اياكى ان تثقى فى قلب رجل

[تيسير]

جلسن فى دائرة مكتملة تماما تتوسطها حاجة الرضية وهى تمسك الهبابة وتتحايل على الجمر لكى يشتعل بسرعة لكى تقلى البن .............
استلمت المجلس (ثريا ) سيدة شمارات الحلة ............
اها يا اخواتى ما سمعتن الخبر ...
ردت سعاد وشمار الدنيا فى عيونها .......
خبر شنو يا جيابة الخبر ؟؟؟؟؟؟؟؟؟؟؟
هى ما هاجر
بصوت واحد ردن :
سجمى الحصل ليها شنو ؟
ما الطيب عرس فيها .
ضربت هدى صدرها بقوة وشقهت : كضاااااااااااااااااااااابة ما بصدق لو كلى اتمليت ادنين .
وحاة ولدى محمد ..........
حركت بدرية راسها بقوة لكأنما تنفى الفكرة وتطردها من رأسها :
وووووووووووووووووووب علينا اكان هاجر عرسوا فيها اكان كدى كلنا معرسين فينا .....هوى يا نسوان هوى فتشن ورا رجالكن ..............
نطت سلمى :يا مرة تفى من خشمك ............
الوحيدة التى لم تتحدث سلوى صديقة (هاجر ) فقد نزلت دمعة حرى على خدها سرعان ما دارتها بطرف ثوبها وعاد شريط الذكريات ينساب الى ذاكرتها ..........
لكم احب الطيب - هاجر لكم جاءها يبكى وهو يشتكى من انه اغضبها من غير قصد وهى تخاصمه ويطالبها بالتدخل لانه لا يقوى على زعلها لكم كان يحرص على رضاءها ويسهر الليالى من اجلها ..............
لكم كان يحرص على كل شئ يسعدها وكم كانت سعيدة وتعتبر نفسها محظوظة بحبه
وفى يوم اغبر جاءتها صديقة عمرها وهى تحمل عينين بلون الجمر وتحكى كيف هجرها زوجها وتركها من اجل طالبة جامعية وهجر بالتالى اى مسؤلية تخصها او اطفالها عندها لم تتمالك نفسها وبكت من اعمق اعماق قلبها معها وحاولت التخفيف عليها لكنها كانت تصر على الطلاق ..........................
ونواصل ..........................

[معتز الريح]

اياكى ان تثقى فى قلب رجل


أفرز يا ديجانقو ..

[esmat]

ونواصل ..........................

دعيني اجلس في الانتظار بصمت

[العاقب مصباح]

تيسير
رائعة وفاخرة الحروف
عودا حميدا مستطاب
ننتظر قلب هذا الرجل
لنعرف كيف نُقنع بنات حواء بالثقة بنا
حتى لا نبور
احتراماتى

[هيثم ادروب]

منتظرين ياتيسير ...

[تيسير]

أفرز يا ديجانقو ..



هلا بسكرتيرنا التنفيذى كدى اصبر لى شوية ولجنة الانتخابات لسة ما اجتمعت عشان تفرز روق المنقا ...شكرا لمرورك الكريم وخليك قريب

[تيسير]

دعيني اجلس في الانتظار بصمت


إن مجرد حضوركم يجعلك للصمت معانى بلون برجوازى جميل ............دمت بخير يا أخى وارجو الا يطول صمتك

[أبو جودي]

أول مشاركة لي مع تيسير في البداية ،،، أبعث بتحياتي ،،، بالنسبة للموضوع أرى لو قلبتيها بتكون دي الحقيقة " أياك أن تثق بقلب إمراة" وأظنننننننننننننننننننننننننننننن ده المقصود وله شنو ؟؟؟؟؟؟

[تيسير]

تيسير
رائعة وفاخرة الحروف
عودا حميدا مستطاب
ننتظر قلب هذا الرجل
لنعرف كيف نُقنع بنات حواء بالثقة بنا
حتى لا نبور
احتراماتى


ملك الحروف القرمزية سلامات يا اخا العرب .............نورت البوست
من تحت النظارة :
غايتو الباير الله عالم بيه ...وشفت محلات ميساء كفك مكتوب عليها بتعرس 4 وبطلق مرتين .....شرفنى مرروك جدا

[تيسير]

منتظرين ياتيسير ...

