نزار حسن محمد
04-08-2009, 07:13 PM
مرثية اسماعين
ارمي الدمعه فوق الدمعتين ياعين
بعد الليله الدموع حابساها لمين
بعد عرقك ضرب غادي وجاى
وتبللت بين السعف والطين
كل جميل مصيره أجى
ومصيره يفوت بدون مايودع
كبار القوم بدون ماياخد رأى
كتير ياعين
كتير الراح ماعاد
كتير الماشى منه وجاي
الا الناعى
عمره الناعى ماطاف البيوت
من جم ولاصاح بالدروب صباحي
حتى لسانه أتلجم
ولامرقت عروس النيل
ولا زرفت دميعات طفله فى اللولاى
عشان الفقد ماساهل
بعيد المستحيل
واصل و كل الما حصل حاصل
وتبقى طويرة الآحزان
تفتش راحله غادى وجاي
تفتش عن حروف مدفوقه فوق دروب الرحيل
منشورة فوق إطراف مجر الناي
مصيره تسير مع التاريخ سنين وسنين
مصيره تساسق المسكينه بين البأساء والباساي
وتبكى طويرة الاحزان ترفرف من سخاى لسخاى
وتسأل عن صدور مغسوله بالدوباى
وتنزل فوق مجالس الشاى
وفى حلقات أبونا الشيخ وفى الشاشاي
تبل الريق من الدمع البيورق من رمال الحي
وتسرب بالرحيق فى الردحة والوووب حى
وتمرق من محارى الناس تولول فيها جنس الصي
وتصرخ ضايقه ماشفتوه زولاً لى
وتسال ضايقه مأشفتوه زولاً لى
تضيع صرخاته فى المجهول
ويرحل من دريبه الضئ
وين تلقى يامسكينه ..كيف تلقى يامسكينه
زولك قالوا ميت وحي
اه يا طيرة الأحزان ..آه لو كان تعرفى ألبى
جرحك أنتي صاب الريش وجرحاً لي
مسافر في النسيج الحي
دريبى بعيد وحزني فريد
ومن يوم ما قفلنا الدار ورحل
البلبل الغريد بسرح فى عيون الناس
بسأل لو سؤالى يفيد
كيف الدنيا تبقى الدنيا والصيف ياهو يبقى الصيف
ومين ينضم عقود منقوشه
ترقد فوق حزوز الجيد
ومين ينظم كلام الريد ..وضيعة كلام الريد
كل جميل مصيره يجي ومصيره يفوت
بلا تخليد كتاب الكون يظل مقفول
بدون خاتمه بدون تمهيد
وباهت قوس قزح محزون وناقص
مطره ولونه صديد ..وحتى الليل
مصيره يكون مجرد موية شاقه البيد
منوا البقدر يساهر الليل يجيب ليكم خباراته
رقصة موجه فى الشاطى..مواوليه وحكاياته
وتبكى مهيره ست الوجعه تتنكد
علي النعش االمفارق من كتيف لي كتيف
وتصرخ فى الردحه..والووووب حي
وتصرخ ضايقه ياجلابه اقيفو لي
وياجلابه ماشفتوه زولاً لى
وين تلقى يامسكينه ..كيف تلقى يامسكينه
زولك قالوا ميت وحى
يالله بعد يتمته واسفاى ونور العين
وشلته آسماعين وفات ومعاه بقى كلام وباقى حنين
بعد الليله كل بنيه تلبس على صديره أكليل
مكتوب عليه شهيد وانت شهيدنا يا سماعين
يقوم حفار قبور الليل يدق إزميل
تحس بالدقه فى صدور الرجال والخيل
ما دفنوك فى بطن التراب والله ياسماعين
قبرك فى فلب كل زول
وقبرك فى قلب كل جيل
بعد الفجه يالله نظل واقفين
نظل شاكرين على باب الليالى سهاد
الى ماشاءت يالله إلى يوم الفصل والدين
بس معاى طلبين طلباً
تكون شاهداً على قبر الولى اسماعين
وداك اليوم يكون يومنا
نقالد فوقه شيخنا اسماعين
