تسجيل الدخول

مشاهدة النسخة كاملة : خداع المسئولين لاهل حي 000000



عمرسنهوري
03-08-2009, 08:22 PM
قام بعض منسوبي المؤتمر الوطني بالاجتماع ببعض شباب حي 0000000
وكانت الجلسه بشأن دعم المؤتمر الوطني في الانتخابات و يقوم المؤتمر مقابل
ذلك بتلبية بعض الطلبات التي تخص الحي . اي ان المطالب كانت من اجل الحي
قام عضو المجلس التشريعي بولاية الجزيره ( من ابناء الحي ) .
بتزعم الموضوع كعادته في كل المواضيع العامه بغرض الوجاهه و السلطان .
بعد بضعة ايام دخلت القلابات وهي تحمل تراب ولكن هذا التراب لا يستخدم
في الردميات .
و عندما بدأ الناس يسئلون جاءهم الرد كالاتي
طبعا يا جماعه الردميه دي نزلت شديد و لازم نعليها اول شي
التراب دا عشان التعليه وبعديها بجي التراب الاحمر و تاني العربات تخش
بسهووووله لحدي جوه الحي .
( الردميه المقصوده هنا هي فرعيه ولكنها تغطي مساحه كبيره )
اها يا اخونا والردميه الكبيره متين ؟؟؟؟
مجرد ما ننتهي من دي نبدأ في ديك طوااااااالي قبل الخريف يخش
وفعلا في الوقت داك الخريف ما خشى و الناس قالو دي اول مره
يخش علينا خريف و ما حنعاني منو
يوم ورا يوم ورا اسبوع ورا اسبوع التراب في محلو ما في زول
شغال بيهو الشغله لا شركه جات و لا مهندس جا .
المطر نزل و الخريف خش ( يا ربي الخريف فاجأ الناس دي ولا شنو ؟؟؟)
كيمان التراب صارت عائق تمنع خروج المويه من داخل الحي .
دا شنو دا ؟؟؟؟ اصبحنا كالمستجير من الرمضاء بالنار .
زمان المويه ما بتطلع بي ساهل هسى نهائي ما بتطلع
جا التلفزيون ومعاهو كم مسؤول صورو بي جاي وبي هناك
وجابو الشفاطات تشفط في المويه و الله اكبر الله اكبر
زولك شتت . بعد يومين تلاته جو ناس المجلس التشريعي
يعاينو في محل الطلمبات و يتكلمو و ينظروا في اللحظه ديك جاهم
0000 وهو من الشباب النشيطين ومعه اخرون ودار الحوار الاتي
سلام عليكم
وعليكم السلام
يا سادة دا ما الحي تعالو ارحكم جوه النوريكم الحاصل شنو
اعمامك ذوي العمم مشو ورا الشاب و البقيه
بدو يورو فيهم الماكانو عاوزين يشوفو
اها ودوهم للردميه بتاعت البوست دا
ناس المجلس قالو نحن ما عندنا علم بي ردميه هنا
وما صدقنا على حاجه زي دي
بسم الله طيب منو الجاب التراب ؟؟؟؟و جابو من وين ؟؟؟؟ وجابو كيف ؟؟؟
القلابات الكانت بتكب في التراب بتاعت حكومه . طلعت باذن من منو ؟؟؟؟
طلع الشباب بالاتي :

لا يوجد تصديق بشأن الردميه المزعومه
التراب الذي اغلق مجاري المياه كان مصدره اطراف الحي
تم اخذه من بعض المزارع ( حواشات ) . يعني بالدارجي كده تراب مسروق
هل سيقوم اصحاب المزارع بعمل شوى قانونيه بسبب التغول على اراضيهم ؟؟؟
اذا كانت الاجابه بنعم فمن هو المتهم ؟؟؟؟؟؟
ختاما
الحي هو الكريبه
والخلى عادتو قلت سعادتو
الطلمبات شغاله زي كل عام وما في جديد
احتمال يكون الشي الجديد الردميه القفلت المجاري

أبوريلان
03-08-2009, 11:43 PM
الأخ عمر سنهوري

كل عام وأنت بخير

ربنا يكون في عون أهل الكريبة وهذا الخريف كان غير رغم أنو الكريبة كل عام بتغرق في الوحل ومياه الأمطار وتجلب لها طلمبات الشطف ولكن السؤال الي متي وكأن الخريف يأتي فجأة ؟

