ديك 000 شي 000 ناري (Dictionary) النفاج 000

[خالد 000 ابقرجة]

أول حاجة قبل الدخول في البوست

العنوان ذكرني ( ديك شيني ) 000
وده طبعا ما ليهو علاقة بأي مسئول أمريكي 000

ده ديك 000 منسوب للــ ( شين ) 000
والديك كان بقي ديك عدة 000
والشين بقت حقة الشيلة والشبكة والشنطة 000

العزابة يشيلو شيلتم ( وشنطتم ) :p

لأنو ديك العدة 000 كان خليتو بوسخ
وكان هشيتو بكسر 000
غايتو نصيحتي للعزابة يهشوهو 000

إمكن يكسر الـ ( شينات ) 000 ويتكسرن معاها ستات الشينات 000 ( أنا هسي قلتا ست شاي مالك بتهضرب يا جلالة ) :p

ويتكسرن دي 000 ما ليها علاقة بي دكتور العظام 000
ليها علاقة بي دكتور القلب 000

والدكاترة كشفو القلب 000 لقو قلبي ناقص ضرب 000 ( ولا زايد يا ربي ) 000

يا خوانا النخلي الهضربة وما اطلع من موضوع البوست 0000

[خالد 000 ابقرجة]

عاوزين نعمل معجم للنفاج 000
يعني نبقي ناس علميين ونحصر مصطلحات النفاج 000
ونختها في قوالب 000
قوالب دي بتذكرني الصيف 000
والصيف بنملا فيهو قوالب التلج 000

وده بدخلنا لأول مصطلح 000

كسير التلج 000 المعني معروف 000
كسار التلج 000 ( ود المزاد ) بالانجليزي 000

الواحد عاوز كسورة 000 يعني عاوز تلج مكسر بالدين ( جرورة )

ولمن الواحد يقع في موقف صعب ومحتاج مجهود كبير في كسير التلج
ممكن يستعين بمصطلح حديث 000

الآيس ماكر ( Ice maker)
ودي طبعن آلة بتجي منفصلة أومع التلاجات الحديثة 000
بتوفر أكبر كمية من التلج بالمقاس الصغير 000
وتوفر مجهود التكسير 000

وفي الحالة دي ببقي اسمو ( شتيت تلج ) 000

تحياتي ملك الجاويد عصمت

ده أول مصطلح وبالله عاوزين نلف في النفاج كويس 000
واي مصطلح نجيبو هنا لازم يكون بالتفصيل 000
يعني كل اتصريفات المصاحبة 000

اعلان في الهامش 000
مطلوب مناديب مصطلحات
لدخول المعاينة 000 مشاركة بمصطلح جديد

[خالد 000 ابقرجة]

الضرس 000 الزول المؤلم 000
واب ضرس 000 طبعا معروف في النفاج (الله يجازي ضرس العقل ) 000
وضرس العقل 000 طبعا ده الزول الما محتمل 000

وكانت الاعراب تقول حرب ضروس 0000
يعني بكتر فيها الألم 000

والمثل البقول 000
ضرسا تكوسلو 000 وضرسا اكوس ليك 000
ده لمن زول اقع في شر اعمالو 000 وانفرد بيهو ضرس 000

واضرسني 000 ما سمعتا بيهو المثل ده

دحين سمعتا بيهو يا ود مرزوق ؟؟؟

[خالد 000 ابقرجة]

النيامة 000 أهل النيمة
والواحد 000 نيامي 000
والواحدة 000 نيامية 000

حتي أن شاعرهم قال 000

فرح فرح يا النيامة
عيشو حب ومرح يا النيامة

والنمة 000 كلام ناس النيمة
وسيد النيمة 000 معروف عند النفاجيين 000

الضلالي 000 منسوب لي ضل النيمة
يعني بيان ضلالي 000 بيان في ضل النيمة
وتعبير ضلالي 000 تعبير اتقال في الضل 000

