المساعد الشخصي الرقمي

مشاهدة النسخة كاملة : طشمة صاح


النور محمد يوسف
14-07-2009, 11:06 PM
هدوء يخيم على كل المكان، الناس خلدت إلى النوم بعد ان أرخى الظلام سرابيله على سمائهم وأفرغت تلك السماء كل سحبها عليهم مطرا غدت به الديار ماء يغطي كل الأرجاء، ولكن كانت هناك مساحة معتبرة في وسط القرية لا يفارقها الماء طيلة فصل الخريف، فاتخذتها الضفادع مأوى ومكانا للالتقاء والتغزل فيما بينها خاصة في المساء ...

كان يوما ماطرا ... انتشت له كل الكائنات الموجودة آنذاك، ولكن الضفادع في تلك الليلة بالغت في الانتشاء ...تخرج الأصوات مجتمعة في آن واحد غاغ غاغ غاغ ..والصغار منها يرددون خلف الكبار غيغ غيغ غيغ ... لاتكاد تعطي الوقت ثواني للاسترخاء ... وعندما تقترب منها ترى فقط تلك العيون الدعجاء من تحتها ينطلق ذلك النقيق كما هتافات وحركات مشجعي احدى الكوريتين او كالصينيين في ملعب عش الطائر في مباراة لفريقهم القومي ... عيون تلمع وتأبى إلا ان تعكس لك كل خيوط الضياء ... جو قد يصيب بعض الناس بالجنون من التلوث الضوضائي وقد يلهم الشعراء فيخلقون منه قصيدة تحكي سهر وهيام العشاق في مناجاتهم الأحباب...

لم تكن ليلة عادية، فقد كان الناس في القرية فرحين إذ حضر أبناؤهم في ذلك اليوم قبل المطر بساعة أو ساعتين من احد مشاريع الري لقضاء ثلاثة أيام أو أربعة أيام رفاهية العمال، كان من بينهم صاحبنا، واحد منهم لكنه صاحب مزاج، لا ينام إلا وهو في قمة المزاج ...ولكنه في ذلك اليوم بسبب المطر زاد من الطشمة حتى انفرط العيار و حتى كاد أن ينفجر الدماغ ...

حاول النوم ...فلم يستطع ...حاول مرة أخرى ولم يستطع فقد كانت جماهير العشاق في مجتمع الضفادع زادت هي الأخرى من شد الأوتار فانفرط أيضا العيار ...حاول صاحبنا أن ينام...والصوت يأتيه من كل مكان، الكبار غاغ غاغ والصغار غيغ غيغ والشابات غيغغ غيغ والشباب غوغغ غوغ ...واستمر الوضع على هذا الحال حتى منتصف الليل...

واشتغل المخ المنفلت العيار ...لابد أن امشي إلى شيخ القرية .... وتضطرب الرجلان ويهتز معها جسده مترنحا ذات اليمين وذات الشمال .. فلا يكاد يمشي خطوات حتى يقف ليتكئ على جدار او على ساق إحدى الأشجار في الطريق ...وهكذا حتى وصل إلى باب بيت الشيخ... يضرب على الباب بكل قوته مرة وأخرى ...يصحو الناس مذعورين من هذا الطارق والناس نيام ...ماااالك يااااساتر مااالك في الليل دا جائي ؟؟؟
وين الشيخ ؟؟؟
الشيخ ما نائم هنا ....نائم في البيت الثاني ...في شنو مااالك ؟؟؟
لا إجابة
ويحمل كل جسده بالمتبقي من قواه والى هناك حيث ينام الشيخ
وبنفس القوة يضرب الباب مرة ومرة ...فيخرج الشيخ ...وعليه ملابس النوم متلفحا ثوبه لزوم أي طارئ ...مرحب ...استر يا ساتر ..في شنو...ادخل لا جوة ورينا الحاصل ...
لااا بدخل ولا عاوز حاجة.... عندي بس سؤال واحد...تجاوبني عليهو في الحال!!!
انت مش شيخ البلد؟؟؟
نعم في شنو؟؟؟
انت مش المسئول عن راحة مواطنيك؟؟؟؟
نعم في شنو قووول
انا أجي قاطع 200 كيلو عشان بس ارتاح شوية مع عيالي ...أجي ألقى هذا الإزعاج ....يرضيك يا شيخ؟؟؟
إزعاج شنو والازعجك منو ؟؟؟؟

تعال شوف براك ..ولازم يتوقف الإزعاج دا وبسرعة ...دي ابسط حقوق الإنسان هنا

الشيخ مع انو عارف زولنا طاشم ...لكن حقوق الانسان دي خلتو يراجع أي تردد ولازم يمشي معاهو يشوف الناس العاملين ليهو ازعاج ديل منو ولشنو، وح يورينهم كيف يحترموا المواطنين وحقوق الانسان

طلع معاهو ومشيا سويا ، وعندما وصلا إلى البيت ، لم يجد الشيخ عراكا ولا اناسا يصدرون أي نوع من الصراخ او الضجيج، لم يترك الشيخ يحتار فقال للشيخ ماك سامع الازعاج دا، انا اقدر انوم كيف؟؟؟ ضفادع البلد كلها جاياني هنا جنب البيت وتصيح طول الوقت وانت بيهناك نايم ولا جايب خبر مش انت مسئول من راحة المواطنين وحقوقهم؟؟؟؟

نعم بالحيل مسئول.... وياهم ديل العاملين ليك الازعاج ؟؟؟

نعم،،، وعلى الطلاق لو عندي مسدس كان فرغتو في حلق كل واحدة تفتح خشمها

شيخنا مشهور بالحكمة وطول البال
تناول حجرا كبيرا وقذفه في الماء بقوة طاااااااخ
فجاة...سكتت كل الضفادع ....
صاحبنا انبسط شديد وسلم ليك على يد الشيخ وقبلها ...
خلاص مشكلتك انتهت؟
نعم
وبالراحة انسحب الشيخ وتوارى عن الأنظار إلى بيته لمواصلة النوم

بعد شوية الجماهير قامت غاغ غاغ غيغ غوغ غاغ غاغ
زولك براهو يقوم يمسك ليك حجر وجمبلغ في الموية وتسكت الضفادع وتاني تقوم وجمبلغ حجر تاني ...كلما تفتح خشمها يديها حجر
وهكذا إلى الصباح .....وتشرق الشمس وتسكت الضفادع وتفك الطشمة ويخلد بعدها إلى النوم
وفي المساء تاني يستعدل المزاج وتتجمع الضفادع ويجمع هو الحجار وتبدأ المعركة حتى الصباح

