أولاد المغتربين ياحسرتى عليهم

[ابوالشباب شوشه]

واقع اشاهده فى كل يوم بنفسى :فى أول ايام لى فى الغربة كنت لا شاهد اولاد المغتربين السودانيين كثير بحكم أنى جديد فى المنطقة وبدأت أسأل نفسى كيف يعيش أولاد المغتربين أوقات ترفيههم وايام شبابهم وهل لديهم اصدقاء كما كنا فى السودان نتقابل ونطلع وننزل مع بعض مشاوير عامة وخاصة من استادات وحفلات وغيره من امور الشباب الممتعه .. ومع مرور الايام اتضحت الرؤية ويالها من رؤية مخفيه وموحشة ومؤلمه جداً ..
بدأت أشاهد كيف الشباب يلبس ؟؟؟؟
فى لبسهم اكاد لااصدق انى فى المملكة العربية السعودية كانى فى شيكاكو ولا نيويورك ولافى باريس ماعارف لبس غريب جداً جداً لم اشاهده فى حياتى الا من خلال التلفزيون وتحديدا فى الافلام الاجنبيه وملابس لها اسماء عجيبة مثل ( خالى مسؤلية - اجرى وراى - شوف التحت - وغيرها من الاسماء اخجل من ذكرها ) طبعاً كلها مسميات بلهجات خليجية وغربيه .
مانوع صداقاتهم ؟؟؟؟صدقاتهم لاحول لها ولا قوة ماتعرف ده صديق ولا صديقه بإختصار .
ماذا يشغل بالهم ؟؟؟
التعرف على البنات اهم شئ عندهم والمشكلة انو فى العلانية الكلام ده مافى الدس ولا فى الخفى .
رقصهم فى الحفلات :
والله برقصوا زى البنات شئ بالصدر وشئ بالمؤخره ودنيا غريبه خلاص ده غير طبعاً اسماء الرقصات المدهشه .
شعرهم والتسريحات :
والله بلبسوا طوقات والله العظيم ( طوقات دى زى المشبك كده بمسكوا بيها البنات شعرهم ) وبلبسون باندات وبسرحوا زى البنات واحد مافى اى اختلاف .
ماذا يسمعون :
اغانى غربيه فقط لاغير ولو سألت واحد الفنان ده بقول فى شنو تلقاهوا ماناقش اى حاجة بس مع الازعاج بتاع الايقاعات يقوم ينطط .

سبحان الله ..
لااقول هذا الكلام للتمثيل بهم لكن لانبه أولياء امروهم واقربائهم ربما مشاغل الغربه وهمومها شلغتهم عن مراقبت ابناهم لكن ليس عذرا لتلهيهم عن تربية ابنائهم تربيه صحيحه دينيه قبل كل شئ وعلى المبادئ والاخلاق السودانية التى نعرفها ونتشرف بها ورفعت رأسنا .. ولا انكر ان مثل هذه الاشياء لاتوجد فى السودان فالكل كان يعرفع بنات ويشاهد حفلات ويلبس احلى الملابس .
لكن ليس بهذه الصوره الملفته للنظر والغربيه عن عادتنا وتقاليدنا .
نحن فى بلد غريبه يجب علينا عكس صوره حضاريه جميلة عن عادتنا الاصيله السودانية وعن نخوتنا ورجولتنا وغيرتنا على وطننا وبيتنا .
ولايفوتنى ان ألفت النظر على الافراح السودانية ومن ياتى إليها مع العلم اننا الشعب الوحيد فى السعوديه يسمح للاجانب ( غير السوانين ) بدخول مناسباتهم ومشاهدة حرماتنا ..
وايضاً لايفوتنى ان اشيد ببعض الاسر السودانية القليلة جداً فى تربية ابناهم
وارجوا أن تعزرونى إن أخطأت فى اى تعبير خاننى فانى اكتب وقلبى يحترق .
والموضوع فى هذا الشأن يطول ويطول وهذا ليس كل شئ هناك الكثير الكثير منى ومن غيرى اجزم انهم سوف تكون لهم اضافات اغرب من كده سوف تستعجبون منها .

[سيد البلد]

بتتكلم عن اي اولاد انت ؟

وين الأولاد الإنت شفتهم ديل ؟
وشفتهم وين ؟

والله بكل امانه الحاجات الأنا بشوفها دي ما اظن ممكن تقول عليها ولاده ..

مع بعض الإستثناءات " الشاذه " , عشان ما نعمم المسأله ونكون واقعيين
ما كلهم بالصوره دي , لكن السواد الأعظم منهم اسوأ من إنك تصفو بكلم مسخ , تائه , فاقد للهويه , متأرجح بين اللون السوداني والخلقه الخليجيه كأسوأ ما تكون ..

كدي بمشي وبجيك بعد " نغلب " بعدين ان شاء الله ..

[ابوالشباب شوشه]

بتتكلم عن اي اولاد انت ؟

وين الأولاد الإنت شفتهم ديل ؟
وشفتهم وين ؟

والله بكل امانه الحاجات الأنا بشوفها دي ما اظن ممكن تقول عليها ولاده ..

مع بعض الإستثناءات " الشاذه " , عشان ما نعمم المسأله ونكون واقعيين
ما كلهم بالصوره دي , لكن السواد الأعظم منهم اسوأ من إنك تصفو بكلم مسخ , تائه , فاقد للهويه , متأرجح بين اللون السوداني والخلقه الخليجيه كأسوأ ما تكون ..

كدي بمشي وبجيك بعد " نغلب " بعدين ان شاء الله ..

عاااااااااااااااارف انو ده حاصل كلوا لكن قلت اخلى شوية كلام لغيرى لانى بتحرق بتحرق لمن اشوف المسخين ديل والشئ الغريب وين الولى وين الرقيب .
الولى تلقى واقف مع الولد ماتعرف ده ولدوا ولابتوا وكان يضحك معاهوا .... ولسه شوية شوية بنوضح الرؤية للماشاف ونلفت انتباه الاولياء :confused:

[عبدالحفيظ]

ابو الشباب لك التحية
حقيقا الكلام اللقلتو صحيح بس في مغتربين ربو اولادهم احسن تربية
والسودانين بصورة عامة احسن شعب فى الغربة محترمين و محبوبين من قبل الشعب الاخر
الامور اللى انت شفتها فى السعودية قد تكون امور عادية بالنسبة ليهم و لو هم جو السودان حشوفوا طريقة حياتنا دى غريبة عليهم الا يكون الوالد بجيب اولادو الى السودان كل اجازة عشان افهموا حياتنا دى ماشة كيف
و السلام عليكم ورحمة الله تعالى و بركاته

[ياسر الريح يوسف]

أخى ابو الشباب شوشه أنت شفته شى تعال الامارات تشوف العجب لا رقيب عليهم

[ابوالشباب شوشه]

ابو الشباب لك التحية
حقيقا الكلام اللقلتو صحيح بس في مغتربين ربو اولادهم احسن تربية
والسودانين بصورة عامة احسن شعب فى الغربة محترمين و محبوبين من قبل الشعب الاخر
الامور اللى انت شفتها فى السعودية قد تكون امور عادية بالنسبة ليهم و لو هم جو السودان حشوفوا طريقة حياتنا دى غريبة عليهم الا يكون الوالد بجيب اولادو الى السودان كل اجازة عشان افهموا حياتنا دى ماشة كيف
و السلام عليكم ورحمة الله تعالى و بركاته

أولاً : انا ذكرته انو فى اسر فعلاً نتشرف بها ونعتز كونها سودانية لكن قليله قليله جداً جداً .
ثانياً : كيف تكون الامور دى عااااااااادية لو انت كنت رب البيت وولدك طلع لابس اللاسمها تعال وارى ده مثلاً فهل تسمح له بالخروج بهذا الشكل او طلع مسرح شعروا زى اختو ؟؟
ثالثاً : ماشرط يجوا السودان عشان يعرفوا الغلط من الصاح ـ الصاح صاح .
ومشكور على المرور

[عوض الكريم الخواض]

تعرف يا أبو الشباب شوشة ...
أحكى ليك الموقف دا ...
احدى جاراتنا وهي ( مغتربة وزوجها ) لفترة طويلة ...
قامت بزيارتنا فى المنزل وذلك بعد أن رحلوا من حينا ...

بعد قليل جآء أحد الشباب وطرق الباب وهو يحمل سيجارته فى يده ...
السلام عليكم : أنا فلان ود فلانة ... عليك الله قول ليها ولدك فلان جآء عشان يسوقك ...
توقعت عندما تأتى والدته أن يقوم برمي السيجارة بعيداً وذلك لأنه شافع صغير لم يتعدى الثامنة عشر ...
جآءت والدته وهو ما زال يحمل سيجارته فى يده ...
وكأن الأمر ليس فيه عيب .
يا سبحان الله .

[ابوالشباب شوشه]

أخى ابو الشباب شوشه أنت شفته شى تعال الامارات تشوف العجب لا رقيب عليهم

والله لو عندى اولاد زى ديل اقطع رؤسهم .. الشئ البزعل الابااااااااااااااااااااااااااااء والمهاااااااااااااااااااااااااااااااااات وين من ده كلوا ؟؟؟؟؟؟؟؟؟؟؟؟؟؟

[مدنيّة]

ربنا يهديهم

[عبدالحفيظ]

شباب انتو ما ملاحظين اننا في السودان قربنا نكون زي الجماعة ديل
و الله يستر

[ابوالشباب شوشه]

تعرف يا أبو الشباب شوشة ...
أحكى ليك الموقف دا ...
احدى جاراتنا وهي ( مغتربة وزوجها ) لفترة طويلة ...
قامت بزيارتنا فى المنزل وذلك بعد أن رحلوا من حينا ...

بعد قليل جآء أحد الشباب وطرق الباب وهو يحمل سيجارته فى يده ...
السلام عليكم : أنا فلان ود فلانة ... عليك الله قول ليها ولدك فلان جآء عشان يسوقك ...
توقعت عندما تأتى والدته أن يقوم برمي السيجارة بعيداً وذلك لأنه شافع صغير لم يتعدى الثامنة عشر ...
جآءت والدته وهو ما زال يحمل سيجارته فى يده ...
وكأن الأمر ليس فيه عيب .
يا سبحان الله .

والله العظيم انا زماااااااااااااااان لمن كنت فى السودان كنت بدخن وفى يوم من الايام انا كبير وخلاصته دراسة قاعد فى الشارع ومولع لى سجاره فجأة كده ظهر اخوى الاكبر منى طولى ( فرق سنتين من بعض ) والله مافضل لى الا الارض تنشقة وتبلعنى ويازول عينك بعد داك ماتشوف الا النور شهر كامل انا بتزاوق من اخوى يجى هو البيت اطلع انا من البيت وحتى الوجبات كنت بتحاشاهوا شديد لحدى ماخليت الدخان وجيت كلمتوا وبعد داك بقيت معاهو عادى لكن دخلت فينى جنس خجله التقول بشرب فى بنقو ماسجارة برنجى

[الملكة اسماء ( ام محمد )]

شباب انتو ما ملاحظين اننا في السودان قربنا نكون زي الجماعة ديل
و الله يستر

بما انك جمب الباب فبستاذنك وبجيك راجعة بعد شوية
بس امشي على الجماعة القاعدين لي جوا ديل واجيك , لان قصة ناس السودان قربوا يبقوا زي اولاد المقتربين دي عندي فيها رائي

[عوض الكريم الخواض]

شباب انتو ما ملاحظين اننا في السودان قربنا نكون زي الجماعة ديل
و الله يستر


والله يا عبد الحفيظ كلامك صاح ...
قربنا نفقد السيطرة ...
عشان كدا بوصيك ( خلى شلوتك ) قريب .

[ابوالشباب شوشه]

شباب انتو ما ملاحظين اننا في السودان قربنا نكون زي الجماعة ديل
و الله يستر

ماااااااااااااااااااااظن نصل المرحله دى فى السودان مهما كان تعرف لى لانو على الاقل بتلقى زول لو ماابوك امك او خالك او عمك او اى قريب بتكلم معاك انشاء الله واحد من الفريق ساى .
لكن تعال هنا اتكلم مع واحد وقول ليهو ده غلط والله تكون دقسته دقست عمرك

[ابوالشباب شوشه]

بما انك جمب الباب فبستاذنك وبجيك راجعة بعد شوية
بس امشي على الجماعة القاعدين لي جوا ديل واجيك , لان قصة ناس السودان قربوا يبقوا زي اولاد المقتربين دي عندي فيها رائي

جمب الباب فى الطريق فى ركشة منتظرك

[ابوالشباب شوشه]

والله يا عبد الحفيظ كلامك صاح ...
قربنا نفقد السيطرة ...
عشان كدا بوصيك ( خلى شلوتك ) قريب .

لو وصلنا المرحله دى خلينى اجهز لى صاطور عديل كده

[الملكة اسماء ( ام محمد )]

بدأت أشاهد كيف الشباب يلبس ؟؟؟؟
فى لبسهم اكاد لااصدق انى فى المملكة العربية السعودية كانى فى شيكاكو ولا نيويورك ولافى باريس ماعارف لبس غريب جداً جداً لم اشاهده فى حياتى الا من خلال التلفزيون وتحديدا فى الافلام الاجنبيه وملابس لها اسماء عجيبة مثل ( خالى مسؤلية - اجرى وراى - شوف التحت - وغيرها من الاسماء اخجل من ذكرها ) طبعاً كلها مسميات بلهجات خليجية وغربيه .

طبعا اللبس دا مرات كتيرة بكون مفروض عليهم فرض , وماعايزة اعذرهم ليك او اعذر رقابة الاهل ..لكن لو لقيت الاسواق كلها مطلعة موضات غربية وغريبة ومافي حل غير انك تشتري ... تعمل شنو ؟ .. غالبا الاولاد الشباب بتاثروا ببعض , فهل تتخيل ان ولد شاب يمشي يفصل قمصان وبناطلين وشلته هي نفسها الاثرت عليه لحد ما اتعلم ( يشرب سجاير مثلا ) عموما الشباب في سن المراهقة بتاثروا بالاجواء المحيطة بيهم وبفتكروا ان ابراز الشخصية بكون بالتقليد ومحاولة التساوي مع الجيل المواكب


مانوع صداقاتهم ؟؟؟؟صدقاتهم لاحول لها ولا قوة ماتعرف ده صديق ولا صديقه بإختصار .

ومن عاشر قوم ...
ماذا يشغل بالهم ؟؟؟
التعرف على البنات اهم شئ عندهم والمشكلة انو فى العلانية الكلام ده مافى الدس ولا فى الخفى .

دي انا ما بعتبرها مشكلة اطلاقا , لانه اني اعرف ان اخوي بعرف فلانة واهلها عارفين انهم ( اصحاب ) احسن من اعرف فيما بعد وتكون ( الفاس وقعت في الراس ) وطبعا عموما كلنا متفقين على ان الصداقة بين الاولاد والبنات بقت شي يكاد يكون واقع ملموس عموما , وبما اننا شفنا مجتمعات جامعية ومتاكدين ان التعارف بين البنت والولد بقى علني فاعتقد ان تعارف اولاد المقتربين وبناتهم لو تم بالعلن زي ما بتقول ( بضمن ليك مجتمع متفتح بوعي تام ) لان ما يحدث امام اعيننا خير مما يحدث من خلفنا

رقصهم فى الحفلات :

والله برقصوا زى البنات شئ بالصدر وشئ بالمؤخره ودنيا غريبه خلاص ده غير طبعاً اسماء الرقصات المدهشه .

والله البنات البرقصوا كدا في حفلة عامة زااااااتم اسمح لي ما بنات ناس اصلا , فما بالك برقصة زي دي لولد ؟؟؟!!!!!
شعرهم والتسريحات :
والله بلبسوا طوقات والله العظيم ( طوقات دى زى المشبك كده بمسكوا بيها البنات شعرهم ) وبلبسون باندات وبسرحوا زى البنات واحد مافى اى اختلاف .

فاتك كريم الفرد والجل .... انت ماشفت حاجة طبعا
ماذا يسمعون :
اغانى غربيه فقط لاغير ولو سألت واحد الفنان ده بقول فى شنو تلقاهوا ماناقش اى حاجة بس مع الازعاج بتاع الايقاعات يقوم ينطط .

طبعا دا الجيل الجديد كله كدا .. وصراحة اصبحت من الاساسيات في الحياة الاغنية الغربية المافاهمين اصلا بتقول شنو ؟
سبحان الله ..
لااقول هذا الكلام للتمثيل بهم لكن لانبه أولياء امروهم واقربائهم ربما مشاغل الغربه وهمومها شلغتهم عن مراقبت ابناهم .
نحن فى بلد غريبه يجب علينا عكس صوره حضاريه جميلة عن عادتنا الاصيله السودانية وعن نخوتنا ورجولتنا وغيرتنا على وطننا وبيتنا .
ولايفوتنى ان ألفت النظر على الافراح السودانية ومن ياتى إليها مع العلم اننا الشعب الوحيد فى السعوديه يسمح للاجانب ( غير السوانين ) بدخول مناسباتهم ومشاهدة حرماتنا ..
وايضاً لايفوتنى ان اشيد ببعض الاسر السودانية القليلة جداً فى تربية ابناهم
وارجوا أن تعزرونى إن أخطأت فى اى تعبير خاننى فانى اكتب وقلبى يحترق .
والموضوع فى هذا الشأن يطول ويطول وهذا ليس كل شئ هناك الكثير الكثير منى ومن غيرى اجزم انهم سوف تكون لهم اضافات اغرب من كده سوف تستعجبون منها .

اخي العزيز ...

