كلمات اغانى الفنان هاشم ميرغنى

[ناصر عمر دبيب]

بكى العودُ

بكى العودُ لفراقٍ الأنامل
بكى بكى بكى

بكى يوم أن كنا نفترشُ الليل وشُموعنا كبدرٍ كاملِ
بكى بكى بكى

وصارت الأوتارُ ذكرياتِ يملؤها الغموض
وتلاشى الوجد وانزاح الستار على احزانٍ دفينه
وانا في كل وتر اقرأُ حكاياتي ماضينا الحزينه
بكى العود و تلوه من الالم
كيف لي انا اعطيه ماعندي من نغم
بكى بكى بكى

بكى العودُ لفراقٍ الأناملِ
بكى بكى بكى

[الملكة اسماء ( ام محمد )]

لـســه خــايــف مــن فــراقـك لـما يحصل يبقي كيف
زى ورد فـى عـز نداهــو خـوفـى بكره يزورو صيف
مـن عــرفـتـــك كـنـتــا حـاسـس الزمن لى ما بسيبك
وكـنـــتـا حاســس رغــم ريـدى إنـى زى الما حبيبك
والـحـنــان الـبـيـنـا ولف لا نـصــيــبى ولا نـصــيبك
والـزمــان عــارف مصـيرنا حــقو لى ما كان يجيبك

والـفــرح فـى دربـى عــارفــو اصـلـو ما بطول كتير
زى غــمــام فى سـمــايـا عـدا سابنى فى عز الهجير
كـم فـراش عـلى ورده طلّ اصـلـو مـا قـايــلاه بيطير
فــات وراح شــايـل هـنـاه خـوفـى من نفس المصير

حـقـــو يــا عـيـنـى تـوالـفـى الـصـبــر قـبـال فراقها
انتى عارفه الجاى بكره برضو تزهدى فى اشتياقها
كم عيون فى اليده غرقت والزمـن من ريـدها ساقها
ما كتير القلـبـو حـبــه يــــامــا كــم فـى هـواه لاقاها

يـا زمـن عـلـمـــنى انـســـى الـمـحـال نسيانه عيونه
حــتــى لــو أيـامى طــالت مــا اظــنى اعيـش بدونه
مــا اظــن ايـــامى تــانى زى حـنــانه تكــون حنونه
انـتـى خــونى زمــانى كـــــلو إلا اوعــك يوم تخونه

[الملكة اسماء ( ام محمد )]

دا ماقلبي البعرفو

دا ماقلبي البعرفو ولا الدقات دي دقاتو
قلبي حنين بريد الناس وبسعدو بي حكاياتو

اقول اجيكم انا اضيع همي بيك وارتاح
وقلبي العاش حياتو ظلام اصادف في عميرو صباح
امكن اشوف معاك ذاتي وألاقي معاكي عقلي الراح
وقالوا الدنيا دار صُدفه وبفتش للصُدف سواح

غايتو نقول بنتصبر لو كان الصبر بجدي
حرمتي عيوني من شوفتك وجرحت الدموع خدي
ألّوِم نفسي بي فراقك كأني كتبتو بي يدي
وقلبي الشلتي ياحلوه معاكي واصلو ماتردي

دا ما قلبي البعرفو ولا الدقات دي دقاتو
قلبي حنين بريد الناس وبسعدو من حكاياتو

:):):):) <!-- / message --><!-- sig -->

[الملكة اسماء ( ام محمد )]

انتي مامشتاقة لي

انت ما مشتاقة لي يعني ما محتاجة لي
ولا ماعارفة العلي يعني ما محتاجة لي
لو خلاص خليتي ريدي يكفيني خاتمك في ايدي
ما زمان قبال اسيبيك كان فراقي صعب عليك
شلت جرحي وفت منك همي كان بس كيف اجيك
جيت بشوق الدنيا كلو غير احس بشوقي ليك
بس لقيت الهفة راحت حتي عينيك ما عينيك
ما زمان قبل افارقك قلت لي اوعك تطول
قلبي دايما في رجاك المحال غيرك يبدل
عشت بعدك كلي ذكرى امسي بطيفك واقيل
الليلة قلبك لو نساني غير عيونك وين اقبل
شلت فرحي وجيت اسالمك قايلك انت تحسي بي
وانت ما انت الزمان انا اصلي ما مصدق عيني
داير افوت يا غالية منك ابقي وحدك في الاسية <!-- / message --><!-- sig -->
__________________

[الملكة اسماء ( ام محمد )]

يوم و دعت

يوم ودعت ياغالي انا ماقايل فراقي اطول
ظروف الغربه ياغالي تقرب زول وتبعد زول

انا لو سكت ظروفي قست وزرفت دموع بتسجي صبري الراح
حليل الراح وشال الراح خلد عشره بتموج عطر فواح
وبس معقول افارق الناس واكون مرتاح

عاد ياريت كان ياريت تفيد موجوع
ماكان طل في عمري الألم ولا فارقنا ولا سيلنا السحابه دموع

يوم ودعت ياغالي انا ماقايل فراقي اطول
ظروف الغربه ياغالي تقرب زول وتبعد زول <!-- / message --><!-- sig -->

[الملكة اسماء ( ام محمد )]

عشان خاطر الملايكه


قصدنا دروب طويله صعيبه بعيده شايكه
وقلنا يهون مشيها عشان خاطر الملايكه

في عيون الجميله رزانه تشع محنه
كل مانقول حنينه نلقى كلام احنا
كفايه علي اشوفها تجي تبدد محنه
وقلنا يهون مشيها عشان خاطر الملايكه

ايامنا الجميله في عيوني السعاده
بيك تاني تجمعني الإراده
انا بعشق عيونك اعبد فيك عباده
عشانك كم بساهر تشيل عيني سهادا
وقلنا يهون مشيها عشان خاطر الملايكه

عشان خاطر عيون رموشها نخيل وواحه
عشان خاطر عيون فيها تزيد سماحه
وقلنا يهون مشيها عشان خاطر الملايكه <!-- / message --><!-- sig -->
__________________

[الملكة اسماء ( ام محمد )]

آخر قصيدتين كتبهما الراحل المقيم هاشم ميرغني قبل الوداع الاخير, وهي عباره عن رساله بالبريد الالكتروني تلقاها اخونا مأمون
من المرحوم في اواخر فبراير الماضي , وإليكم نص الرساله نقلاً عن هاشم ميرغني.


دعوة لابتسام من شفاه جفت فزع اننا وبرغم هيجان ما حولنا الذي يحول كل حال الي امور لا حول لنا فيها ولاقوة و يستحيل علينا فهمها ... اهي مقدرة أم ظروف مرت مصادفة بخط الاستواء فاوقدت ما خمد مما دفناه , وعندها ينبض الرماد شرارا وعندها ينتفض كل ساكن فينا وتندى الجباه وترتجف الشفاه باحثة عن ملامح ابتسامة حتى ولو كانت في ابهت الصور ... حتى لو كانت مبتورة .... فبها يتبلل جفاف شفاهنا مما تحمله تلك الابتسامة ولا ننسى ان قمة البلاء يضحكنا فشر البلية ما يضحك .......... اننا في زمن صار سعر الابتسامة باهظا لقلة العرض وندرة الطلب . فكم ممن يبتسم لا لانه راضي ولكنه يحتج بسخرية باسمة فهذا اصدق التعبير الذي يمتلكه . دعونا نبتسم ولو عنوة فرؤيتنا الى شفاه تبتسم تعني ان الابتسام ما زال بخير, فنتوخاه ونرجوه ان يكن في ملامحنا يوما ما.


حبيبي ابتسم فقد الاوتار وقارها خليها ترقص وتنفصم بابتسامتك
نور قناديل الفرح خلي الفرحة تطرب وترتسم
وخليني اتنــاسى الأسى المن جفـــــاكا اصبـــح لي إســم
وخليني اتعشم في العشم كان رضاك يرضى مرة وينقسم
بس ابتسم

نطق حـــروف الغــــنية طـــــلعها مــــــن ســــــــكوتها
ابتـــسم خـــلي الرياحــــــين تكسي حـــاراتها وبـيوتها
وابتسم نسي الخــــــلق ضــياع ايامها والعمر البفوتها
واغــزل ليـنا بردة صـبر شـــايلة من وعــــدك خيوتها

ازرع فينا دنيا من الامل خلي الحزن يلقـــالو واحه
وخلي الخدود لما يتعبنا السفر نلقى فيهن استراحه
وابتسم خـــلي ابتسامتك تمـــلا كـــل الكـــون سماحه
وخلينا في حــضرةعـيونك اصــلو غيرن ما في راحه

ابتســم ابتسم فرج همـــوم التاهو غربه في بـــحر الضـياع
عايشـين ابتسامتك زاد وشا يلين امـــاني الريد مــتاع
ابـحروا في فراق ما بنتـهي لا فيهو دفه و لا شـــراع
ابتسم وما يهمك حبـــيبي واللي ضـاع اصلو ضـاع


والاغنية التالية اذا امتلكت قدرة الصبر على كتابة معدوم الصبر


علمني كيف
علمني كيف ..علمني كيف
اقدر اصوغ هواك تسابيح من غنا وانقش حروفو والونو
علمني كيف وسط الهلع من خوف فراقك املا بيك قلبي الرهيف واطمنو
ووريني كيف اكسب ودادك يا ولوف وجوا الجوا في داخل حشايا اسكنو
واهديك خطاي ايقاع قصيد زي فرحة الناس كل عيد وقلبي اللي عارف في وجودك ماْمنو
اهديكا دردشة الوتر القبلما ما تداعبو الانامل يرقصن اوتاره ليك ويدندنو
واهديك اي ابداع مرا بي وكنت بى الهام عيونك بتقنو
علمني كيف اسقي الصبر من غيرغمام وقلبي عندك اسجنو
وغيرك منو.. وزيك منو.. ونساْل عليك في الناس منو
ناس تاهو في نعمة جمالك جنــــــوا بـــــيك وما اتيقنوا
ولاناس زيي حراس جمال قلبك عليك ما بضمنوا
ولا ناس بقى همهم يحومو حولك بالفرح عشان خواطر الجميل ما يحزنوا
ولا اساْل رويحتي الانت فيها نادر خلق مضرب مثل في كل شي وما اتخلق في الدنيا ابدا معدنو . <!-- / message --><!-- sig -->
__________________

[الملكة اسماء ( ام محمد )]

وانا كنت زى الما مصدق فى يوم هواك اصبح ضنا
لكنى جيت بى طيبتى ديك القى النهايه المحزنه

انا ما بلوم يوم الزمن ولا برمى دمعه على الظروف
لكن بعيش كل الشقى وبندم على زولى الولوف
ياريتوا من ساعتها ديك ياريتو ما كان ليك ولوف

ضيعتى فرحوا بعتى عزت ريدك اصبح منو خوف
لكن عزاي انا ما براى قالوا البعيش ياما يشوف

ما بصدق لو قالوا لى حبك سراب
سقيت عينيك محنتى دوبت فيك كل الشباب

لكن عينيك ما راعوا لى ولا حسوا يوم انى فى عذاب
سافرت ليك ضحيت عشانك فتحت ليك قليبى باب
ضيعتى عزت ريدى ليك دفنتى فى جوة التراب

رغم الاسى رغم الاسف رغم البيطعن فى القلب
ماظن اجيك واترجى فيك ولا بيك يجمعنى الدرب
مابقيت خلاص داير الخلاص من دنيا ما بتعز محب

ولاداير اعيش زي كل زول هو يعنى الا الناس تحب
مــا ضـــاع مــا مـــات مـــا راح <!-- / message --><!-- sig -->

[الملكة اسماء ( ام محمد )]

حــــــــــــان الــــــزفـــــاف

حــان الـزفـاف وأنــا حـالـي كـيـفن بوصفو

يـا ريـت هـواك لـي مـا انـقسم ولا قلبي ريدك نذفو

قــالـوا الـبـعـيش الـدنـيـا يــامـا تـشـوفـو

تـشقيهو بـي فـرقة عـزيز وبـالحسره ريـقو تنشفو

وإن شـاء الله مـا يـحصل فـراق لـقلوب بـعد ءاتولفو


بـس قـولي لـي أنـساك كـيف وأنـا قلبي ريدك محنو

أبـحر سـنين فـي كـون هـواك والـليله فـاقد مأمنو

وأنـا مـن زمـان عـارف الـبيكون وقـليبى كنت بيقنو

والـليله يـوم حـان الـزفاف أنـا حـالي مـين ما حننو

ولـو ده الـحصاد مـن كل ريد ناس قيس صحيح اتجننو



جـوني الـصحاب وأنـا قالوا لي شافوها في توب الزفاف

شـافوا الـدموع واتحسروا والشوق غمام في عيونها طاف

ومـــش عـــاد حـــرام ســاكـن الـضـفاف

يــنــشـره فــــي عــمــرو الــجـفـاف

طول عمري بزرع في الورود وحصادي شوك آخر المطاف <!-- / message --><!-- sig -->
__________________

[الملكة اسماء ( ام محمد )]

دا ماقلبي البعرفو

دا ماقلبي البعرفو ولا الدقات دي دقاتو
قلبي حنين بريد الناس وبسعدو بي حكاياتو

اقول اجيكم انا اضيع همي بيك وارتاح
وقلبي العاش حياتو ظلام اصادف في عميرو صباح
امكن اشوف معاك ذاتي وألاقي معاكي عقلي الراح
وقالوا الدنيا دار صُدفه وبفتش للصُدف سواح

غايتو نقول بنتصبر لو كان الصبر بجدي
حرمتي عيوني من شوفتك وجرحت الدموع خدي
ألّوِم نفسي بي فراقك كأني كتبتو بي يدي
وقلبي الشلتي ياحلوه معاكي واصلو ماتردي

دا ما قلبي البعرفو ولا الدقات دي دقاتو
قلبي حنين بريد الناس وبسعدو من حكاياتو <!-- / message --><!-- sig -->

[الملكة اسماء ( ام محمد )]

