أمونه فى بلاد العجائب***لأصحاب الخيال الصائب [الأرشيف]

مشاهدة النسخة كاملة : أمونه فى بلاد العجائب***لأصحاب الخيال الصائب

littlestar

31-07-2009, 06:41 AM

أمونه دى يا جماعة الخير والخيل (من الخيال طبعن)
حكايتا حكايه
وكل واحد ح يجى يحكى لينا منها
يعنى عمل قصصى أدبى مشترك
لأصحاب الخيال الوسييييع (ناس غرفتين وصاله ;):p)
فخميتا.... فخميتا
أها كل زول يمسك فحمتو
ويبدا شخبتو ويسرح مع الحكايه :eek:

littlestar

31-07-2009, 06:44 AM

أها
والنبتدى ليكم أنا
(إضاءه خاااااافته)
(موسيقى بعييييييييييده)

وأهو
بسم الله بدينا

الملكة اسماء ( ام محمد )

31-07-2009, 07:14 AM

يتوارى لي طيف زول بعرفه ومابعرفه
جااااااي من بعيد
اغباااااااااااااااش
زي الكان وسط كنداكة

رافع في كتفه طورية
وجاري وراه ورتابة

سئلته جاي من وين قال لي من ارض الخيال !!!!

littlestar

31-07-2009, 07:17 AM

أمونه دى بعد الدنيا إتملطشت معاها
والود المطوفش خبتا شاكوش
وشرد من الحله ومن البلد
بقت طول الخط سرحانه وهيمانه
وبالا ما معاها
وديمعاتا سيل جارف لا بيقيف لا بينشف
أها فى يوم
كانت ماشية بتجر رجليها جر ال تقول مسمره ف الواطه
جرتا أغنيه سمعتا من بعيييييييييد
(مــســـكـــــيـن الــبـدا يأمل
أمــلـــو يــغـــــلـــــبـــو تحقيقه)
لعالم هلامى وفضائى تانى
لألام ما ليها حد
بقت ما شايفه قداما
وفجأتن كدى
إنزلقت ووقعت فى حفره
غويييييييييييطه ماليها قعر

ونوااااااااااااصل

...............................................

littlestar

31-07-2009, 07:25 AM

أها أمونه
وهى مرميه ف الحفره
ونازله... ونازله
زى الحجر المفلوق
لسه ما لاقى ليه أرض تصدو
دقات قلبا بقو كباااااار كباااااااار
والخوف لامن بقى ناطى من عيونا
"الليييييييله سجمك وسجم خشمك يا أمونه
يا بت أم أمونه
الليله ووووووووب عليكى
لا فرحتى لادخلتى دنيا
لا خلفتى لا ربيتى
الليله جا أجلك وما سميتى"
قامت شدت على عيونا شديييييييد وغمضتم
منتظره أجلا

نواااااااااااااااااااااااصل
............................

littlestar

31-07-2009, 07:27 AM

يتوارى لي طيف زول بعرفه ومابعرفه
جااااااي من بعيد
اغباااااااااااااااش
زي الكان وسط كنداكة

رافع في كتفه طورية
وجاري وراه ورتابة

سئلته جاي من وين قال لي من ارض الخيال !!!!

الملكه صاحبة الخيال الخضيب الخصيب
تعالى
إقدمى
إلى أرض الخيال
وأنبشى معنا لتخرجى درراً
فى قصتنا التى بلا بداية ولا نهاية

littlestar

31-07-2009, 07:43 AM

الشغله دى لامن طولت
وما وصلت فى رميتا دى لقعر
فتحت عيونا
ودعكتم شديييييييييييييييد
إستعجبت
هى واقعه فى حفره
ولآ طايره ف سما
وملفوفه ف قطن السحاب
جنبها جات عصفوره طايره
لامن شافتا
داست بنزين وجرت
من خلعتا
إتلفتت أمونه يمين شمال
السحابه مشربكه فيها
حست بحاجات يتغزغز وبتطعن فيها
إتنفضت برعشه وخوف وإرباك
ما فهمت شى فى فعلا حاجات بتطعنا
لكن ما شايفاها
قامت حسست
ومسكت حاجه كده
لقتا حاده قدرت تحدد ملامحا
لكن ما قدرت تشوفا
كلها كانت عباره عن مجموعةزوايا حاده
وقريبة من الكوره
دحرجتا من إيديها
وحسست حوالينا لقت إنو الحاجات دى ماليهم عدد ولا حد
وهى لسه ما مستوعبه هى وين
سمعت صوت لامن إتخلعت
ولقت روحة وقعت فى سحابة تانيه بتحتها
جات حاجه كبيييييييره هجامه صوتا يطرش
ضلها جا فوقا غشاها وغطاها
ليها جنحيين
فى حاجات جنبها بقت تلمع
للحظه تحت الضل وإختفت من جديد
زغللت عيونا ما فهمت حاجه
قررررررررربت تدوخ من دوختا ديك
ده شنو ده هى عايمه ف السما بالجد
نططت عويناتا وحست بأكولة خوف فى قلبا
معقوله بس
والكور الحاده دى شنو؟؟؟
معقوله دى النجوم؟؟؟
ال ما ظاهره مع النهار؟؟؟!!!

