المساعد الشخصي الرقمي

مشاهدة النسخة كاملة : بلا بشتنة .. الرضاعة شهرين بس !!!!



الملكة اسماء ( ام محمد )
15-07-2009, 12:57 AM
بسم الله الرحمن الرحيم


اخوتي الاحباء
السلام عليكم ورحمة الله تعالى وبركاته



اعود اليوم بموضوع شغل تسائلاتي وتفكيري
واعتقد انه موضة تفشت بشكل مزعج جدا
ورغم اجماعنا على ضررها اكثر من نفعها الا اننا نراها في ازدياد ..وااااضح
ولا اعلم ان كانت رغبة بالاجماع في تثبيتها او اتفاق بالاجماع ايضا على ضرورتها في عصر ... المظاهر !!!!



في البداية دعونا نتوقف عند الآية حيث :


قال الله تعالى: http://audio.islamweb.net/audio/sQoos.gif (http://audio.islamweb.net/audio/sQoos.gif)وَوَصَّيْنَا الإِنسَانَ بِوَالِدَيْهِ حَمَلَتْهُ أُمُّهُ وَهْنًا عَلَى وَهْنٍ وَفِصَالُهُ فِي عَامَيْنِ أَنِ اشْكُرْ لِي وَلِوَالِدَيْكَ إِلَيَّ الْمَصِيرُ http://audio.islamweb.net/audio/eQoos.gif (http://audio.islamweb.net/audio/eQoos.gif)[لقمان:14].


من هنا ابداء بدعوة للتامل في الاية حيث امر الله بارضاع الطفل عامين .. ولايخفى علينا ان لله في كل شي حكمة


حتى عهد قريب جدا كانت الامهات حريصات على اكمال فترة الرضاعة كاملة ( يمكن لان حبوباتنا كانوا مصرات على الترتيب الابجدي للتربية الاصيلة )


وفجاءة ظهرت موضة غريبة جدا
الرضاعة ... شهرين !!! ويمكن اقل
واحيانا كثيرة ... عام كااااامل .. بالتقسيط !!


السبب للاسف بعيدا عن دائرة الامراض التي قد تحول دون اكمال الامهات لفترة الرضاعة الطبيعية


السبب يااخوانا
ماعايزين بشششششششتنة !!!!!


لكن ياجماعة الخير دا كلام دا ؟؟!!!
الوحدة عشان تحافظ على شكلها
ورشاقتها
ومظهرها قدام الناس
تحرم طفل من حياة سليمة
خالية من الامراض؟ّّّ!!


طيب ما ربنا سبحانة وتعالى خلق المراءة بتكوين جسدي يناسبها لتصبح ام في المستقبل


فهل اصبح الظهر اهم من طفولة تفشت فيها الامراض بسبب اهتمام الامهات بالمظهر اكثر من النمو الجسدي الطبيعي ؟


وهل حقيقة انى الرضاعة اصبحت ( بششششتنة؟)


طيب ما امهاتنا ( اتبشتنوا عشان نطلع طبيعين النمو والتكوين ).. دا لو فعلا الرضاعة بتخرب الشكل العام !!!


وبعدين في سؤال : هل تحتاج المراءة لتبدو بمظهر ( ما مبشتن) امام شخص غير زوج اختارها في المقام الاول لتكون شريكة حياة وام لابنائه ؟!!!


بصراحة موضوع ازعجني جدا في الاونة الاخيرة


وحتى وقت قريب كنا نسمع بان المراءة السودانية بشكل خاص ( بطلت مديدة حلبة ونشويات مما يعينها خلال اعوام الرضاعة) بسبب خوفها من (بشتنة البدانة) الحاصلة بعد دا كله ..!!!


هي ظاهرة تكاد تكون اصبحت موضة .. تعني مواكبة التطورات والرضاعة الصناعية خير دليل



احبائي توقفوا قليلا وانظروا حولكم
امراض
طفولة تعاني من نمو عقلي بطيء
امهات اصبحن يجدن في المظاهر ( شماعة) لتعليق .. عجائب انتشرت


والاسئلة كثيرة
واهمها
... ماحوجتنا للمظهر العام ان اصبح ابنائنا في عداد ..المتخلفين عقليا
والمعاقين جسديا ؟!!!!



اترك لكم مجال مناقشة هذا الامر

ميادة
15-07-2009, 01:16 AM
بسم الله الرحمن الرحيم


اخوتي الاحباء
السلام عليكم ورحمة الله تعالى وبركاته



وعليك السلام


اعود اليوم بموضوع شغل تسائلاتي وتفكيري
واعتقد انه موضة تفشت بشكل مزعج جدا
ورغم اجماعنا على ضررها اكثر من نفعها الا اننا نراها في ازدياد ..وااااضح
ولا اعلم ان كانت رغبة بالاجماع في تثبيتها او اتفاق بالاجماع ايضا على ضرورتها في عصر ... المظاهر !!!!



يا بتي ده عصر اي شي جائز فيهو

في البداية دعونا نتوقف عند الآية حيث :


قال الله تعالى: http://audio.islamweb.net/audio/sqoos.gif (http://audio.islamweb.net/audio/sqoos.gif)وَوَصَّيْنَا الإِنسَانَ بِوَالِدَيْهِ حَمَلَتْهُ أُمُّهُ وَهْنًا عَلَى وَهْنٍ وَفِصَالُهُ فِي عَامَيْنِ أَنِ اشْكُرْ لِي وَلِوَالِدَيْكَ إِلَيَّ الْمَصِيرُ http://audio.islamweb.net/audio/eqoos.gif (http://audio.islamweb.net/audio/eqoos.gif)[لقمان:14].


من هنا ابداء بدعوة للتامل في الاية حيث امر الله بارضاع الطفل عامين .. ولايخفى علينا ان لله في كل شي حكمة


حتى عهد قريب جدا كانت الامهات حريصات على اكمال فترة الرضاعة كاملة ( يمكن لان حبوباتنا كانوا مصرات على الترتيب الابجدي للتربية الاصيلة )


وفجاءة ظهرت موضة غريبة جدا
الرضاعة ... شهرين !!! ويمكن اقل
واحيانا كثيرة ... عام كااااامل .. بالتقسيط !!



