المساعد الشخصي الرقمي

مشاهدة النسخة كاملة : أغاني مصطفي سيد احمد



ناصر عمر دبيب
04-08-2009, 12:08 PM
إحساس بالأمل

أدينى إحساس بالأمل
فى كل رحلة شوق .. تطول
وأدى الخطاوى الراجعة ليك
فى سكتك عشم الوصول
********
ما الدنيا كلها إنتظار
والإرتحال قدر الفصول
الموجة تحلم بالضفاف
والغيمة تحلم بالهطول
********
جايى ومعاى ضى الأمانى
وذكرى للأيام .. هناك
لحظات بتذخر بالأمانى
وكيف أنسى تذكارات هواك
نتحمل الغربة .. ونعانى
ونصبر عشان نكسب رضاك
ونغنى لو زاد الحنين
ياريتو كان سفراً .. معاك

عمر المامون
07-08-2009, 04:23 AM
منور والله يناصر..... وخيارك كان في محلو...

عمر المامون
07-08-2009, 04:25 AM
تعجبني كتيييييييييييير اغية وطنا الباسمك كتبنا..... وفي سكون الليل...وقلنا ارحل الخ

عمر المامون
07-08-2009, 04:26 AM
وكان عندك سطوت محاسنك اكتبهالي

الفخيييم
07-08-2009, 04:41 AM
تسلم يا ناصر دبيب يا رااااااقي00مصطفي سيد احمد مدرسة متفردة00كلمات باحساس عميق 00اداء بمنتهي الروعة00ظاهرة لن تتكرر في الفن السوداني00كان نفسي اقولك من زمان بالكاتمو في سري ومكتم في حشااااي مدسوس سنين00رحل صوت المغني حزين ولسه الصوت صراع زمني00اولسة بيناتنا المسافة والعيون واللهفة والخوف والسكون00هذا غيض من فيض ولي عودة00

ناصر عمر دبيب
07-08-2009, 08:19 AM
الشجن الأليم


عارفني منك لا الزمن بقدر يحول قلبي عنك
لا المسافة ولا الخيال يشغلني منك
عارفني منك ...... عارفني منك
********
تحرمني منك والمواعيد لا بتجيب منك تودي
لا الشجن قادر يشيلني عليك أعدي
لا التحايا ولا المشاعر الحيه في جوه الحنايا
لا رسالة تجيني منك لا خبر طمني عنك
وأنت سايق فيني ظنك رغم أنك أنت عارف أنه منك
لا الزمن بقدر يحول قلبي عنك
لا المسافة ولا الخيال يشغلني منك
عارفني منك
*********
ببقى بعدك في الأسى
وتبقى أنت الظالم القاسي النسى
وغصب عني أزيح ظنوني
وأقول عليك أنت المسامح فوق شجوني
أعيش زمان بالفرقة جارح فوق شجوني
وفي إحتمالي وبالي إنك أنت سايق فيني ظنك
رغم إنك أنت عارف إنه منك
لا الزمن بقدر يحول قلبي عنك
لا المسافة ولا الخيال بشغلني عنك عارفني منك
***********
يا هوى الألم النعيم خليك على الوعد القديم
وخليني في الشجن الأليم
وأبقى في كل المدائن سكتي وسفري الجحيم
تبقى أيه الدنيا من بعدك تكون وأبقى أيه من بعدك أكون
مافي إحتمالي وبالي إنك أنت سايق فيني ظنك
رغم إنك أنت عارف أنه منك
لا الزمن بقدر يحول قلبي عنك
لا المسافة ولا الخيال يشغلني منك
عارفني منك
*************

ناصر عمر دبيب
07-08-2009, 08:20 AM
صديقي الأول




يا صديقى الأول بان فى ود سلفاب ...... لغز لا يتأول جمال وكمال

كنت ناعم بال قلت لروحى اتجول .. أقتل اللحظات فى الشباب واتغزل

فجأة والإدراك فى خاف واتعطل........ لما نورك بان شفتو غز ووقل

شاف غلى ذهول وجهه هش وهلل .. قال صباحك خير قلت أحلى وأجمل
جمــــــــــــال وكمال
قال تشرف لو فى الديار تتفضل .. قلت ليو شاكرين يا كريم المنزل
جمــــــــــــال وكمال
وفات أرخى طرفو وفات والمزاج إتبدل .. خلى طرفى يجول والرباط يتحلحل

حكمة يا ابراهيم كل جمالو مكمل .. شك سهمو وفات صاب قليبى الأعزل
ليلا بوبـــــــــا وطال

القديم مدبــــور والضمير إتوسل .. عل ردفو يطيع والصدير يتمهل

الوريد مبـــــروع فوق كتيفو مهدل .. و الصدير عوام زى سحابا رحل
جمــــــــــــال وكمال
ليلى بوبا وطال حاكا ليلوالمسدل .. وصفو حورى جنان فى فريقنااتنزل

مابقول دا فلان والحديث إتسلسل ..

ناصر عمر دبيب
07-08-2009, 08:21 AM
ميلاد حـب



عشقت ابتسامك حين ابتسمت
فقلت لقلبى تمهل ..
فان الطريق اليها ..
ملئ بأقصى الحجارة
وفى الورد شوك
يشق ثياب الاغانى
تمهل ....
اضعت مع العشق
دفئ الشباب
وفى سنوات الضياع
تلمست وجهاً لك
يستقر لديها المسافر
لكننى لم ازل
فى طريقى الطويل مع العشق
يخنقنى ان كتمت ..
ويجبرنى ان اظل اعانى ..
وبعد تعلق روحى
بروح الاسى..
واحتياجات الهوى ..
فى جميع الموانى ..
واحتجاز الهوى
فى جميع الموانى
تنفست صوتك حين
اطلّ الصباح دفيئــاً
وردد اغنية الشمس
حين تحاصر صمت
هذا النعاس الصديق
تنفست صوتك كأنى ..
ارى اصدقائى بعينيك
يحيون حيناً ...
وحيناً اراهم يبكون
بحثاً عن المستحيل
الذى لا يجئ..
تنفست صوتك ..
احسست انك فى
البعد والقرب .. سيان
يشتاق قلبى الى ..
وجهك الشاعرى البديع
وأٌفشى اليك بفرحة
طفل برئ ..
تحرر من كل المخاوف
وحين استقر لديك
ليعلن فى النور
ميلاد حب بروح الرقاب
ميلاد حب طموح الملامح
يبقى يهيب بنا أن نغنى
وان نتحدى الزمان الردئ

ناصر عمر دبيب
07-08-2009, 08:23 AM
رجعلك قلب



رجعلك قليبي المهضلم
يراجع صنوف الغناوي...العصيه
يراجع معاك الكلام القبيل استباك
الكلام المبهرج وفاضي
الكلام المزيف
وما فيهو غير احتلام وانفصام
يتموت الحروف...يوم تقوم القصائد
مقام الطبول والبخور
بشوفك جرايد شواكر حوامد
ولا هامي فيها
عليها المصائب تمام التمام
مغايص بتفرم حشاها
وغباين بتنفخ بطون البسفو التراب
وحايح لهيب البتلفح تلهلب وتشوي الجلود
اتف القصائد
اذا ما القصايد دايره تبكي البكا
البصاحب رضا السردار
واتف القصايد
اذا ما القصايد بتنزل مريده
وتسبح بحمد الذي الذي ابتلاكي
وهداني الودار
طريتك وانا الكنت قايل
خيالك معشعش جوايا
سكنتك وما لاقي فجه
اخيرلك اقول البحرق حشايا
اخيرلك افضفض جراب الخبايا
اقول الكلام البفكك سوارك
يوقف جدارك .....ويرفع عضايا
تضيع الرموز التغطي الكلام
اقول السكاكر ابتني ورمتني ...وكفايا
اقول العساكر ........تباري الكباري
تفتش قلوب الجهال الشلوخهم هويه
واغني الزيود ,,,,,,,والكنانه
كضب
اقول البنات البفتحن صدورهن
يقالدن رشاشك ....ويخلن حبيبهن
.......... كضب .................
مراحك يعشي ويفشي
خدارك ..يرطب يندي الضهاري
ترابك ببوسب يقوم دخن ...لو زرعتوا الحجاره
ولادك بلادك .....كروها السحالي
تسفر سعيتك
تقنب تباري الجداد العقالي
تجوع يا البشدر خريفك سفافي البطانه
ويمطر رزازك ........عزازا حصايا
وقموحك سنابل مشاط كردفان
ولادك قصادك ...شعاع التحايا
يضووا الشقوق التلم الدوابي
ويورووا الدروب لي القلوبهم عمايا
عرقهم حبالك .......وصوتهم مشانق
تلم الدقون الكبيره
وتحزر فقر ...سمتها اليالي الضليمه
بتهدر حرايق ..وتحمي البياكلوا المطايب
وتسجن بطون الجياع ......العرايا
وشوشهم سمر ....حر اباطك
صفوفهم مقامك ...وحلمك حلمهم
رغيفه وكرامه..............وسلامه
مصانع بتحرق قبل تبدا فيها
مزارع بتيبس
ونيلك ممد جنازه
وعقيدك سيدك ..ززبيكتب وبيمحي
وتبقي المحايه وتبقي المحايا

ناصر عمر دبيب
07-08-2009, 08:24 AM
أبداكى من وين



أبداكى من وين .. وفينى منك لسة حاجات
من مخاوف ومن شجن
أبداكى من وين .. وظنى إنك
فكرة إعلان الحياة الحياة
وإنتهاءات العوارض والمحن
نفسى ألقاكى وأكون
أنا كلى من بعضك
أو .. بعضى من كلك بدن
وداير أبقاكى وأوحد دورة الدم
المقسمة بينى .. بينك .. والسحن
..........
أبداكى منى .. ولاّ منِّك
أبتديكى محل .. محل
من ياتو منفذ أدخلك
وكل المنافذ فيكى سدّاها النحل
من ياتو شارع أوصلك
وكل الدروب معطونة لى آخر الوحل
.. أستبيح كل الحواجز .. وأدخلك
من كلامك بدخلك
من بين مسامك بدخلك
من أى قاسم مشترك
وشبهة تشابه .. ادخلك
ونتلاقى نهرين من تسامى .. وإشتها
وأبداكى من حيث أنتهت عندك خواتم الإنتها
أبداكى .. وأخلع خيام عمرى المضى
وألقاكى مبسوطة اليدين
مفتوحة أبواب الرضا
أبداكى من لحظة أنستِكْ نار
وأخدت من قبسك .. هُدى
وأنا ضُمـّة زاهد
فى الدروب الما بتجيك
.. ولا بترجِّع ليا من تالاك صدى

ناصر عمر دبيب
07-08-2009, 08:26 AM
العزلة ضد العزلة شعر الصادق الرضى






كما يتسرب الضوءُ شفيفاً

صوب سطحِ البحرِ

وهو محمّلٌ بروائحِ القمرِ النبىِّ

خلاصة السحرِ .. غناءُ النشوةِ الكبرى

وهفهفة العناصر فى تراكيبِ الضياء

تتصاعدُ الأرواحُ فى الأمواجِ

وهى ترتـِّلُ الغصةَ شيئاً من خواصِ الماء

خيطاً من دخانِ الرغوِ

فى همسِ المزاميرِ

ووشوشة الغناء على شفاهِ الحورِ

إذ يسبحنَ بين القاعِ والسطحِ

فضاءُ الرهبةِ الصدفيـّةِ .. اللاّلون

حيث الصمتُ فاتحةُ الوجودِ الداخلىِّ

.. لدولةِ البحرِ وقانون المياه



خـُذ من شعاعِ الشمسِ نافذة

.. وحلّق فى فضاءاتِ الغياب

إلى رحيلٍ .. أبدىٍ

.. لا مكان الآن .. لكْ

واللهُ يسكنُ بالأماكنِ .. كلِها

وجهاً يضوِّءُ بالأزقةِ

شارعاً يمتدُ فى كِسرةِ الخُبزِ ـ الطعامِ المستحيلِ ـ

إلى ثيابِ الفقراء



ماذا يلوِّحُ بالنوافذِ ؟

هل ترى منديلَ عاشقةٍ بلونِ البحرِ

دمعُ صبابةٍ .. فى نهدِ عاشقةٍ بطعمِ النارِ ... يقطرُ

والعصافيرُ إكتمالٌ للندى

.. فى شُرفةِ الحلمِ .. تسد الأُفق

تبحثُ عن طفولتِها بذاكرةِ الفضاء الرحبِ

والفجرِ المعلّب فى رِفوفِ الصمتِ

واللغةُ الخفيةُ للغناءِ على مسامِ العشبِ

والشجرُ المخبأُ فى تماثيلِ الشجر



الحزنُ لا يتخيّر الدمعَ ثياباً

كى يُسمّى فى القواميسِ .. بكاء

هو شىءٌ يتعرى من فتاتِ الروحِ

يعبرُ فى نوافيرِ الدمِ الكبرى

ويخرجُ من حدودِ المادةِ السوداء

شىءٌ ليس يفنى فى محيطِ اللونِ .. أو يبدو هُلاماً

فى مساحات العدم



الحزنُ فينا كائنٌ يمشى على ساقين

دائرةٌ تطوِّف فى فراغِ الكون

تمحو من شعاعِ الصمتِ .. ذاكرة السكون المطمئنة



كيف ترفضُّ الجدائلُ..

فضةً فى الضوءِ

ترفضُّ الفقاقيعُ مابين إمرأةِ الرزاز

إشارةً للريحِ فى المطرِ الصبىِ

إضاءةً للماء .. خيطاً من حُبيباتِ الندى

سحراً .. صلاةً .. هيكلاً .. قوسَ قُزح

ذلك سرُ الكونِ ..

أن تبصِرَ فى كلِ حُسنٍ آيةً للهِ

أنواراً من الملكوتِ .. والسحرِ الإلهىِّ المهيب

ذلك سرُ العدلِ ..

أن تتفجر الأشياءَ .. تفصِحُ عن قداستِها

.. ترى فى الشىءِ ما كان إحتمالاً

ثم تنفتحُ الكنوز

الأرضُ كانت تُدخِرُ القمحَ لأطفالٍ لها..

فقراء .. لا يتوسدون سوى التراب



قُلْ للذين يوزعون الظلمَ بإسمِ اللهِ فى الطرقاتْ

وفى صفوفِ الخُبزِ .. والعرباتِ .. والغرف الدمارْ

البحرُ .. يا صوتُ النساءِ الأُمهاتْ

القحطُ .. يا صمت الرجالِ .. الأُمهاتْ

اللهُ حىٌّ .. لا يموتْ



كيف إستوى ماكان بالإمسِ هواءاً نتناً .. روحاً بغيضاً

بما كان هواءاً .. طيباً

ريحاً يؤسسُ معطياتِ الشارعِ الكبرى

عبيراً ضد تلك الرائحة

ما أشبه الليلةَ بالبارحة

كلِ ما كنا نغنيهِ على شاطىءِ النيلِ

تغيّبْ ... وأنطوى

فى الموجِ منسياً .. حُطاماً فى المرافىءِ

أو طعاماً للطحالبِ

فى إنزلاقِ الصوتِ للقاعِ

وفى صمتِ المسافاتِ القصيّة



نحنُ فى ساعةِ الحزنِ وميقاتِ الفجيعةِ

والفراغِ العاطفى .. الوطنى

الآنَ لن نبكى

ولكن .. من يساومُ بالغدِ الآتى

وماذا سوف نخسرُ ؟

نحن بالغربةِ رتبنا بلاداً

لا تُشابهُ غير وجه الذاتِ .. بالمرآةِ

إمرأةٌ هى الغةُ .. الرمادْ



لا تثقْ بالقلبِ

إن العِشقَ يؤذى

بينما يُجدى التحرُكُ فى السِكونِ

.. وفى مساحاتِ الأنا

وعىُ التكوُّنِ .. وأبتكارُ الفردِ .. مجموعاً

يوازى سلطة الإطلاقِ

تحديد المواضِعِ .. بالإشارةِ نحوها بالإسمِ

تفتيتُ الهُلامِ

وأختراقُ السرِّ

فتحُ نوافذَ الأشياءِ

تكريسُ التفاصيلِ الدقيقةِ

قوةٌ تنسفُ الأحلامَ .. والذكرى

وأشباهَ الحبيباتِ ـ الدمى ـ والأصدقاءْ



لا تثق بالقلبِ

كى يتصاعدُ الضوءُ على كلِ المساحاتِ

وحدِّق جيداً

إخترْ مكانك وأحترق حيثُ إنتهيتْ

أنت منسوبُ الدمِ الآن

وأنت الإشتعال ـ النارُ مجمرةُ الغضب

أنت إذن ضياءُ اللحظةِ الآتى

أنا ــ أنت : نحنُ والناسُ والشارعُ

والعواميدُ التى تمتدُ بالأسفلتِ

صوتى ــ صوتك المشروخُ فى صدإِ المقاعدِ

وإنهيارُ البراكينِ

لم أقل أن الفضيحةَ قد تراءت فى تلافيف العُمامة

وأمتدادُ اللحية ـ الزيف

لماذا لم تقل أن العمارات إستطالت

.. أفرغت أطفالك الجوعى .. على وسخِ الرصيف

أنت تعرف أنهم ..

يقفون ضدك ــ ضدنا ــ ضدى

وأعرفُ أننى سأظلُ السلطة ـ اللاّ وعى

نحن الآن فى عُمقِ القضيةِ

مركز النارِ

وبالهامشِ .. تبقى سلطة اللغةِ الخفيفة

كى تُعلَقَ فى الفراغ



نعم ستنسى كل ما يأتون من فعلٍ .. وقول

سوف نصلبُهُم عرايا .. بالمساميرِ

على بوابةِ التاريخِ

ثم نعبىءُ الأيامَ فى الصمتِ الخرافىِ .. الرهيب



لستَ من نورٍ لتغفرَ

أنت من طينٍ لتبنى

فأبنى لى بيتاً لنا ــ لكَ ــ للصغارِ القادمين



أن يكُ للعدلِ فى الأرضِ وجود

فليكن دمُنا هو المقياس

إن تكُ السماءُ مقابلاً للأرض

فلتكن الدماءُ مقابلا للعدل



قال اللهُ كونوا ــ ثم كنا

هل تحققنا تماماً من وجودِ الذات

.. فى أرواحنا

ضوء التكوّنِ .. وأنطلاقُ الكائنات ؟

نحن نخرجُ من غناء العزلة الكبرى

لنكتب عن غناء العزلة الكبرى

ولكنّا نصاب بضربةِ الحزنِ

أوان خروجِنا من داخِلِ الصمتِ

.. وفى جوفِ السؤال ..

ناصر عمر دبيب
07-08-2009, 08:27 AM
الحاج ود عجبناا شعر الفرجونى غناء مصطفى سيداحمد



عمنا الحاج ود عجبنا .. فى الفريق ياهو الركيزة

هو البشيل حمل الرضاعة

وعندو كلمة على الجماعة

فى الطريق باقيلنا .. تاية

وكل طيب ليهو غاية

وللضعيف تلقاهو ساند

يقهر الكعب المعاند

وللضيوف ديوانو فاتح .. ديل يهلوا .. وديل يقوموا



عمنا الحاج ود عجبنا

من سنين أيام جهلتو

يسأل المولى السلامة

وسترة الحال .. والكرامة



عمنا الحاج ود عجبنا

فى ليلة من ذات الليالى

فى زمن حظر التجول

جاهو ضيف فى راس حداشر

رحب الحاج بيهو .. جداً

فرّشولو .. ونزلوهو .. وكاسو للعشا .. ما أتلقالو

ما الرغيف ممحوق .. مقصّر

والبلد فى حال معسِّر

وعمنا الحاج فى مبادؤو

وجبة الضيف زى فريضة

وهسة ضاقت بى العريضة

ضيفو كيف يترك عشاهو

.. من ده زايد إختشاهو

وجاتو فكرة

يمشى للفرن المجاور

ولى لجان العيش .. يشاور

بس عشا الضيف .. يا جماعة

ضيفى نازل .. ليهو ساعة

شاكلوهو ودفروهو ونهروهو .. وجاتو دورية الطوارى

وأمسى بايت فى الحراسة

وناسو جنـّوا .. للصباح ما عرفوا حاجة

وجاهم الخبر المؤكد

ود عجبنا فى الحراسة .. ماشى محكمة الطوارى



ناسو .. أولادو .. وبناتو

عرفوا حالو .. بدرى فاتوا

راحوا محكمة الطوارى

وفيها فى نص الخلايق

شافوا حالاً ما لايق

عمنا الحاج بى جلالو .. فوقو حس السوط يولول

فوق قفاهو .. فوق زنودو .. وفوق رجولو

ومرة فوق فِججاً حشايم

أصلو ما قايل بهونن .. حتى لو نزلن هجايم

إلاّ لكن الليالى

هى البتِترْخِص كل غالى



حاكمو الولد المنصّب .. كتفو بالدبّور .. مقصّب

إنت يا حاج يا مخالف

زول مخرّف وعقلو تالف

إنت ياحاج ماكا دارى ؟

ذِلة الناس فى الطوارى؟

أجلدوهو .. وغرموهو .. ونفذوا الحكم البهينو ..

شان يفتِّح تانى عينو

تسمع السوط ليهو خاوية

وفوق قفا الحاج صيحتو .. داوية

وفجأة .. رفع الحاج عيونو

شاف بنات ولدو .. وبناتو

كلهن واقفات يعاينن

دمعتن فى العين ترقرِق

ووجعتن فى الجوف .. تحرّق

والحزن ليهن يفرّق

دى النجوم الفى سماهن

كل سوط نازل عليهو من شعاع الضو .. عماهن

عمك الحاج دمعو .. سرّف

وسيلو فوق أشنابو .. زرّف

تم حكمو .. وراح بيوتو

نفسو مكسورة .. وذليلة

كيف ملاقاة الحليلة

وصحوة الروح العليلة



فى البيوت الجوّة .. غادى

عمك الحاج .. ما أعتيادى

وفوقو متلمِّين جماعتو

والسكيلى ضرب .. حزاينى

وقالوا ناداهو المنادى

فارق الدنيا المهينة

يقطع الذلّة .. وسنينا

وفوق فراش ودعجبنا

بسمع الزول البوصى

أقفلوا الحوش يا جماعة

وطفّوا أنوار الرتاين

داك حرس حظر التجول .. من بعيد ليكن بعاين

ناصر عمر دبيب
07-08-2009, 08:29 AM
صحوة, غناء مصطفى سيداحمد شعر د. طلال دفع الله

لما اتلامس بينى وبينك شبق المطره وشوق الصحرا
زلزلوا روح السد الواقف بين الرؤيا الفجر الاخضر وبينا .. الليل الجرح النازف
شفتك تغزلى من احزانك معبد مجدك فرح اكوانك
اتعافيت من خدر الغفوه ضحيت ناديتك انا انسانك
من جواك شهقت هواك
زفرت سموم النخب الصفوة
وجيتك منك
وجيتك ... مدى حبال مرساك
ان حطمت قواقعى الرخوه
وانسليت من جرحى عشانك
هاك استلمى كمال البيعة
يلا استلى سيوف اتخبت تحت اجفانك
حضنى عليك الدرع الواقى
ولى بس حبك ياهو الباقى
من بركاتك نبض اعراقى
وامنى يفرهد بين احضانك
يلا ادينا خريطة السكه
ودمدمى لينا نشيد الغضبه
حنبدا معاك الخطوة الصعبة
ونحيا الفرح الجاى زمانك
وانتى الفرح الجاى زمانك

ناصر عمر دبيب
07-08-2009, 08:30 AM
كلمات اغنية علمى عيونى السفر

علمى عيونى السفر
علمى عيونى السفر
ما البسافر فى عيونك
سكتو بتبقى السلامة
ينسى أحزانو .
ويعرف الدنيا جنبك إبتسامة
ظللى الناس بى حنانك
أبقى ليهم ضل غمامة
*********
الشقا اللاّزمنى .. مدة
يوم بفوت .. والفرحة تبدا
ما بقول .. فارقنى عدّى
عشان بخاف ترحل عيونك
وتنهزم فينى الأمانى
وبى شقاهو .. وبى أساهو
تانى يتوشـّح زمانى
أصلو غير عينيك .. وحاتك
مافى للأفراح .. معانى
********
جينا ليك شوق فى عيونـّا
وفى عيونك شوق يناغِم
الشجون باكر بترحل
والزمن يصفا .. ويسالم
والحلم يصبح حقيقة
وتنسجم فى الحب ظروفو
والحنين تزهر غصونو
والعشم .. دانيات قطوفو
شوفى كيف يوم بكرة .. عامِر
هاتى إيدك .. شان نطوفو

ناصر عمر دبيب
07-08-2009, 08:32 AM
نورة



وكتين يضيع عرق الجباه الشُّم
شمار فى مرقة .. آه .. يا نورة آه
من دربك التوّر نفس خيل الصبر
فتـّر خطاوى الشوق وراه .. يانورة .. آه
ساعة الشموس الغُر تهضلم
تلحق الصِّح .. فى المغارب
يستر الضو الكهارب
تستر المدن السرابية .. الضبابية الكآبة
حائط التيه .. والطشاشات .. فوق قفيِّك
يا أمْ عوارض...
يا أمْ عوارض .. ما دُعاشة
ماها شبـُّورة وتقيف .. جايى ليك يا نورة غيمة
تملا ماعونِك خريف
يملا عينيكى ويفضـِّل
يروى جوّاك العطاشا
*****
يا نفس فجر القصايد يا بلادى
القطع قلب الروادى .. بى اللّواج الجاى .. وغادى
ماهو صوتك .. لاها صورتك
دى البترقش نادى فوق صدر الجرايد
إنتى يا حُضن الصحارى
شُفّع العرب الفتارى
البفنـّوا الشايلا إيدمْ
ويجروا كايسين القطارى
لا سراب الصحرا .. موية
ولا حُجار سلّوم .. موائد
حالكم البصرخ وينادى
ياوطن عز الشدائد
*****
يا هُدى الناس الحيارى
يا ندى الفجر الببلِّل نور عِوينات الفقارى
جايى ليك يا نورة
آفة .. للسوس البنقـِّر
عود عِشيماً داخرو فيك
أصلى لمـّن أدور أجيك .. بجيك
لا بتعجّزنى المسافة
ولا بقيف بيناتنا عارض
لا الظروف تمسك فى إيدى
ولا من الأيام .. مخافة
يا نفس فجر القصايد
ما ضِهِبْ فى بعدى عنـِّك
أصلى متغرِّب عشانك
راضى بى الجايينى .. منـِّك
ما شكيت شُح اليالى .. وما بكيت نُحْ .. شِلتوا حالى
رغم إنو الحال بيفضح
إلاّ كٌتْ فى الحارة بصرُخ :
يا وطن عِز الشدايد

