انت لي ما بتمسك يدي

[طلال الصول]

:cool:



مجكسين



'إنت ليه ما بتمسك ايدي واحنا طالعين سوا؟'




'‏لأ طبعاً يا روحي... أفرضي زول من اهلك شافنا؟ ولا واحد من أهلي؟ على الاقل كِده بنقدر نزوغ من الزرزره, لكن إن ‏شاء الله يا حبيبتي باكر آخدك وامسك إيدك قدام الدنيا كلها '.
..................................



مخطوبين



‏



'إنت ليه ما بتمسك ايدي واحنا طالعين سوا؟'




'علشان ما داير زول يعلّق علينا ويقول الجماعة ما مصدقين انهم مخطوبين...



وبعدين
بصراحة كده أنا ما برضى أي زول يتكلم على حبيبتي....
...................................



متزوجين



'إنت ليه ما بتمسك ايدي واحنا طالعين سوا؟'




'يا حبيبتي إحنا ما مراهقين عشان نقعد نمسك إيدين بعض في الشارع وكده!!....



إحنا اتنين
متزوجين ومحترمين وعندنا بيتنا نمسك اياددينا زي ما عاوزين..
...................................



متزوجين وعندهم عيال




'إنت ليه ما بتمسك ايدي واحنا طالعين سوا؟'




'يعني امسك إيدك انتي ولا امسك إيد الشافع ولا اشيل الأكياس دي كلها، ولاّ شنو يعني؟!'



مُصيبة شنو الوقعنا فيها دي يا ربي؟؟؟
..................................



بعد 25 سنه من الكفاح المُسلـّح



'إنت ليه ما بتمسك ايدي واحنا طالعين سوا؟'




'إيد شنو دي اللي بمسكها هسه بعد العُمُر ده! إنتي دايره راجل بـِتـّك يقول علينا كبرنا وخرّفنا؟!



يا وليّه أكبَري عليك الله

[بت الشبارقه]

:cool:




...................................



متزوجين



'إنت ليه ما بتمسك ايدي واحنا طالعين سوا؟'




'يا حبيبتي إحنا ما مراهقين عشان نقعد نمسك إيدين بعض في الشارع وكده!!....



إحنا اتنين
متزوجين ومحترمين وعندنا بيتنا نمسك اياددينا زي ما عاوزين..
...................................




والله حِكم ...وحُكم والله تصدق مريت بالموقف ده
:d

[سودانية وافتخر]

هههههههههههههههههههههههههههههههههههاي لكن والله ...سلمت اياديك

[الملكة اسماء ( ام محمد )]

موضوع يطول الافتاء فيه

واكتفي برائي شخصي

الفرق بين الرجل الشرقي والغربي
او السوداني وغيره من باقي الشعوب شاااااااااسع

[Almostshar]

ياجماعة احنا هنا وهم هناك


وكان على الهناك يكونو هنا

بس احنا عايزين الهناك يكونو زي الهنا



عشان الهنا يبقوا زي الهناك


وارح هاك يدي



يابتي هاك يدي عشان ما اقع

الكرعين فين رطوبة

[طلال الصول]

والله حِكم ...وحُكم والله تصدق مريت بالموقف ده
:d

ياتو واحد في المواقف ؟؟؟؟؟؟؟؟

[طلال الصول]

هههههههههههههههههههههههههههههههههههاي لكن والله ...سلمت اياديك


الله يديك العافية ومشكورة على المرور

[طلال الصول]

موضوع يطول الافتاء فيه

واكتفي برائي شخصي

الفرق بين الرجل الشرقي والغربي
او السوداني وغيره من باقي الشعوب شاااااااااسع


كلامك صحيح وقبل كدا كان في بوست كامل بيتكلم عن الموضوع دا



تخريمة : رأيك الشخصي شنو ؟؟؟؟؟؟

[طلال الصول]

