الكادوك

[عباس الدسيس]

عاطف معلم اول ما جاء من السودان اشتغل بي الدروس الخصوصيه في المنازل احد اصدقائه طلب منه خدمه مع ازدحام جدوله بالزبائن لتدريس ابناء كفيله مع مراعاة سعر الحصه لمدة ثلاثة اشهر بعد انتاء العام الدراسي سوف يتم تسليمه المبلغ كامل وافق عاطف وبعد انتهاء العام تحصل الطلاب علي نتائج ممتازه وكان في انتظار استلام مستحقاته وهنا بيت القصيد... عاطف كل يوم امشي ادق الجرس للراجل تجي الشغاله تقول مافي بعد تكرار الزيارات الجماعه بعاينوا ليهوا بالعين السحريه للباب مافي واحد بفتح ليهوا ولابرد ليهوا اتصل بالجوال لا رد ايضا... اخيرا لتحصيل المبلغ رجع لي صاحبو عشان احل ليهو المشكله ..... يوم خميس توجهوا الي خارج الرياض علي بعد خمسين كيلوا حسب الوصف اذ يتواجد الراجل مع اصدقائه لتعاطي الشيشه بخيمه في نهاية الاسبوع بعد ان تأكدوا ان الراجل موجود بالخيمه ولكي يخرج صديقه من دائرةالحرج قال ليهوا امشي شوف الراجل انا بنتظرك هنا...... عاطف لقي الجماعه قاعدين اشربو في الشيشه بعد السلام وبطريقه مهذبه طالب بالمبلغ... الكفيل قال ليهوا امشي انا بتصل بيك.... عاطف قام من الواطه قال اعوضنا الله الراجل حرامي وكعادة بعض السودانيين عند ما يكونوا جلوسا علي الارض وانتهاء السمر اقوم علي حيلوا بشيل في يدوا تراب امشي مسافه ادفقوا يعني حاله نفسيه للاستياء ... عاطف ملي يدوا رمله مشي من الجماعه.... بعد كم يوم التلفونات بقت تتخابت الكفيل افتش لي عاطف عشان ادي قروشوا الراجل بقي في اليوم اجي بيت العزابه عشره مرات لي عاطف .... اها وقتين لقوا عاطف الراجل مطاعا مختارا طلع من جيبوا المحفظه قدام كل العزابه قال ليهم اشهدوا يا جماعه دي قروش عاطف العايزه مني كمان معاها اكراميه تعب مع الاولاد الحمد لله النتائج كويسه شديد بس انا عندي شرط.... الجماعه اصحاب الوساطه مافي مشكله جاهزين للشرط قول... الكفيل زولكم ده رملتي الشاله من الخيمه بتاعتنا ارجعا لي..........
دي ذكرتني ايام شغلنا في البنك انا عندي مشكله هي التاخير عن مواعيد الدوام الرسمي دايما متعود بجي متاخر المشكله دي ما اتحلت الا بعد الزواج الحمد لله كمان جابت ليها قومت مدارس بدري مع الولد فيها تلبيس هدوم الله استر بعد سنتين ما نسرح لي البت.... عندنا مدير شئون العاملين راجل دموا ثقيل بصوره عجيبه بس متقصدني انا خاتي نقروا مني ملي لي الفايل بتاعي بي لفت النظر والعقوبات كان معاي زميله في المكتب نفس طبعي بس هي بتختلف الشغل بتاع البنوك عندها برستيج يعني قشره زوله من اسره مرتاحه هي انيقه وكريمه وظريفه صداقتي بها كانت قويه انا مريحا في الشغل شايل الثقيله تجيب لي معاها سندوتش احيانا شوية هدايا عطور وخلافه زوله أهلها ملانيين قروش .. الحمد لله الواحد ما اتزوج ليهوا مرا فقرانه الزينا ده كان شال حالا... المهم زميلتنا دي برضوا الراجل بتاع شئون العاملين متقصدا كانت بتقول لي يا الشريف ما تشيل لينا الفاتحه لي الراجل الفقر ده الله افكنا منوا.... قلته ليها اسمعي الراجل ده نجس ما بتنفع معاهوا الفاتحه انا بكتبوا عديل كده كتابة فلاته..... قالت لي اجي يا الشريف قلبته ولا شنو.. البت تعاين جبته لي سبيب حصان كسرت معاهو زجاج دخلتهم في عضم قديم بتاع خروف... شرطه لي ورق مثلثات كتبته فيهوا لغه لا انزل الله بها والله انا ذاتي ما عارف معناها شنو الحاجات دي كلها لفيتا في دلقان قديم ختيتا للراجل في درج المكتب..... بكلم فيني المراسه بتاعوا قال لي زولك والله الليلة فتح المكتب لقا ليهوا حاجه نطه لي وراء لما وقع من الكرسي الراجل عندوا سكري كان راح فيها.... اها يا اخوي الحاصل بعد داك شنو انا عامل فيها رايح... لقينا ليك لفه كده قعد اوصف في الحاجات الفيها تعرف الزول ده اكون كتبوا ليك ناس فرع سنار في مايرنوا من مشاكلوا الكثيره والله انا قبل كده قلت ليهوا اعمل حسابك ما تداقر الناس في معايشم لاكن هو ما بسمع الكلام انا شلته منوا اللفه جدعتها في الكوشه... الله ستر كوشت السودان ما زي هنا كان زي هنا كان اخونا شرب ما روي هنا تاني يوم بشيلوها البلديه اما بتاعت السودان ربنا بس ارحما بي واحد احرقا بي كبريته... بقينا في متابعة الراجل مع المراسله كل يوم اجيب لينا خبر يوم قال إشعر عضاموا مكسره فتران طوالي طبعا ده العضم الفي اللفه اما سبيبة الحصان تخلي اشعر كرعينوا مربططات الزجاج المكسر اشعر في جفون عيونوا حصحاص.... الله حي يا اخوانا مدير شئون العاملين بقي ذاتوا بجي متاخر بعدنا والله حكايه قالوا الراجل بقي ما بنوم في الليل من الفكي النومه بجي مع الصباح .... يوم لقيت ليك المراسله افتش في الكوشه عرقان سألتوا يا راجل ده شنو البتعمل فيهوا ده جنيت قال لي مشيت لي فكي امس عشان نفك العمل لي مديري الفكي قال لازم تجيبوا اللفه الجدعتوها...... طبعا البنات شمشارات انا قلته لي زميلتي الكلام ده سر بيني وبينك ما تكلمي زول رغم انها اتعهدت لاكن زي ما بقولوا ما تدي سر لي بت راحت كلمت واحده في المكتب شينه بتكرهني كره شديد... حكمت الله انا اصلوا البنات الشينات ديل لابحبهم لا بحبوني بعد ما فتت ليها السر البت الشينه قالت ليها........ سجمي .. سجمي وب علي يا بنات امي .. يا بت هي امي امشي الحقي روحك الولد ده متلصقه فيهوا كده بكون عمل ليك حاجه انتي ذاتك واطفش منك خطيبك.

