شيل القفه

[عباس الدسيس]

اتحاشي دائما اصطحاب حرمنا المصون للتسوق وذلك حتي لاتكون الخسائر فادحه اذ تكون عملية التسوق علي ما تراه عينها وليس علي ما تحتاجه ورغم عن امتعاضها ولوية بوزها عندما اطرح عليها كتابة المستلزمات علي ورقه الا انني اقدم لها فاصل من اساليبي في الاقناع الملتويه... يا حبيبتي انا ما عايزك تتعبي في اللف في الاسواق اي حاجه عايزها تجيك اميره في البيت خليني انا بشتري ليك بعد اجي من التسوق بطلعكم نتعشا بره... ضرر اخف من ضرر وبنفس التعامل الذي اتعمد انا به عدم ذهابها فهي تتعمد ان تقوم بالكتابه علي الورقه بخط غير واضح كما تقوم ببعثرة الاحتياجات فهي لا تكتبها متجاوره قصدا منها لكي اتعب في البحث كما احيانا تكتب طلبات يصعب توفرها في الاسواق وعند الاتصال بها بالجوال للاستفسار لاترد وانا اكون في حيره من امري مع دوشة الشراء عند الرجوع للمنزل أسالها.... ليه ما بتردي علي الجوال ... هي والله مشغوله مع الاولاد الجوال في الشاحن خلينا من ده جبتا شنو.. بعد ان اقوم بوضع الاكياس وانا اتصبب عرقا شوفي يا ست ... ابدأ في الشرح .. اسمع وينا الورقه الكتبتها انا ليك .. اقوم بالبحث داخل الجيوب وبعد عناء من كمية الاوراق التي بحوزتي اجد الورقه.. هاك يا استاذه .. وتبدأ رحلت الاسئله والاستهزاء والتهكم دون مراعة لوجود الولد والبنت بالرغم من اخطارها عدة مرات في حالة المناقشات الجانبيه يرجي الابتعاد عن الاطفال او الانزواء باحد اركان المنزل مراعاة لشعور الابناء (( بعدين شعوري انا قدام الاولاد لانو طوالي نهاية النقاش بكون انا الغلطان))..
المربا الجبتها دي المحلية... المحليه بي كم
انا: دي ما المحليه دي المستورده
هي: انت ما بتعرف تقرأ كدي شوف هنا مكتوب شنو
انا: ياخي والله بتاع الكاشير ده غبي قال لي المحليه احسن من المستورده
هي: انا كتبت ليك شنو عشان عارفه لخبطتك دي بقول ليك امشي معاك تلقي حاسبوك بي المستورده ما طواااااااااالي انت بغشوك ……..خلي المربا اللونوا الاسود ده شنو ..
انا: زيتون... اها ده انتي كتبتي لونوا أسود نسيتي ولا شنو عايزه تقولي اخضر معلنا الانتصار..
هي: والله انت حكاية غريبه لوما لابس النضاره نقول شنو كمان بالنضاره ما قادر تقرأ الجاب زيت وثوم لي الزيتون شنو بعد ده النضارات دي غيرا
انا: طيب ما كان تكتبي الزيت في فقره براها والثوم في فقره براها ليه كاتباهم سواء والاحرف متداخله
هي: احنا في مدرسه ولا دي ورقة امتحانات حسي دي ما خساره الزيتون عندنا ما لاقي البياكلوا تجيبوا لينا تاني..
ويستمر النقاش والتهكم والتصيد للاخطاء والتنرفز.
احيانا اري في عيون الولد نظرت حنيه وعطف ممزوجه بالشفقه كما احيانا يتدخل في النقاش... خلاس يا ماما الكلام الكثير شنو انتي طوالي زعلانه .. كنت اعتقد ان الابن الحبيب يود انهاء النقاش لمعرفت نصيبه من المشتريات هل هنالك حلويات وايسكريم تم الطلب من قبل الوالده كما اقوم احيانا باحضار اشياء اضافيه للولد والبنت لزوم اضفاء سعاده زائده لهم وصادف ان احضرت للبنت عروسه صغيره تناولتها من وسط الاشياء بلهفه وسعاده ولسؤ اللحظ لم احضر للابن هديه خاصه مما ادي الي انحياز الابن لوالدته وتلافيا مني لعدم استفحال التهجم من قبل الاثنين معا بدأت في مداعبةالابن لكي يتناسي الهديه.
اسمع يا ولدي والله ماشاء الله عليك بقيت كبير تاني انت بس اجيب ليك سيديهات بلي استيشن انت لعبات بتاعت اولاد صغار ما بتنفع معاك بعدين العروسه الاشتريتا دي لاختك رخيصه انت بعد ده بقيت كبير بعد تكبر شويه تاني انا اخطب ليك واحده حلوه تعرسا خليك من عروس الدلاقين دي........ الولد يا بابا انا ما عايزك لما اكبر تخطب لي واحده اعرسا اصلوا انا شفته زوقك في ماما او كلاما الكثير........

