ممنوع الدخول لاقل من 90 عاما

[درديري كباشي]

بالتاكيد لايوجد احد في هذا المنتدى مؤهل في ان يفتح هذا الموضوع حسب الشرط الذي يحمله العنوان ورغما عن ذلك كلكم دخلتوا الان لماذا ؟؟؟ ... ولو كنا نحن نتبع ونلتزم باي تعليمات موجودة في عنوان او غلاف او صندوق اي شئ ربما كانت حياتنا اختلفت ... لكن السؤال الذي يطرح نفسه لماذا نعشق الممنوعات .. الانسان لايحب الا ما منع عنه مع انه المباح اضعاف اضعاف الممنوعات ... هل هي وراثة من ابونا ادم وامنا حواء عندما نهاهم الله الا يقربا هذه الشجرة ... ام هي ضعف ارادة وتزيين من الشيطان .. تجد في السينما فلم متكوب عليه رعب اثارة وممنوع الدخول لاقل من ثمانية عشر عاما .. وعندما تحضر الفلم تجد معظم الحضور اعمارهم تقل عن الثمانية عشر عاما ورغما عن ذلك لم يمنعهم احد ...
معظم التجار وشركات الاعلان درسوا هذه الرغبة الكامنة في الانسان وهي حب الممنوع وقرروا ان يستثمروها واعتقد انهم نجحوا الى حد ما .. تجد في علبة السجائر مكتوب الدخان سبب رئيسي لسرطان الرئة .. ورغما عن ذلك لم يكن سببا كافيا لردع المدخنين .. ومثال آخر عندنا صديق من الزملاء الذي درسوا في مصر .. وقال لان نظام الدراسة في مصر يتطلب انه الطالب يشتري كتب المقررات من السوق على حسابه الخاص ( اعتقد انه في السودان الان اصبح الامر كذلك) .. قال ذهبت الى ميدان العتبة الشهير في القاهرة لشراء بعض الكتب المستعملة اقتصادا للتكلفة .. وقال وانا اشتري واختار في الكتب جاء احد الباعة وقف قربي وهمس في اذني
البائع : اسمع يا سماره عندي ليك حاقة كده ( قابضا يده ورافعا الابهام لاعلى ) .... تقنن .
قال : قلت حاجة زي ايه يعني
البائع : اهيي ياسماره يعني مش عارف هي ايه بلاش لعب العيال دا معانا .
قال عملت فيها فاهم ودخلت في الموضوع على طول : عايزين فيها كم الحاجة دي
البائع : عشان خاطرك حنديهالك بعشرة جنيهات بس بذمتك تمنها ما يئلش عن خمسين جنيه .. حاجة اقنبي زي الفل ..
قال : قلت له هاتها متفقين يا معلم ..
قال ذهب البائع اختفى وراء الكراتين وحضر في يدة شئ ملفوف بجريدة باحكام شديد .. وقال انا اثرني الفضول وقتلني الشوق لكي اعرف ما هو هذا الشئ الملفوف وثمنه لا يقل عن خمسين جنية وهو سيشتريه بعشرة فقط .. قال اول ما مد لي اللفة بدات افتحها مسك يدي برعب وهو يتلفت : لا يا سماره ايه الانت بتهببه دا عاوز تودينا في داهية .. الحتة ديت ما تتفتحش هنا يخرب بيتك دا حنا كنا رايحين في دوكة بسببك ..
قال الخوف الذي اصطنعه البائع زرع فيني رغبة اكثر في شراء وامتلاك هذا الشئ .. قال بسرعة دسيت في يده العشرة جنيهات ونسيت موضوع الكتب التي حضرت لاجلها واوقفت اقرب تاكسي وجريا نحو الشقة وانا متشوقا لمعرف ما بداخل اللفة .. وانا في الطريق اتلفت بخوف لاتاكد انه لا توجد سيارة تتبعنا او رجال مباحث .. واتجنب الحوار مع سائق التاكسي .. وقال الى ان وصلت الشقة وحاسبت صاحب التاكسي وقفت في الشارع لاتاكد انه لم يتبعني احد .. وطلعت السلم بسرعة دخلت الشقة وقفلت الباب خلفي وجريت ناحية غرفتي الخاصة بعد ان تاكدت انه الزملاء لم يعد منهم احد .. قفلت باب غرفتي علي وجلست على السرير وفتحت اللفة ببطأ ويكاد قلبي يتوقف من الخفقان ... ولكن المفاجاة ان الذي كان بداخل اللفة لم يكن سوى كتاب المطالعة العربية لاحد صفوف المرحلة الابتدائية ...( ابتدائية دا ايه ياختي .. طب خليكي في لم الورد..... طب خليكي في لم الورد .. ياسلام يا سلام ع الغابة خضرة ومليانة سلام ).
وقال جلست في نصف السرير وانفجرت ضاحكا لان المبلغ الذي كنت ادخره للكتب راح في ثمن كتاب مطالعة ابتدائي .. وثانيا طبعا لايمكن ارجع للبائع واطالب بحقي بالتاكيد سينكر انه رآني .. ولكن اخذت درس تماما في امور كثيرة اظنكم كلكم تعرفونها الان .