ناصر عمر دبيب
07-08-2009, 08:33 AM
المسافة




لسـّة بيناتنا المسافة .. والعيون ..
واللهفة والخوف .. والسكوت
ورنة الحزن البخافا
تعدّى بى الفرحة ... وتفوت
وأمشى بى الحسرة .. وأموت
*********
الأمانى الفى سفر
قبل الزمن .. كايسة الموانى
يوم تجيبنى عليك .. بصدّق
إنو مرة الحظ طرانى
وإحتوانى معاك شجن .. عذبنى قبلك
ولسـّة منك .. جايى تانى
تمشى وين الخطوة عنك
ما الزمن بى الحب بلاكا .. وإبتلانى
************
لى عيونك يا مداين الفرحة والحب .. والجسارة
عندى ليك مليون بشارة
وألف خير ... والكلمة شارة
وإنتى لمـّا الحب يهـوّم بى عيونى
وفى عيونك بى قى حائر .. بالأمارة
الفرح منك .. يجينى
يعترينى الخوف عليك
خطوة منك .. خطوة ليك
راجى منك بس إشارة
وكلمة تدينى البشارة
ولاّ بيناتنا المسافة ؟

ناصر عمر دبيب
07-08-2009, 08:34 AM
الشوق من حاطف لا قاطفْ


الشوق من حاطفْ .. لا .. قاطفْ
إتلمَّ يهز ليك .. يا نوراى
يادرقة وسيف
يا حضناً .. كيف
من شر الصيف والشتا .. ضاراى
يا شعلة عِـز .. بقـّت جوّاى
عدّت بى ضلام بحراً عاصف


يا بت العرب النوبية
يا بت النوبة العربية
بى فردة نخوة .. بجاوية
أو شدر الصحوة .. الزنجية
دسينى من الزمن الفارغ
من ريح المتعة .. الوقتية
من شر الساحق والماحق
بين دبشْ المدن .. المدعيـّة
والليل إتحكـّر بيناتا
كحـّل بى دبشو عويناتا
يا شمس الناس .. المنسية

ناصر عمر دبيب
07-08-2009, 08:35 AM
من الواسوق


من الواسوق أبت تطلع
من الأبرول أبت تطلع
من الأقلام أبت تطلع
من المدفع طلع خازوق
خوازيق البلد زادت
يفيض النيل .. نحيض نحن
يظل حال البلد .. واقف
تقع محنة
ولا النيل القديم ياهو ... ولا يانا
نعاين فى الجروف تِنهد .. ولا يانا
رُقاب تمر الجدود تِنقَص .. ولا يانا
متين إيد الغُبُش تتمد
ولا قِدّام
تتِشْ عين الضلام بى الضو
تفرهِد شتلة لا هدّام
ولا فيضاً يفوت الحَد
عُقُب يا نيل تكون ياكا
ونكون أهل البلد بى الجد

يا مطر عِز الحريق
يا مصابيح الطريق
يا المراكبيى البتجبِد .. من فك الموج الغريق
جينا ليك والشوق دفرنا
يا نشوق روحنا ودمَرنا
يا المحطات الحنينى القصّرت مشوار سفرنا
ياما شايلك بينى حايم
لا الليالى المخمليى
لا العمارات السوامق .. لا الأسامى الأجنبيى
تمحى من عينى ملامحِك
وإنتى جايى المغربية
.. دايشى .. داقسى .. المغربيى
وشِّك المكبوت .. مكندك
سمسونايتك زمزميى
كون شِبِر .. طوريى .. مُنجَل
سِبحِى .. فانوساً مدردح
قلتى بيهن لى زمانِك
يا زمان الحاجى عِندك
يا زمان الآهة حدّك
لا تَطَى الوردة الصبيى

ناصر عمر دبيب
07-08-2009, 08:36 AM
أسئلة ليست للإجابة


ما معنى أن نحيا .. ولا ندرى
بأن العشق قد يبقى سجيناً فى الخلايا
ما معنى أن نشهد موات الأغنيات
ما معنى هذا الصمت الذى لا ينتهى
وبرغم حوجتنا الصراخ


هل يختفى الظل الذى لا ينتمى
إلا لمعرفتى وجهلى
وهل نودع بعضنا ونذهب فى سراب الذكريات
كيف تبدو الذكريات
كيف يبدو طعم أيام الشجن
من يعلم ذكريات كل أشكال التداعى ..
والرحيل المر دوماً
حين يختلط المدى بالمآسى .. والمخاوف
وأحتراق الأمنيات

تعِبٌ هو البرق الذى لا يضيءُ أقبية الخبايا
لا ينتمى للسحبِ ..
والعشبُ الذى لا يرتوى
إلاّ بطعمك يا عصيراً من خليط الدهشةِ الأولى
وأحتراق الأغنيات

ناصر عمر دبيب
07-08-2009, 08:38 AM
باكر ضوّاى


متخبية والناس شايفنك
باباى ونخيل
متخفية والناس عارفنك
قرآن وإنجيل
وشقانا معاكى .. هو إنـّك
طاويك الليل
لكن واردنك .. وراويانا
لا عيون تحزن .. لا دموع بتسيل
*********
يوم بكرة جميل
ضوّاى .. ووسيم
يوم بكرة جميل
باكر .. دافـِر
يوم بكرة جميل
أبداً لا أتغرّب .. لا مسافر
باكر ضوّاى
وجميلتو الليل الما سوّاى
كان حاول يطمس أقمارو
يوم بكرة جميل
أبيض ريحو
من فالو النيل يطمح طوفان
وتخاف من موجو تماسيحو
باكر ضوّاى
كلمات وأناشيد .. وقيامة
باكر ضوّاى
وغناهو الحادى .. الهدّاى
يوم بكرة جميل

ناصر عمر دبيب
07-08-2009, 08:39 AM
عز المزار


من بعد ما عز المزار
والليل سِها .. وملّت نجوم الانتظار
والشوق شِرِب حزن المواويل
ولنجرح خاطر النهار



وبقيت أعاين في الوجوه
وأسأل عليك وسط الزحام .. إقبال أتوه
يمكن ألاقى أل بشبهك
ما الليل براح
والشوق .. تعالى فيندهك


شايلاهو وين النيل معاك
عصفورة جنحاتا النجوم .. وأنا بى وراك
بسأل عليكى مدن .. مدن
وأعصر سلافة الليل .. حزن
بسأل عليك في المنفى .. في مرفا السفن
يمكن طيوفك أُخريات الليل تمر
تملا البراحات ..
لى الحزين طول العمر

ما نحنا بينا الأمنيات والتضحيات
بينا المعزات .. والعذابات في الحياة
بينا الهوى ..
إخلاص على قلب إنكوى
وكلام قديم
قلناهو آخر الليل .. سوا
إنو راح نتلاقى لو طال النوى
لكن كلامنا الكان .. وكان
خايف يكون شالو الهوا

ناصر عمر دبيب
07-08-2009, 08:41 AM
سحابات الهموم
عمر الطيب الدوش



سحابات الهموم .. ياليل
بكن بين السكات والقول
وباقات النجوم
الجّن ..
يعزن فى المطر
فاتن عزاك .. رجعن
وشوق رؤياك دوام مشدود
على أكتاف خيول... هجعن
وصوت ذكراك .. مكان يجرى
يلاقى السيل ...
وسر مدفون بصدر النيل


ولولا الذكرى مافى أسف
ولا كان التجنى ... وقف


وصوت ذكراك
رزاز صفق
على خطوات بنات .. سجعن
وصوت ذكراك ..
حنين لى غيبة فى المجهول
ولولا الذكرى مافى ..وصول
ولولا الذكرى مافى .. إصول
ولولا الذكرى مافى شجن

سحابات الهموم ياليل .. بكن

ناصر عمر دبيب
07-08-2009, 08:43 AM
كتبت ليك


لا بينى بينك ريدة .. لا قصة غرام
إخترت ليك
أجمل حروف .. وأصدق فواصل نادرة
فى لغة الكلام
لا قصدى ألهو معاكى بى كلمات غنا
لا شعرى ليك مرجيحة من شعر الغمام
كتبت ليك والله يا قمر الزمان
شان جيتى بى زمن المحنة
وشفت فى عينيكى .. حس أهلى القُدام


كتبت ليك وأنا جايى من زمن الشقا
الممدود على وش الثوانى .. مظللا
تتمدد الساعات سنين
تتفتح الأحزان غريبة .. ومذهلة
وأشتاق أفتش نسمة .. فى الزمن العذاب
وأيامى من كتر الأسى
وكتر العزوف .. والإغتراب
صارت حروف مترهلة
لحظات أسيفة .. ومذهلة



كتبت ليك
ووقفت ليك .. لامن لقيتك جايه من قلب الطريق
ولمحت فيك راحة المشاوير البعيدة
ونفحة النسمة الحنينة
الجاية من قلب الطريق
حسيت عجايب الدنيا .. إتلمـّت .. بقت
جايـّانى من عصراً سحيق
عينيكى حس أطفال بنادوا القمرة لى الغايب .. يعود
وجبينك الضوّاى
حجا الحبـّوبة فى الزمن السعيد



وأنا فى قساوة الموحش
الزمن المكهرب .. بى الحريق
أنا حيلتى أيه
قوليلى يا قمر الزمان
غير أتـّكى .. وأحلم معاك
وأحضن أماسى الصحو ..
والأمل البريق

ناصر عمر دبيب
07-08-2009, 08:44 AM
مصطفي سيد احمد "جمر الهوي


في طريق الليل ضاع الحادث الثانى
وضاعت زهرة الصبار
لاتسل عنى لماذا جنتى فى النار ..
فالهوى أسرار
والذى يقضى على جمر الهوى أسرار ..
بالذي يخفى الهوى بالصبر
بالله .. كيف النار تخفى النار ..
يا غريب الدار إنها أقدار
كل ما فى الكون مقدار وأيام له
إلا الهوى ما يومه يوم ..
ولا مقداره مقدار
لم نجد فيما قطار العمر يدنو
من بقايا الدرب من ضوء
على شيء وقد ضج الأسى أسرار
كنت تدعونا فأسرعنا
وجدنا هذه الدنيا محطات بلا ركاب ..
ثم سافرنا على أيامنا أغراب
لم يودعنا بها إلا الصدى ..
أو نخلة تبكى على الأحباب
ياغريبا يطرق الأبواب ..
نحن من باب الشجى
والزخرف الرمزى
والألغاز والمغزى ..
وما غنى على أزمانه زرياب
كلما فى الكون أصحاب وأيام له
إلا الهوى ما يومه يوم ولا أصحابه أصحاب
كم طرقنا بابك السري
فى وجد وفى خوف ..
لم تجبنا فابتعدنا فرسخا هجرًا
فالفيناك سكرانا جوابات فلم تغفر ..
ولم نغفر.. كلانا مدع كذاب ..
كل غىء تاب
انما غيى وغي فيك قد غاب ..
وراء النرجس المكتوب للغياب ...
لاتسل من عادة إن تكثر الاقوال
فى من ذاق خمر الخمر ..
فى المحراب ..
لم يقع فى الشك
إلا أنه من لسعة الأوساخ ..
تنمو خمرة الأعناب ..
نبه العشاق
مدنف اودى بلا هجر ولاوصل بباب الطاق ..
مرهف من خرقة الدنيا
على اكتافه لم تستر الاشجان ..
والإشــــــــــراق والأشــــــــــواق ..
موغل فى السر ..
مدنس بنار الوجد فى الأعماق
ما ابعد الأعماق ..
لم يفق يوما ولم يأبه بمن قد فاق
مشفق مشتاق كله أطراق ..
أثقلته الخمر صحوا فانبرى يبكي
واطفال الزمان الغر لجوا حوله
سخرية في عالم الأسواق
قل لأهل الحى هل فى الدور من عشق ..
لهذا المبتلى ترياق ..
نأمة فى العشق تكفى ..
نقطة تكفى ..
فلا تكثر عليك الحبر والأوراق ..
كل مافى الكون تنقيط له إلا الهوى ..
فبالتنقيط نهوى .. واســال العشـــــــاق
كان يأتى العمر يقضى صبوة فيها
ويصغى للأقاصيص التى فى آخر الدنيا
وفى عمر وفى أحباب ...
هاهنا ينهال فى صمت رماد الموت
يخفى ملعب الأتراب
لاتسل لماذا ألف مفتاح ومفتاح لهذا الباب ..

ناصر عمر دبيب
07-08-2009, 08:46 AM
مصطفي سيد احمد " كلمات اغنيه يا سلام عليك", مصطفي سيد احمد "كلمات عبد الوهاب هلاوي



يا سلام عليك عبد الوهاب هلاوي
لو مني مستني الملام
ياسلام عليك يا سلام
ياحلو دا السكوت مرات كلام
وعدم الكلام هو كمان ملام
يا سلام عليك يا سلام
انا يا غرامي وصلت بيك
في الدنيا لي حد الغرام
ولقيت ملامي في عينيك
يا سيدي زي الما ملام
يا سلام عليك يا سلام
الوردة لو فاتها الفراش
ما أظن تلومو مع الندى
ما بتجرح احساسو الجميل
والريدة يا حنين كده
يا سلام عليك يا سلام

ناصر عمر دبيب
07-08-2009, 08:48 AM
يا بكره
يحيى فضل الـلـه



مساماتك بتتشقق
عشان تشرق صباحاتك
صباحاتك بتتعانق مع الفكره
وتاخد من جراحاتك
تضيف احساسنا لى بكره
يا بكره ..يا بكره
يا بكره الغصن ناشف
يابكره الفرح يوماتى
بيكاتل حزن اطفال
بتتشابا عشان تعرف
شنو الفى ايدنا لى بكره
شنو الداخرنو للسكه
عشان تشرق صباحاتك
عشان تقصر مسافاتك
عشان تبرق غماماتك
عشان تخضر مساحاتك
عشان بكره وبعد بكره

ناصر عمر دبيب
07-08-2009, 08:49 AM
مسيحية

محمد كرم الله


قصة طويلة يا خلا عايشة وفى الفؤاد حية
قصة ريدة بين إنسان مسلم وبين مسيحية
أحلف ليها بالإسلام وتحلف بالمسحية
ليها عقيدة ما بتتفات ودينى كمان عزيز ليا
سان أسمر من السودان أنا
وقبيلتى شايقية فى أقصى الشمال
إتربيت هناك فى قرية عادية
إتربيت بالدقيق وجغمة موية طينية
أو قراصة بى سيروق والله بليلة لوبية

ناصر عمر دبيب
07-08-2009, 08:50 AM
وهج الشعــــاع




يا ريتنى زى وهج الشعاع تمتد سحابات الغروب سر روعتو
وزى قدر المسافر لمدن محهولة لما تضيع خطاوى البهجة
فى همس الكتوم
حبك صبح أشتات ظلال وأطلال خيال خرافات قصتو
برحل عشان أنساك وأسيب الذكرى فى وجع الطريق
وأمسح دموع شمس الهوى المصلوبة فى صمت الغروب
وأمسح دموع قلبى التعب كان فى هواك
يقدر يتوب ما كان عشم قلبى الحزين
مترجى من عينيك حدود كان عندى فى سفر الأمل
تلقى البودع ليك وعود والليلة يا قلبى اللى راح
بروعة أشراق الورود مد الغروب المادى أيدو
ضاعت أحلام الورود زى ما بموت وهج الشعاع

ناصر عمر دبيب
07-08-2009, 08:51 AM
ولمانديلا سأغني
عبد الله محمد عثمان



و لمانديلا طليقا سأغنى
فرحة الثوار فى الزمن المصادم
كان سجنك امتدادا للمظالم
كان تعبيراً صريحاً للمآسى
وازدهار الجرح فى زحف المظالم
يابريقاً شاجنت ترنيم صحوك
انفعالات الملاحم
يا خلاصاً أشعلت أطياف عزمك
دهارات المكارم
كنت وعدا باندلاق الفجر
فى كل المعالم
كيف تحسبك الحوائط
يا صباحا مشرئبا ;كى يقاوم
ولمانديلا طليقا سأغنى
فرحة الانسان فى كل العوالم
********
أيها الثائر نحن
لم نكن نراك يوما رضينا
ان نراك العمر مرتهنا سجينا
أو نعيش الدهر دوما خاصعين
للمظالم والغذاء القاصبين
قد رفعنا اليوم فينا
راية الانسان فى كل الأعالى
وفتحنا دورة الازمان
للفجــر المثالــى
وهزمنا بالنضال الحــر
ارجاف الاعادى
ثم عدنا لا نبالى لا نبالى
يطوه السجات او ظلم الليالى
ايها المصلوب فى جرح المآسى البشريه
سوف تحملنا الخيول الامهريه
ذات يوم السباقات الذريه
حيث تمتد الايادى لخلاص البشريه
من زمان الحزن من جرح المآسى العنصريه
حيث انسان الهويه
لابسا صحـو البنفسج
وعميقا كانتصار الحق
فى زمن التوهج
يزرع الآمال ساحات البريه
ويعلى قيمه الانسان
فى كل العوالم

ناصر عمر دبيب
07-08-2009, 10:03 AM
ما بان عليك سفر العمر
مدنى النخلى



ما بان عليك سفر العمر
لسة الربيع يا دابو زار
لسة الضفاف المترعة
بتفيض ندى وتطرح ثمار
وأنا جوة قلبى المشتهيك .. الناس عليك ناداها فال فى
نزفت جراحات الودار .. عيوننا نام إبتهار
جوه العيون أطفال فرح .. لمة زفاف
جوه العيون تشرق شموس .. يرحل جفاف
ندمان بتغرق فى النعيم وحنان غمر عاشقين.. رهاف
وأنا جوه قلبى كل بيت
وأنا جوه قلبى المشتهيك .. نزفت جراحات الودار
يازهرة طالت بالفرح بتاقص أنوار المساء
ما بان عليم أثر القطاف
ولا جاتك أيام القساء
ما اروعك وانت الشباب
بحمرة الريد أكتسى
وانا جوه قلبى المشتهيك
وانا جوه قلبى كل بيت
نزفت جراحات كل بيت

ناصر عمر دبيب
07-08-2009, 10:07 AM
لحظة شهيق عاطف خيري



نكر صوتك صداك غالطني الزمن فيك
شهرت على الجفاف وعدك بطاقاتنا
الخريفية رجع فاضي الكلام مليان معاك
أتبرجت غيمة وشهق جواي صوت جدول
مرقت على المطر حفيان لقيتك والرزاز
مدخل وناديتك أقيفى معاى نشيل كتف
الغنا الميّل ونتخيل حلم دونك بيتحقق
وقبلك خيل دماي واقفة على شرياني
تتشهد وبرد صوتك صداك غنيتي
رشحت حلقك لي إذاعات الشجر
والمنتظر من عودة المدعو المطر
للطنابير والمسادير واللسة في رحم
القصيد والدابو حسة وفى سوق عكاظ
بين مزازات الحروف غيرت رسمك
واحتكرتك للظروف للزمان اللي جائى
واللحظة اللي فاتت منك حسه
يا واقفة بين جرح السحاب وبين
شهقة الأرض البكر ما كان دريت
كان إحتمال تغيير قوانين حركاتك
مابين حديثنا ولحظة الفعل الحقيقي
وإنتباهك إنتى للشارع البيرحع
تانى لي نقطة بدايتو وإنحيازك
إنتى للشارع البيرشح في مسام
رمل التوقع ما إتعرف قانون نهايتو
غايتو أمشى بالدرب البطابق فيه
خطوك صوت حوافرك
يا فرس كل القبيلة تلجمو و يكسر
قناعاتو ويفر يسكن مع البدو في الخلا
ما يرضى غير الريح تجادلو وتقنعو
إفترضتك لون أساسي يمنح اللوحة
إزدواجية القراية ويفتح الضوء بين
خطوط الريشة والخط الإضافي
الجائى من شبكية الزول المشاهد
وإكتشفنا الرسمك وأنا وبرضو
التوارد في الخواطر
نفس أرقام التذاكر البيها
سافرنا وشهدنا إنفجارك
في الأرض يا سمراء يا واضحة
ما غنيت يوم جيتك صدفة
قبل أبداك كان غصنك بشر
يوم ما كان إحساسك مسا
عرّج الغيمة الفيني ومطّر
لحظة طار عصفور من صدرك
ردد فينا إحساس بالإلفة
ودوزن عصب الزمن الأشتر
وقلت المارق منك
داخل جرح الوردة وراسم فوقها غناوى الطل
المارق منك رجّع للغابات العرب العاربة
وللعتمور الزنج الهاربة وادّى الكون
مفتاح الحل المارق منك شادد عصب الورقة
وحرفي وراسم في اللاوعي سكون
مواعـيد صحوه وحلمو ونومو شارّى
يقينك في صمتي سارق لحظة إنى أفكر
المارق منك مارق منك أو مت شهيد
ما تضاري وراء الدعوات ما تتلبسي
الفرح الفات بسكن فيك النغم الزائف
ويسرق حاسة شوقنا الواقفة على
رجلين جواي ،نحن الهاوية والمتطامن
من الأرض آهـ من نحلك سـاعة يرحل
ولمن يكتب فينا الحنضل ويختم عمره بفعل الشهد
قال الجدول طلوع النخلة مرور الريح واحد
لكن الريح بيعانق حقل ونحن بنطلع نخلة
وننزل ونكتب في ذاكرة الصفق الأخضر
سجنا الريح في الورق الأبيض
وجهناها ضد التمر الناعس يسقط
فـى قبعة الحارس ذي الكان بيناتا ووارث
قالت غيمه بين قوسين غيمه لئيمة
أولاد الشارع فهرس لي كل المدن
التهرس جوفك بالأسمنت قالت ريح
شوف الناس قنديل لو ما نوّر يحرق
كوخ وباقي الحلة تنور أو جبة جوخ
أو ينزل بوخ يقول لي النسمة الزائفة أقيفى
لو تتفرد ريح تتشرد ريح ريح الخوف
لو تتفرد ريح تبـدأ تفرتق ضفاير المدن
النائمة تعيد تسريحتك
يوم سمايتك شكل قامتك كيف تموتي
وتحيى تانى ويوم قيامتك هو البيدينا الثبات
يا مجلوبة في قافلة رق ما بستحمل صدرك
رصاص الظلم يا صابت رحم الفال
يا قطعت حبل الود يا كنا نبيعك يا نسرق
اخترنا النار الضلها يحرق
ضللناك إنو الدنيا بيخشها ضوء يجرح
جلد العتمة لما الليل قربان فجرك
يا بت يا نيل لو نامت قمحة على الأبيض
تتشـرد زيو زاد الأبيض في غيه
مدد رجله اليسرى ماكان الكٍسرة
جاتك من بره صفرة ومنكسرة
زوجناك الشهداء أولاد الكلب
الماتو عشان الشعب زوجناك
ما عندك ضرة زوجناك ما جاتك ضرة
ما إنشاف ما عونك في الحلة يساسق ويلقى فتات
قال الأبيض للأزرق يبقى ضد الإنتباه
ضد تواريخ التمازج البيني بينك
للبشوفك في مراهفة الخرائط
فينا من وجع المسافرين واطه ما لاقت هوية
ردَّ الأزرق مطر الحبش لوكان نبش جواك سقف
وهدّ حيلك في الدواخل وشدّ عصبك في المداخل
صوت مراكبي وجيت بتسـأل فـي القمح
وفينا من فرح المسافرين قصة الشمس القضية
يا أعشاب النيل الأبيض ما تتضارى وراء الدعوات
أقرأ تاريخك وأقاوم وأسأل جبين الفجرألقى الفجر
مطعون في القـفا هل سافرت في ذنبك المحموم
حبة غضب ما شلنا جمرك وإنطفا جوانا نارك والمطر
جائين بي الكتابة وضربة النـاس المهابة
لو هزّ نخلك بـاشبزق ما فارق النخـل السبيط
ما سـاور الطـورية شـك إنو الأرض أنثى
وبتحمل بي الحـلال مين اللي قال إنو المسافة
البينا وبين الشمس طاقـة أو ميـاه النيل
بتدخل فـي عـروق السنبلة المسقـية بي
عرق الجعانين والمسافـرين بالبطــاقة
أقرا تاريخك وأقيف جواك والزمن النضيف
جـواي مـن جواك غضب سلم مفاتيح
الســؤال جيل الشمس موكب حريـق
واقف على باب الدخول بيناتو بينات الوصول لحظة شهيق

ناصر عمر دبيب
07-08-2009, 10:09 AM
في عيونك
ابو ذر الغفاري


في عيونك ضجة الشوق والهواجس
ريحة الموج البنحلم فوقو بي جية النوارس


يا ما شان زفة خريفك كل عاشق ادى فرضه
ما فى شمسا طاعمه طلت الا تضحكي ليها برضه
والغمام الفيك راحل فى الصنوبر يلقى ارضه
و الصباخ امتد يا ما كل ما جاوبتي نبضه


نشتهيك
يا ما نحلم نحكي ليك عن المسافة
وعن سفن بالشوق بترسم فى بحيراتك ضفافه
عن ملامح غنوه طلت فى عيوناتك هتافه
عن حقيقة نهاتي بيها فى اساطير الخرافه
يا صباحات المؤاني حتى لو دربك ترنح فى مشاوير الاغاني
يا غنانا المشتهنو يا ني موعود بى زمانك
بي مواقيته البرنو
بارتعاش صرخة وجودك يوم يطل ميلادي منه
لما اتوسد صباحك ياتو ليل يفصلني عنه

ناصر عمر دبيب
07-08-2009, 10:10 AM
فى سكون الليل



فى سكون الليل
دعنا نجتلى صمت الرهيب
ان فى عينيك معنى
فوق ادراكى عجيب
لست أعنى طالما كنت حبيب



هاهى الأنوار أضفت
والدجى أطل علينا
والمنى فى القلب رفت
واستقرت فى يدينا
والذى عيناك أضفت
قد بدا لما التقينا
واحتسينا وانتشينا ما علينا
أين منا الأمس أين ؟؟
والمنى والحب أين ؟؟



ثم عدنا وانصرفنا
كلنا يمشى وحيدا
باكيا قلباً وجفنا
خائفاً أن لا يعودا
وانصرفنا ما عرفنا
ما دهى هذا الوجود
كيف منا الأمس اين
اين منا الأمس أين ؟؟
والمنى والحب أين ؟؟

فى سكون الليل

ناصر عمر دبيب
07-08-2009, 10:14 AM
في الضواحي


في الضواحى وطرف المداين
يلا ننظر شفق الصباح
قوموا خلو الضيق في الجناين
شوفوا عز الصيد في العساين
يلا نقنص نطرد نعاين
النهار إن حر الكماين
كلبي يا جمجوم أصله خاين
شوفوا كيفن يبرأ الملاين
هب شال وكشح المراح



للقنيص الخيل خف راسن
نحن ما بنخاف من مراسن
المكارم غرقنا ساسن
والمجاهل مين غيرنا ساسن
ان عطشنا نمز مر وآسن
وأن عشقنا بنعشق محاسن
فى المحاسن كفي يومنا راح



في الخميلة انجلت المحاسن
عيني حايرة ومشي قلبي جاسن
بعض حسنك هي يا محاسن
الحرير حين قدميك داسن
والزهور حين شفتيك باسن
والغصون من لدنك مياسن
والنسيم فاح بكر الملاح



يا الطبيعه الواديك ساكن
ما في مثلك قط في الأماكن
يا جمال النال في ثراكن
ياحلاة البرعن أراكن
في قفاهن تور قرنه ماكن
لا غشن لا شافن مساكن
في الخزام والشيخ والبراح