[حسام التنين]

والله ياود الشريف مبالغة

انت شكلك ضامن الشغل بعد المعاش

اها انا عندي زول داير منوا قروش

كدي اعمل لي حاجة ليه

[نزار حسن محمد]

ود الدسيس ..الرسول فيك عرق المحبه بكم

[عباس الدسيس]

tininana مرحب بي مرورك يا حبيبنا زولك ده قول لي اسم اموا عشان اجيب ليك اجلوا.........
الحبيب نزار سلامات يا خوي اخبارك انت بتفتش لي عرق المحبه الناس حسي بتفتش لي عرق الطلاق المحبه دي بقت ما عايزه عرق اخاف اعمل ليك واحد البلوم ما اخليك تنوم لو انت مصر وملح انا مني ليك مجانا مع كل عرق طلاق تاخذ 3 عرق محبه مجانا ده عرض ما تفوتوا

[littlestar]

ود الدسيس
عفيت منك تب
أها أنا عندى شوية شغلات كده حاميانى أقولم هنى
بجيك باللفه
بس وكتا دايرين لينا عمل ظاااااااااااابط ;););)
وما تقول لى كم نجمه :p

[esmat]

وكريمه وظريفه صداقتي بها كانت قويه انا مريحا في الشغل شايل الثقيله تجيب لي معاها سندوتش احيانا شوية هدايا عطور وخلافه زوله أهلها ملانيين قروش .. الحمد لله الواحد ما اتزوج ليهوا مرا فقرانه الزينا ده كان شال حالا...

الدسيس اللذيذ والله بالغت لكن
مطير الشينات وعاصر على التقيلات
الزمن ما مضمون آآه وتشيل وتاكل
في السندوتشات وشترب في البارد

[عباس الدسيس]

littlestar سلامات والف شكر علي المرور والشغلات العندك قوليها امرك مقضي تب والعمل بنعملوا ليك بدرجة مشير قصرنا معاك

[عوض الكريم الخواض]

بركاتك يا الشريف ...الزول عملت ليهو (نفسيات) ...
لكن بينى وبينك فى ناس حاقدين خلاص ...
مرة لقينا لينا عمل ( مليس ) مع التخشينة حقت الحيطة ...
يعنى الزول العملو ( ختاهو ) فى حتة الشيطان لو كان (بنّاي) ما كان فكر فيها ...
البركة فى الصيانة الطلعتو ...