[عوض الكريم الخواض]

أها يا درديرى ...
أنا خشيت عشان أتأكد 90 سنة بالقديم ولا بالجديد ... :p:p

حقيقى الممنوع مرغوب ...
لكن طبعاً الممنوع ( الما كعب داك ) .

[مايسة]

ههههههههههههههههه

لكن يا الدرديري نعمل شنو

الممنوع مرغوب - دي غريزة في الانسان - لن نستطيع محوها


همسة : انت زاتك من البداية شايلة ليه منو اللفة قبل ما تعرفة هي شنو

[درديري كباشي]

أها يا درديرى ...
أنا خشيت عشان أتأكد 90 سنة بالقديم ولا بالجديد ... :p:p

حقيقى الممنوع مرغوب ...
لكن طبعاً الممنوع ( الما كعب داك ) .



مساكين يا خواض تغييرات العملة الكثيرة خلت راسكم ضارب ... زي بطولة سيكافا الاخيرة اقوان المريخ ام ستات وسبعات قالو بالجديدة الستة اقوان بواحد .. لكن الواحد الاخير قالوا بالجديدة لنج .

[درديري كباشي]

ههههههههههههههههه

لكن يا الدرديري نعمل شنو

الممنوع مرغوب - دي غريزة في الانسان - لن نستطيع محوها


همسة : انت زاتك من البداية شايلة ليه منو اللفة قبل ما تعرفة هي شنو



في ذمتك يا مايسة في مايسة عمرها تسعين سنة ... هو ناس امال ما حصلوا الخمسين ..... ذكرتيني واحدة حبوبتنا جات الخرطوم من الشمالية ... في الشارع لقت ليها طفلة صغيرونه حليوة عجبتها ... قامت سالتها ...
يا بنيتي انتي بت منو ؟؟؟
البت قالت ليهان : انا بت امال
الحاجة : واشري هنا ناس امال بقن يلدن كمان ... هو الاسم جديد لنج عندهم

[littlestar]

أنا يا أبو الدر جيت أقيف ألفه بس ع الباب
عشان أى زول تحت التسعين ولو كان عمرو 89 و11 شهر و29 يوم
ما يخش لقيتنى كيف :p:p:p؟؟؟

لكن عن جد نص تحليلى رائع لفهم طبيعة سيكلوجية الإنسان ونقاط ضعفو المتصاده دايمن

من تحت تحت:
هى اللفه فيها شنو :rolleyes::rolleyes::rolleyes:

[esmat]

قعلاً دائماً الممنوع مرغوب
سرد جيمل درديري

[ابوخالد]

