حكاية من حلتنا

[أبوعمرو]

* الجنا دا قال ليك برسل المصاريف متين؟
- اسكت ساكت... بالله الذي لاغيرو.... أغتراب أمريكا دا أخير منو ناس جده وتبوك!!
* كيفن الكلام دا؟؟ الجنا جاهو اللوتري وشغلو الساعه بالدولار!! الزريبه ما إقدر إكملا
- الجنا القروش عندو ... لكين ما فيها بركه ... وبعدين يعني من حكاية يوم مخزن الفول ديك والجنا ما رضيان مننا.
الجيلاني تخرج من الجامعه وعمل بالعاصمة بأحدي الشركات وبسرعه البرق التحق بالشركات في دول الخليج ولم يعمر فيها طويلا ..فكان علي موعد مع امريكا حيث الدولارات .. انتقل من الحله الي لوس أنجلس في لمحه البصر.. فمثلما تغزونا أمريكا بانفلونزا الخنازير وهوليوود والكايبوي.. كان الجيلاني غازيا لليانكي في عقر داره ... لديحا فصيحا متشربا بروح القريه والبداوه ..فهو الذي زرع وحلب وفزع (وقد الجلد لعنقريب القد) ...هاهو يمشي متبخترا في ظل الأبنيه متعدده الطوابق والجنسيات.
ومثلما يتعاطي مغتربو جده والأحساء مع ذويهم في الحله لم يغير الجيلاني تعامله مع الأهل.. دي مصاريف المدرسه... ودي قروش الزباله والحرات ... (ياخوانا في قروش زباله بتجي من لوس أنجلس)...
تعب الجيلاني من كثره المرسال ... يأخوانا الأمريكان أقول الزول الكل يوم في الصرافه دا أكون تبع القاعده.
ترن ترن ترن ... (الوالد يتصل بك)
*الجيلاني كيف حالك أنشاء الله شديد؟؟
- الحمد لله يابا مافي عوجه... انشاء الله طيبين؟؟
* الحمد لله ... بس يعني والله آولدي الفلس... الحال بقي صعب ... وكيلك الله جعنا تب!!
- قول الحمد لله يابا... الشهر الفات أنا مارسلت ليكم؟؟
* آولدي .. والله قريشاتك ديلك علاج ما عالجننا .. دحين آسه جعنا في خشمنا دا!!
أستشاط الجيلاني غضبا لهولاء القوم الذين لايشبعون ... ويحكي عمه أبراهيم للذين يجلسون في ضرا الدكان ماذا تم بعد ذلك
*آها أحاج ابراهيم... قلت لي الجيلاني زعل من كلام أبوهو الكضاب دا؟؟
- آزول ... زعل شديد ... وطوالي الجيلاني قال للجنا المعاهو في المكتب:
أفتح لي قوقل إيرث...
جيب أفريقيا ...
جيب لي السودان
أديني الجزيره
خش مكتب 64 أبوحوه
أديني حلتنا
جيب بيت ناس أبوي
أمشي علي المخزن داك
أفتح
(زولك لقي المخزن مليان فول عيش)
طوالي ضرب لي ابوه ... أنتو بتلعبو علينا ولا شنو!!!!

[عبدالرحمن مدثر]

ابتسااااااااامة رضا تعم الجميع

بعد ان غرقت القنااعة فى كنااار ودع امك


عمنا

مااجمل هذا المكان الذى يحتويك بكل صدق التفاصيل





حمدالله على السلامة

[abomazeen]

وها نحن الآن أمام جمال الكلمة والقصة مرة ثانية تحكي لنا بكل روعة و جمال ... حكاية من حلتنا

[عثمان جلالة]

ههههههههههه والله كان كدا يا أبو عمرو ناااااااس الحله ما تعبوا معانا تعب شديد

تاااااااااااااني بس قوقل إيرث بس :p

مشتاقين يا أبو عمرو لى حلتنا ولحكاياتك الطاااااااعمة :)

[مايسة]

هههههههههه

حمد لله على السلامة ابو عمرو - ونورته والله العام

قوقل ايرث ده كان كدي تعب معانا تب

[ميادة]

يا هلا بالرائع وهو يعود الينا بحكاوي الحلة من جديد

[عوض الكريم الخواض]

*
[size=6][color=#8b0000]أفتح لي قوقل إيرث...
جيب أفريقيا ...
جيب لي السودان
أديني الجزيره
خش مكتب 64 أبوحوه
أديني حلتنا
جيب بيت ناس أبوي
أمشي علي المخزن داك
أفتح
(زولك لقي المخزن مليان فول عيش)
طوالي ضرب لي ابوه ... أنتو بتلعبو علينا ولا شنو!!!!

هاهاهاهاهااااااااااااااااااااااااااااااااي .......................

أمانا العلم مو سمح ...

قلت لي فتح المخزن بالقوقل ... :):)

غايتو يا أبو عمرو ضحكتنا ...

لينا 4 يوم الزول ما قتح قدومو بى ضحكة .

[moh_alnour]

مرحب بعودة الزول الحكاّي أبو عمرو و مرحب بعودة شخوصك في أزقة الحلة و مدارسها و مساجدها و حواشاتها
و هم يرسمون لنا صورة بسيطة لإيقاع الحياة اليومي لتُترجمها لنا أنت بأسلوبك الجميل و المحبب لكل أعضاء هذا المنتدى
و هم الذين أبت نفسهم إلا و أن يتوجوك نجما ً للعام 2008م بلا منازع أمتنانا و عرفانا ً لما وجدوه
من روعة و جمال و بساطة و عفوية و تلقائية و دراما حية في بوست ( حكاية من حلتنا )
العود أحمد أخي حجاج و ستجدنا من المتابعين



طوالي ضرب لي ابوه ... أنتو بتلعبو علينا ولا شنو !!!!

عاد يالإنترنت سويتا فينا ، سمح العلم سمحة الشهادة

[littlestar]

والله حمدلله ع السلامه آلاف يانجمنا

دى أمريكا والأجر على الله :eek:

الرائع دوماً

بسياقه وصياغه

الذى يُعجز عن التعبير والوصف

الله يديك العافيه

همسة أمل:

فى إنتظار أن تعيد سيناريوهات حكاوينا القديمه ال جرفا السيل

[بنت الرفاعي]

حمدالله على سلامة الرجوع أخوي أبو عمرو:)
قوقل إيرث طوروه بقى للدرجة دي ؟:confused::eek::p تكنولوجيا:p

[عبدالله محمد العقاد]

التحية لك ابوعمرو

و في انتظار بقية الحكاوي

لي صديق عزيز اخوه في مدني كل يوم الحيطة وقعت السقف عايز ردم
قام هد البيت كله و بناه عقد
برضو اخوه رسل ليه تاني قال ليه الحيط على الشارع وقعت بعد ماجات مطرة قوية
صديقي رسل حق تصليح الحيطة و جاته اجازته نزل السودان من غير ما يكلم اخوه ده
و قال لي لقيت نفس الحيطة اللي بنيتها
قلت ليه وين الحيطة اللي وقعت
اخوه قال ليه الحيطة دي ما نحن زاتنا

[أبوعمرو]

ابتسااااااااامة رضا تعم الجميع



بعد ان غرقت القنااعة فى كنااار ودع امك



عمنا


مااجمل هذا المكان الذى يحتويك بكل صدق التفاصيل







حمدالله على السلامة
صديقي عبدالرحمن
آدام الله عليكم وعلينا نعمه الابتسام وقناعه الرضا...
المترجم العربي
الكنار: في لغة الجزيره هو مجري الماء الرئيسي والذي تتفرع منه الترع... ويقال له أيضا(الميجر) وهو يرادف الكلمة الانجليزية(major)...وعند الحضر فإن الكنار أو الكناري طائر صغير أخضر اللون(وكلو جالب للسعاده)

[أبوعمرو]

وها نحن الآن أمام جمال الكلمة والقصة مرة ثانية تحكي لنا بكل روعة و جمال ... حكاية من حلتنا




المحترم أبومازن
لم يشغلنا عنكم إلا الشديد القوي...شكراً صديقي

[أبوعمرو]

[QUOTE=عثمان جلالة;352867]ههههههههههه والله كان كدا يا أبو عمرو ناااااااس الحله ما تعبوا معانا تعب شديد

تاااااااااااااني بس قوقل إيرث بس :p

مشتاقين يا أبو عمرو لى حلتنا ولحكاياتك الطاااااااعمة :)[/QUOTE
الزول السمين أبو نضارات (وبدله وكرفته)
جلاله اخوي...بعد الزياره الأخيره لا حوجه لقوقل ايرث... وزي ما قال ودأبراهيم(عمك قوقل دا زول بتاع قواله وسواطه).

[أبوعمرو]

[quote=مايسة;352872]
هههههههههه



حمد لله على السلامة ابو عمرو - ونورته والله العام



قوقل ايرث ده كان كدي تعب معانا تب

هلا بيك مايسه
قوقل ايرث ... ما بخش العشرة عشان زحمة السوق الشعبي(وسوق العشره)
تسلمي علي المرور

[أبوعمرو]

يا هلا بالرائع وهو يعود الينا بحكاوي الحلة من جديد

ميدو
.....
هلا وغلا .... وبنثأل عليك:o

[ابوالنور]

نجم الشولة صبُّ نزيلو
والقلب فاقد الفدغ المزنّد تيلو
قمر السبعتين وجهك ضوّا فوق جيلو
يا مولاي بعد الحال أضوق عسيلو
يا ابوعمرو الف حمد الله السلامة يا حبيبنا

[ام قبس]

الزول دا كان وين وجاء من وين
وكان ماله زول يفهمني حاجة
انا زاتي حمد لله علي السلامه مع الجماعة
السترة والفضيحة متباريات اخوي
انحمد ليه ساي
بس لقيت قوقل شنو قلت لي
رهيب والله رهيب
يسلم قلمك
وبالله عليك تاني ماتمشي
انت قاعد تمشي وين

[أحمد عمر ( MOODY )]

بصمة وصولك جابتنا ليك
نحجز مكانّا .. منتظرين خط يديك


عودة الأستاذ / أبو عمرو .. تباشير فرح بجيّة خريف الكتابة
و إخضرار كل الأماني الطيبات

عوداً حميداً يا رائع .. وفي إنتظارك دوماً تجدنا نمني النفس بإبداعاتك

[أحمد عمر ( MOODY )]

مرحب بعودة الزول الحكاّي أبو عمرو و مرحب بعودة شخوصك في أزقة الحلة و مدارسها و مساجدها و حواشاتها
و هم يرسمون لنا صورة بسيطة لإيقاع الحياة اليومي لتُترجمها لنا أنت بأسلوبك الجميل و المحبب لكل أعضاء هذا المنتدى
و هم الذين أبت نفسهم إلا و أن يتوجوك نجما ً للعام 2008م بلا منازع أمتنانا و عرفانا ً لما وجدوه
من روعة و جمال و بساطة و عفوية و تلقائية و دراما حية في بوست ( حكاية من حلتنا )
العود أحمد أخي حجاج و ستجدنا من المتابعين



عاد يالإنترنت سويتا فينا ، سمح العلم سمحة الشهادة



أبو عمرو من هسه جهز نفسك ود النور ده مشاركتو الجاية حا يسألك من بيت ود الحسين
:p :D :p :D :p

[مايسة]

هلا بيك مايسه
قوقل ايرث ... ما بخش العشرة عشان زحمة السوق الشعبي(وسوق العشره)
تسلمي علي المرور[/center][/QUOTE]

ههههههههه


طيب بخش الحداشر

;):):D

[أبوعمرو]

[quote=عوض الكريم الخواض;352949]هاهاهاهاهااااااااااااااااااااااااااااااااي .......................

أمانا العلم مو سمح ...

قلت لي فتح المخزن بالقوقل ... :):)

غايتو يا أبو عمرو ضحكتنا ...

لينا 4 يوم الزول ما قتح قدومو بى ضحكة .[/quote

شيخ العرب ... ودالخواض
اللهم أدمها نعمه واحفظها من الزوال
والله مشتاقين
كتر خيرك]

[أبوعمرو]

[QUOTE=moh_alnour;353051]


مرحب بعودة الزول الحكاّي أبو عمرو و مرحب بعودة شخوصك في أزقة الحلة و مدارسها و مساجدها و حواشاتها
و هم يرسمون لنا صورة بسيطة لإيقاع الحياة اليومي لتُترجمها لنا أنت بأسلوبك الجميل و المحبب لكل أعضاء هذا المنتدى
و هم الذين أبت نفسهم إلا و أن يتوجوك نجما ً للعام 2008م بلا منازع أمتنانا و عرفانا ً لما وجدوه
من روعة و جمال و بساطة و عفوية و تلقائية و دراما حية في بوست ( حكاية من حلتنا )
العود أحمد أخي حجاج و ستجدنا من المتابعين





عاد يالإنترنت سويتا فينا ، سمح العلم سمحة الشهادة
ودالنور: مؤكد بيت ود الحسين بعد العوده والقوقل ايرث شكلو تاني(تابع وشوف)
تسلم يا محترم

[العاقب مصباح]

ابو عمرو

حينما تأتى تأتى معك البشريات بمطر وفير

وضرع البقر مليان لبن يكفى الضيفان والجيعان

حبابك يا زول يا وريف

ومعاك من لوس انجلوس وقروش الحرات

وقوقل ما قصر والله

مواصلين معاك

[أبوحراز]

والله قصة تنتزع الضحكة من الأعماق
فعلاً ناسنا مايقدرهم الا قوقل ايرث
مرات يتصلوا عليك ويقولوا ليك العيش أخضاااااااااااااااااااااااااااااااااار
والقمح أخضر وسمح
لكن عاوزين مصاريف عشان نديهو سماد زيادة
وانت تهوش وترسل العندك
بعد ايام يقولوا ليك حصدنااااااااااااااااا
العيش جاب 3 شوالات
والقمح جاب ليهو 4 شوالات ونص !!!
طيب والخضاااااااااااااااااااااااااار القبيل مشى وين ؟؟


ابن أختي لديه صديق عزيز يسكن في قرية مجاورة
وبحكم الصداقة فلقد كان لابن اختنا مخزن كبير فأتاه صديقه وطلب منه ان يحفظ له عيش بالمخزن حتى ترتفع الأسعار
وكانت الكمية 50 شوال
ابن اختي قام بترك المفتاح لدى والده لأن الولد يعمل بالخرطوم
المهم الصديق بعد ستة اشهر اراد ان يبيع العيش
فأخذ ابننا المفتاح وذهب وفتح المخزن وتفاجأ بأنه لايوجد سوى شوالين فقط
اندهش للأمر وذهب لوالده الذي كان مبسوطاً ويلعب الضمنة وقتها
فسأله يابا العيش الكان في المخزن حولتو حتة تانية ؟؟
قام ابوه قال ليهو حتة شنو ياولدي
الكبد والكلاوي والسجوك البتاكلوا فيه كل يوم دا من وين
ما من المخزن بتاعك دا ؟؟
يعني زي صاحبنا دا بغلب قوقل ايرث 10/صفر !!!

[ودالعمدة]

الرائع نجم العام أبوعمرو

هذه الروعة وأنت تغمس اليراع فى مداد الحكاوى
تنداح بها النقاط وترتاح بها الحروف على الأسطر
لا فض فوك، سنين مضت ولم تفغر أفواهنا بالدهشة
بحثنا عنك بالقوقل ايرث حتى وجدناك مع الجيلانى
متلبساً باكتشاف أسرار حلتنا وبثها مباشرة على الملأ
وانت لديك كل هذا المخزون من الروعة والابداع

لن نبرح هذا الحلة فنحن نستطيع معك صبرا
وسنبقى هاهنا حاضرين فأحكى لنا

[المبارك ود إبراهيم]

اليوم نزلت ضيفا عليكم حبينا نقول للحبيب أبو عمرو نحن هنا بينكم جئنا نحمل الفل والياسمين لأرض الجزيرة الخضراء جئنا لأناس نعرفهم ويعرفوننا لك ودي ودمت بخير.

[ابوخالد]

حكاوى الحلة جات يلا تعالو إتلمو

ابوعمرو البديع الليلة جاب العندو

أقعدوا إتحكروا أنحنا الكلام راجينو

من زمنآ بعيد أبوعمرو نسمع عنو

نجم العام قليل يستاهل اكتر منو

خاويت جلالة وودالجزولى طربتو

قوقل فى الضهارى نحنا ده الكايسنو

*******

أخى / ابوعمرو ....

لك المساحات مد البصر ... فأمتع ارواحنا بما تجود

به علينا ... ومحكرين وقاعدين ....