الرساله الجاتني منو

الرساله الجاتني منو شوقو بحضن في حروفو
يالايمني في بعدي عنك وكلو زولاً بي ظروفو

الليل اطول مامعاي زول ودي الغربه وياهو حلها
لما النجوم تتلاشى كيف تكتب دموع العين رساله
للبريده وللبعيده المن ليل بلدي وكحل العين دلالها
إلا عينيك تايهه مني في دلالها وانشغالها
واضيعت القلب الراد وكم قلوب في ثمالها
والغربه ياالحزن الدفين ديمه كم هدت رجالها
وديمه فينا بكى العزاز تهنا في بحورها ورحالها

تقول لي زولك قريب نبضو في جنب الوريد
سكبو فيك اسمى العيون دموعو لي رنو بعيد
والزيي ماشبه الدموع افعل زمانها زي مايريد
الفراق ماكنت ناوي وفي البعاد ماعندي إيد

الليل بهيم وحالي الاليم والعين تدمع
وانا عشت فراقك علي بي احساس الزول لامن اودع
والدرب البسوقني منك مااظن في قريب لي ارجِع

الظروف القاسيه دايما ضيعت زمن التصافي
اشوفك في خيالي وإجي الصباح ألقاك مافي
وارجع للغربه يا اللي مجافي

الرساله الجاتني منو شوقو بحضن في حروفو
يالايمني في بعدي عنك وكلو زولاً بي ظروفو <!-- / message --><!-- sig -->

[الملكة اسماء ( ام محمد )]

ماكفاهو

ماكفاهو قليبي ماكفاهو
بحر السهر حدق العيون والنوم بقالو مستحيل
لا عرفت لي سكة رضاك لاعرفت كيف قلبك بميل
علمتني الصبرِ في هواك كيف ابقى ناكر للجميل

ماعرفت كيف للماشي في دربك سنين يعني ليه معنى الوقوق
وماشفت كيف مر العطش لي زول سكن جنب الجروف
وماشفت كيف مر العناق بدل أمان أعمارنا خوف
وماشفت كيف العيون بتعمى بعدك ومابتشوف
ماكفاهو قلببي ماكفاهو

وبس معقول وعد الفرح أبقى في القلب الرهيف غمامة عذاب تحزنو
ماعرفت لي غير السهر الكنت بعدك بدمنو
وخوفي ابقى علي أمانك وغيرك البديهو منو
وخوفي أبقى على وعودك أبني إنتظارك وأسكنو
وبي هواك علمتني أصل العشق في معدنو
ماعشان عشانك بكن العيون وإتحزنو
ماعشان عشانك غنن أناملي ودندنو
ماكفاهو قليبي ماكفاهو

أنا كنت رقه وكلي إلفه وكلي ماملكة يديك
انا كم بنور كل الظلم الفيني ليك
اصلك مابتجي لا الموت بجي كلو كلو ولاعليك

ماكفاهو قليبي ماكفاهو
بحر السهر حدق العيون والنوم بقالو مستحيل
لا عرفت لي سكة رضاك لاعرفت كيف قلبك بميل
علمتني الصبرِ في هواك كيف ابقى ناكر للجميل <!-- / message --><!-- sig -->
__________________

[الملكة اسماء ( ام محمد )]

جات الريح

وجات الريح .. وجات الريح
جات الريح وشالت زهوري الفي الضريح
ضريح الحب المات..
بلا كلمات..
ولا نغمات..
وروَّح مسيكين الجريح

وحاولت براي اطراهو واذكروا الحُب البداهو
لقيتو يوم جالس براهو ودموعو جاريه مبللاهو
قال لي هاك قليبك وشيل غناهو
أديهو لي ناساً كتر إزيلو آلامو وشقاهو
ياريتني اقدر من عذابك استريح
وجات الريح .. وجات الريح

وماقال لي وين القى ناساً إعزوا قليبي ويكفكفوا دمعتو
اشتاقو لي ولهو الكتير ومحبتو
لكنو مات الحب صحيح
ذكراهو في جوه الضريح
ضريح الحب المات..
بلا كلمات..
بلا نغمات..
وروَّح مسيكين الجريح <!-- / message --><!-- sig -->

[الملكة اسماء ( ام محمد )]

الريده
الراحل حسن الزبير
ألحان حسن بابكر
غناء محمد ميرغني


ياريده مين بقدر عليك
مين بلقى في دنياك امان
أخضعتي تيجان الملوك و
هزمتي فرسان الزمان
وانا الضعيف
ياريدة كيف أتحملك
بعد عزيز وبعد ملك
أصبحت بي أمرك ملك
مرات أقول وامر قساك
مرات أقول ما أجملك
ياريده شوقك خففي
وحلمك علي إتلطفي
عبر الزمن سرك خفي
ونارك تقيد ما بتنطفي
سايباني في درب الشقا
ونادر علي تتعطفي
ياريدة يا سر الغُنا
لامتين أكون ضايع أنا
أديني يوم خاتم المنى
يسعدني بي أسعد منى
قسمتي للناس الهنا
وأنا لا هناك ولاهنا <!-- / message --><!-- sig -->

[ناصر عمر دبيب]

مهما تبعدني الظروف

الليله ياحليلك ماياك ربيعنا وياكا جميلنا وياكا دليلينا
ياكا سمرنا وياكا سهرنا وياكا اميرنا وياكا قمرنا وياكا ليلنا
يا الشدرا التحتك مقيلنا
في فراقك تجري دموعنا تحاكي سيلنا
ياكا ربوعنا وياكا رجوعنا وياكا نيلنا

مهما بتعدني الظروف يابلدي بخاف عليك
انشد الدعوات اغاني للقدر الساقني منك اجيبني ليك

ما شفتا يابلدي الحنين في الغربه كم تصحى المواجع
وايام العمر تقصر واغرقنا سيلك يا مدامع
وابقى حلمنا ياهو انت وقمرك ابين لينا ساطع
بس عزانا البشرب من مياه النيل ليها راجع

شوقي لي ضل العصاري
البجمع الشبان واضاري
شوقي اللشجره الوريفه
وشوقي لي الطير الخداري
وشوقي لي النيل ومويتو
الديمه لي طافيه ناري

مهما تبعدني الظروف
بجيك وبالوديان بطوف
يا الإنزرع في ارضك منانا
البكانا ومانسانا
شوقي لي النيل في ارتحالو
عبر ارضك يابطانه

لي ليلك الفي قلوبنا ضاوي
للشفق في نعاسو ومجدو باللون السماوي
شوقي لي النيل لي ظلالو
شوقي لي شجرالخلاوي
شوقي لي ناسنا وديارهم
اللي البعيد طال انتظارهم

[ناصر عمر دبيب]

من فتتنا

انت من فتنا
هجر الكنار زاهي الغصون ساب الغنى
والشتله ماعاد النسيم يرقص معاها يحاننها
من فتنا ماحصل ودعتنا
ياريت رجعت تاني وعدتنا

من فتنا وسارت خطاك بعيد
لاشفنا فال لاضقنا عيد
نودع الهم العلينا ويطل حزن جديد
حاول ارجع لينا تاني حتي لو ضاع العديد

انا عندي والله شعور غريب..
اجي يوم تفوتني بلا وداع
وافضل معاك تواه دروب..
وافقد معاك حتى المتاع
من بعدك انت ياما غشانا السراب..
وانكسر حتى الشراع

[ناصر عمر دبيب]

مظاليمك يازمن
مظاليمك يازمن نحنا
ونفتش لي زمن غيرك
نقول امكن افرحنا

مظاليم الزمن نحن مظاليمو
منتظرنو ارضى علينا
نمرح في ظلال غيمو

اشيل من عمرنا وماشي
سحاباً فوقنا ماراشي
وفايت دارنا ماغاشي
ماعمرنا كان فرح كان هم
ماوتر في الساحه متلاشي

مازمان شايلانا ضحكتنا
وغناوينا وطفولتنا
عصافير جوه جنتنا
اكبر فينا ما قايلنو قاصد تشقى دنيتنا

اتاريك يازمن ظلام
وزي الريد ليك احكام
مظاليمك هنا الايام
وطال ماقلوبنا حاضنا النور
علي الفرحه الأبتنى سلام

بس ياريت من تاني رجعنا
وما عاندنا طاوعنا
وكان لو لحظه تجمعنا
ماكان خدر مشاتل الريد واصبح للعمر معنى

[ناصر عمر دبيب]

كان العشم

كان العشم بعد الحصل نتلم
كان العشم انو الريد انشال في الدم
نعاني الحزن الكلو الم
ما اصلو ضريبة الريده الهم
نصبر لما نتلاقى مايهمنا ضاع من عمرنا كم

كان العشم تبقالي مئال
وتر صداح بالغنا محال
تسكن في عيوني اماني وفال
تبقى لي غناي اجمل موال

كان العشم بعد الحصل نتلم
كان العشم انو الريد انشال في الدم
نعاني الحزن الكلو الم
ما اصلو ضريبة الريده الهم
نصبر لما نتلاقى مايهمنا ضاع من عمرنا كم

[ناصر عمر دبيب]

غيرك انت مافي

صدقني غيرك انت مافي
تظلمني بالشك والظنون ياحبيب تقسى وتجافي

ابتسامتك كون بحالو نحننا ليها ونشتهيها
والخطاوي ايقاع الغناوي الديمه نشتاق لي مجيها
والعمر لو ضاع معاك ايامو مابنسأل عليها
انحن عشنا الدنيا زاتا عشان وجودك انت فيها

والدروب من غيرك انت مابتودينا وتجيبنا
مابتوطن لي عيونك لا لغيرك ياحبيبنا
نحن عاهدناك قسمنا مابنسيبك لو تسيبنا
لو وفيت عهدك ياغالي تبقى آلامنا وطبيبنا

صدقني غيرك انت مافي وكيفنو موج الشك اهدي
واصفى زي موية عيونك الديمه للافراح تودي
ترجع تزاورنا وتشوفنا غمامة الاحزان تعدي
والشتيلات في بيوتنا لي لقاك تزهر تندي

[بت مارنجان]

انتي مامشتاقة لي


ما زمان قبل افارقك قلت لي اوعك تطول
قلبي دايما في رجاك المحال غيرك يبدل
عشت بعدك كلي ذكرى امسي بطيفك واقيل
الليلة قلبك لو نساني غير عيونك وين اقبل
<!-- / message --><!-- sig -->
__________________


أبداع ,,,
في انتظار المزيد ,,,

[ناصر عمر دبيب]

ظلمك لي جميل

ظلمتني واشتقت ليك ما اعدلك صدقني ظلمك لي جميل
حرمتني كتبت فيك انك ملك وحدك اصيل

والفرقه قاسيه بي قليبي الفي جراحاتو النزيف
لم اعلم اني بيك مواسم ربيع وبلاك صيف
اشتقت ليك بي شقاوة الزول الرهيف
صدقني ظلمك لي جميل

دي اول مره نتفارق وفي الخاطر زعل
خاطري البشيل ليك الغنى وكل الامل

توهتو في الاعماق كتير
فجرتو في عز الهجير
ما اجملك يوم خصلك الحلوات تطير
وارجف معاك قلبي الحسير

قسيت علي عيون سهد جفونها الابتعاد
لما الكلام القلتو لي بقى احلى زاد

ظلمتني واشتقت ليك ما اعدلك صدقني ظلمك لي جميل
حرمتني كتبت فيك انك ملك وحدك اصيل

[ناصر عمر دبيب]

طولنا

طولنا لاكحل الشفق رحلة مغاربنا
وماحمل النيل دفه مراكبنا
وساقنا زمن يغلبو الصبر ويرجع بي آلامو يغلبنا
مالاتحفنى فوق الجروف مويتو شربنا
لاحضن صدرالنيل دفة مراكبنا
وساقنا زمن دفعنا شبابنا تمن
وابدا ماغريب ماياهو الزمن المشيبنا
وفتنا السنين وفقدنا حنين وبالاشواق مدوبنا
سهدنا الجفون زاتا شيالت الاشواق وكتبنا
ماياهو الزمن زاتو الشال سنين ايامنا و غلبنا
اها غبنا وشن جبنا
جبنا شقى السنين وجفى السنين اللقيناهو من فتنا
وقلنا تاني نرجع ليك وننسى زمناً كان بشتتنا
اها غبنا وشن جبنا

[ناصر عمر دبيب]

شفق الاصايل

ديمه ياشفق الاصايل تذكرني زولا ماهو سائل
اصلو زيك في المغيب زي طلة النور في الخمايل

لما اقسى علي بسامحو اصلو مالكني بي ملامحو
ديمه قلبي يحن ليه حتى لو بي هجرو جارحو
اصحى على تغريد خيالو الصباح افرح ويصابحو

كلما تسهر عيوني القاك حلم اتمنى دايما لو اطول
والقاك مشوار سعد بقصر واصبح سرابك هو الوصول
واصبح كلامك لي غنا غيمه في حلم السهول

ديمه ياشفق الاصايل تذكرني زولا ماهو سائل
اصلو زيك في المغيب زي طلة النور في الخمايل

[ناصر عمر دبيب]

ريدك والعهود

انت لو داير تسيبنا اطرى ريدك والعهود
اطرى انك نور عيوننا واحلى انسان في الوجود
بي حنانا كتبنا ليك وبرضو تنساها الورود

حاول اتذكر واشفق مره انت ظلمت مين
ظلمت ريدك ياجمالنا جفيت حبيبك بالسنين
كتبت بي حرقه افتراقنا جفيت حبيبك بالسنين

ما البريد شقيان قليبو مااظنو عارف دربو وين
لو قالو ليك انسانا فارق حن علينا ومره سامح
ماعشنا ليك ايام عمرنا وعشقنا فيك احلى الملامح
وما اظن تتوه علينا بعد السهر طيفك بصابح

انت لو داير تسيبنا اطرى ريدك والعهود
اطرى انك نور عيوننا واحلى انسان في الوجود
بي حنانا كتبنا ليك وبرضو تنساها الورود

[ناصر عمر دبيب]

