أستاذنا / عصام حسين حمدلله على سلامة الوصول

[عوض صقير]

أستاذنا / عصام الدين حسين حسن شرف صباح اليوم الدوحة

قادماً من مدنى مروراً بالرياض


ألف حمدلله على السلامة

وإن شاء الله الجيت منهم طيبين

[عوض الكريم الخواض]

أخى الفاضل الأستاذ عصام حسين ...
حمداً لله على السلامة ...
وعوداً حميداً .

[ناصر عمر دبيب]

الف حمداً لله على السلامة الأستاذ عصام حسين
وعوداً حميداً

[ود علوية]

عودا حميدا بس ياعوض كمان مرة علي جدة وان كان مرور الكرام وان كنا نتمني ان يظل معنا اياما

[مدنيّة]

العود احمد يااستاذ

[ابوخالد]

عودآ حميدآ اخى الرائع الأستاذ / عصام حسين

وفى لهفه لساع علوم الديار ومن سكن الديارا

ولك صادق الود أجزله

[عوض صقير]

عودا حميدا بس ياعوض كمان مرة علي جدة وان كان مرور الكرام وان كنا نتمني ان يظل معنا اياما

أكيد مرٌ على جدة وقام بأداء فروض الولاء والطاعة لأبن خالته ود علوية ..... سلامات علاء الدين على عباس ... مسجل غياب أنت وود الجاك ...

[صابرحسين]

ألف حمداً لله على السلامة أستاذنا/ عصام حسين

[مجدى سنجر]

حمد الله ألف على السلامة ............
والله اشتقنا لسماع صوتك من خلال كتاباتك فى المنتدى!!!!
وعاتبين عليك وعلى عوص صقير بمرورك بالرياض من غير ...... يا ايها الابن العاق.

[ود علوية]

شكرا علي سؤالك اخي الغالي عوض و الواحد صار ذي حمار اللبن قبل ما يطور ويبقي بوكس ومرة سألني واحد عن احوالي فقلت ليه قولتي المشهورة ورد وقال والله انا زيك ذي حمار اللبن لكن في الحي الثاني!!!!!! عافنا الله جميعا وردنا الي اهلنا سالمين ومتعافين
اما عصام ادي طبعا فروض الولاء والطاعة بالاضافة لزيت السمسم النقي والمانقو واللجبنة الحلوة السودانية فانت مدعو لصحن فول مظبط ؟

[عوض صقير]

حمد الله ألف على السلامة ............
والله اشتقنا لسماع صوتك من خلال كتاباتك فى المنتدى!!!!
وعاتبين عليك وعلى عوص صقير بمرورك بالرياض من غير ...... يا ايها الابن العاق.

حبيبنا مجدى سنجر ... حالك وأحوالك وحمدلله على سلامة العودة ... لأنى آخر مرة سألت عنك قالوا لى سافر ماليزيا فى مهمة عمل خاصة بـ ( ......... ) ماشاء الله أصبحت عب كبير فى الشغلانة .... أرجو تحويل العتاب بأعلاه للحبيب ( ود الشايقى ) والباقى بتموا ليك بالهاتف ..

[عوض صقير]

شكرا علي سؤالك اخي الغالي عوض و الواحد صار ذي حمار اللبن قبل ما يطور ويبقي بوكس ومرة سألني واحد عن احوالي فقلت ليه قولتي المشهورة ورد وقال والله انا زيك ذي حمار اللبن لكن في الحي الثاني!!!!!! عافنا الله جميعا وردنا الي اهلنا سالمين ومتعافين
اما عصام ادي طبعا فروض الولاء والطاعة بالاضافة لزيت السمسم النقي والمانقو واللجبنة الحلوة السودانية فانت مدعو لصحن فول مظبط ؟

مشتاقين والله يا ود علوية ... وبكلامك ده ذكرتنى إسكندرية والموقف الظريف الحصل بينك وبين خالد كودى بتاع ( الفتيل ) :d

[الخواض محمداحمد خواض]

لا اعرف هل هذا حظ عاثر ام ماذا

والسبب هو اننى لم اقابل الرائع عصام بمدنى

واعتبر هذا تقصير كبير من جانبى فاعذرنى اخى عصام

ولك العتبى حتى ترضى

[مجدى سنجر]

العزيز عوض صقير
العاتب من العشم والمحبة، وود الشايقى عارفة با بقصر فى الستحواز على المنقة الحلوة
أرجو الاتصال عشان أنا ضيعت جوالى بكل الارقام.
تحياتى لكل الاخوان وخاصه خواض الرجل الرقيق والمهذب ولكم وله الود

[منتصر بسمه]

الأستاذ عصام حسين ...
حمداً لله على السلامة ...
وعوداً حميداً .

