درديري كباشي
09-08-2009, 12:29 AM
مرات كثيرة بحس باني مطخم بالكلام وومحتاج لتنفيس ... ولكن كلام ليس محدد في موضوع معين .. وبعد مرا بحس باني راغب فعلا في الكلام لكن ما عندي موضوع كما يقول الناس عندما تزحمهم بشئ لايفهمونه .. ولكن مرات تجيك مواضيع طايرة من لا شئ ... ساروي لكم اليوم احد المواضيع التي تاتيك من لا شئ .. رغما عن ان الموضوع ليس جديد ... لكن الفكره قائمة بمعنى انها ممكن تتكرر وتتكرر ..
دعيت الى مناسبة في احد الاستراحات بالرياض والمناسبة تخص احد الاقارب والذي لا وقت ولا علاقه له بالانترنت والكمبيوتر وهو لا يعرفني سوى اني انا قريبه درديري كباشي من كسلا للرياض..وذهبت انا الى الاستراحة متاخرا لاجد الناس متجمعين كعادتهم في شكل حلقات كل ناس يجمعهم موضوع مشترك واحد ..و بعضهم يعملون في نفس المكان وبعضهم اقارب وبعضهم مصدرهم من السودان واحد اي ابناء مدينة او حي واحد .. وهذه الطبعة سودانية بحته .. بمعنى ان السوداني ليس له استعداد للبدا من جديد في التعرف على الناس في كل مره .. لذلك عندنا هنا في الرياض وفي المناسبات يدخل الناس المناسبة ويتفرقوا وكل واحدا منهم مكتفيا بمن كان يعرفهم في السابق ..
انا قريبي اخذني الى شلة معينة ويبدو انهم زملاؤه في العمل ويبدو كذلك انهم كانوا منهمكين ويتحدثون بحماس عن موضوع معين ... يا اخوان نعرفكم بابن خالتي درديري كباشي ...اولا وجم الجميع وجحظوا عيونهم ومن الموقف نفسه والمشهد الذي امامهم عملت تحليل سريع للحالة التي هم فيها الان واستنتجت و عرفت انهم كانوا جايبين سيرتي او فاتحين احد مواضيعي فلذلك عملت استعداد تام لرد الفعل وفكرت في الانسحاب التكتيكي ونكران الذات على اصوله مش كلام خطب وشعارات ... قلت الليلة انكر ليك نفسي تب ..
احدهم بعد ان فاق من الدهشة مبكرا سالني : ابو الدر ؟؟؟؟؟؟
رديت متصنعا الاستغراب : ابو الدر ؟؟؟ تقصد شنو بابو الدر ؟؟؟
عقب هو :: لا لا لا انت ما ابو الدر البيكتب في المنتديات؟؟؟؟
انا قلت لو رديت بنعم حتموت المفاجاه وحا اضيع احسن فرصة في العالم لاشارك الناس في غيبتي ( قلت اها فرصة الواحد يقطع مع نفسه في نفسه .. ماهي كمان مبارياني طول عمرها ما معطياني فرصة اقطع فيها .. اذا علي بالمواصلة في نكران الذات ) وعشان ااكد عملية النكران اتيت بجملة حاسمه :
هو شنو حكاية درديري كباشي البيكتب في المنتديات وابو الدر كل ما دخلت مناسبة او قابلت سودانيين سالوني نفس السؤال ... مين ابو الدر دا و المنتديات دي ذاتها شنو ؟؟؟؟
شعرت الجماعه اخذوا نفس طويييييل واستعدوا لمواصلة القطيعة واغتيايبي وطبعا انا جلست معهم محفزا ومشاركا معهم في تخاريف ابو الدر الخاوتننا بيه دا في المنتديات ونعرف لزمانا المنتديات دي ذاتها شنو .