وعودآ حميدآ .... ومقامآ طيبآ

[بت مارنجان]

انا جاية برااااااااااحة أجر كرسيني وأقعد واستمتع ,,,

[أبوعمرو]

والله حمدلله ع السلامه آلاف يانجمنا


دى أمريكا والأجر على الله :eek:


الرائع دوماً


بسياقه وصياغه


الذى يُعجز عن التعبير والوصف


الله يديك العافيه


همسة أمل:



فى إنتظار أن تعيد سيناريوهات حكاوينا القديمه ال جرفا السيل

النجمه المتوهجة:
وعد مني: كل الهمس كل الانفاس كل الاحاسيس في الحله علي هذه الصفحه

[أبوعمرو]

حمدالله على سلامة الرجوع أخوي أبو عمرو:)
قوقل إيرث طوروه بقى للدرجة دي ؟:confused::eek::p تكنولوجيا:p
مرام الجات... الله أسلمك
ولسه قوقل ماشي متطور... كل آفه ولها صرافها.. العالم متجه نحو الشفافية... وناس الحلايف ديل حقهم راح.

[أبوعمرو]

التحية لك ابوعمرو

و في انتظار بقية الحكاوي

لي صديق عزيز اخوه في مدني كل يوم الحيطة وقعت السقف عايز ردم
قام هد البيت كله و بناه عقد
برضو اخوه رسل ليه تاني قال ليه الحيط على الشارع وقعت بعد ماجات مطرة قوية
صديقي رسل حق تصليح الحيطة و جاته اجازته نزل السودان من غير ما يكلم اخوه ده
و قال لي لقيت نفس الحيطة اللي بنيتها
قلت ليه وين الحيطة اللي وقعت
اخوه قال ليه الحيطة دي ما نحن زاتنا
المحترم العقاد
حليل زمن الاغتراب ... الجماعه بقو أعملو مس كول.

[أبوعمرو]

نجم الشولة صبُّ نزيلو
والقلب فاقد الفدغ المزنّد تيلو
قمر السبعتين وجهك ضوّا فوق جيلو
يا مولاي بعد الحال أضوق عسيلو
يا ابوعمرو الف حمد الله السلامة يا حبيبنا
يازول أنت وين؟
الطاقية بتاعتك دي ليها حكاية ... تابع

[أبوعمرو]

الزول دا كان وين وجاء من وين
وكان ماله زول يفهمني حاجة
انا زاتي حمد لله علي السلامه مع الجماعة
السترة والفضيحة متباريات اخوي
انحمد ليه ساي
بس لقيت قوقل شنو قلت لي
رهيب والله رهيب
يسلم قلمك
وبالله عليك تاني ماتمشي
انت قاعد تمشي وين
أم كبس(بت السويد)... لاحول ولاقوة إلا بالله... مشيت بعيد خلاص... ما تجينا راجعه (شقراء)
مرحب بيك في الحله وهلا بكل السويدين معاك

[أبوعمرو]

بصمة وصولك جابتنا ليك


نحجز مكانّا .. منتظرين خط يديك



عودة الأستاذ / أبو عمرو .. تباشير فرح بجيّة خريف الكتابة
و إخضرار كل الأماني الطيبات



عوداً حميداً يا رائع .. وفي إنتظارك دوماً تجدنا نمني النفس بإبداعاتك

الرائع احمد عمر
كتر خيرك .. ولكم منا كل سيانريوهات الحله والسوداني الأصيل

[أبوعمرو]

[QUOTE=agibmisbah;355551]ابو عمرو

حينما تأتى تأتى معك البشريات بمطر وفير

وضرع البقر مليان لبن يكفى الضيفان والجيعان

حبابك يا زول يا وريف

ومعاك من لوس انجلوس وقروش الحرات

وقوقل ما قصر والله

مواصلين معاك


[عمنا العاقب المصباح
متابعتكم للحكايا سبب وجيه للاستمرار في الكتابة ... لك من كامل التقدير واتم الاحترام/QUOTE]

[أبوعمرو]

حكاية من حلتنا(2)
* حمد لله علي السلامة.
# الله إسلمك ... الشفع ناموا؟
* ناموا آسه؟ من المغرب نائمين... انتا دايرن أكونو صاحين لحدي الساعة 12 بالليل؟؟
# الزمن سرقنا والله... كل ما أقول أقوم من الكشتينة الجماعه أحلفو علي!!!
* الله انعل أبو الكشتينة ... اليوم كلو كشتينه ... وبعدين يا (الفاضل) أنت زول في إجازه... كلها خمسه وأربعين يوم تقعدا مع أولادك ولا تحرس برش الكشتينة مع العطالا ديل؟
# معليش يا (صفية).. الواحد برضو مطول من الأصحاب... والله انا آسه كرعي إتعقلت وضهري عصعص من القعده... كدي الله أهديك شوفي لينا مسوح نطلق بيهو الضهر ونشيل التعب.
دخلت صفية الي غرفه النوم... وتركت الفاضل مستلقيا علي السرير في الحوش.. وتناهي الي سمعه صوت قرقعه الفتايل الزجاجية من داخل الغرفه ... ولم تمضي دقائق إلا وقامت صفيه بواجباتها وهي تفرك يديها من تلك العجينة السوداء ،وهمهم الفاضل بعبارات تشبه الإعتذار انه يشكو تعبا وان قادم الايام فيها متسع لممارسه الحب.
وهكذا سارت الايام بالمغترب الفاضل... ينهض من النوم متثاقلا ... يتناول الإفطار والقهوة ... ثم يتوجه الي ديوان الماحي للكشتينة ولا يعود إلا للغداء... وعند العصر يتابع التمرين اليومي لمنتخب الحلة الذي يستعد للتصفيات وفي المساء هنالك موعد آخر مع ديوان الماحي حتي الساعة الثانية عشر ليلا... ثم يخرج مع صديقة ودالعمده كل نحو منزله حيث تنتظر الزوجات ويكثر التأفف وتقل تلبية المطالب.
* انتا آ الفاضل أخوي... والله النسوان ديل نتحل منهم كيف ماعارفين؟
# بسيطة آود العمده... تعمل زي كده؟؟
* وانتا قاعد تعمل شنو آشقي الحال؟؟
# شوف آخوي ... المرأة أصلو ما تغلت عليها... أهلك العرب قالو (المرأه بتشحم من أضنينا)... يعني بالكلام السمح بس.. بعد كده الفعل ما ضروري... الايام راااااقده.. الدنيا طارت!!
ويبدو ان ود العمده قد راقت له الفكره ... وبدأ في تطبيقها في الحال ، إلا انه كان يمتلك زوجه صعبة المرأس وفالقة اللسان ، بدأت هذه الزوجه في تقصي الحقائق وجمعت الادله وتوصلت الي أن أبتعاد زوجها عنها سببه الفاضل اللعين واستوثقت من كل ذلك بشهادة (صفية) التي أخبرتها ان كلام الفاضل اكثر من فعله وانه يوعد ويخلف.
جلس الفاضل علي البنبر وهو يتوضأ استعدادا لصلاة المغرب.. عندما دخلت زوجة ود العمده وهي تنوي شرا...
# الفاضل ... حركات السعودية دي شنو البتعمل فيها؟
* حركات شنو؟
# شغل(الجرورة) الدخلتو لينا في الحله دي!!!

[عثمان جلالة]

أبو عمرو ياااخ ما عصرت على أخوانك المغتربين كتير ياااااااخ :p:p:p;);););)

[ميادة]

[quote=أبوعمرو;358685]حكاية من حلتنا(2)
* حمد لله علي السلامة.
# الله إسلمك ... الشفع ناموا؟
* ناموا آسه؟ من المغرب نائمين... انتا دايرن أكونو صاحين لحدي الساعة 12 بالليل؟؟
# الزمن سرقنا والله... كل ما أقول أقوم من الكشتينة الجماعه أحلفو علي!!!
* الله انعل أبو الكشتينة ... اليوم كلو كشتينه ... وبعدين يا (الفاضل) أنت زول في إجازه... كلها خمسه وأربعين يوم تقعدا مع أولادك ولا تحرس برش الكشتينة مع العطالا ديل؟
# معليش يا (صفية).. الواحد برضو مطول من الأصحاب... والله انا آسه كرعي إتعقلت وضهري عصعص من القعده... كدي الله أهديك شوفي لينا مسوح نطلق بيهو الضهر ونشيل التعب.



ده حال بعض الرجال لما يرجعو يكونو مشتاقين للونسة مع الاصحاب اكتر من البيت


تسلم ابو عمرو على السرد الرائع ... وواصل

[أبو الخاتم]

الغالي الحبيب (سلام قولاً من رب رحيم )
ليك سلام تاني ..
و إنت عارف أنا بحبك
ولا ماك عارف بالمرة ...


والله |أتحفتنا ليس هذه المرة فحسب
بل مرات قبلها ويبدو أن الجايات
أكتر من الرايحات أو كما قال جحا


امتعتني بقصة الجيلاني واللوتري
والفاضل وصفية والعجينة إياها


تقبل مروري ،،،

[أبو الخاتم]

الغالي الحبيب (سلام قولاً من رب رحيم )
ليك سلام تاني ..
و إنت عارف أنا بحبك
ولا ماك عارف بالمرة ...


والله |أتحفتنا ليس هذه المرة فحسب
بل مرات قبلها ويبدو أن الجايات
أكتر من الرايحات أو كما قال جحا


امتعتني بقصة الجيلاني واللوتري
والفاضل وصفية والعجينة إياها


تقبل مروري ،،،

[أبوعمرو]

(1)
في نهار غائظ سموم وكتاحه ... تشاجر الاطفال.. بعيدا عن رقابه الاهل ، أختلفوا حول (البلي وحجاره البطاريه والضراب الحديدي) علت الاصوات أولاً ثم تتطور الأمر لاشتباك بالايدي والارجل وتمزيق للعراريق الباليه... الاهل يغطون في نوم عميق في الرواكيب بعد فطور بائس لا يوازي مجهود (الضحوه) ولايسند (الضهريه)....
النساء يجتهدن في توفير وجبه الغداء (تلاقيط) طالما قام الزوج بتوفير (المؤنه) بالمخزن.
خيم علي الحلة صمت رهيب لم يقطعه سوي تقاذف الاطفال بالعبارات النابئه ...وسؤال فلكي يدور في الاذهان واجابه آمله:( نعم لن يدوم هذا الحال) ... البشتنه فينا كائن يمشي علي ساقين .. التأقيت حالنا والأمل في الغائبين .. ما بال الغائبين تغير حالهم ؟؟.. فالجيلي غاب عن الحلة أربعه شهور عاملا بأفران المدينه وعاد بجهاز موبايل وبنطلون جينز ولم يصلح حال الاسره بشيء .. اما أخاه الاكبر بالسعوديه فتعب من كثره المرسال (للاب والام والاخ والخاله والعمه والحبوبه ..... وصار أضحوكه لغربته الطويله والرصيد الخالي.
الطفل الزين ود موسي صاحب ميول إجراميه ونزعه تملكيه غابت عنه عين الرقيب في زخم الحياه فصار مصدرا للازعاج ومعبرا للخلاف بين الاهل ، والده ساخط ومسخوط لا يعجبه الحال ولا يسعي للتغير ....
آه يابلد....
في ذلك النهار الغائظ قام شقي الحال الزين ودموسي بفلق الطاهر ودابراهيم كان والد الزين مستلقيا علي ظهره في الراكوبه علي عنقريب (القد) متجردا من الثياب الا من خرقه صغيره تستر عورته سمع ضجيج الاطفال في الخارج وفجأه أقتحمت عليه والده الطاهر المفلوق الركوبه :
# أنت نائم هنا ما جايب للدنيا خبر!!
: الحصل شنو يا وليه؟؟
# قوم شوف ولدك (فلق) ولدي الطاهر
: معليش حصل خير ما بكررها تاني
# معليش بس؟ يعني ما بتدقو؟؟
هنا تنفس والد الزين وتنهد .. أدقوا ليه؟ أنا وديتو الحضانه؟ مشي الروضه؟ قريتو في القبس؟ حصل جبيت ليهو بتزا ولاتفاح؟ ياوليه مش كويس أنو ما دقاني هو ذاتو.

[أبوعمرو]

حكايه من حلتنا (2)
الكنبوفي حلتنا وعموم قري الجزيره يعني مجموعه من الاشخاص يسكنون تخوم القري ويعمل غالبيتهم بالزراعه..... مشاركهً مع الملاك أو بالاجره ، أشتهر هولاء السكان بالتقوي والورع والصبر علي نوائب الزمان بالاضافه الي الشده والقوه البدنيه، ووسط هذه المجموعه غالبا ما توجد فئه تبيع (المريسه) يستخدمها الاهالي كمشروب مغذي ومقوي ، أما ناس حلتنا والمنفلتين منهم فقد وجدوا في الكنبو ملاذا لغدر الاقارب ومرتعا للمتعه الحرام، ففي ذلك الصباح الصيفي الغائظ وعندما كان (العاقب) في انتظار صديقه (أبوعلامه) للذهاب للحواشات تذكر انه قد نسي البصل (مزه المريسه) وعندما عاد بالبصلتين وجد أبوعلامه ممتطيا حماره المكادي آكل (المسكاب) ، سار الصديقان في طريق الحواشات اليومي وكانت الحمير تحفظ الطريق علي ظهر قلب حتي دون ان ترفع راسها:
# ها زول هه أنا مانسيت ريالي حق الشراب
: آجني ما تخاف ريالي بشربنا
ساد الصمت بين الندمين وكل واحد منهم يمني نفسه لو يقدم معروفا للآخر فالعلاقه بين السكاري ذات شرف ويحكمها برتوكول خفي مجهول التوقيع ، كان في خلد كل واحد منهم سؤال (من نحن ؟ وكيف اتينا؟وما هو مصيرنا؟ وأي غدا ينتظرنا؟وماذا يقول عنا الناس آباندقون ديل؟ وكانت هنالك أجابه معروفه:
(يازول افقش بصلتك واشرب جردلك وربك كريم )
والغريب في الامر ان الواحد منهم عندما تأخذه العزه ويشعر بالذنب مما يفعل يعزي نفسه :
والله أرجل مننا مافي ! لا أكلنا حق زول ! ولا سرقنا ولا زنينا ما زي ناس فلان : الله أخيبوا ويتمايلان من الضحك
بعد نهايه العمل جمع الصديقان اسمالهما الباليه وتوجها بنشاط نحو الدواب ...هنا تبدأ المتعه وتنتهي الاحزان فالطريق الي الكنبو يشبه الطريق الي موسكو ، وفي منتصف الطريق ما بين الكنبو والحواشات توجد مساحه فضاء شاسعه لا يوجد فيها سوي شجيرات شوكيه صغيره وهنالك روايه في الحله ان هذه المنطقه(مسكونه).
في منتصف هذه المساحه الفضاء تفأجا الصديقان بشخص مهيب يلبس ثياب بيضاء ويبدأ الوقار والصلاح علي وجهه توقفا مبهورين من أين أتي هذا الشخص؟ وكيف يسير هادئا رابطاً في هذه (الفنقه)... أدرك الشخص حيرتهما فبادرهما بالسلام :
# السلام عليكم
#وعليكم السلام
ياخوانا عندكم شنو تدوني ليهو لوجه الله؟؟
أنزوي الصديقان وبدأ يتهامسان:
: الزول دا والله أنا لاوزت منو
# ها زول ماتخاف والله أنا عندي احساس غريب
: حاسي بشنو .. كلمني
# الزول الفي خلا براهو دا إكون ...نبي الله الخضر
: والله كلامك صاح .. الزول دا وشو ما وش شحده .. نقوم نديهو ريالنا الواحد ده
# أهـ لكن المرأه دي ما بتدينا المريسه لكن نحاول معاها نحن زبائن.
أستولت فكره نبي الله الخضر علي الصديقين وقاما بطيب خاطر بتسليم الشخص الريال وهما يطلبان منه الدعاء والصلاح ، ثم توجها نحو الكنبو يأملان الهدايه ، وفي مدخل قطيه الشراب وعندما دلفا الي داخلها وللمفاجأه وجدا صاحبهما الذي كان علي الطريق يجلس علي بنبر وأمامه جردل طفح زبد المريسه منه وممسك ببصله بيده اليمين وهنا هتفا بصوت واحد:
ها زول هه آبتشـــــــــــــــــــوف خضرك؟

[madniman]

رائع والله ياابوعمرو

[أبوعمرو]

حكايـــــــــــــــــــــــــه من حلتنـــــــــــــــــــــــــــــــــــــــا(3)

