ملكة القلوب . [الأرشيف] - منتديات ودمدني

عوض الكريم الخواض

30-06-2009, 04:49 AM

حسام التنين

30-06-2009, 04:57 AM

حقيقة والله ياخونا عوض ياريت نعرف طريقة للإتصال بها

كل انسان لديه شئ في نفسه ولكن هذا لايمكن من البداية بصفحة جديده

ياريت ملكة القلوب ترجع تاني ونستمتع بي رفقتها بين طيات المنتدي

رضا حسن محمد

30-06-2009, 05:10 AM

لما ترجع بالسلامة وترجع ايامنا الجميلة

عبدالرحمن مدثر

30-06-2009, 05:22 AM

دعوة جميلة

من دواخل جميلة تنبض بالطيبة وبالعطاء

لنخلة باسقة تعلمنا معنى العطاء الحقيقى

نرمى حجرا

نلقى ثمرا

حجرا

ثمرا

مقدار قساوتنا معطااااااااااااااااء

ياروعة هاتيك النخلة

ابوكريم ....

ملكة القلوب من الكتابات التى نحتاجها لانها تبصرنا بالكثير

العاقب مصباح

30-06-2009, 05:33 AM

عوض الكريم الخواض

لم تترك لنا شيئا نقله

ملكة القلوب غنية عن التعريف

آن الاوان لنا ان نفتقدها نحن

كنوع من رد الجميل

كنت اتمنى ان لا تتوقف هى عن الكتابة

وكنت اتمنى ايضا ان يتم ايقافها من الادارة

ولو لفترة محدودة

ليس عقابا

ولكن فترة انتقالية يجب ان تمر بها

وفى اعتقادى انها ستعود بعد الايقاف

بقوة كما عهدناها

اتمنى ان تصلك كلمات الخواض اختى ملكة

فحقا انتى ملكة متوجة

وتستاهلى كل خير بصراحة

من كان منكم بلا خطيئة فليرمنى بحجر

اتمنى ان تعودى شامخة كما عهدناك واكثر

خالص احترامى واكثر

المسافر

30-06-2009, 05:49 AM

ملكة القلوب غنية عن التعريف وهي
بالفعل نحلة المنتدى من ناحية ( النشاط ) ومن ناحية
( العسل ) ، ونرجو من الناس القريبين منها يتفقدوها . . .

لعل المانع خير

طائر النورس

30-06-2009, 06:46 AM

بجد انسانة رائعة

نتمنى لها التقدم وان تهل علينا كهلال رمضان القرب ده

تخريمة : يا لمسافر انت السنة دي صائم ولا عامل نائم ؟

محمد حسين (المميز)

30-06-2009, 06:57 AM

فقــد المنتــدى شيئــا من بريقــه

فكانت هي من أجمل ما يزينــه

كانت لوحه من لوحاته الجميلـــه

نتمنى عودتك قريبـــا

ليلمع منتدانا من جديد

---------------------------

:cool: :cool: :cool:

بعدين البت دي انا سمعت تحت تحت كده

انها دقت الحكم يوم داك

وبناء عليه تم ايقافها لمدة شهر :p

والله مع انها لسانها طويل وخيالها وااااااسع

لكن نحن بنقدم استئناف لعودتها :D :p :D

esmat

30-06-2009, 08:32 AM

كفييت ووفيت يا عوض الكريم يارائع انت

غريب الدار

30-06-2009, 10:01 PM

وانا بقول ليكم كلام عارفين انها ابتعدت عشان ماتعذبكم معاها اكتر والله لا يجيب ليها شر
وعارفين انها خايفة يوم تتالمو لو قريتو خبر ماكويس عنها في المنتدى
معلومة لكل الناس والله هي اليومين دي بتتحدى الالم لكن الله اعلم تكون مازعلانة لانها مابينكم
و لاني مافهمت المشكلة البسببها وقفوها ناس الادارة لكني بقول ليهم هو كويس انكم ابعدتوها من الضغط النفسي بس ما كويس لانها مابتغيب من المنتدى ولامرة
بالنيابة عنها بشكر الناس العايزنها ترجع وليكم علي اطمنكم عليها لحد ماترجع وانتو ادوعو ليها دايما تبقى كويسة وتجي تاني احسن من زمان