والله وما طالباني حليفة في ناس ما برضعو نهائي

يقولو ليك عوديهو على اللبن من بره عشان ما يتعود عليكي وحاجات كده غريبة
السبب للاسف بعيدا عن دائرة الامراض التي قد تحول دون اكمال الامهات لفترة الرضاعة الطبيعية


امراض كتييييييييييييرة وانتي طبعا ادرى مننا بيها

السبب يااخوانا
ماعايزين بشششششششتنة !!!!!



ولسه برضو راجياك ولادة تانية وتالتة اها هتقعدي ترضعي سنتين ( سبحان الله )
لكن ياجماعة الخير دا كلام دا ؟؟!!!
الوحدة عشان تحافظ على شكلها
ورشاقتها
ومظهرها قدام الناس


تطير المظاهر والرشاقة

تحرم طفل من حياة سليمة
خالية من الامراض؟ّّّ!!


يحصل كيف اصلا اذا هي بتفتش على الرشاقة وبتعاين للمظاهر
طيب ما ربنا سبحانة وتعالى خلق المراءة بتكوين جسدي يناسبها لتصبح ام في المستقبل


فهل اصبح الظهر اهم من طفولة تفشت فيها الامراض بسبب اهتمام الامهات بالمظهر اكثر من النمو الجسدي الطبيعي ؟


وهل حقيقة انى الرضاعة اصبحت ( بششششتنة؟)


في اعتقاد الكثيرات اصبحت هكذا
طيب ما امهاتنا ( اتبشتنوا عشان نطلع طبيعين النمو والتكوين ).. دا لو فعلا الرضاعة بتخرب الشكل العام !!!


وبعدين في سؤال : هل تحتاج المراءة لتبدو بمظهر ( ما مبشتن) امام شخص غير زوج اختارها في المقام الاول لتكون شريكة حياة وام لابنائه ؟!!!


بصراحة موضوع ازعجني جدا في الاونة الاخيرة


وحتى وقت قريب كنا نسمع بان المراءة السودانية بشكل خاص ( بطلت مديدة حلبة ونشويات مما يعينها خلال اعوام الرضاعة) بسبب خوفها من (بشتنة البدانة) الحاصلة بعد دا كله ..!!!


هي ظاهرة تكاد تكون اصبحت موضة .. تعني مواكبة التطورات والرضاعة الصناعية خير دليل



احبائي توقفوا قليلا وانظروا حولكم
امراض
طفولة تعاني من نمو عقلي بطيء
امهات اصبحن يجدن في المظاهر ( شماعة) لتعليق .. عجائب انتشرت


والاسئلة كثيرة
واهمها
... ماحوجتنا للمظهر العام ان اصبح ابنائنا في عداد ..المتخلفين عقليا
والمعاقين جسديا ؟!!!!



اترك لكم مجال مناقشة هذا الامر





يا ستي زي ما قلت ليك كلو جائز في زمن العولمة والرضاعة الصناعية

بث غايتو ربنا يعين الاطفال ويهدي الامهات

وموضوعك غاية في الروعة وتسلمي

نبض السكون
15-07-2009, 02:20 AM
ديل أمهات شنو ديل؟ سبحان الله ... تعرفي يا ملكة لي قدام كده ح يجي جيل الشهرين ديل زاتن ما ح يرضعنها يعني فهم (يأكل نارو) ... الشكية لبأيدن قوية ..

محمد حسين (المميز)
15-07-2009, 02:26 AM
:rolleyes::rolleyes::rolleyes:

الملكة اسماء ( ام محمد )
15-07-2009, 02:42 AM
يا ستي زي ما قلت ليك كلو جائز في زمن العولمة والرضاعة الصناعية



بث غايتو ربنا يعين الاطفال ويهدي الامهات
اللهم امين



وموضوعك غاية في الروعة وتسلمي



تسلمي يا ستي على المرور
وزي ماقلتي ربنا يهدي الامهات

الملكة اسماء ( ام محمد )
15-07-2009, 02:49 AM
ديل أمهات شنو ديل؟ سبحان الله ... تعرفي يا ملكة لي قدام كده ح يجي جيل الشهرين ديل زاتن ما ح يرضعنها يعني فهم (يأكل نارو) ... الشكية لبأيدن قوية ..

والله يا اخي العزيز فعلا دا الشي الحاصل حولينا حاليا

وصراحة قصة الشهرين دي سمعتها وحضرت نقاش بخصوص الموضوع دا تخيل الكانت بتقود النقاش سيدة عندها اربع اولاد
وكلهم ماشاء الله بصحة جيدة
كل كلامها كان بدور حول محور ان الرضاعة بشتنة
فتخيل انها بدل تشكر ربها على ان اولادها سليمين وبصحة جيدة كانت بتوصي في وحدة والدة وبتقول ليها ( دام الله اداكم الحليب المجفف دا .. اقعن فيه يابتي والله لو كان زمنا في زي لبن البدرة دا والله ماكان بشتنا روحنا كدي)!!!!

لكن ياجماعة دي وصاية توصوها لامهات الجيل الجاي ؟!!!!