رأيتك تكتبين

رأيتك تكتبين كلام حب وتهملين بعدك الف قلب
ناسية متناسية ان غيرك لاطريق يقود ويموت الف درب

اتحدى اي عهد لي يعيد
بعد الشهور الحزينه ويظهر كأي عيد
واي قلب يتلاشى ويتفانى حين يريد
واي رجل خاطب الخمرة مال وان كان ابن الرشيد
وبثينه اذ تقول على كثبان رمل اي كلام واي عيد
وان قال ابن الرشيد يعزف القيثار وجن قيث من جديد

رأيتك تكتبين كلام حب وتهملين بعدك الف قلب
ناسية متناسية ان غيرك لاطريق يقود ويموت الف درب

[ناصر عمر دبيب]

رائع العشق

يارائع العشق ياقلبي..
انت اوفى الود للحب..
قدر زارك الشوق منذ اللحظة الاولى
فهجرتني وعدت لي بالحب مقتولا
لاخاطر بالصد طاف عليك..
فوهبت يادفاق ملئ يديك..
من كان يستقيك والاحوال بالآمال مشغوله
كنا انا ورضاك لاندري..
نار الجوى او لوعة الهجر..
حتى اذا ماطل قمريٌ كما القمري..
بتنا سكارى الحب والسهر..
عن حالنا بالله من قد كان مسؤلا
عدني انا رائع العشق..
انا عادك الشوق ان تطويه في رفق..
من الذي في حالنا يشقى..
يكابد الهجر في نيرانه يبقى..
وانت ياملتاع منذ اللحظه الاولي
صيرتني بالعشق قبل الموت مقتولا

[ناصر عمر دبيب]

حليل الناس

حليل الناس حليل البسمه وضي النجمه فوق الكاس
حليلي الليله يايمه انا الفي الغربه مقطوع راس
اجيني الليل مناحة هم لازغروده لاوناس
اقول ياضيعتي و وجعي وبكاي اغلب الحناس

ماشفتي يايمه الدمعه فوق الدمعه ساعة اخدر قليبي خدار
وكيف الدار وكيف ناسا عزاز وحنان
وكيفن يوم اهل العيد..
وجريد النخله ببقى جديد..
من موية العطور رويان
اجيكم عيد عليكم عيد..
وانا عيدي فوق دمعي البسيل كملان
تباريح الهوى السالت ادودن في قليب سهران
ودر في نجايم الشوق اقول امكن طريقهم بان

[ناصر عمر دبيب]

بغنيلك
بغنيلك واغنيلك انا من البعد ومن نارو
بغنيلك غنا يحنن القاسين اخلي كل خلق الله يحتارو
إغنيلك عودي ابدع ليك انطق اوتارو
إغنيلك غنا اطربلو الجبل ويصفقو حجارو
بغنيلك بي شوقا غلبني كتير بي ودارو
اغني لي زولا سكن قلبي وبيهو خلق الله احتارو
اغنيلك غنا اسويلك خميله ودندنو كنارو
لاني معاك وكتين اسرح اضيع يومي اغباني ليلو ونهارو
ويغلبني الصبر و قلبي اضيق اغلبو صبارو
واغنيلك غنا اشيل الليل غنا لما نجومو اضارو
اغنيلك بي قلبا بقيف وانتي فيهو مابهمني ودارو
بس اخاف اطراك احن قلبي اجرن دموعي اقولن اسرارو

[ناصر عمر دبيب]

تاني القاك وين

كفاني الهم ضياع الريد وجع دارين
تاني القاك وين..تاني القاك وين

وداري الفارقت شوفتك شافت الناس وراك اغراب
واشيل الليل واتعذب اطويني سراب اديني عذاب
لافرحا اجيني في ليل ولابسيمة نور تدق الباب
وانا من الالم الطل وطال بقيت في حال مابسر العين
تاني القاك وين..تاني القاك وين

بقول امكن اشوف طيفو في نجوم الليل
اسلم بي حنانو اقول بشتاق ليك ياحبيب بالحيل
واسالو سببو بس مالو اقول لي من كلام ناس ديل
الحسدو الريد وزادو البين وصار الليل علي ليلين
تاني القاك وين..تاني القاك وين

ضمخت بيك فجري البفوح قبلك عذاب
عبقت بيك باقات مشاعر تحمل آمال من شباب
القلت فيك اجمل معاني وكتبت في حسنك كتاب
وبرضي ماقادر اصل مالاقي ليك في الدنيا باب
كان عمري في ريدك قصر مشواري في حبك سراب
تاني القاك وين..تاني القاك وين

لو قلت ليك غيرك مابشوف في الدنيا زول
اقول اقول ليك اتجمد امامك وانا اغلبني قول
اقول اوصف خدودك وانتظر مع الصباح من الندى الفي خديك امكن اسول
اقول اقول وما اقدر اقول لي سورك انت ماظن كلامي انا يوم اطول
تاني القاك وين..تاني القاك وين

[ناصر عمر دبيب]

انا إتأخَّرت سامحيني


انا إتأخَّرت سامحيني ومعادي معاكي ما نسيتو
ولو ما ظروفي جبرتني كان قبل الزمن جيتو

صدقي لي زمن بَسأل.. بَسأل حتى الشافني مره معاك
ولمَّا الناس عليك تسأل وانا الطوَّلت من لُقياك
اقول ليهم هي لسه معاي وانا الخليت زمان دُنياك
اخاف اشواقي تفضحني ويعرفو إني سِبت هواك
فراقِك جد صَبرتَ عليهو إللا غلبني بس انساك

غريبه الليله زي سنوات زمن ما كُنَّا نتلاقا
عيونِك شايله نفس الشوق وفاضت روحي اشواقها
غلبني اداري حُلمي عليك خُطاي إحساسي ليك ساقها
صَحي القالوهو قبلي الناس دروب الريده فرَّاقا
وصحي الفي الدنيا حظو جميل يوم الفرقه ما ضاقها

نسينا من الفرح باللقيه وسنين فُرقتنا بي لُومَه
وإتواعدنا نتلاقا ودروب للدمعه ما نحومها
وإتشوقت لي لقياك وإتمنيت إهِل يومها
ولما خلاص معادِك جا صِحَت اشواقي من نومها
انا إتأخرت بي ظروفي وحرام ترجيني مهمومه

[ناصر عمر دبيب]

عنواني في عيونك


اصلي قبلِك كنت مافي
غريق بحر من دون مرافي
إللا يوم ما شفتِك إنتِ في غفلة الزمن المجافي
بقيت احِس الكون سعيد..
اي يوم ألقاهو عيد..
الزمن لو لي إعيد..
إرجِّعني من بُعد المنافي

اصلي قبلِك كنت مافي ماعرفت الكون بدونِك
واللي بسأل عني مره إلقى عنواني فعيونِك
كل لوحه تقول إريدِك فيها من تأثير فنونِك
إنتِ غيرِك عمري ضايع انا اسير داخل سجونِك

الرزانه الإنتَ سيدها
والكلام غنوات تجيدها
المحبه دي لو تعيدها
أبقى حِكمه وشايلا ريدها

واصلي قبلِك كنت مافي
غريق بحر من دون مرافي
إللا يوم ما شفتِك إنتِ في غفلة الزمن المجافي
بقيت احِس الكون سعيد..
اي يوم ألقاهو عيد..
الزمن لو لي إعيد..
إرجِّعني من بُعد المنافي

[ناصر عمر دبيب]

الورد المِندي


يا الورد المِندي يافرح الجناين
ما قايل فراقنا بيبقى عليك هاين
يا القمر المسافر الراجيا الناس تعاين
حالي الإنت عارفو المابيغباك باين

زي ما الناس بتعرف جيت الخريف من الغمام
برضو الناس بتعرف ريدي لي غُنا وكلام

بتسأل عنَّا مالك ودا الجمال كيف بحالو
يالزول المسافر الشاغل الناس جمالو
ما هامَّاك غُربتنا يحن على حالنا مالو
الزول البَريدو بيجني عليا مالو
يالقمر البغيب من فرح محاقو
قاسي زمنَّا قاسي المن عينينا ساقو

زي ما الناس بتعرف جيت الخريف من الغمام
برضو الناس بتعرف ريدي لي غُنا وكلام

[ناصر عمر دبيب]

ام دُر أمان

بان على خدو الذهول ومخبي فيهو الوردِ اسرار نضرتو
ومن القمح دهب السنابل لونو وموفور نكهتو
إحنا إلتياعنا وفرحنا
زي إبتهاجنا وجُرحنا
في رحابك اصبح شي جميل
اصبح وطن في الغربه لامن نذكرو
بنقول كلام فيهو إلتياع وحنيه زي جرحاً ندي
نتذكر الخد الندي
ام دُر اصيـــــــــل
وام دُر مغارب في ضفاف ابروف علي الشخص الجميل
لما السكون إسكب جلالو على الأبد
تبقى البلــــــــــــــد
احـــــــدٌ..احــــــــد
لما الشمس تتعب وينعت في عيونها الإرتحال
وطن الشعر وشمبات والنخيل إزداد جمال
وتُزهر قوافل ريده في حُضن السواقي بُرتُقال او بُرتكان
ما اصلو يا بلد الحُنان البُرتقال في بُرتكان
يا ام دُر أمـــــــــــــــــــان

[ناصر عمر دبيب]

اللي شالت مني إيدها(موال)

اللي شالت مني إيدها
تسلم إيدها
وإسلم الفرح البيضحك في نشيدها

قالوا في الغربه إشتكت
من رسايل الشوق بكت
وبينَّا فاصـــــــل
بينَّا دربــــــــاً
لاهو لامي ولاهو واصل

اللي شالت مني إيدها
تسلم إيدها
وإسلم الفرح البيضحك في نشيدها

[ناصر عمر دبيب]

موال- آمنه


ياحبيبي انا بريدك ودون خاطري انا فُرِّقت
هايج بي غرام عن حالي خِلي سُرِقت
ياحبيبي لولا دموعي من ناري كنت حِرقت
ولو لا ناري من دموعي كنت غِرقت

وانا لو داير اقـــــــــول
ما عندي غير أوصِف واقول الكتير فوق آمنه
ولما الليل علي يطول ودموعنا الغزار ما يكُبَّن
بَوصِف واقول آمنه السمحه زي قَصَب الجروف الدابو لبَّن
وآمنه السمحه زي موية مطرنا جداولو كبَّن
عيون آمنه عيون جدياً دابو قرونو تبَّن
ودي آمنه وكت تمر تحلف تقول..دكان عطور..مِنو البنات نَهلن وعبَّن

طِريف آمنه ياناس برقاً ليلو جنَّ
ودي آمنه الشايله الطيبه راضعه الطيبه فوقها بساطة اهلنا
عاد ما كتير فوقي انا التعبان وبي ريد آمنه جنَّ
الرسول يا آمنه ما تضاري العيون ما سهام العيون القبيل كتَّلن

[ناصر عمر دبيب]

موال- ياجائر الحكم (فصحى)


ياجائرَ الحُكمِ أفديه بمَن عَدلا
افديتَ لي من أقاليل القلاعِ بَراً..
أرسَلنني في أحَاديثِِ الهَوى مَثلا
فلتقضي ماشئتَ من هَجرٍ ومِن صِلةٍ..
لا أقضِ ما عشتُ سُلواناً ولا مَللا
فليُغنِ كفَّك إنِّي بعضُ من مَلكك..
وليُغنِ طَرفك إنِّي بعضُ من قَتلا
وإن كان لي أملٌ إلا رضَاك..
فلا بُلِّغتُ يا أمَلي من دَهريَ الأملا
سأُحبُ أعدائي لأنَّك مِنهمُ
يا من يُصِحُّ بمقلتيه ويُسقِمُ
أصبحتَ تسخطني فأمنحك الرِضَى محضاً وتَظلمني فلا أتظلَّمُ
يا من تآلفَ ليلهُ ونهارهُ فالحُسنُ بينهما مُضيئٌ مُظلمُ
قد كان في شكوى الصبابةِ راحتٌ لو أنني أشكُو إلا من يرحمُ

[ناصر عمر دبيب]

ياذاتي


ياذاتي ياداخل الدواخل
غيمة الهجير الراحله في مد السواحل
ريدي اكبر من رحيلك رغمي دمعي الليكِ راحل
صدقيني البعدِ منك الموت بحالو ماهو سائل

انتِ يا الفُتي الزَّرِع زي قسوة النوى والخريف
زي دمعة الحرف المهاجر في وداع وتري الرهيف
ياومضة النور البشع في قدر نظري الكفيف
يارنة الفرح المجامل لما يكتر في جراحاتِ النزيف

ياذاتي ياداخل الدواخل وانتِ يا الساكنه الضمير
ضُل الهنا البحمينا يوم يرهق مشاعرنا الهجير
تبقى شوفتِك هي المُنى ورجعت خطاويك هي المصير
عزانا في غيابِك رجوعِك الفرحه بالزول الأمير

انت عودي..تبقي عودِي..رنة فرح طافت مغاوير الوتر
راجعه للجفن المسهَّد العانى من طول السهر
راحه للبال المكمل عمرو في درب السفر
زَرع الصبُر بُستان امل لكين وحاتِك ماصَبر

ياذاتي ياداخل الدواخل
غيمة الهجير الراحله في مد السواحل
ريدي اكبر من رحيلك رغمي دمعي الليكِ راحل
صدقيني البعدِ منك الموت بحالو ماهو سائل

[ناصر عمر دبيب]

مشغول وحياتِك

مشغول وحياتِك مشغول
بزرع بالشوق افراح وحقول
ببني ليك في القمر مسكن لابطولو حزن لاوشاية زول

بسرح معاك في جنه في إطار بستان بالريد مشتول
حلوه الأيام الجمعتنا نتمنى سنينها ديمه تطول
نفضل في ربيع دايماً اخضر لايزورو جفاف لاعمرو يزول
ونغني قصايد قصتنا ونحكي الريد الفي العين مشيول
وازرع بي فالك ياحلوه بي ريدِك بوادي حقول