ملاحظة لسيد البلد انا كده فهمت انت ماعايز ترد لي ليه لكن حقك علي

بت أم درمان

30-06-2009, 10:17 PM

كلامك مية مية يا العاقب ياما اتمنيت وطلبت منها ان تبتعد هي بنفسها عن المنتدى وعن الضغط النفسي بدون توقيف من الادارة بس عنادها وحبها للمنتدى كان اقوى من اي طلب ربنا يرجعها بالسلامة

تغريد

01-07-2009, 02:53 AM

ايا كان سبب الغياب ربنا يرجعها بالف سلامة وحقيقة الزولة دي زولة أبدا ما ساهلة عند الكل ومكانها في الحفظ والصون الي حين العود الأحمد انشاء الله

عبدالله محمد العقاد

01-07-2009, 08:23 AM

تلك النحلة التى كانت تحلق فى حديقة المنتدى ...
لتفرز شهداً حلو المذاق ...
بكتاباتها الشيقة ...
ومبادراتها
الجميلة ...
ما من غآئب الا وسألت عنه ...
وطالبت برجوعه ...
تطيب خاطر الجميع ...
تترحم على فقداء المنتدى ...وتذكرنا بهم ان غشينا النسيان ...
كتاباتها الجميلة نابعة من قلب أبيض ...
وكأنها مرآة تعكس ما بدواخل الكثيرين منا ...نفتقدها اليوم فى هذا المنتدى بعد ان طال غيابها ...
وبعد تصريحاتها الغير مقبولة بعدم الرجوع اليه ...
فهذه دعوة منى اليكم أعضا المنتدى ...
لتعبروا عن تمسككم بأختكم الكريمة ملكة القلوب ...والتى بفقدها سيفقد المنتدى ركنأ جميلاً ...
كنا نأوى اليه ...
ليريح أعصابنا التلفى من وعورة الطريق .

الرائع ابو كريم
احي فيك هذه الروحة الطيبة و الاخاء الفياض
و لكن اسمح لي اختلف معك شوية
انا شخصيا من أنصار ان تأخذ اختنا ملكة القلوب بعض الوقت اجازة
يبدو لي حبنا الكبير لاختنا ملكة القلوب و اندهاشنا المتواصل لابداعها المتميز خلق ليها نوع من الضغط النفسي و وضعها في دائرة ضوء دائمة
و الدائرة الضوئية المنبعثة من اهتمامنا الكبير بها يبدو لي خلاها تفقد بوصلتها الداخلية في تحديد بعض الاتجاهات او الاتيان ببعض البوستات غريبة بعض الشي
فدعواتنا لها بالتوفيق اينما حلت و امانينا ان تاخذ وقتها الطبيعي و ترجع ملكتنا الاولى التي عرفناها قبل

tigani18

01-07-2009, 08:39 AM

كنا ننادي....
يا حبيبةُ كم نحبك..
يا حبيبة كم نتوقك..
يا حبيبة نشتهيك...
يا حبيبة كم توجَّعنا
تمزَّق حبلنا الَُسرِيّ
كي نأتي اليك بما حملنا من
حكايات الطريق..
كان الرجوع اليك أطول
من رحيلك في البعيد..

****************
كنا نخطُّ علي الأماكن حلمنا
وعلي العيون..
ونظل نبحث عن نساءٍ
لا يساورهنَّ زيف..
هل نحن حقا" شاحبون
ليضيع في كل المدائن ظلنا ؟
ام نحن دوما" راحلون
لنعود من كل البناتِ
بزاد موَّالٍ وناي ؟
سيظل يتعبنا السؤال ولا نجيب..

okasha

01-07-2009, 08:43 AM

اروع واجمل التحايا لكم ولك ايها الانسان عمنا عوض الكريم ابو كريم

حقيقة نلاحظ انه ان المنتدى اصبح يفقد الكثير من بريقه واصبح يتهاوى شيئا فشيئا بفقده بعض الا عضاء وحقيقة هناك اعضاء رسموا لوحات فى دواخلنا وعودتهم اقول ضرورة و واجب