والمصيبة ان معظم امهات الجيل الجديد ( متعلمات) ويبدو ان التعليم ماجاب معاهم فايدة


ومانقول غير ربنا يعين الاطفال

عثمان جلالة
15-07-2009, 02:49 AM
ديل نسوان وين يااا ملكة :confused::eek:

علي الطلاااااااق نحنا عندنا الشافع يرضع لحدي ما يفوت الــ سنتين ذاااااااتو

والله يااااااا الملكة عندنا شفع من كبرهم ... بعد الشافع إشبع تب من شطر أمو

بقول .. الحمد لله :p;)

نسوان آخر زمن :mad::cool:

عبدالله الصديق
15-07-2009, 02:57 AM
عندنا شافع في عترة برضع وعمره فوق الثلاث سنوات ومرة كان برضع في امه جات واحه دايره امه ,ترك الشطر وقال ليها امشي شوفي ليك شغله امي ما فاضيه

سيد البلد
15-07-2009, 03:03 AM
ديل نسوان وين يااا ملكة :confused::eek:

علي الطلاااااااق نحنا عندنا الشافع يرضع لحدي ما يفوت الــ سنتين ذاااااااتو

والله يااااااا الملكة عندنا شفع من كبرهم ... بعد الشافع إشبع تب من شطر أمو

بقول .. الحمد لله :p;)

نسوان آخر زمن :mad::cool:

ياااااااااااااااااااااااااا راااااااااااااجل ؟

عوض الكريم الخواض
15-07-2009, 03:04 AM
ديل نسوان وين يااا ملكة :confused::eek:


والله يااااااا الملكة عندنا شفع من كبرهم ... بعد الشافع إشبع تب من شطر أمو

بقول .. الحمد لله :p;)

نسوان آخر زمن :mad::cool:

هاهاهاهاهاااااااااااااي ...
والله يا جلالة حلوة وملعوبة ...
قلت معاها (تريعة ) والحمد لله ... :d :d

سيد البلد
15-07-2009, 03:07 AM
والله يااااااا الملكة عندنا شفع من كبرهم ... بعد الشافع إشبع تب من شطر أمو

بقول .. الحمد لله :p;)



هو الربايه دي دق في الراس بس ؟
والله كلامك في محلو تمااااااااااااماً
لازمن الرضاعه تكون مشبعة " تب " على قولتك
ومن حمد الله الله ما خلا حاجه ...

سيد البلد
15-07-2009, 03:08 AM
عندنا شافع في عترة برضع وعمره فوق الثلاث سنوات ومرة كان برضع في امه جات واحه دايره امه ,ترك الشطر وقال ليها امشي شوفي ليك شغله امي ما فاضيه



قلت لي الشافع شدة ما كبير وواعي لمن بعرف ينهر ؟

الملكة اسماء ( ام محمد )
15-07-2009, 03:11 AM
:rolleyes::rolleyes::rolleyes:


شنو يا ابو منة

رايك شنو في الكلام دا
والا لسه بتفكر في الاجابة :)

الملكة اسماء ( ام محمد )
15-07-2009, 03:18 AM
ديل نسوان وين يااا ملكة :confused::eek:
نسوان الجيل الجديد
غايتو جيل السنة الفاتت :p

علي الطلاااااااق نحنا عندنا الشافع يرضع لحدي ما يفوت الــ سنتين ذاااااااتو

بدون تحلف طلاق مصدقاك
لاني شفت
وعاااادي جدا ممكن الام تكون فعلا لسه عندها البكفي الطفل

لكن برضو ( لما يزيد عن الحد) برهق الام في المقام الاول



والله يااااااا الملكة عندنا شفع من كبرهم ... بعد الشافع إشبع تب من شطر أمو

بقول .. الحمد لله :p;)

ماللدرجة دي يا صديق ياااخ
لانه زي ماقلت ليك ممكن يبقى موضوع مرهق للام اولا وعلى حساب صحتها

نسوان آخر زمن :mad::cool:

والله فعلا هم نسوان اخر زمن بما اننا ابتدينا فعلا نشوف علامات اخر الزمن


مشكور على المرور ياسيدي

الملكة اسماء ( ام محمد )
15-07-2009, 03:25 AM
عندنا شافع في عترة برضع وعمره فوق الثلاث سنوات ومرة كان برضع في امه جات واحه دايره امه ,ترك الشطر وقال ليها امشي شوفي ليك شغله امي ما فاضيه

والله العظيم بصدقك

المشكلة كمان ان في امهات غاويات ( بشتنة ) فعلا

وتنظيم الرضاعة واقاتها بدل على مقدرة المراءة زاتها على ترتيب اولوياتها في البيت

واكيد ممكن جدا تحافظ على شكلها وفي نفس الوقت تدي الطفل الحق الكفله ليه الدين والحياة

الملكة اسماء ( ام محمد )
15-07-2009, 03:27 AM
ياااااااااااااااااااااااااا راااااااااااااجل ؟


معذور اخي العزيز اذا كنت لسه ما شفت اطفال من النوعية دي
لكن صدقني على نفس الصعيد في اطفال ما حصل رضعوا من امهاتهم نهائي

الملكة اسماء ( ام محمد )
15-07-2009, 03:30 AM
... :d :d

حباب الغايب الحاضر

افتكرت الخال العزيز هسي ح يحكي لينا عن امهاتنا زمان زمن الوحدة بتاكل وتشرب لو ماعندها نفس للاكل عشان طفلها يطلع سليم البنية والعقل


لاجد يا ابو كريم
كونك اب لطفل ولو ربنا اراد تعيش وتحضر اولاد اولادك

رائيك شنو في الموضة الجديدة بتاعت ( لا للبشتنة دي ؟)

الملكة اسماء ( ام محمد )
15-07-2009, 03:43 AM
هو الربايه دي دق في الراس بس ؟
جابت ليها دق روسين كمان ؟
ديل يبقوا امهات اسم مش متخلفات وبس
والله كلامك في محلو تمااااااااااااماً
لازمن الرضاعه تكون مشبعة " تب " على قولتك
واكيد لازم الام تكون عارفة تنظم مواعيد ارضاع الطفل لان عدم تنظيم الفترات برضو مضر للطفل والام
ومن حمد الله الله ما خلا حاجه ...