[محمد عبد الله عبدالقادر]

انت يا دسيس راجل راق جدا وممتع لدرجه
علا بدور اسعلك سعال - انت حرمك المصون ما بتخش على موقع مدنى ده ولا شنو
ولا عامل فيها ما هاميك

[عباس الدسيس]

حبيبنا محمد عبدالقادر تحياتي وسلامي الحمد لله الليلة شفنا طلتك البهيه واسعدنا مرورك يا الحبيب ... بخصوص سعالك والله عامل فيها ما هاميني هههههههه والله انت اللذيذ يا محمد

[أبوحراز]

زمان القفة ياهو فيها شوية طماطم وبصل ولحمة على الماشي
والدنيا بخيرها
وتاكل لحدت ماتشبع
هسي بقوا يقولوا ليك وانت شايل القفة
جيب معاك كهرباء
وجيب معاك رصيد

في اجازتي الأخيرة وفي أحد الشهور سلمت كل مصاريف الشهر للمدام
وقلت ليها كدي اصرفي علينا انتي النشوفك كيف
لأني انا اشتري بدون ميزانية
والله العظيم كان توفير عجيب جدا
لأنني وعدتها لو اتوفر اي مبلغ يكون لصالحها
يعني وفرت تقريباً 50%
لكن ياكافي البلاء ما أكلنا تحلية نهائي لحد الشهر ما انتهى
وما شربنا حليب
عليك أمان الله الشاي سادة وسكر خفيف
والكهرباء ياويلك لو خليت المروحة شغالة تلقي عليك محاضرة في الترشيد
والليمون يمكن 15 يوم مادخل البيت
زمان بعد كل يومين يقولوا الليمون انتهى
والمشكلة الصباح مصاريف المدارس
تسمع ليك كم شكلة من الشفع وهم طالعين
شخصياً ارتحت نفسياً وماديا ومزقت فواتير مسئوليات السوق تماما
والأهم من كل ذلك أن وزني نقص 6 كيلو !!!!

قال تخسيس قال !!!!

[عباس الدسيس]

شكرا يا حبيبنا ابوحراز علي المرور والاضافة الثره مع فائق تقديرنا

[محمد عبد الله عبدالقادر]

حبيبنا محمد عبدالقادر تحياتي وسلامي الحمد لله الليلة شفنا طلتك البهيه واسعدنا مرورك يا الحبيب ... بخصوص سعالك والله عامل فيها ما هاميني هههههههه والله انت اللذيذ يا محمد

كدى عيني في عينك كده....

[moh_alnour]

الولد يا بابا انا ما عايزك لما اكبر تخطب لي واحده اعرسا اصلوا انا شفته زوقك في ماما او كلاما الكثير

:p :p :p
:D :D :D
كشف حال شديد يا ود الدسيس



كدى عيني في عينك كده....

مشيها ياخ :eek: جابت الدم يا أبو عمر ، يعني شنو دا نظام أنك مسيطر على الوضع تماما ً ;)

[بت الشبارقه]

:rolleyes::rolleyes::rolleyes:
يعني قصدك شنو يا عباس الدسيس
نشوف حيله غير الكتابه الدقاق دي والا شنو؟

[محمد عبد الله عبدالقادر]

:p :p :p
:d :d :d
كشف حال شديد يا ود الدسيس



مشيها ياخ :eek: جابت الدم يا أبو عمر ، يعني شنو دا نظام أنك مسيطر على الوضع تماما ً ;)

يوم 9-9-2009 قررررررب يا ود النور
وحاتخش وتشوف برررررراااااااااك
بعدين - الصحن الملان شطه خليهو مغطى -

[عمران حسن]