سؤالي لكم أهل الكريبة : هل بعد هذا التجاهل والغش سوف تصوتوا للمؤتمر الوطني ؟

في نفس هذا الوقت من العام السابق ذهبت الكريبة لأداء عزاء ( فاتحة ) ، دخلت الكريبة من شارع الردمية ولكن لم أتمكن من النزول من شارع الردمية نسبة لكثافة المياه المحيطة بالمنازل والشوارع الفرعية والداخلية ، قمت بإقاف السيارة علي الطريق وشمرت الجلابية ودخلت أخوض المياه حتي وصلت لمنزل العزاء وكذا الرجوع ، وأذكر يومها زرت شقيقك وصديقي أسامه الذي كان متوعك بالملاريا .

حاتم مرزوق
03-08-2009, 11:59 PM
ناس المؤتمر الوطني قنعانين من ناس مدني وما عشمانين الا في اصوات قليلة جدا.

اما الكريبة فعدد سكانها قليل ولعل المؤتمر الوطني قدر الموقف وتبين له ان الثمن الذي سيدفعه اكبر من عدد الأصوات التي سيجنيها .

قال الله تعالى : ( لَنْ تَنَالُوا الْبِرَّ حَتَّى تُنْفِقُوا مِمَّا تُحِبُّونَ ) [آل عمران: 92]

عمرسنهوري
04-08-2009, 01:23 AM
الأخ عمر سنهوري [/size[size=4]في نفس هذا الوقت من العام السابق ذهبت الكريبة لأداء عزاء ( فاتحة ) ، دخلت الكريبة من شارع الردمية ولكن لم أتمكن من النزول من شارع الردمية نسبة لكثافة المياه المحيطة بالمنازل والشوارع الفرعية والداخلية ، قمت بإقاف السيارة علي الطريق وشمرت الجلابية ودخلت أخوض المياه حتي وصلت لمنزل العزاء وكذا الرجوع ، وأذكر يومها زرت شقيقك وصديقي أسامه الذي كان متوعك بالملاريا .


الاخ العزيز ياسر

اليوم الوضع يخالف تماما
بعد الردميه الوهميه المويه من جوه ما طلعت
الردميه الداخله من اخر محطه متجهه غرب

الجندي المجهول
04-08-2009, 01:26 AM
صوت صفير البلبل هيج قلبي الثمل

عمرسنهوري
04-08-2009, 01:32 AM
اما الكريبة فعدد سكانها قليل ولعل المؤتمر الوطني قدر الموقف وتبين له ان الثمن الذي سيدفعه اكبر من عدد الأصوات التي سيجنيها .

92]


الرائع ود مرزوق

يبدو انك طولت من الكريبه

الكريبه الان كبيره للحد البعيد
انا اتولدت فيها ودرست فيها و الثانوي درستو في السني
يعني مرقتني من الكريبه الجامعه و العمل
الان انا بركب الامجاد ما بعرف حتى السواق
في كتير من الاحيان ولا في سوق الخضار الباعه و المتسوقين
وجوه كتيره غريبه حتى شعرت بانني الغريب وذلك من كثرة الوجوه الغريبه

esmat
04-08-2009, 03:06 AM
سنهوري
كان الله في عونكم وعون الجميع ان شاء الله
ذكرتني موقف قريب للموضوع دا كان نزلت اجازة
قريبة السودان طبعاً معروف البلد بقت ضلام غريب
من المغرب فعندنا واحد كدا من الشباب زي (شابكم) دا
قرر ادفع ناس الحي قروش عشان نشترى انوار وكشفات
بي طريقتنا ونجيب ناس الكهربا انوروا لينا الحي فأنا صراحة
الفكرة عجبتني جداً وبقيت لافي معاه على الشباب فجمعنا
مبلغ محترم من المال والغريبة الناس كانت بتدفع وانا بقنع فيها
وصاحبنا الم في القروش وفجأة اختفى وظهر الظلام الجدجد
رغم انو كل الناس كان عندها خلفية (عنو) لكن دفعوا لانهم مفتكرني
انا القايم بالموضوع اساساً فما كان في حل إلا استحمل الموضوع
حتى الناس الرفضت تاخد قروشها اقنعتهم بي فشل الخطة وناس
الادارة ما وافقوا مع الجمرة .عشان كدا نرجع ليكم قروشكم
واكلت الموضوع على كدا. نفس المناظر دايماً بتكون قريبة منك
لازم نعمل ليها حساب - شكراً (يامزمل) اقصد سنهوري