littlestar

31-07-2009, 07:45 AM

أنا نفسى قام من كترة الحكى
كدى زول يستلم طرف الخيت منى
ويواصل حكاية أمونه

ابوالنور

31-07-2009, 07:57 AM

أنا نفسى قام من كترة الحكى
كدى زول يستلم طرف الخيت منى

ويواصل حكاية أمونه

تبري وتستبري وتنبري قولي امين
هل سمعتم حديث الغياب
وبقايا من الحان الامنيات
إن سمعتو كلموني فإني غائب لا يستحمل
أن يسكت !
ومنك ومني ومنهم أمنيات تسبق دهشة الحضور وحديث الذين لم يتعلموا ابجديات الدهشة بعد !
واصلي يا بتنا

العاقب مصباح

31-07-2009, 10:10 AM

حاولت امونة تمسك فى شئ عشان تلقى ليها طريقة ترجعها لى محل وقعت..

. حتى الحاجات البتمسكها لقتها واقعة معاها وبى نفس السرعة

عاينت لى شعرها لقته ماشى متناقص

وسبية وقعت

وسبيبة وقعت

وسبيبة وقعت

حتى الشعر بقى يتقاصر

وهى الكان شعرها لى آخر ضهرها

شافت شعرها وصل رقبتها

ولسه متناقص

وشافت بياض يزحف فى شعرها

متين كبرتا انا ؟؟؟ قالتها والعبرة خانقاها

شعرت بى نفسها ضيق مع مشوار هى ماشياهو غصبا عنها

ولقت انو ملابسها اتغيرت

معقولة بس يا امونة بتلبسى لبس الرجال

المنطلون دا شنو كمان

من قمتى ما لبستيهو

وابوى كان شافنى بى سكين بيجيب خبرى

لكن ابوى يشوفنى وين تانى

يا ريت لو شافنى

لو بى سكين مصدية يقتلنى

ويكون لى قبر زى خالتى السرة بت ود النصيح

الله يرحمها

وامى كل شهر بتزورها وتدعى ليها

وتخت القريشات فى قبرها

متمنية القى لى قبر يضمنى

وتراب ينكب فى وشى

لكن انا ماشية وين هسع

يا شيخى النصيح تنجدنى

ومن الهواء تثبتنى

ومن الجن الانا فيهو تطلعنى

ونواصل

محمد الواثق

31-07-2009, 10:29 AM

العاقب مصباح

31-07-2009, 10:36 PM

من الجن الأنا فيهو يطلعنى

وعاينت أمونة بى دهشة

لما حست إنها التفتت لى الجهة التانية

واحتارت كيف التفتت وهى نازلة بالسرعة دى

كأنه فى شخص مُسيطر عليها

وأتذكرت حبيبها

وناس بيتها

حبيبها لما يسيطر عليها

ويقول ليها :-

ما تلبسى اللون داك

وما تاكلى الاكل داك

وما تتكلمى مع فلان داك

واقعدى براك فى البيت

ما تقعدى مع ناس بيتكم

وما تطلعى من بيتكم عشان بيسحروك يا السمحة

قعدت فى بيتنا وسمعت كلامه

وانا ما عندى غيره فى الدنيا دى

ودايراهو يكون لى سند

يكون لى عضد

يكون لى يوم باكر

وابو الولاد

هو راجلا سمح وبيملا العين لامن تفضل

عشان كدا سمعت كلامه

وناس البيت كمان ما قصروا بيقولوا لى :-

اكلى داك

واشربى داك

والبسى داك