اتحاشي دائما اصطحاب حرمنا المصون للتسوق وذلك حتي لاتكون الخسائر فادحه اذ تكون عملية التسوق علي ما تراه عينها وليس علي ما تحتاجه ورغم عن امتعاضها ولوية بوزها عندما اطرح عليها كتابة المستلزمات علي ورقه الا انني اقدم لها فاصل من اساليبي في الاقناع الملتويه... يا حبيبتي انا ما عايزك تتعبي في اللف في الاسواق اي حاجه عايزها تجيك اميره في البيت خليني انا بشتري ليك بعد اجي من التسوق بطلعكم نتعشا بره... ضرر اخف من ضرر وبنفس التعامل الذي اتعمد انا به عدم ذهابها فهي تتعمد ان تقوم بالكتابه علي الورقه بخط غير واضح كما تقوم ببعثرة الاحتياجات فهي لا تكتبها متجاوره قصدا منها لكي اتعب في البحث كما احيانا تكتب طلبات يصعب توفرها في الاسواق وعند الاتصال بها بالجوال للاستفسار لاترد وانا اكون في حيره من امري مع دوشة الشراء عند الرجوع للمنزل أسالها.... ليه ما بتردي علي الجوال ... هي والله مشغوله مع الاولاد الجوال في الشاحن خلينا من ده جبتا شنو.. بعد ان اقوم بوضع الاكياس وانا اتصبب عرقا شوفي يا ست ... ابدأ في الشرح .. اسمع وينا الورقه الكتبتها انا ليك .. اقوم بالبحث داخل الجيوب وبعد عناء من كمية الاوراق التي بحوزتي اجد الورقه.. هاك يا استاذه .. وتبدأ رحلت الاسئله والاستهزاء والتهكم دون مراعة لوجود الولد والبنت بالرغم من اخطارها عدة مرات في حالة المناقشات الجانبيه يرجي الابتعاد عن الاطفال او الانزواء باحد اركان المنزل مراعاة لشعور الابناء (( بعدين شعوري انا قدام الاولاد لانو طوالي نهاية النقاش بكون انا الغلطان))..
المربا الجبتها دي المحلية... المحليه بي كم
انا: دي ما المحليه دي المستورده
هي: انت ما بتعرف تقرأ كدي شوف هنا مكتوب شنو
انا: ياخي والله بتاع الكاشير ده غبي قال لي المحليه احسن من المستورده
هي: انا كتبت ليك شنو عشان عارفه لخبطتك دي بقول ليك امشي معاك تلقي حاسبوك بي المستورده ما طواااااااااالي انت بغشوك ……..خلي المربا اللونوا الاسود ده شنو ..
انا: زيتون... اها ده انتي كتبتي لونوا أسود نسيتي ولا شنو عايزه تقولي اخضر معلنا الانتصار..
هي: والله انت حكاية غريبه لوما لابس النضاره نقول شنو كمان بالنضاره ما قادر تقرأ الجاب زيت وثوم لي الزيتون شنو بعد ده النضارات دي غيرا
انا: طيب ما كان تكتبي الزيت في فقره براها والثوم في فقره براها ليه كاتباهم سواء والاحرف متداخله
هي: احنا في مدرسه ولا دي ورقة امتحانات حسي دي ما خساره الزيتون عندنا ما لاقي البياكلوا تجيبوا لينا تاني..
ويستمر النقاش والتهكم والتصيد للاخطاء والتنرفز.
احيانا اري في عيون الولد نظرت حنيه وعطف ممزوجه بالشفقه كما احيانا يتدخل في النقاش... خلاس يا ماما الكلام الكثير شنو انتي طوالي زعلانه .. كنت اعتقد ان الابن الحبيب يود انهاء النقاش لمعرفت نصيبه من المشتريات هل هنالك حلويات وايسكريم تم الطلب من قبل الوالده كما اقوم احيانا باحضار اشياء اضافيه للولد والبنت لزوم اضفاء سعاده زائده لهم وصادف ان احضرت للبنت عروسه صغيره تناولتها من وسط الاشياء بلهفه وسعاده ولسؤ اللحظ لم احضر للابن هديه خاصه مما ادي الي انحياز الابن لوالدته وتلافيا مني لعدم استفحال التهجم من قبل الاثنين معا بدأت في مداعبةالابن لكي يتناسي الهديه.
اسمع يا ولدي والله ماشاء الله عليك بقيت كبير تاني انت بس اجيب ليك سيديهات بلي استيشن انت لعبات بتاعت اولاد صغار ما بتنفع معاك بعدين العروسه الاشتريتا دي لاختك رخيصه انت بعد ده بقيت كبير بعد تكبر شويه تاني انا اخطب ليك واحده حلوه تعرسا خليك من عروس الدلاقين دي........ الولد يا بابا انا ما عايزك لما اكبر تخطب لي واحده اعرسا اصلوا انا شفته زوقك في ماما او كلاما الكثير........