عندما علا مكبر الصوت بالاذان للمره الأولي في الحله غشيت الرهبه الكثيرون ، كان الآذان في السابق بصوت الشيخ(ودالهادي) خافتاً وكأنه موجهه لفئه مختاره من السكان ، عدد معلوم من الناس يحرصون علي الاوقات الخمسه بالمسجد دون الحاجه الي تنبيه أو نداء ... أما بعد هذا (المايكرفون) أصبح النداء عاما لايمكن تجاهل دخول الوقت أو التظاهر بالقول....أها جماعه الصلاه ما فاتتنا
الله آكبر .. الله آكبر
(صلاه المغرب)
.. حمل كثير من الاهالي (الاباريق) وشرعوا في الوضوء وبعض منهم كان الوضوء للمره الاولي ودخول المسجد غير الجمعه، حتي أن (دقاش) الذي كان يقيم صلاه المغرب أمام داره نتيجه لخلاف شخصي بينه وبين الامام توكل علي الحي الدائم وقرر الذهاب للمسجد استجابه لمكبر الصوت ، كان (دقاش) تقيا من غير علم يحلل ويحرم استنادا لتجارب شخصيه ... يوزع المواريث وفقاً للوضع الحالي لابناء المتوفي... فميسور الحال من الابناء يأخذ النصيب الأضعف ويفسر (دقاش) ذلك بأن لا حوجه له وان نصيبه أولي به أخيه (المسكين دا)، ففي احدي صلوات المغرب أمام داره فوجئ دقاش بضيف بين المصلين من عشيرته فتوجس خفيهً لاسيما وان الضيف كان ملتحيا ودقاش قراءته للقران (إجتهادا) ، توكل شيخنا وقراء الفاتحه بقدره قادر وشرع بقراءه سوره العصر .. وتتعتع .. وتمتم وقرأ:
: علا الذين أمنوا وعملو الصالحات .. وهنا سمع صوت من الخلف
إلا الذين آمنوا وعملوا الصالحات .. تعجب (دقاش) وعلم أن الضيف يحاول تعليمه القراءه الصحيحه وبحماقته المعهوده اعتبر الموضوع شخصي فقرأ مره أخري:
: علا الذين آمنوا وعملوا الصالحات ، الا أن الضيف قام بتصحيحه مره أخري فما كان من دقاش الا أن قطع صلاته وقام بسحب (البروش) من تحت المصليين غاضبا وهو يهمهم :
يلا..يلا (لا .. إلا .. ولا.. علا .. ماداير زول تاني أصلي هنا). وذلك وسط دهشه المصليين. فهولاء المطرودون من بروش دقاش وجدوا في مكبر الصوت دعوه من المسجد.
(حاج علي) كان من اعيان الحله يمتلك عدد ضخما من الماشيه لا ينام الا وبجانبه عجل رضيع نفقت والدته في الولاده أو (سخل) لم يدرك الطريق لضرع أمه ، كانت الماشيه حياته وكانت لحظة (حليب البهائم) تمثل حصاد اليوم الإقتصادي للأسرة، فبهذا الحليب تحل جميع المشاكل (بيع اللبن بالجركانه - بيع السمن - الروب - العشاء .... الخ) .
ففي ذلك المساء الصيفي وعندما أرتفع مكبر الصوت بنداء الشيخ ودالهادي جفلت البهائم ، نظر (حاج علي) ناحيه المسجد فوجد (ودالهادي) معلتيا سطح المسجد ممسكا بالمايكرفون أحمر اللون وهو يتوجه يمنةً ويسرا فذهب ناحيته وهو ممسك (بالمحويت) والشرر يتتطاير من أعينه، ترجل ود الهادي من علي سطح المسجد بواسطه السلم الخشبي فوجد (حاج علي) بانتظاره:
: ها زول ها ....الداهيه دي جفلت البهائم
* أهـ يا حاج علي دايرينا نخلي ليك الاذان ولا شنو؟
: ود الهادي خلي حسادتك دي .. انتا عارف دا وقت الحليب
* لكين أسوي ليك شنو دا كلام ربنا ودا ميقاتو
: شوف تاني يا تأذن قبل الحليب ولا تنتظرنا بعد ما نحلب!!!!
كان (حاج علي) جاهلا تماماً بأمور الدين معتقدا أن وقت (دره البهائم) للحليب يجب أن تؤجل لها حتي الصلاه ، وقنع أن ود الهادي قد أقتنع بحديثه ، الا أنه فوجي بصوت ود الهادي في اليوم التالي يأتي من أعلي الجامع:
حي علي الصلاه .. حي علي الفلاح
هنا أستشاط حاج علي غضبا وتوجه نحو الجامع وحمل السلم الخشبي ووضعه في الزريبه وهمهم:
آه ياود الهادي شوف ليك طريقه أنزل بيها.

[أبوعمرو]

حكايه من حلتنا (4)
عندما طرق (لؤي) باب الفصل للمره الأولي راواد الجميع الأحساس بالانتعاش والراحه ..فهذه المره الأولي التي يدخل فيها العطر الي (سنه خامسه ابتدائي) ، كان نظيفا انيقا حليقا ...يرتدي الرداء (الكحلي) والقميص (اللبني )وينتعل جزمه تعلوها الجوارب ، عموما كانت الطفره كبيره في التحاق ابن الباشمفتش بهذا الفصل الموغل في القرويه .
أسمك مين ياشاطر ؟
* انا (لؤي) ياستاذ.
تنهد استاذ (بشير) باعجاب واسي في نفس الوقت .. وهو ينظر لذلك الاناء المغلق باحكام محتويا فطور (ابن الباشمفتش).
تلفت (لؤي) يمنه ويسرا واحتار في مكان الجلوس... فكلما نظر الي كنبه أفسح له الاخرون مكانا للجلوس طامعين في الفطور وآملين في الصحبه .. نظر الي نهايه الفصل حيث توجد (كنبه سته).. هنا يسكن الاشرار كما حدثته والدته .. هنا يوجد الاشقياء أصحاب الاجساد الفارعه والعقول الخاويه فمنهم يخرج (الالفا- وماسح السبوره - وعامل الرتينه للمذاكره وأولئك الذين يبرعون في شد الذين لاتقوي اجسادهم علي لسع العنج).. يتخرجون من الصف السادس مباشره للحياه.. في الصف السادس فقط تنتهي قدراتهم العقليه .. كانوا ينظرون الي الفتيات في الفصل بنهم يعجز زملائهم الصغار عن فهمه .. بقدر الامكان يزاحمون الفتيات في مدخل الفصل باحثين عن لذه لم تتبلور بعد.
: أسمع ياجنا لوي اتا في مجموعتنا علينا الكنس يوم الاثنين تجي بدري.
* ياجماعه انا ما ح اقدر أجي بدري لانو بابا الصباح بكون شغال
: خلاص ياخوي في الحاله دي انا بقش ليك .. لكن تدفع ريال ..
كان الابتذاز في المدرسه الابتدائيه مستشريا وخصوصا ان كان الطالب من ابناء الذوات ففي هذه الحاله ربما تعيش عليه اسره كامله ويكون التلميذ محظوظا ان كان لديه شقيق في الفصول المتقدمه لتوفير الحمايه.. مع ملاحظه ان ابناء الذوات هم اللذين يملكون في الحد الاعلي لوري هوستن أو تركتر .. أما الذين يملكون (بوكس) فهولا اقطاعيون.. وبالرغم من ان ابناء الاثرياء (أولاد الراحات) هؤلاء يحاولون جاهدين أخفاء النعمه طلبا للستره ومنعا للطمع وتوفيقا للاوضاع الاجتماعيه الا انهم كانوا يفشلون.
* يمه أنا البنطلون والقميص ديل ما بلبسن
: لشينو ياولد ديل جداااد ...جابن ابوك من الخرتوم
* يمه .. لكن كدا الاولاد بقولو لي (حليو)
نعم كانت الغبشه والشده والخشونه هي ديدن الزمان والخروج عن هذا النسق يوقع في دائرة المحظور.
* يا أستاذ انا والله ما هرجلتا ..
: يا لؤي اسمك مكتوب مع المهرجلين
* الالفا قال لي تجيب ريال ولا بكتبك مهرجل
وقد ندم هذا التلميذ المنعم علي افشاء هذا السر طيله فترته الدراسيه ، كان يظن ان باخباره اداره المدرسه بهذه الاتاوات .. ان الامر ينتهي عند ذلك .. إلا أن ( ود ايوما) أتي بمن يشهد أن ود المفتش كضاب وكلاموا كتير وكانت النتجه أن أرتفعت الاتاوه من ريال الي ريالين ، ريال في الصباح .. وريال في درس العصر لذلك لاذ بالصمت.
* انتا يا ياودبلال بسكله لوي دي فيها شنو؟
: ها زول ها .. والله قال ليك فطورو.. بيض .. سمك .. ورغيف .. الجنا دا نهائي ما ضاق كسره.
* لا .. ظاهر عليهو .. والله الكسره دا عملت لينا وجع مراره.
ومنذ ذلك اليوم أرتفعت الاتاواه الي ريالين زائد بيضه مسلوقه يوميا.

[أبوعمرو]

حكاية من حلتنا(5)

* قلت لي نزلت وين؟

# أنا شفتها خشت بي شارع الفرن وسألت بعد داك .. ودخوجلي وصف ليها علي بيت ناس ود الحسين!!

* لا خلاص بتكون نزلت عندهون .. أصلو الجماعه ديل عندهون أهل لي قدام!

وهكــــــــذا حلت (ربيعه) ضيفه كريمه علي الحله ، تصادف وجودها في سوق المدينه وهي تتسأل عن مواصلات الحله مع بعض الشبان فعلموا ان (البلد أندخلت) بدخول صنف عالمي غير متاح محليا ، لفتت الانظار بعدم أرتداءها ثوب نسائي أو عباءه ، كانت ترتدي فقط أسكيرت أسود وتي شيرت (بودي) حيموري اللون وقد تحفزت مفاتنها وتكورت مع تلك التعرجات لاسيما عندما تتجاهل رفع الطرحه فوق ذلك الليل البهيم الذي حل فوق رأسها وتموج وتتحدرج ليستقر مسترخيا فوق ذلك النتوء الذي وصفه ودالشائب بأنه يشبه (الكديس في الشوال).
: ياخوانا والله جنيتو ساااااااااكت الزوله دي لاسمحه لاحاجه
* محمود .. محمود استغفر ...الله اسالك ما سمحه؟ .. لا يعني السمح منو..
: بس عشان اللبس المحبزق ده .. أنتو والله حالتكم صعبه .. (التوب المشرور في الحبل أعمل ليكم حمي)
* يازول لبس شنو الضيق بس؟ والله ما طالبني حليفه أنا قعدت وراها في البص الجاي من السوق بالله الذي لاغيرو (التوكه) المربوط بيها الشعر (تهبر) زي القلوبيه كل خمس دقائق .. الشعر غزير خلاص
# لا .. كمان .. يعني .. حكمتو بالغه .. وناسه وظريفه وراقيه وبتقرأ في الجامعه
* ياخي ودالنصيح كمساري البص حلف ما اشيل منها .. وشوف التافه كل مره أقيف قدامها وأطقطق اصابعينو للمرأه القاعده جنبها هههههه
# ود النصيح قالو رجع البيت ولم في مرتو كسر بالعكاز قال السبب شنو (الكسره خميره) هههههههه
ياخوانا حلتكم صعبه خلاص.. كلو ما تجي ضيفه الرجال اتونسو في الدكاكين لحدي الساعه 12 بالليل واخشوا البيوت زي الحراميه.
هكـذا تم استقبال (ربيعه) كانت بحق رائعه وحلت في مكان بور فزاد الألق .. وتقاطرت عليها عزومات شاي المغربيه وكثر الماره بشارع منزل ود الحسين طمعا في نظره وتكسر الشبان حول الضلله المحيطه بالمنزل.
(( ياربيعه .. يا بتي .. انا خالتك ومره عجوز وعشت في الحله دي ساتره حالي .. دحين .. كان مرقتي براه البيت البس ليكي توب .. الناس ما يأكلو لحمنا .
" ما في مشكله ياخالتو
والغريب في الامر عندما توشحت ربيعه بثوب الهزاز فطرت القلوب وادمعت العيون حيث اصبحت مثالا للنموذج المحتشم المطلوب .. زانها الثوب وقارا ولم يسلبها هبه الخالق فاصبحت مثل زجاجه البيبسي المقلوبه :
* اتا .. آراجل .. لي ساعه منتظراك لقروش اللبن بتتحاوم وين؟
: ياوليه .. مشيت لودالحسين داك طالبني قروش وديتن ليهو
*القروش لقيتن وين .. وبعدين مسؤل من الخير .. ودالحسين طالبك ليهو سنه ونص .. بس إلا توديهن في اليومين ديل؟.. وبعدين انا حافظاااك .. الضيفه دي قالو سفيها
: والله سفيها انتي وسفيها أختك (أم النصر) وأبوك السكران اليوم كلو

[أبوعمرو]

حكايه من حلتنا(6)
:
السنه دي والله .. الله استر .. الخريف كعب تب
* يازول .. ربك رب الخير ما شقا ليهو حنك ضيعو
: تذكر زمان الخريف كيف؟ يمين بالله المطره فوق المطره .. وقدام الحله بيت ناس (الاسيد) داك القش أغطي الحمار
* الزمن اتبدل
لموسم الخريف ياسادتي في الحله طعم خاص .. ياتي مع بواكير الزراعه المرويه فيغطي الهمبريب الجو .. يعطر الدعاش كل المساحات ويلفح الرزاز الوجوه المتعبه ، وفصل الخريف بتقسيماته المختلفه ابتداء بالتريه مرورا بالنتره والجبهه والضراع والخرسان والسماك والعوا فصل للتكاتف وهزم النوائب (نفير الحش) .. فالذي تحاصره الامطار ولم ينظف الحواشه من الطفيليات فأن النفير علي اتم الاستعداد في (الصبنات) وهي الفتره مابين المطره والأخري والتي تمتص فيها الارض جميع الماء، لا مجال للونسه أو الفارغه :
:أنكرب آزول .. كدب كدب
* آجنا وين بلدك .. اسبوع ماشفناك
: آزول والله حالتي بالبلاء .. ضحوه وضهريه .. يدي بققن ... وضهري نشف ..والله كان ما مسوح الحاجه كان ضهري انقسم.. الواحد داعك اليوم كلو.. إلا تبقي علينا (حكايه حمار الدويم)
و(حمار الدويم) هذا ياسادتي .. من النجمه يظل يعمل في نقل الماء بالبرميل بين الاحياء حتي منتصف النهار (لتوقف البئر عن العمل) بعدها ينتقل لمهنه اخري وهي نقل التراب بواسطه (القليبه) حتي موعد صلاه العصر ، بعدها مباشره يتم شد الحمار للخلاء لاحضار (قش البهائم) ليعود قبل المغرب بقليل لتوزيع (اللبن) حتي العاشره مساء في القري المجاوره ...ويحكي شهود العيان ان هذا الحمار المسكين فكر كثيرا في الهرب إلا ان الفرصه لم تتاح له أصلا نتيجة للعمل المتصل .. ولم يجد فرصه إلا عندما كان علي ظهر (البنطون).. ويحكي الحاضرون .. ان الحمار بكامل عتاده وبملء ارادته قفز في البحر منتحرا منهيا عذابه المتصل.
: مع المطر المافي دا .. بكره .. بإذن الله .. نشد البليله قدام الحله
* مافي حل غير كده .. وبعدين أنا بكلم الشيخ ودا المأمور إقفل عليهو الخلوه .. وإقرا للصباح.
وهكـــــــــــــــــــــذا أجتمعت الحله عن بكره ابيها ، اشعلت النيران من روث البهائم ووضعت عليها القدور كالحه السواد وتتطايرات حبيبات الذره في الهواء وتليت النذور وتعلقت الابصار والقلوب بالسماء.
رويدا .. رويدا ..بدأت (الكتمه) .. ثم (الزنده).. ثم (السكون) وتوقف حفيف الاشجار... وأنفجرت السماء وانفرجت الأسارير .. مرت الساعه والسماء تغازل الارض بالمطر الغزير .. ثم توالت الساعات .. الثانيه.. الثالثه .. الرابعه .. وبدأ الهلع يكسو الوجوه .. ثم بدأ صراخ الأطفال .. وسمع صوت بعض الحيشان وهي تتهاوي ...و
: آجنا ... أجر .. أجر .. أفتح خلوه ود المامؤر ... قليهو نزل يديك .. البيت داير اقع فينا.

