ظاهرة تستحق الدراسة

[تيسير]

منذ نعومة اظافرى كانت هذا الامر يلفت نظرى بشدة الا أن كنت فى الثانوى
اتصلت صديقتى الحبيبة(ميسو ) :
صباح الخير
صباح النور
راسك مالو يا تيسير
مؤلمنى شديد انتى عرفتى كيف
شفتك فى النو م
************************************************** **************
وحكت امى قبل ان يتوفى عمى بيوم ان جدتى رحمها الله رمت السكبن التى كانت تقطع بها فجأة وهتفت بلوعة خلاص قريب الله مات لم يمضى على الخبر اكثر من سويعات حتى جاء الخبر من دبى بأن عمى توفى
************************************************** ************
قبل ضربة خليل امدرمان وبدون اى مقدمات لعاصفة احباط دخلت فى حالة من البكاء وكأنما يد قوية تعتصر قلبى بعنف اتصلت بابى وامى وميساء وكلهم بخير بعد فترة اتصل ابى وقال هناك ضرب فى امدرمان اذهبى الى منزل خالتك ولا تأتى الا تهدأالامور وآتى لأخذك
************************************************** **************
وفى كتاب (كولن ويلسن ) القوى الخفية للانسان .............ذكر الكاتب ان فكه الايسر كان يؤلمه بعنف ويشكو من صداع فى نفس جهة الالم اتصل بزوجته فعلم ان زوجتهتشكو من الم فى ضرسها ولم يرتح الا بعد ان خلعت ضرسها
ظاهرة الباراسيكولجى او علم ماوراء الطبيعة او الحاسة السادسة أو التيلثامى كما يحلو لعلماء النفس أن يسموها حديثا ما رأيكم فيها واكيد لكل موقفه معها انتظركم اعزائى

[عوض الكريم الخواض]

الأخت الكريمة تيسير ...

هذه الظاهرة كثيراً ما أسمع بها من المجتمع الذى يحيط بى ...
وبالتحديد من ( النساء) ...
هل لأنهن أكثر انفعالاًوأكثر شفافية من الرجال أم ماذا ؟؟؟!!! ...

وكثيرٌ من الاحيان تتحقق تلك التوقعات ...
هل هي نوع من ( الكرامة ) ...
أم أن هنالك منادى خفى يبين للانسان ما خفى عنه ...
أم هي حاسة سادسة لا تتوفر لدى الجميع ...
انه فعلاً لأمر غريب يثير الحيرة ... :confused::confused:
سبحان الله ...
وفى انفسكم أفلا تبصرون .

[مايسة]

عزيزتي


تعتبر ظاهرة كباقي الظاهر الني نراها ونسمع بها

فهناك ايضا ما نطلق عليه تبادل الخواطر - بأن تفكر في شئ وتجد شخص آخر يفكر في نفس الشئ

فسبحان الله

[تيسير]

الأخت الكريمة تيسير ...

هذه الظاهرة كثيراً ما أسمع بها من المجتمع الذى يحيط بى ...
وبالتحديد من ( النساء) ...
هل لأنهن أكثر انفعالاًوأكثر شفافية من الرجال أم ماذا ؟؟؟!!! ...

وكثيرٌ من الاحيان تتحقق تلك التوقعات ...
هل هي نوع من ( الكرامة ) ...
أم أن هنالك منادى خفى يبين للانسان ما خفى عنه ...
أم هي حاسة سادسة لا تتوفر لدى الجميع ...
انه فعلاً لأمر غريب يثير الحيرة ... :confused::confused:
سبحان الله ...
وفى انفسكم أفلا تبصرون .


المتفرد جدا ( عوض الكريم الخواض ) والله بركة الشفت مداخلاتك الهادفة تانى
صدقت جدا فى أن النساء اكثر ارتباطا بهذه الظاهرة وبنسمع الوالدة اكرمها الله فى الدارين بتقول الليلة عينى رفتنى من تحت الله يستر ما يموت فلان وغالبا ما يموت هذا الفلان او تلك الفلانة ..........
شاهدنا أن هذه الظاهرة ليست وليدة اليوم او الامس فعلماء النفس يستدلون على وجودها منذ عهد النبى (عليه أفضل الصلوات والتسليم ) والصحابة رضوان الله عليهم وسيدنا عمر بن الخطاب حين قال (يا سارية الجبل ) فسمع سارية رغم الاميال التى تفصل بينهما نداء سيدنا عمر رضى الله عنه ..................
فى اعتقادى الجازم والشخصى انه كلما كانت علاقتك بالله اقوى وبمن حواليك اعمق كلما تأصلت هذه الظاهرة ................والله اعلم
شكرا لحضورك الانيق ......................

[تيسير]

عزيزتي


تعتبر ظاهرة كباقي الظاهر الني نراها ونسمع بها

فهناك ايضا ما نطلق عليه تبادل الخواطر - بأن تفكر في شئ وتجد شخص آخر يفكر في نفس الشئ

فسبحان الله

الحبيبة ميساء :
السؤال الذى يطرح نفسه لماذا تتوارد هذه الخواطر وفى نفس اللحظة يعنى مثلا قبل قليل كنت اتمنى ان ارسل لكى رسالة عبر الموبايل فاذا بكى ترسلين عبر الخاص هل هذا شئ عادى ربما يحدث مع الكثيرين ولكن ماهو الرابط وهل فعلا النساء اكثر شفافية من الرجال ؟؟؟؟؟؟؟؟؟
همسة :
كدى قولى لينا عن موقف ما بتنسيه مع الظاهرة دى ؟؟؟؟؟
دمتى كما الامانى الجميلة

[الملكة اسماء ( ام محمد )]

غاليتي اولا : احييك على الموضوع الذي استفذ شهيتي للقراءة والرد

منذ زمن ليس بالقريب ويلاحظ كل من في بيتنا ان والدتي عندها ( حدس )
مستحيل احساسها ( يخيب ) .. من ناحية بقول ان قلب الوالد بشوف
ومن ناحية بستغرب انها بتشوف حتى لغيرنا من الاهل والاصدقاء!!
قبل وفاة ابن عمي بيوم لاحظت لاوجه شبه في زميل لي بابن عمي في الملامح بالذات
الغريبة اني ماحصل لاحظت للشبه دا مع ان الطالب زميلي منذ اكثر من سمسترين !!
في اللحظة التي لاحظت للشبه انقبض قلبي جدا وحسيت بان في شي ماطبيعي
وفعلا اعلن في صباح اليوم التالي وفاة ود عمي الانا ما شفته الا قبل شهر من وفاته
فسبحان الله وكان روحه تمثلت في زميلي ..
لاعرف اني لن اراه مرة اخرى