والضلالة (بتشديد اللام التانية ) 000 مصطلح موازي للنيامة 000
ولا يجوز استعمال المفرد منه :p:p

[خالد 000 ابقرجة]

ده في ما يخص المعجم
أما الـ dictionary

my neck with the sky

والترجمة المعروفة وما دايرة درس عصر

(رقبتي معسمة )

ومصطلح حريمي مطبخي
the milk is mouse

يا ربي ده شنو ده كمان كدي النشوف الـ ( ديك 000 شئ 000 ناري ) واجيكم

وهمتكم معانا
بالعربي والانجليزي

[هشام سلس]

ومصطلح حريمي مطبخي
the milk is mouse

يا ربي ده شنو ده كمان كدي النشوف الـ ( ديك 000 شئ 000 ناري ) واجيكم

وهمتكم معانا
بالعربي والانجليزي
[/right][/quote]

جاء في شرح جهلظة للدكشنريات
ان المعني المراد هو ( اللبن فار)

[GREY MAN]

لاقتني جمله وغلبتني امكن القي ليها معني عندكم
سمعت واحد بسال بتاع البقال وبقول ليهو
give me milk before three days

[عمرسنهوري]

حبيبنا ودابقرجه
اول شيى نبدا بالتلج وما هو التلج وكسيرو
لمن الزول يتحكحك في مديرو او ذوي السلطان
بقوقلو عليهو كسار تلج
وطبعا كسار دي غير الكسار بتاع الجزارة البكسر بالبرمه
وغير الكسار بتاع الشجر
طبعا الشجر بقعدوا فيهو الشفع المبرمين شعرعم
و هم البجيبو الاسماء و الالفاظ العجيبه دي
اها يا حبيب نرجع لسبب التسميه (كسير تلج )
يقال و العهده على الراوي
زمان زمن البارات شغااااااااله و الدنيا بخيرا
(نحن صغار اسألو روبش و عصمت من الكلام دا )
مدنيه ذاتا صغيره .
لا حولااااااااا تاني عرجت (جنس تعريجات ايمن بس )
اها يا حبيبنا قالو في الزمن داك البارات فاتحه والناس بتشرب
العرقي المستورد ناس وسكي و اخوانو من الكحول .
وطبعا الكحول دي بشربوها بالتلج
دايما بكون في الشله في واحد قندولي بدفع حق القعده كلها
الشفوت بكسرو التلج وبكبوه ليهو عشان يشرب
ويتقربو منو وبي كده جات التسميه .

[العاقب مصباح]

والله معجم عجيب

ما تقول لى دا كسير تلج بس

عندى مصطلح بحب اضيفه للديك شى نارى

الا وهو مصطلح الوشوش

او لمن قام بإستعمال مصطلح وش هو السيد عصمت الرابع عشر

وهو من الاسرة الحاكمة للنفاج ويُقال والعهدة على براى انه قد هُزم شر هزيمة فى

موقعة السيل الشهيرة والتى قام بكتابتها عالم الوشوش المشهور هناى داك....

حاول عصمت ان يُدخل الوشوش فى اماكن كثيرة فعندما يحتار كان ((يستلف )) وش اقرب

واحد فى المكتب ....الحمد لله ما كنا شغالين معاهو....

والوشوش انواع كثيرة منها وش مغتاظ .... ووش محتار.... ووش مدخلك فى حتة ضيقة....

من اشهر الوشوش وش النحاس والذى يُستعمل فى وابورات الكهرباء والماء فى

الجروف والجناين... وغيره....

كما يوجد ايضا وش داير قربك لكن محتار وهو من فصيلة الثلجيات... على وزن الفقاريات...


ويوجد ايضا وش زول عامل فيها رايح... ووش عنده خبره ...

ووش زول كابى الزوغة.... صحى هى كابنها وين.....