هلا بود الشرق .....اها عاد اصبر لى شوية جاااااااااااايك

[تيسير]

أول مشاركة لي مع تيسير في البداية ،،، أبعث بتحياتي ،،، بالنسبة للموضوع أرى لو قلبتيها بتكون دي الحقيقة " أياك أن تثق بقلب إمراة" وأظنننننننننننننننننننننننننننننن ده المقصود وله شنو ؟؟؟؟؟؟

والله كلك نظر ياابو الجود .........بس لو صبرت شوية حتتغير وجهة نظرك بس شيل حبل الصبر وهلا بيك ومرحبا شرفتنا

[hadi salih]

اخوانا الحصل شنو ابو الطيب فك اخره ولا هاجر لسه بتبكى ومصره على الطلاق ولا ولا >>>>> ولا ياربى انا وين على قول صديقنا الغالى ابوالنور

[bit madani]

الأخت تيسير شكرا على لفت الإنتباه و هي سانحة للتوقف و معرفة أراء الرائعون بالمنتديات

لا أريد التحامل على الجنس الخشن و لكن لي سؤال ! ...

هل للرجل قلب كقلب المرأة ... بوفاء مطلق كوفائه ... و ذاكرة أصيلة كذاكرته ... و حميمية مجردة كحميميته ... هل له ذات التجرد حين يتعلق الأمر بحبيبه ... هل له ذات القدرة على العطاء و الإيثار غير المشروط لحبيبه ... لا يتنكر له إذا تغيرت الظروف و إجتمعت المغريات العابرة ... هل قلبه مبطن بالصبر رحيب بمساحات الغفران و الدفء بإنتماء ذو هوية واحدة لا تتلون ... لا يساوم ود حبيبه بما هو بقيمة اقل ... و اشياء ستاتي ...

للمرأة النقية الصادقة قلب عظيم صفاته غير محدودة ... فهل من رجل بهذا الجمال الحقيقي قلبا و قالبا ...
مجرد سؤال !

[ميادة]

نحن في الانتظار يا رائعة

[moh_alnour]

الأخت الأديبة الأريبة تيسير
مرحب بعودتك و مرحب بموضوعاتك الموضوعية دوما ً و مرحب بهذه الشطحات و النطحات الموجهة لآدم
منتظرين بس ما تطولي الغيبة




إياك ِ أن تثقي في قلب الرجل

لعبة خشنة : لا تثق بشمس الشتاء ولا بقلب النساء ;) مثل أمدرماني ;)

[تيسير]

اخوانا الحصل شنو ابو الطيب فك اخره ولا هاجر لسه بتبكى ومصره على الطلاق ولا ولا >>>>> ولا ياربى انا وين على قول صديقنا الغالى ابوالنور


والله ياخى القصة اكبر من المتنبى والحكاية حكاية نساء مهضومات الحقوق كدى اتفضل اشرب جبنة حاجة الرضية دى ...........واصبر التقيل جاى ورا _حبابك الف

[hadi salih]

الرسول ياتيسير تقولى للرضية تكب التنى الحكاية حا تسخن فيها حقوق مهضومة ونحن فى الانتظار

[مهيد ود السفاح]

الاخت تيسير
الف حمداً لله سلامة العوده

وبعدين



الطيب ما غلطان
وهاجر غلطانه

غلطانه ما غلطانه
غلطانه ما غلطانه
غلطانه ما غلطانه
غلطانه ما غلطانه

والناس منتظرنك والشمار حارقهم اكتر من ( ثريا ) وانا اولهم

[مهيد ود السفاح]

الرسول ياتيسير تقولى للرضية تكب التنى الحكاية حا تسخن فيها حقوق مهضومة ونحن فى الانتظار


عالم ...............كلها (ثريا )

[مهيد ود السفاح]

في مثل بقول
اسهل طريق لقلب الرجل معدته


بالله عليك يا تيسير في اسهل من كده ؟؟؟؟

[علي النعيم محمد نور]

تيسيرنا . . .
بركه المااا ااا قلتي لا تثقي في الرجل . . . ( القلب ) هييييين .