وما تقعدى براك

واطلعى من البيت عشان يشوفوك الناس وتجيبى ليك عريس

البنات كلهن عرسن

انتى المقعدك شنو

حارسه شنو

يا ربى اسو شنو انا

وكل واحد داير يمشينى بى طريقته

وما قايلين فينى روح

ولا فاكرين عندى عقل

انا فينى الروح التكفى بلد

وفينى عقل بتحدى بيهو اى ولد

فينى القوة التهد جبل

وفينى الدايراه كل الناس

وفى الاخر اصل لى حتة ما معروفة توصل وين

قطع عليها حبل تفكيرها صدمه خفيفة

كأنه فى شخص جاى وهو ماشى عكسها

لكنه ما سائر بسرعة

ماشى على راحتو وبيرسم فى شئ

ولابس ليهو حاجة زى الصندوق فى راسه

ورفع ليها يده

وزى بيسلم عليها

وهى مالها ومال رد السلام

وفتشت لى شئ تستر بيهو شعرها

وهى ما متعودة تفتح راسها قدام الناس الغرباء

وما متعودة تلبس منطلون حتى فى البيت

الليلة يا حليلى انا

هسع يقول على شنو

يمكن يقول على زى النسوان اللات البندر

يسلم عليهن

ويغمز ليهن

وهن يضحكن

انا أخوك يا الضو

وما الزولة البيغشوها الرجال

انا الأسد أن ركز فى غابته جال

ما بوصونى يوم على شئ بيكون لى حلال

وانا المن قمت ثابتة وراسية كانى جبال

ونوااااااااااااصل

littlestar

01-08-2009, 06:59 AM

الزول الراسو زى الصندوق ده
لسه رافع ليها يدو
يكون مالو
عامل زى التمثال كده
وهو ف وقفتو ال طالت دى
فجأة سحب فرشتو من كومة سحابة جنبو
غمسا فى "جريدة قوس قزح" مبسوطه قدامو
وبدا يرسم بسرعة وإنفعال فى حاجه
هى ما قدرت تستوضحا شنو
ويشيل ويعاين فيها شديد
الشمار والخوف كتلا
وقالت إلآ تعرف هو بيرسم فى شنو
جات عليه تنطط وتتهوزز من سحابه لسحابه
ما قادره تمسك توازنا لغاية ما جات لعندو
لقتو رسم مرايه منها
وجدايل شعرها السابحه ف السما
شالا وبقى يلصقا ف اللوحه
لما نزلت وفاضت من اللوحه
إتركبت وهى بتشوفو بيرسما بالدقه دى
إتلفتت جاى جاى
لقت ليها سحابه ماره فوقا
بدون ما تحس
مدت يدها شالتا وإتلفحت بيها
قعد يعاين ليها ويأشر عليها بإيد
وماسك بطنو بالإيد التانيه
مشروط بالضحك
إتحمقت (الحاجه دى شنو ال بتضحك فينى دى كمان)
كان أبدن ما شبه إنسان
بالرغم من إنو ليهو يدين ورجلين وراس
لكن مخلوق غريب فى ملامحو لمن قربت منو
فعلاً كان راسو صندوقى
وعندو فتحه عين واحده مزدوجه ف عينين
بحلقت فيه بإستغراب
وقالت بحمقنجيه: "مالك حسى بتضحك فينى شفت ليك قرد"
قام أداها اللوحه ال إتغيرت
ورسمت شكلها وهى متلفحه بالسحاب
ف بقى شكلها زى الـ(بابا نويل)
هى كمان ما قدرت تمسك نفسا من الضحك