واكيد الاطفال نعمة تستحق الحمد
وصدقني في حالات الام بتكون متمنية ترضع طفلها لكن يحول مرض او علاج بتتعاطاه الام دون ان تنعم باحساس الامومة البيزداد مع اقتراب الطفل لحضن امه ويعطيه احساس الانتماء والامان

عباس الدسيس
15-07-2009, 03:48 AM
انشاءالله اسمعوا كلامك ده... احنا غايتوا وصلنا مرحلة نبض السكون اي والله

الملكة اسماء ( ام محمد )
15-07-2009, 03:54 AM
قلت لي الشافع شدة ما كبير وواعي لمن بعرف ينهر ؟



شفت كيف ؟
امهات امهات
وامهات ... اصلا مبشتنات

نبض المشاعر رووونة
15-07-2009, 04:34 AM
تسلمي على موضوعك
اصلا اي مرة تفكيرها كدا يدل على تخلفها العقلي يعني الرشاقة ما بتحلى الا لو حرمت ولدا من الرضاعة؟؟؟ كلام عجيب لكن
وكان على البشتنة اصلم مبشتنات
تقبلي مروري

الملكة اسماء ( ام محمد )
15-07-2009, 04:41 AM
انشاءالله اسمعوا كلامك ده...

مرات بفتكر ان الرجال ليهم يد في الموضوع دا والاحساس البجي للمراءة بانها ممكن ( تتبشتن)لو رضعت الطفل
لان في نوع من الرجال بنسى تماما ان المراءة ضروري يتغير شكلها بعد الولادة والرضاعة ونجده يلقي اللوم عليها لو احس بانها ابتدا منظرها يتغير .. رغم انه شي طبيعي بعد الزواج
احنا غايتوا وصلنا مرحلة نبض السكون اي والله

:p:p:p
والله مرحلة نهير الناس والحمد لله دي مرحلة تكاد تكون انتهت حاليا
بسبب ميل كل الامهات للتقليد ومتابعة الموضة والمظهر العام

ايمن عبد الله
15-07-2009, 06:11 AM
تحياتي ملكة
ومشكورة على الطرح
لكن اعتقد ان الكلام ده في السودان ما كثير ويكاد ينعدم
ديل النسوان الغربيات عشان الواحدة تحافظ على شكلها تحرم طفلها
لكن عندنا في السودان الاب بكون موجود ومراقب وما اظنه ح يسكت على هكذا كلام فاضي


ولكي التحية من قبل ومن بعد ..

ام قبس
15-07-2009, 06:45 AM
الملكة الملكة
اولا اسمحي لي ارد رد صغير علي الاخ ايمن ( تصدق يا اخ ايمن ابدا..... الغربيات واتحدث عن الاوروبيات بي صورة خاصة حاليا اتجهوا للرضاعة الطبيعيه رغم ان سستم حياتهم مختلف تماما عننا وبقصد ماعندهم وقت فراق زينا لكن الواحدة مجرد ماتوضع في قانون بلزمها تقعد سنه كامله من غير عمل وتسمي ( mama ledig) اي اجازة الامومه ودي اجباري يعاقب عليها القانون لو اشتغلت في الفترة دي
بس كمان يعطوها فلوس كتيرة جدا كل شهر وهي جالسة في بيتها كانها ماسكة ولد الجيران ماولدها
ولو شافونا نحنا الاجانب بنرضع طفلنا بيظهروا اعجابهم بي كل صراحة وبي عبارات لطيفة تشجيعيه ولي رجعة في الموضوع دا في البوست بتاعي انهم لايكذبون ))
اما ياملكة بخصوص امهات الزمن دا بالذات السودانيات قايمين فيها بالاشتر في كل شيء
والناس بتمشي لي قدام ونحنا راجعيين لي ورة
والله احكي ليك موقف حصل لي انا عندي طفل هسع عمرة شهرين وكنت بحس بي صداع شديد في فترة الحمل فرفضوا يعملوا لي اشعة عشان الجنين مايتأثر
بعض الوضوع رسلوا لي عشان اجي اعمل الاشعة اختك مشت وبعد اخذ التحاليل والذي منه وضعونا علي الطاوله عشان يدخلوني الفرن اقصد الاشعة وخطر في دقيقه علي بالي سوعال قلت للدكتورة انا برضع طفلي الاشعة دي مابتأثر علي الحليب
قالت لي شيء بسيط قلت ليها بي نسبه كم في الميه راحت فتحت الكمبيوتر وفحصت ومحصت جاتني قالت لي بي نسبة 1% تيتريب قمت من تريبزة الفرن وقلت ليها لا معليش وسوري وقدر ماتدخلوا الاجاويد ابيت كله كله وبقيت ليك متخلفة رسمي وشعبي في النهايه اقتنعوا بي راي انك ممكن تعمليها بعد توقفي الرضاعة او تمشي البيت تسحبي لبن وتوفريه للطفل قلت ليهم بي قلبي(( ولدي بحبه طازج)) وانت عندك القرار
والحمد لله كان قراري سليم ميه في المية بعد استشارة اكتر من طبيب
تقولي لي شكل ويحزنون دا تخلف دا مش رقي

ايمن عبد الله
15-07-2009, 07:42 AM
مشكورة جداً أم قبس وربنا يخلي ليك اولادك يارب ..

الملكة اسماء ( ام محمد )
15-07-2009, 07:43 AM
تسلمي على موضوعك
الله يسلمك ان شاء الله
اصلا اي مرة تفكيرها كدا يدل على تخلفها العقلي يعني الرشاقة ما بتحلى الا لو حرمت ولدا من الرضاعة؟؟؟

المضحك انها مجرد ما ولدت ( يعني فترة حملت طفل في بطنها) تلقائيا ببتدي يحصل تغير في شكل جسمها ولو بنسبة قليلة , فما ح تضرها الرضاعة قدر الضرر الممكن يسببه حمل لجسم كان بختلف تماما عنه بعد الولادة
فمن باب اولى تتم جميلها وتعطي طفلها حقه كامل
كلام عجيب لكن
وكان على البشتنة اصلم مبشتنات

الغريبة المراءة البتفكر كدا غالبا بتكون فعلا (مبشتنة)
تقبلي مروري
عاطر التحايا لك اختي الغالية وانتي تتحفينا بمرورك الانيق الذي يدل على عضوية فعالة باذن الله :)

الملكة اسماء ( ام محمد )
15-07-2009, 08:00 AM
تحياتي ملكة
ومشكورة على الطرح
العفو يا ايمن ...
لكن اعتقد ان الكلام ده في السودان ما كثير ويكاد ينعدم
ديل النسوان الغربيات عشان الواحدة تحافظ على شكلها تحرم طفلها

