سؤال حااار ..ممكن تغير لونك الرياضي ؟

[الملكة اسماء ( ام محمد )]

ناس الرياضة ازيكم

وتحديدا كدا مشجعي كرة القدم الاعزاء

ولاني ما عندي ميول لكرة القدم حا اقيف موقف محايد واسئل سؤال حاااار جدا
وسبب حرارته انه جد في ناس بتفكر مليون مرة قبل الاجابة عليه




السؤال هو : هل ممكن تغير لونك الرياضي لو حسيت بضعف الفريق البتشجعه , او لاحظت هزايمه المتكررة رغم كل التشجيع من باقي افراد لونك ؟




متاكدة ان الغالبية ما حاتجاوب .. والسبب يمكن يكون حساسية الموقف المتعصب ...

ولكم حرية الاجابة :):):)

[عبدالرحمن مدثر]

حيييييييييييييييييييييييييييينا

[الملكة اسماء ( ام محمد )]

حيييييييييييييييييييييييييييينا

:confused::confused::confused:
دي اجابة والا اثر شطة الفطور والا رجفة :rolleyes::rolleyes::rolleyes::D:cool:

[سيد البلد]

أولاً الحمد لله أن جعلني حياً أزرق

الإنتماء لنادي معين لا يكون لمجرد أن هذا الفريق لا يهزم أو لأن هذا الفريق يفوز
بمباريا ت أكثر ..
فلو كان بمثل هذا الفهم لما شجع أحد في العالم غير منتحب البرازيل
فمن المعلوم أنه أقل الفرق من حيث تعرضه لخسائر على مستوى كل البطولات التي خاضها .
ومبدأ التحول من فريق لأخر إن هو إلا تعبير عن " حب الفوز " وعشق الإنتصار ليس إلا
فهو متأرجح متذبذب بين هذا الفائز وذاك الخاسر " وفي روايه المريخ "
انا شخصياَ بكرررررررررررررره اللون اللحمر اما اللصفر ده خلي ساي
كنت حاحبو في حالة واحده " ومستحيل طبعا انها تحصل "
انو الهلال كان يغيروا لونو للون الشيييييييييييييييييييييييييييييين ده

[سيد البلد]

حيييييييييييييييييييييييييييينا


أو كما قال الزول الأزرق ده ...

[esmat]

ميول الانسان للتشجيع او لتشجيع فريق معين
يأتي عندما تحس بكامل احاسيك ومشاعرك
انك ترى نفسك في هذا الفريق يعطيك احساس
بالدفء يخفق قلبك بمجرد نزوله إلي ارض الملعب
تكون في حالة لا توصف يوم مبارة مهمة له (كأم العروس كدا)
يظهر الميول للفريق من خلال المزاج واختيار الالوان
في الملابس او الراحة النفسية التي تصاحب انتصار الفريق

اذا كان من احبه هلالياً كان ذلك اما غير ذلك تركت الحب زاااتو

[الملكة اسماء ( ام محمد )]

أولاً الحمد لله أن جعلني حياً أزرق
هي غيروها بالله :p

الإنتماء لنادي معين لا يكون لمجرد أن هذا الفريق لا يهزم أو لأن هذا الفريق يفوز
فلو كان بمثل هذا الفهم لما شجع أحد في العالم غير منتحب البرازيل
يعني التشجيع .. احساس انتماء روحي .. قبل مايكون رغبة في اعداد انتصارات ..
ومبدأ التحول من فريق لأخر إن هو إلا تعبير عن " حب الفوز " وعشق الإنتصار ليس إلا
فهو متأرجح متذبذب بين هذا الفائز وذاك الخاسر " وفي روايه المريخ "
انت طبعا لازم تلف وتجي بالشارع التاني :mad:
انا شخصياَ بكرررررررررررررره اللون اللحمر اما اللصفر ده خلي ساي
كنت حاحبو في حالة واحده " ومستحيل طبعا انها تحصل "
انو الهلال كان يغيروا لونو للون الشيييييييييييييييييييييييييييييين ده

طيب معقولة تقدر تحب فريق الهلال لو غير لبسته للون اللحمر باللصفر على قولتك
انا غايتو بحس بانهم لو غيروا لونهم ح يكون احساس منهم بان اللون المذكور اعلاه ( جالب للحظ احيانا:rolleyes: )

ان شاء الله لاتغير لونك المفضل ولا لونك المفضل يخليك مضطر تغيره :)

[مدنيّة]

هسي ياخ دا وقت سؤال زي دا ياملكة :mad::mad::mad::mad::mad::mad::mad:

كدي خلينا في رجفينا الاصل علينا دا

بالله التقول احنا النازلين الميدان


همسة : انتو العاقب وين

[الملكة اسماء ( ام محمد )]

أو كما قال الزول الأزرق ده ...