ولى عودة انشاء الله

النور محمد يوسف

01-07-2009, 08:49 AM

تلك النحلة التى كانت تحلق فى حديقة المنتدى ...
لتفرز شهداً حلو المذاق ...
بكتاباتها الشيقة ...
ومبادراتها
الجميلة ...
ما من غآئب الا وسألت عنه ...
وطالبت برجوعه ...
تطيب خاطر الجميع ...
تترحم على فقداء المنتدى ...وتذكرنا بهم ان غشينا النسيان ...
كتاباتها الجميلة نابعة من قلب أبيض ...
وكأنها مرآة تعكس ما بدواخل الكثيرين منا ...نفتقدها اليوم فى هذا المنتدى بعد ان طال غيابها ...
وبعد تصريحاتها الغير مقبولة بعدم الرجوع اليه ...
فهذه دعوة منى اليكم أعضا المنتدى ...
لتعبروا عن تمسككم بأختكم الكريمة ملكة القلوب ...والتى بفقدها سيفقد المنتدى ركنأ جميلاً ...
كنا نأوى اليه ...
ليريح أعصابنا التلفى من وعورة الطريق .

تسلم ياخواض...هكذا نحن نريكدم ان تكونوا

نتفقد بعضنا بعضا

نعتذر ونعذر ونجد العذر ..يااااخ هكذا يجب ان نكون

والملكة هذه اتت في غير زمانها ...كانت تغرد في مجالات سوف نصلها بعد سنوات ....صدقوني ستكون هي الان حزينة لاننا لم نرتقِ لما كانت تصبو اليه من مكانة لنا

وتناديها مملكتها ان تعالي ...وترد الملكة وهل انتم تغيرتم حتى اعود
فنجاوبها تعالي وغيري ما تستطيعين لن نكلفك باكثر مما تستطيعين ...أفلا تصبرين على رعاياك ....

حزينة الملكة حزينة .... لكن سعادتها ان تكونوا كلكم سعداء

لكننا لن نكون سعداء بدون عودة الملكة الى مملكتها ... ما اصعب حزن الملاك

moh_alnour

01-07-2009, 04:23 PM

يبدو لي حبنا الكبير لاختنا ملكة القلوب و اندهاشنا المتواصل لابداعها المتميز خلق ليها نوع من الضغط النفسي و وضعها في دائرة ضوء دائمة
و الدائرة الضوئية المنبعثة من اهتمامنا الكبير بها يبدو لي خلاها تفقد بوصلتها الداخلية في تحديد بعض الاتجاهات او الاتيان ببعض البوستات غريبة بعض الشي
فدعواتنا لها بالتوفيق اينما حلت و امانينا ان تاخذ وقتها الطبيعي و ترجع ملكتنا الاولى التي عرفناها قبل

أخي ود العقاد حبنا الكبير لملكة القلوب جعلنا نُسمعها النقد قبل المديح و الإطراء
أحييك أخي عبد الله لأنك من الأشخاص الذين أستطاعوا أن يقرأوا تفاصيل شخصية ملكة القلوب
و لقد قلت لها ذات مرة بأن أكثر الردود التي أعجبتني في بوست ( خلف كواليس المنتدى )
رد الأخوة ( عبد الله العقاد و أبو أسامة و النور محمد يوسف ) مع أحترامي للجميع
و ذلك لأنهم يكتبون بحياد و تجرد و لأنهم يريدون لك ِ الخير و الصلاح
و لأنهم أستطاعوا أن يتلمسوا الكثير في شخصية ملكة القلوب لذلك كانت أرائهم تشخيصية و عملية
ستعود ملكة القلوب ملكة متوجة في قلوب أعضاء هذا الملتقى الطيب و الذي بادلها الحب بالحب
و ستعود ملكة القلوب عضو مؤثر و فعَّال في هذا المنتدى و نحلة من نحلاته التي تنشر الرحيق عبر صفحاته
و أؤكد لملكة قلوبنا بأن مكانها شاغر و محفوظ بعد أن تؤدي فترة محكوميتها في المنفى الإجباري ;)

عبدالله محمد العقاد

01-07-2009, 11:56 PM

ستعود ملكة القلوب ملكة متوجة في قلوب أعضاء هذا الملتقى الطيب و الذي بادلها الحب بالحب
و ستعود ملكة القلوب عضو مؤثر و فعَّال في هذا المنتدى و نحلة من نحلاته التي تنشر الرحيق عبر صفحاته
و أؤكد لملكة قلوبنا بأن مكانها شاغر و محفوظ بعد أن تؤدي فترة محكوميتها في المنفى الإجباري ;)