كان ذلك الشيخ الحليم هو المرحوم الخليفة احمد عبدالباسط يرحمه الله ...فقد كان فقدا عظيما على ام تريبات
عثمان جلالة
14-07-2009, 11:15 PM
كان يوما ماطرا ... انتشت له كل الكائنات الموجودة آنذاك، ولكن الضفادع في تلك الليلة بالغت في الانتشاء ...تخرج الأصوات مجتمعة في آن واحد غاغ غاغ غاغ ..والصغار منها يرددون خلف الكبار غيغ غيغ غيغ ... لاتكاد تعطي الوقت ثواني للاسترخاء ... وعندما تقترب منها ترى فقط تلك العيون الدعجاء من تحتها ينطلق ذلك النقيق كما هتافات وحركات مشجعي احدى الكوريتين او كالصينيين في ملعب عش الطائر في مباراة لفريقهم القومي ... عيون تلمع وتأبى إلا ان تعكس لك كل خيوط الضياء ... جو قد يصيب بعض الناس بالجنون من التلوث الضوضائي وقد يلهم الشعراء فيخلقون منه قصيدة تحكي سهر وهيام العشاق في مناجاتهم الأحباب...



ياااااااخ بالغت إنت يااااااااخ بالغت في الوصف .. وبالغت في التشبيه .. وبالغت في القصة عموما .. وجاااااااااني إحساس كده أنو دا ما وصف كاتب بس .. ما عارف ليييه .. شكرا يا أبو محمد :p;):rolleyes::)
عوض الكريم الخواض
14-07-2009, 11:19 PM
المبدع دوماً ...
أخى النور محمد يوسف ...
قصة واقعية تهتز لها الأبدان مما فيها من كوميديا الواقع ...
وهكذا هم كبارنا وشيوخنا سابقاً يتحلون بالحكمة والحلم الجميل ...
رحم الله الشيخ المرحوم الخليفة احمد عبدالباسط ...
فهؤلاء عملة نادرة اندثرت فى زماننا هذ1ا .
عبدالله محمد العقاد
14-07-2009, 11:22 PM
الشيخ مع انو عارف زولنا طاشم ...لكن حقوق الانسان دي خلتو يراجع أي تردد ولازم يمشي معاهو يشوف الناس العاملين ليهو ازعاج ديل منو ولشنو، وح يورينهم كيف يحترموا المواطنين وحقوق الانسان


كان ذلك الشيخ الحليم هو المرحوم الخليفة احمد عبدالباسط يرحمه الله ...فقد كان فقدا عظيما على ام تريبات


ههههههههههههههههههه

التحية لحقوق الانسان و اللي كل الناس بقت تعمل ليها حساب خاصة في زمننا دة


و الرحمة و المغفرة للشيخ أحمد عبدالباسط و ندعوا الله ان يسكنه مع الصديقين و الشهداء و حسن اولائك رفيقا .

و لكن استاذنا النور الواحد بتسأل عن سر حكمة كبارنا و لماذا اندثرت هذه الحكمة و لماذا لم نتوارثها و صارت تاريخ و اصبح الواحد غير ضيق الاخلاق و المشاكل ما شايف شي
محمد الجزولى
14-07-2009, 11:45 PM
الاستاذ الكبير النور محمد يوسف
حبكه مكربه تمام .... لكن عليك الله بلدنا دى حتى الضفادع ما لاقيه راحته ... شئ عجيب ياخى ... والله الضفادع ديل كان عارفات درب حقوق الانسان بى وين كان زمان صاحبك ده ساب الطشمه زاته ...
يا اخى ما تحرمنا من الابداع ده ياخى ... فاننا فى اشد الشوق الى قلمك المبدع
تقبل تحياتى
ابوالنور
14-07-2009, 11:57 PM
http://www.asmerr.com/vb/images/smilies/36_1_46.gif
واصل يا كتاب ربنا يحفظك
النور محمد يوسف
15-07-2009, 01:47 AM
وجاااااااااني إحساس كده أنو دا ما وصف كاتب بس .. ما عارف ليييه .. :p;):rolleyes::)



أحلف ليك بشنو؟؟؟؟

والله ما طاشم
النور محمد يوسف
15-07-2009, 02:31 AM
المبدع دوماً ...
أخى النور محمد يوسف ...
قصة واقعية تهتز لها الأبدان مما فيها من كوميديا الواقع ...
وهكذا هم كبارنا وشيوخنا سابقاً يتحلون بالحكمة والحلم الجميل ...
رحم الله الشيخ المرحوم الخليفة احمد عبدالباسط ...
فهؤلاء عملة نادرة اندثرت فى زماننا هذ1ا .


اخي عوض الكريم الخواض ايها الباعث فينا كل الامل بحياة كلها الق وبهاء في وجودك وبوجودك ايها الرائع النبيل

فشيوخنا استحملونا كتير واستحملوا كل شقاواتنا ...لان نظرتهم كانت بعيدة ...يهتمون باستراتيجيات التعامل الكبرى خلق المجتمع الهادي النظيف ...لذلك تآلفت كل القلوب حولهم

يرحمه الله هذا العملة النادرة الخليفة احمد عبدالباسط

وجزاك الله خيرا خواض
عماد السائح
15-07-2009, 03:21 AM
اندهاشة الصورة المتالقة اسعدتنا بخيالك الممتد امتداد الليل سبحنا ونترحم علي شيخ ام تريبات
عثمان جلالة
15-07-2009, 03:30 AM
أحلف ليك بشنو؟؟؟؟

والله ما طاشم

:D:D:D:D:D:p;):rolleyes:

كدى قول واااااااااااااااااغ هههههههه
عباس الدسيس
15-07-2009, 03:36 AM
رائع والله يا النور ولك الشكر
عزيز عيسى
15-07-2009, 06:49 AM
المشاركة الأصلية كتبت بواسطة عثمان جلالة
وجاااااااااني إحساس كده أنو دا ما وصف كاتب بس .. ما عارف ليييه ..



