العواسة علي منو السنة دي ؟؟؟ [الأرشيف]

بت مارنجان

20-07-2009, 12:02 PM

المشهد الاول :

تدخل عليك حجة " علوية " وهي ماشاء الله مصدر فخر في الفريق لانها من النسوان
ذواتي الوزن التقيل ,, تدفر الباب وتجيك خاشة لمان الشفع يجرو ,,

خشت علي " فوزية " اها يافزفز زريعتك قامت ولا لسة .. وووب علي مالها راكوبتك دي
وسخانة كدي ومليانة قش ,, يافزفز ياخ ماتنضفيها .. انتي العواسة عندك السنة دي
تقوم حجة فوزية بدون جدال ,, اتفضلي ياعلوية مرحب اقعدي ,,
نجاد ترد يختي خاتة حلتي في النار قلت نتفقد زريعتك ,, اها بتلخيها بتين ,, يختي الخريف
حيبوظها ليك ,, ياخي انتي زاتك اخرتيها شديد .. كان تزرعي من بدري ,,

ياعلوية الله يسهل ,, لو فيها قسمة بتقوم ,, علوية تصلح توبها وتبقي مارقة ,,,,

وفي اثناء مسيرتها الي منزلها الذي يبعد عن فوزية 20 متر ,, تسلم علي مية زول
ولاقت خالتو " ام سلمة " مع بكسي الخضار ,,
السلام حق الله بق الله كيفنك وليداتك غنيماتك الصحة والاخبار ,, شديدة ياختي ,,
دفع الله بتاع بكسي الخضار يسلم علي علوية ,, ترد عليه علوية
كيفنك تسلم ياولدي ,, خدارك دة مالو مضبلن كدي وكوستك مسهربة :eek:

ام سلمة مرة مسكينة شديد ,, وماركزة نهائيتا ,, زولة الله ساااااااااااااااي ,,
اها خشت علوية بعد مناكفة علي بيت جارتها اقبال التي تمتلك العمارة وبيبنو في الطابق التالت :confused:
اقبال كيف اصبحتي اها كوجنتو العجين ,, كدي كدي ريحة عجينك خطيييييييير ,, اها ياختي بتجي عند راكوبة فوزية ولا جايبة العواسات ؟؟؟
ترد اقبال اجي ياعلوية من بتين بجيب العواسات ,, ماكلنا بنكوجن ونجي سواء نعوس
انا يختي السنة دي عجيني كتير عشان مرسلة لابو عيالي في سويسرا ,,,
ونحن بنمش نعيد معاه عشان عايز يعمل جيك لي صحتو

بت مارنجان

20-07-2009, 12:09 PM

وتصلح علوية توبها تاني وتبقي مارقة علي بيتها ,, حينما تصادفها حبوبة عشا .. ودي باعتبارها عمدة الفريق لانها الاكبر سنآ ,, وذات لسان سليط .. واي زول مدخلاه في
الكستبانة ,, تقول الحق في وشك ومابتخاف وممكن تصل معاك للمحاكم :eek:

حجة عشا يسلمك يبارك فيك يخلي لي ليك وليداتك ,, تسلم عليها عشا بنفس الروح ,,
في تلك الاثناء تنزل مطرة رشوووووشة كدي مع غيم جميل ,,,

في هذه اللحظة تكورك علوية لي فوزية غتي الزريعة يافزفز عشان نعوس بعدين
لي اقبال قالو مسافرين لي سوسا ولا اسمها شنو ياختي يااقبال ؟؟؟

يشهد الفريق حركة دؤوبة مع عواسة الابري وكل يوم وحدة تشيل عجينا وتجي لانو
السنة دي العواسة في راكوبة فوزية ,,,

تمتلأ الراكوبة في وقت الضهر بالنساء ,, الشايلة سكر والشايلة شاي ,, والمصنقرة
تسوي في الجبنة ,,,

حياة جميلة خالية من اي تعقيدات ولا برتكولالات ,, الهم الوحيد النسوان يعوسن الابري
ويشوفو زريعة منو النجحة وجابت ابري سمح ,,,

بت مارنجان

20-07-2009, 12:11 PM

بنجيكم راجعين مع عواستنا لو ربنا اراد وبقينا حيين ,,,

esmat

20-07-2009, 09:13 PM

ساااااااااااااااي

السااااي دا ساااي بي لبن

بعدين ما تنسونا رسلوا لينا حقنا
ان شاء الله زريعة
قلتي لي ذات كستبانة

ابوخالد

20-07-2009, 09:33 PM

خدارك دة مالو مضبلن كدي وكوستك مسهربة

حلوة اللقطة دى

لك التحية والسلام الكتير أختى / بت مارنجان

قصة غاية فى الروعة لحدى ماشميت ريحة الأبرى طالعة

من الشاشة ... تسلمى من كل شر ...

