المساعد الشخصي الرقمي

مشاهدة النسخة كاملة : هل انت ابيض و اسود ولا رمادي


ام قبس
18-07-2009, 12:33 AM
طبعا ياخوانا العنوان عجيب حبتين
معروف عننا اننا الغالبيه لو ماكلنا سود
وفي ناس صفر او خاطف لونين لكن بيض دي ممممممممممممممممممممماظنيت
الا يكون في تهجين وكدا
علي العموم دا ماموضوعنا
رايكم شنو لو قلت ليكم ان ثلاثه ارباع السودانيين الرجال
اسود وابيض
كييييف
الرجال وركزوا معاي علي الرجال دي
بدل نقول سود وبيض
نقول اسود او ابيض
يعني حادين وصعبيين شديد في ارائهم وعلاقاتهم بي العالم مش العالم البراني حتي الجواني زاته
يعني الواحد وفي بعض الاحيان الواحدة ... لو حصل ليه موقف مع زول وماعجبه الحال خلاص بيقطعه معاه طوالي وتاني زي مابقولوا لو بقي قبلة وتموها انتوا ان شاء الله مويه
اهاااااااااااااا انت بينك وبين نفسك كدا ابيض واسود ولا رمادي
السودانيين بي طبعهم اتعرفوا بي الحديه في في ارائهم وتصرفاتهم يعني لايقبل وجهيين يعني لو انت سيء في شيء معين معاه انت خلاص مابتخارج معاه كله كله
ونلاحظ ان الرجال ماعندهم حاجة اسمها مرونه يعني يامعانا يا معي الخيانه
ولو الواحد لحق خت فيك راي يحلك الحله بله من القيد والذله (( هو بله الحلاه منو))
شوف الزول يقول ليك تعليق علي شخص مثلا تقول ليه فلان دا كيف يقول ليك خلينا منه دا مستهبل ساي
او يقول ليك دا فكاك
او دا برايه كبيرة
او اي من التعاليق البتوضح ليك انه شاميه شمت العدو وخلاص عمل كلوذ علي كله
وانحن شعب اكتر شي عرف فينا اننا ياسود يابيض علي قول عادل امام
ومافيش رمادي
لا والله في رمادي ورمادي داك كمان الذي الفول المدمس
يعني هو الرمادي دا لازم يكون ذي الرماد الكال حماد
(( هو حماد الرماد كاله كيف )) اكييد لقي ليه واحد سوداني كيله ليه
بالمناسبه انا معجبه جدا بي الاسود والابيض بتاعة رجالنا ومشجعه درجة اولي لي رماديه نسوانا بالذات البسووها مع رجالهم (يعني ازواجهم)
اها سوعال اخير علي قولتهم دقيقة بس مع نفسك انت اسود وابيض ولاااااااااااااااااااااااااااااااااااااااااااااااا اااا فول مدمس
عباس الدسيس
18-07-2009, 01:42 AM
ام قبس شكرا علي الموضوع الذيذ انتي زوله ظريفه بتقعدي الكلام زي حبوبتي صفيه الله ارحما... احنا مع تغيير الزمن والعولمه بقينا فول مدمس والفول المدمس عندوا ميزات كثيره انت زهجان ممكن تقعد تمزمز بالفول انت جيعان ومفلس ممكن تاكلوا مع العصير يعني تمشي حالك عشان كده تمشية الحال احسن من القطع ... بعدين تعرفي الحلا بله منو - حلا واحد من مرأة .... تعرفي الكال حماد منو - كالتوا مراة... عشان كده احسن معاكم الفول المدمس ...فتك بي عافيه
عوض الكريم الخواض
18-07-2009, 03:27 AM
يعني تمشي حالك عشان كده تمشية الحال احسن من القطع


أم قبس
موضوعك جميل ...
بس زحي لي من الزول دا ...
عليك يا عباس الدسيس ما تعمل لي وجع ضُرُس فى كراعى ...
جِنِّى وجِن تمشية الحال ...
يا أسود يا أبيض ...
تتذكر بتاع الأمن الفى البنطون القال ليك داير جالون جاز ... :cool::cool:
وأنت عارف أخوك من المتابعين لى قصصك ...