للاسف كل ماذكرته يكاد يكون صحيح بنسبة 100%
ونحن نعترف به
وبكل الظواهر السالبة في مجتمعنا السوداني خاصة والعربي عامة
ولا اخفيك سرا .. لست اول من تكلم او لاحظ
ولكن نقول اننا لو تكاتفنا واتفقنا على ابادة تلك الظواهر علينا ان نبداء باولياء الامور اولا .. وان نجلس معهم جلسة متاملة صادقة لما آلت اليه احوال ابناء المغتربين عموما
وسنجد عندها ان العذر الاول هو الانشغال بلقمة العيش التي للاسف تكاد تكون حسرة في تربية فاشلة وغير مشرفة للسودان عامة

الكلام يطول .. والهدف واحد
وكل ما نرجوه ان يتعلم المقبلون على الزواج مما وجدوه ولمسوه من حال لا يسر عدو ولا حبيب
اتمنى ان نضع ما يحدث نصب اعيننا لنتفاداه في تربية اجيال قادمة
والله لطيف بالعباد

تقبل مروري

[الملكة اسماء ( ام محمد )]

شباب انتو ما ملاحظين اننا في السودان قربنا نكون زي الجماعة ديل
و الله يستر


ماااااااااااااااااااااظن نصل المرحله دى فى السودان مهما كان تعرف لى لانو على الاقل بتلقى زول لو ماابوك امك او خالك او عمك او اى قريب بتكلم معاك انشاء الله واحد من الفريق ساى .
لكن تعال هنا اتكلم مع واحد وقول ليهو ده غلط والله تكون دقسته دقست عمرك


اها جيت راجعة ولقيتك جيت جمب زولي القبيل ... شفت كيف ؟

المهم
والله شوف عيني .. ماف زول حكى لي
في اولاد في السودان حاليا تحلف تقول مش جاين من اوربا بس .. من اردى واسواء الطبقات
لبس شاذ... يحيرك في الممكن نلبسه نحن البنات
قصات شعر .... تجيب الطمام
تقليد اعمى لابعد حد ... واعتقد والله اعلم هي محاولات باااااائسة لتقليد اولاد المغتربين والغرب عامة

وقصة عمك والا خالك والا زول من الفريق يتكلم معاك ..دي انتهت زمان .. والسبب ان البجي يتكلم دا زاتو بتفاجاء بانه في بيته نموذج او نموذجين .. الا من رحم ربي
ومن رحم ربي زاااتم بقوا ما بتدخلوا ويقول ليك الواحد فيهم ..ياخي انا مالي وملهم مش اهلهم شايفنهم ؟


جد قصة الكلام فيها مؤلم... بس لازم

[esmat]

ابو الشباب/ اولاً طبعاً اسمك دا غايظني شديد انت ما عارف الحتة دي انسى بس
تعرف في شباب هنا في البلدي دي والله تحتار في اللبس
ومش تحتار بس تخجل عديل كدا الواحد تلقاهو بنطلونوا في
نص صلبوا والقاش بتاعو زي بتاع البوليس داك اقول ليك اللبسة
دي اسمها (طيحني) شفت كيف
والله تخجل لما اجي ماشي بي جنبك ولا تشوفو وكمان لو بياكل ليهو
في لبانة اقول ليك شي - سكتنا
الحفلات : بدون تعليق


طبعا اللبس دا مرات كتيرة بكون مفروض عليهم فرض , وماعايزة اعذرهم ليك او اعذر رقابة الاهل ..لكن لو لقيت الاسواق كلها مطلعة موضات غربية وغريبة ومافي حل غير انك تشتري ... تعمل شنو

كدي انا بمشي واجي خليك جنب الباب

[الملكة اسماء ( ام محمد )]

كدي انا بمشي واجي خليك جنب الباب

:p:D:D:p

غايتو يا عصمت من هسي انا ماشيا .... خليناه :o

[نبض المشاعر رووونة]

اخي ابو الشباب شوشة
والله كلامك كلو في محلو
شباب المغتبرين وللاسف كمان انهم سودانيين صارو بس يجرو ورا التقليد للاعمى
وخصوصا في المولات وناس المملكة والفيصيلة والواحد بقا يستغرب ويقول معقولة ديل اولاد سودانيين للاسف بس الناس صايرا تقلد حتى لو حاجات تافهة وماليها معنى المهم بس انها شافت فلان عمل لازم هو كمان يسوي وللاسف والله

[سودانية وافتخر]

ربنا يهدي الجميع

[ابوالشباب شوشه]

ربنا يهدي الجميع


والله بالجد ربنا يهدينا ويهديهم

[هيثم ادروب]

التلفزيون وتحديدا فى الافلام الاجنبيه وملابس لها اسماء عجيبة مثل ( خالى مسؤلية - اجرى وراى - شوف التحت - وغيرها من الاسماء اخجل من ذكرها ) طبعاً كلها مسميات بلهجات خليجية وغربيه .

رقصهم فى الحفلات :
والله برقصوا زى البنات شئ بالصدر وشئ بالمؤخره ودنيا غريبه خلاص ده غير طبعاً اسماء الرقصات المدهشه .

.

لا حول ولا قوة إلا بالله ...

[color="indigo"]انتو العام دا مافيه مشرفين ولا شنو ..

ياجماعة دا اتهام خطير .. لبنات المغتربين ..

الفيهم اخواتنا .. واولادنا ..

كيف تسكتو علي الكلام دا ..

ثم مفترض النقاش يكون بصورة موضعية ومراعاة لديننا الاسلامي .. واحترام الكبار في

المنتدي .. وعدم زكر الالفاظ البزيئة في المنتدي ..

ياخ دي اهم شروط الاشتراك .. انتو ماقريتوها ولا شنو ..

انا أطالب بحزف البوست نسبة لوجود الفاظ بزيئة به ..

وان دع الامر سأشتكي الي الادمن شخصياً ..

صبحان الله .. والله المنتدي بقي .. غايتو منو العوض وليه العوض ..

الواحد خايف بكرة يجي خاشي يلقي فلم اباحي معروض في المنتدي ..

[الملكة اسماء ( ام محمد )]

ياجماعة دا اتهام خطير .. لبنات المغتربين ..

الفيهم اخواتنا .. واولادنا ..

كيف تسكتو علي الكلام دا ..

بصراحة ... بقولوا يا هيثم ( العارف عزه مستريح )... وسكوتنا على شي لعلمنا انه في نسبة لا تتعدى (5 %) ولا ننكر وجودها

انا أطالب بحزف البوست نسبة لوجود الفاظ بزيئة به ..

انا ماعايزة ادافع ليك عن مضمون البوست او الكاتب لكن ممكن فعلا تكون انت حسيت بخدش للحياء في الطرح .. لكن اؤكد لك ان الموضوع فعلا يستحق النقاش ..لانها ظواهر موجودة فعلا

الواحد خايف بكرة يجي خاشي يلقي فلم اباحي معروض في المنتدي ..

اسمح لي اخي هيثم ان اعتب عليك قليلا
ولا ااريد ان اتدخل في اولويات غيري .. ولكن بما ان الموضوع عام وبداء النقاش فيه باسلوب واحد فاعتقد اني ومن تداخل غيري في الموضوع لو وجدنا خدش للحياء لما سكتنا

وتآكد اخي منتدى ود مدني ( بخير ) مقابل باقي المنتديات التي لا تحتاج الا لضغط زر التسجيل لتكون مشارك فعلي في جرائم اباحية

هي وجهة نظري وعلقت على وجهة نظرك لاني احترم رائيك كثيرا وتعجبني فيك الغيرة على اعراض بنات بلدك
دمت اخي وتقبل مروري على مداخلتك

[عبدالله الصديق]

المشكلة كلها هي في مداخلة الاسر سيئة السمعة خاصة في المدن الكبيرة كجدة ةالرياض والدمام وسياستي هنا في الغربة عدم مصادقة اي اسرة مشبوهه.. وليس المشبوهه فقط بل هناك من النساء ما لها تطلعات كمالية تفوق دخل زوجها وهذه سرعان ما تنقل العدوة لمن تزورها من الاسر.حصل مرة مغترب اراد ان سفر زوجته خروج وعودة وعندما سأل عن جوازها وجده عند الصائغ مرهون بعد ان اشترت كمية من الذهب بل وجد الكثير من جوازت السودانيات. ..اشياء كثيرة شاهدناها هنا غير التي سمعنا بها يندي لها الجبين
هذه السلبيات محصورة اصلا في اسر سيئة من ةقبل ان تأتي للغربة ولكن هناك من الاسر تستاهل تكريم على مستوى السفارة .منهم من ابنائهم حفظ القرآن كاملا

[الطموح]

الحمد لله والصلاة والسلام على رسول الله ،، أما بعد :
يقول الرسول صلى الله عليه وسلم : ( من قال أن الناس هلكوا فهو أهلكهم ) وإنني أتعجب من كاتب الموضوع أين رأى هؤلاء الشباب فأنا مغترب ولي عشر سنوات في الغربة لكنني رأيت خلالها برامج دعوية تقيمها الجالية السودانية وحلقات تلاوة وتكريم لحفظة كتاب الله وأنا بحمد الله حفظت في الغربة ستة عشر جزءاً من القرآن وولدي في صف رابع يحفظ ستة أجزاء وبنتي في صف ثاني تحفظ جزءين وزوجتى تحفظ ستة أجزاء من كتاب الله وبنتى دون سن المدرسة تحفظ أكثر من نصف جزء عم وأعرف كثير من الأسر حالهم مثل حالي ، لكن يبدو أن أبو الشباب كاتب الموضوع إنما وصف المحيط الذي يعيش فيه ، فالأمة أخي ولله الحمد بخير خاصة السودانيين لهم وزنهم وقيمتهم ومعروفين بأصالتهم وحبهم للخير وتعاونهم ويشهد بهذا كل من لقيناه في الغربة من مختلف الجنسيات فلماذا تشويه السمعة لمجرد وجود بعض الشواذ ؟؟؟؟

[esmat]

لا حول ولا قوة إلا بالله ...

انتو العام دا مافيه مشرفين ولا شنو ..

ياجماعة دا اتهام خطير .. لبنات المغتربين ..

الفيهم اخواتنا .. واولادنا ..

كيف تسكتو علي الكلام دا ..

ثم مفترض النقاش يكون بصورة موضعية ومراعاة لديننا الاسلامي .. واحترام الكبار في

المنتدي .. وعدم زكر الالفاظ البزيئة في المنتدي ..

ياخ دي اهم شروط الاشتراك .. انتو ماقريتوها ولا شنو ..

انا أطالب بحزف البوست نسبة لوجود الفاظ بزيئة به ..

وان دع الامر سأشتكي الي الادمن شخصياً ..

صبحان الله .. والله المنتدي بقي .. غايتو منو العوض وليه العوض ..

الواحد خايف بكرة يجي خاشي يلقي فلم اباحي معروض في المنتدي ..


في انتظار وجهة نظر الاخ هيثم شوشة - توثيق

[moh_alnour]

أتفق مع الأخ الطموح أن الصورة ليست بهذه القتامة و هي ممارسات فردية لا يمكن
تعميمها على كل أبناء المغتربين
و لكن و حتى لا ندفن رؤوسنا في الرمال هناك بعض الممارسات و السلوكيات الغريبة
و التي تحدث من أبناء المغتربين حتى الذين يذهبون للدراسة الجامعية في السودان
و التي تتمثل في اللبس الغريب و المفاهيم الغريبة و البعيدة كل البعد عن المفاهيم و الأخلاق السودانية
و في أعتقادي الشخصي أن الأنفتاح الإعلامي الحاصل من ( نت و قنوات فضائية و بلوتوث )
أدت إلى إنتشار هذه العادات بصورة سريعة ، و الأمر كما ذكر غيري هو تقليد أعمى
كما أن الظروف الأقتصادية ألقت بظلالها على كافة مناحي الحياة و لم يسلم منها حتى المغتربين في الخليج و غيرها
و هذه الظروف جعلت رب الأسرة في لهث يومي من أجل توفير متطلبات الحياة
مما جعل الأمر خصما ً على دور الأب في التربية و الجلوس مع الأبناء لمعرفة مسير حياتهم اليومية
نسأل الله الهداية للجميع

[الطموح]

أخي المشرف على المنتدى السلام عليكم ورحمة الله وبركاته .
قديماً كانوا يقولون التعميم عرضة الخطأ وفي الحديث : (إن من أفرى الفرى أن يهجو الشاعر القبيلة بأسرها ) فالذي ننكره في الموضوع التعميم وكذلك الأسلوب الذي تم تناول المشكلة به ففرق بين أسلوب الناصح المشفق وبين أسلوب المشهر فلو عرضت المشكلة بأسلوب جيد وطرقت بحثاً عن الحلول فلا إشكال لكن الإشكال في جعل كل المغتربين بهذه الصورة بل وصل الأمر إلى درجة ( أولاد المغتربين يا حسرتي عليهم ) وهم كغيرهم من السودانيين فيهم الغث والسمين وفيهم الصالح والطالح والصلاح هو الغالب ولله الحمد فيما نعلم والطلاح عارض وغريب

[سيد البلد]

الحمد لله والصلاة والسلام على رسول الله ،، أما بعد :
يقول الرسول صلى الله عليه وسلم : ( من قال أن الناس هلكوا فهو أهلكهم ) وإنني أتعجب من كاتب الموضوع أين رأى هؤلاء الشباب فأنا مغترب ولي عشر سنوات في الغربة لكنني رأيت خلالها برامج دعوية تقيمها الجالية السودانية وحلقات تلاوة وتكريم لحفظة كتاب الله وأنا بحمد الله حفظت في الغربة ستة عشر جزءاً من القرآن وولدي في صف رابع يحفظ ستة أجزاء وبنتي في صف ثاني تحفظ جزءين وزوجتى تحفظ ستة أجزاء من كتاب الله وبنتى دون سن المدرسة تحفظ أكثر من نصف جزء عم وأعرف كثير من الأسر حالهم مثل حالي ، لكن يبدو أن أبو الشباب كاتب الموضوع إنما وصف المحيط الذي يعيش فيه ، فالأمة أخي ولله الحمد بخير خاصة السودانيين لهم وزنهم وقيمتهم ومعروفين بأصالتهم وحبهم للخير وتعاونهم ويشهد بهذا كل من لقيناه في الغربة من مختلف الجنسيات فلماذا تشويه السمعة لمجرد وجود بعض الشواذ ؟؟؟؟



بعضاً مما جاء في شرح الحديث الذي سقته في ردك على الأخ كاتب الموضوع :

قال الإمام مسلم 2623 حدثنا عبد الله بن مسلمة بن قعنب حدثنا حماد بن سلمة عن سهيل بن أبي صالح عن أبيه عن أبي هريرة قال قال رسول الله صلى الله عليه وسلم ح وحدثنا يحيى بن يحيى قال قرأت على مالك عن سهيل بن أبي صالح عن أبيه عن أبي هريرة أن رسول الله صلى الله عليه وسلم قال إذا قال الرجل هلك الناس فهو أهلكهم
قال أبو إسحاق لا أدرى أهلكهم بالنصب أو أهلكهم بالرفع .

وقال أبو داود في السنن 4983

حدثنا القعنبي عن مالك ح وثنا موسى بن إسماعيل ثنا حماد عن سهيل بن أبي صالح عن أبيه عن أبي هريرة أن رسول الله صلى الله عليه وسلم قال ( إذا سمعت) وقال موسى (إذا قال الرجل هلك الناس فهو أهلكهم)

قال أبو داود قال مالك إذ قال ذلك تحزنا لما يرى في الناس يعني في أمر دينهم فلا أرى به بأسا وإذا قال ذلك عجبا بنفسه وتصاغرا للناس فهو المكروه الذي نهى عنه.




وجاء في التمهيد لابن عبد البر ج: 21 ص: 242
حديث ثالث لسهيل بن أبي صالح مالك عن سهيل بن أبي صالح السمان عن أبيه عن أبي هريرة ان رسول الله قال إذا رأيت الرجل يقول هلك الناس فهو أهلكهم

هذا معناه عند أهل العلم أن يقولها الرجل احتقارا للناس وإزراء عليهم وإعجابا بنفسه
وأما إذا قال ذلك تأسفا وتحزنا وخوفا عليهم لقبح ما يرى من أعمالهم فليس ممن عني بهذا الحديث
والفرق بين الأمرين أن يكون في الوجه الأول راضيا عن نفسه معجبا بها حاسدا لمن فوقه محتقرا لمن دونه
ويكون في الوجه الثاني ماقتا لنفسه موبخا لهل غير راض عنها

روينا عن أبي الدرداء رحمه الله أنه قال لن يفقه الرجل كل الفقه حتى يمقت الناس كلهم في ذات الله ثم يعود إلى نفسه فيكون لها أشد مقتا

حدثنا احمد بن محمد حدثنا أحمد بن الفضل حدثنا محمد بن جرير حدثنا عبد الجبار بن يحيى الرملي حدثنا ضمرة بن ربيعة عن صدقة بن يزيد عن صالح بن خالد قال إذا أردت أن تعمل من الخير شيئا فأنزل الناس منزلة البقر إلا أنك لا تحقرهم
قال أبو عمر معنى هذا والله أعلم أي لا تلتمس من أحد فيه شيئا غير الله وأخلص عملك له وحده
كما أنك لو اطلع عليك البقر وأنت تعمله لم ترج منها عليه شيئا
فكذلك لا ترجو من الادميين ثم بين لك المعنى فقال إلا أنك لا تحقرهم

وحدثنا أحمد بن محمد قال حدثنا أحمد بن الفضل قال حدثنا محمد بن جرير حدثنا ابن حميد حدثنا حكام عن أبي سنان عن حبيب بن أبي ثابت عن يحيى بن جعدة قال قال رسول الله في حديث ذكره (إنما الكبر من غمط الحق وحقر الناس)
هكذا قال وحقر الناس
وذكر ابن المبارك عن عبد الله بن مسلم بن يسار عن أبيه قال إذا لبست ثوبا فظننت أنك في ذلك الثوب أفضل منك في غيره فبئس الثوب هو لك
وقال مسلم بن يسار كفى بالمرء من الشر أن يرى أنه أفضل من أخيه) انتهى.