وآصلى ونحنا معاك لحدى ماترسلوا لينا نصيبنا

ولك الود والإحترام

نزار حسن محمد

20-07-2009, 09:39 PM

غايتو ربنا اديك الصحه والعافيه بتنا الغاليه بن مرنجان السودان
بالله ريحة الكوجين ما تديك الدرب بس المشكله انا كل ما اشم
ريحة الحلو مر ..الحيرقان اقوم على ..
النبى فيك يا بت مارنجات خليهم انقصه التوابل شويه
عشان الحيرقان واطرابات المعده...
علا الابرى الابيض حلاتو ...
والعجب الروقاق ...هنا مسمنه ام على
كدى ما تطولى تعالى تمي الونسه
نحن قاعدين وراء الحيطه..

مهيد ود السفاح

20-07-2009, 10:07 PM

بت مارنجان

21-07-2009, 01:51 AM

السااااي دا ساااي بي لبن
سااااي نسكافيه :p

بعدين ما تنسونا رسلوا لينا حقنا
ان شاء الله زريعة
قلتي لي ذات كستبانة

حقك محفوظ ياعصمت ,, انحنا بنكوجن وعوس في جدة انت ;)
جدة غير وانت بتعوس الابري :p:p

ميادة

21-07-2009, 02:17 AM

الرائعة بت مارنجان

دائما تتحفينا بالسرد الجميل لقصصك الممتعة

بره الجك : ياخ جهجيتينا بي ريحة الابري

واصلي واحنا متابعين معاك العواسة :eek:

بت مارنجان

21-07-2009, 10:33 AM

خدارك دة مالو مضبلن كدي وكوستك مسهربة

حلوة اللقطة دى

نفسي اعرف يعني شنو مسهربة دي ,, غايتو ادتني احساس العيانة يانعسانة

لك التحية والسلام الكتير أختى / [color="purple"]بت مارنجان

قصة غاية فى الروعة لحدى ماشميت ريحة الأبرى طالعة

من الشاشة ... تسلمى من كل شر ...

وآصلى ونحنا معاك لحدى ماترسلوا لينا نصيبنا
يديك العافية اخي ابو خالد وتسلم علي مرورك ,, وهسي بنقوم نمشي نجيب البهارات
وندقق العيش ونعمل الزريعة ,, بس ادعي تقوم مع المطرة والرطوبة دي ;)

ولك الود والإحترام

بنفس قدر الاحترام والود ,, وخليك قريب ,,,

بت مارنجان

21-07-2009, 10:40 AM

غايتو ربنا اديك الصحه والعافيه بتنا الغاليه بن مرنجان السودان
ويديك الفي مرادك ياود حسن ;)

بالله ريحة الكوجين ما تديك الدرب بس المشكله انا كل ما اشم
ريحة الحلو مر ..الحيرقان اقوم على ..
حيرقان شنو ياابو النيز انت لسة سغير وجاهل الحيرقان دة لي ناس " رضا ود حسن "

النبى فيك يا بت مارنجات خليهم انقصه التوابل شويه
عشان الحيرقان واطرابات المعده...
علا الابرى الابيض حلاتو ...
والعجب الروقاق ...هنا مسمنه ام على
كدى ما تطولى تعالى تمي الونسه
نحن قاعدين وراء الحيطه..

حاسب الايام دي المطرة تقيلة ,, واقل سندة علي الحيطة بتقع خليك خفيف اي حركة
عشان تبقي جاري :p

بت مارنجان

21-07-2009, 10:47 AM

بعد الزريعه ما تنبت واشروها تنشف بشيلوها اودوها الطاحون في طرف الحله , وبعدين اهم اهم حاجه ( المداده )

وهي علويه دي بوبار على الفاضي شوفي اللدايه حقتها عامله كيفن ؟؟
يا وليه صلحي اللدايه دي .
انتو عارفين لمه الحريم في المداده ليها طعم خاص , شئ دق قرفه وجنزبيل ودويات الابري , وزي ما قلتي الريحه تجيب الضهبان .

غايتو انا جهزت السكر والتلج لزوم الضواقه وكده

غايتو ياود السفاح ماقصرت ,, شرح وافي وكافي لكيفية عمل الابري من الزريعة
لللداية ,, الخوف يجيك زول يقول ليك اللداية دي شنو :rolleyes:

همسة : ماتجي تعوس لينا طرقة طرقتين من آبرينا ;)

بت مارنجان

21-07-2009, 10:51 AM

:p

الرائعة بت مارنجان

دائما تتحفينا بالسرد الجميل لقصصك الممتعة
تسلمي ياعسل المنتدي وشهدو ,, وانت اجمل واروع ياعزيزة ,,,

بره الجك : ياخ جهجيتينا بي ريحة الابري
اسكتي انا لي شهر مجهجهة معاهم انتي هسي ليك ليلة بس :o

واصلي واحنا متابعين معاك العواسة :eek:

خليكم معاي وحنعوس سواء الرقاق والابري الابيض
:p:p

بت مارنجان

22-07-2009, 11:58 AM

اولن شي بعتذر عن التاخير والله ظروفي سيئة جدآآآآ ,, عشان ماتقولو بتغاتت وبتاقل :p
وحنعود باذن الله ,,

