المساعد الشخصي الرقمي

مشاهدة النسخة كاملة : التحكيم الافريقي وتشكيل مازدا



عمرسنهوري
15-08-2009, 08:10 PM
شهد استاد المريخ اكبر مهزله تحكيميه في تاريخ البطولات الافريقيه
بقولو الجواب بكفيك عنوانو
حكم جاء مع فريق زيسكو في طائره واحده ماذا تتوقعون منه
حكم تأخر عن بداية الشوط الثاني اكثر من خمسه دقائق وعندما خرج من
غرف الحكام للشوط الثاني كان يمشي الهوينى مع الجهاز الفني لزيسكو
لم يتوانى الحكم المرتشي في ابراز مساوئ التحكيم الافريقيه
وقام باعتداء سافر على القانون وهو يحتسب ركلة جزاء لفريق زيسكو
لا توجد حتى في مخيلة الشعراء .
الغى هدف صحيح للمريخ وعكس كثير من الحالات .
تمنيت ان تدخل الجماهير الى ارضية الملعب وتفعل الافاعيل بهذا المدرب
الغير محترم المرتشي .
وكان ذلك سيؤدي حتما الى عقاب المريخ ولن تخرج العقوبه
عن اللعب بدون جمهور زائدا غرامه ماليه .
ولكن حينها سيكون كل الحكام المرتشين قد علموا شيئا مهما
وهو لا للفساد الاخلاقي داخل الملاعب السودانيه
ويمكن ان يمارس ذلك في نيجيريا و زامبيا لكن ليس امام الجمهور السوداني .

قبل الختام
مازدا هو من وضع التشكيل الغريب وليس صلاح مشكله
كتبت في هذا المنبر لن يضير الزعيم الا تنظيرات مازدا في التشكيل
(ولم يدر بخلدي ما فعله الحكم المرتشي ) .
وقد حدث ما تخوفنا منه مازدا اضر بالفريق عن طريق التشكيل الخاطي
كيف يلعب على مصيدة التسلل واخر لاعب في الفريق بطيئ كالسلحفاة (ريتشارد)
تم تجهيز مصعب عمر نفسيا وبدنيا لخوض اللقاء لماذا ابعده مازدا
ولعب بتلك الطريقه الغريبه ليميل دامر ناحية الطرف الايسر .
لماذا غير مازدا طريقة لعب الفريق بصوره مفاجئه والفريق
متعود على طريقه دفاعيه من بداية عقد كروجر حتى المباراة الاخيره في الدوري
مازدا يتحمل وزر المباراة لان التشكيل الدفاعي للمريخ لم ينصلح حاله الابعد خروج ريتشارد
ورجوع سفاري الى مكانه الطبيعي بجوار دامر وتحويل الباشا للطرف الشمال

ختاما
خسارة الزعيم اخرجته من المنافسه على احدى بطاقتي التنافس
ولم يقف الامر عند ذلك بل تعداه الى فريق الهلال والذي ضاق عليه
الخناق وذلك بفضل النقاط الثلاثه التي حصل عليها زيسكو .
ومن المحتمل ان يزيد المريخ من تضييق الخناق على الهلال
بانتزاع نقطه او اكثر في المباراة التي تجمعهم في استاد الهلال .

عوض صقير
15-08-2009, 08:36 PM
أنا أحمل هذه الهزيمة الثقيلة


لهذا المازدا الذى لايفقه شيئاً عن التدريب

مرتضى التوم
15-08-2009, 08:36 PM
والله ياسنهورى كنت اتمنى انك تتكلم عن عدم الجدية والروح فى فرقة المريخ واللعب بدون ادنى مسؤلية وعدم وجود تنظيم واضح او طريقة لعب معينة وسؤ وراغو وكليتشى وظلم السعودى وسعيد السعودى واللاهم من ذلك اقالة المدرب فى هذا التوقيت .
ولكن هل كانت الثلاثة أهداف من ركلات جزاء غير صحيحة وهل هذا مبرر لان تحصب جماهير الصفوة (حلوة الصفوة دى مش ) الملعب .
الأخطاء التحكيمية تحدث فى كل مكان وبقسوة اكبر ولكن اين كان لاعبى المريخ هل احسست بان هناك فريق اسمه المريخ يسعى للفوز حتى تتحسر على حال التحكيم ؟؟؟
اخيرا الهلال بخير وفى صدارة المجموعة ولا خوف عليه ولا يضيره فوز زيسكو او غيره فالكبير كبير يا عزيزى ولا يقتات من وراء الغير .

