وداحمرعين
05-08-2009, 08:20 PM
ليه الظنون !!!
---------------
لو قلبي بسواك انسكن
او عمرو راد غيرك وطن
بدعيلو ما يفوتو الوجع
وجرحو في الأيام نجع
لو طرفي لغيرك رنا
وكحل الرموش دونك سنا
ياريتو سافر ما رجع
وقمريه بالأحزان سجع
لا يشوف سمح لا يطول مني
وتبقي الدموع ياها الغناء
زي قولي ليك.....انت وانا
اصبحنا روح ما بتنقسم
نفرح سوا ونحزن سوا
ونحلم كمان نفس الحلم
واحلامنا في الآمال تهيم
وارواحنا تسبح في نعيم
ليه الظنون وانا كلي ليك
زي الفراش امشي واجيك
وليه الحزن ساكن عيون
انا ماهويت من دونا كون
لو كل ريد في الدنيا هان
انا ريدي ليك تب ما بيهون
ماانت كل الدنيا ليْ
عهدي ليك مادمت حيْ
طول الزمان ابقي الوليف
العمرو ماخان الونيس
وابقي الخريف
الشال سحابو سلام وريد
واسقيك مزيد واقعد اعيد
انا كلي ليك ليه الظنون
ليه الأسي.. ليه الشجون
وانا كلي ليك
زي الفراش امشي وأجيك !!؟
---------------
لو قلبي بسواك انسكن
او عمرو راد غيرك وطن
بدعيلو ما يفوتو الوجع
وجرحو في الأيام نجع
لو طرفي لغيرك رنا
وكحل الرموش دونك سنا
ياريتو سافر ما رجع
وقمريه بالأحزان سجع
لا يشوف سمح لا يطول مني
وتبقي الدموع ياها الغناء
زي قولي ليك.....انت وانا
اصبحنا روح ما بتنقسم
نفرح سوا ونحزن سوا
ونحلم كمان نفس الحلم
واحلامنا في الآمال تهيم
وارواحنا تسبح في نعيم
ليه الظنون وانا كلي ليك
زي الفراش امشي واجيك
وليه الحزن ساكن عيون
انا ماهويت من دونا كون
لو كل ريد في الدنيا هان
انا ريدي ليك تب ما بيهون
ماانت كل الدنيا ليْ
عهدي ليك مادمت حيْ
طول الزمان ابقي الوليف
العمرو ماخان الونيس
وابقي الخريف
الشال سحابو سلام وريد
واسقيك مزيد واقعد اعيد
انا كلي ليك ليه الظنون
ليه الأسي.. ليه الشجون
وانا كلي ليك
زي الفراش امشي وأجيك !!؟