وقال النووي في شرحه على صحيح مسلم ج: 16 ص: 175
قوله صلى الله عليه وسلم( اذا قال الرجل هلك الناس فهو أهلكهم) روي أهلكهم على وجهين مشهورين رفع الكاف وفتحها والرفع أشهر ويؤيده أنه جاء في رواية رويناها في حلية الاولياء في ترجمة سفيان الثوري فهو من أهلكهم قال الحميدي في الجمع بين الصحيحين الرفع أشهر ومعناها أشدهم هلاكا
وأما رواية الفتح فمعناها هو جعلهم هالكين لا أنهم هلكوا في الحقيقة واتفق العلماء على أن هذا الذم انما هو فيمن قاله على سبيل الازراء على الناس واحتقارهم وتفضيل نفسه عليهم وتقبيح احوالهم لانه لا يعلم سر الله في خلقه قالوا فأما من قال ذلك تحزنا لما يرى في نفسه وفي الناس من النقص في امر الدين فلا بأس عليه كما قال لا أعرف من أمة النبي صلى الله عليه وسلم إلا أنهم يصلون جميعا هكذا فسره الامام مالك وتابعه الناس عليه وقال الخطابي معناه لا يزال الرجل يعيب الناس ويذكر مساويهم ويقول مساويهم ويقول فسد الناس وهلكوا ونحو ذلك فإذا فعل ذلك فهو اهلكهم اي أسوأ حالا منهم بما يلحقه من الاثم في عيبهم والوقيعة فيهم وربما أداه ذلك الى العجب بنفسه و رؤيته أنه خير منهم والله اعلم ) .

المصدر : ملتقى أهل الحديث ...
للرجوع لأصل الشرح الوارد http://www.ahlalhdeeth.com/vb/showthread.php?t=52666

[حاتم مرزوق]

المسئولية كبيرة والمشوار طويل والتربية ليست توفير متطلبات فقط بل رعاية لصيقة ومراقبة وتعاليم يجب ان ترسي قواعدها لضمان ابناء علي دين وخلق قويم وعلي الآباء والأمهات ان يتقوا الله في اولادهم .

نسأل الله ان يصلح ابناءنا وابناء المسلمين.

[هيثم ادروب]

بعضاً مما جاء في شرح الحديث الذي سقته في ردك على الأخ كاتب الموضوع :

قال الإمام مسلم 2623 حدثنا عبد الله بن مسلمة بن قعنب حدثنا حماد بن سلمة عن سهيل بن أبي صالح عن أبيه عن أبي هريرة قال قال رسول الله صلى الله عليه وسلم ح وحدثنا يحيى بن يحيى قال قرأت على مالك عن سهيل بن أبي صالح عن أبيه عن أبي هريرة أن رسول الله صلى الله عليه وسلم قال إذا قال الرجل هلك الناس فهو أهلكهم
قال أبو إسحاق لا أدرى أهلكهم بالنصب أو أهلكهم بالرفع .

وقال أبو داود في السنن 4983

حدثنا القعنبي عن مالك ح وثنا موسى بن إسماعيل ثنا حماد عن سهيل بن أبي صالح عن أبيه عن أبي هريرة أن رسول الله صلى الله عليه وسلم قال ( إذا سمعت) وقال موسى (إذا قال الرجل هلك الناس فهو أهلكهم)

قال أبو داود قال مالك إذ قال ذلك تحزنا لما يرى في الناس يعني في أمر دينهم فلا أرى به بأسا وإذا قال ذلك عجبا بنفسه وتصاغرا للناس فهو المكروه الذي نهى عنه.




وجاء في التمهيد لابن عبد البر ج: 21 ص: 242
حديث ثالث لسهيل بن أبي صالح مالك عن سهيل بن أبي صالح السمان عن أبيه عن أبي هريرة ان رسول الله قال إذا رأيت الرجل يقول هلك الناس فهو أهلكهم

هذا معناه عند أهل العلم أن يقولها الرجل احتقارا للناس وإزراء عليهم وإعجابا بنفسه
وأما إذا قال ذلك تأسفا وتحزنا وخوفا عليهم لقبح ما يرى من أعمالهم فليس ممن عني بهذا الحديث
والفرق بين الأمرين أن يكون في الوجه الأول راضيا عن نفسه معجبا بها حاسدا لمن فوقه محتقرا لمن دونه
ويكون في الوجه الثاني ماقتا لنفسه موبخا لهل غير راض عنها

روينا عن أبي الدرداء رحمه الله أنه قال لن يفقه الرجل كل الفقه حتى يمقت الناس كلهم في ذات الله ثم يعود إلى نفسه فيكون لها أشد مقتا

حدثنا احمد بن محمد حدثنا أحمد بن الفضل حدثنا محمد بن جرير حدثنا عبد الجبار بن يحيى الرملي حدثنا ضمرة بن ربيعة عن صدقة بن يزيد عن صالح بن خالد قال إذا أردت أن تعمل من الخير شيئا فأنزل الناس منزلة البقر إلا أنك لا تحقرهم
قال أبو عمر معنى هذا والله أعلم أي لا تلتمس من أحد فيه شيئا غير الله وأخلص عملك له وحده
كما أنك لو اطلع عليك البقر وأنت تعمله لم ترج منها عليه شيئا
فكذلك لا ترجو من الادميين ثم بين لك المعنى فقال إلا أنك لا تحقرهم

وحدثنا أحمد بن محمد قال حدثنا أحمد بن الفضل قال حدثنا محمد بن جرير حدثنا ابن حميد حدثنا حكام عن أبي سنان عن حبيب بن أبي ثابت عن يحيى بن جعدة قال قال رسول الله في حديث ذكره (إنما الكبر من غمط الحق وحقر الناس)
هكذا قال وحقر الناس
وذكر ابن المبارك عن عبد الله بن مسلم بن يسار عن أبيه قال إذا لبست ثوبا فظننت أنك في ذلك الثوب أفضل منك في غيره فبئس الثوب هو لك
وقال مسلم بن يسار كفى بالمرء من الشر أن يرى أنه أفضل من أخيه) انتهى.

وقال النووي في شرحه على صحيح مسلم ج: 16 ص: 175
قوله صلى الله عليه وسلم( اذا قال الرجل هلك الناس فهو أهلكهم) روي أهلكهم على وجهين مشهورين رفع الكاف وفتحها والرفع أشهر ويؤيده أنه جاء في رواية رويناها في حلية الاولياء في ترجمة سفيان الثوري فهو من أهلكهم قال الحميدي في الجمع بين الصحيحين الرفع أشهر ومعناها أشدهم هلاكا
وأما رواية الفتح فمعناها هو جعلهم هالكين لا أنهم هلكوا في الحقيقة واتفق العلماء على أن هذا الذم انما هو فيمن قاله على سبيل الازراء على الناس واحتقارهم وتفضيل نفسه عليهم وتقبيح احوالهم لانه لا يعلم سر الله في خلقه قالوا فأما من قال ذلك تحزنا لما يرى في نفسه وفي الناس من النقص في امر الدين فلا بأس عليه كما قال لا أعرف من أمة النبي صلى الله عليه وسلم إلا أنهم يصلون جميعا هكذا فسره الامام مالك وتابعه الناس عليه وقال الخطابي معناه لا يزال الرجل يعيب الناس ويذكر مساويهم ويقول مساويهم ويقول فسد الناس وهلكوا ونحو ذلك فإذا فعل ذلك فهو اهلكهم اي أسوأ حالا منهم بما يلحقه من الاثم في عيبهم والوقيعة فيهم وربما أداه ذلك الى العجب بنفسه و رؤيته أنه خير منهم والله اعلم ) .

المصدر : ملتقى أهل الحديث ...
للرجوع لأصل الشرح الوارد http://www.ahlalhdeeth.com/vb/showthread.php?t=52666

احسنت والله ياسيد البلد ...

وبالجد المعني كبير ...

ياريت الناس لو تحافظ علي تعاليم ديننا الحنيف ..

[الطموح]

بعضاً مما جاء في شرح الحديث الذي سقته في ردك على الأخ كاتب الموضوع :

قال الإمام مسلم 2623 حدثنا عبد الله بن مسلمة بن قعنب حدثنا حماد بن سلمة عن سهيل بن أبي صالح عن أبيه عن أبي هريرة قال قال رسول الله صلى الله عليه وسلم ح وحدثنا يحيى بن يحيى قال قرأت على مالك عن سهيل بن أبي صالح عن أبيه عن أبي هريرة أن رسول الله صلى الله عليه وسلم قال إذا قال الرجل هلك الناس فهو أهلكهم
قال أبو إسحاق لا أدرى أهلكهم بالنصب أو أهلكهم بالرفع .

وقال أبو داود في السنن 4983

حدثنا القعنبي عن مالك ح وثنا موسى بن إسماعيل ثنا حماد عن سهيل بن أبي صالح عن أبيه عن أبي هريرة أن رسول الله صلى الله عليه وسلم قال ( إذا سمعت) وقال موسى (إذا قال الرجل هلك الناس فهو أهلكهم)

قال أبو داود قال مالك إذ قال ذلك تحزنا لما يرى في الناس يعني في أمر دينهم فلا أرى به بأسا وإذا قال ذلك عجبا بنفسه وتصاغرا للناس فهو المكروه الذي نهى عنه.




وجاء في التمهيد لابن عبد البر ج: 21 ص: 242
حديث ثالث لسهيل بن أبي صالح مالك عن سهيل بن أبي صالح السمان عن أبيه عن أبي هريرة ان رسول الله قال إذا رأيت الرجل يقول هلك الناس فهو أهلكهم

هذا معناه عند أهل العلم أن يقولها الرجل احتقارا للناس وإزراء عليهم وإعجابا بنفسه
وأما إذا قال ذلك تأسفا وتحزنا وخوفا عليهم لقبح ما يرى من أعمالهم فليس ممن عني بهذا الحديث
والفرق بين الأمرين أن يكون في الوجه الأول راضيا عن نفسه معجبا بها حاسدا لمن فوقه محتقرا لمن دونه
ويكون في الوجه الثاني ماقتا لنفسه موبخا لهل غير راض عنها

روينا عن أبي الدرداء رحمه الله أنه قال لن يفقه الرجل كل الفقه حتى يمقت الناس كلهم في ذات الله ثم يعود إلى نفسه فيكون لها أشد مقتا

حدثنا احمد بن محمد حدثنا أحمد بن الفضل حدثنا محمد بن جرير حدثنا عبد الجبار بن يحيى الرملي حدثنا ضمرة بن ربيعة عن صدقة بن يزيد عن صالح بن خالد قال إذا أردت أن تعمل من الخير شيئا فأنزل الناس منزلة البقر إلا أنك لا تحقرهم
قال أبو عمر معنى هذا والله أعلم أي لا تلتمس من أحد فيه شيئا غير الله وأخلص عملك له وحده
كما أنك لو اطلع عليك البقر وأنت تعمله لم ترج منها عليه شيئا
فكذلك لا ترجو من الادميين ثم بين لك المعنى فقال إلا أنك لا تحقرهم

وحدثنا أحمد بن محمد قال حدثنا أحمد بن الفضل قال حدثنا محمد بن جرير حدثنا ابن حميد حدثنا حكام عن أبي سنان عن حبيب بن أبي ثابت عن يحيى بن جعدة قال قال رسول الله في حديث ذكره (إنما الكبر من غمط الحق وحقر الناس)
هكذا قال وحقر الناس
وذكر ابن المبارك عن عبد الله بن مسلم بن يسار عن أبيه قال إذا لبست ثوبا فظننت أنك في ذلك الثوب أفضل منك في غيره فبئس الثوب هو لك
وقال مسلم بن يسار كفى بالمرء من الشر أن يرى أنه أفضل من أخيه) انتهى.

وقال النووي في شرحه على صحيح مسلم ج: 16 ص: 175
قوله صلى الله عليه وسلم( اذا قال الرجل هلك الناس فهو أهلكهم) روي أهلكهم على وجهين مشهورين رفع الكاف وفتحها والرفع أشهر ويؤيده أنه جاء في رواية رويناها في حلية الاولياء في ترجمة سفيان الثوري فهو من أهلكهم قال الحميدي في الجمع بين الصحيحين الرفع أشهر ومعناها أشدهم هلاكا
وأما رواية الفتح فمعناها هو جعلهم هالكين لا أنهم هلكوا في الحقيقة واتفق العلماء على أن هذا الذم انما هو فيمن قاله على سبيل الازراء على الناس واحتقارهم وتفضيل نفسه عليهم وتقبيح احوالهم لانه لا يعلم سر الله في خلقه قالوا فأما من قال ذلك تحزنا لما يرى في نفسه وفي الناس من النقص في امر الدين فلا بأس عليه كما قال لا أعرف من أمة النبي صلى الله عليه وسلم إلا أنهم يصلون جميعا هكذا فسره الامام مالك وتابعه الناس عليه وقال الخطابي معناه لا يزال الرجل يعيب الناس ويذكر مساويهم ويقول مساويهم ويقول فسد الناس وهلكوا ونحو ذلك فإذا فعل ذلك فهو اهلكهم اي أسوأ حالا منهم بما يلحقه من الاثم في عيبهم والوقيعة فيهم وربما أداه ذلك الى العجب بنفسه و رؤيته أنه خير منهم والله اعلم ) .

المصدر : ملتقى أهل الحديث ...
للرجوع لأصل الشرح الوارد http://www.ahlalhdeeth.com/vb/showthread.php?t=52666

جزاك الله خيراً أخي علي شرح الحديث وأنا إنما قصدت التحذير من إزدراء الناس خاصة وأنما يحصل هو من فئة شاذة لكنني أخي أريدك أن تذكر لنا رأيك في الموضوع الذي كتبه صاحب المشاركة الأصلية فهل وصل حال المغتربين إلى هذه الدرجة من السوء تخنث في البنين وفساد في البنات وعدم مبالاة من الأباء والأمهات

[esmat]

الاخ العزيز الراقي جداً هيثم نعم لا حولة ولا قوة إلا بالله
كنت اتمنى أن يتخذ الموضوع نقاش وليس شكوى للمشرفين كما آثر البعض
وأتهم صاحب الموضوع بما لا يليق وأنه قد اساء لكل السوداني وقد اتي باتهامات
خطير لبنات المغتربين رغم ان الموضوع يتحدث عن ظاهرة معينة
اما السؤال عن المشرفين ورفع الموضع للأدمن وكان يمكن ان تستخدم خدمة مشاركة سيئة فهم موجودون ولكن هذا منتدى وموقع لنقاش ولا ارى هناك مخالفة لقوانية المنبر انما هو طرح يمكن ان تكذبه والنقاش كان بصورة موضوعية وليس بعيدة كما ذكرت والموضوعية نفسها تأتي هنا للنقاش وضحد الموضوع وليس بحذف البوست انما الجميع يأتي ليستفيد ماذا سيحدث في ذهن القراء عندما يتم حذف البوست اهو تأكيد ام هروب ، أما عن الخوف من عرض بعض الافلام الاباحية فلا تخف اخي فلسنا منتجي افلام واتمنى أن يأخذك شوشة في يوم من الايام لترى بعين فأراه خبير.
والعوض لله في نقاش كنا نريد ان يستمر حتى يثبت الكاتب وجهة نظره أو يغيرها إلى جهة نظر مناقشه ولعمري ان الامور تدار هكذا لا تدار بدفن الرؤوس في الرمال إلا ان تنفجر القنبلة فتفصل الرأس عن الجسد (واختلاف الرأي لا يفسد للود قضية) ليتها كان شعار في هذا المنتدي.


بعد السلام والتحية اخي الطموح


اراك قد تعجبت واتهمت صاحب الموضوع بتشويه سمعة السودانين ولعمري هذا اتهام خطير ، وأذا كان انه قد وصف البيئة التي يعيش فيها كما اسلفت فأعلم انه قد استنكرها وضغط الغصة في حلقه حتى كتب ما رأيت ولكني اعرف الاخ ابو الشباب هيثم شوشة جيداً فهو ليس منهم ولا يتشرف بما بهم وبما انك موجود في جدة لك بها فترة ليست بالقليلة اتمنى ان تذهب يوماً إلى قاعات (السلمي) او (ابحر) وانت سترى ما كتب بأم عينك
جميعنا يعلم أن النقاش في مواضيع كهذه ليس فيه مصلحة لأحد انما هو رأي كتبه صاحب الموضوع لمناقشته ولكن بطريقة لا تجرح .
مع العلم بأنك قد ذكر ت بوجود بعض الشواذ فالشواذ هؤلاء اخي ان لم نتصدى لهم اليوم لا نستطيع في الغد هذا أذا اقتنعت بوجودهم اصلاً بما انك قد ذكرت اولاً انك لم ترى طول اقامتك ما تم وصفه.
اما حديثك عن التعميم فلا أظن ان صاحب الموضوع قد تحدث بشكل عام واليك ما ختم به حديثه


وايضاً لايفوتنى ان اشيد ببعض الاسر السودانية القليلة جداً فى تربية ابناهم
وارجوا أن تعزرونى إن أخطأت فى اى تعبير خاننى فانى اكتب وقلبى يحترق ..