هو زولك دا زاتو قال شنو ؟
الله يسئلني ما فهمتها ... وهو على قولة ابقرجة يشوت من بوست لبوست :p:p:p
ولحد الان ماجاء راجع فهمني ليها :confused::confused:

[الملكة اسماء ( ام محمد )]

ميول الانسان للتشجيع او لتشجيع فريق معين
يأتي عندما تحس بكامل احاسيك ومشاعرك
انك ترى نفسك في هذا الفريق يعطيك احساس
بالدفء يخفق قلبك بمجرد نزوله إلي ارض الملعب
تكون في حالة لا توصف يوم مبارة مهمة له (كأم العروس كدا)
يظهر الميول للفريق من خلال المزاج واختيار الالوان
في الملابس او الراحة النفسية التي تصاحب انتصار الفريق

اذا كان من احبه هلالياً كان ذلك اما غير ذلك تركت الحب زاااتو

صراحة ... احساسك وصل تب
ودا فعلا انتماء لحد ( الريدة زاتها )
ربنا يحبب من تحب في فريقك المفضل .....قول ااااامين

[saleh farah]

زمان ياملكة القلوب كنت شغال فى الاغاثه
فى شركه اجنبيه
وكان بدونا راتب مبالغ فيه
يعنى قدر راتب ابوي تقريبا 12 مره
وكان بدونا مصاريف يوميه عشره جنيه
الكلام ده سنة 84
وكان معانا ناس حلوين شديد من قرى رفاعه
فجأة جانى واحد
قالي ياخى شفت الناس ديل حراميه كيف
قلت ليه مالك يازول
قالي الناس ديل بخلونا نمشى وبقعدو ابشرو الناس بالمسيحيه
قلت ليه ماتخاف ياخى
السودانى لو بشجع الهلال او المريخ ما بغير جلدو
خليك من انه ابقى مسيحى بعد اسلامه

[الملكة اسماء ( ام محمد )]

هسي ياخ دا وقت سؤال زي دا ياملكة :mad::mad::mad::mad::mad::mad::mad:
اختيار الوقت مقصووووود
عشان القلبه ( قارصه ) يغير لونه من هسي :rolleyes::D:D:cool:

كدي خلينا في رجفينا الاصل علينا دا

بالله التقول احنا النازلين الميدان

تعرفي يا مدون ودا الاحساس الوحيد الجد صاحبه بعيش فيه بكامل كيانه
انا متاكدة الريدة البتريدوها لالوانكم المفضلة دي ... تفوق حد الوصف ..

ربنا يحببك في لونك المفضل كمان وكمان وتفتخري بيه دائما


همسة : انتو العاقب وين

صراحة كدا العاقب غالبا غالبا كدا لسه ماعدلوا ليه مشكلة النت العنده في البيت
وبما ان الليلة السبت فغالبا برضو يكون ماعنده دوام
فغالبا كدا ... هو شارد ... قسرا :rolleyes::D:D:)

[كندشة]

شوفي يا أختنا

بالنسبة للمريخ و الهلال
فإن المريخ هو تيم الفطرة :D :p
الولد يولد مريخيابيا بعد داك على حسب أهلو مرات يقدرو يهودوه و مرات كتيرة ما بنجحوا
لذلك فأنا أتمني أن يهتدي المرتدون و يعودوا الى طريق الزعيم

:D :D :D

[الملكة اسماء ( ام محمد )]

قلت ليه ماتخاف ياخى
السودانى لو بشجع الهلال او المريخ ما بغير جلدو
خليك من انه ابقى مسيحى بعد اسلامه

ماعارفة اقول ليك شنو

لكن ... علق لي على الزول دا :p:D:D:D:p

http://www.wadmadani.com/vb/showthread.php?t=21742 (http://www.wadmadani.com/vb/showthread.php?t=21742)

[saleh farah]

ياملكه الزول ده هلالابى من زمان
بس ما بحب الهزيمه
عشان الالوان وكده

[الملكة اسماء ( ام محمد )]

بالنسبة للمريخ و الهلال
فإن المريخ هو تيم الفطرة :D :p
دا مع ملاحظة اني بتكلم عن كل الالوان والا بدون ؟