أحلف ليك بشنو؟؟؟؟
والله ما طاشم

ههههههه جلالة كان عايز يدردقك..
لكن عجبتني عرفت ليه!!!

أستاذنا النور يا سلام عليك إبداع حتى النخاع!!

رحم الله الشيخ المرحوم الخليفة احمد عبدالباسط
رجل ذو حكمة وبصيرة وبال طويل.. هكذا كان شيوخنا
زمان..

أها صحبك الطشمان دا لسع (يطقع) في (القعونج)؟!
جماعتك الطشمانين ديل قصصهم كثيرة وما بتخلص..

مرة في واحد جاء ماشي مع ولده (الله يكرمك) بالقرب من
كوشة.. الولد شاهد واحد طشمان قال لأبوه:
أبوي.. أبوي شوف الزول السكران دا نائم في الكوشة
وخاتي راسه في بطن الحمارة الميتة.
أبوه قال ليهو: والله يا ولدي أبوك ليه زمن كايس ليهو
على (طشمة) ذي دي ما لاقيها!

ود الماحي هسع بجيك بقصص الطشمانين.
النور محمد يوسف
17-07-2009, 06:41 AM
ههههههههههههههههههه

التحية لحقوق الانسان و اللي كل الناس بقت تعمل ليها حساب خاصة في زمننا دة


و الرحمة و المغفرة للشيخ أحمد عبدالباسط و ندعوا الله ان يسكنه مع الصديقين و الشهداء و حسن اولائك رفيقا .

و لكن استاذنا النور الواحد بتسأل عن سر حكمة كبارنا و لماذا اندثرت هذه الحكمة و لماذا لم نتوارثها و صارت تاريخ و اصبح الواحد غير ضيق الاخلاق و المشاكل ما شايف شي


الاستاذ عبدالله العقاد، يامن قصرنا في حقه كثيرا، لكنه دائما هو السباق الى كل الخيرات، واثق انا من انك تجد لنا العذر في الرد على كثير من مداخلاتك، لكنني اتابع كل ما تكتب وجميع المداخلات هنا وهناك فكم انا معجب بواقعية ردودك ومنطقيتها، وحقوق الانسان يا اخي العقاد لو تابعنا تنفيذها في الريف لما سمعت لها طارٍ قط فسوف تذوب وتتلاشى لكثرة الحاجة اليها، كم من امراة حامل تموت في الطريق قبل الوصول الى المستشفى وكم من مريض مات بالزائدة الدودية قبل ان يتلقى اسعافا وعندما ناتي للبيئة وصحة البيئة فحدث ولا حرج والصحة كلها معدومة ابتداءً من المواد التموينية التالفة والذبح العشوائي للبهائم وطريقة العرض الملوث للالبان وللادوية ...تصدق يا عقاد عندنا الادوية تباع في البقالات مع الفحم والبصل والزيوت ..وعندما تعرج على التعليم فهنا المصيبة الكبرى اذ لا تجد معلما يترك الرفاهية ورغد العيش في المدينة وياتي الى الريف حيث لا توجد دروس خصوصية ولا توجد دروس تقوية ....وتضيع بذلك ثروة عظيمة كان من الممكن ان يستفيد منها السودان ....والقصة تطول ويطول عرضها وشرحها ناهيك عن حلها ...وقديما كان الريف هو المتنفس لسكان المدن يجدون فيه كل متطلبات الحياة التي يحتاجونها ولكنه اليوم نافر ومنفر حتى لساكنيه ...ذهب الريف وذهبت معه رجالات الحكمة والله المستعان

شكرا اخي العقاد ولك العتبى حتى ترضى
النور محمد يوسف
17-07-2009, 06:48 AM
الاستاذ الكبير النور محمد يوسف
حبكه مكربه تمام .... لكن عليك الله بلدنا دى حتى الضفادع ما لاقيه راحته ... شئ عجيب ياخى ... والله الضفادع ديل كان عارفات درب حقوق الانسان بى وين كان زمان صاحبك ده ساب الطشمه زاته ...
يا اخى ما تحرمنا من الابداع ده ياخى ... فاننا فى اشد الشوق الى قلمك المبدع
تقبل تحياتى


شكرا محمد الجزولي استاذ الخيال وتطويعه للواقع ...وبلدنا يوم ماتنتهي منها الطشمة والاسباب التي تؤدي الى الطشمة كل واحد ح يلقى حقوقو ...والى ذلكم الحين فالطاشم سيظل يطشم وغير الطاشم لا يعرف اهو طاشم ام انه يحلم بانه طاشم أو سوف يطشم ولا يعرف اهو حي ام ميت اذ تكالبته صعوبات الحياة بدروبها التي طوقها الفساد من كل الانحاء ...

لك كل ودي اخي محمد الجزولي ونحن نشتاق ايضا الى ابداعاتك ونتابعها بشغف
وتقبل خالص تحياتي
النور محمد يوسف
17-07-2009, 06:53 AM
http://www.asmerr.com/vb/images/smilies/36_1_46.gif
واصل يا كتاب ربنا يحفظك

ولدنا البنحبو كلنا ..ابو النور لك خالص تحياتي

شفت زولنا دا كيف ....بس عارف نفسو وين لذلك مشى عديل يطالب بحقوق الانسان ...المهم الناس تطالب ما تسكت والمهم يجدوا اجابة ولو من باب التخدير لثوان لكن كونو المسئول يسد دي بطينة ودي بعجينة لا تشبهنا ابدا ولا كمان الناس تسكت فلازم تتكلم وتطالب باي شيء تراه من حقها المطالبة به

وربنا يحفظ لينا ...ومبروك المنصب الجديد الذي انت اهل له من زمااااان
وفقك الله ابو النور
النور محمد يوسف
17-07-2009, 06:59 AM
اندهاشة الصورة المتالقة اسعدتنا بخيالك الممتد امتداد الليل سبحنا ونترحم علي شيخ ام تريبات

استاذنا عماد السائح شاعرنا الهمام وينك ووين قصائدك التي نطرب لها ...اشتقنا لها بالجد ...ولمواضيعك ومقترحاتك نحو تطوير مدينتنا الحنون .... فنحن حبيبنا نذوب فيها ونتابعها كلمة كلمة فهي تصدر من القلب بلا تكلف وتحكي حالنا كلنا ود البلد الاصيل الحنين المليان حنية وشوق لكل الاهل ...ونحن نسعد بك دائما وبمداخلاتك وفقك الله عمدتنا ولا حرمنا الله منك ولا من بديع صنعك كلمات وابيات ومداخلات
وفقك الله
النور محمد يوسف
17-07-2009, 07:02 AM
:d:d:d:d:d:p;):rolleyes:

كدى قول واااااااااااااااااغ هههههههه


ليه ؟؟؟ عندك نص مفقود ولا شنو؟؟؟

واااااااااغ واااااااااااااااااغ
النور محمد يوسف
17-07-2009, 07:06 AM
رائع والله يا النور ولك الشكر


ولك الشكر انت ايضا اخي عباس الدسيس وربنا يخلي ليك هذا الشبل

أم انه انت الزماااان ...ربنا يخليكم ويحفظكم

بارك الله فيك ومشكور على المرور وربنا لا يحرمنا من مداخلاتك
شكرا عباس
النور محمد يوسف
17-07-2009, 07:15 AM
ههههههه جلالة كان عايز يدردقك..
لكن عجبتني عرفت ليه!!!

أستاذنا النور يا سلام عليك إبداع حتى النخاع!!

رحم الله الشيخ المرحوم الخليفة احمد عبدالباسط
رجل ذو حكمة وبصيرة وبال طويل.. هكذا كان شيوخنا
زمان..

أها صحبك الطشمان دا لسع (يطقع) في (القعونج)؟!
جماعتك الطشمانين ديل قصصهم كثيرة وما بتخلص..

مرة في واحد جاء ماشي مع ولده (الله يكرمك) بالقرب من
كوشة.. الولد شاهد واحد طشمان قال لأبوه:
أبوي.. أبوي شوف الزول السكران دا نائم في الكوشة
وخاتي راسه في بطن الحمارة الميتة.
أبوه قال ليهو: والله يا ولدي أبوك ليه زمن كايس ليهو
على (طشمة) ذي دي ما لاقيها!

ود الماحي هسع بجيك بقصص الطشمانين.

عزيز عيسى الخواجة اخي المحبوب لنا كلنا ...اسعد دائما بمداخلاتك ايها النجم الانيق
فعندما اكتب صدقني اتوقع ماذا سوف يقول الخواجة ..اكتب واحس بك مارا بجانبي اتوقع ماذا تقول ولكن في دي لم اتوقع الدرجة التي وصل لها طاشمكم ..فقد ضحكت شديدا بارك الله فيك ...وبعدين عثمان جلالة دا الظاهر طشمتو ناقصة ...فاقد ليهو نص وما عارف يتهم مين ...لكن والله مااا انا

وندعو من هذا المنبر اخانا ودالماحي ليتحفنا بطرائفهم خاصة بعد عوته الميمونة وبقوة ...له مني تحية عطرة فهو اخ نعزه ونقدر اسهاماته فهو مسكون بعشق مدني واهل مدني ومحبي مدني

وطبعا زولنا صاحب البتاعة دي الان ما شاء الله مبسوط ورائق ومن الاعيان ...شوف لو زمان عاقبوه او عملوا ليهو حاجة كان ح يكون وين ...الحكاية كلها فقر وضيق حال وتيسرت له الان واستعدل تمام ...وارتاح مجتمع العشاق في قبيلة الضفادع...بس وين المطر؟؟؟

شكرا عزيزنا عزيز ولا عدمناك يارب
moh_alnour
17-07-2009, 08:07 AM
الأستاذ : النور محمد يوسف ( نجم كل الشهور )
حتى المواقف العادية لإيقاع الحياة اليومي تخلق منها لوحة قصصية جميلة بما تحشد لها
من بساطة في السرد و مزج المواقف للحياة اليومية بحرفية و مهنية عالية
صورة ربما توجد في كثير من أحيائنا و قرانا و بوادينا و لكن ما أعجبني في القصة حكمة
الشيخ المرحوم ( أحمد عبد الباسط ) و تأسفت مثل باقي المتداخلين على خلو مجتمعاتنا الحالية
من أمثال هاؤلاء الرجال مع وجود علاقة عكسية وهو خلو المجتمع من أمثال صاحب هذه الطشمة بصورة كبيرة
و هذا من فضل الله أولا ً و أخيرا ً ومن الوعي الذي ساد مجتمعاتنا في القرى و البوادي و الحضر
سعيد بعودة قلمك المميز إلى رحاب المنتدى الأنيق بحضوركم



وجاااااااااني إحساس كده أنو دا ما وصف كاتب بس .. ما عارف ليييه

جلالة عايز يوديك بشارع الدقداق لكن عرفت ليهو جبتو بالدرب العديل وجبت ليهو من الأخر ;)
عوض الكريم الخواض
18-07-2009, 12:32 AM
الأديب النور محمد يوسف ...
هاك دى ...


هو أحد جيراننا الطيبين ...
رجلٌ فكِهٌ واصلٌ طيب الخلق لا يعيبه شئ ...
سوى هذا المنكر والذى يعد من الكبآئر ...

الغريب فى الأمر أن قصصه الممتعة تكون دوماً مع ( النباه ) الأول لصلاة الفجر ...
جارنا هذا ولنطلق عليه ( سيد ) دآئماً ما تجده عند صلاة الفجر يقف ( واعظاً ) عند رأس
صديقه ( عباس ) بتاع الكنتين مع العلم أنه فى تلك اللحظة ( بكون واقف لمبة ) .
سيد وبصوته الأجش يقف عند رأس عباس قآئلا :ً
يا عباس قوم الصلاة جات ...
عليك الله ( النايم ) ليها شنو ...
قوم يا عباس ( النوم بجيب اللوم ) ...
آآآآآآي عااااارفك الصقط دا ماااا لذيييييييييذ ...يمين يا عباس بعدين يوم القيامة ... النوم دا تشوفوا ( عشرة عشرة ) ...
وفى تلك اللحظة يتوافد المصلين من كبار الحي الى المسجد ...
وهم يمرون بكنتين عباس وصديقه سيد ( السكران ) وهو يقف واعظاً فى رأس عباس ...
سيد قآئلاً :
أوووووووووو ...نآس الآخرة الجد جد وصلوا بى عكاكيزهم ...
عليك الله يا عباس ما بتخجل ...
عاين ليهم الواحد قدر جدك ...
ما قادرين يمشوا ...
لكن الصلاة دى مااااااااا بلعبوا فيها ...
ثمّ يقهقه بصوته الأجش ويخاطب صديقه عباس بصوت خافت ( أعمامك حريفين حرفنة كتلوها زمان لامن الأمبير قرب يصفر قالوا أخير نشوف لينا مرّاقة ) هع هع هع هع ...
وفى هذه اللحظة يتقدم أحد شيوخ الحي ويحيه عباس قآئلاً :
شيخ كعورة صباح الخير ...
عليك الله يا شيخ كعورة ( عباس السجمان ) دا لي ساعة بصحى فيهو لى صلاة الصبح وهو ما داير يصحى ...
الزول دا ما سمع كلام الرسول صلى الله عليه وسلم ( لوددت ان احرقن عليهم منازلهم ) ...
والله يا عم كعورة دا لو كان فى عهد الخليفة عمر ...
كان صحاهو ( بالسوط ) ...
ثمّ يخاطب نفسه مستطرداً :
عمر داك ...
يا زوووووووووول ...
عمر داك صعب ...
نحن ذآآآآآآآآآآآآآتنا كان ( قطعا لينا فى رآسنا ) .