[wad alballal]

ونواصل ..........................

كلنا في انتظار علي احر من الجمر وانا برضو يا تيسير دي اول لي مشاركة معاك والشمار كاتلني شديد

[خالد 000 ابقرجة]

س :




لا أريد التحامل على الجنس الخشن و لكن لي سؤال ! ...

هل للرجل قلب كقلب المرأة ... بوفاء مطلق كوفائه ... و ذاكرة أصيلة كذاكرته ... و حميمية مجردة كحميميته ... هل له ذات التجرد حين يتعلق الأمر بحبيبه ... هل له ذات القدرة على العطاء و الإيثار غير المشروط لحبيبه ... لا يتنكر له إذا تغيرت الظروف و إجتمعت المغريات العابرة ... هل قلبه مبطن بالصبر رحيب بمساحات الغفران و الدفء بإنتماء ذو هوية واحدة لا تتلون ... لا يساوم ود حبيبه بما هو بقيمة اقل ... و اشياء ستاتي ...

للمرأة النقية الصادقة قلب عظيم صفاته غير محدودة ... فهل من رجل بهذا الجمال الحقيقي قلبا و قالبا ...
مجرد سؤال !

ج :




الوحيدة التى لم تتحدث سلوى صديقة (هاجر ) فقد نزلت دمعة حرى على خدها سرعان ما دارتها بطرف ثوبها وعاد شريط الذكريات ينساب الى ذاكرتها ..........
لكم احب الطيب - هاجر لكم جاءها يبكى وهو يشتكى من انه اغضبها من غير قصد وهى تخاصمه ويطالبها بالتدخل لانه لا يقوى على زعلها لكم كان يحرص على رضائها ويسهر الليالى من اجلها ..............
لكم كان يحرص على كل شئ يسعدها وكم كانت سعيدة وتعتبر نفسها محظوظة بحبه



الأخت تيسير 000
جميلة تكون الكتابة حينما تحرك أشياء نتحاشي الخوض المباشر فيها 000
وجميل يكون السرد 000 حينما يطرح حلولا بعيدا عن الفذلكة والقوائم ذات الأرقام 000

لا أريد أن أسبق الأحداث 000
لكنني متابع جيد لخواطرك بالثقافي الذي جرفه السيل 000
وأعلم تماما أن الطيب 000 وهاجر 000 ليست مجرد أسماء 000
وأعلم جيدا أن تيسير حينما تكتب 000 يكون لكل كلمة معني 000 ولكل اسم دلالة 000

ولكن بغض النظر عن نتيجة هذا السرد الجميل 000 دعيني أقول لبت مدني 000 هي حالات اجتماعية 000
نموذج فيه زوج لا يقدر عطاء زوجته وقلبها الذي أسهبت في وصفه 000

ونموذج زوجة تستمرئ اندلاق زوجها عليها 000 وتستمتع بانكسار آدم فيه تجاهها 000 وتنسي أن لحظة الانكسار الحقيقة 000 لا تجدي معها دموع 000 ولا جودية 000

وللحالتين 000 ستكون هناك تيسير 000 وقلم يجيد العرض 000 والوصول للنتائج 000 دون أن يتسرب الملل 000 ودون أن نمل انتظارها 000

تيتا 000
قاعد جنب عصمت 000 عشان استغل صمتو في قطيعة رجالية لغاية ما ترجعي :p:p:D:D