وفى الختام اهديك وش بيجترمك كتير ياخ

[سودانية وافتخر]

هههههههههههههههههههههههههه الله يجازي محنكم لكن المصطلحات كدا يا بلاش

[esmat]

غايتو بمشي واجيكم لكن بالعدم كدا

my leg is green

كراعي خدرت

[esmat]

لاقتني جمله وغلبتني امكن القي ليها معني عندكم
سمعت واحد بسال بتاع البقال وبقول ليهو
give me milk before three days


غايتو دا قطع شك كدا عايز ليهو ررررروب

[esmat]

مدنيه ذاتا صغيره .
لا حولااااااااا تاني عرجت (جنس تعريجات ايمن بس )

غايتو ياسنهوري الاولى دي مشيناها ليك عشان الايرادات وكدا (وش مصلحة)
لكن التانية دي قطع شك عنك مصلحة تانية ايمن شنو البعرجواا ليهو
وعايز تختنا معاهو في سرج واااحد قول كلام غير دا ياخ (وش ما مقتنع كلو كلو وبهوزز في راسو)

[esmat]

Oh God with them and there Family be Quick and Victory


ياربي ..... بهم وبآلهم ..... عجل بالنصر و ..... بالفرج

[خالد 000 ابقرجة]

ومصطلح حريمي مطبخي
the milk is mouse

يا ربي ده شنو ده كمان كدي النشوف الـ ( ديك 000 شئ 000 ناري ) واجيكم

وهمتكم معانا
بالعربي والانجليزي
[/right]

جاء في شرح جهلظة للدكشنريات
ان المعني المراد هو ( اللبن فار)[/quote]

شرح جهلظة دي قوية 000

وخليك قريب لأنو في حاجات كتيرة عاوزة ترجمة 000

هشام 000 عنقريبك فاتني 000 لكن ابكرفتة ما قصر

[خالد 000 ابقرجة]

لاقتني جمله وغلبتني امكن القي ليها معني عندكم
سمعت واحد بسال بتاع البقال وبقول ليهو
give me milk before three days


Grey Man

عصمت جاب ليك الرايحة 000

بس بمناسبة عقاربك البي غادي 000

في مصطلحين

الدبيب 000
ومقابله 00
العقرب 000

محتاجة تعريف وتأصيل 000

مطروحة للبحث

[خالد 000 ابقرجة]

حبيبنا ودابقرجه
اول شيى نبدا بالتلج وما هو التلج وكسيرو
لمن الزول يتحكحك في مديرو او ذوي السلطان
بقوقلو عليهو كسار تلج
وطبعا كسار دي غير الكسار بتاع الجزارة البكسر بالبرمه
وغير الكسار بتاع الشجر
طبعا الشجر بقعدوا فيهو الشفع المبرمين شعرعم
و هم البجيبو الاسماء و الالفاظ العجيبه دي
اها يا حبيب نرجع لسبب التسميه (كسير تلج )
يقال و العهده على الراوي
زمان زمن البارات شغااااااااله و الدنيا بخيرا
(نحن صغار اسألو روبش و عصمت من الكلام دا )
مدنيه ذاتا صغيره .
لا حولااااااااا تاني عرجت (جنس تعريجات ايمن بس )
اها يا حبيبنا قالو في الزمن داك البارات فاتحه والناس بتشرب
العرقي المستورد ناس وسكي و اخوانو من الكحول .
وطبعا الكحول دي بشربوها بالتلج
دايما بكون في الشله في واحد قندولي بدفع حق القعده كلها
الشفوت بكسرو التلج وبكبوه ليهو عشان يشرب
ويتقربو منو وبي كده جات التسميه .

ود سنهوري 000
شكلك يا خوي انتا بتشجع المريخ من زمن كابتن بشارة 000
ووحكاية الـ 19 والـ 29 في التهنئات بتاعتك ديك شااااكي فيها 000

بالمناسبة 000
ما تشوف لينا شوية مصطلحات رياضية كدة 000
رشاشات 000 مظلات 000 وحاجات زي دي بنحتاج ليها الايام الجاية

[خالد 000 ابقرجة]

والله معجم عجيب



ما تقول لى دا كسير تلج بس


عندى مصطلح بحب اضيفه للديك شى نارى


الا وهو مصطلح الوشوش


او لمن قام بإستعمال مصطلح وش هو السيد عصمت الرابع عشر


وهو من الاسرة الحاكمة للنفاج ويُقال والعهدة على براى انه قد هُزم شر هزيمة فى


موقعة السيل الشهيرة والتى قام بكتابتها عالم الوشوش المشهور هناى داك....