فأرى انك قد اغمضت عينيك عن هذه الفقرة اما بالنسبة للعنوان كان يمكن ان تطلب تعديله (ببعض ابناء المغتربين ) لاني اتحدث اليك ولا انكر وجودهم فانا قد رأيت بأم عيني ولكم انت تصدق او تكذب

أخيراً : حفظك الله وحفظ ابناءك وجعلهم زخراً لهذه الامة وقر عينك بهم

واختلاف الرأي لا يفسد للود قضية

[ابوالشباب شوشه]

المشكلة كلها هي في مداخلة الاسر سيئة السمعة خاصة في المدن الكبيرة كجدة ةالرياض والدمام وسياستي هنا في الغربة عدم مصادقة اي اسرة مشبوهه.. وليس المشبوهه فقط بل هناك من النساء ما لها تطلعات كمالية تفوق دخل زوجها وهذه سرعان ما تنقل العدوة لمن تزورها من الاسر.حصل مرة مغترب اراد ان سفر زوجته خروج وعودة وعندما سأل عن جوازها وجده عند الصائغ مرهون بعد ان اشترت كمية من الذهب بل وجد الكثير من جوازت السودانيات. ..اشياء كثيرة شاهدناها هنا غير التي سمعنا بها يندي لها الجبين
هذه السلبيات محصورة اصلا في اسر سيئة من ةقبل ان تأتي للغربة ولكن هناك من الاسر تستاهل تكريم على مستوى السفارة .منهم من ابنائهم حفظ القرآن كاملا
مشكور اخى عبدالله وهذا ايضاً سبب رئيسى لما نشاهده فى كل يوم عن تلك العادات الغربيه عن مجمعنا السودانى ـ وكما اسلفت توجد عائلات كريمه جداً اتمنى أن تتأثر بها العائلات الاخرى ونرجع قدوه كما كنا زماااااااااااااااااااان

[سيد البلد]

جزاك الله خيراً أخي علي شرح الحديث وأنا إنما قصدت التحذير من إزدراء الناس خاصة وأنما يحصل هو من فئة شاذة لكنني أخي أريدك أن تذكر لنا رأيك في الموضوع الذي كتبه صاحب المشاركة الأصلية فهل وصل حال المغتربين إلى هذه الدرجة من السوء تخنث في البنين وفساد في البنات وعدم مبالاة من الأباء والأمهات




وجزيت الخير كله ان شاء الله ...
وحفظك وأهلك من كل سوء



اما عن موضوع الأخ كاتب البوست فانا على قناعة تامة بأنه لم يقصد الكل , ولم يقصد أن يصف كل ابناء السودانيين
بما ذكرت من تخنيث في البنين وفساد في البنات ..
فهو واحد منهم " اي سوداني " فلا يعقل أن يرمي نفسه بسؤ , أو يلقي إليها بتهمة
وإنما قصد من عنوان البوست تنبيه من غفل عن هذا الشئ حتى لا يقع فيه
وأستدل بما كتبته أنت :




وإنني أتعجب من كاتب الموضوع أين رأى هؤلاء الشباب فأنا مغترب ولي عشر سنوات في الغربة لكنني رأيت خلالها برامج دعوية تقيمها الجالية السودانية وحلقات تلاوة وتكريم لحفظة كتاب الله




عدم رؤيتك لما اشار اليه الأخ هيثم لا ينفي وجوده ابداً
فالخبث موجود ومنتشر , وسينتشر إن لم نتنبه له وسكتنا عنه
وإعتبرنا أن مجرد الخوض فيه يورد للمهالك ويعرضنا للتشهير
ومع خبرتي القليله لحداثتي في الغربة فإني أرى أن الأخ هيثم حاول تخفيف الأمر ولم يتعرض للكثير من السؤ الذي يتصف به " عدد غير قليل " من ابناء الجاليه السودانية
واكتفى بالحديث عن عاداتهم , وطرق لبسهم , وانواع علاقاتهم
ولك أن تسأل عن أعداد الذين يتم تسفيرهم بسبب قضايا جنائيه واخلاقيه ...
غير الذين يقضون أحكاماً قضائية في سجون المملكه المختلفه وفي مختلف المناطق
ولك أن تسأل عن عدد المحكومات بقضايا شبيهة في سجون النساء ...




وأعرف كثير من الأسر حالهم مثل حالي ،



كما ذكرت سابقاً فإن الأمر لا يشمل كل الأسر السودانيه ,,,
وسيظل الخير فينا ما حينا " وسيظل الخير في وفي أمتي إلى يوم القيامة "
ولكن هنالك ما لم تراه أو تعرف عنه , برغم وجوده ,,,
ويجب أن نتنبه له ونبصر الناس به ...




لكن يبدو أن أبو الشباب كاتب الموضوع إنما وصف المحيط الذي يعيش فيه




اخي وجب عليك الإعتزار للأخ " هيثم "


فإن كان كل من يكتب عن شئ فهو فيه ما كتب أحد عن منكر ابداً ...

فليس كل من يكتب عن شئ إنما هو واقع فيه ..

[ابوالشباب شوشه]

الحمد لله والصلاة والسلام على رسول الله ،، أما بعد :
يقول الرسول صلى الله عليه وسلم : ( من قال أن الناس هلكوا فهو أهلكهم ) وإنني أتعجب من كاتب الموضوع أين رأى هؤلاء الشباب فأنا مغترب ولي عشر سنوات في الغربة لكنني رأيت خلالها برامج دعوية تقيمها الجالية السودانية وحلقات تلاوة وتكريم لحفظة كتاب الله وأنا بحمد الله حفظت في الغربة ستة عشر جزءاً من القرآن وولدي في صف رابع يحفظ ستة أجزاء وبنتي في صف ثاني تحفظ جزءين وزوجتى تحفظ ستة أجزاء من كتاب الله وبنتى دون سن المدرسة تحفظ أكثر من نصف جزء عم وأعرف كثير من الأسر حالهم مثل حالي ، لكن يبدو أن أبو الشباب كاتب الموضوع إنما وصف المحيط الذي يعيش فيه ، فالأمة أخي ولله الحمد بخير خاصة السودانيين لهم وزنهم وقيمتهم ومعروفين بأصالتهم وحبهم للخير وتعاونهم ويشهد بهذا كل من لقيناه في الغربة من مختلف الجنسيات فلماذا تشويه السمعة لمجرد وجود بعض الشواذ ؟؟؟؟

لك الشكر اخى الطموح على المرور اولاً قبل كل شئ .
ارى انك قد قرأت البوست ولكن دون تمعن فى ماكتبته ارجوا الرجوع الى البوست وقرآته بتمعن ودقه حتى ترى رأئ وتعرف ماكتبت .
وانا لم انكر تلك الاسر التى تحدثت انت عنها وعن تربية ابنائها القويمه والسليمه فتشرفت بمعرفت بعض تلك الاسر واشيد بهم وبى ابائهم والحمدلله الذى وفقهم لهذا .
اما عن فترتك فى الغربة ( 10 سنوات ) ولم ترى فيها مثل هذه الاشياء التى تحدثت عنها انا فاقول لك انك لم ترى شئ بعد واتمنى ان ترجع انت وعائلتك الكريمه الى الوطن العزيز قبل أن ترى بأم عينك .
وبخصوص حفظ بعض الابناء لكتاب الله الكريم هذه نعمه من نعم الله على عباده ونتشرف بمثل اسرتك كما ذكرتها انا أيضاً فى البوست .
اما عن المجتمع الذى اعيش فيه لو كانت هذه الشريحة التى اعيش فيها لما كنت تجرأت وكتب عن هذه الاشياء وقبل كل هذا كان تبرا هلى منى وزبحونى لقد طرحت الموضوع لاستنكارى لهذه العادات الدخليه على مجتمعنا السودانى وكان هدفى هو النقاش الهادف البناء لنصل لنتجه ترضى كل الاطراف دون الاساءه الى شريحه بعينها _( وايضاً لايفوتنى ان اشيد ببعض الاسر السودانية القليلة جداً فى تربية ابناهم
وارجوا أن تعزرونى إن أخطأت فى اى تعبير خاننى فانى اكتب وقلبى يحترق ) .. اذكرك بالقراء بتمعن فى البوست مره اخرى .. و الحمد لله الذى انعم علينا بنعمة الإسلام .
يقول الرسول صلى الله عليه وسلم : ( من قال أن الناس هلكوا فهو أهلكهم ) وعن هذا الحديث الشريف مره اخرى اقول لك البوست مقصده التأسف لما رأيت ومااصبنى من زهول وحزن .
وعن الامه السودانيه لو كنت مداوم على قرأت الصحف السعودية كنت سمعت مايدهشك واخر ماذكر فى تلك الصحف عنوان كبير جداً فى جريدة الرياض ( سودانى وزوجة يديران مصنع للخمور ) وكان زمااااااان السمعة السمحه والاصالة وحبنا للخير .
واخيرا الحمد لله انى ليس الوحيد فى هذا المنتدى من رأى تلك الاشياء التى تحدثت عنها

[هيثم ادروب]

اسماء عجيبة مثل ( خالى مسؤلية - اجرى وراى - [color="red"]شوف التحت - وغيرها من الاسماء اخجل من ذكرها ) طبعاً كلها مسميات بلهجات خليجية وغربيه .
رقصهم فى الحفلات :
والله برقصوا زى البنات شئ بالصدر وشئ بالمؤخره ودنيا غريبه خلاص ده غير طبعاً
ولايفوتنى ان ألفت النظر على الافراح السودانية
.

اولاً .. لو في واحد قرا الاعتراض حقي بيفهم انا قاصد شنو ...

ثانياً .. العايز يتناقش في موضوع يحترم الناس الموجودين ويراعي في الالفاظ .. زي الفوق دي ..

ثالثاً .. نحن في منتدي عام .. وليس خاص بفئة معينة .. ويجب علي الجميع احترام ذلك ..

رابعاً .. دور المشرف هو مراقبة المواضيع وتصحيح الذي يجب تصحيحه .. وليس الاغفال عنه .. وإن كنت انا المخطئ ..

لم تصلني رسالة لا من مشرف ولا من اي واحد من الادارة .. توضح سبب الخطاء إن كان

من جانبي وإن كان من جانب صاحب الموضوع ..

وانا ليست بيني وبين الاخ هيثم اي عداوة بل بالعكس هو صديق عزيز .. وتربطني معه

علاقة قوية ..

إن كنت اخطاءت بحق اي منكم فلكم العتبي حتي ترضوا ..

[الملكة اسماء ( ام محمد )]

ولك أن تسأل عن أعداد الذين يتم تسفيرهم بسبب قضايا جنائيه واخلاقيه ...
غير الذين يقضون أحكاماً قضائية في سجون المملكه المختلفه وفي مختلف المناطق
ولك أن تسأل عن عدد المحكومات بقضايا شبيهة في سجون النساء ...




كما ذكرت سابقاً فإن الأمر لا يشمل كل الأسر السودانيه ,,,






على فكرة .... بالنسبة لباقي دول الاغتراب تعتبر المملكة العربية السعودية اكثر الدول المتهمة بالجرائم والتسيب
ويعزى السبب عادة للكبت الذي ولد انفجار ملحوظ لدى غالبية سكان المملكة وليس فقط السودانين منهم

وبما اني اقمت في المملكة فترة ليست قصيرة ومكان اقامتي الحالية دولة قطر فاسمح لي ان اؤكد لك ان ( المغتربين) عموما بخير مقارنة بما ال اليه الحال في المملكة العربية السعودية

[esmat]

اولاً .. لو في واحد قرا الاعتراض حقي بيفهم انا قاصد شنو ...
ثانياً .. العايز يتناقش في موضوع يحترم الناس الموجودين ويراعي في الالفاظ .. زي الفوق دي ..
ثالثاً .. نحن في منتدي عام .. وليس خاص بفئة معينة .. ويجب علي الجميع احترام ذلك ..
رابعاً .. دور المشرف هو مراقبة المواضيع وتصحيح الذي يجب تصحيحه .. وليس الاغفال عنه .. وإن كنت انا المخطئ ..
لم تصلني رسالة لا من مشرف ولا من اي واحد من الادارة .. توضح سبب الخطاء إن كان
من جانبي وإن كان من جانب صاحب الموضوع ..
وانا ليست بيني وبين الاخ هيثم اي عداوة بل بالعكس هو صديق عزيز .. وتربطني معه
علاقة قوية ..
إن كنت اخطاءت بحق اي منكم فلكم العتبي حتي ترضوا ..


ارى انك قد عدت من نفس المنطقة وتركت الموضوع الاساسي موضوع النقاش
اولاً هيثم شوشة يحترم الجميع والدليل على ذلك عدم ذكره لبعض المسميات
التي تخدش الحياء وليس هي ما اقتبسته اعلاه فيوجد هناك مسميات يعف اللسان
عن ذكرها. واراك تبعد عن النقاش والمحاورة وتطلب تدخل المشرفين وليس هناك ما يحتاج التصحيح طالما صاحب الموضوع قادر على توجيه البوست دون ان يخرج وقادر على ايصال فهمه ووجهة نظره وقد ذكرت لك سابقاً ان النقاش هو الفيصل في الموضوع وليس ما تدعو له. وارى عدم رد الادارة لك انما هو دعوة للمناقشة واتاحة الفرصة لعضو لاثبات وجهة نظره -
اما اذا كنت اصلاً تريد شجب وإدارة مثل هذه الكلمات انصحك بعد تكرارها واظهار ويمكن ان تشير إلى بكلمة خادش للحياة حتى لا تتكرر

شاكراً لك سعة صدرك -

[سيد البلد]

اولاً .. لو في واحد قرا الاعتراض حقي بيفهم انا قاصد شنو ...

ثانياً .. العايز يتناقش في موضوع يحترم الناس الموجودين ويراعي في الالفاظ .. زي الفوق دي ..

ثالثاً .. نحن في منتدي عام .. وليس خاص بفئة معينة .. ويجب علي الجميع احترام ذلك ..

رابعاً .. دور المشرف هو مراقبة المواضيع وتصحيح الذي يجب تصحيحه .. وليس الاغفال عنه .. وإن كنت انا المخطئ ..

لم تصلني رسالة لا من مشرف ولا من اي واحد من الادارة .. توضح سبب الخطاء إن كان

من جانبي وإن كان من جانب صاحب الموضوع ..

وانا ليست بيني وبين الاخ هيثم اي عداوة بل بالعكس هو صديق عزيز .. وتربطني معه

علاقة قوية ..

إن كنت اخطاءت بحق اي منكم فلكم العتبي حتي ترضوا ..

اولاً اشكر لك حرصك الواضح على أن يكون المنتدى واجهة نعتز ونفخر بها
وأن يكون منبراً لإثراء النقاش الهادف والبناء , لا مرتعاً للغوغاء أو مزبلةً لسقط الكلام وسفه القول ..
ولكني اختلف معك في أن ما كتبه الأخ " هيثم " به ما يخدش الحياء أو يسئ إلى الذوق العام
ولم يستخدم من الألفاظ ما يستوجب منك الطلب من أحد المشرفين تعديله أو حزفه ...
كما أنه غير مسؤول عن مداخلات الغير إن كان بها مايسئ بل يجب علينا شكره لإثارته لمثل هذه الموضوعات التي تهدف إلى التنبيه عن مواطن الخطأ ...

[بت أم درمان]

ملحوظة قبل اقول رأيي :
كل زول بخش البوست بتكلم عن الجزئية البتلفت نظره
مع ان موضوع البوست واضح جدا

*****************

بالنسبة لكلام الاخ هيثم شوشة ممكن اضيف قصة من عندي بما انه اتكلم عن ابناء المغتربين وان محمور الموضوع عن ابناء المغتربين

قبل سنتين تقريبا جاء من السودان الى المملكة شاب قريب ناس بنعرفهم هنا
الزول دا شعره لي نص ضهره
ولبسه الله لا يوريكم شي واسع وشي مهلهل وشي وسخان وشي ضيق يعني لبس جد عجيب جدا مش بعمل طمام زي ما قالت الاخت لا
بخليك تفكر قبال بطنك تطم الزول دا والزيوه كيف بختارو لبسهم دا كيف نفسهم تسمح ليهم يلبسو كدا ولا الشعر شي استشوار وشي جل وشي فرد
" لعن الله المتشبهين من الرجال بالنساء والمتشبهات من النساء بالرجال "
بس خال الولد سكت ليهو طبعا الفترة الاولى كم شهر كدا وبعد كدا بدأ ليهو محاضرات توعية من النوع المكثف
بعد فترة نلقى الزول دا شكله بقى راجل راجل الشعر محلوق
واللبس معقول يقدر الزول يعاين ليهو بدون ما بطنه تطم
دى نوعية من ابناء السودانين بالسودان

المهم يا اخ هيثم كلامك ما مقتصر على اولاد المغتربين بس
امكن انت طولت من السودان وما عارف الحاصل هناك

[سيد البلد]

على فكرة .... بالنسبة لباقي دول الاغتراب تعتبر المملكة العربية السعودية اكثر الدول المتهمة بالجرائم والتسيب





من المعلوم لدى الجميع أن السعودية هي أكثر الدول الإسلاميه التي تطبق بها الأحكام الشرعية الإسلامه التي هي المنهاج والمرجعيه السليمه والتي نرتكز ونستند عليها ويجب
علينا ممارستها في شتى جوانب حياتنا وبكافة اشكالها ...
وهذا ما نراه ونلمسه من خلال معايشتنا لهم , وما يتضح من شكل الشارع العام
برغم أنها لم تعد كسابق عهدها , وظهر بها ما لم يكن في عهود خلت ...
ولكن ولله الحمد ما زالت بخير ...
والناظر لهذه المسأله بعين فاحصة سيعلم إلى أي مدى يمكن أن يصل إليه مدى السوء في دول أخرى لا تعتد بالشريعة ولا تعتبرها مصدراً للأحكام ...

[ابوالشباب شوشه]

اخي العزيز ...

للاسف كل ماذكرته يكاد يكون صحيح بنسبة 100%
ونحن نعترف به
وبكل الظواهر السالبة في مجتمعنا السوداني خاصة والعربي عامة
ولا اخفيك سرا .. لست اول من تكلم او لاحظ
ولكن نقول اننا لو تكاتفنا واتفقنا على ابادة تلك الظواهر علينا ان نبداء باولياء الامور اولا .. وان نجلس معهم جلسة متاملة صادقة لما آلت اليه احوال ابناء المغتربين عموما
وسنجد عندها ان العذر الاول هو الانشغال بلقمة العيش التي للاسف تكاد تكون حسرة في تربية فاشلة وغير مشرفة للسودان عامة

الكلام يطول .. والهدف واحد
وكل ما نرجوه ان يتعلم المقبلون على الزواج مما وجدوه ولمسوه من حال لا يسر عدو ولا حبيب
اتمنى ان نضع ما يحدث نصب اعيننا لنتفاداه في تربية اجيال قادمة
والله لطيف بالعباد

تقبل مروري

ملكة لاعتقد أن مشغال الحياة سوف تلهينا عن ابنائنا وتربيتهم تربيه صحيحه
اما عن الجل وماشابهه فلم اتحدث عنه لانى كتب البوست وانا فى المكتب وفى حاجات كتيره ماذكرتها زكروها الاخوان ... ربنا يصل حالنا جميعاً .

