حكايتــنا مع الطيــارة الســـودانية...

[سودانية وافتخر]

بسم الله الرحمن الرحيم.

والصلاة والسلام على اشرف المرسلين سيدنا محمد وعلى اله وصحبه اجمعين اما بعد..

انا سودانيه افتخر احدثكم من وراء شاشة الحاسوب:D:D>>لا يا شيخة خشي في الموضوع فكينا

احم احم طيب يا اخوانا انا حبيت احكي ليكم حكايتي مع الطيارة السودانية غايتو ما عارفاها تضحك ولا تحزن المهم...اسمعو حكايتي واحكمو طيب؟

يلا نبدا...يوم الخميس الموافق 2\7 كان مفروض انو الطيارة تقوم من مطار الشارقة الى مطار الخرطوم طبعا الاهل قاعدين يرتبو في الشنط ويستفو ويشوف حالم ملحوظة كان مفروض يكون الحضور الى المطار الساعة 4 ونص والاقلاع 7ونص المهم ما علينا الساعة 1ونص في نفس اليوم دا الي هو يوم الخميس اتصلو فينا ناس الوكالة حقت الطيران المهم دار الحوار التالي:

الموظف: الو السلام عليكم.
اختي:وعليكم السلام ياهلا
الموظف : معاكي وكالة(..)لطيران
اختي: ياهلا
الموظف:انتو مسافرين بالطيارة السودانيه الليلة صح
اختي: ايوه صح
الموظف:طيب يا اختى نرجو منكم انكم تاتو الساعة 3 قدام الوكالة لانو الطيارة حتقوم بي ابوظبي ما بي الشارقة وحيكون في ترحيل لي مطار ابوظبي
اختي: نعم
الموظف:زي ما سمعتي يا اختي
اختي:بس نحنا قاطعين بي الشارقة ما بي ابوظبي
الموظف : ايوا بس الطيارة حتقوم بي ابوظبي
اختي : وليه ما تقوم بي الشارقة زي ما نحنا قاطعين
الموظف: والله ياختي مافي بنزين علشان توصل لي الشارقة:eek::eek::eek:
اختي:طبعا عصبت من برودو وقالت ليهم ليه ان شاء الله هيا مواصلات وبعدين اذا مافي بنزين توصل لي الشارقة يعني حيكون في بنزين علشان توصل الخرطوم ثم ثانيا نحنا في راس الخيمة يعني علشان نوصل الى الشارقة اقل شي ساعة وبعدين انتو مفروض تتصلو فينا من قبيل والناس هسي في الدوامات وما بيطلعو الا الساعة 2ونص اقل شي انتو ببتكلمو كيف واستمرت الشكلة وفي النهاية رسينا وقالت واحد من الاتنين يا اما تاخرو الطيارة شويه يا اما تاجلو الحجز
الموظف:خلاص حناجل ليكم الحجز لي يوم السبت لكن انتو كم؟؟
اختي:نحنا3
الموظف خلاص ان شاء الله مع السلامة
طووووووووط طووووط قفل السكة

طبعا نحنا على انو السفر يوم السبت وجهزنا حاجاتنا كلها وكل حاجة الليلة اتصلنا فيهم الساعة 12مساء

الموظف:الو السلام عليكم
اختى : وعليكم السلام لو سمحت حبيت اسال عن طيارة السودانية القايمة الليلة الى مطار الخرطوم
الموظف:والله يا اختي الطيارة اتاجلت لي بكرة
اختي::eek::eek::eek::eek: نعــم
الموظف اي والله اتاجلت لي بكرة
((يعني بالله لو نحنا ما اتصلنا ومشينا كدا ساي كان رحنا فيها))
وتاني دورت الشكلة واترفع ضغطنا والراجل بااااااااااااارد

اختي: انتو بتستهبلو الناس عندها التزامات وعندها ناس في الجامعات يعني الناس ينفصلو علشان خاطر تاجيلكم دا انتو اصلا ناس ما بتفهوا وناس ماعندها مواعيد ابداا نحنا بقينا في كل حته نمشي ما نلقاهم الى بشتمو الطيارة السودانية وبقو يقولو لينا في المطارات انتو ناس عاملين لينا مشاكل دايما انتو عليك الله ما بتستحو
الموظف بي كل بروود: على كل حال الطيارة اتاجلت ومافي كلام غير كدا وانا عندي اشغال وما فاضي>>شوفو بالله
وقفل السكة في وش اختي
طبعا والدي الله يديهو العافية كان برا البيت ولمن رجع حطينا ليهو الحكاية اتصل فيهم وادااهم تهزيييئة محترمة وحالف يرفع عليهم قضية:mad::mad::mad: وحلف تاني لو بقت اخر طيارة ما بنسافر بيها

