المساعد الشخصي الرقمي

مشاهدة النسخة كاملة : مطلوب بشكل سريع . . . مختص في الأجاويد ‏


المسافر
06-07-2009, 11:54 PM
الصراحة راحة يا روحي . . . والله في زول ( شاميني ) في المكان ده
بطريقة ما عادية ، وكلما أكسر ليهو تلج ( عامل فيها ما ناكش )‏
وسألته عن السبب أو الأسباب ( طنشني ) ( ونساني ) !!!!!!!!!!‏
وقلت أمكن عشان ( لساني طويل ) شوية ، أها لي كم يوم كده
قاعد بكل أدب وإحترام وبرضو ( شاميني ) ، وقلت أمكن صورتي ‏
دي بتقفل ليهو نفسه، أها شلت الصورة نهائياً ، لغاية هسه أنا ما عارفو
مالو ( وحير قلبي معاهو ) ؟‏

قاعد أغني ليهو طوااااااااااااااالي حن علينا جافى النوم عينينا
بس هو قاعد يغني لي انسانى وأنسى هواي

ولهذا السبب مطلوب فوراً ( مختص أجاويد ) من الدرجة الأولى
لحل هذه المشكلة ودياً أو دورياً بس الأهم يكون سرياً لأنو في ‏
ناس بتحب ( تشعللها ) و ( تولعها ) .‏

وكل من يستأنس في نفسه الكفاءة إرسال السيرة الذاتية والشهادات
العلمية والعملية بالسرعة القصوى .‏

علماً بأنه سوف يتم عين ( مختص الأجاويد ) بشكل دائم
في المنتدى من قبل الإدارة إن تمت عملية الصلح بنجاح
وذلك تفادياً لأي ( عنكبا شنكبا ) قد تحدث لاحقاً . .


هناك جائزة كبيرة عبارة عن سيارة ( قورللا ) سوداء موديل 2010
esmat
07-07-2009, 12:11 AM
وسألته عن السبب أو الأسباب ( طنشني ) ( ونساني ) !!!!!!!!!!

حبيبنا المسافر عليك الله انت انت بتتنسي ياخ انت اصدق انسان
وما عندك مشكلة احكي مشكلتك بعدين الزول دا بكون بتغلى
عليك عامل تقيل شوية وغايتو الحمد لله شلت ليهو الصورة برا
عشان الصلعة كان جاهراهو كدا يادوب اقدر استوعب جرستك دي

ياخ انا زااتي عايزك مقروض شديد في تلفون الجندي المجهول عندك
كان عند رسلوا لي انت ولا القاعد اقراء اسي دا
ابوالنور
07-07-2009, 12:13 AM
انا انفع يا المسافر
moh_alnour
07-07-2009, 03:24 AM
كدي أول حاجة ورينا الراتب كم ؟
طائر النورس
07-07-2009, 04:27 AM
الصراحة راحة يا روحي . . . والله في زول ( شاميني ) في المكان ده
بطريقة ما عادية ، وكلما أكسر ليهو تلج ( عامل فيها ما ناكش )‏
وسألته عن السبب أو الأسباب ( طنشني ) ( ونساني ) !!!!!!!!!!‏
وقلت أمكن عشان ( لساني طويل ) شوية ، أها لي كم يوم كده
قاعد بكل أدب وإحترام وبرضو ( شاميني ) ، وقلت أمكن صورتي ‏
دي بتقفل ليهو نفسه، أها شلت الصورة نهائياً ، لغاية هسه أنا ما عارفو
مالو ( وحير قلبي معاهو ) ؟‏

كان ترجع الصورة تاني امكن انت فهمتو غلط :d

قاعد أغني ليهو طوااااااااااااااالي حن علينا جافى النوم عينينا
بس هو قاعد يغني لي انسانى وأنسى هواي


وانت من متين اتعلمت الغناء ؟

ولهذا السبب مطلوب فوراً ( مختص أجاويد ) من الدرجة الأولى
لحل هذه المشكلة ودياً أو دورياً بس الأهم يكون سرياً لأنو في ‏
ناس بتحب ( تشعللها ) و ( تولعها ) .‏

وكل من يستأنس في نفسه الكفاءة إرسال السيرة الذاتية والشهادات
العلمية والعملية بالسرعة القصوى .‏

علماً بأنه سوف يتم عين ( مختص الأجاويد ) بشكل دائم
في المنتدى من قبل الإدارة إن تمت عملية الصلح بنجاح
وذلك تفادياً لأي ( عنكبا شنكبا ) قد تحدث لاحقاً . .