[ابوالشباب شوشه]

ملحوظة قبل اقول رأيي :
كل زول بخش البوست بتكلم عن الجزئية البتلفت نظره
مع ان موضوع البوست واضح جدا

*****************

بالنسبة لكلام الاخ هيثم شوشة ممكن اضيف قصة من عندي بما انه اتكلم عن ابناء المغتربين وان محمور الموضوع عن ابناء المغتربين

قبل سنتين تقريبا جاء من السودان الى المملكة شاب قريب ناس بنعرفهم هنا
الزول دا شعره لي نص ضهره
ولبسه الله لا يوريكم شي واسع وشي مهلهل وشي وسخان وشي ضيق يعني لبس جد عجيب جدا مش بعمل طمام زي ما قالت الاخت لا
بخليك تفكر قبال بطنك تطم الزول دا والزيوه كيف بختارو لبسهم دا كيف نفسهم تسمح ليهم يلبسو كدا ولا الشعر شي استشوار وشي جل وشي فرد
" لعن الله المتشبهين من الرجال بالنساء والمتشبهات من النساء بالرجال "
بس خال الولد سكت ليهو طبعا الفترة الاولى كم شهر كدا وبعد كدا بدأ ليهو محاضرات توعية من النوع المكثف
بعد فترة نلقى الزول دا شكله بقى راجل راجل الشعر محلوق
واللبس معقول يقدر الزول يعاين ليهو بدون ما بطنه تطم
دى نوعية من ابناء السودانين بالسودان

المهم يا اخ هيثم كلامك ما مقتصر على اولاد المغتربين بس
امكن انت طولت من السودان وما عارف الحاصل هناك

والله يابت ام درمان ماطولته الطوله البقولوا عليها دي لكن اخر مره كنت فى السودان ماكان الحال كده للدرجة الشفتها هنا ... بعدين هنا فى اختلاف كبير جداً حتى فى للهجات السودانيه قربت تندثر وتتلاشى . وماتنسى انو نحن سفراء للوطن يجب علينا عكس صور تشرفنا وترفع راسنا مش تغطس حجرنا .

[ابوالشباب شوشه]

اولاً .. لو في واحد قرا الاعتراض حقي بيفهم انا قاصد شنو ...

ثانياً .. العايز يتناقش في موضوع يحترم الناس الموجودين ويراعي في الالفاظ .. زي الفوق دي ..

ثالثاً .. نحن في منتدي عام .. وليس خاص بفئة معينة .. ويجب علي الجميع احترام ذلك ..

رابعاً .. دور المشرف هو مراقبة المواضيع وتصحيح الذي يجب تصحيحه .. وليس الاغفال عنه .. وإن كنت انا المخطئ ..

لم تصلني رسالة لا من مشرف ولا من اي واحد من الادارة .. توضح سبب الخطاء إن كان

من جانبي وإن كان من جانب صاحب الموضوع ..

وانا ليست بيني وبين الاخ هيثم اي عداوة بل بالعكس هو صديق عزيز .. وتربطني معه

علاقة قوية ..

إن كنت اخطاءت بحق اي منكم فلكم العتبي حتي ترضوا ..

اشكرك جداً لمدخلتك
أولاً : لم اكتب شئ عن عدم ااحترامى لاى شخص فى المنتدى .
ثانياُ : احترم بشدة الناس الموجوده فى المنتدى ولم الفظ اى لفظ مشين او مخل بالاخلاق العامه .
ثالثاً : ما أثرته فى هذا البوست انت اول شخص تعرفه جداً ولا يخفى عليك شئ من ماقلت .
رابعاً : غيرتى على السودانيين ومااسمعه عنهم هو مادفعى الى الدخول فى مثل هذا الكلام .
خامساً : ياسيدى الكريم البوست مطروح للنقاش وكل من لديه رأى يجب أن يدلوا به وتضح الرؤيه لنا جميعاً . ونحاول أن نصلح مااتلف ونعيده الى ماكان عليه
اما عن دور المشرفين والمراقبين لااعتقد انهم مقصرين فى عملهم حتى تهاجمهم بالعكس يجب علينا شكرهم ومنحهم اوسمه لان هذا العمل تكليف وليس تشريف وضياع كثير من وقتهم واموالهم وراء مصلحت المنتدى ونجاححه .. فالشكر لهم جميعاً

[ابوالشباب شوشه]

[quote=حاتم مرزوق;334924]المسئولية كبيرة والمشوار طويل والتربية ليست توفير متطلبات فقط بل رعاية لصيقة ومراقبة وتعاليم يجب ان ترسي قواعدها لضمان ابناء علي دين وخلق قويم وعلي الآباء والأمهات ان يتقوا الله في اولادهم .

نسأل الله ان يصلح ابناءنا وابناء المسلمين.[/quote

نسأل الله الستر فى الدنيا وفى الاخره .. المشوار طويل جداً ولكن مكتوب علينا أن نمشية لذلك ندعوا المولى عزوجل أن يوفقنا لما فيه الخير والصلاح لنا ولابنائنا ويعيننا ويعينهم على الطاعات وترك المعاصى . ولك الشكر على المرور

[ابوالشباب شوشه]

لا حول ولا قوة إلا بالله ...

انتو العام دا مافيه مشرفين ولا شنو ..

ياجماعة دا اتهام خطير .. لبنات المغتربين ..

الفيهم اخواتنا .. واولادنا ..

كيف تسكتو علي الكلام دا ..

ثم مفترض النقاش يكون بصورة موضعية ومراعاة لديننا الاسلامي .. واحترام الكبار في

المنتدي .. وعدم زكر الالفاظ البزيئة في المنتدي ..

ياخ دي اهم شروط الاشتراك .. انتو ماقريتوها ولا شنو ..

انا أطالب بحزف البوست نسبة لوجود الفاظ بزيئة به ..

وان دع الامر سأشتكي الي الادمن شخصياً ..

صبحان الله .. والله المنتدي بقي .. غايتو منو العوض وليه العوض ..

الواحد خايف بكرة يجي خاشي يلقي فلم اباحي معروض في المنتدي ..

اخى الكريم ادروب لغيرتى الشديده جداً على اعراض البنات لم اتحدث عنهم بتاتاً بالرغم من وجود ملاحظات .. ارجوا الرجوع للبوست

[بت الشبارقه]

مابس ابناء السودانيين
الحكايه موضه عامه تيار جارف
موضه السنه دي والفاتت والقبلها والجايه
من ما قمنا ونحن بنشوف البيلبسو غريب والبيلبسو ما غريب
والبيلبسو جلابيه والبيلبسو شارليستون
الشعر كان خنفس زمان بيسرح بالخلال
وكان البنطلون ضيق من فوق وواسع من تحت وبيسابق الناس في الوساع والضيق
يمكن اعمامنا في المنتدى يقولو ليكم عن ده لانو اكيد لبسوه
مساله اللبس والحاصل هي زي ما قالت اختنا ملكه القلوب في الاول السوق بيفرض كده
مساله تربيه الاولاد مع احترامي ليكم
دي مسائل شخصيه
تخص الاسر
واكيد هم بيبرروا لاسرهم البيعملوه
انا تقريبا قريت كل المداخلات
البيستند بالدليل من السنه والبيستند علي رائو الشخصي
انا بحاول اوصل ليكم رايي الشخصي
انو دي ما مواضيع نقاش ابدا دي ونسه انفعاليه لي زول مر بموقف شخصي استفزو
مع احترامي يا صاحب البوست
ولا اقصد التجريح
عنوان البوست ممكن يجذب الناس من بره بس بيستفز الموضوع من جوه
وكلنا عندنا اخوان واخوات وابناء في الغربه والله في اولاد سودانيين في الغربه بيبطلوا يصلوا للاسف اول مايرجعوا السودان ....لي شنو؟ لانو الهو والضياع بقى عندنا اكتر من اي دوله تانيه
عشان كده
خلينا في الضل ونبعد من الرقراق




فائق احتراماتي

[مهيد ود السفاح]

الاخ العزيز الراقي جداً هيثم نعم لا حولة ولا قوة إلا بالله
كنت اتمنى أن يتخذ الموضوع نقاش وليس شكوى للمشرفين كما آثر البعض
وأتهم صاحب الموضوع بما لا يليق وأنه قد اساء لكل السوداني وقد اتي باتهامات
خطير لبنات المغتربين رغم ان الموضوع يتحدث عن ظاهرة معينة
اما السؤال عن المشرفين ورفع الموضع للأدمن وكان يمكن ان تستخدم خدمة مشاركة سيئة فهم موجودون ولكن هذا منتدى وموقع لنقاش ولا ارى هناك مخالفة لقوانية المنبر انما هو طرح يمكن ان تكذبه والنقاش كان بصورة موضوعية وليس بعيدة كما ذكرت والموضوعية نفسها تأتي هنا للنقاش وضحد الموضوع وليس بحذف البوست انما الجميع يأتي ليستفيد ماذا سيحدث في ذهن القراء عندما يتم حذف البوست اهو تأكيد ام هروب ، أما عن الخوف من عرض بعض الافلام الاباحية فلا تخف اخي فلسنا منتجي افلام واتمنى أن يأخذك شوشة في يوم من الايام لترى بعين فأراه خبير.
والعوض لله في نقاش كنا نريد ان يستمر حتى يثبت الكاتب وجهة نظره أو يغيرها إلى جهة نظر مناقشه ولعمري ان الامور تدار هكذا لا تدار بدفن الرؤوس في الرمال إلا ان تنفجر القنبلة فتفصل الرأس عن الجسد (واختلاف الرأي لا يفسد للود قضية) ليتها كان شعار في هذا المنتدي.


بعد السلام والتحية اخي الطموح


اراك قد تعجبت واتهمت صاحب الموضوع بتشويه سمعة السودانين ولعمري هذا اتهام خطير ، وأذا كان انه قد وصف البيئة التي يعيش فيها كما اسلفت فأعلم انه قد استنكرها وضغط الغصة في حلقه حتى كتب ما رأيت ولكني اعرف الاخ ابو الشباب هيثم شوشة جيداً فهو ليس منهم ولا يتشرف بما بهم وبما انك موجود في جدة لك بها فترة ليست بالقليلة اتمنى ان تذهب يوماً إلى قاعات (السلمي) او (ابحر) وانت سترى ما كتب بأم عينك
جميعنا يعلم أن النقاش في مواضيع كهذه ليس فيه مصلحة لأحد انما هو رأي كتبه صاحب الموضوع لمناقشته ولكن بطريقة لا تجرح .
مع العلم بأنك قد ذكر ت بوجود بعض الشواذ فالشواذ هؤلاء اخي ان لم نتصدى لهم اليوم لا نستطيع في الغد هذا أذا اقتنعت بوجودهم اصلاً بما انك قد ذكرت اولاً انك لم ترى طول اقامتك ما تم وصفه.
اما حديثك عن التعميم فلا أظن ان صاحب الموضوع قد تحدث بشكل عام واليك ما ختم به حديثه





فأرى انك قد اغمضت عينيك عن هذه الفقرة اما بالنسبة للعنوان كان يمكن ان تطلب تعديله (ببعض ابناء المغتربين ) لاني اتحدث اليك ولا انكر وجودهم فانا قد رأيت بأم عيني ولكم انت تصدق او تكذب

أخيراً : حفظك الله وحفظ ابناءك وجعلهم زخراً لهذه الامة وقر عينك بهم

واختلاف الرأي لا يفسد للود قضية


لا فُـض فوك

[ابوالشباب شوشه]

أخي المشرف على المنتدى السلام عليكم ورحمة الله وبركاته .
قديماً كانوا يقولون التعميم عرضة الخطأ وفي الحديث : (إن من أفرى الفرى أن يهجو الشاعر القبيلة بأسرها ) فالذي ننكره في الموضوع التعميم وكذلك الأسلوب الذي تم تناول المشكلة به ففرق بين أسلوب الناصح المشفق وبين أسلوب المشهر فلو عرضت المشكلة بأسلوب جيد وطرقت بحثاً عن الحلول فلا إشكال لكن الإشكال في جعل كل المغتربين بهذه الصورة بل وصل الأمر إلى درجة ( أولاد المغتربين يا حسرتي عليهم ) وهم كغيرهم من السودانيين فيهم الغث والسمين وفيهم الصالح والطالح والصلاح هو الغالب ولله الحمد فيما نعلم والطلاح عارض وغريب

وايضاً لايفوتنى ان اشيد ببعض الاسر السودانية القليلة جداً فى تربية ابناهم
وارجوا أن تعزرونى إن أخطأت فى اى تعبير خاننى فانى اكتب وقلبى يحترق
ياخوى انت الكلام ده ماشفتو فى البوست ولاشنو ؟؟؟؟؟؟؟؟؟؟؟؟؟؟؟؟؟
الاسلوب انا ماصحفى ولا اديب ولاعندى دكتواره فى السرد انا كتبه الموضوع بالدارجيه العامه وصراحه انت شكلك عايش فى مجتمع محدود عشان كده مستغرب الكلام ده والكلام ده حاصل وموجود ولو ماخوفى على التشهير ببعض الاسر وابنائهم كنت نزلت ليك فيديو عشان تشوف بنفسك ..
وخلينا من طريقة عرض الموضوع والناصح والمشفق انت مقتنع انو الكلام ده فى ولا مافى وكل واحد عندو وجه نظر والاختلاف فى طريق العرض لايسفد شئ طالما فهمت الهدف من الموضوع .

[ابوخالد]

اخى / ابو الشباب شوشة
لك التجلة والإحترام
للحق قولة هو قائلها لو قبل البعض أو رفض ..
هناك من الظواهر الغريبة علينا وعلى مجتمعنا السودانى تحدث هنا فى الغربة
لكن للصدق لم اراها فى السودان بهذا الكم .. آخر زيارة للسودان كانت بتاريخ
30/7/2008م ولم اشاهد بإم عينى ماأشاهده هنا بالمملكة وبالرياض خاصة
وما سبق وتطرقت له يعتبر قليل من كثير يعف النفس ان توصفه .. ولمن أنكر
هذا الموجود فله العذر ربما يكون مشغوليات العمل والبيت والعيال أغنته عن
الإلتفات لهذه الموجودات ...
الموضوع يحتاج للمناقشة ومزيد من المناقشة الجادة لأنه أصبح يشكل ظاهرة
خطيرة تهدد أبنائنا وبناتنا ..
فلك كل الشكر أجزله أخى / هيثم

[ابوالشباب شوشه]

مابس ابناء السودانيين
الحكايه موضه عامه تيار جارف
موضه السنه دي والفاتت والقبلها والجايه
من ما قمنا ونحن بنشوف البيلبسو غريب والبيلبسو ما غريب
والبيلبسو جلابيه والبيلبسو شارليستون
الشعر كان خنفس زمان بيسرح بالخلال
وكان البنطلون ضيق من فوق وواسع من تحت وبيسابق الناس في الوساع والضيق
يمكن اعمامنا في المنتدى يقولو ليكم عن ده لانو اكيد لبسوه
مساله اللبس والحاصل هي زي ما قالت اختنا ملكه القلوب في الاول السوق بيفرض كده
مساله تربيه الاولاد مع احترامي ليكم
دي مسائل شخصيه
تخص الاسر
واكيد هم بيبرروا لاسرهم البيعملوه
انا تقريبا قريت كل المداخلات
البيستند بالدليل من السنه والبيستند علي رائو الشخصي
انا بحاول اوصل ليكم رايي الشخصي
انو دي ما مواضيع نقاش ابدا دي ونسه انفعاليه لي زول مر بموقف شخصي استفزو
مع احترامي يا صاحب البوست
ولا اقصد التجريح
عنوان البوست ممكن يجذب الناس من بره بس بيستفز الموضوع من جوه
وكلنا عندنا اخوان واخوات وابناء في الغربه والله في اولاد سودانيين في الغربه بيبطلوا يصلوا للاسف اول مايرجعوا السودان ....لي شنو؟ لانو الهو والضياع بقى عندنا اكتر من اي دوله تانيه
عشان كده
خلينا في الضل ونبعد من الرقراق

انو دي ما مواضيع نقاش ابدا دي ونسه انفعاليه لي زول مر بموقف شخصي استفزو
مع احترامي يا صاحب البوست

سبحان الله اى موقف هذا الذى مر بى واستفذنى ؟ !!!رؤيتى لشاب سودانى سودانى يتمايع كالبنت واخر يلبس ملابس بنت .. الاتستفذك مثل هذه الافعال وانتى فى بلد غير وطنك يجب عليك أن تكون سفيراً لها وتمثل دولتك خير تمثيل ا
فائق احتراماتي

الموضه ماكده يابت الشبارقة ( يعنى امعه تفعل مايفعله الناس ولاشنو )
وزمان ماكان الناس بتعمل كده اى نعم كانو بيلبسوا الشارلستون لكن بدون التشبه بالبنات ولبس المزركش والمخصر . والشعر كان خنفس نعم لكن بدون طوقه وشقه الرأس وتضفير الشعر وشده الشعر بالبانده ؟؟ والاسواق مابتفرض عليك نشترى لبس البنت للولد وتقولى لى ده السوق كده ؟؟؟
[COLOR="Red"]انو دي ما مواضيع نقاش ابدا دي ونسه انفعاليه لي زول مر بموقف شخصي استفزو ؟؟؟!!!!!! فعلاً استفذنى لبس الولد للبسه ملابس البنت وتشبهه بالنساء قال تعالى : (إِنْ يَدْعُونَ مِنْ دُونِهِ إِلَّا إِنَاثًا وَإِنْ يَدْعُونَ إِلَّا شَيْطَانًا مَرِيدًا ، لَعَنَهُ اللَّهُ وَقَالَ لَأَتَّخِذَنَّ مِنْ عِبَادِكَ نَصِيبًا مَفْرُوضًا ، وَلَأُضِلَّنَّهُمْ

وَلَأُمَنِّيَنَّهُمْ وَلَآمُرَنَّهُمْ فَلَيُبَتِّكُنَّ آذَانَ الْأَنْعَامِ وَلَآمُرَنَّهُمْ فَلَيُغَيِّرُنَّ خَلْقَ اللَّهِ وَمَنْ يَتَّخِذِ الشَّيْطَانَ وَلِيًّا مِنْ دُونِ اللَّهِ فَقَدْ خَسِرَ خُسْرَانًا مُبِينًا)

وقال رسول الله محمد صلى الله عليه وسلم

(لعن الله المتشبهات من النساء بالرجال و المتشبهين من الرجال بالنساء )
ونحن فى بلد غريب يجب علينا أن نكون سفراء حضاريين ليس مضحكة والنظر لنا بإحتقار .. وليس موقف خاص او شخصى كما نوهتى افعال كهذه يجب أن تستفذ كل سودانى .


