هنا نتلقى التعليقات على رمية تماس وارغو

[مهيد ود السفاح]

اللاعب المنفذ :استيفن وارغو


النادي : المريخ


السعر : مابين 5 مليون او 4 مليون دولار ( اغلي لاعب في بطولة الانديه )


المكان : الرد كاسل مباراة القمة في دوري ابطال افريقيا الشوط الثاني تقريباً الدقيقه 38

اللعبه : قالو رمية تماس


المطلوب : هات اجمل تعليق لو شفت الرميه

الجوائز : مقدمه من مجموعة العاقب مصباح للنقل بالتاكسي , ومجموعة عبد الرحمن مدثر للمشروبات الغازيه 7 اب , ومكتب صالح فرح لتعاقدات اللاعبين اي كلام

[عبدالرحمن مدثر]

ارمينى وتفنن


هاهاهاهاهاهااااااااااااااااااااااى

الله يجازى محنك ياسفاح

لكن هو مالو:p:p:p:p

[مهيد ود السفاح]

ارمينى وتفنن


هاهاهاهاهاهااااااااااااااااااااااى

الله يجازى محنك ياسفاح

لكن هو مالو:p:p:p:p


قالو كان في ( ويكه )
الويكه دي انا عايز اعرفها في الكورة ولا في يد وارغو ؟؟
فرق يا عبد الرحمن فرق

[esmat]

اجدعها ليكم بلاي
انتو قايلني بتاع جدع

[روبش]

التعليق الاول .... أخ ... سوري

التعليق الثاني .... وراء وراء وراء ...... وراء .. وراء .. وراء

[روبش]

يا شباب يكون ابراهومة قال ليهو ( بل اصابعيك )

[مدنيّة]

ورايك شنو في شوطة مهند الوداها الكشافات يامهيد

عالم حاقدة

[سيد البلد]

والله انا خجلاااااااااااااااااااااااااااااااااااااان جنس خوجلي

[سيد البلد]

ورايك شنو في شوطة مهند الوداها الكشافات يامهيد

عالم حاقدة




ياخي دي شايته بي كرعينو
شوفي جنس البجليها بي يدو ده












سؤال برييييييييييييييييييييييئ بره كبيره
لمن استلم منكم القروش الكتيره ديك جلاها برضو ؟

[روبش]

عمتي ( وشوطة ) موسى للان بفتشو للكورة ما لقوها ..

[روبش]

يا شباب يكون تعب من كترت عد المبلغ القبضو ولا شنو .. سؤال هو للان بحسب في المبلغ

[هيثم ادروب]

ورايك شنو في شوطة مهند الوداها الكشافات يامهيد

عالم حاقدة

يامدنية ديل ماشافوا .. مهند الطاهر دا لمن وقع برااااااهو ..

[saleh farah]

اكون وهو بشيل فى الكوره
فجأة اتذكر
انه اغلى لاعب فى البطوله
قام فتش موسى مالقاهو
اصلو موسى بكون رجع
موش مازدا طوالى بقول ارجع ياموسى
ولقى لاسانا مافى
والشغيل مشغول بى هيثم
مسكين قاعد اتعلم
عارف يامهيد اكون فكر فى شنو
اكون
قال
برميها ليكم حسب التسعيره
رميه جديده
عشان الباقين اتعلموها
اصلو انا فرق من الناس ديل كلهم
كلهم بى كلم مليون
وانا بى خمسه

[مهيد ود السفاح]

يا شباب يكون ابراهومة قال ليهو ( بل اصابعيك )


وهو اكون بلاهن في ويكه ولا شنو ؟؟؟

[مهيد ود السفاح]

ورايك شنو في شوطة مهند الوداها الكشافات يامهيد

عالم حاقدة

لا يا مدون في وما الشوت انتو من ايام فاروق جبره وعثمان زكي مشهود ليكم بالشوت

وكان على شوته مهند وقفت قلوب ناس كتااااااااار
وكان ما مصدقاني اسألي ادروب

[مهيد ود السفاح]

ياخي دي شايته بي كرعينو
شوفي جنس البجليها بي يدو ده












سؤال برييييييييييييييييييييييئ بره كبيره
لمن استلم منكم القروش الكتيره ديك جلاها برضو ؟


شوف عيني ده شغل روابط ناشئين

[انوريكا]

هووووووووووووي يا رشااااااااااشااااااااااااااات

مالــو وارغـــــــــو ؟ يعني أول لاعب يجدع رمية تماس غلط ؟

برا تعليق برا شماته ...؟؟؟

وبعدين البلد كانت ممطـــــرة ؟ يعني الكورة إتزلـــقت .
والله شافكـــم .