ياجماعة احنا هنا وهم هناك


وكان على الهناك يكونو هنا

بس احنا عايزين الهناك يكونو زي الهنا



عشان الهنا يبقوا زي الهناك


وارح هاك يدي



يابتي هاك يدي عشان ما اقع

الكرعين فين رطوبة


هي المشكلة زاتا في الهنا والهناك لا الهنا لاقين الهناك ولا الهناك سايبين الهنا

بطل جرس وياتمشي للهناك ياتجيب الهناك هنا


الحق بسرعة قبل ما يمسكوك من الرطوبة :d

[صلاح ودالطاهر]

ههههههههههههههههههههههههههههههههههه شكيت محنك

[esmat]

لست من المتزوجين واتمنى ذلك
ولكن لا اقول اني سأكون ماسكاً
بيدها ولا اريد ان اصرح بهذا ولكن
اسلوب مسك الايدي بالنسبة لنا
صعب لعاداتنا وتقاليدنا التي قدمنا
عليها واحترام لأخواننا وأخواتنا في
الشارع العام

كنت جالساً مرة في مساطب قدر
ظروفك في شارع النيل "فلسة وكدا"
بعدين جاء عريس وعروس قعدوا في السور
بتاع المساطب الكبير وانحنا قاعدين تحت في
الكنب فجأة كدا العريس قام خت راسوا في
"رجلين زوجتو" وزوجتوا بكل عفوية تمسح في
جبهتو وبتونسوا رغم الجوطة الكانت حاصلة في
المكان تاني ما سمعنا كلمة من زول كل الناس
بتعاين في المنظر دا

فالشعب السوداني يعتبر هذه العادات غريبة
وكما ذكرت الرجل لديه من الرومانسية مايكفي
ولكن في وقتها ومكانها

يغني انا مثلاً "ويارب ابقى حقيقة" اكون ماشي
كدا ومعاي المدام وماسك يدها واجي ماشي جنب
شباب التعليقات الممكن تحصل وممكن اسمعوني
ليها بتكون كالأتي عشان اللحظة دي الشباب ديل
بحسو انو دا استفزاز

يعني ماسكها كدا عايزة تطير منك

بالله شوف الما بخجل دا ماسكا كيف ما تصبر لما تصل بيتكم

وطبعاً الرجل السودان اذا سمع مثل هذا الحديث من اي
شخص لا تستطيع ان تتكهن بما يحدث ساعتها ونحنا شعب
شكال شديد
شاكرين لكم حسن متابعتكم لنا وشكراً
ان شاء الله السنة دي ما تتم تلقوني قاعد زي صاحبي في
سور شارع النيل مع المرة وتشوفوا المسك كيف ياخ
نحنا ماشين بي ان مسكت ما تفك وان فكيت ما تندم

[بت الشبارقه]

ياتو واحد في المواقف ؟؟؟؟؟؟؟؟

اول ما جينا ماليزيا لقينا ليك العالم جايطه جوطه شديده (صدمه حضاريه وكده)اتخيل اول مره الزول يطلع من السودان فجأه يجي بلد زي ده الانفتاح مايديك الدرب من دبي ياقول عثمان جلاله الصدمه حصلت
الابس وماشكلو لابس والماسك وشكلو خايف كان فك مايمسك تاني
البرنامج استمر كده لي فتره طويله
مرات الواحد يبدي الاشمازاز ...اول مره القي لي ناس يركبو بص يقيفوا شماعه والبص مقاعدوا كلها فاضيه
كنت بستغرب لي شنو ؟
اتاريه بيمسكو بعض ياقول اخونا كانها دايره تطير منو
كنت بسال زوجي انت ماتمسك يدي لي شنو
يقول لي
دي حركات ساي هو الواحد عشان يعبر لي زول بي حبو الا يطبو زي الواقع من العقبه
اقنعت نفسي انو صاح كلامو .....لكن..................لا ماصاح
كل مرقه نقه نقه لحدي ما بقينا نمشي ماسكين ايدين بعض .....فرحت...ايوه لازم كده الناس كلهم ماسكين بعض انا زاتي زيهم :d
المهم في يوم نحن في المول ماشين وايدينا مشبوكه يلاقينا ليك من بعيييييييييييييييد سوداني تشوفو طشاش طشاش من البعد
فجاه القي ليك الراجل نفض يدو زي الضربتو برده
سجمي في شنو مالك
بقي يقول لي ...دكتور مازن هناك عاينت لقيت عمك مازن ماشي ومعاه زوجتو ولا بيعاينو لينا .
زعلت لكن مشيتا
بقيت كان شفت سوداني اعرف النفضه جايه اكنكش ليك فيه زي الحسكنيتا ...شويه شويه بقينا نتعود علي كده.
بعد فتره اتعرفت بي زوجه الدكتور مازن وفي الونسه جات سيره مسك الايد هنا قالت لي مواقف مرت بيهم نفس مواقفنا واجمل حاجه انهم يوم لاقونا لمحونا من بعيد والراجل(زوجها) اتنفض منها هو كمان زي الرفسو حصان سعران
السنه الفاتت رجعنا السودان اجازه بقينا نكوس لي الطريقه البنفك بيها ايدينا من بعض مالاقيين