حاول عصمت ان يُدخل الوشوش فى اماكن كثيرة فعندما يحتار كان ((يستلف )) وش اقرب


واحد فى المكتب ....الحمد لله ما كنا شغالين معاهو....


والوشوش انواع كثيرة منها وش مغتاظ .... ووش محتار.... ووش مدخلك فى حتة ضيقة....


من اشهر الوشوش وش النحاس والذى يُستعمل فى وابورات الكهرباء والماء فى


الجروف والجناين... وغيره....


كما يوجد ايضا وش داير قربك لكن محتار وهو من فصيلة الثلجيات... على وزن الفقاريات...



ويوجد ايضا وش زول عامل فيها رايح... ووش عنده خبره ...


ووش زول كابى الزوغة.... صحى هى كابنها وين.....



وفى الختام اهديك وش بيجترمك كتير ياخ


ود مصباح 000 ياخي الوشوش دي عجيبة 000 والرابع عشر ليه السبق في الوشوش والكسير 000

وليهو السبق في ال( الرموش) وده طبعا مشترك مع الخرباش 000
ياخي ما تعمل لينا زي بحث الوشوش الرهيب ده في ( الرموش ) 000

ووش زول عامل فيها رايح دي ( ممكن نستخدم ليها الصورة الرمزية بتاعة مشرفنا الجديد أبو طاقية )

ما تقول لي أبو طاقية ده بطل أفلام هندية 000 ياخي ديك مصطلحات تانية 000

بالمناسبة وش زول بحترمك دي كيف 000 عشان اختم ليك بيهو هنا 000

وتحية برضو لصاحب الوشوش والتلج والرموش

[خالد 000 ابقرجة]

هههههههههههههههههههههههههه الله يجازي محنكم لكن المصطلحات كدا يا بلاش

السودانية 000
خلينا نرد عليك بوش زول بفتخر بي كل سودانية 000

ومحتاجنك في شوية مصطلحات حريمي 000

في مصطلح حريمي سائد 000

قصدي ثائد 000

وهو حرف السين 000 المتحولة الي الثاء 000

وهو من المصطلحات التي سادت 000 قصدي ثادت 000
وأصبحت لازمة 000 لا يسقطها قصدي يثقطها الا سهو (ثهو) الكي بورد

[خالد 000 ابقرجة]

غايتو بمشي واجيكم لكن بالعدم كدا

my leg is green

كراعي خدرت


ياخي كراعك ما خدرت 000

انتا كراعك خدرا علينا طوالي 000

كراعك خدرا دي برضو شوية 000

Your heart is white

عارف في واحد صاحبي ماشي معاي 000 قال لي

CUT THE ROAD

أها دي يحلوها كيف 000

ولا أقول ليك جهلظة قاعد

[مهيد ود السفاح]

ابقرجه اخوي
اكان ده الديك شنري الليلكم
الترابه دي في خشمي

وبجيك راجع شيل لي الصبر وما تخليهو يقع منك لما اجيك صاد

[مهيد ود السفاح]

عارف في واحد صاحبي ماشي معاي 000 قال لي

cut the road

أها دي يحلوها كيف 000

ولا أقول ليك جهلظة قاعد


اكيد اختلفتوا وكل واحد عايز اشيل حقو من الرود

[تغريد]

في واحد نفاجي كل مرة يقول لي cut your face وطبعا الموضوع دا صعب جدا يعني الواحد يجيب السكين وينجر وشو دي مشكلة اها اعمل شنو؟

[خالد 000 ابقرجة]