مشغول وحياتِك مشغول

مشغول بحميك من عازلنا غيران بيك بالهم مكتول
بحميك من دنيا تعذبنا من قدراً غدار في الغد مجهول
عندي سلامتِك بالدنيا اكبر من وصفاً احكيهو بالقول
إحن الزرعنا مشاتل ريد وهواك في قليبي كمان مشتول

مشغول وحياتِك مشغول

وأداعي ليك ياعيون رنانه بتضحك لي
إمكن القاك وامكن في يوم حتغيبي علي
وإمكن اشرح انا حالي البي

مشغول وحياتِك مشغول
بزرع بالشوق افراح وحقول
ببني ليك في القمر مسكن لابطولو حزن لاوشاية زول

[ناصر عمر دبيب]

المعزه( أغنيه للوطن)


ايقاع حزين خطواتي لما افوت حدودك ياوطن
حفنة تراب من ارضك المكتوم عذاب فوق مساحات الزمن
عندي ما بتهون دقيقه وما بتقدَّر بي تمن

عزة ضرايحك وهي بتعانق في السحاب
طرَّتني في درب السفر المعزه الناسفه وشَّحت التراب
والدمعه في عيون الحبيبه الراجيه زول من بدري غاب

سامحني يانيلي الوحيد
يافرحة اطفال الفريق في كل لمه وكل عيد
يا الكل همك يجري دمك في المجاهل في البيادر في الوريد
أسقي شتله فاح شذاها يعانق احزان البعيد

وإشتهيتك يا بلدي في غمامه جايه منك ماشَّه ماسقت الصحاري
وجاني صوتك زي هدير الموج وقوقاي القماري
وا ضياع الفات مداينك إبكي شوقو ودمعو جاري

وإشتهيتك لما غابت نجومك في المدى الما ليهو حد
وبقيت انادي عليك وانادي..
واهتف بإسمك يابلادي..
من الفراغ ما جاني رد
يا المعزه العايشه فينا وساكنا في وجداننا جد

[ناصر عمر دبيب]

إتغربت



عشان عيونك انت إتغرَّبت وعشت بين الناس غريب
إمضي ليلي بلا نجوم..
وألمس النسمات سَموم..
خليتني باكي..باكي..علي اللي فاتني وما قريب

رغم إنو عيونو جافيه اقضِّي ليلي على خيالها
ابكي من جوايا ريدك وتكتب الدمعات مقاله
ليك وهبت العمري كلو اصلي مايوم قلت لا لا
انت الليله لي تبخل من وقتك بي رساله

انا البغازلك صوره صوره عشان بَدُورك
في خيالي اميره انتِ داخل سورها وفي قصوره
اميره دايما علي حنينه ولي غرامي هي الغَيوره
وفي غُربتي يوم تظلم الليالي تكون بِدورها وهي البَدورها

وبرضي راضي..راضي..راضي
راضي منك بالقليل
بعدت ليك في بلاد كل السنين مني بتشيل
فارقتا كل الكانو جمبي صديقي دمعي وكم بسيل
فارقتا ليك كل البوادي فارقتا يابا وفارقتا يُمَّا وفارقتا نيل
وبي هواك مرضان بهاتي مرَّات عليل وماعليل
في بلاد كل النوادي تهتف تقول يابلادي ومابشوف غيرك جميل
إللا ظرفي خاني قاسي وغير فراقَك مالقيت بديل
بعد ماكان إهل صباحي علي عيونك بقت بيناتنا إلف ميل
والعلي شافوه ظاهر بادي..بادي ماداير دليل
رغم إني بي هدفي عايش ورضيان بالقليل
فارقتا عزة بلادي لازمني إحساسَ الدخيل

عشان عيونك انت إتغرَّبت وعشت بين الناس غريب
إمضي ليلي بلا نجوم..
وألمس النسمات سَموم..
خليتني باكي..باكي..علي اللي فاتني وما قريب

[ناصر عمر دبيب]

يا معذبني



يا معذبني..يا معذبني
عذِّب قلبي وتسلم إيدك
انت زيد في هجرك انا اريدك
اشيلك بسمه..واغازلك نسمه..تعطِّر عيدك
برضي بريدك يا الخليت خلق الله عبيدك
يا معذبني..يا معذبني..

انا في الريد طال إنتطاري
يا الهالكني وبي ما داري
اخاف من همَّك دا الجاني وسكن داري
يا معذبني..يا معذبني..

يا معذبني..يا معذبني
عذِّب قلبي وتسلم إيدك
انت زيد في هجرك انا اريدك
اشيلك بسمه..واغازلك نسمه..تعطِّر عيدك
برضي بريدك يا الخليت خلق الله عبيدك

[ناصر عمر دبيب]

فَرضَ الحبيبُ دلالَه (فصحى)




فرضَ الحبيبُ دلاله وتمنَّع وأبى بغير عذابنا أن يَقنع
ما حيلتي وأنا المُكبَّلُ بالهوى ناديته فأصرَّ أن لا يسمعَ
وعجبتُ من قلبي يرقُ لظالمٍ ويُطيق رغم إبائه أن يخضعَ
فأجابني قلبي إن الهوى قدرٌ وليس بأمرنا أن يُرفعَ

فالظُلم في شرعِ الحِبيبِ عدالةٌ مهما جفى كنتُ الحبيبُ المُولعَ
وعجبتُ من صوته ودَلاله وإحتلتِ اللفتاتُ منهُ الأضلُعَ
فأجابني قلبي إن الهوى قدرٌ وليس بأمرنا أن يُرفعَ

والبدرُ من وجهِ الحبيبِ ضياؤُهُ والعطرُ من وَردِ الخُدود تضوَّعَ
والفجرُ يظهرُ من ضياءِ جبينه والشمسُ ذابت في الخُدودِ لتَسطعَ
فأجابني قلبي إن الهوى قدرٌ وليس بأمرنا أن يُرفعَ

فرضَ الحبيبُ دلاله وتمنَّع وأبى بغير عذابنا أن يَقنع
ما حيلتي وأنا المُكبَّلُ بالهوى ناديته فأصرَّ أن لا يسمعَ
وعجبتُ من قلبي يرقُ لظالمٍ ويُطيق رغم إبائه أن يخضعَ
فأجابني قلبي إن الهوى قدرٌ وليس بأمرنا أن يُرفعَ

[ناصر عمر دبيب]

موال- بس معقول


بس معقول وعد الفرح إبقى في القلب الرهيف غمامة عذاب وتحزِّنو
واخاف احيا علي امانك وغيرك البديهو منو
واخاف احيا على وعودك ابني إنتظارَك واسكنو
ما عشان عشانك غنن اناملي ولحَّنو
وانا خوفي كان من السَّهر الكنت فيهو بزرع عذابي وبدفنو
بس كنت دايرك تعتبر..
مهما الغمام شال المطر..
عَدم الرياح ما بسجِنو

[ناصر عمر دبيب]

موال- هتفَ النسيمُ (فصحى)




هتف النسيمُ وقال إنَّك في الطريق
رئتاي صفقتا كأجنحَةِ الحَمام
وتناثرت كلُّ الرُؤى عند مُدَّخَلِ المُقام
بشرتني أن لا أبوح
فتألقت قمَمُ السُفوح
ودوى صوتٌ تضاوي المؤوج
وتناثرت خُرطُ العروج
عفواً إذا شوقاً دخلتُ إليكَ من بابِ الخُروج

[ناصر عمر دبيب]

دَعني أُغنِّي (فصحى)



دَعني أُغنِّي..دَعني أُغنِّي
يا حبيبي حَطِّم الصَمت وغنِّي
واكسِر القيدَ عنِّي
ليَطربَ العودُ وتنتشي الأوتار منِّي
دَعني أُغنِّي..دَعني أُغنِّي

أودِعِ القيثاره سِري وكلَّ شيئٍ كان
انَّما القيثارُ للحُبِ مَكان
وللأوتارِ عمراً لا يعرِفُ النسيَان
وللألحان صَداً في رحلةِ الإنسان
دَعني أُغنِّي..دَعني أُغنِّي

مُرهَفُ الحِسِّ مكتومُ الشُجُون
نابضُ الحرفِ ذو وترٍ حَنون
يسكنُ الليلِ يَعشقُ في سُكون
دعني أغني فغداً أكون أو لا أكون

[ناصر عمر دبيب]

عزيزه علي



عزيزه علي..وزي عيني
في بعدِك تموت الفرحه والأوتار
ويوم ساكت تقابلينا تضوي البهجه مليون دار
وانا الرياد شراعي يطير ويعبر للمحبه بحار
اغوص فيها..
واتوه فيها..
اجيب شلال كلامي الحار
اقول وصفـِــــــــــك..
وانا بعرفـِــــــــــــك..
صوره جميله ما حددتي ساعه إطار
فُتي زمان لقيتينا نقدم ليكي في الأعذار
ونرمي اللوم على نفوسنا عشان طيفِك غِشانا وطار
شال من روحنا ترحابها..
وبدَّل حالتها وسابها..
لي زمناً عنيد غدار
وفي آخر كلامي بقول عزيزه علي..وزي عيني

[ناصر عمر دبيب]

الريد واللطافه



عشان الريد واللطافه
استحملنا كتير وقدَّرنا
شايلين عذاب مافترنا
لي ريدنا منانا وعمُرنا
لي الجمال الكمل صبُرنا
لي العالي وكبير ما قدُرنا
لي حبيبنا ربيعنا وقمرنا

اشكيك لي مين ياليالي
يا الفيك ريدي وإنشغالي
انا بريدو وليَّا سالي
الهالكنا وما ببالي

ايام الشوق فرَّقتنا
الحبيبه الفاتت نستنا
في البُعاد الطال ما طرتنا
ما نزلت دموعها وبكتنا

اشوفك متين ياحبيبي
يا ألمي ودوايا وطبيبي

ياحليل ايامنا وهنانا
والعُشره الروَّح زمانا
الحنيِّن الروَّح نسانا
ويافلانه قلوبنا الحَزانا

[ناصر عمر دبيب]

دايماً بقولو الناس



دايماً بقولو الناس الفينا وما فيها
قالوا ليك عني بريد عيون غيرك..
قالوا لي عنَّك بعيد وناسيها
لو مره حاولت تسمع كلام الناس..
هدمت آمالنا وحطمت ماضيها

ما كنت متصوِّر إنك حتهجُرني
تسيبني للأيام تقسَى وتودِّرني
طيفَك مع الأيام ياغالي سهَّرني
و وينو الصبر يا ناس إمكن إصبرني

دايماً بقولو الناس الفينا وما فيها
قالوا ليك عني بريد عيون غيرك..
قالوا لي عنَّك بعيد وناسيها
لو مره حاولت تسمع كلام الناس..
هدمت آمالنا وحطمت ماضيها

[ناصر عمر دبيب]

عشنا وشفنا



عشنا وشفنا فيك يا دنيا وطُقنا شقاكِ يا أيام
نعيمك اصلو ما دايم وقلنا عليكِ الف سلام

زمان ما كنا ليك احباب..
كان بالفرحه بتجينا
بقينا الليله زي اغراب..
كأنِّك ما بتعرفينا

وما بنفع كلام ياريت ما برجعنا ما بعيدنا
يوم فارقنا دنياكِ كتبنا الفرقه بي إيدنا
ريدِك سبنا لي غيرنا
عشان خاطر عيون ريدنا
ما تفتكري ما عارفين عيونِك لسه بتريدنا

أنسي زمــــان..
وريدي زمــــان..
محبتنا ولياليها
إحن الطيبه في عمرنا بنحياها ونعيش ليها
خلي الذكرى في عيوني شيلي الدنيا بالفيها

عشنا وشُفنا فيك يا دنيا وطقنا شقاكِ يا أيام
نعيمِك اصلو ما دايم وقلنا عليكِ الف سلام

[ناصر عمر دبيب]

يا البقيت جافي



يا البقيت جافي للخوه وللوداد ما بتقدِّر
صدقني ياغالي ما كل الشتيلات الفي بيتنا ماعادت تخدِّر
والقمر غاب قبل ليلات محاقو ابا ينوِّر
ما خنت كل العواطف يا الجافي يا البعيد يالمقصِّر

ما قلت لي يا قليبي الدنيا ما بتستحق نعيشها بي خيرها وشبابها
سحابه مارَّه تضُم سحابه
نعيشها إن طال عمرنا او قصر رغم آلامها وعذابها

يا البقيت جافي للخوه وللوداد ما بتقدِّر
صدقني ياغالي ما كل الشتيلات الفي بيتنا ماعادت تخدِّر
والقمر غاب قبل ليلات محاقو ابا ينوِّر
ما خنت كل العواطف يا الجافي يا البعيد يالمقصِّر

[ناصر عمر دبيب]

وصوني ليك


وصوني ليك كل الزهور الشايله منك روعة اللون والإثاره
والقماري الراجعه في ضل الضحى لي سُهاره ولي ديارا

وصوني ابقى عشره على الأميره
واحلامها الكبيره
واكتب دوام انا في الوسامه..
وادعو يا الله السلامه..
ما تبقى دي الرحله الأخيره
وصوني اكتب في عيونها..
وفي كلامها..
وفي إبتساماتها المثيره

وصوني اسكن عيونها واقول الكتير في عمرِ ايامها وربيعو
احسِّك يا ربيعي حتى لو الأيام إضيعو

وصوني ليك كل الزهور الشايله منك روعة اللون والإثاره
والقماري الراجعه في ضل الضحى لي سُهاره ولي ديارا

[ناصر عمر دبيب]

لو كنتَ انتَ انا



لو كنتَ انتَ انا.. كنت مره شعرت بي
كنت شلت الإبتسامه جيت كحَّلت عيني
لميت الحبايب..
وكلمت اللي غايب..
إطل دار الهنا
لو كنت انت انا..

انا ياسيدي عُمري من بدري وزمان
عايش للمحبه بتقسم حنان
وانا ياسيدي طيبه..
شاعر روح حبيبه..
والأفراح بجيبه..
كان يوم كان سنه
لو كنت انت انا..

