المساعد الشخصي الرقمي

مشاهدة النسخة كاملة : عرض خاص - اشتر 4 بسعر 1 ؟؟؟



بنت البلد
18-07-2009, 04:12 AM
جذبني وأنا في احد متاجر التسوق منظر الناس وهو يتخاتفون احدى السلع ومن شدة اكتظاظهم حول تلك السلعة لم افهم مايحدث وعندها سألت احدهم ماذا يحدث أجابني بان هناك عرض خاص وهو ان تشتري 4 بسعر واحدة , عندها أخذت واحدة وأخذت أقلبها يمينا ويسارا حتى وجدت مبتغاي وهو تاريخ الصلاحية لتلك السلعة ووجدته ينتهي بعد 4 أيام فقط , والمشكلة أن تلك السلعة كانت عبارة عن علب تونا والمشكلة الاكبر أنهم كانو يشترون كميات هائلة ظنا منهم أنهم بهذه الطريقة يوفرون , ماذا سيحدث بعد الايام الاربعة ؟ بالتأكيد أن كل تلك الكميات مصيرها سلة الكشرة أو سبت الوسخ , أما لو كانو غير منتبهين لتاريخ الصلاحية فمصيرهم الى المستشفى , إذا ألا يعتبر ذلك جريمة ؟
العروض الخاصة التي تقدمها المحلات ليست حبا في الزبائن وإنما رغبة في التخلص من مخزون البضائع قبل انتهاء صلاحيتها , لذا المفروض على كل شخص عندما يجد عرض خاص أن يتريث ويفحص تلك السلعة ويتأكد من تاريخ صلاحيتها , لا أن يفرح ويملأ أكياسه منها , ففي هذه الحالة انت تخسر أكثر لأنك بعد كم يوم سترمي بالسلعة التي اشتريتها وصاحب المتجر هو الرابح لأنه تخلص من كل الكمية الغير مرغوب بها والتي كان سوف يكون مصيرها الكشرة وقد قبض الثمن لقاء تلك البضاعة ,
إذا في رأيكم هل هذا حبا في التوفير أم عدم وعي بالهدف الأساسي من تلك العروض؟
وحقيقة أنه يوجد نوع من البشر مريض بتلك العروض الخاصة ,,,

shahalawy
19-07-2009, 11:04 PM
بنت البلد / كيف الحال والله الموضوع الذي طرحتيه ممتاز ... لان ده الان حال معظم السودانيين ... وذلك لو رجعنا لوجدنا انها ظروف طارئة ... لان كما تعلمين الظروف الاقتصادية الصعبه تخلي الزول مش ياكل ساردين منتهي الصلاحية ... لكن لو وجد عيش ناشف قديم بكون احلي من البسبوسه .... نسأل الله العافية لنا اهل السودان وان يرفع عنا البلاء ويوسع فهم المستهلك لمثل تلك الامور .... كما لا ننسي دور الدولة في امر المنتجات المنتهية الصلاحية ... ونرجو ان لا يكون هنالك دور للمعرفه او العلاقات الملتوية للسماح لهذه المنتجات بالوصول الي افوه من هم لا يعرفون معني الصلاحية تنتهي في كذا ....

يابت البلد لكي الشكر
الموضوع قوي ....ويحتاج ان نقف عنده

esmat
19-07-2009, 11:40 PM
انهم مظلومون انهم طيبونلا يعون ظروفهم ضغطتهم لفتت نظرهم
لمثل هذه السلعة عسى ان يلقوا مخرج بعد تاريخ الصلاحية هذا اذا
نظروا اليه يالهذه الظروف التي تجعلك تطعم ابناءك دون أن تفكر في
قراءة مدة صلاحية طعامك - نحمد الله على كل حال -
شكراً على هذه التوعية بنت البلد

ABUZAID
20-07-2009, 12:30 AM
الاخت - بنت البلد
الاخوة الاعضاء

تحياتي

للاسف الشديد ان غالبية الناس يشترون المعلبات والاطعمة دون النظر الى تاريخ انتهاء الصلاحية
وهذا لعمري نكسة في حد ذاته.