الولد يولد مريخيابيا بعد داك على حسب أهلو مرات يقدرو يهودوه و مرات كتيرة ما بنجحوا
لذلك فأنا أتمني أن يهتدي المرتدون و يعودوا الى طريق الزعيم

:D :D :D

مع ان المعروف ان المولود الذكر ... قبل ما يجي للدنيا امه بتشتري ليه ملابس غالبا ( زرقاء ):rolleyes:

غايتو يبدو لي انه حبك الشديد للون الاحمر خلاك مقتنع بحكاية الفطرة دي
طيب ما ممكن طفل امه وابوه يكونوا زرق ويجي هو متيم باللون الاحمر ؟؟
القصة على فكرة لو فطرة فيفترض اني حاليا اعشق الاحمر ولاحظ اني ( حيادية جدا ).. يعني بيضاء جدا :)

[الملكة اسماء ( ام محمد )]

ياملكه الزول ده هلالابى من زمان
بس ما بحب الهزيمه
عشان الالوان وكده

يعني الليلة احتمال نلقاه .... اتمرخن:p:p:p

[saleh farah]

معقوله ياملكه
اتمرخن كيف ؟؟؟؟؟
فى زول بحب اتمرمغ

[هيثم ادروب]

ياملكة لون دمك بتقدري تغيريه ..

بس ديل نحن بنعشق لون الدم ..

ومن ولدونا لا سمعنا بي هلال ولا بطيخ ..

والايجابة طبعاً ....لا .. لا ... لا

[العاقب مصباح]

والله يا ملكة بالغتى
مفروض السؤال دا يكون موجه للمريخاب فقط
لأن انتماء الهلال فى الدم
نحتاج لتغيير دم
وتغيير روح
عشان نقدر نغير انتماءنا للهلال
يا بتى دا الهلال ياخ
بلا بطيخ بلا فجيخ

[الملكة اسماء ( ام محمد )]

معقوله ياملكه
اتمرخن كيف ؟؟؟؟؟
فى زول بحب اتمرمغ

والله انا سؤالي ان لان البوست البنتكلم عنه فعلا كان محيرني
وللعلم انا اعرف كمية كبيرة غيروا الوانهم الرياضية
ولا اخفيك سرا ... دائما احس بعدم اقتناعهم
ودا ممكن يكون سببه عدم احساسهم بالانتماء كما كانوا مع الحبيب الاول :p

[هيثم ادروب]

والله يا ملكة بالغتى
مفروض السؤال دا يكون موجه للمريخاب فقط
لأن انتماء الهلال فى الدم
نحتاج لتغيير دم
وتغيير روح
عشان نقدر نغير انتماءنا للهلال
يا بتى دا الهلال ياخ
بلا بطيخ بلا فجيخ

كضاااااااااااب شوفت ليك زول دمو ازرق ...

هاهاهاهاهاهاهاها ..



برة الكورة ..
آسف لاني اتهمك بالكذب..

[الملكة اسماء ( ام محمد )]

ياملكة لون دمك بتقدري تغيريه ..
اللون الرياضي
بس ديل نحن بنعشق لون الدم ..

دراوكولا:p ... الشياطين الحمر
يقال ياهيثم ان مشجعي المريخ دمهم ( مغلي ) ويتسمون بالعصبية الزائدة
رائيك في الكلام دا شنو ؟

ومن ولدونا لا سمعنا بي هلال ولا بطيخ ..
دا كلام زول برجف :p... كيفن عاد ما سمعتوا بيهم .. اذا كان هلال مريخ هم سبب ضحكي في ( بيت العزاء ) وتواجدي حاليا ( في القسم الرياضي):o:o

والايجابة طبعاً ....لا .. لا ... لا

يعني انت احمر حتى اخمص القدمين

ربنا يديم عليك سعادتك وفخرك بلونك المفضل

[العاقب مصباح]

كضاااااااااااب شوفت ليك زول دمو ازرق ...
هاهاهاهاهاهاهاها ..
برة الكورة ..
آسف لاني اتهمك بالكذب..




والله يا هيثم انت مسموح ليك تقول أى شئ
انا انت وانت انا ياخ
بطل حساسية يا راقى انت
وحارقانى مريخيتك دى شديد
والله تستاهل الهلال والهلال يستاهلك

[هيثم ادروب]

يعني انت احمر حتى اخمص القدمين

ربنا يديم عليك سعادتك وفخرك بلونك المفضل

هسة ياملكة ماشايفة الزرق ديل لافين من الصباح ..