[esmat]

بقيت كان شفت سوداني اعرف النفضه جايه اكنكش ليك فيه زي الحسكنيتا

والله يابت الشبارقة ربنا اديك العافية يارب
ياخ انتي عندك تصوير خيالي خصيب والله
اتمني انك تكتبي وتنمي الفكرة دي
وكتير من الحالات الاجتماعية محتاجة لي
وقفة في قالب فكاهي لتصل للناس فالمعالجات
الاحتماعية نرى المرأة لديها القدرة في تصويرها
واصلي

[ابوالنور]

ود الصول السعنتوتي تسلم يا راقي

[طلال الصول]

لست من المتزوجين واتمنى ذلك
ولكن لا اقول اني سأكون ماسكاً
بيدها ولا اريد ان اصرح بهذا ولكن
اسلوب مسك الايدي بالنسبة لنا
صعب لعاداتنا وتقاليدنا التي قدمنا
عليها واحترام لأخواننا وأخواتنا في
الشارع العام

كنت جالساً مرة في مساطب قدر
ظروفك في شارع النيل "فلسة وكدا"
بعدين جاء عريس وعروس قعدوا في السور
بتاع المساطب الكبير وانحنا قاعدين تحت في
الكنب فجأة كدا العريس قام خت راسوا في
"رجلين زوجتو" وزوجتوا بكل عفوية تمسح في
جبهتو وبتونسوا رغم الجوطة الكانت حاصلة في
المكان تاني ما سمعنا كلمة من زول كل الناس
بتعاين في المنظر دا

فالشعب السوداني يعتبر هذه العادات غريبة
وكما ذكرت الرجل لديه من الرومانسية مايكفي
ولكن في وقتها ومكانها

يغني انا مثلاً "ويارب ابقى حقيقة" اكون ماشي
كدا ومعاي المدام وماسك يدها واجي ماشي جنب
شباب التعليقات الممكن تحصل وممكن اسمعوني
ليها بتكون كالأتي عشان اللحظة دي الشباب ديل
بحسو انو دا استفزاز

يعني ماسكها كدا عايزة تطير منك

بالله شوف الما بخجل دا ماسكا كيف ما تصبر لما تصل بيتكم

وطبعاً الرجل السودان اذا سمع مثل هذا الحديث من اي
شخص لا تستطيع ان تتكهن بما يحدث ساعتها ونحنا شعب
شكال شديد
شاكرين لكم حسن متابعتكم لنا وشكراً
ان شاء الله السنة دي ما تتم تلقوني قاعد زي صاحبي في
سور شارع النيل مع المرة وتشوفوا المسك كيف ياخ
نحنا ماشين بي ان مسكت ما تفك وان فكيت ما تندم



المشكلة ياها في شكال شديد دي تعرف ياحاج عصمت بالانجليزي في حاجات ممكن تكون بسيطة وجميلة وبتولد احساس رائع لو الناس اتفهمتا بالطريقة الصاح وكبت المشاعر عموما عندنا في السودان بزيادة

وانشاء نلقاك في شارع النيل ونحدر ليك حدرة شديدة :;)