النتائج::

1\اخوي مفروض يمشي يقدم لجامعة والله اعلم حيحصل شنو ما بعيد تتاجل تاني
2\اختي عندها جامعة وبكرا الدوام حبيدا ودي اخر سمستر ليهم واذا ماجات امكن ياخر عليها مع العلم انو الطيارة حتصل صباح اليوم التاني
3\الوالد مابيقدر ياخد اجازة لانو اخد اكتر من يوم اجازة ورا بعض وهوا ماسك القسم لوحدو فصعبة عليه
4\ في ناس نحنا مرتبطين معاهم في السودان

لكن يا الطيارة السودانية عملتي فينا عمايل فضيييييييعة انتو عارفين في المطارات راميننا اخر ناس واذا اتكلمت مع الضابط كلمة يقول ليك عليك عليك الله انتو يا السودانيين ما عندكم وش تتكلمو من فعايل طيرانكم الي دايما عاملين لينا مشاكل

واتمنى انو مشكلة الطيارة دي تنحل في اسرع وقت

طالبين رايكم يا ناس...
مع خـــــــــالص الاحتــــــــرام والتقـــــــــــــدير

[الشايقية]

نقول ليك شنو عاد دا ما حال السودان واصلو ما بتغير حتى لو شافوا الحاضرات بره ما بتعلموا اصلو

[بت أم درمان]

انتو شنو بخليكم تحجزوا بطيران السودان من اساسه

انا سافرت بي الطيارة السودانية مرة وحدة في حياتي وما تنيتها

والمرة دي لو ما ربنا ستر ما كنت بكون معاكم في المنتدى ده

لان كنت بكون مت

معقولة الطيارة حصل ليها خلل في احدى المحركات وهي في الجو

ولو ما رجعت لي نفس المطار كان الله يرحمنا

غايتو ربنا يكون في عون الناس سااااي

ويكون في عونكم

ويا تغيرو تذاكركم ويا تغيرو تذاكركم لي وكالة تانية

[سودانية وافتخر]

نقول ليك شنو عاد دا ما حال السودان واصلو ما بتغير حتى لو شافوا الحاضرات بره ما بتعلموا اصلو


اي والله معاكي حق غايتو الله يكون في العون..نورتينا

[سودانية وافتخر]

انتو شنو بخليكم تحجزوا بطيران السودان من اساسه
شلاقـــــــــــــــــــة
انا سافرت بي الطيارة السودانية مرة وحدة في حياتي وما تنيتها
خير ما فعلتي والله
والمرة دي لو ما ربنا ستر ما كنت بكون معاكم في المنتدى ده

لان كنت بكون مت
بعد الشر عنك يا شيخة ان شاء الله عدوينك:)معقولة الطيارة حصل ليها خلل في احدى المحركات وهي في الجو
دي والله ما طيارة خرابـــــــــــــــة
ولو ما رجعت لي نفس المطار كان الله يرحمنا

غايتو ربنا يكون في عون الناس سااااي

ويكون في عونكم

ويا تغيرو تذاكركم ويا تغيرو تذاكركم لي وكالة تانية

ودا شكلو الي حيحصل وربنا يكون في عون الجميع...نورتينا والله

[بنت النيل]

الكلام دا عيب عليهم يعني عشره دقايق ربع ساعه كدا ما مشكله كان تمت ساعه ساعتين تلاته
كانه الناس ما وراهم شغل ومواعيد عشان كدا البلد ما بتتقدم غايتو الله يكون في العون
ومشكوره على الموضوع المهم

[حاتم مرزوق]

لك ان تفتخري بسودانيتك فهذا لا علاقة له بما تطرحين الآن


و للمؤاذرة اقف معك بهذا الرابط من مرحلة ما قبل الضياع

http://wadmadani.com/vb/showthread.php?t=17657

[سودانية وافتخر]