[مهيد ود السفاح]

اكون وهو بشيل فى الكوره
فجأة اتذكر
انه اغلى لاعب فى البطوله
قام فتش موسى مالقاهو
اصلو موسى بكون رجع
موش مازدا طوالى بقول ارجع ياموسى
ولقى لاسانا مافى
والشغيل مشغول بى هيثم
مسكين قاعد اتعلم
عارف يامهيد اكون فكر فى شنو
اكون
قال
برميها ليكم حسب التسعيره
رميه جديده
عشان الباقين اتعلموها
اصلو انا فرق من الناس ديل كلهم
كلهم بى كلم مليون
وانا بى خمسه

انا المحيرني يا صالح جدعها فوق راسو
كيف دي ؟؟ الله اعلم
هسي كان قالوا ليهو كررها مرة تانيه والله ما اسويها لو الوالي دفع 5 مليون جديده
ولا كان جابوا ليهو طشت اقاشي ما اقدر اعيدها
دي عينه
عينه يا صالح

[مهيد ود السفاح]

هووووووووووووي يا رشااااااااااشااااااااااااااات

مالــو وارغـــــــــو ؟ يعني أول لاعب يجدع رمية تماس غلط ؟

برا تعليق برا شماته ...؟؟؟

وبعدين البلد كانت ممطـــــرة ؟ يعني الكورة إتزلـــقت .
والله شافكـــم .



حبيبنا انور
وينك ؟؟

وارغو مالو ؟؟
لا الرميه ما غلط , نحن الغلط بنعرفوا
دي صاح ميه ميه
وهسي دخلوها المنهج بتاع كرة اليد واسمها

(( رمية وارغو بين النظرية والتطبيق ))

[عثمان جلالة]

ياااااااا ود السفاح ... قالو ليك في توب طلع جديد بعد المباراة مباشرة .. بـ تـ زلـ ق كده أسمو "جدعة وارغو":p:cool:

:D:D:D:D:D:D:D:D:D

والله يا أخوي .. نحن المتضررين ... نعمل شنو نمشي نشتريهو بس:cool:

[عصمت الصادق حماد]

اللاعب المنفذ :استيفن وارغو


النادي : المريخ


السعر : مابين 5 مليون او 4 مليون دولار ( اغلي لاعب في بطولة الانديه )


المكان : الرد كاسل مباراة القمة في دوري ابطال افريقيا الشوط الثاني تقريباً الدقيقه 38

اللعبه : قالو رمية تماس





المطلوب : هات اجمل تعليق لو شفت الرميه

الجوائز : مقدمه من مجموعة العاقب مصباح للنقل بالتاكسي , ومجموعة عبد الرحمن مدثر للمشروبات الغازيه 7 اب , ومكتب صالح فرح لتعاقدات اللاعبين اي كلام

والله يا ود السفاح بقيت ختيييييييييييييير قالوا كثرت الحزن بتعلم البكا
شكراً لكل المتاخلين بس عازين العاقب وأيمن

[esmat]

المريخ ما دام اصلاً ما استفاد من وااارغو دا
احسن حاجة اعملها افتح ليه مطعم في ناصية
الاستاد بتاعهم دا واخليه ارمي طعمية على الاقل
ارجع القروش الدفعوها ليه دي وصدقني بكون رماي كيف


ضمير: حق الفكرة محفوظ هدية من الهلالاب

[saleh farah]

المريخ ما دام اصلاً ما استفاد من وااارغو دا
احسن حاجة اعملها افتح ليه مطعم في ناصية
الاستاد بتاعهم دا واخليه ارمي طعمية على الاقل
ارجع القروش الدفعوها ليه دي وصدقني بكون رماي كيف


ضمير: حق الفكرة محفوظ هدية من الهلالاب


والله ياعصمت فكره حلوه
اصلو الزول ده قصير
وحايكون قريب من الصاج

[مهيد ود السفاح]