الاحساس بحدوث الاشياء وخاصة المصائب لعلها هبة من الله سبحانه وتعال ليلزمنا الصبر
فتلاقي الشخص لما يتلقى الخبر الاصلا كان حاسي بيه متصبر ومشغول في فكرة احساسه الصدق في اللحظة دي

والقصة سبحان الله تكاد تكون لدى النساء اكثر من الرجال , واكتشفت في وقت قريب ان والدي الذي ينام بعد قيام الليل يرى في منامه ولا يحب ان يحكي رؤياه لاحد , وسبحان الله برضو غالبيتها بتصدق بشكل مخيف ..
من ناحية الاحلام فاعتقد انها في اشارة لاخر الزمان واحلامكم اعلامكم

اما حدس النساء فدي حاجة محيرة العلماء وزي ما اضاف الاخوة اعتقد انها بسبب العاطفة المرهفة والشفافية الشديدة ..

والله اعلم
تحياتي ياغالية

[madniman]

انا بتحصل لى حاجات عجيبة جدا مرات,يعنى اكون بفكر فى شخص ومرات دون اى مبرر منطقى ,بعد شويه من الزمن القاهو قدامى او يتصل بى تلفونيا, ده والله ياتيسير حصل لى كتيييير ,لكن بسكت ساااااكت وعلامة التعجب فى داخلى,اها رايك شنو؟

[العاقب مصباح]

الرائعة تيسير
سلامات شديدة
فكرت قبل اليوم اكتب بوست فى نفس الموضوع
استشرت شخص لكن قال لى ما تكتبه
لانو بتحصل لى حاجات زى دى
وما عارف هل هى جيدة أم سيئة
رؤيا اشياء قبل وقوعها
ليست علماً بالغيب ولكنها ملكات منحنا إياها الله رب العالمين
قبل شهرين تقريباً ذهب صديقى للسودان
حلمت اثناء نومى أنه اتى واتصل على تلفونيا
وقال لى :- دا تلفونى الجديد سجله عندك
صحيت
والساعة 9 صباحاً جانى تلفون رقمه غريب على
لقيته نفس الصوت
صوت صديقى
وقبل ما يسلم على كويس قلت ليهو دا رقمك الجديد.؟؟؟
قال لى ايوه ..لانه تلفونى ضاع وما مسجل باسمى... عرفت كيف ؟؟؟؟
قلت ليهو حلمت
قال لى الغريبة اول شخص اتصل عليهو انت ....؟...
استغربت من ذاك الحلم
وقد تكرر قبله مرات عديدة
لا اود الخوض فيها
لغرابتها
لا ادرى ماذا تعنى تلك الظاهرة
اخاف منها احياناً
وافرح بها فى أُخر
مع احتراماتى

[مايسة]

الرائعة تيسير
سلامات شديدة
فكرت قبل اليوم اكتب بوست فى نفس الموضوع
استشرت شخص لكن قال لى ما تكتبه
لانو بتحصل لى حاجات زى دى
وما عارف هل هى جيدة أم سيئة
رؤيا اشياء قبل وقوعها
ليست علماً بالغيب ولكنها ملكات منحنا إياها الله رب العالمين
قبل شهرين تقريباً ذهب صديقى للسودان
حلمت اثناء نومى أنه اتى واتصل على تلفونيا
وقال لى :- دا تلفونى الجديد سجله عندك
صحيت
والساعة 9 صباحاً جانى تلفون رقمه غريب على
لقيته نفس الصوت
صوت صديقى
وقبل ما يسلم على كويس قلت ليهو دا رقمك الجديد.؟؟؟
قال لى ايوه ..لانه تلفونى ضاع وما مسجل باسمى... عرفت كيف ؟؟؟؟
قلت ليهو حلمت
قال لى الغريبة اول شخص اتصل عليهو انت ....؟...
استغربت من ذاك الحلم
وقد تكرر قبله مرات عديدة
لا اود الخوض فيها
لغرابتها
لا ادرى ماذا تعنى تلك الظاهرة
اخاف منها احياناً
وافرح بها فى أُخر
مع احتراماتى





رائك شنو يا العاقب - نفتح محل وانا كمان

كان كدي منك خوف يا ود امي

:d:)

[moh_alnour]

نعم هذه الظاهرة محيرة فعلا ً
لدينا مندوب سوري أسمه ( وائل ) و هو مندوب لشركة كبيرة نتعامل معها بالآجل و أخر الشهر نقوم بتحرير شيك لهم
و دائما ً أول ما نجيب سيرتو في المكتب إلا و تلفون المكتب يرن و يكون هو في الطرف الآخر يسأل عن شيك أو فاتورة أو مرتجع أو بضاعة وصلت أم لا
و الحاجة دي لاحظناها كلنا في المكتب لدرجة أننا بقينا أول ما نجيب سيرتو نقول حسي التلفون ح يرن :confused:





اتصلت صديقتى الحبيبة ( ميسو ) : صباح الخير
صباح النور
راسك مالو يا تيسير
مؤلمنى شديد انتى عرفتى كيف
شفتك فى النوم

صاحبتك دي يا تيسير ديامية أقصد وداعية من العُشرة عشان كدا عرفت وجع الرأس ;) :eek: ;)

[عبدالرحمن مدثر]

ناخد الموضوع بعلمية بحتة

بعد دااك نجى لبعض التفاصيل المربوطة بالظاهرة

انا حقيقة مهتم بالظاهرة دى شديد

لانو فيها ارواح بتتلاقى فى منطقة وسطى مع العلم ان اللحظة

دى بتنتفى فيها كل ابعاد الزمان والمكان .. فى تواصل كدا هوائى

من دون لاسلكى وغريب طبعا

تيسير لك التحية على الموضوع المهم

الباراسايكولجى

علم يبحث في الظواهر الخارقة التي تحدث بشكل نادر لبعض الاشخاص والتي يعجز العلم الطبيعي عن ايجاد تفسير لها حسب قوانين العلوم المادية المعروفة .. وايضا نتيجة لظهور هذ العلم بشكل جاد اصبح من الممكن التدرب على مثل هذه الامور ممن تكون لديهم القابلية ولكن بشكل كامن لا يظهر الا بعد الاهتمام بتطوير هذه القدرات

اهم الظواهر التي يبحث فيها هذا العلم:


- الرؤية عن بعد
- تحريك الاشياء عن بعد
- الخروج من الجسد
- التخاطر



الرؤية عن بعد :

هي امكانية الانسان لرؤية احداث معينة بعيدة جدا رأي العين .. بحيث يمكن ان يخبر عن ادق التفاصيل لمكان لم يسبق له رؤيته


التحريك عن بعد:

يتمثل في تحريك الاجسام دون لمسها .. عن طريق التركيز والنظر فقط


الخروج من الجسد:

يسمى الاسقاط النجمي او الاثيري وهو ترجمة لكلمة astral projection .. وأحيانا يسمى تجربة الخروج من الجسد Out Of Body Experiance .. الاشخاص الذين لديهم هذه القدرة بإمكانهم السفر خارج الجسد الى اماكن اخرى ومشاهدة مايدور فيها من احداث .. وهو اقرب الى مايحدث اثناء الحلم ولكن بشكل ارادي , هذه الظاهرة وجدت اهتمام بالغ من العلماء في الاتحاد السوفييتي سابقا لاستخدامها في اغراض التجسس ..


التخاطر :

عملية ارسال فكرة او معلومة من شخص الى اخر دون استخدام وسائل الاتصال والتحادث الطبيعية

قد يعتقد الكثير ان هذه خرافات .. ولكنها في الواقع حقائق .. تم اثباتها تحت تجارب علمية دقيقة وصارمة جدا لا تقبل الشك

[عبدالرحمن مدثر]

وعندنا فى الاسلام محطة مهمة نتوقف عندها بخصوص

هذا الموضوع ... وهى القصة المشهورة لسيدنا عمر بن الخطاااب

وهو يخطب فى الناس لصلاة الجمعة ويكرر كلمات لاعلاقة لها بالجمعة

ياسااااارية الجبل


ياسااااارية الجبل

وبعدها تاتى الاخبار بانتصار سارية قائد جيش المسلمين

بعد ان التزم بوصية عمر من عاى البعد ولجأ الى الجبل

وكان سببا فى الانتصاااااااار

[الجندي المجهول]

منذ نعومة اظافرى كانت هذا الامر يلفت نظرى بشدة الا أن كنت فى الثانوى
اتصلت صديقتى الحبيبة(ميسو ) :
صباح الخير
صباح النور
راسك مالو يا تيسير
مؤلمنى شديد انتى عرفتى كيف
شفتك فى النو م
************************************************** **************
وحكت امى قبل ان يتوفى عمى بيوم ان جدتى رحمها الله رمت السكبن التى كانت تقطع بها فجأة وهتفت بلوعة خلاص قريب الله مات لم يمضى على الخبر اكثر من سويعات حتى جاء الخبر من دبى بأن عمى توفى
************************************************** ************
قبل ضربة خليل امدرمان وبدون اى مقدمات لعاصفة احباط دخلت فى حالة من البكاء وكأنما يد قوية تعتصر قلبى بعنف اتصلت بابى وامى وميساء وكلهم بخير بعد فترة اتصل ابى وقال هناك ضرب فى امدرمان اذهبى الى منزل خالتك ولا تأتى الا تهدأالامور وآتى لأخذك
************************************************** **************
وفى كتاب (كولن ويلسن ) القوى الخفية للانسان .............ذكر الكاتب ان فكه الايسر كان يؤلمه بعنف ويشكو من صداع فى نفس جهة الالم اتصل بزوجته فعلم ان زوجتهتشكو من الم فى ضرسها ولم يرتح الا بعد ان خلعت ضرسها
ظاهرة الباراسيكولجى او علم ماوراء الطبيعة او الحاسة السادسة أو التيلثامى كما يحلو لعلماء النفس أن يسموها حديثا ما رأيكم فيها واكيد لكل موقفه معها انتظركم اعزائى


الاخت تيسير أسال الله ان يمتعك بالصحة والعافية ( ادهشتيني حقيقةً بهذا البوست) وباختصار الحمد لله ( امي) العزيزة هذه الايام معي بجدة وقبل يومين صحت ( استيقظت) من النوم منزعجة ومتوترة خالص وقالت لي اتصل على ابوك ( والله العظيم) اتضح ان والدي كان متألم شوية ويشكو من ( قبضة في بطنه) --- ( والحمد لله الان مية مية)

انت خطيييييييييييييييرة ويا سبحان الله ،،،

[مايسة]

صاحبتك دي يا تيسير ديامية أقصد وداعية من العُشرة عشان كدا عرفت وجع الرس ;) :eek: ;)[/SIZE]

اقيف بعيد - واعمل شخيط - كده صح يا العاقب :eek::confused::cool::rolleyes:

ود النور - مالك ومال الودع هسه بقلب عليك :cool::rolleyes::mad::)

[esmat]

شكراً تيسير على الطرح الجميل والمرتب
شكراً صديقي العزيز عبد الرحمن المدثر
لهذه المعلومات القيمة

[ابوالناس]

منذ نعومة اظافرى كانت هذا الامر يلفت نظرى بشدة الا أن كنت فى الثانوى
اتصلت صديقتى الحبيبة(ميسو ) :
صباح الخير
صباح النور
راسك مالو يا تيسير
مؤلمنى شديد انتى عرفتى كيف
شفتك فى النو م
************************************************** **************
وحكت امى قبل ان يتوفى عمى بيوم ان جدتى رحمها الله رمت السكبن التى كانت تقطع بها فجأة وهتفت بلوعة خلاص قريب الله مات لم يمضى على الخبر اكثر من سويعات حتى جاء الخبر من دبى بأن عمى توفى
************************************************** ************
قبل ضربة خليل امدرمان وبدون اى مقدمات لعاصفة احباط دخلت فى حالة من البكاء وكأنما يد قوية تعتصر قلبى بعنف اتصلت بابى وامى وميساء وكلهم بخير بعد فترة اتصل ابى وقال هناك ضرب فى امدرمان اذهبى الى منزل خالتك ولا تأتى الا تهدأالامور وآتى لأخذك
************************************************** **************
وفى كتاب (كولن ويلسن ) القوى الخفية للانسان .............ذكر الكاتب ان فكه الايسر كان يؤلمه بعنف ويشكو من صداع فى نفس جهة الالم اتصل بزوجته فعلم ان زوجتهتشكو من الم فى ضرسها ولم يرتح الا بعد ان خلعت ضرسها
ظاهرة الباراسيكولجى او علم ماوراء الطبيعة او الحاسة السادسة أو التيلثامى كما يحلو لعلماء النفس أن يسموها حديثا ما رأيكم فيها واكيد لكل موقفه معها انتظركم اعزائى