[مايسة]

حمدلله على السلامة يا غالية وانا اقول المنتدي منور كده مالو

سأمحو معك دموع هاجر - ولكن دعينا اولا نعرف ماذا قعل بها الطيب هذه المره

[hadi salih]

في مثل بقول
اسهل طريق لقلب الرجل معدته


بالله عليك يا تيسير في اسهل من كده ؟؟؟؟




واوعى تكون مصدق المثل ده وعايزه تكون طباخة ياخى الموضوع عايز عقل ما عايز بطن يا

[hadi salih]

الاخت تيسير
الف حمداً لله سلامة العوده

وبعدين



الطيب ما غلطان
وهاجر غلطانه

غلطانه ما غلطانه
غلطانه ما غلطانه
غلطانه ما غلطانه
غلطانه ما غلطانه

والناس منتظرنك والشمار حارقهم اكتر من ( ثريا ) وانا اولهم


يلا ياتيسير الناس منتظرنك واولهم مهيد مع ناس شمشارة اقصد ثريا

[محمد النويري-الفقراء]

تيسير الحصل شنو انا من قبيل منتظر آخر الحكاية لكن تواقعاتي المرة اصرت على الطلاق لكن أهلها اقنعوها وقالو ليها الراجل محللاتن ليهو اربعة . اقعدي مع راجلك وما تسيبيهو بعد ما عشتي معاهو الحار والبارد ( جايه في الأخر تخليهو للمفعوصة الجامعية دي ام شلاضيم دي ) ولا شنو الحاصل الشمار حارقتني ..

[تيسير]

والله يا جماعة كتر خيركم كتييييييييييييييييييييييييييييييييييييييييير وانا والله سعيدة بالتفاعل الجميل ده ..............وعشان الشمار ما يحرقكم حاواصل.....سلمتم جميعا والله لا يحرمنى من طلتكم الحلوة.


همسة
عاد فى ناس ثريا مقصرة ...................

[تيسير]

مازلت سلوى غارقة فى ذكريات ذاك اليوم التعس ................
كدى يا بت امى استهدى بالله واخذى الشيطان .............
والله العظيم ما بقدر ....ووووووووووووووب على وكر على يا سلوى انا المرة البستاهل اجيبوا فينى ضرة .................
والله يا حبيبتى ما بتتساهلى لكن عاد ادى الله وادى حكمتو..........والمؤمن مصاب
ومن وسط دموعها الملتهبة الحمراء .................
الراجل انا لاحظت تغيروا معاى يا بت بقى ما بهتم بى ولا باولادوا والله العظيم كان قلبى حاسى اقولك سر انا شفت فى المنام رؤيا استعذت منها وقلت الله يكضب الشينة .........حرق قلبى ياختى اريتها بنار جهنم الخطفتوا .................
اصبرى يا هاجر انتى ياختى ما المرة الضعيفة عشان تتبهدلى عشان راجل ..... بعدين اسع بزهج منها وبطلقها والله الرجال ديل كلهم عينهم زايقة لكن برجعوا
ضحكت بتهكم مرير سجم امو كان يلقانى تانى بعد عملتوا السودة دى .
انا حسع ماشة بيت ابوى ......................

[esmat]

انا حسع ماشة بيت ابوى ......................

دائماً ما تتسرع النساء في مثل هذه الحالات
تفكر كيف زلها الرجل وتفكر أن تلوى يده بذهابها
هي وأولادها لماذا لا تواجه المواقف وتحسسه
بخطأه وانها الافضل
شكراً تيسير لهذه الدرامة الواقعية
وعذاراً لأني لم استطع الصمت امام هذا الجمال

[راحيل]

رجال الزمن ده بقو مامضمونين

[تيسير]

