هل فاتني ساعي البريد ؟؟

[الملكة اسماء ( ام محمد )]

بسم الله الرحمن الرحيم

لاتندهش فوجودي لم يكن اليوم بالحسبان
ولكني عدت لاسطر بعض رسائلي لمن يستحق


عذرا ان تاهت سفني بعيدا عن شاطئ امنياتك يامن اتيت مؤخرا
وعذرا على غياب لم يكن بودي لكنه واجب وطني احيانا

لي بعض رسائل اخشى ان يكون ساعي البريد قد ذهب قبل اخذها لصناديق بريد اتمنى ان تتسع لكلماتي

رسالة :

للادارة الكريمة : شكرا تفهما وسعة صدر

فخرنا الرائع : النور محمد يوسف.. تصدق شكلي كدا ناوية ازرع لي نيمة هنا ..بشرط تجي تقعد تحت ظلها لما تحرقنا الشمس ومامشكلة بجيب الازيار وبملاها :)

الاخ العزيز : ابو اسامه
لازلت تسطر حروفا تقهر صمت الكلام .. لازلت احسد نفسي على هذا الرجل الذي يقول ما اريد حتى دون ان ان انطق بحرف ..دمت بود

الخال العزيز : عوض الكريم الخواض .. وصلت كلماتك حاجز فولاذي وكنت دليل على قلب يسع الجميع ..بالجد انت رائع

الاخ العزيز : العاقب مصباح.. لازلت ياصديقي تدهشني ولي عودة حيث وقفت كثيرا امام احرفك اثناء غيابي


الراقي جدا : عبد الرحمن المدثر .. يابخت مزن بوالد زيك ويابخت البعرفوك من قريب وعمره ضايع المابعرفك



الصديق الغائب الحاضر : هيثم عبد العال ..تعرف مابعرف اوصفك بالفصحى لكن جد انت زول ماف منك اثنين ياكوتش



الاخ العزيز : moh-alnour لك مني شكرا يفوق حد الكلمة ..


الاخ الغالي محمد حسين (المميز).. مميز ولا لك شبيه ومثيل ..( ماتفرح شديد كدا ياااخ) كنت ولازلت اخ مميز جدا ..يلا عايزة اخبار حلوة

الزول الراقي جد: المسافر.. متين نبطل سفر ونرجع لديار تتمنى تحتوينا .. اسعدتني وجودا وتواجدا حيث كنت فعلا احتاج لك



الاخ العزيز :tigani 18 سعيدة انا بهذه الاسطر بين اوراقي وسعيدة اكثر بسؤالك الدائم .. دمت بالف خير

الزول الراقي :tininana اول حاجة بطل نيرانك دي ياخي خليني اتكلم معاك .. في زول قبل كدا قال ليك انك اضافة حقيقية للمنتدى ؟ والله كلماتك في كل زاوية تدل على وجود رجل هو اضافة حقيقية ..دمت بود وشكرا للمساندة

الاخ :احمد عبد الله .. منو القال ليك انو ليكم ذنب بالعكس انا ضد الحصل بس جاء بغير قصد والله
وبعدين احنا سناير معقولة بس نخلي البرالمة بدون مانبرلمم حبة:D

الرائع والاكثر من رائع : esmat يااااااااخ والله العظيم خجلتني .. قربت اصدق الانكتب وارفع القزاز
لكني قلت حرام كدا في هنا ناس عزاز
زيك كدا ..كنت ح اغنيك بس صوتي ..نشاز .. ياخي و(الله دي هضربة )بس جد اخجلتني

يلا رسايل البنات
المفروض اختار لي لون بنوتي وكدا . بس مامشكلة نواصل لحد الحبر ما يخلص

الغائبة الحاضرة بين دفاتري ذكرى جميلة : ارجوان اما آن اوان العودة الحقيقية بين الدفاتر والكتب ..