التربيه :
المفهوم الصحيح هو الارتقاء بالأخلاق وتنمية القدرات وحين تقول أنا ربيت فلانا فمعناه انك ارتقيت بحسه وذوقه وأخلاقه ومعاملاته

[سيد البلد]

مابس ابناء السودانيين
الحكايه موضه عامه تيار جارف
موضه السنه دي والفاتت والقبلها والجايه
من ما قمنا ونحن بنشوف البيلبسو غريب والبيلبسو ما غريب



الأخت " بت الشبارقه " ...
لك وافر إحترامي وتقديري ...


حديث النبي http://www.khotab.net/images/image003.gif (http://www.khotab.net/images/image003.gif) يحذر أمته بقوله: ((لا تكونوا إمَّعَة تقولون: إن أحسن الناس أحسنّا، وإن ظلموا ظلمنا، ولكن وطِّنوا أنفسكم: إن أحسن الناس أن تحسنوا، وإن أساؤوا فلا تظلموا)) رواه الترمذي وحسنه.


مالنا والآخرين ؟
هل يعني هذا أن نقتفي آثار من سبقونا ؟ فإن أخطأوا أخطأنا وإن اصابوا أصبنا ؟


يجب أن نكون " نحن " , أن نكون أنفسنا
بكل القيم التي عرفناها , وعقلناها وفهمناها
بكل ما هو جميل فينا
لا أن نكون نسخة ممسوخة مشوهة قبيحة وإنعكاس لصورة غيرنا
لا لشئ إلا لأنها مجرد " موضه "
ولو إقتصر الأمر على مجرد اللبس والموضه لما كان للحديث مكان
فالأمر اعمق من ذلك واكبر




انا بحاول اوصل ليكم رايي الشخصي
انو دي ما مواضيع نقاش ابدا دي ونسه انفعاليه لي زول مر بموقف شخصي استفزو
مع احترامي يا صاحب البوست



لك كامل الحق والحرية في رؤيتك للموضوع حسب مفاهيمك التي تقنعين بها
وبمثل هذا الكم كان لزاماً عليك حفظ حق الآخرين بعدم قولك " أنها مواضيع ليست للنقاش "
أو أنها دون أن نتحدث عنها ,
وليتك إكتفيتي بطرح رؤيتك للموضوع ورأيك فيه دون الحكم علي أهليته بطرحه للنقاش من عدمها ...





فائق احتراماتي



ولك منه مقدراً مضاعفا ,,,

[ابوالشباب شوشه]

اخى / ابو الشباب شوشة
لك التجلة والإحترام
للحق قولة هو قائلها لو قبل البعض أو رفض ..
هناك من الظواهر الغريبة علينا وعلى مجتمعنا السودانى تحدث هنا فى الغربة
لكن للصدق لم اراها فى السودان بهذا الكم .. آخر زيارة للسودان كانت بتاريخ
30/7/2008م ولم اشاهد بإم عينى ماأشاهده هنا بالمملكة وبالرياض خاصة
وما سبق وتطرقت له يعتبر قليل من كثير يعف النفس ان توصفه .. ولمن أنكر
هذا الموجود فله العذر ربما يكون مشغوليات العمل والبيت والعيال أغنته عن
الإلتفات لهذه الموجودات ...
الموضوع يحتاج للمناقشة ومزيد من المناقشة الجادة لأنه أصبح يشكل ظاهرة
خطيرة تهدد أبنائنا وبناتنا ..
فلك كل الشكر أجزله أخى / هيثم

هذا الظاهرة موجوده فى السودان لكن فعلا ليس كما ذكرت بهذا الكم الموجود فى المملكة . ونلتمس العذر لكل من لايري مثل هذا العادات الدخيلة على مجتمعنا لذلك وجب علينا لفت انظار الاباء للتنبيه والحرص على متابعة ابنائهم وأاكد لك اخى أن النقاش فى هذا البوست وصل الى كثير من الاخوة غير الموجودين بالمنتدى ودار بينهم حوار مطول فى هذا الشأن وهذا مانهدف له لفت الانظار حتى تتغير الصوره الحاليه للاجمل .

[نزار حسن محمد]

نعم يا ابو الشباب لقد فتحت موضوع فى غاية الاهميه وانا اتفق معك فى كثير مما ذكرة
وقدكنا قبل ايام نتناقش فى هذا الموضوع كانت المناسبه الاحتفال بالابناء الناجحين فى امتحان الشهاده .. اتفق الجميع على ان الخدمه الالزاميه كفيله بتعديل الاعوجاج ولكن هذا لايكفى فدور رب الاسره اساسى فى تغير هذا السلوك ... واتمنى ان نستمع لاراء الاخوه الاعضاء فى هذا البوست .

[ابوالشباب شوشه]

نعم يا ابو الشباب لقد فتحت موضوع فى غاية الاهميه وانا اتفق معك فى كثير مما ذكرة
وقدكنا قبل ايام نتناقش فى هذا الموضوع كانت المناسبه الاحتفال بالابناء الناجحين فى امتحان الشهاده .. اتفق الجميع على ان الخدمه الالزاميه كفيله بتعديل الاعوجاج ولكن هذا لايكفى فدور رب الاسره اساسى فى تغير هذا السلوك ... واتمنى ان نستمع لاراء الاخوه الاعضاء فى هذا البوست .

إن الأساليب التربوية المختلفة التي يتخذها الآباء منهجا أساسيا في تربية أبنائهم تعتبر من العوامل المؤثرة في تحديد شخصية الأبناء، فمن المعروف أن شخصية الإنسان نتاج محصلة ثلاثة أشياء هي الوراثة والبيئة المحيطة والخبرات المكتسبة والتي يكون مصدرها الرئيسي الآباء.

[زيزي]

انا بجد بشكرك علي الموضوع الجميل باالجد حسرة علي الأولاد ديل ماكلهم طبعا بس الأغلبية هم باالطريقة دي انا كمان ماعارفة كيف الواحدة بتسمح لي اولادا اطلعو باالطريقة والحاجة البتغيظني اكتر انو الواحد فيهم تلقي مابتكلم سوداني جنس قعيد في الكلام
لك تحياتي

[مايسة]

السودان يعتبر دولة من الدول الشرقية ( العربية او الاسلامية ) التي تأثرت بكتاحة العولمة التي اجتاحت معظمهم – والبركة طبعا في اعداء الاسلام – والذين منذ الاذل يحاربون في الاسلام (منذ سقوط الدولة المسيحية) والاحداث التاريخية تسرد نفسها بنفسها –
ولكن كيف نحارب مثل هذه الظواهر – فعلي حسب رائي فانا اعتبرها ظاهرة – ليست خاصة بابناء المغتربين فقط – ولكن بشبابنا في السودان داخل السودان ايضا –
- في يوم اذهب الي شارع المطار او اي من الاماكن الفاخرة التي لا يرتادها الا من كانو من زوي الطبقة المترفه او الطبقات الاروستقراطية – اصحاب البلاييين واذهب الي حفلاتهم الصاخبة وادخل بيوتهم – ستحس بأنك لست في السودان ايضا – من طريقة لبسهم وكلامهم والفاظهم – والمصيبة ليست هنا – المصيبة من هم اتباع لهم من زوي الدخل المحدود – وانظر نتيجة هذا التفاعل والاختلاط ماذا سينتج (انفجار ) . فاذا المشكلة ليست حظرا على اولاد المغتربين فقط
ولكن للاسف المشكلة تظهر بوضوح في بعض اولاد المغتربين (من لم يجدو الرقيب الحسيب ) – وذلك لان هذه الشريحة (المغتربين دائما يكون الضوء متسلط عليها) – ونغفل عما يحدث امامنا وخلف ظهورنا في السودان –

في الاغتراب مسئولية الاباء تزيد اضعاف الاضعاف – نسبة لوجود المغريات في كل مكان وفي كل ركن من الاركان – فالوالدين الاذكياء – من يتقربو من اطفالهم واولادهم – ويحيطونهم احاطة السوار بالمعصم – لا يكبتوهم لكي لا ينفجرو – ولكن يتركو لهم مساحة ليتحركو من خلالها – ويشعرونهم بالاطمئنان ويربوهم على الصراحة – ويغرسو فيهم القيم الاسلامية – (فمن شب على شئ شاب عليه) .

ولكن يبقي ما نقوله وكأنه تشبث - فكما هو معروف لدي الجميع بأن ما يحدث ما هو الا علامة من علامات يوم القيامة كما ذكرها الرسول صلى الله عليه وسلم في بعض الاحاديث (تشبه الرجال بالنساء والعكس) .

نسأل الله السلامة – وحسن الخاتمة ويحفظ ابناءنا وبناتنا من اصدقاء السوء الذين يعتبرون المعضلة الاساسية في كل ما يحدث – وان يعطينا القوة والثبات في تربيتهم تربية صالحة آمنة .

همسة صغيرة: الحسرة ما بعض اولاد المغتربين – الحسرة على شباب امة اسلامية كاملة – يهددها اعداء الاسلام بشتى الطرق والاساليب – (نسأل الله العلي القدير الستر والهدايه)

[ابوالشباب شوشه]

السودان يعتبر دولة من الدول الشرقية ( العربية او الاسلامية ) التي تأثرت بكتاحة العولمة التي اجتاحت معظمهم – والبركة طبعا في اعداء الاسلام – والذين منذ الاذل يحاربون في الاسلام (منذ سقوط الدولة المسيحية) والاحداث التاريخية تسرد نفسها بنفسها –
ولكن كيف نحارب مثل هذه الظواهر – فعلي حسب رائي فانا اعتبرها ظاهرة – ليست خاصة بابناء المغتربين فقط – ولكن بشبابنا في السودان داخل السودان ايضا –
- في يوم اذهب الي شارع المطار او اي من الاماكن الفاخرة التي لا يرتادها الا من كانو من زوي الطبقة المترفه او الطبقات الاروستقراطية – اصحاب البلاييين واذهب الي حفلاتهم الصاخبة وادخل بيوتهم – ستحس بأنك لست في السودان ايضا – من طريقة لبسهم وكلامهم والفاظهم – والمصيبة ليست هنا – المصيبة من هم اتباع لهم من زوي الدخل المحدود – وانظر نتيجة هذا التفاعل والاختلاط ماذا سينتج (انفجار ) . فاذا المشكلة ليست حظرا على اولاد المغتربين فقط
ولكن للاسف المشكلة تظهر بوضوح في بعض اولاد المغتربين (من لم يجدو الرقيب الحسيب ) – وذلك لان هذه الشريحة (المغتربين دائما يكون الضوء متسلط عليها) – ونغفل عما يحدث امامنا وخلف ظهورنا في السودان –

في الاغتراب مسئولية الاباء تزيد اضعاف الاضعاف – نسبة لوجود المغريات في كل مكان وفي كل ركن من الاركان – فالوالدين الاذكياء – من يتقربو من اطفالهم واولادهم – ويحيطونهم احاطة السوار بالمعصم – لا يكبتوهم لكي لا ينفجرو – ولكن يتركو لهم مساحة ليتحركو من خلالها – ويشعرونهم بالاطمئنان ويربوهم على الصراحة – ويغرسو فيهم القيم الاسلامية – (فمن شب على شئ شاب عليه) .

ولكن يبقي ما نقوله وكأنه تشبث - فكما هو معروف لدي الجميع بأن ما يحدث ما هو الا علامة من علامات يوم القيامة كما ذكرها الرسول صلى الله عليه وسلم في بعض الاحاديث (تشبه الرجال بالنساء والعكس) .

نسأل الله السلامة – وحسن الخاتمة ويحفظ ابناءنا وبناتنا من اصدقاء السوء الذين يعتبرون المعضلة الاساسية في كل ما يحدث – وان يعطينا القوة والثبات في تربيتهم تربية صالحة آمنة .

همسة صغيرة: الحسرة ما بعض اولاد المغتربين – الحسرة على شباب امة اسلامية كاملة – يهددها اعداء الاسلام بشتى الطرق والاساليب – (نسأل الله العلي القدير الستر والهدايه)

إن العولمة منظومة متكاملة يرتبط فيها الجانب السياسيُّ بالجانب الاِقتصادي، والجانبان معاً يتكاملان مع الجانب الاجتماعي والثقافي، ولا يكاد يستقل جانبٌ بذاته، ولكن آلة ذلك كله التي لاتنفصل البتة عن أي شكل من أشكال العولمة هو الإعلام بوسائله المتعدد، فمهما رأيت صوراً لعولمة ثقافية أو اقتصادية أو سياسية أو اجتماعية، فاقطع بأنها جاءت محمولة عبر آلية إعلامية.
فنجاح مروجي ثقافاتهم واقتصادياتهم وسياساتهم بل وحروبهم كان من أعظم أسبابه نجاحهم في عولمة إعلامهم لكن يجب علينا نحن كدوله مسملة قبل كل شئ أن لانتأثر بتلك العولمه والاعلام فى مفاسدها ونأخذ الحسن منها فقط ويرجع الاختيار فى ذلك الى التربيه الصحيحه المبنيه على تعاليم الإسلام .
وعن هذه الظاهرة فى السودان فتلك هى الطامه الكبرى .. ففى بعض الاحيان التمس العذر للمغتربين واولادهم لعدم وجود رقيب بديل لكن فى السودان يوجد الاهل والجيران وابناء الفريق وكل هؤلاء لهم دور فعال فى تربيه جيل صالح .
وعن حديثك أن هذه الاشياء تعتبر من علامات علامات القيامه اليك بعض الاحاديث التى تثبت ذلك فعلاً :
استحلال الأغاني والمعازف قال صلى الله عليه وسلم : "ليكونن من أمتي أقوام يستحلون الحر والحرير والخمر والمعازف"
اتخاذ القينات ( المغنيات). فهناك من يتلذذ بسماعهن والنظر إلى تراقصهن عبر شاشات التلفاز وغيرها، قال عليه الصلاة والسلام: "ليكونن في هذه الأمة خسف، وقذف، ومسخ، وذلك إذا شربوا الخمور، واتخذوا القينات، وضربوا بالمعازف" (رواه ابن أبي الدنيا وصححه الألباني) الخسف: الذهاب والغياب والغوص في باطن الأرض.

لبس الرجال الحرير، قال رسول الله صلى الله عليه وسلم: "...من لبس الحرير في الدنيا لم يلبسه في الآخرة " (رواه البخاري).

ونسأل الله أن يعين الجميع على التربيه الرشيده ويوفقنا واياهم لما فيه خيراً لنا فى ديننا .

[ابوالشباب شوشه]

[quote=زيزي;336079]انا بجد بشكرك علي الموضوع الجميل باالجد حسرة علي الأولاد ديل ماكلهم طبعا بس الأغلبية هم باالطريقة دي انا كمان ماعارفة كيف الواحدة بتسمح لي اولادا اطلعو باالطريقة والحاجة البتغيظني اكتر انو الواحد فيهم تلقي مابتكلم سوداني جنس قعيد في الكلام
لك تحياتي[/quote
تسلمى .. والله انا كمان زى البتكلوا لهجات خليجيه فيها قعيد فى الكلام دى بطلع روحى عديل كده .

[مايسة]

إن الأساليب التربوية المختلفة التي يتخذها الآباء منهجا أساسيا في تربية أبنائهم تعتبر من العوامل المؤثرة في تحديد شخصية الأبناء، فمن المعروف أن شخصية الإنسان نتاج محصلة ثلاثة أشياء هي الوراثة والبيئة المحيطة والخبرات المكتسبة والتي يكون مصدرها الرئيسي الآباء.

أتفق معك تماما


إن العولمة منظومة متكاملة يرتبط فيها الجانب السياسيُّ بالجانب الاِقتصادي، والجانبان معاً يتكاملان مع الجانب الاجتماعي والثقافي، ولا يكاد يستقل جانبٌ بذاته، ولكن آلة ذلك كله التي لاتنفصل البتة عن أي شكل من أشكال العولمة هو الإعلام بوسائله المتعدد، فمهما رأيت صوراً لعولمة ثقافية أو اقتصادية أو سياسية أو اجتماعية، فاقطع بأنها جاءت محمولة عبر آلية إعلامية.
فنجاح مروجي ثقافاتهم واقتصادياتهم وسياساتهم بل وحروبهم كان من أعظم أسبابه نجاحهم في عولمة إعلامهم لكن يجب علينا نحن كدوله مسملة قبل كل شئ أن لانتأثر بتلك العولمه والاعلام فى مفاسدها ونأخذ الحسن منها فقط ويرجع الاختيار فى ذلك الى التربيه الصحيحه المبنيه على تعاليم الإسلام . وعن هذه الظاهرة فى السودان فتلك هى الطامه الكبرى .. ففى بعض الاحيان التمس العذر للمغتربين واولادهم لعدم وجود رقيب بديل لكن فى السودان يوجد الاهل والجيران وابناء الفريق وكل هؤلاء لهم دور فعال فى تربيه جيل صالح .

اسمح لي بأن اعلق على هذه الجزئية - طالما ان الذي يسيرنا ويوجه مسيرتنا للطريق القويم والسليم ، تعاليم ديننا الحنيف - فاذا الموضوع مش مغتربين فقط - واحب ان اوضح لك - وكما اسلفت - في دول المهجر وكما لاحظت انت كل شئ متوفر - ولكن العيب يكون في الوالدين وليس في الطفل او الشاب او الفتاة - (اذا فالاحري بنا ان نذم الاباء المقصرين وليس الابناء - ) (اذا كان هذا داخل السودان او خارجة)
ونسأل الله أن يعين الجميع على التربيه الرشيده ويوفقنا واياهم لما فيه خيراً لنا فى ديننا .