همسة لي " نزار " : انت ياخوي مانازل اجازة ولا شنو " رضا " قرب يرجع ;):p

بت مارنجان

22-07-2009, 11:59 AM

في ذلك اليوم " صبت " مطرة تقيلة ,, مما جعل نسوان الفريق يلملمو في زريعاتهم خشية من المطرة ,, ادي الي عدم اكمال جولة علوية الصباحية لتفقد احوال ناس الفريق
وتصبح عليهم نفر نفر ,, وتشوف اصبحو كيفنهم .. وتلقط الشمارت

في الصباح الباكر هبت علوية ولفحت توبها علي ناس " محاسن " ومحاسن هذه امرا كبيرة في السن وعندها وجع في " ركبيها " مما ادي الي صعوبة حركتها ,, فعادتآ بيجو بنات الحلة يساعدوها ,, في لوازمها اليومية ,,
دفرت علوية الباب وخشت .. حجة محاسن كيف اصبحتي ,, يصبحك الله بالخير تسلمي
يابتي علوية ,, اها ركبك كيفنهن ياحجة ,, كويسة يسلمك الله من كل شر وبلاء
وبنظرة خاطفة وفاحصة تلمح علوية ,, بنية تشر في " الذرة " "الزريعة " في سرير الحبل
وتطلع نجلاء بت فوزية :eek:
طبعا حجة محاسن عندها ولدها الدكتور " محمد " طبيب في السعودية .. وبيفتشو في عروس لي محمد ,, الجاي اجازة في رمضان ;)

نجلاء شغالة بيديها وكرعيها تشرشر في الزريعة ,, تقوم حجة محاسن من سريرها في
راكوبتها ,, تلمحها نجلاء هي ياخالتي ماشة وين ,, اقعدي بجيب الموية انا :p

حجة محاسن تشكر في نجلاء وادبها ,, وبت خدامة ياعلوية يابتي .. نجلاء دي حمارة شغل بس ,, والله يوماتي تطلني ماخلاني محتاجة لي شي ,, لي بصلة رمضان دي
حشتها لي وحمرتها ودقتها بالفندق ,, وهسي زريعتي دي يوماتي الصباح تجي ترشها لي ,, غايتو بت يلدن عليها النسوان ويعقرن بعديها ,,
كل هذا ونجلاء تتبسم لغاية ماضرس العقل ظهر ,, خلاص ضمنت عريسها المغترب
وسايقها السعودية :p

شربت علوية قهوتها وصلحت توبها وبقت مارقة ,, وفي طريقها تلاقي مجددآ بكسي الخضار بتاع دفع الله ونسوان الحلة بيشارعن في الخضار معاه ,, مشهد يتكرر يوميا ,,

كوركت ليهن هووووووووووووي يانسوان بطلن المحاججة بعد الفطور الليلة ختة صندوق " فتحية " ,, امشن سريع ختن الفطور وتعالن :mad:

بت مارنجان

22-07-2009, 12:12 PM

اتلملو الحريم الضهرية ,, جابو الشاي الاحمر المنعنع ,, وختو كانونهم للقهوة ,, وقعدن البنيات يصلحهن في فحم الجبنة ,, والمشت تلقط ليها رطب من شجرة ناس " حليمة "
حليمة دي شايقية واهم شي التمرة في البيت ,, لانو شجرة البلح بتسبح لي سيدها
الكلام دة علي مسؤولية حليمة :p

قعدن بنات الحلة يتهامسن مع نجلاء بت فوزية ,, هي يانجو قالو حمادة جاي يعيد رمضان في الحلة السنة دي :p
نجلاء بي خجل كأنو حمادة جاب شبكتها اي قالو جاي ,, عاد يانجلاء حجة محاسن مافتحت اضان خالتو فوزية ,, اجي يابتي ,, هسي شقاوتك دي تجي في الفاضي ,, وحدة من البنات تلفح من بعيد هسي يانجلاء كان طلع مجكس وحدة تانية ومربط معاها
ومتفق علي العرس :eek:

نجلاء في اللحظة دي نططت عيونها وقررربت تديها سكتة قلبية ,, همهمت " غايتو الله يكضب الشينة :o

تمت اللمة بسلام وضحك وونسة واكل فول وتسالي ومشاكسات بعض النسوة لخالة "السرة " لانو اضانها تقيلة شي تسمعو والباقي تتمو ضحك حتي لو نبز فيها ,, لانو ماسمعت الكلام بتكون ,,,

اول وحدة من النسوان زريعتها قامت هي منووووووووو؟؟؟
علوية شمارات ,, زريعتها قامت ,, وقالت كدي نشفتها ,, ونادت بناتها التلاتة يدقنها بالفندق
بتاع الخشب ,, وبقو البنات بتناوبن في دق الزريعة لغاية ماتتطحن سمح ,,,

جابو دقهن وعلوية جابت بهاراتا وكوجنت عجينها وقفلتو سمح في انتظار عملية التخمير ;)

بت مارنجان

22-07-2009, 12:15 PM

نزار ود حسن قللنا التوابل عشان المصران واتطرابات المعدة ;)

سيدة القصر

22-07-2009, 11:31 PM

بت مارنجان يا عسل نفسي اتعرف عليك انا من عووضه طبعا لو ماعندك مانع

عاطف عولي

23-07-2009, 11:37 PM

الزريعة دي بعد ما تعرسوا ليه ادوني حبة فلت بدورا لي دوا كدي.

