربنا ما يحرمنا من شوفتكم.

بالنسبة للحلوف بتاعي الراح شمار في مرقة كثر خير أخونا
عقبة الجاب لينا أثره وحأعيد وضعه في العام مخصوص علشانك
على الرغم من ضياع المشاركات وأخليك تضع لينا مشاركتك.

عزيز عيسى

01-07-2009, 08:56 AM

والله ياخواجه تالمت كثيراً لوفاة الشيخ الجليل عبد القيوم والذى كان معانا عند بداية حفر اساس مسجد بركات وكيف كان هذا العارف بالله يبكى دموع الفرح وهو يقول لى.. له الحمد والشكر )

أبوسفروق العزيز..
عمنا عبدالقيوم الله يرحمه ويغفر ليه راجل كان بركة..
ومن نعم الله التي أنعمها على هذا الشيخ الجليل
العارف بالله إنه ربنا حباه بطيبة قلب وقدرة فائقة
في التألف بين الناس في مناطق مختلفة من السودان
تحت مظلة الدين.. دائما تجده من السباقين في عمل
الخير لا يكل ولا يمل.
نسأل الله أن يبني له بيتا في الجنة ويرفعه درجات.
(إن أولياء الله لا خوف عليهم ولا هم يحزنون).

عزيز عيسى

01-07-2009, 09:25 AM

يا ناس المنتدى يا مشرفين الحقونا
انا ذاتي (البخرة وصلتني )
لكن بتفتح لى رسايل الخواجه
ونسخت ليكم منها واحدة
والباقي تم نقله (للورد)

غايتو البخرة الوصلتك دي يا ود أبو شوارب إلا تكون
بخرة شيخك داك الخلاك تهضرب وتردد معاهو الكلام..
أخرج..
.. والله لما إتذكر الموقف الحصل ليك مع الشيخ
أضحك بطول حسي.
الرسالة دي أصلا كان رسلها لي رضا المجكساتي
وكان بتغزل في بنات بركات فلاته
الزول دا قال شعر لم يقله مالك في الخمر..
أرسلها ليك كاملة تفضحه؟
أبو شوارب ليك وحشة والله أظهر وخليك معانا في
العام.

عزيز عيسى

01-07-2009, 09:27 AM

العاقب والله إنت زول ماك ساهل طب..
ياخي الله يعدلها عليك محل ما تقبل..
سأقوم بفتح بوست بنفس الموضوع
مخصوص علشان حبيبنا عماد الصادق.

admin

01-07-2009, 09:47 AM

راس كبير وراس مكعوج.. وحلوف ضايع..
قبل شويه كتبت لي يجي عشره سطور في حلوف عزيزنا ولكن ضاعت وما مشت..
حاج عجيبه.. والله مشتااااقيين كتير بعد هذه الغيبه الطويله..
تحياتي وتحياتي وتحياتي

عماد الصادق :eek::eek::eek::eek:
الصراحة ياعزيز دي مفاجأة المفاجاءات .. كيفك ياعمدة وكيف عيالك ان شاءالله بخير وعافية .. والشوق بحر

احي كل المتداخلين المواصلين والعايدين واتمني دوام المحبة والاخاء بين الحميع

عزيز عيسى

01-07-2009, 09:49 AM

عماد الصادق :eek::eek::eek::eek:
الصراحة ياعزيز دي مفاجأة المفاجاءات .. كيفك ياعمدة وكيف عيالك ان شاءالله بخير وعافية .. والشوق بحر

احي كل المتداخلين المواصلين والعايدين واتمني دوام المحبة والاخاء بين الحميع
بالله يا أبوبكر مش مفروض نجيب ناس المزيكة
وناس الكيتة ذاتو علشان حبيبنا عماد الصادق.
وبرضو عاش من شافك.

moh_alnour

01-07-2009, 04:10 PM

بالله يا أبوبكر مش مفروض نجيب ناس المزيكة وناس الكيتة ذاتو علشان حبيبنا عماد الصادق

بالله يا خواجة جيب فرقة جاز بوليس النيل الأزرق ، البوست جاب الأعضاء القُدامى
المعبئين بعبق المحنة و التواصل و الزمن الجميل
للجميع كل المودة و التقدير بلا تحديد

Jamal Elmahi

01-07-2009, 05:10 PM

الحبايب

عزيز
وجيمي

والله مشتاقين
لينا زمن نفتش ليكم
والبركة في بخرة ود الشيخ
الجابتكم

حباب أبو الله جابو العزيز تيرابو ...
غايتو البوست دا علاّ نزربو بي شوك ...النعمنّو اللمّه دي شوفتنا ليها زمن عبود ....
الله يكفينا شر العين والعرض الشين ...

مشاققه ...
والله يابشوارب كلما آتذكر قصة الحرامي أبو مخلفات زي حطب الكمائن أضحك لامن أقنقد ...عجبتك كلمة مخلفات دي ...!!! أها عندك حاجه غيرا ؟؟؟

ود الماحي

Jamal Elmahi

01-07-2009, 05:20 PM

راس كبير وراس مكعوج.. وحلوف ضايع..
قبل شويه كتبت لي يجي عشره سطور في حلوف عزيزنا ولكن ضاعت وما مشت..
حاج عجيبه.. والله مشتااااقيين كتير بعد هذه الغيبه الطويله..
تحياتي وتحياتي وتحياتي

ود الصادق حبابك ...
العشره سطور الكتبتها لحسا حلوف الخواجه ...هو ما بركه الما خمش ليك يدك اليمين ...حلوف الخواجه بشفط الزول بي طولو وطلعو عضام بالشكمان ...من الله ما خلقك شفته ليك حلوف عندو خمسه كرعين ...الله بسعلني الكراع الخامسه بي كدرا ...
ببزغ سفتي وبجيك صاد ...