سالت : اها كدي ورونا ابو الدر دا انا الاقيه وين
واحد منهم : انت اصلك ما بتدخل الانترنت
رديت : انا لمن الاقي فرصة وادخل انترنت عادة ما تتخطى برنامج البحث الاسمه جووجال داك
- قوقال اسمه قوقال (صلحني احدهم )
وكدا انا قطعت اي شك في اني ممكن اكون ابو الدر ام لا
واصل الجماعة واتضح انهم كانوا فاتحين موضوع المترجم الخاص وقبله قصة ابكرونا مع استاذ الكراتيه
واحد فيهم بدا مواصلا
اها في موضوع المترجم الخاص داك ابو الدر قال ليك انه في عقل كل انسان يوجد مترجم خاص ... والمترجم الخاص دا ما بترجم من لغة الى اخرى .. انما يحول نفس اللغه الى فهم لعقل الشخص نفسه ...
قاطعت انا :
والكلام دا معناه شنو نحن قرينا علم النفس وعلم الاجتماع عمرنا ما سمعنا بحكاية المترجم الخاص .
قاطعني احدهم : انت ما تصبر ياخي خلي الراجل يكمل بعدين تعرف ابو الدر كان قاصد شنو ؟؟
انا اعتذرت : عفوا واصل يا اخونا وورينا المخرف الملصقنو فينا دا قال شنو كمان .
واصل فعلا :
ما هو ضرب امثله وقال لماذا نفس عباره شخص معين يفرح بيها وشخص ثاني يغضب منها ... وحتى قال ممكن شاب يغازل بنت ويقول لها يا موزة البنت تفرح ..لانه المترجم الخاص بتاعها يقول ليها الشاب دا يقصد انك رقيقة وناعة وحلوة وعندك نكهة جميلة زي الموزة والبنت تفرح وترد مرسي .. وممكن بت تاني مترجمها ملطوش في دماغه ويقول ليها يقصد شنو التافه دا اكيد قاصد ظهرك مقوس زي الموزة .. ولا انت بتزحلقي الناس زي الموزة ... تلاقي البنت وشها قلب وقالت ليك يا شاب تقصد شنو يا بتاع انت ..
(انا في نفسي قلت يا كذاب انا كلمة بتاع دي اصلي ما قلتها ولا اعرف معناها)
انا قلت اواصل في تشجيعهم كل مره بجرعة تعطيهم الامان :
قلت ليهم لكن دا كلام عجيب الراجل دا بتاع سجارات ولا شنو ؟؟؟؟ طبعا انا رميتها رب كدا عشان ابعد من زهنهم خالص انه انا ممكن اكون ابوالدر .. واكيد ما في حد بيقول على نفسه كلام زي كدا..
وانا الغايظني انه ما في واحد وقف معاي(كا ابو الدر الاصلي ) ونفى الموضوع من اساسه واستبعد الحكاية ...
الجماعة انفجروا بالضحك والعبارة الظاهر كانت في افواههم ولكن ما قادرين يطلعوها ... وانا بعد ما قلتها نفسي ذاتها زعلت مني لاني بديت اكح ودخلت في نوبة سعال شديدة .. فجرت موجة من الضحكات لان الجماعة افتكروني ميت بالضحك .. وهم لا يدرون باني دخلت مع نفسي في تشاباك بالايدي ..
انا يا ابو الدر تقول علي بتاع سجارات وانا سجاره حمره ما بشربها ... خلاص يا ابو الدر ما تزعل مني ما انا عايز اسخن القطيعة كمان ...
المهم بعد ما هدا الجماعة واصلوا في التحليل والسخرية من المواضيع وبعضها ابو الدر معاه حق ... تخيل واحد فيهم قال ابو الدر قبل ما يكتب قصة ابكرونا دي برم ليه واحده كاربة شديد ويمكن طلع بيها السطوح كمان ... يعني كمان عايزين يودونا في ستين داهية كمان في البلد التي تقص الراس في تعاطي المخدرات ...
المهم ارجع واقول يا الشلة الانتو قطعتوا فيني انا ياني ابو الدر ذاتوه ومسامحكم في اي كلمة قلتوها فيني ... بس ما قادر اسامح نفسي في موضوع السجارة دا .. والغايظني انتو بدل ما تدافعوا عني وتقولو احاشاه لا يمكن ان يكون ابو الدر بتاع سجارات جاريتوني وضحكتو.. ماشي هي كانت فرصة عشان اكتب موضوع لاول مره يحدث شخص ضبط نفسه تقطع في نفسه مع آخرين ..