وتصدق ان القصة دي عندنا منتشرة بين السودانيات بكمية خيالية
اي نعم ممكن تكون في السودان مابمعدل انتشارها بين النسوان المغتربات, وصدقني النسوان في السودان لو اتوفر ليهم الحليب الصناعي باسعار مناسبة ح يعملوا زي النسوان البرا السودان وح تبقى موضة على نطاق عالمي
لكن عندنا في السودان الاب بكون موجود ومراقب وما اظنه ح يسكت على هكذا كلام فاضي

طيب دا بالنسبة للاسرة الفيها الاب موجود ,كيف حال نسوان المغتربين ؟ الي هم فعلا متوفرة ليهم اسعار الحليب, ما اعتقد ان للرجل يد في موضوع الرضاعة يعني ما دايما بقدر يحكم على المراءة ترضع رضاعة كاملة سواء كان موجود او غائب

ولكي التحية من قبل ومن بعد ..

اشكرك اخي الفاضل على هذه المداخلة التي تفتح افق اخرى للنقاش
ودمت

ايمن عبد الله
15-07-2009, 09:50 AM
اشكرك اخي الفاضل على هذه المداخلة التي تفتح افق اخرى للنقاش
ودمت





مشكورة مرة اخرى يا ملكة الروعة

محمد حسين (المميز)
15-07-2009, 11:44 AM
شنو يا ابو منة

رايك شنو في الكلام دا
والا لسه بتفكر في الاجابة :)


والله يا ملكه ماتفكير ولا حاجه

لكن:confused:

تعرفي البشتنه ما من الرضاعه

ياااااااااااااااما في نسوان مبشتنات وكمان بنات مش نسوان:mad:

مبشتنات روحهم براااااااهم لا رضاعه لاغيره

السبب شنو؟:rolleyes:

السبب انه مابيهتمن بنفسهن

وكمان في نسوان ماشاءالله

الواحده تشوفها ماشاءالله تقول عروس

لا باين عليها ولاده ولا رضاعه وهي

تلقى عندها بدل الشافع خمسه وسته:rolleyes:

رشيقه وجميله واستايل كمان



الله يخلي لي ام منه:D

الملكة اسماء ( ام محمد )
16-07-2009, 12:39 AM
الملكة الملكة
اولا اسمحي لي ارد رد صغير علي الاخ ايمن ( تصدق يا اخ ايمن ابدا..... الغربيات واتحدث عن الاوروبيات بي صورة خاصة حاليا اتجهوا للرضاعة الطبيعيه رغم ان سستم حياتهم مختلف تماما عننا وبقصد ماعندهم وقت فراق زينا لكن الواحدة مجرد ماتوضع في قانون بلزمها تقعد سنه كامله من غير عمل وتسمي ( mama ledig) اي اجازة الامومه ودي اجباري يعاقب عليها القانون لو اشتغلت في الفترة دي

ودي حقيقة معروفة حتى عند الناس الماسافروا للدول الغربية ,لان الغرب يكاد يكون متحضر اكثر منا بملايين المرات فيما يخص التربية الصحيحة


اما ياملكة بخصوص امهات الزمن دا بالذات السودانيات قايمين فيها بالاشتر في كل شيء

وماسكين العصايا من الطرف , ودي مشكلتنا في اختيار الاجزاء الفعالة او المفيدة من حضارة الاخرين


قالت لي شيء بسيط قلت ليها بي نسبه كم في الميه راحت فتحت الكمبيوتر وفحصت ومحصت جاتني قالت لي بي نسبة 1%
وحقيقة الاشعة عموما رغم اهميتها وحاجتنا لها.. لها اضرار تكاد تكون مؤذية احيانا

او تمشي البيت تسحبي لبن وتوفريه للطفل قلت ليهم بي قلبي(( ولدي بحبه طازج))

بالنسبة لكلامك دا , احب اذكر ان في نسوان بعد الولادة بتواجهم مشكلة صحية او تواجه الطفل مشكلة تخلي الام مضطرة تسحب لبن في قارورة الرضاعة الخاصة لتغذية الطفل. و الضرر النفسي المصاحب لهذه العملية (شطف الحليب) بالنسبة للام لاتقدر ,فهي تجعل من ارتباط العاطفة بين الام والطفل صعبا لفترة قد تؤدي لاكتئاب الام العندها رغبة فعلا ترضع طفلها مباشرة ,فلو الامهات الطالعين في موضة الشهرين ديل حسوا بقيمة الرضاعة عند العندهم مشكلة فيها كانوا حمدوا الله حمدا كثيرا

دا تخلف دا مش رقي
ولا ليه علاقة بالرقي اصلا
لان ماكل العادات الدخيلة تعتبر مفيدة او تخدم غرض اجتماعي متطور


همسة : ربنا يبارك في عمرك ويبارك ليه في اولادك ويرزقك واياهم خير الدنيا والاخرة ,ويكفيكم شر العين

عوض صقير
16-07-2009, 01:27 AM
الأخت ملكة القلوب لم نسمع بهذه الظاهرة ولا من قريب أو بعيد

الرضاعة الطبيعية من المعلوم بأن لها فوائد كثيرة جداً للطفل الرضيع وكما فوائد الرضاعة تمتد إلى الأم أيضاً كما هو موضح أدناه :

١- سرطانات الثدي والمبيض والرحم.
أثبتت كثير من الأبحاث أن الرضاعةتلعب دورًا وقائيًا للحماية من عدد من السرطانات التي تفتك بعدد كبير من النساء،
٢- تسوس العظام.
أشارت الدراسات إلى وجود ارتباط وثيق بين عدم الإرضاع وتزايد الإصابة بمرض تسوس (نخر) العظام.