الكبر حصل يا صاحبي يا حليل ايام زمان الجكس كان بقيف ليك صف :d


هناك جائزة كبيرة عبارة عن سيارة ( قورللا ) سوداء موديل 2010



انت يا خالد ( قورللا ) دي ما تكون ( هونداي ) ؟ :d
hadi salih
07-07-2009, 04:48 AM
وكل من يستأنس في نفسه الكفاءة إرسال السيرة الذاتية والشهادات
العلمية والعملية بالسرعة القصوى .‏




دحين ياخالد يا اخوى سيرتى الذاتية ما عندك وانا اول المقدمين اكان للشهادات برسله ليك بس اهم شى بدل السكن ههههههه
العاقب مصباح
07-07-2009, 05:34 AM
يا المسافر ياخى انت بيشاكلوك

ولا فى زول بيزعل منك

ياخى انت جميل

وخلينى اكون بتاع اجاويد

وربنا يعين

وخليها على وعلى الله

رايك شنو
الملكة اسماء ( ام محمد )
07-07-2009, 05:57 AM
مابيناتنا ياخالد يااااااااخ:cool::cool::cool:

انت بزعلوا منك يااااااخ

ماعلينا
ادينا اسم الزول وعنونه بالله :D:D
عشان نعمل معاه حزب خاص بقتالك علنا
مدنيّة
07-07-2009, 07:49 AM
خليني من الاجاويد

وريني دا منو دا الشاميك لدرجة انك تنزل ليه بوست مخسوس
علي النعيم محمد نور
07-07-2009, 09:11 AM
مسافرنا ( الحاضر ) . . .
ده عايز ( يظهر ) ويعمل فيها مهم ويمسك الجو. . . فإذا (صح القمر فلا داعي للنجوم ). . . بس خائف ( يطلع ) صاحبي و (أبيعك ). . .
حاتم مرزوق
08-07-2009, 01:50 AM
قاعد أغني ليهو طوااااااااااااااالي حن علينا جافى النوم عينينا
بس هو قاعد يغني لي انسانى وأنسى هواي



هناك جائزة كبيرة عبارة عن سيارة ( قورللا ) سوداء موديل 2010




امكن لو كنت غنيت ليهو :-
صبار هزايمك نزَ فيك
أرهن صحاريك للسواد
وكشًح الرمل الممغنط في الخطاوي
سايقاك خطاكَ وماشي وين
شارف على الواحات جفاف
واقف على قلبك هتاف
وخائف
رجفة الموية الكضب
وحشة الدرب الضهب
ومحطة بتبني منك الف طابق من تعب
شائل انينك ماشي وين
في زحمة الدرب الصعب
خمة النفس البخاف سطوة مطب
دربك ما بوريك ماشي وين
ولا انت عارف وين بوديك الدرب
ارجع … قليبي بخاف عليك


يمكن يرجع

تحت الخدمة -ت: 010000001000100010001
محمد النويري-الفقراء
08-07-2009, 12:00 PM
المسافر موضوعك هين وانا تب ما بقصر معاك وبجاود ليك في موضوعك بس المشكلة انا خائف تعمل معاي زي ما قال سيدنا عمر بن الخطاب رضي الله عنه لما رسل اتنين لحل مشكلة بين زوجين ( الكلام دا بصفة عامة ) عشان ما تقول لي انا ما قاصد بت او كدا . المهم لما رجع المصلحين قالو ليهو نحنا فشلنا في المهمة فامر بجلدهم ؟ فسألوهو ليه يا امير المؤمنين تعمل معانا كدا؟ اجاب ليهم إنو نيتكم ما كانت صافية لقوله تعالي : ( إن يريدا إصلاحاً يوفق الله بينهما ) فانا ممكن اجاود ليك لكن ما بتحمل الجلد إلا أعمل لي ( كركاسة ) واجيك جاهز للجلد .. هههههههههه
الملكة اسماء ( ام محمد )
08-07-2009, 12:10 PM
انتوا لسه ؟؟؟
يااااا حليلكم والله