لو كنت انت انا.. كنت انت بنيت امل
امل بعيش عليهو كل ساير اضناهو دربو وما وصل
امل بيحدو كل ضايع لو جمرو إشتعل
امل بخليك تشوف احزان الناس من حزنك اقل
امل بشيل من طريقك سأم سنين كل الملل
لو كنت انت انا..

لو كنتَ انتَ انا.. كنت مره شعرت بي
كنت شلت الإبتسامه جيت كحَّلت عيني
لميت الحبايب..
وكلمت اللي غايب..
إطل دار الهنا
لو كنت انت انا..

[ناصر عمر دبيب]

بعد ما انتِ فتِّيني



بعد ما انتِ فتِّيني فرح الدنيا طللا وفات
وشلتي معاك قليب مسكين والأفراح مشت ما جات
ياريت لو انتِ ماجيتي وعِشقنا عُيونِك الحِلوات

وَكِت ما قلنا نتوادع بكينا وقلنا ما حَقُّو
قلوبنا الببنو في الإيمان إرجعو تاني إتفرقو
وتظلُمي انتِ يا دنيا وكتير من ظُلمك الغِرقو
عاشو معاكِ رضيانين إزرعو في الخيال وإسقو

قَدَر اصلاً مَسطَّر لي تجيني في يوم وتغيبي شهور
ونفرح إحنا بي جيتِك ونبني من المحنَّه قصور
ولمَّا يحين معاد سفرك نحس بالخاطر المكسور
ما اصلو الدنيا يا غاليه تشتت فينا زي ما تدور

لكين باكر حنتلاقى..ويضُمَّني شوقِك الفرحان
شوقي الإنتِ بتحسيهو فرح في خدِّك الخجلان
نقول يا صُدفه ما تفُرقينا نرجع للعذاب الكان
ونتعانق وفــا وإخلاص واغني لي طرفك النعسان

وبعد ما انتِ فتِّيني فرح الدنيا طللا وفات
وشلتي معاك قليب مسكين والأفراح مشت ما جات
ياريت لو انتِ ماجيتي وعِشقنا عُيونِك الحِلوات

[ناصر عمر دبيب]

حبيبي تعال



حبيبي تعال..حبيبي تعال
دريبي صَعيب والزمن وحَّال

الهموم بتزيد..يوم إفوت العيد
الصباح مكتول ماغِشاهو النور
اصلو نورو معاك في خدود بلور
لو الصبر جاني ياني برجا شهور
لو الدموع سالت اصبِّر المجبور
البقضي ليلو حزين في هواك غيور
ماعشق غيرك وانت غيرو كمان وحاتو ما بتدور
السماح طبعك لو خَفيتو شهور
تاني ترجع لي..
برضو تبسم لي..
لي لقاي تــــدُور
زي كنار مــــغرور
ما اظن تقســــى..
للوداد تنســــى..
ياحبيب قلبي يا بعيد السور

كان قســـــــيت
ما جــــــــيت
بالموده ابــــــيت
اصلو ما تفكر نغنِّي نكتب بيت
ماهواك ريــــدي..
حبي ياسيــــدي..
وبيهو كم غـنيت

وانت انت تعال..يا حبيبي تعال
دريبي صَعيب والزمن وحَّال

[ناصر عمر دبيب]

تجيني تتظلم




برضو تجيني تتظلم بعد ضيعت عمري معاك
تتندم على الفات تتحسر على لقياك
زمن بمضي..
وسنين بتمــر..
محال الليله تبقى حنينه زي يوم داك

كتير ياغالي اشواقي بتفوت من دنيتي وتابا
اقول انساك ياغالي وابعد من دنيتي سرابها
القى ايامي زايده تطول شايله لي قلبي في عذابها
الاقيك انت ناسيني وظالم وريدتي يادابها

منو الغيرنا بجيب ليك الفرح كلو
ومنو الغيرك بنقضي الليل على سيرتو لا بننساه لا نملو
وانا كان عرفت الريد وتاه قلبي فيك دِلِّو

وبرضو تجيني تتظلم بعد ضيعت عمري معاك
تتندم على الفات تتحسر على لقياك
زمن بمضي..
وسنين بتمــر..
محال الليله تبقى حنينه زي يوم داك

[ناصر عمر دبيب]

مازمان بتقول عيونك



مازمان بتقول عيونك ريدها مكتوب كلو لياَّ
قلت ليك قلل حنانك لمَّا شوفتو كتير عليَّا
قصدي دي الأحزان تخلي من فرحنا فرح شويَّه
عارف الأيام صباحه تاني نرجع للأسيَّه

انا ياغمام ما كنت قايلك جناتي يوم بتفارقا
وتضيع معاك ايام سنيني ما اتهنَّا جمبك بي اللقا
إخترت نسيان الي فات وقليبي من قلبك شِقا
حتى كلام عيونك في عيونك ما بِقى

العيون سألتني منك لمَّا حست بي وحيد
طاريه زمن الريده بدري لمَّا كان الريد اكيد
بقيت افتش على خيال بيهو اتخيل واريد
وبيهو ارحل من عوالمي لي عوالم شوق جديد

مازمان بتقول عيونك ريدها مكتوب كلو لياَّ
قلت ليك قلل حنانك لمَّا شوفتو كتير عليَّا
قصدي دي الأحزان تخلي من فرحنا فرح شويَّه
عارف الأيام صباحه تاني نرجع للأسيَّه

[ناصر عمر دبيب]

وجهك



وجهك الما غاب دقيقه بي تفاصيلو الرقيقه
مسحت الأسى والحقيقه
وكان معاي..في ليل شقاي

يا ملاذ كل المهاجرين من عيونك للضياع
كان امل كل المسافرين لي ربوعك دمعه في منديل وداع
لاعرف حزن المتاها ولاهو املاً مني ضاع

في مخاب زمني العبوس الأصلو ما انجب مثيلك
الشتت العارفين ودادك ديمه حافظين لي جميلك
ما كنتِ طفله جميله يانعه والزمن حير دليلك
ياما مجدافي الحزين شاف لُجج يوم جافى نيلك
العواصف حاصرتني لأني دايماً بشتكيلك

وكان معاي..في ليل شقاي

[ناصر عمر دبيب]

ضل ضفايرك



كنت غايب وضل ضفايرك هجعتي وراحت رؤاي
وكم تعب في الغربه وتري وردد الشقى في غناي
احلامي ما كانت ضفاف في الغربه تزهر في صباي
ولامره درب الشوق بِعد طاريك صباحاتي ومساي

ظلمو الحروف المشرقه لو قالو فيك ما صغتها
لو اي سكه للفرح في الغربه بعدك شفتها
إبقى الكلام القالو ليك ظلم الحقيقه العشتها
لو ريدك إتبدل خصام انا ريدي ابداً ما إنتهى

النجمه في كبد السما شوفيها كيف حاضنه المدى
والزهره في حضن الربيع احلامها بس قطرة ندى
وحيات غناي القلتو فيك ونسجتو من رجع الصدى
انا عشت بي حبك سنين اتلو محاسنك ارددها
لو قالو ليك انا ريدي ضاع تلقيهو يادووب إبتدا

وكنت غايب وضل ضفايرك هجعتي وراحت رؤاي
وكم تعب في الغربه وتري وردد الشقى في غناي
احلامي ما كانت ضفاف في الغربه تزهر في صباي
ولامره درب الشوق بِعد طاريك صباحاتي ومساي

[ناصر عمر دبيب]

الغناوي
كلمات والحان هاشم ميرغني



بكره راجع للغناوي..للحكاوي..للحروف الليك بتحكي
عن معاناتي في بعادك وكيف وراك لي الليل بنشكي
صدقني من شوقي ليك لاعرفت افرح وللا ابكي

لاعرفت اكتبو كالزمن لمَّا إرجع إجيب فراقو
ولاعرفت اكتبو كالزمن لمَّا بيهو الناس بلاقو
وللا افرح لي قليبي بي رجوعك لإشتياقو
اصلك الزول الحسدني عليهو زمن الفرقه ساقو

جايينا يالغيم البفرِّح كلِّ زرعاً في انتظارو
انت يا الشايل رزازك في الرسايل اللينا زارو
انت يا الحرف المنوِّر الدموع بي وراك سارو
انت يا بهجة قليبي في البعاد المُر ودارو
انت يا الزول المسافر العمر ضاع في انتظارو
اصلي ما الزول البريدك زول بيطفي بي دمعر نارو

وبكره راجع للغناوي..للحكاوي..للحروف الليك بتحكي
عن معاناتي في بعادك وكيف وراك لي الليل بنشكي
صدقني من شوقي ليك لاعرفت افرح وللا ابكي

[ناصر عمر دبيب]

كان زمان

انت كنت وكان زمان
إتلاشت صور الحبيبه



والسنين الباسمه راحت صدقني ما بقدر اجيبه
ضاع معاك كل الأمل بعدو الأماني بقت صعيبه
لا لقيتني قادر احتمل لا لقيتك الفرحه القريبه

وإتكسر المجداف حزين والريح بكت فوق الشراع
نزلت دموعي تبلِّلُو لما الحلم من عيني ضاع
ما كنت قايلك زي سراب بي موجو بسقيني الخداع
داير افوتك وارتحل لازاد معايا ولامتاع

وينو سهري العشتو فيك ما كنت اسعد من معاك
وريتني اكتب في الألم واتوسد الأسى والهلاك
فتش علي تلقاني فيك إللا قلبي الما لقاك
تنساني زي ما ردتني وما عاش وراك قلباً نساك

[ناصر عمر دبيب]

قدُر فتشت



قدُر فتَّشت ما لقيت لي شبه ساكت مقارب ليك
اتاريك بي قساوتك ديك
حَنان الدنيا كُلها فيك

اقول للناس نسيت ريدك ولا شاغلاني ذكراكِ
افتش دنيا غير دنياك ألاقي الدنيا دنياكِ
وعلى الدرب المشيناه زمان لسه خطايا راجياكِ
تكوني نسيتي كل الكان اريتني قِدرتَ انساكِ

وصدقي في بعادِك لي درب للفرحه ما لاقيت
لا دوبني بعدِك ريد ولا لعيون حُنان غنيت
قُلت وراكِ حأفرح يوم ياما كتير وراك شقيت
بعد لميت خطاي منك شنو الخلاني هسه جيت

وبعدِك كيف إكون حالي لمَّا يجيبو سيرتِك لي
مره بَلُوم زمن غدار ومرَّه اللوم بجيبو عَلي
بس ياريت الزمان إقبل تاني لي دنياكِ إرجع بي
منو القال ليك نسيت ريدِك ما ريدِك شايلو في عيني

قدُر فتَّشت ما لقيت لي شبه ساكت مقارب ليك
اتاريك بي قساوتك ديك
حَنان الدنيا كُلها فيك

[ناصر عمر دبيب]

كلمات وألحان هاشم ميرغني

وبقيت بتلوم


وبقيت بتلوم عاشقاً بيك شَقي ومهموم
إغنِّي عليك تراتيلو إغفِر ذنبَك وهو المظلوم

اغالط نفسي واقول دا خصام
وخصام الريد ما بدوم ايام
حِن على قلبي من الآلام
يا الرايدنك وكم فاقدنك وما بتتلام

يا أرقَّ صباح في العيد بنصابحو
تآسي في زولاً وانتَ الجارحو
دمع العين السايل فاضحو
عشان غناكَ حَقو تسامحو

بلقاك في عيوني ربيع وتشرقي في عيوني صباح
بلقاك مهما طال ليلي وتشرقي في عيوني صباح
بلقاك طلَّه في ليلي وتشرقي في عيوني صباح
بلقاك في الربيع نسمات وتلبسي من قصايدي وشاح
بلقاك مهما تجفيني وتغيبي علي بالأفراح
بلقاك مهما تجفيني وتنسي معاك ِعمري الراح
وبلقاك كلمه في خاطري أغنيها ووراك ارتاح

وبقيت بتلوم عاشقاً بيك شَقي ومهموم
إغنِّي عليك تراتيلو إغفر ذنبَك وهو المظلوم

[ناصر عمر دبيب]

نسايا عيونِك


نسايا عيونِك نسايا
ديل ساقنِّك ورحلَن بيك قصدن ازايا

يا الماحنيتي على سهري ويا الشلتي دموع عيني وصايا
انا اكتب فيك اجمل شعري اكتب في عيون اجمل آيه
لو ما الأيام الخانتني البلد السايقو في ورايا
خانتني الدنيا وراكِ بقيت ابكي المي واسايا

نسايا عيونِك نسايا
ديل ساقنِّك ورحلَن بيك قصدن ازايا

[ناصر عمر دبيب]

كلمات والحان هاشم ميرغني
موال-جنيت



ما تصدقيهم لو قالوا ليك جنيت
ما انا بعدك ما عندي عقلاً بيهو أجِن
جنيت..جنيت..جنيت
ما تصدقيهم لو قالوا ليك درويش ومِودِّر اسمو في فقدِك بإن
إكتب قصايدك ليلو كلو إكتب حروفك وإندفن
جنيت..جنيت..جنيت
وجيتي تسأليني شن سويت
انا ما طوَّعتو حَرفِك وبي جفاك غنيت
عزفت هواك شراع مكسور وشهَّقت انفاس الغرَق دوبيت
جنيت..جنيت..جنيت
رسيت ليك من غير مراسي وشط لاخُفتَ غضب الموج ولا إضَّاريت
بس خفتَ العمر يمشي وابقى مرسيَّه لي زولاً صِبح ياريت
انا طول عمري كنت ليكِ نعم وما عِرفتَ ابيت
جنيت..جنيت..جنيت

[ناصر عمر دبيب]

كلمات والحان هاشم ميرغني
كنوز الدنيا




لو كنوز الدنيا راحت صدقيني روحتها ما بتأثِّر
انا إشتريت بيك عُمري كلو ما في غير فقدِك بخسِّر
لو عجزت النظرات تعبِّر خلي الغُنا البكَّاي يفسِّر
ولو وهبتِك عُمري كلو تلقيني في ريدِك مقصِّر

