انهم يسرقون مدرسة المؤتمر الثانوية ( نهاراً جهاراً )

[عوض الكريم الخواض]

بالأمس القريب سمعت خبراً مؤكداً من أحد أبناء مدينة ودمدنى ...
بعد أن اطلعنى على بيان مطبوع ...
خلاصة البيان أن وزارة التربية قامت بتخصيص ( تمليك ) مدرسة المؤتمر الثانوية الى مدارس المجلس الأفريقى للتعليم الخاص ... :eek::eek:
مع العلم ان مدرسة المؤتمر مدرسة حكومية قامت بالدعم الأهلى من أخيار هذه المدينة ( المنهوبة ) ...
وسأوافيكم بالتفاصيل لاحقاً .

[بنت النيل]

ما بنقدر نقول اي شي قبل ما نتاكد من الكلام دا وشكرا غلى الاهتمام

[حسام التنين]

فعلا مابنقدر نقول شي لكن كمان حتي لو الكلام صاح

هل بنقدر نعمل شئ؟

[علي النعيم محمد نور]

العمده خواض . . .
عييييييييييك ده ( بيع ) قدييييييم . . . هسع نحن فرحنا وقلنا إمكن (رجعوها) . . .

[محمود (أبو وضاح)]

كلمة مؤتمر وحدها تعنى تاريخ المدينة بأكمله ، لا يجب أن تفرغ من محتواها ، ومساهمات الخيرين لبناء هذا الصرح الشامخ يجب ألا تذهب سدى ، أنقذوا تاريخكم يا أهل مدنى ، لقد كابدوا الرعيل الأول من الأساتذة الأجلاء الأحياء منهم والأموات لجعل كلمة مؤتمر على كل لسان لأنه جهد الرجال الأوفياء ، منهم أ. صديق (مدير المدرسة) وطه كرار (وكيل المدرسة) رحمه الله ، والأساتذة حسن عبدالرحمن ، ابراهيم الأمير ، قدورة (رحمه الله) ، ومحمد على (أستاذ التاريخ المتميز) ، ذكريات لا تنسى .

[esmat]

تم بيع كل شبر في مدني وغدا لن تكون مدني

[nehroo]

تــــاني تقــــول لي عطـــبرة فيـــهـا دوم ؟

[شـــ ود جميل ـبارقة]

مشكور يا حبيبنا لكن البيع زي ما قال ليك قديم من زمن عبد الرحمن كرة القدم أقصد سر الختم .
مدرسة المؤتمر أسست بالجهد الشعبي من أهالي المدينة وليس هبة من الحكومة تخليدا وتكريما لذكرى أبطال مؤتمر الخريجين البواسل . فكيف صار أن تهبها حكومة الولاية لمدرسة للتعليم الخاص . يعني كان بناها أبوهم وللا تركة عشان يدوها لأي زول .


من غير زعل : (على ما أعتقد دي الحقيقة هي ما مال خاص عشان يدوها لمدرلسة خاصة وللا شنو)

[حاتم مرزوق]

ماذا يحاك لنا في الخفاء ؟

اسعفنا بالتفاصيل اخي عوض الكريم ريثما نجهز انفسنا للصدمة القادمة.

[ahmed algam]

كارثة بكل المقايس ياخواض

ورينا التفاصيل

[بنت النيل]

انا ما قدرت اتاكد من الموضوع
لكن الزمن دا ما في شي مستبعد
وحقو كلكم تراجعو اوراق ملكية بيوتكم قبل ما الفاس تقع في الراس

[عاطف عولي]

بالأمس القريب سمعت خبراً مؤكداً من أحد أبناء مدينة ودمدنى ...
بعد أن اطلعنى على بيان مطبوع ...
خلاصة البيان أن وزارة التربية قامت بتخصيص ( تمليك ) مدرسة المؤتمر الثانوية الى مدارس المجلس الأفريقى للتعليم الخاص ... :eek::eek:
مع العلم ان مدرسة المؤتمر مدرسة حكومية قامت بالدعم الأهلى من أخيار هذه المدينة ( المنهوبة ) ...
وسأوافيكم بالتفاصيل لاحقاً .

لماذا التباكي علي سرقة مجرد مدرسة ثانوية ونهبها نهارآ جهارآ!!!!!!!!!!!!!!!

V

v

v

V

ما البلد كلها مسروقة ومنهوبة

وانتو الله يطراه بالخير القال حليلك انت بتسرق خروف السماية وغيرك لو تصدق بسرق ولاية. اسموا منو؟

[عوض الكريم الخواض]

http://www.arab-box.com/photos/00050/3w3ugm2bhdjn.jpg (http://www.arab-box.com)

http://www.arab-box.com/photos/00050/by7iqgyooar6.jpg (http://www.arab-box.com)

[حاتم مرزوق]

رسالة توسل للوالي ليترك لهم ما ترك آباؤهم -

انهم يستهدفون المدينة ويستهدفون تاريخها انهم ببساطة سادتي يريدون تكسير اجنحتها حتي لا تطير مرة اخري تماما كالذين يحفرون تحت ابنية القدس .