الغالية جدا : بت ام درمان .. ياخي ما مشتاقين ولا حاجة ..بنتلاقى كتير يااااخ ( ملي الازيار الليلة عليك ).. سعيدة انا بهذه الصداقة حد الانتماء

الرقيقة : ميادة ..يلا انا جيت ياعسولة .. جيبي ليك ورقة وقلم عشان انتقد ليك اعمالك الجديدة .. واصلي مابقى في مداد خواطرك كلام ..فانتي دهشة في زمن بهت فيه لون السلام



تغريد : بدون كلام كتير وحشتيني .. وجاياك في (الملحات) الطالباها من بت ام درمان (خلعتيني)



العزيزة : بت مارنجان .. يسئل منك الخير ويديك العافية ويكفيك الله شر الدنيا ياغالية وفعلا (سبحان الله)



تصدقو يابنات لو مشيتو لراكوبة بت مارنجان ح تكتشفو سر الدموع في الليلة ديك..اااي يوم كنا مساهرين والناس نايمين

نسينا منو ياجماعة ؟
عموما النسيناهم
والله ماقصدناهم
لكن اكيد .. لو نسونا عذرناهم

[خالد 000 ابقرجة]

ملكة كل القلوب 000

لا يهم من ذكرت 000
ولا يضير من نسيت 000

فهناك أحداث تطغي علي كل اللمم 000

ما يهم أن عودا أصابه اليباس لفترة قد عادت نضارته 000
و أن فرعا تدلي بعيدا 000
قد عاد ليمطر العابرين 000 منحا من الثمار 000

الملكة 000
حمد الله علي السلامة 000
جعلها الله لك كفارة 000

وعودا حميدا بإذن الله 000 لا غياب بعده 000

[حسام التنين]

لمن قلت ليك انت ملكه يعني انت ملكة

بدون كلام كتير واي حاجة .... تعالي عنقريب العاقب في النفاح

عليك الله ماتخزليني

مرحب بيك من جديد

منتظر منك رسالة

[الملكة اسماء ( ام محمد )]

ملكة كل القلوب 000




لا يهم من ذكرت 000
ولا يضير من نسيت 000


فهناك أحداث تطغي علي كل اللمم 000


ما يهم أن عودا أصابه اليباس لفترة قد عادت نضارته 000
و أن فرعا تدلي بعيدا 000
قد عاد ليمطر العابرين 000 منحا من الثمار 000


الملكة 000
حمد الله علي السلامة 000
جعلها الله لك كفارة 000



وعودا حميدا بإذن الله 000 لا غياب بعده 000



ياااااخ انت انا ماناسياك طبعا
بس خجلانة وزعلانة لاني ما (عذبتك) اسئلة في الكرسي الساخن:mad::mad:

وياصديقي اعرف انك كنت ترتقب عودتي
ووصلني خبر بانك تمنيت عودتي سرا وعلانية

وهدي انا وبرضو ما حا ارحمك من الاسئلة بجيك برواقة

[الملكة اسماء ( ام محمد )]

لمن قلت ليك انت ملكه يعني انت ملكة



بدون كلام كتير واي حاجة .... تعالي عنقريب العاقب في النفاح


عليك الله ماتخزليني


مرحب بيك من جديد



منتظر منك رسالة



العنقريب ؟؟؟؟؟؟:confused::eek::eek::eek:

ياخي انا الكرسي طفشني
عنقريبكم دا بجيب لي مصيبة تانية يااخ

بس ليك وعد اجيكم

جهز اسئلتك وماتختني في عنقريب التحقيق مباشرة
افرشو بملاية قطيف :D:D

[محمد حسين (المميز)]

أم لســان رجعت تـــــــاني :eek:

ههههه :D ههههه :D ههههه



والله المنتدى فعلا كان ناقصك

عامل زي الاكل الناقص شطه :p


حمدالله عالســلامه نورتي من جديد ;)

[الملكة اسماء ( ام محمد )]

أم لســان رجعت تـــــــاني :eek:
بس اكيد ما اطول من لسانك :mad::d



ههههه :d ههههه :d ههههه
هههههه تربيع




والله المنتدى فعلا كان ناقصك


عامل زي الاكل الناقص شطه :p

طيب ياسيد ليمون
ممكن لو سمحت تقيف كويس يامجند
على فكرة معسكرنا في ياتو ارشيف حاليا :confused:




حمدالله عالســلامه نورتي من جديد ;)



الله يسلمك الله يبارك فيك الله يسلمك الله يخليك
النور نورك ياابوها ياخي
اها الاخبار شنو ؟
رسل لي الشمار في الخاص
عايزة اعمل سبق صحفي :d

[محمد حسين (المميز)]

]رسل لي الشمار في الخاص
:d[/color][/size][/font]


مشكلتي ما بعرف اتشمشر :p :D :p

[الملكة اسماء ( ام محمد )]

مشكلتي ما بعرف اتشمشر :p :D :p


تيب

برضو رسل لي الخبر حصريا :mad:

[ميادة]

يا هلا فيك من جديد

يا عثل

وبالجد نورتي

اتمنى انو نبدء من جديد بنقاء الروح وصفاء القلوب
ونرمي كل الفات بي ورانا واي شي ما مهم المهم انك رجعتي للناس البحبوك وبحترموك

ودمتي يا عثل ..