<a href="http://www.sweetim.com/s.asp?im=gen&lpver=3&ref=11" target="_blank"><img src="http://cdn.content.sweetim.com/sim/cpie/emoticons/0002025D.gif" border="0" title="Click to get more." ></a>
الاخت تيسير
مثل هذه الظاهره تعد ارتباط نفسى
بين روحين متعلقات بى بعض
اذا كانا اخوين صديقين حبيبين او توامين
يلتصقا ببعض لا يفصلهما شى
وهذا الارتباط الزهنى

[نشوي محمد]

تيسير تحياتى
مثل هذه الظاهره تحدث كثير لى ولكنى لا اتخوف منها فهى تمهدك لاستقبال الحدث بالرغم ان هنالك تبعات من التوتر تلازمها

ربنا يلطف

[تيسير]

غاليتي اولا : احييك على الموضوع الذي استفذ شهيتي للقراءة والرد

منذ زمن ليس بالقريب ويلاحظ كل من في بيتنا ان والدتي عندها ( حدس )
مستحيل احساسها ( يخيب ) .. من ناحية بقول ان قلب الوالد بشوف
ومن ناحية بستغرب انها بتشوف حتى لغيرنا من الاهل والاصدقاء!!
قبل وفاة ابن عمي بيوم لاحظت لاوجه شبه في زميل لي بابن عمي في الملامح بالذات
الغريبة اني ماحصل لاحظت للشبه دا مع ان الطالب زميلي منذ اكثر من سمسترين !!
في اللحظة التي لاحظت للشبه انقبض قلبي جدا وحسيت بان في شي ماطبيعي
وفعلا اعلن في صباح اليوم التالي وفاة ود عمي الانا ما شفته الا قبل شهر من وفاته
فسبحان الله وكان روحه تمثلت في زميلي ..
لاعرف اني لن اراه مرة اخرى

الاحساس بحدوث الاشياء وخاصة المصائب لعلها هبة من الله سبحانه وتعال ليلزمنا الصبر
فتلاقي الشخص لما يتلقى الخبر الاصلا كان حاسي بيه متصبر ومشغول في فكرة احساسه الصدق في اللحظة دي

والقصة سبحان الله تكاد تكون لدى النساء اكثر من الرجال , واكتشفت في وقت قريب ان والدي الذي ينام بعد قيام الليل يرى في منامه ولا يحب ان يحكي رؤياه لاحد , وسبحان الله برضو غالبيتها بتصدق بشكل مخيف ..
من ناحية الاحلام فاعتقد انها في اشارة لاخر الزمان واحلامكم اعلامكم

اما حدس النساء فدي حاجة محيرة العلماء وزي ما اضاف الاخوة اعتقد انها بسبب العاطفة المرهفة والشفافية الشديدة ..

والله اعلم
تحياتي ياغالية



المتألقة الملكة اسعدنى جدا وجودك واتفق معك تماما فى ان النساء اكثر شفافية من الرجال .........ودعّم حديثك فى ان الشخص كلما قرب من الله عز وجل كلما كانت بصيرته افتح فى قصة والدك اكرمه الله واياكم جميعا .........
سعدت بوجودك وبمشاركتك الجميلة ونورتى البوست ودمت بحب صادق

[تيسير]

انا بتحصل لى حاجات عجيبة جدا مرات,يعنى اكون بفكر فى شخص ومرات دون اى مبرر منطقى ,بعد شويه من الزمن القاهو قدامى او يتصل بى تلفونيا, ده والله ياتيسير حصل لى كتيييير ,لكن بسكت ساااااكت وعلامة التعجب فى داخلى,اها رايك شنو؟
اخى الكريم madniman
هلا
ومرحب بيك وشرفت كتير ............جد الحاجات دى مرات احسن السكوت عليها لانو ما عارفة اول ما الزول يتكلم مرات ما تجئ تانى لكأنما هى احساس او ظاهرة ترفض الافصاح وتنمو بالصمت على كل ربنا يمتعك بالصحة والعافية ويارب تشوف كل خير ودمت بود جميل

[تيسير]

وعندنا فى الاسلام محطة مهمة نتوقف عندها بخصوص

هذا الموضوع ... وهى القصة المشهورة لسيدنا عمر بن الخطاااب

وهو يخطب فى الناس لصلاة الجمعة ويكرر كلمات لاعلاقة لها بالجمعة

ياسااااارية الجبل


ياسااااارية الجبل

وبعدها تاتى الاخبار بانتصار سارية قائد جيش المسلمين

بعد ان التزم بوصية عمر من عاى البعد ولجأ الى الجبل

وكان سببا فى الانتصاااااااار


المتفرد (ابو مزن ) دوما مشاركاتك لها وقع خاص فى النفوس..............وحقيقى ان ظاهرة التخاطر التليباثى
Telepathy
وكلمة تليباثى، كما تقول القواميس المتخصصة، تعنى التخاطر عن بعد، أو انتقـال الأفكار، من شخص إلى آخر أو آخرين دون استخدام وسيلة مادية
أو هى ببساطة ظاهرة قراءة الأفكار، كما يطلق عليها العامة

*******
وعلى الرغم من كل ما أثارته ظاهرة التخاطر عن بعد، من جدل، وما أطلقته من خيال العلماء والأدباء، إلا أن التجارب الجادة حولها لم تبدأ إلا فى عام 1921 م، عندما قام ثلاثة من علماء جامعة جروننجن بسلسلة طويلة من التجارب والمشاهدات، انتهت بإصدار تقرير كبير، اقتنع به عدد من العلماء، ورفضته الغالبية العظمى منهم