ابراهيم
15-08-2009, 08:44 PM
مازدا ضيع المريخ زي ما قاعد يضيع المنتخب

demyate
15-08-2009, 11:18 PM
أجتمعت اسباب كثيرة لهذه الهزيمة ولعل من أهمها حسب اعتقادى هو الاعلام المضضل الذى يصور الصغار كباراً فياتى الجمهور وهو مقتنع تماماً بالانتصار والادهى أن اللعيبة انفسهم يقتنعون تماما بما كتب فيهم !!!
فتاتى الطامة الكبرة وتظهر الحقيقة


http://www.alsadda.net/admin/uploads/almolam.jpg

رضا حسن محمد
15-08-2009, 11:34 PM
يا عمر سنهورى الحكم ما فيهو كلام
العيب فى فريقك وفى ماذدا وفى اكرم وفى لعيبتكم وفى جمهوركم والعيب الاكبر فى مزمل
الصراحة فريقكم دة عاوز ليهو فريق

رضا حسن محمد
15-08-2009, 11:36 PM
واحد واربعين مريخ الوصافة
لا اتاهل للابطال ولا شال سيكافا

روبش
15-08-2009, 11:39 PM
العزيز .. سنهوري
امس تابعت صدى الملاعب وتحدثوا باعجاب عن طاقم التحكيم الذي ادار المباراة ، وحقيقة انحياز تحكيمي واضح للضيوف وعجبي يكون للضيوف ، ولكن هذا لا يعفي من المسؤولية التي كانت على عاتق اللاعبين الذين تقاعسوا عن اداء الضريبة، فلا بده من العقاب، ولا بده من تغيير الصورة التي كانوا يعاملوا بها ..
ولكن في النهاية نحسب انها لا تهز هذا الصرح العظيم

ابوالشباب شوشه
16-08-2009, 12:01 AM
والله صراحه ماعرفنا قصة التحكيم دى معاك شكلك مغرم بإتهام الحكام

على العموم كفاااااااااااااااااااااااااااااااااااااااااااااااا اااااااااااااااااااااااااااااااره

والجاى احلى انشاء الله ودى نتيجة متوقعه من الصفوة المريخيه التى لجأت إلى تفليق التحكيم وملاكمة ومصراعة اللاعبين دى اصبحت فن عند الصفوه شئ مألوف
ماكنت اتمنى انتهاء المباراة بهذا الشكل وحتى لو فرضنا أن التحكيم سئ كما تقول انت ومزمل صاحب مزمار الصفوه ماكان فى داعى للاسلوب ده

مدنيّة
16-08-2009, 01:05 AM
والله ياسنهورى كنت اتمنى انك تتكلم عن عدم الجدية والروح فى فرقة المريخ واللعب بدون ادنى مسؤلية وعدم وجود تنظيم واضح او طريقة لعب معينة وسؤ وراغو وكليتشى وظلم السعودى وسعيد السعودى واللاهم من ذلك اقالة المدرب فى هذا التوقيت .


اثنــــــي

الفخيييم
16-08-2009, 01:37 AM
أنا أحمل هذه الهزيمة الثقيلة


لهذا المازدا الذى لايفقه شيئاً عن التدريب

امبارح المدرب مازدا ولا الوالي مسعول من الخير؟ لاني شايف مازدا في المقصورة والوالي في دكة البدلاء00ولا يكون نظري ضعيف وما بسمع؟

ابوالشباب شوشه
16-08-2009, 02:03 AM
اثنــــــي

قصدك ثلاثه صاح عارف دى الحمه :d

أبوعمرو
16-08-2009, 02:08 AM
فريق العب كوره زي المزيقا... وبرضو يتهزم
وفي ناس سلفقا ومردغه يصلوا المربع الذهبي
........عجبي

محمد السر
16-08-2009, 02:10 AM
اخي الكريم عمر سنهوري
والله الهزيمه النكراء هذه افجعتنا كلنا
لكن تعددت فيها الاسباب من وجهة نظري الخاصه

اولاً : الاداره الفنيه بعيده كل البعد عن الخبرات التكتيكيه

ثانياً: ليس للمريخ حارساً للمرمى مؤهلاً

ثالثاً: عندما يدخل الثلاثي ايداهور وكلتشي ووارقو
كل واحد فيهم يعتمد اعتماد كلي على الاثنين الآخرين

ومن رأيي الشخصي اذا تم ابعاد وارقو واكرم وماذدا وابراهومه عن الفريق
ومن دون اضافه سيكون التيم في امان اكثر