واكون اضفت لعلم النفس بعد الجدال الطويل الدائر في البارا سياكلوجي عن تجربة الخروج من الجسد ..وها هي تجربة جديدة اسمها تجربة القطيعة في النفس ... والمثل السوداني بيقول الشقي يسمع قطيعته ..
دعيت الى مناسبة في احد الاستراحات بالرياض والمناسبة تخص احد الاقارب والذي لا وقت ولا علاقه له بالانترنت والكمبيوتر وهو لا يعرفني سوى اني انا قريبه درديري كباشي من كسلا للرياض..وذهبت انا الى الاستراحة متاخرا لاجد الناس متجمعين كعادتهم في شكل حلقات كل ناس يجمعهم موضوع مشترك واحد ..و بعضهم يعملون في نفس المكان وبعضهم اقارب وبعضهم مصدرهم من السودان واحد اي ابناء مدينة او حي واحد .. وهذه الطبعة سودانية بحته .. بمعنى ان السوداني ليس له استعداد للبدا من جديد في التعرف على الناس في كل مره .. لذلك عندنا هنا في الرياض وفي المناسبات يدخل الناس المناسبة ويتفرقوا وكل واحدا منهم مكتفيا بمن كان يعرفهم في السابق ..
انا قريبي اخذني الى شلة معينة ويبدو انهم زملاؤه في العمل ويبدو كذلك انهم كانوا منهمكين ويتحدثون بحماس عن موضوع معين ... يا اخوان نعرفكم بابن خالتي درديري كباشي ...اولا وجم الجميع وجحظوا عيونهم ومن الموقف نفسه والمشهد الذي امامهم عملت تحليل سريع للحالة التي هم فيها الان واستنتجت و عرفت انهم كانوا جايبين سيرتي او فاتحين احد مواضيعي فلذلك عملت استعداد تام لرد الفعل وفكرت في الانسحاب التكتيكي ونكران الذات على اصوله مش كلام خطب وشعارات ... قلت الليلة انكر ليك نفسي تب ..
احدهم بعد ان فاق من الدهشة مبكرا سالني : ابو الدر ؟؟؟؟؟؟
رديت متصنعا الاستغراب : ابو الدر ؟؟؟ تقصد شنو بابو الدر ؟؟؟
عقب هو :: لا لا لا انت ما ابو الدر البيكتب في المنتديات؟؟؟؟
انا قلت لو رديت بنعم حتموت المفاجاه وحا اضيع احسن فرصة في العالم لاشارك الناس في غيبتي ( قلت اها فرصة الواحد يقطع مع نفسه في نفسه .. ماهي كمان مبارياني طول عمرها ما معطياني فرصة اقطع فيها .. اذا علي بالمواصلة في نكران الذات ) وعشان ااكد عملية النكران اتيت بجملة حاسمه :
هو شنو حكاية درديري كباشي البيكتب في المنتديات وابو الدر كل ما دخلت مناسبة او قابلت سودانيين سالوني نفس السؤال ... مين ابو الدر دا و المنتديات دي ذاتها شنو ؟؟؟؟
شعرت الجماعه اخذوا نفس طويييييل واستعدوا لمواصلة القطيعة واغتيايبي وطبعا انا جلست معهم محفزا ومشاركا معهم في تخاريف ابو الدر الخاوتننا بيه دا في المنتديات ونعرف لزمانا المنتديات دي ذاتها شنو .
سالت : اها كدي ورونا ابو الدر دا انا الاقيه وين
واحد منهم : انت اصلك ما بتدخل الانترنت
رديت : انا لمن الاقي فرصة وادخل انترنت عادة ما تتخطى برنامج البحث الاسمه جووجال داك
- قوقال اسمه قوقال (صلحني احدهم )
وكدا انا قطعت اي شك في اني ممكن اكون ابو الدر ام لا
واصل الجماعة واتضح انهم كانوا فاتحين موضوع المترجم الخاص وقبله قصة ابكرونا مع استاذ الكراتيه
واحد فيهم بدا مواصلا
اها في موضوع المترجم الخاص داك ابو الدر قال ليك انه في عقل كل انسان يوجد مترجم خاص ... والمترجم الخاص دا ما بترجم من لغة الى اخرى .. انما يحول نفس اللغه الى فهم لعقل الشخص نفسه ...
