المساعد الشخصي الرقمي

مشاهدة النسخة كاملة : كدي تعالوا قولوا رايكم شنو / يوجد اقتراح



مدنيّة
18-07-2009, 04:34 AM
اها بالجد كدا يااخوانا

تعالوا نتفق

لو الهلال (لو لا قدر الله فاز)
الهلالاب ما يجوا يغيظونا ويخلوا ثقالتهم المعروفين بيها دي

ولو المريخ (باذن الله فاز)
يستحملوا لما نجي نغيظهم ونكرههم القعاد في المنتدي وفي البلد دي

اها رايكم شنووووو

عبدالرحمن مدثر
18-07-2009, 04:38 AM
ولو اتعادلوا

مدنيّة
18-07-2009, 04:41 AM
بنبقي في منو اللعب احسن
والغلاط

عشان كدا انا عايزاها فووووووووووووووووز لينا تبعا :p

خلينا في المهم

اتفقنا بالنسبة للاقتراح

عبدالرحمن مدثر
18-07-2009, 04:42 AM
انا شخصيا ماممركز

والمامركز مابقدر يتخذ قرار ختيييير زى دا

مدنيّة
18-07-2009, 04:47 AM
انا شخصيا ماممركز

والمامركز مابقدر يتخذ قرار ختيييير زى دا

ياخ وافق ياخ
اصلو شيك هو وقالوا ليك وقعه علي بياض


همسة : العاقب وين

سيد البلد
18-07-2009, 04:48 AM
اتفقنا بالنسبة للاقتراح



ياتو اقتراح ؟
بتاع " لا قدر الله " ؟
ولا بإذن الله ؟

عبدالرحمن مدثر
18-07-2009, 04:50 AM
ياخ وافق ياخ
اصلو شيك هو وقالوا ليك وقعه علي بياض


همسة : العاقب وين



لن اوافق

هناك اتهام واضح وصريح مضمن بالثقااااااالة :p:p:p

وهذا مالانقبله

هو العاقب وين بالله

وصالح فرح شكلو جاء عشان يتم فرحنا

saleh farah
18-07-2009, 04:50 AM
انا غايتو فى الهلال ماقاعد اجامل
نجاملك فى حاجه تانى يا ام جمال
وبلي راسك ساي

مدنيّة
18-07-2009, 04:51 AM
ياتو اقتراح ؟
بتاع " لا قدر الله " ؟
ولا بإذن الله ؟


ياخ الشيلة كلها علي بعض


همسة : انتو روبش وين

مدنيّة
18-07-2009, 04:53 AM
لن اوافق

هناك اتهام واضح وصريح مضمن بالثقااااااالة :p:p:p

وهذا مالانقبله

هو العاقب وين بالله

وصالح فرح شكلو جاء عشان يتم فرحنا

ياخ هي الثقالة اصلا تفوتكم وين

العاقب شكله اتهكر لانه اسمه اون حاليا
وانا سمعت والعهدة علي القال لي
انه يرجف من الصباااااااااااااااااااااح

وقالوا عشوه من هسي
عشان الظروف ما معروفة

اما صالح دا فكلامه براه

مدنيّة
18-07-2009, 04:54 AM
انا غايتو فى الهلال ماقاعد اجامل
نجاملك فى حاجه تانى يا ام جمال
وبلي راسك ساي

هسي دي ما ثقالة :mad:

ياخ جاملني ساااااااااااي وخليها بالنية

الملكة اسماء ( ام محمد )
18-07-2009, 04:54 AM
الطيب والواقف في الخط الفاصل بين لو لاقدر الله -وباذن الله
ما ممكن تعدلوا اوراق الاتفاقية عشانه :rolleyes::D:D:cool:

مهيد ود السفاح
18-07-2009, 04:57 AM
لا لا لا ولا تحاولي معاي

لكن يا مدون مالقيتك متجرسه شديد
الليله مافي حاجه بتحلكم مننا
ولو لا قدر الله وطلعت تعادل ولا المريخ فاز
بقول مبروك عليكم فوز الصدفه

مهيد ود السفاح
18-07-2009, 04:59 AM
هسي دي ما ثقالة :mad:

ياخ جاملني ساااااااااااي وخليها بالنية

اوعك تسمع كلامها , اهم شئ النيه دي

العاقب مصباح
18-07-2009, 05:04 AM
مدنية مالك بترجفى
غايتو نصيحة ليك الكورة دى ما تحضريها
عشان ما تجى بكره وتقولى الشبكة فصلت
سيبى الحنك الضعيف دا عليك الله
ومن هسع بقول ليك
كان غلبناكم بإذن الله شوفى ليك شغلانة تانية ...
والله تكرهى حاجه اسمها المنتدى
بكره برفع سكرى أى مريخابى
وناوى ليكم نية خيلها ساى