littlestar

01-08-2009, 07:00 AM

ونوااااااااااااااااصل

littlestar

01-08-2009, 07:24 AM

صاحب الراس الصندوقى
عاين لساعتو
شكلها كان غريب ومعلقا ف رقبتو
لكن أمونه ما قدرت تركز فيها شديد
فطبق عدتو
وسحب منها الصوره بسرعة
وبدون إستئذان أو أى بادره
عاينت ليهو بحرقه
وقال ليهو: "حسى مالك مستعجل كده
ثم إنت منو
وأنا وين
ومالك كده
وإنت الغريب ولآ أنا
و
و..."
قاطعا قبل ما تتم أسئلتها
ال شكلها ماليها نهاية
قال ليها:
"أنا كرتون جادع ورق
وبنادونى بالخرباش
لأنو شغلتى الرسم
تشرفت بيك يا.... يا منو؟؟؟"
قالت ليهو:
"أمونه... بنت الحاج أبو أمونه"
"تشرفت بيك يا أمونه
إسمك غريب زى شكلك
أنا أساساً مستعجل ولاحق لى شغل
لكن ال وقفنى شكلك
وده ال خلانى أرسمك
أستأذنك"
"دقايق أنا ما فهمت منك شئ
طب نحن حسى وين
وانا طالعه ولآ نازله
أنا فوق السما ولآ تحت الأرض"
إتململ الخرباش وهو بيعاين لساعتو الغريبه
وقال ليها:
"قلتى شنو سما شنو وأرض شنو
ده كلام وين ال إنتى جايباهو ده
نحن فى عالم هلامى متكافل
إسمو (حورانيا)
أى زول هنا عندو هدف بيحقق
فى مساعدة وتكافل المجتمع ككل
وأكيد إنتى هنا عشان لازم تكونى هنا
عندك رسالة لازم تسعى ليها وتوصلى ليها
بستأذنك لأنى إتأخرت زياده عن اللزوم"
وقبل ما تحاول تمسك بأى جزء منو
أو تكمل أسئلتا
إتبخر من قداما
فى ضوء خاطف قوى
جارى وراهو ضنب طويل
قالت فى سرها
بإندهاش غريب
"ده شكلو مذنب ولآ شنو؟؟"

انوريكا

01-08-2009, 08:47 AM

إنتو أمونة دي لـــو ماااااتت القصة حتنتهي ...

littlestar

01-08-2009, 11:09 AM

إنتو أمونة دي لـــو ماااااتت القصة حتنتهي ...

عمرك شفت مسلسل تركى إنتهى
بموت البطله
ده البطله تموت
وبقية الممثلين
والمخرج
والسيناريست
والمنتج
والمشاهدين
يموتو
والمسلسل لسه بيكون شغال

عبدالرحمن مدثر

01-08-2009, 10:43 PM

وعيون امونة

بالصح ... مجنونة

لمن تضوى جواها الدهشة .. غرفة .. غرفة

وتغمر الكون بنورها .. بدون استارتر .. تنسل من بين الستائر

وميض الدهشة مازال يرابط مع امونة

ويزداد بريقه عندما لاتسمع وقع خطواتها المالوفة

سابحة فى عالم لانهائى ...

عالم خاصم الجاذبية

وهى ماعرفت بالحقيقة دى الا لمن لقت ليك

الخيال شايل عكازو (ربااااطى )

وربطت ليك الحتة دى مع بكاء الجاذبية الحااااد تحت شجرة

وهى تحكى لتفاااااااااااااحة (ابت تقع ) من ظلم الخيااال لها

لم تأبه لها التفااحة كثيرا وقالت فى سرها

(الليلة الزولة دى كيسها فاااااااضى )

حست امونة بعيونها تقيلة وكانت لسه ماوااااقعة ليها

حتة انو فى حاجات عندها (ابعااااااااد )

وحست ليك انها بتغرق فى دوامة اكبر منها

نظرت (بجنبة كدا ) لعيونها شاورت ليك لدمعة عشااااااااااان تنزل

عسى ولعل تونسها وتفضى منها حاجااااات .. وتفضفض بيها كمااان

غريبة .............!!!

جاءتها ضحكة كبيرة وهى تشاهد الدمعة تنطط على خدها

وتلعب فى لعبة كدا قريبة من (نط الحبل) عند ناس تانين

ازدادت دهشتها زيادة

لدمعة مفروض تكون سخينة

وهى لسه بتنطط كمااااااااااااان

اشاحت بوجهها من دمعتها اللسه بتعمل (جمبنق)

وعاينت فى الخضرة الشاملة المكاان .......!!

تذكرت التفاااحة (المبوزة ) من نقة الجاااااذبية

رجعت تبحث عنها .. بين فروع الشجرة اللسه بتربط فى الجزمة (الاسبورت )

تحسبا لكلاسيكو قادم مع قرد اشتر (يشبه موسى الزومة :p)

تعود ان يقفز بالزااانة هنا وهنااااك .. من دون اى منافس صريح

لكن الفروع وهى تتحدث مع بعضها شمارااات صباحية ناعمة اجمعت على انها

اليوم ستهزمه (ستة .. صفر) بعد ان وقعت اقرار سرى مع (سنجاب ) ليقوم بالمهمة

وحتى تشغله عنها وتلهيه من النقة اليومية العاملة ليها صداااااع بسبب النقر المتواصل

على احاسيسها المرهفة .. وبسبب الحاحه على اللحاء

وجدت امونة التفااحة تشرب فى قهوة الصباحية تحديدا هى يادوبك كدا فى (التنى )

وبصحبتها عصفورة ريشها طويل كلن لنداوة الصباح سبب رئيسى لتسريحة الشتااااات

والقهوة بدون سكر اكيد .

