المساعد الشخصي الرقمي

مشاهدة النسخة كاملة : انا ذنبى شنو ... عشان كدا خلونا مع مازمبى


عبدالرحمن مدثر
04-08-2009, 04:05 AM
الكورة عندنا كلام فااااارغ ساااااى

زمان خلينا الكورة وبقينا نلعب على صفحات الجراااائد

ننفخ ليك موسى الزومة لحدى مانقتنع بانو احسن من اشلى كول

ونمجد ليك مسااوى ابوسااقين ونكتب عنو ويفوت فابيرقاس بهنااااااك

البطولة الافريقية الاخيرة خلت صورتنا واااااضحة

مافى كورة ياجماعة

دا وجع قلب ساااااااى
الملكة اسماء ( ام محمد )
04-08-2009, 04:08 AM
قلت تنسحب من بدري والا شنو ؟
عبدالرحمن مدثر
04-08-2009, 04:10 AM
انا من هسع قلبت

وداير اشجع مازمبى

حيث المتعة والكورة الحقيقية

ياخ انا نمت زعلان

الماشاااهد كورة النجم السااحلى ومازمبى

وطاتو اصبحت ... وعيونوا زغللت مع سفارى السم الهاارى

ولمن تجى ساعة الجد سفارى بتحول لسفارى الشوكلاتة بتاعت الشفع الضغاااار ديك

طوالى تبقى سلطة ... جلبطة ساااااى :p

بعدين فى حاجة تانية فى الهلال (البرنس )

هذا الرجل يلعب على تاريخ قديم والمامصدقنى يشوف اى كورة للهلال

بلقى الزول دا زى الطين ... لكن برضوا لاعب

ياخ فكونا ياااااخ


خلونى استجمع احاسيسى والمها واكبها ليكم فى مازمبى
عبدالرحمن مدثر
04-08-2009, 04:20 AM
احلى مافى الكرة انها لعبة جماااعية

مش تمسك لى اللاين وتنترح

وهذه الجمااعية مااحلاها عند مازمبى

المبارة فى سوسة حيث معقل النجمة وجمااهير تونس انتم ادرى بها

فى التشجيع والحمااس الزااااائد

بعد كل هذا يلعب مازمبى السهل الممتنع

ويذهب اكثر من ذلك

بان يتقدم بالهدف الاول من الربع ساعة الاولى

وفى غيااب قائده المحنك (موبوتو )

ياسلام على الكره وجمالها

لمن يكون الغزل متبااادل

ومع اخر دقيقة من الشوط الاول يقتل الحكم احلام ماازمبى بضربة جزاء من الخيال العلمى زاااتو

مافى اى اعاقة بتقول انو فى ضربة جزاء

لكنها افريقيا

اجمل حاااجة انو الناس ديل ماعدوا يومهم اعتراضات جاء فيهم قوون من ظلم صريح

لكنهم لعبوا كورة من اجمل مايكون

كورة جماعية تكتيك عاالى المستوى

حضور ذهنى لايوصف

ولياقة تمكنهم من اللعب لايااام

رغم الهزيمة الا ان فريق مازمبى

وجد الاحترام من الجميع

لانه يلعب الكورة العصرية من لمسة وااااحدة
ABUZAID
04-08-2009, 04:20 AM
الاخ عبد الرحمن مدثر

تحياتي


حقيقة كلامك في محلو
الحكاية بقت ما جايبة حقها

بعدين المنتخب الوطني وموضوعو بقى بح

يبقى كلو محصل كلو
عبدالرحمن مدثر
04-08-2009, 04:21 AM
قلت تنسحب من بدري والا شنو ؟

يااااااخ جااءنى ليك صدااااااااااع نصفى

دا وجع سااااى
الملكة اسماء ( ام محمد )
04-08-2009, 04:23 AM
انا من هسع قلبت



خلونى استجمع احاسيسى والمها واكبها ليكم فى مازمبى


قااااااااالوا كلام الليل .................
http://www.wadmadani.com/vb/showpost.php?p=350521&postcount=5 (http://www.wadmadani.com/vb/showpost.php?p=350521&postcount=5)

http://www.wadmadani.com/vb/showpost.php?p=334485&postcount=2 (http://www.wadmadani.com/vb/showpost.php?p=334485&postcount=2)
الملكة اسماء ( ام محمد )
04-08-2009, 04:30 AM
يااااااخ جااءنى ليك صدااااااااااع نصفى



دا وجع سااااى



اعمل زي حضرتي كدا
واكتب بالبنفسجي
بس غير الاستايل بتاع الخط :p
عبدالرحمن مدثر
04-08-2009, 04:30 AM
قااااااااالوا كلام الليل .................
http://www.wadmadani.com/vb/showpost.php?p=350521&postcount=5 (http://www.wadmadani.com/vb/showpost.php?p=350521&postcount=5)

http://www.wadmadani.com/vb/showpost.php?p=334485&postcount=2 (http://www.wadmadani.com/vb/showpost.php?p=334485&postcount=2)


ماااافى حاجة بتتمسح

الاطار ياهو الاطااااااار

بس الناس الجوه اللوحة مابحبهم

بنتظر لحدى مايجو نااس تانين :p:p
الملكة اسماء ( ام محمد )
04-08-2009, 04:37 AM
بنتظر لحدى مايجو نااس تانين :p:p


نعمل انتخابات مثلا !!!!!
عبدالرحمن مدثر
04-08-2009, 04:40 AM
الاخ عبد الرحمن مدثر

تحياتي


حقيقة كلامك في محلو
الحكاية بقت ما جايبة حقها

بعدين المنتخب الوطني وموضوعو بقى بح

يبقى كلو محصل كلو

حبينا ابوزيد

المشكلة كذلك فى اعلامنا الذى يسبح عكس التيار

سيدا وديدا وفييرا

وقيصر وبرنس وطوربيد وشيال التقيلة

ناخد لينا جمة من تعب القلب دا

ونشاهد سااى بدون تعصب غريب
عبدالرحمن مدثر
04-08-2009, 05:09 AM
نعمل انتخابات مثلا !!!!!