واصلت ثريا ثرثرتها : النبى يا نسوان شفتوا بجاحة الرجال ...........
الراجل كان طاير السما يوم عرسها وما صدق عرسوها ليه والله ما بستاهلها المسيخ الرديخ .........
تمتمت هدى : والله بينى وبينك غايتو هو مازول وما بستاهلها ... اصلوا قليل اصل
والله بتذكر لى حسع ود عمها( احمد ) يوم عرسها داير يطير فى رقبتوا يكسرها الجنا كان بدورها بالحيل وطفش خلى البلد عشانها اريتها كان عرستوا ............
وتمت سلمى ولا ابوها وحات الله بتذكر اليوم داك زى الكان امبارح حلفوا قالوا ليك الراجل من شدة ما زعلان جاتوا كومة سكرى وكما بريد البنية وما داير زعلها ما كان عرسها ليهو اريتو بكومة السكرى التنشفوا الطيب ..........
واكملت سعاد : وحات الله الراجل دة ما درتوا من يوم شفتوا لكن عاد قسمتها البت والله خلقة واخلاق
وبصوت وقور قالت حاجة الرضية : يا نسوان هوى اها ده قدرها عاد نسوى شنو الله يكون فى عونها
وعند ذلك الوقت انسحبت سلوى بهدوء من المجلس

[تيسير]

وعادت سلوى تجتر ذكرياتها فى ذلك اليوم و هى فى طريقها لبيت هاجر ................
يا بتى بيت ابوكى شنو هو بيت ابوكى ده كان دايم ليكى اكان مرقتى منو وبعدين مش ابوكى ده ما كان داير الطيب وكان داير ليك احمد اسع يا شماتو فيكى تمشى لمنو يا السمحة منو البستحمل مسؤلية طفلين وحتى لو ابوهم صرف خلى اسع ما بصرف الخاين ود الكلب ..........وما تقولى لى اخوانى شيالين تقيلة يا بتى الزمن ده وحات الله الناس هاربة من مسؤلياتها وما قادرة على روحها وقوة الراس والتحدى ما بفديك يا هاجر كدى اعقلى وامشى صلى ليك ركعتين واستغفرى وقولى اللهم اجرنى فى مصيبتى واخلف لى خيرا منها ..............وفكرى بعقلك دايرة تمرقى من بيتك عشان يجيبلك الضرة تسكن فيهو واقلع عيالك اقعدى فى نفسو كدى .واذكرى قصة بت خالتك ( عشة ) الطلقها ورماها بعد اربعة عيال ويا هو داك فى السعودية وحالف ما يصرف ولا يرسل لى عياليو حريقة فيهم كلهم ................
مشت هاجر وهى تجر اذيال خيبتها الى المغسلة وتوضأت واستغرقت فى صلاة تصحبها شهقات قلب مذبوح

[مهيد ود السفاح]

واذكرتى قصة بت خالتك ( عشة ) الطلقها ورماها بعد اربعة عيال ويا هو داك فى السعودية وحالف ما يصرف ولا يرسل لى عياليو حريقة فيهم كلهم ................


لا والله راجل عشه ده غلطان , وعشه زاتها غلطانه والترابه دي في خشمها اكان دا راجلها .

هو راجل عشه الفي السعوديه اسمو منو ؟

[مهيد ود السفاح]

تمتمت هدى : والله بينى وبينك بقتوا زول وما بستاهلها ... اصلوا قليل اصل
والله بتذكر لى حسع ود عمها( احمد ) يوم عرسها داير يطير فى رقبتوا يكسرها الجنا كان بدورها بالحيل وطفش خلى البلد عشانها اريتها كان عرستوا ............