الشكر لك اخي محمد النور

و حقيقة الكلام دة من حبنا لاختنا في الله و في الجزيرة و في مدني ملكة القلوب
و ندعوا الله ان نراها مرة أخرى في منتدياتنا بإطلالتها الرائعة و إخاءها الفياض

تحياتي

esmat

02-07-2009, 12:19 AM

يعني يامحمد النور والعقاد ممكن نقول شايفة نفسها ولا شنو حللوا لينا ياخ

http://www.sudaneseonline.com/db/attention/200_4e.gif

عبدالرحمن مدثر

02-07-2009, 12:25 AM

تسلم ياخواض...هكذا نحن نريكدم ان تكونوا

نتفقد بعضنا بعضا

نعتذر ونعذر ونجد العذر ..يااااخ هكذا يجب ان نكون

والملكة هذه اتت في غير زمانها ...كانت تغرد في مجالات سوف نصلها بعد سنوات ....صدقوني ستكون هي الان حزينة لاننا لم نرتقِ لما كانت تصبو اليه من مكانة لنا

وتناديها مملكتها ان تعالي ...وترد الملكة وهل انتم تغيرتم حتى اعود
فنجاوبها تعالي وغيري ما تستطيعين لن نكلفك باكثر مما تستطيعين ...أفلا تصبرين على رعاياك ....

حزينة الملكة حزينة .... لكن سعادتها ان تكونوا كلكم سعداء

لكننا لن نكون سعداء بدون عودة الملكة الى مملكتها ... ما اصعب حزن الملاك

استاذنا النور محمد يوسف

منك نستمدالضياء ونتعلم كيف يكون للحروف اجنحة تحلق

بعيدا تطوى مسافات البعد .. وتجعل الفرحة متاحة

يكفيك ياملكة هذه القلادة التى نظمها اروع من عرفناهم

واصدق من عشقناهم

المسافر

02-07-2009, 12:31 AM

تحياتي للجميع !!!!!!!!

أول مرة أعرف أن ملكة القلوب تم إيقافها
وحكاية الإيقاف دي ( بتسوي لي حساسية)
وبحكم متابعتي البسيطة للموضوع الذي
أثار المشكلة ، أعتقد بأن ليس من الطبيعي
أن يتحمل إنسان عواقب ( ردود الأخرين )
وفهمهم لما يكتب . . وهذا ما حدث لي في
بوست ( 4 كعكات ) قامت الإدارة بتوجيه
إنذار لي مع من المفروض الإنذار يتوجه للذين
أساوا الفهم . .

ولماذا لم تقم الإدارة بتوضيح أسباب الإيقاف
للعيان حتى لا يساء فهمنا في أخت عزيزة .. .

غايتو جنس حركات عليهم

عبدالرحمن مدثر

02-07-2009, 01:06 AM

وانا استفسر مع المسافر

عن هذا المنفى الاجبارى الذى جاء من سياق الحديث

الملكة توقفت برغبتها

ام للادارة دور فى التوقيف

علامة استفهااااااااام

كبيرة

غريب الدار

02-07-2009, 01:24 AM

لو واقفة برغبتها وين بوست الاستقالة الهي نزلتو ؟
ولو الادارة موقفاها ممكن نعرف المدة والاسباب ؟

moh_alnour

02-07-2009, 03:56 AM

ولماذا لم تقم الإدارة بتوضيح أسباب الإيقاف
للعيان حتى لا يساء فهمنا في أخت عزيزة

وانا استفسر مع المسافر
عن هذا المنفى الاجبارى الذى جاء من سياق الحديث الملكة توقفت برغبتها ام للادارة دور فى التوقيف
علامة استفهااااااااام كبيرة

لو واقفة برغبتها وين بوست الاستقالة الهي نزلتو ؟
ولو الادارة موقفاها ممكن نعرف المدة والاسباب ؟