عليك الله غير كلمة ( مَشِّى ) دى ...
البشتن حال البلد شنو .
مع تحياتى لل GREY MAN;);)
عباس الدسيس
18-07-2009, 08:34 PM
ود الخواض لاكن بتاع الامن حق الحكومه مقدور عليهوا امن المنازل ديل بتاعين مشاكل كان بقيت ابيض ولا اسود معاهم واطاتك اصبحت بعد الرمادي ده احنا عاملين زياده بتاعت كب الزوقه معاها كذبات شويه كده لزوم الزوقان برضو الحال مره بقيف مع كل الحيل الموجوده... دائما سعيدين بمتابعتكم حبيبنا عوض الكريم.
عوض الكريم الخواض
18-07-2009, 11:21 PM
ود الخواض لاكن بتاع الامن حق الحكومه مقدور عليهوا امن المنازل ديل بتاعين مشاكل كان بقيت ابيض ولا اسود معاهم واطاتك اصبحت بعد الرمادي ده احنا عاملين زياده بتاعت كب الزوقه معاها كذبات شويه كده لزوم الزوقان برضو الحال مره بقيف مع كل الحيل الموجوده... دائما سعيدين بمتابعتكم حبيبنا عوض الكريم.

عباس الدسيس فى دى ...
عندك حق ...
أمن المنازل يحتاج الى خلط جميع الألوان ومعاها دعم لغوى .
ام قبس
18-07-2009, 11:26 PM
ام قبس شكرا علي الموضوع الذيذ انتي زوله ظريفه بتقعدي الكلام زي حبوبتي صفيه الله ارحما... احنا مع تغيير الزمن والعولمه بقينا فول مدمس والفول المدمس عندوا ميزات كثيره انت زهجان ممكن تقعد تمزمز بالفول انت جيعان ومفلس ممكن تاكلوا مع العصير يعني تمشي حالك عشان كده تمشية الحال احسن من القطع ... بعدين تعرفي الحلا بله منو - حلا واحد من مرأة .... تعرفي الكال حماد منو - كالتوا مراة... عشان كده احسن معاكم الفول المدمس ...فتك بي عافيه
انت ختر عدييييييييل كدا ياود الدسيس
انت من ناس الرمادي يجوز لمنع لوي البوز
بس يااخوي انت ركزت شديد علي موضوع الحريم وقبلت عليهم جنس تقبيله
يعني انت خاطف لونين مع الحريم رمادي وبرة برة ياسود يابيض
وفي الخطططططططططططططططام مشكور انت علي مرورك التقيل علي فطومة ومريومة
الله يديك العافية
ام قبس
18-07-2009, 11:36 PM
عوض الكريم ازيك يااخوي
والله معك حق صدقني الرمادي دا مالون فنان
وهو فعلا البشتن حال البلد
بالزات لي ناس جالون الجاز
وبتاعين مسح الشنب ديل
لو لقي ليهم قصي ليهم الشنب دا كله كله بشوف احسن
الله يديك العافية وشد لي حيلك علي ود الدسيس
عارف شكله عاوز يسيس الموضوع وهو الكلام دا صدقني مابيقدر عليه مع ناس هجم النمر العنده في البيت ديل
والله الله يومتها طلع بت الناس الجات تسعله ديك ساي من بين براسن مرته
وبرضه تقول لي امن منازل
عباس الدسيس
19-07-2009, 03:26 AM
ههههههههههههه والله انتي يا ام قبس عندك جنس محن او مفتحه كيف زي ناسي دي مشكلة شنو الوقعنا فيها دي يا بت الناس تعرفي اول ما تزوجوا تلقي المرأة تقول ليك شنو الجلابية الطالع بيها معاي دي البس ليك بنطلون وقميص اها بعد تعدي الفترة دي وتبقي ابو كان لبسته ليك بنطلون وقميص تلقي حدره وسؤال ماشي وين الليلة متجبص كده والمشكله الكبري لو كشحت الريحه اقولوا ليك اهااااااااااا وحات الله كان تلبس ليك جلابية انت قايل روحك عمرك 18 سنة الغريبة الواحد الصباح اقوم الشغل البس البنطلون والكرفته واكشح الريحه زي ما عايز زول اجيب خبروا مافي بس الحاجات دي عصريه ومغربية محرمه تقولي لي في شنب تاني كان ما سيسنا المواضيع ما بنروح شمار في مرقه مره الواحد بكون داير افكها شوييييييييييييه .
