تتذكرو اول مره تشيلو موبايل حصل شنو

[محمد السر]

كدي كل واحد ولا واحده تعبر لينا عن اليوم الاول لامتلاك الموبايل

[سودانية وافتخر]

ههههههههههههههههه رجعتني بذاكرة كتيير اول يوم اشيل فيهو موبايل كان اسعععد ايام عمري..كدي قولينا انت كيف كان يومك؟يسلموو

[انوريكا]

انا والله ما متذكـــر أول مرة شلت فيها موبايل متين .
لكـــن لما أتذكـــر بجيــك راجع .

مشكـــور عــلي الموضوع وتقبل مروري

[نبض المشاعر رووونة]

هههههههههههههههه
والله لمن شلت الموبايل اول مرة كان فرح ما عادي

[littlestar]

بس عشان ما يتلخبت علينا الإختساس
إنت قاصد أول مره تشيل ولآ تملك فيها موبايل؟؟
عشان كل واحده حكايتا براها :rolleyes::rolleyes::p

[littlestar]

طيب عشان ما نطش شدييييييييد
نجى للإمتلاك والتمليك
والموبايل المفروش بكل لوازمو وإكسسواراتو وعدتو

المهم أول مره أمتلك فيها موبايل
يمكن اول ماظهر
وإلآ إلآ عايزه موبايل
إن شاء الله اقع واطه وأتكسر حته حته (فيك يا الموبايل)
إن شاء الله أندفن حسى ده
المهم أنا دايره الشى الإسمو موبايل ده
ووصيت أبوى اول ما يجى من العمره
يجى شايلو
وما كنت متخيله إنو الشى ده لازمو أربعطاشر حمال
كويس إنو ما أخدو عليهو رسوم زيادة وزن
أو يمكن شالوها وأبوى كتما جواهو
وأنا عملتا ناااايمه
المهم ده شنو ده
قالو موبايل
قلبتو شمين
قلبتو يمال
كان أفهم شى
الأصوات الله لا وراك ليها
بس التقول قاعد بتسمع فى نغمات الشاحنات ف السوق الشعبى
بعد الشر عليكم "أوركسترا" حسب الله
ولا كيته ناس أبومزن فى إستقبال أبوعفان :cool:;):p:p
والنور الأصفر
ال تقول عيان باليرقان
و(أنتنه)
و...و....و
وحاجات كده حاميانى
بس خلوها بالنيه
وقادر الله
قالو موديلو "أريكسون"
المهم ف الأخير بقينا من أصحاب ملاك الموبايلات
الناس مفلوقه من الضحك فينى
قال كيف وكيف
أجيب الموبايل قبل الشريحه؟؟
قالو الناس اول بتضمن الشريحه
غايتو جنس حكم
حسى تلقاهم ف الأرض مفروشات
زى الجراد
أها
المهم جيت على مدنى
ويامدنى جاكى موبايل
آخر فشخره طبعن
الشنطه
بقى إلآ يشيلوها
إتنين
المافهمين الكيته بنقول ليهم لزوم حماية وكده ;):p
كلو هين
لكن إنك تشيل موبايل
ببلاويه وأذيتو دى كلها
وبلا شريحه
سمستر كاااااااااامل دى العوجه


نقطه تحت السطر:
يامدنيه طبعن الكلام ده على لسان واحده صبحتى ;):cool:
عشان ما تشيلو حثى ثاااااى :cool::cool: (وش زوله بريييييييئه لمن البراءه جات ناطه بهناك)

[مهيد ود السفاح]

اول مره اشيل موبايل ما كان حقي عشان كده اتكلمت ورجعته سريع , وبعدين اشتريت واحد ( الكاتل ) واول يوم ده الله لا وراك شحنتو مرتين , ها زول اخوك ما صعب تب في الحاجه اول يوم , طبيز شديد , اي مفتاح امكن ضغتو مية مره وشئ دخول وشئ اجي ادخل القى نفسي خرجته , المهم انو اليوم داك كرهت الموبايل اليوم الصنعوه فيه . عشان اليوم التاني اكون مفتح , ولا انت عايزين اكون شايلو وداقس ؟؟

[نزار الغرقان]

مره وانا شايل موبايل خشيت مستشفي مدني قسم الولاده مديت التذكره وانا بتكلم قام الحرس قال لي يعني عاوز توريني عندك موبايل.....؟ وتعال شوف اخووك انفصم لييك في الحرس ,,,انت ما بتعرفني !!! انا جراهام بيل ود خالتي وانا جدي كان شغال غفير في مايكروسوفت فرع كمبوديا وانا ابوي رسل ايميل سنه 79قال يسموني نزار بدلا من الطائف وانا العندي اربعه ايميلات كل واحد في مزود خدمه براهو و انا ......وانا ..وما انتبهت الا لي صوت اخوي بيقول لي (باسمه ) وضعت بالسلامه جابت ليها ولد...استغفر اللله الحماقه ابدا ما حبابا..