كل الطائرات ( تنحرف ) في مطار الخرطوم ...

[عبدالله محمد العقاد]

نجت طائرة (ايربص) 300 سعودية قادمة من الرياض من حادثة تحطم بعد إنحرافها عن المدرج عند هبوطها بسبب عطب مفاجئ في محركاتها أمس بمطار الخرطوم الدولي وعلى متنها (310) ركاب بجانب طاقمها المكون من (16) شخصاً بسبب عطب فني في محركات الهايدروليك (الكوابح) مما أدى لتعطيل حركة الملاحة الجوية في كافة المطارات الدولية والولائية لعدة ساعات وقال الناطق الرسمي باسم الهيئة العامة للطيران المدني عبد الحافظ عبد الرحيم ان كابتن الطائرة أبلغ برج المطار عن عطب فني في جهاز الفرامل والكوابح حيث سارعت فرق الطوارئ بإنقاذ الطائرة وإجلاء الركاب وبحسب صحيفة الرائد أوضح أن أجهزة اللف والمحركات تعطلت تماماً الأمر الذي لم يمكن فرق الإنقاذ من زحزحة الطائرة نظراً لضخامتها مما تسبب في إغلاق حركة الملاحة بالمطار .


http://www.alnilin.com/news.php?action=show&id=13207



تعليق : الواحد من زمن طائراتنا السودانية اللي بتتوقع ، قال تاني ما يركب إلا الطائرة السعودية .
لكن الظاهر يا جماعة لا مفر من قدر الله

تعليق من واحد ظريف : قال مطار الخرطوم دة فيه ( كج )

متين يا والي الجزيرة نشوف مطار الجزيرة ؟

[nehroo]

العزيز عبدالله العقاد
لك التحايا ..

وقبل يومين فقط حادث طائرة الأنتينوف بشمال دارفور
التي سقطت قرب المدرج وتحولت إلى أشلاء
وطاقمها المكون من فردين الآن تحت العلاج من الإصابات ..

أحسب كم طيارة فقط في الثلاث سنوات الأخيرة
وأعمل مقارنة مع ما حولك من دول رغم أن
حركة الطيران عندنا ضعيفة بالمقارنة مع الدول الأخرى ..

[moh_alnour]

قدر الله و لطف و الحمد لله على سلامة الركاب
و برضو نقول الحمد لله مقارنة مع ضحايا حادث الطائرة الفرنسية في سواحل البرازيل
ومع حادث الطائرة اليمنية في سواحل جزر القمر
نسأل الله السلامة للجميع

[tigani18]

أخي محمد العقاد حمدا لله على سلامة ال326 ,,,,لولا لطف الله لكانت كارثة حقيقية

[مهيد ود السفاح]

الله قدر ولطف
وهو نحن ناقصين ؟؟

بس السؤال الأخير ده مهم جداً ؟؟

تعرف من ونحن اطفال صغار كنا بنسمع بان المطار الجديد بالشرق , وعلى ما اتزكر في مكاتب للمطار في الحي السوداني , ومره للفضول دخلنا مكتب المطار وسالنا عن المطار الجديد , وجاوب واحد وقال قريباً سوف يبدأ العمل في المطار , لاحظ الكلام ده في نهاية التمانينات , وانا متأكد هسي لو سألت حتلقى نفس الاجابه ( قريباً )

[علي النعيم محمد نور]

عقادنا الحبيب . . .
أنا لما قريت ( إنحراف )طائره . . . قلت حتي أنت يا بروتس . . . لكن نبهني زول جنبي قال لي لا ده إنحراف ( مساري ) ماااااا( ................) . . . قلت الحمد لله أصلو (الخرتوم) دي كل حاجه فيها ممكنه . . .

[نبض السكون]

الحكاية شنو يا ناس مطارنا ده مالو ؟ ربنا يستر ساآآآكت المشكلة حتى إذا حصل هبوط اضطراري ناسنا ديل ما جاهزين وللآن كارثة الطيارة السودانية الحرقت في المطار والناس كلها بتشاهدها على الهواء مباشرة محرقاني شدييييييييييد .
نسأل الله العفو والعافية ...

[عبدالله محمد العقاد]

العزيز عبدالله العقاد
لك التحايا ..

وقبل يومين فقط حادث طائرة الأنتينوف بشمال دارفور
التي سقطت قرب المدرج وتحولت إلى أشلاء
وطاقمها المكون من فردين الآن تحت العلاج من الإصابات ..