وبعد كل هذا

مازالت عيون امونة تقيييييييييييييييييييييلة جاءها مخاااض الدهشة

وهى مازاااالت قاااااااصر

ونواااااااااااااااااصل

esmat

01-08-2009, 11:33 PM

اها انا جاااايكم مع امونة وقصدة الفارس والمغلوب

عبدالرحمن مدثر

03-08-2009, 10:16 PM

اها انا جاااايكم مع امونة وقصدة الفارس والمغلوب

ماتطول علينا يادفعة

بت نفاش

04-08-2009, 07:08 AM

أنا نفسى قام من كترة الحكى
كدى زول يستلم طرف الخيت منى
ويواصل حكاية أمونه

دي امونه بت الشيخ حمد الابوها ذول مزواج خلاص
ناسب جميع ناس البلد
ويوم السمايه اتيتمت
حكم القدر بقى هو السبب؟؟؟

خالد 000 ابقرجة

04-08-2009, 02:34 PM

مازالت عيون امونة تقيييييييييييييييييييييلة جاءها مخاااض الدهشة

وهى مازاااالت قاااااااصر

والشجرة الكانت بتربط في جزمتا
كانت نخلة
جاها الهام تهزها حبة
امكن رطب من فوقا يخفف عنها
بس رطب النخلة زي التفاحة
وزي الدمعات اللعبن نط الحبل
مافي حوافز تخلي طريقا لي تحت
تنطط في السكة وخطوة تحت واتنين لي فوق
وأمونة لسع مخلوعة من احساسا
بين الحفرة الما عندها آخر
وبين طرحة سحاب ما غطت باقي الشعر الفاضل
والخلعة القالعة عيونا انقلبت شمار
طبع حوائي واحيانا آدمي شمار بطعم استطلاع مخلوط بي خفة
ومضروب بي حبة خوف من بكرة
خلتة عجيبة بس ما مضروبة بي خلاتة
مخبوتة بي نفس الشاكوش الما بغباها

وفجأة

جاها الهاتف ( ما الجوال )
هاتف من جوووووووووووووووووة
ولا امكن من بررررررررررررة
ولو ما كان في حبة باقي من حصة دين
بأنو مافي رسالة ومافي وحي كان أمونة سرحت بعيد
الصوت الجاها نفس الصوت
ايوة نفس الصوت القال بيتين وما تماهن
وفلسع فات
يا ربي أكون بحلم ؟؟؟
بس الصوت جووووة اضاني

أمووووووووووووووووووووونااااااااااااااااااااا

لا لا بالجد بالجد

يا امونة ما تخافي
سجمي منو البتكلم

ههها ههها ههها بس من غير هااااااااااي ديكا

صوت رخيم وعالي

يا أمونة انتي في برمودا

برمودا حقة أدروووب ؟ :p:p ( حذفت بمقص الرقابة )
ما سمعتي بي مثلث برمودا

من باقي ثقافة الغاز وشياطين تلتطاشر قالت أيوة بالحيل

أها بسسسسسسسسس قال الصوت وواصل

- نحنا قوة خير بتحكم برمودا
- بس لاكن برمودا ده كلو شر مافي طيارة مرت منو
- منو القال ليك ده بس الانتو عرفتوهو
لكن من كل مليون شر بنمنعو نحنا واحد بس بفلت واعمل كارثة

- دايرين مني شنو ؟؟

- دايرنك تخلفي فتاة برمودا

- فتاة برمودا ؟؟؟

- ايوة رمز الخير في مثلثنا ماتت في آخر حادثة اختفت فيها طيارة من كندا
ما قدرت تتحمل فشل واحد في حياتا ماتت مقهورة

- وطيب اشمعنا انا

ضحكة عاااااااااااااااااااااااااالية من الصوت الما عارفة مصدرو من جوة ولا من برة وتعليق ساخر

ياخي انتي حملتي شاكوش قدر الليلة وبكرة
ما تحملي شرور برمودا ؟؟؟؟

هههههههههههههه هههههههههههههههههــــه ( دي ضحكة نفس الصوت ما ليها علاقة بالراوي )

ونواصل

littlestar

15-08-2009, 08:45 AM

أها ونوااااااااااااااااااااااااااااااااااااصل
بعد طول إنقطاع