٣- مرض سكري البول.
قام باحثون من جامعة هارفارد ومستشفى النساء في بوسطن، بفحص تأثير مدة
الإرضاع على الإصابة بمرض السكري، في عينة شملت قرابة ٨٣ ألف امرأة. وتوصلت
الدراسة أن زيادة مدة الإرضاع تؤدي إلى نقصان احتمال الإصابة بمرض السكري لدى النساء
.( في مقتبل العمر، والسبب لا يزال موضع دراسة

٤- إنقباض الرحم.
يساعد الأرضاع على إنقباض رحم المرضع وعودته إلى حجمه الطبيعي بعد الولادة،
أما غير المرضعات فلا يعود الرحم إلى حجمه الطبيعي

٥- الرضاعة ورشاقة الامهات.
تساعد عملية الإرضاع على إذابة الشحوم التي كانت قد تجمعت في جسم المرأة أثناءالحمل

٦- الرضاعة والصحة النفسية للأمهات.
تساعد عملية الإرضاع على تمتين الروابط العاطفية بين الأم ووليدها كما تمنح الأم
حالة من الرضى والاكتفاء العاطفي والنفسي، وهو أمرٌ في غاية الأهمية

٧- الرضاعة ومنع الحمل.
يمنع الإرضاع حصول الحمل عند المرضعات بنسبة تصل إلى ٩٨ %، خلال الأشهر
الستة الأولى، ودون الحاجة إلى تناول موانع الحمل.

الملكة اسماء ( ام محمد )
16-07-2009, 03:35 AM
مشكورة مرة اخرى يا ملكة الروعة

الشكر ليك انت ايضا اخي ايمن على النقاش المثمر

الملكة اسماء ( ام محمد )
16-07-2009, 03:43 AM
تعرفي البشتنه ما من الرضاعه


يااااااما في نسوان مبشتنات وكمان بنات مش نسوان:mad:
دا شي اكيد ولا يقتصر على جانب بحد ذاته
لان ترتيب المراءة لامورها عموما على كل النطاقات يدل على شخصيتها
ونستغرب من البنات الاصلا ما اتزوجن ولاولدن ومع كدا تبدو الواحدة في الشكل والمظهر كانها انجبت عشرة اطفال( وهنا تحديد بقصد البدانة المفرطة) ودا سببه عادة تغذية عشوائية وقلة ممارسة التمارين الممكن تحافظ على شكل الجسم وتنسيقه



السبب انه مابيهتمن بنفسهن
وهنا فعلا انت جاوبت اسئلتك


وكمان في نسوان ماشاءالله


الواحده تشوفها ماشاءالله تقول عروس


لا باين عليها ولاده ولا رضاعه وهي


تلقى عندها بدل الشافع خمسه وسته:rolleyes:


رشيقه وجميله واستايل كمان

والامثلة كثيرة حولينا في المجتمع
والله في امهات تلقى الوحدة جمب بتها تفتكر البنت هي الام !!! ودا ممكن يكون ليه عدة اسباب





الله يخلي لي ام منه:d


ويخلي ليكم منة ويبارك ليكم في بعض

مشكور اخي محمد على هذه المداخلة القيمة

يوسف كيكل
16-07-2009, 04:09 AM
موضوعك جيد جدا بس لسه السودان بخيرو الحمدلله المشكله في الولاده قبل الطفل اكمل رضاعتو

ايمن عبد الله
16-07-2009, 04:57 AM
موضوعك جيد جدا بس لسه السودان بخيرو الحمدلله المشكله في الولاده قبل الطفل اكمل رضاعتو

ده برضو يا ملكة موضوع تاني .. لاني لاحظت ان كثير من الاسر ما عندهم تنظيم يعني تلقي المرة .. حامل وبترضع وكارا ليها طفل تاني عمره ثلاثة سنة مثلاً .. وهي دي المشكلة الحقيقية ..

ميادة
16-07-2009, 05:07 AM
ده برضو يا ملكة موضوع تاني .. لاني لاحظت ان كثير من الاسر ما عندهم تنظيم يعني تلقي المرة .. حامل وبترضع وكارا ليها طفل تاني عمره ثلاثة سنة مثلاً .. وهي دي المشكلة الحقيقية ..


فعلا وده حاصل كتير جدا موش بي اعداد قليله

واسي عندنا وحده كده جارتنا بتها عمرها تقريبا 8 شهور وحملت بالتاني

ولحد ما تولد بتها هتكون عمرها سنة وشهرين

يعني اسي هتكون ظلمت البت الاولى

لكن طبعا ده الشي ربنا ارادو وما بنقدر نتكلم

الملكة اسماء ( ام محمد )
16-07-2009, 05:08 AM
<!-- google_ad_section_start -->توصلت بحوث علمية نشرت في أمريكا وكندا وأوروبا إلى أن الرضاعة الطبيعية تقلل من :

حدوث أو شدة الإصابة بالإسهال
وتجرثم الجهاز التنفسي السفلي
والأذن الوسطى
وجرثمة الدم بالبكتيريا
والتهاب السحايا البكتيري
والتسمم الغذائي
والتهاب الجهاز البولي الجرثومي،
والإصابات المعوية.

كما أظهر عدد من الدراسات العلمية التي تناولت الرضاعة الطبيعية احتمال الوقاية من متلازمة الموت المفاجئ sudden death syndrome ، ومن داء السكري المعتمد على الأنسولين الذي يصيب الأطفال، وأمراض الحساسية ، والتهابات الجهاز الهضمي المزمنة crohns disease, ulcerative colitis lymphoma.

الملكة اسماء ( ام محمد )
16-07-2009, 05:26 AM
الأخت ملكة القلوب لم نسمع بهذه الظاهرة ولا من قريب أو بعيد


قد تكون فعلا لم تسمع بها بعد, لكن صدقني موجودة وبكميات باصبحت ظاهرة للعيان

الرضاعة الطبيعية من المعلوم بأن لها فوائد كثيرة جداً للطفل الرضيع وكما فوائد الرضاعة تمتد إلى الأم أيضاً كما هو موضح أدناه....وايضا

نصائح عامة

· الرضاعةالطبيعية تقوي العلاقة بين الام والمولود

· يجب عدم إعطاء الطفل أية سوائل خارجية بعد الولادة مثل : الماء ، الجلوكوز ، الشاي ، النعناع ، وغيره .. ؛ فهذا يعرضه للعدوى ، ويجعله يشعر بالشبع فلا يرضع من الأم ، وبالتالي يقل إدراراللبن

· لبن الأم وحده كافي للطفل حتى عمر 6 شهور تقريباً.