أخى الرائع دومآ / درديرى كباشى ... حاولت أدخل إلا الواقف فى الباب منعنى
قلت أعمل ليهو حبكة سريعة .. ودى الطلعت معاى .
*
* ــ يا أخوى أنا مرسلينى أكلم عم الدريرى ضرورى .
ــ تكلموا بى شنو ؟
ــ يا أخوى ده كلام سر .. قالوا لى ماتقولوا إلا لعم الدرديرى .
ــ لا مابخليك تخش ده ل90سنة ولافوق .
ــ ياعمى الدرديرى .. ياعمى الدرديرى ..
ــ ده منو البكورك ده ياولد .
ــ ده واحد قال عايزك فى كلام سر وكده .... مرسل ليك ما عارف من وين .
ــ كدى سمح دخلوا على الصالون هناك .. أنا بجيهو هسى .
ــ يا ولد مالك بتاوق جوة .. ادخل على الصالون داك .. انا بجيك هسى .
ــ أها عاوز شنو قول بسرعة معاى ضيوف كتار جوة .
ــ والله ياعم درديرى رسلونى ليك ناس النفاج البى هباك .
ــ ناس النفاج .. براحة ياولد الولية ماتسمعك .. وعايزين شنو ديل كمان ؟؟؟؟؟؟
ــ والله بيقولوا كآبستم واحده بتقول هى بت نفاش .. ومجهجهاهم شديد
وقلوا ليك شوف ليهم ود الطاهر وين عشان يجى يشوف ليهو صرفه معاها ..
وكمان في حاجة تانيه قالوا لى أقولا ليك ..
ــ شنو ياولد قول بى سرعة الوليه دى هسى بتجى .
ــ بيقولوا ليك بت نفاش بتقول ليك كان ما جبت كتاب المطالعة الباعو
المصرى داك لى صاحبك .. وكان ملفوف بالجريدة بتاعت الأهرام .. بتجيك فى البيت
وتعمل ليك شمطة لرب السما ..
ــ بالله دى شبكة شنو .. كدى الندق لودالطاهر نشوف الموضوع ده شنو
كمان .. لكن ودالطاهر ساهل .. كتاب المطالعة ده أجيبو كيفن من الزول داك ...
وهو ذاتو صاحبنا ده بيكون وين هسا ..... والله دى ورطة دى ... ياولد وين مشيت
إنت كمان تجيب لينا فى البلاوى .. تعال هنا .. يامغصوف الرقبة ..وينك ؟؟؟
ــ أنا هنا ياعم الدرديرى بتونس مع الجماعة الجلاكين ديل .. لكن ياعم الدرديرى
مالكم محشورين جوا كده ... عايزين تقلبوا الحكومة والأ شنو ؟؟؟
ــ ياولد أمرق مرق جلدك .. مع البلاوى الجبتا داير كمان تجيب بلوه أكبر ..
يا littlestar تعال خارج لينا مغصوف الرقبة ده من هنا .. وما تخلى تانى
واحد أقل من 99سنة يدخل هنا ....
يلا يا عوض الكريم ويامايسة ويا esmat .. أرح نسوق ودالطاهر ونشوف
حكاية بت النفاش دى شنو كمان .. ماتجى تلخبط لينا الدنيا بى هنا كمان .


ــــــــــــــــــــــــــــــــــــــــــ

ولكم منى جميعآ كل الود والإحترم

[moh_alnour]

الممنوع مرغوب
و حُب الإستطلاع ( و في رواية أخرى حُب الشمار ) كتل الكديس
هي تركيبة النفس البشرية التي أكتسبت ذلك الطبع من أبونا أدم و أمنا حواء و قصتهما مع أبليس اللعين





الحاجة : وا شريري هنا ناس امال بقن يلدن كمان ... هو الاسم جديد لنج عندهم

:D :D :) :) :D :D :p :p :D :D

[عمرسنهوري]

درديري

انا دخلت عشان اقول ليك بوستك ابو 90 سنه دا
الا توديهو المقابر هنا مافي زول بفتحو
لكن لقيتو جميل جدا ويصلح حتى لما هو دون ال18
والنصيحه الشنار حااااااااااااااااااااار

[نزار حسن محمد]

غايتو يالديرديرى..
غايتو الله اديك العافيه
لقيت اندادى كتار خلاص...:p:p

[درديري كباشي]

أنا يا أبو الدر جيت أقيف ألفه بس ع الباب
عشان أى زول تحت التسعين ولو كان عمرو 89 و11 شهر و29 يوم
ما يخش لقيتنى كيف :p:p:p؟؟؟

لكن عن جد نص تحليلى رائع لفهم طبيعة سيكلوجية الإنسان ونقاط ضعفو المتصاده دايمن

من تحت تحت:
هى اللفه فيها شنو :rolleyes::rolleyes::rolleyes:


يا نجمة صغيرة عمر تسعين عمر الدوم عمر المنى

اللفه انكشف الفيها وهو كتاب المطالعة لكن السؤال هو كان عاوز يكون فيها شنو ؟؟؟؟؟

سالناه قال هو ما كان راغب في شئ معين لكن السرية وعبقرية البائع رفعت عنده درجة الفضول والرغبة في امتلاك هذا الشئ المجهول ... يعني من سوق الكتاب اكيد هو كتاب لكن لماذا هو ممنوع ومعروف انه مصر اكبر بلد عربي فيه حرية نشر ..
ساعود للباقين

[درديري كباشي]

قعلاً دائماً الممنوع مرغوب
سرد جيمل درديري



شاكرين على الطلة يا عصمت ودايما ماك مقصر معانا

[درديري كباشي]