الأخوة الأحباب : المسافر ، أبو مُزن ، غريب الدار
تحياتي لكم
لو كان في واحد فيكم أجتهد شوية و دخل على الملف الشخصي للأخت ملكة القلوب لوجدتم أجابة لسؤالكم
بشأن الإيقاف و هل هي فعلا ً موقوفة أم في فترة بيات شتوي أم في منفى إجباري أو منفى إختياري ؟
و الذي أستغربته أكثر أن حديثي في أخر المشاركة كان مصحوبا ً بوجه تعبيري ضاحك تعارفنا من خلال أدبيات المنتديات أنه للمزاح
يا ريت ما تحملوا المشاركة أكثر من ما تتحمل فأنا كعضو بالمنتدى من قبل أن أكون مشرف من حقي
أن أمزح مع الأعضاء فليس هناك حاجز بيني و بين الأعضاء و خاصة الأخت ملكة القلوب
و مرحب بالجميع

حاتم مرزوق

02-07-2009, 04:32 AM

واضم صوتي الي اصواتكم
ونرجو ان تعود ملكة القلوب الي اهلها وعشيرتها وما اجمل التجاوز والتصافي.

مستنيين العودة

النور محمد يوسف

02-07-2009, 08:54 AM

استاذنا النور محمد يوسف

منك نستمدالضياء ونتعلم كيف يكون للحروف اجنحة تحلق

بعيدا تطوى مسافات البعد .. وتجعل الفرحة متاحة

يكفيك ياملكة هذه القلادة التى نظمها اروع من عرفناهم

واصدق من عشقناهم

أخي عبدالرحمن مدثر اليك تحياتي العطرة

انت ومن احبهم هنا في منتديات ودمدني العاشقون للكلمة الحلوة الفاردون اجنحة للخيال تمتطيها النفوس الى رحاب الافق الفسيح تعيشون فوق كل السحاب فلا تحجب الشمسُ الغيومَ فتتبدَّى الاشياء واضحة للعيان....انت وهم وهي عشقوا الكلمة وعشقوا الخيال وعشقناكم ...تستاهلون وتستاهل كل أوسمة العز وأجمل النياشين

اعشق الكلمة تخرج من اعماق عبدو فكلامه كله معشوقي واطارده لانال منه المزيد وحتما سوف تعود

الملكة اسماء ( ام محمد )

04-07-2009, 08:57 AM

تلك النحلة التى كانت تحلق فى حديقة المنتدى ...
واعلم انني كنت اتجول بين ازهاره بين الحين والاخر
ولكني لم ارتشف من رحيقه الكثير لاحساسي بالعجز امام مايكتب

بكتاباتها الشيقة ...
بصراحة اخجل امام هذا الكم من الاطراء واعجز مرة اخرى عن الرد
نفتقدها اليوم فى هذا المنتدى بعد ان طال غيابها ...
وافتقدتكم انا رغم اني كنت اشاهد ماتخط اياديكم خلسة
وبعد تصريحاتها الغير مقبولة بعدم الرجوع اليه ...

هي من ناحية مامقبولة فهي فعلا غير مقبولة ولاتليق بمن كان يدعو بعدم الهروب ويستنكر الاستقالات
ولكنها كانت خطة او محاولة لارجاع مياه فاضت بسبب ذات القلم

.
خالو عوض والله تخجل التواضع تواضعا
لا اجد كلمات تعبر عن امتناني لهذه الدعوة الصادقة بعودتي والتي وبحمد الله جاءت بنتيجة مرجوة
لك مني جزيل الشكر ولكل من اضاف بصمة لكلامك

وان شاء الله اردها ليك في الافراح يا ابو كريم

همسة : انت الايامات دي بطلت كلام في السياسة والا شنو ؟:rolleyes::cool::D

الملكة اسماء ( ام محمد )

04-07-2009, 09:00 AM

حقيقة والله ياخونا عوض ياريت نعرف طريقة للإتصال بها
ياخي انت لما كتبت الكلام دا زي الاتصلت بي والله

ياريت ملكة القلوب ترجع تاني ونستمتع بي رفقتها بين طيات المنتدي

وها انا عدت ياحسام الدين
ولك على مش رفقة بس ياااخ نتجول حتى تعلن الادارة حظر التجول زاتو :p
دمت بود ياصديقي

الملكة اسماء ( ام محمد )