شوف صباح الوادي وجماله
وشوف خضاره وصيده ورماله
شوف يمينه وعاين شماله
شوف نسيم الليل صاحي ماله
شوف فريع الشاو مين أماله
القمر خجلان من كماله
والصباح لاح بهل الوشاح



يا أم لسانا لسع معجن
كلمة كلمة وحروفو ضجن
ديل خدودك غير داعي وجن
ديل عيونك من غير سبه لجن
ديل دموعك من نظرة شجن
ده دلال ايه ده دلال معجن
محن الامات يا رداح


ماك نسيم الليل بي برودك
نامت الازهار فوق خدودك
غرد العصفور فوق عودك
النفوس ما اتعدت حدودك
ما عرفنا عدوك من ودودك
بس أنا المقسوم لي صدودك
يا حياتي وأملي اللي راح

ناصر عمر دبيب
07-08-2009, 10:15 AM
طوبى للرجال

فيصل محمد صالح
آخراغنيات المرحوم

طوبى للرجال العصافير
كلما حط طائرهم فوق غصن..
غنوا بشجي الكلام..بديع الصور
وبؤسا لنا نحن الرجال الشجر
كلما جرفتنا شجون المنافي
تهاوت جذور الكلام..جفت ينابيعنا
وارهقتنا ليالي السفر
تؤرقنا الذكرى
توقد نار المواجد فينا
فيوجعنا الشوق في صرة القلب
يتابى حتى السكون الذليل
نخرج الآن من جلدنا
ونخدش صمت السؤالات
نركض عبر الطريق الطويل
من اي ثقب في الحكاياتجئنا
ومن اي باب في السماوات
كان التماس السكينة
ومن اي ذنب عصي..تعلم القلب
سفر الرحيل
الطيور قطعت رحلتها..ثم عادت
والاماني استكانت
والليالي ما عادصمتها مستحيل
والنساء اللاتي علمننا العشق
في زمانات النداء الجميل
نسجن ..كعادتهن..من كذوب الروايات
ما يخلع الدفء عن جسد الحب
ثم تذوقن
للحبيب البديل
يا صديق المسافات اركض
ما عاد في الحزن متسع
لصغير الجراحات-قلبي
وقلبك
ولا صبر في الافق..لانتظار الخيول
كل المراكب تاهت
انكرتنا الشموس
والحبيبات خانت
لفظتنا البحار
فهل يستطيع البنفسج
ان يكون الكفيل؟
ايوجعك الوصف؟
آه من زمن كنا ننتقي فيه
العبارات
من فصوص المحار
نتمشى في مفاصل الشعر
تاخذنا كل ساعة..في مدار
آه من..آه..ثم آه
من كل ذاك الزمان النبيل
اصرخ الآن..او
اخرج الآن..او
انزف الآن..او
اكتم الشدو في الفؤاد العليل

ناصر عمر دبيب
07-08-2009, 10:17 AM
صديقى الاول
مصطفى سيد احمد


يا صديقى الأول بان فى ود سلفاب
لغز لا يتأول... جمال وكمال
كنت ناعم بال قلت اروح اتجول ..
أقتل اللحظات فى الشباب اتغزل
فجأة والإدراك فى خاب واتعطل
لما دون انزار شفتو غز ووغل
شاف على ذهول وجهو بش وهلل
قال صباحك خير ..قلت أحلى وأجمل
جمــــــال وكمال
قال تشرف لو فى الديار تتفضل ..
قلت ليك شاكرين يا كريم المنزل
جمـــــــال وكمال
أرخى طرفو وفات والمزاج إتبدل
خلى طرفى يجول والرباط يتحلحل
حكمة يا ابراهيم كل جمالو مكمل
شك سهمو وفات صاب قليبى الأعزل
ليلا بوبـا وطال
القديم مدبـور والضمير يتوسل .
عل ردفو يطيع والصدير يتمهل
الوريد مبروع فوق كتيفو مهدل ..
والصدير عوام زى سحابا رحل..
جمـــــــال وكمال
ليلى بوبا وطال حاكا ليلو المسدل ..
واضحى نومى خدار فى خيالو تغزل
وصفو حورى جنان فى فريقنا اتنزل
مابقول دا فلان والحديث إتسلسل

ناصر عمر دبيب
07-08-2009, 10:18 AM
صابرين محجوب الحاج


صابرين يا حزن الغنى ..صابرين
من بعد الضنا .. صابرين
على وعد المنى
برجاك يا ارض الحبيبة
وبلقاك في الفرحة القريبة
وبشراك يا ام السناء .. صابرين
لا ليل ولاحزن طائل
لا صبر ولا دمع سائل
لا هم جاك يا ام نفايل
والنيل فاض وانحنى
نيلين وحلمك هنا
فرعين شايلين جنا
صابرين سلامات
عشرات حبابك سلامات
اسلم شبابك سلامات
شايل سحابك سلامات
والقبلي شابك
سلامات
خيرك سنابل
وهواك هنا
صادقين عاشقين
ترابك حزين سلامات
يا حزن الغنى
صابرين

ناصر عمر دبيب
07-08-2009, 10:19 AM
شهيــق
عاطف خيـــرى



نكر صوتك صداك ..غالطنى الزمن فيك
شهرت على الجفاف وعدك بطاقاتنا الخريفيه
رجع فاضى الكلام مليان
معاك اتبرجت غيمه
وشهق جواى صوت جدول
مرقت على المطر حفيان
لقيتك والرزار مدخل
وناديتك
اقيفى معاى نشيل كتف الغنى الميل
ونتخيل ..حلم دونك بيتحقق
وقبلك خيل دماى واقفه
على شريانى تتشهق
وبرق صوتك ..صداك ..غنيتى
رشحت حلقك لى اذاعات الشجر
والمنتظر من عودة المدعو المطر
للطنابير والمسادير
واللسه فى رحم القصيد والدابو حس
فى سوق عكاظ بين مزادات الحروف
غيبت رسمك واحتكرتك للظروف
للزمان الجاى
واللحظه اللى فاتت ..منى هسه
يا واقفه بين جرح السحاب
وبين شهقة الارض البكر
ماكان ده ريد
كان احتمال تغير قوانين حركتك
ما بين حديثنا ولحظة الفعل الحقيقى
وانتباهك انتى للشارع البيرجع
تانى لى نقطة بدايتو
وانحيازك انتى للشارع البيرشح
فى مسام رمل التوقع
وما اتعرف قانون نهايتو
غايتو امشى فى الدرب البيطابق
فيهو خطوك صوت حوافرك
يا فرس كل القبيله تلجموا
ويكسر قناعاتها ويفر
يسكن مع البدو الخلا
ما يرضى غير الريح تجادلو وتقنعو
افترصتك لون اساسى
يمنح اللوحه ازدواجية القرايه
ويفتح الضو بين خطوط الريشه
والخط الاضافى الجاى من شبكية الزول البيشاهد
واكتشفنا الرسمك ..وانا
وبرضوا التوارد فى الخواطر
نفس ارقام التذاكر البيها سافرنا
وشهدنا انفجارك فى الارض
يا سمراء يا واضحه
ما غنيت يوم جيتك صدفه
قبل ابداك كان غصنك بشر
يوم ما كان احساسك مس
عرج غيمك فينى ومطر
لحظه طار عصفور من صدرك
رتب فينا احساس بالالفه
ودوزن عصب الزمن الاشتر
واتوكلت عليك وقلت
المارق منك ..داخل جرح الورده
وراسم فوقا غناوى الطل
المارق منك
رجع للغابات العرب العاربه
وللعتمور الزنج الهاربه
واده الكون مفتاح الحل
المارق منك شادد عصب الورقه وحرفى
وراصد فى اللاوعى سكون
مواعيد صحو وحلمو ولونو
شارى يقينك فى ظنى
سارق لحظه انى افكر
المارق منك ..مارق منك
او مت شهيق
ما تضارى ورا الدعوات
وما تتلبسى فرح الفات
بسكن فيك النغم الزايف
ويسرق حاسة شوفنا الواقفه على رجلين جوانا
نحن الهاويه والمطامن من الارض
آه من نحلك ساعة يرحل
ولمن يكتب فينا الحنضل
ويختتم عمرو بفعل الشهد
:قال الجدول
طلوع النخله مرور الريح واحد
لكن الريح بيعانق حقل
ونحن بنطلع نخله وننزل
ونكتب فى ذاكرة الصفق الاخضر
سجنا الريح فى الورق الابيض
وجهناها ضد التمر الناعس
يسقط زى قبعة الحارس
زى الكان بيناتنا وفات
:قالت غيمه
بين قوسين "غيمة لئيمه"؟
اولاد الشارع فهرس لى كل المدن
التهرس جوفك بالاسمنت
:قالت ريح
شوف الناس قنديل
لو ما نور
يحرق كوخ وباقى الحلة تنور
او جبة جوخ او ينزل بوخ
يقول للنسمه الزايفه اقيفى
لو تنفرد ريح ..تتشرد ريح
ريح الخوف لو تنفرد ريح
تبدا تفرتق ضفاير المدن الكاذبه
تعيد تسريحتك
يوم سمايتك شكل قامتك
كيف تموتى وتحيى تانى
يوم قيامتك هو البيدينا الثبات
يا مجلوبه فى قافلة رق
ما بستحمل صدرك رصاصه ظلم
يا صابت رحم الفال
يا قطعت حبل الحلم
يا كنا نبيعك يا نسرق
اخترنا النار الضوها يحرق
طمناك انو الدنيا بخشها ضو
يجرح جلد العتمه
لما الليل قربان فجرك
يا بت يا نيل
لو نامت قمحه على الابيض
تتشرد زيو
زاد الابيض فى غيو
ومدد رجلو اليسرى
ماكان الكسرة جاتك من بره
صفره ومنكسرة
.......زوجناك الشهداء
الماتو عشان الشعب
زوجناك ما جاتك ضرة
زوجناك ما عندك ضرة
ما انشاف ماعونك
فى الحلة يساسق
ويلقى فتات
: قال الابيض للازرق
يبقى ضد الانتباه
وضد تواريخ التمازج
بينى بينك
وده البشوفك فى مراهقةالخرائط
وفينا من وجع المسافرين
واطه ما لاقت هويه
:وقال الازرق
مطر الحبش لوكان نبش جواك سقف
وهد حيلك فى الدواخل
وشد عصبك فى المداخل
صوت مراكبى
وايد بتسال فى القمح
وفينا من فرح المسافرين
قصه الشمس القضيه
يا اعشاب النيل الابيض
ما تتضارى ورا الدعوات
اقرا تاريخك واخاف
اقرا تاريخى واخاف
اسال جبين الفجر
القى الفجر مطعون فى القفا
هل سافرت فى دمك المحقون رجا
حبة غضب
ما شلنا جمرك وانطفا
جوانا نارك والمطر
جايين ..جايين بالكتابه
وضربة الناس المهابه
لو هو نخلك باشبزق
ما فرق التمر السبيط
وما ساور الطوريه شك
انو الارض انثى وبتحمل بالحلال
مين اللى قال انو المسافه
البينا بين الشمس طاقه
او مياه النيل بتدخل فى عروق السنبله
المسقيه بى عرق الجعانين والمساهرين بالبطاقه
اقرا تاريخك واقيف
اقرا تاريخى واقيف
جوارك والزمن النضيف
جواى من جواك غضب
سلم مفاتيح السؤال
جيل الشمس موكب الحريق
واقف على باب الدخول
بيناتو بينات

ناصر عمر دبيب
07-08-2009, 10:20 AM
سلام يامي محمد الحسن سالم حميد


سني على النضال ايدي
سوكي بالهتاف فمي
شوارعك لي دويها على
اذا ما آخر العلاج الكي
مراويدك حمر عيني
هردت لهاتى بالغنوات
وقت يبرد حشاك يمي
من التعب البلا صالح
تفيقي تروقي تنجمي
تسوي مكانسك المطره
تضوي البيت وتنحمي
تمرقي صبوحة للجيران
قدح فوق ايد و في ايد المي
يلاقوك شفع الكتاب
نضاف وظراف بلا النسمي
يغنولك غناوي الساب
و في بيوضة ما في سراب
جبال كجبي وفيافي الكاب
تميد بالخضرة منقسمي
فيافي الصي وبيوضة
البراسيم فيها مفروضة
خدارا يراري شوف عيني
على الابواب
قماريها طواريها
وحواريها بقت روضة
بقت تشرب من الحامداب
تشوفي رهاب بعد نجمي
واشوفو قريب قرب نضمي
أشوف العالم التحتاني
هيلا هوب واقف ناهض
هد عمائد الفوقاني
جوة الجب رمى العارض
وفى السابو الدمار افراق
عريق الحب نبض قابض
متل قبض الحروف في اسميي
وغناوينا القبيل رقراق
علينا تصب برد قارص
واجر نمى وادودي لهاتى بالغنوات
عقب يبرد حشاك يمي
وطني ولا ملي بطني
سكاتي ولا الكلام النـي
بليلتي ولا ضبايح طي
قليلتي ولاكتر سمي
سلام يمـي
سلام لا هكمي ولا دكمي

ناصر عمر دبيب
07-08-2009, 10:21 AM
درع الاميرة قاسم ابو زيد



ليه غبتي يا القمرا
نركب جياد الليل
ينشرا بينا صباح
سفر العتامير ليل
نرجاك في المطرة
ارجع تعال يا شليل
درع الأميرة سرق
سووهو حدوة خيل
بحر العطاشا نشف
نشرب بواقي السيل
صد لي ملامحك يا حراز
ريح العوارض غربت
فرتق ضفايرك في الرزاز
جية العصافير قربت

ناصر عمر دبيب
07-08-2009, 10:22 AM
خلينى اقراك مرة صاح

عاطف خيرى



خلينى اقراك مرة صاح
عكس احتشادك فلى الحضور
هل غاب معاك وعى الطريق
ام بيكة زكانى الزمن؟
ماشيك وعارفك يا حريق
فى يوم غماماتك بجن
فرهد غيابك اغنيات
ظلت اراضى اللقيا بور
وبلقاكى يا كل الطيور
مسجونة والحرية سور
وبلقاكى وبيناتنا الثبات
وبيناتنا شمس البكرة فى لحظة مخاض
طول الوجع رشح مواطن العافية فيك
خلانى ارجع وابتديك
واقراكى من كل الجهات
وما بين اقابلك ومشتهيك
كان حلمك الاول ترف
وكنتى الصبية الغايبة فى زحمة حجا
وكلمة شرف
وكنتى الزوايا الميتة فى متحف خزف
وكنتى الوصايا العشرة واللون الشحيح
سميت مساحاتك حكر
كل البيحلمو بالشمس
هجرت من واقعك عبث
سكنت فيك ضد السكون
كل اللى كان ممكن يكون
طارت ضفيرتك ليل غنا
جدلة صبر.. وطولة نفس
وما بين اقابلك وجيت عليك
كان عندى ليك
بس نحنا والجرح الثرى
وخيبة امل ام الشهيد
فى الكلمة والوجه الجديد
وكان احتقان نبض الزمن
نومة طفل
فوق الدمن
يا صاحية
بالحاصل على
يا نايمة
عن فقرى البليد
سميت منافيك وطن
صارت مناحاتك نشيد

ناصر عمر دبيب
07-08-2009, 10:23 AM
حكاوى الشوق
مدنى النخلى


أملنا الباقى يسرح بى
واهاجر لى زمن تانى ..
تبقى الدنيا فى عينى ..
هداة موجة فى بحر
الأسى الممدود..
رجعة غنوة من
درب الضنى المهدود
هجعة خطوة فى
سكة فرح مفقود
وأفتش ليك ..
أفتش ليك حنينى معاى
أمانى تصارع المكتوب
عشانك لامسافة تطول
ولا تصعب معاك دروب
وقلبى معاك
وعلى الوعد الحزين مصدود
وراجع ليك ..
راجع ليك ..
أجوب الدنيا و أرجع ليك ..
أجيك فارسا يشق صمت
المتاهة الطال...
مواعدك بى حكاوى الشوق
وبى شمسا وراها منال
وبى فرحا يغرد فى سماك الحان
ويجيب البهجة للأطفال ..

ناصر عمر دبيب
07-08-2009, 10:25 AM
حبيبي اكتب لي


حبيبى اكتب لى وانا اكتب ليك
بالحاصل بى والحاصل بيك
الحاصل بى انا شوق وحنين
واقيم الليل آهات وانين
فارقنى حبيب آلفنى سنين
ماليك امان يا دا الزمان
ياليالى زمان.. يا ليالى زمان
يا ليالى زمان الله عليك


اذكر جلوسنا على الربى
نستعرض اسراب الظبى
نسمع لهمسات الصَبا
ونحنا فى فجر الِصبا
ابسم اليك تبسم معاى
تسمع غناى ..
على صوت الناى
انا يا مناى
انا طول حياتى بغنى ليك ..

ناصر عمر دبيب
07-08-2009, 10:27 AM
جمعنا قدر
كلمات عبد الرحمن مكاوى
الحان عبد التواب عبد الله


تقول لىالفراق مكتوب
وزى اول جمعنا قدر
وترحل يا حبيب العين
تخلى صباحى ليل وسهر
اقاسمك فىالسفر بالروح
سعيد انت وشقانى سفر
لما كتمت دمع الشوق
بكيت من غير دموع اكتر



طريتك فى عيون الناس
لما لقيتة محتارة
وفى دروبا مشيتة معاك
وراك فترنى مشوارة
وما اتخيلت جناتك
بتصبح للعيون نارة
نار فرقتنا يا حنين
مجبور قلبى يختارة



زمان ما كنت قايلك انا
عبيرك منو تحرمنى
والاقى الليل طويل عمرو
وعمرى الباقى يظلمنى
طريتك قلبى علمتو
عشان انساك علنى
لا كان الفراق منك
ولا يا روحى كان منى.

ناصر عمر دبيب
07-08-2009, 10:28 AM
جلبت ليك
خطاب حسن أحمد



جلبت ليك من بلادالله البعيدة
صنوف من الوجد .. المُلِحْ
قلت ألقاك فى السّمح
كنت بصطاد فى الظهيرة
من مناقير الكنار
بوصل السكك .. الأغانى
ومن ثُرى الليل القصيّة
أنتشل عطر الأمانى
ولو ألاقى اللون .. أدسّو
لمّا يغرس فينى حِسّو
لى ملاقاتك .. هدية
وأفقد الرعشة المعبّية .. فى إيديا
جلبت ليك

ناصر عمر دبيب
07-08-2009, 10:29 AM
تراتيل

كلمات حسن ساتى
الحـان ناجـى القدسى



ليه بتسأل .. ديمة بتامل عيونك
ياعيونى فى عيونك
باقة من ذكراى بتعطر فنونى
باقة من اشراق صباى فيها حبانى النسونى
فيها ليلات الفرح والاماسى الفى السنين
شن اسوى غير اعاين
غير اطيل النظره واتونس و اونس فى العيون
فى العيون الديمة بتفتح عيونى
ده البجنن شوقنا فينا
انو فى عينيك زمان بى حالو ساجد
والفرح الكان بعانق فينا ايام الفرح تلقاهو ساجد
والبراءة الكان بتتوشح طفولتنا وتناهد
والسهر آنسنا فيه الليلة فيها الليلة اتهجد
ساوى فى عينيك معابد ياعيون
مشتاق نعاند فيها تتلون تلونا وتعاند ياعيون
وبرضو تسال وديمة بتامل عيونك ياعيونى
وفى عيونك باقه من ذكراى بتقطر فنونى
حلوة عينيك بى زمانه والزمان الفينا شايلنا ومسافر
مرة ماضى .. ماضى غابر مرة حاضر .. حاضر ومرة باكر



فى عيون طفله .. صباح العيد بتملا البيت بشائر ياعيون
المسافر لسة ماحط الرحال قال يشوفكن يلقى نفسو
فى بحوركن .. بحوركن خلى رحلو وقال مهاجر
ساب ديارو وقال مهاجر ذكرياتو وقال مهاجر
وبرضو اسال وديمة بتامل عيونك ياعيونى فى عيونك
باقة من ذكراى بتعطر فنونى باقة من اشراق صباى
فيها حيانى النسونى فيها ليلات الفرح والاماسى بالسنين
غابن وضاعن فى السنين وبرضو بسال وديمة بتامل عيونك

ناصر عمر دبيب
07-08-2009, 10:30 AM
باكر ضوّاى

بشرى الفاضل



متخبية والناس شايفنك
باباى ونخيل
متخفية والناس عارفنك
قرآن وإنجيل
وشقانا معاكى .. هو إنـّك
طاويك الليل
لكن واردنك .. وراويانا
لا عيون تحزن .. لا دموع بتسيل
*********
يوم بكرة جميل
ضوّاى .. ووسيم
يوم بكرة جميل
باكر .. دافـِر
يوم بكرة جميل
أبداً لا أتغرّب .. لا مسافر
باكر ضوّاى
وجميلتو الليل الما سوّاى
كان حاول يطمس أقمارو
يوم بكرة جميل
أبيض ريحو
من فالو النيل يطمح طوفان
وتخاف من موجو تماسيحو
باكر ضوّاى
كلمات وأناشيد .. وقيامة
باكر ضوّاى
وغناهو الحادى .. الهدّاى
يوم بكرة جم

ناصر عمر دبيب
07-08-2009, 10:31 AM
الملام

عبد الوهاب هلاوى


لو منى مستنى الملام
ياسلام عليك يا سلام
ياحلوه والسكوت مرات كلام
وعدم الكلام هو كمان ملام
يا سلام عليك يا سلام
انا يا غرامى وصلت بيك
فى الدنيا لى حد الغرام
ولقيت ملامى فى عينيك
يا سيدى زى الما ملام
يا سلام عليك يا سلام
الورده لو فاتها الفراش
مااظن تلومو مع الندى
ما بتجرح احساسو الجميل
والريده يا حنين كده
يا سلام عليك يا سلام

ناصر عمر دبيب
07-08-2009, 10:53 AM
المساروة امام الباب الثانى
او كما يسميها الناس
(فى طريق الليل) واحيانا (زهرة الصبار)

مظفر النواب


فى طريق الليل
ضاع الحادث الثانى
وضاعت زهرة الصبار
لا تسل عنى ..
لماذا جنتى فى النار
فالهوى اسرار
والذى يقضى على
جمر القضى اسرار
والذى يخفى الهوى بالصبر
يا ..بالله كيف النارتخفى النار؟



يا غريب الدار انها اقدار
كل ما فى الكون ايام له
الا الهوى ..
ما يومه يوم ولا مقداره مقدار


لم نجد فيما قطار العمر
يدنو من بقايا الدرب
من ضوء على شئ
وقد ضج الاسى اسرار
كنت تدعونا فاسرعنا وجدنا
هذه الدنيا محطات بلاركاب
ثم سافرنا على ايامنا أغراب
لم يودعنا بها الا الصدى
او نخلة تبكى على الاحباب
يا غريباً يطرق الابواب
نحن من باب الشجى
والزخرف الرمزى والالغاز والمغزى
وما غنى على ازمانه زرياب



كم طرقنا بابك السرى
فى وجد وفى خوف
لم تجبنا فابتعدنا فرسخا هجراً
فالفيناك سكراناً جوابات
فلم تغفر ولم نغفر
كلانا مدع ٍ كذاب
كل غىٍ غاب
انما غيى وغىٌ منك قد غاب
وراء النرجس المكتوب للاحباب
لا تسل عن عادة ..
ان تكثرالاقوال فيمن زاق
خمر الخمر فى المحراب
لم يقع فى الشك الا انه
من لسعة الاوساخ
تنمو خمرة الاعناب
كل مافى الكون اصحاب وايام له
الا الهوى ..
ما يومه يوم ولا أصحابه أصحاب


نبه العشاق نبه العشاق
مذنب أودى بلا هجر ولا وصل
بباب الطاق ..
نبه العشاق ...
مرهق من خرقة الدنيا على اكتافه
لم تستر الاشجان والاشراق والاشواق
مرهق مشتاق كله اشواق
نبه العشاق...
موغل فى السر مندس بنار
الوجد فى الاعماق
نبه العشاق ..
لم يفق يوما ولم يابه بمن قد فاق
مشفق مشتاق كله اطراق
قد ملته الخمر صحوا فانبرى يبكى
واطفال الزمان الغر لجو حوله
سخرية فى عالم الاسواق
قل لاهل الحى هل فى الدور من
عشق لهذا المبتلى ترياق
مشفق مشتاق
نهمة فى العشق تبقى
نبضة تكفى ..
فلا تكثر عليك الحبر والاوراق
كل ما فى الكون تنقيط له
الا الهوى
فاحذر ففى التنقيط نهوى
واسال العشاق ..
كان يأتى العمر
يقضى صبوة فيها
ويصغى للأقاصيص
التى فى آخر الدنيا
وفى عمر وفى أحباب ...
هاهنا ينهال فى صمت
رماد الموت
يخفى ملعب الأتراب
لاتسل لماذا ألف مفتاح ومفتاح
لهذا الباب

ناصر عمر دبيب
07-08-2009, 10:55 AM
السحاب
يحى فضل الله



السحاب لو اصلو
خاصمنا ... و تعب
و الرياح الفي الدرب
شتّتتْ فرح القوافي
و بّددت حزن المنافي
مددت بعد المنافى
برضو ريدك فينا باقي
ريدك انتى فينا باقى
في الحنايا ..وفى الزوايا
في عيون أطفال بتكتب بالدوايا
في المشاوير والحكايا
و جّوه ثابت في القلب



يا سمحه ما غابت مدينة
يا سمحه ما بموت الفريق
و لابينهش في غناوينا الحريق
و الوتر دايماً بغني ..
للقوافل الجاية من وجع الطريق



و السحاب برضو بيعود
ويجينا بي بريق البشارة
بينا بينك لا موانع لا سدود
بيناتنا بس تبقي الجسارة

ناصر عمر دبيب
07-08-2009, 10:57 AM
أفتش ليــــــــــــك

مدنى النخلى

أملنا الباقى يسرح بى

هاجر لى زمن تانى .. تيقى الدنيا فى عينى ..

هدات موجة فى بحر الأسى الممدود..

رجعت خطوة من درب الضنى المهدود ..

رجعت خطوة من سكة فرح مكبوت

وأفتش ليك ..

أفتش ليك حنان معاى أمانى تصارع المكتوب

عشانك لامسافة تطول ولا تصعب معاك دروب

وقلبى عليك

وأجوب الدنيا و أرجع ليك ..

أجيك فارسا يشق صمت السافة الطال

واقف فى حكاوى الشوق وبى شمسا وراها منال

وبى فرحا يغرد فى سماك اللحان

ويجيب البهجة للأطفال ..