ياااااااا ود السفاح ... قالو ليك في توب طلع جديد بعد المباراة مباشرة .. بـ تـ زلـ ق كده أسمو "جدعة وارغو":p:cool:

:d:d:d:d:d:d:d:d:d

والله يا أخوي .. نحن المتضررين ... نعمل شنو نمشي نشتريهو بس:cool:


شكيتك على منو يا وارغو ماني قايل ,
تجيب لينا في المحن ,,

هسي قبل كم يوم كده سمعت ليها بي توب مطرز ستات وسبعات وتمانيات اسمو سيكافا , حلفت بي التقطعها الا اجيبو ليها , وقبل ما اخارج رقبتي جاني فلان ده بي جدعتو
الله يجازي محنك يا جلاله

[مهيد ود السفاح]

والله يا ود السفاح بقيت ختيييييييييييييير قالوا كثرت الحزن بتعلم البكا
شكراً لكل المتاخلين بس عازين العاقب وأيمن


مشكور استاذي عصمت على المشاركه في الرياضي , لكن شكلك كده كنت حارس مرمى زمان , وكتر خير وارغو وجدعتو .
لكن يا استاذ بيني وبينك كده انت شفت الجدعه ؟؟ مبالغه

[مهيد ود السفاح]

والله ياعصمت فكره حلوه
اصلو الزول ده قصير
وحايكون قريب من الصاج


يا جماعه روقوا المنقه
طعمية شنو ؟؟
هسي الزول ده كان رمي طعميه في الصاج واتنين سواهن ليكم جمر ورماهن في الفحم الخساره ما بتكون كبيره .
الا كان انتو عايزين طعميه جمر , ده بكون شئ تاني

[روبش]

ياااااااا ود السفاح ... قالو ليك في توب طلع جديد بعد المباراة مباشرة .. بـ تـ زلـ ق كده أسمو "جدعة وارغو":p:cool:

:d:d:d:d:d:d:d:d:d

والله يا أخوي .. نحن المتضررين ... نعمل شنو نمشي نشتريهو بس:cool:

جلاله .. عمتي بتلبس توب عايز اجيبو ليها

[العاقب مصباح]

ياااااااا ود السفاح ... قالو ليك في توب طلع جديد بعد المباراة مباشرة .. بـ تـ زلـ ق كده أسمو "جدعة وارغو":p:cool:

:d:d:d:d:d:d:d:d:d

والله يا أخوي .. نحن المتضررين ... نعمل شنو نمشي نشتريهو بس:cool:





ههههههههههههههههاااااااااااااااااى

والله يا جلالة بالغت فيها عديل كدا

يا اخوى شيل التاكسى ووصلنا معاك

وسلم لى على الوارغاب

والتماساب

والويكاااااااااااااااااااااااااااااااااااااب

[مهيد ود السفاح]

ههههههههههههههههاااااااااااااااااى

والله يا جلالة بالغت فيها عديل كدا

يا اخوى شيل التاكسى ووصلنا معاك

وسلم لى على الوارغاب

والتماساب

والويكاااااااااااااااااااااااااااااااااااااب
بمناسبة الويكاب دي يا عقوبه
مرات الويكاب زاتو بكون فيهو شويه لوبه وبصله ما ماتت تقوم تعتر ليك
لكن جدعه صاحبنا ده
ويكه صدقه
بتعرف ويكة الصدقه
بصله ما تعتر ليك
الراجل جدعها فوق راسو
والغريبه انو محتج , على الويكه ولا الويكاب الله اعلم

[ايمن عبد الله]

عدم الشغلة بسوي اكثر من كده بكثير

[مهيد ود السفاح]

عدم الشغلة بسوي اكثر من كده بكثير


ايمن اخوي انت شفت الجدعه ؟؟؟

[سيد البلد]

عدم الشغلة بسوي اكثر من كده بكثير


كلامك صاح والله
اصلاً لعيبة المريخ دي اقل من انو الواحد يضيع زمنو فيهم
ومعليش تعبناك وشغلناك معانا ياخي

[سيد البلد]

ايمن اخوي انت شفت الجدعه ؟؟؟




ما بتخيل لي انو شافها
بكون ما فاضي الزول ده

[روبش]

يا شباب الزول ده ما قال ما متألقم مع اجواء السودان، عشان كده بلقى صعوبة بالغة في اللغة والاكل والشرب