عليك الله الناس دى ما فارغة .

كمان الموضة تلقى ليك واحد مقشط وشين وحاجات تانية ما بنقدر نقولا ... تلقاهو عرس ليك واحدة بت عرب نجاضة ومروقة وكلو فى السليم ... تسأل الحاصل شنو يا عالم ؟؟!!يقولوا ليك ( عمل ليها كُتُبَا ) وقالت لى أهلها لو ما عرستوه لي ( بشرد) معاهو . :cool::cool:
عاد دا كلام يا الشريف .

[عباس الدسيس]

والله يا ود الخواض الثلاثة سطور الاخيره دي فعلا عجب وحاجة غريبة احسن العرس من الشردان لاكن بعد تعرس بتكون شردت بالجد من اهلها وناسا.
تعرف الليسوا ليكم في الحيطه ده كان عايز اجبصكم علي الحيطه تكونوا واقفين عمركم كلوا هههههههههه قول الحمد لله الما رما ليكم في ساس البيت كان تحفروا لي يوم القيامه.
شكرا علي المرور يا الحبيب

[حسام التنين]

الشريف : الشريف الدسيس

اعزم لي فوق راسي ده

ماسكني صداع ليه يومين

ابوي ابوي انا داير زيادة مرتب

مديري اسموا عبدالرحمن مدثر

اعمل لي ليه عمله بت كلب

كل مايشوفني اديني قروس

وبعدين بالربع ولو اشتغل

ممعاي كويس بالنص

[عباس الدسيس]

tininana عبدالرحمن مدثر ده تاني ما بنوم كان ما جاتك الزيادة كل يوم اسألوا من الصباح قول ليهوا الليلة كيف كان ما قال ليك زي الزفت اها الزفت ده ما بصلح الا بعد الزيادة بعد ثلاثة شهور كان ما جاتك الزيادة عندي ليك وصفه اعملا ليهوا (( عصير شطه)) دي ياها العمله بت الكلب لاكن ما تخاف قبل الثلاثة اشهر انشاءالله الزيادة بتجيك ............ الله حي.......

[صهيب البصير]

النبى عليك ياود الدسيس
عندى واحد عتيبى اقبح من بتك بتاعت البنك دى
تطيروا منى كدا كدا
والله احفظك يالشريف واديك اللفى مرادك وكان داير تعرس تانى اتموا ليك
اكفيك شر الطير الطاير والحمار العاير

[الامير]