04-07-2009, 09:03 AM

لما ترجع بالسلامة وترجع ايامنا الجميلة

العزيز جدا رضا حسن
ياخي والله العظيم انا زاتي مشتاقة لايامنا الجميلة
ومستنياك تفتتح ليك علبة موية انشاء الله وترشها عشان اجي :p:p

همسة : انا رجعت تفتكر ايامنا الجميلة ممكن ترجع ؟

الملكة اسماء ( ام محمد )

04-07-2009, 09:07 AM

دعوة جميلة

ملكة القلوب من الكتابات التى نحتاجها لانها تبصرنا بالكثير

العزيز جدا ابو مزن
ياصديق القلم
ياظل تستريح فيه افكار تعبة من عناء الامنيات الكاذبة
تعجز الكلمات دائما امام سادة الحرف

وصلتني دعوتك ودعوة رفاقك وعدت بفضل الله وبفضل هذه الكلمات

لك مني جزيل الشكر

الملكة اسماء ( ام محمد )

04-07-2009, 09:12 AM

آن الاوان لنا ان نفتقدها نحن

كنوع من رد الجميل
وفعلتم وكنتم فعلا خير من يرد الجميل

كنت اتمنى ان لا تتوقف هى عن الكتابة

وكنت اتمنى ايضا ان يتم ايقافها من الادارة
والغريبة الامنيتين حصلو
قلت لي احلامك مالها ؟:d

ولكن فترة انتقالية يجب ان تمر بها
ياخي الفترة الانتقالية دي والله شملت حاجات كتيرة خلاص
تعديل وزاري وتعين حرس ملكي جديد وماعارفة شنو ؟
:d:d

وفى اعتقادى انها ستعود بعد الايقاف

بقوة كما عهدناها
باذن الله
واتمنى ان يوفقني الله في اعادة هذه الثقة

خالص احترامى واكثر

وخالص احتراماتي وتقديري لك انت ايضا اخي العزيز جدا العاقب
وسعيدة انا بهذه المساندة المعنوية واتمنى ان لا اكون ممن يخيب الظن مرة اخرى

الملكة اسماء ( ام محمد )

04-07-2009, 09:15 AM

ملكة القلوب غنية عن التعريف وهي

بالفعل نحلة المنتدى من ناحية ( النشاط ) ومن ناحية
( العسل ) ، ونرجو من الناس القريبين منها يتفقدوها . . .

لعل المانع خير

غااااااايتو انا ساااااكتة وماقلت حاجة لسه
لكن بيني وبين نفسي قلت (ياااخ قول ماشاء الله):d

العزيز خالد .. شكرا لهذه الثقة التي اتمنى ان اكون بحجمها :)

الملكة اسماء ( ام محمد )

04-07-2009, 09:19 AM

بجد انسانة رائعة
رائع انت يا نورسنا الانيق

نتمنى لها التقدم وان تهل علينا كهلال رمضان القرب ده
بالله هسي في داعي تجيب سيرة رمضان وتخلينا نتخيل المنظر مع السخانة الحاصلة دي يااااخ :mad:
ربنا يعيد علينا هلال رمضان والامة الاسلامية كلها بالف خير

تخريمة : يا لمسافر انت السنة دي صائم ولا عامل نائم ؟

:d:d:d

غايتو جنس فضايح ؟

في داعي لشيل الحال دا يااخ

همسة : عزيزي النورس الرحال
اشكر ثقتك المتناهية وارجو ان اكون استحقها

الملكة اسماء ( ام محمد )

04-07-2009, 09:27 AM

نتمنى عودتك قريبـــا

ليلمع منتدانا من جديد

---------------------------

يابختي والله اشتغلت (لماع):D

:cool: :cool: :cool:

بعدين البت دي انا سمعت تحت تحت كده

انها دقت الحكم يوم داك
الحكم شخصيا.:confused::confused: لا يااخ
ولو يعني البيناتنا عااامرة والله

وبناء عليه تم ايقافها لمدة شهر :p

والله مع انها لسانها طويل وخيالها وااااااسع

تقصد تقول اني ...... :confused:
طيب بعمل رايحة

لكن نحن بنقدم استئناف لعودتها :D :p :D

ومشكووووووووووور للاستئناف يا اروع محامي يااااااخ
واردها ليك يوم السماية ان شاء الله :D