ومافي حاجة بتمغسهم إلا المريخ ..

قولي معاي .. ون مان شو الهلال رشو ..

في زول بيغني بيكون متوتر..

[عبدالرحمن مدثر]

يعني انت احمر حتى اخمص القدمين

ربنا يديم عليك سعادتك وفخرك بلونك المفضل


يااااااخ دا رووووووووووب سااااااى

ومدتو منتهية كمااااااان :p:p

[هيثم ادروب]

والله يا هيثم انت مسموح ليك تقول أى شئ
انا انت وانت انا ياخ
بطل حساسية يا راقى انت
وحارقانى مريخيتك دى شديد
والله تستاهل الهلال والهلال يستاهلك

والله انا مافي حاجة غايزاني إلا انك فنان وبتشجع الوصيف ..

وانت استاهلك المريخ يافنان ..

علي العموم باقي 70 دقيقة حسب ساعتي ..

تعبتا معاي العاقب ..

رسالتك لسة في ..

[الملكة اسماء ( ام محمد )]

والله يا ملكة بالغتى



مفروض السؤال دا يكون موجه للمريخاب فقط
والله سؤالي لجميع الالوان
والغريبة فعلا ان السودان كله يدور حول ركيزتين لونيتين فقط ( ازرق واحمر)
لأن انتماء الهلال فى الدم
نحتاج لتغيير دم
ابدا .. قناعة .. في حالة الرغبة في التغير فقط تحتاج لتغير قناعاتك
وتغيير روح
الروح وحدة ياعقبة ورجعتها لبارئها
عشان نقدر نغير انتماءنا للهلال
يا بتى دا الهلال ياخ


بلا بطيخ بلا فجيخ


لكن انا ما طلبت منك تغير من شخصك الازرق للبطيخ الذي ذكرته
علما بان البطيخ مكون من كذا لون ... دا بغض النظر لمفهوم البطيخ عندك حاليا :rolleyes:

همسة تصدق انا كنت متوقعة البنوي يغير لونه بغيره للون مناقض للونين الهسي حايمين حولينهم ديل

ربنا يبشرك خير ويطمنك على قناعاتك

[الملكة اسماء ( ام محمد )]

في زول بيغني بيكون متوتر..

ياخي انا لفيت مخصوص عشان اجي القاك غيرت رائيك

بصراحة .... الغناء يخفف التوتر عادة :rolleyes::rolleyes::cool::D:D:p

غني وقول لي غير الاغنية دي عشان اغني معاك :p

[الملكة اسماء ( ام محمد )]

وانت استاهلك المريخ يافنان ..

علي العموم باقي 70 دقيقة حسب ساعتي ..



وانتهى زمن المباراة
والتعادل ..... السلبي ... انهى احلام الكثيرين


الكويس ان الليلة قسم تغير الالوان .... ح ينزلوا اجازة .....مؤقته :rolleyes::D:D:)

[بت مارنجان]

أولاً الحمد لله أن جعلني حياً أزرق

الإنتماء لنادي معين لا يكون لمجرد أن هذا الفريق لا يهزم أو لأن هذا الفريق يفوز
بمباريا ت أكثر ..
فلو كان بمثل هذا الفهم لما شجع أحد في العالم غير منتحب البرازيل
فمن المعلوم أنه أقل الفرق من حيث تعرضه لخسائر على مستوى كل البطولات التي خاضها .
ومبدأ التحول من فريق لأخر إن هو إلا تعبير عن " حب الفوز " وعشق الإنتصار ليس إلا
فهو متأرجح متذبذب بين هذا الفائز وذاك الخاسر " وفي روايه المريخ "
انا شخصياَ بكرررررررررررررره اللون اللحمر اما اللصفر ده خلي ساي
كنت حاحبو في حالة واحده " ومستحيل طبعا انها تحصل "
انو الهلال كان يغيروا لونو للون الشيييييييييييييييييييييييييييييين ده

كلام والله :rolleyes:

الزول دة كلامو في ,, محلو ,,
والحمدلله الذي جعلنا من الهلالاليين ...

[chocolat00]

ana mabshaje3 ella lli berba7 ou law khser aghiro twali ..aslo hom bdfa3o lia shi 3shan ashaji3om:D:cool::cool:

[الملكة اسماء ( ام محمد )]

كلام والله :rolleyes:

الزول دة كلامو في ,, محلو ,,

محلو ياتو الفي السوق والا الجمب البيت :p:d:d:p
والحمدلله الذي جعلنا من الهلالاليين ...