عاطف معلم اول ما جاء من السودان اشتغل بي الدروس الخصوصيه في المنازل احد اصدقائه طلب منه خدمه مع ازدحام جدوله بالزبائن لتدريس ابناء كفيله مع مراعاة سعر الحصه لمدة ثلاثة اشهر بعد انتاء العام الدراسي سوف يتم تسليمه المبلغ كامل وافق عاطف وبعد انتهاء العام تحصل الطلاب علي نتائج ممتازه وكان في انتظار استلام مستحقاته وهنا بيت القصيد... عاطف كل يوم امشي ادق الجرس للراجل تجي الشغاله تقول مافي بعد تكرار الزيارات الجماعه بعاينوا ليهوا بالعين السحريه للباب مافي واحد بفتح ليهوا ولابرد ليهوا اتصل بالجوال لا رد ايضا... اخيرا لتحصيل المبلغ رجع لي صاحبو عشان احل ليهو المشكله ..... يوم خميس توجهوا الي خارج الرياض علي بعد خمسين كيلوا حسب الوصف اذ يتواجد الراجل مع اصدقائه لتعاطي الشيشه بخيمه في نهاية الاسبوع بعد ان تأكدوا ان الراجل موجود بالخيمه ولكي يخرج صديقه من دائرةالحرج قال ليهوا امشي شوف الراجل انا بنتظرك هنا...... عاطف لقي الجماعه قاعدين اشربو في الشيشه بعد السلام وبطريقه مهذبه طالب بالمبلغ... الكفيل قال ليهوا امشي انا بتصل بيك.... عاطف قام من الواطه قال اعوضنا الله الراجل حرامي وكعادة بعض السودانيين عند ما يكونوا جلوسا علي الارض وانتهاء السمر اقوم علي حيلوا بشيل في يدوا تراب امشي مسافه ادفقوا يعني حاله نفسيه للاستياء ... عاطف ملي يدوا رمله مشي من الجماعه.... بعد كم يوم التلفونات بقت تتخابت الكفيل افتش لي عاطف عشان ادي قروشوا الراجل بقي في اليوم اجي بيت العزابه عشره مرات لي عاطف .... اها وقتين لقوا عاطف الراجل مطاعا مختارا طلع من جيبوا المحفظه قدام كل العزابه قال ليهم اشهدوا يا جماعه دي قروش عاطف العايزه مني كمان معاها اكراميه تعب مع الاولاد الحمد لله النتائج كويسه شديد بس انا عندي شرط.... الجماعه اصحاب الوساطه مافي مشكله جاهزين للشرط قول... الكفيل زولكم ده رملتي الشاله من الخيمه بتاعتنا ارجعا لي..........
دي ذكرتني ايام شغلنا في البنك انا عندي مشكله هي التاخير عن مواعيد الدوام الرسمي دايما متعود بجي متاخر المشكله دي ما اتحلت الا بعد الزواج الحمد لله كمان جابت ليها قومت مدارس بدري مع الولد فيها تلبيس هدوم الله استر بعد سنتين ما نسرح لي البت.... عندنا مدير شئون العاملين راجل دموا ثقيل بصوره عجيبه بس متقصدني انا خاتي نقروا مني ملي لي الفايل بتاعي بي لفت النظر والعقوبات كان معاي زميله في المكتب نفس طبعي بس هي بتختلف الشغل بتاع البنوك عندها برستيج يعني قشره زوله من اسره مرتاحه هي انيقه وكريمه وظريفه صداقتي بها كانت قويه انا مريحا في الشغل شايل الثقيله تجيب لي معاها سندوتش احيانا شوية هدايا عطور وخلافه زوله أهلها ملانيين قروش .. الحمد لله الواحد ما اتزوج ليهوا مرا فقرانه الزينا ده كان شال حالا... المهم زميلتنا دي برضوا الراجل بتاع شئون العاملين متقصدا كانت بتقول لي يا الشريف ما تشيل لينا الفاتحه لي الراجل الفقر ده الله افكنا منوا.... قلته ليها اسمعي الراجل ده نجس ما بتنفع معاهوا الفاتحه انا بكتبوا عديل كده كتابة فلاته..... قالت لي اجي يا الشريف قلبته ولا شنو.. البت تعاين جبته لي سبيب حصان كسرت معاهو زجاج دخلتهم في عضم قديم بتاع خروف... شرطه لي ورق مثلثات كتبته فيهوا لغه لا انزل الله بها والله انا ذاتي ما عارف معناها شنو الحاجات دي كلها لفيتا في دلقان قديم ختيتا للراجل في درج المكتب..... بكلم فيني المراسه بتاعوا قال لي زولك والله الليلة فتح المكتب لقا ليهوا حاجه نطه لي وراء لما وقع من الكرسي الراجل عندوا سكري كان راح فيها.... اها يا اخوي الحاصل بعد داك شنو انا عامل فيها رايح... لقينا ليك لفه كده قعد اوصف في الحاجات الفيها تعرف الزول ده اكون كتبوا ليك ناس فرع سنار في مايرنوا من مشاكلوا الكثيره والله انا قبل كده قلت ليهوا اعمل حسابك ما تداقر الناس في معايشم لاكن هو ما بسمع الكلام انا شلته منوا اللفه جدعتها في الكوشه... الله ستر كوشت السودان ما زي هنا كان زي هنا كان اخونا شرب ما روي هنا تاني يوم بشيلوها البلديه اما بتاعت السودان ربنا بس ارحما بي واحد احرقا بي كبريته... بقينا في متابعة الراجل مع المراسله كل يوم اجيب لينا خبر يوم قال إشعر عضاموا مكسره فتران طوالي طبعا ده العضم الفي اللفه اما سبيبة الحصان تخلي اشعر كرعينوا مربططات الزجاج المكسر اشعر في جفون عيونوا حصحاص.... الله حي يا اخوانا مدير شئون العاملين بقي ذاتوا بجي متاخر بعدنا والله حكايه قالوا الراجل بقي ما بنوم في الليل من الفكي النومه بجي مع الصباح .... يوم لقيت ليك المراسله افتش في الكوشه عرقان سألتوا يا راجل ده شنو البتعمل فيهوا ده جنيت قال لي مشيت لي فكي امس عشان نفك العمل لي مديري الفكي قال لازم تجيبوا اللفه الجدعتوها...... طبعا البنات شمشارات انا قلته لي زميلتي الكلام ده سر بيني وبينك ما تكلمي زول رغم انها اتعهدت لاكن زي ما بقولوا ما تدي سر لي بت راحت كلمت واحده في المكتب شينه بتكرهني كره شديد... حكمت الله انا اصلوا البنات الشينات ديل لابحبهم لا بحبوني بعد ما فتت ليها السر البت الشينه قالت ليها........ سجمي .. سجمي وب علي يا بنات امي .. يا بت هي امي امشي الحقي روحك الولد ده متلصقه فيهوا كده بكون عمل ليك حاجه انتي ذاتك واطفش منك خطيبك.