حاتم مرزوق
04-08-2009, 03:42 AM
الرائع ود مرزوق

يبدو انك طولت من الكريبه

الكريبه الان كبيره للحد البعيد
انا اتولدت فيها ودرست فيها و الثانوي درستو في السني
يعني مرقتني من الكريبه الجامعه و العمل
الان انا بركب الامجاد ما بعرف حتى السواق
في كتير من الاحيان ولا في سوق الخضار الباعه و المتسوقين
وجوه كتيره غريبه حتى شعرت بانني الغريب وذلك من كثرة الوجوه الغريبه

الحبيب ابو عمار

فعلا طولت من الكريبة وعهدي بها منتصف تسعينات القرن الماضي وكانت لنا فيها صولات وجولات ايام كنا نلعب كرة القدم وكم تبارينا مع فرقها حيث كان تعداد سكانها قليلا وقتذاك.

يبدو ان مدني تمددت الي ان اصبحت الكريبة جزءا منها.

ولكن كم تقدر عدد سكانها؟

muhi omer
05-08-2009, 02:29 AM
عموري
كيف أحوالك
الله يكون في عونكم مع الخريف ومشاكله، وطبعاً الكريبة أصلاً بتغرق قبل وعود المؤتمر الوطني وخلافه،
والردمية دي ليها مليون سنة والناس بتعاين فيها ولمن يجئ الخريف واللواري تقيف تقع الجرس والكلام الذي لا يثمن ولا يغني.....
ولكن أين دور الشباب في مثل هذه الظروف ، وأين الفزعه والاستغاثه، أليس للحي على سكانه حق ؟؟؟؟
أتمني أن لا ينتظر أهل الوجعة أكثر لكي لاتزاد الأمور سوءاً من خلال احتقان المياه والذي بدوره يؤدي إلى توالد الباعوض وأشياء كثيره لاتحمد عقباها ...
أتمنى التحرك لأن ناس المؤتمر الوطني وخلافه لهم أعمال ومشاغل أكثر من تصريف تصريف مياه الخريف .
أرجو عدم إزعاج السلطات بأمور لست ذي بال ؟؟
ودمت ..

محي
الأخ/ ياسر : بقيت تمشي الكريبة من ورانا .....

عمرسنهوري
05-08-2009, 02:41 AM
الحبيب عصمت
الحمد لله انك تصرفت بمسئوليه
وخسارة بعض المال اكسبتك ثقتك بنفسك وثقة الاخرين بك

الرائع

حاتم مرزوق (ابو جيمس)

انا لا اعرف التعداد الاخير
ولكن ساحاول ان اجد لك اجابه من بعض من قام بالعد

عمرسنهوري
05-08-2009, 02:50 AM
عموري
ولكن أين دور الشباب في مثل هذه الظروف ، وأين الفزعه والاستغاثه، أليس للحي على سكانه حق ؟؟؟؟

.....



الخال الحبيب محيو

الشباب ما قصرو وفيهم عدد ماسكين التصريف عن طريق الطلمبات
وبسمع دايما من بعض الشباب ما يقومون به .
وحقيقه هم ما قصرو بدليل كشفهم لفرية الردميه مع هناي 0000 اظنك عرفتو

ابوخالد
05-08-2009, 02:53 AM
سنهورى لك التحية

قلوبنا معاكم ... وللحبيبة علينا جميعآ الكريبة الحرة ...

الكريبة عامرة بأهلها الخيرين والمشهود لهم فى المواقف ...

حاولوا القيام بالمجهود الذاتى وأكيد ح تعملوا أكتر من الردمية ...

والموضوع ده طول ... أتمنى تعاون جميع أبناء الكريبة من الداخل

والخارج ... وسياتى الفرج إن شاء الله ...

ولكم التحية والود

أبوريلان
05-08-2009, 02:54 AM
محي
الأخ/ ياسر : بقيت تمشي الكريبة من ورانا .....


من وراكم ولا من قدامكم أنتو قاعدين ليها ؟ وبعدين أنت عمرسنهوري كتب الموضوع ده عشان ترسل الهلل أو ترجع تساعد الناس في النفير يعني بل رأسك .

ابوسمؤال
12-09-2009, 06:44 AM
تسلم علي الموضوع وربنا اكون في عون اهلنا (انا من سكان الكريبة)