موضوع رائع

و عن شمالي حرمنا المصون تقرا

[عوض الكريم الخواض]

زمان القفة ياهو فيها شوية طماطم وبصل ولحمة على الماشي
والدنيا بخيرها
وتاكل لحدت ماتشبع
هسي بقوا يقولوا ليك وانت شايل القفة
جيب معاك كهرباء
وجيب معاك رصيد

في اجازتي الأخيرة وفي أحد الشهور سلمت كل مصاريف الشهر للمدام
وقلت ليها كدي اصرفي علينا انتي النشوفك كيف
لأني انا اشتري بدون ميزانية
والله العظيم كان توفير عجيب جدا
لأنني وعدتها لو اتوفر اي مبلغ يكون لصالحها
يعني وفرت تقريباً 50%
لكن ياكافي البلاء ما أكلنا تحلية نهائي لحد الشهر ما انتهى
وما شربنا حليب
عليك أمان الله الشاي سادة وسكر خفيف
والكهرباء ياويلك لو خليت المروحة شغالة تلقي عليك محاضرة في الترشيد
والليمون يمكن 15 يوم مادخل البيت
زمان بعد كل يومين يقولوا الليمون انتهى
والمشكلة الصباح مصاريف المدارس
تسمع ليك كم شكلة من الشفع وهم طالعين
شخصياً ارتحت نفسياً وماديا ومزقت فواتير مسئوليات السوق تماما
والأهم من كل ذلك أن وزني نقص 6 كيلو !!!!

قال تخسيس قال !!!!

عباس الدسيس أمتعنا بالقصة اللطيفة ...
وحاجات الشهر البتجيب وجع الضهر ...

وأبو حراز ( أدانا وصفة لذيذة ) للتخلص من طلبات البيت ...
وبالمناسبة ( النسوان ديل جلود جلدنة ) ...
يعنى لو سلمناهم مصاريف البيت ( فعلاً حا يكون فى توفير )....ولكن ...
وكما ذكرت ( تخسيس أجبارى ) ...ظلام دامس ...
كشف حال مع الضيوف ...
لا للمجاملات ...
وحاجات تانية حاميانى .

[النور محمد يوسف]

استاذنا عباس الدسيس ...بصراحة طرقت موضوعا يقلق الكثيرين

لكن انا عندي ليكم وصفة

وصفة بسيطة قالها لي اخي الاصغر

شافني اشتري حاجات كتيرة من السوبرماركت وهو كان جائي من السودان جديد الى السعودية

طبعا الحريم لو عرفن هذه الوصفة اكيد ح يزعلوا وطبعا حرمنا المصون زعلت جدا

فسالني وانا اشتري تلك الاشياء الكثيرة:

زوجتك طلبت كل هذه الاشياء؟
لا ...بس انا اي حاجة بتعجبني بشتريها ليها

يا زول خليها هي تطلب وما تخليها تجي السوبرماركت

اي حاجة تطلبها جيبها ليها وح تكون مبسوطة جدا لانك تلبي رغباتها

لكن لو كانت بتعرف عن السوق كل شيء اجلسوا مع بعض وحددوا مصروفا خاصا بالمشتريات وسلمها ذلك المبلغ واي عجز يخسم فقط من الرصيد الذي يخصها او يخص حاجة بتمسها هي شخصيا

ومشيت بهذه الطريقة والحمد لله مبسوط ... وهي مبسوطة ...بدون شيل قفة

اهم شيء تدخل السوق وانت عارف عاوز شنو لا تترك الامر مطلوقا لتلعب بك زركشة وبهرجة ديكورات المحلات

شكرا استاذنا عيسى ولا عدمناك

[عباس الدسيس]

استاذنا العزيز النور وصفتك السحريه دي بنجربا انشاءالله تلفق معانا واعتقد حا تلفق ... متشكرين للمداخله الرائعه بروعة شخصكم الكريم.
الاحباب عوض الكريم الخواض - عمران حسن -محمد عبدالقادر -بت الشبارقه - محمد النور الف شكر للمرور والمداخله والاضافه التي زينة البوست مع فائق شكري وتقديري