وتحياتي لك

عمرسنهوري
16-08-2009, 02:36 AM
والله ياسنهورى كنت اتمنى انك تتكلم عن عدم الجدية والروح فى فرقة المريخ واللعب بدون ادنى مسؤلية وعدم وجود تنظيم واضح او طريقة لعب معينة وسؤ وراغو وكليتشى وظلم السعودى وسعيد السعودى واللاهم من ذلك اقالة المدرب فى هذا التوقيت .
ولكن هل كانت الثلاثة أهداف من ركلات جزاء غير صحيحة وهل هذا مبرر لان تحصب جماهير الصفوة (حلوة الصفوة دى مش ) الملعب .
الأخطاء التحكيمية تحدث فى كل مكان وبقسوة اكبر ولكن اين كان لاعبى المريخ هل احسست بان هناك فريق اسمه المريخ يسعى للفوز حتى تتحسر على حال التحكيم ؟؟؟
اخيرا الهلال بخير وفى صدارة المجموعة ولا خوف عليه ولا يضيره فوز زيسكو او غيره فالكبير كبير يا عزيزى ولا يقتات من وراء الغير .


الحبيب مرتضى كلامك موضوعي

ليس استهتار هو خطأ في تغطية حالة التسلل التي نتج عنها الهدف الاول
والذي تسبب في ضغط على اللاعبين .
اما سفاري فلم نعرف وظيفته الا بعد خروج ريتشارد ورجوع الفريق
الى التشكيل التقليدي.
مازدا سيكون السبب في تحطيم مصعب عمر الجاهز نفسيا وبدنيا

عمرسنهوري
16-08-2009, 02:42 AM
اخي الكريم عمر سنهوري
والله الهزيمه النكراء هذه افجعتنا كلنا
لكن تعددت فيها الاسباب من وجهة نظري الخاصه

اولاً : الاداره الفنيه بعيده كل البعد عن الخبرات التكتيكيه

ثانياً: ليس للمريخ حارساً للمرمى مؤهلاً

ثالثاً: عندما يدخل الثلاثي ايداهور وكلتشي ووارقو
كل واحد فيهم يعتمد اعتماد كلي على الاثنين الآخرين

ومن رأيي الشخصي اذا تم ابعاد وارقو واكرم وماذدا وابراهومه عن الفريق
ومن دون اضافه سيكون التيم في امان اكثر

وتحياتي لك



الاخ محمد السر
اتفق معك في الشقين الاولين بنسبه كبيره
واختلف معك كلية في الشق الثالث

عمرسنهوري
16-08-2009, 02:44 AM
الخوه عوض صقير وابراهيم
نعم مازدا يتحمل جزء كبيرا مما حدث .

عمرسنهوري
16-08-2009, 02:45 AM
فريق العب كوره زي المزيقا... وبرضو يتهزم
وفي ناس سلفقا ومردغه يصلوا المربع الذهبي
........عجبي



الحبيب ابوعمرو

سلمت يداك

لكن المربع الذهبي دي ما أظن
دخلنا سوى وحنطلع سوى

ابوالشباب شوشه
16-08-2009, 02:48 AM
اها وصلتوا وين

عمرسنهوري
16-08-2009, 02:49 AM
من يطالب بعقوبة المتقاعسين فهو محق
ولكن ليس كل الاعبين سيئين .

اكرم يعاقب على الكرت المجاني وليس على الاهداف .
كما يفترض ان يعاقب الزومه لنفس السبب في مباراة كانو

ابوالشباب شوشه
16-08-2009, 03:40 AM
برضوا وصلتوا وين

الفخيييم
16-08-2009, 05:08 AM
الحبيب ابوعمرو

سلمت يداك

لكن المربع الذهبي دي ما أظن
دخلنا سوى وحنطلع سوى

دخلنا سوا سوا دي شركة اتصالات في السعودية علي فكرة لكن شبكتها اضيق من شبكة المرخرخ00وبعدين منو الدخل معاكم انتو حيا الله وافد جديد يا وسيفاااااااااااااااب00

مرتضى التوم
16-08-2009, 05:38 AM
الحبيب مرتضى كلامك موضوعي

ليس استهتار هو خطأ في تغطية حالة التسلل التي نتج عنها الهدف الاول
والذي تسبب في ضغط على اللاعبين .
اما سفاري فلم نعرف وظيفته الا بعد خروج ريتشارد ورجوع الفريق
الى التشكيل التقليدي.
مازدا سيكون السبب في تحطيم مصعب عمر الجاهز نفسيا وبدنيا