ناصر عمر دبيب
07-08-2009, 10:58 AM
أديني إحساس بالأمل


أديني إحساس بالأمل
في كل رحلة شوق تطول
وادى الخطاوى الراجعة ليك
في سكتك وأمل وصول
ما الدنيا كلها انتظار
و الارتحال قدر الفصول
الموجة تحلم بالضفاف
والغيمة تحلم بالهطول
راحل معاي ضي الأماني
وذكرى في الأيام هناك
لحظات بتذخر بالمعانى
وكيف أنسى تذكارات هواك
نتحمل الغربة ونعاني
و نصبر عشان نكسب رضاك
ونغنى لو زاد الحنين
ويارتيو كان سفرا معاك

ناصر عمر دبيب
07-08-2009, 10:59 AM
هذه كلمات اغنية المزار للراحل الرائع مصطفى سيد احمد




من بعد ما عز المزار
والليل سهى وملت نجومو الانتظار
والشوق شرب حزن المواويل وانجرح خاطر النهار
وبقيت اعاين في الوجوه
واسال عليك وسط الزحام قبال اتوه
يمكن الاقي البشبهك
ما الليل براح والشوق تعالي بيندهك
شايلاه وين النيل معاك
عصفورة جنحاتها النجوم وانا بوراك
اسال عليك مدن مدن
واعصر سلافة الليل حزن
اسال عليك في المرفا في منفى السفن
يمكن طيوفك اخريات الليل تمر
تملا البراحات للحزين طول العمر
ما نحن بينا الامنيات والتضحية
بينا المعزات والعذابات في الحياة
بينا الهوى
احساس على قبل انكوى
وكلام قديم قلناه اخر الليل سوا
انو راح نتلاقى لو طال النوى
لكن كلامنا الكان وكان
خايف يكون شالو الهوا

ناصر عمر دبيب
07-08-2009, 11:00 AM
كيف انساك



كيف انساك وانت الجرح النازف
منو خريف العتة
خريف المحل المابدارك
رحل الديرة وهج وديرة
فرع الحنة النور حتة
جرحك نيلة وسيرة طويلة
وشافى البلسم ابا يتخته
سبر العاشق كتر الليمة
ولم الشمل الروح شتا
سبر الروح الكلمة الزينة
ونفسا طيب مالى الجتة
غلب الراوى تملى حكاوى
وغلبا زيك ما إتعودت
آهة حزينة وأنة دفينة
تخفف عنى لماما حتى
كيف انساك وليل الشارع
رم ستايرو وقفل الحتة
وبرج الدالى إنشر بدالى
حوش ليك ايامى الستة
يوم الليلة يمر بى صبرو
احلام باكر كيف تتعدى
يا مغلوبة وغالبة زمانك
كيف انساك محال البتة

ناصر عمر دبيب
07-08-2009, 11:09 AM
كلمات اغنية / سطوة محاسنك لمصطفي سيداحمد
سطوة محاسنك


كان نفسى أقولك من زمان
بى الكاتمو فى سرى
.. ومكتـّم فى حشاى
مدسوس سنين
بى الشايلو فى عيني معزّة
وفى القلب
ريداً يخاف الغربة والشوق
.. والحنين
زاملنى زى خاطر الفرح
وكتين يقاسم الهم
.. عزا
وكتين مدامعى تكون جِـزا
وتفتح مباهج الليل
.. ظنون



كان نفسى أقولِّـك من زمان
سطوة محاسنك عندى ما كسرة
..جفون
وكت العيون تعبرنى زى خاطر المسا
سطوة محاسنك
ما الرخام
.. الفى الحرير
وكت الثغير يفجعنى
بى حرفاً
.. قِـسـا
سطوة محاسنك عندى وكتين كبريائك ينهزم ..
لى طيبتى
.. بى لفظة حنان
وكتين مشاعرك
.. تنسجم فى عمرى
تنفح قلبى بى رعشة أمان
سطوة محاسنك عندى
وكتين شوقى يصبح فى هواك
ليل عزّة
ما بتعرف هوان



كان نفسى أقولك من زمان
عينيك وحاتك غربتى
.. وأهلى
وبلادى الفيها ضايع لى زمن
عينيك وحاتك شوقى لى
زولاً ولوف
من بعدو ساب عينى
.. سهن
وانا كنت داير من زمان
أشرح حكايتى معاك ألف
أحكيك
.. وأزيد القول
.. إلِفْ
وأتمنى لو قلبك عرف
كان من زمان
من قبل ما فى قلبى يتحكـّر
زمان الغربة فى جرح الأسى
من قبل ما حرف الحقيقة الحلوة
.. يتبدل عسى
ويصبح أمانى كسيرة
.. فى خاطر الحنان

ناصر عمر دبيب
07-08-2009, 11:13 AM
لا بالحزن الفينا حنرضى


لا بالحزن الفينا حنرضى
لا من خوف سامرنا انفض
وما بتطفيك الريح يا ومضة
رغم الصبر المر حاضننو
رغم الحزن الطال عايشنو
اصلو البحر .. المد .. الجذر
الفرح الحزن بيطلع منو
تعالى نغنى
تعالى نعيش احساس الفرحة
شان من عمرى وشان من عمرك
سنين العمر البجرى ويمضى
ماتغشانا تشيل فى لمحة
رنين الضحكة الحلوة السمحة
لما نغنى القمرى بيرجع
لما نغنى الغيم بتجمع
والامال الغابت ترجع
بس وحياتكم عيدو المطلع

ناصر عمر دبيب
07-08-2009, 11:14 AM
مت فى قلبى


مت فى قلبى ولم أبكى عليك
فمعين الدمع قد نضب قديما
قبل أن أدنو إليك
إن عقلى اتعجب كيف قلبى فيك يخدع
وتقل لى صرت قلبا من حجر
أنا قد مت قبلا .. وتناثرت بعيدا قبل أوراق الشجر
وتجرعت كؤوس .. وتوسدت قدر
مت فى فدفنت خارج القلب الحجر
ترينى أطهر من أن يدفن فيها الآم القدر
هكذا الغدر أمر
عدت من دفنك وحدى أتألم
وأدارى قلبى المكسور كبرا
أتبسم .. وأغنى للربيع الغض والأشراق بالآمال مفعم
ذبحت كفاك .. قلبى و تقل صرت قلبا من حجر
أنت ظلم .. أنت جور
أنت نور .. أنت جور
أنا إحساس و حب و شروق
أنت للعالم فرحة .. أنا للظلمة نور
سرارة اللعوت تتلاقى يوم الموت

ناصر عمر دبيب
07-08-2009, 11:18 AM
الرسالة

الرسالة الحلوة ريدك ما بريدك
الخطاب النمقت كلماتوا إيدك



قبل ساعات قبل مدة
جاني مرسال المودة
ياما شال وقلبي أدى
إحتفلت وعمري عدى




كل كلمة بتكتبيها
يا حلوة إنت تنمقيها
تضوي بيها فرح عيونك
لوحه زاهية بترسميها
قبل ساعات قبل مدة
جاني مرسال المودة
ياما شلت وقلبي أدي
إحتفلت وعمري عدى



كل كلمة ندية واحة
كل همسه شجية راحه
والحقيقة الرائعة إنت
شن بدورك صورة بنت
شلت رسمك والأناقة
إنبهرت وغبت ساعة
يا ماهل وعما عيدك
ما بريدك وزي ريدك
الخطاب النمقت كلماتوا إيدك
قبل ساعات قبل مد .

ناصر عمر دبيب
07-08-2009, 11:22 AM
طال الليل للمساهر
واصبح ماليهو اخر
السودان يا وطنا
نحنا الفيك اتولدنا
الجايين من بعيد
يلقو الخير فى بلادنا


نحنا نموت فى الغروبة
ميتة عز يفخروبة
كان اعراب ولا نوبة
كان ما هطلت صعوبة
اترجرج طوبة طوبة

عمر المامون
07-08-2009, 11:29 AM
بابكر البشير خليفة .. منادي القلب

نادي منادي القلب الواجف * ولبى البشر الصوت الخاطف

جينا البلد الطاهر عمره * وسال الدمع السابل وزارف

ركعنا.. سجدنا.. طفنا.سعينا * جلسنا دعينا تلينا مصاحف

زرنا الهمزه وسبعة مساجد * وزرنا بقيع الجيل السالف

بقيت بالحب النبوي متيم * مليت بالشعر الصوفي صحائف

قلت أزورك أعانق نورك * ونبض القلب الشوق الجارف

نويت أسقيك إحساس بالنيل * وغنوة ريد بصوت الكاشف

سألت عليك مليون متغرب * سألت عليك أحزاب وطوائف

طلبت العقل الآلي السنتر * لعله يحدد نمرة هاتف

كان الرد السلبي مسطر * قال العقل البنضم آسف

خلاص الأمل الشايلو اتبعثر * ورفض الحظ القاسي يحالف

ولما العقل احتار واتحير * قلت أسافر ليك وأجازف

أركب عربه ظريفه خفيفه * أأجر هنتر وطبعاً عارف

لو تترحل خالي إقامة * تكون في حساب الشرطي مخالف

مهما تحاول تختا الكشه * ليك العسكر لازم يصادف

يقول لك وخّر وري هويتك * جنب عندك وخليك واقف

رجعنا بلدنا وما تلاقينا * وماتهنينا بالونسات الفيها طرائف

ليك وصية تتم بالنية * من القلب الكلو عواطف

تعال اتهنى وكمّل دينك * شقى في الغربة الزول العازف

ألف تحية لكل مهاجر * صان العشرة معاك في الطائف

حي جمال الطقس الساحر * وكل ثمار الشجر الوارف

وأقبل من سودانا تحية * إنت ضميرو وجرحو النازف

ناصر عمر دبيب
07-08-2009, 11:44 AM
كوني النجمة

قولي الكلمة لصمت الليل
وكوني النجمة
وامشي معانا الدرب طويل
وكوني النجمة

وأدي الفرح إمتد مساحة
نادي الأمل الجوه عيونا
شوق الشوق أتجدد تاني
باقي أحلامنا جدار من كونا
قولي الكلمة لصمت الليل
وكوني النجمة
وامشي معانا الدرب طويل
وكوني النجمة


إيد مبسوطة تقابل الحنة
نغم الليل السال شبال
نخلة تغازل في عيون طفلة
وحفلة ورقصة فال
قولي الكلمة لصمت الليل
وكوني النجمة
وامشي معانا الدرب طويل
وكوني النجمة

ناصر عمر دبيب
07-08-2009, 11:46 AM
الممشى العريض

مكتوبة في الممشى العريض
شيلة خطوتك للبنية
مرسومة بالخط العنيد
في ذمة الحاضر وصية
شاهد التواريخ والسير والانتظار
ادوني من قبلك مناديل الوصول
وفردت اجنحة العشم
في ساحة الوطن البتول
وضحكت ما هماني شيء
وبكيت ولاهماني شي
عندك وقفت من المشي
وغرقت في ضو النهار
الكانو بتمنوك لو ترتاحي لحظة على الدرب
حبوك حب ..
قدر الحروف الحايمة في بطن الكتب
قدر الخيال ..
ما مد ايدوا على السحب
كل خاطر كان بريدك
الا ريدك كان رسول الدهشة في كل الديار
وانا زي عوائد الشعر
فارس شد خيل الكلمة ليك
مصلوبة على ضهر البداية
القالوا اخرآ بين ايديك
وسرحت يا مهون تهون
شان اجيك ..
كان اصل يوم لحضورك
كنت بريدك ومشتهيك
وانكسر فيني الترجي
وونلت من سفري الخسار
بس داير اقولك يا اصيلة
لو تعب فيك التمني
وانهتك وتر المغني
لو تسدي علينا طاقات البشائر
تنهزم يوم التجني
واجيك لا هماني شي
عندك وقفت من المشي
وغرقت في ضو النهار

ناصر عمر دبيب
07-08-2009, 11:48 AM
عجاج البحر
كلمات / حسن بيومي


يراقصني عجاج البحر
ترعد داخلي الامطار
يكلمني تراب الارض
يشدد قلبي الاوتار
اغنيكم .... اغنيكم
اغني جذوة النار التي فيكم
وألعن ذلك البرد المدثر
روحكم برماد موتاكم
اغنيكم
وابني في عيون الشمس
مملكتي تناديكم
نسورا تعشق الترحال
في الافاق تبغي الكون حرية
فان شئتم
تعالوا الان نرقص رقصة البدء
ونعلم ان نمد الكف
نحو الشمس بالدفء
تعالوا ايها الجوعي
تعالوا ايها الفقراء

ناصر عمر دبيب
07-08-2009, 11:49 AM
غيـابـات الخليـل : يحي فضل الله

بالأمس .. كان غناؤنا عذباً
و كنت تتخذين قافيةً
لها طعم التواصلِ .. و التبادلِ بين قمحٍ و خصوبة
فلماذا تأخذين الآن شكلاً يرتدي لغة الظهيرة
يقتفي ظل الفجيعةِ
تختفي منه العذوبة؟
إنها اللغة التي عمقت فينا التداعي
و غلغلت بين العظامِ
تزامن الوجعِ المعبأ بالضياعِ ... و بالرطوبة
فأخترنا من بين الزحام
خرائط الفرح الملون
بالطبول العازفات مقاطعآ تنمو علي عين الحبيبة
بادرتني هواجسي
فأستعرت من الشوارعِ عظمةً كانت تحدقُ في الحياةِ
و تعتريها الأمنياتْ
و سمعتُ من مدنِ الخرابِ حكاية الآتين منك
يلعقون السمّ
من شفةٍ تدندنُ بالرخيصِ من التباكي .. التشاكي 00 الأغنياتْ
فيا بنتُ المسافةِ والرجوعْ
و يا بنتُ الخريطةِ و الدموعْ
إذهبي مني 00 تمنِّي
و أمنحي القلب التجلِّي
و غادري اللغة التي ظلت تموتْ
أغرزي فيّ الثباتْ
الله يا وجعآ تمدد في العشيةِ 00و الصباحْ
الله يا حلمآ تناثر بين افواهِ الرياحْ
و يا طفلةً ظلت تفتشُ عن ضفيرتها
تحدقُ في حطامِ الأمسياتْ
سافري
سافري
سافري
سافري 00 فيّ 00 شموسآ و وتر
عمقي جرحي اقترابآ و سفرْ
لأغنيكِ التماسك
أبتغي منكِ الوصول
أمنحي القمح الخصوبة
أمنحيني نفسي 00 دون خوفٍ 00 دون همس
وأمنحي المدن الدليل
فيا طفلةً ظلت تفتشُ عن ضفيرتها
بين دمعٍ 00 و رحيلْ
هل يكون الموت نوعآ من تآلف
في غياباتِ الخليلْ ؟

ناصر عمر دبيب
07-08-2009, 11:51 AM
يا بكــــــــــــــــــــــــــــــــــــــــرة
كلمات / يحي فضل الله


مساماتك بتتشقق
عشان تشرق صباحاتك
صباحاتك بتتعانق مع الفكرة
وتأخد من جراحاتك
نضيف احساسنا لي بكرة

يا بكـــــــــــــــــــــــرة .... يا بكــــــــــــــــــــــــرة
يا بكرة الغصن ناشف
يا بكرة الفرح يوماتي
بيكاتل حزن اطفال
بتتشابا عشان تعرف
شنو الفي ايدنا لي بكرة
شنو الداخرنو للسكة
عشان تشرق صباحاتك
عشان تقصر مسافاتك
عشان تبرق غماماتك
عشان تخضر مساحاتك
عشان بكرة وبعد بكرة


ولسع عشمنا في بكرة
ويمر بكرة ..
ويبقي املنا
في بكرة وبعد بكرة

ناصر عمر دبيب
07-08-2009, 11:53 AM
نشوة ريد

نشوة ريد احساس اكليل

وردة وصلك جنة اصلك

نجم الليل الوصل جميل

نحنا مشينا الخطوة الاولى

وانت معاي مشوارنا بيقصر

بكرة بنحكي الشوق للذكرى

نار الريد الغابت تظهر

التربال الساقية افراحوا

عطش النيل لو زاد اطراحوا

نار الشمس بتشفي جراحوا

عرقوا بيسقي سنبلة تكبر

الاطفال يابنية بغنوا

الاطفال يا حلوة بغنوا

الاطفال يافاطمة بغنوا

الافراح لابد من ترجع

الاحلام الدونك فاتت

لو واصلنا صباحا بيطلع

ناصر عمر دبيب
07-08-2009, 11:55 AM
الأعظم بروح أيوبية", مصطفي سيداحمد - أسامة الخواض
أسامة الخواض : المشاء الأعظم بروح أيوبية



هكذا كان " مصطفى سيدأحمد" المشـّاء الأعظم .. مشى بين الناس بالغناء فى الأندية والمعاهد والجامعات ودور التحالف ... ومشى وسط حقول الكلام يلتقط فى فرح ما طاب من بنفسجها وسوسنها وفلها .

ومشى فى قلب هموم الناس العاديين يلتقط بؤسها وأشواقها للحرية وللعشق .. وكان فى المشائين من فئة المتفائلين ..... يبشر " بالبنت الحديقة " والإنسجام وأن نكون " أهل البلد بالجد " ... كان أمة وحده وسط فوضى الواقع المهترىء .

وحين أصبح الوطن طارداً لمصطفى العذب ، حمل صوته وأمراضه وحقيبة معاناته ، وهرول فى إتجــاه صوت الوطن العمودى .

ما مر بأرض إلاّ وبكت شوقاً لصوته الممزوج بنكهة الألم والعذوبة ... كانــت " طرابلس والقاهــرة والدوحــة " تهتف فى جلال : " مصطفى سيدأحمد مرّ من هنا " .

كان يكتم عذابات مرضه العضال ، ويصر على الغناء .. كان حين ينهــض مــن غيبوبة غسيـل الكلى الممض ــ كمـا يروى مــلازموه ــ يحتضــن عوده ويغنى مسابقاً الموت ... كان يتشح دائماً وفى أقصى حالات الوجع .. بروح أيوب .

وفى موته كان ــ أيضاً ــ مشاءً عظيماً ... إستقل صندوقه المعقم ، ومشى وحوله المشــاؤون العـظام إلى بيـتـه الأثير لديه " معهد الموسيقى والمسرح " ...

وحتى حين سكن جسده " ود سلفاب " مسقط رأسه ، لم يركن إلى الراحة الأبدية ، ولكنه بدأ مشيه الحثيث الطويل فى مسارب الخلود والأسطورة كأعظم المشائين فى ذاكرة الشعب السودانى .

ناصر عمر دبيب
07-08-2009, 11:57 AM
ولمانديلا سأغني
عبد الله محمد عثمان


و لمانديلا طليقا سأغنى
فرحة الثوار فى الزمن المصادم
كان سجنك امتدادا للمظالم
كان تعبيراً صريحاً للمآسى
وازدهار الجرح فى زحف المظالم
يابريقاً شاجنت ترنيم صحوك
انفعالات الملاحم
يا خلاصاً أشعلت أطياف عزمك
دهارات المكارم
كنت وعدا باندلاق الفجر
فى كل المعالم
كيف تحسبك الحوائط
يا صباحا مشرئبا ;كى يقاوم
ولمانديلا طليقا سأغنى
فرحة الانسان فى كل العوالم
********
أيها الثائر نحن
لم نكن نراك يوما رضينا
ان نراك العمر مرتهنا سجينا
أو نعيش الدهر دوما خاصعين
للمظالم والغذاء القاصبين
قد رفعنا اليوم فينا
راية الانسان فى كل الأعالى
وفتحنا دورة الازمان
للفجــر المثالــى
وهزمنا بالنضال الحــر
ارجاف الاعادى
ثم عدنا لا نبالى لا نبالى
يطوه السجات او ظلم الليالى
ايها المصلوب فى جرح المآسى البشريه
سوف تحملنا الخيول الامهريه
ذات يوم السباقات الذريه
حيث تمتد الايادى لخلاص البشريه
من زمان الحزن من جرح المآسى العنصريه
حيث انسان الهويه
لابسا صحـو البنفسج
وعميقا كانتصار الحق
فى زمن التوهج
يزرع الآمال ساحات البريه
ويعلى قيمه الانسان
فى كل العوالم

ناصر عمر دبيب
07-08-2009, 12:00 PM
أخر شعاع




الليلة مات آخر شعاع
شفنا هو .. من نور الأمل
و وقفت في نص الطريق
والليل خلا السكة انسدل
وسطى رياح ..وعميق جراح
وأشباح تقول لي ما بتصل
كيفن تصل وسط الضياع
حتى الشعاع منك أفل
كيفن تصل
والليل طويل .. وعليك تقيل
زى الجبل
وسحابه حجبت النجوم
و كست ظلام كل القِبل
في اللحظة ديك شفت الضياع
واللوعة في القدر النزل
وشعرت بى موجه وجع.. آه
قلبي انصدع
دمعي انبهل
شفت الخيال لوح بعيد
عبر الظلام.. صاحبي وجل
قال الوداع
قال الضياع
كيف الوداع
بعد الحصل
والليلة مات آخر شعاع

عمر المامون
07-08-2009, 12:02 PM
أبداكى من وين

أبداكى من وين .. وفينى منك لسة حاجات
من مخاوف ومن شجن
أبداكى من وين .. وظنى إنك
فكرة إعلان الحياة الحياة
وإنتهاءات العوارض والمحن
نفسى ألقاكى وأكون
أنا كلى من بعضك
أو .. بعضى من كلك بدن
وداير أبقاكى وأوحد دورة الدم
المقسمة بينى .. بينك .. والسحن
..........
أبداكى منى .. ولاّ منِّك
أبتديكى محل .. محل
من ياتو منفذ أدخلك
وكل المنافذ فيكى سدّاها النحل
من ياتو شارع أوصلك
وكل الدروب معطونة لى آخر الوحل
.. أستبيح كل الحواجز .. وأدخلك
من كلامك بدخلك
من بين مسامك بدخلك
من أى قاسم مشترك
وشبهة تشابه .. ادخلك
ونتلاقى نهرين من تسامى .. وإشتها
وأبداكى من حيث أنتهت عندك خواتم الإنتها
أبداكى .. وأخلع خيام عمرى المضى
وألقاكى مبسوطة اليدين
مفتوحة أبواب الرضا
أبداكى من لحظة أنستِكْ نار
وأخدت من قبسك .. هُدى
وأنا ضُمـّة زاهد
فى الدروب الما بتجيك
.. ولا بترجِّع ليا من تالاك صدى
أبداكى من وين ؟ ..

ناصر عمر دبيب
07-08-2009, 12:28 PM
عـنك احــكـى
بابكر الدقونى


عنك احكى وليك بقول
للناس حكاية..
رجعة الامل المسافر
رجعة المسا فى عيونك
رحلة الحب والصبايا



عنك التاريخ بقول
عينيك صبحت فى البخاصم
فى مشاوير السفر
والحديث الببدأ منك
فى نهايتو بينتظر
وعدك حذر وابتساماتك مشاكل
لحنك المجروح حكاية السمحة
والحب والقدر..



جانى مكتوب غير وصية
دمى من دمك متيم
حزنى شايل من عيونك
يبكى ما فاقد الاسية



لما رحلت من عيونك
دمعة الوجد القديم
شب قلبى الجوة عمرك
شب عمرى الجوة قلبك
لما رحلت من سما
سطوك غيوم
جيت مهاجر غير هطول
عنك احكى وليك بقول
للناس حكاية

ناصر عمر دبيب
07-08-2009, 12:30 PM
الوجد الملح
خطاب حسن احمد


جلبت ليك من بلادالله البعيدة
صنوف من الوجد .. المُلِحْ
قلت ألقاك بالسّمح
درت ألقاك فى السّمح
كنت اصطاد فى الظهيرة
من مناقير الكنار
بوصل السكك .. الأغانى
ومن ثُرى الليل القصيّا
أنتشل عطر الأمانى
ولو ألاقى اللون .. أدسّو
لمّا يغرس فينى حِسّو
لى ملاقاتك .. هدية
واتفقد الرعشة المعبّية .. فى إيديا
جلبت ليك

ناصر عمر دبيب
07-08-2009, 12:34 PM
مد إيدك شيل سلاحك
من كلمات مصطفى سيد احمد والحانه



مد ايدك وشيل سلاحك
لاك إضينة ولاكا خايب
لاكا زول تركة مزلة
لا بفوتوك فى الضكارة
انت شايف ...
غطّت الأحزان ربوعنا
وشتّت الطغيان جموعنا
مافى غير تحمل سلاحك
تحمى ساحك..
وتشفى بى ضراعك جراحك



هم أرازل .. ديل أرازل
خانو كل أعراف بلادك
جهزو سلاحهم فى غفلة
إستباحوك فى كرامتك فى أصولك...
قم تقدم .. أصحى من وهدة زهولك
شق طريقك...
لى رفاق الوجعة منتظرين وصولك
فى صفوفهم خانة فاضية
إنت سيدة وطولة طولك
بندقيتك راجية جيتك تحمى قولك ..
شيل سلاحك قبل ما سلاحهم يطولك

ناصر عمر دبيب
07-08-2009, 12:49 PM
المناديل الوضيئة ستاتى
محمد محى الدين


-----------
ايها المصلوب كالنجم
على الموجة يكفيك ترجل
ارفض الحزن الذى ما اخترته طوعاً
ستبقى نابضاً تشهد ميلاد الرياح
وانظر الساحة تاتيك تمهل
واغنيات ما علاها الصدأ
المدفون فى قلب الزمان
كلمات رفضت ان يأسر الثاقب
من ايقاعها برد المكان
واهجر العشق الذى ..
لا يشعل الساحة انهار صخب
ما يكون العشق الا ..
فى اتحاد البرق بالارض التى ..
تمنح القبلة فى ليل التعب
ما يضى الحب الا فى عيون
عرفت سر الغضب ..
************
ايها القادم من انفاس
اعماق الحكايات
ومن رمل القرى
المهجورة السوح تجرد
ما يموت النغم
المحفور فى الذكرى
اذا اهتز الوتر
فاشدو بالاغنية الاولى
وفى العشق تفرد
ايها القابض جمر التوق
آلالم الشبابيك تناديك
فلا ترحل
تاتيك المناديل الوضيئة
وعلى كل العيون
فى الليل تمدد
ما يجئ الحب الا فجأة
تهتز كل الدور
ترتاح العصافيرعلى الابواب
يمضى زمن الرعب
وينمو فى العبارات القصور
ينشر الفجر ضياء الامن
فى الساحة
والشط ينادى رائعاً
يلتقى العشاق جهراً
يمتنى الموج ويختال الشروق
فاهجر العشق الذى لا يحتويك
واترك الوعد الذى لا يرتويك(يشتهيك)
وانظر الساحة ليلاً ..
خجلاً يتدفق ..
ايهتز الوتر ؟؟
يحتويك العشق صدقاً
يحتوى نجمك ..
تاتيك المناديل الوضيئة

ناصر عمر دبيب
07-08-2009, 12:52 PM
واقف براك
مدنى يوسف النخلى


واقف براك والهم عصف
ريحاً كسح زهرة صباك
ليلاً فتح .. شرفة وجع
قمراً رحل فارق سماك





مطر الحزن عاود هطل
جدد عذاب الأرصفـة
ضى المصابيح البعيد
أتعب عيونك .. وإنطفا
لمتين مواعيدك .. سراب
والريد شقا وحرقة وجفا




بعد المشاوير البقت ..
ممدودة فى نبض التعب
بتعود وتلقى رِجاك زول
حفظ الوداد زمناً صعب
والباقى من ليل الهوى
وعطر الصبابة الما أنسكب
والباقى من كل الغنا
وسيل الكتابة الما نضب

ناصر عمر دبيب
07-08-2009, 12:55 PM
بين سجن وبيت اشباح
كلمات مصطفى سيداحمد



بين سجن وبيت اشباح
وعطالة ودم مباح
ومزلة تودى الغربة
والغربة جراحة جراح
والحل فى بلدك زاتة
تتحدى سلاح بسلاح
تهزم خفاش العتمة
ويغسل سودانا صباح


الخمج الماحق سوقنا
من بعض وفا المحتاج
والعبرة الرابطة حلوقنا
من فيض كاس الدجال
الوهم الداير يسوقنا
اصبح مفضوح الحال
ما فضل الا مروقنا
وبسلاحنا نعدل الحال
بسلاحنا نعدل المال


يا غضبة نيلنا الطامح
وكتين يكسح طوفان
يا سيل الشعب الجامح
فى الثورة بعد عصيان
يا ضراع الولد الجارح
بسلاحك فى المليان
الكى للالم الناتح
والعبرة لكل غبيان

ناصر عمر دبيب
07-08-2009, 12:59 PM
مصطفى سيد احمد
متخفية والناس عارفنك : بشري الفاضل


متخفية والناس عارفنك

متخبية والناس شايفنك

باباى ونخيل

متخفية والناس عارفنك

قرآن وإنجيل

وشقانا معاكى هو إنـّك

طاويك الليل

لكن واردنك .. ورويانة

لا عيون تحزن ..