[saleh farah]

عرفناه التأقلم
كمان الجدعه دايره ليها واحد اتأقلم
ولا يكون ربي الحته الواقف فيها ما متأقلم عليها
ياربى الكوره دى تكون اتلعبت وين

[مهيد ود السفاح]

انت صالح الجدعه بالنيجيري شنو ؟؟

[esmat]

وااارغو المبدع الفنان صاحب الجدعات العجيبة قووووووووووون

[saleh farah]

انت صالح الجدعه بالنيجيري شنو ؟؟

الجدعه بالنيجيري حسب معرفتي بلغة النيجيراب
عندها اكتر من اسم
الشايقية بتاعين نيجيريا بسموها الزلقي ( بكسر القاف )
ودناقلة نيجريا بسموها انجداع تاري
والبنى عامر فى نيجريا بسموها جدعاهيكا
ودينكة نيجيريا بسموها جدا زى ده
اما مريخاب نيجريا وديل الاهم
بقوموا بدمج الاسم وتحويله الى اللغة الانجليزية
واستخدام كلمة غيت الشهيرة
لذا تسمى وارغيتا
وهى الاكثر استخداما داخل نيجريا
ليست لسهولة نطقها
ولكن لغلاء مهرها

[مهيد ود السفاح]

الجدعه بالنيجيري حسب معرفتي بلغة النيجيراب
عندها اكتر من اسم
الشايقية بتاعين نيجيريا بسموها الزلقي ( بكسر القاف )
ودناقلة نيجريا بسموها انجداع تاري
والبنى عامر فى نيجريا بسموها جدعاهيكا
ودينكة نيجيريا بسموها جدا زى ده
اما مريخاب نيجريا وديل الاهم
بقوموا بدمج الاسم وتحويله الى اللغة الانجليزية
واستخدام كلمة غيت الشهيرة
لذا تسمى وارغيتا
وهى الاكثر استخداما داخل نيجريا
ليست لسهولة نطقها
ولكن لغلاء مهرها
ههههههههههه
هههههههههههههه
بس حلوه شديد ( جدا زى ده )

[روبش]

دحين يا صالح ( الجدعة ) ده نفس تسمية الجدعة في الحواشات ولا ده جدعه جديده

[esmat]

http://i483.photobucket.com/albums/rr196/3abasia/highlight_1749350wmv.gif

[esmat]

واحد بعد الرمية قال:
واااارغو ما تخلينا نصدق الشائعات
هاهاهاههاهاهاهاهاه
صدق صدق دا قمة الفشل ياخ

[saleh farah]

دحين يا صالح ( الجدعة ) ده نفس تسمية الجدعة في الحواشات ولا ده جدعه جديده

روبش يا اخوى
انت حواشتك حرقت ولا شنو
جدعة الحواشات بتجيب قروش
وجدعة وارغيتا بتشيل قروش
شفت الفرق كيف

[بورتبيل]

شكيت محنكم يا هلالاب

غايتو اجمل تعليق لاقاني وين ما عارف ..!!

( ابو عمرين غلبو الجدع باليدين)

[محمد السر]

إنتو كلكم ما عارفين وارغو قصدو شنو يعني؟؟
الزول دا كان داير يغش الناس عشان يجرو يحصلو الكوره ويجدعه ليهم تاني وهو قايل الحكم دا ما بخجل عشان فوت ليهم ضربة الجزا ولا شنو
هههههههههههههههيييييييي

[عبدالعظيم أحمد الشيخ]

ياجماعة ما تظلموا الراجل ساي ...أصله جدعها لي نفسه لانه أغلى سعرا وقروشو كتيرة..يعني يجدعها للزومة ( الوقت داك كانت مضايقي )

[amino]

ههههههههع نسيتوا قلاب الهوب البجدع الرمية وز....................فى القوون
كانت بتجى مسحسة ساى ههههههههههههع ان عافى منو..دى سعروا بكون كام؟؟؟

[درديري كباشي]

وارقو بالجدعة دي يكون عاوز يثبت انه هو ولد (جدع)

ويستاهل الملايين

بس ناس المريخ كان احسن يوحدوا كلمتهم ويرضوا بالواقع ويغنوا لوارقو

وين الملايين ... الشعب العربي وين ... الغضب العربي وين .