الاخ سنهورى والله بالامس لم اشاهد سوى الدافئ ذلك الفتى الفنان الغيور الذى لعب كما لو كان قد تربى فى شوراع ام درمان او العرضة جنوب تحديد دعك من ظلم التحكيم فذلك يحدث فى عالم كرة القدم ولكن الاهم معيار العطاء والرغبة فى الفوز وتقديمه لهذه الجماهير الصابره .الظلم طال اهل الحاره فسعيد السعودى فى اعتقادى من افضل لاعبى المحور فى السودان لو وجد فرصته وعبد الحميد الافضل على الاطلاق فى المهاجمين .
قد يكون الحكم عامل مؤثر ولكن العوامل الاهم هى الجهاز الادارى والطاقم الفنى وكوكبة اللاعبين .
ويعلم الله انى كنت بكل جوارحى مع المريخ ويعلم ان هذه الاحرف الىن بعيداً عن اى انتماء .

الفخيييم
16-08-2009, 06:26 AM
فريق العب كوره زي المزيقا... وبرضو يتهزم
وفي ناس سلفقا ومردغه يصلوا المربع الذهبي
........عجبي

مزيكة حسب الله00انت شوفتها براك ولا شنو النغمات دي00العبرة بالخواتيم يا اللخو اصحي الله يرضي عليك حالتك تحنن والله00

الملكة اسماء ( ام محمد )
16-08-2009, 06:32 AM
........عجبي


نجمنا الغائب
البركة في الكورة البتجيبك لينا

الفخيييم
16-08-2009, 06:37 AM
نجمنا الغائب

البركة في الكورة البتجيبك لينا


الكورة معشوقة الشعوب 00ولا عندك اعتراض؟

الملكة اسماء ( ام محمد )
16-08-2009, 06:41 AM
الكورة معشوقة الشعوب 00ولا عندك اعتراض؟

انت يا اخينا مفتش معاي مشاكل ؟؟؟؟

الملكة اسماء ( ام محمد )
16-08-2009, 06:46 AM
الكورة معشوقة الشعوب 00ولا عندك اعتراض؟

بعدين تعال نسئلك

هسي في ذمتك كورتنا السودانية دي كورة ؟؟؟

الاطلقوا الكلام الانت قلته ديل شعوب بالجد بتفتخر بلعبتها قدام الفرق التانية

ياخ اقول ليك
مافي داعي نقلب مواجع ... شعب ...

الفخيييم
16-08-2009, 07:20 AM
بعدين تعال نسئلك



هسي في ذمتك كورتنا السودانية دي كورة ؟؟؟


الاطلقوا الكلام الانت قلته ديل شعوب بالجد بتفتخر بلعبتها قدام الفرق التانية


ياخ اقول ليك
مافي داعي نقلب مواجع ... شعب ...


نحن من ضمن الشعوب دي وبعدين الشعوب الفقيرة هي الاغلبيه في عشقها وممكن ما يكون عندنا فرق وبرضونحبها ولا شنو؟

الفخيييم
16-08-2009, 07:21 AM
انت يا اخينا مفتش معاي مشاكل ؟؟؟؟



معقولة اشاكل في منتدي مدني؟ وبعدين اختلاف اراء وكده الود باقي ولا شنو حديشاكل جلالتكم وهوبالفخامة دي00

الملكة اسماء ( ام محمد )
16-08-2009, 07:41 AM
نحن من ضمن الشعوب دي وبعدين الشعوب الفقيرة هي الاغلبيه في عشقها وممكن ما يكون عندنا فرق وبرضو نحبها ولا شنو؟


والله انا بفتكر ان الغالبية العظمى مش عاشقة قدر ماهي ماسكة العصايا من الطرف
بعدين جد كورتنا السودانية ممكن تكون محبوبة جدا في حال انها تكون ماشيا في تقدم

عموما هنيئا للشعب بالكرة السودانية !!!

الملكة اسماء ( ام محمد )
16-08-2009, 07:44 AM
معقولة اشاكل في منتدي مدني؟


والله احساس طيب منك باحترام المكان

وبعدين اختلاف اراء وكده الود باقي ولا شنو حد يشاكل جلالتكم وهو بالفخامة دي00


والله ياصاحب الفخامة احساسي برغبتك في المشاكل السبب فيه لهجتك الحادة
على فكرة انا اخر زول يعيش في جو مشحون خلافات !!!

الفخيييم
16-08-2009, 08:01 AM
والله ياصاحب الفخامة احساسي برغبتك في المشاكل السبب فيه لهجتك الحادة

على فكرة انا اخر زول يعيش في جو مشحون خلافات !!!