[abomazeen]

اتمنى انو نبدء من جديد بنقاء الروح

أييييوووه دي هي النقطة الجميلة في الكلام ده ..!

[ابومحمد واحمد]

مرحب بيك من جدبد

[الملكة اسماء ( ام محمد )]

يا هلا فيك من جديد



يا عثل

يااااااخ والله انتي العسل


وبالجد نورتي
النور نورك ياقمر


اتمنى انو نبدء من جديد بنقاء الروح وصفاء القلوب

بكل تاكيد ,, وربنا يعينا
ونرمي كل الفات بي ورانا
دي اهم نقطة ..لان الحياة مابتستنى نعاين ورانا لكل الفات
جد في حاجات بتستاهل نلتفت ليها وفي حاجات البكى عليها حرام
واي شي ما مهم المهم انك رجعتي للناس البحبوك وبحترموك
ودا الشي الرجعني
وعندي قناعة بانهم جد بستحقوا العودة بلون اجمل يحمل عطر يحيل الظلمة احيانا لمساحات امل


ودمتي يا عثل ..


ودمتي غاليتي الحبيبة بكل الود
احتراماتي الاكيدة

[الملكة اسماء ( ام محمد )]

أييييوووه دي هي النقطة الجميلة في الكلام ده ..!


واتمنى مايكون عندك شك سيدي الغالي في اني انوي البداية بنقاء روح متناهي
ورغم عدم فهمي الكامل لتاكيدك للنقطة دي بالذات لكن احب اطمئنك لاني ماعدت الا لتهدئ روحي واحس بنقاء وصفاء قلبي اتجاه كل من هم بيننا الان
ودمت بكل الخير

[الملكة اسماء ( ام محمد )]

مرحب بيك من جديد


مشكوووور ياابو الغالي ع الترحيب بالعودة
واتمنى لك اقامة سعيدة بيننا

[علي النعيم محمد نور]

الحبيبه ملكة (قلوبنا الخفيفه ). . .
ما نسيناك . . .
جاي تعمل أيه معانا بعد ما ودرتنا . . .
و إنت كان ودرتينا وكان نسيتينا نحن بنقول . .
مابننساك . . .
إنت إنت بتنسي . . .ما إنت روحنا وحبنا

[moh_alnour]

http://file8.9q9q.net/local/thumbnail/75325256/600x600.gif

[Yasir3050]

جعلك الله محبه لللجزيرة وقرى الجزيرة

[الملكة اسماء ( ام محمد )]

ما نسيناك . . .
جاي تعمل أيه معانا بعد ما ودرتنا . . .
و إنت كان ودرتينا وكان نسيتينا نحن بنقول . .
مابننساك . . .
إنت إنت بتنسي . . .ما إنت روحنا وحبنا


الغالي جداجداجدا : عمو علي
ياااااخ والله مشتاقين
عااااارفة انك مانسيتني وعذرتك وامسحها في وشي لو تاخر عنك ساعي البريد ووصل رسالتي متاخرة

ولكني عدت اليوم برسالة اجمل واكثر وضوحا لمكان اتمنى ان يحتويني كما فعل في السابق ولاهلي ولاصدقائي دون تحديد اتجاه لكلامي من جديد انا واحرفي نعلن الولاء لمنتدانا الحبيب


همسة : طبعا ياعمو ح اكسر ليك تلج كتير الايامات دي عشان عايزاك في خدمة :d:d:d

[الملكة اسماء ( ام محمد )]

النور نورك استاذي محمد النور

مشكووور جدا على التحية الرائعة

[ابوالنور]

يا سلااااااااام يا ملكة فعلا ملكة واتمني ان تكوني دايما ملكة التي عرفها الجميع

[الملكة اسماء ( ام محمد )]

جعلك الله محبه لللجزيرة وقرى الجزيرة

ارد الله ان يتغلغل حبي للجزيرة ولقراها المجاورة بسبب حبي لطيبة اهلها ونقاء قلوبهم وطبيعتها الربانية
ودائما ادعو لها ولمن يحبها بالخير
وارجو ان يجعلني الله بمقدار الحب الذي وهبني اياه اهل مدني وباقي قرى الجزيرة الطيبين