أخى الرائع دومآ / درديرى كباشى ... حاولت أدخل إلا الواقف فى الباب منعنى
قلت أعمل ليهو حبكة سريعة .. ودى الطلعت معاى .
*
* ــ يا أخوى أنا مرسلينى أكلم عم الدريرى ضرورى .
ــ تكلموا بى شنو ؟
ــ يا أخوى ده كلام سر .. قالوا لى ماتقولوا إلا لعم الدرديرى .
ــ لا مابخليك تخش ده ل90سنة ولافوق .
ــ ياعمى الدرديرى .. ياعمى الدرديرى ..
ــ ده منو البكورك ده ياولد .
ــ ده واحد قال عايزك فى كلام سر وكده .... مرسل ليك ما عارف من وين .
ــ كدى سمح دخلوا على الصالون هناك .. أنا بجيهو هسى .
ــ يا ولد مالك بتاوق جوة .. ادخل على الصالون داك .. انا بجيك هسى .
ــ أها عاوز شنو قول بسرعة معاى ضيوف كتار جوة .
ــ والله ياعم درديرى رسلونى ليك ناس النفاج البى هباك .
ــ ناس النفاج .. براحة ياولد الولية ماتسمعك .. وعايزين شنو ديل كمان ؟؟؟؟؟؟
ــ والله بيقولوا كآبستم واحده بتقول هى بت نفاش .. ومجهجهاهم شديد
وقلوا ليك شوف ليهم ود الطاهر وين عشان يجى يشوف ليهو صرفه معاها ..
وكمان في حاجة تانيه قالوا لى أقولا ليك ..
ــ شنو ياولد قول بى سرعة الوليه دى هسى بتجى .
ــ بيقولوا ليك بت نفاش بتقول ليك كان ما جبت كتاب المطالعة الباعو
المصرى داك لى صاحبك .. وكان ملفوف بالجريدة بتاعت الأهرام .. بتجيك فى البيت
وتعمل ليك شمطة لرب السما ..
ــ بالله دى شبكة شنو .. كدى الندق لودالطاهر نشوف الموضوع ده شنو
كمان .. لكن ودالطاهر ساهل .. كتاب المطالعة ده أجيبو كيفن من الزول داك ...
وهو ذاتو صاحبنا ده بيكون وين هسا ..... والله دى ورطة دى ... ياولد وين مشيت
إنت كمان تجيب لينا فى البلاوى .. تعال هنا .. يامغصوف الرقبة ..وينك ؟؟؟
ــ أنا هنا ياعم الدرديرى بتونس مع الجماعة الجلاكين ديل .. لكن ياعم الدرديرى
مالكم محشورين جوا كده ... عايزين تقلبوا الحكومة والأ شنو ؟؟؟
ــ ياولد أمرق مرق جلدك .. مع البلاوى الجبتا داير كمان تجيب بلوه أكبر ..
يا littlestar تعال خارج لينا مغصوف الرقبة ده من هنا .. وما تخلى تانى
واحد أقل من 99سنة يدخل هنا ....
يلا يا عوض الكريم ويامايسة ويا esmat .. أرح نسوق ودالطاهر ونشوف
حكاية بت النفاش دى شنو كمان .. ماتجى تلخبط لينا الدنيا بى هنا كمان .


ــــــــــــــــــــــــــــــــــــــــــ

ولكم منى جميعآ كل الود والإحترم



ابو خالد بطل حركات الصبينة دي .. هو انت اكثر واحد مؤهل ونحن عايزين نرشحك نقيبا للمسنين فوق التسعين .... عمر يدخل طب عديييل وجامعة الجزيرة كمان ...
بعدبن الولية المعاك بت نفاش دي عاوزة بكتاب المطالعة شنو هي صدقت انه من الممنوعات ... دي تكون عايزه ليها كيس مدنكل من عبد الحق ( هو لسع موجود ؟؟)النوع الصاموتي ماركة كان مافاطر ما تخاطر .

[درديري كباشي]

الممنوع مرغوب
و حُب الإستطلاع ( و في رواية أخرى حُب الشمار ) كتل الكديس
هي تركيبة النفس البشرية التي أكتسبت ذلك الطبع من أبونا أدم و أمنا حواء و قصتهما مع أبليس اللعين



:d :d :) :) :d :d :p :p :d :d


هلا يا ابو النور انت مصر على التصليح طيب ايش رايك انه انا حبوبتي حنكوشة شهادة لندن وبتقولها واشري ما واشريري ..