اصلي من شفتِك وحاتك ناوي ابنيلك خميله
لي جمال ما شفنا زيو لي عيون نادره وكحيله
خوفي تبقي زي ندرة عيونك بالوداد دايماً بخيله
تنسجي الأزهار عقودِك وتبقى شوفتِك مُستحيله

الغنيوه الحلوه ضاعت والحروف بِصعَب اقولها
ما كنتِ في عيني نجمه في سماها بَعيد وصولها
بقيتي في عيني دمعه لي سواكِ صَعب نزولها
العيون ما شايفه غيرِك كفيفه لمَّا إفوتها زولها

لو كنوز الدنيا راحت صدقيني روحتها ما بتأثِّر
انا إشتريت بيك عُمري كلو ما في غير فقدِك بخسِّر
لو عجزت النظرات تعبِّر خلي الغُنا البكَّاي يفسِّر
ولو وهبتِك عُمري كلو تلقيني في ريدِك مقصِّر

[ناصر عمر دبيب]

كم في الدنيا زيك




عندي كم في الدنيا زيك لما تزعلي مني انتي
انتي جرحي الما بيبره حتى لو من عيني غبتي

قلبي قبلك ما اظنو لحظه من ايامي عاشها
بي عيون الدمعه بصبح وينسى راحل زي فراشه
يوم رضيتي علي وجيتي طللا فوق عيني دعاشه
بيكِ عيَّد قلبي دابو غيمة الريد جاتني راشَّه

لما ارحل بي خطايا قلبي ما برحل معايا
اصلي بس خليتو ليكِ إبقى عَشره عليك ورايا
وعيني عاد كان شفتي بعدِك ما بتوالِف غير بكايا
اصلي في ريدك غرقت وناوي اغرق للنهايه

يا سلام لو شفتي حالي يوم تجيني رساله منِّك
بنسى ظلم الدنيا كلو ولي حروفك احكي عنِّك
ما عندي هم في الدنيا غيرك لو وحاتك زدتي حنِّك
عندي كم في الدنيا زيك لما تزعلي وللا إزعل قلبي منِّك

عندي كم في الدنيا زيك لما تزعلي مني انتي
انتي جرحي الما بيبره حتى لو من عيني غبتي

[ناصر عمر دبيب]

كلمات والحان هاشم ميرغني
الشقى الفي دربك




حتى إنتِ الزمن غشاك وخنتِ
ياحليل ايام عيونك كانو وافين زي ما كنتِ

والبعذب في الحقيقه إني ما قصرت ليكِ
كنت بي قسوة ظروفي امشي في الأشواك واجيكِ
بي فرح بستننا جيتك وابكي دم ساعة مشيكِ
وبعد طول الإلفه كلو تاني جيت اتغش فيكِ

والشقى الفي دربك انتِ كنت برضو بحسو راحه
والسنين الضاعو مني كنت رضيان بي رواحه
إلا هسه خلاص عرفتك والعيون شافت صباحا
مهما اشتاق لي عيونِك ما بفكر في سماحها

حتى إنتِ الزمن غشاك وخنتِ
ياحليل ايام عيونك كانو وافين زي ما كنتِ

[ناصر عمر دبيب]

كلمات وألحان هاشم ميرغني
ما بتمش


داير تفوت لي وين تمش ما بتمش
ما شلناك في الضلوع غطيناك بالرمش
حرمت عيني المنام..
كحلت جفني بالغرام..
ولا مره يوم شفتا الشمش
ما بتمش..

البحر بعدك بجف
والزرع حزنان نشف
اخاف تغرق في عيني ياجميل..
لمَّا تبكيك بدموع فراقك تنسرف
وانسى الغنا وما يرف طرف
والعلي ماينعرف
ما بتمش..

المحنه الفي القلوب
ما قفلت كل الدروب
يا الهواك في قدري مكتوب
لا بنساك لا بتفوت لا بتوب
ما بتمش..

داير تفوت لي وين تمش ما بتمش
ما شلناك في الضلوع غطيناك بالرمش
حرمت عيني المنام..
كحلت جفني بالغرام..
ولا مره يوم شفتا الشمش
ما بتمش..

[ناصر عمر دبيب]

ماخلاص




ماخلاص إحنا إفترقنا وروحت ريدتي البريدها
قسمه غايتو اعيش بدونها لابإيدي ولابإيدها

يازمن ما بتنسى اصلك حالتي قايلك إنتَ ناسي
لا بتجيب الفرحه عُمرك لامره هونت القواسي
لمَّا عشتا عيون جميله وفيها رسِّيت المراسي
جيت تبكي الفرحه فيني زي شموع باكيه الاماسي

ولمَّا نحنا بدينا ريدنا اصلو ما قايلين بنشقى
كننا قايلين قدري نيتو كلو زول في الدنيا بلقى
تاري لمَّا دروبنا لمَّت لينا كانت خاته فرقه
واصلو ما قايلين حنانك يازمن بنشيلو حرقه

ابكي ياعيني فراقها دمعه ما تخليها فيكِ
والزمان الشالها منك تاني شن خلاهو ليكِ
ابكي عيشي الدنيا آها في السعاده ولاعليكِ
ياحليلك وانتِ ضايعه وياحليلو البشتهيكِ

وماخلاص إحنا إفترقنا وروحت ريدتي البريدها
قسمه غايتو اعيش بدونها لابإيدي ولابإيدها

[ناصر عمر دبيب]

افوت عينيك



افوت عينيك اقبل ووين
واسيبك إنت بس لي مين
مجبور غايتو بتحمل عشان خاطرك واضحي سنين

اغيب ياحلوه عن دنياك اعيش في الدمعه والآها
اباري وراك خطاوي الشوق احس بالدنيا تواها
اعود للناس وافراحم عشان احزاني انساها
الاقي الناس غريبه علي والاقي الدنيا ما ياها

ليل الفرقه لما يطل ببين ياحلوه زي حولين
ادوب في الذكرى والأشواق اعيش الصبر بي صبرين
عزاي دمعة مسافر ليل إحلم بي لقى الغايبين
حنانك يازمن طاوعنا وكفايه نعيش وراك تايهين

خلاص انا برضى بي بعدك مدام ما اصلو مقسوم لي
إلا بخاف على عيونك تصبح يوم غريبه علي
لما اعود وما القاك شايل قلبي بين إيدي
بسلِّم امري للأيام اموت والدمعه في عيني

افوت عينيك اقبل ووين
واسيبك إنت بس لي مين
مجبور غايتو بتحمل عشان خاطرك واضحي سنين

[ناصر عمر دبيب]

ألمي كلو




كلو عشانك إنت
وسهري كلو عشانك إنت

تبريح الزمن طال بي..
صحاني من حلماً معاك يطول
اريتو يطول معاهو عمري..
اقضيهو اغني ليك واقول
واحكي ليك عن الحكاوي كتير..
وكيف بقت الغناوي رسول
تمش من داري شايله الشوق..
وتحلم بي كلام معسول
تعود بيهو لي انا الصابر..
وبي قسوة جفاك مكتول

يا احلى الناس امام نظري
انا بكتم في وانحي الشوق..
واهواك وإنت ما بتدري
ولو خاطرك تجافيني..
ببقى جفاك لي قدري
وبلقاك حتى في نومي..
وللا آخر مره في عمري

وألمي كلو عشانك إنت
وسهري كلو عشانك إنت

[ناصر عمر دبيب]

كلمات والحان هاشم ميرغني
عزيز ياعزيز



يا عزيز ياعزيز وين ما هنت
والله قاسي الزمن الشالك إنت

ياعزيز لو تدري العلينا
دمعاتنا جاريه بعينينا
إنت لو فاكرنا بننسى..
إنت زولنا وإنت فينا
تشرق الازهار يوم تجينا
وياعزيز ضحكاتك حنينه

ياعزيز انا ساهر ليالي
ذكراك دايماً في بالي
يالجميل الساكن خيالي
هالكنا وما بتبالي

ياعزيز الغربه ودموعها
وإنت يا أنوارها وشموعها
شوف قلوبنا كيفن ولوعها
إنت ربك يكتب رجوعها

ويا عزيز ياعزيز وين ما هنت
والله قاسي الزمن الشالك إنت

[ناصر عمر دبيب]

كلمات والحان هاشم ميرغني
وريني كيف



حبيبي إنت الليل
سهرو....
قمرو....
سمرو.... ونجومو
وإنت الخير
سحابو....
مطرو.... وغيومو
لما خصلك....
في أديم خدك إعومو
وريني كيف....
كنت داير الناس إنومو

حبيبي....
أنا وإنت وعقاب الليل
جاييك....
بي هماً إهد الحيل
من زمن....
ما برحم وراني مر الويل
خلاك لابقيت....
الزول الرادني زمان
ولا أنا بقيت....
الزول العرفتو قبيل

وحبيبي إنت الليل
سهرو....
قمرو....
سمرو.... ونجومو
وإنت الخير
سحابو....
مطرو.... وغيومو
لما خصلك....
في أديم خدك إعومو
وريني كيف....
كنت داير الناس إنومو

[ناصر عمر دبيب]

تناسيتِ العُهود



َ
تناسيتِ العُهودَ وخُنتِ حُبي ولَم تَترفقي أبَداً بقَلبي
وأغرَاكِ السَرابُ فَطِرتِ نَشوى لآفَاقِِِ السَرَابِ بغيرِ لبِ
وكنتُ أخالُ قلبكِ إن دَعاهُ سِوَى دَاعِي حَبيبكِ لايُلَبِ
فمَالكِ والحَنينُ إلا سواهُ كأنكِ لم تَكوني أَمسَ قُربي
وكَانَ الوَكَرُ جَنتنا وكُنا بِه طِفلينِ في نَزَفٍ ولَعِبِ
تَحجبنا سَتائرهُ فنلهو ونشرَبُ للغَرامِ ألذَ نَخبِ

و وللا هَكذا عَامَان كَانَا كَحُلُمٍ في لَيَالي الصَيفِ عَذبِ
فما صَدقتُ ما قيلَ وقُلتُ بأَن ذالكَ مَحضَ رَيبِ
وأنكرتُ الهَواجِسَ من ظُنوني إلا أن رأيتكُما مَعاً جَنباً لجَنبِ
فما صَدقتُ عَينَي وخَانتني قوايَ وضاقَ رَحبي
إذا انسَدلَ الظَلامُ يَطُولُ سُهدي وأن طَلعَ الصباحُ يضِلُ رَكبي
وقَد بَلغَت حِكَايتُنَا مَداهَا وقََد كُشِفَ المُخَبَؤُ والمُخَبي

وهَا قَد جئتِ ما أرسَلتِ دَمعاً ولا أقرَرتِ شاعِرةً بذَنبِ
فكيفَ تأملينَ لديَ صَفحاً كَيفَ وسَهمكُ الدَامي بجَنبي
كوني مِثلمَا تَبغِينَ ولكني أَعِيذُكِ مِن مُفاجَأَةِ المَهبِ
عُودي غَيرَ آسفةً إليه ولاتخشِني وإن أفظعكِ حَربي
وتيهي في ظَلامَكِ واحتَسيها كُؤوسَ نَدَامَةٍ بمَرِيرِ شُربِ
إليكِ إليكِ لست فتاً لعُوباً ولستُ إلا سِواكِ بمشرئبِ
ومَا قد فاتَ ليسَ يعودُ يوماً وجُرحي غيرَ مُندَمِلٍ بطِبِ
وحَسبي مِن غَرَامي ذِكرَياتٍ فَنَهري لَيسَ يَرجِعُ للمصبِ

[ناصر عمر دبيب]

كلمات والحان هاشم ميرغني
عيني أبن إتعلمن





صدقيني من كتر العلي اوتاري فيك إتكلمن
نسجن حروف شعرك غنا إشتاقو ليك وإتألمن
علمتي عينيك تنسى ريدها وعيني أبن إتعلمن

ما إتعلمن إمشن بعيد
لا يشوفو غير عينيكي عيد
سارحات مع الزمن العنيد
وانا في الفراق ما ليا إيد

ما إتعلمن منك جفى
لا شكن لا مره قالن لي كفى
باقيات على الريد والوفى
مهما الزمن جار نزفها

ما إتعلمن إنسن حبيبن
مهما الزمن بالهم يصيبن
انا عيني قراب دايماً عليك
في المنام دايماً بجيبن
وبقبل عذابك لو العذاب كان من نصيبن

وصدقيني من كتر العلي اوتاري فيك إتكلمن
نسجن حروف شعرك غنا إشتاقو ليك وإتألمن
علمتي عينيك تنسى ريدها وعيني أبن إتعلمن

[ناصر عمر دبيب]

كلمات والحان هاشم ميرغني
جيتك رجيتك


جيتك رجيتك كنت مستنيكي بي فارغ الصبر
شلتا الفرح لملمتو من زمناً عصر
قايل الخطاوي بتجيب سعاده تطفي نيران الجمر

وكان كلو دقه بعيشها في قليبي إغتراب
زي الغريب من اهلو لامن نجمو غاب
هلت عليهو كل الدموع عايش بسطر في العذاب
لا لاقي في الناس المحنه ولا من غرام في الدنيا تاب

انا كنت قايل إنتظاري بفرح عيونك ياجميله
إهون عليكي ومنك الآلام إزيلا
لم طال الإنتظار وعشت كلماتي القليله
رجعت زي ما كنت تاني ألملم الآلام واشيلا

وبرضي مامصدق حكايتي إمكن ظروفي قست عليا
لا الزمن فرحني مره لاجفت الدمعه في عينيا
اصلو الزمن من طبعو قاسي خطوه خطوه بعدتي ليا
لاني قادر اقول خلاص بدلتي ريدك بالأسيه
ولاني قادر اقول بترجع وإبقى فرحي مصيرو جيه

وجيتك رجيتك كنت مستنيكي بي فارغ الصبر
شلتا الفرح لملمتو من زمناً عصر
قايل الخطاوي بتجيب سعاده تطفي نيران الجمر

[ناصر عمر دبيب]