طبيعتي كده00قلبي حار وبرد بحرارة وجفاف كمان اعذريني00

الملكة اسماء ( ام محمد )
16-08-2009, 08:11 AM
طبيعتي كده00قلبي حار وبرد بحرارة وجفاف كمان اعذريني00

اسمح لي اقول ليك طبيعتك دي غالبا بتجيب ليك مشاكل ياصاحب الفخامة
بعدين في حاجة اسمها ( نقاش ) والا دي ثقافة ملغية عند اصحاب الفخامة
والله الرد الحار ممكن يكون مقبول في حالة وحدة يكون الشخص المقابل استفذ فيك الحتة دي
في الحالة دي لو سكت ليه تكون ضعيف شخصية غالبا , لكن برضو نرجع للسياسة البتقول .. الحلم عند الغضب , ودي جديرة جدا بكسر خصمك في النقاش
لكن الرد الجاف فدا غالبا بكون بسبب طبيعة الشخص المابعرف يتنازل عن ارائه حتى لو غلطان , ودي ماحلوة في حق الشخص نفسه بالذات لما يطلع كان ( بكورك ) في الفاضي ويطلع غلطان

اسمح لي فخامتك , لو كان في كلامي جرح لشخصك السامي
واعذرني على الدرس الطويل

مرتضى التوم
16-08-2009, 09:57 PM
المشاركة الأصلية كتبت بواسطة ملكة القلوب
بعدين تعال نسئلك



هسي في ذمتك كورتنا السودانية دي كورة ؟؟؟


الاطلقوا الكلام الانت قلته ديل شعوب بالجد بتفتخر بلعبتها قدام الفرق التانية


ياخ اقول ليك
مافي داعي نقلب مواجع ... شعب ...

كل الإحترام ملكة القلوب لكلماتك ولكن دعينى اقول لكى بأن الدول التى تتخلف عنا فى كرة القدم تحب وتشجع فرقها رغماً عن انها تتلقى الهزائم وبعددية كبيره من الاهداف انا بشجع اى شئ سودانى وبموت فيهو وده شئ طبيعى لانى سودانى بس بعيد عن الاساءة للغير واحترام اى منافس عارفه مشكلتنا فى السودان دائماً بننظر لحاجات الغير ونعجب بيها وبنهمل حاجاتنا رغم انو فيها الجميل كورتنا متاخره لاسباب كتيييييييييره ومنها نحن زاتنا لان فينا اللاعب والإدارى والمدرب والمشجع لو كل واحد فينا عمل العليهو اكيد حنكون افضل لان كل المقومات عندنا .
وبنظره بسيطه لالعاب القوة حتعرفو انو ماف مستحيل والعمل المنظم اكيد ليهو نتائج عظيمة وربنا يوفق كاكى واسماعيل فى بطولة العالم ونشوف علم السودان يرفرف فى المانيا والسلام الوطنى السودانى كمان قولو آميييييييين

الملكة اسماء ( ام محمد )
16-08-2009, 10:49 PM
قولوا آميييييييين

آآآآآآآآآآآآآآآآآمين

عمرسنهوري
16-08-2009, 11:25 PM
كل الإحترام ملكة القلوب لكلماتك ولكن دعينى اقول لكى بأن الدول التى تتخلف عنا فى كرة القدم تحب وتشجع فرقها رغماً عن انها تتلقى الهزائم وبعددية كبيره من الاهداف انا بشجع اى شئ سودانى وبموت فيهو وده شئ طبيعى لانى سودانى بس بعيد عن الاساءة للغير واحترام اى منافس عارفه مشكلتنا فى السودان دائماً بننظر لحاجات الغير ونعجب بيها وبنهمل حاجاتنا رغم انو فيها الجميل كورتنا متاخره لاسباب كتيييييييييره ومنها نحن زاتنا لان فينا اللاعب والإدارى والمدرب والمشجع لو كل واحد فينا عمل العليهو اكيد حنكون افضل لان كل المقومات عندنا .
وبنظره بسيطه لالعاب القوة حتعرفو انو ماف مستحيل والعمل المنظم اكيد ليهو نتائج عظيمة وربنا يوفق كاكى واسماعيل فى بطولة العالم ونشوف علم السودان يرفرف فى المانيا والسلام الوطنى السودانى كمان قولو آميييييييين





الاخ مرتضى التوم

تكتب بموضوعيه كبيره سواء اختلفنا او اتفقنا
لك الشكر وانت تعطر البوست بهذه الكلمات الرائعه