· يبدأ إضافة الوجبات الخارجية بعد عمر 6 شهور تقريباً مع الاستمرار في الرضاعة الطبيعية حتى عمر سنتين أو أكثر .

· الرضاعة من الزجاجة – حتى لو كانت مرة واحدة- تجعل الطفل يكره الرضاعة الطبيعية

· الرضاعة الصناعية تجعل الطفل عرضة للإصابة بالأمراض المعدية .

· الرضاعة الصناعية تكلف الكثير من الجهد والمال .

· فصل الطفل عن أمه أثناء النوم ، وعدم إرضاعه ليلاً يقلل إدرار اللبن


ودون الحاجة إلى تناول موانع الحمل.

وفعلا تعتبر الرضاعة الطبيعية منظم حمل طبيعي

دمت اخي العزيز بكل الود
وشكرا للمعلومات القيمة

الملكة اسماء ( ام محمد )
16-07-2009, 10:38 AM
موضوعك جيد جدا بس لسه السودان بخيرو الحمدلله المشكله في الولاده قبل الطفل اكمل رضاعتو



ومن باب اول هي قدرة الله حين يقل له كن .. فيكون
وممكن يكون ناتج من عدم وعي كاف من الامهات بضرورة اعطاء كل طفل حقه في الرعاية والاهتمام من باب ثاني

ومع الاسف في امهات بتعمدوا الولادات ( المتقاربة ) بفهم ان الاطفال المتقاربين في العمر ممكن يكونوا متفاهمين اكتر من الاطفال البيناتهم اكتر من تلات سنوات او اكثر!!!!

ودا ما فهم لو نظرنا لجانب الضرر البنسببوا لطفل لم ياخذ كفايته من الرضاعة الطبيعية التي تعطيه مناعة ضد الامراض وقيم غذائية عالية لا تكفلها الالبان الصناعية


اشكرك كثيرا اخي لفتح هذا المحور الهام في النقاش
ودمت بالف خير

الملكة اسماء ( ام محمد )
17-07-2009, 07:44 AM
ده برضو يا ملكة موضوع تاني .. لاني لاحظت ان كثير من الاسر ما عندهم تنظيم يعني تلقي المرة .. حامل وبترضع وكارا ليها طفل تاني عمره ثلاثة سنة مثلاً .. وهي دي المشكلة الحقيقية ..

والمؤسف فعلا ان الام المرهقة بمتابعة الاطفال في عمر صغير ومتقارب بتكون مظلومة فعلا وصعب جدا تدي كل طفل حقه من الرعاية والاهتمام

والولادة طبعا حاجة بيد رب العالمين ...

وزي ما قلت هي حاجة منتشرة بشكل خيالي في المجتمع العربي خاصة , لكن من الملاحظ انها ابتدت تقل مع استخدام وسائل التنظيم المختلفة


ولاحظ ان البترضع وهي حامل حالة غريبة وفي عليها تسائلات لقيت فيها مقالة : اترككم معها


تعتبر الرضاعة الطبيعية هى افضل هدية تعطيها الام لوليدها حتى تكسبه مناعة طبيعية وتساعده على النمو بصورة صحيحة، ولكن هناك بعض الأمهات يقلقن من الرضاعة إذا ما اكتشفن أنهن حوامل ويتوقفن عن إرضاع أطفالهن فوراً، والسبب فى ذلك هو خشية الأم من عدم تليبة حاجات الجنين الذى تحمله.

وفى هذا الموضوع يقول د. وائل لطفى مدرس طب الأطفال بجامعة عين شمس أن هذا الاعتقاد غير صحيح فالدراسات أثبتت انه لا خطورة على الأم او الجنين من إرضاعها لطفلها، بل من المستحسن إكمال الرضاعة وعدم فطام الطفل لأن هذا الأمر له تأثيراً مباشراً على نموه بصورة طبيعية، وسوف يعانى الطفل فى حالة فطامه من انخفاض شديد فى معدل النمو، ويجب على الأم التوجه لإلى الطبيب إذا لاحظت أن معدل اللبن لديها فى انخفاض خاصة بعد الشهر الرابع وقتها ينصح بفطام الطفل بعد الشهر السابع من الحمل بالتدريج لكى لا يحدث له أية اضرار صحية ونفسية.

عمر حبيبي
18-07-2009, 10:57 PM
: وكمان عملو ليهم ساعة رضاعة :
يعني الأم تخلي جناها 4 ساعات وهو في أشد الحوجة للرضاعة وترجع تديه ساعة وتغيب برضو ثلاثة ساعات أخرى ... عشان هي شغالة و ما فاضية ...
وعلما أن الشافع في العمر ده هو يحتاج لإكتساب المناعة التي تفضل معه حتى آخر العمر ... ولا تأتي أبدا بشرب الماء من شهر أو شهرين ... ولا (بالتلحيث )... لأن الاربع الشهور الأولى للرضاعة هي الأهم تماما للطفل .. وقد أجريت دراسة لأطفال لم يكملوا رضاعتهم .. وآخرون أكملوها ... فوجدوا ان الأوائل معرضون للإصابة بالفايروسات والأمراض بنسبة 98 % ...
وايضا للرضاعة الطبيعية فوائد أخرى كما ذكر بعض الأخوة :

- يحمي الإرضاع من كثير من الالتهابات الرحمية بعد الولادة.
- يجنب خسارة الدم الزائدة المرافقة للولادة، حيث يساعد الإرضاع في توقف النزيف الناجم عن الولادة.
- يساهم في عودة الرحم إلى حجمه الطبيعي ومكانه الطبيعي بسرعة بعد الولادة.
- يمنع حصول الحمل عند المرضع بنسبة تزيد على (98%)، دون تناول مانعات الحمل.
- ودراسات كثيرة أكَّدت أن الإرضاع يقي من حدوث سرطان الثدي، وكذلك سرطان الرحم عند الأم المرضع.