لا دموع بتسيل

*********

يوم بكرة جميل

ضوّاى .. ووسيم

يوم بكرة جميل

باكر .. دافـِر

يوم بكرة جميل

ابيض نورو

يوم بكرة جميل

باكر داكر

أبداً لا أتغرّب .. لا مسافر

باكر ضوّاى

وجميلتو الليل الما سوّاى

كان حاول يطمس أقمارو

ابيض ريحو يوم بكرة جميل

من فالو النيل يطمح طوفان

وتخاف من موجو تماسيحو

باكر ضوّاى

كلمات وأناشيد .. وقيامة

باكر ضوّاى

وغناهو الحادى .. الهدّاى

يوم بكرة جميل

ناصر عمر دبيب
07-08-2009, 01:01 PM
قلت ليها



قلت ليها
وإيدى فى أيديها
دمعة حزن سالت
جاى منك ... وماشى ليك
يا مداين غربة طالت
لو مدارات نجمى ضلت
وسكة السفر استحالت
كونى فى دربى الحقيقة
الديمة ليها مشاعرى مالت
قلت ليها
وكنت راجع لى عينيها
من أسى الزمن المسافر فى المشاوير .. العصيبة
من متاهات الأمانى
فى مدار الحسن ضماها وحبيبه
بينى لا بينك مزار
لا محطات إنتظار
لا مواعيدك قريبة
إنتى يا الفرح .. الحقيقة المستحيل
هدهدي الصبر الجميل
وأمسحى الألم المخيم
فى المدارات الرحيبة
قلت ليها
الحقيقة الضايعة
بين .. قلبى وعيونك
أنى لا قادر أفوتك لا أجيك
وأنى ما عارف بدونك
أبقى كلمة حب
تزف البشرى فى ساعة مجيك
وأنتى عارفة .. وقلت ليك
يانى أكثر زول بريدك
يانى صفوة عاشقيك
يانى راكز الخيل عليك
ولسه بى حبك متيم ومبتلى
ألا ريدك زادنى حيرة .. على العلى
لا مراكب البشرى ختن
.. قلبى عندك
وإنتى لاقلبك
نسانى
ولا ولاخليل

ناصر عمر دبيب
07-08-2009, 01:03 PM
اظنك عرفتي
جمال حسن سعيد


اظنك عرفتي عواصفك مهبي
اباري في خيالك يسوقني ويودي
ونهرك يعدي ويجهل مصبي
هواجسي البتزرع وظني البربي
بديتك خواطر بتصحي وتساور
وطيفك يزاور وروحك تحاور
تجيبني في زمانك موشح اساور
اقول بس نسيتك وجرحك يتاور
اظنك عرفتي عذاب المغني
وطبله المجدع شظايا التمني
حروفه البتجزع في لحظة تجني
خطاه البتهرع متين تطمئني
مسرح خيالك حصاني القبيل
معربد غباره وخلى الصهيل
مسافر مسافر وفاقد دليل
اظنك عرفتي هموم الرحيل

ناصر عمر دبيب
07-08-2009, 01:04 PM
على بابك نهارات الصبر .. واقفات





بداية الدنيا هن واقفات

وكم ولهان وكم طائر

بعد نتـّف جناحو وراك

لملم حر ندامتو .. وفات

قطع شامة هواك من قلبو

إلاّ هواك نبت تانى

وعلى بابك وقف تانى

غمايم شاقة حضن الليل

مسافر فيها وحدانى .. وبدون جنحين

يغنيك الهنا .. المافى

ويغنيلك رهافة حِسو

يفنى على جليد آمال

ويحلم بالشتا الدافى

وقدر ما يمشى فى سور الزمن خطوات

يلاقى خطى السنين واقفات

يلاقى هواك نبت تانى

وعلى بابك وقف تانى

وملا الساحات

ناصر عمر دبيب
07-08-2009, 01:06 PM
أغنية جفاف", مصطفى سيد احمد - صلاح حاج سعيد


حتى الفصول صابة الجفاف
لا غيمة لا زفة هرع
والسمبر البفرح صفيرو
غشانا واتقاطر رجع
وشجرنا من لفح السموم
غصنو الرقص رويان وقع
لا شابا لى ريح الدعاش
لا هش لى برقا لمع



انت الخريف يرسم معالم
الخضرة والخير والعشم
انت الربيع يغزل شباك
الريدة يا روح الطعم
اتعب بيادرنا الجفاف
والخضرة لفاها العدم
ابسم عليك احلى الكلام
خلى المواسم تبتسم

ناصر عمر دبيب
07-08-2009, 01:10 PM
أغنية الطيور", مصطفي سيد احمد - حافظ عباس



والله نحنّ مع الطيور

الما بتعرف ليها خرطة

ولا فى إيدا جواز سفر

نمشى فى كل المدائن

نبنى عشنا بالغناوى

.. وننثر الأفراح .. درر

والربيع يسكن جوارنا

والسنابل تملا دارنا

والرياحين .. والمطر




والحبيبة تغنى لينا

لا هموم تسكن دروبنا

ولا يلاقينا الخطر



إلاّ باكر يا حليوة

لمـّا أولادنا السمر

يبقوا أفراحنا البنمسح بيها .. أحزان الزمن

نمشى فى كل الدروب الواسعة .. ديك

والرواكيب الصغيرة .. تبقى أكبر من مدن

إيدى فى إيدك نغنى

والله نحنّ .. مع الطيور

الما بتعرف ليها خرطة

ولا فى إيدا جواز سفر

ناصر عمر دبيب
07-08-2009, 01:13 PM
كلمات سر في جوف أصداف", مصطفي سيد احمد - سيف الدين محمد صالح





ياسر مكتوم فى جـوف أصداف

فـتـشـت عليك بقـليب نزّاف

لا خـبـيـر يـهـدى ... لا دليل وصّاف




ياسر مكتوم فى جوف أصداف

راجـياها الريح ... وكتين ما تطــل

على موجة تمرجح زهرة فـــل

وتشيلا تروح ... والدنيا تنوح

على قمراً مات فى مطر الليل

يتّم نجمات بكاها السيل




يا سر مكتوم فى جوف أصداف

الريح القاسية عنيدة .. تمام

طـفــت الـقـنديل .. الكان مـقـدوح من دمع الليل

رمت القُـنديل الكان نديان فى جــرف النيل

رسمت أحزان .. وسؤال حيران .. فى عيون أيتام




يا عمر مرسوم فى كف أقدار

يا خطايا الطال بيها .. المشوار

ياليل مشتاق لى دفقة نور

ياظلمة تبكى .. حتى البلور

ياموجة تعاند فى التيار ...

يا خطايا الطال بيها المشوار.

ناصر عمر دبيب
07-08-2009, 01:15 PM
أغنية بسيمة ضو", مصطفي سيد أحمد



رسمت بى وجيها بسيمة ضو

بتغالط فى الزمن القاسى

بتعاتب فى الغنوة الصعبة

واللحن حزين

ووتر موجوع تحت إحساسى

تسأل عن مغنى الأفراح

يمكن لى جراحنا يكون .. آسى

ما بشبع روحنا فرح زايف

لو كان نتناسى .. وتتناسى



يا بت يا نيل

العاشقك .. عاشق كل الفيك

غنايك فى كل ظروفك

فى الفرح البشرق وعد .. وفال

فى الحزن الودّر ضى شوفِك

فى سجون القهرك .. فى خوفك

فى النبض الصامد .. فى البركان

السامعو يدمدم فى جوفك



جرّحنا عتابك .. يا باكية

عايزانا نغنى غنا الأفراح

ما الغنوة الناشفة .. لبن ضرعك

والفرح الفيك .. خلاّنا وراح

ولقينا فرحنا ــ وإنتى حزينة

بكون أشتر ويزيدنا جراح

خلينا من الفرح الزايف

بتعود أفراحنا ونلقى .. سراح

ناصر عمر دبيب
07-08-2009, 01:18 PM
سفر السكوت", مصطفي سيداحمد - فيصل محمد صالح



طوبى للرجال العصافير

كلما حطّ طائرهم فوق غصن

غنوا بشجيى الكلام .. بديع الصور

وبؤساً لنا نحن الرجال .. الشجر

تهاوت جذور الكلام

جفت ينابيعنا

وأرهقتنا ليالى السفر

تؤرقنا الذكرى

توقِد نار المواجد فينا

فيوجعنا الشوق فى صرة القلب

يتأبى حتى السكون الذليل

نخرج الآن من جلدنا

ونخدش صمت السؤالات

نركض عبر الطريق الطويل

من أى ثقبٍ فى الحكايات جئنا

ومن أى بابٍ فى السماواتِ .. كان إلتماس السكينة؟

ومن أى ذنبٍ عصىٍ

تعلم القلب سفر الرحيل

الطيور قطعت رحلتها ثم عادت

والأمانى إستكانت

والليالى ما عاد صمتها مستحيل

والنساء اللائى علمننا

العشق فى زمانات النداء الجميل

نسجن كعادتهن من كذوب الروايات

ما يخلع الدفء عن جسد الحب

ثم تذوقن للحبيب البديل

يا صديق المسافات أركض

ما عاد فى الحزن متسع

لصفير الجراحات ــ قلبى وقلبك ــ

ولا صبر فى الأفق لإنتظار الخيول

كل المراكب تاهت

أنكرتنا الشموس

والحبيبات خانت

لفظتنا البحار

فهل يستطيع البنفسج أن يكون الكفيل ؟

أيوجعك الوصف ؟

آه .. من زمنٍ كنا ننتقى فيه العبارات

من فصوص المحار

نتمشى فى مفاصل الشعر

تأخذنا كل ساعةٍ فى مدار

آه .. من آه .. ثم آه

من كل ذاك الزمان النبيل

أصرخ الآن .. أو

أخرج الآن .. أو

إنزف الآن .. أو

أكتم الشدو فى الفؤاد العليل

ناصر عمر دبيب
07-08-2009, 01:20 PM
أغنية اخوان الإنسانية", مصطفى سيد أحمد - محمد المهدي عبدالوهاب




مابين زمناً متمنيهو

وزمناً منك .. زادنى أسيـّة

طفت الدنيا عشان .. أنساكِ

وأنسى الحزن الطارد .. ليـّا

كان البحر الما خـلاّنى .. أعيش فرّادى

كانوا أخوان فى الإنسانية

قعدت معاهم .. وإتفاكرنا

كم لفـّينا .. وكم سافرنا

وكم مازحنا ليالى الصيف

كم غنينا لى الحرية

كم دارينا الحزن الأكبر

بين الصيف .. وجمال المنظر



كنتِ بتطلعى من عينيهم

وكتين يفرحوا .. أو يندهشوا

أو يفترشوا سواعد بعض

أو يتكلموا عن الأرض .. وسلام العالم

وكنت غريب الوجهِ .. معذب



ما أحلاهم ..

شالوا معاى الهم بى الجملة

.. وهتفوا .. البحر .. البحر

جوة المركب .. فِضلوا يغنوا .. يغنوا

شوية .. شوية ..

وسكتْ المركب

كل الناس إتنين .. إتنين

فرح إتكلم بى لغتين

... كنت برايا

وجانى حنين الكون .. إتكوّم

غوّر .. غوّر .. جوة فى صدرى

وإتمنيت لو كنتى .. معايا

ناصر عمر دبيب
07-08-2009, 01:26 PM
أغنية إدفقى", مصطفى سيد أحمد - قاسم أبو زيد




إدفقى ما تبقى رقراق

أبقى يا ضُل .. يا شموس

غطى المساحات بالوضوح

إستنهضى الشوق .. الجروس

وهجك شوارع ذاتى

فى ليل اليباب

ما تشفقى العطش .. الرحيل

النيل ركيزة

ودمعة الأحباب سِحاب

ما تخافى من دم الغروب

لو رتّش الّلوحة الضباب

مادام ضمير الفينا .. حى

مادام عِريق العِشق .. حى

ملحوقة يا مدن السراب

نديانة بى فرح التساب



أدفقى فيضان عمار

أتربعى .. وفجّى الوجع

دمع الألم .. ما يدفّقك

ما خاب غناك

فارسك رجع

إتوهجى وإنتى الشمس

إتلهجى نورك سطع

نوّر بوادينا الكساح

رقصت مزامير الصباح

مبكية قرية وقنبلة

متكية دمعة .. وسنبلة

الليلة فى إيدنا السلاح

ريشة وكدنكة .. ومطرقة

نبنيكى أحسن يا ظروف

مخضرة .. دانية القطوف

نطوى المسافات .. نسبقا





أدّفقى بلدك فِداك

إتوهطى

ورّى البنيات العديل

محمية بى عرق الترابلة

ونغمتك مسقية بى الريد العتيق

أنغام رباباتك تشيل

معزوفة الليل .. والرفيق

ما تصغرى

تكبر أمانى السنبلة

هَىْ أكبرى

تصغر معانى القنبلة

ما ترجعى الصد لى المداين .. والقرى

شيلى الشحوب والإصفرار

أدى البويتات منظرا

إدفقى فى كل شارع .. وكل بيت

فى روابينا المحنّة

وفى ضمايرنا السهول

إدفقى

فى كل حتة .. وكل زول

أبقى .. شان تحيا الفصول

ناصر عمر دبيب
07-08-2009, 01:30 PM
أغنية زي ما يكون", مصطفى سيد أحمد - قاسم أبو زيد


على عمقك

مشيت متلفِّحك .. خاطر

برغم ذبول نجيماتك

سماك معقول

وشارع الشوق ..

بدونك .. تمْ

بحِسْ بى القول .. على حدّ السيوف مجدول

ورغم الفات

ورغم الحاصِل المسلول

فوق عمقك قدل جوّاى

على لقيا .. وبياض خاطر

وزى مايكون




وعلى عمقك

مشيت متلفّحك .. خاطر

لا الشبورة .. لا ريحة الدُعاش

مشبوبة بى ندّكْ

.. صبابة وصوت

ولا برقت شموس منّك

ولا دخلت شموس فينى

ولا أظنّك بتدّى شموس

ويطلع من عيونك ضو

ولا لِمِس الجفاف خدّك

ولا ركّ الندى المحروق

فراشات فى شذاك .. دخان

شعاعات من بريق لحظك

فهل يرجع زمن جيتك

حضور تانى ؟




على ذكراك أمل ممتد

أنا وإنت .. وهدير الكون

على لقيا .. وبياض خاطر




وعلى عمقك .. مشيت

متلفّحك خاطر

ولا عند المغيب وجّت غصون شجرك

ولا لمـّة فرح .. بتلم

ولا الرقدة .. التعب بتجم

ولا زِيف العِشِق مفضوح

ولا الصمت القبيل .. مفتوح

ولا الفرح البِتِم القول

صدى الغنوات ... يرقِّص حول

ولا وجّت رياض أطفال

ولا الموّال

مركّب بى نسيج الجيـّة

بى أنغام طبول شدوك

عشان أضحى الفرح مسحور

وإيقاع الرقيص .. مكسور





نسيب البلد ... ينجَمْ

نطوى الشوق منام

نتوسد الأحلام

على هبـّة نسيم باكر

لأننا نحن متواعدين

ومن جوّة الضجيج طالعين

بصوت واحد

لأننا نحن متواعدين

على لقيا وبياض خاطر

وزى ما يكون

ناصر عمر دبيب
07-08-2009, 01:33 PM
أغنية عشم باكر", مصطفي سيد أحمد - مدني يوسف النخلي



فى عينيك عشم باكر

وزغرودة بتزف لى الناس

خبر زمناً جديد مولود

لقيت غيرك .. بضيع إسمى

وبقيت أنا حى .. وزى مفقود




لاقينى يا عشقى الخرافى

لاقينى قبال الزوال

لاقينى فى كل المرافى

زفاف ربيع .. وفرح قوافى

وإنشرى فى حزن السنابل

غيمة يا كل المشاعل

وأمشى قبّال الصباح

وزعى الطل للأزهار

وأبقى يا شوقى الخرافى

خير .. وضمى شقا البيادر




لاقينى يا شوقى الخرافى

لاقينى قبال الزوال

غنوة من أزمان بعيدة

طالعة من صخب الدميرة

تلقينى راجيك فى الأماسى

وفى المراسى

.. وفى الملمات الخطيرة

ناصر عمر دبيب
07-08-2009, 01:36 PM
أغنية سفر العمر", مصطفي سيد أحمد - مدني يوسف النخلي


مـا بــان عــليـك سـفــر العـمـر


لســة الربـيـع يـادابــو زار

لسّــة الضـفـاف المـتـرعــة

بـتـفـيـض نـدى ... وتـطـرح ثـمــــار

الـنـاس عـلـيـك نــاداهـا .. فــــال

فى عـيـونـا نـام الإنـبـهـار

وأنـا جـّــوة قـلبى الـمـشـتـهـيـك

نـزفـت جـراحـات الـودار



جــّوة العـيون غــطـّى الـفـرح

لـمّ الـزفـــاف

جـــّوة العــيــون تـشـرق شـمـوس

يـرحـل جـفـاف

أزمان بـتـغـرق فى الـنـعـيــم

وحـنـان غـمر عـاشـقـيـن رهـاف




يـازهـــرة طــالت بى الـفـــرح

بـتـراقـص أنـوار الـمســـــــا

مـا بــان عـــلـيــك أثــر الــقــطــاب

... ولا جـاتــك أيــام الـقســــا

ما أروعـــك وإنـتى الـشـــبــاب

بى حــمــرة الـريــد إكـتـســـــا

ناصر عمر دبيب
07-08-2009, 01:40 PM
أغنية أملنا الباقي", مصطفى سيد أحمد - مدني يوسف النخلي




أملنا الباقى يسرح بى


وأسافر لى زمن تانى

تبقى الدنيا فى عينى

هجعة خطوة .. فى سكة فرح مفقود

ورحلة موجة فى بحر الأسى .. الممدود

ورجعة غنوة من درب الضنى المهدود

.. وأفتش ليك



وأفتش ليك حنانى معاى

أمانى تصارع المكتوب

عشانك لا مسافة تطول

ولا بتصعب معاكى .. دروب

وقلبى عليك

وعلى الوعد الحزين .. مصلوب

وراجع ليك



وأفتش ليك

أجوب الدنيا .. وأرجع ليك

أجيك فارساً يشق صمت المتاهة .. الطال

يواعدك بى حكاوى الشوق

وبى شمساً .. وراها منال

وبى فرحاً يغرد .. فى سماك ألحان

ويجيب البهجة للأطفال

ناصر عمر دبيب
07-08-2009, 01:43 PM
أغنية شهيق", مصطفى سيد أحمد - عاطف خيري





إقتراح

نكر صوتك صداك

غالطنى الزمن فيك

شهرت على الجفاف وعدك

بطاقاتنا الخريفية

رجع فاضى الكلام مليان

معاك إتبرجت غيمة

وشهق جوايا صوت جدول

مرقت على المطر .. حفيان

لقيتك والرزاز .. مدخل

وناديتك :

أقيفى معاى

نشيل كتف الغنا .. الميّل

ونتخيل

حلم دونك بيتحقق

وقبلك خيل دماى .. واقفة على شريانى .. تتشهق

وعرف صوتك .. صداك .. غنيتى

رشحت حلقك لى إذاعات الشجر

والمنتظر من عودة المدعو المطر

والمسادير .. والطنابير

واللسة فى رحم القصيد

والدابو حسّ فى سوق عكاظ

بين مزادات الحروف

غيبت رسمك .. وإحتكرتك لى الظروف

للزمان الجايى .. واللحظة اللى فاتت

.. منى هسة

.........

يا واقفة بين جرح السحاب

وبين شهقة الأرض البكر

ما كان ده ريد

كان إحتمال تغيير قوانين شهقتك

ما بين حديثنا .. ولحظة الفعل الحقيقى

وإنتباهك إنتى للشارع البيرجع تانى .. لى نقطة بدايتو

وإنحيازك إنتى للشارع البيرشح

فى مسام رملو التوقع

وما أنعرف قانون نهايتو

غايتو أمشى فى الدرب البطابق فيهو خطوك .. صوت حوافرك

يا فرس كل القبيلة .. تلجموا

يكسر قناعاتا ويفر .. يسكن مع البدو .. فى الخلا

ما يرضى غير الريح تجادلو

.. وتقنعوا

........

إفترضتك لون أساسى

يمنح اللوحة إزدواجية القراية

ويفتح الضو

بين خطوط الريشة ..

والخط الإضافى .. الجايى من شبكية الزول المشاهد

وإكتشفنا ــ الرسمك وأنا ــ برضو التوارد فى الخواطر

نفس أرقام التذاكر

البيها سافرنا وشهدنا

إنفجارك فى الأرض

يا سمرا يا واضحة

ما غنيت يوم جيتك .. صدفة

قبل أبداك كان غصنك .. بشـّر

يوم ما كان إحساسك مسرى

عرج غيمك فينى .. ومطّر

لحظة طار عصفور من صدرك

رتب فينا إحساس بالإلفة .. ودوزن عصب الزمن الأشتر

وإتوكلت عليكى .. وقلت

المارق منك داخل جرح الوردة وراسم فوقا غناوى الطل

المارق منك

رجع للغابات الزنج الهاربة

وللعتمور العرب العاربة

وأدى الكون مفتاح الحل

المارق منك

شادد عصب الورقة .. وحرفى

وراصد فى اللاّ وعى سكونو

مواعيد صحوه .. وحلمو ولونو

شارى يقينك فى ظنى

سارق لحظة إنى أفكر

المارق منك

مارق منك .. أو ..

منى !

*شهيق

ما تتضارى ورا الدعوات

وما تتلبسى فرح الفات

بسكن فيك النغم الزايف

ويسرق حاسة شوفنا الواقفة على رجلين جوانا

نحن الهاوية .. والمتطامن من الأرض

آه من نحلك ساعة يرحل

ولمن يكتب فينا الحنضل

ويختم عمرو بفعل الشهد



قال الجدول :

طلوع النخلة .. مرور الريح .. واحد

لكن الريح بعانق حقل

ونحن بنطلع نخلة .. وننزل

ونكتب فى ذاكرة الصفق الأخضر

سجنا الريح فى الورق الأبيض

وجهناها ضد التمر الناعس

يسقط زى قبعة الحارس

زى الكان بيناتنا .. و فات



قالت غيمة :

".. بين قوسين غيمة لئيمة"

أولاد الشارع فهرس لى كل المدن

التهرس جوفك بالأسمنت

قالت ريح :

شوف الناس قنديل

لو ما نور يحرق كوخ .. وباقى الحلة تنور

أو جبة جوخ .. أو ينزل بوخ

يقول للنسمة الزايفة .. أقيفى

لو تتفرد ريح .. تتشرد ريح .. ريح الخوف

لو تتفرد ريح تبدا تفرتق ضفاير المدن الكاذبة

تعيد تسريحتك



ويوم سمايتك .. شكل قامتك

كيف تموتى .. وتحيى تانى

ويوم قيامتك .. هو البيدينا الثبات

يا مجلوبة فى قافلة رق

ما بستحمل صدرك رصاصة ظلم

يا صابت رحم الفال

يا قطعت حبل الحلم

يا كنا نبيعك .. يا نسرق

إخترنا النار .. الضلها يحرق

طمنـّاك إنو الدنيا بخشها ضو

يجرح جلد العتمة

دم الليل قربان فجرك

يا بت يا نيل

لو نامت قمحة على الأبيض .. وإتشرت زيو

وزاد الأبيض فى غيو

ومدد رجلو اليسرى

ما كان الكسرة .. جاتك من برة

صفرا .. ومنكسرة

زوجناك الشهدا وِلاد الكلب

الماتو عشان الشعب

زوجناك ما عندك ضرة

زوجناك ما جاتك ضرة

وما إنشاف ماعونك فى الحلة يساسق

ويلقى فتات

قال الأبيض لى الأزرق:

يبقى ضد الإنتباه

وضد تواريخ التمازج بينى .. بينك

البشوفك فى مراهقة الخرائط

وفينا من وجع المسافرين .. واطه .. ما لاقت هوية

رد الأزرق:

مطر الحبش لو كان نبش جواك سقف

أو هد حيلك فى الدواخل

وشدّ عصبك فى المداخل

صوت مراكبى

وإيد بتسأل فى القمح

وفينا من فرح المسافرين قصة الشمس .. القضية

يا أعشاب النيل الأبيض .. ما تتضارى ورا الدعوات

أقرا تاريخك .. وأخاف

أسأل جبين الفجر .. وألقى الفجر مطعون فى القفا

هل سافرت فى دمك المحقون رجا

حبة غضب

ما شلنا جمرك .. وإنطفا جوانا نارك .. والمطر

جايين بالكتابة .. وضربة الناس المهابة

لو هز نخلك باشبزق

ما غادرت تمرة السبيط

وما ساور الطورية شك

إنو الأرض أنثى .. وبتحمل بالحلال

مين اللى قال

إنو المسافة البينا بين الشمس طاقة

أو مياه النيل

بتدخل فى عروق السنبلة المسقية بى عرق الجعانين ..

والمساهرين بالبطاقة

أقرى تاريخك .. وأقيف

جواكى .. والزمن النضيف

جواى .. من جواك غضب

سلم مفاتيح السؤال

جيل الشمس .. موكب حريق

واقف على باب الدخول

بيناتو بينات الوصول

لحظة شهيق

ناصر عمر دبيب
07-08-2009, 01:45 PM
سيناريو اليابسة", مصطفى سيد أحمد - عاطف خيري


الهدهد:

مخدوش الفضا

طويل الحزن .. مفتول الحنين

مصاب بالديانات والشرود

نوح:

يبلغ من الطول مسافة يشتهى الغرقان .. شهيق

لونو زى سرك .. تكلمبو الصديق

أمو تتوحـّم على طين البحر

قبال تقابل والدو .. صدفة على الطريق

عمرو ستة شهور حِلِم

إنو الأرض مسجونة فى موية .. وكل الناس مراكبية

اليابسة ... فِركة .. مدخورة لى يوم فيهو ساير النيل

قطـّاع رحط كل الجزاير

والبنات البفتحوا الباب للمطر

وأنا جدولك شارف على كل الجداول الصاحية فيك

والغباش فى دمى منك

لو كسر ضلعين عذرتو

لكن نهر كل العصافير البتلعب فى الوريد

وفنـّاكى جواى زى حجر

والبينـّا ما فات الدوائر



الليل خِمار القمرة .. مجدوع فى الفراغ

والرقصة لى البت فينا ..