غايتو ياسنهوري الاولى دي مشيناها ليك عشان الايرادات وكدا (وش مصلحة)
لكن التانية دي قطع شك عنك مصلحة تانية ايمن شنو البعرجو ليهو


ولا تزعل ياخي ما تعرج ليهو 000
خليك قافل فوق 000 ( وش زول بحضر ليهو في عشرة حريق )

[خالد 000 ابقرجة]

Oh God with them and there Family be Quick and Victory


ياربي ..... بهم وبآلهم ..... عجل بالنصر و ..... بالفرج

God Give Us And Give You

الله ادينا واديك يا عصمت

[خالد 000 ابقرجة]

ابقرجه اخوي
اكان ده الديك شنري الليلكم
الترابه دي في خشمي



ود السفاح 000 ابرا خشمك من الترابة 000 يا يابا http://www.wadmadani.com/vb/image.php?u=5531&dateline=1243691964 (http://www.wadmadani.com/vb/member.php?u=5531)
لكن عندي احساس أنك غيرتا الصورة الرمزية عشان الكلمة دي



وبجيك راجع شيل لي الصبر وما تخليهو يقع منك لما اجيك صاد

ود السفاح 000
ما تتأخر 000
صبرك ده عمل لي فلايت 000

طبعا فلايت دي ما ليها علاقة بأي خطوط طيران

[أم وئام]

أخى خالد أنا ما خبيره فى المصطلحات لكن حأحاول اشارك معاكم فى مره من المرات واحد من الجماعة البكسرو التلج فى القعدات اتوزن تمام وبقى مارق مر بالسوق وكان فى مدنى بدرى لوكاندة مكتوب عليه (لوكاندة المحطة لصاحبها خضر عيسى) فعجبته الفكرة وبقى يقرأ لو0000كان000ده المحطة 00لصا 000حبها 0000خضر 00000عيسا

[تغريد]

- قاعدة كنب - مصطلح مجهجهني جهجهة غريبة


المصدر النيامي الاصيل عبد الرحمن مدثر

من كنب يكنب فهو كانب اي خامل وعاطل وكاسل علي القافية يا اخوانا والمعني انه غير قاعد مثله ومثل اي كنبة في اي فصل مهجور





عليك الله الوصف دا كيف اتخيل لي والله اعلم غلط ورورنا الصاح يا اخوانا




الله يكضب الشينة :rolleyes::rolleyes:

[مهيد ود السفاح]

[size=3]ود السفاح 000
ما تتأخر 000
صبرك ده عمل لي فلايت 000

[color=red]طبعا فلايت دي ما ليها علاقة بأي خطوط طيران


فالايتك دي شوف ليها كركار

الله ابعد عننا القطيعه
والقطيعه دي ما ليها علاقه بي قعده النسوان

[خالد 000 ابقرجة]

اكيد اختلفتوا وكل واحد عايز اشيل حقو من الرود




في واحد نفاجي كل مرة يقول لي cut your face وطبعا الموضوع دا صعب جدا يعني الواحد يجيب السكين وينجر وشو دي مشكلة اها اعمل شنو؟

عارفة يا ديك تورة ( هي الاتنين بطري ) :p مصطلح نفاجي أصيل برضو

عارفة بي تفسير ود السفاح بتاع قسمة الرود ده 000
معناهو الزول ده ما بحمل فراقك 000 وعاوز يشيل نص وشك معاهو طوالي

أظن قسمة الوش ما بتغلبك يا دكتورة :)

وقسمة 000 وترباس 000

[خالد 000 ابقرجة]

أخى خالد أنا ما خبيره فى المصطلحات لكن حأحاول اشارك معاكم فى مره من المرات واحد من الجماعة البكسرو التلج فى القعدات اتوزن تمام وبقى مارق مر بالسوق وكان فى مدنى بدرى لوكاندة مكتوب عليه (لوكاندة المحطة لصاحبها خضر عيسى) فعجبته الفكرة وبقى يقرأ لو0000كان000ده المحطة 00لصا 000حبها 0000خضر 00000عيسا