تلقيها يا بت امي هي الغبيانه ابتو , اها ما قلت ليك هاجر الغلطانه

[تيسير]

احست هاجر انها مرهقة تماما عيناها متورمان ووجها محمر رمت نفسها على الفراش وعقلها يكاد ينفجر .................كيف سولت لك نفسك يالطيب كيف بعد كل ما فعلته من اجلك الله لاكسبك والله العظيم ما عافية ليك من كباية موية اديتك ليها .............
الحالة واقفة يابت الناس ............
الله يديك العافية يا ابو عمر .الله بفرجها باذن الله
السوق واقف يا ولية ...
كدى هاك اشرب كباية الليمون دى وصلى العصر وبتلقانى ختيت ليك الغداء
بعدين نشوف قصة السوق دى ........
الله يديك العافية يا ام عمر والله انا من غيرك ما اسوى شئ..........
تسلم يا خوى ده انت تاج راسى

[تيسير]

[quote=مهيد ود السفاح;328532]
تلقيها يا بت امي هي الغبيانه ابتو , اها ما قلت ليك هاجر الغلطانه [/
quote]
والله يا مهيد لقتيك خطيييييييييييييييييييييييييييييييييير وثريا تقصر انت دحن جابو ليك التنى ولا حردت القهوة ذاتها ..................

[ابوخالد]

تسلمى ياتيسير ... لكن يا أختى القهوة الكتيرة دى

ما هردت مصارينا ... ما تخلصى المدير جآيئ هسة

ولا ما عايزانا نلم الريالات عشان ندبل فى (هاجر) أقصد

فى أم خالد .. والآ هى عشان صاحبتك .....

[تيسير]

وضعت هاجر كوبى الشاى امام الطيب وجلست امامه
كدى خت الرحمن فى قلبك ياابو عمر وبتتحلا
.................
كيف كيف بس قول لى ؟؟؟؟
انت محمد ود الجزار داير منك كم ....؟؟؟؟
مليون ونص ...........
وعشان تنزل بضاعة فى المحل داير كم ؟؟؟؟
اقلاها اتنين مليون
يعنى المبلغ كلو تلات مليون ونص
كدى اشرب الشاى
والله ما عندى نفس لاى شئ
اها لو لقيت ليك حل .......
من وين بس
دهبى
دى آخرتها يا هاجر
غوشيتى الاحفظ مالك ومعاها اتنين تانيات بحلنها
يا وليه الكلام ده ما مقبول وما تفكرى فيهو
يا ابو عمر يا خوى الدهب ده بشتروا لليوم الاسود اها عاد اخلى الراجل يدخلك السجن ولا شنو .........
يا مرة انت دايرة تجننينى
اها عاد اعتبرها دين بعدين ردها
خلينى افكر .....
واخذ الطيب الدهب وحل مشاكله ونزل بضاعة كانت السبب فى انتعاش وضعه الاقتصادى ............
لكن لا رجع الطيب ولا رجعّ الدهب ..............

[تيسير]

اخوانا الحصل شنو ابو الطيب فك اخره ولا هاجر لسه بتبكى ومصره على الطلاق ولا ولا >>>>> ولا ياربى انا وين على قول صديقنا الغالى ابوالنور


اخونا الهادى شكرا لمتابعتك وكدى اتفضل النشوف آخرتا

[تيسير]

تسلمى ياتيسير ... لكن يا أختى القهوة الكتيرة دى

ما هردت مصارينا ... ما تخلصى المدير جآيئ هسة

ولا ما عايزانا نلم الريالات عشان ندبل فى (هاجر) أقصد

فى أم خالد .. والآ هى عشان صاحبتك .....


الكلام ده شنو يا ابو خالد الحاجة ام خالد دى صاحبتى مووووت اسع بشد ليها ليها سلك اعمل حسابك اخير ليك المدير ولا شنو
سلمت يا اخى وبس اصبر شوية قربنا

[تيسير]

الأخت تيسير شكرا على لفت الإنتباه و هي سانحة للتوقف و معرفة أراء الرائعون بالمنتديات

لا أريد التحامل على الجنس الخشن و لكن لي سؤال ! ...