الكلام دا عيب عليهم يعني عشره دقايق ربع ساعه كدا ما مشكله كان تمت ساعه ساعتين تلاته
كانه الناس ما وراهم شغل ومواعيد عشان كدا البلد ما بتتقدم غايتو الله يكون في العون
ومشكوره على الموضوع المهم


اي والله يا بنت النيل عيب عليهم يعملو كدا وين الالتزام بالمواعيدبس فالحين في الكلام بدون فعل.اي والله صحي هسي ما عارفين كبف اخرو الناس عن اشغالهم المهمة وهم ما بيتحملو اي مسؤوليه غايتو الله يكون في العون وبالفعل دي من الاسباب الي مامخلية البلد تتقدم ولا راح تتقدم اذا فضلو بطريقة دي
العفو حبيبتي وان شاء الله يهتمو في الموضوع دا...نورتونا

[سودانية وافتخر]

لك ان تفتخري بسودانيتك فهذا لا علاقة له بما تطرحين الآن


و للمؤاذرة اقف معك بهذا الرابط من مرحلة ما قبل الضياع

http://wadmadani.com/vb/showthread.php?t=17657

تسلم يا اخي على هذا الرابط ونتمنى ان ينصلح حالها..اسعدني مرورك

[crash]

من خلال سنة الانقطاع دي اتعلمت حاجة وحدة وشكلهم ناس الخطوط السودانية ديل شغالين بالنظرية دي
كل تأخيرة فيها خيرة
عسى ان تكرهوا شيئل وهو خير لكم
وربنا يوصلكم بالسلامة

[سودانية وافتخر]

من خلال سنة الانقطاع دي اتعلمت حاجة وحدة وشكلهم ناس الخطوط السودانية ديل شغالين بالنظرية دي
كل تأخيرة فيها خيرة
عسى ان تكرهوا شيئل وهو خير لكم
وربنا يوصلكم بالسلامة

كراااااااااااش:eek::eek: مشتاااااااااااااااقين والله وينك مقطوعة كدا لا حس ولا خبر

لكن والله الخطوط السودانية دي الله يكون في العون ساي لكن احلى حاجة في الموضوع اتخيلي قالو الساعة 6 تكونو قدام الوكالة علشان الترحيل المهم مشينا والاهل وصلو ابوظبي اتخيلو مفروض يكون الاقلاع الساعة 12 قلو لا لاء الاقلاع الساعة 4 بالله دا كلام:mad: عمرهم ما يكون عندهم مواعيد غايتو الله يكون في العون...الله يسلمك..ونعم بالله..اسعدنــا مرورك

[crash]

يازولة نحن كمان ما نظلم الطيران وبس
اصلا السودانيين عندهم فاكتر بيضربو فيو
مثلا المفروض يجو 3 بيضربو في 2 ويجوا ستة
ياخ انا بعرف لي ناس كدة ( والله ما انا ) بكونوا ممتحنين الساعة 8 والساعة 8 بيكونوا في بيوتهم
متكلين على انه ناس الامتحان زاتهم ما حيبدوا 8
وللاسف فعلا الامتحان ما بيبدا 8

يعني عااااااااااااااااااادي
بس انت موتي قلبك زي بتاع الوكالة ديك واعملي رايحة
بس ما تبقي زيهم

[سودانية وافتخر]

يازولة نحن كمان ما نظلم الطيران وبس
اصلا السودانيين عندهم فاكتر بيضربو فيو
مثلا المفروض يجو 3 بيضربو في 2 ويجوا ستة
ياخ انا بعرف لي ناس كدة ( والله ما انا ) بكونوا ممتحنين الساعة 8 والساعة 8 بيكونوا في بيوتهم
متكلين على انه ناس الامتحان زاتهم ما حيبدوا 8
وللاسف فعلا الامتحان ما بيبدا 8

يعني عااااااااااااااااااادي
بس انت موتي قلبك زي بتاع الوكالة ديك واعملي رايحة
بس ما تبقي زيهم


غايتو والله يا كراش الله يكون في العون ساي عمرهم ماكان عندهم موااعيد
ياخي انتي عارفة والله نحنا بقينا نقول مثلا كان في زول مواعدني بقول ليهو مواعيد الطيارة السودانيه ولا لاء اتخيلي يعني غاينو الله يكون في العون ساي..علشان كدا عمرهم ما حيتقدمو