ولهم حكايات وحكايات .
أبوحراز
18-07-2009, 05:28 AM
الأديب النور محمد يوسف ...
هاك دى ...


هو أحد جيراننا الطيبين ...
رجلٌ فكِهٌ واصلٌ طيب الخلق لا يعيبه شئ ...
سوى هذا المنكر والذى يعد من الكبآئر ...

الغريب فى الأمر أن قصصه الممتعة تكون دوماً مع ( النباه ) الأول لصلاة الفجر ...
جارنا هذا ولنطلق عليه ( سيد ) دآئماً ما تجده عند صلاة الفجر يقف ( واعظاً ) عند رأس
صديقه ( عباس ) بتاع الكنتين مع العلم أنه فى تلك اللحظة ( بكون واقف لمبة ) .
سيد وبصوته الأجش يقف عند رأس عباس قآئلا :ً
يا عباس قوم الصلاة جات ...
عليك الله ( النايم ) ليها شنو ...
قوم يا عباس ( النوم بجيب اللوم ) ...
آآآآآآي عااااارفك الصقط دا ماااا لذيييييييييذ ...يمين يا عباس بعدين يوم القيامة ... النوم دا تشوفوا ( عشرة عشرة ) ...
وفى تلك اللحظة يتوافد المصلين من كبار الحي الى المسجد ...
وهم يمرون بكنتين عباس وصديقه سيد ( السكران ) وهو يقف واعظاً فى رأس عباس ...
سيد قآئلاً :
أوووووووووو ...نآس الآخرة الجد جد وصلوا بى عكاكيزهم ...
عليك الله يا عباس ما بتخجل ...
عاين ليهم الواحد قدر جدك ...
ما قادرين يمشوا ...
لكن الصلاة دى مااااااااا بلعبوا فيها ...
ثمّ يقهقه بصوته الأجش ويخاطب صديقه عباس بصوت خافت ( أعمامك حريفين حرفنة كتلوها زمان لامن الأمبير قرب يصفر قالوا أخير نشوف لينا مرّاقة ) هع هع هع هع ...
وفى هذه اللحظة يتقدم أحد شيوخ الحي ويحيه عباس قآئلاً :
شيخ كعورة صباح الخير ...
عليك الله يا شيخ كعورة ( عباس السجمان ) دا لي ساعة بصحى فيهو لى صلاة الصبح وهو ما داير يصحى ...
الزول دا ما سمع كلام الرسول صلى الله عليه وسلم ( لوددت ان احرقن عليهم منازلهم ) ...
والله يا عم كعورة دا لو كان فى عهد الخليفة عمر ...
كان صحاهو ( بالسوط ) ...
ثمّ يخاطب نفسه مستطرداً :
عمر داك ...
يا زوووووووووول ...
عمر داك صعب ...
نحن ذآآآآآآآآآآآآآتنا كان ( قطعا لينا فى رآسنا ) .

ولهم حكايات وحكايات .

كنت مرة الساعة 12 مساء بمستشفى الحصاحيصا
بعد شوية العساكر جابو ليهم ولد سكران عمر 25 سنة ويبدو أنه اعتدى على بنت
لأنو الفتاة كانت معاهم وأدخلوها للطبيبة
المهم السكران كان عاوز يستفرغ
فعلاً استفرغ شوية وقام الغفير بتاع المستشفى قال للعسكري خلاص زولك انتهى
تعال شيلو من هنا
العسكري قال ليهو { لسه } ياعم الزول دا ماكل كوارع كتيرة لمن تشوف ليك عضم طالع مع الطراش تعال ناديني

ذكرتني هذه القصة بواحد اخونا أكل مرارة وكبدة وكوارع وام فتفت ولحمة راس بالطبع
وبعديها طوالي جردل مريسة
بعد شوية استفرغ الحاجات دي كلها
اها بعد الطراش ارتاح شوية ونام في نفس محل السكرة
جاء { جريو صغير } طبعاً ولد الكلب
والجريو كان جيعان ولم ليك في طراش عمك وأكل مالذ وطاب
لكن الجريو { طشم } ونام في نفس محل الطراش
عمك صحى بكرة والطشمة فكت
وقال للجماعة
والله انا متذكر الكبدة دي أكلتها
ولحمة الراس دي أكلتها برضو
والكوارع أكلتها حته حته
لكن والله مامتذكر { الجريو } دا أكلتو متين !!!!!
moh_alnour
18-07-2009, 04:41 PM
هههههه
و د الخواض و أبو حراز
الله يجازي محنكم بعد شوية البوست دا ح أوديهو النفاج
و بتجيبوا لينا لوم مع أستاذنا النور محمد يوسف
وجدى محمد خميس
19-07-2009, 01:34 AM
طشمه صاح...الزياده من وين
esmat
19-07-2009, 03:34 AM
استاذ النور المبدع دوماً
شكراً لهذا السرد الرائع
النور محمد يوسف
20-07-2009, 03:58 AM
الأستاذ : النور محمد يوسف ( نجم كل الشهور )
حتى المواقف العادية لإيقاع الحياة اليومي تخلق منها لوحة قصصية جميلة بما تحشد لها
من بساطة في السرد و مزج المواقف للحياة اليومية بحرفية و مهنية عالية
صورة ربما توجد في كثير من أحيائنا و قرانا و بوادينا و لكن ما أعجبني في القصة حكمة
الشيخ المرحوم ( أحمد عبد الباسط ) و تأسفت مثل باقي المتداخلين على خلو مجتمعاتنا الحالية
من أمثال هاؤلاء الرجال مع وجود علاقة عكسية وهو خلو المجتمع من أمثال صاحب هذه الطشمة بصورة كبيرة
و هذا من فضل الله أولا ً و أخيرا ً ومن الوعي الذي ساد مجتمعاتنا في القرى و البوادي و الحضر
سعيد بعودة قلمك المميز إلى رحاب المنتدى الأنيق بحضوركم