كلمات والحان هاشم ميرغني
ياقطعه من قلبي



يا الما علمتي قلبي وراك كيف إبقى زي الناس صبور
ما علمتي إتيقن وراك لو الغياب طال بيهو شهور
وكيف إبقى في الأمواج وراك وشراعو مكسور
ياقطعه من قلبي ومفارقه وعلى فراقك قلبي مجبور

وانشاءالله ما نعيش الشتات وقلوبنا تاني نفرقا
وانشاءالله الله يخلي لي نفس العيون وعيوني فيها يغرقا
لا يجور زمن ترحل عيوناً ردتها زي عيوني وبعشقا

من نويتي تفوت خطاك خطوي إتعثر وقف
حسيت بي بعدك وانا معاك واظنو فقدك بي وراك ما بتوصف
اوتاري صمتت في حزن والحروف حيرانا زيي بترتجف
لا الصباح ببقى الصباح لا إسمنا ولا الهويه بتنعرف

ويا الماعلمتي قلبي وراك كيف إبقى زي الناس صبور
ما علمتي إتيقن وراك لو الغياب طال بيهو شهور
وكيف إبقى في الأمواج وراك وشراعو مكسور
ياقطعه من قلبي ومفارقه وعلى فراقك قلبي مجبور

[ناصر عمر دبيب]

سبقني الشوق




سبقني الشوق عليك وما إستناني ولا إستنى قلبي بعد وصولو
حكى ليكي عن شوقي الكتير وقال الكلام الداير اقولو
إبتهج شتل الربيع إخضر من قبال فصولو
جيناك انا وقلبي خايف قليبي يفوتو زولو

سبقني الشوق عليك ما شال بطاقات السلام
الفيها من قلبي البريدك كل حرف من شوقو هام
كلو جمله تقول قصيده والقصيده رقاصة كلام
اي كلام لو ما عشانك إبقى لو إتقال حرام
إنتي يا الحلم البعيشو إسعد العين في المنام
إنتي يا ست عمري كلو إنتي يا خاتمه الأنام

وسبقني الشوق عليك وما إستناني ولا إستنى قلبي بعد وصولو
حكى ليكي عن شوقي الكتير وقال الكلام الداير اقولو
إبتهج شتل الربيع إخضر من قبال فصولو
جيناك انا وقلبي خايف قليبي يفوتو زولو

[ناصر عمر دبيب]

زولي


زولي انا يازولي
زولي سحابه هيمانه
جايبه الخير علي اهلي
ترُش وتاره طربانه
وتدي بشاره برقاً شال

زولي عروس
لون السمره فوق خديها زي اللهبه في الفانوس
تدلَّى وتقول تتقص في شبَّال

زولي النيل
وهج الخضره جنبو يسيل
جنبو الساقيه والشادوف يعزف ليهو كم موال

ولمَّا الليل ضلامو إزيح
بتبقي النسمه والترويح
حَب السِّبحه إبقى مقال
ترقصي لينا رقص الشمعه جنب الريح
ارقص ليك انا..أبسُم ليك انا..وافرح بيكِ في شبَّال

زولي انا يازولي
زولي سحابه هيمانه
جايبه الخير علي اهلي
ترُش وتاره طربانه
وتدي بشاره برقاً شال

[ناصر عمر دبيب]

كلمات والحان هاشم ميرغني
ألومك



ألومك ألومك ألومك..
إنتِ الزيِّك بِلُومُو
عشتَ معاكِ سَهر الليل..
أعدِّد في نُجومو
أعيش في كلِِ لحظه..
ومضات ما بِدُومو
أسهِِّر ليكِ عيني..
عينيكِ الإنومو

ألومك كيف..
وأنا للطيف..
فوق الخيال لُولاي
أشيل جرحي واعيش في الزيف..
زي مجرى الجروف بكَّاي
أجيكم في السِحَاب راحل..
ألاقي سَحابي ما جرَّاي
أطير عند الغروب والليل..
ألوِّح في الدروب عزَّاي
أتيه عند الدروب والليل..
أنوِّح في الغروب عزَّاي
برضي ألومك ..؟!
ألومك كيف ..؟!
أدور بعد المحنه شَقَاي

غريب يادُنيا أمر الريد..
عنيد ما بطيب الخاطر
إحَرِّق قلبي بي نارو..
إجيب طيف شخصك الآثر
عشان عشمي فيك ياليل..
أملي البانيهو في باكر
أملي الشِلتو زي العيد..
إجي في ميعادو متواخِر
عشان خاطر عُيونِك ديل..
نغامر بالحياه نَخَاطِر
ما بِنلوم عُيون حِلوين..
كتير في رحابها بنسافر
وإنت حبيبي ما بتتلام..
حتى اللوم بمُر عابر

وألومك ألومك ألومك..
إنتِ الزيِك بِلُومُو
عشتَ معاكِ سهر الليل..
أعدِّد في نُجومو
أعيش في كلِ لحظه..
ومضَات ما بِدُومو
أسهِِّر ليكِ عيني..
عينيكِ الإنومو

[ناصر عمر دبيب]

كلمات ألحان هاشم ميرغني
النوم المنِّي شالك




النوم المنِّي شالك
إنشال أنا منِّي قُبالك

لوليتك حروف الناي..
وسَدتك حناني براي..
صَداح عودي غنالك
اتاريك يالسمح نَساي..
نسيت كل الحَنان في غناي..
تقول ما مره على بالك

اهديتك رمش لهفان..
وأممنتك شُعور إنسَان..
ماعِشق في دنيتو بَدالك
كتب ليك بالوتر ألحان..
وخلد بيك تُحف فنان..
بتوصِف روعتها جَمالك

ياريت.. ياريت..
ياريت في المنام تحلم..
تشوف قلبي بتألم..
يوم مره السفر شالك
حزين مع صَمتي بَتكلم..
أريتو الصَبرِ يتعَلم..
حُروق قلبي وبُعُد حَالك

والنوم المني شالك
إنشال أنا مِني قُبالك

[ناصر عمر دبيب]

موال- مدار الدم



ورى الزمن البعيد شفتك
مناره وضي..
تلوحي لي..
تناديني وتطول قامتك
تهبهب بالشموخ رايتك
انا الحاسيك..
وما ناسيك..
وتايه في صدى كايتك

حكاية ليلك الدافيه
وبوح النسمه بالعافيه
وست عمري الهناك غافيه
بتحلم بي زمان الغيث..
وتكبر في رؤاي وتطول
أميره وسيف سنين مسلول
وليلاً طاويه طولو خيول
وشمساً في عتامي الهم..
تلملم في خيوط النور..
وترحل لي زمن مجهول

[ناصر عمر دبيب]

ما عوايدك



دما عوايدك يالقلبي رايدك
ما إنعرف فيك الجفى
الأرهق مشاعري ونزفها


ماعوايدك تسيبنا لليل والنزيف
تسيبنا لي شلال دموعنا الجاري أبداً ما بقيف
تسيبنا في عز الهجير الاصلو ما شاف الخريف

ما عوايدك تسيبنا منيه من قبل ما إكمل كلامها
تسيبنا في دنيا بعدك ياما ياما إزيد ضلامها
تفوتنا إنت وتسيبنا إنت ونبقى في حال اليتامى
ردناك إنت وهويناك إنت وياما ياما

دما عوايدك يالقلبي رايدك
ما إنعرف فيك الجفى
الأرهق مشاعري ونزفها

[ناصر عمر دبيب]

كلمات والحان هاشم ميرغني
وين أدسك



اقول اشيلك في احداق عيوني اخاف النظر إجرح إمسك
اشيلك في حشاشات قلبي جوه وبرضو الناس تحسك
انا وين ادسك..انا وين ادسك

اشيلك في وتر بكاي
اخاف إقروك في معاني غناي
وللا في رنة حزن لو بح صوت الناي
وإضيع سراً قايلو عندي براي

اشيلك في مدى الإحساس
إبين شوقي الأصلو ما بنقاس
واخاف إقروك في عيوني نعاس
بس قول لي انا وين ادسك من عيون الناس

اقول اشيلك في عيوني حنان
اخاف إلقو ريدك مني وين ما كان
انا والله صدقني يا إنسان
ما لاقي ليك مكان

اقول اشيلك في احداق عيوني اخاف النظر إجرح إمسك
اشيلك في حشاشات قلبي جوه وبرضو الناس تحسك
انا وين ادسك..انا وين ادسك

[ناصر عمر دبيب]

كلمات والحان هاشم ميرغني
السهد الأليم


علمتني السهد الأليم بكيتني انت وما بكيت
نزلت دموع تحكي الفراق وانت عاندتا وابيت
حتى عمري العشتو فيك فرحتو انت وانا الشقيت
لازمني إحساسي القديم الغيرو ابداً ما لقيت

تأثرني بي كلمات غرام ابقى مكتول بالكلام
اسير في سجنك لي زمن مكتوب عليا النوم حرام
لاني عارف إني فيك ولاإنت فيني وانا الملام
بقيت اخاف من الفرح لأنو بعدو بجي الخصام

وجيت تقول البينا راح ما اصلو رايح من بدا
اصلو صرخات من غريق حتى البحر ما برددها
وعشمي في الزمن العنيد غنياتي فيك ما يخلدها
خلفت في قلبي الجراح خلفت فيك ذكرى وصدى

علمتني السهد الأليم بكيتني انت وما بكيت
نزلت دموع تحكي الفراق وانت عاندتا وابيت
حتى عمري العشتو فيك فرحتو انت وانا الشقيت
لازمني إحساسي القديم الغيرو ابداً ما لقيت

[ناصر عمر دبيب]

آذارا



أُسائل عنك آذارا رياحيناً وازهارا
جبالاً في بلادي كنت أعرَفها واشجارا
نقشنا في جذوع فروعها رمزاَ وتذكارا
وذقنا حولها قبلاً احالت شوقنا نارا
تبارك من سقاها في الشتاء الماء مدرارا
وانبت حولها الأعشاب والأعناب والغارا

أُسائل عنك نيساناً وآذاراً وآيارا
شهور ربيعنا الفتان يكسوالأرض نوارا
داراً كنتِ فيها زهرةً فيحاء معطارا
إذا شوهدتِ واقفةً جذبتِ إليكِ انظارا
وحيتك القلوبُ تفيضُ إعجاباً وإكبارا

أُسائل عنك ما ابصرت في الآفاق اطيارا
لعل لها هنالك في فروع الثروِ اوكارا
ولعلها ابصرت في بلادي قبل مجيئها الدارا
او حطت بصخرتنا ضحا لتسُن منقارا

أُسائل عنك ما ابصرت طائرةً وطيارا
وكل مواطنٍ آتٍ قريباً كان او جارا
أُسائلهم لعل لديهم صوراً واخبارا
ولعلي ابصر الوجه الجميل يُشعُ انوارا

أُسائل عنك كل الناس اخياراً واشرارا
ورغم تساؤلي هذا فما افشيتُ اسرار
وانت على إمتداد العمر أعلى الناسِ مقدارا
واسمُك في فمي مازال اغنيةً ومزمارا
وحبك لم يزل في القلب عاصفةً وإعصارا
أُحييهِ بأشعاري إذا حَييتُها الدارا

أُسائل عنك آذارا رياحيناً وازهارا
جبالاً في بلادي كنت أعرَفها واشجارا
نقشنا في جذوع فروعها رمزاَ وتذكارا
وذقنا حولها قبلاً احالت شوقنا نارا
تبارك من سقاها في الشتاء الماء مدرارا
وانبت حولها الأعشاب والأعناب والغارا

[ناصر عمر دبيب]

كلمات والحان هاشم ميرغني
موال-اقول وارتاح


ماخلاص قلبي من عذابك في اسى
وهجير شديد وجعاتو ماشافن مسى
يوم ألقى إبتسامك والصباح
ويوم احيا في عمقي الجراح
والعطف منك ياسماح
إتلاشى راح
عاد اقبل وين انا واحكي الوجعه
ياتو خديد إشيل الدمعه
ياتو حنيِّن إجيب الراح

اشيل كليماتك واسافر
اتذكر بسيماتك واساهر
خلي طيفك إبقى هاجر
إخليني في مسحة حزن مابتنطرح
مازي وجيهك كلُ يوم إ صبح سمح
إموت جرح
وتجيبي جرح
وقليبي لامات لافرح

اقول اشكيك لي الله واخاف من دعوتي تصيبِك
واقول ياربي تدي القدره كان إديني قدره اسيبِك
يا النسيتي الناس يا الجفيتي حبيبِك
ودي الأفراح لابد حتجيبِك
طيفِك بجي وبفوت
وانا بي وراك بالشوق بموت
بس بشيل آمالي ياغاليه
وابني بالآمال بيوت

[ناصر عمر دبيب]

كلمات والحان هاشم ميرغني
ساعدني شان ألقاك


ألقاك في السحاب لمَّا يعبق في خصلك وانتشي
انا لمَّا اتجمد واقيف في حضرتك ياغالي إغلبني المشي
ساعدني شان ألقاك انا إبقى القليب بي لقيتك لقى كلِ شي

يا التهت في جواي فقدتك طرفي بعدك ما غمد
سهران بغازل في خيالك كل النجوم عديتها عد
لوَّمت زمني الأبعدك لوَّمني فيك ما خللا حد
ساعدني شان ألقاك يا التهتَ فيني وللأبد

لا عرفت صدك من غرورك ولا فيك صايدني الحسد
فتشت في خلق الله زيَّك زي جمالك ما إتوجد
ارحم قليبي وحن عليَّا خلي الغرور إبقالو حد
ساعدني شان ألقاك يالتهتَ في جوايَ روح خليتني بس بعدك جسد

وألقاك في السحاب لمَّا يعبق في خصلك وانتشي
انا لمَّا اتجمد واقيف في حضرتك ياغالي إغلبني المشي
ساعدني شان ألقاك انا إبقى القليب بي لقيتك لقى كلِ شي

[ناصر عمر دبيب]