ام قبس
19-07-2009, 04:20 AM
انت ياود الدسيس عارف روحك دبلماسي
اي والله ذي الدبلماسي
بعدين المرة ماقالت حاجة كلامها صحي
الجبيص بالمغارب والعصاري مع اجواء العربيه والمكيف وكدا بيجيب النمل
اقصد اللوم
مرتك والله عفيت منها
لكن انا لسع مصرة علي سوعالي
انت برة البيت ياابيض يااسود ولا ممكن رمادي
زي الناس ((العديها المرة دي ومشيها خلينا نخلص))
والسبب الاساسي البخلي العسكري لو اديته سيجارة يغير ليك في الموضوع بتاع الشكله وبدل ماكنت ظالم تكون مظلوم وبتخلي الممرضة او الدكتور يدخل ليك مريضك رغم انك جيت متأخر ويقولوا للناس كان حاجز بالتلفون
رغم انوا انتوا زاتكم ماعندكم تلفون
والبتخلي صف الدفع في اي حته انت اول واحد ولو جيت اخر واحد
دي الرمادية البتخلي
واحد في الجمارك يتشخصن عليك ويكرهك البلد كلها
ويندمك علي الجيه
ولا شويه كريمات مع صابونه صابونتين مع ابو صلعه ورقة واحدة تمشي الحال
وامثله كتيرة من الاسود وابيض
والرمادي
عليك الله ياود الدسيس
بطل الهزل دا الموضوع جادي
وموضوع الخنقه دي بفتح ليك ليها بوست خاس
عباس الدسيس
19-07-2009, 04:32 AM
اجاوب علي سؤالك خلاس يا ام قبس بدون هظار تعرفي من بره هلا هلا ومن جوه اعلم الله بس ده انا بره يا اسود يا ابيض كمان بحده شديد يعني تشوفي الزول بره تقولي وحاتوا كان في الشارع كان في الشغل يا اسود يا ابيض هناك انتي عارفه براك ... كده جاوبت ههههههههههههه
ام قبس
19-07-2009, 04:58 AM
جواب صحيح والله جنس تجويب
وهناك دي ان شاء الله تبقي لا لون ولا طعم ولا رائحة
هناك دي معذور ياخوي
ممكن تستعمل كل الالوان
الله غالب
نصيحة لوجه الله :ماتتعب روحك شديد العندك دي حريفة وسلم الرايه احسن ليك
لانوا الوقت الضايع مابيفيدك العملته كان بيدك
esmat
19-07-2009, 08:28 AM
الاخت الغالية ام قبس
والله شوفي الخط واااضح
ما عايز ليهو اثنين تلاتة
يامعانا يامع الخيانة
والنزل ما بترفع صعب
رفعوا ولا في زمن ياخ
ام قبس
19-07-2009, 11:30 PM
الاخ esmat
مشكور علي مرورك
اكيد اغلب ناس السودان اسود وابيض
بس الرمادية في وحاصله وبدت تزيد
والله يديك العافية
عثمان جلالة
20-07-2009, 12:01 AM
أم قبس يااخ التحية ليك ياااخ .. موضوعك جميل .. وفيهو لمحه من لمحااااااات حبوباتنا " الله يديهن طولت العمر ـ للحيات .. ويرحم الماتن"

تعرفي يا ست البنات لى حدهن ... الحياة دي أصلو ما بتقبل لون واااحد .. يعني لازم تكون أبيض وأسود ورمااادي ... قيل في بعض الأحيان "قوس قزح ذاااااتو" :D:D

في مواضيع لازم تكون فيها ياااااااا أبيض يا أسود بس ... في البيت

لكن الرمااااادي ضروري جدا في الحياة العامة والتعامل مع الناس "دبلوماسية وكده"

حتى تربيتنا لى أولادنا ......... مفروض تكون اكثر دبلوماسية .. مش زي أهلنا زماااان "واحد في الاتنين" :) ....... لامن خلونا ما بنقدر نعبر عن مشاعرنا .. ودايما مكبوته صاااااح ؟؟ :rolleyes:

موضوعك كبير ... وسعااالك فاجأني .. لكن بتأكد وبجيك صااااد :p