فوق كل المسامير الندقها فى البساط

والرياح حكـّامة بى دلوكة مرّقت الشياطين .. منها

إتجنن فقير الحلة دقيناهو بى نفس السياط

كل المجرات .. النيازك والشُهُب

ودع راميهو الله على السما

والدنيا زار



ويا هدهد هنا مرت مراكب نوح

محملة بالبخور

مين اللى شال من طاقة الطين البعيدة

قنديل حبيبتى وطيـّب الجرح المثير

مين السرق من بابا مفتاحو الملون .. والصرير

منهوبة مقبرة الفواكه فيكى

قولى معاى يا شرف القبايل .. جر

الشاف تباريح الطلح فى النار

شافنى مرقت من عندك ضرير

أنا ليه تجينى الموية حفيانة ..

وأدنقر ألبِّسا شبط أخضر

وأبيت مبلول .. وأصلِّح فى الرباط

أنا ليه شبابيك البيوت الواجمة .. والناس البُساط

وليه يرجانى النخل

فى السكة يفتح قلبى خمارة .. وخلاوى ..

وبيت بكا



تعبت من المساسقة والهتاف .. ياغيمة

أتبنى جبهة القمرة

السهر والحمى طول الليل تهضرب



ويا هدهد لقيت أمك

ترشرش فى السعف من عينها

وتجبر خاطرا المكسور عليك

ينكسر خاطر السعف فى إيدا

يا هدهد قيام

من السما الأول قيام

من السما السابع قيام

وأنزل مسافة تهبشك غنوة .. وأناولك كاس



ومرت مراكب نوح محملة بالملوك

ركعت على الموج الجنود

من كل جندى تفوح ضحية

ودم مشتت فى الأبد

دسيت جبهتى من السجود

بكى فى مخاض الخوف .. ولد

إشتبهوا فينى ورا الجبل

شافونى دسيت الهداهد بالزبد

صفا !

إنتباه !

وقعت من الهدهد بلد

نهبوها .. وإتقسموا الحدود



ومرت مراكب نوح محملة بالطيور

واقف مع نوح الغراب

ينضم ويأشر فى إتجاه

باقى الطيور يتوسوسوا

إلاّ الحمام .. إتوضا مارق للصلاة

القانقرد فى حزنو يغزل شاله من صوف

الطواويس شارّة قمصانا المزركشة فى الضحى

الزرازير بى عراريقا المغبشة .. جات على



أرجينى يا صالحة !

ومشيت فى الموج

يا النبى نوح أصل سالم

يا النبى نوح أصل .........

حجر الدُّغُش فى الموية يقلع ضُفرى

يادم !

ده ما وكت الرسم واللون

وجات المغارب حننت إيدا .. ومشت

سبحانك الأديتنا من حزنك فوانيس

ــ الغراب يا نوح طفش

واليابسة وين ...؟

يا الله ما يابس سوى حلقى المجرح بالدعا

طير يا حمام !

ـ الحمام يا نوح يجامل فى السما

وبيّاع مناديل خضرا فى كل العصور



أنا ما خلقتك يا ظنون

شان تبيتى الليل معاى

وتجرى من فوقى الغُطا

ما تشُرّى فى حبلى الوساوس

والمعانى الداكنة .. والليل والشتا



الهدهد تميمة الموت

معلّق فى بيوت الناس .. نعش

من خرافاتن تعال

من دياناتن تعال

نفّض نعاسك من كل بيت

من كل حجوة حكوها عنك

فى الليالى الباردة والأطفال نيام



مين يشترينى من الملوك الخايدة فى الدم القديم

مين يوصف بيتنا لى هدهد يتيم

مين النبى القادم؟

من مكة !

أو من دكة !

فى شارع حميم

مين اليوصف للنحل ريق الحبيبة

وحبة القمح التقوم فوق محفضة حبوبة

فى الزمن اللئيم

مزيداً من الطين يا إله

أبنى خوفى عليك .. ومنك

أبنى آخر بيت .. حرام



ومرت مراكب نوح محملة بالحجيج

ــ وين ولدك ؟

ــ تركتو على الجبل .

ــ وين بلدك ؟

ــ ضربتها فى مثل .

ــ وين نحن ؟

ــ مرقت على عجل .

ــ يا نوح تخلينا

زيتونك مخلل بالشمس

نار الله والرِجل الغريبة

نحن البلاد الشاكية جرحها للصديد

جاتنا القوافل بالضجيج

جرتنا من حلبة رقيص

ورتنا كيف صلبوا المسيح

ورتنا كيف كتلوا الحسين

وبكينا أكتر منها

ساقتنا فى الآخر .. عبيد

مين يشترينى من الملوك

الخايدة فى الدم القديم

مين البوصِّف بيتنا لى هدهد يتيم



يا هدهدى المهدود

مين هدهدك .. نمت

كل الطيور غنت .. منك يجينى سكوت

مين الهداك للناس

أو هدّ فيك الموت؟

يا أوسم الجايين .. أنا قلبى حِلّة حنين

والشوق فتحنى بيوت

يا صالحة

لا جنبك .. لا فتّ منك فوت

دايماً معلق بين ..

بين الحياة والموت

أدخل ضلام الناس

نورك يجينى خيوط

وقبّال أقع فى الضو

جوّاك سندنى خِفوت

أنا برضى حلة شوق

لكنى فى التابوت

ومرت مراكب نوح محملة بالعبيد

الجنة .. زى هدهد معلقة فى الكتاب

ونحن العبيد

باب الحياة السرِّى

حرير فى فكرة الدودة الموجعة .. بالنسيج

وصيوان عزا نوح

.. المكفّن بالوعود



هدهد يرك فوق دفــّة المركب .. يدندن

الريح سكن خيمة حريمو الأربعة

النيل رجع فى اللوحة

للوادى القديم

البحار مكتوفة الأيدى

.. الشموس فاقت

ونوح بعاين فى مفاتن اليابسة

تغسل فى حصا .. ومتبرجة

سبحانك الأديتنا من ملكك سلاطين .. وإختفيت

هاك أنبياءك سالمين

وأنزل مسافة توجعك .. غابة

رقيصنا الحى

طبولنا...

وليك شبال

من اليابسة الممشّطة بالملح

... وهدهد

ناصر عمر دبيب
07-08-2009, 01:52 PM
أقراك مرّة صاح





عكس إحتشادك فى الحضور

هل غاب معاك وعى الطريق

.. أم بيكى زكـّانى الزمن

ماشيك .. وعارفك يا حريق

فى يوم غماماتك .. بجن

فرهد غيابك .. أغنيات

ظلت أراضى اللقيا بور

بلقاكى يا كل الطيور ..

مسجونة والحرية .. سور

وبلقاكى بيناتنا الثبات

وبيناتنا شمس البكرة فى لحظة .. مخاض



طول الوجع رشـّح مواطن العافية .. فيك

خلانى أرجع وأبتديك

وأقراكى من كل الجهات

ومابين أقابلك .. ومشتهيك .. كان حلمك الأول

.. ترفْ

وكنتى الصبية الغايبة

فى زحمة حجا .. وكلمة شرف

كنتى الزوايا الميتة .. فى متحف خزف

كنتى الوصايا العشرة .. واللون الشحيح




سميت مساحاتتك حكر

.. كل البيحلمو ا بى الشمس

هجـّرت من واقعك .. عبث

سكـّنت فيك ..ضد السكون

كل اللى كان ممكن .. يكون

وطارت ضفيرتك ليل غنا

جدلة صبُر .. وطولة نفس




ومابين أقابلك وجيت عليك

كان عندى ليك بس نحنّ .. والجرح الثرى

وخيبة أمل أم الشهيد

فى الكلمة .. والوجه الجديد

وكان إحتقان نبض الزمن

نومة طفل .. فوق الدّمن

... يا صاحية بى الحاصل علىْ

يا نايمة عن فقرى البليد

سميت منافيك الوطن

صبحت مناحاتك

ناصر عمر دبيب
07-08-2009, 01:54 PM
مشروع الحلـم الفسيـح
كلمات أزهري محمد علي



يا مشرع الحلم الفسيح
أنا بينى مابينك جزر
تترامى .. والموج اللّديح
القدرة والزاد الشحيح
كملتو .. ما كِمل الصبر
نتلاقى فى الزمن المريح
ميعادنا فى وش الفجر

يا مشرع الحلم الفسيح
يا بعض منى .. وفينى ساكن
أنا أصلى منك ومشتهيك
وبيناتنا ليل الغربة ... داكِنْ
هبّت هبوبك
أفتح شبابيك المساكن
وسـِّع دروبك .. ولـِّع مصابيح الأماكن

يا مشرع الحلم الفسيح
يومنا النـّهِـبْ .. أسلِبنا خوفنا
كبـِّرنا قدرك .. مرتين
وطـِّول قدر كتفك .. كتوفنا
يا غضبة الرعد البيسكن .. فى غناوينا وحروفنا
ضوِّى الدساكر والضفاف
عبِّى الحناجر بالهتاف
سدِّد مسامات الرِّعاف
نوِّر مغاراتنا وكهوفنا

يا مشرع الحلم الفسيح
أنا وإنت .. والمطر الفصيح
حنطوِّع الزمن القبيح
ناخد بعض .. شكل السما
حدِّثنى دايماً .. كلما
تنشف على البر الضفادع
يهجر الضو المواضع
وتسقط من الكف .. الأصابع
حدثنى دايماً كلما
تحرد مراسيك السفن
تسكن مرافيك الزعامات .. الدُمى
حدثنى لو تاهت خطانا .. على الدروب المبهمة
أو ربما
تهدم آلات الشوارع .. وترجمْ العُزّى الصواقِع
حدثنى لو صادف الكى المواجع
وضلك على الساحل رمى
حدثنى لو مطرك هما
علمنا دايماً كلما
نبذر على أرضك شهيد
يطلع شمس .. يبهر بأنوارو السما

ناصر عمر دبيب
07-08-2009, 01:56 PM
الجبال قالت غروب
كلمات بشري الفاضل





الجبال قالت غروب

لا المزامير راح تغنى

لا الهجايع راح تذوب

الحزن غطى المسارق

والدروب

مافى غير تلكع تسافر

شيل حقايبك

وامشى بينات الشعوب

وينك الوحشة التزازيك يا صباح

مسخو الليل بى مزازيك النباح

مافى غر ترضى وتسافر

شيل حقايبك

وامشى بينات الشعوب


وينك الصحرة

التحجيك بى ام بعله

الشجر فارد يباسه

وضامى ضله

والسموم تتحمى تشويك

والعقارب

حتى لو غطيت وشيك

ايدك الممدودة ما بتكفيه كلپ

مافى غير تسرع تسافر

شيل حقايبك

وامشى بينات الشعوب

الظلام حيران وحيد

من غير جناح

غنت القمرية فى قلب الخلا

قوقى قوقى

وايش تقول ؟؟

يا ليل صباح؟؟

الظلام حيران وحيد

من غير جناح

قتّ نان كيفن نسوى؟؟

جات نسايم هابة

من جهة الجنوب

صرخّت فيك يا مسيكين

شيل سلاحك

أرضى أرضى

جوى جوى

اللهب من غير جمر

كيفن نسـّوى؟؟

أبقى حالم ولم كلامك

لى زمن من غيرعيوب

ولا سافر

أمشى فى درب السحابة

وجيبة لى أماتنا

زى حطب الفزع

وأرفع الفاس كسرة

ينزل مطر

مافى غير ترضى وتسافر

شيل حقايبك.

وأمشى بينات الشعوب

ناصر عمر دبيب
07-08-2009, 01:57 PM
عزه هوانا
صلاح حاج سعيد




ياجرح عزة هوانا

الساكنة فى حرف الكتابة

أصلو فى .. زمان الأسى المشدود

.. على وتر الكآبة

فى زمان الحرقة .. والخوف ..والرتابة

إنكتم نبض الأغانى

وإنبهم حس المعانى

وإنجرح خاطر المهابة


جيتنى فى الزمن الأليم

قلبى مثخن بى جراحات الهوى

عمرى ضايع فى متاهات النعيم

فى دروب الغربة .. لا تاب .. لا قِوى

كان عيونك فيهن الوصف القديم

معنى فى الحب .. إنطوى

وضاع معاك زمن الوسامة

وإختفى الفرح العلامة

لسة يا حزن الملامة

من سنين دربك .. سلامة

ناصر عمر دبيب
08-08-2009, 05:15 AM
ميلاد حـب



عشقت ابتسامك حين ابتسمت
فقلت لقلبى تمهل ..
فان الطريق اليها ..
ملئ بأقصى الحجارة
وفى الورد شوك
يشق ثياب الاغانى
تمهل ....



اضعت مع العشق
دفئ الشباب
وفى سنوات الضياع
تلمست وجهاً لك
يستقر لديها المسافر
لكننى لم ازل
فى طريقى الطويل مع العشق
يخنقنى ان كتمت ..
ويجبرنى ان اظل اعانى



وبعد تعلق روحى
بروح الاسى
واحتياجات الهوى
فى جميع الموانى
واحتجاز الهوى
فى جميع الموانى
تنفست صوتك حين
اطلّ الصباح دفيئــاً
وردد اغنية الشمس
حين تحاصر صمت
هذا النعاس الصديق
تنفست صوتك كأنى ..
ارى اصدقائى بعينيك
يحيون حيناً ...
وحيناً اراهم يبكون
بحثاً عن المستحيل
الذى لا يجئ..


تنفست صوتك ..
احسست انك فى
البعد والقرب .. سيان
يشتاق قلبى الى ..
وجهك الشاعرى البديع
وأٌفشى اليك بفرحة
طفل برئ ..
تحرر من كل المخاوف
وحين استقر لديك
ليعلن فى النور
ميلاد حب بروح الرقاب
ميلاد حب طموح الملامح
يبقى يهيب بنا أن نغنى
وان نتحدى الزمان الردئ

ناصر عمر دبيب
08-08-2009, 05:18 AM
أغنية عشقي الخرافي", مصطفى سيد أحمد



فى عينيك عشم باكر .. ما إنت العمر كلو

والشمس .. الوضاحة ونور

وزغرودة بتدخل الناس .. خبر زمنا جديد مولود

و لقيت غيرك يضيع إسمى

وأكون أنا حى زى مفقود

فى عينيك عشم باكر

لاقينى يا عشقى الخرافى

لاقينى قبال الزوال

لاقينى فى كل المرافىء

زفاف ربيع وفرح قوافى

وانشرى فى حزن السنابل

غيمة يا كل المشاعر

وامشى قدام الصباح وأجدعى الطل للأزاهر

وأبقى يا شوقى الخرافى غيمة بتشرب فيافى

لاقينى يا شوقى الخرافى .. لاقينى قبال الزوال

غنوه من أزمان بعيدة .. طالعة من خصب الدميرة

تلقينى راجيك فى الأماسى

وفى المرافى وفى الملفات الخطيرة

ناصر عمر دبيب
08-08-2009, 05:19 AM
أغنية مساماتك", مصطفى سيد أحمد - يحي فضل الله




مساماتك بتتشقق عشان تشرق صباحاتك

صباحاتك بتتعانق مع الفكرة

وتأخد من جراحاتك

تضيف أحساسنا بى بكره .. ويا بكرة .. ويا بكرة الغصن ناشف

و يا بكرة الفرح يوماتى بيكاتل حزن أطفال بتتشابا

عشان تعرف شنو الفى أيدينا لى بكرة

شنو الداخرنو للسكة

عشان تقصر مسافاتك

عشان تيرق غماماتك

عشان تخضر مساحاتك

عشان بكرة وبعد بكرة

عشان بكرة وبعد بكرة ..

ناصر عمر دبيب
08-08-2009, 05:21 AM
الرحيل في الليل", مصطفى سيد أحمد - عبدالرحيم ابو ذكرى






أيها الراحل فى الليل وحيا .. ضائعا منفردا

أمس زارتنى بواكير الخريف ..

غسلتنى فى الثلوج .. وبإشراق المروج

أيها الراحل فى الليل وحيدا

حين زارتنى بواكير الخريف

كان طيفى جامدا وجبينى باردا

و سكوتى رابضا فوق البيوت الخشبية

مخيفا حيرته فى الشجن .. وغروب الأنجم .. وانحسار البصر

لوحت لى ساعة حين انصرفنا .. ثم عادت لى بواكير الخريف

حين عادت وثب الريح على أشرعتى المنفعلة

سطعت شمس الفراديس على اروقتى المنعزلة

ومضت تحتضننى الشمس الندية والتى ما حفنتنى فى الزمان الأول

فى الومان الغائب المرتحل

أيها الراحل فى الليل وحيدا موغلا منفردا

إنتظرنى ..إنتظرنى

فأنا أرحل فى الليل وحيدا ضائعا منفردا

فى الدهاليز الغصيات إنتظرنى فى العتامير وفى البحر .. إنتظزنى .. أنتظرنى

فى حفيف الأجنحة والماوات الطيور النازحة

حين تنهد المزارات و تسود سماء البارحة.. إنتظرنى .. إنتظرنى

ناصر عمر دبيب
08-08-2009, 05:23 AM
كلمات ما في غير تلكع تسافر", مصطفى سيد أحمد - بشرى الفاضل




الجبال قالت غروب لا المزامير راح تغنى لا الفجائع راح تزول

الحزن غطى المسالك و الدروب ما فى غير تلكع تسافر

شيل حقايبك وأمشى بينات الشعوب

ليلك الوحشة ومزاميرك يا صباح

مسخو الليل بى مزامير النباح

ما فى غير تلكع تسافر

شيل حقايبك وأمشى بينات الشعوب

الصحرا التجيك بالرؤى

الحمام حزنان من غير جناح غنت القمرية فى قلب الغلا

قوقى قوقى كيفن تقوقى من صباح

هسه نان كيفن نسوى

يا مسكين شيل سلاحك أرضى أرضى وجوى جوى

اللهيب من غير حجر كيفن يضوى

ما فى غير تلكع تسافر

شيل حقايبك وأمشى بينات الشعوب

أبقى حازم ولم شبابك لى زمن من غير عيوب

ولسه سافر و أمشى فى درب السحابة

وجيبا زى أماتنا لى حطب الفزع

أرفع الفاس كسرة أمكن نصل

ناصر عمر دبيب
08-08-2009, 05:25 AM
كلمات أغنية الشعر المعطار", مصطفى سيد أحمد - عثمان مالك




إذا عادت بنا الأيام للماضى كتبت على ثوانى العمر شعرا

لا يدانيه ..

غناء الطير و همس الماء .. ووشوشة الضياء فية

إذا عادت بى الأيام يوما أيها الأحباب

ولو فى زورق يمضى على الصحراء عبر سراب

أنل ملاحه الفرحان .. يطرق مغلق الأبواب

أدق .. ليس يعنينى

لأنى قادم من حاضر اللحظات للماضى

وبى شوق سيشعل صمت هذا الزورق الهادى

فيدفعه إلى الوادى ..

إلى أفق أنيق النجم صداح البساتين

وأشدو حين تأتينى ..

فتاة لدغة العصفور أنفاس الرياحين .. بكفيها

ولى فى عمق هدبيها .. حكايات وأشعار

ولى فى شعرها المعطار .. أخبار

أذا سالت على وديانها الخضراء أمطار

إذا عادت بنا الأيام للماضى كتبت على ثوانى العمر شعرا

لا يدانيه ..

غناء الطير و همس الماء .. ووشوشة الضياء فية

ركبت زوارقى فيه أبحرت فى شعر لها مجدول

جعلت مشاعرى جندول

ناصر عمر دبيب
08-08-2009, 05:26 AM
أغنية حشى المغبون", مصطفى سيد أحمد




يا جمة حشى المغبون .. فى الزمن الهلاك من جاء

تكون حانت مواعيدك .. يكون وقت المطر قد جاء

وشرق ضوى البلد عيدك .. وطابت نسمتو العرجاء

و نمون يا طيبة تمينا .. وبدين ونعنه وغنينا الغنا الراجا

وبدت كاس المودة تدور عشق من حلفا لى راجا

حبابك ألف .. حبابك ألف

وياعنزنا القرجة

ويا لبانة فى الزمن المراحو نشف

ويا جبانة للخوانة والعوج البدورلو ولف

دميرتنا البتروى جرف

مسيرتنا وتميراتنا الكانوا وقف

أصابعين الرجال رصاص سعر راس البنية سقف

تكون دار بى زمن عندك

نكون لمينا فى الفاتنا تكون فاتت ملامحنا وتضاريسنا

القبيل غمرت .. عرش بتنا وطوابيرنا

وبدت شتلات بعد غمرت

ضراعيك يا الولد كبرت

مراعيك يا البلد خدرت

خضار .. خدرت غزار غزرت

خضارا زين برغم الصيف وأناتو

عصافير الجلد كبرت

تباصر نسمة منتحرة

تطمن غيمة مندحرة

تضاير الغابة والصحرا

من الغمة وظلاما شين

ومنك يت قرير تنفك

وتكون اتحلت عقدة الدين

ويا جمة حشى المغبون فى الزمن

الهلاك من جاء

تكون حانت مواعيدك .. يكون وقت المطر قد جاء

عمر المامون
09-08-2009, 08:55 AM
[والله ياناصر ياولدي دا بحكم اني اسمي عمر طبعاً كلامك يشرح واسمح لي بالمرور البسيط دا؟؟؟

النص الكامل
شوك الشوق
محمد الحسن حميد
*********
شوك الشوق لى الشوف آ خَىْ
ضارب قطن النسج الحى
يا منقاش أحزانى إنشرت
وادى الفرح إتمدد صَى
يا راحلين عِـنْ دُغُش الليل
ما لاقيتو جناياً زى ..
تكية نخل الفجُر الجاسِر
فوق فى المتَرَة .. عَرَاجِنْ ضَى
آ رعاوة .. العرب الرُّحّل
ما لاقاكُنْ فى المطرانى ؟
فى كاويقْ الجرف الأمحل
بين أسراب الرهو الراحِل
ساند أكتاف الليل الميّل
عِنْ ساساق الغيمة عليكُن
بين رقراق الخيمة معاكُن
ما أديتوهو شِوَىْ ... بى حرجل؟
*************
آ رطّانة الليلُن ليّل
ما لاقاكُن فى ونساتكُن؟
بين الشادِى وبين كاساتكُن
فى صلواتكن .. عِنْ دعواتكن
أو .. دقساتكُن عِز خلواتكُن
.. زول .. زول الله
إن مِحِن .. آ .. بِسأل
الهبّاد لى غُلبْ أخواتو
الفرّاح عوّان الحلّىِ
الفدّاع لى الليل ظُلماتو
آ نجمات .. شقيش قولن لى
ما لاقاك طالِع .. متدلّى ؟
المطيوب من طيبة أُمّاتو
كالفجّاج .. الندّ نباتو
موج البحر اللّحَمَر هوجتو
وعِرق العِرِق .. اللاّوى ثباتو
جانا الشَدر الأخَدَر منو
ونار الشدر الأخَدَر جاتو
فات شِقيش ...
أب قولاً واحِد ..
وليش ما يرجع من غُرباتو
طوّل طُول .. ما طلّ علينا
وقاطِع مِننا جواباتو
الغابات جات تنشِد منو
والعربان راجين جياتو
أديناهم عرقو .. وعَلَقو
صورتو يقلِّب فى كِتْباتو
ضُل رشاشو .. ركيزة زولو
ساعة سِلمو .. ويوم حوباتو
سِن طوريتو ولون أبرولو
حِس طنبورو البى نغماتو
لهْلَب عِشق الناس الفقرا
وبرّد جوفُن .. بى غنواتو
... ويا غنواتو
الدخلت فينا
تمرق .. جينا على جِلاّتو
وجِيداً جينا .. طلقنا وشينا
وش الدنيا الليلة حلاتو
وش أطفالنا الليلة حلاتو
وغنى معانا غنانا هويتو
غنِّى العالم
غنى حياتو
لا ساومنا عليها قضيتو
ولا فكينا من إيدنا .. وَصَاتُو
ألف شليل يا نورة يفوتو
عشان ما يجيك شليلك زاتو[/color][/u][/b]

عمر المامون
09-08-2009, 09:17 AM
كان نفسي اقولك من زمان

للكاتمو في سري ومكتم في حشاي

مدسوس سنين ...