هل للرجل قلب كقلب المرأة ... بوفاء مطلق كوفائه ... و ذاكرة أصيلة كذاكرته ... و حميمية مجردة كحميميته ... هل له ذات التجرد حين يتعلق الأمر بحبيبه ... هل له ذات القدرة على العطاء و الإيثار غير المشروط لحبيبه ... لا يتنكر له إذا تغيرت الظروف و إجتمعت المغريات العابرة ... هل قلبه مبطن بالصبر رحيب بمساحات الغفران و الدفء بإنتماء ذو هوية واحدة لا تتلون ... لا يساوم ود حبيبه بما هو بقيمة اقل ... و اشياء ستاتي ...

للمرأة النقية الصادقة قلب عظيم صفاته غير محدودة ... فهل من رجل بهذا الجمال الحقيقي قلبا و قالبا ...
مجرد سؤال !

يا عزيزتى المرهفة لايملك الرجل قلبا كقلب المرأة وبعيدا عن التحامل والاتهامات الرجل بطبعه انانى جدا ربما تربيته الموغلة فى التفرقة بينه وبين اخته وجعله دائما فى المقدمة وربما هو شئ يتوارثه عن اجداده وموجود فى جيناته ..........
والرجل يا عزيزتى صعب جدا ان يغفر بينما يطالب دوما بالغفران بل احيانا من الصعب ان يعترف بخطيئه من اساسو ............
للمرأة النقية الصادقة قلب عظيم صفاته غير محدودة ... فهل من رجل بهذا الجمال الحقيقي قلبا و قالبا ...


اسفة ان جاءت كلماتى كالسيف الناحل فى قلب الريح ولكن لا يوجد ذاك الفارس الا بين احلامنا المستحيلة او فى روايات يوسف السباعى ولكن اعود واقول نحن لا نبحث عن الكمال وانما عن الاعتدال ونحن لا نبحث عن المثالية انما عن العدل شكرا لحضورك الانيق وشرفينى واشرقى .............

[مهيد ود السفاح]

يا عزيزتى المرهفة لايملك الرجل قلبا كقلب المرأة وبعيدا عن التحامل والاتهامات الرجل بطبعه انانى جدا ربما تربيته الموغلة فى التفرقة بينه وبين اخته وجعله دائما فى المقدمة وربما هو شئ يتوارثه عن اجداده وموجود فى جيناته ..........
والرجل يا عزيزتى صعب جدا ان يغفر بينما يطالب دوما بالغفران بل احيانا من الصعب ان يعترف بخطيئه من اساسو ............
للمرأة النقية الصادقة قلب عظيم صفاته غير محدودة ... فهل من رجل بهذا الجمال الحقيقي قلبا و قالبا ...


اسفة ان جاءت كلماتى كالسيف الناحل فى قلب الريح ولكن لا يوجد ذاك الفارس الا بين احلامنا المستحيلة او فى روايات يوسف السباعى ولكن اعود واقول نحن لا نبحث عن الكمال وانما عن الاعتدال ونحن لا نبحث عن المثالية انما عن العدل شكرا لحضورك الانيق وشرفينى واشرقى .............
ليس كل الرجال طبعهم الانانيه , وهناك فرق بين الانانيه وبين تعظيم الادوار بين الرجل والمرأة , فلا يعتبر حرص الرجل على اظهار نوع من الهيبة والسياده في نطاق الاسره انانيه بأي حال , اللهم الا اذا نظرنا الي الرجل بمنظار الانانيه نفسه , وكثير من الرجال يغفرون ويسامحون ويعفون , وقد يظهر الرجل نوعاً من التعنت والشده تجاه موقف معين فنصفه بالانانية والجور , لكن بين ما اظهره وبين ما يحمله في نفسه البون شاسع , وقد نجد ما ينطبق عليهم قولك رجالاً ونساء , وهنا تثبت مقولة ان التعميم يطمس الحقيقه .