وادعو لك بمثل ما دعوت لي اخي \
ودمت بود وسلام

[عوض صقير]

ملكة القلوب


أخوانك وأهلك



سعداء بعودتك




http://up.damasgate.com/files/i5k58m5giitivfzoobud.gif

[الملكة اسماء ( ام محمد )]

يا سلااااااااام يا ملكة فعلا ملكة واتمني ان تكوني دايما ملكة التي عرفها الجميع

ياااااااخ دقيقة خليني ابارك ليك اولا
والله سعيدة جدا بهذا التتويج لرجل يستحق حقا
وبيني وبينك زعلانة وخااااااااااااايفة
والسبب ان الاشراف مرات كتيرة بياخدكم مننا ومانشوفكم الا طشاش
فاتمنى ان الاشراف ماياثر على شعلتنا المتجددة ابو النور ونشوفك دايما متالق النجم في سمانا

وانا بتمنى اكون قدر الثقة الاديتوني ليها جميعا
ودمت بالف خير يا راقي

[ابوالنور]

ياااااااخ دقيقة خليني ابارك ليك اولا
والله سعيدة جدا بهذا التتويج لرجل يستحق حقا
وبيني وبينك زعلانة وخااااااااااااايفة
والسبب ان الاشراف مرات كتيرة بياخدكم مننا ومانشوفكم الا طشاش
فاتمنى ان الاشراف ماياثر على شعلتنا المتجددة ابو النور ونشوفك دايما متالق النجم في سمانا

وانا بتمنى اكون قدر الثقة الاديتوني ليها جميعا
ودمت بالف خير يا راقي

يباركو ليك وليداتك ان شاءالله يا رب
قولي امين سريع

[نبض السكون]

السلام عيكم .. ملكة القلوب يبدوا إنك بالجد ملكتي قلوب الشباب ديل .. عموماً أنا عضو جديد لنج وبسم الله ابتديت ...

[الملكة اسماء ( ام محمد )]

يباركو ليك وليداتك ان شاءالله يا رب
قولي امين سريع

آآآآآآآآآآآآآآآآآآآآآآآآآآآآآآآآآآآآآآآمين


ياخي دي انا جريتها بنفس واااااااااااااااااحد لمن اتشرقت :d:d

[الملكة اسماء ( ام محمد )]

السلام عيكم .. ملكة القلوب يبدوا إنك بالجد ملكتي قلوب الشباب ديل .. عموماً أنا عضو جديد لنج وبسم الله ابتديت ...

حياااااك بينا وبين احلى شباب
اتمنى فعلا اكون ملكت قلوب الناس جد وربنا يحبب خلقه فينا
واكيد ليك مكان في كل القلوب دي وباجتهاد بسيط جدا تتربع على عروش كل القلوب

وابتدى بقولة بسم الله
واعمل المفروض عليك وخلي الباقي على الله

ومابتضيع ان شاء الله


سؤال عشان الاختساس وكدا .... نقول الاخ والا الاخت ؟:p

[نبض السكون]

كلامك حلو يا بنية .. الله يحفظك .. يبدو سحر كلماتك بدأ يطرق باب قلبي
أنا أخو أخوان وفردة وطارة لحام (كده كيف)

[الملكة اسماء ( ام محمد )]

كلامك حلو يا بنية .. الله يحفظك .. يبدو سحر كلماتك بدأ يطرق باب قلبي
أنا أخو أخوان وفردة وطارة لحام (كده كيف)


:o:o:o

اخجلتم تواضعنا ياااااااااخ
حياااااااااااااااك يا اخونا كلنا
واتمنى ماتكون كلماتي الدقت الباب عملت ازعاج للسكان الداخلين:D
ويلا بانتظار جديدك

[esmat]

همسة : طبعا ياعمو ح اكسر ليك تلج كتير الايامات دي عشان عايزاك في خدمة :

والله ناس المصالح ديل ظاااااهرين اصلوا ما بدسوا غايتو الله غالب لكن جنابو عمك بسدها بس ما تتعودوا

كتب التنين

منتظر منك رسالة

واحدة بس انفع ارسلها انا ليك -


ياااااخ انت انا ماناسياك طبعا

هويي يا خالد اب قرجة غايتو انا شايف دقسوك بس

نبض السكون الف مليون مرحب بيك


السلام عيكم .. ملكة القلوب يبدوا إنك بالجد ملكتي قلوب الشباب ديل .. عموماً أنا عضو جديد لنج وبسم الله ابتديت