وراجع ليكم بعد الطاحونة عشان احضر الكوجين وبعدوا العواسة.

بتنا. والله لو قالوا للحروف انضمي ما تنضم جنس نضميك دا ماشاء الله وعيني باردة عين الفتاة فيها الوطا عين الحسود فيها العود.
سوال لمن تقعدي للكتابة وصفي لي حالتك التي تعتريك وتتقمصك.

الروعة بعضآ منك

http://www7.0zz0.com/2009/07/24/12/489721294.jpg

http://www7.0zz0.com/2009/07/24/12/972632497.jpg

http://www7.0zz0.com/2009/07/24/12/190585855.jpg

مهيد ود السفاح

23-07-2009, 11:55 PM

غايتو ياود السفاح ماقصرت ,, شرح وافي وكافي لكيفية عمل الابري من الزريعة
لللداية ,, الخوف يجيك زول يقول ليك اللداية دي شنو :rolleyes:

همسة : ماتجي تعوس لينا طرقة طرقتين من آبرينا ;)

افو افو في جعلي بعوس؟؟
الجعلي بضوق بس
هههههههه

مهيد ود السفاح

23-07-2009, 11:59 PM

نزار ود حسن قللنا التوابل عشان المصران واتطرابات المعدة ;)

ناس المصران ديل بنفع معاهم ابري حبوبتي النسيم بت خالد

مايسة

24-07-2009, 04:34 AM

لكن يا بت مارنجان خطيييييييييييييييييييييرة لقيتك

ريحة الابري هي الجابتني

كدي نجلاء دي المنتظرة العريس ده - ان شاء الله بس محمد ما يكون مربط مع واحد تانية ;):d

esmat

24-07-2009, 06:02 AM

بت مارنجان والله روعة بس خارباها لينا بي حركاتك دي ياخ ما تقعدي لينا في الواطة
نشوف البت دي آخرها شنو اقصد الابري دا منظرو شنو ما تطولي ياخ - مهيد السفاح
ماشاء الله طرقاتك طلعن سمحاتك

بت مارنجان

24-07-2009, 11:29 AM

بت مارنجان

24-07-2009, 12:20 PM

في ظل الشمس الحارة ,, تعاقبها بعض السحب الجميلة ,, عجين علوية شال اريتو عجين البنيات ,,,
قالت كدي صلحتو في الجردل ,, مشت النجار قطعت المدادة الماخمج ,, ونادت ولدها " فتحي " شال الجردل ومشي قدامها علي بيت ناس فوزية ,,

تجمعو النسوة في ذلك اليوم في راكوبة فوزية الملطة علي الشارع " الشارع عبارة عن
زقاق ضيق فاصل بين البيوت " ,, وهاتك ياشاي وقهوة ,, نسوان الفريق زمان كانن بعوسن بي الحطب ويرمو صاجن في الواطة ,, قالن الشغل صعب وخشو العولمة مشن اشترن " الدفار " بتاجز لكن حجم عائلي للماعارف الدفار هو شنو ;)
افتتحت العواسة كالعادة " ليلي " ,, ليلي دي بقي قصتها قصة ,,
تسكن مع ناس الفريق ,, بس بيتهم في بداية الحلة ,, تزوج زوجها عليها لانو مابتلد ,,
وسكن المرة الجديدة معاها وولد من الجديدة تلاتة اولاد ,, وبقو لي ليلي زي اولادها
وسبحان الله هي وضرتها عايشين في امان الله ,,, تقول اخوات ,,,

قامت ليلي وقالت بسم الله وصنقرت في بمببرها ومسكت مدادتها دي وبدت ,,,
عاست الطرقة الاولي وبنيات الفريق بتناوبن في شيل الابري عشان يشرو في السراير ,,
والونسة " قاجة " بين النسوان وعلوية تنظر لي ليلي صلحي الطرقة دي ,, ودي مابعرفها ملوية ,, لمن ليلي فترت ,, قامت زينب بت علوية الكبيرة ,,,
قبل زينب ماتقوم ,,دخلت علي النسوان " سكينة " مرة " مقدرة كدي " ومفلهمة ولابسة
نظارات وموبايلا " ختيييييييير " ,,
خشت عليهم وريحة الريحة تجيب الرايح ,, سلمت النسوان ردن عليها ,, ووقع بعد داك فيهم سهم الله جت صنو ,, لانو سكينة دي مرة فلسافة شديد ومنظراتية ,,,
قعدت في السرير " طبعا لابتسوق لابتلوك " برة بيتها " عواااااااااااااااافة شديد ",,,
اها علوية قالت التكرمها ,, قامت كوركت لي وحدة من البنيات تديها كباية شاي ,, وهي عارفة انو سكينة ماحتشرب ,, قالت نسوي بي اصلنا ونكرمها ,,,
اها طبعا سوها وماشربت ,,,,
سكينة قعدت وقالت كدي خلفت كراعها ورفعت توبها وكم قميصها وادت سوارها كدي
هزة هزتين ,,, لزوم غيرت دهبي وكدي ,,,
الغريبة انو حياة النسوان دي ابسط من بسيطة ,, انا ماعارفة سكينة دي قادرة
تتعايش في حياة المنطقة دي كيف ,,
المهم سكينة دي كملت قعدتها دي ومشت ,,,
تجلس نجلاء في عنقريب بعيد وعيونا في السماء ,, كلام صحباتا اثرن فيها وقلبا بقي محدثا وراسي يودي ويجيب رابي محمد دة صحي خاتب ,, فجاة يقطع عليها سرحانا
صوت خالتها محاسن ,, وهي بتحكي للنسوان انو محمد اتصل عليها
وقالت ليه ماعافية منك اكان ماجيت عرست في اجازتك دي ,,,
رد عليها محمد .........