جلالة عايز يوديك بشارع الدقداق لكن عرفت ليهو جبتو بالدرب العديل وجبت ليهو من الأخر ;)


استاذنا ودالجاك...الزول القال جايينا وما جا ...

أوصل بك الحد الى درجة الخوف من فكتها؟؟؟؟

كيفك ياراقي ...أما زالت غير مفكوكة؟؟؟ يا رب تنفك
لا تستغرب .....دا شغل طشم ....

ونترحم عليه عمنا الخليفة احمد عبدالباسط، وفعلا خلا الوسط من أمثالهم ...أما خلو الجو من امثال طاشمنا فاعتقد ان السبب الرئيسي وراء هذه الندرة ..لا اعتقد انه من الوعي الذي عم المجتمع ...فالطشمة سببها كثرة المشاكل وضيق فرص الحلول ...فاتوقع ان تكون الطشمة قد طورت من نفسها في وقتنا الحاضر فصارت لا تمهل صاحبها حتى يراه الناس او يستمتعوا بطرائفه ....طشمة وعلى طووووول سين وجيم ...من سيدنا نكير

وانا سعيد بان اكون باستمرار بينكم في بيتي هنا ودمدني ومع حبايبي في ودمدني العشق والتاريخ

اما اخونا عثمان جلالة فاعتقد انه مازال يتهمني بفقدان النُّص بتاعو الضائع ....ما قدر ياحليلو يصل الى درجة زولنا صاحب القصة ..فصار يحلِّف في الناس ويتهمهم بالباطل

ووالله ما شلتو انا
النور محمد يوسف
20-07-2009, 04:16 AM
الأديب النور محمد يوسف ...
هاك دى ...


هو أحد جيراننا الطيبين ...
رجلٌ فكِهٌ واصلٌ طيب الخلق لا يعيبه شئ ...
سوى هذا المنكر والذى يعد من الكبآئر ...

الغريب فى الأمر أن قصصه الممتعة تكون دوماً مع ( النباه ) الأول لصلاة الفجر ...
جارنا هذا ولنطلق عليه ( سيد ) دآئماً ما تجده عند صلاة الفجر يقف ( واعظاً ) عند رأس
صديقه ( عباس ) بتاع الكنتين مع العلم أنه فى تلك اللحظة ( بكون واقف لمبة ) .
سيد وبصوته الأجش يقف عند رأس عباس قآئلا :ً
يا عباس قوم الصلاة جات ...
عليك الله ( النايم ) ليها شنو ...
قوم يا عباس ( النوم بجيب اللوم ) ...
آآآآآآي عااااارفك الصقط دا ماااا لذيييييييييذ ...يمين يا عباس بعدين يوم القيامة ... النوم دا تشوفوا ( عشرة عشرة ) ...
وفى تلك اللحظة يتوافد المصلين من كبار الحي الى المسجد ...
وهم يمرون بكنتين عباس وصديقه سيد ( السكران ) وهو يقف واعظاً فى رأس عباس ...
سيد قآئلاً :
أوووووووووو ...نآس الآخرة الجد جد وصلوا بى عكاكيزهم ...
عليك الله يا عباس ما بتخجل ...
عاين ليهم الواحد قدر جدك ...
ما قادرين يمشوا ...
لكن الصلاة دى مااااااااا بلعبوا فيها ...
ثمّ يقهقه بصوته الأجش ويخاطب صديقه عباس بصوت خافت ( أعمامك حريفين حرفنة كتلوها زمان لامن الأمبير قرب يصفر قالوا أخير نشوف لينا مرّاقة ) هع هع هع هع ...
وفى هذه اللحظة يتقدم أحد شيوخ الحي ويحيه عباس قآئلاً :
شيخ كعورة صباح الخير ...
عليك الله يا شيخ كعورة ( عباس السجمان ) دا لي ساعة بصحى فيهو لى صلاة الصبح وهو ما داير يصحى ...
الزول دا ما سمع كلام الرسول صلى الله عليه وسلم ( لوددت ان احرقن عليهم منازلهم ) ...
والله يا عم كعورة دا لو كان فى عهد الخليفة عمر ...
كان صحاهو ( بالسوط ) ...
ثمّ يخاطب نفسه مستطرداً :
عمر داك ...
يا زوووووووووول ...
عمر داك صعب ...
نحن ذآآآآآآآآآآآآآتنا كان ( قطعا لينا فى رآسنا ) .

ولهم حكايات وحكايات .


عزيزي الخواض تحياتي اليك ايها الغالي
طفت بخيالي هناك مع سيد وعباس وكعورة وناس الاخرة العرفوها بدري...وضحكت والله مع كل مواقف سيد ....
شوف هذا الدين المتاصل في النفوس ...هو الدافع لحركات الواحد حتى في قمة ساعات الطشمة ...والله امثال هؤلاء من اهلنا البسطاء دافعهم الاساسي للطشم هو ضيق الحال في المقام الاول ثم تاتي بعده الاعتبارات التانية الوازع الديني والتربية ...الخ

وعندنا واحد تاني على طوووول غايب بالطشم ...طول السنة ...لكن رمضان دا ما بيلعب في صومو ابداً
اليوم الاول ...النهار كارب ...الشمس في نص الراس ...نادى لولدو ....يا ولد امشي (...) بعيدة شوية 7 كيلو تقريبا ...جيب لي العبار ...(جردل مليان طشَّامة) ...الشمس دي قربت تغيب ...
الولد فرتق ومشى يجيب ماطلبه ابوه....أها في الرجعة وقريب من البيت ...وقع ..وكل العبار اندفق ... جا لابوه ...يا ابوي والله وقعت والبتاعة اندفقت كلها ... خلاص آآآولدي نسوي شنو؟؟ طبعا ما في طريقة رجوع يجيب تاني..وواصل نومتو