بيدك ولا برجلك ما قادر تعمل قووووون

[مهيد ود السفاح]

http://i483.photobucket.com/albums/rr196/3abasia/highlight_1749350wmv.gif


مبالغه يا عصمت
جدعه زي الجدعه

على بي جملة الليمون الكوره فيها ويكه

[saleh farah]

ثبت وبما لا يدع مجال للشك
بأن ايام وراغو داخل القلعة الحمراء باتت وشيكه
الفلاتي عرفها
قال هسه يعنى انا ارجع نيجيريا من غير اي بصمة
ما بصمة علاء الدين ماتتخلعو
لازم اخلد اسمى
جمال الوالي ده متهور
مابعيد بكره اجيب ليه لاعب بى عشرة مليون دولار
وامسح لي حكاية انى اغلى لاعب ارتدى شعار المريخ
وبعد مشاورات مع منظراتي المريخ طفل الصحافه
اتفق الطرفان على ان يأتي بشئ غير مشاهد
مثلا احراز هدف بكلتا رجليه
او
احراز هدف بالكعب
او محاورة جميع من بالملعب
الولد شاف الحكايه دى صعبه
واثناء المباراة جاتو الفرصه
قال اكيد لو جدعت الكوره دى بطريقة جديده
حا يسمو علي توب سودانى
او رقصه
وده ممكن اخلد زكراي فى هذه البلد الداقس اهلها
وقد كان
صبيحة اليوم الثانى لمباراة سيد البلد ووصيف السنين
اختفت جملة من الثياب من الاسواق الخرطوميه
فى شنو ياجماعه
قالو التوب ده اسمو جدعة وارغوووووووو
محن والله

[ايمن عبد الله]

ايمن اخوي انت شفت الجدعه ؟؟؟

والله يا مهيد ما شقتها اليوم داك خلي ساي
هي كانت كيف
زي جدعة كمالي بتاع البكري الجدعني برة الميدان ولو بتذكر صلاح سلك طلع لي الكرت الاحمر والوقت داك وصلتا بيتنا لاني عارف البحصل بعد الجدعة دي واسال هبار

[روبش]

يا مهيد ايمن يشوف شنو ولا شنو .. كفاية شوف غربته

[مهيد ود السفاح]

والله يا مهيد ما شقتها اليوم داك خلي ساي
هي كانت كيف
زي جدعة كمالي بتاع البكري الجدعني برة الميدان ولو بتذكر صلاح سلك طلع لي الكرت الاحمر والوقت داك وصلتا بيتنا لاني عارف البحصل بعد الجدعة دي واسال هبار


الغالي ايمن
والله الشوق كميات
وايام البكري وكورتهم البتشبه كورة المورده بتتنسي
وهبار وكوجاك ومحمد فرح كانوا لعابين بالجد , بس شالين الشلغه ملي فراغ

لكن ما قلت لي الزول ده , وارغو وارغو ما تعاين لي جادعها كدي وكمان بحتج , الزول ده لا قرأ ولا بارى .
على الطلاق جدعه زي دي فريق الصداقه ناس بلبل ما سوا زيها

[مهيد ود السفاح]

يا مهيد ايمن يشوف شنو ولا شنو .. كفاية شوف غربته


خليهو اشوف مع مازدا حل لمشكلة الدفاع البقى شوارع ده

[esmat]

مبالغه يا عصمت
جدعه زي الجدعه

على بي جملة الليمون الكوره فيها ويكه


ياخ الجدعة دي انا كل ما اعاين ليها بخجل ليهو
وبتذكر القروش الضيعوها غايتو رزق اللهم لا حسد

[mohaned3bdo]

الراجل ماقاصد ياخوانا لكن كدي شوفوها

[http://i701.photobucket.com/albums/ww12/mamzz70/worgui_chunk_1_all-new.gif

دا حير الحكم واللاعبين والجمهور والمعلق ،،

[مهيد ود السفاح]

الراجل ماقاصد ياخوانا لكن كدي شوفوها

[http://i701.photobucket.com/albums/ww12/mamzz70/worgui_chunk_1_all-new.gif

دا حير الحكم واللاعبين والجمهور والمعلق ،،


الراجل ده مابراهو
كل ما اعاين للجدعه القى روحي عايز فرمته ولا امشي اعمل فحص نظر