نعمل غربلة :p
الملكة اسماء ( ام محمد )
04-08-2009, 05:14 AM
نعمل غربلة :p


بنفع !!!
البقعد في الغربال بكون كومه كبير ( هامور شاطر ومولود في مستشفى العيون )
والبنزلوا بالفتحات بكونوا غلابة ومساكين ... ميزتهم شطار فطرة
عبدالرحمن مدثر
04-08-2009, 09:53 PM
بنفع !!!
البقعد في الغربال بكون كومه كبير ( هامور شاطر ومولود في مستشفى العيون )
والبنزلوا بالفتحات بكونوا غلابة ومساكين ... ميزتهم شطار فطرة


الغرباااااااال دا امبيلى

بس لسه لابصفى لابمسك حاااااااجة :p:p



ونحن الغلااااااااااااابة والمسااااااكين
روبش
05-08-2009, 12:42 AM
اقو ل ليكم حاجة اعملوا صحفيين .. او بالاصح اعملوا ( نائميييييييييييييييييييييييييييييييين )
مهيد ود السفاح
05-08-2009, 01:23 AM
بالجد كورة مازمبي والنجم كانت على مستوى عالي جداً , وبعيده بحوالي 25 سنه قمريه من كورة المجموعه التانيه , انا شاهدت المباراة يا ود مدثر وتحسرت زيك كده , لكن عندي ملاحظه بسيطه انو الجماعه ديل ناس النجم ومازيمبي لما يلعبوا معانا بنخربها ليهم ,وبنجلط ليهم الكوره لما اعكوا معانا ويا غلبناهم بالعك وحماس وصياح الجمهور ولا غلبونا وشلنا الجهاز الفني بره .
اما بخصوص البرنس فهذه اخر سنه للبرنس لو كان ما ظهر به في اخر لقاءات الهلال هو مستواه , فمن الافضل للرجل ان يحترم تأريخه وما قدمه ويفسح المجال للغير .

اخي عبد الرحمن دي ياها كورتنا رضينا ام ابينا , بس انا شايف ناس ابوهريره عندهم خطه طموحه للناشئين وعملوا كم ملعب في محليات الخرطوم , وبالامس شاهدت برنامج عن برامج خطط الناشئين وتحدث ابو هريره وحسن المصري , وكان كلام قيم ومدروس واتمنى ان يتحقق الطموح ويعود الناشئين , ساعتها ممكن نشوف كوره احسن من مازيمبي واحسن من النجم .
ولي عوده
عبدالرحمن مدثر
04-10-2009, 11:00 AM
بوست قديم

يوضح حقيقة واحدة

ان مازيمبى فريق منظم

فريق بطولات





مبرووووك لمازيمبى وهو يسحقنا داخل ارضنا

ووسط جمهورنا ... ويعلمنا حقيقة واحدة

غاائبة عن اعلامنا المضلل

ان جمال الكورة فى من يعطيها

فى من يبذل العرق داخل المستطيل الاخضر

مبروووك لمازيمبى

ولا عزاء

لمن يبتهجون الان فى العااصمة

ويزرعونها فرحة عااارمة

تفوق فرحة مازيمبى نفسه
saleh farah
04-10-2009, 11:16 AM
عارف ياعبدالرحمن
لو الكاس ده مشى لى اي فريق تانى غير مازنبى
يعنى مثلا لو فاز بيه هارت لاند
يبقى الكوره فعلا مدوره
فريق يعرف كل شئ عن كرة القدم
ويؤديها كما يحلم بها عشاق كرة القدم
بالجد فريق مقتدر
لكن شكيتم على الله
البشتنو الهلال
عبدالرحمن مدثر
04-10-2009, 11:19 AM
ياصالح اخوى ديل اشبااااح

زى ماقلت مافى واحد يملا العين

ودايرنا نفوز كيف

مافيها حاااجة

لو اتبشتنا

بس ياريت نستفيد
مرتضى التوم
04-10-2009, 11:23 AM
الهلال فى هذه المباراة خرج اللاعبين ولم يعودوا حتى الآن
عبدالرحمن مدثر
04-10-2009, 11:27 AM
يامرتضى هناك فاااارق فى كل شىء

فى المهارة

فى الحماااس

وعندنا بجاى

تعال للاستهتاااار

والبتمناها ثلاثية

ورباعية

والمشى الامارات ترانسيت

وبدا يجهز فى مبارتو مع برشلونة

هزيمة قااسية

وغير متوقعة
ابوسمؤال
04-10-2009, 11:30 AM
عارف ياعبدالرحمن
لو الكاس ده مشى لى اي فريق تانى غير مازنبى
يعنى مثلا لو فاز بيه هارت لاند
يبقى الكوره فعلا مدوره
فريق يعرف كل شئ عن كرة القدم
ويؤديها كما يحلم بها عشاق كرة القدم
بالجد فريق مقتدر
لكن شكيتم على الله
البشتنو الهلال

الليله ماذنبي ,,,,,,,,,مازيمبي سواه فني