الحمد لله
والله لا يجيب الاسباب البتخليكم تغيروا الوانكم

[بت أم درمان]

سبحان الله من ربنا خلقني وانا ما بحب اللون الاحمر دا

واعتقد ان عمري ما حا احبه

[الملكة اسماء ( ام محمد )]

ana mabshaje3 ella lli berba7 ou law khser aghiro twali ..aslo hom bdfa3o lia shi 3shan ashaji3om:D:cool::cool:

مانحن مابنحب شخص مثلا او لون لانه بتندفع لينا قروش او مقابل
لو ملاحظة اصرار شخص على لون رياضي حتى لو خسران بكون لان الشخص دا عنده احساس انتماء للون وحب يفوق مجرد كلمة ( رابح او خسران )..


ركنية : اوعي تحضري كرة قدم تاني :rolleyes::p:p

[محمد السر]

ناس الرياضة ازيكم

وتحديدا كدا مشجعي كرة القدم الاعزاء

ولاني ما عندي ميول لكرة القدم حا اقيف موقف محايد واسئل سؤال حاااار جدا
وسبب حرارته انه جد في ناس بتفكر مليون مرة قبل الاجابة عليه




السؤال هو : هل ممكن تغير لونك الرياضي لو حسيت بضعف الفريق البتشجعه , او لاحظت هزايمه المتكررة رغم كل التشجيع من باقي افراد لونك ؟




متاكدة ان الغالبية ما حاتجاوب .. والسبب يمكن يكون حساسية الموقف المتعصب ...

ولكم حرية الاجابة :):):)

الغريبه يا ملكة القلوب

والله بنسمع بقولوا المريخاب ديل كلهم هلالاب ذعلانين
والله اعلم

[الملكة اسماء ( ام محمد )]

الغريبه يا ملكة القلوب

والله بنسمع بقولوا المريخاب ديل كلهم هلالاب ذعلانين
والله اعلم


والغريبة اني سمعت بالعكس برضو

[amino]

ياملكة لو فى زول ممكن استغنى عن

القلب دا انا ممكن استغنى عن المريخ

http://www.b66q.net/hadeeth/36_4_1.gif (http://www.brrq.net)http://www.b66q.net/hadeeth/36_4_1.gif (http://www.brrq.net)http://www.b66q.net/hadeeth/36_4_1.gif (http://www.brrq.net)http://www.b66q.net/hadeeth/36_4_1.gif (http://www.brrq.net)

[مرتضى التوم]

المشاركة ملكة القلوب
غايتو يبدو لي انه حبك الشديد للون الاحمر خلاك مقتنع بحكاية الفطرة دي
طيب ما ممكن طفل امه وابوه يكونوا زرق ويجي هو متيم باللون الاحمر ؟؟

اكيد ممكن ونص كمان .
انا والدى لعب لنادى المريخ وخالى ابراهومة سيد الاسم السمو عليه كل اراهومات المريخ بس انا اتولدت وانا بعشق الهلال بس صراحة لما المريخ يفوز على الهلال بقرب اسيب البيت لابوى لانه بعزبنى بجد .

[الملكة اسماء ( ام محمد )]

سبحان الله من ربنا خلقني وانا ما بحب اللون الاحمر دا

واعتقد ان عمري ما حا احبه

نفهم من كدا انك منتمية للون رياضي اخر
او بالاصح انك من محبي الازرق

اذا في الاخر برضها قصة انتماء
بدليل انك رياضيا ماحبيتي او ما حسيتي بانمتاء للون الاحمر

اذا انتي من المعترضين على التغير ايضا
دمتي بود

[الملكة اسماء ( ام محمد )]

ياملكة لو فى زول ممكن استغنى عن

القلب دا انا ممكن استغنى عن المريخ

http://www.b66q.net/hadeeth/36_4_1.gif (http://www.brrq.net)http://www.b66q.net/hadeeth/36_4_1.gif (http://www.brrq.net)http://www.b66q.net/hadeeth/36_4_1.gif (http://www.brrq.net)http://www.b66q.net/hadeeth/36_4_1.gif (http://www.brrq.net)



مبارك للونك المفضل كل هذا الحب والانتماء اخي العزيز

[عثمان جلالة]

حد يشعر بالسعادة يا ملكة ويمشي يختار البعاد؟؟

[أمير عبداللطيف]

طبعا لا
أزرق بس