للشايلو في عيني معزة وفي القلب

ريدا يخاف و الغربة و الشوق والحنين

زاملني زي خاطر الفرح

وكتين يقاسم الهم عذاب

وكتين مدامعي تكون جزا

تفتح مباهج الليل ظنون

كان نفسي اقولك من زمان

خطوة محاسنك عندي ما كسرة جفون

وقت العيون تعبرني زي خاطر المسا

خطوة محاسنك ما الرخام الفي الحرير

وقت الثغير يعبرني بحرفاً قسا

خطوة محاسنك عندي وكتين كبريائي ينهزم

لطيبتي بلفظة حنان

وكتين مشاعرك تنسجم في عمري

تنفح قلبي بيرعشت امان

خطوة محاسنك وكتين شوقي

يصبح في هواك ليل عزة ما بتعرف هوان

كان نفسي اقولك من زمان

عينيك غربتي واهلي وبلادي الفيها ضايع لي زمن

عينيك شوقي لزولاً ولوف

من بعدو ساب عيني سهن

وانا كنت داير من زمان اشرح

حكايتي معاك الف احكيك وازيد القول ولف

واتمنى لو قلبك عرف كان من زمان

من قبل ما في قلبي يتحسر زمان الفرقة في جرح الاسى

من قبل ما حرف الحقيقة الحلوة يتبدل عسى

ويصبح اماني في خاطر الحنان

كان نفسي اقولك من زمان

ناصر عمر دبيب
10-08-2009, 02:19 PM
أغنية اصطفيت جرحك", مصطفى سيد أحمد - طلال دفع الله



وإصطفيت جرحك براك
وتر إنتباهك والنغم
ضفة تزرع في الشروق
وضفة بتقاوم الألم
شمعة الأمل التهِد ليل الكوابيس
زمن الودار
شامخة بتعاند في صدى الليل
الهياج الاحتضار
صاح إنتباهك في الزمن
لما أصطفاك
قدر العصافير الرحيل
غدر الشِباك شوك المتاهات الدوار
تحتك نسيج الليل طويل
الأناشيد الماخدة من حـِزم الشعاع
نار البدايات البتول
للسحابات التلوح قوس قزح
بشرة هطول
ولي ضِيا القمر المقرّح
ضد قوانين الأفول
ليك يا أخر الخيول
فرس الرِهان الما كبا
وهج الشموس الاشتعال
وانكسار المستحيل
شقيتو بي سيل الحروف
الطالعة دابا من الصدف مجرى البحر
تيارو والموج الرجوع
أديتو حيل مدو الزمان كان إنحسر
غيرت في الزمن الملامح
طعم الكلام لون الغنا
وطبع البذور كيميا التراب
طقس المطر
صاح إنتباهك في المكان
زهو السنابل بالقموح
وإجتراحك لي لسان لغة الجموح
وكتين يتوه بين السكات
وسيف القيود الارتهان
شمس الحقيقة الـ آه
بقت منفي ونزوح
وأقتباسك للصبر لغة اليقين
بانقسامك في الزمن
وإنصهارك
واقتسام الآهة بينك والمحن
وانتصارك لي صباحاً بكرة طالع
من مدارات الصهيل
يا صباحك
لما تنداح ضفة جراحك بالشجن
وتقلد الزمن العديل
يا جراحك
لما تفرد غيم جناحك
فوق عذابات الوطن

ناصر عمر دبيب
11-08-2009, 10:16 AM
( ما طال في بحرك في مي )



وتمرك مفرع بالجريد

شدرك امد حد السمى

طينك معتق بالطمي

نبيتك اكيد نبيتك هوى

نبيتك ايوة سوا ..سوا من جديد .. نبيتك جديد

ايد ابوي على ايد اخوي على ايد انا

على ايد على ايد تجدع بعيد في اللجة في من راس ميضنة

حيكومة الفقر الدمار

الكضبن والصهينة

اللي ناقص ايامنا كاس

اليالطيف سوس البحر نردم قفاهو حجر .. حجر

من ها الرصيف

الما قدر قدام سريحة الموج يقيف

الما انستر الرزقية وناس وايه

نسقيها كاس اسقينا

نوريها كيف عشق الحياة

سنانا فوق حجر القصاص

سوانا ناس ضرب البحر

جوانا احد من الرصاص

يا ضو حبيبين القسا

طول ما انت غرقان في الاسى

تبت يدين ما ترمي ساس

ما تبني مجدك من جديد

تفتح شبابيك الخلاص

تدخل نسيمات النشيد

بيت القصيد يستقبله

مستقبله والحاضر الماضي التليد

يا بلدي يا فردة جناحي التاني

وكت الناس تطيرلي عالمة

وا فجعة الزول البيجيك

ما يلقى فيك غير الهجير ناسا تواي مسالمة

مل البشاشات القبيل تلقاها ميتة مسممة

والجاته جاتة من الارض ما جاته من السما

ما اعتى غبنك يا ولد

واعدل قضيتك واعظمة

لا ترجع السيف الجفير

والدنيا فايرة مصادمة

من غير تجيب تار البلد

ريح العوارض تهزمة

تطرد مع ابليس الاخير دعة الضلال

من جنتك ادمة

تأكل من الشجر الحلال

يغشاك نعاس في ضل رمى

تختال هضاريب الصعب

كربة ليالي المظلمة

يا نيل قبل خاطرك يطيب

ارضك تفزع باللهيب

تكشح تواريب الغضب صعب المراس

نوبة و زنوج وبجة وحلب

رطانة عربان مواشو

ومولدين تلقانا او نلقاك ضو

ظلمة لياليك العجاف

رعشة نهاراتنا النشاف

امنا بيك وموحدين

في ايدينا فاس وقلم رصاص

شتلة وكمنجة ومسطرين

وطبنجة في خط التماس

عمر المامون
12-08-2009, 07:07 AM
والله منور هذا البوست يا ناصر
تفبل هديتي اليك
الشجن الأليم

عارفنى منك
لا المسافة ولا الخيال يشغلنى منك
عارفنى
*********
ببقى بعدك فى الأسى
وتبقى إنت الظالم .. القاسى .. النـِّسى
وغصب عنى أشيل ظنونى
وأقول عليك .. إنت المسامح
فوق شجونى
أعيش زمان بالفرقة جارح
وفى إحتمالى وبالى إنـّكْ
إنت سايق فينى ظنك
**********
تحرمنى منك
والمواعيد لا بتشيل منـّك .. تودِّى
لا الشجن قادر قادر يسوقنى عليك
.. أعدِّى
لا التحايا وىلا المشاعر الحيـّة
فى عمق الحنايا
لا رسالة تجينى منـّك
لا خبر طمنـِّى عنك
وإنت سايق فينى ظنك
رغم إنك .. إنت عارف
إنـّو منك .. لا الزمن يقدر يحول قلبى عنك
لا المسافة ولا الخيال يشغلنى منك
********
يا هوى الألم النعيم
خليك على الوعد القديم
وخلينى فى الشجن الأليم
وأبقى فى كل المداين
سكتى .. وسفرى الجحيم
تبقى أيه الدني من بعدك .. تكون
وأبقى أيه بعدك .. أكون؟
عارفنى منك ...

مع قبول مروري

ناصر عمر دبيب
13-08-2009, 12:10 PM
رجعلك قليبي المهضلم


يراجع صنوف الغناوي العصية
يراجع معاك الكلام القبيل استباك
الكلام المبهرج وخاوي
الكلام المزيف
ولافيه غير احتلام وانفصام
تموت الحروف يوم تقوم القصائد
مقام الطبول والبخور
بشوفك جرايد شواكر حوامد
ولاهامي فيها
عليها المصائب تمام التمام
مغايص بتفرم حشاها
وغبائن بتنفخ بطون البسفو التراب
وحايح لهيب البتلفح تلهلب وتكوى الجلود
اتف القصائد
اذا ما القصائد دايره ليك البكا
البصاحب رضا السردار
واتف القصائد إذا ما القصائد
بتنزل مريده وتسبح بحمد الذي
ابتلاك وهداني الودار
طريتك وأنا الكنت قايل
خيالك معشعش جواي
سكنتك وما لاقى فجة
أخير لك أقول البحرق حشاي
أخير لك أفضفض جراب الخبايا
أقول الكلام البفكفك سوارك
يوقف جدارك ويرفع عضايا
تضيع الرموز التغتي الكلام
أقول السكاكر ابتني ورمتني وكفانا
أقول العساكر تباري الكباري
وتفتش قلوب الجهال الشلوخهم هويه
واغني الزيود والكنانة
كضب
اقول البنات البفتحن صدورن
يقالدن رشاشك ويخلن حبيبن
كضب
مراحك يعشي ويفشي
خضارك مرطب يندي الضهاري
ترابك دخن لو زرعتو الحجارة
بلادك ولادك كروها السحالي
تسفر سعيتك تقنب تبارى
الجداد العقالي
تجوع يا البشدر خريفك
سوا في البطانة
ويمطر رزازك عزازا حصايا
وقموحك سنابل مشاط كردفاني
ابيت الكلام المغتغت وفاضي
وخمـج ...
ولادك قصادك شعاع التحايا
يضووا الشقوق التلم الدوابي
يوروا الدروب للقلوبهم عمايا
عرقهم حبالك
وصوتهم مشانق
تلم الدقون الكبيرة
وتحدر فقر سمنتها الليالي الضليمة
بتهدر حرائق وتحمي البياكلوا المطايب
وتسجن بطون الجياع العرايا
وشوشهم سمر حر اباطك
صفوفهم مرامك وحلمك حلمهم
رغيفه وكرامة وسلامه
مصانع بتحرق قبل تبدا فيها
مزارع بتيبس ونيلك ممدد جنازة
وعقيدك وسيدك بيكتب ويمحى
وتبقى المحايا

ناصر عمر دبيب
13-08-2009, 12:12 PM
لمحتك

قلت بر امن بديت احلم
الملم قدرتي الباقية
واشد ساعد على المقداف
تلوح لي مدن عينيك
وترفع لى منارة بسمتك سارية
بديت احلم
كل ما الريح تطارد الموج
أزيد إصرار واحلف بيك
أغير سكة التيار
أقول يا انتى يا اغرق
تلوح لى مدن عينيك
تلوح لى
أخاف الضفة ترجع بيك قبل الحق
أخاف غيم المنى الشايل تسوقو الريح ويتفرق
أخاف ..أخاف ..أخاف
واشد ساعد على المجداف
واجيك بقدرتي الباقية
حطام إنسان موسم بشقى الدنيا
مقسم قلبو في الاحزان اجيك فنان
اشد اوتارى واحكي ليك
حكاية إنسان وهب لسكتك نفسو
رسم صورتك على حسو
ربط ساعد على المجداف
وقال يا انت يا اغرق
أخاف ..أخاف .. أخاف
أخاف غيم المنى الشايل
تسوقوا الريح ويتفرق
والاقيك يا أماني سراب
مواهبى عليه تدفق
أخاف ..أخاف .. أخاف

ناصر عمر دبيب
13-08-2009, 12:13 PM
وضاحة", مصطفى سيد أحمد - أزهري محمد علي

الصباح الباهي لونك

وضاحة يا فجر المشارق

غابة الابنوس عيونك يا بنية من خبز الفنادق

شيدتي في جواي صوامع للفرح

وفتحتي في دنياي مسارح للمرح

وبقيتي لي سكة وعيون

لا قدرت اطولك شان اجيك

لا قدرت من غيرك اكون

وانا بيك ماليني الكلام

حركت بيك عصب السكون

جلبت ليك الغيم رحط

طرزت ليك النيل زفاف

حرقت ليك الشوق بخور

وفرشت ليك الريد لحاف

للسكة غيرك تنتهي ولا معاك مليت طواف

يا ريتني لو اقدر اكون

وضاحة يا فجر المشارق

الصباح الباهي لونك

يابنية من خبز الفنادق غابة الابنوس عيونك

ناصر عمر دبيب
13-08-2009, 12:15 PM
وجيدة

كانك من وراء صفحة زجاج مبلول

وراك الريح ..

وقدامك مدى السكة ..

و فدى المجهول ..

وانادي ليك .. ونادي ليك

وجيدة .. وجيدة

لا اتلفتي لا لوحتي بايديك

وانادي ليك ..

يجاوبني المدى الفاتح مدارج الهم

وتبقى وجيدة طعنة سيف ..

موسدة في شق السماء المرسوم وسادة

وتبقى ايدينا في ايديك..

وفي المنديل ..

ناصر عمر دبيب
13-08-2009, 12:16 PM
ابداك من وين

ابداك من وين وفيني منك

لسة حاجات من مخاوف ومن شجن

ابداك من وين وظني انك

فكرة اعلان الحياة وانتهاءات العوارض والمحن

نفسي القاك واكون ..

كلي من بعضك او بعضي من كلك بدن

داير القاك و اوحد دايرة الدم المقسمة

بيني وبينك والسحن

ابداك من وين

ابتديتك محل محل

من ياتو منفذ بدخلك

كل المنافذ سداها المحل

من ياتو شارع بوصلك

كل الدروب معطونة نيران بالوحل .

استبيح كل الشوارع وادخلك

استبيح كل المنافذ وادخلك

من بين كلامك بدخلك

من ابتسامتك بدخلك

من بين مسامك بدخلك

نتلاقى نهرين من تسامي واشتهاء

ابداك من حيث انتهت

عندك خواتم الانتهاء

من أي قاسم مشترك

او شبه التشابه بدخلك

ابداك من وين

ناصر عمر دبيب
13-08-2009, 12:18 PM
نفسي في داخلك أعاين

أروي روحي واشوف منابعك
الصحراء في عيني تتواثب جناين

ماخدة صوتك من جداول
وشايلة صورتك من كهارب

مولدا ميدانه حافل
كل ما يصبح تجيهو الناس جحافل
يا سلام
لما تعبري في الشوارع

شوفي كيف الناس تصارع
ناس تطفر وناس تدفر

في البشابي على نجومك
وفى البخب كايس تخومك
وكل زول من عند سلافك

لا لا قال دايرلو كاس
مره طربان شلت صوتك شان اغني
قلت آه ياليل وأه
انت أول.. انت تاني..انت تالت.. انت رابع
نافره زي صيد الخلا

وساقية زي نبع المنابع
وقلتلي غناي خلاص
حلوه عينيك زي صحابي

عنيدة كيف تشبه شريحتين من شبابي
زي عنب طول معتق في الخوابئ
وسمحة زي ما تقول ضيوفا دقو بابي
فرحي بيهم سال ملا حتى الكبابي

ناصر عمر دبيب
13-08-2009, 12:20 PM
يا مطر عز الحريق

من الواسوق ابت تطلع
من الابرول ابت تطلع
مـن الأقلام ابت تطلع
من المدفع طلع خازوق
خوازيق البلد زادت
يفيض النيل نحيض نحنا
يظل حال البلد واقف تقع محنه
ولا النيل القديم ياهو ولا يانا
نعاين فى الجروف تنهد ولا يانا
رقاب تمر الجدود تنقص ولا يانا
متين ايد الغبش تتمد
لا قدام ... ولا قدام
تتش عين الضلام بالضو
تفرهد شتله لا هدام
ولا فيضا يفوت الحد
عقب يا نيل تكون ياكا
ونكون أهل البلد بالجد
يا مطر عز الحريق
يا مصابيح الطريق
يا المراكبيه البتجبد من فك الموج الغريق
جينا ليك والشوق دفرنا
يا نشوق روحنا ودمرنا
يا المحطات الحنينه
القصرت مشوار سفرنا
ياما شايلك بيني حايم
لا الليالي المخمليه
لا العمارات السوامق
لا الاسامي الاجنبية
تمحى من عيني ملامحك
انت جاية المغربيه
داقسه دايشه المغربيه
وشك المكبوت مكندك
سمسمونايتك زمزميه
كون شبر طوريه منجل
سبحه,فانوسا مدردح
قلتى بيهن لي زمانك
يا زمان الحاجة عندك
يا زمان الآهة حدك
لا تطأ الوردة الصبيـة

ناصر عمر دبيب
13-08-2009, 12:24 PM
الشجــن الأليــــم

صـلاح حــاج سعيـــد


عارفنى منك

لا المسافة ولا الخيال يشغلنى منك

عارفنى


ببقى بعدك فى الأسى

وتبقى إنت الظالم .. القاسى .. النـِّسى

وغصب عنى أشيل ظنونى

وأقول عليك .. إنت المسامح

فوق شجونى

أعيش زمان بالفرقة جارح

وفى إحتمالى وبالى إنـّكْ

إنت سايق فينى ظنك


تحرمنى منك

والمواعيد لا بتشيل منـّك .. تودِّى

لا الشجن قادر قادر يسوقنى عليك

.. أعدِّى

لا التحايا ولا المشاعر الحيـّة

فى عمق الحنايا

لا رسالة تجينى منـّك

لا خبر طمنـِّى عنك

وإنت سايق فينى ظنك

رغم إنك .. إنت عارف

إنـّو منك .. لا الزمن يقدر يحول قلبى عنك

لا المسافة ولا الخيال يشغلنى منك



يا هوى الألم النعيم

خليك على الوعد القديم

وخلينى فى الشجن الأليم

وأبقى فى كل المداين

سكتى .. وسفرى الجحيم

تبقى أيه الدني من بعدك .. تكون

وأبقى أيه بعدك .. أكون؟

عارفنى منك

ناصر عمر دبيب
13-08-2009, 12:32 PM
تعالى نشوف
يحى فضل الله


حبالنا الجوة .. ما تخنت
حبال السما الممدود
حبال الصوت وكت يرجع
يجيب الخاطر المردود

تعالى نشوف..
غنواتنا البقت فى الدنيا ما بتشوف
تعالى نشوف..
حروف البكا .. الجوّاها مافى حروف
تعالى نشوف .. تعالى نطوف
على المدن البِقت أشباح
على الجوع القعد مرتاح
على الكلمة البِقت فى الجوف
تفتش سكة الأفراح

تعالى نشوف
منو البقدر يخاصم طفلة
صِبحت هازلة فوق مدّ
الأسى .. الحرّاق
يا غنوتنا ما تفوتى
ويا كلمتنا ما تموتى
فتشى فوق ضمير الكلمة
عن وتراً رحل ... فرّاق
وعن ولداً رحل ... فرّاق
وعن بلداً رحل ... فرّاق
وعن عِلماً رحل ... فرّاق
تعالى نشوف ..
غُنانا الفينا ما بشفع
حديثنا الجوّة ما بِنفع
زمنا الفينا ما بشفع
تعالى نشوف .. تعالى نطوف
تعالى ..نعلم الشُفّع
تعالى ..نعلم الشُفّع

ناصر عمر دبيب
13-08-2009, 12:35 PM
محمد المهدى عبدالوهاب
مزيكة الحوارى



مانى غرقان فى التمنى

ولانى سارح بالأمانى

زارنى خاطراً بلّ شوقى .. وإحتوانى

النخل إتلاقى .. غنى

وردد النيل الأغانى

النجوم لامع بريقا

الورود النايمة .. فاقت

عطرت كل الجزاير بى رحيقا

الندى الراقد بفوقا

صفّقت جنحاتو غنت .. لى هوايا



دقوا مزيكة الحوارى

رقصوا البنوت .. أعرضوا

النخل زايد فى عرضو .. وفى علاهو

البيوت غرقت وراهو

وبرضو زايد فى علاهو

يحكى للدنيا الجميلة

سر عظمتو .. وسر بهاهو


ضى عيونك يا بنية

يضوى من بلداً بعيدة

تحملك لينا الغمامة

ويكتمل للروح .. نشيدا

وفى الدروب اللّيك تودى

بنسرج الخيل العنيدة

والحزن من نور عيونك

يلبس الفرحة الجديدة


وأنا راكب يا مراكب
لا الرياح توقف خطايا
لا الجبال .. تحجب رؤايا
ست شموس الكون .. منايا
ليك مسافر
ومن كتير الزاد .. مسافر بى غنايا
نوصل الشمس البعيدة
نبقى عيدا
نزرع الحب البيوقد
لى النهاية

ناصر عمر دبيب
13-08-2009, 12:37 PM
سحابات الهموم
عمر الطيب الدوش

سحابات الهموم .. ياليل
بكن بين السكات والقول
وباقات النجوم الجن
يعزن فى المطر..
فاتن عزاك .. رجعن
وشوق رؤياك زمان مشدود
على أكتاف خيول... هجعن
وصوت ذكراك .. مكان يجرى
يلاقى السيل ...
وسر مدفون بصدر النيل

ولولا الذكرى مافى أسف
ولا كان التجنى ... وقف
وصوت ذكراك رزاز صفق
على خطوات بنات .. سجعن
وشوق رؤياك ..
حنين لى رحلة فى المجهول
ولولا الذكرى مافى ..وصول
ولولا الذكرى مافى ..
إصول..
ولولا الذكرى مافى شجن

ناصر عمر دبيب
13-08-2009, 12:40 PM
الزمن الفلانى

نجاة محمد سعيد


لمـّن يجى الزمن الفلانى
سمانا بتقطر مطر ..درّى
وتمازج برتكانى
ندمن الضحك المعافى
نحيا فى الفرح المورّد
ياسمينى .. وأقحوانى


يا حبيبنا .. جوّة عينيك عايشة ناس
بتسجل الأيام .. أغانى
والطريق .. ما ببقى ساهل
ليك بى المعنى المكانى
لمـّا يتحقق زمانى
بشرق الفجر الحقيقة ..
والصباح الأبيضانى

يا حبيبنا
بتحيا فى حلم الترابلة
وفى العلاقات .. المعانى
وفى البقاسى شقا المسافة
وعايشة جوّاهو .. وبعانى
.. لمـّا يتحقق زمانى
بمسح الحزن المعشعشْ
فى عيونك .. أسمرانى

ناصر عمر دبيب
13-08-2009, 12:42 PM
هاشم صديق
حاجة فيك


تقطع نفس خيل القصايد
تشده أجراس المعابد
توهتنى .. جننتنى
جننت حرف الكلام
وبرضو أدتنى السلام


حاجة فى شُرف المداين
وفى غرف كل السفاين
جوّة فى عمق المناجم .. والعيون
حاجة زى ماتكون
محلـّق فى العواصف
فجأة .. تهبط فى السكون
حاجة زى نقر الأصابع
لمـّا ترتاح .. لى الموسيقى
حاجة زى أخبار ..
تناغم من جريدة
حاجة زى وتر الموانى
لمـّا يصدح لى سفينة
.. حاجة فيك

حاجة فيك
لا بتبتدى .. لا بتنتهى
خلتنى أرجع لى القلم
وأتحدى بى الحرف الألم
وأضحك مع الزمن العريض
وأنسف متاريس الطريق
وأعرف متين أبقى المطر
وأفهم متين أصبح حريق
.. حاجة فيك..

ناصر عمر دبيب
13-08-2009, 12:44 PM
شوك الشوق
محمد الحسن حميد


شوك الشوق لى الشوف آ خَىْ
ضارب قطن النسج الحى
يا منقاش أحزانى إنشرت
وادى الفرح إتمدد صَى
يا راحلين عِـنْ دُغُش الليل
ما لاقيتو جناياً زى ..
تكية نخل الفجُر الجاسِر
فوق فى المتَرَة .. عَرَاجِنْ ضَى
آ رعاوة .. العرب الرُّحّل
ما لاقاكُنْ فى المطرانى ؟
فى كاويقْ الجرف الأمحل
بين أسراب الرهو الراحِل
ساند أكتاف الليل الميّل
عِنْ ساساق الغيمة عليكُن
بين رقراق الخيمة معاكُن
ما أديتوهو شِوَىْ ... بى حرجل؟


آ رطّانة الليلُن ليّل
ما لاقاكُن فى ونساتكُن؟
بين الشادِى وبين كاساتكُن
فى صلواتكن .. عِنْ دعواتكن
أو .. دقساتكُن عِز خلواتكُن
.. زول .. زول الله
إن مِحِن .. آ .. بِسأل
الهبّاد لى غُلبْ أخواتو
الفرّاح عوّان الحلّىِ
الفدّاع لى الليل ظُلماتو
آ نجمات .. شقيش قولن لى
ما لاقاك طالِع .. متدلّى ؟
المطيوب من طيبة أُمّاتو
كالفجّاج .. الندّ نباتو
موج البحر اللّحَمَر هوجتو
وعِرق العِرِق .. اللاّوى ثباتو
جانا الشَدر الأخَدَر منو
ونار الشدر الأخَدَر جاتو
فات شِقيش ...
أب قولاً واحِد ..
وليش ما يرجع من غُرباتو
طوّل طُول .. ما طلّ علينا
وقاطِع مِننا جواباتو
الغابات جات تنشِد منو
والعربان راجين جياتو
أديناهم عرقو .. وعَلَقو
صورتو يقلِّب فى كِتْباتو
ضُل رشاشو .. ركيزة زولو
ساعة سِلمو .. ويوم حوباتو
سِن طوريتو ولون أبرولو
حِس طنبورو البى نغماتو
لهْلَب عِشق الناس الفقرا
وبرّد جوفُن .. بى غنواتو
... ويا غنواتو
الدخلت فينا
تمرق .. جينا على جِلاّتو
وجِيداً جينا .. طلقنا وشينا
وش الدنيا الليلة حلاتو
وش أطفالنا الليلة حلاتو
وغنى معانا غنانا هويتو
غنِّى العالم
غنى حياتو
لا ساومنا عليها قضيتو
ولا فكينا من إيدنا .. وَصَاتُو
ألف شليل يا نورة يفوتو
عشان ما يجيك شليلك زاتو

ناصر عمر دبيب
13-08-2009, 12:46 PM
والله أيام يا زمان


والله أيام يا زمان
ببكى واتحسر عليك
وما بقول العشنا كان
وارمى حبة لومى فيك
ولسه راجيك يا زمان
بجيه الذكرى المعاي
عايشة فى وجدانى جوة
ولسه بتدغدغ حشاى
يمكن الحبيتو مره
يلقى فى كلمات غناى
فاصلة بتصحى المشاعر
ويمكن الطوّل سهادو
تغشى ليلاتو البشاير
ويمكن الفرح الزمان
لسه أصداهو بترن
غنوة حاضناها الضفاير
جايز الأيام تحن
وتصحى فيك نبل المشاعر
ويمكن المجروح يئن
وتغشى ليلاتو البشائر
ويمكن الفرح الزمان
لسه اصداهو بترن
غنوة حاضناها الضفاير
والله يا أيام زمان

ناصر عمر دبيب
13-08-2009, 12:49 PM
كان نفسى قولك من زمان..
للشاعر المرهف صلاح حاج سعيد..

كان نفسى قولك من زمان
بالكاتمو فى سرى ومكتم
فى حشاى مدسوس سنين
كان نفسى قولك من زمان
بالشايلو فى عينى معزة وفى القلب
ريدا يخاف الغربة والشوق والحنين
زاملنى زى خاطر الفرح
وكتين يقاسم الهم عذاب
وقتين مدامعى تكون جزا
وتفتح مباهج الليل ظنون


كان نفسى قولك من زمان
سطوة محاسنك عندى ما كسرة جفون
وكت العيون تعبرنى زى خاطر المسا
سطوة محاسنك ما الرخام الفى الحرير
وكت الثغير يفجعنى بى حرفاً قسا
سطوة محاسنك عندى وكتين كبريائك ينهزم
لى طيبتى بى لفظة حنان
وكتين مشاعرك تنسجم فى عمرى
تنفح قلبى بى رعشة امان
سطوة محاسنك عندى وكتين شوقى يصبح فى هواك
.. ليل عزة ما بتعرف هوان

كان نفسى قولك من زمان
عينيك وحاتك غربتى وأهلى
وبلادى الفيها ضائع لى زمن..
عينيك وحاتك شوقى لى زولا ولوف..
من بعدو ساب عينى سهن
وأنا كنت دايرك من زمان
أشرح حكايتى معاك الِـف
أحكيك وأزيد القول ولف
وأتمنى لو قلبك عرف كان من زمان
من قبل مافى قلبى يتحكر
زمان الفرقة فى جرح لأسى
من قبل ما حرف الحقيقة الحلوة يتبدل عسى
ويصبح امانى كتيرة فى خاطر الحنان
كان نفسى اقولك من زمان

ناصر عمر دبيب
13-08-2009, 12:51 PM
قاسم امين
محمد الحسن حميد


سميت المدن النايمة
المدن التصحى فى حين
تترجى خطى العمال
اصوات الفلاحين


النفس الطالع نازل
فى صدور المسحوقين
أسميت السفن التمخر؟؟
فى نص البحر الطين؟؟



الناس ام عرقا يجهر
السرها يوما حيبين
الناس التنضح سكر
تتجرع مر وطين ؟؟؟
التبنى قصور للقيصر
والتسكن حوش الطين
يا موج البحرالاحمر
سميتكم قاسم امين..