ومن العجيب أن تلك الظاهرة تذهب بالعلماء دائماً إلى طرفى نقيض، فإما أن يؤيدها البعض فى حماس، أو يرفضها البعض الآخر فى عناد وإصرار، ولعل من أعظم مؤيديها العالم البريطانى جوزيف سينل، الذى قضى القسم الأعظم من حياته، فى محاولة إثبات وجود الظاهرة، وهو يقول عنها : إنها تشبه عملية الاتصالات اللاسلكية المعروفة، فالعقل البشرى يموج بالإشارات الكهربية، التى تنتقل دوماً بين المخ والأعصاب، وتربطه بأعضاء الجسم، وعندما تبلغ هذه الإشارات حداً مناسباً، يمكنها أن تنتقل دون الحاجة إلى الأسلاك الأعصاب، فتسافر من عقل إلى عقل
*******
أما أشهر العلماء فى هذا المجال، وهو ج.ب.راين فيقول: الأمر عبارة عن نوع من الشفافية الروحانية، التى تتيح للروح الالتقاء بالأرواح الأخرى، واستنطاقها عما يدور فى أجساد وعقول أصحابها،ولكن هذا الرأى يبدو فلسفياً، أكثر مما يبدو علمياً أو منهجياً، ولهذا السبب رفضه كل العلماء تقريباً، على الرغم من أن راين هو صاحب أول تجارب مدروسة لفحص الظاهرة، فلقد ابتكر عام 1934 فى جامعة ديوك أسلوباً جديداً، يعرف باسم اختبار أوراق اللعب، وفيه يحاول الشخص، المفترض اكتسابه للقدرة على التخاطر العقلى، استنتاج ترتيب خمس أوراق لعب مختلفة، يتم ترتيبها عشوائياً

وقد يبدو هذا الاختبار هيناً، ولكنه ليس كذلك فى الواقع، فاحتمال استنتاج موضع ورقة واحدة، أو تخمينه، هو واحد إلى خمسة أما احتمال استنتاج موضع الأوراق الخمسة هو واحد إلى ثلاثة آلاف ومائة وخمس وعشرين، وهذا يجعل التخمين مستحيلاً بالطبع
*******
ولعل من أكثر ما يؤيد وجود هذه الظاهرة، رجل يحفظ كل دارسى الظواهر فوق النفسية اسمه عن ظهر قلب، وهو الهولندى بيتر هيركوس، الذى ولد عام 1911 م، وظل يحيا كشاب عادى، حتى انقلبت حياته رأسه على عقب فجأة فى عام 1941 م

فى ذلك العام كان بيتر يعاون والده فى طلاء بناء من أربعة طوابق، عندما زلت قدمه، وسقط من الطابق الرابع، وتم نقله إلى المستشفى فى سرعة، فى العاشر من يوليو 1941 م، حيث تم إسعافه، وقدر له أن ينجو، وأن يغادر المستشفى فى الخامس من أغسطس، من العام نفسه
ولكن شتان ما بين الدخول والخروج
*******
لقد كشف بيتر، وهو يرقد على فراشه فى المستشفى أنه قد اكتسب خاصية عجيبة وهى أنه ما إن يمس شيئاً .. أى شئ .. حتى تندفع إلى رأسه كل المشاهد والأصوات والأحداث، التى عايشها هذا الشئ .. جماداً كان أو حيواناً أو نباتاً
وكاد المسكين يُصاب بالجنوب فى البداية
بل لقد تصور أنه قد أُصيب به بالفعل
ثم اتضحت له حقيقة موهبته الجديدة شيئاً فشيئاً
والعجيب فى ظاهرة هيركوس أنه، ولأول مرة فى التاريخ اعترفت إدارة اسكوتلانديارد بموهبة شخص يحوز صفة فوق طبيعية، بل استدعت بيتر هيركوس إلى إنجلترا عام 1951 م، حيث عاون مفتشيها على حل غموض اختفاء الماسة الشهيرة سكون، وبعدها استعانت به عدة هيئات بوليسية أوربية، وحقق فى كل مرة انتصاراً مبهراً

وعلى الرغم من هذا لم يحظ بيتر باعتراف أو تأييد الأوساط العلمية، ولم يحاول عالم واحد، ممن أنكروا موهبته، اختبار وجود هذه الموهبة، بأية وسيلة، حتى أن الصحفية نورما - لى - براوننج التى كانت من أشد المؤيدين لـ بيتر، قد علقت على هذا بقولها : لقد خسروا فرصة مثالية لفحص ظاهرة غامضة.. وهى على حق، فربما أدى فحص بيتر هيركوس إلى إماطة اللثام عن تلك الظاهرة
ولكن يبدو أن البعض يخشى إماطة هذا اللثام
وهذا أيضاً صحيح..
*******

أسرار للبيع
إن الرافضين لوجود هذه الظاهرة يقولون : إنه لو صح وجودها، فسيعنى هذا أن الأسوار التى تحيط بالعقل قد تهاوت، وأنه لم يعد هناك مكان آمن لحفظ أية أسرار، مهما بلغت خطورتها، فالقاعدة الأولى، فى عالم المخابرات مثلاً، تحظر الاحتفاظ بمعلومات مكتوبة، وتصر على ضرورة حفظها عن ظهر قلب، بافتراض أن العقل البشرى هو الحصن الحصين، الذى يستحيل اختراقه، أو نسيانه داخل درج مغلق، أو فوق مائدة القمار، وعلى الرغم من ذلك، فمن يمتلك القدرة على قراءة الأفكار سيعبر أسوار العقل فى يسر وسهولة ودون أن يقاتل العمالقة مثل جيمس بوند، أو يحتال ويتخابث مثل أرسين لوبين
بل قد يتمادى أصحاب هذه المقدرة الفذة، فيفتتحون مكاتب خاصة، على غـرار مكاتب البوليس الخاص، يعلقون على أبوابها لافتة تقول: هنا أسرار للبيع

قد تبدو الصورة خيالية أو هزلية، فى نظر القارئ، ولكنه ليست كذلك فى نظر العديد من العلماء، وأجهزة مخابرات الشرق والغرب، بل إنهم يولونها اهتماماً بالغاً، وينكبون على دراستها فى سرية ودقة
ولعل القارئ يتصور الآن أننا لو استبعدنا الفريق الرافض من العلماء، فسيتبقى أمامنا المؤيدون للظاهرة فحسب
ولكن هذا غير صحيح أيضاً
*******
الواقع أنه ما من عالم - فى الكرة الأرضية كلها - يمكنه أن يجزم أو ينفى وجود هذه الظاهرة، بصفة قاطعة، فبعد استبعاد الرافضين لوجودها سينقسم الباقـون إلى قـسم أعظم، يقف على الحياد، غير مؤيد أو معارض، أو هو ينتظر ما سيتوصل إليه الآخرون، وقسم صغير، يميل إلى الإيمان بوجود الظاهرة، ولكنه يلقى سؤالاً أكثر أهمية، وهو يقلب بين يديه نموذجاً صغيراً للمخ البشرى