[أبوعمرو]

حكايه من حلتنا

* الليله بنجضك .. بكتلك بـ
* الليله .. علي القسم .. بطير ليك في حلقومك
: آزول بجاضي مالك .. في شنو
* اتا أمس ما سديت طاقه بيت الحمام .. الكديس..
: أوع تقولي خش علي الحمام
* خش شنو .. الكديس ما عدمنا الحمامه .. ما خلا غير (كيري) أبو شرابات..الفريخات جوا البرمه أداهن عضه عضه.. بس تغرم لي حمامي يا(الناير) بس
: لكين يا (حميد) أغرمو ليك من وين أنا أمس كردوني في البلي .. إلا جيت راجع البيت بالكيس والضراب
هكذا دار الحديث صباحا بين الشقيقين اللذين لم يتجاوزا العاشره .. عندما فرك (حميد) عينيه صباحا لم يصدق حجم (الريش) الذي تتطاير وتناشر في الحوش .. أدرك بنظره واحده ان القط الملعون قد ضرب ضربته ولم يترك مجالا للاستدراك .. لم يعطي(الناير)فرصته لمعالجه النسيان وقفل تلك النافذه الصغيره بقطعه القماش.
وتربيه (الحمام) يا سادتي في حلتنا وعموم قري الجزيره .. نشأت مع نشأه المشروع واستطونت الطيور الاليفه والداجنه منها بالمنازل ولاسيما الحمام والدجاج ، أستعمر الحمام الرواكيب واسطح المنازل فتناثرت الجرادل والصفائح بينما استقر الدجاج بالقرب من البشر يأكل ما ياكلون ويشرب ما يشربون ويتوالد أمام اعينهم وخلف جولات الذره وبعض الدجاج يتوالد بمخازن القصب أما حياء أو هربا من طفل شقي الحال لا يري بيضه الا تمردغ وتمارض ولفظ الكسره.
:يمه المسيني .. أنا عيان
* مالك آجنا ميرود
:جسمك التلج .. ما عندك شي
* أمي والله عيان .. آسه الكسره ضايقا حنضل
: تكون عندك (مراريا) نجيب ليك الحقن
* لا لا لا ..
: آهه سمح داير شنو؟
* داير بيضه
: إتا ... انا ما خابرااااااااك مباري الجداده من الصباح .. أكل الكسره دي .. التكسر رقبتك.
ومن مفارقات الحال ان اللحوم البيضاء ومنتجات الدواجن والتي هي غذاء للشعوب الفقيره وتاتي في المرتبه الثانيه بعد اللحوم الحمراء ، إلا ان اللحم (الابيض) أستعصم علي ساكني الحله ويأتي فقط لفئتين من الناس ... المريض الذي (أبي العيش) أو ضيف كريم حل بصاحب الدار دون سابق إنذار أو كما يقول الشيخ كركاب (بعد نجمتو غابت) ولا احد يعلم بنجمه الضيف هذه ولا ميعاد إيفولها .. وهنالك صنف آخر من الضيوف وهم (المداح) وهولاء امتهنوا أكل (الديوك) فتوردت خدودهم ونعمت أجسادهم .. وكثير من ناس الحله فطن لهذه المهنه وما تدره من وجبات شهيه اضافه لكثره الترحال فامتهنو (المديح) هربا من جحيم الكسره وملاح الروب والشرموط ، ومن هولاء الذمره (ودالنعيم) ذلك الشيخ الضرير والذي يجوب القري بحماره وطاره يرافقه حفيده (للقواده) ... وود النعيم هذا لديه(ديك) مميز في كل قريه يحل بها ولا يرضي باقل منه ويتبع ذلك ان يطلق لحنجرته العنان في الليالي القمريه أو علي ضوء الرتينه عندما يغيب القمر، ويحكي الظرفاء ان ود النعيم يرفض تماما مشاركه أي شخص في هذا (الديك) وشمل هذا الرفض حتي حفيده الذي يقوده ، وقد سئم هذا الحفيد من هذا اللؤم والنكران فهو الذي يقود جده من حله الي أخري وهو الذي يملأ الأبريق ويفرش (التبروقه) وبالرغم من ذلك لا يخصص له طعام ويكون مكانه مع العوام من الناس ، صمم هذا الحفيد الشقي العوده بجده للحله دون ان يخبره بذلك، وقد أنطلت هذه الخدعه علي الجد الكفيف،
:أنزل جدي أتفضل علي الديوان دا؟
* خلاص آولدي نادي علي سيد الديوان عشان أشوف المعلوم.
: سمح .. سمح آجدي
رقد ود النعيم في ديوانه وهو لا يعلم وعندما حان وقت الغداء وضع صحن العصيده بملاح اللوبا وشمر ودالنعيم ممنيا نفسه بقصير ضخم الا ان يده غاصت في العصيده فرفع رأسه مندهشا:
: آجنا .. أت الحله دي وين؟
* دي ما حلتنا يا جدي
: حلتنا تطير في السماء

[أبوعمرو]

حكاية من حلتنا
* هـــــــــا جنا هه .. اللاعب أبشعر دا جايبينو من وين السايب؟عيييييك آنمري!!!
# أسكت آودالأعسر ... الجنا جايبينو من الفاو ... شغال مع الجنيات في المحلج!!
* لا .. لكين .. لعبو كيف؟ مجرب .. ما تدو الشنابله ديل فينا فرصه
# شنابله شنو آزول .. هسه من بدأ الدوري في فريق غلبنا ولا عادلنا ساكت
* انتا نسيت لعبتنا مع أبعتود ... ما طلعت تعادل..
#ماتذكرني ... آزول والله اليوم داك ... الناس ديلك لعبن شين تب .... يا أغلبوك ... يا تتحمل العكاكيز..
* آزول ها ...هي عكاكيز نصاح؟ الناس ديل والله ما شاحدني حليفه .. العكاز التقول بضببهو بجلد تمساح؟
# لالالا .. الناس ديل عندون .. الورل والكباجل
* والله بركه الجرينا سااااااكت
# والله أنا جاري وراي عميكه بعكاز وسوط ... ثلاث نمر ... كل ما أتلفت القاهو وراي ... الناس ديل يعني كان غلبناهم يعني ... كان أسوي شنو؟
* والله انا لبد لي واحد بعكاز جنب باب الاستاد الساعه التفا في يدو ونهزني بيهو ... آزول والله الحرامي أبسوليهو كدي...وبعدين حريقا لاعبنا من جاب القون حق التعادل ... جاري تلاته ترع ..
كان الدوري يا سادتي في الحله ... يفوق الدوري الانجليزي اثاره وشغبا .. اجواء المباره تسيطر علي الحله ... الصغير والكبير ... حتي النساء ...ونحن ياسادتي قوم جبلنا علي النصر ....من الله علينا بلاعبين مهره ... ومشجعين فنانين ... كانت البصات تنطلق عند الساعه الواحده ظهرا صوب المدينه ... حيث الاستاد ... وحيث الباسطه...ثم تتطورت هذه الرحله التي تستغرق الساعه الي رحله فنيه عامره بالطرب الاصيل ...تطريبا وتشجيعا.
ومن بين المشجعين فئه لا يعنيها المنتخب .. ولا تعنيها النتجه ... الهدف من الرحله هو استهداف مطاعم المدينه ... فعند مدخل المدينه ... تسمع الطرق:
# آزول اقيف طائر وين؟
* هووو في زول نازل السوق؟
# اقيف آزول ... مالنا وما ل الكوره ... نزلنا هنا!!
ثم يزدحم سوق المدينه بالقادمين ... ويكثر رفع الجلابيه لاخراج (الجزلان) من العراقي .. ويكثر تثمين الاشياء بغرض ودونه ... ثم ينقرض الزبادي من الثلاجات .. وتدمع العيون من البيبسي أبشطه... وأخيرا تأتي المحبوبه (الباسطه) ...هذه الوصفه لا تؤكل هنا في السوق أمام الحاسدين ... هذا الربع للخطيبه ... التي قطعا سوف تحفظ هذا الجميل!!!
ارتبطت الباسطه بالدوري ... شأنها شأن العكاز المضبب والسوط ... وفي المساء وعند العوده ... كانت البصات تأخذ الدوره حول الحله ... تيت تيت تيت تتت تيت ... وخلفها الاطفال يلهثون ... بعضهم لمعرفه نتيجه المباراة ... وأكثرهم لاستلام ربع الباسطه الوصيه.

[أبوعمرو]

حكايه من حلتنا

* جيبي لي معاك الشاحن
# وين انتا ختيتو؟
* شوفي تحت السرير بتاع البرنده ... وبعدين قفلي معاك باب الشارع!!
# ساعدني شويه ياخوي .. ناري ولعت قائمه عليها!! ودا العشا بتاعك ما تقوم تنوم!!!
* انوم؟ أنوم كيف؟ انا منتظر اللحظه دي من صباح الرحمن ... قالت انوم (انا ابوك يا الطيب).
# هاك الشاحن... وابقي نجيض وافتح الموبايل
(أبوقرن) .. كهل تجاوز الـ 45 عاما .. كان مؤمنا ان طريقه العيش التي يحيا بها الاهالي تحتاج لقرون للوصول الي معني الحياه الرغده..فالزراعه وتربيه المواشي تكفي شر المسغبه ...إلا انها قطعا لاتسمح باستخدام العطور ومركوب النمر والساعه (السيكو فايف) وكل أدوات الجخ الاجتماعي ... بدأ أبوقرن حياته مجتهدا وصابرا أملا في تغير الحال ... طال صبره ما بين الحرث والحصاد ... وما ان يدخل المحصول المخزن حتي تتكالب عليه المصائب (العمليه القيصيريه) ... مرض الوالده .. الحوش الوقع ... ولا تنقضي هذه النوائب الا بعد فراغ المخزن من المحصول .... لم يأخذ (أبوقرن) العبره من ذلك رغم وضوح الدرس ... فانت تعطي من مال قدر ما تحتاج فقط وكل الزياده تذهب لاشياء غير متوقعه وبعيده عن الحسبان... وفي الاعتقاد ان كثير من سكان الجزيره تنبهوا لهذه الدائره الجهنميه التي لا تتسع إلا بقدر الحاجه.
قرر (ابوقرن) التمرد علي اسلوب الحياه الرتيب ... باع ما يملك من مواشي وحواشه حبوبته بت المنقوري ... ثم طرق أبوابا غير مألوفه وارزاقا غير مقسومه .. باع الدقيق وتاجر في الجمله .. وعرف طريق البيع الاجل ودفاتر الشيكات ... كبرت العمامه ولمعت الجلاليب ... واصبح يشار اليه بالبنان بانه من الاعيان... ثم تبدل الحال واتسعت دائره الديون .. وعرف الكسر وبيع الخساره ... المماطله والحليفه بالطلاق ... ثم الزوغان .
قام (أبوقرن) بفتح الموبايل وهو يلعن الشيطان الرجيم ... وبدون مقدمات رن الهاتف . ....
* يا أبوقرن الحركات البتعمل فيها دي شنو؟
# حركات شنو يا خوي؟
* ماعارف يعني؟ موبايلك قافل من الصباح ... ونفتش عليك سما وطا ما لاقنك؟
# لا والله موبايلي فيهو مشكله ... وانا ...
*أسمع يا أبوقرن .. الصباح بدري يا قروشي ولا أمر القبض جاهز
# يا حاج داير فرصه بس اعمل لي ...

* يا ابوقرن كلامي واضح وما فيهو رجعه

تنهد أبو قرن ... تحسس رأسه من الصداع وشعر بكركبه في بطنه فهو لا يملك عشر هذا المبلغ ... خرج من غرفه النوم ... تناول الابريق للذهاب للحمام . .. وفي طريقه مر بحفره الدخان المستعره ... فما كان منه إلا أن قام بسكب ماء الابريق علي الحفره وهو يهمهم:
(الناس في شنو والحسانيه في شنو).

[أبوعمرو]

حكاية من حلتنا

عليك النبي شوف ناس الخرطوم البهائم ديل!!!
# كيفن الكلام دا ... الناس ديلاك متنورين ومتعلمين ... كيف تقول ما فاهمين؟
* أقولك حاجه ... أنا في سوق الكلالكله اللفه ... محل العيش بالطشاتا .. قلت أشتري لي كيله عيش أعملها زريعه ... آها قلتا للجنا أدني كيله عيش ... الجنا اتبوهم ساكت وقعد إعاين لي ... قال لي قصدك ربع ياحاج ... الجنا داير أعلمني الوزن كمان .
# آتا يا العاقب ياها كيلتك حقت المريسه ولا حاجه تانيه؟
* لا ياها ذاتا... لكين يانعوم
# بقيت مثقف والله ... مريستك تجيبا من الخرطوم
كانت (برمه) المريسه تتوسط غرفه قصيه من الدار ... يتم تعبيتها فجرا ... ويبدأ (الغرف) منها من بعد الفطور وحتي المغرب ... ومنعا لإزعاج الاطفال فقد تم تثبيت هذه البرمه في منزل (نعوم) الذي لم ينعم عليه باطفال ولا يملك في هذه الدنيا سوي (عنزه) وحمار وكلبه صغيره الحجم ... كان (نعوم) و (العاقب) يدخلان هذه الغرقه ورويدا رويدا يبدأ الضحك في التعالي ثم الغناء واحيانا يرتفع الشجار وكل ذلك لا يتعدي جدران الغرفه ... حيث علمتهما التجربه ان الخروج بهذه الحاله الي الملأ لاتحمد عقباه ...والمعلوم أن سكره المريسه تختلف عن غيرها من المسكرات المحليه مثل (العرقي)...(فالعراقي) سريع المفعول ... أما المريسه فيبدأ مفعولها بطئيا ويخرج بطئيا لذلك ظهرت مصطلحات (سكران طينا) و (بايتا معاهو) ... الخ.
في ذلك النهار الصيفي ... وعندما شرع (نعوم) و (العاقب) في الشراب... حتي سمعا الثكاليب والعويل... فقد رحل شيخ التوم عمده القريه ... فخرجا مذهولين ونسيا اغلاق البرمه والغرفه ... ودخلت (الغنمايه) الي الغرفه .. وشرعت في الشراب من برمه المريسه .. وعند الساعه الرابعه رشفه (عنز نعوم) أخر رشفه من المريسه .. وحدث الانتشاء واختفي اللون الاسود من العيون ... ثم خرجت من الغرفه وهي تترنح ...و .. و (أي سخيل قابلها بالشارع قامت بإرضاعه.

[أبوعمرو]

الاخوة.. الاعضاء
بعض الحكايات التي جرفها تسونامي المنتدي
ونواصــــــــــــــل

[ابوخالد]

ماعارف أعبر .... صدقنى كل الكلمات الجمعتا

شفتا ما بتعبر عن الدواخل ... وغير مُرضية للنفس....

جمال أخاذ .... عمق فى الكلمة ... روعة فى المعانى ...

جازبية ساحرة تأخذك لآخر حرف .....

فلك كل الشكر لمتعتنا اللامحدودة ....

وفقك الله

[بت مارنجان]

up
up
up
up

[أبوعمرو]

والله قصة تنتزع الضحكة من الأعماق
فعلاً ناسنا مايقدرهم الا قوقل ايرث
مرات يتصلوا عليك ويقولوا ليك العيش أخضاااااااااااااااااااااااااااااااااار
والقمح أخضر وسمح
لكن عاوزين مصاريف عشان نديهو سماد زيادة
وانت تهوش وترسل العندك
بعد ايام يقولوا ليك حصدنااااااااااااااااا
العيش جاب 3 شوالات
والقمح جاب ليهو 4 شوالات ونص !!!
طيب والخضاااااااااااااااااااااااااار القبيل مشى وين ؟؟


ابن أختي لديه صديق عزيز يسكن في قرية مجاورة
وبحكم الصداقة فلقد كان لابن اختنا مخزن كبير فأتاه صديقه وطلب منه ان يحفظ له عيش بالمخزن حتى ترتفع الأسعار
وكانت الكمية 50 شوال
ابن اختي قام بترك المفتاح لدى والده لأن الولد يعمل بالخرطوم
المهم الصديق بعد ستة اشهر اراد ان يبيع العيش
فأخذ ابننا المفتاح وذهب وفتح المخزن وتفاجأ بأنه لايوجد سوى شوالين فقط
اندهش للأمر وذهب لوالده الذي كان مبسوطاً ويلعب الضمنة وقتها
فسأله يابا العيش الكان في المخزن حولتو حتة تانية ؟؟
قام ابوه قال ليهو حتة شنو ياولدي
الكبد والكلاوي والسجوك البتاكلوا فيه كل يوم دا من وين
ما من المخزن بتاعك دا ؟؟
يعني زي صاحبنا دا بغلب قوقل ايرث 10/صفر !!!
النجم أبوحراز
الحلــــــــــــــــــه ولعت بالزياره
وليك علي... من المخزن وبيت الكلاوي
مع تحياتي

[أبوعمرو]

الرائع نجم العام أبوعمرو



هذه الروعة وأنت تغمس اليراع فى مداد الحكاوى
تنداح بها النقاط وترتاح بها الحروف على الأسطر
لا فض فوك، سنين مضت ولم تفغر أفواهنا بالدهشة
بحثنا عنك بالقوقل ايرث حتى وجدناك مع الجيلانى
متلبساً باكتشاف أسرار حلتنا وبثها مباشرة على الملأ
وانت لديك كل هذا المخزون من الروعة والابداع


لن نبرح هذا الحلة فنحن نستطيع معك صبرا

وسنبقى هاهنا حاضرين فأحكى لنا
ود العمده ياهندسه...... فقدناك في آخر الحكايات وها انت تعود.... ومعك تعود كل الحواديت .. شكرا ياباشمهندس

[أبوعمرو]

اليوم نزلت ضيفا عليكم حبينا نقول للحبيب أبو عمرو نحن هنا بينكم جئنا نحمل الفل والياسمين لأرض الجزيرة الخضراء جئنا لأناس نعرفهم ويعرفوننا لك ودي ودمت بخير.
عمنا مبارك(عمنا دي لزوم العمر)
تأتينا بالفل والياسمين ونهديك اللوز والدردم ... والعنكوليب

[أبوعمرو]

حكاوى الحلة جات يلا تعالو إتلمو


ابوعمرو البديع الليلة جاب العندو


أقعدوا إتحكروا أنحنا الكلام راجينو


من زمنآ بعيد أبوعمرو نسمع عنو


نجم العام قليل يستاهل اكتر منو


خاويت جلالة وودالجزولى طربتو


قوقل فى الضهارى نحنا ده الكايسنو


*******


أخى / ابوعمرو ....