اخيراً كما قالت ميدو

يا هلا فيك من جديد

[النور محمد يوسف]

قلناها ...ما أصعب حزن الملاك ...ونقولها ما احلاه همس الملاك

الزول لامن كتر حب الناس يعذبو
ربنا يبدل ليهو جلدو
عشان يتجدد فيهو عذاب ناسوا البتحبو

أتت شطة المنتدى اقصد همسة المنتدى

ويا ويل الكلمة مافيش اجازة ....وياعبارة لن تنفعك الاجارة

يتضارى الكلام ..يلف ويزوغ وينزوي في البعيد ...خائف نقولو تعال هنا ...ومعاك شيل الرد على كل الرسائل الجات هنا ...
طنطن
تمتم
خائف عديل علو المقام ..
حنيت عليهو ...
اديتو بس أنا كلمتين ...
طلبتو هسي يوصلا ...

مكانك كبير ....بس تستاهلا

[النور محمد يوسف]

سنظل نترقب ونتابع كل حرف وكل كلمة وكل فكرة منك ... عليك ان تذوبي في الجميع من اجل الرعية

...وبراك سويتيها في نفسك ...فقد ارتفع الان سقف المطالب والتطلعات

[مختار بازى]

سنظل نترقب ونتابع كل حرف وكل كلمة وكل فكرة منك ... عليك ان تذوبي في الجميع من اجل الرعية

...وبراك سويتيها في نفسك ...فقد ارتفع الان سقف المطالب والتطلعات


كلام زي الباسطة لي ملكة زي الباسطة

فكوني بمليااااااااااااااااااااااار خير ...

[الملكة اسماء ( ام محمد )]

ملكة القلوب


أخوانك وأهلك



سعداء بعودتك







وسعيدة انا بعودتي لموكب احبائي واخوتي الاعزاء
وسعيدة اكثر بترحيبك الحار
وارجو ان اكون عند حسن الظن دائما

دمت بود اخي العزيز

[غريب الدار]

مع انو ماجاني شي في البريد لكن حمدالله على السلامة

[الملكة اسماء ( ام محمد )]

والله ناس المصالح ديل ظاااااهرين اصلوا ما بدسوا غايتو الله غالب لكن جنابو عمك بسدها بس ما تتعودوا

ياااخ انت امرق منها ...كسر تلج بعيد من هنا :cool:

كتب التنين


واحدة بس انفع ارسلها انا ليك -

اها رسلتها والا ارسلها يااااااااخ



هويي يا خالد اب قرجة غايتو انا شايف دقسوك بس

غااااااايتو جنس فتن
قلنا ليك امرق منها يا اسمت يااااااخ





اخيراً كما قالت ميدو

واخيرا تصدق ؟
ياخي عايزين نعمل حفلة استقبال للبرالمة ديل

اها انا بجي غايتو الحفلة قلت لي متين ؟:rolleyes::rolleyes:

[الملكة اسماء ( ام محمد )]

الزول لامن كتر حب الناس يعذبو
ربنا يبدل ليهو جلدو
عشان يتجدد فيهو عذاب ناسوا البتحبو

لا حول ولا قوة الا بالله
وعلى قولة استاذي في الجامعة "ربنا يقدرنا ونتحمل نتيجة حب الناس لينا"


أتت شطة المنتدى اقصد همسة المنتدى
ياجماعة قلنا اضبحوا الخروف بنعمل الشطة
بس والله شطة المنتدى دي ذات دلالات متضادة بشكل


ويا ويل الكلمة مافيش اجازة ....وياعبارة لن تنفعك الاجارة
ولا اجازة سنوية سااي مسافة نمشي نشوف البلد ونجي ؟


خائف عديل علو المقام ..
هسي الله يسئلك اليخاف ويحتار في العبارات انا والا انت؟:confused:
اخجلني تواضعك سيدي
حنيت عليهو ...
اديتو بس أنا كلمتين ...
طلبتو هسي يوصلا ...



