عكس الريح

[إيهاب الأمين]

لسة عكس الريح مشيك
لسع دموعك في وشيك
مسلوب إرادة
وراضي بالموت الوشيك
متمادي في الحالة العليك
بس لي متين
ما دايرة تشرق ليك شمس
دربك مكندك من أمس
كل المواني تنادي ليك
صابت عيون النيل طشاش
صارت محطاتك غباش
مسكين...
من الكان أصلو بيك
واللسة منتظرك عسير
نصبح ولا نلقاك وطن
ويرتدّ بصر الشوق حسير
ويمتدّ درب الشوك مسير
السيف قطع فجأة الجفير
والجدول المغلوب صمت
بكّاي ...
نكر صوتو الخرير
والكلاب نهشت خريفنا
وبوح عصافيرنا التطير
الفرح ودع مسارك
والصديق جافى السمير
بنخاف ولا نلقاكا في
نفقد حنانك والدفي
كل الصباحات تنطفي
والخوف فرش في كل
مساماتك سرير
لا قوقت القمرية مرة
ولا نشر وردك عبير
مليانة كل الناس كآبة
صابرة بالحال الأصابا
والمسادير قافلة بابا
والقلم ساب الكتابة
الله للناس الغلابة
المشاويرن دروب الخوف
وترياقن مدامع
الترانيمن أنين الجوع
ونجماتن طوالع
كل واحد زيتو طالع
سارقة غنواتو الضفادع
سارقة وجباتو الصوامع
هاتفة بي سكاتو الشوارع
الله لي كل الشوارع
الله للناس التولول
من دوابي الليل
ومسدار الزوابع
من كلاب الشر
وخدّام المطامع
وإنت ماشي...
ولسة عكس الريح مشيك
لسع جروحك في وشيك
متمادي في هذا السكات
يا حسرة فقدانك وشيك

الجمعة 7/2/2009

[ولاء الدين]

جميل يا إيهاب الجميل أقصد الأمين

[هيثم ادروب]

تعجز كلماتي عن وصف روعة حروفك ..

ربنا يديك الصحة والعافية ..

و في انتظار المزيد ..

[مصطفى هاتريك]

مليانة كل الناس كآبة
صابرة بالحال الأصابا
والمسادير قافلة بابا
والقلم ساب الكتابة
الله للناس الغلابة
الرائع إيهاب
ليه مالية كل الناس كآبة
والقصايد إيه أصابا

السهل الممتنع شعار قصيدك بس ويييييييييييين الثلاثية الشهيرة



سامع لي ريحة غروب

[المبارك ود إبراهيم]

شاعرنا الجميل إيهاب الأمين والله مشتاقين لحروفك , دائما مبدع ويطيب لنا الجلوس أمام حرفك البهي واصل إبداعك.

[محمد الجزولى]

الشاعر القامه ايهاب الامين
وينك يا راجل
يعنى البشترى بيت ما بطلع منو ولا شنو
والله ليك وحشه
رائع كعادتك استاذى ايهاب ... ارجو ان لا تحرمنا ابداعك اخى الكريم
وتقبل اعجابى بكل ما تكتب

[نـــورالأمل]

ربما نتباهى بما هو شيق وجميــــــــــــل بل وربمااااا اشهق عندما اتغـــــــــــــــــــنى بما تنثره اناملك المتألقه دوما وليــــــــــــــــــــــس يوما

فهأنـــــــــــــــا لست على دراية مكمله عنك أيهـــــــــــــا الأسطوره الفذه فلك مني شكري وعرفااااني بما سوف تقدمه بأذن المولى

مع خاااالص تحيااااتي مني لك اختك
"نــــــــــــــور الأمل"
فتقبل مروري

[إيهاب الأمين]

جميل يا إيهاب الجميل أقصد الأمين

يديك العافية العزيز علاء الدين
أقصد ولاء الدين
كتر خيرك

[إيهاب الأمين]

تعجز كلماتي عن وصف روعة حروفك ..

ربنا يديك الصحة والعافية ..

و في انتظار المزيد ..

ألف شكر هيثم أدروب
ويديك الصحة والعافية

[إيهاب الأمين]

مليانة كل الناس كآبة
صابرة بالحال الأصابا
والمسادير قافلة بابا
والقلم ساب الكتابة
الله للناس الغلابة
الرائع إيهاب
ليه مالية كل الناس كآبة
والقصايد إيه أصابا

السهل الممتنع شعار قصيدك بس ويييييييييييين الثلاثية الشهيرة



سامع لي ريحة غروب

ود يا هاتريك
اشتقنالك
لو ظروفي أبعدتني شوية ما بتسأل مني
أنا زعلان منك
وما عارفك قاصد شنو بالثلاثية؟؟
دي أقوان المريخ في الهلال في المباراة الجاية
بالجد زعلان منك

[إيهاب الأمين]

شاعرنا الجميل إيهاب الأمين والله مشتاقين لحروفك , دائما مبدع ويطيب لنا الجلوس أمام حرفك البهي واصل إبداعك.

الشاعر الأستاذ ود إبراهيم
سعيد أن أجدك هنا
فأنت دائماً ما تغرس شتول الجمال
وتتماهى وهجاً وألقاً ورحيقاً
لك الحب

[إيهاب الأمين]

الشاعر القامه ايهاب الامين
وينك يا راجل
يعنى البشترى بيت ما بطلع منو ولا شنو
والله ليك وحشه
رائع كعادتك استاذى ايهاب ... ارجو ان لا تحرمنا ابداعك اخى الكريم
وتقبل اعجابى بكل ما تكتب

الجزولي إزيك..
لو اشتريت بيت أمرق منو ليه؟؟
أمشي أسكن بالإيجار؟؟
ما معقول
إن شاء الله نسكن البيوت
ونعرف نشتري في الزمن الكعب دة
لك التقدير والمحبة

[إيهاب الأمين]

فتقبل مروري

لك التحية الأستاذ نور الأمل
أسلوبك الجميل في الكتابة لفت انتباهي
لكني لم أتعرف عليك وليتك تطلعنا على اسمك الحقيقي يا حبيبنا
لك مني كل الحب
وشاكر لك تعبيرك اللطيف
وروعتك المتوهجة
يا سلاااام عليك

[خالد علونى]

ولسة يا عيني بتبكن في عيون الليل شهيق
سايقة كلماتك صبابتك وفي مساماتك رويك
شكرا المبدع ايهاب الامين
لك مني خالص الود

[ابوخالد]

مليانة كل الناس كآبة
صابرة بالحال الأصابا
والمسادير قافلة بابا
والقلم ساب الكتابة
الله للناس الغلابة


متجدد دائمآ أخى إيهاب ....

إحساس عميق بالحرف والكلمة يُشعرك بصدق المكتوب ...

تدفق رائع ... ممزوج بعرق الغلابا ...

وريحة الوطن المكلوم ..... الموشح بى قناديل الدموع الخايفا

من شوفة الشمس تحرق جلد مكوى جاهز من زمان ....

إلا السلخ مابهم الضبحو خالص من زمان ....

مزيد من الإبداع أخى ود الأمين

ودمت بخير

[عباس الدسيس]

ابداع الف شكر للكلمات الرائعة

[عثمان عوض]

دمت ايه الرائع لا يسعني الا ان اقول دمت فخر للمنتدي وفخر السودان
ودمت ايها الشامخ ودامت حروفك ننوارس وقصائدك خوالد
ورمضان كريم