لك المساحات مد البصر ... فأمتع ارواحنا بما تجود


به علينا ... ومحكرين وقاعدين ....



وعودآ حميدآ .... ومقامآ طيبآ
سرني والله انضمامك (للحله) وامتعني متابعتك للحكايا ولو كنت أجيد النظم لجاريتك فيما نظمت
شكرا أخي ابو خالد

[أبوعمرو]

حكاية من حلتنا

* يابت ... هووي... ناغمي عمك الطيب للغداء.
# قوم آجنا ... شوف ليك زير ساقط املء الجردل .. وجيب ليك كوز.
* آوليد صلح البرش داك ... خت ليهو طوبه... أنهر الكلب ... (جر جر الجابودي اللعوج خشمك).
ما يميز الحله (الغداء الجماعي) وهي عادة توارثتها الأجيال وساهمت بقدر كاف في اضفاء روح التكافل وقاربت بين ابناء الأسره الكبيرة ، فيجتمع في صينية الغداء ابناء العمومة والأخوان ... الكل يحمل (الصينية) .. ويبدأ الغداء عادةً بالصينية الكبري ويتم نقل بعض الاطباق من الصواني الأخري... وفي يوم السوق ترتفع القيمة الغذائية للصينية وتدخل بعض الأطباق الأضافية وتتنوع السلطات وتكثر التجشؤاءات بعد الإفراط في تناول الفجل.... والمثير للدهشة علي صينية الغداء أن الشخص عندما يبدأ في تناول اللحم يبدأ في قضم اللحمة مره أو مرتين ويترك الباقي للمراجعة بعد نهاية الغداء واحيانا للحاق بما تبقي من اللحمة لأن الإنهماك في كد العظم يفوت عليه الكثير من اللحمة الطرية، ويحكي ان ودسعدان قد قام بطرق العظم علي الصينية عده مرات متعشما في ما بداخل العظم من (مخ)، ثم تناول العظم الطويل وبدأ في الشفط ... وفي غفله منه غادر (مخ ) العظم وفي سرعه البرق استقر في معدته دون أن يتلذذ به في فمه .. فإستنكر ذلك وأردف بالقول (مافي نصيب) . ولبساطة هذه الحياة الكريمة ظهرت مسابقات مستمدة من هذه الظروف فقد نظم بعض الشباب مسابقة (لكد العضم)..وتباري في السباق مجموعة من الشرهين الذين يقضون علي الأخضر وخلافه... وقد أشترط (حميد) رئيس اللجنة أن الكد يجب أن يكون علي مستوي عال بحيث لا يترك المتسابق شئيا.. وأخفي علي المتسابقين طريقة تحديد الفائز... أكمل أربعة من المتسابقين كد عظامهم في الزمن المحدد وتم تقديم العظام لحميد لتحديد الفائز... وهنا نادي (حميد) علي كلبه (جركاس) وقدم له العظم الأول فقام الكلب بشمه بتلذذ وبذلك خرج هذا المتسابق من الحلبة... أما (العضم) الذي فاز فإن الكلب لم يستطع الأقتراب منه ... وتعامل معه تعامل الطوبه،،،،،،،
سنعود

[أبوعمرو]

[quote=الم
بارك ود إبراهيم;358112]اليوم نزلت ضيفا عليكم حبينا نقول للحبيب أبو عمرو نحن هنا بينكم جئنا نحمل الفل والياسمين لأرض الجزيرة الخضراء جئنا لأناس نعرفهم ويعرفوننا لك ودي ودمت بخير.[/quo
عمنا المبارك
كلنا في الهم شرق

[أبوعمرو]

انا جاية برااااااااااحة أجر كرسيني وأقعد واستمتع ,,,
يابتو
كرسي ما معانا.. عندنا بنابر
تسلمي

[أبوعمرو]

الغالي الحبيب (سلام قولاً من رب رحيم )
ليك سلام تاني ..
و إنت عارف أنا بحبك
ولا ماك عارف بالمرة ...


والله |أتحفتنا ليس هذه المرة فحسب
بل مرات قبلها ويبدو أن الجايات
أكتر من الرايحات أو كما قال جحا


امتعتني بقصة الجيلاني واللوتري
والفاضل وصفية والعجينة إياها


تقبل مروري ،،،
الزول الطيب.. أبوالخاتم
ظروف عديده باعدت بيني وبين هذا البوست .. قريبا نعود..
شكرأ كتيراً

[عثمان جلالة]

إنتا بتمشي وين يا راجل يا طيب ؟؟ :)

مشتاقين وكده :)

حصل جربت كد عضم الجداد :):) .. بعد ما تاكل الكبسه ههههه

تحياتي أبو عمرو

[moh_alnour]

الحبيب الحكّاي أبو عمرو
و ينك يا لذيذ يا رايق أفتقدنا حكاوي الحلة و مواقفها الظريفة
نتمنى أن تتكرم علينا بنشر عدد من المواقف و الحكاوي

[ابوالنور]

يا ناس الحلة خبر الحلة شنو ؟

[أبوعمرو]

* تعال آجنا .. هوي آبتسمع الطرش...
* أمشي أفتح ديوان (الأدرع).. أنفض الفرشات وفتح الشبابيك.
# الليله جايين ضيوف ولاشنو؟؟
* أسمع الكلام وما تلبه ... وفتش معاك أباريق.. وشوف ليك سيد كارو أكب ليهو برميل مويه.

كانت هذه حال (أبوعلامه) منذ ثلاثة ليال ..يدخل ويخرج من غرفة والده لينبه لهذه التعليمات .. يطمئن علي مخزن العيش ثم الديوان .. فوالده (الأسيد) غارق في غيبوبه بعد أن أشتد عليه المرض وفارقت وجهه ملامح الحياة... ولنا ياسادتي فرسان يعلمون بقدوم الموت ولايخطئون علاماته ... وعندما تتحقق هذه العلامات تبدأ التجهيزات علي قلتها حتي قبل أن تفارق الروح الجسد بوقت ليس بالقليل... تبدأ إجراءات الموت بالحله بزيارة بعض النسوة وعندما يبدأن في شرح المرض يكون المريض مدركا لحالته الصحية ثم ينتقلن لمرحله الهمس فيفقد المريض وعيه...
* أصبح كيف اليله...
* سقيتوهو بالمعلقه؟
* آهـ النفس ما هدأ شوية...
* ياجنا ما تسافر... الزول دا بجيبك راجع..
وتبدأ المراحل المتقدمه للموت عندنا عندما تستعجل النسوه في عمل الطعام للحاق بحال (الزول التعبان)... ويبدأ التقاطر نحو منزل المريض ... البعض للموأساه وأكثرهن لحضور لحظة الفعل الحقيقي...ومخافة اللوم.
أما رجال الحلة فأمرهم في الموت غريب ... ليس فيهم من يهتم بمناداة طبيب طالما (يعرفون الموت) ..
* في زول مشي للصيوان؟
* دققتو العيش؟؟
* كلمتو ولدو (الفلاني)؟
وكل الويل لمن يستنكر هذه التصرفات ... يقابل بنهره مستهجنة وعبارة (آزول .. نحن الموت ما بنعرفوا).
(أبو علامة).. قام بكل هذه الإجراءات من ترتيب للديوان ... وتجهيز للدقيق ... وملء لبراميل المويه ... لم يتبق إلا أن تفيض روح والده والتي قاومت الموت في مرات عديده ... يتكسر الناس ويتم التجهيز فيرفع (الأسيد) رأسه وينهر الغنماية التي دفنت رأسها في شوال العيش فينفض القوم.
دخل (ابوعلامه) علي والده المسجي علي العنقريب ووجد معه (اللمين ود الفكي) الشيخ المتخصص في تلقين الشهادة... وفجأة تحرك رأس (الأسيد) ... ثم .. تنحنح ... وأطلق تنهيدة قوية..
آح آح ... أنا وين؟
فما كان من أبوعلامه إلا أن عاجله برد قاس
(أنتا في لظي... ياخ مالك نجضتنا)

[عوض الكريم الخواض]

:p:p:p
مبدع دوماً[COLOR="Red"] أبو عمرو ...
ها زول ها ...
التصاوير دى بتجيبا من وين ...


بلاي ما تنقطع .

[عثمان جلالة]

ههههههه يا أبو عمرو .. أحيانا مع .. سوء حالة المريض ... وكثرة الإنتظار .. بكل تنازلاته .. يكون الموت راحة للجميع .. من نجاض ما قبل الموت.. قصة معبرة جدا. :p:p:p

[أبوعمرو]

:p:p:p
مبدع دوماً أبو عمرو ...
ها زول ها ...
التصاوير دى بتجيبا من وين ...


بلاي ما تنقطع .
شيخ العرب...
دي ما تصاوير...ديل شخوص وواقع
والجايات أكتر من الرايحات
مودتي

[أبوعمرو]

[QUOTE=عثمان جلالة;426614]ههههههه يا أبو عمرو .. أحيانا مع .. سوء حالة المريض ... وكثرة الإنتظار .. بكل تنازلاته .. يكون الموت راحة للجميع .. من نجاض ما قبل الموت.. قصة معبرة جدا. :p:p:p
عثمان
مافي احلي من الموت (الفجعه) .... كف لامن شاف لا من دري...
واهلك قالوا (الموت ما بتحارس)
نساله حسن الخاتمه...

[عوض الكريم الخواض]

[QUOTE=عثمان جلالة;426614]ههههههه يا أبو عمرو .. أحيانا مع .. سوء حالة المريض ... وكثرة الإنتظار .. بكل تنازلاته .. يكون الموت راحة للجميع .. من نجاض ما قبل الموت.. قصة معبرة جدا. :p:p:p
عثمان
مافي احلي من الموت (الفجعه) .... كف لامن شاف لا من دري...
واهلك قالوا (الموت ما بتحارس)
نساله حسن الخاتمه...

حبيبنا أبو عمرو ...
أعيذك بالله ونفسى من موت الفُجآءَة ...

يآخى دى موتة ما حلوة ...
عشان نعافى الناس ويعافونا يااااااااخ ...
ياخى ناس المنتدى ديل برااااااااااهم دايرين ليهم ( شهر ) :eek::eek:

[moh_alnour]

( أنتا في لظى ... ياخ مالك نجضتنا )

:) :) :)
:) :) :)

[أبوعمرو]

[QUOTE=moh_alnour;427992]


:) :) :)
:) :) :)
[

ود الجاك
لسه عندك رغبه في بيت ودالحسين

[بنت الرفاعي]

[QUOTE=moh_alnour;427992]


:) :) :)
:) :) :)
[

ود الجاك
لسه عندك رغبه في بيت ودالحسين

يعني ماناوي تتمها ؟؟؟!!:rolleyes:
:):):):)

[عثمان جلالة]

[QUOTE=أبوعمرو;437263]

يعني ماناوي تتمها ؟؟؟!!:rolleyes:
:):):):)

:rolleyes::rolleyes:هههههههههه ما ود النور براهو المنتظر يا أبو عمرو .... تمها ياااااااااخ :cool:;)

[moh_alnour]

ود الجاك لسه عندك رغبة في بيت ود الحسين

في داعي للأسئلة التعسفية و المُهرجة دي :( لا ما عندي رغبة في البيت عندي شمار أعرف البت الدخلت في البيت ;)




يعني ما ناوي تتمها ؟؟؟ !!:rolleyes:


الرغبة ثنائية يا أبو عمرو ، يلا ورينا الحصل على المُزة شنو مع ناس الحلة ;)

[بنت الرفاعي]

في داعي للأسئلة التعسفية و المُهرجة دي :( لا ما عندي رغبة في البيت عندي شمار أعرف البت الدخلت في البيت ;)





الرغبة ثنائية يا أبو عمرو ، يلا ورينا الحصل على المُزة شنو مع ناس الحلة ;)

الغريبة إنو من زمن البوست الفات ( السنة الفاتت ):confused: أنا وإنت كنا طالبين يتمها , ولسّة في الإنتظار , يكون ما داير يتمها لييه ؟؟!!!:rolleyes::confused::confused:

[أبوعمرو]

في حكاية سابقة ... حلت ربيعة الحنكوشة ضيفةً علي حلتنا .. وسار بسيرتها الركبان .. واصبحت حديث (الدكاكين) ... وأفتعل الأزواج المعارك مع الزوجات ... ثم حدثت المصيبه وحلت الكارثة وتوغلت النساء في غابة النحيب....
* * *
- إتا آ الطيب ودالحسين دا عرس من بنات الريف.
* .. هو كان ختا بنات الريف كان أولادو بتقابلو رأسو مسوكب وجبهتو قدر مخاضة الترعه..
- لا ... لكين ... البت الضيفه ريافية مائة المائة.
* والله آ النصيح ما طالبني حليفه ... أنا شفتها مره واحده في بيت ناس ودالفكي ... آهـ من اليوم داك بتكلم مع مرتي مدنقر!!!
- مرتك مالا آ الطيب ... ما زمان بدور تكتل فيها ودالبله!!
*ياخي أريتني كان كتلتو ودخلت السجن ولا قطعوا راسي الزي حبة البطيخة دا وريحوني زاتو!!... (أنسا يااااااخ ...الضيفة دي حصل شفتها بصقت!!! ... ولا بتلحس في أصابيعا بعد الأكل ... تقولي ناس أم حسون!!!.
لم تكن هنالك منطقة وسطي ... وكما نحيا نحن في القرون الوسطي غابت الموضوعية والوسطيه ... ليس هنالك من يوازينا فأما للأعلي أو أسفل سافلين ... وتم تصنيف الزائرة (ربيعه) في الدرجات العلي من حيث الجمال والرقي والتعليم ... وكعادة الطيبين البسطاء يندس بينهم الحاسدون المفترون والذين يحسون بالوضاعه في حضرة السلوك الراقي والمنظر البهيج ... فتتطايرت الشائعات دونما رقيب ...
_ قلت ليك شوفتو بعيني الواحده دي؟
* ياخ الكلام دي عيب عليك ... معاك ناس عندهم عينين أتنين بدل واحده يا ودشاقوق ماشافو حاجه ..تكون شفتو أنتا بي عينك الزي آخر الشريط دي (كان ودشاقوق يبصر بعين واحده بعد أن ضربه سير الطاحون في العين الأخري وأصبحت بيضاء خالية من السواد).
ــــ أنا شايل بطاريتي ... شلعتا علي بيت ود الحسين اشوف ليك الجنا والبيت الضيفة الما بتغباني ..
* كضاب والله ياودشاقوق البيت الضيفة البارح قالو في الحلة الورانيه ...
ـــ خلي كلامي انا الأعور دا ... ودالبلال ما قال شاف في نص حواشه العيش الطوال معاها ودالحكيم لمن حتو القناديل!!!
وهكذا نسجت الاساطير .. وشوهدت ربيعة في الخيال مع أكثر من شخص وفي ذات التوقيت ..فالبعض يروي ... والكل يصدق ... كان ودقردين معجبا بهذه الحكاوي يسمع ثم يرسم صورة خيالية للحكاية ثم يضع نفسه مكان البطل ويغرق في النوم ... ثم كان ذلك الليل الصيفي الذي حلت فيه الكارثة وجعل النساء يتوغلن في غابة النحيب...
تأكد ودقردين من أن الحلة قد غرقت في النوم ... حمل سفنجته بيديه ومشي برأس أصابعه حتي لايوقظ رفاقه في حوش الديوان .. وتيمن صوب بيت ودالحسين.

[بدر الدين محمد]

جديرة بجمعها في كتاب .... لى التصصميم والغلاف

[أشرف صلاح السعيد]

اخى ابو عمر تحياتى..
حكاية من حلتنا وحلتكم وحلتم حكاية فيها كل الابداع ..
تسجيل حضور ومتابعة وعذرا لى لا لك فى تأخرى فى الحضور..
تحفة..ماستر بيس طالما القصة فيها قوقل ايرث وكدا النتفلفس ونرطلنا شوية رطنى..
ولى عودات وعودات وتفليات..
واصل ابداعك علنا نستلهم منه فنحاول الوصول اليه او حتى ندنو منه..