نواصل ,,,,

الزونية

24-07-2009, 12:21 PM

مهيد ود السفاح

24-07-2009, 12:25 PM

مهيد السفاح
ماشاء الله طرقاتك طلعن سمحاتك

شفتي يابت مارنجان اخرتها , اها الجعلي المطموس عاس وكمان طرقاتو ,,,,,
حلوه يا عصمت طرقاتو دي
اجدع ليك طرقه ؟؟؟؟
انت يا عصمت اخونا وارغو بعرف للعواسه ؟؟؟

esmat

25-07-2009, 12:18 AM

شفتي يابت مارنجان اخرتها , اها الجعلي المطموس عاس وكمان طرقاتو ,,,,,
حلوه يا عصمت طرقاتو دي
اجدع ليك طرقه ؟؟؟؟
انت يا عصمت اخونا وارغو بعرف للعواسه ؟؟؟

اسي عليك الله واارغو دا كان ما بعوس دي جدعة ليهو - وانت قايل الوالي دا مخليه مالوا مالي الابري دا

يابت مارنجان غايتو عندك جنس غتاتة اسي
دي محلة اوقفوا فيها بص سيرة مخلية البنية
منططة عويناتها كدا

بت أم درمان

25-07-2009, 12:44 AM

الاحبة المتداخلين عبر البوست وكل من مر عليه ,,, والزوار كمان ليكم اجمل تحية
مليئة بالتوابل والبهارات وريحة الابري ,,,

اعتذر عن تأخري في اكمال البوست ,, ودة والله لظرف عائلي سئ جدآآآ الايام دي
بس دعواتكم ربنا يسهل الامور ,,,

واعزروني مرة تانية اني مابقدر ارد عليكم ,, لاني حانزل جزء من اكمال عواسة آلابري
بس بشكر كل شخص مر علي البوست ,,,,

عدنااااااااااا,,,

ياخ ما عاذرنك ما عاذرنك ولا شي .... لان حركاتك دي اصلك ما بتبطليها ... شارة الناس معاك زي شرت ابري علوية شمارات ... ربنا يسهل ليك وييسر ليك .... بس تمي القصة ... وما تعلقيها لينا زي قصة صحبتك ديك ... وتميناها خيال وموية وكل شي على كيفنا

مدنيّة

25-07-2009, 02:18 AM

بالله من تخش بداية الحلة تلفحك ريحة الآبري ,, لمااااااان تعطش وريقك يجري
تقول صايم ,,

يابنوتة
ياخ شوية شوية علي المغتربين ديل
وخلي الحقد بتاعك دا :mad:

الناس ديل في غربة
ماتبقي انتي وهي عليهم "الضمير راجع للغربة عشان الاختساس" ;)

حليل زمن العواسة يابنوتة

انا ما حضرته بس حكوا لي :p

littlestar

25-07-2009, 05:55 AM

عاطف عولي

25-07-2009, 06:18 AM

بت مارنجان ألحقى
الطرقة حرقت ولصقت ف الصاج :eek::eek::eek:
تعالى قبل ما نلاقى شيتن نصوم بيهو السنه دى

تلويده:
إنتى كديستك دى لامن تقوم عليك بتسقيها شاى بلبن ولا شى مانا خابرينو ;)
الله يديك العافيه

الكديسة دي ولا واحة تانية يا انتي

http://www2.0zz0.com/2009/07/25/14/355350377.gif

يابت امى
رويتينا قبل شفقة الصيام ما تدخل عضامنا :o:o

وكان ما ياها يمكن تكون كديسة نا علوية ولا فوزية ما عارف

littlestar

25-07-2009, 06:40 AM

الكديسة دي ولا واحدة تانية يا انتي

وكان ما ياها يمكن تكون كديسة نا علوية ولا فوزية ما عارف

ههههههههههههههههههههه
لكن كديستك ما عجيييييييييييييييبه لكن
دى شكلها لحست من كوجين ناسنا الطيبين ديل :p:p:p