مكانك كبير ....بس تستاهلا



والله العظيم تخجلني عباراتك هنا وهناك
وابحث بين عبارات تليق بقامات الملوك والسلاطين ولا اجد مايليق بك
حقيقية اختار الصمت لعله ابلغ في حضور كحضورك

[علي النعيم محمد نور]

[/color][/size][/font]


همسة : طبعا ياعمو ح اكسر ليك تلج كتير الايامات دي عشان عايزاك في خدمة :d:d:d


[/QUOTE]

ملكتنا الحبيبه . . .
ده يوم السعد يوم تطلبي . . ونحن (نكسر) ليك الزلط . . .

[الملكة اسماء ( ام محمد )]

سنظل نترقب ونتابع كل حرف وكل كلمة وكل فكرة منك ... عليك ان تذوبي في الجميع من اجل الرعية

ومن اجل الرعية انزل من عرش الملوك ولي رغبة في اللعب مع بنات افكار الخيال بتمرد وتجرد بين ارصفة شواع منتدانا العامر
وقريبا باذنه تعالى تجد امراءة تشعل ظلمة الاماكن بشي مما تعلمته على اياديكم





...وبراك سويتيها في نفسك ...فقد ارتفع الان سقف المطالب والتطلعات




ولكم مني وعد اتمنى ان يعينني الله واوفي وعودي لكم
ان افعل ما بوسعي لالبي كل الرغبات واصل لقامة كل التطلعات

مرة اخرى ارجو ان اكون بحجم هذه الثقة والتشريف

[كندشة]

خالد أبقرجة يا فردة ازيك
مشتاقييين و الله

نسونا و كده

غايتو لسه الليلة الظلماء ما جات عشان كده :p :p :p









عوداً حميداً يا ملكة القلوب
:) :) :)

[صاحبة السمو]

الف الحمد الله على السلااااااااااااااااااااااااااااااااااااامه
نورتي يا عثل ..

[الملكة اسماء ( ام محمد )]

كلام زي الباسطة لي ملكة زي الباسطة

فكوني بمليااااااااااااااااااااااار خير ...

وحضور مميز جدا في اوراقي التي تسعد دائما بتوقيعك
حبابك الف
والله يسلمك سيدي الفاضل

وكن انت بالف صحة وماتطول الغيبة

[الملكة اسماء ( ام محمد )]

مع انو ماجاني شي في البريد لكن حمدالله على السلامة


الله يسلمك ياغالي
وانت قاعد جواااا الصناديق الموزعة يااااخ
ماف سبب يخليني ارسل ليك وانت في الغرفة المجاورة :p:p

[أمير عبداللطيف]

الحبيبه ملكة (قلوبنا الخفيفه ). . .
ما نسيناك . . .
جاي تعمل أيه معانا بعد ما ودرتنا . . .
و إنت كان ودرتينا وكان نسيتينا نحن بنقول . .
مابننساك . . .
إنت إنت بتنسي . . .ما إنت روحنا وحبنا



غايتو انا عملت نسخه من المشاركه دى وختيتها فى ظرف وكتبت عليه

( السيد / مدير جوازات ولاية الجزيره ) ،،،،،،،، سري وشخصي

[كندشة]

غايتو انا عملت نسخه من المشاركه دى وختيتها فى ظرف وكتبت عليه

( السيد / مدير جوازات ولاية الجزيره ) ،،،،،،،، سري وشخصي

جانا الهوا شايلو النسيم


ههه و الله جنس محن

[علي النعيم محمد نور]

غايتو انا عملت نسخه من المشاركه دى وختيتها فى ظرف وكتبت عليه

( السيد / مدير جوازات ولاية الجزيره ) ،،،،،،،، سري وشخصي

من مدير جوازات الولايه . . . لملكة قلب (عمو ) علي . . .
وصلني ظرف أبو ضحي . . . وبيني وبينك إنت تستاهلي 20 زي عمك علي . . . و10 من زي أبوضحي ( فارق السعر لزوم السفير وكده ) . . .
خالتك / أماني . . . ست البيت والقائد العام خائفه أقول ليك ملكة قلبو لكن هو مافيهو قلب.

[الملكة اسماء ( ام محمد )]

من مدير جوازات الولايه . . . لملكة قلب (عمو ) علي . . .
وصلني ظرف أبو ضحي . . . وبيني وبينك إنت تستاهلي 20 زي عمك علي . . . و10 من زي أبوضحي ( فارق السعر لزوم السفير وكده ) . . .
خالتك / أماني . . . ست البيت والقائد العام خائفه أقول ليك ملكة قلبو لكن هو مافيهو قلب.