ربنا يهدي النفوس :)
Jamal Elmahi
08-07-2009, 12:47 PM
يا مسافر وناسي هواك
حتي الجكس في المنتدي شمّاك ..
الاعضاء والاداره ما فاهماك ...
كدي أبزغ السفّه وتعال بهناك ...
تجي براك ومافي حد معاك ...
ياإنحلّت القضيّه ياتحمل الجاياك ...

ود الماحي
chocolat00
08-07-2009, 03:29 PM
heeey ana ana ana ana ana ... ma3a eno ma3arfa gornella di shno wala agawid :D:D bs ana akid banfa3
Jamal Elmahi
08-07-2009, 03:36 PM
heeey ana ana ana ana ana ... Ma3a eno ma3arfa gornella di shno bs ana akid banfa3

شيكولاته إزيّك ...
كان ما نفعتي إتّي البنفع منو!!؟؟ كسير تلج ....

بجيك صاد ...

ود الماحي
chocolat00
08-07-2009, 03:50 PM
teslam ya jamal ;)
chocolat00
08-07-2009, 03:56 PM
قاعد أغني ليهو طوااااااااااااااالي حن علينا جافى النوم عينينا
بس هو قاعد يغني لي انسانى وأنسى هواي

yemken al moshkila f sotak :p
علي النعيم محمد نور
08-07-2009, 10:19 PM
heeey ana ana ana ana ana ... Ma3a eno ma3arfa gornella di shno wala agawid :d:d bs ana akid banfa3

ترجمه لناس العاقب والجماعه . . .
شيكولاته قالت ( يالمسافر زولك المخاصمو ضرب لي وقال ليك ألحس كوعك كان أراضيك )
الملكة اسماء ( ام محمد )
08-07-2009, 10:27 PM
ترجمه لناس العاقب والجماعه . . .
شيكولاته قالت ( يالمسافر زولك المخاصمو ضرب لي وقال ليك ألحس كوعك كان أراضيك )


:D:D:D:D
:p:p:p:p\
:p:p:p

غايتو ياعمو علي بالغت فيها دي عددددددديل



تخريمة : انا سمعت ان المسافراتنازل عن القضية :confused::cool::rolleyes::p
طائر النورس
09-07-2009, 03:30 AM
:d:d:d:d
:p:p:p:p\
:p:p:p

غايتو ياعمو علي بالغت فيها دي عددددددديل



تخريمة : انا سمعت ان المسافراتنازل عن القضية :confused::cool::rolleyes::p




يا ملكة القال ليك الكلام ده روج اكبر اكذوبة

بحكم صداقتي للمسافر اقول ( لن نرضى بالصلح ابداً ابداً )

اهل سوزان تميم ما رضو انحنا نرضى ؟
الملكة اسماء ( ام محمد )
09-07-2009, 03:39 AM
يا ملكة القال ليك الكلام ده روج اكبر اكذوبة
احتمااااااااااال :rolleyes::rolleyes::rolleyes:
يكون مشاني :mad::mad:

بحكم صداقتي للمسافر اقول ( لن نرضى بالصلح ابداً ابداً )

اها ديل ال(بشعللوها) زااااااتم

اهل سوزان تميم ما رضو انحنا نرضى ؟


يااااخ
حمدا لله ع السلامة اولا
ثانيا : شجرة النيم فيها اعشاش للايجار:p:p:p
esmat
10-07-2009, 07:10 AM
كان ما نفعتي إتّي البنفع منو!!؟؟

كان ما نفعت هي تفنع القوريلا يا عزيز القوريلا
esmat
10-07-2009, 07:11 AM
gornella di shno wala agawid

ياجماعة شكولاته دي سألت سؤال عايزين اجابة
بعدين نجي لي مشكلة المسافر طوااالي هو كدا
اكتب واشرد لحدي ما القى بوستيه دا في النفاج
Jamal Elmahi
10-07-2009, 08:02 AM
ياجماعة شكولاته دي سألت سؤال عايزين اجابة
بعدين نجي لي مشكلة المسافر طوااالي هو كدا
اكتب واشرد لحدي ما القى بوستيه دا في النفاج

عصمت إتا شوكلاته دي ذابت وين ...!!؟؟
المسافر مشكلتو هينه كدي كوس معاي شكولاته دي خلينا ندخلا الخلوه ونعلما الكتابه بالعربي ..الخازوق تعلمنا الكتابه الهيروغلوفيه ونحنا مقهيين ...