كدى نخلى السؤال ده موجه لبت مارنجان
الزوله دى غتست وين ياجماعة :confused::confused:
ولآ بتكون بتهش ف الكديس :eek:

بت مارنجان

27-07-2009, 03:53 AM

بت مارنجان يا عسل نفسي اتعرف عليك انا من عووضه طبعا لو ماعندك مانع

بالتاكيد ياسيدة القصر ,, مرحب بي وجودك معانا منورين ياناس عووضة ,, بالله
عايزين بسكويت :p
مشكورة علي مروروك ياسيدة ,,,

الزريعة دي بعد ما تعرسوا ليه ادوني حبة فلت بدورا لي دوا كدي.
دوا شنو :confused:

وراجع ليكم بعد الطاحونة عشان احضر الكوجين وبعدوا العواسة.
العواسة بدت خليك داخل لي جوة ,, لانو بعد الابري ,, في آلابري الابيض
والرقاق ,,,

بتنا. والله لو قالوا للحروف انضمي ما تنضم جنس نضميك دا ماشاء الله وعيني باردة عين الفتاة فيها الوطا عين الحسود فيها العود.
سوال لمن تقعدي للكتابة وصفي لي حالتك التي تعتريك وتتقمصك.
والله ياعطوفة وقت اجي اكتب كلام زي دا ,, بستحضر في مخيلتي برندة جدي
في مارنجان ومتلمين مع حبوباتي ونضمي النسوان مدوووووووور ,,
وانا مصنقرة في البمبمر مغزوزة في نصهم استمع واستمتع بالنضمي والشمارات ,,

الروعة بعضآ منك

http://www7.0zz0.com/2009/07/24/12/489721294.jpg

http://www7.0zz0.com/2009/07/24/12/972632497.jpg

http://www7.0zz0.com/2009/07/24/12/190585855.jpg

تسلم ياود عولي ,, ياود مارنجان الاصيل ,,,

بت مارنجان

27-07-2009, 03:57 AM

افو افو في جعلي بعوس؟؟
الجعلي بضوق بس
هههههههه

ووووووب علينا علي قولة هناي الله يطراه بالخير ,,,
خلاص تعال ضوق لينا آبري علوية شمارات ,,,

ناس المصران ديل بنفع معاهم ابري حبوبتي النسيم بت خالد

النبي يامهيد وصفو لينا آبري حبوبة النسيم دة ...

بت مارنجان

27-07-2009, 04:01 AM

لكن يا بت مارنجان خطيييييييييييييييييييييرة لقيتك
خطيرة انتي ياام البنيات :p

ريحة الابري هي الجابتني
ريحة الابري تجيب الرايح سنين من اهلو ,,

كدي نجلاء دي المنتظرة العريس ده - ان شاء الله بس محمد ما يكون مربط مع واحد تانية ;):d

اسكتي من محمد والعملو ,, انتي تابعي معاي وخليك قريبة ,,,

همسة : ربنا يشفي الوالدة ,, ويطمنكم عليها باذن واحد احد ,,,

بت مارنجان

27-07-2009, 04:04 AM

بت مارنجان والله روعة بس خارباها لينا بي حركاتك دي ياخ ما تقعدي لينا في الواطة
والله ماحركات ياعصمت ,, الظروف معاكسة ياود الحلال نسوي شنو :mad:
الليلة بتفن ليكم في الواطة دي واكمل الباقي :o

نشوف البت دي آخرها شنو اقصد الابري دا منظرو شنو ما تطولي ياخ - مهيد السفاح
ماشاء الله طرقاتك طلعن سمحاتك

مهيد عواس :p:p

بت مارنجان

27-07-2009, 04:10 AM

يابت مارنجان ياعسل والله انا كأني قاعدة معاكم ..غايتو ريحة الآبري ملت الحتة عديل ..والله تصوير غاية في الروعة الله إديك العافية .
بس في معلومة أول مرة أعرفا هي الزريعة بدقوها في الفندق والا بدققوها في الطاحونة؟؟؟؟؟؟؟؟
ابو الزوز تسلمي ياعسل كتير ,,,
الطاحونة دي يختي في الدول المتقدمة ,, لكن ناس الحلال ,, والفريق ,, بجيبو فندق
الخشب الكبيييييييييييييير ويتفنو في بطن الواطة ويدقو :p

شفتي يابت مارنجان اخرتها , اها الجعلي المطموس عاس وكمان طرقاتو ,,,,,
حلوه يا عصمت طرقاتو دي
اجدع ليك طرقه ؟؟؟؟
انت يا عصمت اخونا وارغو بعرف للعواسه ؟؟؟

طرقة كسرة ,, الليلة عاملين ملاح شمار ,, اتفضلو معانا ;)

بت مارنجان

27-07-2009, 04:17 AM

يابت مارنجان غايتو عندك جنس غتاتة اسي
دي محلة اوقفوا فيها بص سيرة مخلية البنية
منططة عويناتها كدا

sespence كدي امش قوقل اتاكد الكلمة دي كدة صح ,, شايفاك الايام دي شايت
افرنجي ساااااااااااااااااي ,, خير ياطير ؟؟؟
حولتو اجانب ولا شنو :rolleyes:

ياخ ما عاذرنك ما عاذرنك ولا شي .... لان حركاتك دي اصلك ما بتبطليها ... شارة الناس معاك زي شرت ابري علوية شمارات ... ربنا يسهل ليك وييسر ليك .... بس تمي القصة ... وما تعلقيها لينا زي قصة صحبتك ديك ... وتميناها خيال وموية وكل شي على كيفنا

عليك امان الله يابت ام در حالتي تحنن :o
والله هي حركات ماجميلة لكن نسوي شنو الله غالب ,, بس دعواتكم الليلة نكمل
البديناه ,,,

بنت الرفاعي

27-07-2009, 04:30 AM

ماشاءالله وتبارك الله عليك ,:)
آبري السنة دي شفناهوا لكن ماضقناهوا خايفين نكملوا;):d

في إنتظار محمد العريس ونجلاء.

بت مارنجان

27-07-2009, 04:47 AM

يابنوتة
ياخ شوية شوية علي المغتربين ديل
وخلي الحقد بتاعك دا :mad:
انا حاااااااااااااااااااااااااااااااااااااااااااااقدة ياهناية :mad:
لمن اجيك هناااااااااااااااااااااااااااااااااااااااااااااااا ااااااااااااااااااااااك اي بس عرفتي وين
بنتفاهم ياختي ,,,

همسة : ياختي مستنياك شنو عملتي رايحة غايتو :rolleyes:

الناس ديل في غربة
ماتبقي انتي وهي عليهم "الضمير راجع للغربة عشان الاختساس" ;)
مالك مجافي الناس عايش براك في غربة مانحنا ناس جيرانكم وبينا
مودة والفة :p

حليل زمن العواسة يابنوتة

انا ما حضرته بس حكوا لي :p
دة نظام سغرة ماحضرتي ولا فلهمة منك يامريخابية ,, ولا عاملة زي سكينة
تغيري في دهيباتك :rolleyes:

بت مارنجان ألحقى
الطرقة حرقت ولصقت ف الصاج :eek::eek::eek:
تعالى قبل ما نلاقى شيتن نصوم بيهو السنه دى

تلويده:
إنتى كديستك دى لامن تقوم عليك بتسقيها شاى بلبن ولا شى مانا خابرينو ;)
موية زرقاء وخلاص وببقي مارقة علي الكي بورت :p

الله يديك العافيه
يابت امى
رويتينا قبل شفقة الصيام ما تدخل عضامنا :o:o

ويديك العافية يابنية ياعسل ,, انتي كمان في بلدكم الحارة دي الا تغسلي هدومك
وتلبسيها بمويتها عشان يبردن عليك ;)

همسة شنو يعني من ساعة ماخبطوك بقيتي تتغلي علينا ومطنشانا يوم تخشي
وعشرة لا :rolleyes:

بت مارنجان

27-07-2009, 04:50 AM

وكان ما ياها يمكن تكون كديسة ناس علوية ولا فوزية ما عارف
كدايس الحلة كتيييييييييييرة ,, ناس فوزية عندهم كديسة وناس علوية كدايسهم
كتاااااااااااااار :p

كدى نخلى السؤال ده موجه لبت مارنجان
الزوله دى غتست وين ياجماعة :confused::confused:
ولآ بتكون بتهش ف الكديس :eek:

ظرووووووووووووف ياخ وبعدين الكديسة الايام الفاتت دي كان عندها سبات شتوي
هسي يادوب بدت تفرفر ,, وباذن الله تجي تم البدتو :p

بت مارنجان

27-07-2009, 12:07 PM

ماشاءالله وتبارك الله عليك ,:)
عينك مليانة ياختي :p

آبري السنة دي شفناهوا لكن ماضقناهوا خايفين نكملوا;):d
يابتي اوعي تهبشيه رمضان السنة السنة دي مولع شديد
والاذان متاخر ;)

في إنتظار محمد العريس ونجلاء.

خليكم قريبين

بت مارنجان

27-07-2009, 12:12 PM

عدنا ,,,,,

بت مارنجان

27-07-2009, 12:31 PM

اها وقتين الحجة ام محمد تتكلم وقالت قلت لي محمد اكان ماجيت عرست ماعافية منك
رد محمد وقال لي والدتو كلو ولا غضبك علي " يمي " كدي وقتين اجي بفاهمك
وانا والله ناوي " يمي " وربنا يسهلها ,,
قالتها محاسن والنسوة ساكتات بيسمعن فيها ,, ونجلاء عيونها مرقرقات ,, وكتين سمعت رد محاسن ,, انو محمد جاي لكن النية علي وين " جاء في بالي غنية وردي " مرة افرح ومرة ابكي ومرة تغلبني القراية لمن اكتبلك وداعآ " ,,,
اها نجلاء لاعارفة تفرح بي جية محمد ولا عارفة تبكي لو عرفت انو محمد شايت علي
وحدة تانية ,,,
واصل البنات عواسة علوية شمارات ,,, وكملن الطرقات ,,,