أحسب كم طيارة فقط في الثلاث سنوات الأخيرة
وأعمل مقارنة مع ما حولك من دول رغم أن
حركة الطيران عندنا ضعيفة بالمقارنة مع الدول الأخرى ..

الرائع نهرو

ندعوا الله ان يحفظنا و اهلنا في حلنا و ترحالنا

طبعا اي شي عندنا زايد

[عبدالله محمد العقاد]

قدر الله و لطف و الحمد لله على سلامة الركاب
و برضو نقول الحمد لله مقارنة مع ضحايا حادث الطائرة الفرنسية في سواحل البرازيل
ومع حادث الطائرة اليمنية في سواحل جزر القمر
نسأل الله السلامة للجميع

الاخ محمد النور

الظاهر بقى مافي امان في الطيران بالطائرات في حاجة ما مفهومة

قبل كم يوم كنت بأقرا أن الخطوط اليمنية مفروض توضع على لائحة ( البلاك لست )

و لكن الظاهر كله محصل بعضه

[عبدالله محمد العقاد]

الله قدر ولطف
وهو نحن ناقصين ؟؟

بس السؤال الأخير ده مهم جداً ؟؟

تعرف من ونحن اطفال صغار كنا بنسمع بان المطار الجديد بالشرق , وعلى ما اتزكر في مكاتب للمطار في الحي السوداني , ومره للفضول دخلنا مكتب المطار وسالنا عن المطار الجديد , وجاوب واحد وقال قريباً سوف يبدأ العمل في المطار , لاحظ الكلام ده في نهاية التمانينات , وانا متأكد هسي لو سألت حتلقى نفس الاجابه ( قريباً )



الظاهر اخوي مهيد ان مطار الجزيرة سوف ينشأ عندما ( تلد الأمة ربتها )
انا استغرب في الوالي الجديد لحد هسع ما سمعنا ليه برنامج عمل او ورقة عمل في الجزيرة
و يبدو لي الوالي دة زينا يأكل الطعام و يمشي في الاسواق

[عبدالله محمد العقاد]

عقادنا الحبيب . . .
أنا لما قريت ( إنحراف )طائره . . . قلت حتي أنت يا بروتس . . . لكن نبهني زول جنبي قال لي لا ده إنحراف ( مساري ) ماااااا( ................) . . . قلت الحمد لله أصلو (الخرتوم) دي كل حاجه فيها ممكنه . . .


الغالي جنابو على النعيم

سبحان الله انا لما بدأت اكتب في البوست اخترت عنوان ( حتى انت يا بروتس) و لكن خفت ان العنوان يكون فيه فخ استدراج للقراء
عشان كدة عدلته للعنوان الحالي

تحياتي

[عبدالله محمد العقاد]

الحكاية شنو يا ناس مطارنا ده مالو ؟ ربنا يستر ساآآآكت المشكلة حتى إذا حصل هبوط اضطراري ناسنا ديل ما جاهزين وللآن كارثة الطيارة السودانية الحرقت في المطار والناس كلها بتشاهدها على الهواء مباشرة محرقاني شدييييييييييد .
نسأل الله العفو والعافية ...


اخوي نبض السكون

ناسنا ديل جاهزين بس للتنظير ليس الا و ربنا يكون في العون

[Madanawi]

الحمد لله على سلامة الركاب وطاقم الطائرة
حسب علمي أن الخطوط السعودية من أكثر
خطوط الطيران في العالم والتي تهتم بالصيانة
الدورية لطائراتها وسقف إجراءات السلامة لديهم عالي
ولكن الحذر لا يمنع القدر .. نسأل الله السلامة لجميع
الركاب وأطقم الطائرات المسافرون في كل خطوط الطيران،،

[عبدالله محمد العقاد]

الحمد لله على سلامة الركاب وطاقم الطائرة
حسب علمي أن الخطوط السعودية من أكثر
خطوط الطيران في العالم والتي تهتم بالصيانة
الدورية لطائراتها وسقف إجراءات السلامة لديهم عالي
ولكن الحذر لا يمنع القدر .. نسأل الله السلامة لجميع
الركاب وأطقم الطائرات المسافرون في كل خطوط الطيران،،

اللهم آمين اخوي مدناوي

و الشكر و التقدير على المرور