آآآآآآآآآمين يا رب

- واراك تتحدث عن عدم وجود الرقيب البديل في الغربة - ليس صحيح هذا الكلام - ايوجد رقيب اكثر من الوالدين (فالنفرض غياب الاب لظروف العمل - اين الام (الا وللاسف الشديد تكون جاهلة (لااقصد اكاديميا - طبعا) (بل جاهلة باساليب التربية الصحيحة وجاهلة لامور ديننا (لا اظن ذلك الا نادرا) وان وجدت مثل هذه الحالات (اتاسف لقولي هذا ولكن العيب يكون في الوالدين انفسهم وطريقة تربيتهم ) -
- وفي السودان الرقيب هذا كان سابقا - زمن الحبوبات - زمن الدنيا بخير - ولكن الآن ايقاع الحياة اصبح سريع جدا ومشاغل الحياة اخذت الناس - واصبح هم الناس الاساسي لقمة العيش - (مين الفاضي عشان يوجه ليهو شاب ولا شابة) (اللهم الا في الاسر المحافظة وبعض المدن الطرفية والتي يكون فيها صوت الخال او العم او الاطراف القريبة مسموع ومقبول من غير زعل وتحسس من الوالدين ) .

- آسفة ولكن عنوان البوست يستفز الواحد من جوه - وكأن اولاد المغتربين جريمة - ولكن يا اخي الكريم - الموضوع عكس كده تماما - (دعنا نناقش مشكلة بعض الشباب عامة وتقليدهم الاعمي داخل السودان وخارجه للظواهر الغريبة على مجتماعتنا الاسلامية ككل والسودان خاصة)
دعنا بدل ما نهاجم هؤلاء الشباب - نفهم لماذا يقومون بهذه الحركات والاساليب التي دخيلة علينا من مجتمعات همها الاول والاخير وهدفها في الحياة ان تمحو االدين الاسلامي من الوجود -
لك كل التحية والاحترام

[صابرحسين]

موضوع مهم ويعكس إهتمامك بشريحة هي عزيزة على قلوبنا ، ومهما كان إختلاف وجهات النظر حول الموضوع فيما بيننا ذلك أمر سهل ويمكن تداركة وتصويب الخطأ والإستفادة منه ، ولكن أخي الطامة الكبرى عندما يصبح سلوك الإنسان السوداني يتحدثون عنه في منابر المساجد ، قبل ايام ذكر لي أخ عزيز أن إمام المسجد في أحد أحياء الرياض طلب من جميع المصلين الخروج بعد أداء الصلاة ما عدا السودانيين وبدأ يخطب فيهم عن ضرورة الإلتفات للأسرة والأبناء بوجه خاص لما شاهده عن إنحراف سلوكي أصبح ظاهر للعيان ، قلذلك حسناً فعلت لنتقاسم سوياً هذا الهم الذي يهمنا نحن السودانيين أكثر من آي إنسان آخر .
تربية الأولاد صعبة جداً في بلاد الغربة لأن الشارع لا يرحم ومهما كانت بدايات تربية الأولاد على أسس متينة وإسلامية قويمة وجود الشارع بشكله المخيف هذا سوف يضيع كل ما أكتسبه الإبن سابقاً من قيم نبيلة ، وكم من ختم القرآن الكريم ولديه من شهادات التقدير ما تتزين به الجداران ، ولكن بعد خروجه للشارع وجد أصدقاء السوء واصبح مثلهم ، وكل ذلك في غفلة من رب الأسرة الذي محكوم بظروف عمل تجعل تواجده أمام الأبناء ليمارس دوره التربوي السليم قليل جداً .
تطلعات الأبناء في الغربة أكبر من إمكانيات أسرهم ، فلذلك تجدهم لتلبية هذه التطلعات ينجرفون لعوالم الجريمة والمخدرات التي أصبحت المدخل الرئيسي لضياع كثير من الأبناء .... هم جميعهم ابناءنا نسأله تعالى أن يهديهم وأن يلهمنا جميعاً الصواب في معالجة مثل هذه السلوكيات التي لا تشبهنا ، ويكفي هم الغربة التي أكلت من دواخلنا الكثير ، والتحية لكل الأبناء الناجحين الذين يقدرون ما يعانيه الأباء في تربيتهم ......

[ابوالشباب شوشه]

أتفق معك تماما



آآآآآآآآآمين يا رب

- واراك تتحدث عن عدم وجود الرقيب البديل في الغربة - ليس صحيح هذا الكلام - ايوجد رقيب اكثر من الوالدين (فالنفرض غياب الاب لظروف العمل - اين الام (الا وللاسف الشديد تكون جاهلة (لااقصد اكاديميا - طبعا) (بل جاهلة باساليب التربية الصحيحة وجاهلة لامور ديننا (لا اظن ذلك الا نادرا) وان وجدت مثل هذه الحالات (اتاسف لقولي هذا ولكن العيب يكون في الوالدين انفسهم وطريقة تربيتهم ) -
- وفي السودان الرقيب هذا كان سابقا - زمن الحبوبات - زمن الدنيا بخير - ولكن الآن ايقاع الحياة اصبح سريع جدا ومشاغل الحياة اخذت الناس - واصبح هم الناس الاساسي لقمة العيش - (مين الفاضي عشان يوجه ليهو شاب ولا شابة) (اللهم الا في الاسر المحافظة وبعض المدن الطرفية والتي يكون فيها صوت الخال او العم او الاطراف القريبة مسموع ومقبول من غير زعل وتحسس من الوالدين ) .


لا اختلاف معك فى أن الرقيب الأول هم الوالدين لكن وجود الاطراف التى ذكرتها مهم جداً ففى بعض الاحيان لاترى اخطاء الابناء الا من خلالهم ولاننكر اننا توجهنا فى كثر جداً من الاخطاء الى الصواب عن طريق الخال او الخاله والعم اوالعمه وناس الفريق وهذا شريحة مهمة جداً فى تربيه الابناء .
ومن منافع هذا البوست لفت الانظار وتنبيه الوالدين الى عدم الزعل والتهور فى حال تم تأنيب احد ابنائهم من قبل اى شخص آخر اذا كان الابن مخطأ .

- آسفة ولكن عنوان البوست يستفز الواحد من جوه - وكأن اولاد المغتربين جريمة - ولكن يا اخي الكريم - الموضوع عكس كده تماما - (دعنا نناقش مشكلة بعض الشباب عامة وتقليدهم الاعمي داخل السودان وخارجه للظواهر الغريبة على مجتماعتنا الاسلامية ككل والسودان خاصة)
دعنا بدل ما نهاجم هؤلاء الشباب - نفهم لماذا يقومون بهذه الحركات والاساليب التي دخيلة علينا من مجتمعات همها الاول والاخير وهدفها في الحياة ان تمحو االدين الاسلامي من الوجود -
لك كل التحية والاحترام


عنوان البوست لاعتقد انه مستفذ بقدر ماتستفذك المناظر التى نراها فى كل يوم بشكل غريب .
والتربيه هى التى تؤثر فيك وفى تقليدك للاخرين فإذا كانت تربيه صحيحه مبنيه على الدين الاسلامى ماكان الابن بقى امعه وحذرنا الرسول ( ص ) الكريم من التقلد الاعمى
وهموم الحياة ومشاغلها ماسبب فى ترك ابنائنا دون متابعة لهم فكلنا نعمل من اجل تأسيس اسره سعيده كريمه .
وللحديث بقيه .. وتقبلى فائق احترامى

[chocolat00]

بصراحة وين ما مشيت ...سمعة اولاد المغتربين السودانيين مشاءالله في اي مكان ...الكلام ده انا ماعرفتو وين؟

[ابوالشباب شوشه]

موضوع مهم ويعكس إهتمامك بشريحة هي عزيزة على قلوبنا ، ومهما كان إختلاف وجهات النظر حول الموضوع فيما بيننا ذلك أمر سهل ويمكن تداركة وتصويب الخطأ والإستفادة منه ، ولكن أخي الطامة الكبرى عندما يصبح سلوك الإنسان السوداني يتحدثون عنه في منابر المساجد ، قبل ايام ذكر لي أخ عزيز أن إمام المسجد في أحد أحياء الرياض طلب من جميع المصلين الخروج بعد أداء الصلاة ما عدا السودانيين وبدأ يخطب فيهم عن ضرورة الإلتفات للأسرة والأبناء بوجه خاص لما شاهده عن إنحراف سلوكي أصبح ظاهر للعيان ، قلذلك حسناً فعلت لنتقاسم سوياً هذا الهم الذي يهمنا نحن السودانيين أكثر من آي إنسان آخر .
تربية الأولاد صعبة جداً في بلاد الغربة لأن الشارع لا يرحم ومهما كانت بدايات تربية الأولاد على أسس متينة وإسلامية قويمة وجود الشارع بشكله المخيف هذا سوف يضيع كل ما أكتسبه الإبن سابقاً من قيم نبيلة ، وكم من ختم القرآن الكريم ولديه من شهادات التقدير ما تتزين به الجداران ، ولكن بعد خروجه للشارع وجد أصدقاء السوء واصبح مثلهم ، وكل ذلك في غفلة من رب الأسرة الذي محكوم بظروف عمل تجعل تواجده أمام الأبناء ليمارس دوره التربوي السليم قليل جداً .
تطلعات الأبناء في الغربة أكبر من إمكانيات أسرهم ، فلذلك تجدهم لتلبية هذه التطلعات ينجرفون لعوالم الجريمة والمخدرات التي أصبحت المدخل الرئيسي لضياع كثير من الأبناء .... هم جميعهم ابناءنا نسأله تعالى أن يهديهم وأن يلهمنا جميعاً الصواب في معالجة مثل هذه السلوكيات التي لا تشبهنا ، ويكفي هم الغربة التي أكلت من دواخلنا الكثير ، والتحية لكل الأبناء الناجحين الذين يقدرون ما يعانيه الأباء في تربيتهم ......

اخى صابر يجب علينا جيمعاً الاهتمام بهذه الشريحه فهى التى ترسم ملامح الطريق المطئ وسوف تكون واجهتنا فى يوم الايام فى الغربه لذلك وجب علينا توجيههم للطريق السليم حتى يشرفونا ويرفعوا من شأن السودان .
وعن التربيه لاتوجد صعوبه فى التربيه والوالدين هم من يأثر على الابناء فى سلوكياتهم واخلاقهم . نسأل الله أن يعين الجميع ويوفقهم لما فيه خيرا لهم ولنا فى ديننا ودنيانا .

[ابوعماد]

الله يعطيك العافية يالاخ ابوشباب حقيقة المضوع هام وخطير وللكن برضو بقول اهل لهم دور
فى الشى الشفتو عشان كده الحكاية بقت عام مغتربين وغير مغتربين بس نقول الله يكون فىالعون ليك خالص تحياتى
ابوعماد

[omer.ahmed]

يامغتربين ارجعوا البلد بيكل مشاكلا احسن ليكم
الخير راقد بكفينا وبكفيكم والرزق على الله

[ابوالشباب شوشه]

يامغتربين ارجعوا البلد بيكل مشاكلا احسن ليكم
الخير راقد بكفينا وبكفيكم والرزق على الله

اخى عمر الارزاق بيدالله فى كل بقاع الارض فى الغربه او السودان او فى اى مكان اخر فكل مامكتوب لك من رزق مسطر كيف ياتى وفى اى مكان .. وبخصوص البوست كما ذكر كثير من الاخوة أن هذا العادات اصبحت منتشره فى السودان ايضاً فلننظر الى اساس المشكلة .

[ابوالشباب شوشه]

يامغتربين ارجعوا البلد بيكل مشاكلا احسن ليكم
الخير راقد بكفينا وبكفيكم والرزق على الله

اخى عمر الارزاق بيدالله فى كل بقاع الارض فى الغربه او السودان او فى اى مكان اخر فكل مامكتوب لك من رزق مسطر كيف ياتى وفى اى مكان .. وبخصوص البوست كما ذكر كثير من الاخوة أن هذا العادات اصبحت منتشره فى السودان ايضاً فلننظر الى اساس المشكلة .

[omer.ahmed]

ماااااااااااااااااااااظن نصل المرحله دى فى السودان مهما كان تعرف لى لانو على الاقل بتلقى زول لو ماابوك امك او خالك او عمك او اى قريب بتكلم معاك انشاء الله واحد من الفريق ساى .
لكن تعال هنا اتكلم مع واحد وقول ليهو ده غلط والله تكون دقسته دقست عمرك

أتفق معك تماما والقصة مافي الخرطوم بس يعني لو زول عمل كده في شندي ولا الفاشر ولا كادوقلى اساسا ماحيقدر يقعد يوم واحد بيشكلو الغريب .

[chocolat00]

يامغتربين ارجعوا البلد بيكل مشاكلا احسن ليكم
الخير راقد بكفينا وبكفيكم والرزق على الله

انشاالله كلنا عايزين نرجع بس زي ماقلت الرزق على الله ....و ارض الله واااسعة وكلو شي .... بس ماتعرف الله كاتب ليك الخير وين؟؟ هنا والله ماعندنا الشي ده و اولاد السودانيين ديل احسن ناس انا تفاجأة بالكلام ده.....:cool:

[ابوالشباب شوشه]

انشاالله كلنا عايزين نرجع بس زي ماقلت الرزق على الله ....و ارض الله واااسعة وكلو شي .... بس ماتعرف الله كاتب ليك الخير وين؟؟ هنا والله ماعندنا الشي ده و اولاد السودانيين ديل احسن ناس انا تفاجأة بالكلام ده.....:cool:

الحمدلله انى ليس الوحيد من رأى تلك الفئة التى تحدثت عنها ..
واختلاف الرأى لايفسد شئ فتلك شريحة مهمة فى المجمتع يجب الاهتمام بها ومااثير فى البوست امر سهل يمكن اصلاحه لكن المؤسف تكون سمعة السودانى على اى لسان حتى وصل الحال الى التنبه من احد أئمة المساجد .. كل هذا ولم تسمعى بمثل هذه الاشياء :confused:

[ملاك مدني]

الاخ هيثم جد موضوع مهم جدا لانو انتشار انتشار مبالغ فيهو بين اخوانا واخواتنا السودانيات سواء هنا ولا في السودان

بقى كلو حاجه غريبه اللبس والاغاني والرقيص والكلام وكلو حاجه
وبي الذات زي ماقال احد الاخوان الفي السعوديه((وفي الرياض خصيصا))

القالو انهم ماشافو حاجات زي دي والله ديل الا يكونوا قاعدين بين 8 حيط اربعه حقات الشغل واربعه حقت البيت وتاني الحمدلله ماشافوا باقي الدنيا

انا بقول للقالوا ماشافو حاجه وعايشين في الرياض العايز يشوف يمشي الاماكن العامه المفتوحه والكبيره جدا في الرياض وهو بيشوف العمرو ماشافو ولا اسالوا بس بتاعين الهيئات ح يقولو ليكم اكتر الممسوكين عندهم سودانين وسودانيات ما ممسوكين ظلم ممسوكين بي اعمالهم الشينه البقت تخجل


مع كل الوود والورد
اختكم...
ملاك مدني

[أشرف صلاح السعيد]

الاخ هيثم كل الاعوام انت والاهل جميعا كماتتمنون..

قرأت الموضوع و90% من المداخلات ووجدت التالى:
1/ مجموعة بتأكد مشاهداتك وانو الموضوع خطير ويجب ايجاد حلول ليهو..
2/ شخص واحد إعترض على بعض كلمات زى "شوفو التحت".."بالصدر".."المؤخرة".. مع انو اخونا عصمت ذكر "الصلب" وماعلق عليو..
3/ مجموعة من المغتربين المتزوجين بتدافع وبشدة عن انفسهم لا على الظاهرة ولكأنها اتهام مباشر لهم مع ذكرك بأن هناك بعض الاسر تحسن تربية ابنائها..
4/ رأى واحد بإنو من زماان فى موضات زى الخنفس والشارلستون وبالتالى الموضات الآن ماشى جديد وانو صاحب البوست كتب انفعال شخص وليس موضوع يجب يطرح للمناقشة..

اولا :ارجو منك ان تعدل العنوان بإضافة بعض امام أبناء المغتربين حتى لا نقع فى خطأ التعميم..
ثانيا: أتفق معك جملة وتفصيلا فيما طرحت ولو كان حتى الموضوع بيخص ولد مغتربين واحد فمن حقنا كشف الضو على المشكل ومناقشته لإيجاد الحلول..فعظيم النار يبدأ من مستصغر الشرر..
ثالثا : المفردة عمرها ماكانت عيبة ولكن العيبة مربوطة بمخيلتنا نحن فعند قول أسفل الظهر يتقبلها الكثير منا ولكن البعض لا يتقبل المؤخرة أو الصلب مع أن المفردتين لا زالتا بنفس المعنى وكيف كان حيكون الوضع لو استعملنا كلمات أخرى مثل "ماتخافو ماحأقولم رغم معرفتى بإنهم لنفس المعنى"..
رابعا: مسألة ربط الطرح وشخصنته مسألة غير صحية فأنا مغترب وإبن مغترب ولى أسرة بدنيا الإغتراب ولم أحس بأن الطرح موجه لى طالما أنى واثق من تربيتى لأبنائى..المدافعة عما نجهل كارثة وربطنا للخلل بنا ونحن بعيدين عنه ايضا كارثة..
خامسا: الموضة لاتعنى الالزام بها فى السبعينات النساء والشابات كان معظمهم بيلبسو المينى جب "فوق الركبة" فهل علينا الآن أن نلبس الميدى جب نسبة لحالة العولمة التى حولنا؟!!! لسنا ضد الموضة إن لم تكن حرام ولكنا ضد الحرام ولعل التشبه حرام إن لم أكن مخطئ..اليوم هناك موضات الصرة برا شنو الراى نلبس بناتنا كدا عشان نجارى الموضة؟..
أراك اخى هيثم قد ألقيت الضو على ظاهرة يجب على أولياء الامور حلها لأنهم هم الملامين لا الابناء المراهقون ..فبعالم المراهقة كثير من الشباب يتوه بلا وجود الناصح والموجه..
كن بخير..

[ملاك مدني]

الاخ هيثم كل الاعوام انت والاهل جميعا كماتتمنون..

قرأت الموضوع و90% من المداخلات ووجدت التالى:
1/ مجموعة بتأكد مشاهداتك وانو الموضوع خطير ويجب ايجاد حلول ليهو..
2/ شخص واحد إعترض على بعض كلمات زى "شوفو التحت".."بالصدر".."المؤخرة".. مع انو اخونا عصمت ذكر "الصلب" وماعلق عليو..
3/ مجموعة من المغتربين المتزوجين بتدافع وبشدة عن انفسهم لا على الظاهرة ولكأنها اتهام مباشر لهم مع ذكرك بأن هناك بعض الاسر تحسن تربية ابنائها..
4/ رأى واحد بإنو من زماان فى موضات زى الخنفس والشارلستون وبالتالى الموضات الآن ماشى جديد وانو صاحب البوست كتب انفعال شخص وليس موضوع يجب يطرح للمناقشة..