تفرق الجمع من بيت فوزية بعد اتمام عواسة علوية علي اللقاء في صبيحة اليوم التالي
لعواسة ابري " ليلي " وشادية " ,,,,

تجمع بنات الحلة حول نجلاء ,, لدراسة الموقف ,, وتحليل مكالمة محمد لوالدتو ,, والنتائج
المتضمنة ملخص المكالمة ,, وكل وحدة فيهم بقت تدلي بدلوها ,,,
اها البت بقت مطيرة عيواناتا تعبها دة كلووووووووووو يطلع في الفاضي ,, لاخلت كنس لا
مسح ,, لاتبيخ لا عواسة كسرة ,, لي نضافة رمضان ,, والعيد ,, وخبيز العيد
ياخوانا لي بلط الحوش البت بلطتو :o

وحدة سالتها انتي يانجو ,, محمد دة حصل اتصل عليك ,, لا والله ماحصل ردت نجلاء
طيب ولا مسج ,, لاوالله ,, ولا حتي مس كول ,, بري ,,,
ردت : اجي يابتي ,,

ساد السكون دقايق قطعتها فوزية والدة نجلاء ,, قومن يابنات اعدلن بكان العواسة دة
ونضفنو بطلن الكلام ,,,

اتنفضن البنيات وقامن يصلحن في المكان ونجلائ شاردة بعييييييييييييييد وماعارفة
تسوي شنو ,,,,

amino

27-07-2009, 12:31 PM

يالله يابنت مارنجان انا عايز لى طرقة ابرى

والله البلد دى مما جيتا ماشميت لى ريحة ابرى الاعندكم

بالطريقة دى باكر بجى الجزيرة ولا رسلى لى معاك طرقة

بسرعة والله انا اتمطق ساىhttp://smiles.r6r6r.com/smiles/16/f19ebe42b3a2d225b122314b25be5814.gif (http://www.r6r6r.com)http://smiles.r6r6r.com/smiles/16/f19ebe42b3a2d225b122314b25be5814.gif (http://www.r6r6r.com)http://smiles.r6r6r.com/smiles/16/f19ebe42b3a2d225b122314b25be5814.gif (http://www.r6r6r.com)http://smiles.r6r6r.com/smiles/16/f19ebe42b3a2d225b122314b25be5814.gif (http://www.r6r6r.com)

بت مارنجان

27-07-2009, 12:49 PM

يقطع سكون نجلاء ,, وسرحانها ,, صوت حجة محاسن وهي تناديها بالحيطة ,, يانجو
جيبي لي خمار عجين من بيتكم ,,, هبت نجلاء مسرعة لخدمة خالتها وشالت الخمار
عشان توديه ليها ,,,
دخلت علي خالتها في نفس ذات اللحظة رن جرس جوال حجة محاسن .. وكانت محاسن بعيدة ,, شالت نجو الجوال وقرت في الشاشة " محمد " :eek::eek:

في لحظة من الثانية الدنيا دارت بي نجو وغلبها الحركة من مكانها ,, سرعان مارجعت نجلاء لحالتها الطبيعية ,, اها اسوي شنو ارد عليه ولا اجري لي حجة محاسن ,,
طيب انا ارد عليه عسي ولعل افهم شي ,, كدي هو يسمع صوتي ,,

الكلام جاط في راس نجلاء وقبل ماتتخذ القرار كانت محاسن جاتها ,, وقالت ليه دة منو يانجو ,, قالت ليا دة محمد ,,,

محاسن شالت الموبايل من نجلاء وردت سلامات ومطايبات ,, وكيفك ياعشاي ,,
ونجلاء وشها اتورد حمرة خجل لانو محمد بيتكلم مع والدتو :p

احست نجلاء انو لازم تنسحب لانو الكلام بيكون فيه خصوصية ,, اشرت نجلاء لي محاسن
وفاتت اهلها ,, وقلبها محدثها في تلفون محمد دة يكون شنو :o

الدنيا " عصرت " وريحة آلآباري طااااااااااااااقة الحلة ,, وصوت المدق من معظم البيوت
الناس خلاص قرررربت علي رمضان ,,,

مع دخول وقت المغرب نادت نجلاء امها فوزية ,, يمي تعالي شوفي شعبان هلآ
تقوم فوزية تشيل موية من الزير ,, وتسمي وتقبل علي هلال شعبان ,,
يهل علينا زي السنة دي بالصحة والعافية ويعودو علينا طيبين وسالمين ,, مع استمرارية
رش الهلال وتمسيح وش نجلاء بدعوة : يعود عليك يانجلاء وانتي في بيت عدلك متهنية
ان شاء الله سعدآ خفيف ,, وعريسآ هاشي وباشي ,, يسهل سعدك ويخففو يانجلاء
وتأمن نجلاء دعوات والدتها وتدعو لوالدتها بالصحة والعافية ,,

ويتقالدن ويباركن شهبان " الهلآ " ,,,

يعودو علينا طيبين وسالمين ,, زايدين ماناقصين ,,,