كلمات والحان هاشم ميرغني
اديتك القلب المعذَّب



حتى باقي العمر شيلو

اديتك القلب المعذَّب وقلت لي ألمو بتزيلو
إبقى في وارف رموشك فرحتو ولحظات مقيلو
تبقى نورو وتبقى فجرو وتمنع الدمعات إسيلو
وهسه لو داير تسيبو حتى باقي العمر شيلو

بي محنه الزول بلوِّم دمعه في الخدين بتجري
كنت بأمل في سماحك والظروف فرقتنا بدري
انت ماريدي ومنايا كل لحظه بتضوي عمري
وكنت دايرك ياحبيبي لو مره بي آلامي تدري
وهسه لو داير تسيبو حتى باقي العمر شيلو

في نهاية لومي ليك برضي بطمع تاني ترجع
برضي راجي الدنيا تبسم لينا في افراحها تجمع
اصلي عارفك يامنايا كلِّ لحظه بتصبح اروع
وانت من طليت عليَّ طرفي ما اظن مره دمَّع
وهسه لو داير تسيبو حتى باقي العمر شيلو

[ناصر عمر دبيب]

كلمات والحان هاشم ميرغني
اسبوع تمام


اسبوع تمام انا كنت عايش في الخيال
انسج حروف سياله زي دمعاً حنين من عيني سال
اسبوع تمام انا والنجوم بنسأل الليل الحزين لو مره طيفِك ليهو طال
ونبكي زي زولاً مِودع الزمن لي ريدو شال
ونسرد حكاوينا ونصبِّر في العيون ياريتنا نقدر نلقى حال
ما حالنا من بعدك عذاب وفرحنا من بعدك محال

لوشفتي كيف إحن بنشيل كل الأمل نفرُش طريقٍك بالورود ولا مره هان لينا الوصال
وفي عينيا شوقك ياعظيمه زي السحاب إناجيني واتقاطر ليا فال
ما إنت البشاره في كل عيد..وانا البعيد..لما القمر حكى ليا قال
قال لي إنتي بعيده جنبو وانا الهناك فوق الجمُر ببني القصور من الرمال
اشتت الرمل الحزين واسأل الودِع البيخدع إقول ليا جايه ومعاي وجودك إستَحَال
انا اسأل النخل البهاتي إقبِّل وجيهو ومني مال
انا اسأل الله يجيبني ليك اخجل كتير من السؤال
ما دربي بعدِك ما سارو زولاً وعينيا ماشافت جمال

وبخلتي انتي بصوره لي اساهر بيها ساعاتي الطوال
بس عزاي فوق الزمن وقوم يافرح اسرع تعال
نوِّر بزيناتك ضلامنا وطوف بالبوادي غنا وموال
رقِّص شبابنا الكلو ريد افرد ضفايرن الطوال
ما انتي اول فرحه لي خجلانه من الخجل وللا المجال
ما ترُدي قولي بريدك انتَ وللا قولي ليا كفاي سؤال
انا اصلي ما سألتك براي.. بتسأل معاي كل العواطف في ابتهال
انا اصلي ما بشتاق براي.. بشتاق معاي الليل وسري الدافنو فيهو والإنعزال
انا اصلي ما ردتك براي.. رادوك معاي طيبة الأرض وزرع الأرض وناس الأرض قبل الظلال
ده كلو في اسبوع تمام صوَّرتك عروس مليانه بي عطر الارض ترقص تميل في الإنهدال
واهدل معاك عيني عجب سبحان الخلقِك ذو الجلال وخلقني حارسِك بالعيون حأظل احرسك ياجمال

[ناصر عمر دبيب]

كلمات والحان هاشم ميرغني
سؤالي يسألني



أسأل وسؤالي يسألني
منو الأبعدك عني
منو الشال الفرح مني
بعدك ياتو ليل إسهرني
ياتو فرح إفرحني

لولاك ما زارني الحرف كلماتي فيك إتقاطرن
لولاك ماطال سرحاني فيك والدميعات أمطرن
لولاك ماطاف العذاب بي دموع بكن عليك إتحجرن
لولاك ما رجنك عيوني سنين طوال إصبرن
وإنت عارفن ما بشوفن غيرعيونك ولابقدرن
وما بحسو الفرح غير إيقاع خطاويك ما بطربن
رحلن بعيد سابن بلد عشان عينيك بعدن واتغربن
عشانك عيوني سابن بلد ورحلن بعيد اتغربن

أسأل وسؤالي يسألني
منو الأبعدك عني
منو الشال الفرح مني

بعدك ياتو ليل إسهرني
ياتو فرح إفرحني

[ناصر عمر دبيب]

كلمات والحان هاشم ميرغني
عشق الصد



يامعامني عشق الصد
غرور الزول الفات الحد
فتش علي تلقاني فيك غنى وقصيد
انا ما الزول البريدك جد

انا حزني ما بتتخيلو
ما عيوني سارحات في جمالك..
سكنن ضفايرك وقيلو
افنيتو عمري على شبابي..
انسج كلامك واغزلو
لو كان العمر بستان صبر..
حقو الصبر ما تكملو
مخليني صابر على قساك..
ومخلي لي مرك حلو

يامعامني عشق الصد
غرور الزول الفات الحد
فتش علي تلقاني فيك غنى وقصيد
انا ما الزول البريدك جد

[ناصر عمر دبيب]

كلمات والحان هاشم ميرغني
بيني وبينِك




بيني وبينِك الف ميل
الف آها والف ويل
قصة الحب العظيم..
وخاطر الفرقه الأليم..
وطيفك الراحل معاي بكاني بي صورتك عديل

قصة إني اكون بدونك
عيشتني في دمعه راحله باديه في كلمات عيونك
والزمن دايماً بشيلنا ويبقى كل الكون ده كونك
ياحليل كلمات عيونك
ياحليل ترحاب عيونك

وبكره ياما إشيلني الليل
إوصلني من سيرتك قليل
اصلو عيني من هواها تشوفك إنتِ بلاد ونيل
زغروده سابحه تايهه في قمم النخيل

الويل في بعدك زي جحيم مقسوم ازورو
زي ضلام لفاني صدفه كنتِ انتِ الروح ونورو
اصلِك الزول العشقتو اجافي كل الناس وادورو

وبيني وبينِك الفِ ميل
الفِ آها والفِ ويل
قصة الحبَ العظيم..
وخاطر الفرقهَ الأليم..
وطيفك الراحل معاي بكاني بي صورتك عديل

[ناصر عمر دبيب]

البقت ناسيانا




البقت ناسيانا احلى شي في دنيانا
كم سهرنا الليل..
طوقتنا الويل..
وكان دا كلو عشانا

قلبي يامسكين ما بتعرف البَي
كم عشت حزن ودمعت عيني
لاقلت حبيبي اصلي منك ولي
البقت ناسيانا ما اظن ترحمنا لو بقت ناسيانا

في حياتي ما عندي أبداً اغلى من عينيك
فرحان بيك عمري كلو عشت ليك وبيك
اهديتك حياتي من جمالاً فيك
البقت ناسيانا ياربي هل طاريانا ولا ما فاكرانا

لم ذكرتك تغشانا
بتمحى مننا ألمنا واسانا
بي نور عُيونِك بنلقى الصباح زارنا في مسانا
كم اقمتي حرفنا وفرحتي كلماتنا الحزانا
البقت ناسيانا احلى شي في دنيانا

كم سهرنا الليل..
طوقتنا الويل..
وكان دا كلو عشانا

[ناصر عمر دبيب]

كلمات والحان هاشم ميرغني
أريدك



أريدك أريدك أريدك
أريد الناس البريدوكِ...

يا بسمة فرحنا الطال
يا غيمه في دروبنا وفال
أريد الناس البريدوكِ...

يا غيمه في دروبنا تهل
يا بسمه في عمرنا تطل
يا الشوق البزيد ما بقل
أريد الناس البريدوكِ...

يا بهجة فرحنا الغاب
يا جدلة عرس وخضاب
ياضحكه بتنسي عذاب
أريد الناس البريدوكِ...

أقول لو مره زرتيني
تجيبي الفرحه لسنيني
لي دار الفرح والريد..
تشيليني وتوديني
أريد الناس البريدوكِ..

في شبهِك بنات الحور
بنينا من الأمل كم دور
جنينا نجوم وبدور
أريد الناس البريدوكِ..

أريدك أريدك أريدك
أريد الناس البريدوكِ..

[ناصر عمر دبيب]

كلمات والحان هاشم ميرغني
موال- كل البعرفو



حتى لو ابعدِك الزمن عني
ولو خاني فيك زمن التمني
ولو امانينا الجميله..
ما اتحققت وخيبت ظني
كل البعرفو إني منك وإنتِ مني
كل البعرفو إني قبلك..
كنت بعرف إسمي وكنت واعي
واصلي ما فكرت يوم امشي واسيبك..
بس خيبت ظني المساعي
وكل ما اقول ادور أجيك..
القى الرياح كسرت شراعي
وكل البعرفو إني بعدك..
غيرعيونك..
لي حياتي..
مافي أبداً..
تاني داعي

[ناصر عمر دبيب]

كلمات والحان عثمان حسين
تسألني ليه




تسألني ليه ما إنت عارف كل شي
حبك الضيع حياتي ودربك الأبا إتمشي

تسألني ليه أغرب سؤال
وانا ريدي ليك مضرب مثل في كل مجال
وانا ردي ليك على اي حال
لا لقيتك قريب ولا الوجع من قلبي زال

تسألني هل بواصل في ريدك او اقيف
ما ببقى صيف ودر سنينو ورا الخريف
انا ما ردتك بي تعب قلبي الرهيف
الغرقتو فيك ما لاقي قيف

تسألني يا ريد هل بريدك
والكل بيعرف ضيعني ريدك
شلتا عقلي وقليبي الراسما إيدك
والعلي إعلمبو سيدك

[ناصر عمر دبيب]

كتيره علي



كتيره علي ثواني الغيبه من عينيك
وفرقة يوم بعد فتي بقت ممدوده ألف سنه
أظنك ما بتبقي بلاي ولا بصبح بلاكي أنا

فرقة عشنا الفاقداك بقت تجرح عيون شايلاك
وحتى براءة الأطفال فقدت حنانا معاك
وكل الباقي من عمري شتات أيام دحين راجياك
وأظنك ما بتبقي بلاي ولا بصبح بلاكي أنا

بقيت لا الناسي أحزانو ولا العايش على التذكار
غلبني وراك مشي الغربه وجافت خطوتي المشوار
أقول أرجاك مع النورس اخاف لو مللا صبرو وطار
وبرضو تجيني تلقيني بي شوقي المولع نار
وأظنك ما بتبقي بلاي ولا بصبح بلاكي أنا

[ناصر عمر دبيب]

كلمات والحان هاشم ميرغني

ودعني



ودعني متل الخرز نزلن دميعاتو
مالك ياقليبي مرجعني لي ليلاً طويل مابتكمل حكاياتو
بكينا بكينا بكينا دوبنا الليالي شجن وبكى الوداع زاتو

كلامك ما كلام هين عليهو نعيش ونتأمل
ونرجى اللحظه ياغالي نعيش مرات ونتهمل
وقدر ما نحاول النسيان طريقك ما شي ما بكمل
زي زولاً وراك ساير وعارف روحو ما بوصل

كلامك ياهو ترنيمنا
وصوت الساقيه في نيلنا
خدودك زي سهل أخضر عيونك فرحه بتشيلنا
وقفت قامتك البانا إقصر طولا تطويلنا

[ناصر عمر دبيب]

الحي بلاقي



إنت أصلك فيني باقي
مهما طال زمن إشتيافي
واصلي راجع لي عيونك ما مصيرو الحي بلاقي

بقيت بغيرك زول بعيش في وسط ضباب
حتى الليالي بقت تألم رسمت على عيوني العذاب
ما مصيرو الحي بلاقي مهما طال زمن الغياب
ما مصيرو الحي بلاقي

رغم البعد والاميال ورغم البينا من آمال
راجي الدنيا تبسم لي اكتب فيك كلام ما إتقال
لا سمعوهو قبالك لا إتردد صدى وموال
أزرع بيهو صحاري الريد من دون مويه لاتربال
ما مصيرو الحي بلاقي

[ناصر عمر دبيب]

واخسارتو



واخسارتو وياخسارتو شراع الريده الصارع الأمواج وقع
شايل معاهو أسف المقادير والوجع
وندمان علي فرحو الروح ومارجع
وشلال دموعو الجاري ابداْ مانقطع

واخسارتو الضيع شبابو وفي رموشو شالو وسكنو
ماراعا للريد القديم ولا القليب الطمنو
فتح الجرح فوق الجرح مارحمنو
لا قال حبيب لا قال بريد لا قال فراقي بحننو

رادك تمام ودفق دموعو عليك غنا
خلد جمالك بالكلام لون رسايلك بالندى
ختاك في عرش الشعر معزوفه عبر الأزمنه
لاكنو راح عبر الرياح ولي طريقك أبدآ مادنا

[ناصر عمر دبيب]

ساقني زمني



ساقني زمني القاسي منك فجأه دون أتوقعو
برضو إرتعشت من الفراق شفقن عيوني ودمعو
وإترامت أحزان السنين أيام عمرنا الودعو
وأصلي بخشى من الفراق أللم قليبي وضيعو

ما كنت قايل بمشي منك إللا قدرآ بس يصيب
ما بقصد الفرقه الأليمه ولا الندامه المابتجيب
لكني مجبور بمشي منك والفراق قسمه ونصيب
ماعيونك باقيه دارنا وقلبك أكتر من حبيب

ما كنت قايل الدنيا يوم تظلم سنينا وتبعدي
وتغيبي من عيني سنين حتى الظلام ما تبددي
كنت بفروش ليك دروب مزروعه بي ريدي الندي
حناني دايمآ بحرسك خايف عليك ما تبعدي

لاكين فراق تواه قصير بتعددى واصبح ذكريات
وما أحلى أيام الوصال لما تحكي عن اللي فات
عن حنان قلبي البريدك وعن أمل شوقو اللي مات
بكره نتلاقى وبنفرح وتاني نتلما في شتات