اولا :ارجو منك ان تعدل العنوان بإضافة بعض امام أبناء المغتربين حتى لا نقع فى خطأ التعميم..
ثانيا: أتفق معك جملة وتفصيلا فيما طرحت ولو كان حتى الموضوع بيخص ولد مغتربين واحد فمن حقنا كشف الضو على المشكل ومناقشته لإيجاد الحلول..فعظيم النار يبدأ من مستصغر الشرر..
ثالثا : المفردة عمرها ماكانت عيبة ولكن العيبة مربوطة بمخيلتنا نحن فعند قول أسفل الظهر يتقبلها الكثير منا ولكن البعض لا يتقبل المؤخرة أو الصلب مع أن المفردتين لا زالتا بنفس المعنى وكيف كان حيكون الوضع لو استعملنا كلمات أخرى مثل "ماتخافو ماحأقولم رغم معرفتى بإنهم لنفس المعنى"..
رابعا: مسألة ربط الطرح وشخصنته مسألة غير صحية فأنا مغترب وإبن مغترب ولى أسرة بدنيا الإغتراب ولم أحس بأن الطرح موجه لى طالما أنى واثق من تربيتى لأبنائى..المدافعة عما نجهل كارثة وربطنا للخلل بنا ونحن بعيدين عنه ايضا كارثة..
خامسا: الموضة لاتعنى الالزام بها فى السبعينات النساء والشابات كان معظمهم بيلبسو المينى جب "فوق الركبة" فهل علينا الآن أن نلبس الميدى جب نسبة لحالة العولمة التى حولنا؟!!! لسنا ضد الموضة إن لم تكن حرام ولكنا ضد الحرام ولعل التشبه حرام إن لم أكن مخطئ..اليوم هناك موضات الصرة برا شنو الراى نلبس بناتنا كدا عشان نجارى الموضة؟..
أراك اخى هيثم قد ألقيت الضو على ظاهرة يجب على أولياء الامور حلها لأنهم هم الملامين لا الابناء المراهقون ..فبعالم المراهقة كثير من الشباب يتوه بلا وجود الناصح والموجه..
كن بخير..




مافي زياده على الكلام الجميل دا :):)

[ابو عبد الرحمن]

وعَنْ أَبِي سَعِيدٍ الْخُدْرِيّ، قَالَ: قَالَ رَسُولُ اللّهِ صلى الله عليه وسلم "لَتَتّبِعُنّ سَنَنَ الّذِينَ مِنْ قَبْلِكُمْ. شِبْراً بِشِبْرٍ، وَذِرَاعاً بِذِرَاعٍ. حَتّىَ لَوْ دَخَلُوا فِي جُحْرِ ضَبَ لاَتّبَعْتُمُوهُمْ" قُلْنَا: يَا رَسُولَ اللّهِ آلْيَهُودُ وَالنّصَارَىَ؟ قَالَ "فَمَنْ؟".[البخارى... ومسلم . ) وقد وقع قول الصادق المصدوق محمد بن عبد الله صلى الله عليه وسلم .وقال كذلك من تشبه بقوم فهو مثلهم ) وظاهر الحديت من تشبه بالكفار فهو مثلهم ) والسنن معناها الطريقة . فأبنائنا فى ورطة كبيرة يجب ان نحترف بها . مصداقا لقول النبى صلى الله عليه وسلم , لتتبعن سنن من كان قبلكم ) واللام المشددة دلالة على تاكيد وقوع الحدت . فيجب ان نبحت عن الحلول . العودة المبكر للاسرة للسودان قبل بلوغ الاولاد سن المراهقة . يجب أن تقوم الام بدور الاب في التربية لان الاب يقضى جل الوقت في الدوام . اهتمام الاب والام بالامور الهامشية يجعل الولد والبنت كذلك . ان لا نجعل الولد او البنت من غير رقابة على سلوكهم المنحرف بل يجب النصح والموعظة الحسنة والكلام اللين السهل , ما كان الرفق في شي الا زانه وما نزع من شئ الا اهانه ) تعلم الابناء بسير ابناء الصحابة وكيف كان دورهم في الدعوة والجهاد و بناء المجتمع ,
أأأأأأأأأأأأأأأأأأأأأ قولها وانا عليها شهيد يوم النشور ؟ كما انك هنالك أبناء منحرفون سلوكيا
فإن هنالك أبناء كابناء الصحابة في الالتزام والتدين والاخلاق الفاضلة . ولقد رايناهم وهم يحفظون القران كاملا او أجزاء كثيرة منه , ويأمون المصلين في التراويح , ويوعظون وكانوا خير ممثلين للبلد ,ويا ناس ابناء المقتربين ليسوا في الرياض وجدة والدمام وحسب بل هم في جميع انحاء السعودية , فيجب ان يكون الحكم عام , ام اخواتى البنات في المظهر العام فهم ولله الحمد في احسن ما يكون , تجدهم فى حلقات التحفيظ . وخير شاهد هم معنا في المنتدي فلم نجد منهم غير كل خير , فهم كغيرهم من بنات حواء ففيهم الطالح والصالح,واخيرا نقول ( اللهم اهدينا فيمن هديت وعافينا فيمن عافيت وبارك لنا فيما اعطيت وقينا واصرف عنا شر ما قضيت ) برحمتك يا ارحم الراحمين

[الفخيييم]

موضوع رائع اخي ابو الشباب
لابد للاسر ان تراقب ابنائها
حتي علي مستوي اصدقائهم
وتغرس فيهم روح المسوؤلية
لان المجتمعات التي يعيشون فيها
تختلف تماما عن ادبنا السوداني
خصوصا دول الخليج
لابد من نبذ التقليعات النشاذ
من اولياء الامور
اتمني لشباب السودان
ان يكونو قمة الادب ونموذج
في الاخلاق الطيبة ويضعو نصب اعينهم
انهم سفراء لبلدهم
مع تمنياتي للجميع بالستر في الدنيا والاخرة

[ابوالشباب شوشه]

الاخ هيثم كل الاعوام انت والاهل جميعا كماتتمنون..

قرأت الموضوع و90% من المداخلات ووجدت التالى:
1/ مجموعة بتأكد مشاهداتك وانو الموضوع خطير ويجب ايجاد حلول ليهو..
2/ شخص واحد إعترض على بعض كلمات زى "شوفو التحت".."بالصدر".."المؤخرة".. مع انو اخونا عصمت ذكر "الصلب" وماعلق عليو..
3/ مجموعة من المغتربين المتزوجين بتدافع وبشدة عن انفسهم لا على الظاهرة ولكأنها اتهام مباشر لهم مع ذكرك بأن هناك بعض الاسر تحسن تربية ابنائها..
4/ رأى واحد بإنو من زماان فى موضات زى الخنفس والشارلستون وبالتالى الموضات الآن ماشى جديد وانو صاحب البوست كتب انفعال شخص وليس موضوع يجب يطرح للمناقشة..

اولا :ارجو منك ان تعدل العنوان بإضافة بعض امام أبناء المغتربين حتى لا نقع فى خطأ التعميم..
ثانيا: أتفق معك جملة وتفصيلا فيما طرحت ولو كان حتى الموضوع بيخص ولد مغتربين واحد فمن حقنا كشف الضو على المشكل ومناقشته لإيجاد الحلول..فعظيم النار يبدأ من مستصغر الشرر..
ثالثا : المفردة عمرها ماكانت عيبة ولكن العيبة مربوطة بمخيلتنا نحن فعند قول أسفل الظهر يتقبلها الكثير منا ولكن البعض لا يتقبل المؤخرة أو الصلب مع أن المفردتين لا زالتا بنفس المعنى وكيف كان حيكون الوضع لو استعملنا كلمات أخرى مثل "ماتخافو ماحأقولم رغم معرفتى بإنهم لنفس المعنى"..
رابعا: مسألة ربط الطرح وشخصنته مسألة غير صحية فأنا مغترب وإبن مغترب ولى أسرة بدنيا الإغتراب ولم أحس بأن الطرح موجه لى طالما أنى واثق من تربيتى لأبنائى..المدافعة عما نجهل كارثة وربطنا للخلل بنا ونحن بعيدين عنه ايضا كارثة..
خامسا: الموضة لاتعنى الالزام بها فى السبعينات النساء والشابات كان معظمهم بيلبسو المينى جب "فوق الركبة" فهل علينا الآن أن نلبس الميدى جب نسبة لحالة العولمة التى حولنا؟!!! لسنا ضد الموضة إن لم تكن حرام ولكنا ضد الحرام ولعل التشبه حرام إن لم أكن مخطئ..اليوم هناك موضات الصرة برا شنو الراى نلبس بناتنا كدا عشان نجارى الموضة؟..
أراك اخى هيثم قد ألقيت الضو على ظاهرة يجب على أولياء الامور حلها لأنهم هم الملامين لا الابناء المراهقون ..فبعالم المراهقة كثير من الشباب يتوه بلا وجود الناصح والموجه..
كن بخير..

تحدثت واوفيت اخى صاحب الركشة اتمنى أن يأخذ البوست موضع الاهتمام لتربيه جيل صالح و قال رسولنا الكريم صلى الله عليه وسلم ( كلكم راع وكلكم مسئول عن رعيته )

[ابوالشباب شوشه]

وعَنْ أَبِي سَعِيدٍ الْخُدْرِيّ، قَالَ: قَالَ رَسُولُ اللّهِ صلى الله عليه وسلم "لَتَتّبِعُنّ سَنَنَ الّذِينَ مِنْ قَبْلِكُمْ. شِبْراً بِشِبْرٍ، وَذِرَاعاً بِذِرَاعٍ. حَتّىَ لَوْ دَخَلُوا فِي جُحْرِ ضَبَ لاَتّبَعْتُمُوهُمْ" قُلْنَا: يَا رَسُولَ اللّهِ آلْيَهُودُ وَالنّصَارَىَ؟ قَالَ "فَمَنْ؟".[البخارى... ومسلم . ) وقد وقع قول الصادق المصدوق محمد بن عبد الله صلى الله عليه وسلم .وقال كذلك من تشبه بقوم فهو مثلهم ) وظاهر الحديت من تشبه بالكفار فهو مثلهم ) والسنن معناها الطريقة . فأبنائنا فى ورطة كبيرة يجب ان نحترف بها . مصداقا لقول النبى صلى الله عليه وسلم , لتتبعن سنن من كان قبلكم ) واللام المشددة دلالة على تاكيد وقوع الحدت . فيجب ان نبحت عن الحلول . العودة المبكر للاسرة للسودان قبل بلوغ الاولاد سن المراهقة . يجب أن تقوم الام بدور الاب في التربية لان الاب يقضى جل الوقت في الدوام . اهتمام الاب والام بالامور الهامشية يجعل الولد والبنت كذلك . ان لا نجعل الولد او البنت من غير رقابة على سلوكهم المنحرف بل يجب النصح والموعظة الحسنة والكلام اللين السهل , ما كان الرفق في شي الا زانه وما نزع من شئ الا اهانه ) تعلم الابناء بسير ابناء الصحابة وكيف كان دورهم في الدعوة والجهاد و بناء المجتمع ,
أأأأأأأأأأأأأأأأأأأأأ قولها وانا عليها شهيد يوم النشور ؟ كما انك هنالك أبناء منحرفون سلوكيا
فإن هنالك أبناء كابناء الصحابة في الالتزام والتدين والاخلاق الفاضلة . ولقد رايناهم وهم يحفظون القران كاملا او أجزاء كثيرة منه , ويأمون المصلين في التراويح , ويوعظون وكانوا خير ممثلين للبلد ,ويا ناس ابناء المقتربين ليسوا في الرياض وجدة والدمام وحسب بل هم في جميع انحاء السعودية , فيجب ان يكون الحكم عام , ام اخواتى البنات في المظهر العام فهم ولله الحمد في احسن ما يكون , تجدهم فى حلقات التحفيظ . وخير شاهد هم معنا في المنتدي فلم نجد منهم غير كل خير , فهم كغيرهم من بنات حواء ففيهم الطالح والصالح,واخيرا نقول ( اللهم اهدينا فيمن هديت وعافينا فيمن عافيت وبارك لنا فيما اعطيت وقينا واصرف عنا شر ما قضيت ) برحمتك يا ارحم الراحمين
تسلم ابو عبدالرحمن وربنا يوفقك فى تربيه عبدالرحمن تربيه صحيحه ونتمنى ان يلتف الجميع لهذه الظاهرة الدخيلة على مجتمعنا السودانى . ولاندارى مانرى ونغمض اعيننا وليكن شعارنا نحن امة محمد صلى الله عليه وسلم نتبع دينه ونسلك مسلكة ونقيم حدود الله وشرعه وسنته صلى الله عليه وسلم .

[نخيل طيبة]

السلام عليكم اخي الكريم
وسلام على كل من.. مر ..ورد ...وقرأ وهرب...وطابق ودافع ..
اها الموضوع و
مافيه ان هناك من احسن التربية وهناك من فرط وربنا يهدي الجميع ...


ليست كل الابناء اتربوا تربية مايعة ولا كل البنات سلكوا طريق الدلع واللبس الكعب..
والله هنا في الامارات توجد اسر ممكن اقول فاااااااااازت في تربية ابنائها وبناتها
من تفوق وحفظ قرأن ولبس مستور.. وكمان توجد
الاسر العادية التي احسنت التربية ... ومن فرط وغفل اسأل الله ان يهديه ويرجع لاصله وصوابه ... ويلحق مايمكن انقاذه ...
الموضوع مهم ومفيد ويعتمد عليكم في التوجيه لتعم الفائدة ان شاء الله ..

[سمرا ودلوعة]

بصراحة كل بلد له عادتها وتقلدها
ولاكنالمغتربين موفي الامكان بلا في الناس

احترامي لك

[ابوالشباب شوشه]

[QUOTE=نخيل طيبة;458827]
السلام عليكم اخي الكريم
وسلام على كل من.. مر ..ورد ...وقرأ وهرب...وطابق ودافع ..
اها الموضوع و
مافيه ان هناك من احسن التربية وهناك من فرط وربنا يهدي الجميع ...

[center]ليست كل الابناء اتربوا تربية مايعة ولا كل البنات سلكوا طريق الدلع واللبس الكعب..
والله هنا في الامارات توجد اسر ممكن اقول فاااااااااازت في تربية ابنائها وبناتها
من تفوق وحفظ قرأن ولبس مستور.. وكمان توجد
[color=blue]الاسر العادية التي احسنت التربية ... ومن فرط وغفل اسأل الله ان يهديه ويرجع لاصله وصوابه ... ويلحق مايمكن انقاذه ...[/]

لا ننكر تلك الاسر التى فازت فى تربيه ابنائها تربيه صحيحه كاملة وربنا يحفظهم والموضوع فى غاية الاهميه لذلك علينا الاجتهاد بكل مانملك حتى نلفت النظر للذين غفلوا واللذين لم يرزقوا بإبناء بعد وكذلك المقبلين على الزواج والله المستعان
الموضوع مهم ومفيد ويعتمد عليكم في التوجيه لتعم الفائدة ان شاء الله ..

[ابوالشباب شوشه]

بصراحة كل بلد له عادتها وتقلدها
ولاكنالمغتربين موفي الامكان بلا في الناس

احترامي لك

لك التحيه اولاً ومرحب ونورتى المنتدى
اختنا كما اسلفتى لكل بلد عادات وتقاليد وتلك العادات ليست لنا ولا نعرف عنها شئ ونحن كمغتربين علينا عكس صورة تليق بعظمة بلدنا

[الزبير محمد عبدالفضيل]

نعم في مغتربين ربو اولادهم أحسن تربيه والشق الاخر كان منجرف مع تماشي الموضه

واصدقاء السوء نقول الله يهديهم الي الصراط المستقيم ويصلح جميع شباب

المسلمين

[MASS77]

ابناء المغتربين العائدون من الغربه اكثرهم من لايتقيد بالعادات ومعظمهم اداة ناقلة
لسرطانات الاحباطات ونتائجه الكارثيه وهم من وطنوا بعض السلوك المتفشي من لبس وموضه
وحرية مفتوحه الي حد الا مبالاة وادخال الشيشه والهيروين وسط الجامعات وغيرها من السلوكيات المسكوت عنها وكل هذا سببه فك الحبل كما يقول المثل فالمغترب يصرف ببزخ علي ابنائه بالجامعات
دون مراقبتهم من زويهم والاغرب ايجار كل مجموعه لشقق يتبخترون فيها دون مراقبتهم فانتشر الضياع وعمت الفوضي

[ابوالشباب شوشه]

نعم في مغتربين ربو اولادهم أحسن تربيه والشق الاخر كان منجرف مع تماشي الموضه

واصدقاء السوء نقول الله يهديهم الي الصراط المستقيم ويصلح جميع شباب

المسلمين

اللهم امين ... عرضى لهذه الفئه الهدف منه لفت الانظار لما يدور فى الغربه وتنبيه الاباء والامهات لما يحصل دون علمهم والرجوع بأبنائهم الى الطريق القويم .. لك ودى عمنا الزبير

[ابوالشباب شوشه]

ابناء المغتربين العائدون من الغربه اكثرهم من لايتقيد بالعادات ومعظمهم اداة ناقلة
لسرطانات الاحباطات ونتائجه الكارثيه وهم من وطنوا بعض السلوك المتفشي من لبس وموضه
وحرية مفتوحه الي حد الا مبالاة وادخال الشيشه والهيروين وسط الجامعات وغيرها من السلوكيات المسكوت عنها وكل هذا سببه فك الحبل كما يقول المثل فالمغترب يصرف ببزخ علي ابنائه بالجامعات
دون مراقبتهم من زويهم والاغرب ايجار كل مجموعه لشقق يتبخترون فيها دون مراقبتهم فانتشر الضياع وعمت الفوضي

هذا مانخاف عقابه ان يصل المرض الى الدار وتعم الفوضى