اااااي السماية الاخ قرر يغير اسمه ..... اقول والا ماف دااااعي ؟:cool::rolleyes::cool:

الملكة اسماء ( ام محمد )

04-07-2009, 09:30 AM

كفييت ووفيت يا عوض الكريم يارائع انت

طيب اعمل لردي على خالو عوض كوبي بست

:p:p:p
وانت زاتك ماقصرت والله
وخجلانة منك جدا و(وش) ماعارف يرد ليك الجميل كيف ؟
وماعارفة اقول شنو ؟ وخلاص ياااااخ قلنا خجلانة .....قر قر قر :D:D

الملكة اسماء ( ام محمد )

04-07-2009, 09:35 AM

معلومة لكل الناس والله هي اليومين دي بتتحدى الالم لكن الله اعلم تكون مازعلانة لانها مابينكم

هسي انا ابكي ليك والا اعمل ليك شنو ؟ والا اجيك بهناك اقفل ليك حسابك :mad::mad:

و لاني مافهمت المشكلة البسببها وقفوها ناس الادارة لكني بقول ليهم هو كويس انكم ابعدتوها من الضغط النفسي بس ما كويس لانها مابتغيب من المنتدى ولامرة
والله حنية مبااالغة .. جايبها من وين ياود ؟ انا غايتو وزعوا الحنية دي عليكم ونسوني :(:d

بالنيابة عنها بشكر الناس العايزنها ترجع وليكم علي اطمنكم عليها لحد ماترجع وانتو ادوعو ليها دايما تبقى كويسة وتجي تاني احسن من زمان
انت عملت العليك وزيادة ياسمسم
والحمد لله عدنا والعود احمد ..

ملاحظة لسيد البلد انا كده فهمت انت ماعايز ترد لي ليه لكن حقك علي

ملاحظتك الاخيرة دي ممكن اعلق عليها:)
حقك انت علي ياسمسم
وبوريك بعدين ليه ؟:)

الملكة اسماء ( ام محمد )

04-07-2009, 09:40 AM

كلامك مية مية يا العاقب ياما اتمنيت وطلبت منها ان تبتعد هي بنفسها عن المنتدى وعن الضغط النفسي بدون توقيف من الادارة بس عنادها وحبها للمنتدى كان اقوى من اي طلب ربنا يرجعها بالسلامة

غاليتي جدا بت ام درمان
وصلتني رسالتك كاملة في كل مرة
واظنك عرفتي معنى اني اكتب باحساسي الحقيقي في زاويتنا الخاصة حيث وجدتيني حين غبت

الكتابة احساس ورغم اني افتقر احيانا كثيرة لمكنونات هذا الاحساس احاول سرد قصة تشرحه بشكل او باخر

وها انا عدت عزيزتي وتاكدي اني الان بتمام الصحة والعافية وكانت فعلا فرصة لاجد روحي بعيدا عن اي ضغط نفسي

دمتي بود عزيزتي

الملكة اسماء ( ام محمد )

04-07-2009, 09:44 AM

ايا كان سبب الغياب ربنا يرجعها بالف سلامة وحقيقة الزولة دي زولة أبدا ما ساهلة عند الكل ومكانها في الحفظ والصون الي حين العود الأحمد انشاء الله

ياسلااااااااااااام عليك ياغردة يااااخ
انتي عارفة اجمل حاجة انك بتكتبي بلغة حسية رائعة حسيت انك واقفة جمبي وانتي بتكتبي
صراحة اشكرك على هذه الثقة وارجو ان اكون استحقها

وعدنا والعود احمد ياستي

همسة : ماعارفة لي اتذكرت ام خدر الليلة بالذات .... وين البت دي واخبارها شنو يا البتعرفوها ؟

الملكة اسماء ( ام محمد )

04-07-2009, 09:53 AM

و الدائرة الضوئية المنبعثة من اهتمامنا الكبير بها يبدو لي خلاها تفقد بوصلتها الداخلية في تحديد بعض الاتجاهات او الاتيان ببعض البوستات غريبة بعض الشي