من أين تنبع هذه الظاهرة ؟

فعلى الرغم من التقدم الطبى والتكنولوجى والتقنى، الذى توصل إليه العالم، فى هذه السنوات الأخيرة من القرن العشرين، إلا أن أجزاء كبيرة من المخ البشرى ما زالت غامضة تماماً، وما زال ذلك العضو الرخوى البيضاوى، الذى يبلغ وزنه التقريبى فى الرجل حوالى رطلين وعشرة أوقيات أى ما يساوى من وزن الجسم تقريباً يثير حيرة أعلم العلماء

والمخ يتكون من نصفين، أيمن وأيسر، يشتركان لصنع الفص الأمامى والفص الخلفى، ثم يحوز كل منهما فصاً جدارياً، وآخر صدغياً، فى حين يلتقيان من الخلف عند المخيخ، والجسم الصنوبرى الصغير
ولقد درس العلماء كل خلية من خلايا هذا المخ، وعرفوا وظيفة كل جزء فيه، فيما عدا منطقتين، توقّف أمامهما الجميع فى حيرة، وهما الجسم الصنوبرى والفص الأمامى، فتوصلوا إلى جزء ضئيل من وظائف الأول، وعجزوا تماماً عن فهم وظيفة الثانى مع الإيمان التام بأن الله - سبحانه وتعالى - لم يخلق شيئاً عبثاً
*******
أثار التحدى حماس العلماء، وجمعوا مئات من حيوانات التجارب المسكينة، وراحوا يمزقون فصوصها، ويغرسون فيها الأسلاك والأعمدة، دون أن يسفر هذا عن نتائج واضحة، بل إن مراجع الطب الشرعى تحدثت عن حالة، انغرز فيها نصل خنجر لعشرة سنتيمترات، فى الفص الأمامى لمخ آدمى، دون أن يؤثر ذلك فى وظائف المصاب الحيوية، أو حتى غير الحيوية
وتضاعفت حيرة العلماء
*******
وبقى السؤال ..
هل الفص الأمامى هو محطة الإرسال والاستقبال التخاطرى ؟
ولم يأت الجواب بعد
ولن يأتى؛ لأن إثبات ظاهرة فوق نفسية، مثل التخاطر العقلى، كان وسيظل عسيراً ؛ لأن العلماء سيعجزون دوماً عن إمساكها بأيديهم، وتقليبها، ووضعها تحت المجهر وتصويرها، وتكبيرها، و … و
وإلى أن يأتى ذلك اليوم المستحيل، سنظل نردد قول أحد كبار العلماء، المؤمنين بوجود الظاهرة: ينبغى أن يتوقف العلم عن محاولاته الدائبة، لإثبات وجود هذه الظواهر، ويحصر جهوده فى بحث كيفية الإفادة منها، حتى لا نكون كمن يقضى عمره كله فى محاولة إثبات كونه حياً، ثم تنقضى حياته، دون أن يصنع فيها شيئاً واحداً
وإلى أن تحظى ظاهرة التليباثى بالاعتراف، دعونا نتخذ الحذر، فقد يكون حولنا بعض من يمتلكون تلك القدرة، ويسعون للتسلل خلف أفكارنا
وخلف أسوار العقل ..
الرائع ( ابومزن ) :
لك الشكر وكل الود

[تيسير]

الاخت تيسير أسال الله ان يمتعك بالصحة والعافية ( ادهشتيني حقيقةً بهذا البوست) وباختصار الحمد لله ( امي) العزيزة هذه الايام معي بجدة وقبل يومين صحت ( استيقظت) من النوم منزعجة ومتوترة خالص وقالت لي اتصل على ابوك ( والله العظيم) اتضح ان والدي كان متألم شوية ويشكو من ( قبضة في بطنه) --- ( والحمد لله الان مية مية)

انت خطيييييييييييييييرة ويا سبحان الله ،،،

ربنا يحفظ الوالدة واديها العافية يارب .................واهلا ومرحب بيك اخى الجندى عارف الامهات بصورة عامة عندهم حدس غريب فمثلا الوالدة رعاها الله بتقول المشوار ده قلبى اباه والله لو اتحديناها ومشينا لازم تحصل مصيبة المهم انا غايتو جد بحاول دايما ابعد عن اى شئ قلبها مابيه .
وعندى قصة مع الوالد ربنا يعزو مرة كنت ماشة لصاحبتى وهو صراحة ما بحب المشاوير البعيدة المهم البت جدتها متوفية والحكاية واجب اكتر من مجاملة المهم بعد تعب جدا مشى الموضوع وهو ما مقتنع ابدا بعد داك الحمد لله وصلت بالسلامة لكن كان عندى احساس قوى انو لازم تحصل حاجة حتى نقلت الاحساس لصاحبتى وانا فى الحافلة اذا بمجنونةكانت بتحدف الناس بالطوب وماتجئ الطوبة الاقصاد الشباك اللى انا راكبة جنبو ولولا لطف الله والشباك كان مقفول كنت انضربت فى وشى .الحمد لله جات سليمة

سلمت اخى ودمت بود جميل وشكرا لحضورك الانيق

[تيسير]

الرائعة تيسير
سلامات شديدة
فكرت قبل اليوم اكتب بوست فى نفس الموضوع
استشرت شخص لكن قال لى ما تكتبه
لانو بتحصل لى حاجات زى دى
وما عارف هل هى جيدة أم سيئة
رؤيا اشياء قبل وقوعها
ليست علماً بالغيب ولكنها ملكات منحنا إياها الله رب العالمين
قبل شهرين تقريباً ذهب صديقى للسودان
حلمت اثناء نومى أنه اتى واتصل على تلفونيا
وقال لى :- دا تلفونى الجديد سجله عندك
صحيت
والساعة 9 صباحاً جانى تلفون رقمه غريب على
لقيته نفس الصوت
صوت صديقى
وقبل ما يسلم على كويس قلت ليهو دا رقمك الجديد.؟؟؟
قال لى ايوه ..لانه تلفونى ضاع وما مسجل باسمى... عرفت كيف ؟؟؟؟
قلت ليهو حلمت
قال لى الغريبة اول شخص اتصل عليهو انت ....؟...
استغربت من ذاك الحلم
وقد تكرر قبله مرات عديدة
لا اود الخوض فيها
لغرابتها
لا ادرى ماذا تعنى تلك الظاهرة
اخاف منها احياناً
وافرح بها فى أُخر
مع احتراماتى



فكرت قبل اليوم اكتب بوست فى نفس الموضوع ده توارد خواطر يا عقبة ولا شنو
العاقب ادام الله عليك نعمة الصحة والعافية والقبولوالاحساس الجميل ...........
الحقيقة ان لو مكانك كانت فرحت لانوالظاهرة دى ما تكون عند اى زول
وعارف بعتقد انو الناس الحساسة اكتر عندها الحاجة دى بمعدلات عالية اكتر ولا رأيك شنو ؟؟؟
همسة :
كدى ما تتفق مع ميسا احتمال الناس ديل يستفيدوا منكم خاصة محمد النور وكدة