[moh_alnour]

حمل سفنجته بيديه ومشي برأس أصابعه حتي لايوقظ رفاقه في حوش الديوان .. وتيمن صوب بيت ود الحسين



يعني يا أبو عمرو عايزنا نشيل سفنجتنا و نمشي على بيت ود الحسن ما كان تتمها ياخ :(
نحن من السنة الفاتت الشمار كاتلنا وما صدقنا رجعت بينا لي بيت ود الحسين تقوم تخلينا جمب الحيطة و الزيطة :eek:

[أبوعمرو]

الغريبة إنو من زمن البوست الفات ( السنة الفاتت ):confused: أنا وإنت كنا طالبين يتمها , ولسّة في الإنتظار , يكون ما داير يتمها لييه ؟؟!!!:rolleyes::confused::confused:
أنشاء الله تكونوا عرفتو السبب!!!

[أبوعمرو]

جديرة بجمعها في كتاب .... لى التصصميم والغلاف
الفنان ...بدر الدين
تسلم ياذوق
انشاء الله بعد ما نلم حق الطباعه .. تلفونك معانا

[أبوعمرو]

الاخوة الأعضاء الذين يحتفظون ببعض الحكايات القديمة التي جرفها تسونامي المنتدي ...الرجاء اضافتها لهذا البوست
مع اكيد إحترامي

[النويري]

الأخ أبو عمرو صراحة الواحد مستمتع بهذا السرد وحقيقة يكاد يشابه كثير من قرى الجزيرة فهنالك شلليات كثيرة في قرانا يبداء يومها تقريباً بعد صلاة المغرب يتجهون إلى الكنابي كل واحد معاهو البراد ويأتون أخر الليل يترنحون

عندى ملاحظة ياريت لو تشرح في هامش بسيط نهاية كل صفحة بعض الكلمات التي يصعب فهمها بالنسبة لبعض الناس وهي كثيرة أراها عندك يعني كلمات بلقة أهل البلد وبعد كده عشرة على عشرة
الواحد بداء يتخيل هذه الأجواء ويسرح معاها حكاية من حلتنا جميلة ورائعة في مفرداتها وهي واقع مازال حتى الأن هو السيناريو الحاصل لمعظم قرى الجزيرة

مشكور أبو عمر وتقبل تحياتي

[أبوعمرو]

اخى ابو عمر تحياتى..


حكاية من حلتنا وحلتكم وحلتم حكاية فيها كل الابداع ..
تسجيل حضور ومتابعة وعذرا لى لا لك فى تأخرى فى الحضور..
تحفة..ماستر بيس طالما القصة فيها قوقل ايرث وكدا النتفلفس ونرطلنا شوية رطنى..
ولى عودات وعودات وتفليات..

واصل ابداعك علنا نستلهم منه فنحاول الوصول اليه او حتى ندنو منه..
أخي أشرف
سعيد تماما بانضمامك الي بوست حكاية من حلتنا
البساطة
الطيبه والسذاجة
النخوه
وكل حاجه سمحه

[عثمان جلالة]

أبو عمرو .. مشتاقين آآآ عشا البايتات القوى .. علا منتظرين باقي القصة :rolleyes::)

[النويري]

أبو عمرو لك التحية وصراحة الواحد سرح معاك بعيد جداً على ذكر الموت في قرانا عندي قصة حقيقية حدثت وكان أحد ضحاياها جدي لأمي جدي كان عندو أبنحار كما يسمونه أهلنا في الجزيرة يعني الحيرقان الأن المهم يا عمرو جدي تعب شديد وكان العام 86 تقريباً الناس في الحلة مصرين أنو ما في داعي للبهدلة والمستشفيات والزول يخوانا خلوهوا يموت في بيتوا وعندنا واحد كده كان متشدد جداً ومصر على أنو جدي يموت في بيتوا المهم بعد 15 يوم جدي سلم الروح بس قبل ما يموت طبعاً كان في رأي من المثقفاتية في الحلة والناس المشت الخرطوم أنو جدي يودوه الحصاحيصا أو مدني للعلاج المهم جدي أتوفى ربنا يرحموا وقبل ما يموت ياهو ذي كلامك دا الناس بتجهز في الديوان ودققوا العيش وحاجات كده جدي كان صاخر جداً برغم ألام المرض كان يعرف ناس الحلة جيداً فقد مكث عندهم قرابة الثمانون سنة وعايش أموات كثيرون الناس كانت بتجي الصباح وتصبح عليه وهو بين سامع وما سامع والناس يا حليلك يا جدي وكلمات الحزن جدي سمع بعض من الكمات دي قال والله يا ناس الحلة أنا بعرفكم كويس هسة أموت بي جاي وبكاسيكم تتطاقش أمشو جيبو الخدار والعيش الأبيض ما تنسوه كان مالقيتوا عربات الحلة تعالوا بي عربات المسلمية وسبحان الله توفي جدي وكان السيناريوا كما تلاه جدى قبل موته
أسف على الإطالة ولكن حكايتك ذكرتني حكاية جدي فأحببت أن أذكرها لك مني خالص التحايا

[ابوالنور]

العيد الجاب الناس لينا ما جابك وينك يا ابو عمرو

[مجاهد النور محمد]

الاخ ابو عمر لك التحية علي هذة الحكاية اللطيفة وانا اقترح ان يتباري الاخوان في المنتدي بسرد الحكاوي الشيقة والمضحكة كل حسب اسلوبة وفي حكاوي من حلتنا اتذكرت الحلة وشوارعا وزقاقاتا التي كنا نهريها لعب بلي واذكر احدي الحكاوي الجميلة من الحلة

قام حاج عبدالرحمن مع عوعاي النجمة وطلوع الديك (اقصد مع عوعاي الديك وطلوع النجمة) وصلي الصبح نافلة وتلي اي الذكر الكريم وعلي الجانب الاخر من التبروقة تجلس نصفة الحلو الحاجة بخيتة بت دار مقام تقاسمة الدنيا والتبروقة وتتمني الاخرة
هو : اها ياحاجة بعد ندق العيش ونخلص حق الدكان احسن ادخل شوية القريشات في دهيبات ليك
هي: دهيبات شنو ياحاج افتح بيهن دكان لولدك علي
هو : بعد نفس عميييييييييييييييييق علي حكايتو حكاية ياحاجة
هي : هييي ويسو يشنو يعني
هو : يتلحلح شوية زيو وزي الفي عمرو
هي : يعني هو مقصر من القدرو شهادة وجابا الا حظو الكعب
هو : كدي ياحاجة جيبي الشاي واللقيمات عشان انا ماشي الحواشات
هي : سمح
(يدنقر الحاج وهو مثقل بهم ولدو البكري الاثقلو)
هي : اها ياحاج اشرب الشاي
(ويشرب الشاي وهو سااااااااااااكت)
ويشد حمارو وينطلق الي الحواشات
ويلاقية في الدرب حاج الرشيد المراقدو في الحواشات
حاج الرشيد : حاج عبدالرحمن عواااااافي
حاج عبد الرحمن : الله يعافيك اااخوي
حاج الرشيد : ملك سارح وشايل طاجن ستك فوق راسك
ونلاقيكم في باقي الحكاية كان الله ادانا العمر

[أبوعمرو]

الاخ/النويري
فعلا عامية لغة الجزيرة تختلف في كثير من مسمياتها ... وبالرغم من أنها لغة الوسط والأكثرية إلا أنها في كثير من الأحيان تحتاج الي مترجم ... سنضع ذلك في الإعتبار تبسيطا للمتلقي ونشرا لتلك اللهجة المحببة
مع الشكر

[محمد النويري-الفقراء]

الاخ/النويري
فعلا عامية لغة الجزيرة تختلف في كثير من مسمياتها ... وبالرغم من أنها لغة الوسط والأكثرية إلا أنها في كثير من الأحيان تحتاج الي مترجم ... سنضع ذلك في الإعتبار تبسيطا للمتلقي ونشرا لتلك اللهجة المحببة
مع الشكر

ابو عمرو والله شدت ما استمتعت بحكاياتك ماقدرت اعلق في النص وقلت اشوفها للنهاية جد ذكرتني حياة جميلة عشتها في قرية الفقراء واتمنى ان تستمر لكن مع تطور الزمن وتداخل زمنا القديم الحلو والجديد العجيب . وبيني وبينك عامية لغة الجزيرة حلوة في قلوبنا وبنتكيف ليها شديد .. اريتني كان اقدر اكون لسه عايش فيها .. جد حكاياتك حلوة وجميلة واتمنى المزيد .. اها دي صنقرة في عنقريب الحبل منتظرك بحكايات تانية ..

[مجاهد النور محمد]

حكاياتك بالجد تشد الزول وتخليو يسرح في عوالم تانية , ودي كلامنا البندورو تب وعايز اقدم ليك مقترح ياابو عمرو , المقترح بيقول ياسيدي اللمانتي ليك يعني تقوم تعمم الشغلة الليلتك دي ويبقي باب ثابت يااخوي ابو عمرو لي كل الاعضاء في المنتدي الليلنا دي عشان يحكو حكاوي من حلالون وما اكتر الحكاوي في الحلة .
تقبل تحياتي الرائع ابو عمرو

[ابوالنور]

يا نــــــــــــــاس الحلة

[أبوعمرو]

*...يا أمي .. أنا ما رافض.. لكين!!
- لكين شنو ياجني... آسه كان دي نسيبتك كان جريت جري
* يا أمي والله والله أنا ما ببدلك بنسيبتي ولا غيرا ... وما في داعي للمشاكل...
- أنتا آوليدي وكت ما داير المشاكل بس رسل لي الغويشات...
* لكين يا حاجه آسه انتي عمرك 70 سنة والحاج الله أرحموا ما قصر معاك ...الغويشات داير بيها شنو؟؟!!!!.
- ما خصاك ... بدور أقدم بيها الغنم للراعي.
* * *
خلافا لما يدعي الاخوة في شمال الوادي فأن زوجة الأبن تجد التقدير والاحترام في شمال الوادي وفي جزيرتنا علي وجه الخصوص ولاأختلاف بينها وبين (اخوات الراجل) ...وأكثر حنيه من ذلك انها تنادي علي نسيبتها ب (أمي) ... إلا ان دوام الحال من المحال ... فعندما غابت الزوجة والزوج عن أعين النسيبه نتيجة الاغتراب اللعين...كثرت الظنون وتضخم المعجون والصابون ... وأصبحت الزوجة المغتربة تتعرض للفيش والتشبيه عند كل إجازة ولا تخرج شئيا لاسرتها إلا بعد موافقة النسيبة واخوات الزوج ... وكلما زاد جمال الزوجه ونعومتها كل ما زادت كراهية النسيبه ويرجع ذلك الي ان جمال الزوجه يضع الزوج في موقف لا يستطيع معه المساومة....
* مصطفي... يا مصطفي وين الطقم بتاع الشاي الاشتريتو لي أمي؟
- نزلناهو مع العفش يانادية ... فتشي البيت؟؟
* والله بفتش عليهو من الصباح ..
كانت نادية تعلم ان الطقم قد أختفي مع مقتنيات أخري ... وتعرف الجاني لكنها لا تستطيع الاشارة اليه... لكن النسيبه لا تتركها حالها ...
* يا بت امك الطقم إنبدوربو ... كفاها الكفاتير حقت عمن أول ...لسه مانزلتا من الرف!!
عندها يخرج مصطفي من المنزل حتي لايدخل في نقاش يكون فيه الخاسر الأكبر... فقد علمته التجربه ان أفضل طريقة للتعامل مع والدته (صعبة المراس) هي الفرار ... ليترك زوجته (حنكوشة الحلة) تحت رحمة اخواته .
وبالرغم من ان حاجة (أرض الشام) كانت قوية الشكيمة إلا انها كانت جاهلة ومدعية ... فعندما زارت السعودية للمرة الاولي أخفت دهشتها بجمال وذوق (نادية) في البيت إلا انها تسلطت وامرت بإجراء بعض التعديلات داخل المنزل كانت في غاية البشتنه والبعد عن الأناقة....
ويروي مصطفي عن صلف وغرور والدته انه عندما دخل بها الي أسانسير العمارة للمره الاولي في حياتها أصابها الرعب إلا أنها تجلدت وأدعت المعرفة كالعادة ...وعاجلت إبنها بالقول ..(دا الوزن مش كده!!!!

[عبدالله محمد العقاد]

*...يا أمي .. أنا ما رافض.. لكين!!
- لكين شنو ياجني... آسه كان دي نسيبتك كان جريت جري
* يا أمي والله والله أنا ما ببدلك بنسيبتي ولا غيرا ... وما في داعي للمشاكل...
- أنتا آوليدي وكت ما داير المشاكل بس رسل لي الغويشات...
* لكين يا حاجه آسه انتي عمرك 70 سنة والحاج الله أرحموا ما قصر معاك ...الغويشات داير بيها شنو؟؟!!!!.
- ما خصاك ... بدور أقدم بيها الغنم للراعي.
* * *
خلافا لما يدعي الاخوة في شمال الوادي فأن زوجة الأبن تجد التقدير والاحترام في شمال الوادي وفي جزيرتنا علي وجه الخصوص ولاأختلاف بينها وبين (اخوات الراجل) ...وأكثر حنيه من ذلك انها تنادي علي نسيبتها ب (أمي) ... إلا ان دوام الحال من المحال ... فعندما غابت الزوجة والزوج عن أعين النسيبه نتيجة الاغتراب اللعين...كثرت الظنون وتضخم المعجون والصابون ... وأصبحت الزوجة المغتربة تتعرض للفيش والتشبيه عند كل إجازة ولا تخرج شئيا لاسرتها إلا بعد موافقة النسيبة واخوات الزوج ... وكلما زاد جمال الزوجه ونعومتها كل ما زادت كراهية النسيبه ويرجع ذلك الي ان جمال الزوجه يضع الزوج في موقف لا يستطيع معه المساومة....
* مصطفي... يا مصطفي وين الطقم بتاع الشاي الاشتريتو لي أمي؟
- نزلناهو مع العفش يانادية ... فتشي البيت؟؟
* والله بفتش عليهو من الصباح ..
كانت نادية تعلم ان الطقم قد أختفي مع مقتنيات أخري ... وتعرف الجاني لكنها لا تستطيع الاشارة اليه... لكن النسيبه لا تتركها حالها ...
* يا بت امك الطقم إنبدوربو ... كفاها الكفاتير حقت عمن أول ...لسه مانزلتا من الرف!!
عندها يخرج مصطفي من المنزل حتي لايدخل في نقاش يكون فيه الخاسر الأكبر... فقد علمته التجربه ان أفضل طريقة للتعامل مع والدته (صعبة المراس) هي الفرار ... ليترك زوجته (حنكوشة الحلة) تحت رحمة اخواته .
وبالرغم من ان حاجة (أرض الشام) كانت قوية الشكيمة إلا انها كانت جاهلة ومدعية ... فعندما زارت السعودية للمرة الاولي أخفت دهشتها بجمال وذوق (نادية) في البيت إلا انها تسلطت وامرت بإجراء بعض التعديلات داخل المنزل كانت في غاية البشتنه والبعد عن الأناقة....
ويروي مصطفي عن صلف وغرور والدته انه عندما دخل بها الي أسانسير العمارة للمره الاولي في حياتها أصابها الرعب إلا أنها تجلدت وأدعت المعرفة كالعادة ...وعاجلت إبنها بالقول ..(دا الوزن مش كده!!!!