ومن الاساسيات القائمة عند شراء اي سلعة معلبة , النظر اولا الي تاريخ الصلاحية , ومعاينة البضاعة محل الشراء للاطمئنان على سلامتها . . . . الخ

تخيلوا معي كم من البضائع الفاسدة تباع امام اعين الجهات المختصة ! !

وبدون خوف من رقيب او مخافة الله

صار هم التجار بيع سلعهم دون النظر الي النتائج المترتبة على مثل هذا البيع الفاسد.
وصار هم المشتري شراء السلعة بابخث الاثمان , غير مهتم لما قد ينتج عنه هذا الشراء.


انت تشتري 4 بسعر 1
وتظن انك قد افلحت في الشراء ووفرت على نفسك الكثير من المال
متناسيا انك ستدفع فواتير علاج ومستشفيات طائلة
( ان لم تصل بك الحالة الي اقامة عزاء )
( نسال الله ان يجنب الجميع ما نقول )

عمرسنهوري
20-07-2009, 02:22 AM
للاسف ما عندنا ثقافة صلاحية الاطعمه
وبنعتمد على الثقه في بتاع الدكان البنتعامل معاهو .
في الميز مره اشترينا باسطه لولي وختيناها في التلاجه
بعد العشا بي مزااااااااااااج طلعنا الباسطه (في رمضان ).
تفاجئنا بعد كده انو مدتها منتهيه و طعمها غرييييييييب تشعر بطمام في
نفس اللحظه البضوقا فيها .
جدعنا الباسطه ولأنو بتاع الدكان صاحبنا مشيتنا الموضوع وما جبنا ليهو سيره .
بعد كده بقيت اقرأ الصلاحيه
لكن بتفاجأ في الحليب بالذات بانو ضارب قبل مواعيدو
ربما بسبب التخزين و عاااااااادي نجدعو في راس البيت ونقول ما مشكله
سيد الدكان راجل طيب و صاحبنا
احيانا بنكلمو عشان يعرف الحاصل بس

ابوالنور
20-07-2009, 02:46 AM
بت البلد ربنا يديك العافيه ان شاءالله

بنت البلد
20-07-2009, 03:15 AM
بنت البلد / كيف الحال والله الموضوع الذي طرحتيه ممتاز ... لان ده الان حال معظم السودانيين ... وذلك لو رجعنا لوجدنا انها ظروف طارئة ... لان كما تعلمين الظروف الاقتصادية الصعبه تخلي الزول مش ياكل ساردين منتهي الصلاحية ... لكن لو وجد عيش ناشف قديم بكون احلي من البسبوسه .... نسأل الله العافية لنا اهل السودان وان يرفع عنا البلاء ويوسع فهم المستهلك لمثل تلك الامور .... كما لا ننسي دور الدولة في امر المنتجات المنتهية الصلاحية ... ونرجو ان لا يكون هنالك دور للمعرفه او العلاقات الملتوية للسماح لهذه المنتجات بالوصول الي افوه من هم لا يعرفون معني الصلاحية تنتهي في كذا ....

يابت البلد لكي الشكر
الموضوع قوي ....ويحتاج ان نقف عنده


شكرا ليك اخوي على المداخلة القوية
وفعلا كما قلت الظروف دائما تذهب بالانسان الى اي مدى , والظروف الاقتصادية في السودان لها دور كبير جدا في هذه الجريمة , ولكن الملاحظ ان هذه الظاهرة منتشرة في كل مكان في العالم وليس في السودان فقط , تجد دول غنية اقتصاديا والافراد ايضا ميسوري الحال , وبرضو متابعين العروض الخاصة .........

بشكرك مرة تانية اخوي على المرور ونورت الصفحة ...

كل الود ......