:p:p:p:p:p

والله بضحك لمن غلبني الكلام

كلامكم دا لازم نعمل ليه اقتباس بعدين نجيه حبة حبة وحرف حرف ;);)

[الملكة اسماء ( ام محمد )]

[/QUOTE]

ملكتنا الحبيبه . . .
ده يوم السعد يوم تطلبي . . ونحن (نكسر) ليك الزلط . . .[/QUOTE]

ياسلاااااااااااااام عليك ياعمو ياراقي يااااخ
اخجلتم تواضعنا والله
وعارفاك مابتقصر ياراقي



تخريمة : هو زلطكم ناقص تكسير ؟:p:p:p

[الملكة اسماء ( ام محمد )]

نسونا و كده
ايوااااااا
جاي متاخر وكمان تحرش؟:mad::mad:
سمح يا اخوي
نسيناك انت بالذات (عمدا) لان غيابك كتر:rolleyes::rolleyes:


غايتو لسه الليلة الظلماء ما جات عشان كده :p :p :p
قربت :rolleyes:
هي الليلة الظلماء دي شنو ؟:confused:











عوداً حميداً يا ملكة القلوب

:) :) :)



حبابك ياكندشة يااخ
وحمدالله على سلامتك انت برضو

وماتطول الغيبات وتجي بدون بهايم :confused::confused: اقصد (غنايم):p:p

[الملكة اسماء ( ام محمد )]

الف الحمد الله على السلااااااااااااامه
نورتي يا عثل ..

الله يسلمك ياراقية
والنور نورك اكيد

همسة : شفتك وين شفتك وين شفتك وين ؟
ماتقولي لي في البلاط الملكي ... لاني عارفة :p:p

[الملكة اسماء ( ام محمد )]

غايتو انا عملت نسخه من المشاركه دى وختيتها فى ظرف وكتبت عليه

( السيد / مدير جوازات ولاية الجزيره ) ،،،،،،،، سري وشخصي

:p:p:p
بالغت في دي طبعا :D:D

حباب الغايب الحاضر في الوجدان

ورسالة عاجلة ليك : ابقى اظهر :)

[الملكة اسماء ( ام محمد )]

جانا الهوا شايلو النسيم


ههه و الله جنس محن

اااي انت اقعد اتمحن لينا كدا وسيب ابداعتك :mad::mad:
الماعارفين وقفتها ليه :(

في انتظار كندشة


ياخي انت من يوم غيرت لقبك بطلت تتحفنا بالجديد

[الملكة اسماء ( ام محمد )]

من مدير جوازات الولايه . . . لملكة قلب (عمو ) علي . . .
هههههههههه
تخيلت المنظر .. تماما (وش صاري وعاضي اسنانه شديد):p
وبيني وبينك إنت تستاهلي 20 زي عمك علي . . . و10 من زي أبوضحي ( فارق السعر لزوم السفير وكده ) . . .
هههههه
ياخي والله ياعمو انت الذ مخلوق هنا
تخريمة : تجي نعمل مسرحية من تاليفك وانتاجي :p
خالتك / أماني . . . ست البيت والقائد العام خائفه أقول ليك ملكة قلبو لكن هو مافيهو قلب.

خايفة احتج واعترض (تكتشف)تكتشفي- انه قلبه فرشوا موكيت جديد امبارح
في سكان جداد راحلين عليه :d:d

[كندشة]

اااي انت اقعد اتمحن لينا كدا وسيب ابداعتك :mad::mad:
الماعارفين وقفتها ليه :(

في انتظار كندشة


ياخي انت من يوم غيرت لقبك بطلت تتحفنا بالجديد

انتو ادونا فرصة نشيل نفسنا لكن

و بعدين هسي عليك الله في أحلى من الابداعات دي :d :d :d

[سامية عباس]

الحبيبة ملكة قلوبنا

الحياة تجارب
المهم ان ننظر الى الجانب المضئ منها
يكفيك حبيبتي .........ماخرجتي به
سيكون خير معين لك في كل خطوة قادمة .......
كلها دروس مستفاده

قد نتوقف عندها قليلا

نستجمع ما مضي ......لنصنع به ثوبا جديدا

نفصله على مقاسنا ......وفق
معطيات اللأشياء

لن يكون وسيعا فنضيع بداخله ولا ضيقا يخنق التفكير فينا

احيانا
يحتار المرء في الكثير من المواقف
قد تلجمه الدهشة
ولكن طالما نحن بشر ونتعامل مع من هم مثلنا لابد ان نتوقع كل شئ