أما بالنسبة للوليد:
فإن حليب الأم يحميه من الإصابة بالالتهابات الجرثومية، وذلك بما يحويه من عوامل مناعية، ويحميه أيضًا من الإصابة بالحساسية الغذائية؛ وذلك نتيجة لخلوه من البروتين المسبب لهذا النوع من الحساسية والموجود عادة في الحليب المصنع والمستخرج من حليب الأبقار، ودراسات عديدة بينت أن حليب الأم يمنع نقص الكلس في دم الوليد، فيساعده على بناء عظام متينة، و أن الطفل الرضيع من حليب أمه قليل الإصابة بالسمنة ونادر التعرض للاضطرابات النفسية، وأن نمو فكيه وأسنانه يكون سويًّا خاليًّا من التشوهات.

وهناك أيضًا فوائد نفسية روحية للإرضاع: فهو يساهم في بناء نفس سوية سليمة ومطمئنة عند الوليد، ويقوي الصلات الروحية والوشائج العاطفية بين الأم وبينه، ويشعر المرأة بأنوثتها وبوجودها كأم تؤدي دورها الطبيعي والفطري في هذه الحياة.

لكن هذه المعاني النفسية والروحية لا تتحقق إلا بشرطين، أن تكون عند الأم الرغبة الذاتية بالإرضاع، وأن تكون أثناء الرضعة حاضرة القلب، هادئة النفس، غير شاردة ولا متوترة.


وهناك أيضًا فوائد عملية للرضاعة من الثدي: فالحليب دومًا جاهز، دائمًا بحرارة ثابتة وملائمة، طاهر ومعقم، سهل الهضم، أسهل علي المرأة أثناء السفر والترحال، اقتصادي في المال والوقت.

لا بد أن تعلم الأم أنه ليس هناك وضعية مثالية للإرضاع، فلترضعه جالسة أو مضطجعة، بشرط وحيد هو أن تكون هي وهو في وضع مريح.( يعني ما تكون قاعدة ترضع وبالها في حنتها ولا في حلتها ) أما عدد الرضعات فلا عدد لها، وتكون بحسب طلبه، خاصة خلال الشهر الأول من عمره، فيعطى الثدي عند بكائه

وفي التفاضل بين اللبن الإصطناعي ولبن الأم :

وتقول الأستاذة ( لورنس ) : " على الرغم من أن العلوم الطبية قد خطت خطوات عظيمة في مجال التغذية إلا أنها لم تستطع أن تقلد إلا جزءا بسيطا من لبن الأم . فهناك أكثر من مئة أنزيم ( خميرة ) في لبن الأم ، كلها غير موجودة في الحليب الاصطناعي .
إن لبن الأم يحتوي على حماية مناعية خاصة ، وحماية ضد الإنتان غير متوفرة في أي نوع آخر من الغذاء " .

وتختم هذه الأستاذة مقالها بالقول : " ليس هناك على وجه الأرض محلول بيولوجي يستطيع أن يغني تماما عن لبن الأم ، ويقوم بتأمين الخلايا الحية والإنزيمات الفعالة ، والحماية المناعية ضد الالتهابات ، والفوائد النفسية " .

وأن الأمراض التي باتت متفشية الآن كسرطان الثدي هي أتت للآتي :
من المحتمل كثيرا أن النساء يعاملن الثدي معاملة غير طبيعية ويخالفن الوظيفة الطبيعية للثدي ، ألا وهي الرضاعة . فإن النساء – يحرمن أثداءهن من وظيفتها الرئيسة ( وهي الرضاعة ) – إنما يدفعن ثمنا باهظا بالأمراض التي يكسبنها من وراء ذلك . وأن الإرضاع الطبيعي هو أهم وسيلة لتنظيم النسل حول العالم كله ، حيث ينقطع الطمث عند معظم النساء اللواتي يرضعن أطفالهن . ومن المعروف أن لسرطان الرحم علاقة وثيقة بسرطان الثدي . وربما كانت دورات الطمث التي تراها المرأة في حياتها ( وتبلغ 450 دورة ) تلعب دورا يؤثر في الرحم . ففي كل شهر يتعرض الثديان والرحم والمبايض لتغيرات فيزيولوجية وتشريحية .. وتكون هذه الأجهزة جاهزة لحدوث تلقيح للبيضة وتشكل الجنين .

وأن لبن الأم هو الرابط بين الأم وجنينها ... و هو رابط بين الوليد وبقية الأسرة ... وهنا ( كانت صلة الرحم ) وإلا لما كان من يرضع معه يصير أخا له في الرضاعة ...
و عدم الإرضاع يؤدي إلى تفكك الأسرة ... وهذا ما نراه في المجتمعات الغربية .. وأن أمراض سرطان الثدي أيضا متفشية بكثرة في الأوساط الغربية ... لأن المرأة فقط تريد المحافظة على رشاقتها ... وبدون ( بشتنة )

الملكة اسماء ( ام محمد )
19-07-2009, 03:26 AM
واسي عندنا وحده كده جارتنا بتها عمرها تقريبا 8 شهور وحملت بالتاني


ولحد ما تولد بتها هتكون عمرها سنة وشهرين


يعني اسي هتكون ظلمت البت الاولى



لكن طبعا ده الشي ربنا ارادو وما بنقدر نتكلم


اجي لي اخر جملة واقول ليك معلومة
للاسف في نوع من النساء شغالين بقاعدة ( تثبيت الراجل وضمانه باكبر عدد من الاطفال !!!)
ودا مفهوم قائم على تعجيز الزوج من التفكير في زوجة تانية ولدية عدد غير قليل من الاطفال

المشكلة فعلا اصبح من الممكن جدا التحكم فيها باستخدام وسائل التنظيم المختلفة ( ولا شك ان ارادت ربنا سبحانه وتعال قبل كل شي )
لكن يظل جهل الامهات وعدم وعيهم التام احيانا سبب في ظلم غير متعمد