الخواف ربه عيالوا
ناسك جنهم الحاجات بقولوا السودانيه عندهم

[ود النمير]

بسم الله الرحمن الرحيم

الدسيس قصتك دي زكرتني واحد صاحبنا كنا بنراجع في شركه في القضارف ، الشركه لقينا ليك مديرها صايطه بي عود مريسه شيكات راجعه ساي مليار وشويه ..هسي هو طبعاً في السجن ربنا يهديه ويصلح حاله ، بعد ما الشغله جاطت المدير فك البيرك ومعاهو تاني نفرين بقينا نحن المراجعين قاعدين في الشركه ومعانا زي تلاته موظفيت تانيين ناس الشيكات بجو يسألونا نحن وبستفسروا هل ممكن الرئاسه في الخرطوم ترجع ليهم قروشهم ؟!صاحبي ده كان بطمم بطنهم وبقول ليهم الرئاسه بريئه من الحاصل ده والرئاسه ماقالت ليهو اكسر المهم كسر مجاديفهم ، كان فيهم واحد من ناس النيل الازرق مضروب في ستين مليون حارقاهو شديد لمن خلاص فقد الامل قال لينا كويس مش المدير ده كما ديأتو ليكم انا عندي جدي في حته شنو كدي ماعارف في النيل الازرق بمشي بخليهو يدفن ليهو تيس بس أسبوع كما خليتو يتجاري في الشوارع
صاحبي بعد مشي قال لي الله يستر مايدفن لينا جداده بالجنبه كدي نقوم نكاكي نص الليل!!

[عباس الدسيس]

الحبيب صهيب كل ما تقابل العتيبي حك نخرتك نخرتك بالسوداني ما بالسعودي بالسعودي خشمك اها وانت معاهوا خمسة حكات عند كل مقابله بعد شهر كان ما طار قول لي كذاب ... اما عن زواجي انا يا خوي مالك عايز تطيرني زي العتيبي

[عباس الدسيس]

الامير يا امير متشكرين علي المرور والطله الجميله.
والله يا ود النمير خليتني اضحك زي المجنون .... الحته الفي النيل الازرق دي مايرنو فيها فلاته كادوكم زي ما قال صاحبك اخليك تكاكي نصة نهار.

[صهيب البصير]

بسم الله الرحمن الرحيم

الدسيس قصتك دي زكرتني واحد صاحبنا كنا بنراجع في شركه في القضارف ، الشركه لقينا ليك مديرها صايطه بي عود مريسه شيكات راجعه ساي مليار وشويه ..هسي هو طبعاً في السجن ربنا يهديه ويصلح حاله ، بعد ما الشغله جاطت المدير فك البيرك ومعاهو تاني نفرين بقينا نحن المراجعين قاعدين في الشركه ومعانا زي تلاته موظفيت تانيين ناس الشيكات بجو يسألونا نحن وبستفسروا هل ممكن الرئاسه في الخرطوم ترجع ليهم قروشهم ؟!صاحبي ده كان بطمم بطنهم وبقول ليهم الرئاسه بريئه من الحاصل ده والرئاسه ماقالت ليهو اكسر المهم كسر مجاديفهم ، كان فيهم واحد من ناس النيل الازرق مضروب في ستين مليون حارقاهو شديد لمن خلاص فقد الامل قال لينا كويس مش المدير ده كما ديأتو ليكم انا عندي جدي في حته شنو كدي ماعارف في النيل الازرق بمشي بخليهو يدفن ليهو تيس بس أسبوع كما خليتو يتجاري في الشوارع
صاحبي بعد مشي قال لي الله يستر مايدفن لينا جداده بالجنبه كدي نقوم نكاكي نص الليل!!

والله ياود النمير
شكيت محنك على الله
لو خليتنى اضحك بى طول صوتى
الظريفه جنبى واحد اريترى شافنى بضحك جلس اطالع فينى واسال مالك بتضحك
فترجمت لى القصه

الان ياهو داااااااااك واقع فى الواطه من الضحك