المهم اذن المغرب ...صاحبنا فطر ... واتلفت ليك لولدو لب لب ضرب صاااااح ...القال ليك اعتر منو ؟؟ أعمى ما بتشوف ؟؟؟ وتدفقها كلللللها كمان ؟؟؟؟ عارف انا جايب قروشاا دي من وين؟؟؟ ولب ولب ...شكيتك علي الله ...ينصفني منك ويشيل لي حقي منك ...لب لب
Jamal Elmahi
21-07-2009, 07:14 AM
الوجيه زين الشباب النور ...
ياحليل مريسة تامزينو ...والرحمه جرادل ..والسيسبانه ...مريسه زبدتا تلصق في الشنب زي البوستيك ..والموشك تخلي الحمار يترتح وإتا تترتح ...
عمنا الصعيد الله يطراهو بالخير راجل نكته ...يوم بعد الحواشات غشي السيسبانه محل المرايس والكمونيات الماخمج والكوارع وأم فتفت وضرب عبارين لامن وقف حيح ..ركب حمارتو ولما وصل الحلّه وقبّال ما يصل بيتو آذان المغرب أذّن ...ربط حمارو في عمود الكهربا وخطوه وري وخطوه قدّام دخل المسجد وريحة المريسه تقول ياليل ..لقي الامام في الركعه التالته ..عمنا لقي فرقه في الصف الاول وقف وكبّر ..ولما الامام كبر وركع صاحبنا في الركوع فقد توازنو وراح متدحرج ليك طاخ ضرب الحيطه القدامو ..قال آآآخ أنا الصعيد تكّس يرجع...الامام والمصلين فقعوها ليك ضحكه ....

بجيك صاد

ود الماحي
العاقب مصباح
21-07-2009, 07:45 AM
طشمة صاح
الشجر الكبار فيهو الصمغ
ولو سمع احدنا صوت الضفادع لزاد من وتيرة ((دبل)) البطانية وتركيزها على الأُذنين فقط...
حكمة شيخ البلد بالغة التعقيد
هنالك اصوات أُخرى أكثر إزعاجا من صوت الضفادع... تحتاج لشيخ عبد الباسط آخر ليروى لنا كيفية التصرف معها....
رحم الله شيخ عبد الباسط وأسكنه فسيح جناته ...
وأدامك الله وحفظك لنا قلما يوثق ما لأجدادنا من حكمة
هنا شيخ عبد الباسط وقبله سعدنا بموضوعك عن الهمبتة ... والخسارة التى حدثت بسببها أيضا لأحد افراد قرية ام تريبات الحنينة.....
محبتى استاذى
نزار حسن محمد
21-07-2009, 07:09 PM
حبينا المبدع استاذ الاجيال النور محمد يوسف
غايتو .. ما عارف اقول شنوا ولا شنوا ضحكته لمن مصارينى وجعتنى واستمتعت غاية الاستمتاع
لسردك الرائع ايها الاديب الفنان ...
تعرف يالنور قالووو الجيران عندهم عرس بتهم وجارم زول طشمه صااااح قاموا كوركو ليه بالحيطه قالووو.. ليه.. ماعندك باقه نعلم بيها العروس الرقيص قال ليهم والله ماعندى لكن كيس بنفع؟؟؟
النور محمد يوسف
24-07-2009, 04:47 AM
كنت مرة الساعة 12 مساء بمستشفى الحصاحيصا
بعد شوية العساكر جابو ليهم ولد سكران عمر 25 سنة ويبدو أنه اعتدى على بنت
لأنو الفتاة كانت معاهم وأدخلوها للطبيبة
المهم السكران كان عاوز يستفرغ
فعلاً استفرغ شوية وقام الغفير بتاع المستشفى قال للعسكري خلاص زولك انتهى
تعال شيلو من هنا
العسكري قال ليهو { لسه } ياعم الزول دا ماكل كوارع كتيرة لمن تشوف ليك عضم طالع مع الطراش تعال ناديني

ذكرتني هذه القصة بواحد اخونا أكل مرارة وكبدة وكوارع وام فتفت ولحمة راس بالطبع
وبعديها طوالي جردل مريسة
بعد شوية استفرغ الحاجات دي كلها
اها بعد الطراش ارتاح شوية ونام في نفس محل السكرة
جاء { جريو صغير } طبعاً ولد الكلب
والجريو كان جيعان ولم ليك في طراش عمك وأكل مالذ وطاب
لكن الجريو { طشم } ونام في نفس محل الطراش
عمك صحى بكرة والطشمة فكت
وقال للجماعة
والله انا متذكر الكبدة دي أكلتها
ولحمة الراس دي أكلتها برضو
والكوارع أكلتها حته حته
لكن والله مامتذكر { الجريو } دا أكلتو متين !!!!!


ابو حراز الابداع والفن والموسوعة ...النجم المتالق في سماواتنا بفنون التعامل وخلق المناسبات البهية ليسعد كل الناس

اليك اجمل تحية وباليد الاخرى نبذل قصارى الجهد باجمل ترحيب لك في دنياهم اهلنا الغلبهم الصبر بس ، لكنهم وكشريحة مهمة نجد للكثير منهم العذر ونتمنى لهم سعادة هنا وسعادة هناك

بصراحة دي قوية شديد ، طشمة متعوب عليها صاااح

حتى السكند هاند ادت المفعول .... يا ترى الجريو لامن يصحى ح يفتكر دي شنو؟؟؟ وهل ح يكررها تاني ام تووووووبة؟؟؟

شكرا ابوحراز وتحياتنا الى الهدية نون
النور محمد يوسف
28-07-2009, 09:21 AM
هههههه
و د الخواض و أبو حراز
الله يجازي محنكم بعد شوية البوست دا ح أوديهو النفاج
و بتجيبوا لينا لوم مع أستاذنا النور محمد يوسف


ود الجاك التحيات لك مثنى وثلاث ورباع ...يعني التحيات بس ما تقوم تعمل الفي بالي بالك مثنى وثلاث ورباع