العاقب كل الامنيات الرائعات ودمت بود صافى وشرفت كتيييييييييييير

[تيسير]

نعم هذه الظاهرة محيرة فعلا ً
لدينا مندوب لبناني أسمه ( وائل ) و هو مندوب لشركة كبيرة نتعامل معها بالآجل و أخر الشهر نقوم بتحرير شيك لهم
و دائما ً أول ما نجيب سيرتو في المكتب إلا و تلفون المكتب يرن و يكون هو في الطرف الآخر يسأل عن شيك أو فاتورة أو مرتجع أو بضاعة وصلت أم لا
و الحاجة دي لاحظناها كلنا في المكتب لدرجة أننا بقينا أول ما نجيب سيرتو نقول حسي التلفون ح يرن



المبدع :
محمد النور شكرا لوجودك الذى اضفى طابعا خاصا ورائعا على البوست
غايتو انا لو فى مكانكم كان عملت دراسة حالة للاخ اللبنانى ده ................

اقتباس:المشاركة الأصلية كتبت بواسطة تيسير
اتصلت صديقتى الحبيبة ( ميسو ) : صباح الخير
صباح النور
راسك مالو يا تيسير
مؤلمنى شديد انتى عرفتى كيف
شفتك فى النوم



صاحبتك دي يا تيسير ديامية أقصد وداعية من العُشرة عشان كدا عرفت وجع الرس



غريبة غايتو لمن الحاجة دى حصلت ماكانت احترفت الودع لسة .......البت دىمما خشت المنتدى ما عرفة الحصل ليهاشنو تكون عرفت منو ياربى :(

[الدكتور]

انا والله خواطري كتيرة
المرتب يزيد
القي بيت ايجار رخيص
البت البحبا ماتديني شاكوش
اتخصص مجان
وعربية
بسسسسسسسسسسسسس

[الدكتور]

حواطري دي كلها مااتحققت يعني الحكاية دي مافي اساسا
يعني زي بتاع الشيك دا يعني زول عارف انو عليهو شيك يمكن ينسي
والراسو واجعو من النوم عشان شاف زول في النوم دي زاتا مشكلة

[تيسير]

شكراً تيسير على الطرح الجميل والمرتب
شكراً صديقي العزيز عبد الرحمن المدثر
لهذه المعلومات القيمة

وشكرا لك يا عاشق الرموش على الاطلالة البهية

[تيسير]

<a href="http://www.sweetim.com/s.asp?im=gen&lpver=3&ref=11" target="_blank"><img src="http://cdn.content.sweetim.com/sim/cpie/emoticons/0002025d.gif" border="0" title="click to get more." ></a>
الاخت تيسير
مثل هذه الظاهره تعد ارتباط نفسى
بين روحين متعلقات بى بعض
اذا كانا اخوين صديقين حبيبين او توامين
يلتصقا ببعض لا يفصلهما شى
وهذا الارتباط الزهنى



انا معك اخى ( ابو الناس ) تلاقح الارواح وارتباطها ينتج تفاعل رائع وعارف ده ليه عشان بيكون فى صدق وشفافية فى العلاقة .................
دمت بود جميل وشكرا لحضورك الانيق

[تيسير]

تيسير تحياتى
مثل هذه الظاهره تحدث كثير لى ولكنى لا اتخوف منها فهى تمهدك لاستقبال الحدث بالرغم ان هنالك تبعات من التوتر تلازمها

ربنا يلطف

عزيزتى الراقية (نشوى ) تشكراتى لهذا العبق الذى اضافته مشاركتك
وربنا يأمنك من كل خوف ..........واكثرى من ( يا امان الخائفين امنا انك انت السميع العليم ) ولا تخافى فالدعاء يرد البلاء ...............وامرك كلو خير باذن الله ...........
ويارب تشوفى كل خير دمتى كما تودى وتشتهى وشكرا كتيييييييييير

[تيسير]

انا والله خواطري كتيرة
المرتب يزيد
القي بيت ايجار رخيص
البت البحبا ماتديني شاكوش
اتخصص مجان
وعربية
بسسسسسسسسسسسسس

لا والله احلامك بسيطة وربنا يحقق الامانى كتر من الدعاء رمضان جاى
يا سيادة الدكتور فى فرق بين التخاطر والخواطر والاحلام وعلم ماوراء الطبيعة والميتافيزيقا والبيولجى والسيكولجى و البارانويا والشيزوفرانيا والارتاكاريا وجنون البقر وانفلونزا الخنازير
وفى فرق بين التخصصات فى الطب لكن الغريبة انو مفروض ادوك علم نفس عشان تعرف الفروقات دى وما تختلط عليك الامور ...........
ما علينا
انت شكلك يادوووووووووب صاحى من النوم وماشربت الشاى
همسة :
قلت لى انت بتقرأفى ياتو جامعة ؟؟؟؟؟؟؟؟

[الدكتور]

الاخت العزيزة

في فرق بين الحاجات القلتيها دي كلها وحاجة واحد الا وهي االواقع
المابعيش الواقع دا المرض زاتو الحاجات دي كلها بتساعد في تحسين الواقع بس

الحاجات التانية القلتيها دي كلها ابتعاد عن الواقع
السيكولوجية
والشيزوفرينية ووالبارونية والميتافيزيقة دي كلها امراض الابتعاد عن الواقع

وبعدين انا قلت راي بكل واقعية لي النقض المولم دا
اقنعيني بس
الحلم عبارة عن خاطرة بتفكر في الحاجة تمشي تنوم بتجيك في النوم وبس

تجي تجسد الحاجات في الواقع بتطلع ساكت

يعني انا الحاجات القولتها دي خواطر جاتني انو حايصل كد وكدا اتجسدت علي شكل حلم اطورت بقت طموح
سعيت لتنفيزها لقيت روحي مصدوم بالواقع اها انا اطير وين ؟

[الدكتور]

وانا اير اسالك
حسي لو قمت حلمت لو انك مثلا بتقري في الجامعة انك حاتربتي كتير
طبعا ماترضي تعيش الفكرة دي اكيد والا لا
لو اساسا الحاجات دي ببنا عليها الواقع ماكان دي حالنا