الحبيب ابوعمرو

المشاكل اليومين ديل كترت بين الزوجة واخوات الزوج و ام الزوج

و ربنا يرجع ايامنا الطيبة التي ولت مع كل شي جميل

واحد صاحبي مشى الحج و قابل واحد من اهلنا الطيبين
و قال لي تقابلنا في الاسانسير و يبدو اول مرة يشوف اسانسير
و قال لصاحبي انا عايز انزل الشارع اطلع فوق بالشي دا و لا انزل تحت
صاحبي قال ليه حسب نوع النزول يا حاج
انت عايز تنزل على رجولك و لا على رقبتك

[أبوعمرو]

* السلام عليكم ... ناس البيت هوي سلام
# وعليكم السلام حباب الضيف... اتفضل علي الديوان
* الله اسلمك... خلي الولد إجيب لي الأبريق والغداء
.......... أكرام الضيف عندنا عادة توارثتها الاجيال ليس تفاخراً ولا تباهيا وإنما سلوك يتقمص كل المجتمع القروي فالقدح الذي يسبق السلام ... وعيب الزاد ولا عيب سيدو ... كل هذه الامثال يعلمها الصغير قبل الكبير والفقير قبل الغني والمرأة قبل الرجل... وحيث تجذر هذا السلوك في المخيلة القروية أنسحب علي الضيوف انفسهم وصاروا يتعاملون مع هذا الوضع وكأنهم أصحاب الدار فلا حرج في ان تصفق بيديك عند مدخل الدار وتطلب الغداء او الفطور أو حتي تجهيز مكانا للمبيت دونما احساس بالتطفل ... وبالرغم من ان الطعام كان للكافة إلا أن بعض الزوجات كن يخصصن بعض المطايب لأزواجهن علي إنفراد وهذه عادة سودانية ليست حكرا علي الجزيرة فقد سمعت ان زوجا في نيالا قام بتتطليق زوجته محتجا بقوله :( المره دا ما إندو وراني) قاصدا أن زوجته لا تأتيه بطعام خاص يأتي من وراء الطعام العادي. وحيث ان كثير من نساء حلال الجزيرة يفتقرن الخبرة في مذاق الأطعمة حيث جرت العادة علي الاهتمام بالكمية وليس الجودة مخافة التقصير ... لذلك كانت (أم رقيقة تحمل بالجرادل في المناسبات) .
كان صديقنا (ودالعشا) لئماً فصيحا وقد من الله عليه بزوجه جاهلة في أمور الطعام ( ملاحا إطرش الكلب) مع العلم أن الكلب لا يطرش إلا بالشديد القوي وفوق هذا وذاك كانت هذه الزوجة في غاية الدمامة ، وكان ودالعشا في صباه مفتون بإحدي الجميلات إلا أن عمه وداللمين نصحه ببنت عمه القبيحه واستشهد بالمثل (يا ودالعشا قرد يؤنسك ولا غزال يزازي بيك).... ومن يومها ترك المزازاه وأكتفي بونسة القرد إلا أن الحنين يتاوره كل ماقدمت له زوجته هذا الملاح البائس فيتنهد ويصيح:
(ياولية...ياوليه والله أنتي ملاحك دا والبسب الدين حسابن واحد يوم القيامة).

[عوض صقير]

حلوة منك أخونا أبو عمرو ....


لكن أبوه طلع مستثمر كبير ....

[أبوعمرو]

بعد الغياب
.........
مررت بهذا البوست المحبب لنفسي
.......
أدركت كبر جرمي بهجري لهذا البوست
...
تماشياً مع الحراك الذي يشهده المنتدي
ونزولا لرغبه المتابعين والراغبيين في إحياء البوستات القديمه......
نفتح هذه النافذه من المنتدي....
ولكم مني جميعا (سمح الوصف)

[عثمان جلالة]

يااااا خلف الله .. عذبتنا:confused::o:D

أقصد يااااااا أبو عمرو منتظرين

همسه:

وبرضو مشتاااااااااااااااااااااااقين ;)

[أبوعمرو]

ما يميز شعبنا السوداني شغفه بالتواضع واحتقاره للتكبر والتسلط والجبروت و(الإفتراء) ... فهم يحتفظون لكل متكبر بنقطة سوداء في حياته يشهرونها في وجهة كلما صعر خده للناس ... ولعل أهلنا في القري أكثر الناس حباً للتواضع ويتفوق علي هذا الحب كراهية المفتري والمتكبر خصوصا اذا غابت عنه متتطليات (التكبر) ... فأصحاب المال لهم الأحقية في الفلهمة والاستعلاء والجميلات لهن الحق في الغنج والدلال و (الوحوحه) فالجميله عندما تتأفف يتأفف الكثيرون خلافا للقبيحه والتي لانصيب لها من إبداء الإمتعاض أو الاستهجان... فتسمع عبارات مثل هوووووي ياناس قريعتي راحت .... فوق أمكم....)
وحدثني صديقي في الحلة أن مهندسا يشغل منصب رفيع في الأمم المتحدة آتي للحلة بعربه فارهة (فل أتوماتك) ... وكان والده عليه الرحمة من فقراء الحله وكان ماسحا للزباله ، ويبدو أن صديقنا المهندس قد أصابه الغرور ونسي بعض تاريخه عندما مر بأحد دكاكين الحله ونسي رفع يده بالسلام فاستنكر بعض الحاضرين ذلك ... وحيث أن الفصاحة حاضره تنهد (عيسي ودحمد) ....
# والله ياحليل زماااااااااااااااااان وسنين زمااااااااااان
* آهه ياعيسي تقدر تفتح خشمك ...خلي الحسادة الزول دا ما بنقدر ... علي الطلاق أنجليزي بس إشبعك
# آجنا انجليزي مقطع في رويسك دا ... الجنا نسي زمان علي الطلاق أبوه كان إمسح الحيطة قبل ما يقاولوه.
ويبدو أن السياسة الاقتصادية للدوله قد أثرت علي بعض الرأسمالية في حلتنا فأخذت اللوري والتركتر والبرينسه ولم تترك لهم شئيا خلاف تاريخهم الارستقراطي وظهرت طبقة أخري من الأغنياء كانوا حتي وقت قريب يتملقون أصحاب اللواري والدقاقات... كان ودإخيدر من الطبقة الارستقراطية بالمفهوم القروي (يركب في اللوري قدام ويقعد في الصيوان داخل الديوان) يعني (عيشة وز ورضاعة بز) ثم دارت عليه الدائرة الجهنمية ... وعدم القرش ... ولم يكن بطبيعته صبورا .... فكثر التأفف والتزمر..
بالله دي حاله دي
غايتو
والله حله الملاح غلبنا نلايقا...
ويبدو أن غضب ودأخيدر لم يكن مصدره الوحيد إنعدام ماله ... ولكن أكثر ما اساءه انتقال هذه الأموال لاشخاص كانوا في يوم من الايام يحلمون بأن يلقي عليهم التحية من أمثال ودالدفيعة وودهاشمي...
تحرك بوكس ودالدفيعة من الحلة نحو الحلة المجاورة وهو يئن بحمولته الثقيلة من ناس (الفاتحة ) ... لم يجد ود أخيدر مكانا فسيحا ليتوهط فيه فإنحشر وسط الأخرون وهو يسخط ويلعن ...تفحص وجوه الراكبين ووقعت عينه علي (عادل) وهو من ابناء العز الذين فقدوا أموالهم في الفترة الأخيرة فساءه ما آل اليه الحال:
# آسه ياعادل أخوي دا شنو دا؟
نظر عادل الي بقية الركاب بحذر وهو يدرك مغزي ود إخيدر
@ شنو ياود أخيدر...
# البنسوي فيهو دا شنو؟ آخر الزمن نركب في بوكس مكركب وبي واء كمان
@ والله آود أخيدر... دي ما الأيام دول
# آي ..لكين الأيام دول دي في ودالدفيعة وودهاشمي.

[مايسة]

ابوعمرو الجميل

حمدلله على السلامة - ومتاابعين الابداع -

[ابوالنور]

بعد الغياب
.........
مررت بهذا البوست المحبب لنفسي
.......
أدركت كبر جرمي بهجري لهذا البوست
...
تماشياً مع الحراك الذي يشهده المنتدي
ونزولا لرغبه المتابعين والراغبيين في إحياء البوستات القديمه......
نفتح هذه النافذه من المنتدي....
ولكم مني جميعا (سمح الوصف)


يلا ورحكاكا نبدا

[moh_alnour]

حباب أبو عمرو الزول الحكاّي و البكاّي :p
و الله سعيد بعودتك أخي أبو عمرو و بعودة هذا البوست و الذي يُعتبر شامة في جبين هذا المنتدى
أرجو أن تواصل الكتابة في هذا البوست و أن تعود بنا إلى بيت ود الحسين :p الفورة مليون يا حجاج :cool:

[أبوعمرو]

[quote=مايسة;497271]
ابوعمرو الجميل

حمدلله على السلامة - ومتاابعين الابداع
ميسو:
الزوله الراقية و واعية
الله اسلمك من كل شر
وتنعدل عليك مكان ما تقبلي
رأيك شنو في ميسو دي؟

[مايسة]

ميسو:
الزوله الراقية و واعية
الله اسلمك من كل شر
وتنعدل عليك مكان ما تقبلي
رأيك شنو في ميسو دي؟
[/color][/size][/font][/b][/center][/quote]


آآآآمين يا رب

عاد تاني في كلام هو يا صاحب حكاياتنا :o

[أبوعمرو]

[QUOTE=moh_alnour;497374]

حباب أبو عمرو الزول الحكاّي و البكاّي :p
و الله سعيد بعودتك أخي أبو عمرو و بعودة هذا البوست و الذي يُعتبر شامة في جبين هذا المنتدى
أرجو أن تواصل الكتابة في هذا البوست و أن تعود بنا إلى بيت ود الحسين :p الفورة ملييونOTE]
بيت ودالحسين (عدم الشعبه)... أنسي الموضوع ...ركز في ورقك ما تحرق
احتراماتي

[ahmed algam]

واصل ياابو حجاج

[نزار حسن محمد]

ابوعمرو حرآآآآم بلاك خربانه ام بناية قش
آها يازول ابشر بالخير تب كل البوستات القديمه
اتلقت ... لقينها وراء البرمه اليلات الفتريته..
آها نحن فى انتظارك يالدخرى

[ابوالنور]

نفسي في كسرة بكسر الكاف بملاح امبقبق

[moh_alnour]

بيت ود الحسين ( عدم الشعبه ) ... أنسي الموضوع ... ركز في ورقك ما تحرق
أحتراماتي

بيت ود الحسين دا العمود الفقري للحلة و العمود الفقري للقصة كان ما رجعت بينا ............ تمها خيال :p
أنا كان حرقتا بدخل تاني بي أعلى أسكور ( الفورة مليون ) لكن مُرام دي البخليها تعاين في ورقا شنو :p
أحتراماتي أبو عمرو

[الجندي المجهول]

الجميل الشفاف

حبيبنا ابو عمرو ،،،واصل من غير فواصل يا مبدع ....

[خالد علونى]

حرم بيقنا واقفين في الشارع مستنين طلتك


زكرتني زمان عندنا واحد إسموا جبرة


بقروا إنسرق
أها قمنا طرد (طرد في قاموس العرب الزينا كدي) تفتيش مستعجل في إتجاهات عدة
حلوة عدة دي
أها ربك رب الخير لقينا البقر

لكين جبرة راح


بقينا كل زول ماشي في إتجاه والدنيا ليك ضلام كُبُسما بتشوف إيدك

ونشيل ونكورك جبروووووووووووووووووووووووووووووووووو جبروووووووووووووووووووووو

لامن حسنا إنقرش




الزول السايق العربية الكنا فيها خشموا ما فتحوا

بس بعد أكتر من ساعة إتضايق تب

فتح باب العربية
وتسمعوا
جبرووووووووووووووووووووووووووووووووووووووووووووووو ووووووووووووووووووووووووووووووووووووووووووووووووو
ثم همس
ياخ إنت وين ياخ
أبو عمرووووووووووووووووووووووووووووووووووووووووووووووو وووووووووووووووووووووووووووووووووووووووو
الجندي تم الباقي

اها في رجاك يا الحبيب

[أبوعمرو]

البوستر دا داير شغل كتير ونفض تراب
خلونا نعمر المكنة ونركب التونسية....
الاماني الجميلة لكل البورداب
ورواد البوست الاحباء

[أبوعمرو]

الافتتاحية بعد الغياب القسري ...لكل الاحباء في جدة... العزاب منهم طوعا ورخوا وكرها ...
1- محمد النور الجاك.
2-محمد عبدالله عبد القادر.
3-محمد عبد الله ابوزيد.
4-محمد حسين المميز.
5-محمد الامين الجندي المجهول.
6- ناصر عبدو أبومازن.
7-هيثم الخواض أبولوزة.
8-معتز الريح.
لكم مني جميعا صادق الثناء وخالص الدعاء لما وجدته منكم من حفاوة ولطف.. ووعدا صادقا مني أن نكون جميعا خداما لهذا المنتدي الذي شرفنا باللقاء.

[محمد عبد الله عبدالقادر]

العزيز ابو عمرو
اهلاً بعودتك مجدداً بعيداً عن السودان ومن ارض الحرمين وبالتحديد من مدينه جدة وبالفعل اصبحت جدة ( غير ) بطلتك عليها

- قصدك منو بالعزابه ديل!!؟؟؟ فرز
- منتظرين عودتك الى اللقاء الاسبوعي بشباب جدة

- الكتابه بتاعتك نضيفه وسمحه انت اللاب توب بتاعك ده جديد ولا شنو!؟؟

[أبوعمرو]

* القمرا دي تستاهل شنو؟؟
- تستاهل ليها ... تستأهل عصيدة حاااااااااااااارة بي ملاح لبن وبصله..
# تستاهل ليها دلوكه مشدوده ورقبه ممدوده ...وراجلا اب شنب في يدو الشمال عكاز مضبب وابشر بي يدو اليمين بي سوط العنج... واقوم كده يايمه أديهوا شبال....
***
دار هذا الحوار في ستينيات القرن الماضي بين مجموعه من الفتيات لم يتجاوزن السابعة عشر...تحلقن في دائرة تمددن علي الارض وشخصن بابصارهن للسماء... كان القمر بدرا والسكون يلف المكان يقطعه من حين لآخر نباح كلب حاولت بعض الكلاب الاخري ابعاده من قطيع يتبع انثي تقوده في رحله الفائز فيها مصيرة الالتصاق والاقتران من خلاف...
جمعت بين الفتيات صداقة الجوار والمصاهرة والأنساب وبعض اسرار القرية... كانت حياتهن قاسية ..شاقه..يحيط بها الكفاف من كل صوب لكن تحرسها قلوب مطمئنه ونفوس قنعت بما قسم لها الباري من رزق ومكان...كانت البركه تحوم حول الفتيات وفي كل زقاقات الحله الوادعه...لا مجال للشكوي والانين ...قوم قنعوا منذ الازل بأن الرضا بالمقسوم ضربا من ضروب الايمان ..وما اجمل الاحساس الذي يعتريك عندما تغض البصر عما عند الاخرين.
رابحة بت عيسي واحدة من الفتيات الممدات علي الارض ينظرن للقمر وسقف أمانيها يرتفع للفائدة القصوي من هذا المنظر البديع لتحقيق الأشباع الكامل لرغبتها الغريبه والمفرطه في السادية...لم يعرف قلبها الحنان ولم تبكي طيله حياتها التي تجاوزت الثمانين صيفا قروياً... عرفت بالشدة والحزم .. ويبدو ان القدر قد غير لحظته الاخيرة في نوعها فجاءت الي الدنيا في هئية انثويه ودواخل ذكوريه ... كانت تتجاوز بنات جنسها في المناقشة وتخاطب الذكور في صميم رجولتهم.....فالرجل في معيار رابحه بت عيسي هيبه وعزة وكلمه وحمرة عين...لذلك فإن زوجها الطريفي عان صنوف من الاذلال وتجلد حتي فارق الحياة محاولا اثبات رجولته ...وعندما كان علي فراش الموت نظرت اليه نظرة يدرك معنها تماما ... (تجلد للموت...لن تصدر منك الآهات)...ويبدو أن الطريفي قد نجح في ابعاد شبح الموت عنه ليومين متتاليين ... ورابحه بت عيسي تدخل وتخرج ممنيه نفسها بقبضه بالثابته وهو يتألم ....
*أصبر يا راجل ... أي ياهو الموت...
* عشت سبعين سنه ...الماضقتو شنو؟والماكلتو شنو؟خلاص ما خليت شي!!!!موت ساكت بعد ده

كان الطريفي كلما يسمع هذه العبارات يذم شفتيه محاولا كتم الالم وملتزما بأن لا يغيب طرفه عن زوجته التي تجوب الغرفه جئيه وذهابا....وعندما عجزت رابحة بت عيسي عن هزيمته خرجت نحو بناتها اللائي تكومن خارج الغرفه..
*يابنات قومن حولن ابوكن من العنقريب ده؟
# سجمنا!! مالو العنقريب؟
* العنقريب ده مؤسر بي جلد جمل... والجمل روحو طويله !!! المعني أبوكن ده بالطريقه دي ما أظنو يموت!!


فلاش باك:

* أنتي يارابحه ما قلتي لينا ... القمرا دي تستأهل شنو؟؟
# تستأهل ليها .... صبي.... ودقبائل.... طويل وعريض... أقول كدي يايمه إجيبو لينا خبرو...الموت ما حق!! ونقول كده نربط تيابنا في نصنا ونردح عليهو!!!!