مشاققه ...
شيكولاته ...القوريلا = كوريلا دفع أمامي آخر موديل ...

ود الماحي
esmat
10-07-2009, 08:13 AM
عصمت إتا شوكلاته دي ذابت وين ...!!؟؟
المسافر مشكلتو هينه كدي كوس معاي شكولاته دي خلينا ندخلا الخلوه ونعلما الكتابه بالعربي ..الخازوق تعلمنا الكتابه الهيروغلوفيه ونحنا مقهيين ...
مشاققه ...
شيكولاته ...القوريلا = كوريلا دفع أمامي آخر موديل ...

ود الماحي


الغريبة يا اخوي الشوكولاتة دي مع كسير
التلج دا ما مفروض نفقدها ولا شنو

بعدين هي لو واصلت صدقني Bnktib homgrafi wa bnfth lina gsim fi al nafag
Jamal Elmahi
10-07-2009, 08:23 AM
الغريبة يا اخوي الشوكولاتة دي مع كسير
التلج دا ما مفروض نفقدها ولا شنو

بعدين هي لو واصلت صدقني bnktib homgrafi wa bnfth lina gsim fi al nafag

غايتو حرفنتك يبقصو منها ...!!! دي من رأسك ولاّ من كراسك ...بتاخدو دروس عصر من ورانا ...
الله يجيبك يا شكولاته ...
قبّال ماندخّل الفلاته ...
ونقول ليهم البنيّه حلاته ...
جاتنا يوم يومين ما تلاته...
وخلتنا أنا وعصمت في إنفلاته ...

ود الماحي
esmat
10-07-2009, 09:44 AM
غايتو حرفنتك يبقصو منها ...!!! دي من رأسك ولاّ من كراسك ...بتاخدو دروس عصر من ورانا ...
الله يجيبك يا شكولاته ...
قبّال ماندخّل الفلاته ...
ونقول ليهم البنيّه حلاته ...
جاتنا يوم يومين ما تلاته...
وخلتنا أنا وعصمت في إنفلاته ...

ود الماحي


ود الماحي شكيت محنك

غايتو لو جات حبابها وكان ما جات
نقبل على المسافر دا حدها يوم السبت
chocolat00
11-07-2009, 03:18 AM
غايتو حرفنتك يبقصو منها ...!!! دي من رأسك ولاّ من كراسك ...بتاخدو دروس عصر من ورانا ...
الله يجيبك يا شكولاته ...
قبّال ماندخّل الفلاته ...
ونقول ليهم البنيّه حلاته ...
جاتنا يوم يومين ما تلاته...
وخلتنا أنا وعصمت في إنفلاته ...

ود الماحي

hehehehe thanks kalam 7ilo shadeeeeeeed ou mamafhom bardo lol
chocolat00
11-07-2009, 03:28 AM
عصمت إتا شوكلاته دي ذابت وين ...!!؟؟
المسافر مشكلتو هينه كدي كوس معاي شكولاته دي خلينا ندخلا الخلوه ونعلما الكتابه بالعربي ..الخازوق تعلمنا الكتابه الهيروغلوفيه ونحنا مقهيين ...

مشاققه ...
شيكولاته ...القوريلا = كوريلا دفع أمامي آخر موديل ...

ود الماحي

ana ma dobta ana hina
esmat
11-07-2009, 03:33 AM
hehehehe thanks kalam 7ilo shadeeeeeeed ou mamafhom bardo lol


عاد لكن شكيت محنك ياشكولاتة
كلام حلو وما مفهوم انتي مشيتي
مع القافية ولا شنو سجم خشمك
في الحالة دي ياعزيز الحق جاتك