بنت البلد
20-07-2009, 03:23 AM
انهم مظلومون انهم طيبونلا يعون ظروفهم ضغطتهم لفتت نظرهم
لمثل هذه السلعة عسى ان يلقوا مخرج بعد تاريخ الصلاحية هذا اذا
نظروا اليه يالهذه الظروف التي تجعلك تطعم ابناءك دون أن تفكر في
قراءة مدة صلاحية طعامك - نحمد الله على كل حال -
شكراً على هذه التوعية بنت البلد


نعم هذه المشكلة أن التجار يستغلون الوضع الاقتصادي
والظروف التي يمر بها هؤلاء المساكين ورغيتهم في اطعام
رعاياهم بأي طريقة ,,,

شكرا ليك اخوي على المداخلة الكريمة
عاطر التحايا ,,,,

بنت البلد
20-07-2009, 03:29 AM
الاخت - بنت البلد
الاخوة الاعضاء

تحياتي

للاسف الشديد ان غالبية الناس يشترون المعلبات والاطعمة دون النظر الى تاريخ انتهاء الصلاحية
وهذا لعمري نكسة في حد ذاته.

ومن الاساسيات القائمة عند شراء اي سلعة معلبة , النظر اولا الي تاريخ الصلاحية , ومعاينة البضاعة محل الشراء للاطمئنان على سلامتها . . . . الخ

تخيلوا معي كم من البضائع الفاسدة تباع امام اعين الجهات المختصة ! !

وبدون خوف من رقيب او مخافة الله

صار هم التجار بيع سلعهم دون النظر الي النتائج المترتبة على مثل هذا البيع الفاسد.
وصار هم المشتري شراء السلعة بابخث الاثمان , غير مهتم لما قد ينتج عنه هذا الشراء.


انت تشتري 4 بسعر 1
وتظن انك قد افلحت في الشراء ووفرت على نفسك الكثير من المال
متناسيا انك ستدفع فواتير علاج ومستشفيات طائلة
( ان لم تصل بك الحالة الي اقامة عزاء )
( نسال الله ان يجنب الجميع ما نقول )


وهذه مشكلة اخرى , أن هذه الجرائم تتم أمام اعين جهات المراقبة
والناس غافلة وبتشتري وفرحانة بالتوفير
وعلى رايك الواحد لو بس يفكر لدقيقة في البحصل بعدين كان بقي نفسه من المشاكل دي ,,,

شكرا ليك اخوي على المرور الكريم
عطرت الصفحة
كل الود ,,,,

بنت البلد
20-07-2009, 03:39 AM
للاسف ما عندنا ثقافة صلاحية الاطعمه
وبنعتمد على الثقه في بتاع الدكان البنتعامل معاهو .
في الميز مره اشترينا باسطه لولي وختيناها في التلاجه
بعد العشا بي مزااااااااااااج طلعنا الباسطه (في رمضان ).
تفاجئنا بعد كده انو مدتها منتهيه و طعمها غرييييييييب تشعر بطمام في
نفس اللحظه البضوقا فيها .
جدعنا الباسطه ولأنو بتاع الدكان صاحبنا مشيتنا الموضوع وما جبنا ليهو سيره .
بعد كده بقيت اقرأ الصلاحيه
لكن بتفاجأ في الحليب بالذات بانو ضارب قبل مواعيدو
ربما بسبب التخزين و عاااااااادي نجدعو في راس البيت ونقول ما مشكله
سيد الدكان راجل طيب و صاحبنا
احيانا بنكلمو عشان يعرف الحاصل بس


ودا البخلي الناس تتمادى في عمايلها , لما يشوف الناس ساكتة
يتمادى اكتر ويكسب اكتر والناس صحتها ماشة في النازل,,,
انو تقعد تمشي وتقول مامشكلة الراجل دا صاحبنا
والكلام دا على حساب صحتكم يعني بعد تصل المستشفى
ولا يعملوا ليك صيوان عزاء لا قدر الله , برضو قولوا صاحبنا
وفعلا البيئة التخزينية ليها اثر لأنو في مواد بتحتاج لبرودة للاحتفاظ بها .