والمهم ان نتعلم


مرحبا بك بيننا دائما ملكة متوجة على قلوبنا
وياريت ما تغيبي تاني

تخريمة
( قلتي لي شنو ؟؟؟ بالغتي والله ..بالغتي عديل كدا .......ياشطة المنتدى اقصد ياهمسة المنتدى :D:p:d

[الملكة اسماء ( ام محمد )]

انتو ادونا فرصة نشيل نفسنا لكن

و بعدين هسي عليك الله في أحلى من الابداعات دي :d :d :d

ماف والله
لكن ابداعك لونه براااااه


همسة : لو ابداعك مرتبط بالشواكيش اتمنى لك شاكوش في القريب العاجل :p:p:p

[أمير عبداللطيف]

يا ملكه انا ما عاوز اغير مسار البوست لكن الموكيت الفرشتوه فى مربع 54 دا لو معلومته وصلت للسيد العقيد أماني انتى وعمك على تشوفوا ليكم طريقه مخارجه ، نعم على قريبى وصاحبي وقائدى لكن لمن تدخل ست البلد فى الخط الكلام بكون كمل ، ههههههههههههه انا ما عندى مانع اديكم ضحي وامها واسطه خير ،،،
مرحبا بالعوده التي ناملها طيبه وكلها ابداع ،،،

[الملكة اسماء ( ام محمد )]

الحبيبة ملكة قلوبنا



الحياة تجارب
وخير التجارب تلك التي علمتني ان الحياة محطات
وخير المحطات ما اتزود منه بزاد يكفيني في هجرتي لمحطة جديدة






مرحبا بك بيننا دائما ملكة متوجة على قلوبنا
وياريت ما تغيبي تاني
وانا ارجو الا يغيبني عنكم الا خير
والا تغيب هذه الاقلام التي اصبحت جزء من حياتي الا لترسم خطوط سير لغيرها بثقة وفق لما استفدناه هنا



تخريمة

( قلتي لي شنو ؟؟؟ بالغتي والله ..بالغتي عديل كدا .......ياشطة المنتدى اقصد ياهمسة المنتدى :D:p


:p:p:D:D:D:p:p
ياخي الشطة لما حمضت عديل الخروف ما جابوه
يااختي الجماعة ديل زاتم حيروني والله العظيم
ياانتي شايفة طلتك قلت واشتقنا نتصفح معاك الفكرة الموشحة بالصبر ..

اسقينا من حرفك شهد ... من ابيات
واروي لنا قصة ...تلجمنا للحظات

[بدر الدين محمد]

واصلي التنقيب على الجواهر في خضم المنتدى والله يعينك على اثراء البوست

[الملكة اسماء ( ام محمد )]

يا ملكه انا ما عاوز اغير مسار البوست لكن الموكيت الفرشتوه فى مربع 54 دا لو معلومته وصلت للسيد العقيد أماني انتى وعمك على تشوفوا ليكم طريقه مخارجه ،
:p:p:p

نعم على قريبى وصاحبي وقائدى لكن لمن تدخل ست البلد فى الخط الكلام بكون كمل ،
كلام مافيه واحد اتنين ... ااي نعم

ههههههههههههه انا ما عندى مانع اديكم ضحي وامها واسطه خير ،،،
واسطة قوية والله ... كدا الولاء والا بلاش
مرحبا بالعوده التي ناملها طيبه وكلها ابداع ،،،


ومرحبا بك دائما سيدي الفاضل
وكم اسعد بعبير حرفك في اسطري


عذرا على التاخير ... فقد اعتذر ساعي البريد عن ايصال رسائلي خوفا من ان اقصر في الكلمات فيعجز عن الاعتذار لكم
دمت بالف خير سيدي دائما وابدا

[الملكة اسماء ( ام محمد )]

واصلي التنقيب على الجواهر في خضم المنتدى والله يعينك على اثراء البوست


والجواهر هم انتم سيدي
وليس كل منقب عنها ( خبير فيها )
لذلك اتردد كثيرا وانا ابحث بين مناجم المنتدى خوفا من ان الوذ صمتا امام قامة احتار في اختيار احرف تليق بها فتجدني اكتفي بالانزواء بعيدا عن التقصير في حق تلك المعادن امثالكم

دمت بكل الود سيدي الفاضل