وانني لأري مجمع المدارس يجهز للبيع او كما قال.

اشياء عجيبة تحدث خلف الكواليس!!!!!

[عبدالله محمد العقاد]

بورك فيك اخي عوض الكريم و انت تقف مدافعا عن ممتلكات هذه المدينة الخيرة

و ياريت لو في امكانية نعرف من صاحب المجلس الافريقي للتعليم الخاص عشان يبطل العجب من هذه السرقة النهارية

و الملاحظ يا جماعة الناس ديل بقت عينهم قوية يعني سرقة عيني عينك و هم فوق القانون طالما انهم من ( البدريين )

[عوض الكريم الخواض]

ما بنقدر نقول اي شي قبل ما نتاكد من الكلام دا وشكرا غلى الاهتمام

المعلومة مؤكدة وقد ارفقت الاثبات ولدينا مزيد

[عوض الكريم الخواض]

فعلا مابنقدر نقول شي لكن كمان حتي لو الكلام صاح

هل بنقدر نعمل شئ؟

صدقنى بنقدر نعمل الكتيييييييير

[عوض الكريم الخواض]

العمده خواض . . .
عييييييييييك ده ( بيع ) قدييييييم . . . هسع نحن فرحنا وقلنا إمكن (رجعوها) . . .


ياجنابو ما كان تكورك ...

[عوض الكريم الخواض]

كلمة مؤتمر وحدها تعنى تاريخ المدينة بأكمله ، لا يجب أن تفرغ من محتواها ، ومساهمات الخيرين لبناء هذا الصرح الشامخ يجب ألا تذهب سدى ، أنقذوا تاريخكم يا أهل مدنى ، لقد كابدوا الرعيل الأول من الأساتذة الأجلاء الأحياء منهم والأموات لجعل كلمة مؤتمر على كل لسان لأنه جهد الرجال الأوفياء ، منهم أ. صديق (مدير المدرسة) وطه كرار (وكيل المدرسة) رحمه الله ، والأساتذة حسن عبدالرحمن ، ابراهيم الأمير ، قدورة (رحمه الله) ، ومحمد على (أستاذ التاريخ المتميز) ، ذكريات لا تنسى .

أبو وضاح ...
مشكور على هذه الكلمة الضافية والتذكرة الجميلة ...
الايد الواحدة ما بتصفق

[عوض الكريم الخواض]

تم بيع كل شبر في مدني وغدا لن تكون مدني


حا تكون مدنى ولن تضام ما دمنا احياء ...
واي زول شال حاجة ما حقتو حا نرجعا ...
ولو بعد سنين عددا .

[عوض الكريم الخواض]

تــــاني تقــــول لي عطـــبرة فيـــهـا دوم ؟

الله يكون فى عونك وعونا يا نهرو .

[عوض الكريم الخواض]

مشكور يا حبيبنا لكن البيع زي ما قال ليك قديم من زمن عبد الرحمن كرة القدم أقصد سر الختم .
مدرسة المؤتمر أسست بالجهد الشعبي من أهالي المدينة وليس هبة من الحكومة تخليدا وتكريما لذكرى أبطال مؤتمر الخريجين البواسل . فكيف صار أن تهبها حكومة الولاية لمدرسة للتعليم الخاص . يعني كان بناها أبوهم وللا تركة عشان يدوها لأي زول .


من غير زعل : (على ما أعتقد دي الحقيقة هي ما مال خاص عشان يدوها لمدرلسة خاصة وللا شنو)


كلامك صاح يا جميل ...
والحرامى لو ما دقوهو دقة كااااااااااااااربة ما بتوب

[عوض الكريم الخواض]

ماذا يحاك لنا في الخفاء ؟

اسعفنا بالتفاصيل اخي عوض الكريم ريثما نجهز انفسنا للصدمة القادمة.


أخى حاتم ...
البداية بدت بالايجار
ثم التخصيص والتمليك

[عوض الكريم الخواض]

كارثة بكل المقايس ياخواض

ورينا التفاصيل

فعلا كارثة
آخر الاخبار الوالى شكل لجنة قانونية للافتاء فى الامر ...
يعنى لو قالوا التخصيص قانونى ...:eek::eek:
الرماد كال حماد .

[عوض الكريم الخواض]

انا ما قدرت اتاكد من الموضوع
لكن الزمن دا ما في شي مستبعد
وحقو كلكم تراجعو اوراق ملكية بيوتكم قبل ما الفاس تقع في الراس

الخطاب المرفق للتأكيد ...
الموضوع حاصل

[عوض الكريم الخواض]

لماذا التباكي علي سرقة مجرد مدرسة ثانوية ونهبها نهارآ جهارآ!!!!!!!!!!!!!!!