قاطعت انا :
والكلام دا معناه شنو نحن قرينا علم النفس وعلم الاجتماع عمرنا ما سمعنا بحكاية المترجم الخاص .
قاطعني احدهم : انت ما تصبر ياخي خلي الراجل يكمل بعدين تعرف ابو الدر كان قاصد شنو ؟؟
انا اعتذرت : عفوا واصل يا اخونا وورينا المخرف الملصقنو فينا دا قال شنو كمان .
واصل فعلا :
ما هو ضرب امثله وقال لماذا نفس عباره شخص معين يفرح بيها وشخص ثاني يغضب منها ... وحتى قال ممكن شاب يغازل بنت ويقول لها يا موزة البنت تفرح ..لانه المترجم الخاص بتاعها يقول ليها الشاب دا يقصد انك رقيقة وناعة وحلوة وعندك نكهة جميلة زي الموزة والبنت تفرح وترد مرسي .. وممكن بت تاني مترجمها ملطوش في دماغه ويقول ليها يقصد شنو التافه دا اكيد قاصد ظهرك مقوس زي الموزة .. ولا انت بتزحلقي الناس زي الموزة ... تلاقي البنت وشها قلب وقالت ليك يا شاب تقصد شنو يا بتاع انت ..
(انا في نفسي قلت يا كذاب انا كلمة بتاع دي اصلي ما قلتها ولا اعرف معناها)
انا قلت اواصل في تشجيعهم كل مره بجرعة تعطيهم الامان :
قلت ليهم لكن دا كلام عجيب الراجل دا بتاع سجارات ولا شنو ؟؟؟؟ طبعا انا رميتها رب كدا عشان ابعد من زهنهم خالص انه انا ممكن اكون ابوالدر .. واكيد ما في حد بيقول على نفسه كلام زي كدا..
وانا الغايظني انه ما في واحد وقف معاي(كا ابو الدر الاصلي ) ونفى الموضوع من اساسه واستبعد الحكاية ...
الجماعة انفجروا بالضحك والعبارة الظاهر كانت في افواههم ولكن ما قادرين يطلعوها ... وانا بعد ما قلتها نفسي ذاتها زعلت مني لاني بديت اكح ودخلت في نوبة سعال شديدة .. فجرت موجة من الضحكات لان الجماعة افتكروني ميت بالضحك .. وهم لا يدرون باني دخلت مع نفسي في تشاباك بالايدي ..
انا يا ابو الدر تقول علي بتاع سجارات وانا سجاره حمره ما بشربها ... خلاص يا ابو الدر ما تزعل مني ما انا عايز اسخن القطيعة كمان ...
المهم بعد ما هدا الجماعة واصلوا في التحليل والسخرية من المواضيع وبعضها ابو الدر معاه حق ... تخيل واحد فيهم قال ابو الدر قبل ما يكتب قصة ابكرونا دي برم ليه واحده كاربة شديد ويمكن طلع بيها السطوح كمان ... يعني كمان عايزين يودونا في ستين داهية كمان في البلد التي تقص الراس في تعاطي المخدرات ...
المهم ارجع واقول يا الشلة الانتو قطعتوا فيني انا ياني ابو الدر ذاتوه ومسامحكم في اي كلمة قلتوها فيني ... بس ما قادر اسامح نفسي في موضوع السجارة دا .. والغايظني انتو بدل ما تدافعوا عني وتقولو احاشاه لا يمكن ان يكون ابو الدر بتاع سجارات جاريتوني وضحكتو.. ماشي هي كانت فرصة عشان اكتب موضوع لاول مره يحدث شخص ضبط نفسه تقطع في نفسه مع آخرين ..
واكون اضفت لعلم النفس بعد الجدال الطويل الدائر في البارا سياكلوجي عن تجربة الخروج من الجسد ..وها هي تجربة جديدة اسمها تجربة القطيعة في النفس ... والمثل السوداني بيقول الشقي يسمع قطيعته ..