[خالد أحمد الصول]

عودا حميد أخي عصام حسين
فقد كنت نسمة باردة في سماء المدينة
و كنت كالطعم الحلو الذي لا يدوم
فكنا نقابلك كلما صار الشوق كطعم العلقم
ونقابلك مرة عندة اللزوم كما يأمر الاطباء
أذكر ذلك النهار الساخن يوم أن قابلتك في بقالة كازيبلانكا بدردق
فكانت الصدفة أحلي من الوعد
و تعارفنا و تعانقنا برغم العجورة التي من فسادها أفسدت علي متعة لقاؤك
ثم قابلتك و أنت تسعي لعمل الخير سعيا حثيثا
لتجعل ميزان حسناتك أثقل و أثقل
فعندما زرت مدرسة الجزيرة لذوي الحتياجات الخاصة
إمتلاء الميزان و خف الجيب
لك دعواتي طازجة لك بالعزة و العافية و العود الحميد المستطاب

[مبارك عمر عباس]

ألف حمدلله على السلامة .

[Isam Hussien H]

إنها معاناة التعامل مع التكنلوجيا ،، فبعد صراع طويل أجهزت على قصة الدخول ،، فلكم مني العتبى للتأخير ،، وتحياتي لكل من رحب بالعودة والعود أحمد ..

مدني حلوة بنكهة غير مسبوقة فأخذتني إلى حد الترتحة .. وبما أن الإجازة كانت أكثر من خمسين يوماً وكان الطريق طويلاً بالعربية قصيراً بالأحباب الذين تحتضنهم مدن جافة من طعم الحياة إلا ذلك الذي يبثونه ، لذا من الجميل أن أتناول إجازتي من الدوحة وحتى الدوحة ، وسأطل عليكم فيها بالكثير إنشاء الله .

[الزونية]

ياعصام حسين ويييييييينك يازول ..ومع إسمي الحركي ده إنت ومجدي سنجر ماحتعرفوني..
والله ياناس مدني ياحليلكم

[عصام سعيد]

حمد الله ألف على سلامتكم ,, وأرجو لك عودا حميدا ,, وإن شاء الجيت منهم طيبين ,, تحياتي للجميع , على أمل أن يجمع الله بيننا في درتنا الحبيبة ,, رد الله غربتنا وإياكم ,,

[Isam Hussien H]

الزونية الما بتحاول يوم تجينا كلمينا علي حقيقتك موجه موجه ما ضيعينا ،، لك الشكر الزونية ،، ومجدي سنجر ما زي حلاتي بعرف يصل بأسرع ما تتخيل أصلوا المعلومات بتصل لحدي عنده ..

العزيز أبو علياء ،، مودة خالصة وحب متين وإنتماء .. هذا ما علمتنا له الأيام ونحن في رحاب الصداقة التي جمعت بيننا في أوقات مختلفة . فأنت من صنف الرجال الذين لهم هيبة في الدواخل ، ويكفي أنكم من نبع إمتداده أستاذي عمر سعيد النور قامتي بدون منازع ومثلي الذي إخترته وياليتني أشبهه ..

[Isam Hussien H]

العزيز خواض ..

أنتم أهل المدينة الذين يستضيفون ضيوفها ،، ونحن أهل الدار ..
الواجب علي كان أن أظهر في كل المساحات ،، لكن ظروف خاصة ألجمت هيجان دواخلي وقيدت الحركة على مسار ضيق .. وتلك السويعات التي كنت أبحث فيها عن الصحاب بالمدينة كانت قدماي تقودني إلى عثمان سليمان الذي منحنا طعم للحياة في زمن سبق وها هو في مرحلة يحتاج لنا وعلى ذممنا دين كبير تجاهه ،، ثم نتقاود أنا مبارك سليمان نحو فخرالدين حامد وإلتفاف حميم بذلك البيت المرحاب عند نورالدين عبدالمجيد .. إنها أيام بطعم خاص فيها متعة الصوفي عندما تنتشي دواخله بذكر لا إله إلا الله ..

[الزونية]

يعني ياعصام حسين تتقاود إنت ومبارك سليمان وتمشو لي ناس الجبيلابي...عشان أوريك اني بعرف العائلات كمان ..
غايتو أكيد المرة دي كشفتني..
لكن والله مشتاقييييييييين

[سيد البلد]

الف حمد لله بسلامة الوصول

[سروية]

الأستاذ عصام حسين ...
حمداً لله على السلامة ...
وعوداً حميداً .

[الزونية]

ياعصام حسين ياخي مامنتظرين شنو الحكاية

[الزبير محمد عبدالفضيل]

الف حمداً لله على السلامة الأستاذ عصام حسين
وعوداً حميداً