ملعوبة يا أم وئام 000

ده بذكرني المسطول الشاف يافطة ( فندق الخواض ) 000
قال يا اخوانا الخواض ده داقنو عمل شنو 000 ( مع الاعتذار للخواض محمد احمد 000 أبو لوزة 000 أبو كريم )

وكسار التلج بتاع ابو عيسي ده شكلو ياهو زاتو بتاع المظاهرات يوم كسروا البار بعد ما اتملا تماااام 000

لقي جزمتو ضاعت في الزحمة 000 فهتف في الجماعة 000 ( الي باتا 000 الي باتا )

[خالد 000 ابقرجة]

- قاعدة كنب - مصطلح مجهجهني جهجهة غريبة


المصدر النيامي الاصيل عبد الرحمن مدثر

من كنب يكنب فهو كانب اي خامل وعاطل وكاسل علي القافية يا اخوانا والمعني انه غير قاعد مثله ومثل اي كنبة في اي فصل مهجور

عليك الله الوصف دا كيف اتخيل لي والله اعلم غلط ورورنا الصاح يا اخوانا
الله يكضب الشينة :rolleyes::rolleyes:


عارفة يا ديك تورة 000 المصطلح ده شكلو أصلو رياضي 000
خاصة أنو النيامي الأصيل أبو مزن برضو خرباش رياضي كبير 000

والزول كورتو لمن تفك 000 بقعدوهو كنب 000 في ( كنبة الإحتياطي ) 000 يعني ما ليهو لازمة 000

والزول الما بعجب المدربين 000 برضو بختوهو كنب 000

يعني يا ديك تورة 000 لو الكورة لاعبة 000 وفي زول لعاب شديد قاعد في الكنبة 000 بقدر اعمل حاجة ؟؟؟


وتيب

[esmat]

والله ياناس الليل جاكم زول
يعني نحنا عشان نبل شوقنا
نساهر ليكم ولا شنو بالغت معانا

[خالد 000 ابقرجة]

فالايتك دي شوف ليها كركار



الله ابعد عننا القطيعه

والقطيعه دي ما ليها علاقه بي قعده النسوان




ياخي تصدق يا ود السفاح 000 الموضوع طلع ما ليهو علاقة بالنسوان 000

طلع ليهو علاقة بالكورة برضو 000

ياخي القطيعة دي ما جاتنا ام بارح 000 بس أكلناها في حناننا ساااكت 000

وفلايت دي برضو ما بعيدة 000 أكان ما أخاف الكضب 000 دي الفلايت بتاعت نزار ود حسن 000
الفتح رحلتا بي هناك 000

وبيني وبينك كدة 000 الترابة في خشمي دي كنتا قاصد بيها الديك شي ناري 000
ولا قاصد بيها ( سي كا فا ) 000

لا لا ياخي 000 بطولة شنو 000 دي جملة موسيقية 000

ود السفاح 000 أمانة في زكمتك 000 الموضوع ده ما يمشي الرياضي 000
ياخي النفاج ده محل الفضفضة 000 والفضفضة ما تنفع فيها المكابرة 000

[خالد 000 ابقرجة]

والله ياناس الليل جاكم زول
يعني نحنا عشان نبل شوقنا
نساهر ليكم ولا شنو بالغت معانا


Mr Ice Maker

دي كيف لقيتا 000

كويس أنك جيت 000 وشكلك جاي من النيمة 000

في مصطلح قبيل نزل بي هناك 000

البستم 000
البستم جزء من ماكينة العربية 000 وهو قطعة تتحرك داخل السلندر 000
لي فوق 000 ولي تحت 000 بس 000

أها المصطلح ده بيستخدم للزول لمن يقفل 000
ومخو يتربس 000 ويبقا اتجاه واحد 000

يعني لو عايز يقول ليك قمتا بي ثورة في دواخلي 000 بقولا كيف 000
( قمتا بي ثورة مايو في دواخلي ) ده للعجايز شوية 000