والتحية الى الاخوان الخواض وابوحراز

وبصراحة يا ودالجال انا ما عندي مانع من نقل الموضوع الى اي مكان بس تواجهني مشكلة التواجد عشان الواحد يرد على احبتي المتداخلين

شكرا ودالجاك
النور محمد يوسف
28-07-2009, 09:27 AM
طشمه صاح...الزياده من وين


شكرا وجدي محمد خميس

الزيادة من وين؟؟
ياخي حوة دي مااااا والدة
الناس دي رايح ليها نُص ولا شنو ؟
فراس
19-12-2009, 02:29 PM
ماشاء الله عليك

رائع انت استاذي في كل ماتكتب

ربنا يديك الصحة والعافية وطولة العمر
النور محمد يوسف
20-12-2009, 04:07 AM
استاذ النور المبدع دوماً
شكراً لهذا السرد الرائع


العريس الوجيه عصمت التحيات الطيبات مزجاة اليك وكل التهاني والتبريكات بالزواج وبالعيد وبالعام الهجري الجديد وباعياد الميلاد والسنة العاشرة بعد الالفين ... اسف لكل هذا التاخير ولكن عزائي انكم تقدرون ظرفي وترضون بهذه الطلة مع انها قليلة لكنها بالنسبة لي عظيمة حيث التقيكم فيها وانفس عن جواي معكم فمعذرة

شكرا كاتبنا واديبنا عصمت
ابوالنور
20-12-2009, 04:11 AM
البركة في الشوفة يا كبير
النور محمد يوسف
20-12-2009, 04:24 AM
الوجيه زين الشباب النور ...
ياحليل مريسة تامزينو ...والرحمه جرادل ..والسيسبانه ...مريسه زبدتا تلصق في الشنب زي البوستيك ..والموشك تخلي الحمار يترتح وإتا تترتح ...
عمنا الصعيد الله يطراهو بالخير راجل نكته ...يوم بعد الحواشات غشي السيسبانه محل المرايس والكمونيات الماخمج والكوارع وأم فتفت وضرب عبارين لامن وقف حيح ..ركب حمارتو ولما وصل الحلّه وقبّال ما يصل بيتو آذان المغرب أذّن ...ربط حمارو في عمود الكهربا وخطوه وري وخطوه قدّام دخل المسجد وريحة المريسه تقول ياليل ..لقي الامام في الركعه التالته ..عمنا لقي فرقه في الصف الاول وقف وكبّر ..ولما الامام كبر وركع صاحبنا في الركوع فقد توازنو وراح متدحرج ليك طاخ ضرب الحيطه القدامو ..قال آآآخ أنا الصعيد تكّس يرجع...الامام والمصلين فقعوها ليك ضحكه ....

بجيك صاد

ود الماحي

والله ضحكت لامن آلمتني مصاريني ..... شكرا ود الماحي فلا عدمناك ولا عدمنا روحك هذه المرحة ...اطال الله عمرك على طاعته "آمين" ....

طبعا الدين في صدور السودانيين يجري في دمائهم ... مهما كانت ظروفهم فللدين مكان في السلوك وفي الطبع وفي العادات .... فزولنا بتاع رمضان يصوم ولكنه يطشم وكذلك عمنا سيد الواعظ وصاحبنا الصعيد ...والامثلة كثيرة


مرة من المرات وفي رحلة تبع الجامعة كان لزاما علينا ان نزور منطقة ما ...فذهبنا هنالك وصلينا جماعة في المسجد وهو من القش ...بعد شوية الطشامة حامت بالكاسات على المصليين بعد الصلاة ...ويحلف علينا الامام ستين يمين نحن الاوائل ...ضيوف .... رفضنا رفضا باتا ....نسمع ليك واحد منهم ..."بلاقيكم" احسن ليكم تشيلوا من الشيخ ...بلاقيكم ....ومشينا الى الاستراحة للنوم ...
نوم!!!! ....هو في نوم؟؟؟؟
عليك امان الله البعوضة تقرص في الجبهة والنمل اسواااااااد وكباااااار يتشعبط في السرير .... قراداً ادَّرعلو عناق ....ولكن من طشم ففي نوم عميق ....
فمثل هؤلاء كانت الطشمة بالنسبة لهم تفاديا لكثير من المعاناة وليس حبا في تغييب العقل او هروبا من مشاكل مفتعلة .... هذا ليس تبريرا ولكن يجب النظر لكل الاعتبارات التي يترتب عليها اي منع واي فتوى ...والمسجد مليان للاخر

شكرا ودالماحي وتعال صاد .....ننتظرك
أبو جودي
20-12-2009, 10:50 PM
شكرا وجدي محمد خميس

الزيادة من وين؟؟
ياخي حوة دي مااااا والدة
الناس دي رايح ليها نُص ولا شنو ؟


أخونا الأستاذ المبدع النور لك خالص التحايا
وعجبني ردك على أخينا وجدي كثير والله الرايح ليهم نُص كثيرين وأنا منهم
أهه أديك دي سمعتها في برنامج شروق ومقدمها المبدع
الزمن داك زمن البطشم بجلدوه ،،، وقال ليك في واحد مبتلى بالطشمة أهه مرة طبقوه ليك ناس الكشة ودوه للمحكمة وجى للقاضي والجلد حار حار حكم عليه القاضي بي 21 جلدة ،،،
صاحبك ما كضب رقد للعسكري والعسكري من النوع الإيدو تقيلة أهه بقى يضرب ليك في عمنا طاش طاش طاش ،،،
وصاحبك شكله من كثرة الضرب بعد مع العسكري عشرة اتناشر خمستاشر عشرين اثنين وعشرين خمسة وعشرين ،،، أهه لمن جات ستة وعشرين
عمك قال للقاضي ،،، يا مولانا الراجل ده أداني ستة وعشرين وأنت حكمت عليّ بي واحد وعشرين وقبل ليك على العسكري تعال هنا أنت قايله مرتبة تشيل وتضرب أهه يا موالنا أنا عاوز حقي ده من العسكري
طبعاً مولانا تحير كثير ولكن بسرعة قال للعسكري أديه الصوط ده خلي يتسدا حقو يديك خمسة ،،،
هنا صاحبنا قال لي مولانا يا مولانا أنا ما عاوز أجلدو بس بكره تعدوا لي من ستة ...