[تيسير]

ليس كل الرجال طبعهم الانانيه , وهناك فرق بين الانانيه وبين تعظيم الادوار بين الرجل والمرأة , فلا يعتبر حرص الرجل على اظهار نوع من الهيبة والسياده في نطاق الاسره انانيه بأي حال , اللهم الا اذا نظرنا الي الرجل بمنظار الانانيه نفسه , وكثير من الرجال يغفرون ويسامحون ويعفون , وقد يظهر الرجل نوعاً من التعنت والشده تجاه موقف معين فنصفه بالانانية والجور , لكن بين ما اظهره وبين ما يحمله في نفسه البون شاسع , وقد نجد ما ينطبق عليهم قولك رجالاً ونساء , وهنا تثبت مقولة ان التعميم يطمس الحقيقه .


اخى الرائع جدا ( مهيد ) لست من انصار الحرب الباردة بين النساء والرجال و لا احب طمس الحقائق ولكنى من انصار الصدق المطلق مع النفوس لينعكس هذا الصفاء على الآخر فترسو السفينةفى بر الامان ...........سلمت اخى وعدت اليكم من جديد لافتح هذا الملف من اجل ان نطرح وجهات نظرنا لانى لم اكمل حديثى بعد وخليك قريب ..........
اسعدنى جدا تفاعلك مع الموضوع ودمت بو د جميل

[تيسير]

فاطمة طبيبة بمستشفى الولادة بامدرمان صديقة حميمة لهاجر ................زارتها بعد أن عرفت مصابها ..............جلستا فى الغرفة وقالت وهى ترتشف من كوب الشاى الذى امامها مواسية :
يا ختى الله يقطعهم كلهم مافيهم فايدة والله اكان عايشتى الشفانهو من الرجال فى المستشفى ما تقعدى يوم واحد مع راجل والله فى موقف ما انساه ما حييت المرة فى غرفة العمليات وفجأة احتاجت لنقل دم وكلمنا الراجل وفصيلة دمو زيها والله العظيم رفض يديها دمو المرة بتموت وهو قاعد بتفرج بتصدقى
ردت هاجر : بعد عملة الطيب اى شئ بصدقوا
وفى موقف يا هاجر يا ختى من هندى اصلى ما بنساه اتخيلى بعد طلعت من غرفة الولادة جاءنى وهو مرتبك وخايف ها المدام كيف ؟ وقارنت طوالى بين السودانى البسألك جابت شنو ؟بالله شوفى الفرق يا سبحان الله ..........
اها وانتى ناوية على شنو يا ختى
والله لسة حافكر غالبا حارجع شغلى تانى وحاكمل الماجستير الخليتو عشان خاطر عيونو المابتستاهل ............
بس اوع تتطلقى
غايتو ربك يسهل بس انتى ادعى لى بس .........
الله معاك يا هاجر اها فتك عافية

[esmat]

مرحب بي عودتك تسير وكنا في اتنظارك
ونعلم لايغيبك عنا إلا مشاغل الحياة

لماذا لا تقتنع المراءة بأن الرجل قد احلت له اربعة؟؟

[تيسير]

مرحب بي عودتك تسير وكنا في اتنظارك
ونعلم لايغيبك عنا إلا مشاغل الحياة

لماذا لا تقتنع المراءة بأن الرجل قد احلت له اربعة؟؟


شكرا لطلتك البهية يا سيدى ................
وفعلا هى مشاغل الحياة ..............
نعم احلت للرجل اربع من النساء ولكن من اباح الظلم وعدم العدل والتنصل من المسؤليات ونكران الجميل قال تعالى ( وإن لم تستطيعوا ان تعدلوا فواحدة ولن تسطيعوا ان تعدلوا ولو حرصتم ) صدق لله العظيم
فيا سيدى الفاضل القضية ليست هى الزواج الثانى القضية لها اكثر من زاوية وبها ابعاد خماسية القضية كبيرة جدا ومتشعبة وتحتاج الى وقفة صدق حقيقة وما هاجر الا خيط يقود الى شبكة عنكبوتية من العلاقات والتعاملات المغلوطة فى حياتنا .......
لك كل الود وفى انتظار رأيك الذى يهمنى كثيرا