كتلوك الناس القصر
الناس المأفونين
الناس البالة مغطى
والساسة المبيوعين
كتلوك خدم الراسمال
يا زول يا عاتى يا زين
الفرحو الامريكان
والربحو تجار الدين
كتلوك وكان قاصدين
فى ذاتك ناس تانين
الناس ام عرقا يجهر
السرها يوم حيبين
يا عادى كما العمال
والريح الحينا بحين
يا صاحى كما الآمال
فى عيون المحرومين
ماشين فى السكة نمد
من سيرتك للجايين
شايفنك ماشى تسد
وردية يا قاسم امين
وردية يا قاسم امين
وردية يا قاسم امين

ناصر عمر دبيب
17-08-2009, 02:27 PM
غناء العزلة ضد العزلة
الصادق الرضى
النص الكامل أغسطس 1988


كما يتسرّب الضوء شفيفاً
صوب سطح البحر
وهو محمّل’’ بروائحِ القمر
النبيِّ خلاصة السحر
غناء النشوةِ الكبرى.
وهفهفة العناصر في تراكيب الضياء
تتصاعدُ الأرواحُ في الأمواجِ
وهي ترتّلُ الغصِّة شيئاً من
خواص الماء
خيطاً من دُخان الرغو
في همسِ المزاميرِ
وَوَشوشة الغناء على شفاه الحورِ
إذ يسبحن بين القاع والسطحِ
فضاء الرهبة الصدفيةِ، اللالونَ
حيث الصمتُ فاتحة الوجودِ الداخليّ
لدولةِ البحرِ وقانون المياه
خذ من شعاع الشمس نافذةً
وحلّق في فضاءات الغيابِ
إلى رحيل أبدي
لا مكان الآنَ لكْ
والله يسكن بالأماكنِ كلّها
وجهاً يضوِّء بالأزقّةِ
شارعاً يمتدُّ في كسرةِ
الخبز - الطعام
المستحيل - إالى ثياب الفقراء
! ماذا يلوّحُ بالنوافذ؟
هل ترى منديل عاشقةٍ
بلون البحرِ
دمع صبابة في نهد عاشقةٍ
بطعم النارِ
يقطرُ ...
والعصافيرُ اكتمال للندى
في شرفة الحلمِ
تسدُّ الأفقَ
تبحثُ عن طفولتها بذاكرةِ
الفضاء الرحبِ
والفجر المعلّب في رفوف الصمتِ
واللغة الخفية للغناء على
مسام العشبِ
والشجر المخبّأ في تماثيلِ الشجرْ
**********************
الحزن لا يتخير الدمع ثيابا
كى يسمى بالقواميس بكاء
هو شىء يتعرى من فتات الروح
يعبر من نوافير الدم الكبرى
ويخرج من حدود المادة السوداء
شىء’’ ليس يفنى فى محيط اللون
أو يبدو هلاماً فى مساحات العدم
الحُزن فينا كائن
يمشى على ساقين
دائرة’’ تطّوف فى فراغ الكون
تمحو من شعاع الصمت
ذاكرة السكون المطمئنه
كيف ترفضُّ الجدائل
فضة فى الضوء
ترفضُّ الفقاقيع
ما بين إمرأة الرزاز
إشارة للريح فى المطرالصبى
إضاءة فى الماء
خيطاً من حبيبات الندى
سحراً..صلاةً..هيكلاً..قوسَ قزح
ذلك سر الكون
أن تبصر فى كل حسن آية لله
أنواراً من الملكوت والسحر
الإلهى المهيب
ذلك سر العدل
أن تتفجر الأشياء تُفصحُ
عن قداستها
ترى فىالشىء ما كان احتمالا
ثم تنفتح الكنوز
الأرض كانت تدخر القمح لأطفال لها
فقراء لا يتوسدون سوى التراب
قل للذين يوزعون الظلم
باسم الله فى الطرقات
الله فى نار الدموع
الله فى نار الدموع
وفى صفوف الخبز
والعربات والأسواق
والغرف الدمار
البحر يا صوت النساء الأُمهات
القحط يا صمت الرجال الأُمهات
الله حى’’ لا يموت
الله حى’’ لا يموت
الله حى’’ لا يموت
**********
كيف استوى ما كان
بالأمس هواءاً نتناً
ريحاً بغيضاً
بما كان هواءاً طيباً
ريحاً يؤسس معـطيات
الشارع الكبرى
عبيراً ضد تلك الرائحة
ما أشبه الليلة بالبارحة
كل ما كنا نغنيه على
شاطىء النيل تغّيب
وانطوى فى الموج منسيا
حطاما فى المرافىء
أو طعاماً للطحالب
فى إنزلاق الصوت للقاع
وفى صمت المسافات القصية
نحن في ساعة الحزن
اختر مكانك واحترق حيث انتهيت
أنت منسوب الدم الآنَ
وأنت الإشتعال - النارُ
مجمرة الغضب
أنت - إذن - ضياء اللحظة الآتي
أنا / أنت : ونحن الناسُ
والشارعُ
والعواميد التى تمتد بالإسفلتِ
صوتي / صوتكَ : المشروخ
في صدأ المقاعدِ
وانهيار البراكين
لم أقل : إن الفضيحة قد ترآءت
في تلافيف العمامةِ
وامتداد اللحية - الزيفِ
لماذا لم تقل ؟
إن العماراتِ استطالت
أفرغت أطفالك الجوعى
على وسخ الرصيفْ
ومقيات الفيجعة ، والفراغ
العاطفيِّ الوطنيِّ
الآن لن نبكي
ولكن مَنْ يساوم بالغدِ الآتي
!وماذا سوف نخسرُ؟
نحن بالغربة رتبنا بلاداً
لا تشابه غير وجه الذات بالمرآةِ-امرأة’’هى اللغة - الرماد
لا تثق بالقلب : إن العشق يؤذي
بينما يجدي التحرك في السكون
وفي مساحات الأنا
وعي التكّون
وابتكار الفرد مجموعاً
يوازي سلطة الإطلاق ،
تحديد المواضعِ
بالإشارة نحوها بالاسم
تفتيت الهلامِ
واختراق السرّ ،
فتح نوافذ الأشياء
تكريس التفاصيل الدقيقةِ
قوةَ تنسف الأحلام والذكرى
وأشباه الحبيباتِ –
الدمى ، والأصدقاء.
لا تثق بالقلب : كي يتصاعد
الضوء على كل المساحاتِ
وحدّق جيّداً
أنت تعرف أنهم يقفون
ضدّك .. ضدّنا ..ضدِّي
و أعرفُ أنني سأظلّ
السلطة - الاوعي
نحن الآن في عمق القضيةِ ،
مركز النارِ
وبالهامش تبقى سلطةُ اللغةِ الخفيفةِ
كي تُعلَّقَ في الفراغِ
نعم ، سننسى كل ما يأتون
من فعلٍ وقولٍ
سوف نصلبهم عرايا بالمساميرِ
على بوابةِ التاريخ
ثمَّ نعِّبىء الأيام في الصمت
الخرافيّ الرهيب
****************
لست من نورٍ لِتغفِر
أنتَ من طينٍ لتبنى
فابنى لي بيتاَ
لنا .. لكَ
للصغارِ القادمينْ.
إن يكُ للعدلِ في الأرضِ وجود’’
فليكن دمنا هو المقياسُ
إن تكُ السماء مقابلاً للأرضِ
فلتكنِ الدماء مقابلاً للعدلِ
قال الله كونوا ، ثم كنَّا
هل تحققنا تماماً من وجود
الذات في أرواحنا
! ضوء التكون وانطلاق الكائنات؟
نحن نخرج عن غناء العزلة الكبرى
لنكتب عن غناء العزلة الكبرى
ولكنا نصاب بضربة الحزن
أوان خروجنا من داخل الصمتِ
وفى جوف السؤال.

ناصر عمر دبيب
17-08-2009, 02:29 PM
طوريتك ناشفة ومجدوعة

طوريك فى الطين مرمية
وكوريتك يابسة ومجدوعة
لا غيبتك كانت مرضية
ولا فوتك كانت مبلوعة

اللهب الضوى الليل قناديل
فى عيون النجمة القطبية
والتعب المد ضراع النيل
سجادة فقرا مزاورية
سائلين عنك ويوماتى رحيل
لموانى المدن النفطية
شقيش ما تقبل يا ابو الحيل
فى قلوبنا مواجعك متكية

وابعتلك شال الحب مرسال
تايهين فى بحرو مراكبية
بكتب على صدر الموج امال
اطفال عمال ومزارعية
كيف حال يا ابوى
كيف حال يا خال
بتمسى بيوتنا الكاكية
حزنانة بتبكى مال الحال
والزمن السابكم ايدية

النويري
07-09-2009, 02:54 AM
والله يا أخ ناصر انا عاجز عن كلمات ثناء وشكر لهذا التوثيق الجميل دا وبتمنى أنك تواصل وبصراحة في حاجات للأستاذ الواحد كانت عندو ناقصة وما مكتملة والحمد لله أنك كملتها أشكرك جزيل الشكر يارائع كما كان الأستاذ . مع خالص التحيات

نزار السر
24-09-2009, 10:47 AM
http://www.9m.com/upfiles/zrR92599.gif (http://www.7be.com/vb/)

محب
24-09-2009, 11:39 PM
مشرفنا دمت لنا


قمة الروعة

http://www.arabsyscard.com/pic/zkarf/25.gif

ناصر عمر دبيب
06-10-2009, 10:56 AM
لو مني مستني الملام
عبد الوهاب هلاوي



لو مني مستني الملام
ياسلام عليك يا سلام
ياحلو دا السكوت مرات كلام
وعدم الكلام هو كمان ملام
يا سلام عليك يا سلام
انا يا غرامي وصلت بيك
في الدنيا لي حد الغرام
ولقيت ملامي في عينيك
يا سيدي زي الما ملام
يا سلام عليك يا سلام
الوردة لو فاتها الفراش
ما أظن تلومو مع الندى
ما بتجرح احساسو الجميل
والريدة يا حنين كده
يا سلام عليك يا سلام

ناصر عمر دبيب
06-10-2009, 10:58 AM
رعشة الشوق
محجوب الحاج

مرة بقصد احكي عنك

وقولي من طابع الاشارة

شوفوا ديك القمرة بانت

والنجوم حاطت مدارا

غيبوا اتلاشوا في عيونا

وغوصوا في اعماق بحارا

وابقوا اعرفوا من صفاها

كيف اصبحت اسير هواها

وراسي في ابعاد قرارا

الا لو مرات سرحت

وقمن لمحت وقروني

وعرفوا كل البينا عامرة

اصلة باين في عيوني

اعرف انه بحسن نية

باحت الاعين شوية

وافشوا سري وغافلوني

واتعرف ريدك متاعي

وانو فكري واقتناعي

والسعادة الضالة كوني

ويسالك ياذاتي عنك

البراءة الفي عيونك

والرزانة الفي انفعالك

والضجيج الفي سكونك

وانت ابعد من خيالي

ورعشة الشوق في سؤالي

بتحكي عن ابداع محاسنك

وعفة الطبع البصونك .

ناصر عمر دبيب
06-10-2009, 11:00 AM
الجالوص
عاطف خيري

معتوقة ومعتقة ومنعتقة

نوافير إنتشى وحشمة

وحمار العين

تضحك كلما وقعت مصيبة

تمشى على العجين و تلخبطو

ترطن إذا جاها الحنين

يا بت بيوت الهجعة كيف

غبار شوارعك ماشى وين

زقاق يعيش فى زقاق

كتمة وظلمة وإنعتاق

أنا فيك لامونى المساجين

سكاتك منازل حلال الحرام

سكاتك على حين أهش الحمام

سكاتك عليك لما تصحى المسام

سكاتك عليهم سكوت و السلام

صوتك وقت قطع البحر قبال مراكب العمدة

ضهر النيل عرف

و الشمس فوق حبل الغيوم

شرت جلاليب النعاس

ناشف غرب مبلول شرق

و المطرة زى شفع العيد

تدخل غرف كل البيوت

كلمة الجوع الشرح للأرض

كيف تقرأ المرق وقبال يقع

فوقك سقف

إتنحنح الجالوص

أمرق على مهلك

مروق الحنة من ضفر لاعروس

واصعد على مهلك

صعود البذرة والروح والشموس

مبنية مدن الخوف

من طينة آخر الليل

وانا فى سقالة الشوف

قدح البصيرة تقيل

فاتح زريبة الجوف

تمرق تخش الخيل

على كيفك كيف معلوف

ضهر المظنة يشيل

وانا ظنى ظنيتو للنيل

غريق فى النيل

و الليل ولافى بالو بيت

ساكت يغنوا على القمر

واجعنى فى البحر السكات

سكتنى فى الوجع البحر

يا بت صباح الطير

وين البلد ركت

ما عاد هواك يفتح فى الكتمة

شباك النزيف

وين تكيتك فى الغيمة شطيف النجوم

ريف الجسد صدرك سبلوقة اللبن الخريف

داسينى فيك نضر

والأنبياء فاتوا

والأنبياءء بين بين

قاعدين فى ضل النار

داسينى فيك نضر

فى غفلة جو الكفار

وطارت حمامة الغار

لاقونى ناشف ومر

ماذنب جاد الطار

لو غنو بيهو شتر

ما تخافى الله معاك

وكل الملائكة سمر

ناصر عمر دبيب
06-10-2009, 11:04 AM
عينيك مدن
صلاح حاج سعيد

عينيك مدن منسية فى كتب التواريخ والزمن

عينيك وطن مشدود على وتر التباريح والشجن

ممدود على حروف الكتابة

مكدود عنا ومكتول صبابة

وفيه حط النيل سكن

عينيك سفر مكتوب اعيش فى غربتو

واعشق عذابو وحرقتو وليلو الطويل

واتخيلك يا حلوة زى نسمة سحر

جيتى ومعاك حلمى المطول

منتظر وعدو الجميل

عشقك زمان جواى رحل

وإتناه فى الأعماق أمل

ضمَّخ رؤاى إحساس نبيل

اذهل طيوف خاطرى القبيل

جاشت ملامح روعتو

ضج السكون فى وحشتو

والكان أمل فى عيونى لاح

ذوب مدارات فرحة الوهج النضير

والمزدهر بالإرتياح

فجأة انحصد قبضة رياح

وسكت الكلام يا حلوة فى القول المباح

وغاب الصباح بعدك رحل

والكان أمل فى غيم سماك

ايقنت إنو عدم بلاك

وإنك قدر

وإنو البيحلم بى علاك

بختار ظروف أحلاها مر

عينيك لو تصدق معاى الأمنية

عينيك لو أعرف ختام الاغنيه

بدء الكلام والمنتهى

والمستطاب والمشتهى

كل المباهج فى المواويل والغنى

والعاشقين قلبى وأنا

هزتنا فى عينيك تصاوير المنى

يا امنيات من كم سنة

يا اغنيات كل الأماسى المستحيلة وممكنة

يا المستحيل عينيك تهون

والمستحيل قلبِك يخون

ما الغدر ما طبع الوفاء

والصدق ما شرط إنتفى

وانا حالى من بعدك كفى

وأنا حالى فى بعدك

كفاهو المغنى والحب والشجن

والوحشة والشوق للوطن

ما العمر قبلك ضاع سدىً

والعمر بعدك ايه يكون

لو يبقى بحساب الزمن

ناصر عمر دبيب
12-12-2009, 01:59 PM
مصطفى سيد أحمد "كلمات أغنية هَرَدْتَ لهاتي بالغنوات


هَرَدْتَ لهاتي بالغنوات ...

وقُتْ يبُردْ حَشَاك يا امِّي

ومن التّعب البلا صَالِحْ ..

تفيقي ..

تروقي ...

تنجمِّي

تسوِّي مكانسِكْ المطرة ..

تضوِّي البيت وتنحَمِّي

تمرقي صبوحة للجيران ...

قدح فوق ايد وفي ايد أَلمْي

يلاقوك شُفّع الكُتّاب

نُضاف وظُراف بلا النّسْمي

ويغنولِك ...

يغنّولِك غناوي السّابْ

وفي بيّوضة مافي سرابْ

جُبال كَجَبي وفيافي الكاب ...

تميد بالخُضرة منقسمي

ولا غابار .. ولا هو سحاب ..

وتنهجمي .. من الدّهشة

وتحاحيهُن ...

غناكُن نيي ...

غناكنُ نيي ..

غُنا الوهْمي

ويهتفوا زي كلاب الحي ..

على الأغراب

حوافي الصّي وبيوضة

البراسيم فيها مفروضة

خدارا يراري شوف عيني

على الأبوابْ

قماريها

وحواريها

وطواريها

بقت روضة .. بقت تشرب من الحامدابْ

تشربي عافيي من إيديّ ...

تدوِّي اليوية بي حِشْمي

تسوّي السّي .. وتبتسمي

تشوفي رهاب بُعُد نجمي

واشوفو قريب قُرُب نَضْمِي

اشوف العالم التِّحْتَاني ..

هيلا هوب وقف ناهِضْ

ودكّ عمايد الفوقاني ...

جوه الُّجب رَمى العارضْ

وفي السّابو الدّمَار أفراق

عريق الحب نَبَضْ قابِضْ

مِتِل قَبْض الحروف في اسمي

غناوينا القبيل رَقْرَاقْ

علينا تَصُب بَرِدْ قَارِضْ

أَلُكْ طيناتا من دمّي ..

وارْمُلا من عصب عشّاق ..

أنُطْ تُلُّبْ واجيك عارِضْ

واجُرْ نمَيِّ

أدودي لهاتي بالغنوات ...

عُقُب يبرد حَشاَك يا امِّي

تسوِّي السّيْ وتبتسمي

تسمِّي الشّعب وتعتّصْمِي

بحبل القُدرة تتفرّقْ

ظُلُمةً فيها تتحرّقْ ..

صُرُمةً قالوا ليك قِسْمي

أدودي لهاتي بالغنوات

عُقُبْ يبُردْ حَشَاك يا امِّي

تقلبي الكلمة بي الكلمي

ضُراعِكْ يرْمِي ما يَدْمِي

تقيفي بعيد عن الشُّمات

تكوني اقرب لي من إسمي

واضُمِّكْ بارتياح يا امِّي

أحبِّكْ صَاحْ

وصَاحْ حلمي

ولاكي سعية للضَبّاحْ

ولا شمش الصّباح حِزْمِي

ولا كَتْف السِّلاح سوّاحْ

ولا نزف الجراح ألمي

هيا انحزْمي ..

هيا انخلْقي ..

هيا انعتْقي ..

متين مو دايرة ري تسْقِي

ولا في إيد النّزيف نبقَى ...

ولا في إيد الخريف تبقِي

ولا الفيضان يبدِّع بِكْ ....

ولا في القيفة تنهدْمِي

ولا انْ جَاتْ حارّه تنهزْمِي

ولا يغشى الغُلُب قلبِكْ

ولا تشقِي

ولا انتِ تخافي لا تَدْمِي

ضُراعِكْ يرْمِي ما يَدْمِي



فيا حزن البلد عوك كَرْ

ويا سعد الولد

ضَرْ ضَرْ ...

مع النّسْمِي

و ألِوْ .. قيمة العَمَل عِمِّي ..

وافتحي ظلمَتِكْ للضّي

سِنِّي على النضال إيدي

سوِّكي بالهُتَاف فَمِّي

شوارعِكْ لَيْ ..

دَويها عَلَيْ ..

اذا ما اخر العلاج الكَيْ ...

مراويدِكْ حُمُر صَمِّي

مراويدِكْ حُمُر يا امِّي

بليلتي ... ولا ضبايح طَيْ ؟

قليلتي ... ولا كُتُر سِمِّي ؟

وطني ... ولا مِلي بطني !

سُكَاتي .. ولا الكلام النيّ

ناصر عمر دبيب
07-01-2010, 11:44 AM
مريم الأخرى
كلمات: محمد عبدالله شمو

هاهي الأرض تغطت بالتعب
البحار اتخذت شكل الفراغ
وأنا مقياس رسم ٍ للتواصل والرحيل
وأنا الآن الترقب و انتظار المستحيل
أنجبتني مريم الأخرى قطاراً وحقيبة
أرضعتني مريم الأخرى قوافي
ثم أهدتني المنافي
هكذا قد خبروني ثم قالوا لي ترجل

وأنا لست أدري ما الذي يدفعني دفعاً إليك
ما الذي يجعلني أبدو حزيناً
حين أرتاد التسكع في مرايا وجنتيك .. لا عليك

فعلى هذه السفوح المطمئنة
نحن قاتلنا سنيناً واقتتلنا
نحن سجلنا التآلف في إنفعالات الأجنة
واحتوانا البحر والمد المقاوم والشراع
يا هذه البنت التي تمتد في دنياي
سهلاً وربوعاً وبقاع
ما الذي قد صب في عينيك شيئاً من تراجيديا الصراع

والمدى يمتد وجداً عابراً هذي المدينة
خبريني هل أنا أبدو حزيناً
هل أنا القاتل والمقتول حيناً والرهينة
هل أنا البحر الذي لا يأمن الآن السفينة

خبئيني بين جدران المسام
قبليني مرة في كل عام
فأنا أشتاق أن أولد في عينيك طفلاً من جديد
أرتدي اللون البنفسج ..أعتلي شكل الهوية
ضيعتي مريم الأخرى سنيناً في إنتظار المجدلية
آه لو تأتين آه ..
من عميق الموج من صلب المياه
كالرحيل ...
كالترقب ...
وإنتظار المستحيل

ناصر عمر دبيب
27-01-2010, 07:45 AM
نواصــــل ؟؟

تغريد
27-01-2010, 08:14 AM
الاخ ناصر عمر دبيب

مجهود جبار ومقدر وجمع جميل لأعمال الراحل المقيم الأستاذ مصطفي سيد أحمد

ربنا يديك العافية وسنشارك معك بما نستطيع ليكون هذا البوست مكتبة تضم كل أعمال مصطفي سيد احمد

ليكون بوستا بطعم الحزن النبيل



دمت بخير دوما

ناصر عمر دبيب
02-03-2010, 02:53 PM
مصطفى سيد أحمد "كلمات أغنية عدّى فات

عــــــدّى فـــــات ..
زمـــن الـعـيـون الإلـفـة
والــحــضـن الـــمــلاذ
ورهـافـة الـحـس الـبـلوّن .
ضـحـكـة الـنـاس الـعـزاز
بـعـد الـحنان .. الـكان زمـان
إسـتـوطن الـمطر .. الـحراز
***
روّح زمـانـى .. وفـي ر جـاك
عـانـيت قـسـاوة الإنـتظار .
فــى ضــل شـبابيك الـسفر
صـادقـت لـيلات الـموانى .
الـسـاكـنة فـــى بــحـر
الأمـــانــى بـتـنـتـظـر
لـو يـوم طـيوف لـحظك تفوت
تـعـبـر خــيـالات تــمـر
قــلـق الـمـواعيد الـضّـجر
سـهـر الـعـيون ... الإحـتراز
إتـعـزز الـنوم ..فـىالخد..
وإتـمـدد الـشـقا فـى الـعمر
***
مـلّيت تـباريح الجراحات البقت
بـعـدك أســى وزمـنـاً قـسا
وحــــــالاً أســـيــف
ومـشـيـت أفــتـش عــن
خــطــاويـك الـقـبـيـل
واضّـــارى مــن زمـنـاً
وراك مــلانــى خــــوف
أشــتــقـت لـــيــك .
اشـتـقت أرتــاح فـى عـيون
فـيـهـن مـلامـحـك ذاتــا
مـــن غـيـر أىّ .. زيــف
وإشـتقت لـى حـكة صـباحك
والدعاش عطر رزاز مطر الخريف
أنــا وإنــت والـدنيا الـزمان
الـنـاس وفــا وغـنوّة صـفا
ودفء الـمشاعر الـشاتية صيف
أنــا وإنــت والـدنيا الـزمان
زمـن الغناوى الطالعة من قلباً .
رضـى وحسّاً ندى و زوقاً رهيف
أنــا وإنــت والـدنيا الأمـان
مــا الـعـمر شـتّـان بـيـن
أوان زمـــنــاً حـيـيـتـو
وعـمر مـا بـتقدر بـتعرف ..
بـكـرة يـصبح حـالو .. كـيف

ahmed algam
03-03-2010, 12:21 PM
الاخ الغالي


ناصر عمر


واصل ايها الراقي بدون توقف


وامتعنا بكلمات اغاني العملاق مصطفي سيد احمد

ناصر عمر دبيب
04-03-2010, 02:17 PM
الاخ ناصر عمر دبيب

مجهود جبار ومقدر وجمع جميل لأعمال الراحل المقيم الأستاذ مصطفي سيد أحمد

ربنا يديك العافية وسنشارك معك بما نستطيع ليكون هذا البوست مكتبة تضم كل أعمال مصطفي سيد احمد

ليكون بوستا بطعم الحزن النبيل



دمت بخير دوما



تسلمي لينا يادكتورة تغريد

ناصر عمر دبيب
04-03-2010, 02:19 PM
الاخ الغالي


ناصر عمر


واصل ايها الراقي بدون توقف


وامتعنا بكلمات اغاني العملاق مصطفي سيد احمد


حبيبنا احمد علقم مشكور علي المرور تحياتي للاهل وللاخ العزيز التاج طعمية

ناصر عمر دبيب
27-03-2010, 04:07 PM
مصطفى سيد أحمد "كلمات أغنية الحزن النبيل
وبـقيت أغـني عـليك غـناوي الحسرة والأسف الطويل


وعـشان أجـيب لـيك الفرح .. رضيان مشي للمستحيل


ومـعاكي لي آخر المدى .. فتيني يا هجعة مواعيدي القبيل


بـعتيني لـي حـضن الأسـى .. وسبتيني للحزن النبيل




ومـشيت مـعاك كل الخطاوي الممكنة وبقدر عليها وبعرفا


أوفيت وما قصرت في حقك ولا كانت عرفة غيرك اصادفا


وقـدر هـواك يـجيبني لـيك .. جـمَع قـلوبنا وولـفها


وقتين بقيتي معايا في أعماقي في أعماق مشاعري المرهفة


لا مـنك إبـتدت الـظروف لا بيك إنتهت الأماني المترفة



نـدمان أنـا ؟! .. أبـداً وحـاتك عـمري ما عرفت الندم


مـا أصـلوا حـال الـدنيا تـسرق مـنية في لحظة عشم


وأنا عندي ليك كان الفرح رغم إحتمالي أساك يا جرح الألم


كـان خوفي منك جاي من لهفة خطاك على المواعيد الوهم


وأهو نحن في الآخر سوا باعنا الهوى ماشين على سكة عدم


… وبـقيت أغـني عليك غناوي الحسرة والأسف الطويل

ناصر عمر دبيب
29-03-2010, 02:58 PM
ضــــلـــيـــت

هـرب مـنى الأمل .. جنيت


جـافانى الـشروق .. حـنيت


كـنـتى مـعايا .. فـى لـمّة


دلــيــب .. شـاشـاى


فـى إيـقاع حـشا الـمردوم


فـى جـيد الزمن .. سوميت




مـرقـت .. عـلى مـحطات


الــسـفـر .. غــربــة


ومـا لـقيتك .. أمـل شـارد


مـــع إنـــك مـعـاى


فــى زحـمـة الـمـشوار


وحـتى يـقينى عاد من تانى


صـحّاك مـن حنين ذاتى ..


نـجـم الـفـرحة يـا عـايد




تــعـالـى مــعـاى....


مــن زفـة نـفس مـسدار


ومـا جـرتق فـرح كانت


ولا طـعـم الـشـقا الـروّح


خـــطــاى هــانــت


وإنـتى معانى شايلاه القوافى


معزة فى عمق الفرح .. دوبيت


وكــــت ضـلـيـت ...


قـعدتّ بـراى .. وحـسيتك


بـتطلعى مـن نـفس طورية


ضـــامّــة الــطـيـن


ومـن دمـعة وجـع طـوّل


نـدا الـعرق البنادى .. حنين