شكرا ليك اخوي عمر على مداخلتك الكريمة
واتمنى الناس ماتقع في شرك زي دا ...
عاطر التحايا .....

بنت البلد
20-07-2009, 03:40 AM
بت البلد ربنا يديك العافيه ان شاءالله


ويديك العافية اخوي ابو النور على مرورك
نورت الصفحة ,,,,

عاطر التحايا ,,,

عبدالرحمن مدثر
20-07-2009, 03:44 AM
المشكلة ان هذه الاشياء لانجد احد ليوقفها

لا زلت اتذكر زحمة السوق العربى ومالذ وطاب مفروش على الطرقات

اشياء واصناف ماكان لها ان تكون على الشوارع لولا عيب كبير .. لانها اعتادت ان تكون

على ارفف البقالات الكبرى .. والسوبر ماركتات (ان جازت التسمية )

المشكلة مافى الناس البتشترى .. دى ناس غائبة الوعى وغبيانة

المشكلة اين دور الرقااابة ... على مثل هذه السلع ؟؟؟

بنت البلد
20-07-2009, 03:48 AM
المشكلة ان هذه الاشياء لانجد احد ليوقفها

لا زلت اتذكر زحمة السوق العربى ومالذ وطاب مفروش على الطرقات

اشياء واصناف ماكان لها ان تكون على الشوارع لولا عيب كبير .. لانها اعتادت ان تكون

على ارفف البقالات الكبرى .. والسوبر ماركتات (ان جازت التسمية )

المشكلة مافى الناس البتشترى .. دى ناس غائبة الوعى وغبيانة

المشكلة اين دور الرقااابة ... على مثل هذه السلع ؟؟؟



نعم فعلا الناس غبيانة والظروف المحيطة بيها
عامياها اكتر وزايدة الطين بلة ,,,
والرقابة واقفة تتفرج ,, وكل يوم بنسمع بحوداث التسمم زايدة ,,,

شكرا ليك اخوي عبد الرحمن على المرور الجميل
عطرت الصفحة بوجودك ,,,
عاطر التحايا ,,,

نبض المشاعر رووونة
20-07-2009, 03:51 AM
تسلمي على موضوعك الجميل
وفعلا انتشرت العروض دي كتير والتي من الؤسف فهي تسبب الضرر
اكثر من النفع
وانا اعتقد انو الناس بس كل هدفهم حب التوفير مهما كانت النتايج

ومشكووووووووووووووووووورة

بنت البلد
20-07-2009, 04:08 AM
تسلمي على موضوعك الجميل
وفعلا انتشرت العروض دي كتير والتي من الؤسف فهي تسبب الضرر
اكثر من النفع
وانا اعتقد انو الناس بس كل هدفهم حب التوفير مهما كانت النتايج

ومشكووووووووووووووووووورة


وما اظن انو عندها نفع ,,,
والناس غبيانة زي ما قال اخونا عبد الرحمن
وماعارفة انو هي كدة بتبذر ما بتوفر ,,,

وشكرا ليك عزيزتي رونا على مداخلتك الكريمة
عاطر التحايا ياغالية ,,,,

ونورت البوست ,,,

ود علوية
20-07-2009, 10:18 AM
تعرف كان في واحد يبيع علب التونة المضروبة والساردين وكل ما يشتري منه واحد وعايز امشي ينادية يا ابن الاخ با ابن العم معليش كتر من الليمون !!!!!!!
فاكثرو ا من الليمون و البسملة ؟؟؟؟

عوض الكريم الخواض
20-07-2009, 10:37 AM
تعرف كان في واحد يبيع علب التونة المضروبة والساردين وكل ما يشتري منه واحد وعايز امشي ينادية يا ابن الاخ با ابن العم معليش كتر من الليمون !!!!!!!
فاكثرو ا من الليمون و البسملة ؟؟؟؟

هاهاهاهاهاااااااااااااااااااااااااااي ...
حلوة ...
الراجل ما داير ضميرو يأنبو ...
مشكور يا ود علوية على النكتة الجميلة .