وكان ما غلبناكم لا قدر الله القسم الرياضى دا كان جبتى لى فيهو عروس ما بجيهو
خليهو يضوى ليك

saleh farah
18-07-2009, 05:09 AM
افو ياود مصباح
كلامك الاول حلو
لكن التانى ده ماعهدتو في الهلالاب
مريخ شنو يازول البفوز علينا
هسه نحن بنعمل فى محاولات نخلي كامبوس
العب بى تشكيلة الهلال الاخيره اللعب بيها ضد الخرطوم تلاته
التشكيله الرئيسيه اكبر من حجم المريخ
قال اهزمونا قال

مدنيّة
18-07-2009, 05:19 AM
الطيب والواقف في الخط الفاصل بين لو لاقدر الله -وباذن الله
ما ممكن تعدلوا اوراق الاتفاقية عشانه :rolleyes::d:d:cool:



ياملكة خليك معانا وانتي تكسي باذن الله

عبدالرحمن مدثر
18-07-2009, 05:21 AM
ياملكة خليك معانا وانتي تكسي باذن الله


واقبض عندك

وااااحد تكسى مصلح للست مدون

راااااااااايح ......... جاااااااااى










رقصنى ياعويس

عبدالرحمن مدثر
18-07-2009, 05:36 AM
ياملكة اوعك تكونى تكسى:p:p:p

مدنيّة
18-07-2009, 05:38 AM
لا لا لا ولا تحاولي معاي

لكن يا مدون مالقيتك متجرسه شديد
الليله مافي حاجه بتحلكم مننا
ولو لا قدر الله وطلعت تعادل ولا المريخ فاز
بقول مبروك عليكم فوز الصدفه

انت في الصدفة يامهيد
ولا اخوانك اغليهم عملوا تسجيل خروج وقفلوا اجهزتهم ومن هسي كبوا الزوغة

الملكة اسماء ( ام محمد )
18-07-2009, 05:38 AM
ياملكة خليك معانا وانتي تكسبي باذن الله

المبارة في ياتو قناة الليلة :rolleyes:

الملكة اسماء ( ام محمد )
18-07-2009, 05:39 AM
ياملكة اوعك تكونى تكسى:p:p:p

الدارج في السوق شنو طيب
اوعا تقول لي نوبيرا ... بكرها رسمي :p:D:D:p

مدنيّة
18-07-2009, 05:40 AM
مدنية مالك بترجفى
غايتو نصيحة ليك الكورة دى ما تحضريها
عشان ما تجى بكره وتقولى الشبكة فصلت
سيبى الحنك الضعيف دا عليك الله
ومن هسع بقول ليك
كان غلبناكم بإذن الله شوفى ليك شغلانة تانية ...
والله تكرهى حاجه اسمها المنتدى
بكره برفع سكرى أى مريخابى
وناوى ليكم نية خيلها ساى

وكان ما غلبناكم لا قدر الله القسم الرياضى دا كان جبتى لى فيهو عروس ما بجيهو
خليهو يضوى ليك

اللهم اجعل كيدهم في نحرهم

همسة : شايفاك لبست الطاقية

عبدالرحمن مدثر
18-07-2009, 05:43 AM
اها ياجماااااااعة

كان غاااااالبين

بنتلاقى

مدنيّة
18-07-2009, 05:46 AM
افو ياود مصباح
كلامك الاول حلو
لكن التانى ده ماعهدتو في الهلالاب
مريخ شنو يازول البفوز علينا
هسه نحن بنعمل فى محاولات نخلي كامبوس
العب بى تشكيلة الهلال الاخيره اللعب بيها ضد الخرطوم تلاته
التشكيله الرئيسيه اكبر من حجم المريخ
قال اهزمونا قال

كلام زول عاقل




ليك سنتين غلبتنا متين

مدنيّة
18-07-2009, 05:49 AM
واقبض عندك

وااااحد تكسى مصلح للست مدون

راااااااااايح ......... جاااااااااى



رقصنى ياعويس

عبدالرحمن زح من قدامي الساعة دي :mad:


همسة: بالله الليلة الرياضة للجميع في النشاط زي النفاج :cool:

مدنيّة
18-07-2009, 05:51 AM
المبارة في ياتو قناة الليلة :rolleyes:

هي ياملكة باقي ساعة وعشرة دقايق

احضريها معانا هنا في الرياضة للجميع

منقولة علي الاي ار تي "لو عنندك اعصاب ليها"

مدنيّة
18-07-2009, 05:53 AM
اها ياجماااااااعة

كان غاااااالبين

بنتلاقى

ههههههههههههه

خلا عايز تسجل الخروج زي باقي اصحابك


ياخ انا قوية خلا
لهسي صامدة

كندشة
18-07-2009, 05:59 AM
خليهو يضوى ليك





حيضوي احمر بإذن الله

saleh farah
18-07-2009, 06:21 AM
كلام زول عاقل




ليك سنتين غلبتنا متين

والله لو جيتى للصدق
ماعارف
لانى غلبتكم كتير

هيثم عبدالعال
18-07-2009, 06:30 AM
لا ...... تفاهم

لا ...... تفاوض

لا ...... إتفاق


غلب بس .... ومن بعد الدقيقة عشره زول يرجانا هنا مافي

العاقب مصباح
18-07-2009, 06:39 AM
ست الجيل بت الشيخ فى عزاء المريخ
قررت ست الجيل بت الشيخ ... وهى تتأهب للذهاب للعزاء فى استاد المريخ ... أن تأخذ معها بعض حبوب البطيخ...تعينها وهى مترقبة وصول الجثمان ...وهى تعلم سلفا أن المريخ سيضيعه رادان ... وأن جمهور المريخ يحتاج بعد الهزيمة الى بمبان ...وأن لاعبيه اصابهم الخزلان... ولم يقدروا جهود الوالى.... والذى يقوم بدعمهم بكل غالى... فقررت الجلوس فى المدرج الشمالى.... وهى تنظر الى اشباح فريق... ولاعبين كشخص تم اخراجه من البحر كغريق ...فوجدت هيثم ادروب ودموعه جارية ... ورأت مدرجات الاحمر وهى خالية ...ومدنية تزرف دموعها الغالية ... وسنهورى يشاركهم الحزن ... فأخذت بعضها ناحية الهلال ... وقررت ان ليس للحزن مجال ... وأن الفرح سيكون للأبطال ... وأن الاولى أن تدع الحزن .. وتشجع من اللحظة فريقها الهلال .... والذى ينثر السعادة فى قلوب الجميع ... وانه يمارس فنا جميلا فى التشجيع... وقررت ان تعود غدا لزيارة العزاء ....وتأبين المريخ وتجزيه خير الجزاء ...

كندشة
18-07-2009, 09:03 AM
بختكم الله مرقكم هههههههههههههه

هيثم ادروب
18-07-2009, 07:44 PM
ولو اتعادلوا

شكلك كنتا حاااااااااااااااااااسي ... :eek:

المكاشفى
18-07-2009, 09:59 PM
ست الجيل بت الشيخ فى عزاء المريخ




دا ياهو الشيخ زاتو ياعقبه اخوى ولا مو كدى
ياخى كرهتونا الكجور زاتو
ابت تخش الشبكه الكوره زاتها
وكان شاربو المعز امس
خليها دى كمان تتطوعو للتاكسى الرواندى
وتبقو بلوفه ياخى فى تاكسى عندو كمسارى
جنس خفه تمشو تكجروها ليه



ياخ كان بى فريقكم ده كادوما
وسامبوسقا دا بلوهم واشربو مويتهم

saleh farah
18-07-2009, 11:33 PM
نحن بى لعيبتنا ديل
كسبنا نقطه
انت كسبت شنو ياتكاسه

المكاشفى
19-07-2009, 03:53 AM
كسبنا فتشناك امس
وعرفنا انك قاعد سهله ساى
وبعده نفكر فى النجم الساحلى بس
انتو مابتشغلو حيز فى رؤسنا
نرمى قدام الفيكم انعرفت

saleh farah
19-07-2009, 07:39 PM
مصيبه لما تلقى ليك فريق قاعد سهله
وماتفوز عليه داخل ملعبك
كيف اكون الحال
لما تجى المقبره

محمد السر
22-07-2009, 10:29 AM
ازيك يا ست الاتيام
اقصد يا مدنيه
هههههههييييي
والله يا مدنيه ما كنت حاضر اتفاقك دا لكن لو كنت حاضرو كنت بقول ليك نحن ؟؟؟



ما بنتفق مع الصهاينه
ايًا كان الاتفاق