مشاققه ...
الأداك بالشوال يدينا بالشبال ...وصرف النظر عن المساكين رحمه ...

ود الماحي

ابراهيم

01-07-2009, 08:43 PM

ابراهيم

01-07-2009, 08:52 PM

ود الصادق حبابك ...
العشره سطور الكتبتها لحسا حلوف الخواجه ...هو ما بركه الما خمش ليك يدك اليمين ...حلوف الخواجه بشفط الزول بي طولو وطلعو عضام بالشكمان ...من الله ما خلقك شفته ليك حلوف عندو خمسه كرعين ...الله بسعلني الكراع الخامسه بي كدرا ...
ببزغ سفتي وبجيك صاد ...

مشاققه ...
الأداك بالشوال يدينا بالشبال ...وصرف النظر عن المساكين رحمه ...

ود الماحي

:D:D

هو دة حلوف ولا ديناصور يا ود الماحي

بالجنبة:
يا عزيز رسايل ود الطاهر لسا ظاهرة ليك :confused::D

عزيز عيسى

02-07-2009, 04:10 AM

بالله يا خواجة جيب فرقة جاز بوليس النيل الأزرق ، البوست جاب الأعضاء القُدامى
المعبئين بعبق المحنة و التواصل و الزمن الجميل
للجميع كل المودة و التقدير بلا تحديد

إتفضل أمشي أعفص هنا (http://wadmadani.com/vb/showthread.php?t=25486) وبتلقى ناس المزيكة جاهزين.

عزيز عيسى

02-07-2009, 04:23 AM

:D:D

هو دة حلوف ولا ديناصور يا ود الماحي

بالجنبة:
يا عزيز رسايل ود الطاهر لسا ظاهرة ليك :confused::D
يا برهوته بتاع ود الماحي دا ما ديناصور..
دا حيوان شركة أجيب
يا ربي الشعار دا هو نفسه ولا غيروا؟

http://www.americanagip.com/includes/templates/template_agip/images/newlogo.jpg

رسائل ود الطاهر ظاهرة ساي بس
دا كمان أخوك لسه شغال فيها توزيع..
لو عايز نسخة أديني خبر نجدع ليك منها..
لو مشيت على زنك الخضار في مدني
وقلت (كيس) بتلموا فيك الشماسة
وكل واحد فيهم مادي ليك كيس..
وبعد ما تستلم (الكيس) بدوك نسخة
من رسائل ود الطاهر.

Jamal Elmahi

02-07-2009, 07:25 AM

...
بالرقراق...
العروس جاهزه وابو العروس بدور شربوت
وقولة الخير لناس الساس والراس بالفاتحه
علا دهب المره ..مسعولية ابو العريس...
والسيره يابوى كدارى نمشى كدى ونقدل
فى كبرى رفاعه نجيب لكم العروس
وبعد العقد نتلاقى فى الكمبو
حيث ام فتفت والمراره والنمه والدوبيت
تحت رعاية ود المطامير طيب الذكر

يابو النسب قرّط علي موضوع الكمبو دا النعمنّو الواحد كوفر عديل وعشان مانقع ساي نشوف في قوقل محل المريسه الكاربه وين ...ولاّ أحسن نمشي علي أعتي دخان النعمنّو عتاوت الدخان تتناسب طردياّ مع ساموطية المريسه ...وأسعل مجرّب ...

مشاققه ...
البوست دا قرّب يلحق دكان ود الصول...الله يكفينا شر الكشّه مايجينا ود النور طاير ...محمد معانا ما تغشانا ....

ود الماحي

صالح ابوشوارب

02-07-2009, 09:11 AM

عماد الصادق :eek::eek::eek::eek:
الصراحة ياعزيز دي مفاجأة المفاجاءات .. كيفك ياعمدة وكيف عيالك ان شاءالله بخير وعافية .. والشوق بحر

احي كل المتداخلين المواصلين والعايدين واتمني دوام المحبة والاخاء بين الحميع

طبعا عمدة
الآن با آدمن
معانا في الرياض
ولكن بالهاتف فقط

صالح ابوشوارب

02-07-2009, 09:14 AM

حباب أبو الله جابو العزيز تيرابو ...
غايتو البوست دا علاّ نزربو بي شوك ...النعمنّو اللمّه دي شوفتنا ليها زمن عبود ....
الله يكفينا شر العين والعرض الشين ...

مشاققه ...
والله يابشوارب كلما آتذكر قصة الحرامي أبو مخلفات زي حطب الكمائن أضحك لامن أقنقد ...عجبتك كلمة مخلفات دي ...!!! أها عندك حاجه غيرا ؟؟؟

ود الماحي

ههههههههههههههه
قلت لي الحرامي
قنطر الكوووووووورة

ليك وحشة انت وكل الدفعة