المهم الفكرة في الموضوع جميلة لكن راي الخيال الواسع مشكلة

[تيسير]

الاخت العزيزة

في فرق بين الحاجات القلتيها دي كلها وحاجة واحد الا وهي االواقع
المابعيش الواقع دا المرض زاتو الحاجات دي كلها بتساعد في تحسين الواقع بس

الحاجات التانية القلتيها دي كلها ابتعاد عن الواقع
السيكولوجية
والشيزوفرينية ووالبارونية والميتافيزيقة دي كلها امراض الابتعاد عن الواقع

وبعدين انا قلت راي بكل واقعية لي النقض المولم دا
اقنعيني بس
الحلم عبارة عن خاطرة بتفكر في الحاجة تمشي تنوم بتجيك في النوم وبس

تجي تجسد الحاجات في الواقع بتطلع ساكت

يعني انا الحاجات القولتها دي خواطر جاتني انو حايصل كد وكدا اتجسدت علي شكل حلم اطورت بقت طموح
سعيت لتنفيزها لقيت روحي مصدوم بالواقع اها انا اطير وين ؟

يا سيدى الفاضل:
حقيقة يبدو انو فى سؤ فهم ولبس حقيقى فى الموضوع .............
ولو رجعت لكلام الا خ الكريم ( عبد الرحمن مدثر ) والرد عليهو حتلقى انو دى ظواهر حقيقة يخضعها العلماء للدراسة الآن .....
ويا أخى الكريم : هناك واقع نصنعه بايدينا وهناك طموح وظروف ربما تحد من الطموح .........
اما بالنسبة الحاجات التانية القلتيها دي كلها ابتعاد عن الواقع
السيكولوجية
والشيزوفرينية ووالبارونية والميتافيزيقة دي كلها امراض الابتعاد عن الواقع ...

ما اظن انا بعدت عن الواقع اذا كان على السيكولجى ده علم النفس
الميتافيزيقيا وعلم ماوراء الطبيعة واحد ...
الشيزفرونيا او الفصام النفسى ده مرض نفسى
البارنويا وعقدة الاضهاد مع جنون العظمة ده مرض نفسى برضو
ويا اخى بالنسبة لاحلامك دى احلام الآف الشباب فى سنك بس انت لازم تؤمن بقدراتك وتسعى بقوة من اجلها زى ما بقولوا علماء التدريب العالميين دمت بود وربنا يحقق احلامك

[العاقب مصباح]

رائك شنو يا العاقب - نفتح محل وانا كمان
كان كدي منك خوف يا ود امي

:d:)


خلاص اتفقنا بس ما تقولى دايرة راس مال

وانا راس مالى حبه حلم

وشويه توقعات مرات تصيب مرات تخيب مرات تجيب العكننة :d:d

[العاقب مصباح]

اقيف بعيد - واعمل شخيط - كده صح يا العاقب :eek::confused::cool::rolleyes:
ود النور - مالك ومال الودع هسه بقلب عليك :cool::rolleyes::mad::)

ياخى اى حاجه بتقوليها صح :d:d

طالما حنفتح محل سوا

والارباح بعرس بيها انا

وانتى ليك الصرفة التانية

واشختى شخيت واقيفى بعيد

[الدكتور]

شوفتو انا جاني خاطر لو رديت كان حاتجيني الردود وسلام

[وضاحة]

والله ياتيسير



في راي ليها علاقة با لشفافية



دمتي بود

[تيسير]

والله ياتيسير



في راي ليها علاقة با لشفافية



دمتي بود


سلامات لوضاحة فجر المشارق فعلا انا اتفق معك تماما الشفافية لها دورها الاساسى فى هذا الامر شكرا لحضورك الانيق

[عبدالرحمن مدثر]

انا لله وانا اليه راجعون

انا لله وانا اليه راجعون

انا لله وانا اليه راجعون

[أشرف صلاح السعيد]

اللهم ارحم تيسير و اغفر لها و ادخلها جنتك و اجعلها مع الشهداء و الصديقين ..

[الجندي المجهول]

اسال الله لك الرحمة والمغفرة ،،،،

لم تكن تدري بأن يد المنون قريبةً منها ،،،،،
انها الدنيا ،،،،،،،
هكذا تمضي بنا الايام ولا ندر بأي أرض نموت وعلى اي خاتمة يكون نهاية المطاف
نسأل الله حسن الخاتمة ،،،

تخريمة : شاركت معها في البوست وبكل تلقائية قصصت عن موقف (حلم ) حصل لوالدتي التي كانت معي العام الماضي وكان ردها جميلاً للغاية ..
كل الذي اعرفه الان أن الاخت تيسير (الله يرحمها) لن تستطيع أن ترد على المشاركات القادمة ....
وكلنا لها ،، ولا ادري في اي مشاركة قد تفيض روحي .... وعلى اي بوست ستكون اخر كتاباتي ....

اتمنى ان تنتهي بتخريمة تعجب الجميع وفيها ذكر الله كثيرا،،،

[أبوريلان]

إنا لله وإنا إليه راجعون

[بنت الرفاعي]

نسأل الله لها الرحمة والمغفرة.

[الجندي المجهول]

اسال الله لك الرحمة والمغفرة ،،،،

لم تكن تدري بأن يد المنون قريبةً منها ،،،،،
انها الدنيا ،،،،،،،
هكذا تمضي بنا الايام ولا ندر بأي أرض نموت وعلى اي خاتمة يكون نهاية المطاف
نسأل الله حسن الخاتمة ،،،

تخريمة : شاركت معها في البوست وبكل تلقائية قصصت عن موقف (حلم ) حصل لوالدتي التي كانت معي العام الماضي وكان ردها جميلاً للغاية ..
كل الذي اعرفه الان أن الاخت تيسير (الله يرحمها) لن تستطيع أن ترد على المشاركات القادمة ....
وكلنا لها ،، ولا ادري في اي مشاركة قد تفيض روحي .... وعلى اي بوست ستكون اخر كتاباتي ....

اتمنى ان تنتهي بتخريمة تعجب الجميع وفيها ذكر الله كثيرا،،،

اللهم اني أسألك حسن الخاتمة ،،

[ساريه]

نسأل الله لها الرحمة والمغفرة.
ولنا بحسن الخاتمه .....

[بابكر]

http://www.paranormalarabia.com/
هذا الرابط به بعض هذه الظواهر
رحم الله تيسير ورزقها جنة الفردوس,, والهم أهلهاوكل من عرفها, الصبر وحسن العزاء وإنا لله وإنا إليه راجعون