راس سلندر 000

يؤدي نفس المعني 000

[خالد 000 ابقرجة]

مصطلح 000

ترطيبة 000 الأصل مستخدم للجو حينما تعمه الرطوبة 000 ( والر بلاطة ) :p

والترطيبة في النيمة 000 بجيبا الهمبريب 000

بس الترطيبة في الشقق بتجيبا الكندشة ( الزول ده وين طاشي )

وده سر المصطلح 000

فالترطيبة 000 هي الجو المريح المتوفر فيهو كل الكماليات 000 غالبا بسبب توفر المال 000 أو المركز 000

والزول الترطيبة 000 أو المرطب 000

الذي ينعم بالترطيبة 000

وغالبا لمن ترطيبتو تزيد 0000 بتعامل مع أصحابو بطريقة 000

رفع القزاز 000

وده المصطلح الجاي

[أم وئام]

أخوانا ابقرجه نحنا فى انتظار مصطلح رفع القزاز واتخيل لى رفع القزاز يعنى عمل مطنش وفتح للناس البعرفهم بقى شغال بقانون البريدو يقطعوه الزلط والمابريدو يوصفو ليه غلط

[مهيد ود السفاح]

سيد الديك شئ ناري

انا جيعان عايز فول ( مدنكل )

[خالد 000 ابقرجة]

أخوانا ابقرجه نحنا فى انتظار مصطلح رفع القزاز واتخيل لى رفع القزاز يعنى عمل مطنش وفتح للناس البعرفهم بقى شغال بقانون البريدو يقطعوه الزلط والمابريدو يوصفو ليه غلط



بااااسسسسسسسس 000 عليك نور 000 وعليك فانوس :p:p


ورفع القزاز ده برفع للناس الرفعو ليهم القزاز ضغطم 000

بس بمناسبة الرفع دي في مصطلح عكسي 000

نزيل النضارة 000
والزول نزل لي النضارة 000

ونزلتا ليهو النضارة 000

وياخي ماتنزل لي النضارة 000

كدي النمشي اشوف لود السفاح ده فول ( أوتوماتيك ) و أجيك

[خالد 000 ابقرجة]

سيد الديك شئ ناري



انا جيعان عايز فول ( مدنكل )



ود السفاح 000
والله مشتاقين ياخ 000

بعدين الفول ( أوتوماتيك ) المدنكل ده جامع بين المعجم 000 والديك شئ ناري 000

أول حاجي 000 الفول بختوهو في ( النار ) ( ديك ) 000
بعداك ببقي ( شئ ) مجنون 000
وده البدخلنا الديك شئ ناري 000

MadAnkle

شفتا كيف 000 عم مجنون 000
وده تعبير بيطلق علي ( الفولة المجنووووووووونة ) 000
ودي فردة الفول الماد انكل 000 فول مجنون ياخي 000

أكب ليك زيت سمسم 000 ؟؟؟ ولا بتحبو بالسمن000 ؟؟؟


ولا تنام خفيف أحسن ؟؟؟ :p

[مهيد ود السفاح]

الغالي ابقرجه الشوق كميات
الليله دخلت على الديك شئ ناري لقيت عندك مطره

لكن يا اخوي مطرتك ما ( شعفوفه )
كابه جنس كب
بس يا اخوي مطرتك دي ما يتأجل لينا الكوره ؟؟
ولا بتطع تعادل

هوي يا اللخو فتك بالعافيه هسي ناس مدينه اقولوا مهيد قلبوا رياضي
اخليك في (( الشعفوفه )) ودعتك الله

[عمر المامون]

والله يا خالد مساء الخير
اول يوم اشوف البوست بتاعك دا
بتمني ليك مزيدا من الابداع الاندياحي الممزوج بروعة يراعك وهمس قوافيك وعزب الكلمات
تقبل مروري

[عبدالرحمن مدثر]

ياسلاااااااااااااااااااااااااااااااااااااااااااااا اااااااااااااااااااااااااااااااااااااااام