نقالد فوقه شيخنا اسماعين
ارمي الدمعه فوق الدمعتين ياعين
بعد الليله الدموع حابساها لمين
بعد عرقك ضرب غادي وجاى
وتبللت بين السعف والطين
كل جميل مصيره أجى
ومصيره يفوت بدون مايودع
كبار القوم بدون ماياخد رأى
كتير ياعين
كتير الراح ماعاد
كتير الماشى منه وجاي
الا الناعى
عمره الناعى ماطاف البيوت
من جم ولاصاح بالدروب صباحي
حتى لسانه أتلجم
ولامرقت عروس النيل
ولا زرفت دميعات طفله فى اللولاى
عشان الفقد ماساهل
بعيد المستحيل
واصل و كل الما حصل حاصل
وتبقى طويرة الآحزان
تفتش راحله غادى وجاي
تفتش عن حروف مدفوقه فوق دروب الرحيل
منشورة فوق إطراف مجر الناي
مصيره تسير مع التاريخ سنين وسنين
مصيره تساسق المسكينه بين البأساء والباساي
وتبكى طويرة الاحزان ترفرف من سخاى لسخاى
وتسأل عن صدور مغسوله بالدوباى
وتنزل فوق مجالس الشاى
وفى حلقات أبونا الشيخ وفى الشاشاي
تبل الريق من الدمع البيورق من رمال الحي
وتسرب بالرحيق فى الردحة والوووب حى
وتمرق من محارى الناس تولول فيها جنس الصي
وتصرخ ضايقه ماشفتوه زولاً لى
وتسال ضايقه مأشفتوه زولاً لى
تضيع صرخاته فى المجهول
ويرحل من دريبه الضئ
وين تلقى يامسكينه ..كيف تلقى يامسكينه
زولك قالوا ميت وحي
اه يا طيرة الأحزان ..آه لو كان تعرفى ألبى
جرحك أنتي صاب الريش وجرحاً لي
مسافر في النسيج الحي
دريبى بعيد وحزني فريد
ومن يوم ما قفلنا الدار ورحل
البلبل الغريد بسرح فى عيون الناس
بسأل لو سؤالى يفيد
كيف الدنيا تبقى الدنيا والصيف ياهو يبقى الصيف
ومين ينضم عقود منقوشه
ترقد فوق حزوز الجيد
ومين ينظم كلام الريد ..وضيعة كلام الريد
كل جميل مصيره يجي ومصيره يفوت
بلا تخليد كتاب الكون يظل مقفول
بدون خاتمه بدون تمهيد
وباهت قوس قزح محزون وناقص
مطره ولونه صديد ..وحتى الليل
مصيره يكون مجرد موية شاقه البيد
منوا البقدر يساهر الليل يجيب ليكم خباراته
رقصة موجه فى الشاطى..مواوليه وحكاياته
وتبكى مهيره ست الوجعه تتنكد
علي النعش االمفارق من كتيف لي كتيف
وتصرخ فى الردحه..والووووب حي
وتصرخ ضايقه ياجلابه اقيفو لي
وياجلابه ماشفتوه زولاً لى
وين تلقى يامسكينه ..كيف تلقى يامسكينه
زولك قالوا ميت وحى
يالله بعد يتمته واسفاى ونور العين
وشلته آسماعين وفات ومعاه بقى كلام وباقى حنين
بعد الليله كل بنيه تلبس على صديره أكليل
مكتوب عليه شهيد وانت شهيدنا يا سماعين
يقوم حفار قبور الليل يدق إزميل
تحس بالدقه فى صدور الرجال والخيل
ما دفنوك فى بطن التراب والله ياسماعين
قبرك فى فلب كل زول
وقبرك فى قلب كل جيل
بعد الفجه يالله نظل واقفين
نظل شاكرين على باب الليالى سهاد
الى ماشاءت يالله إلى يوم الفصل والدين
بس معاى طلبين طلباً
تكون شاهداً على قبر الولى اسماعين
وداك اليوم يكون يومنا
نقالد فوقه شيخنا اسماعين
نقالد فوقه شيخنا اسماعين