[طلال الصول]

ههههههههههههههههههههههههههههههههههه شكيت محنك

كدي خلينا من شكي المحن ما انزنقت ليك يوم في شارع النيل والاحواليو:cool:

[طلال الصول]

اول ما جينا ماليزيا لقينا ليك العالم جايطه جوطه شديده (صدمه حضاريه وكده)اتخيل اول مره الزول يطلع من السودان فجأه يجي بلد زي ده الانفتاح مايديك الدرب من دبي ياقول عثمان جلاله الصدمه حصلت
الابس وماشكلو لابس والماسك وشكلو خايف كان فك مايمسك تاني
البرنامج استمر كده لي فتره طويله
مرات الواحد يبدي الاشمازاز ...اول مره القي لي ناس يركبو بص يقيفوا شماعه والبص مقاعدوا كلها فاضيه
كنت بستغرب لي شنو ؟
اتاريه بيمسكو بعض ياقول اخونا كانها دايره تطير منو
كنت بسال زوجي انت ماتمسك يدي لي شنو
يقول لي
دي حركات ساي هو الواحد عشان يعبر لي زول بي حبو الا يطبو زي الواقع من العقبه
اقنعت نفسي انو صاح كلامو .....لكن..................لا ماصاح
كل مرقه نقه نقه لحدي ما بقينا نمشي ماسكين ايدين بعض .....فرحت...ايوه لازم كده الناس كلهم ماسكين بعض انا زاتي زيهم :d
المهم في يوم نحن في المول ماشين وايدينا مشبوكه يلاقينا ليك من بعيييييييييييييييد سوداني تشوفو طشاش طشاش من البعد
فجاه القي ليك الراجل نفض يدو زي الضربتو برده
سجمي في شنو مالك
بقي يقول لي ...دكتور مازن هناك عاينت لقيت عمك مازن ماشي ومعاه زوجتو ولا بيعاينو لينا .
زعلت لكن مشيتا
بقيت كان شفت سوداني اعرف النفضه جايه اكنكش ليك فيه زي الحسكنيتا ...شويه شويه بقينا نتعود علي كده.
بعد فتره اتعرفت بي زوجه الدكتور مازن وفي الونسه جات سيره مسك الايد هنا قالت لي مواقف مرت بيهم نفس مواقفنا واجمل حاجه انهم يوم لاقونا لمحونا من بعيد والراجل(زوجها) اتنفض منها هو كمان زي الرفسو حصان سعران
السنه الفاتت رجعنا السودان اجازه بقينا نكوس لي الطريقه البنفك بيها ايدينا من بعض مالاقيين


تعرفي يا بت الشبارقة الموضوع مفروض يكون ابس من كدا بي كتير يعني وين المشكلة في مسك اليد وين خدش الحياء والا عدم مراعاة الشعور فيها بس يالله اصلا احنا كسودانيين محتاجين شوية تحسينات بديعية وانشاء الله كل الناس يبقو يكوسو في البفك اياديهم وانا اولهم

[طلال الصول]

ود الصول السعنتوتي تسلم يا راقي


يا حليلي انا الكنت سعنتوتي وعجزت عقبال الجماعة الصغار الهناك


انت يا ابو النور تلقاك والا مافي داعي كدي النلقاك يوم لافي في شارع النيل

[الملكة اسماء ( ام محمد )]

كلامك صحيح وقبل كدا كان في بوست كامل بيتكلم عن الموضوع دا



تخريمة : رأيك الشخصي شنو ؟؟؟؟؟؟

رائي الشخصي؟؟ اااااااااخ خليه ساي :(

القصة يا سيدي ان الكلام دا كلام ورق
وما حا نغير طبيعة الرجل السوداني

[طلال الصول]

رائي الشخصي؟؟ اااااااااخ خليه ساي :(

القصة يا سيدي ان الكلام دا كلام ورق
وما حا نغير طبيعة الرجل السوداني




بالعكس الجيل الجديد كلو مفاهيمو متفتحة نسبيا لو لقو توجيه صاح من اهاليهم اكيد