V

v

v

v

ما البلد كلها مسروقة ومنهوبة

وانتو الله يطراه بالخير القال حليلك انت بتسرق خروف السماية وغيرك لو تصدق بسرق ولاية. اسموا منو؟


البلد فعلاً كلها مسروقة ..
لكن واجبنا نرجع الاتسرق .

[demyate]

مشكور اخى عوض الكريم على المعلومة
وحقيقة مررت بالامس بالمدرسة وأعجبت بالصيانة القائمة بها
وقلتا والله الوزارة عملت خير ... المدرسة كانت تعبانة شديد
ولكن بما انها كانت مؤجرة من الوزارة الا يمكن أن تكون لازال مؤجرة
أرجو الافادة ... والاهتمام بالموضوع لانه موضوع بالجد خطير

[حافظ قناوي]

والله حرام اللي بتعمل في مدني دا كل يوم بتدمر قدام عينا ، يعني خلاص من عدم الأراضي ، الله يجازي اللي كان السبب - حسبنا الله ونعم الوكيل .

[عبدالعظيم أحمد الشيخ]

قبل المجلس الافريقي ...لماذا جففت مدارس المؤتمر والأهلية (أ ) ومعها الكثير من المدارس لها تاريخها وسمعتها في المدينة والولاية بل السودان كله .؟؟؟
كل المدينة اصبحت متاحة ومشاعة لتجار وسماسرة المؤتمر الوطني يقتطعون ما يشاؤون والولاة يبيعون لهم .....وتحت تحت يكون النيل الأزرق مباع وبكرة يطلع له صاحب
لا حول ولا قوة إلا بالله

[ابوالنور]

يظل حال البلد واقف تقع محنة

[وجدى محمد خميس]

اخى عوض الكريم انا درست فى الموتمر
وعلى قولك لماذا التباكى الجاااااااااااااااى ......

[demyate]

المدرسة ما زالت مؤجرة للتعليم الافريقى
ولكن بعد الصيانة العملوها فيها ما أظن يطلعوا تانى
هنالك العديد من الجهات تطالب بعودة المدرسة وفى أنتظار قرار الوزير الجديد الأستاذ محمد الكامل

[سليمان كنان]

ياعمده الباقي الاستاد وقريبا مجمع المدارس الاهلية ( أ) (ب) والصناعية

[محمد السر]

يا عوض الكريم الخواض مدرسة المؤتمر تجي وين لي بيوت حي الموظفين وبيوت 114 والاداره المركزيه ومشروووووووووووووووووع الجزيره ونااااااااااااادي الجزيره وبعد شويه الجزيره .....ودا لعب شفع ويييييين للكباااااااااااااااااااااااااااااااار

[yagoub]

لايوجد شئ لم يباع في بلدي
حسبي الله ونعم الوكيل
كل المنازل الحكوميه كل الموسسات الخصخصه امتدت لكل شئ في بلدي لك الله يابلدي:(

[غلباوى]

بورك فيك اخي عوض الكريم و انت تقف مدافعا عن ممتلكات هذه المدينة الخيرة

و ياريت لو في امكانية نعرف من صاحب المجلس الافريقي للتعليم الخاص عشان يبطل العجب من هذه السرقة النهارية

و الملاحظ يا جماعة الناس ديل بقت عينهم قوية يعني سرقة عيني عينك و هم فوق القانون طالما انهم من ( البدريين )

سلام يا شباب
الموضوع ببساطه شديده كالتالي
اولا - وزارة التربيه قاتلت حتي لا تتم التبعيه للمجلس الافريقي ليس حبا في المدرسه او لغايه تربويه انما سعيا لجباية المجلس الافريقي.
ثانيا- السيد الوالي السابق هو من صدق بتبعية المؤتمر للمجلس.
ثالثا - تم ايجار المدرسه للمجلس نسبه لقلة عدد الطلبه وهو 12 طالب
كان يسكنها كمسنجية السوق الشعبي و احد المشعوزين الزي كان يستقبل زواره يوميا.
رابعا - المجلس الافريقي يتبع لمنظمة الدعوة الاسلاميه
وافتكر بطل العجب
سلام

[محمود (أبو وضاح)]

الجديد شنو سيد خواض ،،،
الذى أعرفه أن المجلس الآفريقى يتبع لجهة ما أو أحد أذرع منظمة المؤتمر الاسلامى (المشير سوار الذهب) ، على ما أعتقد ، ويمكن توجيه رسالة شخصية لهذه الجهة مباشرة لإثناءها عن هذه الخطوة والتى فيها وبلا شك هضم لجهد من كابدوا وجاهدوا لقيام هذا الصرح ،، وفقكم الله ،،،