وبيني وبينك كدا الشئ ما بيقى لذيذ الا بعد ما يكون ممنوع ..

يعني هنا مثلا في السعودية الاسواق الكبيرة للعوائل فقط ولهذا السبب تجد الشاباب ملتمين حول السوق يحاولون التسلل والدخول .. رغما عن انه السوق ليس فيه شئ جديد لكن المنع زاد الرغبة لدى الشباب

[درديري كباشي]

درديري

انا دخلت عشان اقول ليك بوستك ابو 90 سنه دا
الا توديهو المقابر هنا مافي زول بفتحو
لكن لقيتو جميل جدا ويصلح حتى لما هو دون ال18
والنصيحه الشنار حااااااااااااااااااااار


انت متاكد بتقول في كبد الحقيقة

اشمعنى يكون للحقيقة كبد
ونقول من حر مالنا وليس من عبيده

ونقول عين الصواب ولا اذنه

ورغم انف المجتمع ليس فمه

في بلاوي كثير في السلوك البشري محتاجه لبحيت

[درديري كباشي]

غايتو يالديرديرى..
غايتو الله اديك العافيه
لقيت اندادى كتار خلاص...:p:p



الظاهر عليك يا ابو الحسن من النوع ابو تسعين

غايتو نحن بنجاملكم ساي ونكتب ليكم مواضيع وانا بستخدم اكبر فونت للخط في كتاباتي عشانكم الا انا جاهل وصغير وشواف وبقرا درب النمل ولا لابس نظارات نظر من قبل عشر سنوات ولا حاجة

[درديري كباشي]

وطبعا بمناسبة الممنوعات ... انا كنت محرم على اطفالي شراء الايس كريم .ز ولو رجعت من الدوام وعرفت انه محمد او واحدة من اخواته اشتروا ايسكريم بشمعه .. مع الهرجي الشديد ... يعني نحن نداوم بالنهار في الشغل وبالمساء في المستشفيات ... وبالتالي اصبح الايسكريم من اكبر الممنوعات ... لكن اول امس سافر العيال لقضاء الاجازة بالسودان ... وبيني وبينكم كدا انا كنت داخل البقالة اشتري صابون واغراض عادية ... فجاه مريت بثلاجة الايسكريم ... ولها باب شفاف ومغري ... تلفت كدا واخترت لي علبة من النوع الكبير مثل علبة الطحنية واعطيتها لصاحب البقالة قلت ليه لفها لينا ... وطلعت بيها في البيت وقمت بيها براي ... عباس الدسيس ما يسمعنا اليومين ديل حاسدني على العزوبية قال لي بختك تشبع في النوم وانا اضيف ليه الايسكريم كمان

[عبدالله الصديق]

الاخ الدرديري ذكرتني قصة امام جامع وفي اثناء خطبته للجمعة حذر المصلين من محل مجلات خليعة جوار الجامع وبعد انتهاء الخطبة قام المصلين بدافع حب الاستطلاع والممنوع مرغوب بشراء كل المجلات ووجد الامام في النهايه نفسه مروج من حيث لا يدري

[ابوخالد]

تلفت كدا واخترت لي علبة من النوع الكبير مثل علبة الطحنية واعطيتها لصاحب البقالة قلت ليه لفها لينا ...
ــــــــــــــــــــــــــــــــــــــــــ

قلت ليهو لفا لينا فى جريدة الأهرام مش كده .........

آآآيوا عايز تغش بيها بت نفاش يا عمو صآآآآآآآآآآآآح

لكن ياعمو بمشى وبكلما ليك هسىىىىىىىى

[عمرسنهوري]

الاخ درديري
حسب وجهة نظري الشخصيه

نقول رغم انف المجتمع
لان الانف عند العرب قديما يعني العزه والكبرياء
اي ان هذا الامر اتى غصبا عن كرامة وعزة وجبروت المجتمع
اي ليس بخاطره .

ونقول عين الصواب
لان البصر هو اعظم نعم الله في الحواس
فبه نرى عظمة الخالق تتسجد في خلقه .
قال تعالى ( افلا ينظرون الى الابل كيف خلقت و الى السماء كيف رفعت )
وقال تعالى في ما معناه ( والم ينظروا الى الطير فوقهم صافات )
والايات كثيره جدا
وعندما نقول من حر مالنا ولا نقول من عبيده
اعتقد لان الحر لا يمكن ان يقيم ولو بمائة عبد (الحمد لله الذي حرم الرق )