اسمح لي ان اوضح لك شي واحد في هذا الجزء
ليس اندهاشكم ولا تشجيعكم ولا وضعي في دائرة الضوء هو ماجعل بوصلتي الداخلية تفقد الاتجاه الصحيح
باختصار يا سيدي الفاضل وهو واحد من عيوبي انا تحديدا (اني حين احزن لا اتردد في اطلاق عنان افكاري) وللاسف هو تصرف يجعل مني مبعثرة الدواخل وفاقدة للتميز احيانا
لاتعتبر كلامي تبريرا بل هو ايقانا مني ان تشجيعكم لم يفقدني بل اضاف الي الكثير .. والكثير جدا واتمنى ان اتمكن من اثبات ذلك

دعواتنا لها بالتوفيق اينما حلت و امانينا ان تاخذ وقتها الطبيعي و ترجع ملكتنا الاولى التي عرفناها قبل

وانا اتمنى ان اعود ....(.اسماء.) التي لا يعرفها احد
فلست ملكة ولست من سادة القلم بعد ... ولا امتلك غير كلمات احبها ولاني احبكم في الله اشارككم بها

ومرة اخرى اسعد بنقدك الذي يجعلني اوقن ان التجمل ليس عنوان الجميع
تسعدني جدا ارءك رغم حدتها بعض الشي احيانا ... ولكن ..اسمع كلام مبكيك .......

دمت بود سيدي الفاضل

الملكة اسماء ( ام محمد )

04-07-2009, 09:56 AM

****************
كنا نخطُّ علي الأماكن حلمنا
وعلي العيون..
ونظل نبحث عن نساءٍ
لا يساورهنَّ زيف..
هل نحن حقا" شاحبون
ليضيع في كل المدائن ظلنا ؟
ام نحن دوما" راحلون
لنعود من كل البناتِ
بزاد موَّالٍ وناي ؟

سيظل يتعبنا السؤال ولا نجيب..

الرائع حقا .. التيجاني

اسعدتني كلماتك كثيرا
وكانت حقا زاد لمقل تحتاج بعض الدموع لترى بوضوح اكبر

دمت بكل الود اخي الغالي

الملكة اسماء ( ام محمد )

04-07-2009, 09:59 AM

وحقيقة هناك اعضاء رسموا لوحات فى دواخلنا وعودتهم اقول ضرورة و واجب

ولى عودة انشاء الله

قبل عودتك عاد فرد ممن تهاوى ورحل

ارجو واتمنى ان لا تكون تلك سمة منتدى يتالق بين البقية
واتمنى ان نراك علما نخشى اندثاره في كل لحظة

وبركة الشفناك طيب

الملكة اسماء ( ام محمد )

04-07-2009, 10:20 AM

وتناديها مملكتها ان تعالي ...وترد الملكة وهل انتم تغيرتم حتى اعود
فنجاوبها تعالي وغيري ما تستطيعين لن نكلفك باكثر مما تستطيعين ...أفلا تصبرين على رعاياك ....
اااااايك .... مسلسل تاريخي :d

حزينة الملكة حزينة .... لكن سعادتها ان تكونوا كلكم سعداء
وسعادتي الحقيقية كانت بوجود احرفك الرائعة في هذه الاسطر

لكننا لن نكون سعداء بدون عودة الملكة الى مملكتها ... ما اصعب حزن الملاك

وعادت الملكة ياسيدي الفاضل لتهمس همسة ملاك لعلها توازي اسطرك الجذابة

سافرت امتطي الخيال معربدا بين ثنايا الذكرى
وخشيت ان اقتل كفارس جمح خيله فهوى

فاخترت ارتياح بين ضفاف بساطة الامنيات
واحة غناء
ووجدت فيها فرسان قبيلة اخرى

تمنيت ان اجد مكاني بينهم
ووجدته

و
و
و

شفت ياسيدي الحصل
وبعدين

يااخي اقول ليك كلام ارح نمشي ركوبة ........

قالوا السماية بكرة :d:d

tigani18

04-07-2009, 01:47 PM

نور بيتنا ... شارع بيتنا.... يوم جيتنا ....
يالهليت فرحت قلوبنا واضطريتنا الليلة وجيتنا
كنا فرشنا السكة ورود لو كلمتنا كان الجية
خطوة عزيزة ويوم موعود الخلاك تطرانا شويه

حمداً لله على عودتك أيتها الملكة الجالسة عنوةً في قلوب الآخرين
http://www.youtube.com/watch?v=fmQKbHyyMFM