[moh_alnour]

حباب أبو عمرو في جدة غير و حبابك في هذا البوست التُحفة و أنت تعود من جديد لتنثر فيه
حكاوي الحلة الممتعة بأسلوبك السهل الممتنع و البسيط
نتمنى أن تكون هذه العودة بداية لمواصلة الإستمرار في هذا البوست الفائز بنجومية العام 2009م



الكتابه بتاعتك نضيفه وسمحه انت اللاب توب بتاعك ده جديد ولا شنو ؟؟

و إنت الصادق اللاب توب توشيبا جديد بنات عمو ما سمعنا بيهو و البرودباند جديد عقبال المرسيدس الجديدة
همسة : محمد عبد الله ما تتحسس ساااااي أبو عمرو قاصد بالعزابة الناس المتزوجين القاعدين عزابة زي حلاتنا كدا
عشان كدا أنا مفكر أعرس واحدة تانية عشان لما واحدة تسافر التانية تكون في الخدمة :p رأيكم شنو ؟
طبعا ً ناس معتز الريح و رضا و الجندي و أبو مازن تتلقيهم قالوا الزول دا ما عاقل ولا شنو ؟ الجماعة ما مهروشين :rolleyes:

[أبوعمرو]

لم أتمكن من رفع هذا البوست إلا بعد الاستعانه بصديق.... آآآآآخ الكبر خشا والكرش كبرت والحمد لله .

[الجندي المجهول]

الحبيب ابوعمرو

ياخ بوست جميل يستاهل كل (هذا التعب) اها وانحنا معاك يا (جميل)

تخريمة : اتاري بتستعمل ........... منتظرنك يوم الخميس (بالسحلب) بس كلم الجعلي ( ابو القاسم ) ما معانا

وواصل من غير فواصل

[محمد حسين (المميز)]

يجازي محنك ..

[عثمان جلالة]

وينك يا حبيب مشتاقين ليك وللبوست ولكل الشخوص الجميلة في هذه الحله الهانئة وشخوصها الجميلون.

علي جنب كده : الكرش دي عملتها متين ؟؟

[بدر الدين محمد]

* القمرا دي تستاهل شنو؟؟
- تستاهل ليها ... تستأهل عصيدة حاااااااااااااارة بي ملاح لبن وبصله..
# تستاهل ليها دلوكه مشدوده ورقبه ممدوده ...وراجلا اب شنب في يدو الشمال عكاز مضبب وابشر بي يدو اليمين بي سوط العنج... واقوم كده يايمه أديهوا شبال....
***
دار هذا الحوار في ستينيات القرن الماضي بين مجموعه من الفتيات لم يتجاوزن السابعة عشر...تحلقن في دائرة تمددن علي الارض وشخصن بابصارهن للسماء... كان القمر بدرا والسكون يلف المكان يقطعه من حين لآخر نباح كلب حاولت بعض الكلاب الاخري ابعاده من قطيع يتبع انثي تقوده في رحله الفائز فيها مصيرة الالتصاق والاقتران من خلاف...
جمعت بين الفتيات صداقة الجوار والمصاهرة والأنساب وبعض اسرار القرية... كانت حياتهن قاسية ..شاقه..يحيط بها الكفاف من كل صوب لكن تحرسها قلوب مطمئنه ونفوس قنعت بما قسم لها الباري من رزق ومكان...كانت البركه تحوم حول الفتيات وفي كل زقاقات الحله الوادعه...لا مجال للشكوي والانين ...قوم قنعوا منذ الازل بأن الرضا بالمقسوم ضربا من ضروب الايمان ..وما اجمل الاحساس الذي يعتريك عندما تغض البصر عما عند الاخرين.
رابحة بت عيسي واحدة من الفتيات الممدات علي الارض ينظرن للقمر وسقف أمانيها يرتفع للفائدة القصوي من هذا المنظر البديع لتحقيق الأشباع الكامل لرغبتها الغريبه والمفرطه في السادية...لم يعرف قلبها الحنان ولم تبكي طيله حياتها التي تجاوزت الثمانين صيفا قروياً... عرفت بالشدة والحزم .. ويبدو ان القدر قد غير لحظته الاخيرة في نوعها فجاءت الي الدنيا في هئية انثويه ودواخل ذكوريه ... كانت تتجاوز بنات جنسها في المناقشة وتخاطب الذكور في صميم رجولتهم.....فالرجل في معيار رابحه بت عيسي هيبه وعزة وكلمه وحمرة عين...لذلك فإن زوجها الطريفي عان صنوف من الاذلال وتجلد حتي فارق الحياة محاولا اثبات رجولته ...وعندما كان علي فراش الموت نظرت اليه نظرة يدرك معنها تماما ... (تجلد للموت...لن تصدر منك الآهات)...ويبدو أن الطريفي قد نجح في ابعاد شبح الموت عنه ليومين متتاليين ... ورابحه بت عيسي تدخل وتخرج ممنيه نفسها بقبضه بالثابته وهو يتألم ....
*أصبر يا راجل ... أي ياهو الموت...
* عشت سبعين سنه ...الماضقتو شنو؟والماكلتو شنو؟خلاص ما خليت شي!!!!موت ساكت بعد ده

كان الطريفي كلما يسمع هذه العبارات يذم شفتيه محاولا كتم الالم وملتزما بأن لا يغيب طرفه عن زوجته التي تجوب الغرفه جئيه وذهابا....وعندما عجزت رابحة بت عيسي عن هزيمته خرجت نحو بناتها اللائي تكومن خارج الغرفه..
*يابنات قومن حولن ابوكن من العنقريب ده؟
# سجمنا!! مالو العنقريب؟
* العنقريب ده مؤسر بي جلد جمل... والجمل روحو طويله !!! المعني أبوكن ده بالطريقه دي ما أظنو يموت!!


فلاش باك:

* أنتي يارابحه ما قلتي لينا ... القمرا دي تستأهل شنو؟؟
# تستأهل ليها .... صبي.... ودقبائل.... طويل وعريض... أقول كدي يايمه إجيبو لينا خبرو...الموت ما حق!! ونقول كده نربط تيابنا في نصنا ونردح عليهو!!!!

حكي جميل يجب ان يصدر في سفر ليتاح للجميع

تحياتنا ابو عمرو

[ودالعمدة]

وينك يا حبيب مشتاقين ليك وللبوست ولكل الشخوص الجميلة في هذه الحله الهانئة وشخوصها الجميلون.

علي جنب كده : الكرش دي عملتها متين ؟؟

على طريقة الجندى المجهول ياودجلالة نقول لأبوعمرو:

أكرش على كدا

[أبوعمرو]

بعد الغياب .... نعود.... لنحكي عن حلتنا وناس حلتنا ...... التحايا للجميع قديم وجديد... أبوعمرو ...

[بنت الرفاعي]

:):):)

حمداً لله على السلامة أخي أبو عمرو:)،
وإن شاء الله نتابع حكايات حلتكم الجميلة.

مع كل التقدير والإحترام لك.:)

:):):)

[مايسة]

بوست جميل معتق بذكريات أجمل

منور أبو عمرو

[moh_alnour]

بعد الغياب
نعود لنحكي عن حلتنا و ناس حلتنا
التحايا للجميع قديم و جديد
أبو عمرو

يا رمال حلتنا زولا ً كان بأنسك يا حليلو
رحل من بلدو روح
روح و الله روح ، روح فات لي ناس جدة :rolleyes:

[ZANOON]

ودالنور والله ما جابني الا اسمك ...
منور والله ...
ابوعمرو نورت ياحبيب...

[mahagoub]

الدلارات ما فى زول بياباها
لكن قوقل ما فضح الناس فضح

[moh_alnour]

ود النور والله ما جابني الا اسمك ، منور والله ، أبوعمرو نورت يا حبيب

ذا النون يا حبيب
يا رجل يا صفوة من صفوة
المنتدى منور بحضوركم الأنيق
شاكر يا حبيب

[أبوعمرو]

حكاية من حلتنا ..


آناس .. البنادق في شنو ؟؟ .. تل تل تل ..
الجنآ ... قالوا طلع براءة ...
الجنا منو ؟؟ وهيل منو ؟؟.
السماني السماني ود حاج علي
* * *بدأت الحكاية عندما استعدت (الحلة) لاستقبال المغترب (السماني).. بعد غياب أربعة سنوات .. عاد الحبيب المنتظر .. تشطفت البنات وإجتهدت الأمهات فالعائد من الإغتراب عريس يستحق بذل المجهود والجود بزيادة عن الموجود.. ، أصبحت الحلة ذلك الصباح علي الهايلوكس موديل 2005 والذي يقف أمام ديوان (حاج علي) وقد تم حزم الشنط بعناية وترتيب ..- ماشاء الله .. الرجال غابو وجابو ..* غايتو الشنط الشافتها عيني دي لا أقول ليك تلطاشر كان خمسطاشر غير الشوالات الزي قماش الصيوان .. هازول هه .. الجنا ما خلا شي.- لكين آ النعيم أخوي أنت الجنا دا شغال شنو؟؟. * يازول السعودية قروشها كتيرة ومحرقة روحها الخم ساهل.. وبعدين الجنا نجيض وعينو حيه ...

* * *
ترن ترن ترن ...
السلام عليكم ..
- حباب السلام .. وعليكن السلام منو معاي؟
· معاك أبو بندر يا طيب كيف الحال ؟؟
- الحمد لله بسطاً غايه ومن الله مبسوطين؟.
· فين السماني أبغاه ضروري؟
- السماني ختر الصباح مشي مشوار وبجي صاد ... خير انشاء الله ما في عوجة؟؟
· لا خير انشاء الله ... بس عندي فاتورة بقيمة 120,000 ريال كنت أبغي أسال السماني عنها.المتحدث أعلاه يا سادتي كان (حاج الطيب) عم السماني... أما المتحدث الآخر فكان عم السماني الآخر ..السعودي (الكفيل) .. فالسماني قبل مغادرته للمملكة ترك تلفون عمه حاج الطيب لدي كفيله السعودي وهو التلفون الوحيد الذي يعمل بالحلة وبالطاقة الشمسية .. ، عندما أغلق حاج الطيب السماعة لمعت عيونه بشكل مخيف ... السعودي دا بسأل من الجنا لي شنو؟؟ قال كم يا ربي؟؟ 200 ألف ريال ولا مليون ريال؟؟ لا حول ولا قوة إلا بالله ... الجنا معناها ضرب السعودي؟؟ وأنا أقول البكسي والشنط ديل ما مال حلال ؟؟ ... خرج (حاج الطيب) من منزله وهو يتأبط شراً.. السماني تقول بتي شينه!!! أنا أبوك آ التاية ؟؟ .. السماني تقول بتي ضهرا معصعص!!! والله الليلة افضحك وأشيل حالك يا حرامي .. وبدأ الهمس ... - يازول انا ضرب لي السعودي هسه دي وقال الجنا خبت القروش ودقش البحر!!.. خلاهو علي الحديدة .. وفي أقل من ساعة وصل الهمس الي (حاج علي) والد السماني .. فغم عليه .. كيف لا وهو الشيخ العابد الزاهد الذي ربي أولاده علي الحلال .. السماني ولدي حرامي معقول معقول .. عندما عاد السماني من مشواره استقبله والده علي باب الديوان .. - يا ولدي تأكل حرام ليه؟؟· كيفن الكلام دا يابوي؟؟ دا كلام شنو؟؟ - دا ما كلامي ياولدي دا كلام ناس الحلة فيك .. قالوا أكلت قروش كفيلك وجيت صاد !! عمك حاج الطيب حائم في الحلة وقال السعودي ضرب ليهو وبسأل منك ومن قروشوا !! · الكلام دا ما صاح .. أنا كفيلي ما داير مني قرش .. - يا ولدي لكين أسه العفش الانت جبتو والحاجات دي .. والبوكسي والخمج البتخمج فيهو دا ما خمج حلال · يا بوي انت عارفني كويس انا زول دغري وما عندي لف ودوران .. العفش دا نصوا وصايا بتاعة ناس ... وكان علي البوكسي أنا كلمتك أول ما وصلت وقلت دا حق ناس وانا الليلة مشيت سلمتو ليهم .تجمهر مجموعة من سكان الحلة يستمعون لهذا الحوار الدائر بين حاج الطيب وابنه السماني .. وارتفع الكلام حرامي ... سراق ... الله يخيبك ... تف عليك .. ، أدرك السماني بخطورة موقفه ... فهذا المجتمع لا يرحم ...ولسوء حظه فإن تلفون عمه حاج الطيب لا يوجد به خط اتصال عالمي .. تلفت السماني يمنه ويسرا ... ثم طلب من الحاضرين تجهيز اللوري للتوجه صوب المدينة حيث تتوافر خدمة الاتصال العالمي ... ركب السماني ووالده وعمه حاج الطيب ومن الخلف ركب حاج النعمه وودالفكي ودفع الله والطيب بطران ورحمة الله ود الهادي وبعض الفضولييين ... وتحرك اللوري صوب المدينة .. أخرج السماني تلفون الكفيل وطلب من فتاة الاتصال طلب الرقم وفتح الاسبيكر .. - سلم عليكم أو بندر كيف حالك معاك السماني..· هلا وغلا يا السماني ... كيف اخبارك- الحمد لله بخير ... قالوا طلبتني اليوم؟ خير انشاء الله .. · لا خير انشاء الله .. كنت بسأل من فاتورة مصنع المكيفات فين قيدتها؟؟- قيدتها في دفتر الحسابات .. في حساب المصنع مكتوبه· خير انشاء الله ما في مشكله..- يا ابو بندر أنت عايز مني حاجه؟؟ طالبني فلوس؟؟ أو أنا أخدت منك فلوس؟؟· لا ياشيخ ... ليش بتقول ؟؟- يا ابوبندر سمع الناس ديل تاني ... أنت عايز مني حاجه؟؟ أنا أخدت منك فلوس.. · عيب عليك يا السماني تقول هيك كلام انت المحاسب وانا بعتمد عليك وعلي أمانتك.. هنا تنفس الحاضرون الصعداء ... وتحرك اللوري من المدينة صوب الحلة .. و ... و ... تل تل تل تل ..

آناس .. البنادق في شنو ؟؟ .. تل تل تل ..
الجنآ ... قالوا طلع براءة ...
الجنا منو ؟؟ وهيل منو ؟؟.
السماني السماني ود حاج علي

[أبو الخاتم]

سلام أبو عمرو ورمضان كريم ..
أسأل الله القبول لي ولك وللجميع..
ما تعرف مدى حبي لهذا البوست،
وما تعرف مدى اندهاشي
لروعة وجمال وعفوية وتلقائية الحكاوي وسردك الرائع..
ونحنا أولاد القرى في تعايش يومي لمثل هذه الحكاوي ..

تخريمة .. ما شاء الله نحنا خطبنا منكم البنية دي ..

تقبل مروري ،،

[أبوعمرو]

سلام أبو عمرو ورمضان كريم ..
أسأل الله القبول لي ولك وللجميع..
ما تعرف مدى حبي لهذا البوست،
وما تعرف مدى اندهاشي
لروعة وجمال وعفوية وتلقائية الحكاوي وسردك الرائع..
ونحنا أولاد القرى في تعايش يومي لمثل هذه الحكاوي ..

تخريمة .. ما شاء الله نحنا خطبنا منكم البنية دي ..

تقبل مروري ،،

سلام ابو الخاتم .... جابنا الدرب قلنا نرد السلام ... التحايا ياغالي .

[ابوالنور]

سلام ابو الخاتم .... جابنا الدرب قلنا نرد السلام ... التحايا ياغالي .
وانا كمان تاوقت شفتك قلت اسلم ياخ عليكم الاتنين

[اعتماد]

نورت المنتدى أبوعمرو حمداً لله على السلامة

[أبوعمرو]

طالما جابنا الدرب قلنا نفقد ممتلكاتنا ونرفع البوست دا حتى حين ... تحياتى للجميع

[ياسر عمر الامين]

يا هلاااااااااااااا بابى عمرو...نورت المنتدى وكل المنتديات المجاورة...متعنا بحجاويك وحكاويك وحضورك الباهى...

[مرتضى يوسف العركي]

طالما جابنا الدرب قلنا نفقد ممتلكاتنا ونرفع البوست دا حتى حين ... تحياتى للجميع
حباب رائعنا الاديب الاريب ابو عمرو وحباب حلتنا وحكاياتو وطالما الدرب جابك فلسان حالنا يقول

بَهـِم لو صدفه لاقيتك
درب حِـِلـِّتنا جابك يوم
تشيل ياروحي ترمي اللوم
عليّ وتزيد همومي هموم
تقول جافيك وأنا نسيتك ؟؟؟
فما تخلينا نخاف ونحكي سر الريد البجيبها الدروب
تحياتي

[أبوعمرو]

ياسر عمر وجنابو العركى مرتضى .. تحيات وشجون .. انا غايتو طولت من الحلة ..سمعتا قالوا دخلتها الكهرباء وفى ناس عندهم ويرلس بل أن أحدهم ركب إسبلت .. وخلونى اشوف الحصل شنو وأجيكم بالنجيضة

[ahmed algam]

الحبيب ابو عمرو
حمد لله على السلامة
اهلا بك فارسا من فرسان منتداك ومنتدانا الغالي
منتديات ودمدني

بس ماتطول الغيبة