وتقبلى مرورى يا بنت البلد .

ABUZAID
20-07-2009, 11:40 PM
تعرف كان في واحد يبيع علب التونة المضروبة والساردين وكل ما يشتري منه واحد وعايز امشي ينادية يا ابن الاخ با ابن العم معليش كتر من الليمون !!!!!!!
فاكثرو ا من الليمون و البسملة ؟؟؟؟

يا ود علوية

تحياتي واشواقي


يعني لو واحد جعان وما انتظر الليمون يضيع فيها

نسال الله السلامة وسرعة الجري


* طولنا من شوفتك
يعني الا مع امين الحسن حتى نشوفك ؟؟؟؟

ورمضان قرب

بنت البلد
21-07-2009, 01:54 AM
تعرف كان في واحد يبيع علب التونة المضروبة والساردين وكل ما يشتري منه واحد وعايز امشي ينادية يا ابن الاخ با ابن العم معليش كتر من الليمون !!!!!!!
فاكثرو ا من الليمون و البسملة ؟؟؟؟

ههههههههه
المشكلة يكتر الليمون وبرضو ماينفع
واكيد طبعا الجاية من الله بتجي ,,,
لكن الحرص واجب ,,,,

وشكرا ليك ياود علوية على مداخلتك الظريفة
نورت الصفحة بمرورك ,,,

كل الود ,,,

ود علوية
21-07-2009, 07:55 AM
* طولنا من شوفتك
يعني الا مع امين الحسن حتى نشوفك ؟؟؟؟

ورمضان قرب


يا والله ما عرفتك لكن الظاهر امين الحسن هو العامل المشترك ؟!!!لكن اعتقد نحن التقينا مرة واحدة فقط وشكلك رهاب رهاب اصلوا الزهايمر بدا يدخل وربك يستر ولك الشكر وانشاء الله نلتقي قريبا
وشكر لك العزيز عوض الكريم الخواض وسلامي للجميع وكمان لبنت البلد علي اعجابكم بالمداخلة

بت أم درمان
21-07-2009, 10:18 PM
المشكلة مافي المنتج البكون مدت صلاحيته قربت تنتهي ... المشكلة اصبحت في تغير تاريخ الصلاحية ... ودي بقت منتشرة في مناطق معينة ... والمنتجات تكون رخيصة جدا لمن الزول يستغرب ... يعني تاريخ الصلاحية يكون باقي ليهو كم شهر والشي رخيييص ... دا ما شي بخلي الزول يشك ...

مفيد الوحش
21-07-2009, 11:35 PM
بنت البلد


اهلنا قاالوا الرخيص برخصتوا يضوقك مغسته

انا بقيف مره عند الغالي والف مره عند الرخيص

أبوحراز
22-07-2009, 12:03 AM
مرة لقيت ناس يرفعوا في بقرة
الطريقة عجيبة جداً
عندهم أعواد كبيرة { شعبة } على ما اظن
وهم اربعة
يرفعوها
والبقرة تاااااااااااااااااااخ تقع مرة تانية
يرفعوها
وتاااااااااااااااااااااااااخ تقع مرة تانية
وكل مايجي واحد زي حلاتي كده يقولوا ليك { يا ابومروة } تعال ساعدنا
اها ساعدتهم
لكن سألتهم مودنها وين البقرة دي
قالوا عايزنها تقوم عشان نوديها الجزارات للضبح !!!
المهم البقرة غمرانة وهي في سكرات الموت
شالوها بي كارو ومشوا ضبحوها !!!!
أغرب شيء سيد البقرة في ذلك اليوم ما اشترى اي لحمة !!!!!!
سألووووووووه ليه : قال بطنو كانت طامة من البقرة !!!
ساعود لهذا الموضوع بحكم عملي بالبلدية
والبلدية في دول الخليج شيء ضخم جداً